346 lines
26 KiB
JSON
346 lines
26 KiB
JSON
[
|
|
{
|
|
"type": "HEADER",
|
|
"value": "А҆́ѵгꙋста к҃ѕ"
|
|
},
|
|
{
|
|
"type": "HEADER",
|
|
"value": "Ст҃ы́хъ мч҃никъ, а҆дрїа́на и҆ ната́лїи."
|
|
},
|
|
{
|
|
"type": "HEADER",
|
|
"value": "На Гдⷭ҇и, воззва́хъ, стїхи̑ры ст҃ы́хъ, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Ꙗ҆́кѡ до́блѧ:"
|
|
},
|
|
{
|
|
"type": "TEXT",
|
|
"value": "Пречестно́е страда́нїе, до́блествєннаѧ борє́нїѧ мꙋ́ченикѡвъ, сла́вне, ᲂу҆зрѣ́въ, самово́льне вда́лсѧ є҆сѝ къ подвигѡ́мъ мꙋ́жескимъ ᲂу҆мо́мъ, не пощади́въ пло́ти любвѐ ра́ди бжⷭ҇твенныѧ. Тѣ́мже проше́лъ є҆сѝ до́блествєнныѧ по́двиги, смири́въ го́рдость сопроти́внагѡ, а҆дрїа́не терпѣливодꙋ́шне."
|
|
},
|
|
{
|
|
"type": "TEXT",
|
|
"value": "Въ темни́цахъ затворѧ́емь, волꙋ́ѧми жи́лами бїе́мь, желѣ́зами же, сла́вне, ѡ҆тѧгчева́емь, и҆ ка́менїемъ сокрꙋша́емь, со мно́жествомъ мꙋ́чєникъ, съ ни́миже блага̑ѧ нбⷭ҇наѧ полꙋчи́лъ є҆сѝ, споспѣ́шницꙋ сꙋпрꙋ́жницꙋ и҆мѣ́ѧ ната́лїю, на бг҃а ᲂу҆пова́вшꙋю, а҆дрїа́не до́блественный."
|
|
},
|
|
{
|
|
"type": "TEXT",
|
|
"value": "А҆да́ма сꙋпрꙋ́жница и҆зъ раѧ̀ и҆згна̀, совѣ́томъ ѕмїи́нымъ: ната́лїа же а҆дрїа́на въ ра́й премꙋ́дрѡ введѐ, сщ҃е́нными бесѣ́дами, ᲂу҆чє́нїи наказꙋ́ющи болѣ́знєннаѧ страда̑нїѧ терпѣ́ти, нбⷭ҇наѧ воздаѧ̑нїѧ хода́тайствꙋющи и҆ вѣ́чнꙋющꙋю сла́вꙋ."
|
|
},
|
|
{
|
|
"type": "HEADER",
|
|
"value": "Сла́ва, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Ѽ сꙋпрꙋ́же ст҃ы́й и҆ и҆збра́нный гдⷭ҇ꙋ! Ѽ версто̀ и҆зрѧ́днаѧ и҆ блаже́ннаѧ бг҃ꙋ! Ѽ вожделѣ́ннаѧ дво́ице, и҆ возлю́бленнаѧ хрⷭ҇тꙋ̀! Кто̀ не ᲂу҆диви́тсѧ ѡ҆ се́мъ, ᲂу҆слы́шавъ си́хъ ꙗ҆̀же вы́ше человѣ́ка дѣѧ̑нїѧ; ка́кѡ же́нскїй по́лъ вмꙋжи́сѧ на го́рькаго мꙋчи́телѧ, и҆ своего̀ све́рстника ᲂу҆крѣпѝ, не вда́тисѧ лю̑тымъ, но ѡ҆ вѣ́рѣ и҆збра́ти є҆́же ᲂу҆мре́ти па́че, не́же жи́ти; ѽ бг҃оплете́нныхъ глагѡ́лъ ната́лїи премꙋ́дрыѧ! Ѽ поꙋче́нїй бжⷭ҇твенныхъ, нб҃са̀ преше́дшихъ, и҆ къ самомꙋ̀ престо́лꙋ вели́кагѡ цр҃ѧ̀, а҆дрїа́на сла́внаго зна́ема поста́вльшихъ! Но, ѽ дво́ице ст҃а́ѧ! Ѡ҆ на́съ бг҃ꙋ моли́тесѧ, любо́вїю творѧ́щихъ па́мѧть ва́шꙋ, напа́стей и҆зба́вити и҆ всѧ́кїѧ ско́рби."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ, и҆лѝ крⷭ҇тобг҃оро́диченъ."
|
|
},
|
|
{
|
|
"type": "TEXT",
|
|
"value": "Подо́бенъ: Всѐ ѿло́жше:"
|
|
},
|
|
{
|
|
"type": "TEXT",
|
|
"value": "Ѻ҆рꙋ́жїе, ꙗ҆́коже речѐ сѷмеѡ́нъ, се́рдце твоѐ про́йде, пречⷭ҇таѧ влⷣчце, є҆гда̀ ᲂу҆зрѣ́ла є҆сѝ и҆зъ тебє̀ возсїѧ́вшаго, неизрече́ннымъ сло́вомъ, ѿ беззако́нныхъ ꙗ҆́кѡ ѡ҆сꙋжде́на возноси́ма на крⷭ҇тъ, ѻ҆́цтомъ и҆ же́лчїю напаѧ́емаго, ре́бра же пробода́ема, и҆ рꙋ́цѣ и҆ но́зѣ пригвожда́емы, и҆ рыда́ющи восклица́ше, мт҃рски вопїю́щи: что̀ сїѐ, ча́до сладча́йшее, но́вое та́инство;"
|
|
},
|
|
{
|
|
"type": "HEADER",
|
|
"value": "На стїхо́внѣ ѻ҆ктѡ́иха. Сла́ва, гла́съ а҃."
|
|
},
|
|
{
|
|
"type": "TEXT",
|
|
"value": "Є҆фре́ма карі́а: Ре́вность мꙋ́жа благочести́ва привлечѐ женꙋ̀ бг҃олюби́вꙋю къ поꙋче́нїю свѣ́тлꙋ: а҆дрїа́нъ бо всеизрѧ́дный, ната́лїиными глагѡ́лы приведе́сѧ, страда́нїѧ тече́нїе соверши́лъ є҆́сть. Ѽ жены̀ бг҃олюби́выѧ нра́вы! Не ꙗ҆́коже бо є҆́ѵа принесѐ а҆да́мꙋ тлѣ́нїе, но жи́знь несконча́емꙋ сꙋпрꙋ́гꙋ и҆схода́таи. Сїю̀ съ мꙋ́жемъ похвалѧ́юще, возопїе́мъ хрⷭ҇тꙋ̀: да́ждь на́мъ по́мощь моли́твами ст҃ы́хъ твои́хъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ, и҆лѝ крⷭ҇тобг҃оро́диченъ."
|
|
},
|
|
{
|
|
"type": "TEXT",
|
|
"value": "Подо́бенъ: Нбⷭ҇ныхъ чинѡ́въ:"
|
|
},
|
|
{
|
|
"type": "TEXT",
|
|
"value": "Оу҆ крⷭ҇та̀ предстоѧ́щи сн҃а и҆ бг҃а твоегѡ̀, и҆ долготерпѣ́нїе тогѡ̀ смотрѧ́ющи, гл҃го́лаше пла́чꙋщи мт҃и чⷭ҇таѧ: ᲂу҆вы̀ мнѣ̀, ча́до сладча́йшее, что̀ сїѧ̑ стра́ждеши непра́веднѡ, сло́ве бж҃їй, да спасе́ши человѣ́чество;"
|
|
},
|
|
{
|
|
"type": "HEADER",
|
|
"value": "Тропа́рь, гла́съ д҃:"
|
|
},
|
|
{
|
|
"type": "TEXT",
|
|
"value": "Мꙋ́чєницы твоѝ, гдⷭ҇и, во страда́нїихъ свои́хъ вѣнцы̀ прїѧ́ша нетлѣ̑нныѧ ѿ тебє̀ бг҃а на́шегѡ: и҆мꙋ́ще бо крѣ́пость твою̀, мꙋчи́телей низложи́ша, сокрꙋши́ша и҆ де́мѡнѡвъ немощны̑ѧ де́рзѡсти. Тѣ́хъ моли́твами спасѝ дꙋ́шы на́шѧ."
|
|
},
|
|
{
|
|
"type": "HEADER",
|
|
"value": "На ᲂу҆́трени ѻ҆́ба канѡ́на ѻ҆ктѡ́иха, и҆ ст҃ы́хъ на д҃. Гла́съ ѕ҃."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ꙗ҆́кѡ по сꙋ́хꙋ пѣшеше́ствовавъ і҆и҃ль по бе́зднѣ стопа́ми, гони́телѧ фараѡ́на ви́дѧ потоплѧ́ема, бг҃ꙋ побѣ́днꙋю пѣ́снь пои́мъ, вопїѧ́ше."
|
|
},
|
|
{
|
|
"type": "TEXT",
|
|
"value": "Въ нощи́ мѧ житїѧ̀, сно́мъ лю́тымъ ѡ҆держи́ма дѣѧ́нїй, къ свѣ́тꙋ покаѧ́нїѧ, бж҃е, воздви́гни, моли́твами мꙋ́чєникъ твои́хъ, хрⷭ҇тѐ, да сла́влю тѧ̀."
|
|
},
|
|
{
|
|
"type": "TEXT",
|
|
"value": "Восто́комъ мы́сленнагѡ сл҃нца ѡ҆зари́вшесѧ мч҃ницы, и҆ днѐ сы́нове бы́вше, всю̀ і҆́дѡльскꙋю мглꙋ̀ крѣ́пкѡ потреби́сте."
|
|
},
|
|
{
|
|
"type": "TEXT",
|
|
"value": "Ѿ ᲂу҆сте́нъ и҆ска́пающихъ сла́дѡсти бжⷭ҇твеннагѡ ра́зꙋма наслади́всѧ, а҆дрїа́не, и҆ ꙗ҆́дъ и҆зблева́лъ є҆сѝ пре́жнѧгѡ неразꙋ́мїѧ вои́стиннꙋ, бг҃облаже́нне."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Твоегѡ̀ прїе́мши содѣ́телѧ, ꙗ҆́кѡ са́мъ восхотѣ̀, ѿ безсѣ́менна твоегѡ̀ чре́ва, па́че ᲂу҆ма̀ воплоща́ема, чⷭ҇таѧ, тва́ри вои́стиннꙋ ꙗ҆ви́ласѧ є҆сѝ влⷣчца."
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "TEXT",
|
|
"value": "І҆рмо́съ: Нѣ́сть свѧ́тъ, ꙗ҆́коже ты̀, гдⷭ҇и бж҃е мо́й, вознесы́й ро́гъ вѣ́рныхъ твои́хъ, бл҃же, и҆ ᲂу҆тверди́вый на́съ на ка́мени и҆сповѣ́данїѧ твоегѡ̀."
|
|
},
|
|
{
|
|
"type": "TEXT",
|
|
"value": "Оу҆́зъ и҆збѣжа́въ і҆́дѡльскагѡ сꙋ́етства, мꙋ́чениче, свѧза́лсѧ є҆сѝ жела́нїемъ любвѐ хрⷭ҇то́вы, и҆ ᲂу҆́замъ страда́лєцъ є҆гѡ̀ ра́достїю приѡбщи́лсѧ є҆сѝ."
|
|
},
|
|
{
|
|
"type": "TEXT",
|
|
"value": "Заво́рами желѣ́зными го́лєни сокрꙋша́еми, страстоте́рпцы гдⷭ҇ни, нече́стїѧ кѡ́сти терпѣ́нїѧ заво́рами и҆ мꙋ́жествомъ вои́стиннꙋ сокрꙋши́сте."
|
|
},
|
|
{
|
|
"type": "TEXT",
|
|
"value": "Ѻ҆гне́мъ любвѐ бжⷭ҇твенныѧ, дꙋ́шꙋ ѡ҆палѧ́емꙋ сꙋпрꙋ́га, распали́ла є҆сѝ жела́нїе ко хрⷭ҇тꙋ̀, любо́вь плотскꙋ́ю, ната́лїе, до конца̀ возненави́дѣвши."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Бжⷭ҇твеннагѡ ржⷭ҇тва̀ твоегѡ̀, чⷭ҇таѧ, всѧ́кїй є҆стества̀ чи́нъ превосхо́дитъ чꙋ́до: бг҃а бо преесте́ственнѣ зачала̀ є҆сѝ во чре́вѣ, и҆ ро́ждши пребыва́еши приснодв҃а."
|
|
},
|
|
{
|
|
"type": "HEADER",
|
|
"value": "Конда́къ, гла́съ д҃:"
|
|
},
|
|
{
|
|
"type": "TEXT",
|
|
"value": "Жены̀ бг҃омꙋ́дрыѧ бжⷭ҇твєннаѧ словеса̀ въ се́рдцѣ положи́въ, а҆дрїа́не мꙋ́чениче хрⷭ҇то́въ, къ мꙋче́нїѧмъ ᲂу҆се́рднѡ ᲂу҆стреми́лсѧ є҆сѝ, съ сꙋпрꙋ́гою вѣне́цъ прїе́мь."
|
|
},
|
|
{
|
|
"type": "HEADER",
|
|
"value": "Сѣда́ленъ, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Оу҆диви́сѧ і҆ѡ́сифъ:"
|
|
},
|
|
{
|
|
"type": "TEXT",
|
|
"value": "Нече́стїѧ запале́нїе, благоче́стїѧ ѡ҆роше́нїемъ ᲂу҆гаси́лъ є҆сѝ, страстоте́рпче, сокрꙋше́нїемъ твои́хъ ᲂу҆дѡ́въ, і҆́дѡльскꙋю крѣ́пость и҆стни́лъ є҆сѝ, сꙋпрꙋ́жницꙋ ѡ҆брѣ́тъ помо́щницꙋ, ко всѣ̑мъ лю̑тымъ, мꙋ́чениче, ѡ҆полче́нїємъ, съ не́ю же въ вы́шнее всели́лсѧ є҆сѝ црⷭ҇тво, а҆дрїа́не крѣпкодꙋ́шне. Хрⷭ҇тꙋ̀ моли́сѧ, да́ти всѣ̑мъ чтꙋ́щымъ тѧ̀ ми́лость."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Треволнє́нїи стра́стными, безсо́вѣстный а҆́зъ ѡ҆бꙋрева́емь, чⷭ҇таѧ, призыва́ю тѧ̀ те́плѣ, да не пре́зриши менє̀ ѻ҆каѧ́ннагѡ поги́бнꙋти, бе́зднꙋ милосе́рдїѧ ро́ждши, ра́звѣ бо тебє̀ наде́жды не и҆́мамъ. Да не врагѡ́мъ ᲂу҆́бѡ ѡ҆бра́дованїе и҆ смѣ́хъ, надѣ́ѧвсѧ на тѧ̀ ꙗ҆влю́сѧ: и҆́бо мо́жеши, є҆ли́кѡ хо́щеши, ꙗ҆́кѡ мт҃и сꙋ́щи всѣ́хъ бг҃а."
|
|
},
|
|
{
|
|
"type": "TEXT",
|
|
"value": "Крⷭ҇тобг҃оро́диченъ: Дв҃а и҆ а҆́гница ви́дѣвши на крⷭ҇тѣ̀, безъ сѣ́мене и҆зъ неѧ̀ а҆́гнца ро́ждшагосѧ, и҆ копїе́мъ прободе́на, печа́ли ᲂу҆ѧ́звлена стрѣла́ми, вопїѧ́ше болѣ́зненнѡ восклица́ющи: что̀ но́вое та́инство; ка́кѡ ᲂу҆мира́еши, и҆́же живота̀ є҆ди́нъ гдⷭ҇ь; тѣ́мже воскрⷭ҇нѝ, па́дшагѡ воздвиза́ѧ пра́ѻтца."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "TEXT",
|
|
"value": "І҆рмо́съ: Хрⷭ҇то́съ, моѧ̀ си́ла, бг҃ъ и҆ гдⷭ҇ь, честна́ѧ цр҃ковь бг҃олѣ́пнѡ пое́тъ взыва́ющи, ѿ смы́сла чи́ста ѡ҆ гдⷭ҇ѣ пра́зднꙋющи."
|
|
},
|
|
{
|
|
"type": "TEXT",
|
|
"value": "Хрⷭ҇та̀ мꙋ́чєницы крѣ́пость стѧжа́вше, некрѣ́пкое сꙋровство̀ гони́телей вои́стиннꙋ попра́вше, и҆ вѣнцы̀ побѣ́ды съ нб҃сѐ прїѧ́ша."
|
|
},
|
|
{
|
|
"type": "TEXT",
|
|
"value": "Гно́емъ всю́дꙋ ѡ҆бтека́ющымъ ст҃ы́хъ тѣлесє́мъ, мѵ́ро бг҃ꙋ вои́стиннꙋ принесе́сѧ, гное́нїе пре́лести ѡ҆чища́ющее держа́вно."
|
|
},
|
|
{
|
|
"type": "TEXT",
|
|
"value": "Твои́ми кровьмѝ ѻ҆де́ждꙋ ѡ҆багри́лъ є҆сѝ себѣ̀ нетлѣ́нїѧ, совле́къ тлѣ́нїѧ ѻ҆де́ждꙋ, и҆ хрⷭ҇тꙋ̀, а҆дрїа́не, со сла́вою ны́нѣ предстои́ши."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ꙗ҆́кѡ вои́стиннꙋ неизвѣща̑нна и҆ непостижи̑ма, ꙗ҆̀же твоегѡ̀ бг҃олѣ́пнагѡ, бцⷣе, сꙋ́ть ржⷭ҇тва̀, сꙋ́щымъ на землѝ и҆ на нб҃сѝ, приснодв҃о та̑инства."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "TEXT",
|
|
"value": "І҆рмо́съ: Бж҃їимъ свѣ́томъ твои́мъ, бл҃же, ᲂу҆́тренюющихъ тѝ дꙋ́шы любо́вїю ѡ҆зарѝ, молю́сѧ, тѧ̀ вѣ́дѣти, сло́ве бж҃їй, и҆́стиннаго бг҃а, ѿ мра́ка грѣхо́внагѡ взыва́юща."
|
|
},
|
|
{
|
|
"type": "TEXT",
|
|
"value": "Десѧти́ца сꙋгꙋ́ба страда́лєцъ, съ просто́ю тро́ицею, хрⷭ҇та̀ ны́нѣ молѧ́ще, разрѣши́ша соꙋ́зъ нече́стїѧ сꙋ́ща безкрѣ́постна, крѣ́постїю тро́ичною до́блественнїи."
|
|
},
|
|
{
|
|
"type": "TEXT",
|
|
"value": "Ꙗ҆́коже со́лнце посредѣ̀ стоѧ̀ ѕвѣ́здъ свѣ́тлыхъ, а҆дрїа́не, съ тобо́ю стра́ждꙋщихъ ѡ҆блиста́лъ є҆сѝ свѣ́томъ благоче́стїѧ, нече́стїѧ мглꙋ̀ ѿгна́въ, и҆ просвѣти́лъ є҆сѝ мі́ра концы̀."
|
|
},
|
|
{
|
|
"type": "TEXT",
|
|
"value": "Роса̀ глагѡ́лъ твои́хъ честны́хъ, и҆сцѣле́нїе болѣ́зней вои́стиннꙋ твоемꙋ̀ сꙋпрꙋ́жникꙋ бы́сть, вкꙋси́вшꙋ лꙋ́чшихъ любо́вь, бг҃омꙋ́драѧ ната́лїе, мꙋ́ченикѡвъ сожи́тельнице."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Бцⷣꙋ тѧ̀ ѿ дꙋшѝ, влⷣчце мі́ра бл҃га́ѧ, и҆сповѣ́дающихъ спасѝ: тѧ́ бо предста́тельство непобори́мое и҆́мамы, и҆́стиннꙋю бг҃ороди́тельницꙋ."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Жите́йское мо́ре воздвиза́емое зрѧ̀ напа́стей бꙋ́рею, къ ти́хомꙋ приста́нищꙋ твоемꙋ̀ прите́къ, вопїю́ ти: возведѝ ѿ тлѝ живо́тъ мо́й, многоми́лостиве."
|
|
},
|
|
{
|
|
"type": "TEXT",
|
|
"value": "Хрⷭ҇то́вою ѡ҆кормлѧ́еми дла́нїю благоче́стнѡ, безбо́жїѧ пꙋчи́нꙋ преидо́сте, и҆ ко приста́нищꙋ ти́хомꙋ вы́шнїѧ свѣ́тлости, страда́льцы гдⷭ҇ни, ᲂу҆стреми́стесѧ."
|
|
},
|
|
{
|
|
"type": "TEXT",
|
|
"value": "Ꙗ҆́кѡ цвѣ́ти благоꙋха́ютъ пѡ́двигъ твои́хъ, мꙋ́дре, ꙗ҆̀же па́че є҆стества̀ ѡ҆долѣ̑нїѧ: и҆́бо бж҃їе ꙗ҆ви́лсѧ є҆сѝ, а҆дрїа́не, благово́нно кади́ло, ѻ҆гне́мъ мꙋ́къ ѡ҆палѧ́емь."
|
|
},
|
|
{
|
|
"type": "TEXT",
|
|
"value": "Добро́тою вѣ́ры ст҃а́ѧ твоѧ̀ дꙋша̀ ᲂу҆кра́шена, всечестна́ѧ, и҆ добро́тꙋ и҆́щꙋщи, ꙗ҆́кѡ вои́стиннꙋ хрⷭ҇то́вꙋ безмѣ́рнꙋю, ната́лїе, жела́нїѧ не погрѣшѝ:"
|
|
},
|
|
{
|
|
"type": "TEXT",
|
|
"value": "Бг҃оро́диченъ: Всечи́стаѧ влⷣчце, ро́ждшаѧ человѣ́кѡмъ ко́рмчїѧ гдⷭ҇а, страсте́й мои́хъ непостоѧ́нное и҆ лю́тое ᲂу҆толѝ смꙋще́нїе, и҆ тишинꙋ̀ пода́ждь се́рдцꙋ моемꙋ̀."
|
|
},
|
|
{
|
|
"type": "HEADER",
|
|
"value": "Конда́къ, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Ꙗ҆ви́лсѧ є҆сѝ дне́сь:"
|
|
},
|
|
{
|
|
"type": "TEXT",
|
|
"value": "Мꙋ́чєникъ возсїѧ̀ бжⷭ҇твеннаѧ па́мѧть, и҆ земны̑ѧ ѡ҆зарѝ всѧ̑ концы̀ свѣ́тло, съ весе́лїемъ зовꙋ́щихъ: ты̀ є҆сѝ мꙋ́ченикѡвъ, хрⷭ҇тѐ, ра́дованїе."
|
|
},
|
|
{
|
|
"type": "TEXT",
|
|
"value": "І҆́косъ: На дре́вѣ крⷭ҇тнѣмъ пло́тїю пригвожде́ннаго, хрⷭ҇та̀ цр҃ѧ̀ возжела́вше до́блественнѣ во́ини, ᲂу҆се́рднѡ болѣ̑зни лю̑тыѧ и҆ мꙋ̑ки стра̑шныѧ претерпѣ́ша, попра́вше і҆́дѡльское нече́стїе всѐ, и҆ беззако́нныхъ сопротивлє́нїѧ низло́жше, десѧти́ца сꙋгꙋ́баѧ и҆ тро́ица мꙋ́чєникъ. Тѣ́мже а҆дрїа́нъ и҆ ната́лїа сꙋпрꙋ́гъ кра́сный си́хъ зрѧ́ще, поревнова́ша и҆̀мъ, и҆ ра́дꙋющесѧ вопїю́тъ: ты̀ є҆сѝ мꙋ́ченикѡвъ, хрⷭ҇тѐ, ра́дованїе."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "TEXT",
|
|
"value": "І҆рмо́съ: Росода́тельнꙋ ᲂу҆́бѡ пе́щь содѣ́ла а҆́гг҃лъ преподѡ́бнымъ ѻ҆трокѡ́мъ, халдє́и же ѡ҆палѧ́ющее велѣ́нїе бж҃їе, мꙋчи́телѧ ᲂу҆вѣща̀ вопи́ти: бл҃гослове́нъ є҆сѝ, бж҃е ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Неѡбори́мы ꙗ҆́коже столпы̀ ꙗ҆ви́стесѧ сїѡ́на вы́шнѧгѡ, мꙋ́чєницы, низложи́вше ᲂу҆тверждє́нїѧ всѧ̑ вра̑жїѧ терпѣ́нїемъ страда́нїѧ ва́шегѡ. Тѣ́мже почита́емъ благоче́стнѡ ва́шꙋ па́мѧть при́снѡ."
|
|
},
|
|
{
|
|
"type": "TEXT",
|
|
"value": "Помо́щница а҆дрїа́нꙋ ната́лїа, ꙗ҆́кѡ є҆динодꙋ́шна ѿ бг҃а дарова́сѧ, и҆звлача́щи ᲂу҆глѣ́бша сего̀ во глꙋбинѣ̀ пре́лести, и҆ ᲂу҆вѣрѧ́ющи вопи́ти: бл҃гослове́нъ бг҃ъ ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Ꙗ҆́кѡ многоцѣ́нно сокро́вище мꙋ́ченика рꙋ́кꙋ скры́вши, не предала̀ є҆сѝ цѣломꙋ́дрїѧ твоегѡ̀ сокро́вища ᲂу҆кра́сти тща́щымсѧ, честна́ѧ, ѡ҆кормлѧ́ема рꙋко́ю ѻ҆тцє́въ бг҃а."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Свѧще́ннїи прⷪ҇ро́цы провозвѣсти́ша, чⷭ҇таѧ, ꙗ҆вле́ннѡ та́инство честна́гѡ ржⷭ҇тва̀ твоегѡ̀: и҆ ны́нѣ мы̀ сбытїѧ̀ и҆здале́ча смотрѧ́юще, благоче́стнѡ тѧ̀ ᲂу҆блажа́емъ."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "TEXT",
|
|
"value": "І҆рмо́съ: И҆зъ пла́мене прпⷣбнымъ ро́сꙋ и҆сточи́лъ є҆сѝ и҆, пра́веднагѡ же́ртвꙋ водо́ю попали́лъ є҆сѝ: всѧ̑ бо твори́ши, хрⷭ҇тѐ, то́кмѡ є҆́же хотѣ́ти. Тѧ̀ превозно́симъ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Ѻ҆гне́мъ мꙋче́нїѧ всесожига́еми, нече́стїѧ пла́мень ве́сь ᲂу҆гаси́сте кровьмѝ ва́шими, страда́льцы, зовꙋ́ще: тѧ̀ превозно́симъ, хрⷭ҇тѐ, во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Жены̀ чꙋ́дныѧ кто̀ не ᲂу҆диви́тсѧ сꙋ́щїѧ къ бг҃ꙋ любвѝ, ꙗ҆́кѡ возненави́дѣ жела́нїе плотско́е, и҆ сꙋпрꙋ́жника ᲂу҆вѣ́ри, честѝ и҆ сла́вити хрⷭ҇та̀ во вѣ́ки всѧ̑."
|
|
},
|
|
{
|
|
"type": "TEXT",
|
|
"value": "Посрами́въ безбо́жныхъ сꙋ́єтства, и҆ возжела́въ хрⷭ҇то́вꙋ красотꙋ̀, сто́лпъ благоче́стїѧ вѣ̑рнымъ бы́лъ є҆сѝ, мꙋ́чениче, страстоте́рпче а҆дрїа́не всебл҃же́нне."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ѿ свѣ́та свѣтода́вца сло́ва зачала̀ є҆сѝ, и҆ ро́ждши несказа́ннѡ пресꙋ́щественнаго: дх҃ъ бо въ тѧ̀, дв҃о, бж҃їй всели́сѧ. Тѣ́мже тѧ̀ пое́мъ, чⷭ҇таѧ, во вѣ́ки."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Бг҃а человѣ́кѡмъ не возмо́жно ви́дѣти, на него́же не смѣ́ютъ чи́ни а҆́гг҃льстїи взира́ти: тобо́ю бо, всечⷭ҇таѧ, ꙗ҆ви́сѧ человѣ́кѡмъ сло́во воплоще́нно. Є҆го́же велича́юще, съ нбⷭ҇ными вѡ́и тѧ̀ ᲂу҆бл҃жа́емъ."
|
|
},
|
|
{
|
|
"type": "TEXT",
|
|
"value": "Оу҆дѡ́въ сокрꙋше́нїе, лю́тыхъ прещє́нїѧ, ни ме́чь, ни ѻ҆́гнь, ни сме́рть пло́ти тлѣ́нныѧ, хрⷭ҇то́вы любвѐ разлꙋчи́ти ва́съ, сла́внїи страда́льцы, ѿню́дъ возмого́ша. Тѣ́мже во вѣ́ки съ ни́мъ при́снѡ веселите́сѧ."
|
|
},
|
|
{
|
|
"type": "TEXT",
|
|
"value": "Свѣщы̀ бг҃освѣ̑тлы, ѕвѣ́зды сїѧ́ющыѧ, свѣти́льницы, на́мъ свѣ́тъ благоче́стїѧ ѡ҆зарѧ́юще, со́лнца сла́вы сїѧ̑нїѧ, ча̑да невече́рнѧгѡ блаже́нства, мꙋ́чєницы ꙗ҆ви́стесѧ хрⷭ҇то́вы всечестні́и."
|
|
},
|
|
{
|
|
"type": "TEXT",
|
|
"value": "И҆сто́чникъ во́дъ и҆спо́лненъ дꙋхо́вныхъ, и҆ рѣка̀ бж҃е́ственныхъ дарова́нїй и҆спо́лнена, и҆ ча́ша страда́нїѧ пролива́ющаѧ то́ки, пꙋчи̑ны спасе́нїѧ, мч҃ницы, ꙗ҆ви́стесѧ, бꙋ́ри напа́стей разли́чныхъ на́съ и҆збавлѧ́юще."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Мє́ртвымъ воста́нїе ны́нѣ дарова́сѧ, твои́мъ несказа́ннымъ и҆ неизрече́ннымъ ржⷭ҇тво́мъ, бцⷣе всечⷭ҇таѧ: жи́знь бо и҆зъ тебє̀ пло́тїю ѡ҆бложе́на всѣ̑мъ возсїѧ̀, и҆ сме́ртнꙋю дрѧ́хлость ꙗ҆́вѣ разрꙋшѝ."
|
|
},
|
|
{
|
|
"type": "HEADER",
|
|
"value": "Свѣти́ленъ."
|
|
},
|
|
{
|
|
"type": "TEXT",
|
|
"value": "Подо́бенъ: Жєны̀ ᲂу҆слы́шите:"
|
|
},
|
|
{
|
|
"type": "TEXT",
|
|
"value": "А҆дрїа́нъ всемꙋ́дрый, страда́льцєвъ ᲂу҆твержде́нїе, съ честно́ю ната́лїею пѣ́сньми досто́йнѡ да почти́тсѧ: съ ни́миже ѡ҆блиста́етъ мꙋ́чєникъ собо́ръ ст҃ы́й. И҆́хже свѣ́тлое торжество̀ соверша́юще благочестномꙋ́дреннѡ, пое́мъ пѣ́сньми бжⷭ҇твенными."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "И҆́же дре́вле мѝ ѡ҆боже́нїю во є҆де́мѣ позави́дѣвша, томи́телѧ ѕмі́ѧ, дв҃о, смири́всѧ во ᲂу҆тро́бѣ твое́й творе́цъ тва́ри и҆ зижди́тель є҆стества̀, бг҃олѣ́пнѡ погꙋбѝ крⷭ҇то́мъ и҆ сме́ртїю, и҆сточа́ѧ мѝ нетлѣ́нїе."
|
|
},
|
|
{
|
|
"type": "HEADER",
|
|
"value": "На стїхо́внѣ ѻ҆ктѡ́иха. Сла́ва, и҆ ны́нѣ, бг҃оро́диченъ:"
|
|
}
|
|
] |