582 lines
45 KiB
JSON
582 lines
45 KiB
JSON
[
|
|
{
|
|
"type": "HEADER",
|
|
"value": "І҆аннꙋа́рїа в҃і"
|
|
},
|
|
{
|
|
"type": "HEADER",
|
|
"value": "Ст҃ы́ѧ мꙋ́ченицы татїа́ны."
|
|
},
|
|
{
|
|
"type": "HEADER",
|
|
"value": "На Гдⷭ҇и, воззва́хъ, стїхи̑ры пра́здника, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Гдⷭ҇и, а҆́ще и҆ на сꙋди́щи:"
|
|
},
|
|
{
|
|
"type": "TEXT",
|
|
"value": "Гдⷭ҇и, а҆́ще и҆ крести́тисѧ претерпѣ́лъ є҆сѝ пло́тїю, безгрѣ́шне, свободи́ти мі́ръ ѿ грѣха̀ хотѧ̀, но бг҃а тѧ̀ мы̀ вѣ́дꙋще, сла́вимъ: крести́всѧ бо и҆зба́вилъ є҆сѝ ѿ рабо́ты дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "Гдⷭ҇и, є҆гда̀ на і҆ѻрда̑нскїѧ стрꙋи̑, воплоти́всѧ прише́лъ є҆сѝ, да ѡ҆свѧти́ши во́дꙋ сла́внымъ твои́мъ креще́нїемъ, і҆ѡа́ннꙋ тво́й ве́рхъ преклони́ти и҆зво́лилъ є҆сѝ и҆ креща́ешисѧ ѿ раба̀, да спасе́ши дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "Гдⷭ҇и, спастѝ восхотѣ́въ ѿ ле́сти мі́ръ, є҆го́же созда́лъ є҆сѝ, и҆зъ неискꙋсобра́чныѧ дв҃ы воплоти́тисѧ и҆зво́лилъ є҆сѝ: и҆ а҆да́ма ѿ тлѝ и҆зба́вилъ є҆сѝ, ꙗ҆́кѡ человѣколю́бецъ, и҆ крести́всѧ же дарова́лъ є҆сѝ просвѣще́нїе дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "И҆́ны стїхи̑ры ст҃ы́ѧ, гла́съ в҃."
|
|
},
|
|
{
|
|
"type": "TEXT",
|
|
"value": "Подо́бенъ: Є҆гда̀ ѿ дре́ва:"
|
|
},
|
|
{
|
|
"type": "TEXT",
|
|
"value": "Є҆гда̀ дх҃а свѣ́томъ ѡ҆сїѧва́ема бога́тнѡ, бога́тство возненави́дѣла є҆сѝ, є҆ди́но возлюби́вши нбⷭ҇ное, въ мꙋ́ченическꙋю крѣ́пость ꙗ҆́вѣ ѡ҆блекла́сѧ є҆сѝ, и҆ къ безмѣ̑рнымъ болѣ́знемъ ѿлꙋчи́ласѧ є҆сѝ. Тѣ́мже врага̀ низложи́вши, побѣ́ды и҆сплела̀ є҆сѝ вѣнцы̀, мꙋ́ченице страстоте́рпице пресла́внаѧ."
|
|
},
|
|
{
|
|
"type": "TEXT",
|
|
"value": "Є҆гда̀ смра́дъ пло́ти и҆ грѣха̀ пла́мень, честна́ѧ, ᲂу҆гаси́ла є҆сѝ росо́ю бжⷭ҇твеннагѡ дх҃а, содѣ́йствꙋющагѡ тебѣ̀, тогда̀ ѕвѣ́ри ѡ҆бꙋзда́ла є҆сѝ посредѣ̀ сꙋди́ща, тѣ́ло твоѐ преда́вши на ра̑ны мꙋ́жески. Тѣ́мже врага̀ низложи́вши, побѣ́ды и҆сплела̀ є҆сѝ вѣнцы̀, ѽ татїа́но бг҃облаже́ннаѧ!"
|
|
},
|
|
{
|
|
"type": "TEXT",
|
|
"value": "Ни ме́чь, ни ѻ҆́гнь, ни ра̑ны, ни скѡ́рби, ни гла́дъ, ни всѧ́кїй ви́дъ мꙋче́нїѧ твоегѡ̀, є҆́же ко гдⷭ҇ꙋ притꙋпи́ша раче́нїѧ: разжже́ннымъ бо се́рдцемъ того̀ и҆́щꙋщи, всѧ̑ ви́димаѧ є҆ди́нощи ѡ҆плева́ла є҆сѝ, мꙋ́ченице, и҆ внꙋ́трь бжⷭ҇твеннагѡ черто́га всели́ласѧ є҆сѝ, невѣ́ста всѣ́хъ цр҃ѧ̀ бы́вши."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, гла́съ є҃:"
|
|
},
|
|
{
|
|
"type": "TEXT",
|
|
"value": "Зрѧ́щи тѧ̀ є҆стество̀ всѧ́кое земноро́дныхъ, на́га въ вода́хъ содѣ́телѧ креще́нїѧ просѧ́ща, и҆змѣнѧ́шесѧ стра́хомъ и҆ ᲂу҆жаса́шесѧ: прⷣте́ча же тре́петомъ содержи́мь бѧ́ше, не смѣ́ѧ прибли́житисѧ тебѣ̀: мо́ре побѣжѐ, і҆ѻрда́нъ стрꙋи̑ возвратѝ: го́ры взыгра́шасѧ зрѧ́ще, и҆ а҆́гг҃льскїѧ си̑лы ᲂу҆дивлѧ́хꙋсѧ, глаго́люще: ѽ чꙋдесѐ! Сп҃съ ѡ҆бнажа́етсѧ, ѡ҆дѣ́ѧти хотѧ̀ во спасе́нїе человѣ́ки и҆ ѡ҆бновле́нїе."
|
|
},
|
|
{
|
|
"type": "HEADER",
|
|
"value": "На стїхо́внѣ стїхи̑ры, гла́съ ѕ҃."
|
|
},
|
|
{
|
|
"type": "TEXT",
|
|
"value": "Подо́бенъ: А҆́гг҃льскїѧ:"
|
|
},
|
|
{
|
|
"type": "TEXT",
|
|
"value": "Ны́нѣ прⷪ҇ро́чески возопїи́мъ гдⷭ҇ꙋ: ꙗ҆ви́лсѧ є҆сѝ на́мъ, сп҃се на́шъ и҆ зижди́телю, сокрꙋши́лъ же є҆сѝ, сло́ве, ѕмі́євъ ᲂу҆ста̀ во і҆ѻрда́нѣ, ꙗ҆́кѡ ще́дръ, и҆ ѡ҆слѣплє́нныѧ свѣ́томъ твои́мъ, хрⷭ҇тѐ, просвѣти́лъ є҆сѝ. Бл҃гослове́нъ, ꙗ҆вле́йсѧ бж҃е на́шъ, сла́ва тебѣ̀."
|
|
},
|
|
{
|
|
"type": "TEXT",
|
|
"value": "Сті́хъ: Мо́ре ви́дѣ и҆ побѣжѐ, і҆ѻрда́нъ возврати́сѧ вспѧ́ть."
|
|
},
|
|
{
|
|
"type": "TEXT",
|
|
"value": "Держа́вꙋ на врагѝ креще́нїемъ твои́мъ, сло́ве, да́лъ є҆сѝ на́мъ любо́вїю чтꙋ́щымъ твоѐ смотре́нїе, є҆́же во́лею соверши́лъ є҆сѝ, разрѣши́въ человѣ́ки ѿ клѧ́твы во є҆де́мѣ прибы́вшїѧ, є҆мꙋ́же пое́мъ: бл҃гослове́нъ, ꙗ҆вле́йсѧ бж҃е на́шъ, сла́ва тебѣ̀."
|
|
},
|
|
{
|
|
"type": "TEXT",
|
|
"value": "Сті́хъ: Что́ ти є҆́сть, мо́ре, ꙗ҆́кѡ побѣ́гло є҆сѝ; и҆ тебѣ̀, і҆ѻрда́не, ꙗ҆́кѡ возврати́лсѧ є҆сѝ вспѧ́ть;"
|
|
},
|
|
{
|
|
"type": "TEXT",
|
|
"value": "И҆̀же ѡ҆ а҆да́мѣ въ ри̑зы кѡ́жныѧ, во́лею и҆ногда̀ ѡ҆бле́кшїисѧ паде́нїемъ, въ стрꙋѧ́хъ і҆ѻрда́нскихъ совле́кшесѧ дне́сь креще́нїемъ гдⷭ҇нимъ, бг҃осло́вѧще со а҆́гг҃лы томꙋ̀ возопїе́мъ: бл҃гослове́нъ, ꙗ҆вле́йсѧ бж҃е на́шъ, сла́ва тебѣ̀."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, гла́съ то́йже, самогла́сенъ:"
|
|
},
|
|
{
|
|
"type": "TEXT",
|
|
"value": "Воспои́мъ, вѣ́рнїи, є҆́же ѡ҆ на́съ бж҃їѧ благодѣѧ́нїѧ вели́чество: ѡ҆ на́шемъ бо прегрѣше́нїи бы́въ чл҃вѣ́къ, на́шимъ ѡ҆чище́нїемъ ѡ҆чища́етсѧ во і҆ѻрда́нѣ, є҆ди́нъ чи́стый и҆ нетлѣ́нный, ѡ҆свѧща́ѧй менѐ и҆ во́ды, и҆ главы̑ ѕмїє́въ сокрꙋша́ѧй въ водѣ̀. Почерпе́мъ ᲂу҆̀бо во́дꙋ съ весе́лїемъ, бра́тїе: благода́ть бо дх҃а, вѣ́рнѡ почерпа́ющымъ, неви́димѡ подава́етсѧ ѿ хрⷭ҇та̀ бг҃а, и҆ сп҃са дꙋ́шъ на́шихъ."
|
|
},
|
|
{
|
|
"type": "HEADER",
|
|
"value": "Тропа́рь пра́здника, гла́съ а҃:"
|
|
},
|
|
{
|
|
"type": "TEXT",
|
|
"value": "Во і҆ѻрда́нѣ креща́ющꙋсѧ тебѣ̀, гдⷭ҇и, трⷪ҇ческое ꙗ҆ви́сѧ поклоне́нїе: роди́телевъ бо гла́съ свидѣ́тельствоваше тебѣ̀, возлю́бленнаго тѧ̀ сн҃а и҆менꙋ́ѧ: и҆ дх҃ъ, въ ви́дѣ голꙋби́нѣ, и҆звѣ́ствоваше словесѐ ᲂу҆твержде́нїе. Ꙗ҆вле́йсѧ хрⷭ҇тѐ бж҃е, и҆ мі́ръ просвѣще́й, сла́ва тебѣ̀."
|
|
},
|
|
{
|
|
"type": "HEADER",
|
|
"value": "На ᲂу҆́трени. По а҃-й стїхоло́гїи сѣда́ленъ, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Оу҆диви́сѧ і҆ѡ́сифъ:"
|
|
},
|
|
{
|
|
"type": "TEXT",
|
|
"value": "І҆ѻрда́не рѣко̀, что̀ ᲂу҆диви́лсѧ є҆сѝ, зрѧ̀ неви́димаго на́га; ви́дѣхъ и҆ вострепета́хъ, речѐ: и҆ ка́кѡ бо сегѡ̀ не хотѣ́хъ ᲂу҆страши́тисѧ и҆ заитѝ; а҆́гг҃ли є҆гѡ̀ ᲂу҆страши́шасѧ зрѧ́ще, ᲂу҆жасе́сѧ нб҃о, и҆ землѧ̀ вострепета̀, и҆ смѧте́сѧ мо́ре, и҆ всѧ̑ ви̑димаѧ и҆ неви̑димаѧ. Хрⷭ҇то́съ ꙗ҆ви́сѧ на і҆ѻрда́нѣ, ѡ҆свѧти́ти во́ды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, то́йже."
|
|
},
|
|
{
|
|
"type": "HEADER",
|
|
"value": "По в҃-й стїхоло́гїи сѣда́ленъ, гла́съ и҃:"
|
|
},
|
|
{
|
|
"type": "TEXT",
|
|
"value": "Подо́бенъ: Свирѣ́лей па́стырскихъ:"
|
|
},
|
|
{
|
|
"type": "TEXT",
|
|
"value": "Креща́етсѧ хрⷭ҇то́съ, просвѣща́ѧй мі́ръ, съ высоты̀ ѻ҆ц҃ъ свидѣ́тельствова, гл҃го́лѧ: се́й є҆́сть сн҃ъ мо́й, въ не́мже благоизво́лихъ, тогѡ̀ послꙋ́шайте. Се́й є҆́сть просвѣща́ѧй вселе́ннꙋю благоꙋтро́бїемъ свои́мъ, крести́выйсѧ и҆ спасы́й ꙗ҆́кѡ бг҃ъ ро́дъ человѣ́ческїй."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, то́йже."
|
|
},
|
|
{
|
|
"type": "HEADER",
|
|
"value": "Канѡ́нъ пра́здника со і҆рмосо́мъ на и҃, и҆ ст҃ы́ѧ на д҃.. Канѡ́нъ пра́здника. Гла́съ в҃."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Глꙋбины̀ ѿкры́лъ є҆́сть дно̀, и҆ сꙋ́шею своѧ̑ влече́тъ, въ не́й покры́въ проти̑вныѧ, крѣ́пкїй во бра́нѣхъ гдⷭ҇ь, ꙗ҆́кѡ просла́висѧ."
|
|
},
|
|
{
|
|
"type": "TEXT",
|
|
"value": "А҆да́ма и҆стлѣ́вшаго ѡ҆бновлѧ́етъ стрꙋѧ́ми і҆ѻрда́нскими, и҆ ѕмїє́въ главы̑ гнѣздѧ́щихсѧ сокрꙋша́етъ цр҃ь вѣкѡ́въ гдⷭ҇ь, ꙗ҆́кѡ просла́висѧ."
|
|
},
|
|
{
|
|
"type": "TEXT",
|
|
"value": "Ѻ҆гне́мъ бжⷭ҇тва̀ невеще́ственнымъ, въ пло́ть веще́ственнꙋ ѡ҆дѣ́ѧвсѧ, і҆ѻрда́нскою ѡ҆блага́етсѧ водо́ю, воплоще́йсѧ ѿ дв҃ы гдⷭ҇ь, ꙗ҆́кѡ просла́висѧ."
|
|
},
|
|
{
|
|
"type": "TEXT",
|
|
"value": "Скве́рнꙋ ѡ҆мыва́ѧй человѣ́кѡвъ, си́мъ ѡ҆чи́щсѧ во і҆ѻрда́нѣ, и҆̀мже восхотѣ́въ ᲂу҆подо́бисѧ, є҆́же бѣ̀ пребы́въ, сꙋ́щыѧ во тмѣ̀ просвѣща́ѧй гдⷭ҇ь, ꙗ҆́кѡ просла́висѧ."
|
|
},
|
|
{
|
|
"type": "HEADER",
|
|
"value": "Канѡ́нъ ст҃ы́ѧ, творе́нїе і҆гна́тїево. Гла́съ в҃."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Грѧди́те, лю́дїе, пои́мъ пѣ́снь хрⷭ҇тꙋ̀ бг҃ꙋ, раздѣ́льшемꙋ мо́ре, и҆ наста́вльшемꙋ лю́ди, ꙗ҆̀же и҆зведѐ и҆зъ рабо́ты є҆гѵ́петскїѧ, ꙗ҆́кѡ просла́висѧ."
|
|
},
|
|
{
|
|
"type": "TEXT",
|
|
"value": "Мч҃ническими ѡ҆заре́на свѣтлостьмѝ, чи́стомꙋ предстои́ши, мꙋ́ченице, женихꙋ̀ твоемꙋ̀, дꙋшетлѣ́нныхъ прегрѣше́нїй просѧ́щи и҆зба́витисѧ хва́лѧщымъ тѧ̀."
|
|
},
|
|
{
|
|
"type": "TEXT",
|
|
"value": "Бога́тство тлѣ́нное, мꙋ́ченице, соверше́ннѡ пренебрегла̀ є҆сѝ, на нб҃сѣ́хъ нетлѣ́нное и҆ пребыва́ющее и҆́щꙋщи ᲂу҆се́рднѡ: и҆ ра́дꙋющисѧ прошла̀ є҆сѝ мꙋ́ченическое страда́нїе."
|
|
},
|
|
{
|
|
"type": "TEXT",
|
|
"value": "Къ ра́намъ, къ болѣ́знемъ и҆ бїе́нїємъ многови̑днымъ безбоѧ́зненнѡ, мꙋ́ченице, ѿлꙋчи́ласѧ є҆сѝ: споспѣшествꙋ́ющꙋю бо и҆мѣ́ла є҆сѝ благода́ть сп҃совꙋ, и҆ ᲂу҆крѣплѧ́ющꙋю тѧ̀."
|
|
},
|
|
{
|
|
"type": "TEXT",
|
|
"value": "Бг҃оро́диченъ: И҆сто́чникъ безстра́стїѧ ро́ждшаѧ, ᲂу҆ѧ́звленнаго страстьмѝ, ѻ҆трокови́це, и҆сцѣлѝ, и҆ ѻ҆гнѧ̀ вѣ́чнагѡ и҆схи́ти мѧ̀, є҆ди́на бг҃облагода́тнаѧ."
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "TEXT",
|
|
"value": "І҆рмо́съ: Крѣ́пость даѧ́й лю́демъ на́шымъ гдⷭ҇ь, и҆ ро́гъ пома́занныхъ свои́хъ возносѧ́й, ѿ дв҃ы ражда́етсѧ, грѧде́тъ же ко креще́нїю. Томꙋ̀, вѣ́рнїи, возопїи́мъ: нѣ́сть ст҃ъ, ꙗ҆́кѡ бг҃ъ на́шъ."
|
|
},
|
|
{
|
|
"type": "TEXT",
|
|
"value": "Непло́днаѧ дре́вле и҆ безча́днаѧ лю́тѣ, дне́сь весели́сѧ, хрⷭ҇то́ва цр҃ковь: водо́ю бо и҆ дх҃омъ сы́нове тебѣ̀ роди́шасѧ, вѣ́рою взыва́юще: нѣ́сть ст҃ъ, ꙗ҆́коже бг҃ъ на́шъ."
|
|
},
|
|
{
|
|
"type": "TEXT",
|
|
"value": "Ве́лїимъ гла́сомъ въ пꙋсты́ни вопїе́тъ прⷣте́ча: хрⷭ҇тꙋ̀ ᲂу҆гото́вайте пꙋти̑, и҆ стези̑ бг҃ꙋ на́шемꙋ пра̑вы содѣ́лайте, вѣ́рою взыва́юще: нѣ́сть ст҃ъ, ꙗ҆́коже бг҃ъ на́шъ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: На ка́мени мѧ̀ вѣ́ры ᲂу҆тверди́въ, разшири́лъ є҆сѝ ᲂу҆ста̀ моѧ̑ на врагѝ моѧ̑, возвесели́босѧ дꙋ́хъ мо́й, внегда̀ пѣ́ти: нѣ́сть ст҃ъ, ꙗ҆́коже бг҃ъ на́шъ, и҆ нѣ́сть пра́веденъ па́че тебє̀, гдⷭ҇и."
|
|
},
|
|
{
|
|
"type": "TEXT",
|
|
"value": "Не поколеба̀ столпа̀ твоегѡ̀ се́рдца сте́кшее мꙋ́къ треволне́нїе, ᲂу҆тверди́сѧ бо на ка́мени любвѐ хрⷭ҇то́вы, всехва́льнаѧ. Къ немꙋ́же взыва́ла є҆сѝ: ꙗ҆́кѡ нѣ́сть ст҃ъ па́че тебє̀, гдⷭ҇и."
|
|
},
|
|
{
|
|
"type": "TEXT",
|
|
"value": "Человѣ́ческꙋю не́мощь понесы́й, вперѝ си́лою не́мощь твою̀ на некрѣ́пкаго ѕмі́ѧ. Тѣ́мъ, мꙋ́ченице, на зе́млю низве́ргла є҆сѝ, вѣ́рнѡ зовꙋ́щи: ꙗ҆́кѡ нѣ́сть ст҃ъ па́че тебє̀, гдⷭ҇и."
|
|
},
|
|
{
|
|
"type": "TEXT",
|
|
"value": "Пото́ки и҆зсꙋши́ла є҆сѝ беззако́нїѧ стрꙋѧ́ми крове́й твои́хъ, бл҃же́ннаѧ, сла́дости же пото́ка ны́нѣ наслажда́ешисѧ, и҆ во свѣ́тѣ невече́рнѣмъ ѡ҆бита́еши, зовꙋ́щи: ꙗ҆́кѡ нѣ́сть ст҃ъ па́че тебє̀, гдⷭ҇и."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Зача́тїе и҆ рождество̀ твоѐ па́че сло́ва, вѣ́ки бо созда́вшаго сло́вомъ родила̀ є҆сѝ, и҆зба́вльшаго безслове́сїѧ мі́ра концы̀, ѻ҆трокови́це неискꙋсомꙋ́жнаѧ: є҆го́же молѝ всегда̀, є҆́же спастѝ на́съ."
|
|
},
|
|
{
|
|
"type": "HEADER",
|
|
"value": "Конда́къ мꙋ́ченицы, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Ꙗ҆ви́лсѧ є҆сѝ дне́сь:"
|
|
},
|
|
{
|
|
"type": "TEXT",
|
|
"value": "Свѣ́тлѡ во страда́нїи твое́мъ возсїѧ́ла є҆сѝ, страстоте́рпице, ѿ крове́й твои́хъ прииспещре́на, и҆ ꙗ҆́кѡ кра́снаѧ голꙋби́ца къ нб҃сѝ возлетѣ́ла є҆сѝ, татїа́но: тѣ́мже молѝ при́снѡ за чтꙋ́щыѧ тѧ̀."
|
|
},
|
|
{
|
|
"type": "HEADER",
|
|
"value": "Сѣда́ленъ, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Ско́рѡ предварѝ:"
|
|
},
|
|
{
|
|
"type": "TEXT",
|
|
"value": "Сꙋгꙋ́бъ соверши́вши, мꙋ́ченице, по́двигъ на землѝ, сꙋгꙋ́бъ и҆ вѣне́цъ сподо́биласѧ є҆сѝ прїѧ́ти ѿ рꙋкѝ жениха̀ твоегѡ̀: пости́ласѧ бо є҆сѝ, стра̑сти плотскі̑ѧ ѡ҆бꙋзда́ющи, пострада́вши же зако́ннѡ, врага̀ низложи́ла є҆сѝ. Тѣ́мже мольба́ми твои́ми спаси́ ны ѿ напа́стей."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, гла́съ и҆ подо́бенъ то́йже:"
|
|
},
|
|
{
|
|
"type": "TEXT",
|
|
"value": "Свѣ́томъ ꙗ҆́кѡ ри́зою ѡ҆дѣѧ́йсѧ, стрꙋѧ́ми ѡ҆дѣва́етсѧ і҆ѻрда́нскими хрⷭ҇то́съ бг҃ъ на́шъ, свы́ше свидѣ́тельствꙋющꙋ ѻ҆ц҃ꙋ̀ сопресто́льнаго, до́лѣ прише́дшꙋ дх҃ꙋ сла́вы: то́й є҆́сть просвѣща́ѧй и҆ ѡ҆свѧща́ѧй на́съ."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆слы́шахъ, гдⷭ҇и, гла́съ тво́й, є҆го́же ре́клъ є҆сѝ, гла́съ вопїю́щагѡ въ пꙋсты́ни, ꙗ҆́кѡ возгремѣ́лъ є҆сѝ надъ вода́ми мно́гими, твоемꙋ̀ свидѣ́тельствꙋѧй сн҃ꙋ, ве́сь бы́въ соше́дшагѡ дх҃а, возопѝ: ты̀ є҆сѝ хрⷭ҇то́съ, бж҃їѧ мꙋ́дрость и҆ си́ла."
|
|
},
|
|
{
|
|
"type": "TEXT",
|
|
"value": "Ѡ҆чища́емое со́лнце кто̀ ви́дѣ, проповѣ́дникъ вопїе́тъ, пресвѣ́тлое є҆стество́мъ; да тебѐ вода́ми сїѧ́нїе сла́вы, ѻ҆ц҃а̀ ѻ҆́бразъ присносꙋ́щнагѡ ѡ҆мы́ю, и҆ сѣ́но сы́й ѻ҆гню̀ прикоснꙋ́сѧ твоегѡ̀ бж҃ества̀: ты́ бо є҆сѝ хрⷭ҇то́съ, бж҃їѧ мꙋ́дрость и҆ си́ла."
|
|
},
|
|
{
|
|
"type": "TEXT",
|
|
"value": "Ꙗ҆ви́въ бжⷭ҇твенное, є҆́же и҆мѣ̀, бл҃гоговѣ́нїе мѡѷсе́й прилꙋчи́всѧ тебѣ̀: ꙗ҆́кѡ бо и҆з̾ кꙋпины́ тѧ возгласи́вша разꙋмѣ̀, а҆́бїе ѿвратѝ лицѐ. А҆́зъ же ка́кѡ тѧ̀ ви́жꙋ ꙗ҆́снѡ; и҆лѝ ка́кѡ рꙋ́кꙋ положꙋ̀ на тѧ̀; ты́ бо є҆сѝ хрⷭ҇то́съ, бж҃їѧ мꙋ́дрость и҆ си́ла."
|
|
},
|
|
{
|
|
"type": "TEXT",
|
|
"value": "Дꙋше́вное соверша́ѧ мꙋ́дрѣ, и҆ сло́вомъ почте́ный, бездꙋ́шныхъ стыждꙋ́сѧ. А҆́ще бо крещꙋ́ тѧ, клеве́тна мѝ є҆́сть ѻ҆гне́мъ дымѧ́щаѧсѧ гора̀, побѣ́гшее же мо́ре на дво́е, и҆ і҆ѻрда́нъ се́й возврати́выйсѧ: ты́ бо є҆сѝ хрⷭ҇то́съ, бж҃їѧ мꙋ́дрость и҆ си́ла."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Пою́ тѧ, слꙋ́хомъ бо, гдⷭ҇и, ᲂу҆слы́шахъ и҆ ᲂу҆жасо́хсѧ, до менє́ бо и҆́деши, менѐ и҆щѧ̀ заблꙋ́ждшаго. Тѣ́мъ мно́гое твоѐ снизхожде́нїе, є҆́же на мѧ̀, прославлѧ́ю, многоми́лостиве."
|
|
},
|
|
{
|
|
"type": "TEXT",
|
|
"value": "Красно̀ дꙋше́вное ᲂу҆строе́нїе, благолѣ́пїемъ благоче́стїѧ татїа́на носѧ́щи, є҆ще́ же мꙋче́нїѧ свѣ́томъ пресла́внѡ сїѧ́ющи, къ чи́стомꙋ женихꙋ̀ вселѧ́етсѧ."
|
|
},
|
|
{
|
|
"type": "TEXT",
|
|
"value": "Желѣ́зомъ твоѐ лицѐ стрꙋ́жꙋщыѧ пребеззакѡ́нныѧ невидѣ́нїемъ нбⷭ҇нїи а҆́гг҃ли мꙋ́чахꙋ, по́сланнїи къ твое́й ѿ бг҃а, мꙋ́ченице, по́мощи, и҆̀же твоемꙋ̀ терпѣ́нїю ᲂу҆диви́шасѧ."
|
|
},
|
|
{
|
|
"type": "TEXT",
|
|
"value": "Зако́ннѡ хрⷭ҇та̀ проповѣ́дающи, побѣди́ла є҆сѝ пребеззако́ннꙋющыѧ: же́ртва же непоро́чна, благопрїѧ́тна, соверше́ннѣйшаѧ томꙋ̀ принесла́сѧ є҆сѝ, взыва́ющи: тебѐ лю́бѧщи, сп҃се, закала́юсѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ко приста́нищꙋ ти́хомꙋ мѧ̀ напра́ви, бг҃оневѣ́сто всест҃а́ѧ: бꙋ́рѧ бо мѧ̀ волнꙋ́етъ, и҆ смꙋще́нїе грѣха̀ лю́тѣ, вѣ́тры коле́блемь лꙋка́выхъ дꙋхѡ́въ ѡ҆скорблѧ́ющихъ мѧ̀."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "TEXT",
|
|
"value": "І҆рмо́съ: І҆и҃съ, живота̀ нача́льникъ, разрѣши́ти ѡ҆сꙋжде́нїе грѧде́тъ а҆да́ма первозда́ннагѡ: ѡ҆чище́нїй же, ꙗ҆́кѡ бг҃ъ, не тре́бꙋѧ, па́дшаго ѡ҆чища́етъ во і҆ѻрда́нѣ: въ не́мже враждꙋ̀ ᲂу҆би́въ, преимꙋ́щь всѧ́къ ᲂу҆́мъ ми́ръ да́рꙋетъ."
|
|
},
|
|
{
|
|
"type": "TEXT",
|
|
"value": "Сше́дшымсѧ без̾ числа̀ лю́демъ ѿ і҆ѡа́нна крести́тисѧ, са́мъ посредѣ̀ и҆́хъ ста̀, провозгласи́ же предстоѧ́щымъ: кто̀ показа̀, непокори́вїи, гнѣ́ва ва́мъ ᲂу҆клони́тисѧ хотѧ́щагѡ бы́ти: плоды̀ достѡ́йны хрⷭ҇тꙋ̀ сотвори́те: предстоѧ́й бо ны́нѣ ми́ръ да́рꙋетъ."
|
|
},
|
|
{
|
|
"type": "TEXT",
|
|
"value": "Дѣ́латель и҆ зижди́тель посредѣ̀ стоѧ́й, ꙗ҆́кѡ є҆ди́нъ всѣ́хъ сердца̀ и҆спытꙋ́етъ: чисти́тельнꙋю же лопа́тꙋ рꙋко́ю прїе́мъ, всемі́рное гꙋмно̀ премꙋ́дрѣ разлꙋча́етъ, непло́дїе палѧ̀, бл҃гоплѡ́днымъ вѣ́чный живо́тъ да́рꙋетъ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Просвѣще́нїе во тмѣ̀ лежа́щихъ, спасе́нїе ѿча́ѧнныхъ, хрⷭ҇тѐ сп҃се мо́й, къ тебѣ̀ ᲂу҆́тренюю, цр҃ю̀ ми́ра, просвѣти́ мѧ сїѧ́нїемъ твои́мъ: и҆но́гѡ бо, ра́звѣ тебє̀, бо́га не зна́ю."
|
|
},
|
|
{
|
|
"type": "TEXT",
|
|
"value": "Твою̀ честнꙋ́ю и҆ бл҃же́ннꙋю стрⷭ҇ть подража́ющи, безстра́стїемъ тебѣ̀ сочта́вшаѧсѧ, стра́ждетъ преꙋсе́рднѡ, на ᲂу҆́ды ссѣка́емаѧ, жизнода́вче хрⷭ҇тѐ, зовꙋ́щи: и҆но́гѡ, ра́звѣ тебє̀, бо́га не зна́ю."
|
|
},
|
|
{
|
|
"type": "TEXT",
|
|
"value": "Стра́хъ бж҃їй во ᲂу҆тро́бѣ мы́слїю прїе́мши, дх҃ъ спаси́тельнагѡ и҆сповѣ́данїѧ и҆ мꙋче́нїѧ родила̀ є҆сѝ пресла́внѡ, доблемꙋ́драѧ, тве́рдымъ страда́нїемъ, и҆ сопроти̑внаѧ нача̑ла посрами́ла є҆сѝ."
|
|
},
|
|
{
|
|
"type": "TEXT",
|
|
"value": "Свѣ́тлыми сїѧ́еши зарѧ́ми, ᲂу҆ѧснѧ́ема дх҃а ст҃а́гѡ свѣтоли́тїемъ, и҆ ѡ҆зарѧ́еши вѣ́рныхъ сердца̀, грѣхо́вный мра́къ разорѧ́ющи, мч҃нице, страстоте́рпице хрⷭ҇то́ва досточꙋ́днаѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Свѣ́тлый со́лнца ѻ҆́блаче, ѡ҆сїѧ́й мѝ зарю̀, рѣша́щꙋ мра́къ мои́хъ прегрѣше́нїй, да́ждь мѝ рꙋ́кꙋ впа́дшемꙋ въ ти́нꙋ грѣхо́внꙋю, воздви́гни мѧ̀ лежа́щаго, є҆ди́на па́дшагѡ а҆да́ма и҆справле́нїе."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Гла́съ словесѐ, свѣти́льникъ свѣ́та, денни́ца сл҃нца, прⷣте́ча въ пꙋсты́ни, пока́йтесѧ, всѣ̑мъ вопїе́тъ лю́демъ, и҆ пред̾ѡчи́ститесѧ: се́ бо предстои́тъ хрⷭ҇то́съ, ѿ тлѝ мі́ръ и҆збавлѧ́ѧй."
|
|
},
|
|
{
|
|
"type": "TEXT",
|
|
"value": "Ро́ждсѧ нетлѣ́ннѡ ѿ бг҃а и҆ ѻ҆ц҃а̀, ѿ дв҃ы кромѣ̀ скве́рны воплоща́етсѧ хрⷭ҇то́съ: є҆мꙋ́же реме́нь, ꙗ҆̀же ѿ на́съ сло́ва сочта̑нїѧ, разрѣши́ти неꙋдо́бь ᲂу҆чи́тъ прⷣте́ча, земнорѡ́дныѧ ѿ ле́сти и҆збавлѧ́ѧ."
|
|
},
|
|
{
|
|
"type": "TEXT",
|
|
"value": "Ѻ҆гне́мъ крⷭ҇ти́тъ коне́чнымъ хрⷭ҇то́съ проти̑вныѧ, а҆ не бг҃а мꙋ́дрствꙋющихъ є҆го̀: дх҃омъ же ѡ҆бновлѧ́етъ водо́ю бл҃года́ти разꙋмли̑выѧ бжⷭ҇тва̀ є҆гѡ̀, ѿ прегрѣше́нїй и҆збавлѧ́ѧ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Въ бе́зднѣ грѣхо́внѣй валѧ́ѧсѧ, неизслѣ́днꙋю милосе́рдїѧ твоегѡ̀ призыва́ю бе́зднꙋ: ѿ тлѝ, бж҃е, мѧ̀ возведѝ."
|
|
},
|
|
{
|
|
"type": "TEXT",
|
|
"value": "На дре́вѣ ꙗ҆́кѡ позна̀ просте́рта тѧ̀ мч҃ница честна́ѧ, терпи́тъ повѣ́шенїе и҆ строга̑нїѧ тѣлє́снаѧ, за любо́вь твою̀, всемо́щне."
|
|
},
|
|
{
|
|
"type": "TEXT",
|
|
"value": "Свирѣ́пѣйшїи ѕвѣ́рїе ᲂу҆стыдѣ́шасѧ посредѝ три́знища мꙋ́жески стра́ждꙋшїѧ тѧ̀, ꙗ҆́коже ѳе́клы пе́рвѣе первомч҃ницы, є҆ѧ́же ре́вность стѧжа́ла є҆сѝ, приснопа́мѧтнаѧ."
|
|
},
|
|
{
|
|
"type": "TEXT",
|
|
"value": "Предста́вше нбⷭ҇нїи а҆́гг҃ли посредѝ темни́цы, тѧ̀ свѣ́томъ ѡ҆сїѧ́ша, ѿ болѣ́зней и҆зима́юще, и҆ ꙗ҆́кѡ бж҃їю а҆́гницꙋ прославлѧ́юще."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ѿ всѣ́хъ родѡ́въ и҆збра́ тѧ добро́тꙋ і҆а́кѡвлю, ю҆́же возлюбѝ творе́цъ, всенепоро́чнаѧ, и҆ и҆з̾ тебє̀ возсїѧ́въ ꙗ҆ви́сѧ."
|
|
},
|
|
{
|
|
"type": "HEADER",
|
|
"value": "Конда́къ, гла́съ д҃:"
|
|
},
|
|
{
|
|
"type": "TEXT",
|
|
"value": "Ꙗ҆ви́лсѧ є҆сѝ дне́сь вселе́ннѣй, и҆ свѣ́тъ тво́й, гдⷭ҇и, зна́менасѧ на на́съ, въ ра́зꙋмѣ пою́щихъ тѧ̀: прише́лъ є҆сѝ, и҆ ꙗ҆ви́лсѧ є҆сѝ свѣ́тъ непристꙋ́пный."
|
|
},
|
|
{
|
|
"type": "TEXT",
|
|
"value": "І҆́косъ: Галїле́и ꙗ҆зы́честѣй, завꙋлѡ́нстѣй странѣ̀ и҆ нефѳали́мстѣй землѝ, ꙗ҆́коже речѐ прⷪ҇ро́къ, свѣ́тъ вели́къ возсїѧ̀ хрⷭ҇то́съ: ѡ҆мрачє́ннымъ свѣтла̀ ꙗ҆ви́сѧ зарѧ̀, и҆зъ виѳлее́ма ѡ҆блиста́ющаѧ, па́че же и҆зъ мр҃і́и гдⷭ҇ь, все́й вселе́ннѣй возсїѧва́етъ лꙋчы̀ сл҃нце пра́вды. Тѣ́мже, и҆̀же ѿ а҆да́ма назі́и, прїиди́те, всѝ, ѡ҆блече́мсѧ въ него̀, да согрѣ́емсѧ, покрыва́етъ бо нагі̑ѧ, и҆ просвѣща́етъ тє́мныѧ: прише́лъ є҆сѝ, и҆ ꙗ҆ви́лсѧ є҆сѝ свѣ́тъ непристꙋ́пный."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ю҆́ношы бл҃гочести̑выѧ, пе́щи ѻ҆́гненнѣй приѡбщи́вшыѧсѧ, шꙋмѧ́щъ дꙋ́хъ ро́сный невреди̑мы сохранѝ, и҆ бж҃їѧ а҆́гг҃ла снисхожде́нїе. Тѣ́мже, въ пла́мени ѡ҆роша́еми, бл҃года́рственнѡ воспѣва́хꙋ: препѣ́тый ѻ҆тцє́въ гдⷭ҇и и҆ бж҃е, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Ꙗ҆́коже на нб҃сѝ съ тре́петомъ и҆ чꙋ́домъ предстоѧ́хꙋ, во і҆ѻрда́нѣ си̑лы а҆́гг҃льскїѧ, смотрѧ́юще толи̑ка бж҃їѧ схождє́нїѧ: ꙗ҆́кѡ держа́й превы́шнихъ во́дъ соста́въ, въ вода́хъ плотоно́сецъ стоѧ́ше бг҃ъ ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Ѻ҆́блакъ дре́вле и҆ мо́ре бжⷭ҇твеннагѡ проѡбража́хꙋ креще́нїѧ чꙋ́до, въ ни́хже дре́внїи крести́шасѧ, и҆сходѧ́ще зако́ннїи лю́дїе: мо́ре же бѣ̀ ѻ҆́бразъ воды̀, и҆ ѻ҆́блакъ дх҃а, и҆́миже соверша́еми, бл҃гослове́нъ є҆сѝ, зове́мъ, гдⷭ҇и бж҃е, во вѣ́ки."
|
|
},
|
|
{
|
|
"type": "TEXT",
|
|
"value": "Всѝ, вѣ́рнїи, въ не́мже соверше́нїе прїѧ́хомъ, бг҃осло́вѧще немо́лчнѡ со а҆́гг҃лы, просла́вимъ ѻ҆ц҃а̀, и҆ сн҃а, и҆ дх҃а ст҃а́го. Се́ бо трⷪ҇ца ѵ҆поста́сьми є҆диносꙋ́щнаѧ, є҆ди́нъ же бг҃ъ, є҆мꙋ́же пое́мъ: бл҃гослове́нъ є҆сѝ, гдⷭ҇и бж҃е, во вѣ́ки."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Бг҃опроти́вное велѣ́нїе беззако́ннꙋющагѡ мꙋчи́телѧ, высо́къ пла́мень вознесло̀ є҆́сть: хрⷭ҇то́съ же прострѐ бг҃очести̑вымъ ѻ҆трокѡ́мъ ро́сꙋ дх҃о́внꙋю, сы́й бл҃гослове́нъ и҆ препросла́вленъ."
|
|
},
|
|
{
|
|
"type": "TEXT",
|
|
"value": "Бл҃гомо́щнѡ непобѣди́маѧ сѣ́чема сосцє́въ ѿѧ́тїе претерпѣ́ла є҆сѝ терпѣли́вѣйше: ѻ҆гне́мъ же нбⷭ҇нымъ, мꙋ́ченице, попали́ла є҆сѝ чти́ти не хотѧ́щыѧ бг҃а, є҆го́же всѧ̀ тва́рь пое́тъ сла́вѧщи."
|
|
},
|
|
{
|
|
"type": "TEXT",
|
|
"value": "Въ се́рдцы носѧ́щи ѻ҆́гнь бж҃е́ственныѧ любвѐ, непоро́чнаѧ, пла́мень попра̀, ѻ҆гнѧ̀ подобора́бнагѡ не ᲂу҆жасе́сѧ, ѻ҆трокѡ́въ ѡ҆бразꙋ́ющи дре́внихъ и҆ мꙋ́жество и҆ крѣ́пость."
|
|
},
|
|
{
|
|
"type": "TEXT",
|
|
"value": "Ѕвѣре́й свирѣ́пство тебѣ̀ повине́сѧ, львѡ́въ зїѧ̑нїѧ невре́днѡ преминꙋ́ла є҆сѝ, бг҃ꙋ тѧ̀ просла́вльшꙋ, того̀ просла́вившꙋю: є҆гѡ́же страда̑нїѧ твое́ю и҆сполнѧ́ющи пло́тїю, всехва́льнаѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Жи́знь ѵ҆поста́снꙋю на́мъ ро́ждши, сме́ртїю сме́рть ꙗ҆́вѣ потре́бльшꙋю, стра̑сти ᲂу҆мертвѝ пло́ти на́шеѧ, вѣ́рою чтꙋ́щихъ тѧ̀, чⷭ҇таѧ, ꙗ҆́кѡ бцⷣꙋ и҆ всесла́внꙋю."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "TEXT",
|
|
"value": "І҆рмо́съ: Та́йнꙋ пресла́внꙋю вавѷлѡ́нскаѧ показа̀ пе́щь, и҆сточи́вшаѧ ро́сꙋ, ꙗ҆́кѡ стрꙋѧ́ми и҆мѧ́ше невеще́ственный ѻ҆́гнь воспрїѧ́ти і҆ѻрда́нъ, и҆ ѡ҆б̾ѧ́ти пло́тїю креща́ема зижди́телѧ, є҆го́же бл҃гословѧ́тъ лю́дїе, и҆ превозно́сѧтъ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Ѿложѝ стра́хъ ве́сь, и҆зба́витель прⷣте́чи и҆зречѐ: мнѣ́ же повини́сѧ, ꙗ҆́кѡ благо́мꙋ, мнѣ̀ пристꙋпѝ, сїе́ бо є҆стество́мъ бы́хъ. Мои̑мъ повелѣ́нїємъ покори́сѧ, и҆ крести́ мѧ соше́дшаго: є҆го́же благословѧ́тъ лю́дїе, и҆ превозно́сѧтъ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Глаго́лы ꙗ҆́коже ᲂу҆слы́ша крⷭ҇ти́тель влⷣчни, съ тре́петомъ дла́нь простира́етъ: ѻ҆ба́че же рꙋко́ю коснꙋ́всѧ верха̀ зижди́телѧ своегѡ̀, кре́щшемꙋсѧ вопїѧ́ше: ѡ҆свѧти́ мѧ, ты́ бо є҆сѝ бг҃ъ мо́й: є҆го́же благословѧ́тъ лю́дїе, и҆ превозно́сѧтъ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Трⷪ҇цы ꙗ҆вле́нїе во і҆ѻрда́нѣ бы́сть, са́мое бо пребжⷭ҇твенное є҆стество̀, ѻ҆ц҃ъ возгласѝ: се́й креща́емый, сн҃ъ возлю́бленный мо́й. Дх҃ъ же прїи́де къ подо́бномꙋ: є҆го́же благословѧ́тъ лю́дїе, и҆ превозно́сѧтъ во всѧ̑ вѣ́ки."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Въ пе́щь ѻ҆́гненнꙋю ко ѻ҆трокѡ́мъ є҆врє́йскимъ снизше́дшаго, и҆ пла́мень въ ро́сꙋ прело́жшаго бг҃а, по́йте дѣла̀ ꙗ҆́кѡ гдⷭ҇а, и҆ превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Оу҆добри́вшисѧ добродѣ́тельми, ᲂу҆краси́ласѧ є҆сѝ добро́тами мꙋче́нїѧ, и҆ женихꙋ̀ ѡ҆брꙋчи́ласѧ є҆сѝ, па́че всѣ́хъчеловѣ́кѡвъ краснѣ́йшемꙋ, добро́тою сїѧ́ющемꙋ безсме́ртїѧ, татїа́но бг҃омꙋ́драѧ."
|
|
},
|
|
{
|
|
"type": "TEXT",
|
|
"value": "Съ безпло́тными слꙋга́ми въ темни́цѣ творца̀ славосло́вила є҆сѝ, сїѧ́ющи сла́вою бжⷭ҇твеннагѡ блиста́нїѧ, и҆ всѣ̑мъ непристꙋ́пна пребыва́ющи, держи̑мымъ тмо́ю пре́лести."
|
|
},
|
|
{
|
|
"type": "TEXT",
|
|
"value": "Сокрꙋше́нїе твои́хъ ᲂу҆де́съ и҆стнѝ врагѡ́въ кова̑рства, крове́й тече́нїе нече́стїѧ лю̑тыѧ пото́ки, честна́ѧ, и҆зсꙋшѝ, пꙋчи́на чꙋде́съ на́мъ ꙗ҆́вльшисѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Спасѝ, ᲂу҆ще́дри ны̀, ще́драго бг҃а на́мъ сп҃са ро́ждшаѧ, па́че сло́ва, ѻ҆гнепа́льныхъ помышле́нїй и҆ страсте́й и҆зима́ющи зно́ѧ, твои́ми моли́твами, чи́стаѧ препросла́вленнаѧ."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Недоꙋмѣ́етъ всѧ́къ ѧ҆зы́къ благохвали́ти по достоѧ́нїю, и҆з̾ꙋмѣва́етъ же ᲂу҆́мъ и҆ премі́рный пѣ́ти тѧ̀, бцⷣе. Ѻ҆ба́че, бл҃га́ѧ сꙋ́щи, вѣ́рꙋ прїимѝ, и҆́бо любо́вь вѣ́си бжⷭ҇твеннꙋю на́шꙋ: ты́ бо хрⷭ҇тїа́нъ є҆сѝ предста́тельница, тѧ̀ велича́емъ."
|
|
},
|
|
{
|
|
"type": "TEXT",
|
|
"value": "Дв҃де, прїидѝ дх҃омъ къ просвѣщє́ннымъ, ны́нѣ пристꙋпи́те, по́й къ бг҃ꙋ вѣ́рою, глаго́лѧ: просвѣти́тесѧ. Се́й ни́щїй воззва̀, а҆да́мъ въ паде́нїи: и҆́бо того̀ ᲂу҆слы́ша гдⷭ҇ь, прише́дъ стрꙋѧ́ми і҆ѻрда́нскими, тлѣ́ннаго же ѡ҆бновѝ."
|
|
},
|
|
{
|
|
"type": "TEXT",
|
|
"value": "И҆са́їа, и҆змы́йтесѧ, ѡ҆чи́ститесѧ, глаго́летъ, лꙋка̑вствїѧ пред̾ гдⷭ҇емъ ѡ҆ста́вите: жа́ждꙋщїи, на во́дꙋ жи́вꙋ и҆ди́те: кропи́тъ бо водо́ю ѡ҆бновлѧ́ѧ хрⷭ҇то́съ пристꙋпа́ющыѧ къ немꙋ̀ вѣ́рою, и҆ къ животꙋ̀ нестарѣ́емомꙋ креща́етъ дх҃омъ."
|
|
},
|
|
{
|
|
"type": "TEXT",
|
|
"value": "Соблюда́емсѧ благода́тїю, вѣ́рнїи, и҆ печа́тїю: ꙗ҆́кѡ бо гꙋби́телѧ бѣжа́ша пра́га є҆врє́и дре́вле ѡ҆крова́влена, та́кѡ и҆ на́мъ и҆схо́дное бжⷭ҇твенное сїѐ, пакибытїѧ̀ ба́нѧ бꙋ́детъ: ѿсю́дꙋ и҆ трⷪ҇цы ᲂу҆́зримъ свѣ́тъ незаходи́мый."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Ѿ бг҃а бг҃а сло́ва, неизрече́нною мꙋ́дростїю прише́дшаго ѡ҆бнови́ти а҆да́ма, ꙗ҆́дїю въ тлѣ́нїе па́дшаго лю́тѣ: ѿ ст҃ы́ѧ дв҃ы неизрече́ннѡ воплоти́вшагосѧ на́съ ра́ди, вѣ́рнїи, є҆диномꙋ́дреннѡ пѣ́сньми велича́емъ."
|
|
},
|
|
{
|
|
"type": "TEXT",
|
|
"value": "По мно́гихъ мꙋ́кахъ ме́чнымъ тѧ̀ сꙋдо́мъ лю́тый ѡ҆сꙋжда́етъ сꙋдїѧ̀, є҆ѧ́же восхожде́нїемъ восплеска́ша нбⷭ҇нїи чи́ни: хрⷭ҇то́съ же всеси́льною десни́цею вѣнча́ тѧ, мч҃нице, зако́ннѡ пострада́вшꙋю."
|
|
},
|
|
{
|
|
"type": "TEXT",
|
|
"value": "Сочта́сѧ съ мꙋ́ченическими свѣтлѣ́йшими ста́ды, ꙗ҆снѣ́йши прибли́жившисѧ бг҃ꙋ, ви́диши ꙗ҆̀же ви́дѧтъ а҆́гг҃ли, ꙗ҆́кѡ дв҃а въ черто́зѣ водворѧ́ешисѧ, жениха̀ твоего̀, честна́ѧ, молѧ́щи, спасти́сѧ любо́вїю тѧ̀ почита́ющымъ."
|
|
},
|
|
{
|
|
"type": "TEXT",
|
|
"value": "Запеча́танный и҆сто́чникъ тѧ̀, заключе́нъ же ѻ҆гра́дъ, возложе́нїе че́стно и҆ свѧще́нно, невѣ́стꙋ хрⷭ҇то́вꙋ нетлѣ́ннꙋю, заколе́нїе и҆ же́ртвꙋ, а҆́гницꙋ и҆ до́брꙋю голꙋби́цꙋ влⷣки всѧ́ческихъ, татїа́но, проповѣ́дꙋемъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Гла̑сы прекланѧ́ема те́плѣ тѧ̀ молѧ́щихъ, є҆ди́на вѣ́рныхъ прибѣ́жище, спасѝ, ᲂу҆ще́дри, влⷣчце, соблюдѝ ѿ вре́да, и҆ всѧ́кагѡ ꙗ҆зы́кѡвъ наше́ствїѧ, вѣ́рою и҆ любо́вїю при́снѡ тѧ̀ велича́ющыѧ."
|
|
},
|
|
{
|
|
"type": "HEADER",
|
|
"value": "Свѣти́ленъ."
|
|
},
|
|
{
|
|
"type": "TEXT",
|
|
"value": "Подо́бенъ: Посѣти́лъ ны̀:"
|
|
},
|
|
{
|
|
"type": "TEXT",
|
|
"value": "Ꙗ҆ви́сѧ сп҃съ, бл҃года́ть и҆ и҆́стина во стрꙋѧ́хъ і҆ѻрда́нскихъ, и҆ сꙋ́щыѧ во тмѣ̀ и҆ сѣ́ни спѧ́щыѧ просвѣти́лъ є҆́сть: и҆́бо прїи́де и҆ ꙗ҆ви́сѧ свѣ́тъ непристꙋ́пный."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, то́йже."
|
|
},
|
|
{
|
|
"type": "HEADER",
|
|
"value": "На стїхо́внѣ стїхи̑ры, гла́съ ѕ҃."
|
|
},
|
|
{
|
|
"type": "TEXT",
|
|
"value": "Подо́бенъ: А҆́гг҃льскїѧ:"
|
|
},
|
|
{
|
|
"type": "TEXT",
|
|
"value": "Сїѧ́нїе ѿ свѣ́та, свѣ́тъ сы́й, і҆и҃се мо́й, просвѣти́лъ є҆сѝ на́съ неизрече́ннымъ твои́мъ ѡ҆сїѧ́нїемъ, пре́жде ѡ҆слѣплє́нныѧ во є҆де́мѣ ѿ ѕмі́ѧ, во і҆ѻрда́нѣ ны́нѣ свѣ́тъ всѝ свѣ́томъ твои́мъ зрѧ́ще, вѣ́рнѡ пое́мъ: бл҃гослове́нъ, ꙗ҆вле́йсѧ бж҃е на́шъ, сла́ва тебѣ̀."
|
|
},
|
|
{
|
|
"type": "TEXT",
|
|
"value": "Сті́хъ: Мо́ре ви́дѣ и҆ побѣжѐ, і҆ѻрда́нъ возврати́сѧ вспѧ́ть."
|
|
},
|
|
{
|
|
"type": "TEXT",
|
|
"value": "Таи́нниче и҆ стра́шныхъ строи́телю та̑инъ, прⷣте́че, ра́дости и҆ дх҃а самови́дче, кре́щшагосѧ сло́ва ѿ тебє̀, ꙗ҆́кѡ бл҃говолѝ, просѝ на́мъ согрѣше́нїй и҆збавле́нїе при́снѡ пода́ти, є҆мꙋ́же пое́мъ: бл҃гослове́нъ, ꙗ҆вле́йсѧ бж҃е на́шъ, сла́ва тебѣ̀."
|
|
},
|
|
{
|
|
"type": "TEXT",
|
|
"value": "Сті́хъ: Что́ ти є҆́сть, мо́ре, ꙗ҆́кѡ побѣ́гло є҆сѝ, и҆ тебѣ̀, і҆ѻрда́не, ꙗ҆́кѡ возврати́лсѧ є҆сѝ вспѧ́ть."
|
|
},
|
|
{
|
|
"type": "TEXT",
|
|
"value": "Вознесе́мъ, вѣ́рнїи, въ ра́зꙋмѣ сердца̀, потеце́мъ со тща́нїемъ къ стрꙋѧ́мъ і҆ѻрда̑нскимъ, и҆ ᲂу҆ви́димъ зижди́телѧ, пло́тски креща́ема ѿ і҆ѡа́нна прⷣте́чи, и҆ съ ни́мъ бг҃осло́вѧще, воспои́мъ: бл҃гослове́нъ, ꙗ҆вле́йсѧ бж҃е на́шъ, сла́ва тебѣ̀."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, то́йже подо́бенъ:"
|
|
},
|
|
{
|
|
"type": "TEXT",
|
|
"value": "Ѽ па́че ᲂу҆ма̀ бжⷭ҇твеннагѡ смотре́нїѧ! Ка́кѡ творе́цъ тва́ри предста̀, и҆ преклонѧ́етъ семꙋ̀ главꙋ̀; ᲂу҆каза́нїемъ бо на́мъ ѻ҆́бразъ смире́нїѧ вво́дитъ, и҆̀же ѡ҆ не́мъ просвѣщє́ннымъ, є҆мꙋ́же пое́мъ: бл҃гослове́нъ, ꙗ҆вле́йсѧ бж҃е на́шъ, сла́ва тебѣ̀."
|
|
},
|
|
{
|
|
"type": "HEADER",
|
|
"value": "На лїтꙋргі́и бл҃жє́нна пра́здника, пѣ́снь з҃, на ѕ҃."
|
|
}
|
|
] |