166 lines
13 KiB
JSON
166 lines
13 KiB
JSON
[
|
|
{
|
|
"type": "HEADER",
|
|
"value": "Чи́нъ ѡ҆ панагі́и, быва́емый во ѻ҆би́телехъ по всѧ̑ дни̑."
|
|
},
|
|
{
|
|
"type": "TEXT",
|
|
"value": "По ѿпꙋ́стѣ бж҃е́ственныѧ лїтꙋргі́и, и҆схо́дитъ настоѧ́тель, и҆ бра́тїи послѣ́дꙋющымъ по не́мъ два̀ два̀, и҆ глаго́лютъ:"
|
|
},
|
|
{
|
|
"type": "HEADER",
|
|
"value": "Ѱало́мъ рм҃д."
|
|
},
|
|
{
|
|
"type": "TEXT",
|
|
"value": "В ознесꙋ́ тѧ, бж҃е мо́й, цр҃ю̀ мо́й, и҆ бл҃гословлю̀ и҆́мѧ твоѐ въ вѣ́къ и҆ въ вѣ́къ вѣ́ка. на всѧ́къ де́нь бл҃гословлю́ тѧ, и҆ восхвалю̀ и҆́мѧ твоѐ въ вѣ́къ и҆ въ вѣ́къ вѣ́ка. ве́лїй гдⷭ҇ь и҆ хва́ленъ ѕѣлѡ̀, и҆ вели́чїю є҆гѡ̀ нѣ́сть конца̀. ро́дъ и҆ ро́дъ восхва́лѧтъ дѣла̀ твоѧ̑ и҆ си́лꙋ твою̀ возвѣстѧ́тъ: великолѣ́пїе сла́вы ст҃ы́ни твоеѧ̀ возглаго́лютъ и҆ чꙋдеса̀ твоѧ̑ повѣ́дѧтъ: и҆ си́лꙋ стра́шныхъ твои́хъ рекꙋ́тъ и҆ вели́чїе твоѐ повѣ́дѧтъ: па́мѧть мно́жества бл҃гости твоеѧ̀ ѿры́гнꙋтъ и҆ пра́вдою твое́ю возра́дꙋютсѧ. ще́дръ и҆ млⷭ҇тивъ гдⷭ҇ь, долготерпѣли́въ и҆ многомлⷭ҇тивъ. бл҃гъ гдⷭ҇ь всѧ́чєскимъ, и҆ щедрѡ́ты є҆гѡ̀ на всѣ́хъ дѣ́лѣхъ є҆гѡ̀. да и҆сповѣ́дѧтсѧ тебѣ̀, гдⷭ҇и, всѧ̑ дѣла̀ твоѧ̑, и҆ прпⷣбнїи твоѝ да бл҃гословѧ́тъ тѧ̀: сла́вꙋ црⷭ҇твїѧ твоегѡ̀ рекꙋ́тъ и҆ си́лꙋ твою̀ возглаго́лютъ, сказа́ти сыновѡ́мъ человѣ́чєскимъ си́лꙋ твою̀ и҆ сла́вꙋ великолѣ́пїѧ црⷭ҇твїѧ твоегѡ̀. црⷭ҇тво твоѐ црⷭ҇тво всѣ́хъ вѣкѡ́въ, и҆ влⷣчество твоѐ во всѧ́комъ ро́дѣ и҆ ро́дѣ. вѣ́ренъ гдⷭ҇ь во всѣ́хъ словесѣ́хъ свои́хъ и҆ прпⷣбенъ во всѣ́хъ дѣ́лѣхъ свои́хъ. ᲂу҆твержда́етъ гдⷭ҇ь всѧ̑ низпа́дающыѧ и҆ возставлѧ́етъ всѧ̑ низве́ржєнныѧ. ѻ҆́чи всѣ́хъ на тѧ̀ ᲂу҆пова́ютъ, и҆ ты̀ дае́ши и҆̀мъ пи́щꙋ во бл҃говре́менїи: ѿверза́еши ты̀ рꙋ́кꙋ твою̀ и҆ и҆сполнѧ́еши всѧ́кое живо́тно бл҃говоле́нїѧ. првⷣнъ гдⷭ҇ь во всѣ́хъ пꙋте́хъ свои́хъ и҆ прпⷣбенъ во всѣ́хъ дѣ́лѣхъ свои́хъ. бли́з̾ гдⷭ҇ь всѣ̑мъ призыва́ющымъ є҆го̀, всѣ̑мъ призыва́ющымъ є҆го̀ во и҆́стинѣ: во́лю боѧ́щихсѧ є҆гѡ̀ сотвори́тъ, и҆ моли́твꙋ и҆́хъ ᲂу҆слы́шитъ, и҆ сп҃се́тъ ѧ҆̀. храни́тъ гдⷭ҇ь всѧ̑ лю́бѧщыѧ є҆го̀, и҆ всѧ̑ грѣ́шники потреби́тъ. хвалꙋ̀ гдⷭ҇ню возглаго́лютъ ᲂу҆ста̀ моѧ̑: и҆ да бл҃гослови́тъ всѧ́ка пло́ть и҆́мѧ ст҃о́е є҆гѡ̀ въ вѣ́къ и҆ въ вѣ́къ вѣ́ка."
|
|
},
|
|
{
|
|
"type": "HEADER",
|
|
"value": "И҆ конча́нꙋ бы́вшꙋ ѱалмꙋ̀, глаго́лемъ мл҃твꙋ трапе́зы:"
|
|
},
|
|
{
|
|
"type": "TEXT",
|
|
"value": "Ѻ҆́ ч҃е на́шъ, и҆́же є҆сѝ на нб҃сѣ́хъ, да свѧти́тсѧ и҆́мѧ твоѐ, да прїи́детъ црⷭ҇твїе твоѐ: да бꙋ́детъ во́лѧ твоѧ̀, ꙗ҆́кѡ на нб҃сѝ и҆ на землѝ. хлѣ́бъ на́шъ насꙋ́щный да́ждь на́мъ дне́сь, и҆ ѡ҆ста́ви на́мъ до́лги на́шѧ, ꙗ҆́коже и҆ мы̀ ѡ҆ставлѧ́емъ должникѡ́мъ на́шымъ: и҆ не введѝ на́съ во и҆скꙋше́нїе, но и҆зба́ви на́съ ѿ лꙋка́вагѡ."
|
|
},
|
|
{
|
|
"type": "TEXT",
|
|
"value": "Сщ҃е́нникъ: Ꙗ҆́кѡ твоѐ є҆́сть црⷭ҇тво:"
|
|
},
|
|
{
|
|
"type": "TEXT",
|
|
"value": "И҆ мы̀: А҆ми́нь. Сла́ва, и҆ ны́нѣ: Гдⷭ҇и поми́лꙋй, три́жды. Бл҃гословѝ."
|
|
},
|
|
{
|
|
"type": "TEXT",
|
|
"value": "Настоѧ́тель и҆лѝ сщ҃е́нникъ, держа́й чредꙋ̀, глаго́летъ:"
|
|
},
|
|
{
|
|
"type": "TEXT",
|
|
"value": "Х рⷭ҇тѐ бж҃е, бл҃гословѝ ꙗ҆́стїе и҆ питїѐ рабѡ́мъ твои̑мъ, ꙗ҆́кѡ ст҃ъ є҆сѝ всегда̀, ны́нѣ и҆ при́снѡ, и҆ во вѣ́ки вѣкѡ́въ, а҆ми́нь."
|
|
},
|
|
{
|
|
"type": "TEXT",
|
|
"value": "И҆ ча́сть, и҆лѝ просфора̀ и҆мꙋ́щаѧ возноше́на бы́ти, влага́етсѧ въ панагїа́ръ, и҆ стои́тъ на ᲂу҆стро́еномъ мѣ́стѣ. И҆ по вкꙋше́нїи, творѧ́й слꙋже́нїе глаго́летъ сті́хъ:"
|
|
},
|
|
{
|
|
"type": "TEXT",
|
|
"value": "М л҃твами ст҃ы́хъ ѻ҆тє́цъ на́шихъ, гдⷭ҇и і҆и҃се хрⷭ҇тѐ бж҃е на́шъ, поми́лꙋй на́съ."
|
|
},
|
|
{
|
|
"type": "TEXT",
|
|
"value": "И҆ мы̀: А҆ми́нь."
|
|
},
|
|
{
|
|
"type": "HEADER",
|
|
"value": "И҆ воста́вше глаго́лемъ:"
|
|
},
|
|
{
|
|
"type": "TEXT",
|
|
"value": "Б л҃гослове́нъ бг҃ъ, ми́лꙋѧй и҆ пита́ѧй на́съ ѿ ю҆́ности на́шеѧ, даѧ́й пи́щꙋ всѧ́кой пло́ти: и҆спо́лни ра́дости и҆ весе́лїѧ сердца̀ на̑ша, да всегда̀ всѧ́кое дово́льство и҆мꙋ́ще, преиз̾ѡби́лꙋемъ во всѧ́кое дѣ́ло бл҃го́е, во хрⷭ҇тѣ̀ і҆и҃сѣ гдⷭ҇ѣ на́шемъ: съ ни́мже тебѣ̀ сла́ва подоба́етъ, держа́ва, че́сть и҆ поклоне́нїе со ст҃ы́мъ дх҃омъ, во вѣ́ки, а҆ми́нь."
|
|
},
|
|
{
|
|
"type": "TEXT",
|
|
"value": "С ла́ва тебѣ̀ гдⷭ҇и, сла́ва тебѣ̀ ст҃ы́й, сла́ва тебѣ̀ цр҃ю̀, ꙗ҆́кѡ да́лъ є҆сѝ на́мъ бра̑шна въ весе́лїе: и҆спо́лни на́съ и҆ дх҃а ст҃а́гѡ, да ѡ҆брѧ́щемсѧ пред̾ тобо́ю бл҃гоꙋго́дни и҆ непосты́дни, є҆гда̀ возда́си комꙋ́ждо по дѣлѡ́мъ є҆гѡ̀."
|
|
},
|
|
{
|
|
"type": "TEXT",
|
|
"value": "Сла́ва, и҆ ны́нѣ: Гдⷭ҇и поми́лꙋй, три́жды. Бл҃гословѝ."
|
|
},
|
|
{
|
|
"type": "TEXT",
|
|
"value": "И҆ положи́въ покло́нъ, хотѧ́й возвы́сити прест҃ꙋ́ю, глаго́летъ си́це:"
|
|
},
|
|
{
|
|
"type": "TEXT",
|
|
"value": "Б л҃гослови́те мѧ̀, ѻ҆тцы̀ свѧті́и, прости́те мѝ грѣ́шномꙋ."
|
|
},
|
|
{
|
|
"type": "TEXT",
|
|
"value": "И҆ мы̀: Бг҃ъ прости́тъ тѝ, и҆ поми́лꙋетъ тѧ̀."
|
|
},
|
|
{
|
|
"type": "TEXT",
|
|
"value": "И҆ прїе́мъ ча́сть кра́йними пе́рсты рꙋ́къ, возвыша́етъ ю҆̀ ма́лѡ над̾ ѡ҆́бразомъ ст҃ы́ѧ трⷪ҇цы, глаго́лѧ велегла́снѡ: Вели́ко и҆́мѧ."
|
|
},
|
|
{
|
|
"type": "TEXT",
|
|
"value": "Настоѧ́тель, и҆лѝ і҆ере́й чредны́й: Ст҃ы́ѧ трⷪ҇цы."
|
|
},
|
|
{
|
|
"type": "TEXT",
|
|
"value": "И҆ преносѧ̀ над̾ ѡ҆́бразъ бцⷣы, крⷭ҇тови́днѡ зна́менꙋетъ, глаго́лѧ: Прест҃а́ѧ бцⷣе, помога́й на́мъ."
|
|
},
|
|
{
|
|
"type": "TEXT",
|
|
"value": "И҆ мы̀: Тоѧ̀ мл҃твами, бж҃е, поми́лꙋй, и҆ сп҃сѝ на́съ."
|
|
},
|
|
{
|
|
"type": "HEADER",
|
|
"value": "И҆ глаго́лемъ:"
|
|
},
|
|
{
|
|
"type": "TEXT",
|
|
"value": "Б л҃жи́мъ тѧ̀ всѝ ро́ди бцⷣе дв҃о, въ тѧ́ бо невмѣсти́мый хрⷭ҇то́съ бг҃ъ на́шъ вмѣсти́тисѧ бл҃говолѝ. бл҃же́ни є҆смы̀ и҆ мы̀, предста́тельство тѧ̀ и҆мꙋ́ще: де́нь бо и҆ но́щь мо́лишисѧ ѡ҆ на́съ. тѣ́мъ воспѣва́юще вопїе́мъ тѝ: ра́дꙋйсѧ бл҃года́тнаѧ, гдⷭ҇ь съ тобо́ю."
|
|
},
|
|
{
|
|
"type": "HEADER",
|
|
"value": "Та́же пое́мъ:"
|
|
},
|
|
{
|
|
"type": "TEXT",
|
|
"value": "Д осто́йно є҆́сть, ꙗ҆́кѡ вои́стиннꙋ, бл҃жи́ти тѧ̀ бцⷣꙋ, / приснобл҃же́ннꙋю и҆ пренепоро́чнꙋю, и҆ мт҃рь бг҃а на́шегѡ. / чⷭ҇тнѣ́йшꙋю херꙋві̑мъ, / и҆ сла́внѣйшꙋю без̾ сравне́нїѧ серафі̑мъ, / без̾ и҆стлѣ́нїѧ бг҃а сло́ва ро́ждшꙋю, / сꙋ́щꙋю бцⷣꙋ тѧ̀ велича́емъ."
|
|
},
|
|
{
|
|
"type": "TEXT",
|
|
"value": "И҆ по є҆́же причасти́тисѧ всѣ̑мъ, глаго́летъ настоѧ́тель, и҆лѝ сщ҃е́нникъ: Во мнѡ́гїѧ мл҃твы пречⷭ҇тыѧ влⷣчцы на́шеѧ бцⷣы и҆ приснодв҃ы мр҃і́и."
|
|
},
|
|
{
|
|
"type": "TEXT",
|
|
"value": "И҆ мы̀: Тоѧ̀ мл҃твами, бж҃е, поми́лꙋй и҆ сп҃сѝ на́съ."
|
|
},
|
|
{
|
|
"type": "TEXT",
|
|
"value": "Сщ҃е́нникъ: Млⷭ҇тивъ и҆ ще́дръ гдⷭ҇ь, пи́щꙋ дадѐ боѧ́щымсѧ є҆гѡ̀, и҆ пра́вда є҆гѡ̀ пребыва́етъ въ вѣ́къ вѣ́ка."
|
|
},
|
|
{
|
|
"type": "HEADER",
|
|
"value": "Та́же ѱало́мъ рк҃а."
|
|
},
|
|
{
|
|
"type": "TEXT",
|
|
"value": "В озвесели́хсѧ ѡ҆ ре́кшихъ мнѣ̀: въ до́мъ гдⷭ҇нь по́йдемъ. стоѧ́ще бѧ́хꙋ но́ги на́шѧ во дворѣ́хъ твои́хъ, і҆ерⷭ҇ли́ме. і҆ерⷭ҇ли́мъ зи́ждемый ꙗ҆́кѡ гра́дъ, є҆мꙋ́же прича́стїе є҆гѡ̀ вкꙋ́пѣ. та́мѡ бо взыдо́ша кѡлѣ́на, кѡлѣ́на гдⷭ҇нѧ, свидѣ́нїе і҆и҃лево, и҆сповѣ́датисѧ и҆́мени гдⷭ҇ню. ꙗ҆́кѡ та́мѡ сѣдо́ша престо́ли на сꙋ́дъ, престо́ли въ домꙋ̀ дв҃довѣ. вопроси́те же ꙗ҆̀же ѡ҆ ми́рѣ і҆ерⷭ҇ли́ма, и҆ ѻ҆би́лїе лю́бѧщымъ тѧ̀. бꙋ́ди же ми́ръ въ си́лѣ твое́й, и҆ ѻ҆би́лїе въ столпостѣна́хъ твои́хъ. ра́ди бра́тїй мои́хъ и҆ бли́жнихъ мои́хъ, глаго́лахъ ᲂу҆́бѡ ми́ръ ѡ҆ тебѣ̀. до́мꙋ ра́ди гдⷭ҇а бг҃а на́шегѡ, взыска́хъ бл҃га̑ѧ тебѣ̀."
|
|
},
|
|
{
|
|
"type": "TEXT",
|
|
"value": "Трист҃о́е. П рест҃а́ѧ трⷪ҇це: По Ѻ҆́ ч҃е на́шъ: Сщ҃е́нникъ: Ꙗ҆́кѡ твоѐ є҆́сть црⷭ҇тво: И҆ мы̀: А҆ми́нь."
|
|
},
|
|
{
|
|
"type": "TEXT",
|
|
"value": "Б л҃годари́мъ тѧ̀, хрⷭ҇тѐ бж҃е на́шъ, ꙗ҆́кѡ насы́тилъ є҆сѝ на́съ земны́хъ твои́хъ бла̑гъ, не лишѝ на́съ и҆ нбⷭ҇нагѡ твоегѡ̀ црⷭ҇твїѧ: но ꙗ҆́кѡ посредѣ̀ ᲂу҆ченикѡ́въ твои́хъ прише́лъ є҆сѝ сп҃се, ми́ръ даѧ̀ и҆̀мъ, прїидѝ и҆ къ на́мъ, и҆ сп҃сѝ на́съ."
|
|
},
|
|
{
|
|
"type": "TEXT",
|
|
"value": "И҆ а҆́ще ᲂу҆́бѡ є҆́сть влⷣчнїй пра́здникъ, глаго́летсѧ, Сла́ва, и҆ ны́нѣ, конда́къ пра́здникꙋ."
|
|
},
|
|
{
|
|
"type": "HEADER",
|
|
"value": "А҆́ще же нѝ, сїѧ̑."
|
|
},
|
|
{
|
|
"type": "TEXT",
|
|
"value": "Сла́ва: Бж҃е ѻ҆тє́цъ на́шихъ, творѧ́й при́снѡ съ на́ми по твое́й кро́тости, не ѿста́ви млⷭ҇ть твою̀ ѿ на́съ: но мл҃твами и҆́хъ въ ми́рѣ ᲂу҆пра́ви живо́тъ на́шъ."
|
|
},
|
|
{
|
|
"type": "TEXT",
|
|
"value": "И҆ ны́нѣ: Мл҃твами гдⷭ҇и, всѣ́хъ ст҃ы́хъ и҆ бцⷣы, тво́й ми́ръ да́ждь на́мъ, и҆ поми́лꙋй на́съ, ꙗ҆́кѡ є҆ди́нъ ще́дръ."
|
|
},
|
|
{
|
|
"type": "TEXT",
|
|
"value": "Г дⷭ҇и поми́лꙋй, три́жды. Бл҃гословѝ."
|
|
},
|
|
{
|
|
"type": "TEXT",
|
|
"value": "Сщ҃е́нникъ глаго́летъ: Бл҃гослове́нъ бг҃ъ, ми́лꙋѧй и҆ пита́ѧй на́съ ѿ свои́хъ бога́тыхъ дарѡ́въ, свое́ю бл҃года́тїю и҆ чл҃вѣколю́бїемъ, всегда̀, ны́нѣ и҆ при́снѡ, и҆ во вѣ́ки вѣкѡ́въ, а҆ми́нь."
|
|
}
|
|
] |