510 lines
43 KiB
JSON
510 lines
43 KiB
JSON
[
|
|
{
|
|
"type": "HEADER",
|
|
"value": "Септе́мврїа к҃з"
|
|
},
|
|
{
|
|
"type": "HEADER",
|
|
"value": "Преставле́нїе прпⷣбнагѡ ѻ҆ц҃а̀ на́шегѡ савва́тїа, солове́цкагѡ чꙋдотво́рца."
|
|
},
|
|
{
|
|
"type": "HEADER",
|
|
"value": "Ве́черъ: Блаже́нъ мꙋ́жъ: На Гдⷭ҇и, воззва́хъ: стїхи̑ры на и҃, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Мч҃ницы твоѝ:"
|
|
},
|
|
{
|
|
"type": "TEXT",
|
|
"value": "Прпⷣбне ѻ҆́ч҃е савва́тїе, любвѐ ра́ди хрⷭ҇то́вы всѧ̑ ꙗ҆̀же на землѝ, преѡби́дѣлъ є҆сѝ, и҆ въ пꙋсты́ню всели́всѧ, по́стническими трꙋды̑ ᲂу҆ѧсни́лъ є҆сѝ житїѐ твоѐ. Тѣ́мъ хрⷭ҇то́съ чꙋде́съ дармѝ ѡ҆богатѝ тѧ̀: помина́й на́съ, чтꙋ́щихъ тѧ̀."
|
|
},
|
|
{
|
|
"type": "TEXT",
|
|
"value": "Прпⷣбенъ и҆ че́стенъ свѣти́льникъ бжⷭ҇твенный и҆ свѣтоно́сный, по́дъ спꙋ́домъ жите́йскїѧ толстоты̀ никогда́же скрыва́етсѧ, но на версѣ̀ полага́етъ є҆го̀ высо́кихъ чꙋде́съ чл҃вѣколю́бецъ. Тогѡ̀ моли́твами, хрⷭ҇тѐ, да́рꙋй лю́демъ твои̑мъ ве́лїю ми́лость."
|
|
},
|
|
{
|
|
"type": "TEXT",
|
|
"value": "Прпⷣбне ѻ҆́ч҃е савва́тїе, ты̀ ѿ ю҆́ности хрⷭ҇тꙋ̀ порабо́тивсѧ, крⷭ҇тъ всечестны́й на ра́мена твоѧ̀ возложи́лъ є҆сѝ, и҆ не возврати́лсѧ є҆сѝ вспѧ́ть, но бы́лъ є҆сѝ ᲂу҆пра́вленъ во црⷭ҇твїе бг҃а, вопло́щшагѡсѧ во спасе́нїе дꙋ́шъ на́шихъ."
|
|
},
|
|
{
|
|
"type": "TEXT",
|
|
"value": "Въ лодїѝ тѣле́снѣй пла́ваѧ, прпⷣбне савва́тїе, кро́ткими дыха́нїи кро́ткагѡ дх҃а легкѡ̀ преше́лъ є҆сѝ жите́йскꙋю пꙋчи́нꙋ, мꙋ́дре: и҆ на би́серѣ многоцѣ́ннѣмъ твоѧ̑ и҆мѣ̑нїѧ прода́въ, и҆ ѡ҆брѣ́тъ є҆го̀ въ себѣ̀, ᲂу҆держа́лъ є҆сѝ, бл҃же́нъ бы́въ бжⷭ҇твенными є҆гѡ̀ сїѧ́нїи."
|
|
},
|
|
{
|
|
"type": "HEADER",
|
|
"value": "Сла́ва, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Прпⷣбне ѻ҆́ч҃е, во всю̀ зе́млю и҆зы́де вѣща́нїе и҆справле́нїй твои́хъ. Тѣ́мъ на нб҃сѣ́хъ ѡ҆брѣ́лъ є҆сѝ мздꙋ̀ трꙋдѡ́въ твои́хъ, де́мѡнскїѧ погꙋби́лъ є҆сѝ полкѝ, и҆ а҆́гг҃льскїѧ дости́глъ є҆сѝ чи́ны, и҆́хже житїю̀ безпоро́чнѡ поревнова́лъ є҆сѝ. Дерзнове́нїе и҆мѣ́ѧ ко хрⷭ҇тꙋ̀ бг҃ꙋ, ми́ръ и҆спросѝ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Кто̀ тебѐ не ᲂу҆блажи́тъ:"
|
|
},
|
|
{
|
|
"type": "HEADER",
|
|
"value": "Вхо́дъ. Прокі́менъ днѐ. Чтє́нїѧ трѝ:"
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́ни чте́нїе."
|
|
},
|
|
{
|
|
"type": "TEXT",
|
|
"value": "(Глава̀ є҃) Пра́вєдницы во вѣ́ки живꙋ́тъ, и҆ въ гдⷭ҇ѣ мзда̀ и҆́хъ, и҆ попече́нїе и҆́хъ ᲂу҆ вы́шнѧгѡ. Сегѡ̀ ра́ди прїи́мꙋтъ црⷭ҇твїе благолѣ́пїѧ, и҆ вѣне́цъ добро́ты ѿ рꙋкѝ гдⷭ҇ни: занѐ десни́цею покры́етъ ѧ҆̀, и҆ мы́шцею защити́тъ и҆̀хъ. Прїи́метъ всеѻрꙋ́жїе рве́нїе своѐ, и҆ воѡрꙋжи́тъ тва́рь въ ме́сть врагѡ́мъ. Ѡ҆блече́тсѧ въ бронѧ̀ пра́вды, и҆ возложи́тъ шле́мъ, сꙋ́дъ нелицемѣ́ренъ. Прїи́метъ щи́тъ непобѣди́мый преподо́бїе: поѡстри́тъ же напра́сный гнѣ́въ во ѻ҆рꙋ́жїе: спобо́ретъ же съ ни́мъ мі́ръ на безꙋ̑мныѧ. По́йдꙋтъ праволꙋ̑чныѧ стрѣ́лы мѡ́лнїины, и҆ ꙗ҆́кѡ ѿ благокрꙋ́гла лꙋ́ка ѻ҆блакѡ́въ на намѣ́ренїе полетѧ́тъ. И҆ ѿ каменоме́тныѧ ꙗ҆́рости, и҆спо́лнь падꙋ́тъ гра́ды, вознегодꙋ́етъ на ни́хъ вода̀ морска́ѧ: рѣ́ки же потопѧ́тъ ѧ҆̀ на́глѡ. Сопроти́въ ста́нетъ и҆̀мъ дꙋ́хъ си́лы, и҆ ꙗ҆́кѡ ви́хоръ развѣ́етъ и҆̀хъ. И҆ ѡ҆пꙋстоши́тъ всю̀ зе́млю беззако́нїе, и҆ ѕлодѣ́йство преврати́тъ престо́лы си́льныхъ. Слы́шите ᲂу҆̀бо, ца́рїе, и҆ разꙋмѣ́йте: навы́кните сꙋдїи̑ концє́въ землѝ. Внꙋши́те держа́щїи мно́жєства и҆ гордѧ́щїисѧ ѡ҆ наро́дѣхъ ꙗ҆зы̑къ: ꙗ҆́кѡ дана̀ є҆́сть ѿ гдⷭ҇а держа́ва ва́мъ, и҆ си́ла ѿ вы́шнѧгѡ."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́ни чте́нїе."
|
|
},
|
|
{
|
|
"type": "TEXT",
|
|
"value": "(Глава̀ г҃) Пра́ведныхъ дꙋ́шы въ рꙋцѣ̀ бж҃їей, и҆ не прико́снетсѧ и҆́хъ мꙋ́ка. Непщева́ни бы́ша во ѻ҆чесѣ́хъ безꙋ́мныхъ ᲂу҆мре́ти, и҆ вмѣни́сѧ ѡ҆ѕлобле́нїе и҆схо́дъ и҆́хъ, и҆ є҆́же ѿ на́съ ше́ствїе сокрꙋше́нїе: ѻ҆ни́ же сꙋ́ть въ ми́рѣ. И҆́бо предъ лице́мъ человѣ́ческимъ а҆́ще и҆ мꙋ́кꙋ прїи́мꙋтъ, ᲂу҆пова́нїе и҆́хъ безсме́ртїѧ и҆спо́лнено. И҆ вма́лѣ нака́зани бы́вше, вели́кими благодѣ́тельствовани бꙋ́дꙋтъ: ꙗ҆́кѡ бг҃ъ и҆скꙋсѝ ѧ҆̀, и҆ ѡ҆брѣ́те и҆̀хъ достѡ́йны себѣ̀. Ꙗ҆́кѡ зла́то въ горни́лѣ и҆скꙋсѝ и҆̀хъ, и҆ ꙗ҆́кѡ всепло́дїе же́ртвенное прїѧ́тъ ѧ҆̀. И҆ во вре́мѧ посѣще́нїѧ и҆́хъ возсїѧ́ютъ, и҆ ꙗ҆́кѡ и҆́скры по сте́блїю потекꙋ́тъ: сꙋ́дѧтъ ꙗ҆зы́кѡмъ, и҆ ѡ҆блада́ютъ людьмѝ, и҆ воцр҃и́тсѧ гдⷭ҇ь въ ни́хъ во вѣ́ки. Надѣ́ющїисѧ на́нь разꙋмѣ́ютъ и҆́стинꙋ, и҆ вѣ́рнїи въ любвѝ пребꙋ́дꙋтъ є҆мꙋ̀: ꙗ҆́кѡ бл҃года́ть и҆ ми́лость въ преподо́бныхъ є҆гѡ̀, и҆ посѣще́нїе во и҆збра́нныхъ є҆гѡ̀."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́ни чте́нїе."
|
|
},
|
|
{
|
|
"type": "TEXT",
|
|
"value": "(Глава̀ д҃) Пра́ведникъ, а҆́ще пости́гнетъ сконча́тисѧ, въ поко́и бꙋ́детъ. Ста́рость бо честна̀ не многолѣ́тна, нижѐ въ числѣ̀ лѣ́тъ и҆счита́етсѧ: сѣди́на же є҆́сть мꙋ́дрость человѣ́кѡмъ, и҆ во́зрастъ ста́рости, житїѐ нескве́рное. Благоꙋго́денъ бг҃ови бы́въ, возлю́бленъ бы́сть, и҆ живы́й посредѣ̀ грѣ̑шникъ преста́вленъ бы́сть. Восхище́нъ бы́сть, да не ѕло́ба и҆змѣни́тъ ра́зꙋма є҆гѡ̀, и҆лѝ ле́сть прельсти́тъ дꙋ́шꙋ є҆гѡ̀. Раче́нїе бо ѕло́бы помрача́етъ дѡ́браѧ, и҆ паре́нїе по́хоти премѣнѧ́етъ ᲂу҆́мъ неѕло́бивъ. Сконча́всѧ вма́лѣ, и҆спо́лни лѣ̑та дѡ́лга: ᲂу҆го́дна бо бѣ̀ гдⷭ҇еви дꙋша̀ є҆гѡ̀: сегѡ̀ ра́ди потща́сѧ ѿ среды̀ лꙋка́вствїѧ: лю́дїе же ви́дѣвше, и҆ не разꙋмѣ́вше, нижѐ поло́жше въ помышле́нїи таково́е: ꙗ҆́кѡ благода́ть и҆ ми́лость въ преподо́бныхъ є҆гѡ̀, и҆ посѣще́нїе во и҆збра́нныхъ є҆гѡ̀."
|
|
},
|
|
{
|
|
"type": "HEADER",
|
|
"value": "На стїхо́внѣ стїхи̑ры, гла́съ є҃."
|
|
},
|
|
{
|
|
"type": "TEXT",
|
|
"value": "Подо́бенъ: Ра́дꙋйсѧ."
|
|
},
|
|
{
|
|
"type": "TEXT",
|
|
"value": "Ра́дꙋйсѧ, свѧще́ннаѧ главо̀, прпⷣбне ѻ҆́ч҃е на́шъ савва́тїе, а҆́гг҃льскимъ ликѡ́мъ собесѣ́дниче: на землѝ добродѣ́тельнѡ пожи́лъ є҆сѝ, и҆ прече́стно и҆ нескве́рнено зерца́ло, дх҃омъ ст҃ы́мъ ѡ҆зарѧ́ешисѧ, пребога́те, и҆ ѡ҆зарѧ́емь прови́дѣлъ є҆сѝ бꙋ̑дꙋщаѧ. Тѣ́мже хрⷭ҇та̀ молѝ, пода́ти дꙋша́мъ на́шымъ ве́лїю ми́лость."
|
|
},
|
|
{
|
|
"type": "TEXT",
|
|
"value": "Сті́хъ: Честна̀ предъ гдⷭ҇емъ сме́рть прпⷣбныхъ є҆гѡ̀."
|
|
},
|
|
{
|
|
"type": "TEXT",
|
|
"value": "Ра́дꙋйсѧ, свѧще́ннаѧ главо̀, прпⷣбне ѻ҆́ч҃е савва́тїе, по́стникѡвъ непоколеби́мый сто́лпе, страсте́й посѣка́ѧ корє́нїѧ, и҆ де́мѡнѡвъ погꙋблѧ́ѧ стремлє́нїѧ, крⷭ҇тнымъ всеѻрꙋ́жїемъ всѧ̑ кознодѣ̑йствїѧ ѿгонѧ́ѧ, и҆ по преставле́нїи твое́мъ жи́въ ст҃ѣ́й трⷪ҇цѣ предстои́ши, за ны̀ молѧ́сѧ, дарова́ти дꙋша́мъ на́шымъ ве́лїю ми́лость."
|
|
},
|
|
{
|
|
"type": "TEXT",
|
|
"value": "Сті́хъ: Блаже́нъ мꙋ́жъ боѧ́йсѧ гдⷭ҇а, въ за́повѣдехъ є҆гѡ̀ восхо́щетъ ѕѣлѡ̀."
|
|
},
|
|
{
|
|
"type": "TEXT",
|
|
"value": "Ра́дꙋйсѧ, свѧще́ннаѧ главо̀, пребл҃же́нне ѻ҆́ч҃е савва́тїе, моли́твою врагѝ ᲂу҆страша́ѧ, неи́стѡвыѧ на ст҃ы́ню сꙋдꙋ̀ бж҃їю предае́ши, и҆ приходѧ́щымъ съ вѣ́рою стра̑сти и҆ недꙋ́ги ѿгонѧ́еши, и҆ слꙋкі̑ѧ и҆справлѧ́еши, и҆ де́мѡны ѿ человѣ̑къ прогонѧ́еши, моли́твою же и҆ свѧще́нныѧ воды̀ ѡ҆кропле́нїемъ, мнѡ́гимъ и҆сцѣле́нїе подава́ѧ, хрⷭ҇та̀ молѧ̀, дарова́ти дꙋша́мъ на́шымъ ве́лїю ми́лость."
|
|
},
|
|
{
|
|
"type": "HEADER",
|
|
"value": "Сла́ва, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Є҆́же по ѻ҆́бразꙋ соблю́дъ невреди́мѡ, ᲂу҆́мъ влады́кꙋ на стра̑сти па̑гꙋбныѧ по́стнически поста́вивъ, во є҆́же по подо́бїю ꙗ҆́кѡ мо́щно возше́лъ є҆сѝ: мꙋ́жески бо є҆стество̀ понꙋ́дивъ, потща́лсѧ є҆сѝ хꙋ́ждшее покори́ти лꙋ́чшемꙋ, и҆ пло́ть порабо́тити дх҃ꙋ. Тѣ́мже мона́шествꙋющихъ ꙗ҆ви́лсѧ є҆сѝ ве́рхъ, жи́тель пꙋсты́нный, благотекꙋ́щихъ ѡ҆бꙋчи́тель, пра́вило добродѣ́тели и҆звѣ́стнѣйшее, и҆ ны́нѣ на нб҃сѣ́хъ, зерца́лѡмъ разрѣ́шшымсѧ, ѻ҆́ч҃е на́шъ савва́тїе, чи́стѣ зри́ши ст҃ꙋ́ю трⷪ҇цꙋ, молѧ́сѧ несре́дственнѣ ѡ҆ и҆̀же вѣ́рою и҆ любо́вїю чтꙋ́щихъ тѧ̀."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ по гла́сꙋ."
|
|
},
|
|
{
|
|
"type": "HEADER",
|
|
"value": "Тропа́рь прпⷣбнагѡ, гла́съ г҃:"
|
|
},
|
|
{
|
|
"type": "TEXT",
|
|
"value": "Оу҆дали́всѧ мі́ра и҆ водвори́всѧ въ пꙋсты́ни, до́брымъ по́двигомъ подвиза́лсѧ є҆сѝ, ѕлострада́нїемъ и҆ внима́нїемъ и҆ моли́твами: ѿѻнꙋ́дꙋже и҆ по сме́рти и҆сточа́еши и҆сцѣлє́нїѧ, савва́тїе ѻ҆́ч҃е на́шъ, молѝ хрⷭ҇та̀ бг҃а, спасти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "HEADER",
|
|
"value": "На ᲂу҆́трени, по а҃-мъ стїхосло́вїи, сѣда́ленъ, гла́съ а҃."
|
|
},
|
|
{
|
|
"type": "TEXT",
|
|
"value": "Подо́бенъ: Ли́къ а҆́гг҃льскїй:"
|
|
},
|
|
{
|
|
"type": "TEXT",
|
|
"value": "Житїѐ на землѝ бл҃гоче́стнѡ сконча́въ, чи́сто селе́нїе ст҃а́гѡ дх҃а ꙗ҆ви́лсѧ є҆сѝ, просвѣща́ѧ вѣ́рою приходѧ́щыѧ къ честно́мꙋ гро́бꙋ твоемꙋ̀, бл҃же́нне. Тѣ́мже молѝ влⷣкꙋ хрⷭ҇та̀ бг҃а, просвѣти́ти дꙋ́шы на́шѧ, пра́зднꙋющихъ всечестнꙋ́ю па́мѧть твою̀, савва́тїе бг҃омꙋ́дре, ѻ҆́ч҃е на́шъ. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Всѣ́хъ творца̀ и҆ влⷣкꙋ, бг҃а же и҆ содѣ́телѧ, всенепоро́чнаѧ чи́стаѧ, дх҃омъ бжⷭ҇твеннымъ въ ложесна́хъ твои́хъ заче́нши, нетлѣ́ннѡ родила̀ є҆сѝ: є҆го́же сла́вѧще, тѧ̀ велича́емъ, дв҃о, ꙗ҆́кѡ пала́тꙋ всѣ́хъ цр҃ѧ̀, и҆ мі́ра защище́нїе."
|
|
},
|
|
{
|
|
"type": "HEADER",
|
|
"value": "По в҃-мъ стїхосло́вїи сѣда́ленъ, гла́съ є҃:"
|
|
},
|
|
{
|
|
"type": "TEXT",
|
|
"value": "Подо́бенъ: Собезнача́льное сло́во:"
|
|
},
|
|
{
|
|
"type": "TEXT",
|
|
"value": "По́стника гдⷭ҇нѧ пѣ́сньми почти́мъ, ᲂу҆мертви́вшаго всѧ̀ прило́ги страсте́й воздержа́нїемъ тве́рдымъ, и҆ крѣ́пкимъ терпѣ́нїемъ вои́стиннꙋ, и҆ посрами́вша ѕѣлѡ̀ проти́внагѡ всю̀ горды́ню, и҆ ны́нѣ молѧ́щасѧ гдⷭ҇ꙋ, поми́ловатисѧ дꙋша́мъ на́шымъ. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Оу҆жа́сно чꙋ́до зача́тїѧ, и҆ несказа́ненъ ѻ҆́бразъ рождества̀, въ тебѣ̀ позна́сѧ, чⷭ҇таѧ приснодв҃о, ᲂу҆жаса́етъ мо́й ᲂу҆́мъ, и҆ ᲂу҆дивлѧ́етъ по́мыслъ. Сла́ва твоѧ̀, бцⷣе, всѣ̑мъ простре́сѧ, во спасе́нїе дꙋ́шъ на́шихъ."
|
|
},
|
|
{
|
|
"type": "HEADER",
|
|
"value": "По полѷеле́и сѣда́ленъ, гла́съ и҃:"
|
|
},
|
|
{
|
|
"type": "TEXT",
|
|
"value": "Є҆гда̀ къ бжⷭ҇твенномꙋ жела́нїю ᲂу҆́мъ тво́й впери́въ, тогда̀ ѡ҆ста́вилъ є҆сѝ до́лꙋ влекꙋ́щее мꙋдрова́нїе, и҆ въ пꙋсты́ню всели́лсѧ є҆сѝ въ морскі́й ѻ҆́стровъ, и҆дѣ́же процвѣ́лъ є҆сѝ ꙗ҆́кѡ крі́нъ добродѣ́тельми прекра́сный, страсте́й и҆скорени́въ те́рнїе, и҆ въ не́мъ всади́лъ є҆сѝ плоды̀ трꙋдѡ́въ твои́хъ. Тѣ́мже и҆ пожа́лъ є҆сѝ снопы̀ неѿе́млемое бога́тство на нб҃сѣ́хъ, савва́тїе прпⷣбне, молѝ хрⷭ҇та̀ бг҃а, согрѣше́нїй ѡ҆ставле́нїе пода́ти, чествꙋ́ющымъ любо́вїю свѧтꙋ́ю па́мѧть твою̀. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Вопло́щшеесѧ сло́во и҆зъ ᲂу҆тро́бы твоеѧ̀ ро́ждши, прест҃а́ѧ, мене́ же растлѣ́ннаго грѣхи̑ ѿ прилѡ́гъ лꙋка́вагѡ ᲂу҆крѣпѝ мт҃и бж҃їѧ, и҆ се́рдце моѐ ѡ҆чи́сти, бг҃обл҃года́тнаѧ, ма́терними твои́ми моли́твами, да и҆ а҆́зъ благода́рнѡ зовꙋ́ ти: марі́е бцⷣе, молѝ сн҃а твоего̀ и҆ бг҃а на́шего, поми́ловати ста́до твоѐ, є҆́же стѧжа́ла є҆сѝ, всенепоро́чнаѧ."
|
|
},
|
|
{
|
|
"type": "HEADER",
|
|
"value": "Та́же, Степє́нна. А҆нтїфѡ́нъ а҃-й д҃-гѡ гла́са."
|
|
},
|
|
{
|
|
"type": "TEXT",
|
|
"value": "Прокі́менъ: Честна̀ предъ гдⷭ҇емъ сме́рть прпⷣбныхъ є҆гѡ̀."
|
|
},
|
|
{
|
|
"type": "TEXT",
|
|
"value": "Сті́хъ: Что̀ возда́мъ гдⷭ҇еви ѡ҆ всѣ́хъ: Є҆ѵⷢ҇лїе матѳе́а, зача́ло м҃г."
|
|
},
|
|
{
|
|
"type": "HEADER",
|
|
"value": "По н҃-мъ ѱалмѣ̀ стїхи́ра, гла́съ ѕ҃:"
|
|
},
|
|
{
|
|
"type": "TEXT",
|
|
"value": "И҆́же на землѝ а҆́гг҃ла, и҆ на нб҃сѝ человѣ́ка бж҃їѧ, мѵ́ра благово́нїе, пи́щꙋ благи́хъ добродѣ́телей, по́стникѡвъ похвалꙋ̀ савва́тїа почти́мъ: насажде́нъ бо въ домꙋ̀ гдⷭ҇ни, и҆ процвѣтѐ пра́веднѡ ꙗ҆́кѡ ке́дръ въ пꙋсты́ни, ᲂу҆мно́живъ ста́до хрⷭ҇то́во слове́сныхъ ѻ҆ве́цъ въ преподо́бїи и҆ пра́вдѣ."
|
|
},
|
|
{
|
|
"type": "HEADER",
|
|
"value": "Канѡ́нъ бцⷣы на ѕ҃: и҆ прпⷣбнагѡ савва́тїа на и҃. Гла́съ в҃."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Грѧди́те, лю́дїе, пои́мъ пѣ́снь хрⷭ҇тꙋ̀ бг҃ꙋ, раздѣ́льшемꙋ мо́ре, и҆ наста́вльшемꙋ лю́ди, ꙗ҆̀же и҆зведѐ и҆зъ рабо́ты є҆гѵ́петскїѧ, ꙗ҆́кѡ просла́висѧ."
|
|
},
|
|
{
|
|
"type": "TEXT",
|
|
"value": "Просвѣще́нїемъ трисо́лнечнагѡ бжⷭ҇тва̀ ѡ҆зари́всѧ, прпⷣбне, свѣти́льникъ сїѧ́ѧ ꙗ҆ви́лсѧ є҆сѝ, просвѣща́ѧ вѣ́рнѡ свѣтоно́снꙋю твою̀ па́мѧть чтꙋ́щыѧ."
|
|
},
|
|
{
|
|
"type": "TEXT",
|
|
"value": "Со́вѣсть и҆мѣ́лъ є҆сѝ, бла́гꙋ, и҆ ѻ҆́ко серде́чное взира́ющее къ бг҃ꙋ. Тѣ́мже и҆ хрⷭ҇то́съ внѧ́тъ моли́твѣ твое́й, мꙋ́дре, и҆ съ прпⷣбными сочта́ тѧ."
|
|
},
|
|
{
|
|
"type": "TEXT",
|
|
"value": "Ве́сь трⷪ҇цы бы́лъ є҆сѝ жили́ще, и҆ та́мѡ дꙋше́вное возложи́лъ є҆сѝ жела́нїе, прпⷣбне. Сегѡ̀ ра́ди вѣ́чнꙋю па́мѧть воспрїѧ́лъ є҆сѝ, и҆ жи́знь неконча́емꙋю."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Пло́тїю ро́ждши безпло́тнаго, бцⷣе чⷭ҇таѧ, стра̑сти лю̑тыѧ ᲂу҆толѝ ᲂу҆ма̀ моегѡ̀, дв҃о, и҆ и҆спра́ви мѧ̀, мт҃и бж҃їѧ, заблꙋ́ждшаго, ꙗ҆́кѡ да сла́влю тѧ̀."
|
|
},
|
|
{
|
|
"type": "TEXT",
|
|
"value": "Катава́сїа: Ѿве́рзꙋ ᲂу҆ста̀ моѧ̑:"
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "TEXT",
|
|
"value": "І҆рмо́съ: На ка́мени мѧ̀ вѣ́ры ᲂу҆тверди́въ, разшири́лъ є҆сѝ ᲂу҆ста̀ моѧ̑ на врагѝ моѧ̑, возвесели́босѧ дꙋ́хъ мо́й, внегда̀ пѣ́ти: нѣ́сть свѧ́тъ, ꙗ҆́коже бг҃ъ на́шъ, и҆ нѣ́сть пра́веденъ, па́че тебє̀ гдⷭ҇и."
|
|
},
|
|
{
|
|
"type": "TEXT",
|
|
"value": "Напо́лнивъ се́рдце твоѐ сле́зными потѡ́ки, прпⷣбне савва́тїе, плоды̀ всѧ́кихъ добродѣ́телей и҆зносѧ́щее, чꙋде́съ показа́нїемъ, пребл҃же́нне."
|
|
},
|
|
{
|
|
"type": "TEXT",
|
|
"value": "Высото́ю смире́нїѧ ᲂу҆краша́емый, прпⷣбне, низве́рглъ є҆сѝ на зе́млю велехва́льнаго, савва́тїе ѻ҆́ч҃е пребл҃же́нне, и҆зрѧ́дными дѣ́лы твои́ми, посто́мъ и҆ моли́твами."
|
|
},
|
|
{
|
|
"type": "TEXT",
|
|
"value": "И҆сцѣлє́нїѧ безчи́слєннаѧ и҆сточа́етъ гро́бъ тво́й, пребл҃же́нне ѻ҆́ч҃е, и҆ ѿго́нитъ болѣ̑зни человѣ́чєскїѧ, и҆ дꙋшє́вныѧ врачꙋ́етъ стра̑сти, похвалѧ́ющихъ трꙋды̀ твоѧ̀, всече́стне."
|
|
},
|
|
{
|
|
"type": "TEXT",
|
|
"value": "Бг҃оро́диченъ: И҆зъ ложе́снъ твои́хъ возсїѧ̀ пресла́внѡ, вели́кое сл҃нце хрⷭ҇то́съ бг҃ъ, бцⷣе дв҃о, всѧ̑ земны̑ѧ концы̀ просвѣти́въ, и҆ прпⷣбныхъ ли́къ че́стнѡ прїѧ́тъ."
|
|
},
|
|
{
|
|
"type": "HEADER",
|
|
"value": "Сѣда́ленъ, гла́съ д҃:"
|
|
},
|
|
{
|
|
"type": "TEXT",
|
|
"value": "Жите́йское мо́ре воздержа́нїемъ безъ трꙋда̀ преплы́въ, ко приста́нищꙋ ти́хомꙋ безстра́стїѧ, ра́дꙋѧсѧ приста́лъ є҆сѝ, прпⷣбне ѻ҆́ч҃е савва́тїе, бг҃омꙋ́дре и҆ пребл҃же́нне. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Дѣ́вство и҆ ржⷭ҇тво̀, вы́ше є҆стества̀, въ тебѣ̀, бцⷣе, совокꙋпи́сѧ, ꙗ҆́кѡ всѣ́хъ содѣ́телѧ и҆ бг҃а воплоти́вшагосѧ породила̀ є҆сѝ сп҃са дꙋ́шъ на́шихъ."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "TEXT",
|
|
"value": "І҆рмо́съ: Прише́лъ є҆сѝ ѿ дв҃ы, не хода́тай, ни а҆́гг҃лъ, но са́мъ, гдⷭ҇и, вопло́щсѧ, и҆ спа́слъ є҆сѝ всего́ мѧ человѣ́ка. Тѣ́мъ зовꙋ́ ти: сла́ва си́лѣ твое́й, гдⷭ҇и."
|
|
},
|
|
{
|
|
"type": "TEXT",
|
|
"value": "Зе́млю до́льнюю преминꙋ́въ, нбⷭ҇нꙋю стѧжа́лъ є҆сѝ жи́знь, и҆ со безпло́тными ли́ки смѣси́лсѧ є҆сѝ, прпⷣбне савва́тїе, содѣ́лавъ дꙋ́шꙋ твою̀ хра́мъ дх҃а ст҃а́гѡ, и҆ кро́ткихъ зе́млю наслѣ́довалъ є҆сѝ."
|
|
},
|
|
{
|
|
"type": "TEXT",
|
|
"value": "Ꙗ҆́кѡ хрⷭ҇то́во смире́нїе возлюби́въ, прпⷣбне савва́тїе, стѧжа́лъ є҆сѝ безстра́стїе: смири́въ же всю̀ де́мѡнскꙋю горды́ню, бл҃же́нне, низложи́въ низве́рглъ є҆сѝ."
|
|
},
|
|
{
|
|
"type": "TEXT",
|
|
"value": "Возсїѧ̀ ꙗ҆́кѡ со́лнце ѿ восто́ка чꙋде́съ лꙋча́ми, и҆ а҆́гг҃льскомꙋ житїю̀ поревнова́въ, непреста́нными моли́твами, прпⷣбне, просвѣти́лъ є҆сѝ всю̀ подсо́лнечнꙋю."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Блажи́тъ тѧ̀, прест҃а́ѧ бцⷣе, всѧ́къ возра́стъ, и҆ всѧ́ка дꙋша̀ вѣ́рныхъ: бж҃їе бо сло́во, па́че ᲂу҆ма̀, и҆ сло́ва, родила̀ є҆сѝ, препѣ́таѧ."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "TEXT",
|
|
"value": "І҆рмо́съ: Свѣ́та пода́телю, и҆ вѣкѡ́въ тво́рче, гдⷭ҇и, во свѣ́тѣ твои́хъ повелѣ́нїй наста́ви на́съ: ра́звѣ бо тебє̀ и҆но́гѡ бо́га не зна́емъ."
|
|
},
|
|
{
|
|
"type": "TEXT",
|
|
"value": "Возсїѧ̀ тебѣ̀ гдⷭ҇ь ѿ дв҃ы, є҆гѡ́же возжелѣ́лъ є҆сѝ, прпⷣбне савва́тїе, жили́ще и҆мѣ́ющꙋ въ морско́мъ ѻ҆́стровѣ любвѐ ра́ди є҆гѡ̀: и҆ ны́нѣ тогѡ̀ сла́вы наслажда́ешисѧ непреста́ннѡ."
|
|
},
|
|
{
|
|
"type": "TEXT",
|
|
"value": "Є҆ди́ной хрⷭ҇то́вѣ любвѝ, прпⷣбне савва́тїе, приложи́всѧ, и҆ все́ю дꙋше́ю потща́всѧ, и҆спо́лнитель бж҃їихъ за́повѣдей бы́ти, и҆ мно́гихъ чꙋде́съ, прпⷣбне, прїѧ́лъ є҆сѝ бл҃года́ть."
|
|
},
|
|
{
|
|
"type": "TEXT",
|
|
"value": "Неѕло́бивъ и҆ кро́токъ бы́въ, всѧ̑ ѕлѡ́бы вра̑жїѧ погꙋби́лъ є҆сѝ: и҆ ми́лостивъ до конца̀ ꙗ҆́вльсѧ, ми́лость дꙋше́внꙋю стѧжа́лъ є҆сѝ ѿ є҆ди́нагѡ бг҃а, и҆ бл҃года́ть и҆ ми́лость прїѧ́лъ є҆сѝ и҆́стиннꙋю."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Воспо́йте гдⷭ҇еви всѧ̀ землѧ̀, по́йте всѝ ꙗ҆ви́вшемꙋсѧ и҆зъ чре́ва дв҃ы неизрече́ннѡ, и҆ сїю̀ вѣ̑рнымъ показа́вшаго тве́рдꙋю наде́ждꙋ и҆ похвалꙋ̀."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Въ бе́зднѣ грѣхо́внѣй валѧ́ѧсѧ, неизслѣ́днꙋю милосе́рдїѧ твоегѡ̀ призыва́ю бе́зднꙋ: ѿ тлѝ, бж҃е, мѧ̀ возведѝ."
|
|
},
|
|
{
|
|
"type": "TEXT",
|
|
"value": "Си́лою хрⷭ҇то́вою ᲂу҆крѣплѧ́емь, прпⷣбне савва́тїе, всѧ̑ кова̑рствїѧ лꙋка́вагѡ низве́рглъ є҆сѝ, и҆ ны́нѣ безстра́стїѧ ᲂу҆мо́мъ ѡ҆чище́ннымъ, предстои́ши бг҃ꙋ вседержи́телю, на него́же всѐ жела́нїе возложи́лъ є҆сѝ."
|
|
},
|
|
{
|
|
"type": "TEXT",
|
|
"value": "Твоѧ̑, всебл҃же́нне савва́тїе, прпⷣбныѧ мо́щи во гро́бѣ лежа́ще, недꙋ́ги врачꙋ́ютъ, де́мѡнскїѧ же полкѝ ѿгонѧ́ютъ всегда̀, ѿ дꙋшѝ приходѧ́щихъ съ вѣ́рою."
|
|
},
|
|
{
|
|
"type": "TEXT",
|
|
"value": "Бжⷭ҇твенныхъ повелѣ́нїй, ѻ҆́ч҃е, нра́вы стѧжа́въ, кро́тость и҆ безмо́лвїе и҆ смире́нїе. Сегѡ̀ ра́ди ѿ бл҃годѣ́телѧ бг҃а бога́тно дарова́нїе прїѧ́лъ є҆сѝ, и҆сцѣле́нїѧ да́ръ тре́бꙋющымъ да́рꙋеши."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Дꙋшє́вныѧ моѧ̑ стра̑сти, пречⷭ҇таѧ, и҆сцѣлѝ, ꙗ҆́же безстра́стїѧ бы́вши и҆сто́чникъ, просвѣти́вшаѧ преподо́бныхъ ли́ки ржⷭ҇тво́мъ твои́мъ."
|
|
},
|
|
{
|
|
"type": "HEADER",
|
|
"value": "Конда́къ, гла́съ в҃:"
|
|
},
|
|
{
|
|
"type": "TEXT",
|
|
"value": "Жите́йскїѧ молвы̀ ѿбѣ́гъ, всели́лсѧ є҆сѝ въ морскі́й ѻ҆́стровъ, мꙋ́дре: и҆ крⷭ҇тъ тво́й взе́мъ, хрⷭ҇тꙋ̀ послѣ́довалъ є҆сѝ, въ моли́твахъ и҆ во бдѣ́нїихъ и҆ въ поще́нїихъ, ѕлострада́ньми пло́ть твою̀ и҆знꙋрѧ́ѧ: тѣ́мъ бы́лъ є҆сѝ прпⷣбныхъ ᲂу҆добре́нїе. Сегѡ̀ ра́ди любо́вїю па́мѧть твою̀ пра́зднꙋемъ, прпⷣбне савва́тїе, молѝ хрⷭ҇та̀ бг҃а непреста́ннѡ ѡ҆ всѣ́хъ на́съ."
|
|
},
|
|
{
|
|
"type": "TEXT",
|
|
"value": "І҆́косъ: Ка́кѡ возмогꙋ̀ твоѧ̑ премнѡ́гаѧ чꙋдеса̀, ѻ҆́ч҃е, и҆зрещѝ, и҆лѝ трꙋды̀ твоѧ̑ и҆ ѕлострада̑нїѧ, и҆́миже потрꙋди́лсѧ є҆сѝ, прпⷣбне савва́тїе, а҆́ще не ты̀, свѧ́те, пода́си мѝ сло́во недосто́йномꙋ рабꙋ̀ твоемꙋ̀; ты́ бо є҆сѝ мона́хѡвъ похвала̀ и҆ ᲂу҆твержде́нїе. Съ ни́миже хрⷭ҇та̀ бг҃а молѝ непреста́ннѡ ѡ҆ всѣ́хъ на́съ."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ѻ҆́бразꙋ злато́мꙋ на по́лѣ деи́рѣ слꙋжи́мꙋ, трїѐ твоѝ ѻ҆́троцы небрего́ша безбо́жнагѡ велѣ́нїѧ: посредѣ́ же ѻ҆гнѧ̀ вве́ржени, ѡ҆роша́еми поѧ́хꙋ: бл҃гослове́нъ є҆сѝ, бж҃е ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Всѣ́хъ текꙋ́щихъ привре́менныхъ страсте́й, прпⷣбне савва́тїе, сподо́билсѧ є҆сѝ ᲂу҆бѣжа́ти, всю̀ наде́ждꙋ стѧжа́въ къ бг҃ꙋ. Є҆гѡ́же ра́ди дѣ́йствꙋеши, бл҃же́нне, пресла̑внаѧ чꙋдеса̀, поѧ̀: ѻ҆тцє́въ на́шихъ бж҃е, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Ѻ҆рꙋ́жїемъ моли́твъ твои́хъ лꙋка̑выѧ побѣди́въ полкѝ, съ нб҃сѐ бл҃года́ть прїѧ́лъ є҆сѝ цѣли́ти недꙋ́ги, и҆ прогонѧ́ти де́мѡны ѿ взыва́ющихъ вѣ́рою: бл҃гослове́нъ бг҃ъ ѻ҆тцє́въ на́шихъ."
|
|
},
|
|
{
|
|
"type": "TEXT",
|
|
"value": "Пло́ть твою̀ повинꙋ́въ дꙋ́хꙋ, ѻ҆́ч҃е прпⷣбне савва́тїе, въ воздержа́нїи всѧ́цѣмъ пожи́лъ є҆сѝ, въ трꙋдѣ́хъ и҆ бдѣ́нїихъ, прехва́льне, и҆мѣ́ѧ чи́стꙋ со́вѣсть, житїѐ нбⷭ҇ное, воспѣва́ѧ: бл҃гослове́нъ бг҃ъ ѻ҆тцє́въ на́шихъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ѻ҆рꙋ́жїе, чⷭ҇таѧ дв҃о, хранѧ́щее пре́жде врата̀ є҆дє́мскаѧ, плещѝ всѣ̑мъ дае́тъ, низложи́вшымъ по́стнически бори́телѧ врага̀, и҆ при́снѡ взыва́ющымъ: ѻ҆тцє́въ на́шихъ бж҃е, бл҃гослове́нъ є҆сѝ."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "TEXT",
|
|
"value": "І҆рмо́съ: Въ пе́щь ѻ҆́гненнꙋю ко ѻ҆трокѡ́мъ є҆врє́йскимъ снизше́дшаго, и҆ пла́мень въ ро́сꙋ прело́жшаго бг҃а, по́йте дѣла̀, ꙗ҆́кѡ гдⷭ҇а, и҆ превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Мы́слїю ѡ҆чище́нною, прпⷣбне савва́тїе, къ бг҃ꙋ приближа́ѧсѧ, и҆ всѣ̑мъ всѧ́къ бы́въ, да хрⷭ҇та̀ приѡбрѧ́щеши: молѝ спастѝ всѧ̑ пою́щыѧ тѧ̀, прпⷣбне ѻ҆́ч҃е."
|
|
},
|
|
{
|
|
"type": "TEXT",
|
|
"value": "Сле́зъ твои́хъ ка̑пли погаси́ша ѻ҆́гнь грѣхо́вный, рѣкꙋ́ же чꙋде́съ показа́лъ є҆сѝ всѣ̑мъ на́мъ, всѧ̑кїѧ стра̑сти потоплѧ́ющꙋ, притека́ющихъ къ тебѣ̀, ѻ҆́ч҃е прехва́льне."
|
|
},
|
|
{
|
|
"type": "TEXT",
|
|
"value": "Вѣ́рꙋ и҆ наде́ждꙋ неразори́мꙋ, и҆ любо́вь и҆́стиннꙋю и҆мѣ́лъ є҆сѝ, ѻ҆́ч҃е, и҆ бжⷭ҇твенное прирадѣ́нїе: терпѣ́нїе бла́го, и҆ поꙋче́нїе дꙋхо́вныхъ слове́съ, смиреномꙋ́дрїе, и҆ соверше́нное безѕло́бїе."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Спаси́ мѧ, мт҃и бж҃їѧ, спасе́нїѧ нача́ло мі́ра ꙗ҆́вльшисѧ, и҆збавлѧ́ющи мѧ̀ молвы̀, и҆ нечи́стыхъ страсте́й, и҆ всѧ́кїѧ проти́вныѧ ско́рби, да тѧ̀ сла́влю во всѧ̑ вѣ́ки."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Безнача́льна роди́телѧ сн҃ъ, бг҃ъ и҆ гдⷭ҇ь, вопло́щсѧ ѿ дв҃ы на́мъ ꙗ҆ви́сѧ, ѡ҆мрачє́ннаѧ просвѣти́ти, собра́ти расточє́ннаѧ. Тѣ́мъ всепѣ́тꙋю бцⷣꙋ велича́емъ."
|
|
},
|
|
{
|
|
"type": "TEXT",
|
|
"value": "Процвѣ́лъ є҆сѝ въ по́двизѣхъ по́стническихъ, прехва́льне ѻ҆́ч҃е на́шъ савва́тїе, ꙗ҆́кѡ шипо́къ благово́ненъ, и҆ ꙗ҆́коже крі́нъ ѡ҆б̾юха́лъ є҆сѝ сѡ́вѣсти вѣ́рныхъ добродѣ́тельми и҆ чꙋдесы̀. Тѣ́мже, прпⷣбне, ѿженѝ ѿ на́съ стра̑сти смердѧ́щыѧ."
|
|
},
|
|
{
|
|
"type": "TEXT",
|
|
"value": "Ѿве́рзесѧ тебѣ̀, ѻ҆́ч҃е, нбⷭ҇ное црⷭ҇твїе, сконча́вшꙋ до́брое тече́нїе, и҆ ви́диши, ꙗ҆̀же а҆́гг҃ли ви́дѧтъ, и҆ трꙋдѡ́въ воздаѧ́нїе тебѣ̀ подае́тъ по́чєсти хрⷭ҇то́съ, чествꙋ́ѧ тѧ̀ своего̀ ᲂу҆го́дника. Тѣ́мже тѧ̀, прпⷣбне, ᲂу҆блажа́емъ."
|
|
},
|
|
{
|
|
"type": "TEXT",
|
|
"value": "Сле́зъ твои́хъ проли́тїемъ ѻ҆́гнь грѣхо́вный погаси́лъ є҆сѝ, бг҃ꙋ ᲂу҆годи́въ, савва́тїе прпⷣбне, сокрꙋши́лъ є҆сѝ де́мѡнѡвъ кѡ́зни: тѣ́мже предстоѧ́ще ра́цѣ моще́й твои́хъ, вѣ́рнѡ ᲂу҆блажа́емъ тѧ̀, досточꙋ́дне."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Пощади́ мѧ, гдⷭ҇и, пощадѝ, є҆гда̀ хо́щеши мѝ сꙋди́ти: и҆ не ѡ҆сꙋдѝ менѐ во ѻ҆́гнь, нижѐ ꙗ҆́ростїю твое́ю ѡ҆бличѝ менѐ, мо́литъ тѧ̀, хрⷭ҇тѐ, ро́ждшаѧ тѧ̀ дв҃а, и҆ а҆́гг҃льстїи чи́ни, и҆ прпⷣбныхъ собо́ри."
|
|
},
|
|
{
|
|
"type": "TEXT",
|
|
"value": "Свѣти́ленъ: Свѧты́ни хра́мъ бы́лъ є҆сѝ, бл҃же́нне, по бжⷭ҇твенномꙋ прича́стїю, ра́йскїй граждани́нъ, въ не́мже напитава́ешисѧ невозбра́ннѡ дре́ва разꙋ́мнагѡ, и҆ нетлѣ́нныѧ сла́вы, па́мѧть творѧ̀, савва́тїе ѻ҆́ч҃е бг҃омꙋ́дре, вѣ́рнѡ хва́лѧщихъ тѧ̀. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ:"
|
|
},
|
|
{
|
|
"type": "TEXT",
|
|
"value": "Ра́дꙋйсѧ, вѣ́рныхъ похвало̀. Ра́дꙋйсѧ, прпⷣбныхъ ᲂу҆тверже́нїе. Ра́дꙋйсѧ, правосла́вныхъ сла́во. Ра́дꙋйсѧ, свѣ́тъ сꙋ́щихъ во тмѣ̀. Ра́дꙋйсѧ, хра́ме прест҃ы́й. Ра́дꙋйсѧ, бж҃їй раю̀, клѧ́твы разрѣше́нїе, бл҃гослове́ннаѧ марі́е."
|
|
},
|
|
{
|
|
"type": "HEADER",
|
|
"value": "На хвали́техъ стїхи̑ры на д҃, гла́съ є҃."
|
|
},
|
|
{
|
|
"type": "TEXT",
|
|
"value": "Подо́бенъ: Прпⷣбне ѻ҆́ч҃е:"
|
|
},
|
|
{
|
|
"type": "TEXT",
|
|
"value": "Прпⷣбне ѻ҆́ч҃е бг҃оно́се савва́тїе, вельмѝ подвиза́лсѧ є҆сѝ во вре́меннѣй жи́зни, пѣ́сньми и҆ посто́мъ и҆ моли́твами ѻ҆́бразъ бы́въ твои̑мъ ᲂу҆ченикѡ́мъ, и҆ ны́нѣ ликꙋ́еши съ безпло́тными, хрⷭ҇та̀ непреста́ннѡ славосло́вѧ, ѿ бг҃а бг҃а сло́ва, и҆зба́вителѧ, прекло́ншаго главꙋ̀ на крⷭ҇тѣ̀, и҆ и҆зба́вльшаго ро́дъ человѣ́ческїй ѿ пре́лести. Того̀ ᲂу҆̀бо молѝ, прпⷣбне, дарова́ти на́мъ ми́ръ и҆ ве́лїю ми́лость."
|
|
},
|
|
{
|
|
"type": "TEXT",
|
|
"value": "Прпⷣбне ѻ҆́ч҃е бг҃оно́се савва́тїе, и҆́стиннѡ сподо́билсѧ є҆сѝ бл҃же́нныѧ жи́зни, ю҆́же чистото́ю и҆ поще́нїемъ ѡ҆брѣ́лъ є҆сѝ: преста́вивсѧ бо ѿсю́дꙋ, живе́ши и҆́стиннꙋю жи́знь, со а҆́гг҃лы хрⷭ҇та̀ непреста́ннѡ славосло́вѧ, и҆зъ дв҃ы неизрече́ннѡ пло́ть прїи́мшаго, и҆спрове́ргшаго а҆́да, и҆ воскреси́вшаго мє́ртвыѧ ѿ вѣ́ка. Того̀ молѝ, томꙋ̀ помоли́сѧ, прпⷣбне, дарова́ти вселе́ннѣй ми́ръ и҆ ве́лїю ми́лость."
|
|
},
|
|
{
|
|
"type": "TEXT",
|
|
"value": "Блаже́нна пречестна́ѧ ѻ҆би́тель твоѧ̀, ѻ҆́ч҃е бг҃омꙋ́дре, и҆мꙋ́щи въ себѣ̀ честны̑ѧ твоѧ̑ мо́щи, бл҃же́нне, ꙗ҆̀же съ вѣ́рою приходѧ́щымъ подаю́тъ ѻ҆би́льнѡ и҆сцѣлє́нїѧ. Блаже́ни ᲂу҆ченицы̀ твоѝ, и҆̀же такова́гѡ ѻ҆тца̀ ча̑да нареко́шасѧ, прпⷣбне савва́тїе, моли́твенниче те́плый: моли́сѧ ко гдⷭ҇ꙋ ѡ҆ дꙋша́хъ на́шихъ."
|
|
},
|
|
{
|
|
"type": "TEXT",
|
|
"value": "Ны́нѣ всесвѧще́нное и҆ непоро́чное тѣ́ло твоѐ, прпⷣбне ѻ҆́ч҃е на́шъ савва́тїе, лежа́що во ѻ҆би́тели твое́й, въ не́йже мно́гѡ трꙋди́лсѧ є҆сѝ, и҆сцѣлє́нїѧ неѡскꙋ́днѡ подае́тъ съ вѣ́рою приходѧ́щымъ. Тѣ́мже мо́лимъ тѧ̀, ѻ҆́ч҃е бл҃же́нне: моли́твами твои́ми ко гдⷭ҇ꙋ, дꙋше́вное на́мъ и҆ тѣле́сное здра́вїе пода́ти и҆спросѝ, тѧ̀ вѣ́рою блажа́щымъ."
|
|
},
|
|
{
|
|
"type": "HEADER",
|
|
"value": "Сла́ва, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Прїиди́те, всѝ мона́шествꙋющїи, прїиди́те празднолю́бцы, и҆ по́стникѡвъ сосло́вїе, вѣ́рою соше́дшесѧ, и҆́стиннаго по́стника дне́сь почти́мъ вопїю́ще: ра́дꙋйсѧ, ше́ствовавый по стопа́мъ влⷣки хрⷭ҇та̀ ᲂу҆́зкїй пꙋ́ть, и҆ безпристра́стное житїѐ. ꙗ҆́коже дре́вле а҆враа́мъ пра́ведный, и҆ ѻ҆тцы̀ прпⷣбнїи, страннолю́бїе притѧжа́лъ є҆сѝ: та́коже пресели́всѧ ѿ ѻ҆те́чества твоегѡ̀, и҆ всели́всѧ во ѻ҆́стровѣ морско́мъ, и҆ въ не́мъ тече́нїе пѡ́двигъ твои́хъ сконча́лъ є҆сѝ. И҆ ны́нѣ и҆сточа́ютъ и҆сцѣлє́нїѧ честны̑ѧ твоѧ̑ мо́щи всѣ̑мъ, притека́ющымъ съ вѣ́рою, и҆ вопїю́щымъ: ѽ всеблаже́нне и҆ прпⷣбне, по́стникѡвъ похвало̀, и҆ собесѣ́дниче безпло́тныхъ, мона́хѡвъ наста́вниче. ѡ҆ на́съ хрⷭ҇тꙋ̀ бг҃ꙋ моли́сѧ, да всегда̀ па́мѧть твою̀ любо́вїю пра́зднꙋемъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ. Славосло́вїе вели́кое. Ча́съ а҃. И҆ ѿпꙋ́стъ."
|
|
},
|
|
{
|
|
"type": "HEADER",
|
|
"value": "На лїтꙋргі́и: Прокі́менъ, гла́съ з҃:"
|
|
},
|
|
{
|
|
"type": "TEXT",
|
|
"value": "Честна̀ предъ гдⷭ҇емъ сме́рть прпⷣбныхъ є҆гѡ̀."
|
|
},
|
|
{
|
|
"type": "TEXT",
|
|
"value": "Сті́хъ: Что̀ возда́мъ гдⷭ҇еви ѡ҆ всѣ́хъ, ꙗ҆̀же воздаде́ ми;"
|
|
},
|
|
{
|
|
"type": "HEADER",
|
|
"value": "А҆пⷭ҇лъ къ гала́тѡмъ, зача́ло сг҃і."
|
|
},
|
|
{
|
|
"type": "TEXT",
|
|
"value": "А҆ллилꙋ́їа, гла́съ ѕ҃: Блаже́нъ мꙋ́жъ боѧ́йсѧ гдⷭ҇а:"
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе лꙋкѝ, зача́ло к҃д."
|
|
},
|
|
{
|
|
"type": "TEXT",
|
|
"value": "Прича́стенъ: Въ па́мѧть вѣ́чнꙋю бꙋ́детъ првⷣникъ:"
|
|
}
|
|
] |