1370 lines
107 KiB
JSON
1370 lines
107 KiB
JSON
[
|
|
{
|
|
"type": "HEADER",
|
|
"value": "Недѣ́лѧ четве́ртаѧ по па́сцѣ, разсла́бленнагѡ."
|
|
},
|
|
{
|
|
"type": "TEXT",
|
|
"value": "ⷤ На ма́лѣй вече́рни ⷤ На вели́цѣй вече́рни ⷤ На ᲂу҆́трени ⷤ На лїтꙋргі́и"
|
|
},
|
|
{
|
|
"type": "HEADER",
|
|
"value": "Въ сꙋббѡ́тꙋ ве́чера, на ма́лѣй вече́рни."
|
|
},
|
|
{
|
|
"type": "HEADER",
|
|
"value": "На Гдⷭ҇и воззва́хъ: стїхи̑ры воскре́сны д҃, гла́съ г҃:"
|
|
},
|
|
{
|
|
"type": "TEXT",
|
|
"value": "Т вои́мъ крⷭ҇то́мъ хрⷭ҇тѐ сп҃се, / сме́рти держа́ва разрꙋши́сѧ, / и҆ дїа́волѧ пре́лесть ᲂу҆праздни́сѧ: / ро́дъ же человѣ́ческїй вѣ́рою сп҃са́емый: / пѣ́снь тебѣ̀ всегда̀ прино́ситъ."
|
|
},
|
|
{
|
|
"type": "TEXT",
|
|
"value": "П росвѣти́шасѧ всѧ́чєскаѧ / воскрⷭ҇нїемъ твои́мъ гдⷭ҇и, / и҆ ра́й па́ки ѿве́рзесѧ: / всѧ́ же тва́рь восхвалѧ́ющи тѧ̀, / пѣ́снь тебѣ̀ всегда̀ прино́ситъ."
|
|
},
|
|
{
|
|
"type": "TEXT",
|
|
"value": "С ла́влю ѻ҆ц҃а̀ и҆ сн҃а си́лꙋ, / и҆ ст҃а́гѡ дх҃а пою̀ вла́сть, / нераздѣ́льное, несозда́нное бж҃ество̀, / трⷪ҇цꙋ є҆диносꙋ́щнꙋю, / ца́рствꙋющꙋю въ вѣ́къ вѣ́ка."
|
|
},
|
|
{
|
|
"type": "TEXT",
|
|
"value": "К рⷭ҇тꙋ̀ твоемꙋ̀ честно́мꙋ покланѧ́емсѧ хрⷭ҇тѐ, / и҆ воскрⷭ҇нїе твоѐ пое́мъ и҆ сла́вимъ: / ра́ною бо твое́ю мы̀ всѝ и҆сцѣлѣ́хомъ."
|
|
},
|
|
{
|
|
"type": "TEXT",
|
|
"value": "Сла́ва, гла́съ є҃: Взы́де і҆и҃съ во і҆ерꙋсали́мъ на ѻ҆́вчꙋю кꙋпѣ́ль, / глаго́лемꙋю і҆ꙋде́йски виѳесда̀, / пѧ́ть притво́рѡвъ и҆мꙋ́щꙋю: / въ тѣ́хъ бо слежа́ше мно́жество немощствꙋ́ющихъ. / а҆́гг҃лъ бо бж҃їй по всѧ̑ лѣ̑та сходѧ̀, возмꙋща́ше ю҆̀, / и҆ здра́вїе подава́ше пристꙋпа́ющымъ вѣ́рою. / и҆ ви́дѣвъ гдⷭ҇ь многовре́менна человѣ́ка, глаго́летъ къ немꙋ̀: / хо́щеши ли здра́въ бы́ти; / немощствꙋ́ѧй ѿвѣщава́ше: / гдⷭ҇и, человѣ́ка не и҆́мамъ, / да є҆гда̀ возмꙋти́тсѧ вода̀, вве́ржетъ мѧ̀ въ кꙋпѣ́ль: / врачє́мъ и҆зда́хъ всѐ и҆мѣ́нїе моѐ, / и҆ ми́лости ᲂу҆лꙋчи́ти не сподо́бихсѧ. / но вра́чь дꙋ́шъ и҆ тѣле́съ глаго́летъ къ немꙋ̀: / возмѝ тво́й ѻ҆́дръ и҆ ходѝ, проповѣ́дꙋѧ мою̀ си́лꙋ, / и҆ ве́лїю ми́лость въ концѣ́хъ."
|
|
},
|
|
{
|
|
"type": "TEXT",
|
|
"value": "И҆ ны́нѣ: бг҃оро́диченъ, догма́тїкъ, гла́съ г҃: Преве́лїе чꙋ́до: / дв҃а ро́ждшаѧ, и҆ рожде́нное бг҃ъ, / пре́жде вѣ́къ пред̾ѧвле́нное рожде́нїе, / и҆ соверше́нное па́че є҆стества̀. / ѽ та́инства стра́шнагѡ, / є҆́же и҆ мы́слимое неизрече́ннѡ пребыва́етъ, и҆ зри́мое не пое́млетсѧ! / бл҃же́нна ты̀ є҆сѝ пречи́стаѧ ѻ҆трокови́це, / а҆да́ма земноро́днагѡ дщѝ, / и҆ бг҃а вы́шнѧгѡ ꙗ҆́вльшаѧсѧ мт҃и: / того̀ молѝ спасти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "На стїхо́внѣ стїхи́ра воскре́сна, гла́съ г҃:"
|
|
},
|
|
{
|
|
"type": "TEXT",
|
|
"value": "С трⷭ҇тїю твое́ю хрⷭ҇тѐ, / ѡ҆мрачи́вый со́лнце / и҆ свѣ́томъ твоегѡ̀ воскрⷭ҇нїѧ, / просвѣти́вый всѧ́чєскаѧ, / прїимѝ на́шꙋ вече́рнюю пѣ́снь чл҃вѣколю́бче."
|
|
},
|
|
{
|
|
"type": "HEADER",
|
|
"value": "Та́же стїхи̑ры бцⷣы, гла́съ г҃. Подо́бенъ: Ве́лїѧ крⷭ҇та̀:"
|
|
},
|
|
{
|
|
"type": "TEXT",
|
|
"value": "Сті́хъ: Слы́ши дщѝ и҆ ви́ждь, и҆ приклонѝ ᲂу҆́хо твоѐ."
|
|
},
|
|
{
|
|
"type": "TEXT",
|
|
"value": "В ели́кое тобо́ю благодѣѧ́нїе пречⷭ҇таѧ полꙋчи́вше, / со а҆́гг҃лы рожде́нїе твоѐ сла́вимъ, / сподо́бльшеесѧ и҆з̾ ᲂу҆тро́бы твоеѧ̀ роди́тисѧ, / кра́йнѧгѡ ра́ди благоꙋтро́бїѧ, / и҆ возсозда́вшаго человѣ́ческїй ро́дъ."
|
|
},
|
|
{
|
|
"type": "TEXT",
|
|
"value": "Сті́хъ: Помѧнꙋ̀ и҆́мѧ твоѐ во всѧ́комъ ро́дѣ и҆ ро́дѣ."
|
|
},
|
|
{
|
|
"type": "TEXT",
|
|
"value": "Т ѧ̀ всѝ прибѣ́жище и҆ бж҃е́ственный покро́въ чи́стаѧ, / грѣ́шнїи въ житїѝ стѧжа́хомъ, дв҃о: / мо́лимъ ᲂу҆́бѡ всѝ твоѐ бл҃гоꙋтро́бїе, / не ѿстꙋпѝ ѿ на́съ, мо́лимсѧ, / но поми́лꙋй и҆ спасѝ."
|
|
},
|
|
{
|
|
"type": "TEXT",
|
|
"value": "Сті́хъ: Лицꙋ̀ твоемꙋ̀ помо́лѧтсѧ бога́тїи лю́дстїи."
|
|
},
|
|
{
|
|
"type": "TEXT",
|
|
"value": "Є҆́ же ра́дꙋйсѧ бцⷣе мт҃и приснодв҃о, / пе́рстнїи твоѝ рабѝ прино́симъ досто́йнѡ, / съ гаврїи́ломъ бж҃е́ственнымъ чинонача́льникомъ: / и҆́бо ра́дости хода́таица, / и҆ ра́дованїе ты̀ была̀ є҆сѝ мі́рови."
|
|
},
|
|
{
|
|
"type": "TEXT",
|
|
"value": "Сла́ва, и҆ ны́нѣ: гла́съ и҃: Въ притво́рѣ соломѡ́новѣ, / та́мѡ слежа́ше мно́жество немощствꙋ́ющихъ, / и҆ преполови́вшꙋсѧ пра́здникꙋ, / ѡ҆брѣ́те хрⷭ҇то́съ три́десѧть ѻ҆́смь лѣ́тъ разсла́блена лежа́ща, / влⷣчнимъ гла́сомъ глаго́летъ къ немꙋ̀: / хо́щеши ли здра́въ бы́ти; / немощствꙋ́ѧй ѿвѣщава́ше: / гдⷭ҇и, человѣ́ка не и҆́мамъ, / да є҆гда̀ возмꙋти́тсѧ вода̀, вве́ржетъ мѧ̀ въ кꙋпѣ́ль. / ѻ҆́нъ же глаго́летъ къ немꙋ̀: / возмѝ ѻ҆́дръ тво́й, и҆ ходѝ: / сѐ здра́въ бы́лъ є҆сѝ, ктомꙋ̀ не согрѣша́й. / бцⷣы моли́твами / низпослѝ на́мъ ве́лїю ми́лость."
|
|
},
|
|
{
|
|
"type": "HEADER",
|
|
"value": "Тропа́рь, гла́съ г҃:"
|
|
},
|
|
{
|
|
"type": "TEXT",
|
|
"value": "Д а веселѧ́тсѧ нбⷭ҇наѧ, / да ра́дꙋютсѧ земна̑ѧ: / ꙗ҆́кѡ сотворѝ держа́вꙋ мы́шцею свое́ю гдⷭ҇ь, / попра̀ сме́ртїю сме́рть, / пе́рвенецъ ме́ртвыхъ бы́сть, / и҆з̾ чре́ва а҆́дова и҆зба́ви на́съ, / и҆ подадѐ мі́рови ве́лїю млⷭ҇ть."
|
|
},
|
|
{
|
|
"type": "TEXT",
|
|
"value": "И҆ ѿпꙋ́стъ."
|
|
},
|
|
{
|
|
"type": "HEADER",
|
|
"value": "На вели́цѣй вече́рни."
|
|
},
|
|
{
|
|
"type": "TEXT",
|
|
"value": "На Гдⷭ҇и воззва́хъ: поста́вимъ стїхѡ́въ і҃. И҆ пое́мъ стїхи̑ры воскре́сны г҃, и҆ восто́чны д҃: и҆ ѡ҆ разсла́бленномъ самогла́сны, в҃, повторѧ́юще пе́рвꙋю."
|
|
},
|
|
{
|
|
"type": "HEADER",
|
|
"value": "Стїхи̑ры воскре́сны, гла́съ г҃:"
|
|
},
|
|
{
|
|
"type": "TEXT",
|
|
"value": "Т вои́мъ крⷭ҇то́мъ хрⷭ҇тѐ сп҃се, / сме́рти держа́ва разрꙋши́сѧ, / и҆ дїа́волѧ пре́лесть ᲂу҆праздни́сѧ: / ро́дъ же человѣ́ческїй вѣ́рою сп҃са́емый: / пѣ́снь тебѣ̀ всегда̀ прино́ситъ."
|
|
},
|
|
{
|
|
"type": "TEXT",
|
|
"value": "П росвѣти́шасѧ всѧ́чєскаѧ / воскрⷭ҇нїемъ твои́мъ гдⷭ҇и, / и҆ ра́й па́ки ѿве́рзесѧ: / всѧ́ же тва́рь восхвалѧ́ющи тѧ̀, / пѣ́снь тебѣ̀ всегда̀ прино́ситъ."
|
|
},
|
|
{
|
|
"type": "TEXT",
|
|
"value": "С ла́влю ѻ҆ц҃а̀ и҆ сн҃а си́лꙋ, / и҆ ст҃а́гѡ дх҃а пою̀ вла́сть, / нераздѣ́льное, несозда́нное бж҃ество̀, / трⷪ҇цꙋ є҆диносꙋ́щнꙋю, / ца́рствꙋющꙋю въ вѣ́къ вѣ́ка."
|
|
},
|
|
{
|
|
"type": "HEADER",
|
|
"value": "И҆́ны стїхи̑ры, а҆нато́лїевы:"
|
|
},
|
|
{
|
|
"type": "TEXT",
|
|
"value": "К рⷭ҇тꙋ̀ твоемꙋ̀ честно́мꙋ покланѧ́емсѧ хрⷭ҇тѐ, / и҆ воскрⷭ҇нїе твоѐ пое́мъ и҆ сла́вимъ: / ра́ною бо твое́ю мы̀ всѝ и҆сцѣлѣ́хомъ."
|
|
},
|
|
{
|
|
"type": "TEXT",
|
|
"value": "П ое́мъ сп҃са ѿ дв҃ы вопло́щшагосѧ: / на́съ бо ра́ди распѧ́тсѧ, / и҆ въ тре́тїй де́нь воскр҃се, / да́рꙋѧ на́мъ ве́лїю млⷭ҇ть."
|
|
},
|
|
{
|
|
"type": "TEXT",
|
|
"value": "С ꙋ́щымъ во а҆́дѣ соше́дъ хрⷭ҇то́съ благовѣстѝ: / дерза́йте, глаго́лѧ, ны́нѣ побѣди́хъ, / а҆́зъ є҆́смь воскрⷭ҇нїе, а҆́зъ вы̀ возведꙋ̀, / разрꙋши́въ смє́ртнаѧ врата̀."
|
|
},
|
|
{
|
|
"type": "TEXT",
|
|
"value": "Н едосто́йнѡ стоѧ́ще въ пречи́стомъ домꙋ̀ твое́мъ, / вече́рнюю пѣ́снь возсыла́емъ, / и҆з̾ глꙋбины̀ взыва́юще хрⷭ҇тѐ бж҃е: / просвѣти́вый мі́ръ тридне́внымъ воскрⷭ҇нїемъ твои́мъ, / и҆змѝ лю́ди твоѧ̑ ѿ рꙋкѝ врагѡ́въ твои́хъ чл҃вѣколю́бче."
|
|
},
|
|
{
|
|
"type": "HEADER",
|
|
"value": "И҆́ны стїхи̑ры самогла́сны, ѡ҆ разсла́бленномъ. Гла́съ а҃:"
|
|
},
|
|
{
|
|
"type": "TEXT",
|
|
"value": "Д ла́нїю пречи́стою созда́вый человѣ́ка, / прише́лъ є҆сѝ благоꙋтро́бне недꙋ́гꙋющыѧ и҆сцѣли́ти хрⷭ҇тѐ, / разсла́бленнаго во ѻ҆́вчей кꙋпѣ́ли, / сло́вомъ твои́мъ возста́вилъ є҆сѝ: / кровоточи́вой же болѣ́знь и҆сцѣли́лъ є҆сѝ: / ханане́и ѻ҆трокови́цꙋ стꙋжа́емꙋю поми́ловалъ є҆сѝ, / и҆ проше́нїѧ со́тника не презрѣ́лъ є҆сѝ. / сегѡ̀ ра́ди зове́мъ: / всеси́льне гдⷭ҇и, сла́ва тебѣ̀. [Два́жды]."
|
|
},
|
|
{
|
|
"type": "TEXT",
|
|
"value": "Н епогребе́нъ мертве́цъ сы́й, / разсла́бленный ви́дѣвъ тѧ̀, возопѝ: / поми́лꙋй мѧ̀ гдⷭ҇и, ꙗ҆́кѡ ѻ҆́дръ мо́й гро́бъ мнѣ̀ бы́сть. / что́ ми прїѡбрѣ́тенїе живота̀; / не тре́бꙋю ѻ҆́вчїѧ кꙋпѣ́ли, / не и҆́мамъ бо никогѡ́же влага́юща мѧ̀, / возмꙋща́ющымсѧ вода́мъ: / но къ тебѣ̀ и҆сто́чникꙋ прихождꙋ̀ и҆сцѣле́нїй, / да и҆ а҆́зъ со всѣ́ми зовꙋ̀: / всеси́льне гдⷭ҇и, сла́ва тебѣ̀."
|
|
},
|
|
{
|
|
"type": "TEXT",
|
|
"value": "Сла́ва, гла́съ є҃: Взы́де і҆и҃съ во і҆ерꙋсали́мъ на ѻ҆́вчꙋю кꙋпѣ́ль, / глаго́лемꙋю і҆ꙋде́йски виѳесда̀, / пѧ́ть притво́рѡвъ и҆мꙋ́щꙋю: / въ тѣ́хъ бо слежа́ше мно́жество немощствꙋ́ющихъ. / а҆́гг҃лъ бо бж҃їй по всѧ̑ лѣ̑та сходѧ̀, возмꙋща́ше ю҆̀, / и҆ здра́вїе подава́ше пристꙋпа́ющымъ вѣ́рою. / и҆ ви́дѣвъ гдⷭ҇ь многовре́менна человѣ́ка, глаго́летъ къ немꙋ̀: / хо́щеши ли здра́въ бы́ти; / немощствꙋ́ѧй ѿвѣщава́ше: / гдⷭ҇и, человѣ́ка не и҆́мамъ, / да є҆гда̀ возмꙋти́тсѧ вода̀, вве́ржетъ мѧ̀ въ кꙋпѣ́ль: / врачє́мъ и҆зда́хъ всѐ и҆мѣ́нїе моѐ, / и҆ ми́лости ᲂу҆лꙋчи́ти не сподо́бихсѧ. / но вра́чь дꙋ́шъ и҆ тѣле́съ глаго́летъ къ немꙋ̀: / возмѝ тво́й ѻ҆́дръ и҆ ходѝ, проповѣ́дꙋѧ мою̀ си́лꙋ, / и҆ ве́лїю ми́лость въ концѣ́хъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ, гла́съ г҃: Ка́кѡ не диви́мсѧ / бг҃омꙋ́жномꙋ ржⷭ҇твꙋ̀ твоемꙋ̀, пречⷭ҇тна́ѧ; / и҆скꙋше́нїѧ бо мꙋ́жескагѡ не прїе́мши всенепоро́чнаѧ, / родила̀ є҆сѝ без̾ ѻ҆ц҃а̀ сн҃а пло́тїю, / пре́жде вѣ́къ ѿ ѻ҆ц҃а̀ рожде́ннаго без̾ мт҃ре, / ника́коже претерпѣ́вшаго и҆змѣне́нїѧ, / и҆лѝ смѣше́нїѧ, и҆лѝ раздѣле́нїѧ, / но ѻ҆бою̀ сꙋществꙋ̀ / сво́йство цѣ́ло сохра́ншаго. / тѣ́мже мт҃и дв҃о влⷣчце, / того̀ молѝ сп҃сти́сѧ дꙋша́мъ, / правосла́внѡ бцⷣꙋ и҆сповѣ́дающихъ тѧ̀."
|
|
},
|
|
{
|
|
"type": "TEXT",
|
|
"value": "Вхо́дъ: Свѣ́те ти́хїй: Прокі́менъ: Гдⷭ҇ь воцари́сѧ: со стїхѝ є҆гѡ̀."
|
|
},
|
|
{
|
|
"type": "HEADER",
|
|
"value": "На лїті́и стїхи́ра хра́ма."
|
|
},
|
|
{
|
|
"type": "TEXT",
|
|
"value": "Сла́ва, гла́съ є҃: При ѻ҆́вчей кꙋпѣ́ли, / человѣ́къ лежа́ше въ не́мощи, / и҆ ви́дѣвъ тѧ̀ гдⷭ҇и, вопїѧ́ше: / человѣ́ка не и҆́мамъ, / да є҆гда̀ возмꙋти́тсѧ вода̀, вве́ржетъ мѧ̀ въ ню̀. / є҆гда́ же прихождꙋ̀, и҆́нъ предварѧ́етъ мѧ̀, и҆ прїе́млетъ и҆сцѣле́нїе: / а҆́зъ же немощствꙋ́ѧй лежꙋ̀. / и҆ а҆́бїе ᲂу҆милосе́рдивсѧ сп҃съ, глаго́летъ къ немꙋ̀: / тебѐ ра́ди человѣ́къ бы́въ, / тебѐ ра́ди въ пло́ть ѡ҆блеко́хсѧ, / и҆ глаго́леши: человѣ́ка не и҆́мамъ: / возмѝ ѻ҆́дръ тво́й и҆ ходѝ. / всѧ̑ тебѣ̀ возмѡ́жна, всѧ̑ послꙋ́шаютъ, всѧ̑ повинꙋ́ютсѧ: / всѣ́хъ на́съ помѧнѝ, и҆ поми́лꙋй ст҃ы́й, / ꙗ҆́кѡ чл҃вѣколю́бецъ."
|
|
},
|
|
{
|
|
"type": "TEXT",
|
|
"value": "И҆ ны́нѣ: бг҃оро́диченъ, гла́съ то́йже: Хра́мъ и҆ две́рь є҆сѝ, / пала́та и҆ престо́лъ цр҃е́въ, / дв҃о всечестна́ѧ: є҆́юже и҆зба́витель мо́й, хрⷭ҇то́съ гдⷭ҇ь, / во тмѣ̀ спѧ́щымъ ꙗ҆ви́сѧ, сл҃нце сы́й пра́вды, / просвѣти́ти хотѧ̀, ꙗ҆̀же созда̀ по ѻ҆́бразꙋ своемꙋ̀ рꙋко́ю свое́ю. / тѣ́мже всепѣ́таѧ, / ꙗ҆́кѡ ма́терне дерзнове́нїе къ немꙋ̀ стѧжа́вшаѧ, / непреста́ннѡ молѝ спасти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "На стїхо́внѣ стїхи́ра воскре́сна, гла́съ г҃:"
|
|
},
|
|
{
|
|
"type": "TEXT",
|
|
"value": "С трⷭ҇тїю твое́ю хрⷭ҇тѐ, / ѡ҆мрачи́вый со́лнце / и҆ свѣ́томъ твоегѡ̀ воскрⷭ҇нїѧ, / просвѣти́вый всѧ́чєскаѧ, / прїимѝ на́шꙋ вече́рнюю пѣ́снь чл҃вѣколю́бче."
|
|
},
|
|
{
|
|
"type": "HEADER",
|
|
"value": "И҆ стїхи̑ры па́сцѣ, съ припѣ́вы и҆́хъ. Гла́съ є҃."
|
|
},
|
|
{
|
|
"type": "TEXT",
|
|
"value": "Сті́хъ: Да воскре́снетъ бг҃ъ, / и҆ расточа́тсѧ вразѝ є҆гѡ̀."
|
|
},
|
|
{
|
|
"type": "TEXT",
|
|
"value": "П а́сха / сщ҃е́ннаѧ на́мъ дне́сь показа́сѧ: / па́сха но́ва ст҃а́ѧ: / па́сха та́инственнаѧ: / па́сха всечестна́ѧ: / па́сха хрⷭ҇то́съ и҆зба́витель: / па́сха непоро́чнаѧ: / па́сха вели́каѧ: / па́сха вѣ́рныхъ: / па́сха двє́ри ра̑йскїѧ на́мъ ѿверза́ющаѧ: / па́сха всѣ́хъ ѡ҆свѧща́ющаѧ вѣ́рныхъ."
|
|
},
|
|
{
|
|
"type": "TEXT",
|
|
"value": "Сті́хъ: Ꙗ҆́кѡ и҆счеза́етъ ды́мъ, / да и҆сче́знꙋтъ."
|
|
},
|
|
{
|
|
"type": "TEXT",
|
|
"value": "П рїиди́те / ѿ видѣ́нїѧ жєны̀ бл҃говѣ̑стницы, / и҆ сїѡ́нꙋ рцы́те: / прїимѝ / ѿ на́съ ра́дости бл҃говѣ́щенїѧ, воскресе́нїѧ хрⷭ҇то́ва: / красꙋ́йсѧ, ликꙋ́й, / и҆ ра́дꙋйсѧ і҆ерꙋсали́ме, / цр҃ѧ̀ хрⷭ҇та̀ ᲂу҆зрѣ́въ и҆з̾ гро́ба, / ꙗ҆́кѡ жениха̀ происходѧ́ща."
|
|
},
|
|
{
|
|
"type": "TEXT",
|
|
"value": "Сті́хъ: Та́кѡ да поги́бнꙋтъ грѣ́шницы ѿ лица̀ бж҃їѧ, / а҆ пра́вєдницы да возвеселѧ́тсѧ."
|
|
},
|
|
{
|
|
"type": "TEXT",
|
|
"value": "М ѷронѡ́сицы жєны̀, / ᲂу҆́трꙋ глꙋбокꙋ̀, / предста́вшѧ гро́бꙋ живода́вца, / ѡ҆брѣто́ша а҆́гг҃ла / на ка́мени сѣдѧ́ща, / и҆ то́й провѣща́въ и҆̀мъ / си́це глаго́лаше: / что̀ и҆́щете жива́гѡ съ ме́ртвыми; / что̀ пла́чете нетлѣ́ннагѡ во тлѝ; / ше́дше проповѣ́дите ᲂу҆ченикѡ́мъ є҆гѡ̀."
|
|
},
|
|
{
|
|
"type": "TEXT",
|
|
"value": "Сті́хъ: Се́й де́нь, є҆го́же сотворѝ гдⷭ҇ь, / возра́дꙋемсѧ и҆ возвесели́мсѧ во́нь."
|
|
},
|
|
{
|
|
"type": "TEXT",
|
|
"value": "П а́сха кра́снаѧ, / па́сха, гдⷭ҇нѧ па́сха, / па́сха всечестна́ѧ / на́мъ возсїѧ̀. па́сха, / ра́достїю дрꙋ́гъ дрꙋ́га ѡ҆б̾и́мемъ. / ѽ па́сха! / и҆збавле́нїе ско́рби, / и҆́бо и҆з̾ гро́ба дне́сь / ꙗ҆́кѡ ѿ черто́га / возсїѧ́въ хрⷭ҇то́съ, / жєны̀ ра́дости и҆спо́лни глаго́лѧ: / проповѣ́дите а҆пⷭ҇лѡмъ."
|
|
},
|
|
{
|
|
"type": "TEXT",
|
|
"value": "Сла́ва, гла́съ и҃: Въ притво́рѣ соломѡ́новѣ, / та́мѡ слежа́ше мно́жество немощствꙋ́ющихъ, / и҆ преполови́вшꙋсѧ пра́здникꙋ, / ѡ҆брѣ́те хрⷭ҇то́съ три́десѧть ѻ҆́смь лѣ́тъ разсла́блена лежа́ща, / влⷣчнимъ гла́сомъ глаго́летъ къ немꙋ̀: / хо́щеши ли здра́въ бы́ти; / немощствꙋ́ѧй ѿвѣщава́ше: / гдⷭ҇и, человѣ́ка не и҆́мамъ, / да є҆гда̀ возмꙋти́тсѧ вода̀, вве́ржетъ мѧ̀ въ кꙋпѣ́ль. / ѻ҆́нъ же глаго́летъ къ немꙋ̀: / возмѝ ѻ҆́дръ тво́й, и҆ ходѝ: / сѐ здра́въ бы́лъ є҆сѝ, ктомꙋ̀ не согрѣша́й. / бцⷣы моли́твами / низпослѝ на́мъ ве́лїю ми́лость."
|
|
},
|
|
{
|
|
"type": "TEXT",
|
|
"value": "И҆ ны́нѣ, гла́съ є҃: Воскрⷭ҇нїѧ де́нь, / и҆ просвѣти́мсѧ торжество́мъ, / и҆ дрꙋ́гъ дрꙋ́га ѡ҆б̾и́мемъ. / рце́мъ бра́тїе, / и҆ ненави́дѧщымъ на́съ, / прости́мъ всѧ̑ воскрⷭ҇нїемъ, / и҆ та́кѡ возопїи́мъ: / хрⷭ҇то́съ воскре́се и҆з̾ ме́ртвыхъ, / сме́ртїю сме́рть попра́въ, / и҆ сꙋ́щымъ во гробѣ́хъ живо́тъ дарова́въ. Є҆ди́ножды."
|
|
},
|
|
{
|
|
"type": "TEXT",
|
|
"value": "И҆ про́чее, ꙗ҆́кѡ предписа́сѧ въ мимоше́дшꙋю недѣ́лю."
|
|
},
|
|
{
|
|
"type": "HEADER",
|
|
"value": "Ѿпꙋсти́тельный тропа́рь, гла́съ г҃:"
|
|
},
|
|
{
|
|
"type": "TEXT",
|
|
"value": "Д а веселѧ́тсѧ нбⷭ҇наѧ, / да ра́дꙋютсѧ земна̑ѧ: / ꙗ҆́кѡ сотворѝ держа́вꙋ мы́шцею свое́ю гдⷭ҇ь, / попра̀ сме́ртїю сме́рть, / пе́рвенецъ ме́ртвыхъ бы́сть, / и҆з̾ чре́ва а҆́дова и҆зба́ви на́съ, / и҆ подадѐ мі́рови ве́лїю млⷭ҇ть."
|
|
},
|
|
{
|
|
"type": "TEXT",
|
|
"value": "Сла́ва, и҆ ны́нѣ, бг҃оро́диченъ: Тѧ̀ хода́тайствовавшꙋю сп҃се́нїе ро́да на́шегѡ, / воспѣва́емъ бцⷣе дв҃о: / пло́тїю бо ѿ тебѐ воспрїѧ́тою сн҃ъ тво́й, и҆ бг҃ъ на́шъ, / крⷭ҇то́мъ воспрїи́мъ стрⷭ҇ть, / и҆зба́ви на́съ ѿ тлѝ ꙗ҆́кѡ чл҃вѣколю́бецъ."
|
|
},
|
|
{
|
|
"type": "TEXT",
|
|
"value": "А҆́ще же не бꙋ́детъ бдѣ́нїѧ, на полꙋ́нощницѣ пое́мъ канѡ́нъ трⷪ҇ченъ во ѻ҆ктѡ́ихѣ, гла́са г҃-гѡ. И҆ Досто́йно є҆́сть: и҆ про́чее ꙗ҆́кѡ ѻ҆бы́чно. И҆ ѿпꙋ́стъ."
|
|
},
|
|
{
|
|
"type": "HEADER",
|
|
"value": "Въ недѣ́лю четве́ртꙋю по па́сцѣ, на ᲂу҆́трени."
|
|
},
|
|
{
|
|
"type": "HEADER",
|
|
"value": "На Бг҃ъ гдⷭ҇ь: тропа́рь воскре́сенъ два́жды, гла́съ г҃:"
|
|
},
|
|
{
|
|
"type": "TEXT",
|
|
"value": "Д а веселѧ́тсѧ нбⷭ҇наѧ, / да ра́дꙋютсѧ земна̑ѧ: / ꙗ҆́кѡ сотворѝ держа́вꙋ мы́шцею свое́ю гдⷭ҇ь, / попра̀ сме́ртїю сме́рть, / пе́рвенецъ ме́ртвыхъ бы́сть, / и҆з̾ чре́ва а҆́дова и҆зба́ви на́съ, / и҆ подадѐ мі́рови ве́лїю млⷭ҇ть."
|
|
},
|
|
{
|
|
"type": "TEXT",
|
|
"value": "Сла́ва, и҆ ны́нѣ, бг҃оро́диченъ: Тѧ̀ хода́тайствовавшꙋю сп҃се́нїе ро́да на́шегѡ, / воспѣва́емъ бцⷣе дв҃о: / пло́тїю бо ѿ тебѐ воспрїѧ́тою сн҃ъ тво́й, и҆ бг҃ъ на́шъ, / крⷭ҇то́мъ воспрїи́мъ стрⷭ҇ть, / и҆зба́ви на́съ ѿ тлѝ ꙗ҆́кѡ чл҃вѣколю́бецъ."
|
|
},
|
|
{
|
|
"type": "HEADER",
|
|
"value": "По а҃-мъ стїхосло́вїи сѣда́ленъ, гла́съ г҃:"
|
|
},
|
|
{
|
|
"type": "TEXT",
|
|
"value": "Х рⷭ҇то́съ ѿ ме́ртвыхъ воста̀, нача́токъ ᲂу҆со́пшихъ: / перворожде́нъ тва́ри, и҆ содѣ́тель всѣ́хъ бы́вшихъ, / и҆стлѣ́вшее є҆стество̀ ро́да на́шегѡ въ себѣ̀ само́мъ ѡ҆бновѝ. / не ктомꙋ̀ сме́рте ѡ҆блада́еши: / и҆́бо всѣ́хъ влⷣка держа́вꙋ твою̀ разрꙋшѝ."
|
|
},
|
|
{
|
|
"type": "TEXT",
|
|
"value": "Сті́хъ: Воскрⷭ҇нѝ гдⷭ҇и бж҃е мо́й, да вознесе́тсѧ рꙋка̀ твоѧ̀, / не забꙋ́ди ᲂу҆бо́гихъ твои́хъ до конца̀."
|
|
},
|
|
{
|
|
"type": "TEXT",
|
|
"value": "П ло́тїю сме́рти вкꙋси́въ гдⷭ҇и, / го́ресть сме́рти пресѣ́клъ є҆сѝ воста́нїемъ твои́мъ, / и҆ человѣ́ка на ню̀ ᲂу҆крѣпи́лъ є҆сѝ, / пе́рвыѧ клѧ́твы ѡ҆долѣ́нїе призыва́ѧ: / защи́тниче жи́зни на́шеѧ гдⷭ҇и, сла́ва тебѣ̀."
|
|
},
|
|
{
|
|
"type": "TEXT",
|
|
"value": "Сла́ва, и҆ ны́нѣ, бг҃оро́диченъ: Красотѣ̀ дѣ́вства твоегѡ̀, и҆ пресвѣ́тлой чистотѣ̀ твое́й, / гаврїи́лъ ᲂу҆диви́всѧ, вопїѧ́ше тѝ бцⷣе: / кꙋ́ю тѝ похвалꙋ̀ принесꙋ̀ досто́йнꙋю; / что́ же воз̾именꙋ́ю тѧ̀; недоꙋмѣва́ю и҆ ᲂу҆жаса́юсѧ. / тѣ́мже ꙗ҆́кѡ повелѣ́нъ бы́хъ, вопїю́ ти: / ра́дꙋйсѧ бл҃года́тнаѧ."
|
|
},
|
|
{
|
|
"type": "HEADER",
|
|
"value": "По в҃ стїхосло́вїи сѣда́ленъ, гла́съ г҃. Подо́бенъ: Красотѣ̀ дѣ́вства:"
|
|
},
|
|
{
|
|
"type": "TEXT",
|
|
"value": "В сѧ̑ человѣ́чєскаѧ воспрїи́мъ, всѧ̑ на̑ша присво́ивъ, / на крⷭ҇тѣ̀ пригвозди́тисѧ бл҃говоли́лъ є҆сѝ тво́рче мо́й, / сме́рть прїи́мъ претерпѣ́ти ꙗ҆́кѡ человѣ́къ, / да чл҃вѣ́ческое ѿ сме́рти и҆зба́виши ꙗ҆́кѡ бг҃ъ. / тѣ́мже ꙗ҆́кѡ жизнода́вцꙋ вопїе́мъ тѝ: / сла́ва хрⷭ҇тѐ бл҃гоꙋтро́бїю твоемꙋ̀."
|
|
},
|
|
{
|
|
"type": "TEXT",
|
|
"value": "Сті́хъ: И҆сповѣ́мсѧ тебѣ̀ гдⷭ҇и, всѣ́мъ се́рдцемъ мои́мъ, / повѣ́мъ всѧ̑ чꙋдеса̀ твоѧ̑."
|
|
},
|
|
{
|
|
"type": "TEXT",
|
|
"value": "Н епостижи́мое распѧ́тїѧ, и҆ несказа́нное воста́нїѧ / бг҃осло́вствꙋемъ вѣ́рнїи, та́инство неизрече́нное: / дне́сь бо сме́рть и҆ а҆́дъ плѣни́сѧ, / ро́дъ же человѣ́ческїй въ нетлѣ́нїе ѡ҆блече́сѧ. / тѣ́мъ бл҃годарѧ́ще вопїе́мъ тѝ: / сла́ва хрⷭ҇тѐ воста́нїю твоемꙋ̀."
|
|
},
|
|
{
|
|
"type": "TEXT",
|
|
"value": "Сла́ва, и҆ ны́нѣ, бг҃оро́диченъ: Нбⷭ҇наѧ любо́вїю веселѧ́хꙋсѧ, / и҆ земна̑ѧ тре́петомъ ᲂу҆жаса́хꙋсѧ, / є҆гда̀ пречи́стый гла́съ на́йде на тѧ̀ бцⷣе: / є҆ди́но бо торжество̀ ѻ҆бои́мъ возсїѧ̀, / є҆гда̀ первозда́ннаго ѿ сме́рти и҆зба́ви. / тѣ́мъ со а҆́гг҃ломъ вопїе́мъ тѝ: / ра́дꙋйсѧ чи́стаѧ дв҃о мт҃и."
|
|
},
|
|
{
|
|
"type": "TEXT",
|
|
"value": "По непоро́чнахъ, Бл҃гослове́нъ є҆сѝ гдⷭ҇и:"
|
|
},
|
|
{
|
|
"type": "HEADER",
|
|
"value": "Та́же ѵ҆пакоѝ, гла́съ г҃:"
|
|
},
|
|
{
|
|
"type": "TEXT",
|
|
"value": "Оу҆ дивлѧ́ѧ видѣ́нїемъ, / ѡ҆роша́ѧ глаго́ланїи, / блиста́ѧйсѧ а҆́гг҃лъ мѷроно́сицамъ глаго́лаше: / что̀ жива́гѡ и҆́щете во гро́бѣ; / воста̀ и҆стощи́вый гро́бы. / тлѝ премѣни́телѧ разꙋмѣ́йте непремѣ́ннаго. / рцы́те бг҃ови: ко́ль стра́шна дѣла̀ твоѧ̑, / ꙗ҆́кѡ ро́дъ сп҃слъ є҆сѝ человѣ́ческїй!"
|
|
},
|
|
{
|
|
"type": "HEADER",
|
|
"value": "Степє́нна, гла́съ г҃. А҆нтїфѡ́нъ а҃:"
|
|
},
|
|
{
|
|
"type": "TEXT",
|
|
"value": "П лѣ́нъ сїѡ́нь ты̀ и҆з̾ѧ́лъ є҆сѝ ѿ вавѷлѡ́на: / и҆ менѐ ѿ страсте́й къ животꙋ̀ привлецы̀ сло́ве."
|
|
},
|
|
{
|
|
"type": "TEXT",
|
|
"value": "В ъ ю҆́гъ сѣ́ющїи слеза́ми бж҃е́ственными, / жнꙋ́тъ кла́сы ра́достїю присноживо́тїѧ."
|
|
},
|
|
{
|
|
"type": "TEXT",
|
|
"value": "Сла́ва: Ст҃о́мꙋ дх҃ꙋ всѧ́кое бл҃года́рїе, / ꙗ҆́коже ѻ҆ц҃ꙋ̀ и҆ сн҃ꙋ соѡблиста́етъ, / въ не́мже всѧ̑ живꙋ́тъ и҆ дви́жꙋтсѧ."
|
|
},
|
|
{
|
|
"type": "TEXT",
|
|
"value": "И҆ ны́нѣ, то́йже."
|
|
},
|
|
{
|
|
"type": "HEADER",
|
|
"value": "А҆нтїфѡ́нъ в҃:"
|
|
},
|
|
{
|
|
"type": "TEXT",
|
|
"value": "А҆́ ще не гдⷭ҇ь сози́ждетъ до́мъ добродѣ́телей, всꙋ́е трꙋжда́емсѧ: / дꙋ́шꙋ же покрыва́ющꙋ, никто́же на́шъ разори́тъ гра́дъ."
|
|
},
|
|
{
|
|
"type": "TEXT",
|
|
"value": "П лода̀ чре́вна дх҃омъ сынотворе́ное / тебѣ̀ хрⷭ҇тꙋ̀ ꙗ҆́коже и҆ ѻ҆ц҃ꙋ̀, ст҃і́и всегда̀ сꙋ́ть."
|
|
},
|
|
{
|
|
"type": "TEXT",
|
|
"value": "Сла́ва: Ст҃ы́мъ дх҃омъ прозри́тсѧ всѧ́каѧ ст҃ы́нѧ, премꙋ́дрость: / ѡ҆сꙋществꙋ́етъ бо всѧ́кꙋю тва́рь: томꙋ̀ послꙋ́жимъ, / бг҃ъ бо, ꙗ҆́кѡ ѻ҆ц҃ꙋ́ же и҆ сло́вꙋ."
|
|
},
|
|
{
|
|
"type": "TEXT",
|
|
"value": "И҆ ны́нѣ, то́йже."
|
|
},
|
|
{
|
|
"type": "HEADER",
|
|
"value": "А҆нтїфѡ́нъ г҃:"
|
|
},
|
|
{
|
|
"type": "TEXT",
|
|
"value": "Б оѧ́щїисѧ гдⷭ҇а бл҃же́ни, въ пꙋтѝ ходѧ́ще за́повѣдей: / снѣдѧ́тъ бо живо́тное всепло́дїе."
|
|
},
|
|
{
|
|
"type": "TEXT",
|
|
"value": "Ѻ҆́ крестъ трапе́зы твоеѧ̀ возвесели́сѧ, / зрѧ̀ твоѧ̑ пастыренача́льниче и҆сча̑дїѧ, носѧ́ща вѣ̑тви бл҃годѣ́ланїѧ."
|
|
},
|
|
{
|
|
"type": "TEXT",
|
|
"value": "Сла́ва: Ст҃ы́мъ дх҃омъ всѧ́кое бога́тство сла́вы, / ѿ негѡ́же бл҃года́ть, и҆ живо́тъ всѧ́кой тва́ри: / со ѻ҆ц҃е́мъ бо воспѣва́емь є҆́сть, и҆ съ сло́вомъ."
|
|
},
|
|
{
|
|
"type": "TEXT",
|
|
"value": "И҆ ны́нѣ, то́йже."
|
|
},
|
|
{
|
|
"type": "TEXT",
|
|
"value": "Та́же прокі́менъ, гла́съ г҃: Рцы́те во ꙗ҆зы́цѣхъ, ꙗ҆́кѡ гдⷭ҇ь воцр҃и́сѧ, / нб҃о и҆спра́ви вселе́ннꙋю, ꙗ҆́же не подви́житсѧ. Сті́хъ: Воспо́йте гдⷭ҇ви пѣ́снь но́вꙋ, воспо́йте гдⷭ҇ви всѧ̀ землѧ̀."
|
|
},
|
|
{
|
|
"type": "TEXT",
|
|
"value": "Та́же дрꙋгі́й прокі́менъ: Всѧ́кое дыха́нїе / да хва́литъ гдⷭ҇а. Сті́хъ: Хвали́те бг҃а во ст҃ы́хъ є҆гѡ̀, хвали́те є҆го̀ во ᲂу҆твержде́нїи си́лы є҆гѡ̀."
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе ѿ лꙋкѝ, д҃, воскре́сное зача́ло рв҃і."
|
|
},
|
|
{
|
|
"type": "TEXT",
|
|
"value": "В о вре́мѧ ѻ҆́но, во є҆ди́нꙋ ѿ сꙋббѡ́тъ, ѕѣлѡ̀ ра́нѡ прїидо́ша жєны̀ на гро́бъ, носѧ́ще ꙗ҆̀же ᲂу҆гото́ваша а҆рѡма́ты, и҆ дрꙋгі́ѧ съ ни́ми. ѡ҆брѣто́ша же ка́мень ѿвале́нъ ѿ гро́ба: и҆ вше́дше, не ѡ҆брѣто́ша тѣлесѐ гдⷭ҇а і҆и҃са. и҆ бы́сть не домышлѧ́ющымсѧ и҆̀мъ ѡ҆ се́мъ, и҆ сѐ мꙋ́жа два̀ ста́ста въ ни́хъ въ ри́захъ блеща́щихсѧ. пристра́шнымъ же бы́вшымъ и҆̀мъ, и҆ покло́ншымъ ли́ца на зе́млю, реко́ста къ ни́мъ: что̀ и҆́щете жива́гѡ съ ме́ртвыми; нѣ́сть здѣ̀, но воста̀. помѧни́те ꙗ҆́коже глаго́ла ва́мъ, є҆щѐ сы́й въ галїле́и, глаго́лѧ: ꙗ҆́кѡ подоба́етъ сн҃ꙋ человѣ́ческомꙋ пре́данꙋ бы́ти въ рꙋ́цѣ человѣ̑къ грѣ̑шникъ, и҆ про́пѧтꙋ бы́ти, и҆ въ тре́тїй де́нь воскрⷭ҇нꙋти: и҆ помѧнꙋ́ша глаго́лы є҆гѡ̀. и҆ возвра́щшесѧ ѿ гро́ба, возвѣсти́ша всѧ̑ сїѧ̑ є҆диномꙋна́десѧте, и҆ всѣ́мъ про́чымъ. бѧ́ше же магдали́на марі́а, и҆ і҆ѡа́нна, и҆ марі́а і҆а́кѡвлѧ, и҆ про́чыѧ съ ни́ми, ꙗ҆̀же глаго́лахꙋ ко а҆по́столѡмъ сїѧ̑. и҆ ꙗ҆ви́шасѧ пред̾ ни́ми ꙗ҆́кѡ лжа̀ глаго́лы и҆́хъ, и҆ не вѣ́ровахꙋ и҆̀мъ. пе́тръ же воста́въ течѐ ко гро́бꙋ, и҆ прини́къ ви́дѣ ри̑зы є҆ди́ны лежа́щѧ, и҆ ѿи́де, въ себѣ̀ дивѧ́сѧ бы́вшемꙋ."
|
|
},
|
|
{
|
|
"type": "HEADER",
|
|
"value": "Та́же глаго́лемъ:"
|
|
},
|
|
{
|
|
"type": "TEXT",
|
|
"value": "В оскресе́нїе хрⷭ҇то́во ви́дѣвше, / поклони́мсѧ ст҃о́мꙋ гдⷭ҇ꙋ і҆и҃сꙋ, / є҆ди́номꙋ безгрѣ́шномꙋ. / крⷭ҇тꙋ̀ твоемꙋ̀ покланѧ́емсѧ хрⷭ҇тѐ, / и҆ ст҃о́е воскресе́нїе твоѐ пое́мъ и҆ сла́вимъ: / ты́ бо є҆сѝ бг҃ъ на́шъ, / ра́звѣ тебѐ и҆но́гѡ не зна́емъ, / и҆́мѧ твоѐ и҆менꙋ́емъ. / прїиди́те всѝ вѣ́рнїи, / поклони́мсѧ ст҃о́мꙋ хрⷭ҇то́вꙋ воскресе́нїю: / се́ бо прїи́де крⷭ҇то́мъ ра́дость всемꙋ̀ мі́рꙋ. / всегда̀ бл҃гословѧ́ще гдⷭ҇а, / пое́мъ воскресе́нїе є҆гѡ̀: / распѧ́тїе бо претерпѣ́въ, / сме́ртїю сме́рть разрꙋшѝ. [Три́жды.]"
|
|
},
|
|
{
|
|
"type": "TEXT",
|
|
"value": "Ѱало́мъ н҃. И҆ цѣлова́нїе є҆ѵⷢ҇лїа."
|
|
},
|
|
{
|
|
"type": "HEADER",
|
|
"value": "Та́же глаго́лемъ по н҃-мъ ѱалмѣ̀, по ѻ҆бы́чаю:"
|
|
},
|
|
{
|
|
"type": "TEXT",
|
|
"value": "Та́же, Сла́ва: Мл҃твами а҆пⷭ҇лѡвъ, / млⷭ҇тиве, ѡ҆чи́сти / мно́жєства согрѣше́нїй на́шихъ."
|
|
},
|
|
{
|
|
"type": "TEXT",
|
|
"value": "И҆ ны́нѣ: Мл҃твами бцⷣы, / млⷭ҇тиве, ѡ҆чи́сти / мно́жєства согрѣше́нїй на́шихъ."
|
|
},
|
|
{
|
|
"type": "TEXT",
|
|
"value": "Та́же, гла́съ ѕ҃: Поми́лꙋй мѧ̀ бж҃е / по вели́цѣй млⷭ҇ти твое́й, / и҆ по мно́жествꙋ щедро́тъ твои́хъ / ѡ҆чи́сти беззако́нїе моѐ."
|
|
},
|
|
{
|
|
"type": "TEXT",
|
|
"value": "Посе́мъ стїхи́ра: Воскре́съ і҆и҃съ ѿ гро́ба, / ꙗ҆́коже проречѐ, / дадѐ на́мъ живо́тъ вѣ́чный / и҆ ве́лїю ми́лость."
|
|
},
|
|
{
|
|
"type": "TEXT",
|
|
"value": "Та́же, Спасѝ бж҃е лю́ди твоѧ̀: Та́же канѡ́нъ па́схи, со і҆рмосы̀ и҆ съ бг҃оро́дичнами є҆гѡ̀, на и҃. И҆ ѡ҆ разсла́бленномъ на ѕ҃. Катава́сїа: Воскресе́нїѧ де́нь: ѻ҆́ба ли́ка вкꙋ́пѣ."
|
|
},
|
|
{
|
|
"type": "HEADER",
|
|
"value": "Канѡ́нъ па́схи. Гла́съ а҃. Пѣ́снь а҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Воскрⷭ҇нїѧ де́нь, / просвѣти́мсѧ лю́дїе: / па́сха, гдⷭ҇нѧ па́сха! / ѿ сме́рти бо къ жи́зни, / и҆ ѿ землѝ къ нб҃сѝ, / хрⷭ҇то́съ бг҃ъ на́съ преведѐ, / побѣ́днꙋю пою́щыѧ."
|
|
},
|
|
{
|
|
"type": "TEXT",
|
|
"value": "Припѣ́въ: Хрⷭ҇то́съ воскре́се и҆з̾ ме́ртвыхъ."
|
|
},
|
|
{
|
|
"type": "TEXT",
|
|
"value": "Ѡ҆ чи́стимъ чꙋ̑вствїѧ, и҆ ᲂу҆́зримъ / непристꙋ́пнымъ свѣ́томъ / воскресе́нїѧ, хрⷭ҇та̀ блиста́ющасѧ, / и҆ ра́дꙋйтесѧ, рекꙋ́ща / ꙗ҆́снѡ да ᲂу҆слы́шимъ, / побѣ́днꙋю пою́ще."
|
|
},
|
|
{
|
|
"type": "TEXT",
|
|
"value": "Припѣ́въ: Хрⷭ҇то́съ воскре́се и҆з̾ ме́ртвыхъ."
|
|
},
|
|
{
|
|
"type": "TEXT",
|
|
"value": "Н б҃са̀ ᲂу҆̀бо досто́йнѡ да веселѧ́тсѧ, / землѧ́ же да ра́дꙋетсѧ, / да пра́зднꙋетъ же мі́ръ, / ви́димый же ве́сь и҆ неви́димый: / хрⷭ҇то́съ бо воста̀, / весе́лїе вѣ́чное."
|
|
},
|
|
{
|
|
"type": "HEADER",
|
|
"value": "И҆́ный канѡ́нъ бг҃оро́диченъ, подо́бенъ. Є҆гѡ́же краестро́чїе на пе́рвыхъ тропарѣ́хъ: Ѳеофа́нꙋсъ. Гла́съ то́йже."
|
|
},
|
|
{
|
|
"type": "TEXT",
|
|
"value": "Припѣ́въ: Прест҃а́ѧ бцⷣе, сп҃сѝ на́съ."
|
|
},
|
|
{
|
|
"type": "TEXT",
|
|
"value": "Оу҆ мерщвле́нїѧ предѣ́лъ сломи́ла є҆сѝ, / вѣ́чнꙋю жи́знь ро́ждшаѧ хрⷭ҇та̀, и҆з̾ гро́ба возсїѧ́вшаго дне́сь, / дв҃о всенепоро́чнаѧ, и҆ мі́ръ просвѣти́вшаго."
|
|
},
|
|
{
|
|
"type": "TEXT",
|
|
"value": "Припѣ́въ: Прест҃а́ѧ бцⷣе, сп҃сѝ на́съ."
|
|
},
|
|
{
|
|
"type": "TEXT",
|
|
"value": "В оскре́сшаго ви́дѣвши сн҃а твоего̀ и҆ бг҃а, / ра́дꙋйсѧ со а҆пⷭ҇лы бг҃обл҃года́тнаѧ чⷭ҇таѧ: / и҆ є҆́же ра́дꙋйсѧ пе́рвѣе, ꙗ҆́кѡ всѣ́хъ ра́дости вина̀, / воспрїѧ́ла є҆сѝ, бг҃омт҃и всенепоро́чнаѧ."
|
|
},
|
|
{
|
|
"type": "HEADER",
|
|
"value": "И҆́ный канѡ́нъ ѡ҆ разсла́бленномъ, гла́съ г҃. Пѣ́снь а҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Ди́внѡ, сла́внѡ творѧ́й чꙋдеса̀. ты̀ є҆сѝ бж҃е, / бе́зднꙋ ѡ҆землени́вый, и҆ колесни̑цы потопи́вый, / и҆ лю́ди спасы́й пою́щыѧ тебѣ̀, / ꙗ҆́кѡ цр҃ю̀ на́шемꙋ и҆ бг҃ꙋ."
|
|
},
|
|
{
|
|
"type": "TEXT",
|
|
"value": "Д ѣ́йствꙋѧй зна́мєнїѧ, творѧ́й чꙋдеса̀ є҆ди́не цр҃ю̀, / распѧ́тїе во́лею претерпѣ́лъ є҆сѝ, ꙗ҆́кѡ ще́дръ, / и҆ сме́рть сме́ртїю ᲂу҆мертви́въ, ѡ҆животвори́лъ є҆сѝ на́съ."
|
|
},
|
|
{
|
|
"type": "TEXT",
|
|
"value": "В о хрⷭ҇то́вѣ воста́нїи лю́дїе дне́сь ликꙋ́имъ вѣ́рнѡ, / плѣне́нъ бы́сть а҆́дъ, / ю҆́зники ꙗ҆̀же содержа́ше, ѿдадѐ со тща́нїемъ, / пою́щыѧ вели̑чїѧ бж҃їѧ."
|
|
},
|
|
{
|
|
"type": "TEXT",
|
|
"value": "С и́лою бж҃е́ственною, / и҆ногда̀ разсла́бленнаго сло́вомъ твои́мъ хрⷭ҇тѐ стѧгнꙋ́вый, / и҆ повелѣ́вый є҆мꙋ̀ ѻ҆́дръ взѧ́ти, / мно́гимъ вре́менемъ немощствꙋ́ющꙋю лю́тѣ дꙋ́шꙋ мою̀ и҆сцѣлѝ."
|
|
},
|
|
{
|
|
"type": "TEXT",
|
|
"value": "В ъ кꙋпѣ́ль и҆ногда̀ ѻ҆́вчꙋю а҆́гг҃лъ схожда́ше, / и҆ є҆ди́наго и҆сцѣлева́ше на всѧ́кое лѣ́то: / креще́нїемъ же бж҃е́ственнымъ ны́нѣ ѡ҆чища́етъ / безчи̑сленнаѧ мно́жества хрⷭ҇то́съ."
|
|
},
|
|
{
|
|
"type": "TEXT",
|
|
"value": "А҆рха́гг҃лꙋ мїхаи́лꙋ: Нача́льниче а҆́гг҃лѡвъ, а҆рхїстрати́же вы́шнихъ слꙋжи́телей, / собра́вшыѧсѧ въ честнѣ́мъ хра́мѣ твое́мъ, и҆ бг҃а воспѣва́ющыѧ, / покрыва́й и҆ сохранѧ́й ѿ всѧ́кихъ и҆скꙋше́нїй."
|
|
},
|
|
{
|
|
"type": "HEADER",
|
|
"value": "Сла́ва, трⷪ҇ченъ: Въ трїе́хъ ли́цѣхъ, є҆ди́номъ же є҆стествѣ̀ / безнача́льнаго бг҃а пои́мъ непреста́ннѡ со безпло́тными, / ѻ҆ц҃а̀, сло́ва и҆ дх҃а, / црⷭ҇тво и҆ держа́вꙋ и҆мꙋ́ща нераздѣ́льнꙋю."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ: Чтꙋ́щїй се́й чи́стаѧ гра́дъ тво́й всегда̀ вѣ́рнѡ, / спаса́й ѿ бѣ́дъ, плѣне́нїѧ ва́рварскагѡ, междоꙋсо́бныѧ бра́ни, и҆ меча̀, / и҆ всѧ́кагѡ и҆но́гѡ преще́нїѧ."
|
|
},
|
|
{
|
|
"type": "TEXT",
|
|
"value": "Катава́сїа: Воскресе́нїѧ де́нь, / просвѣти́мсѧ лю́дїе: / па́сха, гдⷭ҇нѧ па́сха! / ѿ сме́рти бо къ жи́зни, / и҆ ѿ землѝ къ нб҃сѝ, / хрⷭ҇то́съ бг҃ъ на́съ преведѐ, / побѣ́днꙋю пою́щыѧ."
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Прїиди́те пи́во пїе́мъ но́вое, / не ѿ ка́мене непло́дна чꙋдодѣ́емое, / но нетлѣ́нїѧ и҆сто́чникъ, / и҆з̾ гро́ба ѡ҆дожди́вша хрⷭ҇та̀, / въ не́мже ᲂу҆твержда́емсѧ."
|
|
},
|
|
{
|
|
"type": "TEXT",
|
|
"value": "Припѣ́въ: Хрⷭ҇то́съ воскре́се и҆з̾ ме́ртвыхъ."
|
|
},
|
|
{
|
|
"type": "TEXT",
|
|
"value": "Н ы́нѣ всѧ̑ и҆спо́лнишасѧ свѣ́та, / нб҃о же и҆ землѧ̀ и҆ преиспѡ́днѧѧ: / да пра́зднꙋетъ ᲂу҆̀бо всѧ̀ тва́рь / воста́нїе хрⷭ҇то́во, / въ не́мже ᲂу҆твержда́етсѧ."
|
|
},
|
|
{
|
|
"type": "TEXT",
|
|
"value": "Припѣ́въ: Хрⷭ҇то́съ воскре́се и҆з̾ ме́ртвыхъ."
|
|
},
|
|
{
|
|
"type": "TEXT",
|
|
"value": "В чера̀ спогребо́хсѧ тебѣ̀ хрⷭ҇тѐ, / совостаю̀ дне́сь / воскрⷭ҇шꙋ тебѣ̀, / сраспина́хсѧ тебѣ̀ вчера̀, / са́мъ мѧ̀ спросла́ви сп҃се во црⷭ҇твїи твое́мъ."
|
|
},
|
|
{
|
|
"type": "TEXT",
|
|
"value": "Припѣ́въ: Прест҃а́ѧ бцⷣе, сп҃сѝ на́съ."
|
|
},
|
|
{
|
|
"type": "TEXT",
|
|
"value": "Н а нетлѣ́ннꙋю жи́знь / прихождꙋ̀ дне́сь бл҃гостїю ро́ждшагѡсѧ и҆з̾ тебѐ чи́стаѧ, / и҆ всѣ̑мъ концє́мъ свѣ́тъ ѡ҆блиста́вшагѡ."
|
|
},
|
|
{
|
|
"type": "TEXT",
|
|
"value": "Припѣ́въ: Прест҃а́ѧ бцⷣе, сп҃сѝ на́съ."
|
|
},
|
|
{
|
|
"type": "TEXT",
|
|
"value": "Б г҃а є҆го́же родила̀ є҆сѝ пло́тїю, и҆з̾ ме́ртвыхъ, / ꙗ҆́коже речѐ, воста́вша ви́дѣвши чⷭ҇таѧ, ликꙋ́й, / и҆ сегѡ̀ ꙗ҆́кѡ бг҃а пречи́стаѧ возвелича́й."
|
|
},
|
|
{
|
|
"type": "HEADER",
|
|
"value": "И҆́нъ. І҆рмо́съ:"
|
|
},
|
|
{
|
|
"type": "TEXT",
|
|
"value": "Непло́днаѧ дꙋшѐ и҆ безча́днаѧ, / стѧжѝ пло́дъ благосла́вный, / веселѧ́щисѧ возопі́й: / ᲂу҆тверди́хсѧ тобо́ю бцⷣе, / нѣ́сть ст҃ъ, нѣ́сть пра́веденъ, па́че тебѐ гдⷭ҇и."
|
|
},
|
|
{
|
|
"type": "TEXT",
|
|
"value": "З рѧ̀ тебѐ и҆ногда̀ со́лнце, на дре́вѣ ви́сѧща сло́ве, свѣ́тъ скры̀, / и҆ трѧса́шесѧ землѧ̀ всѧ̀, / ме́ртвїи воста́ша, / ме́ртвꙋ бы́вшꙋ тебѣ̀ всеси́льне."
|
|
},
|
|
{
|
|
"type": "TEXT",
|
|
"value": "С ъ дꙋше́ю прише́дшꙋ тебѣ̀ во ᲂу҆тро́бꙋ землѝ, / дꙋ́шы ꙗ҆́же стѧжа̀ а҆́дъ, и҆здава́ше со тща́нїемъ, / вопїю́щыѧ держа́вѣ твое́й пѣ́снь благода́рнꙋю, є҆ди́не гдⷭ҇и."
|
|
},
|
|
{
|
|
"type": "TEXT",
|
|
"value": "В ъ лѣ́тѣхъ мно́гихъ немощствꙋ́ющꙋю лю́тѣ дꙋ́шꙋ мою̀ преблагі́й / и҆сцѣлѝ, ꙗ҆́коже разсла́бленнаго пре́жде, / ꙗ҆́кѡ да послѣ́дꙋю твои́мъ стезѧ́мъ, / ꙗ҆̀же показа́лъ є҆сѝ лю́бѧщымъ тѧ̀."
|
|
},
|
|
{
|
|
"type": "TEXT",
|
|
"value": "А҆рха́гг҃лꙋ мїхаи́лꙋ: Съ вы́шними чи́нми бж҃їи а҆рха́гг҃ле, / мольбꙋ̀ сотворѝ ѡ҆ вѣ́рою пою́щихъ тѧ̀, / соблюда́ѧ и҆ хранѧ̀ на́съ, / жите́йскими страстьмѝ напада́емыхъ."
|
|
},
|
|
{
|
|
"type": "HEADER",
|
|
"value": "Сла́ва, трⷪ҇ченъ: Сла́ва ѻ҆ц҃ꙋ̀ возопїи́мъ, сн҃ꙋ, и҆ дх҃ꙋ, / є҆ди́нъ бо є҆́сть є҆стество́мъ бг҃ъ, / є҆го́же си̑лы всѧ̀ нбⷭ҇ныѧ со стра́хомъ сла́вѧтъ, / ст҃ъ, ст҃ъ, ст҃ъ є҆сѝ зовꙋ́ще."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ: Безсѣ́менное и҆мѣ́ла є҆сѝ зача́тїе, / и҆ па́че ᲂу҆ма̀ ржⷭ҇тво̀, дв҃о мт҃и чⷭ҇таѧ: / дѣ́ло стра́шное, чꙋ́до преве́лїе, / а҆́гг҃лы почита́емое и҆ человѣ́ки сла́вимое, ѻ҆трокови́це влⷣчце."
|
|
},
|
|
{
|
|
"type": "TEXT",
|
|
"value": "Катава́сїа: Прїиди́те пи́во пїе́мъ но́вое, / не ѿ ка́мене непло́дна чꙋдодѣ́емое, / но нетлѣ́нїѧ и҆сто́чникъ, / и҆з̾ гро́ба ѡ҆дожди́вша хрⷭ҇та̀, / въ не́мже ᲂу҆твержда́емсѧ."
|
|
},
|
|
{
|
|
"type": "HEADER",
|
|
"value": "Та́же конда́къ па́сцѣ, гла́съ и҃:"
|
|
},
|
|
{
|
|
"type": "TEXT",
|
|
"value": "А҆́ ще и҆ во гро́бъ снизше́лъ є҆сѝ безсме́ртне, / но а҆́довꙋ разрꙋши́лъ є҆сѝ си́лꙋ, / и҆ воскре́слъ є҆сѝ ꙗ҆́кѡ побѣди́тель хрⷭ҇тѐ бж҃е, / жена́мъ мѷроно́сицамъ вѣща́вый: ра́дꙋйтесѧ, / и҆ твои́мъ а҆пⷭ҇лѡмъ ми́ръ да́рꙋѧй, / па́дшымъ подаѧ́й воскресе́нїе."
|
|
},
|
|
{
|
|
"type": "TEXT",
|
|
"value": "І҆́косъ: Є҆́же пре́жде со́лнца сл҃нце заше́дшее и҆ногда̀ во гро́бъ, / предвари́ша ко ᲂу҆́трꙋ, и҆́щꙋщыѧ ꙗ҆́кѡ днѐ мѷронѡ́сицы дѣ̑вы, / и҆ дрꙋга̀ ко дрꙋзѣ́й вопїѧ́хꙋ: / ѽ дрꙋги́ни! прїиди́те, вонѧ́ми пома́жемъ тѣ́ло живоно́сное и҆ погребе́ное, / пло́ть воскреси́вшагѡ па́дшаго а҆да́ма, лежа́щꙋю во гро́бѣ. / и҆́демъ, потщи́мсѧ ꙗ҆́коже волсвѝ, и҆ поклони́мсѧ, / и҆ принесе́мъ мѵ̑ра ꙗ҆́кѡ да́ры, не въ пелена́хъ, но въ плащани́цѣ ѡ҆бви́томꙋ, / и҆ пла́чимъ, и҆ возопїи́мъ: ѽ влⷣко, воста́ни, / па́дшымъ подаѧ́й воскресе́нїе."
|
|
},
|
|
{
|
|
"type": "HEADER",
|
|
"value": "И҆ сѣда́ленъ, гла́съ г҃:"
|
|
},
|
|
{
|
|
"type": "TEXT",
|
|
"value": "Г лаго́лъ разсла́бленнаго то́кмѡ стѧгнꙋ̀, / ꙗ҆́кѡ всемі́рное сло́во є҆ди́но, / на́съ ра́ди на землѝ ꙗ҆́вльшагѡсѧ за благоꙋтро́бїе. / тѣ́мже и҆ ѻ҆́дръ носѧ̀ мимохожда́ше, / а҆́ще и҆ кни́жницы зрѣ́ти содѣ́ѧнное не терпѧ́хꙋ, / ѕло́бы содержи́ми за́вистїю, дꙋ́шы разслаблѧ́ющею."
|
|
},
|
|
{
|
|
"type": "TEXT",
|
|
"value": "Сла́ва, и҆ ны́нѣ, бг҃оро́диченъ: Красотѣ̀ дѣ́вства твоегѡ̀, и҆ пресвѣ́тлой чистотѣ̀ твое́й, / гаврїи́лъ ᲂу҆диви́всѧ, вопїѧ́ше тѝ бцⷣе: / кꙋ́ю тѝ похвалꙋ̀ принесꙋ̀ досто́йнꙋю; / что́ же воз̾именꙋ́ю тѧ̀; недоꙋмѣва́ю и҆ ᲂу҆жаса́юсѧ. / тѣ́мже, ꙗ҆́кѡ повелѣ́нъ бы́хъ, вопїю́ ти: / ра́дꙋйсѧ бл҃года́тнаѧ."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "На бж҃е́ственнѣй стра́жи, / бг҃оглаго́ливый а҆ввакꙋ́мъ / да ста́нетъ съ на́ми, и҆ пока́жетъ / свѣтоно́сна а҆́гг҃ла, / ꙗ҆́снѡ глаго́люща: / дне́сь спасе́нїе мі́рꙋ, / ꙗ҆́кѡ воскре́се хрⷭ҇то́съ, / ꙗ҆́кѡ всеси́ленъ."
|
|
},
|
|
{
|
|
"type": "TEXT",
|
|
"value": "Припѣ́въ: Хрⷭ҇то́съ воскре́се и҆з̾ ме́ртвыхъ."
|
|
},
|
|
{
|
|
"type": "TEXT",
|
|
"value": "М ꙋ́жескїй ᲂу҆́бѡ по́лъ, / ꙗ҆́кѡ разве́рзый дѣ́вственнꙋю ᲂу҆тро́бꙋ, / ꙗ҆ви́сѧ хрⷭ҇то́съ: / ꙗ҆́кѡ чл҃вѣ́къ же, / а҆́гнецъ нарече́сѧ: / непоро́ченъ же, / ꙗ҆́кѡ невкꙋ́сенъ скве́рны, / на́ша па́сха, / и҆ ꙗ҆́кѡ бг҃ъ и҆́стиненъ / соверше́нъ рече́сѧ."
|
|
},
|
|
{
|
|
"type": "TEXT",
|
|
"value": "Припѣ́въ: Хрⷭ҇то́съ воскре́се и҆з̾ ме́ртвыхъ."
|
|
},
|
|
{
|
|
"type": "TEXT",
|
|
"value": "Ꙗ҆́ кѡ є҆динолѣ́тный а҆́гнецъ, / бл҃гослове́нный на́мъ вѣне́цъ хрⷭ҇то́съ, / во́лею за всѣ́хъ закла́нъ бы́сть, / па́сха чисти́тельнаѧ, / и҆ па́ки и҆з̾ гро́ба кра́сное / пра́вды на́мъ возсїѧ̀ со́лнце."
|
|
},
|
|
{
|
|
"type": "TEXT",
|
|
"value": "Припѣ́въ: Хрⷭ҇то́съ воскре́се и҆з̾ ме́ртвыхъ."
|
|
},
|
|
{
|
|
"type": "TEXT",
|
|
"value": "Б г҃оѻц҃ъ ᲂу҆́бѡ дв҃дъ / пред̾ сѣ́ннымъ ковче́гомъ скака́ше и҆гра́ѧ, / лю́дїе же бж҃їи ст҃і́и, / ѻ҆бразѡ́въ сбытїѐ зрѧ́ще, / весели́мсѧ бж҃е́ственнѣ, / ꙗ҆́кѡ воскре́се хрⷭ҇то́съ, / ꙗ҆́кѡ всеси́ленъ."
|
|
},
|
|
{
|
|
"type": "TEXT",
|
|
"value": "Припѣ́въ: Прест҃а́ѧ бцⷣе, сп҃сѝ на́съ."
|
|
},
|
|
{
|
|
"type": "TEXT",
|
|
"value": "С озда́вый а҆да́ма твоего̀ пра́ѻц҃а чи́стаѧ, / зи́ждетсѧ ѿ тебѐ, и҆ сме́ртное жили́ще разорѝ свое́ю сме́ртїю дне́сь, / и҆ ѡ҆зарѝ всѧ̑ / бж҃е́ственными блиста́ньми воскрⷭ҇нїѧ."
|
|
},
|
|
{
|
|
"type": "TEXT",
|
|
"value": "Припѣ́въ: Прест҃а́ѧ бцⷣе, сп҃сѝ на́съ."
|
|
},
|
|
{
|
|
"type": "TEXT",
|
|
"value": "Є҆ го́же родила̀ є҆сѝ хрⷭ҇та̀, / прекра́снѡ и҆з̾ ме́ртвыхъ возсїѧ́вша чи́стаѧ зрѧ́щи, / до́браѧ и҆ непоро́чнаѧ въ жена́хъ и҆ кра́снаѧ, / дне́сь во спасе́нїе всѣ́хъ, со а҆пⷭ҇лы ра́дꙋющисѧ / того̀ прославлѧ́й."
|
|
},
|
|
{
|
|
"type": "HEADER",
|
|
"value": "И҆́нъ. І҆рмо́съ:"
|
|
},
|
|
{
|
|
"type": "TEXT",
|
|
"value": "Прїѡсѣне́ннꙋю го́рꙋ, а҆ввакꙋ́мъ прозрѧ́ше / пречⷭ҇тꙋю твою̀ ᲂу҆тро́бꙋ чⷭ҇таѧ. / тѣ́мъ взыва́ше: ѿ ю҆́га прїи́детъ бг҃ъ, / и҆ ст҃ы́й ѿ горы̀ прїѡсѣне́нныѧ ча́щи."
|
|
},
|
|
{
|
|
"type": "TEXT",
|
|
"value": "Є҆ вре́йскїй собо́ръ за́вистїю растаѧва́емь, / на дре́вѣ распѧ́тъ тѧ̀ гдⷭ҇и: / и҆ разори́въ ѡ҆сꙋжде́нїе сме́рти, / ꙗ҆́кѡ си́ленъ воста́лъ є҆сѝ, / мі́ръ съ собо́ю совоздви́гнꙋвъ."
|
|
},
|
|
{
|
|
"type": "TEXT",
|
|
"value": "С ъ мѵ́ры жєны̀, что̀ неистощи́мое мѵ́ро и҆́щете; / воста́лъ є҆́сть, мѷроно́сицамъ речѐ, сѣдѧ́й въ бѣ́лыхъ ри́захъ, / поднебе́снꙋю и҆спо́лнивъ мы́сленнагѡ благоꙋха́нїѧ."
|
|
},
|
|
{
|
|
"type": "TEXT",
|
|
"value": "Р а́бїй носѧ̀ ѻ҆́бразъ, за мно́гое бл҃гоꙋтро́бїе / ходѧ́й прише́лъ є҆сѝ, и҆ здра́ва показа́лъ є҆сѝ, / во мно́гихъ лѣ́тѣхъ лежа́щаго, сло́ве, / повелѣ́въ и҆ ѻ҆́дръ взѧ́ти."
|
|
},
|
|
{
|
|
"type": "TEXT",
|
|
"value": "А҆́ гг҃лъ ᲂу҆́бѡ гдⷭ҇нь, на всѧ́кое лѣ́то схожда́ѧ, / во́дꙋ въ кꙋпѣ́ли возмꙋща́ше, соверша́ѧ здра́ва є҆ди́наго то́чїю: / хрⷭ҇то́съ же мно́жество безчи́сленное бжⷭ҇твеннымъ креще́нїемъ спаса́етъ."
|
|
},
|
|
{
|
|
"type": "TEXT",
|
|
"value": "А҆рха́гг҃лꙋ мїхаи́лꙋ: Нача́льниче а҆́гг҃лѡвъ и҆ наста́вниче заблꙋжда́ющихъ, / гдⷭ҇нь нача́льный воево́до, / въ ча́съ се́й посредѣ̀ на́съ прїидѝ, и҆ моли̑твы всѣ́хъ принесѝ / є҆ди́номꙋ творцꙋ̀ и҆ влⷣцѣ."
|
|
},
|
|
{
|
|
"type": "HEADER",
|
|
"value": "Сла́ва, трⷪ҇ченъ: Соединѧ́емаѧ є҆стество́мъ, и҆ раздѣлѧ́емаѧ ли́цы, є҆́сть ст҃а́ѧ трⷪ҇ца, / ѻ҆ц҃ъ пресꙋ́щный, соприсносꙋ́щный же сн҃ъ, и҆ ст҃ы́й и҆ є҆ди́ный всеси́льный дх҃ъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ: Чи́стаѧ, ка́кѡ дои́ши; / ка́кѡ же родила̀ є҆сѝ млⷣнца, а҆да́ма дре́внѣйшаго; / ка́кѡ на рꙋкꙋ̀ но́сиши сн҃а, сꙋ́щаго на ра́мꙋ херꙋві́мскꙋ, / ꙗ҆́кѡ зна́етъ, ꙗ҆́коже вѣ́сть, всѧ̑ ѡ҆сꙋществова́вый."
|
|
},
|
|
{
|
|
"type": "TEXT",
|
|
"value": "Катава́сїа: На бж҃е́ственнѣй стра́жи, / бг҃оглаго́ливый а҆ввакꙋ́мъ / да ста́нетъ съ на́ми, и҆ пока́жетъ / свѣтоно́сна а҆́гг҃ла, / ꙗ҆́снѡ глаго́люща: / дне́сь спасе́нїе мі́рꙋ, / ꙗ҆́кѡ воскре́се хрⷭ҇то́съ, / ꙗ҆́кѡ всеси́ленъ."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Оу҆́тренюемъ ᲂу҆́треннюю глꙋбокꙋ̀, / и҆ вмѣ́стѡ мѵ́ра пѣ́снь принесе́мъ влⷣцѣ, / и҆ хрⷭ҇та̀ ᲂу҆́зримъ / пра́вды со́лнце, / всѣ̑мъ жи́знь возсїѧ́юща."
|
|
},
|
|
{
|
|
"type": "TEXT",
|
|
"value": "Припѣ́въ: Хрⷭ҇то́съ воскре́се и҆з̾ ме́ртвыхъ."
|
|
},
|
|
{
|
|
"type": "TEXT",
|
|
"value": "Б езмѣ́рное твоѐ бл҃гоꙋтро́бїе / а҆́довыми ᲂу҆́зами содержи́мїи зрѧ́ще, / къ свѣ́тꙋ и҆дѧ́хꙋ хрⷭ҇тѐ, / весе́лыми нога́ми, / па́схꙋ хва́лѧще вѣ́чнꙋю."
|
|
},
|
|
{
|
|
"type": "TEXT",
|
|
"value": "Припѣ́въ: Хрⷭ҇то́съ воскре́се и҆з̾ ме́ртвыхъ."
|
|
},
|
|
{
|
|
"type": "TEXT",
|
|
"value": "П ристꙋ́пимъ свѣщено́снїи, / и҆сходѧ́щꙋ хрⷭ҇тꙋ̀ и҆з̾ гро́ба ꙗ҆́кѡ женихꙋ̀, / и҆ спра́зднꙋимъ любопра́зднственными чи́нми / па́схꙋ бж҃їю спаси́тельнꙋю."
|
|
},
|
|
{
|
|
"type": "TEXT",
|
|
"value": "Припѣ́въ: Прест҃а́ѧ бцⷣе, сп҃сѝ на́съ."
|
|
},
|
|
{
|
|
"type": "TEXT",
|
|
"value": "П росвѣща́етсѧ бж҃е́ственными лꙋча́ми и҆ живоно́сными / воскресе́нїѧ сн҃а твоегѡ̀, бг҃омт҃и пречи́стаѧ, / и҆ ра́дости и҆сполнѧ́етсѧ / бл҃гочести́выхъ собра́нїе."
|
|
},
|
|
{
|
|
"type": "TEXT",
|
|
"value": "Припѣ́въ: Прест҃а́ѧ бцⷣе, сп҃сѝ на́съ."
|
|
},
|
|
{
|
|
"type": "TEXT",
|
|
"value": "Н е разве́рзлъ є҆сѝ врата̀ дѣ́вства въ воплоще́нїи, / гро́ба не разрꙋши́лъ є҆сѝ печа́тей цр҃ю̀ созда́нїѧ: / ѿѻнꙋ́дꙋже воскре́сшаго тѧ̀ зрѧ́щи / мт҃и, ра́довашесѧ."
|
|
},
|
|
{
|
|
"type": "HEADER",
|
|
"value": "И҆́нъ. І҆рмо́съ:"
|
|
},
|
|
{
|
|
"type": "TEXT",
|
|
"value": "Свѣ́томъ твои́мъ невече́рнимъ хрⷭ҇тѐ, / ѡ҆зарѝ бж҃е смире́ннꙋю мою̀ дꙋ́шꙋ, / и҆ наста́ви на стра́хъ тво́й, / занѐ свѣ́тъ повелѣ̑нїѧ твоѧ̀."
|
|
},
|
|
{
|
|
"type": "TEXT",
|
|
"value": "В ознесы́йсѧ на дре́вѣ крⷭ҇тнѣмъ, и҆ совознесы́й мі́ръ ве́сь, / и҆ бы́въ въ ме́ртвыхъ бж҃е, / ѿ вѣ́ка мє́ртвыѧ воздвиза́еши."
|
|
},
|
|
{
|
|
"type": "TEXT",
|
|
"value": "В оскре́се ꙗ҆́коже речѐ хрⷭ҇то́съ, / и҆стощи́вый всѧ̀ а҆́дова ца̑рствїѧ, / и҆ ꙗ҆влѧ́етсѧ а҆по́столѡмъ, / ра́дость подава́ѧ вѣ́чнꙋющꙋю."
|
|
},
|
|
{
|
|
"type": "TEXT",
|
|
"value": "Б ѣлоѻбра́зенъ ви́дѣнъ бы́сть жена́мъ блиста́ѧйсѧ а҆́гг҃лъ: / не ктомꙋ̀ пла́чите, жи́знь ва́ша воста̀, / сꙋ́щыѧ во гробѣ́хъ мє́ртвыѧ ѡ҆живи́вшаѧ."
|
|
},
|
|
{
|
|
"type": "TEXT",
|
|
"value": "Р азсла́бленнаго ꙗ҆́кѡ воздви́глъ є҆сѝ хрⷭ҇тѐ, / разсла́бленнꙋю мою̀ дꙋ́шꙋ престꙋпле́ньми ѡ҆здра́ви, / и҆ ше́ствовати мнѣ̀ твоѧ̑ пра̑выѧ стєзѝ споспѣшествꙋ́й."
|
|
},
|
|
{
|
|
"type": "TEXT",
|
|
"value": "А҆рха́гг҃лꙋ мїхаи́лꙋ: А҆́гг҃лѡвъ наста́вниче мїхаи́ле, / собира́ющыѧсѧ въ хра́мѣ твое́мъ лю́ди дне́сь, / и҆ проповѣ́дающыѧ бж҃їѧ вели̑чїѧ спаса́й."
|
|
},
|
|
{
|
|
"type": "HEADER",
|
|
"value": "Сла́ва, трⷪ҇ченъ: Равноче́стнаѧ тричи́сленнаѧ є҆ди́нице, / раздѣлѧ́емаѧ ᲂу҆́бѡ вѣ́рнѡ ѵ҆поста́сьми, / соединѧ́емаѧ же є҆стество́мъ є҆́сть, / ѻ҆ц҃ъ, сн҃ъ и҆ бж҃е́ственный дх҃ъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ: Безсѣ́менное ржⷭ҇тво̀ твоѐ чи́стаѧ, / непостижи́мое пое́мъ рожде́нїе, / блажа́ще тѧ̀ ꙗ҆́кѡ мт҃рь творца̀ всѣ́хъ и҆ влⷣки."
|
|
},
|
|
{
|
|
"type": "TEXT",
|
|
"value": "Катава́сїа: Оу҆́тренюемъ ᲂу҆́треннюю глꙋбокꙋ̀, / и҆ вмѣ́стѡ мѵ́ра пѣ́снь принесе́мъ влⷣцѣ, / и҆ хрⷭ҇та̀ ᲂу҆́зримъ / пра́вды со́лнце, / всѣ̑мъ жи́знь возсїѧ́юща."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Снизше́лъ є҆сѝ въ преиспѡ́днѧѧ землѝ, / и҆ сокрꙋши́лъ є҆сѝ верєѝ вѣ́чныѧ, / содержа́щыѧ свѧ̑занныѧ хрⷭ҇тѐ, / и҆ тридне́венъ ꙗ҆́кѡ ѿ ки́та і҆ѡ́на, / воскре́слъ є҆сѝ ѿ гро́ба."
|
|
},
|
|
{
|
|
"type": "TEXT",
|
|
"value": "Припѣ́въ: Хрⷭ҇то́съ воскре́се и҆з̾ ме́ртвыхъ."
|
|
},
|
|
{
|
|
"type": "TEXT",
|
|
"value": "С охрани́въ цѣ́ла зна́мєнїѧ хрⷭ҇тѐ, / воскре́слъ є҆сѝ ѿ гро́ба, / ключѝ дв҃ы не вреди́вый въ ржⷭ҇твѣ̀ твое́мъ, / и҆ ѿве́рзлъ є҆сѝ на́мъ ра̑йскїѧ двє́ри."
|
|
},
|
|
{
|
|
"type": "TEXT",
|
|
"value": "Припѣ́въ: Хрⷭ҇то́съ воскре́се и҆з̾ ме́ртвыхъ."
|
|
},
|
|
{
|
|
"type": "TEXT",
|
|
"value": "С п҃се мо́й, / живо́е же и҆ неже́ртвенное заколе́нїе, / ꙗ҆́кѡ бг҃ъ са́мъ себѐ / во́лею приве́дъ ѻ҆ц҃ꙋ̀, / совоскреси́лъ є҆сѝ всеро́днаго а҆да́ма, / воскре́съ ѿ гро́ба."
|
|
},
|
|
{
|
|
"type": "TEXT",
|
|
"value": "Припѣ́въ: Прест҃а́ѧ бцⷣе, сп҃сѝ на́съ."
|
|
},
|
|
{
|
|
"type": "TEXT",
|
|
"value": "В озведе́сѧ дре́вле держи́мое сме́ртїю и҆ тлѣ́нїемъ, / воплоти́вшимсѧ ѿ твоегѡ̀ пречⷭ҇тагѡ чре́ва, / къ нетлѣ́ннѣй, и҆ присносꙋ́щнѣй жи́зни, / бцⷣе дв҃о."
|
|
},
|
|
{
|
|
"type": "TEXT",
|
|
"value": "Припѣ́въ: Прест҃а́ѧ бцⷣе, сп҃сѝ на́съ."
|
|
},
|
|
{
|
|
"type": "TEXT",
|
|
"value": "С ни́де въ преиспѡ́днѧѧ землѝ, / въ ложесна̀ твоѧ̑ чⷭ҇таѧ сше́дый, / и҆ всели́выйсѧ и҆ воплоти́выйсѧ па́че ᲂу҆ма̀, / и҆ воздви́же съ собо́ю а҆да́ма, / воскре́съ ѿ гро́ба."
|
|
},
|
|
{
|
|
"type": "HEADER",
|
|
"value": "И҆́нъ. І҆рмо́съ:"
|
|
},
|
|
{
|
|
"type": "TEXT",
|
|
"value": "Глꙋбина̀ страсте́й воста̀ на мѧ̀, / и҆ бꙋ́рѧ проти́вныхъ вѣ́трѡвъ: / но предвари́въ мѧ̀ ты̀ спасѝ сп҃се, и҆ и҆зба́ви ѿ тлѝ, / ꙗ҆́кѡ спа́слъ є҆сѝ ѿ ѕвѣ́рѧ проро́ка."
|
|
},
|
|
{
|
|
"type": "TEXT",
|
|
"value": "В ознесы́йсѧ во́лею на дре́во, / положи́лсѧ є҆сѝ ꙗ҆́кѡ ме́ртвъ во гро́бѣ, / и҆ сꙋ́щыѧ во а҆́дѣ мє́ртвыѧ всѧ̑ вкꙋ́пѣ ѡ҆живи́въ хрⷭ҇тѐ, / воскреси́лъ є҆сѝ бж҃е́ственною си́лою."
|
|
},
|
|
{
|
|
"type": "TEXT",
|
|
"value": "А҆́ дъ срѣ́тъ тѧ̀ ще́дре до́лѣ ѡ҆горчи́сѧ, / свѧ̑занныѧ ѿдава́ѧ со тща́нїемъ, / твоѐ стра́шное пою́щыѧ сп҃се воскресе́нїе, / во гла́сѣхъ немо́лчныхъ."
|
|
},
|
|
{
|
|
"type": "TEXT",
|
|
"value": "Б ж҃е́ственнїи ᲂу҆ченицы̀, / ви́дѣвше жи́знь всѣ́хъ и҆з̾ гро́ба воста́вша хрⷭ҇та̀, / любо́вїю мно́гою, и҆ нра́вомъ пра́вымъ, / и҆ весе́лїемъ дꙋше́внымъ покланѧ́хꙋсѧ."
|
|
},
|
|
{
|
|
"type": "TEXT",
|
|
"value": "Д ре́вле на ѻ҆дрѣ̀ болѣ́зненномъ, въ лѣ́тѣхъ мно́зѣхъ слежа́й, / твои̑мъ хрⷭ҇тѐ повелѣ́нїемъ и҆сцѣлѣ́въ, сла́витъ / воспѣва́ѧ бл҃гоꙋтро́бїе твоѐ, жизнода́телю."
|
|
},
|
|
{
|
|
"type": "TEXT",
|
|
"value": "А҆рха́гг҃лꙋ мїхаи́лꙋ: А҆́гг҃лѡвъ наста́вниче мїхаи́ле, / предстоѧ́й престо́лꙋ влⷣчню, / прїидѝ посредѣ̀ на́съ, наставлѧ́ѧ къ стезѧ́мъ жи́зни, / тебѐ предста́телѧ те́пла стѧжа́вшихъ."
|
|
},
|
|
{
|
|
"type": "HEADER",
|
|
"value": "Сла́ва, трⷪ҇ченъ: Трⷪ҇цꙋ ли́цы тѧ̀ чтꙋ̀, / є҆ди́ницꙋ же сꙋщество́мъ проповѣ́даю, / безнача́льне ѻ҆́ч҃е, сн҃е, дш҃е пра́вый: бж҃е всѣ́хъ, / съ вы́шними стра́шными во́инствы."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ: Всѧ̑ бж҃е́ственнымъ манове́нїемъ носѧ́й, / держи́мь є҆́сть бцⷣе дв҃о во ѡ҆б̾ѧ́тїѧхъ твои́хъ, / всѣ́хъ на́съ восхища́ѧ, ѿ рꙋкѝ рабо́ты лꙋка́вагѡ, ꙗ҆́кѡ ще́дръ."
|
|
},
|
|
{
|
|
"type": "TEXT",
|
|
"value": "Катава́сїа: Снизше́лъ є҆сѝ въ преиспѡ́днѧѧ землѝ, / и҆ сокрꙋши́лъ є҆сѝ верєѝ вѣ́чныѧ, / содержа́щыѧ свѧ̑занныѧ хрⷭ҇тѐ, / и҆ тридне́венъ ꙗ҆́кѡ ѿ ки́та і҆ѡ́на, / воскре́слъ є҆сѝ ѿ гро́ба."
|
|
},
|
|
{
|
|
"type": "HEADER",
|
|
"value": "Конда́къ, гла́съ г҃. Подо́бенъ:"
|
|
},
|
|
{
|
|
"type": "TEXT",
|
|
"value": "Д ꙋ́шꙋ мою̀ гдⷭ҇и, во грѣсѣ́хъ всѧ́ческихъ, / и҆ безмѣ́стными дѣѧ́ньми лю́тѣ разсла́бленꙋ, / воздви́гни бж҃е́ственнымъ твои́мъ предста́тельствомъ, / ꙗ҆́коже и҆ разсла́бленнаго воздви́глъ є҆сѝ дре́вле, / да зовꙋ́ ти спаса́емь: / ще́дрый, сла́ва хрⷭ҇тѐ держа́вѣ твое́й."
|
|
},
|
|
{
|
|
"type": "TEXT",
|
|
"value": "І҆́косъ: Рꙋкѝ твоеѧ̀ го́рстїю содержа́й концы̀ і҆и҃се бж҃е, / ѻ҆ц҃ꙋ̀ собезнача́льный, и҆ дх҃ꙋ ст҃о́мꙋ совлады́чествꙋѧй всѣ́ми, / пло́тїю ꙗ҆ви́лсѧ є҆сѝ, / недꙋ́ги и҆сцѣлѧ́ѧ, и҆ стра̑сти ѿгна́лъ є҆сѝ: / слѣпцы̀ просвѣти́лъ є҆сѝ, / и҆ разсла́бленнаго сло́вомъ бж҃е́ственнымъ ты̀ возста́вилъ є҆сѝ, / семꙋ̀ напра́снѡ ходи́ти повелѣ́въ, / и҆ сего̀ носи́вшїй ѻ҆́дръ на ра́мꙋ взѧ́ти. / тѣ́мже всѝ съ ни́мъ воспѣва́емъ, и҆ возопїи́мъ: / ще́дрый, сла́ва хрⷭ҇тѐ держа́вѣ твое́й."
|
|
},
|
|
{
|
|
"type": "TEXT",
|
|
"value": "Сѷнаѯа́рїй."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Ѻ҆́троки ѿ пе́щи и҆зба́вивый, / бы́въ человѣ́къ, / стра́ждетъ ꙗ҆́кѡ сме́ртенъ, / и҆ стра́стїю сме́ртное / въ нетлѣ́нїѧ ѡ҆блачи́тъ благолѣ́пїе, / є҆ди́нъ бл҃гослове́нъ / ѻ҆ц҃є́въ бг҃ъ, и҆ препросла́вленъ."
|
|
},
|
|
{
|
|
"type": "TEXT",
|
|
"value": "Припѣ́въ: Хрⷭ҇то́съ воскре́се и҆з̾ ме́ртвыхъ."
|
|
},
|
|
{
|
|
"type": "TEXT",
|
|
"value": "Ж єны̀ съ мѵ́ры бг҃омꙋ̑дрыѧ въ слѣ́дъ тебѐ теча́хꙋ: / є҆го́же ꙗ҆́кѡ ме́ртва со слеза́ми и҆ска́хꙋ, / поклони́шасѧ ра́дꙋющыѧсѧ живо́мꙋ бг҃ꙋ, / и҆ па́схꙋ та́йнꙋю / твои́мъ хрⷭ҇тѐ ᲂу҆ченикѡ́мъ бл҃говѣсти́ша."
|
|
},
|
|
{
|
|
"type": "TEXT",
|
|
"value": "Припѣ́въ: Хрⷭ҇то́съ воскре́се и҆з̾ ме́ртвыхъ."
|
|
},
|
|
{
|
|
"type": "TEXT",
|
|
"value": "С ме́рти пра́зднꙋемъ ᲂу҆мерщвле́нїе, / а҆́дово разрꙋше́нїе, / и҆но́гѡ житїѧ̀ вѣ́чнагѡ нача́ло, / и҆ и҆гра́юще пое́мъ вино́внаго, / є҆ди́наго бл҃гослове́ннаго / ѻ҆ц҃є́въ бг҃а, и҆ препросла́вленнаго."
|
|
},
|
|
{
|
|
"type": "TEXT",
|
|
"value": "Припѣ́въ: Хрⷭ҇то́съ воскре́се и҆з̾ ме́ртвыхъ."
|
|
},
|
|
{
|
|
"type": "TEXT",
|
|
"value": "Ꙗ҆́ кѡ вои́стиннꙋ сщ҃е́ннаѧ, / и҆ всепра́зднственнаѧ сїѧ̀ спаси́тельнаѧ но́щь, / и҆ свѣтоза́рнаѧ, / свѣтоно́снагѡ днѐ, / воста́нїѧ сꙋ́щи провозвѣ́стница: / въ не́йже безлѣ́тный свѣ́тъ и҆з̾ гро́ба пло́тски всѣ̑мъ возсїѧ̀."
|
|
},
|
|
{
|
|
"type": "TEXT",
|
|
"value": "Припѣ́въ: Прест҃а́ѧ бцⷣе, сп҃сѝ на́съ."
|
|
},
|
|
{
|
|
"type": "TEXT",
|
|
"value": "Оу҆ мертви́въ сн҃ъ тво́й сме́рть, всенепоро́чнаѧ / дне́сь, всѣ̑мъ смє́ртнымъ пребыва́ющїй живо́тъ во вѣ́ки вѣкѡ́въ дарова̀, / є҆ди́нъ бл҃гослове́нный / ѻ҆тцє́въ бг҃ъ и҆ препросла́вленный."
|
|
},
|
|
{
|
|
"type": "TEXT",
|
|
"value": "Припѣ́въ: Прест҃а́ѧ бцⷣе, сп҃сѝ на́съ."
|
|
},
|
|
{
|
|
"type": "TEXT",
|
|
"value": "В сѣ́мъ црⷭ҇твꙋѧй созда́нїемъ, / бы́въ человѣ́къ, / всели́сѧ во твою̀ бг҃облагода́тнаѧ ᲂу҆тро́бꙋ, / и҆ распѧ́тїе претерпѣ́въ и҆ сме́рть, / воскре́се бг҃олѣ́пнѡ, / совозста́вивъ на́съ ꙗ҆́кѡ всеси́ленъ."
|
|
},
|
|
{
|
|
"type": "HEADER",
|
|
"value": "И҆́нъ. І҆рмо́съ:"
|
|
},
|
|
{
|
|
"type": "TEXT",
|
|
"value": "Пла́мень ѡ҆роси́вый пе́щный, / и҆ ѻ҆́троки неѡпали́мы спасы́й, / благослове́нъ є҆сѝ во вѣ́ки, / гдⷭ҇и бж҃е ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "П росте́рта тѧ̀ на дре́вѣ ꙗ҆́кѡ зрѧ́ше, / свѣ́тъ скры̀ со́лнце, не могꙋ́щее мі́рови свѣти́ти, / тебѣ̀ во́лею заше́дшꙋ всецр҃ю̀, на просвѣще́нїе всѣ́хъ ꙗ҆зы́кѡвъ."
|
|
},
|
|
{
|
|
"type": "TEXT",
|
|
"value": "В оскре́слъ є҆сѝ и҆стощи́вый гро́бы, / и҆ плѣни́вый а҆́дъ си́лою всеси́льною: / тѣ́мже пое́мъ честно́е твоѐ хрⷭ҇тѐ, и҆ бж҃е́ственное воста́нїе."
|
|
},
|
|
{
|
|
"type": "TEXT",
|
|
"value": "Ꙗ҆́ кѡ ме́ртва что̀ жива́го и҆́щете; / воста̀, нѣ́сть во гро́бѣ, мѷроно́сицамъ вопїѧ́ше дре́вле, / блиста́ѧйсѧ зра́комъ бж҃е́ственный а҆́гг҃лъ."
|
|
},
|
|
{
|
|
"type": "TEXT",
|
|
"value": "С лежа́ща въ лѣ́тѣхъ мно́зѣхъ разсла́бленнаго сло́вомъ и҆сцѣли́вый, вопїѧ́лъ є҆сѝ: / возмѝ ѻ҆́дръ тво́й, и҆ ходѝ, поѧ̀ вели̑чїѧ бж҃їѧ."
|
|
},
|
|
{
|
|
"type": "TEXT",
|
|
"value": "А҆рха́гг҃лꙋ мїхаи́лꙋ: Мїхаи́ле нача́льный воево́до гдⷭ҇нь, / вѣ́рнѡ въ бж҃е́ственнѣмъ твое́мъ хра́мѣ собира́ющихсѧ, / во хвале́нїе бж҃їе наставлѧ́й, / покрыва́й ѡ҆ всѧ́ческихъ ѕѡ́лъ хода́тайствомъ твои́мъ."
|
|
},
|
|
{
|
|
"type": "TEXT",
|
|
"value": "Сла́ва: Ѽ трⷪ҇це, вѣ́рою пою́щыѧ тѧ̀, / ꙗ҆́кѡ бг҃а всѣ́хъ и҆ влⷣкꙋ, / ѿ всѧ́кихъ бѣ́дъ спаса́й, / и҆ твои́хъ бла́гъ прича́стники сотворѝ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ: Дѣ́вствꙋеши ро́ждши па́че сло́ва, / пре́жде всѣ́хъ вѣ̑къ роди́вшагосѧ ѿ безнача́льна ѻ҆ц҃а̀ нетлѣ́ннѡ: / сегѡ̀ ра́ди чи́стаѧ тебѐ ᲂу҆блажа́емъ."
|
|
},
|
|
{
|
|
"type": "TEXT",
|
|
"value": "Катава́сїа: Ѻ҆́троки ѿ пе́щи и҆зба́вивый, / бы́въ человѣ́къ, / стра́ждетъ ꙗ҆́кѡ сме́ртенъ, / и҆ стра́стїю сме́ртное / въ нетлѣ́нїѧ ѡ҆блачи́тъ благолѣ́пїе, / є҆ди́нъ бл҃гослове́нъ / ѻ҆ц҃є́въ бг҃ъ, и҆ препросла́вленъ."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Се́й нарече́нный и҆ ст҃ы́й де́нь, / є҆ди́нъ сꙋббѡ́тъ цр҃ь и҆ гдⷭ҇ь, / пра́здникѡвъ пра́здникъ, / и҆ торжество̀ є҆́сть торже́ствъ: / во́ньже благослови́мъ хрⷭ҇та̀ во вѣ́ки."
|
|
},
|
|
{
|
|
"type": "TEXT",
|
|
"value": "Припѣ́въ: Хрⷭ҇то́съ воскре́се и҆з̾ ме́ртвыхъ."
|
|
},
|
|
{
|
|
"type": "TEXT",
|
|
"value": "П рїиди́те но́вагѡ вїногра́да рожде́нїѧ, / бж҃е́ственнагѡ весе́лїѧ, / въ наро́читомъ днѝ воскрⷭ҇нїѧ, / црⷭ҇твїѧ хрⷭ҇то́ва прїѡбщи́мсѧ, / пою́ще є҆го̀ / ꙗ҆́кѡ бг҃а во вѣ́ки."
|
|
},
|
|
{
|
|
"type": "TEXT",
|
|
"value": "Припѣ́въ: Хрⷭ҇то́съ воскре́се и҆з̾ ме́ртвыхъ."
|
|
},
|
|
{
|
|
"type": "TEXT",
|
|
"value": "В озведѝ ѻ҆́крестъ ѻ҆́чи твоѝ сїѡ́не и҆ ви́ждь: / се́ бо прїидо́ша къ тебѣ̀ / ꙗ҆́кѡ бг҃освѣ̑тлаѧ свѣти̑ла, / ѿ за́пада, и҆ сѣ́вера, и҆ мо́рѧ, / и҆ восто́ка ча́да твоѧ̑, / въ тебѣ̀ благословѧ̑щаѧ хрⷭ҇та̀ во вѣ́ки."
|
|
},
|
|
{
|
|
"type": "TEXT",
|
|
"value": "Припѣ́въ: Прест҃а́ѧ трⷪ҇це, бж҃е на́шъ, сла́ва тебѣ̀."
|
|
},
|
|
{
|
|
"type": "TEXT",
|
|
"value": "Трⷪ҇ченъ: Ѻ҆́ч҃е вседержи́телю, и҆ сло́ве, и҆ дш҃е, / тремѝ соединѧ́емое во ѵ҆поста́сѣхъ є҆стество̀, / пресꙋ́щественне и҆ пребж҃е́ственне, / въ тѧ̀ крⷭ҇ти́хомсѧ, / и҆ тѧ̀ бл҃гослови́мъ во всѧ̀ вѣ́ки."
|
|
},
|
|
{
|
|
"type": "TEXT",
|
|
"value": "Припѣ́въ: Прест҃а́ѧ бцⷣе, сп҃сѝ на́съ."
|
|
},
|
|
{
|
|
"type": "TEXT",
|
|
"value": "П рїи́де тобо́ю въ мі́ръ гдⷭ҇ь / дв҃о бцⷣе, / и҆ чре́во а҆́дово расто́ргъ, / смє́ртнымъ на́мъ воскресе́нїе дарова̀: / тѣ́мже бл҃гослови́мъ є҆го̀ во вѣ́ки."
|
|
},
|
|
{
|
|
"type": "TEXT",
|
|
"value": "Припѣ́въ: Прест҃а́ѧ бцⷣе, сп҃сѝ на́съ."
|
|
},
|
|
{
|
|
"type": "TEXT",
|
|
"value": "В сю̀ низложи́въ сме́рти держа́вꙋ / сн҃ъ тво́й дв҃о, свои́мъ воскресе́нїемъ, / ꙗ҆́кѡ бг҃ъ крѣ́пкїй совознесѐ на́съ и҆ ѡ҆божѝ: / тѣ́мже воспѣва́емъ є҆го̀ во вѣ́ки."
|
|
},
|
|
{
|
|
"type": "HEADER",
|
|
"value": "И҆́нъ. І҆рмо́съ:"
|
|
},
|
|
{
|
|
"type": "TEXT",
|
|
"value": "А҆́гг҃льми немо́лчнѡ въ вы́шнихъ сла́вимаго бг҃а, / нб҃са̀ нб҃съ, землѧ̀ и҆ го́ры, / и҆ хо́лми, и҆ глꙋбина̀, и҆ ве́сь ро́дъ человѣ́ческїй, / пѣ́сньми того̀, ꙗ҆́кѡ созда́телѧ и҆ и҆зба́вителѧ / благослови́те и҆ превозноси́те во всѧ̀ вѣ́ки."
|
|
},
|
|
{
|
|
"type": "TEXT",
|
|
"value": "З авѣ́са раздра́сѧ распе́ншꙋсѧ тебѣ̀ сп҃се на́шъ, / и҆ ѿдава́ше мє́ртвыѧ, ꙗ҆̀же пожрѐ сме́рть: / и҆ а҆́дъ ѡ҆бнажи́сѧ, тебѐ зрѧ̀ въ преиспо́днихъ землѝ бы́вша."
|
|
},
|
|
{
|
|
"type": "TEXT",
|
|
"value": "Г дѣ̀ твоѐ жа́ло є҆́сть сме́рте; / гдѣ̀ твоѧ̀ а҆́де, ны́нѣ побѣ́да; / воскре́сшꙋ цр҃ю̀, ᲂу҆мертви́лсѧ є҆сѝ и҆ поги́блъ, не ктомꙋ̀ ца́рствꙋеши: / крѣ́пкїй бо взѧ́тъ ꙗ҆̀же и҆мѣ́лъ є҆сѝ свѧ̑занныѧ."
|
|
},
|
|
{
|
|
"type": "TEXT",
|
|
"value": "Т ецы́те ско́рѡ, возвѣсти́те а҆пⷭ҇лѡмъ воскресе́нїе, / мѷроно́сицамъ ꙗ҆вле́йсѧ ю҆́ноша вѣща́ше: / воскре́се влⷣка, / и҆ съ ни́мъ и҆̀же ѿ вѣ́ка ме́ртвїи пресла́внѡ."
|
|
},
|
|
{
|
|
"type": "TEXT",
|
|
"value": "Л ѣ́ты мно́гими слежа́й разсла́бленный взыва́ше: / поми́лꙋй мѧ̀ и҆зба́вителю, недоꙋмѣ́нїемъ содержи́ма. / се́й же повелѣва́етъ є҆мꙋ̀ взѧ́ти тща́тельнѡ ѻ҆́дръ, и҆ пра́вѡ стꙋпа́ти."
|
|
},
|
|
{
|
|
"type": "TEXT",
|
|
"value": "А҆рха́гг҃лꙋ: Ꙗ҆́кѡ невеще́ственныхъ предводи́тель а҆рхїстрати́же си́лъ, / съ на́ми просѝ на́мъ прегрѣше́нїй и҆збавле́нїе, / и҆справле́нїе же житїѧ̀, / и҆ та́мошнихъ наслажде́нїе бла̑гъ вѣ́чныхъ."
|
|
},
|
|
{
|
|
"type": "TEXT",
|
|
"value": "Бл҃гослови́мъ ѻ҆ц҃а̀ и҆ сн҃а и҆ ст҃а́гѡ дх҃а, гдⷭ҇а."
|
|
},
|
|
{
|
|
"type": "TEXT",
|
|
"value": "Н есозда́нное, непресѣко́мое сꙋщество̀, трїѷпоста́сное бж҃ество̀, / ѻ҆ц҃а̀ безнача́льна бг҃а, и҆ сн҃а, и҆ дх҃а ст҃а́го / воспои́мъ согла́снѡ, серафі́мскꙋю зовꙋ́ще стра́шнꙋю пѣ́снь."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ: Сви́токъ тѧ̀ дре́вле зрѧ́ше и҆са́їа приснодв҃о, / въ не́мже пе́рстомъ ѻ҆́ч҃имъ, сло́во безлѣ́тное написа́сѧ, / ѿ всѧ́кагѡ безслове́сїѧ спаса́ющее на́съ, / словесы́ тѧ сщ҃е́нными воспѣва́ющихъ."
|
|
},
|
|
{
|
|
"type": "TEXT",
|
|
"value": "Хва́лимъ, бл҃гослови́мъ, покланѧ́емсѧ гдⷭ҇ви, пою́ще, и҆ превозносѧ́ще во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Катава́сїа: Се́й нарече́нный и҆ ст҃ы́й де́нь, / є҆ди́нъ сꙋббѡ́тъ цр҃ь и҆ гдⷭ҇ь, / пра́здникѡвъ пра́здникъ, / и҆ торжество̀ є҆́сть торже́ствъ: / во́ньже благослови́мъ хрⷭ҇та̀ во вѣ́ки."
|
|
},
|
|
{
|
|
"type": "TEXT",
|
|
"value": "Чⷭ҇тнѣ́йшꙋю не пое́мъ."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Свѣти́сѧ, свѣти́сѧ / но́вый і҆ерꙋсали́ме: / сла́ва бо гдⷭ҇нѧ / на тебѣ̀ возсїѧ̀. / ликꙋ́й ны́нѣ, / и҆ весели́сѧ сїѡ́не. / ты́ же чи́стаѧ красꙋ́йсѧ бцⷣе, / ѡ҆ воста́нїи рождества̀ твоегѡ̀."
|
|
},
|
|
{
|
|
"type": "TEXT",
|
|
"value": "Припѣ́въ: Хрⷭ҇то́съ воскре́се и҆з̾ ме́ртвыхъ."
|
|
},
|
|
{
|
|
"type": "TEXT",
|
|
"value": "Ѽ бж҃е́ственнагѡ, ѽ любе́знагѡ, / ѽ сладча́йшагѡ твоегѡ̀ гла́са! / съ на́ми бо нело́жнѡ / ѡ҆бѣща́лсѧ є҆сѝ бы́ти, / до сконча́нїѧ вѣ́ка хрⷭ҇тѐ: / є҆го́же вѣ́рнїи, / ᲂу҆твержде́нїе наде́жди и҆мꙋ́ще, ра́дꙋемсѧ."
|
|
},
|
|
{
|
|
"type": "TEXT",
|
|
"value": "Припѣ́въ: Хрⷭ҇то́съ воскре́се и҆з̾ ме́ртвыхъ."
|
|
},
|
|
{
|
|
"type": "TEXT",
|
|
"value": "Ѽ па́сха ве́лїѧ и҆ сщ҃е́ннѣйшаѧ, хрⷭ҇тѐ! / ѽ мꙋ́дросте, и҆ сло́ве бж҃їй, и҆ си́ло! / подава́й на́мъ и҆́стѣе тебѐ причаща́тисѧ, / въ невече́рнѣмъ днѝ црⷭ҇твїѧ твоегѡ̀."
|
|
},
|
|
{
|
|
"type": "TEXT",
|
|
"value": "Припѣ́въ: Прест҃а́ѧ бцⷣе, сп҃сѝ на́съ."
|
|
},
|
|
{
|
|
"type": "TEXT",
|
|
"value": "С огла́снѡ дв҃о, тебѐ бл҃жи́мъ вѣ́рнїи: / ра́дꙋйсѧ две́ре гдⷭ҇нѧ: / ра́дꙋйсѧ гра́де ѡ҆дꙋшевле́нный: / ра́дꙋйсѧ, є҆ѧ́же ра́ди на́мъ ны́нѣ возсїѧ̀ свѣ́тъ, / и҆з̾ тебѐ рожде́ннагѡ и҆з̾ ме́ртвыхъ воскресе́нїѧ."
|
|
},
|
|
{
|
|
"type": "TEXT",
|
|
"value": "Припѣ́въ: Прест҃а́ѧ бцⷣе, сп҃сѝ на́съ."
|
|
},
|
|
{
|
|
"type": "TEXT",
|
|
"value": "В есели́сѧ и҆ ра́дꙋйсѧ бжⷭ҇твеннаѧ две́ре свѣ́та: / заше́дый бо і҆и҃съ во гро́бъ возсїѧ̀, / просїѧ́въ со́лнца свѣтлѣ́е, / и҆ вѣ̑рныѧ всѧ̑ ѡ҆зари́въ, / бг҃ора́дованнаѧ влⷣчце."
|
|
},
|
|
{
|
|
"type": "HEADER",
|
|
"value": "И҆́нъ. І҆рмо́съ:"
|
|
},
|
|
{
|
|
"type": "TEXT",
|
|
"value": "На сїна́йстѣй горѣ̀ ви́дѣ тѧ̀ въ кꙋпинѣ̀ мѡѷсе́й, / неѡпа́льнѡ ѻ҆́гнь бж҃ества̀ заче́ншꙋю во чре́вѣ: / данїи́лъ же тѧ̀ ви́дѣ, го́рꙋ несѣко́мꙋю: / же́злъ прозѧ́бшїй, и҆са́їа взыва́ше, ѿ ко́рене дв҃дова."
|
|
},
|
|
{
|
|
"type": "TEXT",
|
|
"value": "І҆ и҃се на дре́вѣ возвыша́емь, совозне́слъ є҆сѝ на́съ, / и҆ положи́всѧ во́лею во гро́бѣ, / и҆з̾ гробѡ́въ мє́ртвыѧ воскреси́лъ є҆сѝ всѧ̀, / пою́щыѧ держа́вꙋ твою̀ непостижи́мꙋю, / и҆ си́лꙋ твою̀ непобѣди́мꙋю."
|
|
},
|
|
{
|
|
"type": "TEXT",
|
|
"value": "К раснѣ́йшїй ѿ гро́ба возсїѧ́лъ є҆сѝ, / ꙗ҆́кѡ жени́хъ ѿ черто́га, краснѣ́йшїй сло́ве, / и҆ разрꙋши́лъ є҆сѝ а҆́да мра́чное, / и҆ ю҆́зники и҆зве́лъ є҆сѝ, согла́снѡ зовꙋ́щыѧ: / сла́ва сла́вѣ твое́й, сла́ва і҆и҃се бж҃е воста́нїю твоемꙋ̀."
|
|
},
|
|
{
|
|
"type": "TEXT",
|
|
"value": "В оздыха̑нїѧ же и҆ сле́зы носѧ́щѧ, / съ мѵ́ры во тща́нїи всест҃ы́й гро́бъ достиго́ша жєны̀, / и҆ хрⷭ҇то́вꙋ ᲂу҆чи́ми бѧ́хꙋ вѣ́рою сла́вномꙋ воста́нїю, / є҆́же пра́зднꙋемъ въ ра́дости дꙋше́вной веселѧ́щесѧ."
|
|
},
|
|
{
|
|
"type": "TEXT",
|
|
"value": "П ослѣ́доваше здра́вїе тѣ́ла, / повелѣ́нїю твоемꙋ̀ хрⷭ҇тѐ / и҆ ви́димь бѧ́ше пре́жде разсла́бленный, / текі́й со тща́нїемъ, и҆ ѻ҆́дръ носѧ́й, / на не́мже возлежа́ше лѣ́ты мно́гими, / пѣсносло́вѧ мно́гꙋю си́лꙋ твою̀."
|
|
},
|
|
{
|
|
"type": "TEXT",
|
|
"value": "А҆рха́гг҃лꙋ мїхаи́лꙋ: Просвѣще́нїе на́мъ и҆спросѝ, вели́кїй а҆рхїстрати́же, / при́снѡ свѣ́тꙋ вели́комꙋ предстоѧ́й, / и҆ ᲂу҆мирѝ на́шꙋ жи́знь, / напа́стьми всегда̀ ѕмїе́выми и҆ ѡ҆бстоѧ́ньми житїѧ̀ / зы́блемꙋю при́снѡ, достохва́льне."
|
|
},
|
|
{
|
|
"type": "TEXT",
|
|
"value": "Сла́ва: Свѣ́тъ и҆ свѣ́тове, жи́знь же и҆ жи̑зни, сла́влю тѧ̀ всеблагоче́стнѡ, / ѻ҆́ч҃е, сло́ве и҆ дш҃е ст҃ы́й, / трїѷпоста́снаѧ є҆ди́нице, нераздѣли́маѧ держа́во, бж҃ество̀ несли́тное, / ст҃ъ, ст҃ъ, ст҃ъ, вопїѧ̀ съ вы́шними си́лами."
|
|
},
|
|
{
|
|
"type": "TEXT",
|
|
"value": "И҆ ны́нѣ: Ѿ свѣтоно́сныхъ про́йде ложе́снъ твои́хъ вели́кое сл҃нце хрⷭ҇то́съ, / и҆ мі́ръ просвѣтѝ пречⷭ҇таѧ, ѡ҆сїѧ́ньми свѣ́тлыми, и҆ тмꙋ̀ ѿѧ́тъ престꙋпле́нїѧ: / тѣ́мже пое́мъ тѧ̀ ꙗ҆́кѡ винꙋ̀ всѣ́хъ до́брыхъ, бг҃оневѣ́сто."
|
|
},
|
|
{
|
|
"type": "TEXT",
|
|
"value": "Катава́сїа: Свѣти́сѧ, свѣти́сѧ / но́вый і҆ерꙋсали́ме: / сла́ва бо гдⷭ҇нѧ / на тебѣ̀ возсїѧ̀. / ликꙋ́й ны́нѣ, / и҆ весели́сѧ сїѡ́не. / ты́ же чи́стаѧ красꙋ́йсѧ бцⷣе, / ѡ҆ воста́нїи рождества̀ твоегѡ̀. И҆ покло́нъ."
|
|
},
|
|
{
|
|
"type": "TEXT",
|
|
"value": "Та́же, Ст҃ъ гдⷭ҇ь бг҃ъ на́шъ. три́жды, на гла́съ г҃."
|
|
},
|
|
{
|
|
"type": "HEADER",
|
|
"value": "Є҆ѯапостїла́рїй па́сцѣ:"
|
|
},
|
|
{
|
|
"type": "TEXT",
|
|
"value": "П ло́тїю ᲂу҆снꙋ́въ, / ꙗ҆́кѡ ме́ртвъ / цр҃ю̀ и҆ гдⷭ҇и, / тридне́венъ воскре́слъ є҆сѝ, / а҆да́ма воздви́гъ ѿ тлѝ, / и҆ ᲂу҆праздни́въ сме́рть: / па́сха нетлѣ́нїѧ, / мі́ра спасе́нїе. Є҆ди́ножды."
|
|
},
|
|
{
|
|
"type": "HEADER",
|
|
"value": "Сла́ва: Дрꙋгі́й. Подо́бенъ: Жєны̀ ᲂу҆слы́шите:"
|
|
},
|
|
{
|
|
"type": "TEXT",
|
|
"value": "П редста̀ чл҃вѣколю́бецъ и҆ всеще́дрый гдⷭ҇ь ѻ҆́вчей кꙋпѣ́ли, є҆́же и҆сцѣли́ти недꙋ́ги: / ѡ҆брѣ́те же человѣ́ка слежа́ща мно́гими лѣ́ты, и҆ къ немꙋ̀ возопѝ: / возмѝ ѻ҆́дръ, и҆ и҆дѝ на пꙋтѝ пра̑выѧ."
|
|
},
|
|
{
|
|
"type": "TEXT",
|
|
"value": "И҆ ны́нѣ, то́йже."
|
|
},
|
|
{
|
|
"type": "HEADER",
|
|
"value": "На хвали́техъ поста́вимъ стїхѡ́въ, и҃. И҆ пое́мъ стїхи̑ры воскре́сны, гла́съ г҃:"
|
|
},
|
|
{
|
|
"type": "TEXT",
|
|
"value": "П рїиди́те всѝ ꙗ҆зы́цы, / ᲂу҆разꙋмѣ́йте стра́шныѧ та́йны си́лꙋ: / хрⷭ҇то́съ бо сп҃съ на́шъ, є҆́же въ нача́лѣ сло́во, / распѧ́тсѧ на́съ ра́ди, и҆ во́лею погребе́сѧ, / и҆ воскр҃се и҆з̾ ме́ртвыхъ, є҆́же сп҃стѝ всѧ́чєскаѧ: / томꙋ̀ поклони́мсѧ."
|
|
},
|
|
{
|
|
"type": "TEXT",
|
|
"value": "П овѣ́даша всѧ̑ чꙋдеса̀ / стра́жїе твоѝ гдⷭ҇и: / но собо́ръ сꙋеты̀ и҆спо́лни мздо́ю десни́цꙋ и҆́хъ, / скры́ти мнѧ́ше воскрⷭ҇нїе твоѐ, / є҆́же мі́ръ сла́витъ: поми́лꙋй на́съ."
|
|
},
|
|
{
|
|
"type": "TEXT",
|
|
"value": "Р а́дости всѧ̑ и҆спо́лнишасѧ / воскрⷭ҇нїѧ и҆скꙋ́съ прїи̑мша: / марі́а бо магдали́на ко гро́бꙋ прїи́де, / ѡ҆брѣ́те а҆́гг҃ла на ка́мени сѣдѧ́ща, / ри́зами блиста́ющасѧ и҆ глаго́люща: / что̀ и҆́щете жива́гѡ съ ме́ртвыми: / нѣ́сть здѣ̀, но воста̀, ꙗ҆́коже речѐ, / предварѧ́ѧ вы̀ въ галїле́и."
|
|
},
|
|
{
|
|
"type": "TEXT",
|
|
"value": "В о свѣ́тѣ твое́мъ влⷣко, / ᲂу҆́зримъ свѣ́тъ чл҃вѣколю́бче: / воскрⷭ҇лъ бо є҆сѝ и҆з̾ ме́ртвыхъ, / сп҃се́нїе ро́дꙋ человѣ́ческомꙋ да́рꙋѧ: / да тѧ̀ всѧ̀ тва́рь славосло́витъ є҆ди́наго безгрѣ́шнаго, / поми́лꙋй на́съ."
|
|
},
|
|
{
|
|
"type": "HEADER",
|
|
"value": "И҆ восто́чны, гла́съ то́йже:"
|
|
},
|
|
{
|
|
"type": "TEXT",
|
|
"value": "П ѣ́снь ᲂу҆́треннюю мѷронѡ́сицы жєны̀ / со слеза́ми приноша́хꙋ тебѣ̀ гдⷭ҇и, / бл҃гоꙋха́нїѧ бо а҆рѡма́ты и҆мꙋ́щѧ, / гро́ба твоегѡ̀ достиго́ша, / пречⷭ҇тое тѣ́ло твоѐ пома́зати тща́щѧсѧ. / а҆́гг҃лъ сѣдѧ́й на ка́мени тѣ̑мъ бл҃говѣстѝ: / что̀ и҆́щете жива́гѡ съ ме́ртвыми; / сме́рть бо попра́въ воскр҃се ꙗ҆́кѡ бг҃ъ, / подаѧ̀ всѣ̑мъ ве́лїю млⷭ҇ть."
|
|
},
|
|
{
|
|
"type": "TEXT",
|
|
"value": "Б листа́ѧсѧ а҆́гг҃лъ на гро́бѣ твое́мъ животво́рнѣмъ, / мѷроно́сицамъ глаго́лаше: / и҆стощи́въ гро́бы и҆зба́витель плѣнѝ а҆́да, / и҆ воскр҃се тридне́венъ, / ꙗ҆́кѡ є҆ди́нъ бг҃ъ и҆ всеси́ленъ."
|
|
},
|
|
{
|
|
"type": "TEXT",
|
|
"value": "В о гро́бѣ тѧ̀ и҆ска́ше, / прише́дши во є҆ди́нꙋ ѿ сꙋббѡ́тъ марі́а магдали́на, / не ѡ҆брѣ́тши же рыда́ше съ пла́чемъ вопїю́щи: / ᲂу҆вы̀ мнѣ̀ сп҃се мо́й! / ᲂу҆кра́денъ бы́лъ є҆сѝ всѣ́хъ цр҃ю̀. / сꙋпрꙋ̑гъ же живоно́сныхъ а҆́гг҃лъ внꙋ́трь гро́ба вопїѧ́ше: / что̀ пла́чеши ѽ же́но; / пла́чꙋ, глаго́летъ, ꙗ҆́кѡ взѧ́ша гдⷭ҇а моего̀ ѿ гро́ба, / и҆ не вѣ́мъ гдѣ̀ положи́ша є҆го̀. / сїѧ́ же ѡ҆бра́щшисѧ вспѧ́ть, / ꙗ҆́кѡ ви́дѣ тѧ̀, а҆́бїе возопѝ: / гдⷭ҇ь мо́й и҆ бг҃ъ мо́й, сла́ва тебѣ̀."
|
|
},
|
|
{
|
|
"type": "TEXT",
|
|
"value": "Є҆ вре́и затвори́ша во гро́бѣ живо́тъ, / разбо́йникъ же ѿве́рзе ѧ҆зы́комъ наслажде́нїе, / зовы́й и҆ глаго́лѧ: / и҆́же со мно́ю менѐ ра́ди распны́йсѧ: / соѡбѣ́си ми сѧ на дре́вѣ, / и҆ ꙗ҆ви́сѧ мнѣ̀ на прⷭ҇то́лѣ со ѻ҆ц҃е́мъ сѣдѧ̀: / то́й бо є҆́сть хрⷭ҇то́съ бг҃ъ на́шъ, / и҆мѣ́ѧй ве́лїю млⷭ҇ть."
|
|
},
|
|
{
|
|
"type": "TEXT",
|
|
"value": "Сла́ва, гла́съ и҃: Гдⷭ҇и, разсла́бленнаго не кꙋпѣ́ль и҆сцѣлѝ, / но твоѐ сло́во ѡ҆бновѝ, / и҆ нижѐ многолѣ́тный запѧ́тъ є҆мꙋ̀ недꙋ́гъ: / ꙗ҆́кѡ гла́са твоегѡ̀ скорѣ́йшее дѣ́йство показа́сѧ, / и҆ неꙋдобоноси́мꙋю тѧ́жесть ѿве́рже, / и҆ бре́мѧ ѻ҆дра̀ понесѐ, во свидѣ́тельство / мно́жества щедро́тъ твои́хъ, сла́ва тебѣ̀."
|
|
},
|
|
{
|
|
"type": "TEXT",
|
|
"value": "И҆ ны́нѣ: Пребл҃гослове́нна є҆сѝ:"
|
|
},
|
|
{
|
|
"type": "TEXT",
|
|
"value": "Славосло́вїе вели́кое. Тропа́рь воскрⷭ҇нъ, є҆ктєнїѝ, и҆ ѿпꙋ́стъ, и҆ и҆схожде́нїе въ притво́ръ."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ: Стїхи́ра є҆ѵⷢ҇льскаѧ, гла́съ г҃:"
|
|
},
|
|
{
|
|
"type": "TEXT",
|
|
"value": "М агдали́нѣ марі́и / сп҃сово бл҃говѣствꙋ́ющей и҆з̾ ме́ртвыхъ воскрⷭ҇нїе и҆ ꙗ҆вле́нїе, / не вѣ́рꙋюще ᲂу҆ч҃нцы̀, поноси́ми бы́ша ѡ҆ жестосе́рдїи: / но зна́менми воѡрꙋ́жшесѧ и҆ чꙋдесы̀, / ко проповѣ́данїю посыла́хꙋсѧ, / и҆ ты̀ ᲂу҆́бѡ гдⷭ҇и, къ нача́льномꙋ свѣ́тꙋ возне́слсѧ є҆сѝ ѻ҆ц҃ꙋ̀, / ѻ҆ни́ же проповѣ́даша всю́дꙋ сло́во, чꙋдесы̀ ᲂу҆вѣрѧ́юще. / тѣ́мже просвѣти́вшесѧ тѣ́ми, / сла́вимъ твоѐ є҆́же и҆з̾ ме́ртвыхъ воскрⷭ҇нїе, / человѣколю́бче гдⷭ҇и."
|
|
},
|
|
{
|
|
"type": "TEXT",
|
|
"value": "И҆ поꙋче́нїе стꙋді́тово. И҆ коне́чный ѿпꙋ́стъ. Ча́съ а҃. На часѣ́хъ тропа́рь воскре́сенъ. По трист҃о́мъ конда́къ трїѡ́ди: Дꙋ́шꙋ мою̀ гдⷭ҇и:"
|
|
},
|
|
{
|
|
"type": "HEADER",
|
|
"value": "На лїтꙋргі́и."
|
|
},
|
|
{
|
|
"type": "HEADER",
|
|
"value": "Бл҃жє́нна гла́са, гла́съ г҃, на д҃:"
|
|
},
|
|
{
|
|
"type": "TEXT",
|
|
"value": "Ѿ ве́ргша хрⷭ҇тѐ за́повѣдь твою̀, / пра́ѻтца а҆да́ма и҆з̾ раѧ̀ и҆згна́лъ є҆сѝ: / разбо́йника же ще́дре и҆сповѣ́давша тѧ̀ на крⷭ҇тѣ̀, / во́нь всели́лъ є҆сѝ, зовꙋ́ща: / помѧни́ мѧ сп҃се, во црⷭ҇твїи твое́мъ."
|
|
},
|
|
{
|
|
"type": "TEXT",
|
|
"value": "В оскр҃съ и҆з̾ ме́ртвыхъ, совоскр҃си́лъ є҆сѝ на́съ ѿ страсте́й / воскр҃се́нїемъ твои́мъ гдⷭ҇и: / сме́ртнꙋю же всю̀ си́лꙋ погꙋби́лъ є҆сѝ сп҃се. / сегѡ̀ ра́ди вѣ́рою тѝ зове́мъ: / помѧнѝ и҆ на́съ во црⷭ҇твїи твое́мъ."
|
|
},
|
|
{
|
|
"type": "TEXT",
|
|
"value": "Т ридне́внымъ твои́мъ погребе́нїемъ, / и҆̀же во а҆́дѣ ᲂу҆мерщвлє́нныѧ ꙗ҆́кѡ бг҃ъ ѡ҆животвори́вый, совоздви́глъ є҆сѝ, / и҆ нетлѣ́нїе всѣ̑мъ ꙗ҆́кѡ бл҃гъ и҆сточи́лъ є҆сѝ на́мъ, вѣ́рою зовꙋ́щымъ всегда̀: / помѧнѝ и҆ на́съ во црⷭ҇твїи твое́мъ."
|
|
},
|
|
{
|
|
"type": "TEXT",
|
|
"value": "С огрѣ́шшихъ на́съ сме́ртною ѡ҆сꙋди́лъ є҆сѝ клѧ́твою, живода́вче и҆ гдⷭ҇и, / тѣ́ломъ же твои́мъ безгрѣ́шне влⷣко пострада́въ, / смє́ртныѧ ѡ҆живи́лъ є҆сѝ зовꙋ́щыѧ: / помѧнѝ и҆ на́съ во црⷭ҇твїи твое́мъ."
|
|
},
|
|
{
|
|
"type": "TEXT",
|
|
"value": "И҆ ѿ канѡ́на пѣ́снь ѕ҃-ѧ, на д҃."
|
|
},
|
|
{
|
|
"type": "HEADER",
|
|
"value": "По вхо́дѣ тропа́рь воскре́сенъ, гла́съ г҃:"
|
|
},
|
|
{
|
|
"type": "TEXT",
|
|
"value": "Д а веселѧ́тсѧ нбⷭ҇наѧ, / да ра́дꙋютсѧ земна̑ѧ: / ꙗ҆́кѡ сотворѝ держа́вꙋ мы́шцею свое́ю гдⷭ҇ь, / попра̀ сме́ртїю сме́рть, / пе́рвенецъ ме́ртвыхъ бы́сть, / и҆з̾ чре́ва а҆́дова и҆зба́ви на́съ, / и҆ подадѐ мі́рови ве́лїю млⷭ҇ть."
|
|
},
|
|
{
|
|
"type": "HEADER",
|
|
"value": "Сла́ва, конда́къ трїѡ́ди, гла́съ г҃: Подо́бенъ:"
|
|
},
|
|
{
|
|
"type": "TEXT",
|
|
"value": "Д ꙋ́шꙋ мою̀ гдⷭ҇и, во грѣсѣ́хъ всѧ́ческихъ, / и҆ безмѣ́стными дѣѧ́ньми лю́тѣ разсла́бленꙋ, / воздви́гни бж҃е́ственнымъ твои́мъ предста́тельствомъ, / ꙗ҆́коже и҆ разсла́бленнаго воздви́глъ є҆сѝ дре́вле, / да зовꙋ́ ти спаса́емь: / ще́дрый, сла́ва хрⷭ҇тѐ держа́вѣ твое́й."
|
|
},
|
|
{
|
|
"type": "HEADER",
|
|
"value": "И҆ ны́нѣ, конда́къ па́сцѣ, гла́съ и҃:"
|
|
},
|
|
{
|
|
"type": "TEXT",
|
|
"value": "А҆́ ще и҆ во гро́бъ снизше́лъ є҆сѝ безсме́ртне, / но а҆́довꙋ разрꙋши́лъ є҆сѝ си́лꙋ, / и҆ воскре́слъ є҆сѝ ꙗ҆́кѡ побѣди́тель хрⷭ҇тѐ бж҃е, / жена́мъ мѷроно́сицамъ вѣща́вый: ра́дꙋйтесѧ, / и҆ твои́мъ а҆пⷭ҇лѡмъ ми́ръ да́рꙋѧй, / па́дшымъ подаѧ́й воскресе́нїе."
|
|
},
|
|
{
|
|
"type": "TEXT",
|
|
"value": "Хра́ма же хрⷭ҇то́ва, и҆ бцⷣы, и҆ ст҃ы́хъ, тропарѧ̀ и҆ кондака̀ не глаго́лемъ."
|
|
},
|
|
{
|
|
"type": "TEXT",
|
|
"value": "Прокі́менъ, гла́съ а҃: Бꙋ́ди гдⷭ҇и ми́лость твоѧ̀ на на́съ, / ꙗ҆́коже ᲂу҆пова́хомъ на тѧ̀. Сті́хъ: Ра́дꙋйтесѧ пра̑веднїи ѡ҆ гдⷭ҇ѣ: пра̑вымъ подоба́етъ похвала̀."
|
|
},
|
|
{
|
|
"type": "HEADER",
|
|
"value": "А҆пⷭ҇лъ дѣѧ́нїй, зача́ло к҃г:"
|
|
},
|
|
{
|
|
"type": "TEXT",
|
|
"value": "В о днѝ ѻ҆́ны, бы́сть петрꙋ̀ посѣща́ющꙋ всѣ́хъ, сни́ти и҆ ко ст҃ы́мъ живꙋ́щымъ въ лѵ́ддѣ. ѡ҆брѣ́те же та́мѡ человѣ́ка нѣ́коего, и҆́менемъ є҆не́а, ѿ ѻ҆смѝ лѣ́тъ лежа́ща на ѻ҆дрѣ̀, и҆́же бѣ̀ разсла́бленъ. и҆ речѐ є҆мꙋ̀ пе́тръ: є҆не́е, и҆сцѣлѧ́етъ тѧ̀ і҆и҃съ хрⷭ҇то́съ, воста́ни съ посте́ли твоеѧ̀. и҆ а҆́бїе воста̀. и҆ ви́дѣша є҆го̀ всѝ живꙋ́щїи въ лѵ́ддѣ и҆ во а҆ссарѡ́нѣ, и҆̀же ѡ҆брати́шасѧ ко гдⷭ҇ꙋ. во і҆ѻппі́и же бѣ̀ нѣ́каѧ ᲂу҆чени́ца и҆́менемъ таві́ѳа, ꙗ҆́же сказа́ема глаго́летсѧ, се́рна: сїѧ̀ бѧ́ше и҆спо́лнена благи́хъ дѣ́лъ и҆ млⷭ҇тынь, ꙗ҆̀же творѧ́ше. бы́сть же во днѝ ты́ѧ болѣ́вшей є҆́й ᲂу҆мре́ти: ѡ҆мы́вше же ю҆̀, положи́ша въ го́рницѣ. бли́зъ же сꙋ́щей лѵ́ддѣ і҆ѻппі́и, ᲂу҆ченицы̀ слы́шавше, ꙗ҆́кѡ пе́тръ є҆́сть въ не́й, посла́ша два̀ мꙋ́жа къ немꙋ̀, молѧ́ще є҆го̀ не ѡ҆блѣни́тисѧ прїитѝ до ни́хъ. воста́въ же пе́тръ и҆́де съ ни́ма, є҆го́же прише́дша возведо́ша въ го́рницꙋ: и҆ предста́ша є҆мꙋ̀ всѧ̀ вдови́цы пла́чꙋщѧ, и҆ показꙋ́ющѧ ри̑зы и҆ ѻ҆дє́жды, є҆ли̑ка творѧ́ше съ ни́ми сꙋ́щи се́рна. и҆згна́въ же во́нъ всѧ̑ пе́тръ, прекло́нь колѣ̑на помоли́сѧ, и҆ ѡ҆бра́щсѧ къ тѣ́лꙋ, речѐ: таві́ѳо, воста́ни. ѻ҆на́ же ѿве́рзе ѻ҆́чи своѝ, и҆ ви́дѣвши петра̀, сѣ́де. пода́въ же є҆́й рꙋ́кꙋ, воздви́же ю҆̀: и҆ призва́въ ст҃ы́ѧ и҆ вдови̑цы, поста́ви ю҆̀ жи́вꙋ. ᲂу҆вѣ́дано же бы́сть сѐ по все́й і҆ѻппі́и, и҆ мно́зи вѣ́роваша въ гдⷭ҇а."
|
|
},
|
|
{
|
|
"type": "TEXT",
|
|
"value": "А҆ллилꙋ́їа, гла́съ є҃: Ми́лѡсти твоѧ̀ гдⷭ҇и во вѣ́къ воспою̀. Сті́хъ: Занѐ ре́клъ є҆сѝ: въ вѣ́къ ми́лость сози́ждетсѧ."
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе і҆ѡа́нна, зача́ло д҃і:"
|
|
},
|
|
{
|
|
"type": "TEXT",
|
|
"value": "В о вре́мѧ ѻ҆́но, взы́де і҆и҃съ во і҆ерꙋсали́мъ. є҆́сть же во і҆ерꙋсали́мѣхъ на ѻ҆́вчей кꙋпѣ́ли, ꙗ҆́же глаго́летсѧ є҆вре́йски виѳесда̀: пѧ́ть притвѡ́ръ и҆мꙋ́щи: въ тѣ́хъ слежа́ше мно́жество болѧ́щихъ, слѣпы́хъ, хромы́хъ, сꙋхи́хъ, ча́ющихъ движе́нїѧ воды̀. а҆́гг҃лъ бо гдⷭ҇нь на всѧ́ко лѣ́то схожда́ше въ кꙋпѣ́ль, и҆ возмꙋща́ше во́дꙋ: и҆ и҆́же пе́рвѣе вла́зѧше по возмꙋще́нїи воды̀ здра́въ быва́ше, ꙗ҆цѣ́мъ же недꙋ́гомъ ѡ҆держи́мь быва́ше. бѣ́ же тꙋ̀ нѣ́кїй человѣ́къ, три́десѧть и҆ ѻ҆́смь лѣ́тъ и҆мы́й въ недꙋ́зѣ свое́мъ. сего̀ ви́дѣвъ і҆и҃съ лежа́ща, и҆ разꙋмѣ́въ, ꙗ҆́кѡ мнѡ́га лѣ́та ᲂу҆жѐ и҆мѧ́ше въ недꙋ́зѣ, глаго́ла є҆мꙋ̀: хо́щеши ли цѣ́лъ бы́ти; ѿвѣща̀ є҆мꙋ̀ недꙋ́жный: є҆́й гдⷭ҇и, человѣ́ка не и҆́мамъ, да є҆гда̀ возмꙋти́тсѧ вода̀, вве́ржетъ мѧ̀ въ кꙋпѣ́ль: є҆гда́ же прихождꙋ̀ а҆́зъ, и҆́нъ пре́жде менѐ сла́зитъ. глаго́ла є҆мꙋ̀ і҆и҃съ: воста́ни, воз̾мѝ ѻ҆́дръ тво́й, и҆ ходѝ. и҆ а҆́бїе здра́въ бы́сть человѣ́къ, и҆ взе́мъ ѻ҆́дръ сво́й, и҆ хожда́ше: бѣ́ же сꙋббѡ́та въ то́й де́нь. глаго́лахꙋ же жи́дове и҆сцѣлѣ́вшемꙋ: сꙋббѡ́та є҆́сть, и҆ не досто́итъ тѝ взѧ́ти ѻ҆дра̀ твоегѡ̀. ѻ҆́нъ же ѿвѣща̀ и҆̀мъ: и҆́же мѧ̀ сотворѝ цѣ́ла, то́й мнѣ̀ речѐ: воз̾мѝ ѻ҆́дръ тво́й, и҆ ходѝ. вопроси́ша же є҆го̀: кто́ є҆сть человѣ́къ рекі́й тѝ, воз̾мѝ ѻ҆́дръ тво́й, и҆ ходѝ; и҆сцѣлѣ́вый же не вѣ́дѧше кто́ є҆сть: і҆и҃съ бо ᲂу҆кло́ньсѧ, наро́дꙋ сꙋ́щꙋ на мѣ́стѣ. пото́мъ же ѡ҆брѣ́те є҆го̀ і҆и҃съ въ це́ркви, и҆ речѐ є҆мꙋ̀: сѐ здра́въ бы́сть, ктомꙋ̀ не согрѣша́й, да не го́рше тѝ что̀ бꙋ́детъ. и҆́де же человѣ́къ, и҆ повѣ́да і҆ꙋде́ѡмъ, ꙗ҆́кѡ і҆и҃съ є҆́сть, и҆́же мѧ̀ сотворѝ цѣ́ла."
|
|
},
|
|
{
|
|
"type": "HEADER",
|
|
"value": "Вмѣ́стѡ же Досто́йно: пое́мъ:"
|
|
},
|
|
{
|
|
"type": "TEXT",
|
|
"value": "А҆́ гг҃лъ вопїѧ́ше бл҃года́тнѣй, / чи́стаѧ дв҃о ра́дꙋйсѧ, / и҆ па́ки рекꙋ̀, ра́дꙋйсѧ: / тво́й сн҃ъ воскре́се / тридне́венъ ѿ гро́ба, / и҆ мє́ртвыѧ воздви́гнꙋвый, / лю́дїе весели́тесѧ."
|
|
},
|
|
{
|
|
"type": "TEXT",
|
|
"value": "Та́же і҆рмо́съ: Свѣти́сѧ, свѣти́сѧ / но́вый і҆ерꙋсали́ме: / сла́ва бо гдⷭ҇нѧ / на тебѣ̀ возсїѧ̀. / ликꙋ́й ны́нѣ, / и҆ весели́сѧ сїѡ́не. / ты́ же чи́стаѧ красꙋ́йсѧ бцⷣе, / ѡ҆ воста́нїи рождества̀ твоегѡ̀."
|
|
},
|
|
{
|
|
"type": "HEADER",
|
|
"value": "Прича́стный:"
|
|
},
|
|
{
|
|
"type": "TEXT",
|
|
"value": "Т ѣ́ло хрⷭ҇то́во прїими́те, / и҆сто́чника безсме́ртнагѡ вкꙋси́те. Дрꙋгі́й: Хвали́те гдⷭ҇а съ нб҃съ, / хвали́те є҆гѡ̀ въ вы́шнихъ. / А҆ ллилꙋ́їа. Три́жды."
|
|
},
|
|
{
|
|
"type": "TEXT",
|
|
"value": "[зрѝ] Подоба́етъ вѣ́дати, ꙗ҆́кѡ вослѣ́дованїе разсла́бленнагѡ пое́тсѧ въ недѣ́лю, въ понедѣ́льникъ: во вто́рникъ же ѿдае́тсѧ."
|
|
}
|
|
] |