266 lines
20 KiB
JSON
266 lines
20 KiB
JSON
[
|
|
{
|
|
"type": "HEADER",
|
|
"value": "Ма́їа д҃і"
|
|
},
|
|
{
|
|
"type": "HEADER",
|
|
"value": "Ст҃а́гѡ мч҃ника і҆сі́дѡра, и҆́же во ѻ҆́стровѣ хі́осѣ."
|
|
},
|
|
{
|
|
"type": "HEADER",
|
|
"value": "Стїхи̑ры пра́здника, г҃: и҆ мꙋ́ченика, г҃: гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Да́лъ є҆сѝ зна́менїе:"
|
|
},
|
|
{
|
|
"type": "TEXT",
|
|
"value": "Ра́нами стрꙋ́жемь, ко́жанагѡ ᲂу҆мерщвле́нїѧ ри́зъ совле́клсѧ є҆сѝ: во ѻ҆де́ждꙋ же нетлѣ́нїѧ и҆ свѣ́тлꙋ багрѧни́цꙋ ѡ҆дѣ́ѧнъ, ско́рѡ ко дре́вꙋ жи́зненномꙋ доше́лъ є҆сѝ, жи́знь прїи́мь вои́стиннꙋ неразори́мꙋю, и҆ неконе́чнꙋю, сла́вне: є҆ѧ́же ны́нѣ насыща́ѧсѧ, пою́щыѧ тѧ̀ соблюдѝ."
|
|
},
|
|
{
|
|
"type": "TEXT",
|
|
"value": "Ре́вностїю разжига́емь благоче́стїѧ, і҆сі́дѡре, вше́лъ є҆сѝ въ сꙋди́ще, те́плѣ страда́нїѧ, и҆ вѣне́цъ побѣ́ды, мꙋ́чениче прїѧ́тъ, на ле́сть ᲂу҆чє́нїи бг҃опоко́рными ᲂу҆краша́емь, крⷭ҇тнымъ же ᲂу҆крѣплѧ́емь всеѻрꙋ́жїемъ, низложи́лъ є҆сѝ льсти́ваго томи́телѧ, вѣнцено́сецъ показꙋ́ѧсѧ."
|
|
},
|
|
{
|
|
"type": "TEXT",
|
|
"value": "Вои́стиннꙋ превзыдо́ша мч҃ничєскаѧ страда̑нїѧ похвале́нїемъ подо́бїѧ, и҆ сло́ва и҆ по́мысла: тве́рди бо столпѝ благоче́стїѧ, тѣ́ломъ ме́ртвеннымъ и҆ стра́стнымъ, ра́внѡ на́мъ соѡбложе́ни, на ѻ҆́гнь же дерзнꙋ́ша, и҆ ꙗ҆́звы преѡби́дѣша, ꙗ҆́кѡ въ тѣлесѝ стра́ждꙋще чꙋжде́мъ, сла́внїи."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, пра́здника. Тропа́рь, гла́съ д҃:"
|
|
},
|
|
{
|
|
"type": "TEXT",
|
|
"value": "Мч҃никъ тво́й, гдⷭ҇и, і҆сі́дѡръ, во страда́нїи свое́мъ вѣне́цъ прїѧ́тъ нетлѣ́нный ѿ тебє̀ бг҃а на́шегѡ: и҆мѣ́ѧй бо крѣ́пость твою̀, мꙋчи́телей низложѝ, сокрꙋшѝ и҆ де́мѡнѡвъ немѡщны́ѧ де́рзѡсти. Тогѡ̀ моли́твами спасѝ дꙋ́шы на́шѧ."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, пра́здника."
|
|
},
|
|
{
|
|
"type": "HEADER",
|
|
"value": "Канѡ́нъ. Гла́съ и҃."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Во́дꙋ проше́дъ ꙗ҆́кѡ сꙋ́шꙋ, и҆ є҆гѵ́петскагѡ ѕла̀ и҆збѣжа́въ, і҆и҃льтѧнинъ вопїѧ́ше: и҆зба́вителю и҆ бг҃ꙋ на́шемꙋ пои́мъ."
|
|
},
|
|
{
|
|
"type": "TEXT",
|
|
"value": "Твои́ми моли́твами, мч҃ниче хрⷭ҇то́въ, і҆сі́дѡре блаже́нне, съ нб҃сѐ просвѣще́нїе пода́ждь мнѣ̀ и҆ благода́ть, восхвали́ти пра́здникъ тво́й честны́й."
|
|
},
|
|
{
|
|
"type": "TEXT",
|
|
"value": "Соверше́нно и҆мѣ́ѧ къ бг҃ꙋ, і҆сі́дѡре мꙋ́чениче, се́рдце и҆ дꙋ́шꙋ, и҆ непоро́чно стѧжа́въ житїѐ, съ мꙋ́чєники подвиза́лсѧ є҆сѝ до́брѣ."
|
|
},
|
|
{
|
|
"type": "TEXT",
|
|
"value": "Зако́ннѡ ᲂу҆стро́ивъ твою̀ жи́знь, і҆сі́дѡре мꙋ́чениче, ꙗ҆́коже некра́домо сокро́вище, вѣ́рꙋ ᲂу҆держа́лъ є҆сѝ непрело́жнꙋ спасе́нїѧ, всеблаже́нне."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Вои́стиннꙋ ро́ждши є҆стество́мъ бг҃а, и҆́стиннѡ слы́шишисѧ бцⷣа, вои́стиннꙋ зва́нїе по коемꙋ́ждо, бжⷭ҇твеннымъ ржⷭ҇тво́мъ, чⷭ҇таѧ, носѧ́щи."
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ты̀ є҆сѝ ᲂу҆твержде́нїе притека́ющихъ къ тебѣ̀, гдⷭ҇и, ты̀ є҆сѝ свѣ́тъ ѡ҆мраче́нныхъ, и҆ пое́тъ тѧ̀ дꙋ́хъ мо́й."
|
|
},
|
|
{
|
|
"type": "TEXT",
|
|
"value": "Сло́вомъ направлѧ́емь, стра̑стнаѧ стремлє́нїѧ, сла́вне мꙋ́чениче хрⷭ҇то́въ, добродѣ́тельми по́стными, страстоте́рпче, ᲂу҆вѧди́лъ є҆сѝ."
|
|
},
|
|
{
|
|
"type": "TEXT",
|
|
"value": "И҆мѣ́ѧ непосты́дное дꙋше́вное стремле́нїе, сла́вне, всеблагоче́стнѡ и҆сповѣ́данїе невре́днѡ соблю́лъ є҆сѝ."
|
|
},
|
|
{
|
|
"type": "TEXT",
|
|
"value": "Ми́лостива моли́твами твои́ми, всѣ́хъ сꙋдїю̀ сотворѝ, благоче́стнѡ твоѐ восхвалѧ́ющымъ, страстоте́рпче, торжество̀."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Оу҆мертвѝ мꙋдрова́нїе пло́ти на́шеѧ, влⷣчце, и҆ дꙋ́шы ѡ҆живѝ, дв҃о, вѣ́рою пою́щихъ тѧ̀."
|
|
},
|
|
{
|
|
"type": "HEADER",
|
|
"value": "Конда́къ, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Ꙗ҆ви́лсѧ є҆сѝ:"
|
|
},
|
|
{
|
|
"type": "TEXT",
|
|
"value": "Оу҆пра́витель превели́кїй вселе́ннѣй ты̀ ꙗ҆ви́лсѧ є҆сѝ, свѧ́те, твои́ми къ бг҃ꙋ моли́твами: тѣ́мже воспѣва́емъ тѧ̀ дне́сь, мꙋ́чениче бг҃омꙋ́дре і҆сі́дѡре пресла́вне."
|
|
},
|
|
{
|
|
"type": "HEADER",
|
|
"value": "Та́же сѣда́ленъ, гла́съ г҃."
|
|
},
|
|
{
|
|
"type": "TEXT",
|
|
"value": "Подо́бенъ: Красотѣ̀ дѣ́вства:"
|
|
},
|
|
{
|
|
"type": "TEXT",
|
|
"value": "Подви́гсѧ на ѕмі́ѧ, поста́вилъ є҆сѝ побѣ́дꙋ, мꙋ́чениче і҆сі́дѡре, ѿ є҆гѵ́пта свѣти́льникъ, ѡ҆зарѧ́ѧ подсо́лнечнꙋю, всѣ̑мъ возсїѧ́лъ є҆сѝ, движє́нїѧ творѧ̀ къ возсїѧ́вшемꙋ и҆зъ дв҃ы бг҃оѻтрокови́цы: є҆гѡ́же ра́ди закла́нъ бы́въ, страстоте́рпче, же́ртва благово́нна бы́лъ є҆сѝ."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, пра́здника."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ты̀ моѧ̀ крѣ́пость, гдⷭ҇и, ты̀ моѧ̀ и҆ си́ла, ты̀ мо́й бг҃ъ, ты̀ моѐ ра́дованїе, не ѡ҆ста́вль нѣ́дра ѻ҆́ч҃а, и҆ на́шꙋ нищетꙋ̀ посѣти́въ. Тѣ́мъ съ прⷪ҇ро́комъ а҆ввакꙋ́момъ зовꙋ́ ти: си́лѣ твое́й сла́ва, чл҃вѣколю́бче."
|
|
},
|
|
{
|
|
"type": "TEXT",
|
|
"value": "Всего̀ въ тебѣ̀ сло́во все́льшасѧ и҆мѣ́ѧ, ꙗ҆́коже во́инъ непобѣди́мый, мꙋчи́тельскꙋю посрами́лъ є҆сѝ горды́ню: и҆ побѣдоно́сецъ тогѡ̀ ра́ди, бл҃же́нне, бы́въ, вѣне́цъ неꙋвѧда́емый ѿ бг҃а прїѧ́лъ є҆сѝ, всесла́вне мꙋ́чениче і҆сі́дѡре."
|
|
},
|
|
{
|
|
"type": "TEXT",
|
|
"value": "Ю҆́ношски погна́лъ є҆сѝ, і҆сі́дѡре, врагѝ твоѧ̑, си́хъ и҆стни́лъ є҆сѝ, стра́шнымъ ѻ҆рꙋ́жїемъ крⷭ҇та̀ ѡ҆гражде́нъ, крѣ́постїю же препоѧ́санъ, и҆ возненави́дѣвшихъ тѧ̀ потреби́лъ є҆сѝ, зовы́й: си́лѣ твое́й сла́ва, чл҃вѣколю́бче."
|
|
},
|
|
{
|
|
"type": "TEXT",
|
|
"value": "Послѣ́дꙋѧ сме́рти влⷣчнѣй, тогѡ̀ ра́ди стра̑сти терпѣ́лъ є҆сѝ: тѣ́мже нетлѣ́ннѣй тѧ̀ жи́зни, мч҃ниче, сподо́би гдⷭ҇и сла́вы. Є҆мꙋ́же въ рꙋ́цѣ пре́далъ є҆сѝ дꙋ́шꙋ твою̀, пребл҃же́нне і҆сі́дѡре."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Вопло́щсѧ ѡ҆бновлѧ́етъ всего̀ человѣ́ка, пречⷭ҇таѧ, семꙋ̀ соедини́всѧ, ѻ҆́ч҃ихъ нѣ́дръ не ѡ҆ста́вль, во твою̀ ᲂу҆тро́бꙋ всели́тисѧ и҆зво́ли: и҆ бога́тствомъ милосе́рдїѧ, во́лею ѡ҆бнища́въ, ѡ҆богатѝ мі́ръ бж҃ество́мъ."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "TEXT",
|
|
"value": "І҆рмо́съ: Вскꙋ́ю мѧ̀ ѿри́нꙋлъ є҆сѝ ѿ лица̀ твоегѡ̀, свѣ́те незаходи́мый, и҆ покры́ла мѧ̀ є҆́сть чꙋжда́ѧ тма̀ ѻ҆каѧ́ннагѡ, но ѡ҆брати́ мѧ, и҆ къ свѣ́тꙋ за́повѣдей твои́хъ, пꙋти̑ моѧ̑ напра́ви, молю́сѧ."
|
|
},
|
|
{
|
|
"type": "TEXT",
|
|
"value": "Же́ртва принесе́сѧ непоро́чнаѧ, и҆ соверше́на твоемꙋ̀ влⷣцѣ хрⷭ҇тꙋ̀, и҆ закла́нъ бы́въ ᲂу҆се́рднѡ, кро́вь твою̀ пролїѧ́лъ є҆сѝ, і҆сі́дѡре, приѡбщи́всѧ стрⷭ҇те́й є҆гѡ̀, и҆ црⷭ҇твїѧ є҆гѡ̀ досто́инъ наслѣ́дникъ бы́въ."
|
|
},
|
|
{
|
|
"type": "TEXT",
|
|
"value": "Оу҆крѣплѧ́емь, сп҃се, всеси́льною твое́ю крѣ́постїю, погаси́лъ є҆́сть мглꙋ̀ пре́лести, добропобѣ́дный мч҃никъ і҆сі́дѡръ: ᲂу҆сѣче́нъ бо во главꙋ̀, тебѣ̀ дꙋ́шꙋ жизнода́вцꙋ благохва́льнѡ предадѐ, влⷣко."
|
|
},
|
|
{
|
|
"type": "TEXT",
|
|
"value": "Оу҆краша́етсѧ, блаже́нне, твои́ми честны́ми кровьмѝ цр҃ковь хрⷭ҇то́ва, и҆ ᲂу҆ѧснѧ́етсѧ твои́хъ страда́нїй, сопротивле́нїемъ, сла́вне, проти́вꙋ грѣхꙋ̀: ты́ бо крѣ́пкѡ да́же до кро́ве противоста́лъ є҆сѝ, і҆сі́дѡре."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ѡ҆скве́рншеесѧ є҆стество̀ человѣ́ческое престꙋпле́нїемъ пе́рвымъ, и҆ лю́тѣ и҆стлѣ́вшее, и҆ мертво̀ бы́вшее возста́вила є҆сѝ, и҆сто́чникъ ро́ждшаѧ па́че ᲂу҆ма̀ безсме́ртїѧ, бцⷣе пренепоро́чнаѧ влⷣчце."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Моли́твꙋ пролїю̀ ко гдⷭ҇ꙋ, и҆ томꙋ̀ возвѣщꙋ̀ печа̑ли моѧ̑, ꙗ҆́кѡ ѕѡ́лъ дꙋша̀ моѧ̀ и҆спо́лнисѧ, и҆ живо́тъ мо́й а҆́дꙋ прибли́жисѧ, и҆ молю́сѧ, ꙗ҆́кѡ і҆ѡ́на: ѿ тлѝ, бж҃е, возведи́ мѧ."
|
|
},
|
|
{
|
|
"type": "TEXT",
|
|
"value": "Соверше́ннꙋю любо́вь къ бг҃ꙋ стѧжа́въ, страстоте́рпче пребл҃же́нне, бла̑гъ ра́ди нетлѣ́нныхъ, вои́стиннꙋ земны́хъ любо́вь ѡ҆ста́вилъ є҆сѝ, и҆ восте́клъ є҆сѝ вопїѧ̀: прилѣпи́хсѧ во слѣ́дъ тебє̀, влⷣко."
|
|
},
|
|
{
|
|
"type": "TEXT",
|
|
"value": "Ꙗ҆́кѡ жени́хъ благолѣ́пенъ, і҆сі́дѡре, добро́тами мꙋ́ченическими ᲂу҆кра́шенъ, къ нб҃сє́мъ возше́лъ є҆сѝ ра́дꙋѧсѧ, добротво́рномꙋ сїѧ́нїю предстоѧ́ти, молѧ́сѧ всегда̀ ѡ҆ творѧ́щихъ па́мѧть твою̀."
|
|
},
|
|
{
|
|
"type": "TEXT",
|
|
"value": "Претерпѣ́лъ є҆сѝ, страда́льче, закла́нїе, прозрѧ̀ тебѣ̀ вѣ́чное наслажде́нїе, и҆ пи́щꙋ присноживо́тнꙋю вои́стиннꙋ съ мꙋ́чєники, ꙗ҆́кѡ мꙋ́ченикъ непобѣди́мь, воспрїѧ́лъ є҆сѝ и҆́стиннѡ вѣне́цъ, преблаже́нне і҆сі́дѡре."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Марі́е, влⷣчнее селе́нїе, свѣ́тлыми дѣ́вства зарѧ́ми, свѣтови́днѡ ꙗ҆́кѡ крі́нъ сїѧ́ющи, посредѝ терно́внагѡ смꙋще́нїѧ: тебѣ̀ молю́сѧ бл҃го́й, согрѣше́нїй пода́ждь мѝ проще́нїе."
|
|
},
|
|
{
|
|
"type": "HEADER",
|
|
"value": "Конда́къ и҆ і҆́косъ пра́здника."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ѻ҆́троцы є҆вре́йстїи въ пещѝ попра́ша пла́мень дерзнове́ннѡ, и҆ на ро́сꙋ ѻ҆́гнь преложи́ша, вопїю́ще: бл҃гослове́нъ є҆сѝ, гдⷭ҇и бж҃е, во вѣ́ки."
|
|
},
|
|
{
|
|
"type": "TEXT",
|
|
"value": "Ны́нѣ ѡ҆сїѧ́емь, требл҃же́нне, дꙋхо́вною заре́ю, тѧ̀ пою́щымъ ѡ҆сїѧ́тисѧ съ тобо́ю благоволѝ, вопїю́щымъ: бл҃гослове́нъ є҆сѝ, гдⷭ҇и бж҃е, во вѣ́ки. Два́жды."
|
|
},
|
|
{
|
|
"type": "TEXT",
|
|
"value": "Ѽ предо́брыхъ твои́хъ подвигѡ́въ! И҆́миже разрꙋши́лъ є҆сѝ пре́лесть і҆́дѡльскꙋю, и҆ мꙋчи́телѧ лю̑тыѧ посрами́лъ є҆сѝ, зовы́й: бл҃гослове́нъ є҆сѝ, гдⷭ҇и бж҃е, во вѣ́ки."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Всест҃а́ѧ влⷣчце дв҃о, согрѣше́нїй мои́хъ ра̑ны, є҆ле́емъ милосе́рдїѧ твоегѡ̀ и҆сцѣлѝ, вопїю́щагѡ: бл҃гослове́нъ, пречⷭ҇таѧ, пло́дъ твоегѡ̀ чре́ва."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "TEXT",
|
|
"value": "І҆рмо́съ: Седмери́цею пе́щь халде́йскїй мꙋчи́тель бг҃очести̑вымъ неи́стовнѡ разжжѐ, си́лою же лꙋ́чшею спасє́ны сїѧ̑ ви́дѣвъ, творцꙋ̀ и҆ и҆зба́вителю вопїѧ́ше: ѻ҆́троцы, бл҃гослови́те, свѧще́нницы, воспо́йте, лю́дїе, превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Ласка́ньми покꙋша́шесѧ ѡ҆кра́сти мꙋчи́тель твоегѡ̀ терпѣ́нїѧ крѣ́пость и҆ си́лꙋ, всеблаже́нне і҆сі́дѡре, ко своемꙋ̀ ѕлоразꙋ́мїю: но ты̀, бг҃омꙋ́дре, хрⷭ҇та̀ бою́сѧ, вопїѧ́лъ є҆сѝ, є҆мꙋ́же и҆ слꙋжꙋ̀: ѻ҆́троцы, бл҃гослови́те, свѧще́нницы, воспо́йте, лю́дїе, превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Всесвѣ́тло ꙗ҆́кѡ со́лнце, ти́хое твоѐ лицѐ, мꙋче́нїѧ ра́дованїемъ ꙗ҆́вльшеесѧ, ꙗ҆́кѡ а҆́гнецъ бо непоро́ченъ закла́нъ бы́въ, прине́слсѧ є҆сѝ бг҃ꙋ, є҆мꙋ́же ꙗ҆́кѡ содѣ́телю пѣ́сньми вопїѧ́лъ є҆сѝ: ѻ҆́троцы, бл҃гослови́те, свѧще́нницы, воспо́йте, лю́дїе, превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Свѣтови́дно тѣ́ло твоѐ лю́бѧщымъ ꙗ҆влѧ́шесѧ, а҆́гг҃льскимъ дорѷносѧ́щымъ чинѡ́мъ, блиста́ѧсѧ, і҆сі́дѡре, чꙋде́съ свѣ́тлостьми, и҆ благода́тьми чꙋдотворе́нїѧ разли́чными, ѻ҆би̑льнаѧ подава́еши и҆сцѣлє́нїѧ вопїю́щымъ: ѻ҆́троцы, бл҃гослови́те, свѧще́нницы, воспо́йте, лю́дїе, превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Вѣті́йстїи ѧ҆зы́цы тѧ̀ восхвали́ти не мо́гꙋтъ, ѽ бг҃ороди́тельнице марі́е бг҃оневѣ́сто: бг҃а бо родила̀ є҆сѝ, надъ всѣ́ми сꙋ́щаго, ѻ҆трокови́це чⷭ҇таѧ, ѿ дв҃и́ческїѧ неискꙋсобра́чныѧ ᲂу҆тро́бы: є҆го́же ѻ҆́троцы благосло́вѧтъ, свѧще́нницы воспѣва́ютъ, лю́дїе превозно́сѧтъ во всѧ̑ вѣ́ки."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆жасе́сѧ ѡ҆ се́мъ не́бо, и҆ землѝ ᲂу҆диви́шасѧ концы̀, ꙗ҆́кѡ бг҃ъ ꙗ҆ви́сѧ человѣ́кѡмъ пло́тски, и҆ чре́во твоѐ бы́сть простра́ннѣйшее небе́съ. Тѣ́мъ тѧ̀ бцⷣꙋ, а҆́гг҃лѡвъ и҆ человѣ̑къ чинонача̑лїѧ велича́ютъ."
|
|
},
|
|
{
|
|
"type": "TEXT",
|
|
"value": "Бога́тствомъ милосе́рдїѧ соше́дый съ нб҃съ, крⷭ҇тъ же и҆ сме́рть на́съ ра́ди во́лею претерпѣ́лъ є҆сѝ, ꙗ҆́кѡ бла́гъ: сегѡ̀ ра́ди і҆сі́дѡръ на тѧ̀ взира́ѧ, вопїѧ́ше: соꙋмрꙋ̀ тебѣ̀, да жи́въ бꙋ́дꙋ, сраспнꙋ́сѧ, да црⷭ҇твꙋю съ тобо́ю."
|
|
},
|
|
{
|
|
"type": "TEXT",
|
|
"value": "Зако́ннѡ твои́хъ крове́й на землѝ ка̑пли и҆злїѧ́вшыѧсѧ, і҆сі́дѡре, на нб҃сѣ́хъ ѻ҆де́ждꙋ тебѣ̀ ѡ҆багри́ша благолѣ́пнѡ, и҆стка́нꙋ благода́тїю: въ ню́же ны́нѣ ѡ҆дѣ́ѧнъ, хрⷭ҇тꙋ̀ предстои́ши въ черто́зѣхъ, пребл҃же́нне, нбⷭ҇ныхъ, вѣне́цъ носѧ̀ мч҃ниче, сла́вне."
|
|
},
|
|
{
|
|
"type": "TEXT",
|
|
"value": "Ꙗ҆́кѡ и҆мѣ́ѧ дерзнове́нїе ко хрⷭ҇тꙋ̀, моли́тисѧ не преста́й, і҆сі́дѡре, ѿ напа́стей, бꙋ́ри же и҆ скорбе́й, и҆ страсте́й, и҆зба́вити творѧ́щихъ па́мѧть твою̀ досто́йнѡ свѧще́ннꙋю, дꙋше́внагѡ же спасе́нїѧ просѧ̀, треблаже́нне, твоегѡ̀ жре́бїѧ сподо́би."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ꙗ҆́кѡ сп҃са ро́ждшаѧ и҆ и҆зба́вителѧ, спасе́нїе мнѣ̀, ѻ҆трокови́це, сподо́би полꙋчи́ти, пречⷭ҇таѧ, прегрѣше́нїй мои́хъ плени̑цы твои́ми моли́твами разрѣша́ющи: всѧ̑ бо ꙗ҆́кѡ хо́щеши ты̀ и҆справлѧ́еши: ꙗ҆́кѡ носи́ла є҆сѝ въ нѣ́дрѣхъ всѣ́хъ цр҃ѧ̀ бл҃гостїю несравне́нною."
|
|
}
|
|
] |