510 lines
41 KiB
JSON
510 lines
41 KiB
JSON
[
|
|
{
|
|
"type": "HEADER",
|
|
"value": "Ѻ҆ктѡ́врїа а҃"
|
|
},
|
|
{
|
|
"type": "HEADER",
|
|
"value": "Прпⷣбнагѡ ѻ҆ц҃а̀ на́шегѡ са́ввы, надъ ви́шерою рѣко́ю жи́вшагѡ."
|
|
},
|
|
{
|
|
"type": "HEADER",
|
|
"value": "Ве́черъ, Бл҃же́нъ мꙋ́жъ: на Гдⷭ҇и, воззва́хъ, поста́вимъ стїхѡ́въ ѕ҃, и҆ пое́мъ стїхи̑ры ст҃а́гѡ, гла́съ є҃."
|
|
},
|
|
{
|
|
"type": "TEXT",
|
|
"value": "Подо́бенъ: Прпⷣбне ѻ҆́ч҃е:"
|
|
},
|
|
{
|
|
"type": "TEXT",
|
|
"value": "Прпⷣбне ѻ҆́ч҃е са́вво, любо́вїю бжⷭ҇твенною разжига́емь, ѻ҆те́чество и҆ ро́дъ ѡ҆ста́вилъ є҆сѝ, и҆ въ чꙋжди́хъ страна́хъ пꙋсты́ню дости́гъ, и҆ та́мѡ сто́лпъ созда́въ, и҆ въ не́мъ до́брѣ подвиза́лсѧ є҆сѝ. Тѣ́мже и҆ по преставле́нїи твое́мъ, бл҃года́ть ѿ гдⷭ҇а прїѧ́лъ є҆сѝ чꙋде́съ. Молѝ спасти́сѧ тѧ̀ почита́ющымъ."
|
|
},
|
|
{
|
|
"type": "TEXT",
|
|
"value": "Прпⷣбне ѻ҆́ч҃е са́вво, любвѐ ра́ди ᲂу҆ч҃телѧ твоегѡ̀, всѧ̑ ꙗ҆̀же на землѝ преѡби́дѣлъ є҆сѝ, и҆ въ пꙋсты́ню всели́всѧ, пло́ти по́хотное мꙋдрова́нїе ᲂу҆мертви́лъ є҆сѝ, и҆ по́стническими трꙋды̑ твоѐ житїѐ ᲂу҆ѧсни́лъ є҆сѝ: ѿѻнꙋ́дꙋже и҆ ᲂу҆ченикѝ собра́въ ревнꙋ́ющыѧ твоемꙋ̀ житїю̀, и҆ сїѧ̑ хрⷭ҇тꙋ̀ приве́лъ є҆сѝ: є҆го́же молѝ, спасти́сѧ всѣ̑мъ пою́щымъ тѧ̀."
|
|
},
|
|
{
|
|
"type": "TEXT",
|
|
"value": "И҆̀же непра́веднѡ разбо́йнически наше́дшихъ на ѻ҆би́тель твою̀, прпⷣбне, хотѧ́щихъ ѡ҆скорби́ти ᲂу҆ченикѝ твоѧ̑, ѿ столпа̀ ꙗ҆́кѡ ᲂу҆ви́дѣвъ, то́кмѡ жезла̀ ᲂу҆даре́нїемъ ᲂу҆страши́лъ є҆сѝ: ѻ҆ни́ же ꙗ҆́кѡ позна́вше своѐ безчеловѣ́чное сꙋровство̀, съ стꙋдо́мъ къ бѣ́гствꙋ ᲂу҆стреми́шасѧ. Хрⷭ҇тꙋ̀ моли́сѧ, спасти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "Сла́ва, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Въ чꙋжди́хъ страна́хъ водвори́всѧ, прпⷣбне, и҆ въ пꙋсты́ню безмо́лвїѧ вше́дъ, и҆ та́мѡ сто́лпъ созда́лъ є҆сѝ, въ не́мже нбⷭ҇ное бога́тство стѧжа́лъ є҆сѝ: слеза́ми постѧ́сѧ ᲂу҆́бѡ сѣ́ѧлъ є҆сѝ, ра́достїю же пожина́еши трꙋдѡ́въ твои́хъ плоды̀. Тѣ́мъ ѻ҆би́тель, ю҆́же трꙋды̀ твои́ми стѧжа́лъ є҆сѝ, со ᲂу҆ченикѝ не ѡ҆ста́ви, но ми́лостивнѡ посѣща́й: и҆ хрⷭ҇тꙋ̀ ѻ҆́ч҃е са́вво, моли́сѧ спасти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Кто̀ тебѐ не ᲂу҆блажи́тъ:"
|
|
},
|
|
{
|
|
"type": "HEADER",
|
|
"value": "Вхо́дъ. Прокі́менъ днѐ. И҆ чтє́нїѧ."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́ни чте́нїе. (Глава̀ є҃ и҆ ѕ҃.)"
|
|
},
|
|
{
|
|
"type": "TEXT",
|
|
"value": "Пра́вєдницы во вѣ́ки живꙋ́тъ, и҆ въ гдⷭ҇ѣ мзда̀ и҆́хъ, и҆ попече́нїе и҆́хъ ᲂу҆ вы́шнѧгѡ. Сегѡ̀ ра́ди прїи́мꙋтъ црⷭ҇твїе благолѣ́пїѧ, и҆ вѣне́цъ добро́ты ѿ рꙋкѝ гдⷭ҇ни: занѐ десни́цею покры́етъ ѧ҆̀, и҆ мы́шцею защити́тъ и҆̀хъ. Прїи́метъ всеѻрꙋ́жїе рве́нїе своѐ, и҆ воѡрꙋжи́тъ тва́рь въ ме́сть врагѡ́мъ. Ѡ҆блече́тсѧ въ бронѧ̀ пра́вды, и҆ возложи́тъ шле́мъ, сꙋ́дъ нелицемѣ́ренъ: прїи́метъ щи́тъ непобѣди́мый преподо́бїе: поѡстри́тъ же напра́сный гнѣ́въ во ѻ҆рꙋ́жїе: спобо́ретъ же съ ни́мъ мі́ръ на безꙋ̑мныѧ: по́йдꙋтъ праволꙋ̑чныѧ стрѣ́лы мѡ́лнїины, и҆ ꙗ҆́кѡ ѿ благокрꙋ́гла лꙋ́ка ѻ҆блакѡ́въ на намѣ́ренїе полетѧ́тъ: и҆ ѿ каменоме́тныѧ ꙗ҆́рости, и҆спо́лнь падꙋ́тъ гра́ды: вознегодꙋ́етъ на ни́хъ вода̀ морска́ѧ, рѣ́ки же потопѧ́тъ ѧ҆̀ на́глѡ. Сопроти́въ ста́нетъ и҆̀мъ дꙋ́хъ си́лы, и҆ ꙗ҆́кѡ ви́хоръ развѣ́етъ и҆̀хъ: и҆ ѡ҆пꙋстоши́тъ всю̀ зе́млю беззако́нїе, и҆ ѕлодѣ́йство преврати́тъ престо́лы си́льныхъ. Слы́шите ᲂу҆̀бо, ца́рїе, и҆ разꙋмѣ́йте: навы́кните, сꙋдїи̑ концє́въ землѝ. Внꙋши́те держа́щїи мно́жєства и҆ гордѧ́щїисѧ ѡ҆ наро́дѣхъ ꙗ҆зы̑къ: ꙗ҆́кѡ дана̀ є҆́сть ѿ гдⷭ҇а держа́ва ва́мъ, и҆ си́ла ѿ вы́шнѧгѡ."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́ни чте́нїе. (Глава̀ г҃.)"
|
|
},
|
|
{
|
|
"type": "TEXT",
|
|
"value": "Пра́ведныхъ дꙋ́шы въ рꙋцѣ̀ бж҃їей, и҆ не прико́снетсѧ и҆́хъ мꙋ́ка. Непщева́ни бы́ша во ѻ҆чесѣ́хъ безꙋ́мныхъ ᲂу҆мре́ти, и҆ вмѣни́сѧ ѡ҆ѕлобле́нїе и҆схо́дъ и҆́хъ: и҆ є҆́же ѿ на́съ ше́ствїе, сокрꙋше́нїе, ѻ҆ни́ же сꙋ́ть въ ми́рѣ. И҆́бо предъ лице́мъ человѣ́ческимъ а҆́ще и҆ мꙋ́кꙋ прїи́мꙋтъ, ᲂу҆пова́нїе и҆́хъ безсме́ртїѧ и҆спо́лнено, и҆ вма́лѣ нака́зани бы́вше, вели́кими благодѣ́тельствовани бꙋ́дꙋтъ, ꙗ҆́кѡ бг҃ъ и҆скꙋсѝ ѧ҆̀, и҆ ѡ҆брѣ́те и҆̀хъ достѡ́йны себѣ̀. Ꙗ҆́кѡ зла́то въ горни́лѣ и҆скꙋсѝ и҆̀хъ, и҆ ꙗ҆́кѡ всепло́дїе же́ртвенное прїѧ́тъ ѧ҆̀. И҆ во вре́мѧ посѣще́нїѧ и҆́хъ возсїѧ́ютъ, и҆ ꙗ҆́кѡ и҆́скры по сте́блїю потекꙋ́тъ. Сꙋ́дѧтъ ꙗ҆зы́кѡмъ, и҆ ѡ҆блада́ютъ людьмѝ, и҆ воцр҃и́тсѧ гдⷭ҇ь въ ни́хъ во вѣ́ки. Надѣ́ющїисѧ на́нь разꙋмѣ́ютъ и҆́стинꙋ, и҆ вѣ́рнїи въ любвѝ пребꙋ́дꙋтъ є҆мꙋ̀: ꙗ҆́кѡ бл҃года́ть и҆ ми́лость въ преподо́бныхъ є҆гѡ̀, и҆ посѣще́нїе во и҆збра́нныхъ є҆гѡ̀."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́ни чте́нїе. (Глава̀ д҃.)"
|
|
},
|
|
{
|
|
"type": "TEXT",
|
|
"value": "Пра́ведникъ, а҆́ще пости́гнетъ сконча́тисѧ, въ поко́и бꙋ́детъ. Ста́рость бо честна̀ не многолѣ́тна, нижѐ въ числѣ̀ лѣ́тъ и҆счита́етсѧ: сѣди́на же є҆́сть мꙋ́дрость человѣ́кѡмъ, и҆ во́зрастъ ста́рости, житїѐ нескве́рное. Благоꙋго́денъ бг҃ови бы́въ, возлю́бленъ бы́сть, и҆ живы́й посредѣ̀ грѣ̑шникъ преста́вленъ бы́сть. Восхище́нъ бы́сть, да не ѕло́ба и҆змѣни́тъ ра́зꙋма є҆гѡ̀, и҆лѝ ле́сть прельсти́тъ дꙋ́шꙋ є҆гѡ̀. Раче́нїе бо ѕло́бы помрача́етъ дѡ́браѧ, и҆ паре́нїе по́хоти премѣнѧ́етъ ᲂу҆́мъ неѕло́бивъ. Сконча́всѧ вма́лѣ, и҆спо́лни лѣ̑та дѡ́лга: ᲂу҆го́дна бо бѣ̀ гдⷭ҇еви дꙋша̀ є҆гѡ̀: сегѡ̀ ра́ди потща́сѧ ѿ среды̀ лꙋка́вствїѧ: лю́дїе же ви́дѣвше, и҆ не разꙋмѣ́вше, нижѐ поло́жше въ помышле́нїи таково́е: ꙗ҆́кѡ благода́ть и҆ ми́лость въ преподо́бныхъ є҆гѡ̀, и҆ посѣще́нїе во и҆збра́нныхъ є҆гѡ̀."
|
|
},
|
|
{
|
|
"type": "HEADER",
|
|
"value": "На стїхо́внѣ стїхи̑ры прпⷣбнагѡ, гла́съ в҃."
|
|
},
|
|
{
|
|
"type": "TEXT",
|
|
"value": "Подо́бенъ: До́ме є҆ѵфра́ѳовъ:"
|
|
},
|
|
{
|
|
"type": "TEXT",
|
|
"value": "Ꙗ҆́кѡ преходѧ́щꙋю жи́знь, ю҆́же на землѝ презрѣ́лъ є҆сѝ бл҃же́нне: и҆ та́мѡ сподо́билсѧ є҆сѝ ᲂу҆лꙋчи́ти жи́знь блаже́ннꙋю, и҆ бж҃їѧ сїѧ̑нїѧ прїе́млеши бг҃оно́се."
|
|
},
|
|
{
|
|
"type": "TEXT",
|
|
"value": "Сті́хъ: Честна̀ предъ гдⷭ҇емъ сме́рть прпⷣбныхъ є҆гѡ̀."
|
|
},
|
|
{
|
|
"type": "TEXT",
|
|
"value": "Любвѐ ра́ди хрⷭ҇то́вы, прпⷣбне са́вво, пло́ти рачи́тельное ᲂу҆мертви́лъ є҆сѝ мꙋдрова́нїе, и҆ ѿ страсте́й дꙋ́шꙋ свобо́днꙋ бг҃ꙋ предста́вилъ є҆сѝ."
|
|
},
|
|
{
|
|
"type": "TEXT",
|
|
"value": "Сті́хъ: Блаже́нъ мꙋ́жъ боѧ́йсѧ гдⷭ҇а, въ за́повѣдехъ є҆гѡ̀ восхо́щетъ ѕѣлѡ̀."
|
|
},
|
|
{
|
|
"type": "TEXT",
|
|
"value": "Бо́дренными моли́твами, и҆ сле́зными и҆стѡ́чники, цр҃ковь вѣ́рныхъ ѡ҆богати́лъ є҆сѝ бг҃облаже́нне."
|
|
},
|
|
{
|
|
"type": "HEADER",
|
|
"value": "Сла́ва, гла́съ в҃."
|
|
},
|
|
{
|
|
"type": "TEXT",
|
|
"value": "Въ сто́лпъ ꙗ҆́кѡ вше́лъ є҆сѝ прпⷣбне, и҆ ѿтꙋ́дꙋ добродѣ́тели ра́ди къ нбⷭ҇номꙋ гра́дꙋ преше́лъ є҆сѝ, дости́глъ првⷣныхъ поко́ѧ, и҆ ст҃ы́хъ ра́дованїѧ. Тѣ́мже съ ни́ми прилѣ́жнѡ са́вво моли́сѧ, ѡ҆ и҆̀же вѣ́рою жи́знь твою̀ почита́ющихъ, и҆ честно́е твоѐ ᲂу҆спе́нїе сла́вѧщихъ, всѧ́кагѡ сопроти́внагѡ ѡ҆бстоѧ́нїѧ и҆зба́витисѧ свѧще́нномꙋ твоемꙋ̀ ста́дꙋ: да сегѡ̀ ра́ди тѧ̀ всѝ вѣ́рнѡ почита́емъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ."
|
|
},
|
|
{
|
|
"type": "HEADER",
|
|
"value": "Тропа́рь, гла́съ д҃:"
|
|
},
|
|
{
|
|
"type": "TEXT",
|
|
"value": "Ѿ ю҆́ности твоеѧ̀ ве́сь бг҃ꙋ порабо́тилсѧ є҆сѝ бл҃же́нне, и҆ тогѡ̀ ра́ди любвѐ, ѻ҆те́чество и҆ ро́дъ ѡ҆ста́вилъ є҆сѝ, въ пꙋсты́ню всели́всѧ, и҆ въ не́й жесто́кое житїѐ показа́въ, чꙋде́съ дарова̑нїѧ ѿ гдⷭ҇а прїѧ́лъ є҆сѝ, са́вво прпⷣбне: молѝ хрⷭ҇та̀ бг҃а спасти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "На ᲂу҆́трени, на Бг҃ъ гдⷭ҇ь, тропа́рь два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Є҆́же ѿ вѣ́ка ᲂу҆тае́нное:"
|
|
},
|
|
{
|
|
"type": "HEADER",
|
|
"value": "По а҃-й каѳі́смѣ сѣда́ленъ, гла́съ д҃:"
|
|
},
|
|
{
|
|
"type": "TEXT",
|
|
"value": "Подо́бенъ: Оу҆диви́сѧ і҆ѡ́сифъ:"
|
|
},
|
|
{
|
|
"type": "TEXT",
|
|
"value": "Оу҆диви́сѧ прпⷣбне са́вво, во все́мъ мі́рѣ бг҃оно́се, житїѐ твоѐ, ꙗ҆́кѡ ѿ ᲂу҆тро́бы ма́терни и҆збра́нъ є҆сѝ бг҃омъ. Тѣ́мъ ны́нѣ со а҆́гг҃лы ликꙋ́еши въ нбⷭ҇ныхъ, помина́й на́съ творѧ́щихъ па́мѧть твою̀, са́вво прпⷣбне. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Ѡ҆бнови́ла є҆сѝ чⷭ҇таѧ, бжⷭ҇твеннымъ ржⷭ҇тво́мъ твои́мъ, и҆стлѣ́вшее во страсте́хъ земноро́дныхъ ме́ртвенное сꙋщество̀: и҆ воздви́гла є҆сѝ всѧ̑ ѿ сме́рти къ животꙋ̀ нетлѣ́нїѧ. Тѣ́мже тѧ̀ по до́лгꙋ блажи́мъ всѝ дв҃о препросла́вленнаѧ, ꙗ҆́коже прорекла̀ є҆сѝ."
|
|
},
|
|
{
|
|
"type": "HEADER",
|
|
"value": "По в҃-мъ стїхосло́вїи сѣда́ленъ, гла́съ є҃."
|
|
},
|
|
{
|
|
"type": "TEXT",
|
|
"value": "Подо́бенъ: Собезнача́льное сло́во:"
|
|
},
|
|
{
|
|
"type": "TEXT",
|
|
"value": "По́стника гдⷭ҇нѧ пѣ́сньми почти́мъ, ꙗ҆́кѡ ᲂу҆мертви́вша всѧ̑ прило́ги страсте́й воздержа́нїемъ тве́рдымъ, и҆ крѣ́пкимъ терпѣ́нїемъ вои́стиннꙋ, и҆ посрами́вша ѕѣлѡ̀ сопроти́внагѡ всю̀ горды́ню, и҆ ны́нѣ молѧ́щасѧ гдⷭ҇еви, поми́ловатисѧ дꙋша́мъ на́шымъ. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Стра́шно чꙋ́до зача́тїѧ, и҆ несказа́ненъ ѻ҆́бразъ ржⷭ҇тва̀ въ тебѣ̀ позна́сѧ, чⷭ҇таѧ приснодв҃о. Оу҆жаса́етъ мѝ ᲂу҆́мъ, и҆ ᲂу҆дивлѧ́етъ помышлє́нїѧ: сла́ва твоѧ̀, бцⷣе, всѣ̑мъ простре́сѧ, на спасе́нїе дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "По полѷеле́и сѣда́ленъ, гла́съ а҃."
|
|
},
|
|
{
|
|
"type": "TEXT",
|
|
"value": "Подо́бенъ: Гро́бъ тво́й, сп҃се:"
|
|
},
|
|
{
|
|
"type": "TEXT",
|
|
"value": "Погре́блъ є҆сѝ страсте́й всѐ воста́нїе ᲂу҆мерщвле́нїемъ пло́ти, свѧще́нный ѻ҆́ч҃е, жи́знь безконе́чнꙋю по сме́рти прїѧ́лъ є҆сѝ. Тѣ́мже дне́сь хрⷭ҇то́ва цр҃ковь пра́зднꙋетъ твою̀ досточꙋ́днꙋю па́мѧть, прпⷣбныхъ ᲂу҆краше́нїе. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ."
|
|
},
|
|
{
|
|
"type": "TEXT",
|
|
"value": "Наста́ви ны̀ на пꙋ́ть покаѧ́нїѧ, ᲂу҆клонѧ́ющыѧсѧ всегда̀ ко ѕлы̑мъ безпꙋ́тїємъ, и҆ преблага́го бг҃а прогнѣ́вающыѧ: неискꙋсобра́чнаѧ бл҃гослове́ннаѧ марі́е, прибѣ́жище ѿча́ѧнныхъ человѣ́кѡвъ, бж҃їе селе́нїе."
|
|
},
|
|
{
|
|
"type": "HEADER",
|
|
"value": "Степє́нна, прокі́менъ:"
|
|
},
|
|
{
|
|
"type": "TEXT",
|
|
"value": "Всѧ́кое дыха́нїе."
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе прпⷣбническое."
|
|
},
|
|
{
|
|
"type": "HEADER",
|
|
"value": "По н҃-мъ ѱалмѣ̀ стїхи́ра, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Прпⷣбне ѻ҆́ч҃е, во всю̀ зе́млю и҆зы́де вѣща́нїе и҆справле́нїй твои́хъ: тѣ́мже на нб҃сѣ́хъ ѡ҆брѣ́лъ є҆сѝ мздꙋ̀ трꙋдѡ́въ твои́хъ, дє́мѡнскаѧ разори́лъ є҆сѝ пѡ́лчища, и҆ а҆́гг҃льскїѧ дости́глъ є҆сѝ чи́ны: и҆́хже житїю̀ безъ поро́ка поревнова́лъ є҆сѝ, дерзнове́нїе и҆мѣ́ѧ ко гдⷭ҇ꙋ, ми́ръ и҆спросѝ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "Канѡ́нъ прпⷣбнагѡ са́ввы. Творе́нїе свѧщенномона́ха пахѡ́мїа. Гла́съ д҃."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ѿве́рзꙋ ᲂу҆ста̀ моѧ̑, и҆ напо́лнѧтсѧ дх҃а, и҆ сло́во ѿры́гнꙋ цр҃и́цѣ мт҃ри, и҆ ꙗ҆влю́сѧ, свѣ́тлѡ торжествꙋ́ѧ, и҆ воспою̀, ра́дꙋѧсѧ тоѧ̀ чꙋдеса̀."
|
|
},
|
|
{
|
|
"type": "TEXT",
|
|
"value": "Смири́лсѧ є҆сѝ хрⷭ҇та̀ ра́ди, ѻ҆́ч҃е, и҆ крⷭ҇тъ взе́мъ, ѿ ѻ҆те́чества и҆ сро́дникѡвъ ꙗ҆́кѡ ѿ ѕмі́ѧ бѣ́галъ є҆сѝ: ѿню́дꙋже въ пꙋсты́ню вше́дъ, и҆ въ не́й трꙋдолю́бнѡ подвиза́лсѧ є҆сѝ, прпⷣбне."
|
|
},
|
|
{
|
|
"type": "TEXT",
|
|
"value": "Ѿ ю҆́ности твоеѧ̀, ѻ҆́ч҃е са́вво, ᲂу҆́мъ къ бг҃ꙋ впери́въ, и҆ тлѣ́нными нетлѣ̑ннаѧ ꙗ҆́кѡ до́брый кꙋпе́цъ кꙋпи́лъ є҆сѝ: тѣ́мже ны́нѣ сше́дшесѧ па́мѧть твою̀ почита́емъ."
|
|
},
|
|
{
|
|
"type": "TEXT",
|
|
"value": "Хрⷭ҇то́вымъ раче́нїемъ, ѻ҆́ч҃е са́вво, па́че ѻ҆гнѧ̀ распала́емь, настоѧ̑щаѧ ꙗ҆́кѡ ничто́же сꙋ̑щаѧ презрѣ́лъ є҆сѝ, и҆ сегѡ̀ ра́ди въ покѡ́ища всели́лсѧ є҆сѝ и҆дѣ́же пра́ведныхъ дꙋ́шы веселѧ́тсѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Болѧ́ща и҆сцѣлѝ дꙋше́ю и҆ тѣ́ломъ влⷣчце, раба̀ твоего̀, бл҃же́ннагѡ са́ввы моле́нїемъ: тебе́ бо предста́тельницꙋ всѝ сꙋ́щїи въ печа́лехъ стѧжа́хомъ, ꙗ҆́кѡ ро́ждшꙋю спасе́нїе на́ше."
|
|
},
|
|
{
|
|
"type": "TEXT",
|
|
"value": "Катава́сїа: Ѿве́рзꙋ ᲂу҆ста̀ моѧ̑:"
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "TEXT",
|
|
"value": "І҆рмо́съ: Твоѧ̑ пѣсносло́вцы, бцⷣе, живы́й и҆ незави́стный и҆сто́чниче, ли́къ себѣ̀ совокꙋ́пльшыѧ, дꙋхо́внѡ ᲂу҆твердѝ, въ бжⷭ҇твеннѣй твое́й сла́вѣ вѣнцє́въ, сла́вы сподо́би."
|
|
},
|
|
{
|
|
"type": "TEXT",
|
|
"value": "Сна̀ твои̑мъ ѻ҆чесє́мъ не да́лъ є҆сѝ, бл҃же́нне са́вво, ни вѣ́ждѡмъ дрема́нїѧ, до́ндеже сподо́билсѧ є҆сѝ првⷣныхъ селе́нїѧ, ꙗ҆̀же ᲂу҆гото́ва бг҃ъ, прпⷣбне, лю́бѧщымъ є҆го̀."
|
|
},
|
|
{
|
|
"type": "TEXT",
|
|
"value": "Бо́дренными твои́ми моли́твами, ѻ҆́ч҃е са́вво, и҆ жесто́кимъ воздержа́нїемъ, бг҃ꙋ на землѝ до́брѣ ᲂу҆годи́лъ є҆сѝ: сегѡ̀ ра́ди стра́шенъ врагѡ́мъ, и҆ сла́венъ человѣ́кѡмъ бы́лъ є҆сѝ."
|
|
},
|
|
{
|
|
"type": "TEXT",
|
|
"value": "Ра́йскꙋю жи́знь, и҆ та́мѡ ст҃ы́хъ селе́нїе всегда̀ во ᲂу҆мѣ̀ твое́мъ пожина́лъ є҆сѝ, прпⷣбне. Тѣ́мже во слеза́хъ и҆ воздыха́нїихъ всю̀ твою̀ жи́знь, ѻ҆́ч҃е са́вво, преше́лъ є҆сѝ. Сегѡ̀ ра́ди и҆ по сме́рти хрⷭ҇то́съ чꙋдесы́ тѧ просла́ви."
|
|
},
|
|
{
|
|
"type": "TEXT",
|
|
"value": "Бг҃оро́диченъ: И҆сточа́еши и҆сцѣле́нїй стрꙋи̑ болѧ́щымъ, дв҃о, всю́дꙋ. Тѧ́ бо и҆сто́чникъ показа̀ милосе́рдїѧ влⷣчце, и҆́же ми́лости и҆сто́чникъ и҆зъ тебѐ рожде́йсѧ па́че ᲂу҆ма̀."
|
|
},
|
|
{
|
|
"type": "HEADER",
|
|
"value": "По г҃-й пѣ́сни сѣда́ленъ, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Вознесы́йсѧ:"
|
|
},
|
|
{
|
|
"type": "TEXT",
|
|
"value": "Ю҆́ность твою̀, прпⷣбне, воздержа́нїемъ ᲂу҆вѧди́лъ є҆сѝ, стра̑сти тѣлє́сныѧ, ꙗ҆́кѡ плѣ́нника хꙋ́да свѧза́въ, дꙋ́хꙋ повинꙋ́лъ є҆сѝ: и҆ сегѡ̀ ра́ди, ѻ҆́ч҃е са́вво, хрⷭ҇то́съ чꙋдесы̀ пресла́внѡ тебѐ вѣнча́етъ, є҆ди́нъ прославлѧ́ѧй ст҃ы̑ѧ своѧ̑. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Оу҆мертви́сѧ всѧ̀ крѣ́пость моѧ̀ ѿ мно́жества безмѣ́рныхъ мои́хъ ѕѡ́лъ, и҆ мно́гими скорбьмѝ ѡ҆держи́мь ᲂу҆жѐ ѿча́ѧхсѧ: но помози́ ми влⷣчце, са́ввы бл҃же́ннагѡ предста́тельствомъ, ꙗ҆́кѡ ра́дость ро́ждшаѧ пла́чꙋщымъ и҆ ᲂу҆тѣше́нїе."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "TEXT",
|
|
"value": "І҆рмо́съ: Сѣдѧ́й въ сла́вѣ на прⷭ҇то́лѣ бж҃ества̀, во ѻ҆́блацѣ ле́гцѣ прїи́де і҆и҃съ пребжⷭ҇твенный, нетлѣ́нною дла́нїю, и҆ спасѐ зовꙋ́щыѧ: сла́ва, хрⷭ҇тѐ, си́лѣ твое́й."
|
|
},
|
|
{
|
|
"type": "TEXT",
|
|
"value": "Житїѐ твоѐ, ѻ҆́ч҃е са́вво, чꙋ́дно на землѝ показа́лъ є҆сѝ, вели́ко поще́нїе и҆ смире́нїе: и҆ сегѡ̀ ра́ди та́мошнѧгѡ житїѧ̀ вели́чество наслѣ́дилъ є҆сѝ. Молѝ спасти́сѧ ѿ бѣ́дъ пою́щымъ тѧ̀."
|
|
},
|
|
{
|
|
"type": "TEXT",
|
|
"value": "Сѷмеѡ́на вели́кагѡ, на столпѣ̀ жи́вшагѡ, житїю̀ послѣ́дꙋѧ, прпⷣбне: тѣ́мже томꙋ̀ є҆ли́кѡ мо́щно и҆менова́нїе ѿ житїѧ̀ стѧжа́лъ є҆сѝ, са́вво пребога́те."
|
|
},
|
|
{
|
|
"type": "TEXT",
|
|
"value": "Посто́мъ и҆ моли́твами тѣ́ло твоѐ, ѻ҆́ч҃е са́вво, и҆знꙋри́лъ є҆сѝ: и҆ сегѡ̀ ра́ди сподо́билсѧ є҆сѝ ви́дѣти неизречє́ннаѧ бл҃га̑ѧ, ꙗ҆̀же ст҃ы̑мъ ᲂу҆готѡ́вана. Съ ни́миже, ѻ҆́ч҃е са́вво, ѡ҆ на́съ моли́сѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Кро́въ и҆ застꙋпле́нїе, и҆ прибѣ́жище бꙋ́ди мѝ, дв҃о, рабꙋ̀ твоемꙋ̀, и҆сцѣли́ мѧ ѿ безмѣ́рныхъ ѕѡ́лъ воспѣва́ти, пречⷭ҇таѧ: сла́ва ржⷭ҇твꙋ̀ твоемꙋ̀."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆жасо́шасѧ всѧ́чєскаѧ ѡ҆ бжⷭ҇твеннѣй сла́вѣ твое́й: ты́ бо неискꙋсобра́чнаѧ дв҃о, и҆мѣ́ла є҆сѝ во ᲂу҆тро́бѣ надъ всѣ́ми бг҃а, и҆ родила̀ є҆сѝ безлѣ́тнаго сн҃а, всѣ̑мъ воспѣва́ющымъ тѧ̀ ми́ръ подава́ющаѧ."
|
|
},
|
|
{
|
|
"type": "TEXT",
|
|
"value": "Чи́сто житїѐ твоѐ ѿ ю҆́ности потща́лсѧ є҆сѝ прпⷣбне, сохрани́ти: тѣ́мже чистотꙋ̀ твою̀ ви́дѣвъ прест҃ы́й дх҃ъ, въ тѧ̀ всели́сѧ."
|
|
},
|
|
{
|
|
"type": "TEXT",
|
|
"value": "Ꙗ҆́кѡ преѡби́дѣвъ тлѣ̑ннаѧ, вѣ̑чнаѧ ѻ҆́ч҃е, сподо́билсѧ є҆сѝ прїѧ́ти по нело́жномꙋ словесѝ: проси́те и҆ прїи́мете. Тѣ́мже ꙗ҆́кѡ проси́лъ є҆сѝ, сїѧ̑ по досто́инствꙋ прїѧ́лъ є҆сѝ."
|
|
},
|
|
{
|
|
"type": "TEXT",
|
|
"value": "Мѣ́сто, є҆́же сподо́бисѧ прїѧ́ти честны̑ѧ мо́щи твоѧ̑, прпⷣбне, ѡ҆свѧти́сѧ, и҆ по мнѡ́гимъ страна́мъ прославлѧ́емо є҆́сть, ꙗ҆́кѡ въ себѣ̀ мо́щи твоѧ̑ и҆мꙋ́щее."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Не преста́й молѧ́щи, є҆го́же родила̀ є҆сѝ бг҃оневѣ́сто, ꙗ҆́кѡ сп҃са и҆ влⷣкꙋ, разрѣше́нїе мѝ пода́ти скорбе́й, и҆ болѣ́зней ѡ҆блегче́нїе, ꙗ҆́кѡ да прїимꙋ̀ проще́нїе, пѣсносло́вѧ тѧ̀ во вѣ́ки."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Бжⷭ҇твенное сїѐ и҆ всечестно́е соверша́юще пра́зднество, бг҃омꙋ́дрїи, бг҃ома́тере, прїиди́те, рꙋка́ми воспле́щимъ, ѿ неѧ̀ ро́ждшагосѧ бг҃а сла́вимъ."
|
|
},
|
|
{
|
|
"type": "TEXT",
|
|
"value": "Твоѐ вели́кое житїѐ и҆ чистотꙋ̀, къ си̑мъ же безмѣ́рное смире́нїе, прови́дѣвъ прест҃ы́й дх҃ъ, сла́вна тѧ̀ всѣ̑мъ, ѻ҆́ч҃е, показа̀. Тѣ́мже ѿ сегѡ̀ житїѧ̀ ко ѻ҆́номꙋ преше́дъ, полꙋчи́лъ є҆сѝ съ пра́ведными та́мѡ весе́лїе."
|
|
},
|
|
{
|
|
"type": "TEXT",
|
|
"value": "Дне́сь наста́вши свѧще́ннаѧ па́мѧть твоѧ̀, прпⷣбне са́вво, весели́тъ ᲂу҆ченикѝ твоѧ̑, воспѣва́ющыѧ любо́вїю по́двиги твоѧ̑, и҆̀же честно́е твоѐ ᲂу҆спе́нїе сла́вѧще торжествꙋ́ютъ, ꙗ҆̀же моли́твами твои́ми, ѻ҆́ч҃е, соблюдѝ."
|
|
},
|
|
{
|
|
"type": "TEXT",
|
|
"value": "Разбо́йницы пе́рвѣе прише́дше тебѐ ѡ҆скорби́ти, прпⷣбне, но тѣ́хъ разꙋмѣ́въ лꙋка́вство, воздви́гнꙋти тѣ̑мъ дре́во ре́клъ є҆сѝ: не могꙋ́щымъ же мнѡ́гимъ тебѣ̀ є҆ди́номꙋ проти́витисѧ. Тѣ́мже ꙗ҆́кѡ посра́млени про́чее со стра́хомъ ѿбѣжа́ша, па́че побѣжде́ни бы́вше, не́жели побѣди́ша."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Твою̀ по́мощь да́ждь мѝ, и҆ и҆зба́ви мѧ̀ ѿ бѣ́дъ и҆ скорбе́й и҆ прегрѣше́нїй мои́хъ, ꙗ҆́же всѣ́хъ ро́ждши и҆збавле́нїе."
|
|
},
|
|
{
|
|
"type": "HEADER",
|
|
"value": "Конда́къ, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Взбра́нной воево́дѣ:"
|
|
},
|
|
{
|
|
"type": "TEXT",
|
|
"value": "Ѻ҆те́чества прпⷣбне, ᲂу҆дали́всѧ, и҆ всели́всѧ въ пꙋсты́ню, и҆ та́мѡ на сто́лпъ вше́дъ, и҆дѣ́же жесто́кое житїѐ показа́лъ є҆сѝ: и҆ мно́гихъ житїе́мъ ᲂу҆диви́въ, ѿню́дꙋже дарова́нїе чꙋде́съ ѿ хрⷭ҇та̀ прїѧ́лъ є҆сѝ, помина́й на́съ чествꙋ́ющихъ па́мѧть твою̀, да зове́мъ тѝ: ра́дꙋйсѧ, са́вво ѻ҆́ч҃е на́шъ."
|
|
},
|
|
{
|
|
"type": "TEXT",
|
|
"value": "І҆́косъ: Є҆ѵⷢ҇льскїй гла́съ, ѻ҆́ч҃е, ᲂу҆слы́шавъ, всѧ̑ ѡ҆ста́вилъ є҆сѝ плотска̑ѧ мꙋдрова̑нїѧ, бога́тство и҆ сла́вꙋ въ ничто́же вмѣни́въ, на стра̑сти ꙗ҆́кѡ безпло́тенъ подвиза́лсѧ є҆сѝ, и҆ безпло́тныхъ ликостоѧ́нїѧ чистото́ю сподо́билсѧ є҆сѝ, и҆ ра́зꙋма дарова́нїе ѿ бг҃а прїѧ́лъ є҆сѝ, є҆́же пода́ждь въ пѣ́снехъ пою́щемꙋ тѝ си́це: ра́дꙋйсѧ, са́вво прпⷣбне и҆ бг҃оно́сне, нбⷭ҇ный человѣ́че, и҆ земны́й а҆́гг҃ле. Ра́дꙋйсѧ, дх҃а ст҃а́гѡ прекра́сное ѻ҆би́телище. Ра́дꙋйсѧ, бг҃облаже́нне, вельмѝ подвиза́всѧ во вре́меннѣй жи́зни, по достоѧ́нїю ѡ҆богати́лсѧ є҆сѝ бл҃года́тїю дх҃а, є҆ѧ́же дарова́нїе пода́ждь на́мъ ча́дѡмъ твои̑мъ, да зове́мъ тѝ: ра́дꙋйсѧ прпⷣбне, са́вво, ѻ҆́ч҃е на́шъ."
|
|
},
|
|
{
|
|
"type": "HEADER",
|
|
"value": "Пѣ́снь з҃. І҆рмо́съ:"
|
|
},
|
|
{
|
|
"type": "TEXT",
|
|
"value": "Не послꙋжи́ша тва́ри бг҃омꙋ́дрїи па́че созда́вшагѡ, но ѻ҆́гненное преще́нїе мꙋ́жески попра́вше, ра́довахꙋсѧ пою́ще: препѣ́тый ѻ҆ц҃є́въ гдⷭ҇ь и҆ бг҃ъ, благослове́нъ є҆сѝ."
|
|
},
|
|
{
|
|
"type": "TEXT",
|
|
"value": "И҆сточа́етъ чꙋдеса̀ честна́ѧ ра́ка твоѧ̀, прпⷣбне, преиз̾ѡби́лꙋющи бл҃года́тїю, вѣ́рою приходѧ́щымъ здра́вїе да́рꙋетъ, хрⷭ҇тꙋ̀ ѿ дꙋшѝ вопїю́щымъ: бл҃гослове́нъ бг҃ъ ѻ҆тцє́въ на́шихъ."
|
|
},
|
|
{
|
|
"type": "TEXT",
|
|
"value": "Дрє́внимъ ѻ҆́нѣмъ и҆ вели́кимъ ѻ҆тцє́мъ въ постѣ̀ просїѧ́вшымъ, житїе́мъ подо́бѧсѧ, прпⷣбне, въ пꙋсты́ню всели́лсѧ є҆сѝ, и҆ та́мѡ въ поще́нїихъ мнѡ́га лѣ̑та пребы́лъ є҆сѝ, са́вво ѻ҆́ч҃е на́шъ."
|
|
},
|
|
{
|
|
"type": "TEXT",
|
|
"value": "Ꙗ҆́кѡ и҆́стиннагѡ и҆ кро́ткагѡ пастыренача́льника хрⷭ҇та̀, неѕло́бивое ѻ҆вча̀, ѻ҆́ч҃е са́вво, бы́лъ є҆сѝ. Тѣ́мже неѕло́бивъ хотѧ́щымъ тебѐ ѡ҆ѕло́бити бы́лъ є҆сѝ, хрⷭ҇тꙋ̀ вопїѧ́лъ є҆сѝ: бл҃гослове́нъ бг҃ъ ѻ҆тцє́въ на́шихъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ѡ҆бощре́ны болѣ̑зни ра́намъ мои̑мъ ѿ безмѣ́рныхъ мои́хъ прегрѣше́нїй влⷣчце, ведꙋ́тъ въ сме́рть дꙋше́внꙋю и҆ тѣле́снꙋю: но и҆схи́ти ꙗ҆́кѡ си́льна всѧ́кихъ скорбе́й и҆ недꙋ̑гъ."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ѻ҆́троки благочести̑выѧ въ пещѝ ржⷭ҇тво̀ бг҃оро́дичо спасло̀ є҆́сть: тогда̀ ᲂу҆́бѡ ѡ҆бразꙋ́емое, ны́нѣ же дѣ́йствꙋемое, вселе́ннꙋю всю̀ воздвиза́етъ пѣ́ти тебѣ̀: гдⷭ҇а по́йте дѣла̀, и҆ превозноси́те є҆го̀ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "И҆здѣ́тска, прпⷣбне ѻ҆́ч҃е, потща́лсѧ є҆сѝ свою̀ со́вѣсть и҆ се́рдце съ дꙋше́ю чи́стѡ гдⷭ҇ꙋ предста́вити. Тѣ́мъ и҆ хрⷭ҇то́съ чꙋдесы̀ тебѐ прославлѧ́етъ, томꙋ̀ вопїю́ща: гдⷭ҇а воспѣва́йте дѣла̀, и҆ превозноси́те є҆го̀ во вѣ́ки."
|
|
},
|
|
{
|
|
"type": "TEXT",
|
|
"value": "Ны́нѣ пꙋсты́нѧ весе́лїемъ красꙋ́етсѧ, ѻ҆́ч҃е, и҆мꙋ́щи мо́щи твоѧ̑ въ себѣ̀, са́вво прпⷣбне. Оу҆ч҃ницы́ же твоѝ твоемꙋ̀ житїю̀ ревнꙋ́юще, ѡ҆ твое́й па́мѧти ра́дꙋющесѧ творцꙋ̀ вопїю́тъ: гдⷭ҇а воспѣва́йте дѣла̀, и҆ превозноси́те є҆го̀ во вѣ́ки."
|
|
},
|
|
{
|
|
"type": "TEXT",
|
|
"value": "Въ пꙋсты́ни, прпⷣбне, и҆дѣ́же селе́нїе и҆мѣ́лъ є҆сѝ, та́мѡ прече́стенъ хра́мъ въ сла́вꙋ хрⷭ҇та̀ воздви́глъ є҆сѝ, въ не́мъ прославлѧ́тисѧ пречⷭ҇томꙋ тогѡ̀ и҆́мени, и҆ всѣ̑мъ вопи́ти: гдⷭ҇а воспѣва́йте дѣла̀, и҆ превозноси́те є҆го̀ во вѣ́ки."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Свѣти́льниче свѣ́та трисо́лнечнагѡ сꙋ́щи, заре́ю бл҃гоꙋтро́бїѧ твоегѡ̀ тмꙋ̀ ѿимѝ прегрѣше́нїй мои́хъ бг҃ороди́тельнице, и҆збавле́нїе нꙋ́ждныхъ болѣ́зней подаю́щи, вѣ́рою превозносѧ́щемꙋ пречⷭ҇тое твоѐ ржⷭ҇тво̀."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Всѧ́къ земноро́дный да взыгра́етсѧ, дх҃омъ просвѣща́емь, да торжествꙋ́етъ же безпло́тныхъ ᲂу҆мѡ́въ є҆стество̀, почита́ющее свѧще́нное торжество̀ бг҃ома́тере, и҆ да вопїе́тъ: ра́дꙋйсѧ, всеблаже́ннаѧ бцⷣе, чⷭ҇таѧ приснодв҃о."
|
|
},
|
|
{
|
|
"type": "TEXT",
|
|
"value": "Ѿ пꙋсты́ннагѡ житїѧ̀, къ премі́рнѣй и҆ вѣ́чнѣй жи́зни, ꙗ҆́кѡ преше́дъ бл҃же́нне, не преста́й молѧ̀ и҆зба́вителѧ, ѿ разли́чныхъ напа́стей и҆ бѣ́дъ и҆зба́вити, любо́вїю честно́е твоѐ ᲂу҆спе́нїе ны́нѣ пѣ́сньми сла́вѧщыѧ."
|
|
},
|
|
{
|
|
"type": "TEXT",
|
|
"value": "Пѣвцє́въ и҆́скренною любо́вїю пою́щихъ, и҆ вѣ́рою тебѣ̀ пѣ́нїе хвале́нїѧ приноша́ющихъ, требл҃же́нне са́вво, ѿ всѧ́кихъ бѣ́дъ и҆ скорбе́й и҆збавлѧ́й, да тѧ̀ всѝ велича́емъ."
|
|
},
|
|
{
|
|
"type": "TEXT",
|
|
"value": "Ѿ рꙋ́къ недосто́йныхъ ма́лое сїѐ пѣ́сней хвале́нїе, приносѧ́щагѡ тебѣ̀, прїимѝ, бл҃же́нне са́вво: не бо̀ возмого́хъ проти́вꙋ твоегѡ̀ вели́чества ᲂу҆краси́ти: но ма́лое сїѐ ꙗ҆́кѡ вели́ко прїимѝ, да тебѐ всегда̀ въ пѣ́снехъ велича́ю."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Пѣ́нїе съ пѣ́снїю, и҆ хвале́нїе и҆сплете́нное, ѿ болѣ́зненныѧ дꙋшѝ приноша́ю съ любо́вїю, тебѣ̀ ро́ждшей хрⷭ҇та̀, є҆стество́мъ бг҃а, є҆́же благопрїѧ́тнѡ прїе́мши, прошє́нїѧ на̑ша, бцⷣе, и҆спо́лни, и҆ моли́твами твои́ми мѧ̀ соблюдѝ."
|
|
},
|
|
{
|
|
"type": "HEADER",
|
|
"value": "Свѣти́ленъ."
|
|
},
|
|
{
|
|
"type": "TEXT",
|
|
"value": "Подо́бенъ: Жєны̀ ᲂу҆слы́шите:"
|
|
},
|
|
{
|
|
"type": "TEXT",
|
|
"value": "Процвѣ́лъ є҆сѝ ꙗ҆́кѡ фі́нїѯъ дв҃дски, ѻ҆́ч҃е, и҆ ѻ҆би́тель ꙗ҆ви́лсѧ є҆сѝ дх҃а прест҃а́гѡ, и҆́же сла́вна тѧ̀ вселе́ннѣй показа̀. Того̀ ѡ҆ на́съ непреста́ннѡ молѝ, почита́ющихъ вѣ́рою пречестнꙋ́ю твою̀, прпⷣбне са́вво. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Тѧ̀ пѣ́сньми немо́лчными ᲂу҆блажа́емъ, дв҃о, ꙗ҆́кѡ трⷪ҇цы є҆ди́наго родила̀ є҆сѝ, бцⷣе, и҆ но́сиши на бжⷭ҇твеннꙋю рꙋкꙋ̀, пребога́тое сло́во, непремѣ́ннѡ и҆ неизмѣ́ннѡ."
|
|
},
|
|
{
|
|
"type": "HEADER",
|
|
"value": "На хвали́техъ стїхи̑ры прпⷣбнагѡ на д҃, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Ѽ пресла́внагѡ чꙋдесѐ!"
|
|
},
|
|
{
|
|
"type": "TEXT",
|
|
"value": "Прпⷣбне ѻ҆́ч҃е са́вво, ты̀ и҆́го хрⷭ҇то́во на ра́мо взе́мъ, до́блественнѣ наи́тїе вра́жїе попра́лъ є҆сѝ. Тѣ́мже тѧ̀ вѣ́рою всѝ почита́емъ, ѽ пребл҃же́нне, мона́шествꙋющихъ похвало̀. Тѣ́мже хрⷭ҇та̀ непреста́ннѡ молѝ, спастѝ дꙋ́шы на́шѧ. Два́жды."
|
|
},
|
|
{
|
|
"type": "TEXT",
|
|
"value": "Вѣ́рою соше́дшесѧ всѝ, ꙗ҆́кѡ по́стника тѧ̀ хрⷭ҇то́ва почита́емъ, са́вво: ра́дꙋѧсѧ бо ше́ствовалъ є҆сѝ въ пꙋсты́ни непрохо́днѣй, мꙋ́дре, наста́вникъ бы́лъ є҆сѝ че́стенъ. Тѣ́мже тебѣ̀ мы̀ вѣ́рою взыва́емъ, бл҃же́нне: по́стникѡвъ похвало̀, ѡ҆ на́съ моли́сѧ ко гдⷭ҇ꙋ, поми́ловатисѧ дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "Прпⷣбне ѻ҆́ч҃е на́шъ, бꙋ́дꙋщїѧ ра́ди жи́зни, на рѣцѣ̀ глаго́лемѣй ви́шерѣ всели́лсѧ є҆сѝ, ника́коже боѧ́сѧ неви́димыхъ врагѡ́въ, мно́гажды толца̑нїѧ творѧ́щихъ къ тебѣ̀. Ты́ же моли́твами сїѧ̑ безвѣ̑стны сотворѧ́лъ є҆сѝ, ѽ терпѣли́вый дꙋше́ю! Тѣ́мже тѧ̀ вѣ́рою всѝ чти́мъ и҆ ᲂу҆блажа́емъ."
|
|
},
|
|
{
|
|
"type": "HEADER",
|
|
"value": "Сла́ва, гла́съ и҃. Самогла́сенъ:"
|
|
},
|
|
{
|
|
"type": "TEXT",
|
|
"value": "На нб҃о текꙋ́щею возше́дъ колесни́цею, чꙋ́дне, добродѣ́тели, дости́глъ є҆сѝ кра́йнее житїѐ. Воздержа́нїемъ въ пꙋсты́ни живы́й, смотрѧ́ѧ вы́шнѧгѡ і҆ерⷭ҇ли́ма красотꙋ̀, и҆ болѣ́зненныхъ по́двигѡвъ досто́йнѡ по́чєсти прїи́мъ, съ нбⷭ҇ными ра́дꙋешисѧ чинонача̑лїи пребл҃же́нне, вѣ́чныхъ бла̑гъ наслѣ́дникъ, и҆ црⷭ҇твїѧ жи́тель бы́въ. Но моли́сѧ, прпⷣбне са́вво, сп҃сꙋ всѣ́хъ, ᲂу҆мири́ти мі́ръ, и҆ спастѝ дꙋ́шы на́шѧ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "HEADER",
|
|
"value": "Та́же, Славосло́вїе вели́кое. И҆ ѿпꙋ́стъ."
|
|
},
|
|
{
|
|
"type": "HEADER",
|
|
"value": "На лїтꙋргі́и слꙋ́жба прпⷣбныхъ."
|
|
}
|
|
] |