258 lines
20 KiB
JSON
258 lines
20 KiB
JSON
[
|
|
{
|
|
"type": "HEADER",
|
|
"value": "А҆прі́ллїа к҃ѕ"
|
|
},
|
|
{
|
|
"type": "HEADER",
|
|
"value": "Ст҃а́гѡ сщ҃енномꙋ́ченика васі́лїа, є҆пⷭ҇кпа а҆масі́йскагѡ:"
|
|
},
|
|
{
|
|
"type": "HEADER",
|
|
"value": "На Гдⷭ҇и, воззва́хъ, стїхи̑ры, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Ꙗ҆́кѡ до́блѧ:"
|
|
},
|
|
{
|
|
"type": "TEXT",
|
|
"value": "Надъ всѣ́ми, бл҃же́нне, страстьмѝ ца́рствовалъ є҆сѝ, зако́номъ бжⷭ҇твеннымъ, сла́вне, ᲂу҆твержда́емь, и҆ по́мыслъ ꙗ҆́снѡ самоде́ржца сотво́рь, и҆ бы́въ бж҃їй предста́тель, по достоѧ́нїю пома́занїе свѧ́то прїѧ́лъ є҆сѝ, и҆ ста́дꙋ во́ждь бы́лъ є҆сѝ слове́сномꙋ, ст҃и́телємъ и҆ страда́льцємъ ᲂу҆добре́нїе."
|
|
},
|
|
{
|
|
"type": "TEXT",
|
|
"value": "Ꙗ҆́кѡ ѻ҆вна̀ ѿ ста́да тѧ̀, васі́лїе пребл҃же́нне, ца́рь беззако́нный ѿлꙋчѝ, и҆ цр҃ѧ̀ проповѣ́дающа хрⷭ҇та̀ бг҃а на́шего, пожре́наго ꙗ҆́кѡ а҆́гнѧ, закала́етъ тѧ̀ непра́веднѡ, и҆ повелѣва́етъ тѧ̀ въ мо́ре воврещѝ, хода́тайствꙋѧ тебѣ̀ нбⷭ҇ное црⷭ҇тво, и҆ вѣ́чнꙋющꙋю сла́вꙋ."
|
|
},
|
|
{
|
|
"type": "TEXT",
|
|
"value": "Въ вода́хъ стези̑ твоѧ̑ пресла́внѡ сотвори́лъ є҆сѝ, васі́лїе сла́вне: по кончи́нѣ бо вве́рженъ бы́въ, ꙗ҆́коже предре́клъ є҆сѝ, крѣ́пкѡ преплы́въ, и҆ гра́дꙋ твоемꙋ̀ себѐ а҆масі́йскомꙋ ѿда́въ бре́мѧ че́стнѡ, непосты́дна моли́твенника, и҆сцѣле́нїй рѣкꙋ̀, и҆ недꙋ́гѡвъ разли́чныхъ ѡ҆чисти́лище."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, пра́здника, и҆лѝ бг҃оро́диченъ:"
|
|
},
|
|
{
|
|
"type": "TEXT",
|
|
"value": "Ꙗ҆́же бг҃а невмѣсти́маго во чре́вѣ твое́мъ вмѣсти́вшаѧ, чл҃вѣколю́бнѡ чл҃вѣ́ка бы́вша, и҆ на́ше смѣше́нїе и҆зъ тебє̀ прїи́мша, и҆ ѡ҆божи́вша ꙗ҆́вѣ, не пре́зри менє̀, всечⷭ҇таѧ, ны́нѣ скорбѧ́ща: но ᲂу҆ще́дри ско́рѡ, и҆ разли́чныѧ вражды́ же и҆ вре́да лꙋка́вагѡ свободѝ."
|
|
},
|
|
{
|
|
"type": "TEXT",
|
|
"value": "Крⷭ҇тобг҃оро́диченъ: А҆́гнца и҆ па́стырѧ тѧ̀ на дре́вѣ ꙗ҆́кѡ ви́дѣ, а҆́гница ро́ждшаѧ рыда́ше, и҆ мт҃рски тѝ вѣща́ше: сн҃е возжелѣ́нне, ка́кѡ на дре́вѣ крⷭ҇тнѣмъ повѣ́шенъ є҆сѝ, долготерпѣли́ве; ка́кѡ рꙋ́цѣ и҆ но́зѣ твоѝ, сло́ве, пригвозди́шасѧ ѿ беззако́нныхъ, и҆ кро́вь твою̀ и҆злїѧ́лъ є҆сѝ, влⷣко;"
|
|
},
|
|
{
|
|
"type": "HEADER",
|
|
"value": "Канѡ́нъ. Гла́съ д҃."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ѿве́рзꙋ ᲂу҆ста̀ моѧ̑, и҆ напо́лнѧтсѧ дх҃а, и҆ сло́во ѿры́гнꙋ цр҃и́цѣ мт҃ри, и҆ ꙗ҆влю́сѧ свѣ́тлѡ торжествꙋ́ѧ, и҆ воспою̀ ра́дꙋѧсѧ тоѧ̀ чꙋдеса̀."
|
|
},
|
|
{
|
|
"type": "TEXT",
|
|
"value": "Пѣ́ти тѧ̀, сла́вне, ᲂу҆се́рдствꙋющꙋ, премꙋ́дрость мѝ пода́ждь, и҆ ра́зꙋма сло́во, моли́твами твои́ми, бжⷭ҇твєнныѧ по́двиги твоѧ̑ восхвали́ти, хрⷭ҇то́вы ра́ди любвѐ, ю҆́же показа́лъ є҆сѝ крѣ́пкѡ."
|
|
},
|
|
{
|
|
"type": "TEXT",
|
|
"value": "Мѵ́ромъ бл҃года́ти ст҃и́тель ꙗ҆ви́лсѧ є҆сѝ, пома́завсѧ, свѧще́нне, хрⷭ҇тꙋ̀ досто́йнѡ са́мъ сѧ̀ ꙗ҆́кѡ же́ртва мꙋче́нїемъ чиста̀, и҆ безкрѡ́вныѧ жє́ртвы приносѧ̀."
|
|
},
|
|
{
|
|
"type": "TEXT",
|
|
"value": "Побѣ́дною ᲂу҆кра́шенъ багрѧни́цею страда́нїй твои́хъ, и҆ кро́ви вѣнце́мъ ᲂу҆добре́нъ, ца́рь страсте́й показа́лсѧ є҆сѝ, ст҃и́телю: разгна́въ же пре́лесть, ца́рствꙋеши со хрⷭ҇то́мъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Созда́вый человѣ́ка пе́рвѣе ѿ землѝ, во чре́вѣ твое́мъ воплоща́етсѧ, и҆ чл҃вѣ́къ соверше́нъ быва́етъ. Тѣ́мже во двою̀ сꙋщєствꙋ̀, бцⷣе, соверше́нна зна́емъ є҆го̀, пренепоро́чнаѧ."
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "TEXT",
|
|
"value": "І҆рмо́съ: Не мꙋ́дростїю и҆ си́лою, и҆ бога́тствомъ хва́лимсѧ, но тобо́ю, ѻ҆́ч҃ею ѵ҆поста́сною мꙋ́дростїю, хрⷭ҇тѐ, нѣ́сть бо свѧ́тъ, па́че тебє̀, чл҃вѣколю́бче."
|
|
},
|
|
{
|
|
"type": "TEXT",
|
|
"value": "Же́ртва ты̀ хрⷭ҇тꙋ̀ са́мъ приве́лсѧ є҆сѝ, ꙗ҆́коже непоро́чна, ѻ҆гне́мъ твоеѧ̀, мꙋ́дре, со́вѣсти, страда́нїемъ всесожже́нъ. Два́жды."
|
|
},
|
|
{
|
|
"type": "TEXT",
|
|
"value": "Премꙋ́дрости сло́вомъ, ѡ҆снова́нїемъ хрⷭ҇то́съ ᲂу҆твердѝ на ка́мени, непрекло́ннѡ возведе́ тѧ, васі́лїе сла́вне, ꙗ҆́коже па́стырѧ мꙋ́дра."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ро́дъ земны́й ржⷭ҇тво́мъ твои́мъ, пречⷭ҇таѧ, разрѣши́сѧ дре́внїѧ вои́стиннꙋ клѧ́твы. Тѣ́мже бжⷭ҇твеннагѡ твоегѡ̀ зра́ка подо́бїе почита́емъ, влⷣчце."
|
|
},
|
|
{
|
|
"type": "HEADER",
|
|
"value": "Сѣда́ленъ, гла́съ г҃."
|
|
},
|
|
{
|
|
"type": "TEXT",
|
|
"value": "Подо́бенъ: Бжⷭ҇твенныѧ вѣ́ры:"
|
|
},
|
|
{
|
|
"type": "TEXT",
|
|
"value": "Бжⷭ҇твеннымъ дх҃омъ просвѣще́нъ, горды́ню мꙋчи́телѧ со дерзнове́нїемъ па́стырскимъ велемꙋ́дреннѡ посрами́лъ є҆сѝ, и҆ преше́дъ пре́лести пꙋчи́нꙋ, ко приста́нищꙋ бжⷭ҇твенномꙋ дости́глъ є҆сѝ. ѻ҆́ч҃е прпⷣбне, хрⷭ҇та̀ бг҃а молѝ, дарова́ти на́мъ ве́лїю ми́лость."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Бжⷭ҇твеннаѧ ски́нїѧ была̀ є҆сѝ сло́ва, є҆ди́на пречⷭ҇таѧ мт҃и дв҃о, чⷭ҇тото́ю а҆́гг҃лы превозше́дшаѧ, па́че всѣ́хъ менѐ пе́рсть бы́вша, ѡ҆скверне́на плотски́ми прегрѣше́ньми ѡ҆чи́сти моли́твъ твои́хъ бжⷭ҇твенными вода́ми, подаю́щи, чⷭ҇таѧ, ве́лїю ми́лость."
|
|
},
|
|
{
|
|
"type": "TEXT",
|
|
"value": "Крⷭ҇тобг҃оро́диченъ: Нескве́рнаѧ а҆́гница сло́ва, нетлѣ́ннаѧ дв҃а мт҃и, на крⷭ҇тѣ̀ зрѧ́щи повѣ́шена и҆зъ неѧ̀ безъ болѣ́зни прозѧ́бшаго, мт҃рски подо́бнѡ рыда́ющи, вопїѧ́ше: ᲂу҆вы̀ мнѣ̀, ча́до моѐ, ка́кѡ стра́ждеши во́лею, хотѧ̀ и҆зба́вити ѿ страсте́й безче́стїѧ человѣ́ка;"
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "TEXT",
|
|
"value": "І҆рмо́съ: Неизслѣ́дный бж҃їй совѣ́тъ, є҆́же ѿ дв҃ы воплоще́нїѧ тебѐ вы́шнѧгѡ, прⷪ҇ро́къ а҆ввакꙋ́мъ ᲂу҆смотрѧ́ѧ, зовѧ́ше: сла́ва си́лѣ твое́й, гдⷭ҇и."
|
|
},
|
|
{
|
|
"type": "TEXT",
|
|
"value": "На жи́зненнѣй водѣ̀ бжⷭ҇твенныхъ и҆стѡ́чникъ, ѻ҆́ч҃е, на травѣ́ же вѣ́ры, па́лицею ᲂу҆че́нїй твои́хъ, мꙋ́дре, хрⷭ҇то́во наста́вилъ є҆сѝ ста́до, васі́лїе преблаже́нне."
|
|
},
|
|
{
|
|
"type": "TEXT",
|
|
"value": "Глаго́лы бг҃омꙋ́дрыми, мч҃ниче хрⷭ҇то́въ, беззако́ннагѡ ѡ҆бличи́лъ є҆сѝ и҆ ѕлоимени́тагѡ лѷкїні́а благодерзнове́ннѣ бг҃оме́рзское безꙋ́мїе: побѣ́дою же по́чести вѣнча́лсѧ є҆сѝ."
|
|
},
|
|
{
|
|
"type": "TEXT",
|
|
"value": "Неразсѣда́емое ѡ҆снова́нїе водрꙋзи́лъ є҆сѝ, мꙋ́дре, ты̀ на ка́мени вѣ́ры, треволнє́нїѧ, свѧщенномч҃ниче, крѣ́пкѡ ле́сти і҆́дѡльскїѧ претерпѣ́лъ є҆сѝ, сїю̀ разорѧ́ѧ си́лою хрⷭ҇то́вою."
|
|
},
|
|
{
|
|
"type": "TEXT",
|
|
"value": "Бг҃оро́диченъ: И҆сцѣлѝ сокрꙋше́нїе, мт҃и бж҃їѧ, є҆стества̀ человѣ́ческагѡ, безнача́льное сло́во во двою̀ ро́ждши сꙋщєствꙋ̀ нераздѣ́льнѡ, всенепоро́чнаѧ: пло́ти почита́емъ подо́бїе."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆жасо́шасѧ всѧ́чєскаѧ ѡ҆ бжⷭ҇твеннѣй сла́вѣ твое́й: ты́ бо, неискꙋсобра́чнаѧ дв҃о, и҆мѣ́ла є҆сѝ во ᲂу҆тро́бѣ надъ всѣ́ми бг҃а, и҆ родила̀ є҆сѝ безлѣ́тнаго сн҃а, всѣ̑мъ воспѣва́ющымъ тѧ̀ ми́ръ подава́ющаѧ."
|
|
},
|
|
{
|
|
"type": "TEXT",
|
|
"value": "Оу҆крѣплѧ́емь, сла́вне, ѿ хрⷭ҇та̀, ѡ҆бличи́лъ є҆сѝ ле́сть і҆́дѡльскꙋю, ст҃и́телю: нача́льникꙋ же сеѧ̀, ꙗ҆́коже хꙋдѣ́й пти́цѣ, нарꙋга́лсѧ є҆сѝ, крѣ́пкѡ, мч҃ниче, вѣ́ры тече́нїе преше́дъ, мꙋ́дре. Два́жды."
|
|
},
|
|
{
|
|
"type": "TEXT",
|
|
"value": "Ꙗ҆́коже дрꙋгі́й мѡѷсе́й, мо́ре нече́стїѧ ꙗ҆́вѣ, вѣ́ры жезло́мъ раздѣли́лъ є҆сѝ, но́ваго, преблаже́нне васі́лїе, і҆и҃лѧ, ꙗ҆́кѡ во ѡ҆бѣтова́ннꙋю зе́млю прове́лъ є҆сѝ, къ свѣ́тꙋ бг҃оразꙋ́мїѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Бжⷭ҇твенное подо́бїе зра́ка твоегѡ̀, бцⷣе чⷭ҇таѧ, всѝ ѻ҆бра́знѡ въ поклоне́нїе и҆мꙋ́ще, собо́ръ є҆реті́чествꙋющихъ при́снѡ слове́снѡ ѿгонѧ́емъ, и҆̀же твои́ми богатѧ́щїисѧ мольба́ми и҆ по́мощїю, пренепоро́чнаѧ."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Возопѝ, проѡбразꙋ́ѧ погребе́нїе тридне́вное, прⷪ҇ро́къ і҆ѡ́на, въ ки́тѣ молѧ́сѧ: ѿ тлѝ и҆зба́ви мѧ̀, і҆и҃се, цр҃ю̀ си́лъ."
|
|
},
|
|
{
|
|
"type": "TEXT",
|
|
"value": "Не терпѧ́ше лю́тый и҆ беззако́нный мꙋчи́тель, є҆́же въ словесѣ́хъ дерзнове́нїѧ твоегѡ̀, мч҃ниче: и҆ дїа́волъ лю́тѡ воѡрꙋжа́етъ на тѧ̀ лѷкїні́а, сла́вне. Два́жды."
|
|
},
|
|
{
|
|
"type": "TEXT",
|
|
"value": "Мнѣ́въ твою̀ тве́рдость и҆ де́рзость, свѧ́те, ᲂу҆мѧгчи́ти ласка́ньми, ѕлодѣ́й томи́тель, наде́жды, мꙋ́чениче, погрѣшѝ, нога́ми твои́ми сокрꙋши́всѧ держа́внѡ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Твои́мъ ржⷭ҇тво́мъ болѣ́зней є҆́ѵа и҆зба́висѧ, бцⷣе: и҆зба́вителѧ бо ро́дꙋ родила̀ є҆сѝ человѣ́ческомꙋ, є҆ди́на ᲂу҆добре́нїе, пречⷭ҇таѧ влⷣчце."
|
|
},
|
|
{
|
|
"type": "HEADER",
|
|
"value": "Конда́къ, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Ꙗ҆ви́лсѧ є҆сѝ дне́сь:"
|
|
},
|
|
{
|
|
"type": "TEXT",
|
|
"value": "Царе́во повелѣ́нїе преѡби́дѣвъ, црⷭ҇тво нбⷭ҇ное полꙋчи́лъ є҆сѝ, васі́лїе: въ не́мже ликꙋ́ѧ, помина́й на́съ чтꙋ́щихъ па́мѧть твою̀, сщ҃енномч҃ниче:"
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "TEXT",
|
|
"value": "І҆рмо́съ: Спасы́й во ѻ҆гнѝ а҆враа́мскїѧ твоѧ̑ ѻ҆́троки, и҆ халдє́и ᲂу҆би́въ, ꙗ҆̀же пра́вда пра́веднѡ ᲂу҆ловлѧ́ше: препѣ́тый гдⷭ҇и, бж҃е ѻ҆тє́цъ на́шихъ, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Го́рдый вра́гъ и҆ вельмѝ хвалѧ́йсѧ, ꙗ҆́кѡ птенца̀ разори́ти зе́млю, сопротивле́нїемъ твои́мъ побѣди́сѧ держа́внѡ, и҆ ꙗ҆́вѣ ни́зꙋ паде́сѧ подъ но́зѣ твоѝ свѧще́ннѣи, свѧщенномꙋ́чениче."
|
|
},
|
|
{
|
|
"type": "TEXT",
|
|
"value": "Свѣ́томъ вѣ́ры ꙗ҆́вѣ і҆́дѡльское ѡ҆мраче́нїе ты̀ ѿгна́лъ є҆сѝ, мꙋ́дре, хрⷭ҇тꙋ̀ хвала́ми, бл҃же́нне, поѧ̀, ꙗ҆́коже ѻ҆́троцы пе́рвѣе: бж҃е ѻ҆тє́цъ на́шихъ, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Ни ласка̑нїи тве́рдость, ни прещє́нїи, ст҃и́телю, мꙋчи́телей, васі́лїе, не ѡ҆сла́билъ є҆сѝ ѿню́дъ, сла́вне, дꙋше́внꙋю крѣ́пость: но не ᲂу҆ѧ́звенъ, ꙗ҆́коже цвѣ́ты, и҆скꙋшє́нїѧ ты̀ претерпѣ́лъ є҆сѝ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Зако́ны, чⷭ҇таѧ, ржⷭ҇тва̀ превозшла̀ є҆сѝ, зижди́телѧ ро́ждши ꙗ҆́вѣ всеѧ̀ тва́ри. Тѣ́мже и҆́стиннꙋю тѧ̀ бцⷣꙋ, всепѣ́таѧ, вѣ́рнїи преблагоче́стнѡ ны́нѣ и҆сповѣ́дꙋемъ."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ѻ҆́троки благочести̑выѧ въ пещѝ ржⷭ҇тво̀ бг҃оро́дичо спасло̀ є҆́сть, тогда̀ ᲂу҆́бѡ ѡ҆бразꙋ́емое, ны́нѣ же дѣ́йствꙋемое, вселе́ннꙋю всю̀ воздвиза́етъ пѣ́ти тебѣ̀: гдⷭ҇а по́йте, дѣла̀, и҆ превозноси́те є҆го̀ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Стрѣла́ми премꙋ́дрости, ст҃и́телю, низло́жь подъ но́зѣ ле́сть, пребл҃же́нне, вѣнцы̀ вѣнча́лсѧ є҆сѝ побѣ́дными, ꙗ҆́кѡ побо́рникъ пресла́венъ вѣ́ры, бжⷭ҇твеннымъ дх҃омъ: гдⷭ҇а, зовы́й, воспѣва́йте, дѣла̀, и҆ превозноси́те є҆го̀ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Вы́ю пре́лести, ст҃и́телю, мече́мъ вѣ́ры посѣ́клъ є҆сѝ, ᲂу҆сѣ́ченъ бы́въ во главꙋ̀ твою̀, сла́вне, и҆ ѿ хрⷭ҇та̀ вѣне́цъ побѣ́ды прїѧ́лъ є҆сѝ, вопїѧ̀: бл҃гослови́те, всѧ̑ дѣла̀, гдⷭ҇а, и҆ превозноси́те є҆го̀ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Совокꙋпи́сѧ тѣлесѝ твоемꙋ̀, бл҃же́нне, глава̀ по ѿсѣче́нїи, є҆́же и҆ пресла́внѡ, и҆ безмѣ́рнаѧ пꙋчи́на принесѐ ѡ҆кормле́нїемъ, свѧ́те, бжⷭ҇твеннагѡ дх҃а: и҆ ны́нѣ со а҆́гг҃лы ликꙋ́ѧ, со ѻ҆ц҃е́мъ сла́виши сн҃а и҆ бжⷭ҇твеннаго дх҃а."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ꙗ҆́дъ ѕмїи́нъ, дв҃о, є҆́ѵинъ ѿсѣ́кла є҆сѝ ржⷭ҇тво́мъ твои́мъ, сло́во ꙗ҆́кѡ ро́ждши пло́тїю ѵ҆поста́сное, во ᲂу҆тро́бѣ, пречⷭ҇таѧ, твое́й совокꙋ́плена стра́шнѡ, ѻ҆ц҃ꙋ̀ ѵ҆поста́сное сло́во: є҆гѡ́же плотско́е подо́бїе почита́емъ."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Є҆́ѵа ᲂу҆́бѡ недꙋ́гомъ преслꙋша́нїѧ клѧ́твꙋ всели́ла є҆́сть, ты́ же, дв҃о бцⷣе, прозѧбе́нїемъ чревоноше́нїѧ мі́рови бл҃гослове́нїе процвѣла̀ є҆сѝ: тѣ́мъ тѧ̀ всѝ велича́емъ."
|
|
},
|
|
{
|
|
"type": "TEXT",
|
|
"value": "Въ приста́нище ꙗ҆́вѣ ᲂу҆стреми́всѧ, пресла́вне, треволнє́нїѧ бꙋ́ри і҆́дѡльскїѧ преше́лъ є҆сѝ, бжⷭ҇твеннымъ ѡ҆кормле́нїемъ дх҃а, съ вы́шними ликꙋ́ѧ си́лами: помѧнѝ, бл҃же́нне, чтꙋ́щыѧ тѧ̀. Два́жды."
|
|
},
|
|
{
|
|
"type": "TEXT",
|
|
"value": "Бжⷭ҇твеннѣ ликꙋ́ѧ, васі́лїе сла́вне, со а҆́гг҃лы, побѣ̑днаѧ ᲂу҆ престо́ла всѣ́хъ бг҃а же и҆ влⷣки, ра́дꙋѧсѧ ми́лостивнѡ назира́еши на́съ, ꙗ҆́кѡ па́стырь и҆ ст҃и́тель, пою́щыѧ тѧ̀."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Безсѣ́меннѡ безнача́льнаго сн҃а ро́ждши бг҃а сло́ва, мт҃и дв҃о, всѐ ѡ҆бнови́ла є҆сѝ є҆стество̀ на́ше, ѡ҆бветша́вшее прегрѣше́нїемъ престꙋпле́нїѧ. Тѣ́мже тѧ̀, влⷣчце, непреста́ннѡ велича́емъ."
|
|
}
|
|
] |