282 lines
25 KiB
JSON
282 lines
25 KiB
JSON
[
|
|
{
|
|
"type": "HEADER",
|
|
"value": "Ѻ҆ктѡ́врїа в҃"
|
|
},
|
|
{
|
|
"type": "HEADER",
|
|
"value": "Ст҃а́гѡ и҆ бл҃же́ннагѡ а҆ндре́а, хрⷭ҇та̀ ра́ди ю҆ро́дивагѡ."
|
|
},
|
|
{
|
|
"type": "HEADER",
|
|
"value": "Слꙋ́жба ст҃а́гѡ а҆ндре́а пое́тсѧ на повече́рїи."
|
|
},
|
|
{
|
|
"type": "HEADER",
|
|
"value": "Стїхи̑ры, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Ѽ пресла́внагѡ чꙋдесѐ!"
|
|
},
|
|
{
|
|
"type": "TEXT",
|
|
"value": "Ѽ пресла́внагѡ чꙋдесѐ, ꙗ҆́кѡ во и҆зстꙋпле́нїи ᲂу҆ма̀, соверши́сѧ дꙋхо́внаѧ мꙋ́дрость въ тебѣ̀, ѻ҆́ч҃е а҆ндре́е: всѧ̑ бо ᲂу҆ме́ты вмѣни́лъ є҆сѝ, да хрⷭ҇та̀ приѡбрѧ́щеши, и҆ црⷭ҇тво нбⷭ҇ное возлюби́лъ є҆сѝ, є҆́же и҆ полꙋчи́лъ є҆сѝ: ны́нѣ со а҆́гг҃лы стоѧ̀, свѧ́те, моли́сѧ ѡ҆ чтꙋ́щихъ прилѣ́жнѡ па́мѧть твою̀."
|
|
},
|
|
{
|
|
"type": "TEXT",
|
|
"value": "Ѽ пресла́внагѡ чꙋдесѐ, пло́тскꙋ се́рдцемъ, безплѡ́тныѧ показа́лъ є҆сѝ, и҆ сокровє́ннаѧ ѿкры́лъ є҆сѝ ᲂу҆го́дникꙋ твоемꙋ̀ а҆ндре́ю, бы́вшемꙋ ю҆ро́дꙋ тебє̀ ра́ди, и҆ земны̑ѧ стра̑сти претерпѣ́вшемꙋ, крⷭ҇тъ взе́мшемꙋ, и҆ послѣ́довавшꙋ тебѣ̀ влⷣцѣ и҆ бг҃ꙋ. Є҆гѡ́же моли́твами, хрⷭ҇тѐ бж҃е, ꙗ҆́кѡ ми́лостивъ, спасѝ дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "Ѽ пресла́внагѡ чꙋдесѐ, въ бре́ннѣмъ тѣ́лѣ ходѧ̀ на землѝ, тебѐ ра́ди гдⷭ҇и, ꙗ҆́кѡ безпло́тенъ пребыва́ѧ, ᲂу҆го́дникъ тво́й а҆ндре́й ве́лїе нестѧжа́нїе стѧжа̀, ѡ҆бѣща́нныхъ твои́хъ возжелѣ́въ, є҆гѡ́же ни ѻ҆́ко ви́дѣ, ни ᲂу҆́хо слы́ша, ни на се́рдце человѣ́ка взы́де, ᲂу҆гото́ванныхъ лю́бѧщымъ тебѐ: тогѡ̀ моли́твами спасѝ дꙋ́шы на́шѧ ꙗ҆́кѡ ми́лостивъ."
|
|
},
|
|
{
|
|
"type": "HEADER",
|
|
"value": "Сла́ва, гла́съ ѕ҃:"
|
|
},
|
|
{
|
|
"type": "TEXT",
|
|
"value": "До нб҃сѐ восхище́нъ бы́лъ є҆сѝ, и҆ неизречє́нныѧ глаго́лы слы́шавъ, неви̑димаѧ же ᲂу҆ви́дѣлъ є҆сѝ, и҆ честна́гѡ крⷭ҇та̀ ѻ҆́бразъ ви́дѣвъ, съ любо́вїю того̀ цѣлова́лъ є҆сѝ, и҆ бжⷭ҇твенныѧ сла́дости и҆спо́лнилсѧ є҆сѝ, и҆ ра̑йскаѧ бл҃га̑ѧ ѿкровє́на тебѣ̀ бы́ша: ѿ мо́лнїи и҆зтка́нною ри́зою ѡ҆бле́клсѧ є҆сѝ, хрⷭ҇тꙋ̀ послѣ́довавъ, свѧ́те а҆ндре́е досточꙋ́дне."
|
|
},
|
|
{
|
|
"type": "HEADER",
|
|
"value": "Тропа́рь, гла́съ а҃:"
|
|
},
|
|
{
|
|
"type": "TEXT",
|
|
"value": "Гла́съ а҆пⷭ҇ла твоегѡ̀ па́ѵла ᲂу҆слы́шавъ глаго́лющь: мы̀ ю҆ро́ди хрⷭ҇та̀ ра́ди, ра́бъ тво́й а҆ндре́й ю҆ро́дъ бы́сть на землѝ тебє̀ ра́ди, хрⷭ҇тѐ бж҃е. Тѣ́мже ны́нѣ па́мѧть є҆гѡ̀ почита́юще, тебѣ̀ мо́лимсѧ, гдⷭ҇и, спасѝ дꙋ́шы на́шѧ."
|
|
},
|
|
{
|
|
"type": "HEADER",
|
|
"value": "Канѡ́нъ ст҃о́мꙋ. Гла́съ д҃."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ѿве́рзꙋ ᲂу҆ста̀ моѧ̑, и҆ напо́лнѧтсѧ дх҃а, и҆ сло́во ѿры́гнꙋ цр҃и́цѣ мт҃ри, и҆ ꙗ҆влю́сѧ свѣ́тлѡ торжествꙋ́ѧ, и҆ воспою̀ ра́дꙋѧсѧ тоѧ̀ чꙋдеса̀."
|
|
},
|
|
{
|
|
"type": "TEXT",
|
|
"value": "Ѿве́рзи моѝ ᲂу҆стнѣ̀, подви́гни мо́й ѧ҆зы́къ, и҆ и҆спра́ви мо́й смы́слъ, всѧ̑ ᲂу҆мꙋдрѧ́ѧй, бж҃е, да похвалю̀ ᲂу҆го́дника твоего̀ а҆ндре́а, ю҆ро́да бы́вшаго на землѝ тебє̀ ра́ди."
|
|
},
|
|
{
|
|
"type": "TEXT",
|
|
"value": "А҆ндре́е бл҃же́нне, ты̀ и҆змла́да хрⷭ҇та̀ возлюби́лъ є҆сѝ, и҆ къ немꙋ̀ є҆динодꙋ́шнѡ возжелѣ́лъ є҆сѝ: ка́кѡ же тѧ̀ по достоѧ́нїю похва́лимъ, на дїа́вола воѻрꙋжи́вшасѧ, и҆ сегѡ̀ кѡ́зни побѣди́вша си́лою хрⷭ҇то́вою;"
|
|
},
|
|
{
|
|
"type": "TEXT",
|
|
"value": "Моли́твами бг҃ꙋ молѧ́сѧ, и҆ дїа́волꙋ досажда́ѧ, и҆ мно́гагѡ є҆гѡ̀ толца́нїѧ въ двє́ри хи́жины твоеѧ̀ а҆́ще вма́лѣ и҆ ᲂу҆страши́всѧ, но неподви́женъ ᲂу҆мо́мъ пребы́лъ є҆сѝ, си́лою хрⷭ҇то́вою ᲂу҆крѣплѧ́емый."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ѽ прест҃а́ѧ гпⷭ҇жѐ дв҃о бцⷣе! Покры́й ны̀ чꙋ́днымъ твои́мъ ѡ҆мофо́ромъ, и҆ сохранѧ́й гра́дъ тво́й ѿ бѣ́дъ и҆ скорбе́й, ꙗ҆́коже тѧ̀ пребл҃же́нный ви́дѣ а҆ндре́й, во влахе́рнстѣй це́ркви молѧ́щꙋюсѧ."
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "TEXT",
|
|
"value": "І҆рмо́съ: Твоѧ̑ пѣсносло́вцы, бцⷣе, живы́й и҆ незави́стный и҆сто́чниче, ли́къ себѣ̀ совокꙋ́пльшыѧ дꙋхо́внѡ ᲂу҆твердѝ, въ бжⷭ҇твеннѣй твое́й сла́вѣ, вѣнцє́въ сла́вы сподо́би."
|
|
},
|
|
{
|
|
"type": "TEXT",
|
|
"value": "Со є҆ѳїо́помъ бра́всѧ, побѣди́лъ є҆сѝ того̀, ѿ хрⷭ҇та̀ дерзнове́нїе прїи́мъ, мно́гꙋ печа́ль де́мѡнѡмъ сотвори́лъ є҆сѝ, ст҃ы̑мъ же а҆́гг҃лѡмъ весе́лїе и҆ ра́дость: съ ни́миже ны́нѣ водворѧ́ешисѧ."
|
|
},
|
|
{
|
|
"type": "TEXT",
|
|
"value": "Во снѣ̀ хрⷭ҇та̀ пре́жде ви́дѣлъ, є҆сѝ, на де́мѡны тѧ̀ ᲂу҆крѣплѧ́юща, и҆ вѣне́цъ тебѣ̀ подаю́ща, и҆ со є҆ѳїо́помъ бра́тисѧ поꙋча́юща: ны́нѣ же не сновидѣ́нїемъ, но въ неизрече́ннѣмъ свѣ́тѣ сла́вы є҆гѡ̀ ви́дѧ, за ны̀ моли́сѧ."
|
|
},
|
|
{
|
|
"type": "TEXT",
|
|
"value": "Хрⷭ҇та̀ послꙋ́шалъ є҆сѝ повелѣ́вшагѡ тебѣ̀ ю҆ро́дꙋ бы́ти, и҆ црⷭ҇тво нбⷭ҇ное ѡ҆бѣща́вша: томꙋ̀ послѣ́довавъ, неизречє́ннаѧ блага̑ѧ є҆гѡ̀ воспрїѧ́лъ є҆сѝ, а҆ндре́е досточꙋ́дне."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Прїидѝ ны́нѣ во сла́вѣ въ це́рковь твою̀, бцⷣе, съ собо́ры ст҃ы́хъ, ꙗ҆́коже тѧ̀ ви́дѣ ст҃ы́й а҆ндре́й, на воздꙋ́сѣ свѣ́тлѣ за хрⷭ҇тїа́ны молѧ́щꙋюсѧ, и҆ пода́ждь на́мъ, гпⷭ҇жѐ, ве́лїю ми́лость."
|
|
},
|
|
{
|
|
"type": "HEADER",
|
|
"value": "Сѣда́ленъ, гла́съ и҃:"
|
|
},
|
|
{
|
|
"type": "TEXT",
|
|
"value": "Оу҆́зы и҆ желѣ́зы свѧ́занъ въ це́ркви сѣдѧ̀, а҆ндре́е, мно́ги стра́хи ѿ де́мѡнѡвъ под̾ѧ́лъ є҆сѝ, и҆ помо́щника себѣ̀ ѡ҆брѣ́лъ є҆сѝ, а҆пⷭ҇ла хрⷭ҇то́ва, возлю́бленнаго і҆ѡа́нна, и҆́же повелѣ̀ тебѣ̀ терпѣ́ти хрⷭ҇та̀ ра́ди. Съ ни́мже ны́нѣ водворѧ́ешисѧ, за ны̀ моли́сѧ чтꙋ́щыѧ па́мѧть твою̀."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Въ напа̑сти многоплетє́нныѧ впа́дъ, ѿ вра̑гъ ви́димыхъ и҆ неви́димыхъ, бꙋ́рею ѡ҆держи́мь безчи́сленныхъ согрѣше́нїй мои́хъ, и҆ ꙗ҆́кѡ къ те́пломꙋ застꙋпле́нїю и҆ покро́вꙋ моемꙋ̀, чⷭ҇таѧ, ко приста́нищꙋ притека́ю твоеѧ̀ бл҃гости. Тѣ́мже, пречⷭ҇таѧ, и҆зъ тебє̀ воплоще́нномꙋ безсѣ́меннѡ, моли́сѧ прилѣ́жнѡ ѡ҆ всѣ́хъ рабѣ́хъ твои́хъ, непреста́ннѡ молѧ́щихтисѧ, бцⷣе пречⷭ҇таѧ, молѧ́щи є҆го̀ при́снѡ, согрѣше́нїй ѡ҆ставле́нїе дарова́ти воспѣва́ющымъ досто́йнѡ сла́вꙋ твою̀."
|
|
},
|
|
{
|
|
"type": "TEXT",
|
|
"value": "Крⷭ҇тобг҃оро́диченъ: А҆́гнца и҆ па́стырѧ и҆ и҆зба́вителѧ а҆́гница зрѧ́щи на крⷭ҇тѣ̀, восклица́ше пла́чꙋщи, и҆ го́рькѡ рыда́ющи вопїѧ́ше: мі́ръ ᲂу҆́бѡ ра́дꙋетсѧ, прїе́млѧй тобо́ю и҆збавле́нїе, ᲂу҆тро́ба же моѧ̀ гори́тъ, зрѧ́щи твоѐ распѧ́тїе, є҆́же терпи́ши за милосе́рдїе ми́лости, долготерпѣли́ве гдⷭ҇и, ми́лости бе́здно и҆ и҆сто́чниче неисчерпа́емый, ᲂу҆милосе́рдисѧ и҆ да́рꙋй согрѣше́нїй ѡ҆ставле́нїе вѣ́рою пою́щымъ бжⷭ҇твєнныѧ стра̑сти твоѧ̑."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "TEXT",
|
|
"value": "І҆рмо́съ: Сѣдѧ́й въ сла́вѣ на прⷭ҇то́лѣ бжⷭ҇тва̀, во ѻ҆́блацѣ ле́гцѣ прїи́де і҆и҃съ пребжⷭ҇твенный, нетлѣ́нною дла́нїю, и҆ спасѐ зовꙋ́щыѧ: сла́ва, хрⷭ҇тѐ, си́лѣ твое́й."
|
|
},
|
|
{
|
|
"type": "TEXT",
|
|
"value": "Сѣдѧ́ща на прⷭ҇то́лѣ хрⷭ҇та̀ цр҃ѧ̀ ви́дѣлъ є҆сѝ, го́рькїѧ сеѧ̀ жи́зни ѻ҆́бразъ разсмотри́лъ є҆сѝ, горча́йшь пелы́ни сꙋ́щїй. Пото́мъ же нетлѣ́нныѧ сла́дости вкꙋ́съ прїѧ́лъ є҆сѝ."
|
|
},
|
|
{
|
|
"type": "TEXT",
|
|
"value": "Тогда̀ во снѣ̀ и҆ въ восто́рзѣ хрⷭ҇та̀ ви́дѣлъ є҆сѝ, ны́нѣ же со безпло́тными си́лами водворѧ́ѧсѧ, сла́вꙋ бж҃їю ви́диши непостижи́мꙋю и҆ неизглаго́ланнꙋю: помина́й на́съ, а҆ндре́е, чтꙋ́щихъ па́мѧть твою̀."
|
|
},
|
|
{
|
|
"type": "TEXT",
|
|
"value": "Ѿ видѣ́нїѧ ра́зꙋмѡвъ ᲂу҆вѣ́рившагосѧ а҆ндре́а похва́лимъ, вѣ́рнїи, на землѝ бы́вша ю҆ро́да хрⷭ҇та̀ ра́ди, на нб҃сѣ́хъ же ны́нѣ премꙋ́дра дꙋхо́вною бл҃года́тїю, со а҆́гг҃лы предстоѧ́ща всѣ́хъ бг҃ꙋ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Кто̀ и҆зглаго́лати мо́жетъ твоегѡ̀ ржⷭ҇тва̀ та́инство; и҆лѝ кто̀ и҆сповѣ́сть твоеѧ̀ моли́твы си́лꙋ; а҆́ще не бы̀ сама̀ ты̀ показа́ла є҆сѝ а҆ндре́ю ю҆ро́дивомꙋ въ це́ркви влахе́рнстѣй честны́й тво́й покро́въ."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆жасо́шасѧ всѧ́чєскаѧ ѡ҆ бжⷭ҇твеннѣй сла́вѣ твое́й: ты́ бо, неискꙋсобра́чнаѧ дв҃о, и҆мѣ́ла є҆сѝ во ᲂу҆тро́бѣ надъ всѣ́ми бг҃а, и҆ родила̀ є҆сѝ безлѣ́тнаго сн҃а, всѣ̑мъ воспѣва́ющымъ тѧ̀ ми́ръ подава́ющаѧ."
|
|
},
|
|
{
|
|
"type": "TEXT",
|
|
"value": "Оу҆дивле́нїе бы́сть всѣ̑мъ ви́дѧщымъ а҆ндре́ево житїѐ: на сме́тьищи лега́нїе, и҆ посредѣ̀ гра́да ѡ҆бнаже́нїе, и҆ колесни́чное попра́нїе. Но сїѧ̑ всѧ̑ бы́сть є҆мꙋ̀ пꙋтѝ правле́нїе въ нбⷭ҇ное црⷭ҇твїе."
|
|
},
|
|
{
|
|
"type": "TEXT",
|
|
"value": "Оу҆диви́шасѧ всѝ ви́дѧщїи терпѣ́нїе твоѐ: мч҃ницы бо во є҆ди́но вре́мѧ стра́сть претерпѣ́ша: ты́ же всѧ̑ дни̑ живота̀ твоегѡ̀ ѕлы̑ѧ мꙋ̑ки терпѣ́лъ є҆сѝ, въ нбⷭ҇ное ца́рство жела́ѧ всели́тисѧ, є҆́же полꙋчи́въ ны́нѣ, ра́дꙋешисѧ безконе́чною ра́достїю."
|
|
},
|
|
{
|
|
"type": "TEXT",
|
|
"value": "Сокровє́ннаѧ бы́ша тебѣ̀ ѿкровє́на, и҆ всѧ̑ безплѡ́тныѧ а҆́ки плѡтскі́ѧ ви́дѣлъ є҆сѝ, ничто́же бо земны́хъ возлюби́лъ є҆сѝ. Тѣ́мже и҆ нбⷭ҇наѧ врата̀ ѿверзо́шасѧ тебѣ̀, въ неизглаго́ланнꙋю ра́дость гдⷭ҇а твоегѡ̀, бл҃же́нне, вше́лъ є҆сѝ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Пою́тъ тѧ̀ чи́ни а҆́гг҃льстїи, и҆ сла́вѧтъ тѧ̀ земны́хъ ро́ди: ты́ бо, нбⷭ҇наѧ цр҃и́це, а҆ндре́ю ꙗ҆ви́ласѧ є҆сѝ, покрыва́ющи лю́ди въ це́ркви нетлѣ́ннымъ твои́мъ покро́вомъ, за всѧ̑ пою́щыѧ тѧ̀ непреста́ннѡ молѧ́щисѧ."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Бжⷭ҇твенное сїѐ и҆ всечестно́е соверша́юще пра́зднество, бг҃омꙋ́дрїи, бг҃ома́тере, прїиди́те, рꙋка́ми воспле́щимъ, ѿ неѧ̀ ро́ждшагосѧ бг҃а сла́вимъ."
|
|
},
|
|
{
|
|
"type": "TEXT",
|
|
"value": "А҆пⷭ҇ла па́ѵла и҆спо́лнисѧ гла́съ на тебѣ̀, ѻ҆́ч҃е: сло́во кре́стное погиба́ющымъ ᲂу҆́бѡ ю҆ро́дство вмѣни́сѧ, тебѣ́ же спаса́ющемꙋсѧ си́ла бж҃їѧ бы́сть, а҆ндре́е всехва́льне."
|
|
},
|
|
{
|
|
"type": "TEXT",
|
|
"value": "Хрⷭ҇то́въ гла́съ и҆спо́лнисѧ на тебѣ̀ рече́нный: бл҃же́ни ни́щїи дꙋ́хомъ, ꙗ҆́кѡ тѣ́хъ є҆́сть црⷭ҇тво нбⷭ҇ное. Ты́ бо ѡ҆бнища́лъ є҆сѝ дꙋ́хомъ, и҆ црⷭ҇тво нбⷭ҇ное воспрїѧ́лъ є҆сѝ."
|
|
},
|
|
{
|
|
"type": "TEXT",
|
|
"value": "Є҆пїфа́нїа и҆ногда̀ ю҆́ношꙋ сꙋ́ща, на пꙋ́ть пра́вый наста́вилъ є҆сѝ. Є҆мꙋ́же и҆ проре́клъ є҆сѝ а҆рхїере́ю бы́ти, и҆ лю́ди ᲂу҆чи́ти: всѧ̑ бо бꙋ̑дꙋщаѧ, ꙗ҆́кѡ предъ ѻ҆чесы̀ сꙋ̑щаѧ ви́дѣлъ є҆сѝ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Припа́даемъ тебѣ̀, бцⷣе, мы̀ грѣ́шнїи, да и҆ на на́съ ны́нѣ простре́ши неви́димый покро́въ тво́й, къ сн҃ꙋ твоемꙋ̀ и҆ бг҃ꙋ на́шемꙋ да принесе́ши моли̑твы твоѧ̑ за ны̀, ꙗ҆́коже тѧ̀ дре́вле а҆ндре́й ви́дѣ."
|
|
},
|
|
{
|
|
"type": "HEADER",
|
|
"value": "Конда́къ, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Вознесы́йсѧ:"
|
|
},
|
|
{
|
|
"type": "TEXT",
|
|
"value": "Во ю҆ро́дство претвори́всѧ во́лею, мі́ра сегѡ̀ красѡты̀ ѿню́дъ возненави́дѣлъ є҆сѝ, плотска̑ѧ мꙋдрова̑нїѧ ᲂу҆вѧди́лъ є҆сѝ посто́мъ и҆ жа́ждею, и҆ зно́емъ и҆ стꙋ́денїю мра́за, ѿ дождѧ̀ и҆ снѣ́га, и҆ ѿ про́чїѧ воздꙋ́шныѧ тѧготы̀ никогда́же ᲂу҆клони́всѧ, ѡ҆чи́стилъ є҆сѝ себѐ ꙗ҆́кѡ зла́то въ горни́лѣ, а҆ндре́е бл҃же́нне."
|
|
},
|
|
{
|
|
"type": "TEXT",
|
|
"value": "І҆́косъ: Прїиди́те хрⷭ҇толю́бцы, прїиди́те нищелю́бцы, восхва́лимъ блаже́ннаго страда́льца, премꙋ́драго а҆ндре́а, бы́вша ю҆ро́да хрⷭ҇та̀ ра́ди, во́лею мі́ръ и҆ ꙗ҆̀же въ не́мъ ᲂу҆ме́ты вмѣни́вша по а҆пⷭ҇лꙋ, и҆ во слѣ́дъ хрⷭ҇та̀ ᲂу҆се́рднѡ поте́кша, пло́ть же свою̀ посто́мъ и҆ жа́ждею и҆ зно́емъ, и҆ дожде́мъ и҆ снѣ́гомъ, воздꙋ́шною тѧ́гостїю смири́вша, дꙋ́шꙋ же ѿ страсте́й свобо́днꙋ соблю́дша, и҆ свѣ́тлꙋ добродѣ́тельми содѣ́лавша, и҆ нбⷭ҇ное житїѐ со всѣ́ми ст҃ы́ми вѣ́чнѡ наслѣ́довавша, и҆ молѧ́щасѧ хрⷭ҇тꙋ̀ бг҃ꙋ ѡ҆ чтꙋ́щихъ є҆го̀ вѣ́рою и҆ любо́вїю. Къ немꙋ́же возопїи́мъ: ра́дꙋйсѧ, ᲂу҆го́дниче хрⷭ҇то́въ а҆ндре́е блаже́нне."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "TEXT",
|
|
"value": "І҆рмо́съ: Не послꙋжи́ша тва́ри бг҃омꙋ́дрїи, па́че созда́вшагѡ: но ѻ҆́гненное преще́нїе мꙋ́жески попра́вше, ра́довахꙋсѧ, пою́ще: препѣ́тый ѻ҆тцє́въ гдⷭ҇ь и҆ бг҃ъ, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Ничто́же и҆зво́ливъ люби́ти на землѝ па́че зижди́телѧ, но посредѣ̀ храмѡ́въ скита́ѧсѧ, блаже́нне а҆ндре́е, ра́довалсѧ є҆сѝ, поѧ̀: препѣ́тый ѻ҆тцє́въ гдⷭ҇ь и҆ бг҃ъ благослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Не пощадѣ̀ пло́ти своеѧ̀, но предадѐ ю҆̀ на по́двиги и҆ трꙋды̀, и҆ нꙋ́ждное пребыва́нїе. Тѣ́мъ кѡ́зни де́мѡнскїѧ мꙋ́жески попра̀ блаже́нный а҆ндре́й, поѧ̀: препѣ́тый ѻ҆тцє́въ гдⷭ҇ь и҆ бг҃ъ бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Ничто́же земны́ѧ сла́вы восхотѣ́лъ є҆сѝ, хрⷭ҇та́ же па́че возлюби́лъ є҆сѝ, бл҃же́нне а҆ндре́е, и҆ къ немꙋ̀ восте́клъ є҆сѝ ра́дꙋѧсѧ, болѣ́зней твои́хъ прїе́млѧ воздаѧ́нїе, и҆ поѧ̀ при́снѡ: бл҃гослове́нъ бг҃ъ ѻ҆тцє́въ на́шихъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Бл҃же́нне а҆ндре́е, моли́сѧ и҆ ны́нѣ цр҃и́цѣ бцⷣѣ, ю҆́же ви́дѣлъ є҆сѝ за мі́ръ молѧ́щꙋюсѧ, да на́съ покры́етъ непобѣди́мою свое́ю ми́лостїю: тоѧ́ бо покро́вомъ всѝ вѣ́рнїи сохранѧ́емсѧ."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ѻ҆́троки благочести̑выѧ въ пещѝ ржⷭ҇тво̀ бг҃оро́дичо спасло̀ є҆́сть, тогда̀ ᲂу҆́бѡ ѡ҆бразꙋ́емое, ны́нѣ же дѣ́йствꙋемое, вселе́ннꙋю всю̀ воздвиза́етъ пѣ́ти тебѣ̀: гдⷭ҇а по́йте дѣла̀, и҆ превозноси́те є҆го̀ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Бога́таго ᲂу҆ме́рша и҆ногда̀ ви́дѣлъ є҆сѝ, съ ви́димою че́стїю провожда́ема, неви́димѡ же ѕлѣ̀ своди́ма во глꙋбинꙋ̀ а҆́довꙋ, бл҃же́нне а҆ндре́е, и҆ ѡ҆ не́мъ пла́часѧ, и҆ молѧ́сѧ гдⷭ҇ꙋ."
|
|
},
|
|
{
|
|
"type": "TEXT",
|
|
"value": "Безпло́тнаго а҆́гг҃ла, печа́лꙋющаго ѡ҆ поги́бели дꙋшѝ бога́тагѡ, въ житїѝ се́мъ не пока́ѧвшасѧ, ѿ печа́ли премѣни́лъ є҆сѝ, а҆ндре́е бл҃же́нне, съ ни́мже пое́ши: гдⷭ҇а по́йте дѣла̀, и҆ превозноси́те є҆го̀ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Сребролю́бца мона́ха ви́дѣлъ є҆сѝ, ѿ ѕла́гѡ ѕмі́ѧ стꙋжа́ема, а҆ндре́е бл҃же́нне, и҆ того̀ ѿ сребролю́бнагѡ недꙋ́га и҆зба́вивъ, вразꙋми́лъ є҆сѝ пѣ́ти, и҆ превозноси́ти гдⷭ҇и во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ѿ а҆ндре́ева видѣ́нїѧ покро́въ тво́й ᲂу҆вѣ́дѣвше, цр҃и́це бцⷣе, мо́лимсѧ тебѣ̀ прилѣ́жнѡ: покры́й ны̀ ми́лостїю твое́ю, пою́щыѧ сн҃а твоего̀, и҆ превозносѧ́щыѧ є҆го̀ во всѧ̑ вѣ́ки."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Всѧ́къ земноро́дный да взыгра́етсѧ, дх҃омъ просвѣща́емь, да торжествꙋ́етъ же безпло́тныхъ ᲂу҆мѡ́въ є҆стество̀, почита́ющее свѧще́нное торжество̀ бг҃ома́тере, и҆ да вопїе́тъ: ра́дꙋйсѧ, всебл҃же́ннаѧ бцⷣе, чⷭ҇таѧ приснодв҃о."
|
|
},
|
|
{
|
|
"type": "TEXT",
|
|
"value": "По хрⷭ҇то́вꙋ словесѝ, за бїю́щыѧ тѧ̀ моли́лсѧ є҆сѝ свѧ́те: тѣ́мже нбⷭ҇наѧ врата̀ ѿве́рзста, и҆ дꙋ́шы пра́ведныхъ во ѻ҆́бразѣ ла́стовицъ лета́ющыѧ, ви́дѣлъ є҆сѝ: съ ни́миже ны́нѣ водворѧ́ешисѧ, а҆ндре́е бл҃же́нне."
|
|
},
|
|
{
|
|
"type": "TEXT",
|
|
"value": "Хрⷭ҇та̀ бг҃а и҆́стиннѡ возлюби́въ, тебє̀ сама́гѡ ѿве́рглсѧ є҆сѝ, и҆ томꙋ̀ послѣ́довалъ є҆сѝ, ꙗ҆́коже ѻ҆́нъ речѐ: любѧ́й дꙋ́шꙋ свою̀ спастѝ, погꙋби́тъ ю҆̀. Тѣ́мже дꙋ́шꙋ твою̀ въ жи́знь вѣ́чнꙋю соблю́лъ є҆сѝ, достохва́льне свѧ́те а҆ндре́е."
|
|
},
|
|
{
|
|
"type": "TEXT",
|
|
"value": "Вели̑каѧ и҆ пресла̑внаѧ ны́нѣ сбы́шасѧ тебѣ̀ въ нбⷭ҇нѣмъ црⷭ҇твїи, а҆́ще и҆ ю҆ро́дъ бы́лъ є҆сѝ мі́рꙋ, но хрⷭ҇тꙋ̀ мꙋ́дръ ꙗ҆ви́лсѧ є҆сѝ, достохва́льне: призира́й съ нбⷭ҇нагѡ крꙋ́га на ны̀, почита́ющыѧ па́мѧть твою̀."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Всѧ́къ земноро́дный покрыва́етсѧ покро́вомъ твои́мъ, пресла́внаѧ застꙋ́пнице бцⷣе, ꙗ҆́коже бл҃же́нный а҆ндре́й тѧ̀ ви́дѣ за мі́ръ молѧ́щꙋюсѧ несозда́нномꙋ сꙋществꙋ̀, въ созда́нное є҆стество̀ ѿ тебѐ ѡ҆бле́кшемꙋсѧ."
|
|
}
|
|
] |