742 lines
62 KiB
JSON
742 lines
62 KiB
JSON
[
|
|
{
|
|
"type": "HEADER",
|
|
"value": "Феѵрꙋа́рїа и҃"
|
|
},
|
|
{
|
|
"type": "HEADER",
|
|
"value": "И҆́же бо свѧты́хъ ѻ҆тца̀ на́шегѡ са́ввы втора́гѡ, а҆рхїепі́скопа се́рбскагѡ."
|
|
},
|
|
{
|
|
"type": "HEADER",
|
|
"value": "На ма́лѣй вече́рни, стїхи̑ры на д҃, гла́съ д҃."
|
|
},
|
|
{
|
|
"type": "TEXT",
|
|
"value": "Житїѐ непоро́чно ꙗ҆ви́лъ є҆сѝ свѧти́телю са́вво и҆ къ престо́лꙋ гдⷭ҇ню прехва́льне доше́лъ є҆сѝ, пома́завсѧ а҆рхїере́йскимъ мѵ́ромъ и҆ бы́въ па́стырь слове́снагѡ ста́да. Тѣ́мъ тѧ̀ ᲂу҆блажа́емъ благочести́внѡ пѣ́снми и҆ всесвѧще́ннꙋю твою̀ соверша́емъ па́мѧть. Два́жды."
|
|
},
|
|
{
|
|
"type": "TEXT",
|
|
"value": "Зна́менми и҆ чꙋдеса́ми тебѐ влады́ка просла́ви, треблаже́нне са́вво: прого́ниши бо дꙋ́хи и҆ врачꙋ́еши стра̑сти, дꙋ́шы же вѣ́рныхъ просвѣща́еши, притека́ющихъ къ свѧто́мꙋ твоемꙋ̀ гро́бꙋ, а҆́гг҃лѡвъ равностоѧ́телю, а҆рхїере́ѡмъ сопресто́льне, а҆пⷭ҇лѡмъ є҆динонра́вне, благовѣ́рїѧ побо́рниче, моли́твениче ѡ҆ дꙋша́хъ на́шихъ."
|
|
},
|
|
{
|
|
"type": "TEXT",
|
|
"value": "Благочести́вагѡ ко́рене блага́ѧ ѿра́сль, ѿ неѧ́ же прозѧбѐ цвѣ́тъ благоꙋха́нный, мо́щи бо твоѧ̀ проѧвлѧ́ютъ добродѣ́тели, и҆́хже мы̀ ѡ҆благоꙋха́юще, восхвалѧ́емъ бг҃а, тебѐ просла́вльшаго, са́вво достобла́женне, моли́сѧ гдⷭ҇еви ѡ҆ дꙋша́хъ на́шихъ."
|
|
},
|
|
{
|
|
"type": "HEADER",
|
|
"value": "Сла́ва, гла́съ а҃."
|
|
},
|
|
{
|
|
"type": "TEXT",
|
|
"value": "Ст҃е и҆ свѧти́телю всеблаже́нне са́вво! Посѣща́й ста́до твоѐ и҆ соблюда́й є҆̀ невреди́мо ѿ волкѡ́въ напа́дающихъ, загражда́ѧ и҆́мъ ѕлокова̑рнаѧ ᲂу҆ста̀, ꙗ҆́кѡ да въ ми́рѣ воспѣва́емъ сла́вꙋ твою̀."
|
|
},
|
|
{
|
|
"type": "HEADER",
|
|
"value": "И҆ ны́нѣ, чꙋдотво́рной і҆кѡ́нѣ, и҆лѝ бг҃оро́диченъ."
|
|
},
|
|
{
|
|
"type": "HEADER",
|
|
"value": "На стїхо́внѣ стїхи̑ры, гла́съ в҃."
|
|
},
|
|
{
|
|
"type": "TEXT",
|
|
"value": "Ꙗ҆ви́лсѧ є҆сѝ ѿ млады́хъ ногте́й бг҃оно́се, ѡ҆свѧще́нъ сосꙋ́дъ, са́вво, и҆ жили́ще прест҃а́гѡ и҆ животворѧ́щагѡ дх҃а."
|
|
},
|
|
{
|
|
"type": "TEXT",
|
|
"value": "Сті́хъ: Свѧще́нницы твоѝ ѡ҆блекꙋ́тсѧ въ пра́вдꙋ, и҆ прпⷣбнїи твоѝ возра́дꙋютсѧ."
|
|
},
|
|
{
|
|
"type": "TEXT",
|
|
"value": "Ра́дꙋйсѧ, свѧти́телей похвало̀, ѻ҆́тче са́вво, свѧще́нникѡмъ сла́ва, пра́вило мона́хѡмъ, вѣлце́мъ ᲂу҆краше́нїе и҆ це́ркве ᲂу҆твержде́нїе."
|
|
},
|
|
{
|
|
"type": "TEXT",
|
|
"value": "Сті́хъ: Блаже́нъ мꙋ́жъ боѧ́йсѧ гдⷭ҇а, въ за́повѣдехъ є҆гѡ̀ восхо́щетъ ѕѣлѡ̀."
|
|
},
|
|
{
|
|
"type": "TEXT",
|
|
"value": "Прїимѝ ны́нѣ пѣ́нїе ча́дъ твои́хъ, ѻ҆́тче свѧти́телю са́вво, лю́бѧщихъ тѧ̀, и҆ подава́й сердє́чнаѧ прошє́нїѧ сла́вѧщымъ тѧ̀."
|
|
},
|
|
{
|
|
"type": "HEADER",
|
|
"value": "Сла́ва, гла́съ ѕ҃."
|
|
},
|
|
{
|
|
"type": "TEXT",
|
|
"value": "И҆злїѧ́сѧ благода́ть во ᲂу҆стна́хъ твои́хъ, прпⷣбне ѻ҆́тче свѧти́телю са́вво, и҆ бы́лъ є҆сѝ па́стырь хрⷭ҇то́вы це́ркве, ᲂу҆ча̀ слове́сныѧ ѻ҆́вцы, вѣ́ровати въ трⷪ҇цꙋ є҆диносꙋ́щнꙋю, во є҆ди́номъ бж҃ествѣ̀."
|
|
},
|
|
{
|
|
"type": "HEADER",
|
|
"value": "И҆ ны́нѣ, чꙋдотво́рной і҆кѡ́нѣ, и҆лѝ бг҃оро́диченъ."
|
|
},
|
|
{
|
|
"type": "HEADER",
|
|
"value": "Тропа́рь, гла́съ д҃:"
|
|
},
|
|
{
|
|
"type": "TEXT",
|
|
"value": "И҆справле́нїе вѣ́ры и҆ ѻ҆́бразъ кро́тости, и҆ ꙗ҆́коже са́дъ посредѣ̀ раѧ̀ прпⷣбными дѣ́лы твои́ми мі́ръ просвѣща́еши, сегѡ̀ ра́ди къ честнѣ́й ра́цѣ моще́й твои́хъ любо́вїю прикаса́емсѧ, лобыза́емъ и҆́хъ и҆ вѣ́рнѡ вопїе́мъ: предста́ни въ по́мощь воспѣва́ющымъ па́мѧть свѧтꙋ́ю твою̀ и҆ свѣтоно́снꙋю, свѧти́телю ѻ҆́тче са́вво пребога́те, мо́лимсѧ хрⷭ҇тꙋ̀ бг҃ꙋ моли́сѧ спасти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "На вели́цѣй вече́рни, Блаже́нъ мꙋ́жъ, а҃-й а҆нтїфѡ́нъ."
|
|
},
|
|
{
|
|
"type": "HEADER",
|
|
"value": "На Гдⷭ҇и воззва́хъ, стїхи̑ры на и҃, гла́съ а҃."
|
|
},
|
|
{
|
|
"type": "TEXT",
|
|
"value": "Ѽ ди́вное чꙋ́до, и҆сто́чникъ чꙋдодѣѧ́нїй, ѿ гро́ба твоегѡ̀ возсїѧ́ютъ свѧты̑ѧ мо́щи твоѧ̑, свѧти́телю хрⷭ҇то́въ, са́вво прпⷣбне. Тѣ́мъ, чꙋде́съ свѣтлостьмѝ просвѣти́въ твоѧ̑ ча̑да вѣ̑рнаѧ, и҆ и҆стреби́въ страсте́й ѡ҆мраче́нїе, свѧти́телю, хрⷭ҇та̀ бг҃а молѝ дарова́ти на́мъ ве́лїю ми́лость. Два́жды."
|
|
},
|
|
{
|
|
"type": "TEXT",
|
|
"value": "Преподо́бне ѻ҆́тче са́вво, и҆спросѝ ꙗ҆́же къ бг҃ꙋ моли́твами твои́ми, це́ркви ᲂу҆твержде́нїе, і҆ера́рхи и҆ при́чтъ покры́й моли́твою твое́ю, споборѝ се́рбскомꙋ наро́дꙋ твоемꙋ̀, и҆ всѣ̑мъ правосла́внымъ хрⷭ҇тїа́нѡмъ притека́ющымъ къ ра́цѣ моще́й твои́хъ и҆ свѣ́тлѡ творѧ́щихъ пра́зднство ᲂу҆спе́нїѧ твоегѡ̀, свѧ́те, мо́лимсѧ."
|
|
},
|
|
{
|
|
"type": "TEXT",
|
|
"value": "Весели́сѧ и҆ ра́дꙋйсѧ хрⷭ҇тоимени́таѧ патрїа́рхїе се́рбскаѧ, такова̀ и҆мѣ́вши свѧти́телѧ и҆ проповѣ́дника благода́ти, воспои́мъ вѣ́рнїи, даві́да и҆мꙋ́ще ликонача́льника: свѧще́нницы бо твоѝ ѡ҆блекꙋ́тсѧ въ пра́вдꙋ и҆ прпⷣбнїи твоѝ возра́дꙋютсѧ, просѧ́ще ᲂу҆ хрⷭ҇та̀ ми́ра и҆ ве́лїѧ ми́лости."
|
|
},
|
|
{
|
|
"type": "HEADER",
|
|
"value": "И҆ны̀ стїхи̑ры свѧто́мꙋ, гла́съ д҃."
|
|
},
|
|
{
|
|
"type": "TEXT",
|
|
"value": "Ѻ҆́тче бг҃оꙋго́дниче са́вво, наказа́тель свѧще́нникѡвъ и҆ всеѧ̀ страны̀ се́рбскїѧ, ѕвѣзда̀ пресвѣ́тлаѧ, ѡ҆сїѧва́ющаѧ чꙋдеса́ми всѧ̀ вѣ̑рныѧ: тѧ́ бо бг҃ъ пре́жде и҆збра̀ ѿ ю҆́ности, ѻ҆́тче, па́стырѧ ѻ҆вца́мъ словє́снымъ. Тѣ́мже прпⷣбныхъ ли́къ тѧ̀ воспрїѧ́тъ, съ ни́мже молѝ, ста́дꙋ твоемꙋ̀ да́ти ѡ҆ставле́нїе грѣхѡ́въ и҆ спасе́нїе вѣ́чное."
|
|
},
|
|
{
|
|
"type": "TEXT",
|
|
"value": "Гро́бъ тво́й держи́тъ честно́е тѣ́ло а҆́ки бога́тство, ѡ҆богаща́ющее чꙋдеса́ми всѣ́хъ, и҆̀же вѣ́рнѡ притека́ютъ къ тебѣ̀, блаже́нне свѧти́телю са́вво, и҆мѣ́ющемꙋ ѻ҆́бласть вѧза́ти и҆ разрѣша́ти, прпⷣбне, разрѣшѝ всѧ̑ согрѣшє́нїѧ, пра́зднꙋющымъ свѣ́тлѡ твоѐ ᲂу҆спе́нїе, и҆ ца́рствїѧ небе́снагѡ сподо́би и҆̀хъ моли́твами твои́ми."
|
|
},
|
|
{
|
|
"type": "TEXT",
|
|
"value": "Прїиди́те вѣ́рныхъ собо́ри, ѱало́мски восплещи́те рꙋка́ми, печа́льныхъ ᲂу҆тѣ́шителѧ, ѿча́ѧнныхъ застꙋ́пника, бж҃е́ственнаго са́ввꙋ воспѣва́юще, похвалꙋ̀ землѝ се́рбскїѧ, всегѡ̀ свѧще́нства ᲂу҆краше́нїе, рѣкꙋ̀ ми́лости вои́стиннꙋ, бж҃е́ственнагѡ хрⷭ҇то́ва смире́нїѧ ревни́телѧ, подаю́щагѡ мі́рꙋ ве́лїю ми́лость."
|
|
},
|
|
{
|
|
"type": "TEXT",
|
|
"value": "Добродѣ́телми свѣ́тлѡ процвѣ́лъ є҆сѝ ꙗ҆́кѡ ма́слина плодови́та въ домꙋ̀ бж҃їи, тꙋ́чами твои́хъ пречи́стыхъ моли́твъ. Ѿѻнꙋ́дꙋже себѐ свѣщꙋ̀ вже́гъ свѣ́тлѡ, вше́лъ є҆сѝ въ небє́сныѧ ѻ҆би́тєли, и҆дѣ́же воздаде́сѧ тебѣ̀ вѣне́цъ воздаѧ́нїѧ: не да́лъ бо є҆сѝ сна̀ свои́ма ѻ҆чи́ма, ни вѣ́ждома свои́ма дрема́нїѧ, до́ндеже ᲂу҆снꙋ́лъ є҆сѝ сно́мъ ѻ҆́бщимъ, прпⷣбне свѧти́телю са́вво. Хрⷭ҇тꙋ̀ моли́сѧ дарова́ти дꙋша́мъ на́шымъ ми́ръ и҆ ве́лїю ми́лость."
|
|
},
|
|
{
|
|
"type": "HEADER",
|
|
"value": "Сла́ва, гла́съ и҃."
|
|
},
|
|
{
|
|
"type": "TEXT",
|
|
"value": "Весели́сѧ и҆ ра́дꙋйсѧ дне́сь се́рбскаѧ страно̀, красꙋ́йсѧ и҆ ликꙋ́й вели́каѧ це́ркви, патрїа́рхїе се́рбскаѧ, ди́вна въ пра́вдꙋ, въ не́йже лежи́тъ свѧта́ѧ ра́ка, и҆мꙋ́щаѧ да́ръ благода́тнагѡ и҆сцѣле́нїѧ, свѧти́телю вели́кїй са́вво: ты́ бо смире́нїемъ стѧжа́въ цѣломꙋ́дрїе, твои́ми моли́твами дае́ши посо́бїе благовѣ́рномꙋ ро́дꙋ на́шемꙋ къ побѣжде́нїю сꙋпоста́тѡвъ є҆гѡ̀. Тебе́ бо хрⷭ҇то́съ показа̀ вели́кое свѣти́ло се́рбскомꙋ ро́дꙋ. Ты̀ є҆мꙋ̀ похвала̀, ты̀ защище́нїе. Тво́й гро́бъ безме́здна врачба̀ предлежи́тъ, къ немꙋ́ же приходѧ́щїи слѣпі́и, вѣ́рою просвѣща́ютсѧ, хромі́и влекꙋ́щесѧ ска́чꙋще ѿхо́дѧтъ, недꙋ́жнїи и҆сцѣлѧ́ютсѧ, бѣснꙋ́ющїи бѣсѡ́въ и҆збыва́ютъ. Тѣ́мъ и҆ мы̀ дне́сь всѝ почита́юще честно́е твоѐ ᲂу҆спе́нїе, мо́лимъ тѧ̀ прпⷣбне ѻ҆́тче, ми́ръ мі́рꙋ и҆спросѝ и҆ дꙋша́мъ на́шымъ ве́лїю ми́лость."
|
|
},
|
|
{
|
|
"type": "HEADER",
|
|
"value": "И҆ ны́нѣ, пра́здникꙋ, гла́съ є҃."
|
|
},
|
|
{
|
|
"type": "TEXT",
|
|
"value": "Ве́тхїй де́ньми младе́нствовавъ пло́тїю, ма́терїю дв҃ою въ це́рковь прино́ситсѧ, своегѡ̀ зако́на и҆сполнѧ́ѧ ѡ҆бѣща́нїе. Є҆го́же сѷмеѡ́нъ прїи́мь глаго́лаше: ны́нѣ ѿпꙋща́еши съ ми́ромъ, по глаго́лꙋ твоемꙋ̀ раба̀ твоегѡ̀, ви́дѣша бо ѻ҆́чи моѝ спасе́нїе твоѐ, свѧты́й."
|
|
},
|
|
{
|
|
"type": "HEADER",
|
|
"value": "Прокі́менъ днѐ, чтє́нїѧ г҃, свѧти́тєльскаѧ."
|
|
},
|
|
{
|
|
"type": "HEADER",
|
|
"value": "При́тчей чте́нїе."
|
|
},
|
|
{
|
|
"type": "TEXT",
|
|
"value": "Па́мѧть пра́веднагѡ съ похвала́ми, и҆ бл҃гослове́нїе гдⷭ҇не на главѣ̀ є҆гѡ̀. Бл҃же́нъ чл҃вѣ́къ, и҆́же ѡ҆брѣ́те премꙋ́дрость: и҆ сме́ртенъ, и҆́же ᲂу҆вѣ́дѣ ра́зꙋмъ. Лꙋ́чше бо сїю̀ кꙋпова́ти, не́жели зла́та и҆ сребра̀ сокрѡ́вища. Честнѣ́йшаѧ же є҆́сть ка́менїй многоцѣ́нныхъ: все́ же честно́е недосто́йно є҆ѧ̀ є҆́сть. Долгота́ бо дне́й, и҆ лѣ̑та живота̀ въ десни́це є҆ѧ̀: въ шꙋ́йцѣ же є҆ѧ̀ бога́тство и҆ сла́ва. Ѿ ᲂу҆́стъ є҆ѧ̀ и҆схо́дитъ пра́вда, закѡ́нъ же и҆ ми́лость на ѧ҆зы́цѣ но́ситъ. Послꙋ́шайте ᲂу҆̀бо менѐ, ѡ҆ ча̑да, честна̑ѧ бо рекꙋ̀: и҆ бл҃же́нъ чл҃вѣ́къ, и҆́же пꙋти̑ моѧ̑ сохрани́тъ: и҆схо́ди бо моѝ, и҆схо́ди живота̀, и҆ ᲂу҆готовлѧ́етсѧ хотѣ́нїе ѿ гдⷭ҇а. Сегѡ̀ ра́ди молю̀ ва́съ, и҆ предлага́ю мо́й гла́съ сыновѡ́мъ человѣ́чєскимъ: ꙗ҆́кѡ а҆́зъ премꙋ́дрость ᲂу҆стро́ихъ, совѣ́тъ и҆ ра́зꙋмъ и҆ смы́слъ а҆́зъ призва́хъ. Мо́й совѣ́тъ и҆ ᲂу҆твержде́нїе, мо́й ра́зꙋмъ, моѧ́ же крѣ́пость. А҆́зъ менѐ лю́бѧщыѧ люблю̀, и҆́щꙋщїи же менѐ ѡ҆брѧ́щꙋтъ блгⷣть. Разꙋмѣ́йте ᲂу҆́бѡ неѕло́бивїи кова́рство, ненака́заннїи же, прилага́йте сердца̀. Послꙋ́шайте менѐ и҆ па́ки, честна̑ѧ бо рекꙋ̀: и҆ ѿве́рзꙋ ѿ ᲂу҆сте́нъ пра̑ваѧ, ꙗ҆́кѡ и҆́стинѣ поꙋчи́тсѧ горта́нь мо́й, мє́рзки же предо мно́ю ᲂу҆стны̀ лжи̑выѧ. Съ пра́вдою всѝ глагѡ́лы ᲂу҆́стъ мои́хъ: ничто́же въ ни́хъ стро́потно, нижѐ развраще́нно. Всѧ̑ пра̑ва сꙋ́ть разꙋмѣва́ющымъ, и҆ прѡ́ста ѡ҆брѣта́ющымъ ра́зꙋмъ. Наꙋча́ю бо ва́съ и҆́стинѣ, да бꙋ́детъ ѡ҆ гдⷭ҇ѣ наде́жда ва́ша, и҆ и҆спо́лнитесѧ дх҃а."
|
|
},
|
|
{
|
|
"type": "HEADER",
|
|
"value": "При́тчей чте́нїе."
|
|
},
|
|
{
|
|
"type": "TEXT",
|
|
"value": "Оу҆ста̀ пра́веднагѡ ка́плютъ премꙋ́дрость, ѧ҆зы́къ же непра́веднагѡ поги́бнетъ. Оу҆стнѣ̀ мꙋже́й првⷣныхъ ка́плютъ благода̑ти, ᲂу҆ста́ же нечести́выхъ развраща́ютсѧ. Мѣ̑рила льсти̑ваѧ, ме́рзость пред̾ господє́мъ, вѣ́съ же пра́ведный прїѧ́тенъ є҆мꙋ̀. И҆дѣ́же а҆́ще вни́детъ досажде́нїе, та́мо и҆ безче́стїе: ᲂу҆ста́ же смире́нныхъ поꙋча́ютсѧ премꙋ́дрѡсти. Соверше́нїе пра́выхъ наста́витъ и҆̀хъ, и҆ поползнове́нїе ѿрица́ющихсѧ ᲂу҆пасе́тъ и҆̀хъ. Не по́льзꙋютъ и҆мѣ̑нїѧ въ де́нь ꙗ҆́рости, пра́вда же и҆зба́витъ ѿ смє́рти. Оу҆́меръ пра́ведный, ѡ҆ста́ви раска́ѧнїе: нарꙋ́чна же быва́етъ и҆ посмѣѧ́тельна нечести́выхъ па́гꙋба. Пра́вда непоро́чнагѡ и҆справлѧ́етъ пꙋти̑, въ нече́стїе же па́даетъ непра́вда. Пра́вда мꙋже́й пра́выхъ и҆зба́витъ и҆̀хъ: безсовѣ́тїемъ же плѣнѧ́ютсѧ беззако́ннїи. Сконча́вшꙋсѧ мꙋ́жꙋ пра́веднꙋ, не поги́бнетъ наде́жда: похвала́ же нечести́выхъ поги́бнетъ. Првⷣникъ ѿ ло́ва ᲂу҆бѣ́гнетъ, въ негѡ́же мѣ́сто предае́тсѧ нечести́вый. Во ᲂу҆стѣ́хъ нечести́выхъ сѣ́ть гра́жданѡмъ, чꙋ́вство же првⷣныхъ бл҃госпѣ́шное. Во бл҃ги́хъ првⷣныхъ и҆спра́витсѧ гра́дъ, и҆ въ поги́бели нечести́выхъ ра́дованїе. Во благослове́нїи пра́выхъ возвы́ситсѧ гра́дъ, ᲂу҆сты́ же нечести́выхъ раскопа́етсѧ. Рꙋга́етсѧ гра́жданѡмъ лише́нный ра́зꙋма, мꙋ́жъ же мꙋ́дрый безмо́лвїе во́дитъ."
|
|
},
|
|
{
|
|
"type": "HEADER",
|
|
"value": "Премꙋ́дрѡсти соломѡ́ни чте́нїе."
|
|
},
|
|
{
|
|
"type": "TEXT",
|
|
"value": "Пра́ведникъ а҆́ще пости́гнетъ сконча́тисѧ, въ поко́и бꙋ́детъ. Ста́рость бо честна̀ не многолѣ́тна, нижѐ въ числѣ̀ лѣ́тъ и҆счита́етсѧ: Сѣди́на же є҆́сть мꙋ́дрость человѣ́кѡмъ, и҆ во́зрастъ ста́рости житїѐ нескве́рное. Бл҃гоꙋго́денъ бг҃ови бы́въ, возлю́бленъ бы́сть, и҆ жи́вый посредѣ̀ грѣ̑шникъ преста́вленъ бы́сть: Восхище́нъ бы́сть, да не ѕло́ба и҆змѣни́тъ ра́зꙋма є҆гѡ̀, и҆лѝ ле́сть прельсти́тъ дꙋ́шꙋ є҆гѡ̀. Раче́нїе бо ѕло́бы помрача́етъ дѡ́браѧ, и҆ паре́нїе по́хоти премѣнѧ́етъ ᲂу҆́мъ неѕло́бивъ: Сконча́всѧ вма́лѣ и҆спо́лни лѣ́та дѡ́лга: Оу҆гѡ́дна бо бѣ̀ гдⷭ҇еви дꙋша̀ є҆гѡ̀, сегѡ̀ ра́ди потща́сѧ ѿ сре́ды лꙋка́вствїѧ. Лю́дїе же ви́дѣвше, и҆ не разꙋмѣ́вше, нижѐ поло́жше въ помышлє́нїи таково́е, ꙗ҆́кѡ бл҃года́ть и҆ ми́лость въ прпⷣбныхъ є҆гѡ̀, и҆ посѣще́нїе во и҆збра́нныхъ є҆гѡ̀."
|
|
},
|
|
{
|
|
"type": "HEADER",
|
|
"value": "На лїті́и стїхи̑ры самогла́сны, гла́съ ѕ҃."
|
|
},
|
|
{
|
|
"type": "TEXT",
|
|
"value": "Возсїѧ̀ дне́сь ꙗ҆́кѡ со́лнце и҆ ꙗ҆́кѡ мо́лнїѧ возблиста̀ ѻ҆́тче вѣща́нїе твоѐ, и҆ ꙗ҆́коже гро́мъ возгремѣ̀ съ небесѐ, и҆мѣ́лъ бо є҆сѝ свы́ше вдохнове́нїе и҆́стинно: ны́нѣ же честны̑ѧ мо́щи твоѧ̑ неꙋгаси́мыѧ лꙋчы̀ чꙋде́съ и҆спꙋща́ютъ, ѿ гро́ба ꙗ҆́кѡ ѿ черто́га свѣ́тла просвѣща́юще дꙋ́шы пою́щихъ тѧ̀."
|
|
},
|
|
{
|
|
"type": "TEXT",
|
|
"value": "Пресла́внѡ просла́висѧ свѧта́ѧ це́рковь, въ не́йже положе́ны бы́ша честны̑ѧ мо́щи твоѧ̑, къ ни̑мъ же лю́ди благовѣ́рнїи притека́юще, неисцѣ́льнымъ страсте́мъ прїе́млютъ и҆сцѣле́нїѧ, ѡ҆ и҆́мени твое́мъ свѧти́телю са́вво, молѝ хрⷭ҇та̀ бг҃а, да спасе́тъ дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "Свѧти́телей ᲂу҆добре́нїе са́вво премꙋ́дре, сто́лпе и҆ ᲂу҆твержде́нїе це́ркве, бг҃осло́вїѧ трꙋба̀ златокова́ннаѧ, трⷪ҇цы побо́рниче, благоче́стїѧ законопи́сче, на́мъ пра́зднꙋющымъ честно́е ᲂу҆спе́нїе твоѐ: тѣ́мже лобыза́емъ честны́й гро́бъ тво́й и҆ мо́лимсѧ тебѣ̀, свѧти́телю хрⷭ҇то́въ са́вво пребога́те, и҆спросѝ па́ствѣ твое́й грѣхѡ́въ ѡ҆ставле́нїе, и҆ всѣ́хъ на́съ до́брѣ сохранѝ, да всѝ ᲂу҆блажа́емъ тѧ̀."
|
|
},
|
|
{
|
|
"type": "HEADER",
|
|
"value": "Сла́ва, гла́съ и҃."
|
|
},
|
|
{
|
|
"type": "TEXT",
|
|
"value": "Наста̀ свѣтоно́сный де́нь чꙋдотво́рца, а҆рхїепⷭ҇копа се́рбскагѡ са́ввы па́мѧть, прїиди́те соше́дшесѧ пра́зднꙋемъ свѣ́тлѡ, соста́вимъ ли́ки и҆ похвала́ми почти́мъ. Ра́дꙋйсѧ сѷмеѡ́не, ко́рене благоче́стїѧ. Ра́дꙋйсѧ са́вво свѧти́телю, первопресто́льный ро́да на́шегѡ. Ра́дꙋйсѧ, сѷмеѡ́не первовѣнча́нный, блага́ѧ вѣ́тве. Ра́дꙋйсѧ са́вво вторы́й, лозо̀ и҆́стиннаѧ, приносѧ́щаѧ на́мъ цвѣ́тъ весе́лїѧ. Ра́дꙋйсѧ че́стный свѣти́льниче се́рбскїѧ землѝ, и҆сточа́еши бо чꙋдеса̀, и҆злива́еши и҆сцѣле́нїѧ и҆ мо́лишисѧ ѡ҆ дꙋша́хъ на́шихъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, чꙋдотво́рной і҆кѡ́нѣ, гла́съ то́йже:"
|
|
},
|
|
{
|
|
"type": "TEXT",
|
|
"value": "Є҆гда̀ просвѣща́шесѧ се́рбскїй наро́дъ:"
|
|
},
|
|
{
|
|
"type": "HEADER",
|
|
"value": "На стїхо́внѣ стїхи̑ры, гла́съ и҃."
|
|
},
|
|
{
|
|
"type": "TEXT",
|
|
"value": "Что́ тѧ нарече́мъ, свѧти́телю са́вво, ѕвѣздꙋ̀, ѡ҆зарѧ́ющꙋю поднебе́снаѧ: мі́ра ли красова́нїе всече́стное, ѡ҆зарѧ́ющее лю́ди лꙋча́ми велѣ́нїй благовѣ́рїѧ, є҆ресе́й же тмꙋ̀ ѿгонѧ́ющее, молѝ прпⷣбне, ѿ тлѝ и҆ бѣ́дъ и҆зба́витисѧ вѣ́рою творѧ́щымъ свѧтꙋ́ю па́мѧть твою̀."
|
|
},
|
|
{
|
|
"type": "TEXT",
|
|
"value": "Сті́хъ: Свѧще́нницы твоѝ ѡ҆блекꙋ́тсѧ въ пра́вдꙋ и҆ прпⷣбнїи твоѝ возра́дꙋютсѧ."
|
|
},
|
|
{
|
|
"type": "TEXT",
|
|
"value": "Что́ тѧ нарече́мъ, свѧти́телю са́вво, рѣкꙋ́ ли, и҆злива́ющꙋю и҆сцѣлє́нїѧ незави́стнѡ всѣ̑мъ вѣ́рою приходѧ́щымъ къ твоемꙋ̀ свѧто́мꙋ гро́бꙋ; и҆лѝ и҆сто́чникъ, и҆сточа́ющъ ᲂу҆чє́нїѧ медотѡ́чнаѧ во всѧ̑ концы̀ и҆ вѣ̑рныѧ просвѣща́ющъ: моли́сѧ прпⷣбне спасти́сѧ дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "Сті́хъ: Честна̀ предъ гдⷭ҇емъ сме́рть прпⷣбныхъ є҆гѡ̀."
|
|
},
|
|
{
|
|
"type": "TEXT",
|
|
"value": "Прїиди́те, торжествꙋ́имъ свѣ́тлѡ па́мѧть свѧти́телѧ са́ввы чꙋдотво́рца. Преста́висѧ бо ѿ землѝ къ невеще́ствєннымъ ѻ҆би́телемъ, и҆дѣ́же зри́тъ добро́тꙋ неизрече́ннꙋю, а҆́гг҃льскимъ ликѡ́мъ собесѣ́дникъ бы́въ. Тѣ́мже со а҆пⷭ҇лми и҆ мꙋченика́ми ликꙋ́ѧ, ѻ҆́тче на́шъ, са́вво пребога́те, моли́сѧ прилѣ́жнѡ хрⷭ҇тꙋ̀ бг҃ꙋ, ѡ҆ чтꙋ́щихъ вѣ́рою свѧтꙋ́ю па́мѧть твою̀."
|
|
},
|
|
{
|
|
"type": "HEADER",
|
|
"value": "Сла́ва, гла́съ є҃."
|
|
},
|
|
{
|
|
"type": "TEXT",
|
|
"value": "Благода́ть свѧта́гѡ дꙋ́ха дѣ́йствꙋетъ въ ра́цѣ моще́й твои́хъ на тѣ́хъ, и҆́же съ вѣ́рою притека́ютъ, и҆спꙋща́ютъ бо ѻ҆нѣ̀ мѵ́ро благово́нное и҆ подава́ютъ недꙋ́гѡвъ и҆сцѣле́нїе. Тѣ́мже преѡсвѧще́нне свѧти́телю са́вво, и҆мѣ́ѧ дерзнове́нїе къ бг҃ꙋ и҆ со безпло́тными ликꙋ́ѧ на небесѣ́хъ, моли́сѧ спасти́сѧ ста́дꙋ твоемꙋ̀ ѿ всѧ́кихъ бѣ́дъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, пра́здникꙋ, гла́съ ѕ҃."
|
|
},
|
|
{
|
|
"type": "TEXT",
|
|
"value": "На рꙋка́хъ ста́рческихъ во дне́шнїй де́нь ꙗ҆́кѡ на колесни́цѣ херꙋві́мстѣй восклони́тисѧ благоизво́ливый хрⷭ҇тѐ бж҃е, и҆ на́съ пою́щихъ тѧ̀ страсте́й мꙋчи́тельства и҆зба́ви и҆ спасѝ ꙗ҆́кѡ человѣколю́бецъ."
|
|
},
|
|
{
|
|
"type": "TEXT",
|
|
"value": "Ны́нѣ ѿпꙋща́еши: Трист҃о́е."
|
|
},
|
|
{
|
|
"type": "HEADER",
|
|
"value": "На благослове́нїи хлѣ́бѡвъ, тропа́рь свѧто́мꙋ, гла́съ д҃."
|
|
},
|
|
{
|
|
"type": "TEXT",
|
|
"value": "И҆справле́нїе вѣ́ры и҆ ѻ҆́бразъ кро́тости, и҆ ꙗ҆́коже са́дъ посредѣ̀ раѧ̀ прпⷣбными дѣ́лы твои́ми мі́ръ просвѣща́еши, сегѡ̀ ра́ди къ честнѣ́й ра́цѣ моще́й твои́хъ любо́вїю прикаса́емсѧ, лобыза́емъ и҆́хъ и҆ вѣ́рнѡ вопїе́мъ: предста́ни въ по́мощь воспѣва́ющымъ па́мѧть свѧтꙋ́ю твою̀ и҆ свѣтоно́снꙋю, свѧти́телю ѻ҆́тче са́вво пребога́те, мо́лимсѧ хрⷭ҇тꙋ̀ бг҃ꙋ моли́сѧ спасти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "И҆ є҆ди́ножды, чꙋдотво́рнѣй і҆кѡ́нѣ, гла́съ д҃:"
|
|
},
|
|
{
|
|
"type": "TEXT",
|
|
"value": "Дне́сь свѣ́тлѡ красꙋ́етсѧ:"
|
|
},
|
|
{
|
|
"type": "TEXT",
|
|
"value": "И҆лѝ: Бцⷣе дв҃о: Є҆ди́ножды."
|
|
},
|
|
{
|
|
"type": "HEADER",
|
|
"value": "На ᲂу҆тре́ни, На Бг҃ъ гдⷭ҇ь, тропа́рь свѧто́мꙋ, два́жды. Сла́ва, и҆ ны́нѣ, пра́здникꙋ."
|
|
},
|
|
{
|
|
"type": "HEADER",
|
|
"value": "По а҃-мъ стїхосло́вїи, сѣда́ленъ гла́съ а҃."
|
|
},
|
|
{
|
|
"type": "TEXT",
|
|
"value": "Плоды̀ словє́сныѧ приносѧ̀ мꙋ́дре са́вво гдⷭ҇еви, восхвалѧ́еши є҆го̀ со а҆рхїерє́и и҆ прпⷣбными. Тѣ́мже съ ни́ми и҆ ра́дꙋешисѧ въ зе́мли живы́хъ, занѐ сла́вꙋ и҆́хъ возлюби́лъ є҆сѝ. Сегѡ̀ ра́ди ѻ҆́тче свѧще́нне, не преста́й моли́ти за благочести́вый и҆ хрⷭ҇толюби́вый ро́дъ на́шъ є҆ди́наго человѣколю́бца."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, пра́здникꙋ, гла́съ г҃."
|
|
},
|
|
{
|
|
"type": "TEXT",
|
|
"value": "Ѿ дв҃ы тѧ̀ воплоще́нна хрⷭ҇тѐ ра́дꙋѧсѧ под̾ѧ́тъ свѧще́нный сѷмеѡ́нъ, ны́нѣ ѿпꙋща́еши, вопїе́тъ, раба̀ твоегѡ̀ влады́ко: а҆́нна же непоро́чнаѧ проро́чица и҆ сла́внаѧ, ны́нѣ и҆сповѣ́данїе и҆ пѣ́нїе прино́ситъ тебѣ̀. Мы́ же жизнода́вче вопїе́мъ тѝ: сла́ва та́кѡ благоволи́вшемꙋ."
|
|
},
|
|
{
|
|
"type": "HEADER",
|
|
"value": "По в҃-мъ стїхосло́вїи, сѣда́ленъ, гла́съ г҃."
|
|
},
|
|
{
|
|
"type": "TEXT",
|
|
"value": "Ми́лостивомꙋ хрⷭ҇то́вꙋ ᲂу҆го́дникꙋ, неѕлоби́вомꙋ и҆ кро́ткомꙋ всѝ тебѣ̀ зове́мъ прилѣ́жнѡ молѧ́щесѧ: разрѣшѝ, междоꙋсо́бнꙋю страсте́й на́шихъ бра́нь, разрꙋшѝ ѕлочести̑ваѧ а҆га́рѧнѡвъ кова̑рства и҆ покорѝ и҆́хъ присноблаже́нне, всѧ́ческихъ же и҆скꙋше́нїй и҆зба́ви, любо́вїю воспѣва́ющихъ тѧ̀."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, пра́здникꙋ, гла́съ и҃."
|
|
},
|
|
{
|
|
"type": "TEXT",
|
|
"value": "Роди́лсѧ є҆сѝ на зе́мли собезнача́льный ѻ҆́тцꙋ, прине́слсѧ є҆сѝ въ це́рковь непости́жиме, ра́дꙋѧсѧ же ста́рецъ на рꙋ́ки тѧ̀ воспрїѧ́тъ, зовы́й: ны́нѣ ѿпꙋща́еши, є҆го́же посѣти́лъ є҆сѝ, по глаго́лꙋ твоемꙋ̀, благоизво́ливый спастѝ ꙗ҆́кѡ бг҃ъ ро́дъ человѣ́ческїй."
|
|
},
|
|
{
|
|
"type": "HEADER",
|
|
"value": "По полѷеле́и, сѣда́ленъ свѧто́мꙋ, гла́съ и҃."
|
|
},
|
|
{
|
|
"type": "TEXT",
|
|
"value": "Проповѣ́дꙋетъ ѻ҆́тче твоѧ̑ чꙋдеса̀ ны́нѣ се́рбскаѧ патрїа́рхїа и҆ всѧ́ка страна̀ ѻ҆те́чествїѧ, ꙗ҆́кѡ ѿ болѣ́зней и҆ ско́рбей и҆збавлѧ́еши всѧ̑ бг҃облаже́нне са́вво, пита́телю вдови́цъ, и҆ си́рыхъ а҆́ки ѻ҆те́цъ, помо́щникъ въ ско́рбехъ всеизрѧ́денъ, пла́чꙋщихъ ᲂу҆тѣше́нїе, па́стырь и҆ наста́вникъ блꙋжда́ющымъ, са́вво прпⷣбне, и҆зба́ви на́съ ѿ бѣ́дъ моли́твами твои́ми, просѧ̀ ᲂу҆ хрⷭ҇та̀ бг҃а прегрѣше́нїй ѡ҆ставле́нїе, вѣ́рою и҆ любо́вїю чтꙋ́щымъ свѧтꙋ́ю па́мѧть твою̀."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, чꙋдотво́рной і҆кѡ́нѣ, гла́съ д҃:"
|
|
},
|
|
{
|
|
"type": "TEXT",
|
|
"value": "Пречи́стый ѻ҆́бразъ тво́й:"
|
|
},
|
|
{
|
|
"type": "HEADER",
|
|
"value": "Та́же, степе́нна, а҃-й а҆нтїфѡ́нъ д҃-гѡ гла́са."
|
|
},
|
|
{
|
|
"type": "HEADER",
|
|
"value": "Прокі́менъ, гла́съ д҃:"
|
|
},
|
|
{
|
|
"type": "TEXT",
|
|
"value": "Свѧще́нницы твоѝ ѡ҆блекꙋ́тсѧ въ пра́вдꙋ, и҆ прпⷣбнїи твоѝ возра́дꙋютсѧ."
|
|
},
|
|
{
|
|
"type": "TEXT",
|
|
"value": "Сті́хъ: Та́мѡ возращꙋ̀ ро́гъ даві́дꙋ: ᲂу҆гото́вахъ свѣти́льникъ пома́занномꙋ моемꙋ̀."
|
|
},
|
|
{
|
|
"type": "TEXT",
|
|
"value": "Всѧ́кое дыха́нїе:"
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе ѿ матѳе́а, зача́ло і҃."
|
|
},
|
|
{
|
|
"type": "HEADER",
|
|
"value": "Ѱало́мъ н҃."
|
|
},
|
|
{
|
|
"type": "HEADER",
|
|
"value": "Стїхи́ра, гла́съ ѕ҃."
|
|
},
|
|
{
|
|
"type": "TEXT",
|
|
"value": "Дх҃а ст҃а́гѡ благода́ть и҆злїѧ́сѧ во твои́хъ ᲂу҆стна́хъ, ѻ҆́тче, и҆ бы́лъ є҆сѝ па́стырь хрⷭ҇то́вы це́ркве, ᲂу҆ча̀ словє́сныѧ ѻ҆́вцы, вѣ́ровати въ трⷪ҇цꙋ во є҆ди́номъ бж҃ествѣ̀."
|
|
},
|
|
{
|
|
"type": "HEADER",
|
|
"value": "Канѡ́нъ свѧто́мꙋ на ѕ҃. Катава́сїа пра́здникꙋ."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "Бж҃е́ственными зарѧ́ми и҆ свѧще́нными свѣтосїѧ́ньми при́снѡ мою̀ дꙋ́шꙋ ѡ҆зарѝ, ѻ҆́тче, сла́вѧща тво́й пра́здникъ і҆ера́рше."
|
|
},
|
|
{
|
|
"type": "TEXT",
|
|
"value": "И҆зъ ко́рене блага́гѡ блажа́йшаѧ ѿра́сль прозѧ́блъ є҆сѝ, бж҃їѧ ра́зꙋма вода́ми напаѧ́емь. Тѣ́мъ и҆ пло́дъ благоꙋха́ненъ ꙗ҆ви́лсѧ є҆сѝ житїе́мъ свои́мъ ѿ ю҆́ности, веселѧ̀ сердца̀ и҆ дꙋ́шы пою́щихъ тѧ̀."
|
|
},
|
|
{
|
|
"type": "TEXT",
|
|
"value": "Возлюби́въ мꙋ́дрости нача́ло стра́хъ бж҃їй, и҆ за́повѣдемъ є҆гѡ̀ при́снѡ поꙋча́ѧсѧ, насади́лсѧ є҆сѝ а҆́ки дре́во при и҆схо́дищихъ во́дъ дꙋхо́вныхъ, ѿ ни́хже ѻ҆́тче напаѧ́емь, пло́дъ хрⷭ҇тꙋ̀ са́вво прине́слсѧ є҆сѝ пресла́дкїй."
|
|
},
|
|
{
|
|
"type": "TEXT",
|
|
"value": "Всесвѣ́тлꙋю тѧ̀ ѕвѣздꙋ̀, мы́сленное со́лнце, показа̀ свѣ́тлость твои́хъ добродѣ́телей, просвѣтѝ зе́млю на́шꙋ, свѧти́телю хрⷭ҇то́въ, ѻ҆́тче са́вво. Два́жды."
|
|
},
|
|
{
|
|
"type": "TEXT",
|
|
"value": "Чистото́ю любвѐ ѡ҆держи́мь благоро́дїемъ дꙋшѝ порабо́тилъ є҆сѝ плотолю́бїе, тѣ́мъ ны́нѣ вѣнцы̀ чистоты̀ прїе́млѧ, со а҆́гг҃лми ᲂу҆ хрⷭ҇та̀ весели́шисѧ, є҆го́же молѝ за на́съ, ѻ҆́тче са́вво."
|
|
},
|
|
{
|
|
"type": "TEXT",
|
|
"value": "Житїѐ при́снѡ ѡ҆чище́нно и҆ чи́сто, и҆ скве́рнѣ несмѣше́нно ꙗ҆ви́въ, показа́лсѧ є҆сѝ на зе́мли хрⷭ҇то́въ свѧще́нный сосꙋ́дъ, премꙋ́дре са́вво блаже́нне."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Со ѻ҆ц҃е́мъ сы́й є҆диноро́дный, земны̑ѧ ѡ҆божѝ, чи́стаѧ, за мно́гїѧ щедро́ты, ꙗ҆́кѡ бг҃ъ преблагі́й."
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "TEXT",
|
|
"value": "Сы́нъ днѐ и҆ свѣ́та ꙗ҆ви́лсѧ є҆сѝ свѧти́телю, трꙋда́ми твои́ми: ны́нѣ же во свѣ́тлостехъ свѧты́хъ ꙗ҆́снѡ сїѧ́еши благода́тїю."
|
|
},
|
|
{
|
|
"type": "TEXT",
|
|
"value": "Свѣти́льникъ дꙋшѝ своеѧ̀ слеза́ми ᲂу҆краша́ѧ и҆ ра́нѡ ᲂу҆́треннюѧ ко хрⷭ҇тꙋ̀, рꙋ́къ свои́хъ просте́ртїемъ въ моли́твахъ, своѐ тѣ́ло, мы́сленнаго а҆мали́ка ᲂу҆мертви́лъ є҆сѝ, и҆ на го́рꙋ безстра́стїѧ возше́лъ є҆сѝ."
|
|
},
|
|
{
|
|
"type": "TEXT",
|
|
"value": "Пꙋ́ть нечести́вагѡ и҆скꙋше́нїѧ, ѡ҆бличи́лъ є҆сѝ всѣ̑мъ прельще́ннымъ, приве́дъ и҆̀хъ къ сло́вꙋ пастыренача́льникꙋ, ꙗ҆́кѡ па́стырь слове́сный и҆ спаси́тельный."
|
|
},
|
|
{
|
|
"type": "TEXT",
|
|
"value": "Безстра́стїѧ любо́вїю подстрека́емь плотска̑ѧ взыгра̑нїѧ и҆зсꙋши́лъ є҆сѝ, дꙋ́шꙋ же свою̀ бж҃е́ственными сїѧ́нми просвѣти́лъ є҆сѝ, тѣ́мже мо́лимсѧ и҆ на́мъ ᲂу҆лꙋчи́ти свѣ́тъ разꙋ́мный, ѻ҆́тче са́вво. Два́жды."
|
|
},
|
|
{
|
|
"type": "TEXT",
|
|
"value": "Благоро́дїемъ высо́къ, добродꙋ́шїемъ и҆зѧ́щенъ, и҆ ра́зꙋма мꙋ́дростїю ᲂу҆дивле́нъ бы́лъ є҆сѝ, сїѧ́ѧ чистото́ю ꙗ҆́кѡ цвѣ́тъ, ᲂу҆краси́всѧ са́вво ѻ҆́тче свѣ́тлымъ смире́нїемъ."
|
|
},
|
|
{
|
|
"type": "TEXT",
|
|
"value": "Правовѣ́рнѡ прпⷣбне це́рковь хрⷭ҇то́вꙋ ᲂу҆па́слъ є҆сѝ, ѿгна́въ є҆реті̑ческїѧ пле́велы, ны́нѣ же во вы́шнихъ водворѧ́ешисѧ, преблаже́нне."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Разꙋ́мнѡ въ кꙋпинѣ̀ ѻ҆гнепа́льнѣй ви́дѣ тѧ̀ мѡѷсе́й, ꙗ҆́снѡ ѻ҆бразꙋ́ющей бг҃а хотѧ́ща роди́тисѧ и҆зъ тебѐ неизрече́ннѡ, бцⷣе приснодв҃о."
|
|
},
|
|
{
|
|
"type": "HEADER",
|
|
"value": "Сѣда́ленъ, гла́съ и҃."
|
|
},
|
|
{
|
|
"type": "TEXT",
|
|
"value": "Оу҆краша́ѧсѧ премꙋ́дростїю ра́зꙋма, низложи́лъ є҆сѝ горды́ню плотскі̑ѧ тѧготы̀, и҆ бы́лъ є҆сѝ ѻ҆би́тель дꙋ́ха пресвѧта́гѡ, непре́станнѡ простира́ѧсѧ ра́зꙋмомъ къ лю́бѧщемꙋ тѧ̀. Тѣ́мъ ре́вностїю бж҃е́ственною разгара́ѧсѧ, сла́вне, ꙗ҆ви́лсѧ є҆сѝ сирота́мъ и҆ ᲂу҆бо́гимъ ᲂу҆твержде́нїе и҆ а҆́гг҃лѡмъ собесѣ́дникъ, са́вво, молѝ хрⷭ҇та̀ бг҃а грѣхѡ́въ ѡ҆ставле́нїе пода́ти чтꙋ́щымъ любо́вїю свѧтꙋ́ю па́мѧть твою̀."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, пра́здникꙋ, гла́съ д҃."
|
|
},
|
|
{
|
|
"type": "TEXT",
|
|
"value": "На горѣ̀ сїна́йстѣй дре́вле ви́дѣ мѡѷсе́й за́днѧѧ бж҃їѧ, и҆ то́нкїй бж҃е́ственный гла́съ сподо́бисѧ въ мра́цѣ и҆ ви́хрѣ слы́шати: ны́нѣ же сѷмеѡ́нъ воплоще́ннаго бг҃а непрело́жнѣ на́съ ра́ди на рꙋкѝ прїѧ́тъ и҆ ра́достнѡ тща́шесѧ и҆дтѝ ѿ сꙋ́щихъ здѣ̀ къ животꙋ̀ вѣ́чномꙋ. Тѣ́мже вопїѧ́ше: ны́нѣ ѿпꙋща́еши раба̀ твоегѡ̀ влады́ко."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "TEXT",
|
|
"value": "Предвѣ́дый бг҃ъ блаже́нне, твоеѧ̀ дꙋшѝ красотꙋ̀ и҆ ра́зꙋма чистотꙋ̀, свѧщеннопроповѣ́дника мꙋ́дра и҆ ᲂу҆чи́телѧ показа́ тѧ."
|
|
},
|
|
{
|
|
"type": "TEXT",
|
|
"value": "Дꙋ́хомъ просвѣще́нъ сы́й, сꙋ́щыѧ во тмѣ̀ пре́лести просвѣща́еши и҆ твои́мъ сла́дкимъ поꙋче́нїемъ сы́ны днѐ соверша́еши, свѧти́телю са́вво."
|
|
},
|
|
{
|
|
"type": "TEXT",
|
|
"value": "Ѿ те́мъ ѕвѣре́й и҆зба́вилъ є҆сѝ ста́до твоѐ растерза́ти и҆́щꙋщихъ: но ты̀ ꙗ҆́кѡ бо́дръ а҆рхїпа́стырь и҆ ны́нѣ ревнꙋ́еши ѡ҆ сохране́нїи ро́да и҆ ѻ҆те́чества твоегѡ̀."
|
|
},
|
|
{
|
|
"type": "TEXT",
|
|
"value": "Рꙋко́ю вели́кагѡ а҆рхїере́а се́рбскагѡ а҆рсе́нїа и҆ ѡ҆свѧще́ннагѡ собо́ра прїе́млеши пома́занїе а҆рхїере́йства, и҆ дꙋ́хомъ воздвиза́емь ѻ҆́тче са́вво и҆ па́стырь ро́дꙋ се́рбскомꙋ, и҆ ѻ҆би́тели твое́й сто́лпъ бы́лъ є҆сѝ. Два́жды."
|
|
},
|
|
{
|
|
"type": "TEXT",
|
|
"value": "Ми́ръ ᲂу҆тверди́сѧ въ ѻ҆би́тели твое́й і҆ера́рше, и҆ въ твое́мъ ро́дѣ и҆ є҆пі́скопствѣ моли́твами твои́ми, моли́сѧ прилѣ́жнѡ въ ми́рѣ ᲂу҆тверди́тисѧ мі́рꙋ, свѧти́телю са́вво."
|
|
},
|
|
{
|
|
"type": "TEXT",
|
|
"value": "Твоѝ роди́телїе бы́ша рачи́тели и҆ те́пли подража́тели хрⷭ҇тꙋ̀ бг҃ꙋ, є҆мꙋ́же созда́ша хра́мъ прекра́сный во и҆́мѧ пресла́внагѡ вознесе́нїѧ гдⷭ҇нѧ. Тѣ́мже въ хра́мѣ є҆гѡ̀ тѣ́ло своѐ полага́еши, ꙗ҆́кѡ во дворы̀ спа́са своегѡ̀."
|
|
},
|
|
{
|
|
"type": "TEXT",
|
|
"value": "Бг҃оро́диченъ: И҆мѣ́ѧ тѧ̀ помо́щницꙋ, когѡ̀ ᲂу҆бою́сѧ когда̀ и҆лѝ страшꙋ́сѧ; кто́ же хотѧ̀ скѡ́рбнаѧ навестѝ рабꙋ̀ твоемꙋ̀, не ᲂу҆страши́тсѧ тебѐ, пречи́стаѧ, и҆ не па́даетъ на но́зѣ."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "TEXT",
|
|
"value": "Прильпѐ любо́вїю дꙋша̀ твоѧ̀ ко гдⷭ҇ꙋ, свѧти́телю блаже́нне. Тѣ́мже тѣ́ло твоѐ честно́е въ честнѣ́мъ хра́мѣ є҆гѡ̀ нетлѣ́нно во мнѡ́гаѧ лѣ̑та соблюде́сѧ."
|
|
},
|
|
{
|
|
"type": "TEXT",
|
|
"value": "Просла́ви тѧ̀ гдⷭ҇ь, са́вво пребога́те и҆ тѣ́ло твоѐ соблюдѐ на мнѡ́гаѧ лѣ̑та нетлѣ́нно, ꙗ҆влѧ́ѧ тѧ̀ ѻ҆́бщника рабѡ́мъ свои̑мъ, и҆́хже и҆ по сме́рти досто́йнѡ соꙋблажа́ешисѧ блаже́нне."
|
|
},
|
|
{
|
|
"type": "TEXT",
|
|
"value": "Красота̀ говѣ́нїѧ твоегѡ̀, є҆́же ко гдⷭ҇ꙋ, привлечѐ благода́ть благолѣ́пїю дꙋшѝ твоеѧ̀, свѧще́нне, и҆ возведѐ тѧ̀ вели́комꙋ ро́дꙋ се́рбскомꙋ ѻ҆тца̀, и҆ а҆рхїпа́стырѧ показа̀ тѧ̀ прпⷣбне."
|
|
},
|
|
{
|
|
"type": "TEXT",
|
|
"value": "Пѣ́сими почти́лъ є҆сѝ па́мѧть і҆ера́рха са́ввы пе́рвагѡ, и҆ хвала́ми ꙗ҆́кѡ досто́йно, ᲂу҆блажи́лъ є҆сѝ того̀. Ны́нѣ же са́мъ і҆ера́рше са́вво прича́ствꙋеши похвала́мъ є҆гѡ̀ и҆ по сотворе́нїю твоемꙋ̀ къ бли́жнемꙋ воспрїе́млеши. Два́жды."
|
|
},
|
|
{
|
|
"type": "TEXT",
|
|
"value": "Приноси́мое а҆́ки че́стное возноше́нїе бг҃ꙋ первопресто́льникомъ се́рбскимъ са́ввою, твоѐ свѧще́нное па́стырства возведе́нїе, ꙗ҆́кѡ пасꙋ́щꙋ ты̀ гдⷭ҇ни лю́ди, са́вво свѧти́телю, преподо́бїемъ и҆ кро́тостїю."
|
|
},
|
|
{
|
|
"type": "TEXT",
|
|
"value": "Возлюби́лъ є҆сѝ а҆рхїере́є свѧще́нныѧ мꙋ́жи пѣ́снми восхвалѧ́ти, ꙗ҆́кѡ рачи́тель добро́ты и҆́хъ и҆ подража́тель дѣѧ́нїй бг҃олюбе́зныхъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Низложѝ влады́чице врагѡ́въ мои́хъ шата́нїе, тѧ́ бо и҆́мамъ и҆ предста́тельницꙋ, и҆ наде́ждꙋ и҆ по́мощь крѣ́пкꙋю: ты̀ мѧ̀ соблюдѝ, чи́стаѧ навѣ́та вра́жїѧ и҆ ла́ѧнїѧ и҆́хъ."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "TEXT",
|
|
"value": "Возвы́шенное смире́нїе, чистотꙋ̀ ᲂу҆ма̀, любо́вь нелицемѣ́рнꙋ, вѣ́рꙋ и҆ наде́ждꙋ и҆мѣ́ѧ и҆́стиннꙋ, са́вво всесла́вне, трⷪ҇цы ꙗ҆ви́лсѧ є҆сѝ жили́ще."
|
|
},
|
|
{
|
|
"type": "TEXT",
|
|
"value": "Сѐ премꙋ́дре, дꙋ́ха благода́тїю быва́еши наста́вникъ слове́сныхъ ѻ҆ве́цъ, и҆́хже приво́диши къ же́ртвенникꙋ добродѣ́телей."
|
|
},
|
|
{
|
|
"type": "TEXT",
|
|
"value": "Патрїа́ршее сѣда́лище ᲂу҆краси́сѧ тобо́ю, тѧ̀ бо, прехва́льне, ᲂу҆чи́тъ дꙋ́хъ свѧты́й, и҆ тебѐ па́стырѧ рꙋко́ю свѧти́тельскою соверша́етъ."
|
|
},
|
|
{
|
|
"type": "TEXT",
|
|
"value": "Ве́сь ᲂу҆́бѡ ᲂу҆́мъ впери́въ къ высотѣ̀, земна́ѧ же ни во что́ же вмѣни́въ, смире́нїемъ достоблаже́нне са́вво, высѡ́каѧ воспрїѧ́лъ є҆сѝ. Два́жды."
|
|
},
|
|
{
|
|
"type": "TEXT",
|
|
"value": "Хвала́ми да почти́мъ треблаже́ннаго ѻ҆тца̀, и҆́же небє́снаѧ возжела́въ, земна̑ѧ же ѡ҆ста́вивъ, ᲂу҆се́рднѡ потечѐ ꙗ҆́кѡ є҆ле́нь на и҆сто́чникъ, послѣ́довавъ стопа́мъ роди́телей свои́хъ."
|
|
},
|
|
{
|
|
"type": "TEXT",
|
|
"value": "Свѧти́тельства пра́вило свѧти́телемъ показа́лсѧ є҆сѝ, дѣ́тельнагѡ же подписа́нїе. Сло́во твоѐ ѡ҆брѣ́те ѻ҆́бразъ видѣ́нїѧ, бг҃осло́вїѧ же твоегѡ̀ предѣ́лъ ᲂу҆че́нїю ꙗ҆ви́сѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Сло́во ѻ҆́тчее, пред̾ѡчи́стившисѧ ѽ чи́стаѧ, дх҃о́мъ слове́снаго є҆стества̀, на благодѣѧ́нїе родила̀ є҆сѝ."
|
|
},
|
|
{
|
|
"type": "HEADER",
|
|
"value": "Конда́къ, гла́съ и҃."
|
|
},
|
|
{
|
|
"type": "TEXT",
|
|
"value": "Ꙗ҆́кѡ а҆рхїере́ємъ сопресто́льникъ и҆ свѧти́телємъ и҆зрѧ́дный побо́рникъ бы́лъ є҆сѝ свѧти́телю са́вво, сохранѧ́й ѻ҆те́чество, ѻ҆би́тель, гра́дъ же и҆ лю́ди почита́ющыѧ тѧ̀ вѣ́рою, и҆ честны̑мъ твои̑мъ моще́мъ покланѧ́ющыѧсѧ, да велегла́снѡ тебѣ̀ вопїе́мъ: ра́дꙋйсѧ са́вво бг҃омꙋ́дре."
|
|
},
|
|
{
|
|
"type": "TEXT",
|
|
"value": "І҆́косъ: Ѿ чре́ва ма́тернѧ хва́литъ ѡ҆свѧще́ннаго свѧти́телѧ гдⷭ҇нѧ всѧ̀ страна̀ се́рбскаѧ прпⷣбнагѡ са́ввꙋ, своемꙋ̀ ѻ҆те́чествꙋ ᲂу҆твержде́нїе, прїе́мшаго благода́тныѧ да́ры бж҃е́ственныѧ сла́вы, къ немꙋ́ же притека́емъ всѝ съ вѣ́рою и҆ любе́знѡ цѣлꙋ́емъ ра́кꙋ мо́щей є҆гѡ̀. Тѣ́мже мы̀ недосто́йнїи и҆ грѣ́шнїи, надѣ́ющесѧ на моли̑твы твоѧ̑ свѧти́телю, ꙗ҆́же ко влады́цѣ и҆ пречи́стѣй є҆гѡ̀ ма́тери, жела́емъ а҆́ки псѝ прїѧ́ти насыще́нїе ѿ крꙋпи́цъ па́дающихъ ѿ трапе́зы гдⷭ҇ей свои́хъ, и҆ є҆́же въ де́нь сꙋ́дный ᲂу҆лꙋчи́ти ѡ҆блегче́нїе содѣ́ѧнныхъ ра́ди ѕѡ́лъ, да велегла́снѡ тебѣ̀ вопїе́мъ: ра́дꙋйсѧ са́вво бг҃омꙋ́дре."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "TEXT",
|
|
"value": "Процвѣ́лъ є҆сѝ ꙗ҆́кѡ фі́нїѯъ во дворѣ́хъ бж҃їихъ и҆ до́лжнымъ сно́мъ прпⷣбныхъ ᲂу҆снꙋ́лъ є҆сѝ, сегѡ̀ ра́ди гро́бъ тво́й быва́етъ наслажде́нїе на́мъ, и҆ са́мъ проповѣ́дниче са́вво показꙋ́еши чꙋ́до ви́дѧщымъ."
|
|
},
|
|
{
|
|
"type": "TEXT",
|
|
"value": "Самово́льнѣ ѡ҆ста́вилъ є҆сѝ, ѻ҆́тче на́шъ са́вво, всѧ̑ сла́внаѧ, и҆ сро́днаѧ, и҆ подрꙋ́жнаѧ, послѣ́довавъ хрⷭ҇тꙋ̀ бг҃ꙋ, по є҆ѵⷢ҇льскомꙋ глаго́лꙋ. Два́жды."
|
|
},
|
|
{
|
|
"type": "TEXT",
|
|
"value": "Вопло́щшагѡсѧ сло́ва слꙋга̀ бы́лъ є҆сѝ, са́вво бг҃огла́се, мно́гїѧ бо лю́ди и҆зба́вилъ є҆сѝ безслове́сїѧ, ꙗ҆́кѡ бж҃е́ственный ᲂу҆чени́къ возсїѧ́вшагѡ."
|
|
},
|
|
{
|
|
"type": "TEXT",
|
|
"value": "Тлѣ̑ннаѧ ѡ҆ста́вивъ треблаже́нне, воспрїѧ́лъ є҆сѝ нетлѣ̑ннаѧ, насыща́ѧсѧ бж҃е́ственныѧ свѣ́тлости во дворѣ́хъ гдⷭ҇а на́шегѡ, са́вво премꙋ́дре."
|
|
},
|
|
{
|
|
"type": "TEXT",
|
|
"value": "Лю́дїе твоѝ ѻ҆́тче, и҆ ча̑да дꙋ́хомъ свѧты́мъ порожде́нна, жа́лостнаѧ ѡ҆ста́вльше, ра́достнаѧ тебѣ̀ воспѣва́ютъ пѣ̑нїѧ, вопїю́ще: не ѡ҆ста́ви на́съ свѧ́те, въ ра́дости гдⷭ҇а твоегѡ̀ молѧ̀ ѡ҆ дꙋша́хъ на́шихъ."
|
|
},
|
|
{
|
|
"type": "TEXT",
|
|
"value": "Наслѣ́довавъ ꙗ҆́кѡ сы́нъ возлю́бленный ѻ҆те́ческꙋю мꙋ́дрость и҆ добродѣ́телъ, преє́мникъ бы́лъ є҆сѝ бж҃е́ственнагѡ престо́ла, стопа́мъ є҆ѵⷢ҇лі́ста послѣ́дꙋѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Свы́ше тебѣ̀ гла́съ ра́достнѡ возопѝ а҆́гг҃лъ бцⷣе, неизрече́нное влады́ки возвѣща́ѧ тебѣ̀ зача́тїе."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "TEXT",
|
|
"value": "Вразꙋмлѧ́лъ є҆сѝ неразꙋ̑мныѧ, ѡ҆браща́лъ є҆сѝ прельщє́нныѧ, совраща́ющыѧсѧ же ѻ҆́тче спа́слъ є҆сѝ, приве́дъ и҆́хъ къ бг҃ꙋ, пою́щыѧ: благослове́нъ є҆сѝ, гдⷭ҇и бж҃е ѻ҆тє́цъ на́шихъ. Два́жды."
|
|
},
|
|
{
|
|
"type": "TEXT",
|
|
"value": "Ны́нѣ лицѐ хрⷭ҇то́во созерца́ѧ, ѽ са́вво, сою́зꙋ бо тѣле́сномꙋ разрѣ́шшꙋсѧ, соедини́лсѧ є҆сѝ съ твои́мъ жела́нїемъ."
|
|
},
|
|
{
|
|
"type": "TEXT",
|
|
"value": "Твоѐ сло́во ᲂу҆подо́бисѧ вои́стиннꙋ рѣцѣ̀, ѽ са́вво, наводнѧ́ющей свои́мъ тече́нїемъ сю́дꙋ и҆ сю́дꙋ, ѕлосла́вныхъ же ᲂу҆хищре́нїѧ ѿвраща́ющей."
|
|
},
|
|
{
|
|
"type": "TEXT",
|
|
"value": "Хорꙋ́гвь хрⷭ҇то́ва, хрⷭ҇тїа́нѡмъ хвала̀, по а҆пⷭ҇лꙋ, ѻ҆́тче са́вво, взыва́лъ є҆сѝ, ничи́мъ же хвалѧ́сѧ, то́кмѡ ѡ҆ крестѣ̀ гдⷭ҇а на́шегѡ і҆и҃са хрⷭ҇та̀."
|
|
},
|
|
{
|
|
"type": "TEXT",
|
|
"value": "Кро́ткое и҆ молчали́вое нра́ва твоегѡ̀ воспрїи́мь гдⷭ҇ь, блаже́нне, поста́ви тѧ̀ па́стырѧ лю́демъ свои̑мъ, на кого́ бо призира́етъ, а҆́ще не на кро́ткаго, и҆ молчали́ваго, и҆ трепе́щꙋщаго слове́съ є҆гѡ̀."
|
|
},
|
|
{
|
|
"type": "TEXT",
|
|
"value": "Оу҆ста̀ вдови́цъ благослови́ша тѧ̀, застꙋпле́нїѧ твоегѡ̀ сподо́бльшисѧ, і҆ера́рше блаже́нне, ты́ бо благоꙋгожда́лъ є҆сѝ бг҃ꙋ по непоро́чномꙋ і҆́ѡвꙋ, и҆з̾има́вшемꙋ ѡ҆би̑димыѧ ѿ наси́лїѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Бг҃олѣ́пнаѧ дв҃о, ѡ҆ѕлобле́ннꙋю мою̀ дꙋ́шꙋ грѣхо́мъ, ᲂу҆блажѝ бла́гостїю ро́ждшагѡсѧ ѿ тебѐ гдⷭ҇а бг҃а."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "TEXT",
|
|
"value": "Ꙗ҆́кѡ свѣ́тъ, ꙗ҆́кѡ свѣ́щникъ, ꙗ҆́кѡ вели́кое со́лнце, ꙗ҆́кѡ мо́лнїѧ хрⷭ҇то́вы це́ркве возсїѧ́лъ є҆сѝ, и҆ вѣ́рныхъ ра́зꙋмы просвѣти́лъ є҆сѝ, и҆ въ невечє́рнаѧ мѣ́ста всели́лсѧ є҆сѝ, поѧ̀ трисвѧты́ми гла́сы трⷪ҇цꙋ несозда́ннꙋю."
|
|
},
|
|
{
|
|
"type": "TEXT",
|
|
"value": "Воздꙋ́хъ ᲂу҆́бѡ ѡ҆свѧти́сѧ благово́нїемъ моще́й твои́хъ, са́вво блаже́нне, хрⷭ҇то́въ свѧти́телю, це́рковь же и҆ ѻ҆би́тель твоѧ̀ патрїа́рхїа веселѧ́щисѧ вопїе́тъ: благослове́нъ бг҃ъ ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Пло́тїю мі́ра кромѣ̀ бы́въ свѧти́телю, и҆ въ прекра́сныхъ чи́на своегѡ̀ ѡ҆бита́ѧ, ѡ҆богаща́еши, ро́дъ на́шъ творе́нїемъ свѣ́тлымъ. Тѣ́мже па́мѧть твою̀ вѣ́рою соверша́емь на землѝ, са́вво премꙋ́дре."
|
|
},
|
|
{
|
|
"type": "TEXT",
|
|
"value": "Ца́рскїй цвѣ́тъ це́ркви цвѣте́тъ кре́стъ и҆́стинный, ты́ же свѧти́телю са́вво досточꙋ́дне, взе́мь тво́й кре́стъ, поте́клъ є҆сѝ ца́рскимъ пꙋте́мъ вопїѧ̀: благослови́те всѧ̑ дѣла̀ гдⷭ҇нѧ гдⷭ҇а. Два́жды."
|
|
},
|
|
{
|
|
"type": "TEXT",
|
|
"value": "Землѧ̀ тѣ́ло твоѐ блаже́нное скрыва́етъ, ꙗ҆́кѡ и҆сцѣле́нїѧ точа́щее вѣ̑рнымъ, не́бо же дꙋ́хъ со и҆збра́нными ѿ вѣ́ка но́ситъ бж҃е́ственными сїѧ́нми ѡ҆заре́нъ вои́стиннꙋ."
|
|
},
|
|
{
|
|
"type": "TEXT",
|
|
"value": "Кра́снѡ ᲂу҆́бѡ це́рковь весели́тсѧ въ па́мѧти твое́й, ѡ҆ свѧти́телю треблаже́нне са́вво, се́рбскїи же ро́дове стека́ютсѧ пра́зднствєннаѧ тебѣ̀ приносѧ́ще, и҆ восхвалѧ́юще хрⷭ҇та̀, тебѐ просла́вльшаго."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Дв҃о преблаже́ннаѧ, ᲂу҆блажа́емъ тѧ̀ ро́ди человѣ́честїи, ꙗ҆́кѡ роди́ла є҆сѝ спаси́телѧ дꙋ́шъ на́шихъ."
|
|
},
|
|
{
|
|
"type": "HEADER",
|
|
"value": "Свѣти́ленъ, свѧто́мꙋ."
|
|
},
|
|
{
|
|
"type": "TEXT",
|
|
"value": "Чꙋ́днаго и҆ сла́внаго свѧти́телѧ са́ввꙋ вели́каго, прїиди́те се́рбстїи ро́ди и҆ собо́ри пѣ́снми бж҃е́ственными и҆ свѧще́нными гла́сми восхва́лимъ, ꙗ҆́кѡ сопресто́льна патрїа́рхїи се́рбской и҆ а҆́гг҃льскимъ чинѡ́мъ сослꙋже́бника."
|
|
},
|
|
{
|
|
"type": "HEADER",
|
|
"value": "Сла́ва, свѧто́мꙋ."
|
|
},
|
|
{
|
|
"type": "TEXT",
|
|
"value": "Сла́внѡ краси́тсѧ дне́сь свѣтоза́рное се́рбское торжество̀, и҆́же во свѣ́тѣ сла́вы бж҃їѧ предстоѧ̀ свѧти́телю са́вво блаже́нне, помѧнѝ на́съ хва́лѧщихъ твою̀ па́мѧть."
|
|
},
|
|
{
|
|
"type": "HEADER",
|
|
"value": "И҆ ны́нѣ, пра́здникꙋ."
|
|
},
|
|
{
|
|
"type": "TEXT",
|
|
"value": "Дꙋ́хомъ во свѧти́лищи предста́въ ста́рецъ, на рꙋкѝ воспрїѧ́тъ зако́на влады́кꙋ, вопїѧ̀: ны́нѣ соꙋ̑зъ мѧ̀ плотски́хъ разрѣшѝ, ꙗ҆́коже ре́клъ є҆сѝ съ ми́ромъ, ви́дѣхъ бо ѻ҆чи́ма ѿкрове́нїе ꙗ҆зы́кѡвъ спасе́нїе."
|
|
},
|
|
{
|
|
"type": "HEADER",
|
|
"value": "На хвали́техъ, стїхи́ры свѧто́мꙋ, на ѕ҃, гла́съ ѕ҃."
|
|
},
|
|
{
|
|
"type": "TEXT",
|
|
"value": "Рꙋко́ю вели́кагѡ а҆рхїере́а се́рбскагѡ, а҆рсе́нїа, кꙋ́пнѡ со сꙋдо́мъ ѡ҆свѧще́ннагѡ собо́ра прїе́млеши пома́занїе а҆рхїере́йское, и҆ дх҃омъ воздвиза́емь ѻ҆́тче са́вво, полага́ешисѧ въ па́стырѧ се́рбскомꙋ ро́дꙋ и҆ патрїа́рхїи."
|
|
},
|
|
{
|
|
"type": "TEXT",
|
|
"value": "Ѿ те́мъ ѕвѣре́й и҆́щꙋщихъ разтерза́ти ста́до твоѐ, се́рбскїй ро́дъ и҆зба́вилъ є҆сѝ, ꙗ҆́кѡ бо́дръ а҆рхїпа́стырь, сохранѧ́ѧ старѣ́йшинство своѐ."
|
|
},
|
|
{
|
|
"type": "TEXT",
|
|
"value": "Мі́ръ ᲂу҆мири́сѧ і҆ера́рше, твои́ми моли́твами. Просѝ и҆ на́мъ ᲂу҆тверди́тисѧ въ ми́рѣ, моли́твами твои́ми, свѧти́телю."
|
|
},
|
|
{
|
|
"type": "TEXT",
|
|
"value": "Свои́мъ роди́телемъ те́плый рачи́тель и҆ подража́тель бы́лъ є҆сѝ, ті́и бо созда́ша прекра́сный хра́мъ во и҆́мѧ пресла́внагѡ вознесе́нїѧ гдⷭ҇нѧ, тѣ́мже въ то́мже хра́мѣ полага́ешисѧ, а҆́ки во дворы̀ спа́са своегѡ̀."
|
|
},
|
|
{
|
|
"type": "TEXT",
|
|
"value": "Просла́ви тѧ̀ гдⷭ҇ь, са́вво пребога́те и҆ тѣ́ло твоѐ соблюдѐ на мнѡ́гаѧ лѣ̑та нетлѣ́нно, тѣ́мъ бо бы́лъ є҆сѝ ѻ҆́бщникъ рабѡ́мъ є҆гѡ̀ подража́ѧ и҆̀мъ житїе́мъ: сегѡ̀ ра́ди соꙋблажа́ешисѧ съ ни́ми и҆ по сме́рти."
|
|
},
|
|
{
|
|
"type": "TEXT",
|
|
"value": "Красота̀ говѣ́нїѧ твоегѡ̀ ко гдⷭ҇ꙋ привлечѐ благода́ть благолѣ́пїѧ дꙋ́ши твоеѧ̀, свѧще́нне, и҆ поста́ви тѧ̀ бы́ти се́рбскомꙋ ро́дꙋ ѻ҆тца̀ а҆рхїпа́стырѧ и҆ свѧти́телѧ."
|
|
},
|
|
{
|
|
"type": "HEADER",
|
|
"value": "Сла́ва, гла́съ а҃."
|
|
},
|
|
{
|
|
"type": "TEXT",
|
|
"value": "Дне́сь свѣ́тлѡ красꙋ́етсѧ свѧтѣ́йшаѧ патрїа́рхїа се́рбскаѧ, въ па́мѧти треблаже́ннагѡ ѻ҆тца̀ са́ввы, дне́сь и҆ мы̀ ѡ҆бстоѧ́ще и҆ ѡ҆блобыза́юще ра́кꙋ є҆гѡ̀, а҆́ки бг҃олю̑биваѧ є҆гѡ̀ ча̑да, и҆ хва́лѧще є҆го̀ вопїе́мъ: ди́венъ бг҃ъ во свѧты́хъ свои́хъ въ це́рквахъ благослови́мъ тѧ̀ гдⷭ҇и."
|
|
},
|
|
{
|
|
"type": "HEADER",
|
|
"value": "И҆ ны́нѣ, пра́здникꙋ, гла́съ є҃."
|
|
},
|
|
{
|
|
"type": "TEXT",
|
|
"value": "И҆спыта́йте писа́нїѧ ꙗ҆́коже речѐ во є҆ѵⷢ҇лїихъ хрⷭ҇то́съ бг҃ъ на́шъ, въ ни́хъ бо ѡ҆брѣта́емъ того̀ ражда́ема, и҆ пелена́ми повива́ема, въ ꙗ҆́слехъ полага́ема, и҆ млеко́мъ пита́ема, ѡ҆брѣ́занїе прїе́млюща и҆ сѷмеѡ́номъ носи́ма, не мнѣ́нїемъ ни привидѣ́нїемъ, но и҆́стинною мі́рови ꙗ҆́вльшасѧ, къ немꙋ́ же возопїе́мъ: превѣ́чный бж҃е, сла́ва тебѣ̀."
|
|
},
|
|
{
|
|
"type": "HEADER",
|
|
"value": "Славосло́вїе вели́кое, и҆ ѿпꙋ́стъ."
|
|
},
|
|
{
|
|
"type": "HEADER",
|
|
"value": "На лїтꙋргі́и, Блаже́нна ѿ канѡ́на пра́здникꙋ и҆ свѧто́мꙋ, тропарѝ и҆ конда́цы пра́здникꙋ и҆ свѧто́мꙋ."
|
|
},
|
|
{
|
|
"type": "HEADER",
|
|
"value": "Прокі́менъ, гла́съ з҃:"
|
|
},
|
|
{
|
|
"type": "TEXT",
|
|
"value": "Честна̀ предъ гдⷭ҇емъ сме́рть прпⷣбныхъ є҆гѡ̀."
|
|
},
|
|
{
|
|
"type": "TEXT",
|
|
"value": "Сті́хъ: Что̀ возда́мъ гдⷭ҇еви ѡ҆ всѣ́хъ ꙗ҆̀же воздаде́ ми;"
|
|
},
|
|
{
|
|
"type": "HEADER",
|
|
"value": "А҆пⷭ҇лъ ко є҆вре́ємъ, зача́ло ти҃і."
|
|
},
|
|
{
|
|
"type": "TEXT",
|
|
"value": "А҆лиллꙋ́їа, гла́съ в҃: Свѧще́нницы твоѝ ѡ҆блекꙋ́тсѧ въ пра́вдꙋ и҆ прпⷣбнїи твоѝ возра́дꙋютсѧ."
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе ѿ і҆ѡа́нна, зача́ло л҃ѕ, ѿ полꙋ̀."
|
|
},
|
|
{
|
|
"type": "TEXT",
|
|
"value": "Прича́стенъ: Въ па́мѧть вѣ́чнꙋю бꙋ́детъ пра́ведникъ."
|
|
}
|
|
] |