878 lines
77 KiB
JSON
878 lines
77 KiB
JSON
[
|
|
{
|
|
"type": "HEADER",
|
|
"value": "І҆ꙋ́лїа і҃"
|
|
},
|
|
{
|
|
"type": "HEADER",
|
|
"value": "Па́мѧть прпⷣбнагѡ ѻ҆тца̀ на́шегѡ а҆нтѡ́нїа пече́рскагѡ, и҆́же въ кі́евѣ, бы́вшагѡ нача́льника всѣ́хъ рѡссі́йскихъ мона́хѡвъ:"
|
|
},
|
|
{
|
|
"type": "HEADER",
|
|
"value": "На ма́лѣй вече́рни, на Гдⷭ҇и, воззва́хъ, поста́вимъ стїхѡ́въ д҃. И҆ пое́мъ стїхи̑ры, гла́съ а҃."
|
|
},
|
|
{
|
|
"type": "TEXT",
|
|
"value": "Подо́бенъ: Нбⷭ҇ныхъ чинѡ́въ:"
|
|
},
|
|
{
|
|
"type": "TEXT",
|
|
"value": "Ст҃ы́ѧ горы̀ вели́кихъ ѻ҆тцє́въ, ѻ҆́ч҃е а҆нтѡ́нїе, стопа́мъ послѣ́довалъ є҆сѝ, и҆ ꙗ҆́кѡ безпло́тенъ въ пло́ти подвиза́всѧ, ѻ҆́бразъ мнѡ́гимъ добродѣ́телїю бы́лъ є҆сѝ. Ѿѻнꙋ́дꙋже и҆ дарѡ́въ чꙋде́съ ѿ хрⷭ҇та̀ сподо́билсѧ є҆сѝ, и҆сцѣлѧ́ти человѣ́кѡвъ разли̑чныѧ недꙋ́ги, молѝ спасти́сѧ дꙋша́мъ на́шымъ. Два́жды."
|
|
},
|
|
{
|
|
"type": "TEXT",
|
|
"value": "Нача́льникъ мона́шествꙋющихъ, ѻ҆́ч҃е а҆нтѡ́нїе, бы́лъ є҆сѝ, себѐ первонача́токъ безъ кро́ве бг҃ꙋ приносѧ̀, воздержа́нїемъ любомꙋ́дрїѧ: смире́нїемъ, высо́кими нра̑вы и҆ безмѣ́рнымъ поще́нїемъ врага̀ посрами́лъ є҆сѝ, прпⷣбне: молѝ спасти́сѧ дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "Свѣтоно́снаѧ па́мѧть твоѧ̀, ѻ҆́ч҃е прпⷣбне а҆нтѡ́нїе, и҆спо́лнена ра́дости и҆ весе́лїѧ ꙗ҆ви́сѧ: ѿѻнꙋ́дꙋже свѧщє́ннаѧ твоѧ̑ ча̑да соше́дшесѧ, дꙋхо́внѡ пра́зднꙋюще прославлѧ́емъ гдⷭ҇а, тебѐ и҆́скреннѡ просла́вльшаго."
|
|
},
|
|
{
|
|
"type": "HEADER",
|
|
"value": "Сла́ва, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Дне́сь гора̀ а҆ѳѡ́нскаѧ, ꙗ҆́коже но́ваго а҆враа́ма пресе́льника, тѧ̀ пресла́внѡ, ѻ҆́ч҃е, прїе́мши ра́дꙋетсѧ: ѻ҆те́чество же твоѐ, блаже́нне, па́ки сожи́телѧ тѧ̀ и҆мꙋ́щи, ѕѣлѡ̀ весели́тсѧ: и҆ пеще́ра, въ не́йже подвиза́лсѧ є҆сѝ, ѡ҆ тебѣ̀ красꙋ́етсѧ. Пресвѣ́тлый гра́дъ кі́евъ, па́мѧть твою̀ пра́зднꙋѧ торже́ствєннаѧ гдⷭ҇ꙋ воспѣва́етъ, тѧ̀ стѣ́нꙋ неразоре́ннꙋ семꙋ̀ дарова́вшаго. Мы́ же ча̑да твоѧ̑, твои́мъ наꙋче́нїемъ наставлѧ́еми, ны́нѣ пресла́вное твоѐ ᲂу҆спе́нїе пра́зднꙋюще мо́лимсѧ: молѝ спасти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Бцⷣе, ты̀ є҆сѝ лоза̀:"
|
|
},
|
|
{
|
|
"type": "HEADER",
|
|
"value": "На стїхо́внѣ стїхи̑ры, гла́съ в҃."
|
|
},
|
|
{
|
|
"type": "TEXT",
|
|
"value": "Подо́бенъ: До́ме є҆ѵфра́ѳовъ:"
|
|
},
|
|
{
|
|
"type": "TEXT",
|
|
"value": "Ѿ земны́хъ къ нбⷭ҇нымъ ѻ҆би́телемъ пресла́внѡ, ѻ҆́ч҃е, преше́лъ є҆сѝ, и҆ та́мѡ прпⷣбныхъ че́сти сподо́билсѧ є҆сѝ: съ ни́миже молѝ, спасти́сѧ дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "Сті́хъ: Честна̀ предъ гдⷭ҇емъ сме́рть прпⷣбныхъ є҆гѡ̀."
|
|
},
|
|
{
|
|
"type": "TEXT",
|
|
"value": "Тѣлє́снаѧ чꙋ̑вства воздержа́нїемъ, ѻ҆́ч҃е, ᲂу҆мертви́лъ є҆сѝ: тѣ́мъ и҆ въ те́мнꙋю пеще́рꙋ, ꙗ҆́кѡ въ пресвѣ́тлый черто́гъ всели́лсѧ є҆сѝ, и҆дѣ́же и҆ ᲂу҆чени̑къ мно́жество хрⷭ҇тꙋ̀ приве́лъ є҆сѝ."
|
|
},
|
|
{
|
|
"type": "TEXT",
|
|
"value": "Сті́хъ: Блаже́нъ мꙋ́жъ боѧ́йсѧ гдⷭ҇а, въ за́повѣдехъ є҆гѡ̀ восхо́щетъ ѕѣлѡ̀."
|
|
},
|
|
{
|
|
"type": "TEXT",
|
|
"value": "Ста́до твоѐ тебѐ почита́ющее, прпⷣбне, и҆ твоѐ ᲂу҆спе́нїе пра́зднꙋющее, ва́рварскагѡ наше́ствїѧ и҆збавлѧ́ѧ, молѝ спасти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, гла́съ в҃:"
|
|
},
|
|
{
|
|
"type": "TEXT",
|
|
"value": "Хра́мъ прече́стенъ бж҃їѧ мт҃ре, ꙗ҆́коже сама̀ та̀ восхотѣ̀, воздви́глъ є҆сѝ, и҆ та́мѡ мно́жество ᲂу҆чєни́къ собра́лъ є҆сѝ въ не́мъ, воспѣва́ти влⷣчцꙋ и҆ бцⷣꙋ, ю҆́же молѝ, мо́лимтисѧ, прпⷣбне а҆нтѡ́нїе, не ѡ҆ста́вити, ꙗ҆́коже ѡ҆бѣща́лсѧ є҆сѝ, свѧще́нное твоѐ ста́до, и҆збавлѧ́ѧ и҆ спаса́ѧ ѿ проти́вныхъ наше́ствїѧ: да тебѐ всѝ ꙗ҆́кѡ чадолюби́ваго ѻ҆тца̀ пѣ́сньми непреста́ннѡ почита́емъ, просѧ́ще ѿ хрⷭ҇та̀ прїѧ́ти тобо́ю ве́лїю ми́лость."
|
|
},
|
|
{
|
|
"type": "HEADER",
|
|
"value": "Тропа́рь, гла́съ д҃:"
|
|
},
|
|
{
|
|
"type": "TEXT",
|
|
"value": "Ѿ мїрска́гѡ мѧте́жа и҆зше́дъ, ѿверже́нїемъ же мі́ра є҆ѵⷢ҇льски хрⷭ҇тꙋ̀ послѣ́довалъ є҆сѝ: и҆ равноа́гг҃льное житїѐ пожи́въ, въ ти́хое приста́нище ст҃ы́ѧ горы̀ а҆ѳѡ́на дости́глъ є҆сѝ, ѿѻнꙋ́дꙋже благослове́нїемъ ѻ҆тцє́въ въ го́рꙋ кі́ева прише́дъ, и҆ та́мѡ трꙋдолю́бнѡ жи́знь соверши́въ, ѻ҆те́чество твоѐ просвѣти́лъ є҆сѝ, и҆ мно́жествꙋ мона́шествꙋющихъ стезю̀ ведꙋ́щꙋю къ нбⷭ҇номꙋ црⷭ҇твїю показа́въ, хрⷭ҇тꙋ̀ сїѧ̑ приве́лъ є҆сѝ: є҆го́же молѝ, а҆нтѡ́нїе прпⷣбне, да спасе́тъ дꙋ́шы на́шѧ."
|
|
},
|
|
{
|
|
"type": "HEADER",
|
|
"value": "На вели́цѣй вече́рни стїхологисꙋ́емъ Блаже́нъ мꙋ́жъ: а҃-й а҆нтїфѡ́нъ."
|
|
},
|
|
{
|
|
"type": "HEADER",
|
|
"value": "На Гдⷭ҇и, воззва́хъ, поста́вимъ стїхѡ́въ и҃. И҆ пое́мъ стїхи̑ры, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Зва́нный свы́ше:"
|
|
},
|
|
{
|
|
"type": "TEXT",
|
|
"value": "Є҆гда̀ бжⷭ҇твенное раче́нїе на́йде на тѧ̀, прпⷣбне, тогда̀ мїрско́е пристра́стїе ꙗ҆́кѡ хꙋ́до вмѣни́лъ є҆сѝ: тѣ́мже и҆ пресе́льникъ ѿ твоегѡ̀ ѻ҆те́чества, ст҃ы́ѧ горы̀ бы́лъ є҆сѝ, и҆ та́мѡ посредѣ̀ ѻ҆́нѣхъ ѻ҆тє́цъ ꙗ҆́кѡ свѣти́ло возсїѧ́лъ є҆сѝ добродѣ́телїю, а҆нтѡ́нїе. Хрⷭ҇та̀, є҆мꙋ́же ѿ ю҆́ности послꙋжи́лъ є҆сѝ, молѝ спастѝ и҆ просвѣти́ти дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "Є҆гда̀ хрⷭ҇то́вою любо́вїю распали́лсѧ є҆сѝ, прпⷣбне, тогда̀ мі́ра сегѡ̀ мꙋдрова́нїе и҆ сла́вꙋ, ꙗ҆́кѡ преходѧ́щꙋю возненави́дѣлъ є҆сѝ. Тѣ́мже и҆ пеще́рꙋ себѣ̀ содѣ́лалъ є҆сѝ, и҆ въ не́й подвиза́лсѧ ꙗ҆́кѡ безпло́тенъ: тѣ́мже и҆ свы́ше безпло́тныхъ по́чести сподо́билсѧ є҆сѝ, съ ни́миже хрⷭ҇тꙋ̀ предстоѧ̀, молѝ спастѝ и҆ просвѣти́ти дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "Є҆гда̀ бжⷭ҇твеннꙋю любо́вь прїѧ́лъ є҆сѝ въ се́рдцы, ѻ҆́ч҃е, тогда̀ въ те́мнꙋю пеще́рꙋ, ꙗ҆́кѡ въ пресвѣ́тлый черто́гъ вше́лъ є҆сѝ, и҆ та́мѡ неизрече́нныхъ ра́зꙋма ѡ҆богати́лсѧ, зрѣ́ти бꙋ̑дꙋщаѧ ꙗ҆́кѡ настоѧ̑щаѧ, и҆ всѣ̑мъ ꙗ҆́снѡ глаго́лати: хрⷭ҇та̀, є҆мꙋ́же ѿ ю҆́ности порабо́тилсѧ є҆сѝ, того̀ молѝ, прпⷣбне, спастѝ и҆ просвѣти́ти дꙋ́шы на́шѧ."
|
|
},
|
|
{
|
|
"type": "HEADER",
|
|
"value": "И҆́ны стїхи̑ры прпⷣбнагѡ, гла́съ є҃."
|
|
},
|
|
{
|
|
"type": "TEXT",
|
|
"value": "Подо́бенъ: Прпⷣбне ѻ҆́ч҃е:"
|
|
},
|
|
{
|
|
"type": "TEXT",
|
|
"value": "Прпⷣбне ѻ҆́ч҃е а҆нтѡ́нїе, благода́тїю прест҃а́гѡ дх҃а ᲂу҆́мъ тво́й ѡ҆зари́въ, тѣ́мъ ꙗ҆́кѡ прозорли́въ проро́чески проре́клъ є҆сѝ, хотѧ́щь гнѣ́въ бж҃їй прїитѝ на правосла́вїе. Ѿню́дꙋже и҆ сі́мѡнꙋ спасе́нїе ѿ ра́тныхъ ѡ҆брꙋчи́лъ є҆сѝ: и҆ пре́жде цр҃ко́внагѡ зда́нїѧ томꙋ̀ въ не́й положе́нꙋ бы́ти предре́клъ є҆сѝ. Тѣ́мъ ꙗ҆́кѡ хода́таѧ тѧ̀ вы́нꙋ всѣ̑мъ благи̑мъ воспѣва́емъ, просѧ́ще тобо́ю ѿ хрⷭ҇та̀ прїѧ́ти ве́лїю ми́лость."
|
|
},
|
|
{
|
|
"type": "TEXT",
|
|
"value": "Прпⷣбне ѻ҆́ч҃е а҆нтѡ́нїе, ты̀ и҆́стиннагѡ па́стырѧ и҆ ᲂу҆чи́телѧ хрⷭ҇та̀ за́пѡвѣди и҆сполнѧ́ѧ, любо́вное и҆ по преставле́нїи твое́мъ показа́въ, є҆ра́зма ѡ҆ раска́ѧнїи и҆мѣ́нїѧ, лѣ́ностнѡ пожи́вшаго, моли́твами твои́ми и҆ ꙗ҆вле́нїемъ, сме́ртнагѡ недꙋ́га премѣни́лъ є҆сѝ, и҆ вре́мѧ покаѧ́нїѧ томꙋ̀ дарова́въ, и҆ны́хъ къ цѣломꙋ́дрїю наста́вилъ є҆сѝ: тѣ́мже хрⷭ҇та̀ молѝ, спасти́сѧ дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "Прпⷣбне ѻ҆́ч҃е а҆нтѡ́нїе, ты̀ съ бг҃омъ цѣломꙋ́дреннѡ кора́бль ᲂу҆ма̀ твоегѡ̀ напра́вилъ є҆сѝ, и҆ страстнꙋ́ю пꙋчи́нꙋ мо́рѧ мі́ра сегѡ̀ немѧте́жнѡ преплы́лъ є҆сѝ, дх҃а прест҃а́гѡ вѣ́триломъ направлѧ́емь, въ ти́хое приста́нище поро́ды дости́глъ є҆сѝ, и҆дѣ́же ст҃ы́хъ жили́ще, и҆ поко́й пра́ведныхъ. Съ ни́миже моли́сѧ, и҆ на́мъ та́мѡ вхо́дъ полꙋчи́ти, мо́лимсѧ."
|
|
},
|
|
{
|
|
"type": "HEADER",
|
|
"value": "Сла́ва, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Жесто́кое твоѐ житїѐ, и҆ трꙋды̀ ꙗ҆̀же по бз҃ѣ, ꙗ҆́кѡ позна́но бы́сть ѻ҆тца́ми ст҃ы́ѧ горы̀, тогда̀ бжⷭ҇твеннымъ промышле́нїемъ, па́ки ко ѻ҆те́чествꙋ твоемꙋ̀ посыла́емь быва́еши: и҆дѝ, ча́до, глаго́лѧ, ꙗ҆́кѡ да и҆ та́мѡ тобо́ю невѣ́дꙋщими бг҃ъ позна́етсѧ: ѿ ѻ҆нꙋ́дꙋже прише́дъ, преподо́бне, ѻ҆те́чество твоѐ просвѣти́лъ є҆сѝ, и҆ чинонача́льникъ мона́хѡвъ бы́лъ є҆сѝ. Тѣ́хъ мно́жєства ко хрⷭ҇тꙋ̀ приве́дъ: тѣ́мже и҆ на́съ пресвѣ́тлое твоѐ ᲂу҆спе́нїе пра́зднꙋющихъ, молѝ сохрани́ти ѿ вра̑гъ нера́тованныхъ, и҆ спасти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Кто̀ тебѐ не ᲂу҆блажи́тъ:"
|
|
},
|
|
{
|
|
"type": "HEADER",
|
|
"value": "Вхо́дъ. Прокі́менъ днѐ. Чтє́нїѧ г҃."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́ни чте́нїе. (Глава̀ г҃.)"
|
|
},
|
|
{
|
|
"type": "TEXT",
|
|
"value": "Пра́ведныхъ дꙋ́шы въ рꙋцѣ̀ бж҃їей, и҆ не прико́снетсѧ и҆́хъ мꙋ́ка. Непщева́ни бы́ша во ѻ҆чесѣ́хъ безꙋ́мныхъ ᲂу҆мре́ти, и҆ вмѣни́сѧ ѡ҆ѕлобле́нїе и҆схо́дъ и҆́хъ: и҆ є҆́же ѿ на́съ ше́ствїе, сокрꙋше́нїе, ѻ҆ни́ же сꙋ́ть въ ми́рѣ. И҆́бо предъ лице́мъ человѣ́ческимъ а҆́ще и҆ мꙋ́кꙋ прїи́мꙋтъ, ᲂу҆пова́нїе и҆́хъ безсме́ртїѧ и҆спо́лнено, и҆ вма́лѣ нака́зани бы́вше, вели́кими благодѣ́тельствовани бꙋ́дꙋтъ: ꙗ҆́кѡ бг҃ъ и҆скꙋсѝ ѧ҆̀, и҆ ѡ҆брѣ́те и҆̀хъ достѡ́йны себѣ̀. Ꙗ҆́кѡ зла́то въ горни́лѣ и҆скꙋсѝ и҆̀хъ, и҆ ꙗ҆́кѡ всепло́дїе же́ртвенное прїѧ́тъ ѧ҆̀. И҆ во вре́мѧ посѣще́нїѧ и҆́хъ возсїѧ́ютъ, и҆ ꙗ҆́кѡ и҆́скры по сте́блїю потекꙋ́тъ. Сꙋ́дѧтъ ꙗ҆зы́кѡмъ, и҆ ѡ҆блада́ютъ людьмѝ, и҆ воцр҃и́тсѧ гдⷭ҇ь въ ни́хъ во вѣ́ки. Надѣ́ющїисѧ на́нь разꙋмѣ́ютъ и҆́стинꙋ, и҆ вѣ́рнїи въ любвѝ пребꙋ́дꙋтъ є҆мꙋ̀: ꙗ҆́кѡ бл҃года́ть и҆ ми́лость въ преподо́бныхъ є҆гѡ̀, и҆ посѣще́нїе во и҆збра́нныхъ є҆гѡ̀."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́ни чте́нїе. (Глава̀ є҃.)"
|
|
},
|
|
{
|
|
"type": "TEXT",
|
|
"value": "Пра́вєдницы во вѣ́ки живꙋ́тъ, и҆ въ гдⷭ҇ѣ мзда̀ и҆́хъ, и҆ попече́нїе и҆́хъ ᲂу҆ вы́шнѧгѡ. Сегѡ̀ ра́ди прїи́мꙋтъ црⷭ҇твїе благолѣ́пїѧ, и҆ вѣне́цъ добро́ты ѿ рꙋкѝ гдⷭ҇ни: занѐ десни́цею покры́етъ ѧ҆̀, и҆ мы́шцею защити́тъ и҆̀хъ. Прїи́метъ всеѻрꙋ́жїе рве́нїе своѐ, и҆ воѡрꙋжи́тъ тва́рь въ ме́сть врагѡ́мъ. Ѡ҆блече́тсѧ въ бронѧ̀ пра́вды, и҆ возложи́тъ шле́мъ, сꙋ́дъ нелицемѣ́ренъ: прїи́метъ щи́тъ непобѣди́мый преподо́бїе: поѡстри́тъ же напра́сный гнѣ́въ во ѻ҆рꙋ́жїе: спобо́ретъ же съ ни́мъ мі́ръ на безꙋ̑мныѧ: по́йдꙋтъ праволꙋ̑чныѧ стрѣ́лы мѡ́лнїины, и҆ ꙗ҆́кѡ ѿ благокрꙋ́гла лꙋ́ка ѻ҆блакѡ́въ на намѣ́ренїе полетѧ́тъ: и҆ ѿ каменоме́тныѧ ꙗ҆́рости, и҆спо́лнь падꙋ́тъ гра́ды: вознегодꙋ́етъ на ни́хъ вода̀ морска́ѧ, рѣ́ки же потопѧ́тъ ѧ҆̀ на́глѡ. Сопроти́въ ста́нетъ и҆̀мъ дꙋ́хъ си́лы, и҆ ꙗ҆́кѡ ви́хоръ развѣ́етъ и҆̀хъ: и҆ ѡ҆пꙋстоши́тъ всю̀ зе́млю беззако́нїе, и҆ ѕлодѣ́йство преврати́тъ престо́лы си́льныхъ. Слы́шите ᲂу҆̀бо, ца́рїе, и҆ разꙋмѣ́йте: навы́кните, сꙋдїи̑ концє́въ землѝ. Внꙋши́те держа́щїи мно́жєства и҆ гордѧ́щїисѧ ѡ҆ наро́дѣхъ ꙗ҆зы̑къ: ꙗ҆́кѡ дана̀ є҆́сть ѿ гдⷭ҇а держа́ва ва́мъ, и҆ си́ла ѿ вы́шнѧгѡ."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́ни чте́нїе. (Глава̀ д҃.)"
|
|
},
|
|
{
|
|
"type": "TEXT",
|
|
"value": "Пра́ведникъ, а҆́ще пости́гнетъ сконча́тисѧ, въ поко́и бꙋ́детъ. Ста́рость бо честна̀ не многолѣ́тна, нижѐ въ числѣ̀ лѣ́тъ и҆счита́етсѧ: сѣди́на же є҆́сть мꙋ́дрость человѣ́кѡмъ, и҆ во́зрастъ ста́рости житїѐ нескве́рное. Благоꙋго́денъ бг҃ови бы́въ, возлю́бленъ бы́сть, и҆ живы́й посредѣ̀ грѣ̑шникъ преста́вленъ бы́сть. Восхище́нъ бы́сть, да не ѕло́ба и҆змѣни́тъ ра́зꙋма є҆гѡ̀, и҆лѝ ле́сть прельсти́тъ дꙋ́шꙋ є҆гѡ̀. Раче́нїе бо ѕло́бы помрача́етъ дѡ́браѧ, и҆ паре́нїе по́хоти премѣнѧ́етъ ᲂу҆́мъ неѕло́бивъ. Сконча́всѧ вма́лѣ, и҆спо́лни лѣ̑та дѡ́лга: ᲂу҆го́дна бо бѣ̀ гдⷭ҇еви дꙋша̀ є҆гѡ̀: сегѡ̀ ра́ди потща́сѧ ѿ среды̀ лꙋка́вствїѧ. Лю́дїе же ви́дѣвше, и҆ не разꙋмѣ́вше, нижѐ поло́жше въ помышле́нїи таково́е: ꙗ҆́кѡ бл҃года́ть и҆ ми́лость въ преподо́бныхъ є҆гѡ̀, и҆ посѣще́нїе во и҆збра́нныхъ є҆гѡ̀."
|
|
},
|
|
{
|
|
"type": "HEADER",
|
|
"value": "На лїті́и стїхи̑ры самогла́сны, гла́съ а҃:"
|
|
},
|
|
{
|
|
"type": "TEXT",
|
|
"value": "Тезоимени́тагѡ ра́ди твоегѡ̀ житїѧ̀, бжⷭ҇твеннымъ про́мысломъ, а҆нтѡ́нїе, нарече́нъ бы́лъ є҆сѝ, и҆менова́нїе ѿ дѣ́лъ воспрїе́мъ: ᲂу҆чєни́къ бо мно́жєства собра́въ твои̑мъ ᲂу҆че́нїємъ послѣ́дꙋющихъ, си́хъ бг҃ꙋ приве́лъ є҆сѝ, но ꙗ҆́кѡ прпⷣбнымъ сожи́тель и҆ пра́вєднымъ, съ ни́миже трⷪ҇цѣ предстоѧ́й, молѝ ѡ҆ всѣ́хъ, пресла́вное твоѐ ᲂу҆спе́нїе пѣ́сньми сла́вѧщихъ."
|
|
},
|
|
{
|
|
"type": "TEXT",
|
|
"value": "Ꙗ҆́кѡ стра́стнагѡ мра́ка мі́ра сегѡ̀ и҆збѣжа́въ, а҆нтѡ́нїе прпⷣбне, тогда̀ въ пеще́рꙋ всели́лсѧ є҆сѝ, пречꙋ́дне, и҆ та́мѡ прини́клъ є҆сѝ въ глꙋбинꙋ̀ бжⷭ҇твеннагѡ ра́зꙋма. Тѣ́мже и҆ сподо́билсѧ є҆сѝ ꙗ҆́кѡ прозорли́въ, да̑льнѧѧ проразꙋмѣва́ти, и҆ ꙗ҆́кѡ бли́зъ сꙋ̑щаѧ ꙗ҆́снѡ глаго́лати: и҆ ѡ҆ согрѣше́нїихъ людски́хъ поболѣ́въ, и҆ хотѧ̑щаѧ бы́ти за грѣхѝ человѣ́чєскїѧ, ва́рварское наше́ствїе проро́чески предре́клъ є҆сѝ. Но моли́сѧ, ѻ҆́ч҃е, мо́лимсѧ, и҆зба́витисѧ на́мъ такова́гѡ преще́нїѧ, и҆ спасти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "Гла́съ в҃:"
|
|
},
|
|
{
|
|
"type": "TEXT",
|
|
"value": "Кі́й ра́зꙋмъ человѣ́ческїй и҆лѝ ѧ҆зы́къ возмо́жетъ и҆зрещѝ, и҆лѝ похвали́ти по досто́инствꙋ житїѐ твоѐ; и҆ са́ми бо а҆́гг҃ли житїю̀ твоемꙋ̀, є҆́же на землѝ въ тѣлесѝ, ᲂу҆диви́шасѧ, и҆ похвали́ша хрⷭ҇та̀, толи́кꙋю побѣ́дꙋ, прпⷣбне, тебѣ̀ на стра̑сти дарова́вшаго: є҆го́же молѝ, прехва́льне, спасти́сѧ похвале́нїе є҆ли́кѡ мо́щно тебѣ̀ плетꙋ́щꙋ, а҆нтѡ́нїе пречꙋ́дне."
|
|
},
|
|
{
|
|
"type": "TEXT",
|
|
"value": "Блаже́нна пеще́ра, и҆мꙋ́щаѧ въ себѣ̀ чєстны́ѧ мо́щы твоѧ̑, прпⷣбне, ѿ ни́хже и҆стека́ютъ вѣ̑рнымъ и҆сцѣлє́нїѧ: блаже́нни же ᲂу҆ченицы̀ твоѝ, такова́го ᲂу҆чи́телѧ тебѐ стѧжа́вшїи, и҆ такова̀ ѻ҆тца̀ ча̑да наре́кшїисѧ, а҆нтѡ́нїе пречꙋ́дне, моли́твенниче ѡ҆ дꙋша́хъ на́шихъ."
|
|
},
|
|
{
|
|
"type": "HEADER",
|
|
"value": "Гла́съ д҃:"
|
|
},
|
|
{
|
|
"type": "TEXT",
|
|
"value": "Ны́нѣ всечестно́е и҆ свѧще́нное тѣ́ло твоѐ, прпⷣбне а҆нтѡ́нїе, въ пеще́рѣ лежа́щее, въ не́йже є҆щѐ въ жи́зни се́й мно́гѡ потрꙋди́сѧ, и҆сцѣлє́нїѧ ѻ҆би́льнѡ и҆сточа́етъ вѣ́рою приходѧ́щымъ. Тѣ́мже мо́лимъ тѧ̀: и҆ дꙋше́вное здра́вїе моли́твами твои́ми при́снѡ подава́й тебѐ ᲂу҆блажа́ющымъ."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, гла́съ и҃:"
|
|
},
|
|
{
|
|
"type": "TEXT",
|
|
"value": "Вели́ко дерзнове́нїе и҆ вѣ́ра, ю҆́же къ бг҃ꙋ стѧжа́лъ є҆сѝ, прпⷣбне а҆нтѡ́нїе: прⷪ҇ро́кꙋ бо гедеѡ́нꙋ подо́бѧсѧ, рꙋно́мъ и҆скꙋша́ющꙋ побѣ́дꙋ, та́кожде и҆ ты̀, ѻ҆́ч҃е, росо́ю хотѣ́лъ є҆сѝ ᲂу҆вѣ́дѣти, гдѣ̀ мѣ́сто ᲂу҆го́дно є҆́сть влⷣчцѣ и҆ цари́цѣ. Тѣ́мже и҆ ре́клъ є҆сѝ, а҆́ще ѡ҆брѣто́хъ благода́ть предъ тобо́ю, да бꙋ́детъ по все́й землѝ роса̀: на мѣ́стѣ, на не́мже и҆зво́лиши хра́мꙋ бы́ти, сꙋ́ша да бꙋ́детъ. И҆ па́ки, да бꙋ́детъ на мѣ́стѣ роса̀. И҆ сїѧ̑ ѻ҆боѧ̑, ѻ҆́ч҃е, полꙋчи́лъ є҆сѝ, тѣ́мже и҆ прече́стенъ хра́мъ мт҃ри бж҃їи воздви́глъ є҆сѝ: съ не́юже моли́сѧ хрⷭ҇тꙋ̀, мо́лимъ, спасти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "На стїхо́внѣ стїхи̑ры, гла́съ а҃."
|
|
},
|
|
{
|
|
"type": "TEXT",
|
|
"value": "Подо́бенъ: Всехва́льнїи мꙋ́чєницы:"
|
|
},
|
|
{
|
|
"type": "TEXT",
|
|
"value": "Стопа́мъ вели́кагѡ а҆нтѡ́нїа послѣ́довалъ є҆сѝ, прпⷣбне. Ѻ҆́нъ бо въ пꙋсты́ню безмо́лвїѧ ра́ди всели́сѧ, и҆ а҆́гг҃лѡмъ собесѣ́дникъ бы́ти сподо́бисѧ: ты́ же въ подзє́мнаѧ мѣ̑ста пеще́ры затвори́лсѧ є҆сѝ, свѣ́тъ неизрече́нный сподо́билсѧ є҆сѝ зрѣ́ти. Тѣ́мже ѻ҆́нагѡ житїю̀ поревнова́въ, и҆менова́нїе ѿ дѣ́йства прїе́мъ: съ ни́мже трⷪ҇цѣ ст҃ѣ́й предстоѧ̀, молѝ спасти́сѧ дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "Сті́хъ: Честна̀ предъ гдⷭ҇емъ сме́рть прпⷣбныхъ є҆гѡ̀."
|
|
},
|
|
{
|
|
"type": "TEXT",
|
|
"value": "Ꙗ҆́кѡ пресвѣ́тлый свѣти́льникъ въ те́мнѣ мѣ́стѣ просїѧ́лъ є҆сѝ, и҆ ꙗ҆́кѡ фі́нїѯъ въ домꙋ̀ бж҃їи прⷪ҇ро́чески процвѣ́лъ є҆сѝ: и҆ пло́дъ пресвѧ́тъ са́мъ себѐ влⷣцѣ, жи́вꙋ же́ртвꙋ без̾ кро́ве прине́слъ є҆сѝ, ѻ҆́ч҃е. Тѣ́мже тѧ̀ всѝ любо́вїю соше́дшесѧ, по достоѧ́нїю при́снѡ ᲂу҆блажа́емъ."
|
|
},
|
|
{
|
|
"type": "TEXT",
|
|
"value": "Сті́хъ: Блаже́нъ мꙋ́жъ боѧ́йсѧ гдⷭ҇а, въ за́повѣдехъ є҆гѡ̀ восхо́щетъ ѕѣлѡ̀."
|
|
},
|
|
{
|
|
"type": "TEXT",
|
|
"value": "Пеще́ра, въ не́йже лежи́тъ свѧще́нное тѣ́ло твоѐ, прпⷣбне а҆нтѡ́нїе, дх҃а прест҃а́гѡ си́лою недꙋ́ги разли̑чныѧ и҆сцѣлѧ́етъ вѣ́рою приходѧ́щихъ: бѣ́си ѿ человѣ̑къ ѿгони́ми быва́ютъ, и҆ разсла́бленнїи здра́вїе прїе́млюще ѿхо́дѧтъ. Мы́ же, похвалѧ́юще гдⷭ҇а, глаго́лемъ: честна̀ предъ гдⷭ҇емъ сме́рть ст҃ы́хъ є҆гѡ̀."
|
|
},
|
|
{
|
|
"type": "HEADER",
|
|
"value": "Сла́ва, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Ди́вно проше́нїе, и҆ вѣ́ра превели́ка, ю҆́же стѧжа́лъ є҆сѝ, прпⷣбне а҆нтѡ́нїе, прⷪ҇ро́кꙋ бо и҆лїѝ подо́бѧсѧ. Ѻ҆́нъ бо ѻ҆́гнь съ нб҃сѐ сведѐ, въ поѧде́нїе же́ртвы: та́кожде и҆ ты̀ моли́твою ѻ҆́гнь съ нб҃сѐ сво́диши, въ поѧде́нїе и҆ ѡ҆чище́нїе мѣ́ста, и҆дѣ́же пресла́вный хра́мъ влⷣчцы и҆ бцⷣы хотѧ́ше воздви́гнꙋтисѧ. Тѣ́мже тѧ̀ ꙗ҆́кѡ сожи́телѧ прпⷣбнымъ, и҆ прⷪ҇ро́кѡмъ ревни́телѧ, ᲂу҆блажа́юще мо́лимъ: моли́сѧ хрⷭ҇тꙋ̀, спасти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Творе́цъ и҆ и҆зба́витель:"
|
|
},
|
|
{
|
|
"type": "HEADER",
|
|
"value": "На благослове́нїи хлѣ́бѡвъ, тропа́рь, гла́съ д҃:"
|
|
},
|
|
{
|
|
"type": "TEXT",
|
|
"value": "Ѿ мїрска́гѡ мѧте́жа и҆зше́дъ, ѿверже́нїемъ же мі́ра є҆ѵⷢ҇льски хрⷭ҇тꙋ̀ послѣ́довалъ є҆сѝ: и҆ равноа́гг҃льное житїѐ пожи́въ, въ ти́хое приста́нище ст҃ы́ѧ горы̀ а҆ѳѡ́на дости́глъ є҆сѝ, ѿѻнꙋ́дꙋже благослове́нїемъ ѻ҆тцє́въ въ го́рꙋ кі́ева прише́дъ, и҆ та́мѡ трꙋдолю́бнѡ жи́знь соверши́въ, ѻ҆те́чество твоѐ просвѣти́лъ є҆сѝ, и҆ мно́жествꙋ мона́шествꙋющихъ стезю̀ ведꙋ́щꙋю къ нбⷭ҇номꙋ црⷭ҇твїю показа́въ, хрⷭ҇тꙋ̀ сїѧ̑ приве́лъ є҆сѝ: є҆го́же молѝ, а҆нтѡ́нїе прпⷣбне, да спасе́тъ дꙋ́шы на́шѧ. Два́жды."
|
|
},
|
|
{
|
|
"type": "TEXT",
|
|
"value": "И҆ Бцⷣе дв҃о, ра́дꙋйсѧ: Є҆ди́ножды."
|
|
},
|
|
{
|
|
"type": "HEADER",
|
|
"value": "На ᲂу҆́трени, по а҃-й стїхоло́гїи сѣда́ленъ, гла́съ д҃:"
|
|
},
|
|
{
|
|
"type": "TEXT",
|
|
"value": "Подо́бенъ: Ско́рѡ предварѝ:"
|
|
},
|
|
{
|
|
"type": "TEXT",
|
|
"value": "Пресвѣ́тлый и҆ свѣтоно́сный, бг҃омꙋ́дре а҆нтѡ́нїе, тво́й приспѣ̀ пра́здникъ, созыва́ющїй мона́хѡвъ мно́жєства просла́вити, и҆ пѣ́ти твоѐ честно́е ᲂу҆спе́нїе, просѧ́ще ѿ хрⷭ҇та̀ хода́тайствомъ твои́мъ прїѧ́ти ве́лїю ми́лость. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Ꙗ҆ви́ласѧ є҆сѝ вы́шши го́рнихъ си́лъ, влⷣкꙋ ро́ждши, бцⷣе, и҆ земны́хъ є҆стество̀ вознесла̀ є҆сѝ, бг҃оневѣ́стнаѧ: тѣ́мже тѧ̀ и҆́стиннꙋю бг҃ороди́тельницꙋ, дꙋше́ю и҆ ѧ҆зы́комъ вѣ́рнїи сла́вимъ."
|
|
},
|
|
{
|
|
"type": "HEADER",
|
|
"value": "По в҃-й стїхоло́гїи сѣда́ленъ, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Оу҆диви́сѧ і҆ѡ́сифъ:"
|
|
},
|
|
{
|
|
"type": "TEXT",
|
|
"value": "Собесѣ́дникъ и҆ сослꙋжи́тель ѻ҆тцє́мъ ст҃ы́ѧ горы̀, ѻ҆́ч҃е, бы́лъ є҆сѝ, и҆ тѣ́хъ стопа́мъ послѣ́довавъ, ꙗ҆́кѡ безпло́тенъ на землѝ пожи́лъ є҆сѝ. Тѣ́мже прпⷣбнымъ ꙗ҆ви́лсѧ є҆сѝ є҆диножи́тель: съ ни́миже и҆ въ вы́шнихъ ликовствꙋ́ѧ, молѝ спасти́сѧ дꙋша́мъ на́шымъ, тебѐ непреста́ннѡ сла́вѧщымъ. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Оу҆диви́сѧ і҆ѡ́сифъ, є҆́же па́че є҆стества̀ зрѧ̀, и҆ внима́ше мы́слїю и҆́же на рꙋно̀ до́ждь, въ безсѣ́менномъ зача́тїи твое́мъ, бцⷣе, кꙋпинꙋ̀ ѻ҆гне́мъ неѡпали́мꙋю, же́злъ а҆арѡ́новъ прозѧ́бшїй, и҆ свидѣ́тельствꙋѧ ѡ҆брꙋ́чникъ тво́й и҆ храни́тель, свѧще́нникѡмъ взыва́ше: дв҃а ражда́етъ, и҆ по ржⷭ҇твѣ̀ па́ки дв҃а пребыва́етъ."
|
|
},
|
|
{
|
|
"type": "HEADER",
|
|
"value": "По полѷеле́и сѣда́ленъ, гла́съ и҃:"
|
|
},
|
|
{
|
|
"type": "TEXT",
|
|
"value": "Подо́бенъ: Премꙋ́дрости:"
|
|
},
|
|
{
|
|
"type": "TEXT",
|
|
"value": "Въ подзє́мныѧ пещє́ры вше́лъ є҆сѝ, препⷣбне, и҆ ѿтꙋ́дꙋ ꙗ҆́кѡ побѣди́тель страсте́й, на колесни́цꙋ добродѣ́телей возше́дъ, ꙗ҆́коже дрꙋгі́й и҆лїа̀ къ нб҃сє́мъ возлетѣ́въ, та́мѡ пра́веднѡ пресвѣ́тлымъ вѣнце́мъ вѣнча́лсѧ є҆сѝ, блаже́нне. Но ꙗ҆́кѡ є҆гда̀ съ на́ми бы́лъ є҆сѝ въ жи́зни се́й, печа́сѧ и҆ промышлѧ́ѧ на́мъ полє́знаѧ: та́кѡ и҆ ны́нѣ, ѻ҆́ч҃е а҆нтѡ́нїе, молѝ хрⷭ҇та̀ бг҃а, грѣхѡ́въ ѡ҆ставле́нїе дарова́ти чтꙋ́щымъ любо́вїю ст҃ꙋ́ю па́мѧть твою̀. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Ꙗ҆́кѡ всенепоро́чнаѧ невѣ́сто творцꙋ̀, ꙗ҆́кѡ неискꙋсомꙋ́жнаѧ мт҃и и҆зба́вителѧ, прїѧ́телище ꙗ҆́кѡ сꙋ́щи ᲂу҆тѣ́шителѧ, препѣ́таѧ, беззако́нїю мѧ̀ сꙋ́ща скве́рное ѻ҆би́телище, и҆ бѣсѡ́мъ и҆гра́лище въ ра́зꙋмѣ бы́вша, потщи́сѧ ѿ тѣ́хъ ѕлодѣ́йства мѧ̀ и҆зба́вити, и҆ свѣ́тлое жили́ще добродѣ́телей совершѝ, свѣтоно́снаѧ нетлѣ́ннаѧ: ѿженѝ ѻ҆́блакъ страсте́й, и҆ вы́шнѧгѡ прича́стїѧ сподо́би, и҆ свѣ́та невече́рнѧгѡ, моли́твами твои́ми."
|
|
},
|
|
{
|
|
"type": "HEADER",
|
|
"value": "Степє́нна, а҃-й а҆нтїфѡ́нъ д҃-гѡ гла́са."
|
|
},
|
|
{
|
|
"type": "HEADER",
|
|
"value": "Прокі́менъ, гла́съ д҃:"
|
|
},
|
|
{
|
|
"type": "TEXT",
|
|
"value": "Честна̀ предъ гдⷭ҇емъ сме́рть прпⷣбныхъ є҆гѡ̀."
|
|
},
|
|
{
|
|
"type": "TEXT",
|
|
"value": "Сті́хъ: Что̀ возда́мъ гдⷭ҇еви ѡ҆ всѣ́хъ, ꙗ҆̀же воздаде́ ми;"
|
|
},
|
|
{
|
|
"type": "TEXT",
|
|
"value": "Всѧ́кое дыха́нїе:"
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе матѳе́а, зача́ло м҃г."
|
|
},
|
|
{
|
|
"type": "HEADER",
|
|
"value": "По н҃-мъ ѱалмѣ̀ стїхи́ра, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Жесто́кое твоѐ житїѐ, и҆ трꙋды̀ ꙗ҆̀же по бз҃ѣ, ꙗ҆́кѡ позна́но бы́сть ѻ҆тца́ми ст҃ы́ѧ горы̀, тогда̀ бжⷭ҇твеннымъ промышле́нїемъ, па́ки ко ѻ҆те́чествꙋ твоемꙋ̀ посыла́емь быва́еши: и҆дѝ, ча́до, глаго́лѧ, ꙗ҆́кѡ да и҆ та́мѡ тобо́ю невѣ́дꙋщими бг҃ъ позна́етсѧ: ѿ ѻ҆нꙋ́дꙋже прише́дъ, преподо́бне, ѻ҆те́чество твоѐ просвѣти́лъ є҆сѝ, и҆ чинонача́льникъ мона́хѡвъ бы́лъ є҆сѝ. Тѣ́хъ мно́жєства ко хрⷭ҇тꙋ̀ приве́дъ: тѣ́мже и҆ на́съ пресвѣ́тлое твоѐ ᲂу҆спе́нїе пра́зднꙋющихъ, молѝ сохрани́ти ѿ вра̑гъ нера́тованныхъ, и҆ спасти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "Канѡ́нъ бцⷣы со і҆рмосо́мъ на ѕ҃, гла́са и҃-гѡ. И҆ преподо́бнагѡ дв҃а канѡ́на на и҃. Гла́съ д҃."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ѿве́рзꙋ ᲂу҆ста̀ моѧ̑, и҆ напо́лнѧтсѧ дх҃а, и҆ сло́во ѿры́гнꙋ цр҃и́цѣ мт҃ри, и҆ ꙗ҆влю́сѧ, свѣ́тлѡ торжествꙋ́ѧ, и҆ воспою̀, ра́дꙋѧсѧ тоѧ̀ чꙋдеса̀."
|
|
},
|
|
{
|
|
"type": "TEXT",
|
|
"value": "Ѕѣ́льнымъ воздержа́нїемъ и҆ трꙋды̑, ѻ҆́ч҃е а҆нтѡ́нїе, и҆ всено́щнымъ стоѧ́нїемъ, дꙋ́шꙋ твою̀ цр҃ѧ̀ надъ страстьмѝ тѣле́сными поста́вилъ є҆сѝ. Тѣ́мже со свѧты́ми веселѧ́щесѧ хрⷭ҇та̀ пое́мъ, тебѣ̀ таковꙋ̀ побѣ́дꙋ на стра̑сти дарова́вшаго."
|
|
},
|
|
{
|
|
"type": "TEXT",
|
|
"value": "Приспѣ̀ дне́сь всечестны́й де́нь ᲂу҆спе́нїѧ твоегѡ̀, ѻ҆́ч҃е а҆нтѡ́нїе, бога́тнѡ веселѧ̀ ча̑да твоѧ̑, всече́стне. Тѣ́мже помина́юще твоѐ дре́внее житїѐ, и҆ а҆́гг҃льскꙋю жи́знь, свѣ́тлѡ пра́зднꙋюще, тебѐ воспѣва́емъ, ѻ҆́ч҃е."
|
|
},
|
|
{
|
|
"type": "TEXT",
|
|
"value": "Ѿ те́мныхъ мѣ́стъ восхи́тивсѧ, къ превы̑шнимъ свѣ́тлостемъ пресла́внѡ преше́лъ є҆сѝ, прпⷣбне, и҆ та́мѡ со ст҃ы́ми ꙗ҆́кѡ побѣди́тель страсте́й, ѻ҆́ч҃е, вѣнча́лсѧ є҆сѝ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Лю́тѣ погрꙋжа́емꙋю дꙋ́шꙋ мою̀ въ пꙋчи́нѣ страсте́й, бꙋ́рею безмѣ́рныхъ ѡ҆бстоѧ́нїй, спасе́нїѧ просте́рши мѝ рꙋ́кꙋ, возведѝ, влⷣчце, и҆зъ глꙋбины̀ ѕѡ́лъ мои́хъ."
|
|
},
|
|
{
|
|
"type": "HEADER",
|
|
"value": "Дрꙋгі́й канѡ́нъ прпⷣбнагѡ. Гла́съ в҃."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Во глꙋбинѣ̀ постла̀ и҆ногда̀ фараѡни́тское всево́инство преѡрꙋже́ннаѧ си́ла, вопло́щшеесѧ же сло́во всеѕло́бный грѣ́хъ потреби́ло є҆́сть: препросла́вленный гдⷭ҇ь, сла́внѡ бо просла́висѧ."
|
|
},
|
|
{
|
|
"type": "TEXT",
|
|
"value": "Є҆щѐ ѿ ма́лыѧ версты̀, прпⷣбне а҆нтѡ́нїе, вели́кꙋ любо́вь стѧжа́лъ є҆сѝ къ бг҃ꙋ: и҆ сегѡ̀ ра́ди плотска̑ѧ взыгра̑нїѧ и҆ стра̑сти до конца̀ ᲂу҆мертви́лъ є҆сѝ: и҆ чистото́ю ꙗ҆́коже кри́лы впери́всѧ пресла́внѡ, къ нб҃сє́мъ возлетѣ́лъ є҆сѝ, ѻ҆́ч҃е."
|
|
},
|
|
{
|
|
"type": "TEXT",
|
|
"value": "Влⷣчнемꙋ любостра́нствꙋ, прпⷣбне, подо́бѧсѧ, са́мъ стра́нствовати и҆зво́лилъ є҆сѝ, а҆нтѡ́нїе: тѣ́мже всеви́дѧщее ѻ҆́ко, ви́дѧ твоѐ благо́е произволе́нїе, да́ромъ чꙋде́съ ѡ҆богати́ тѧ, ꙗ҆́кѡ пресла́вна."
|
|
},
|
|
{
|
|
"type": "TEXT",
|
|
"value": "Дꙋше́внꙋю ти́хость и҆ любо́вь, ꙗ҆́же къ бг҃ꙋ, нра̑вы и҆ ѻ҆бы̑чаи благи́ми ᲂу҆кра́шена тѧ̀ ви́дѣвъ тво́й дꙋхо́вный настоѧ́тель, прпⷣбне, проро́чески всѣ̑мъ проповѣ́дꙋетъ, хотѧ̑щаѧ напослѣ́докъ тобо́ю бы́ти пресла̑внаѧ, а҆нтѡ́нїе."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Мои́хъ прегрѣше́нїй, влⷣчце, плени̑цы расто́ргни, твоего̀ сн҃а и҆ бг҃а молѧ́щи, и҆ томѧ́щїй мѧ̀ грѣ́хъ, приснодв҃о, низложѝ: ꙗ҆́кѡ да воспѣва́ю тѧ̀ всегда̀, пренепоро́чнаѧ, тобо́ю спаса́емь."
|
|
},
|
|
{
|
|
"type": "TEXT",
|
|
"value": "Катава́сїа: Ѿве́рзꙋ ᲂу҆ста̀ моѧ̑:"
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "TEXT",
|
|
"value": "І҆рмо́съ: Твоѧ̑ пѣсносло́вцы, бцⷣе, живы́й и҆ незави́стный и҆сто́чниче, ли́къ себѣ̀ совокꙋ́пльшыѧ дꙋхо́внѡ ᲂу҆твердѝ, въ бжⷭ҇твеннѣй твое́й сла́вѣ вѣнцє́въ сла́вы сподо́би."
|
|
},
|
|
{
|
|
"type": "TEXT",
|
|
"value": "Проповѣ́дꙋетъ пресла́внѡ, и҆ па́че трꙋбы̀ вопїе́тъ свѧще́ннаѧ твоѧ̀, ѻ҆́ч҃е, вели́каѧ ла́ѵра, ꙗ҆́же тобо́ю нача́ло прїе́мшаѧ: до́мъ же бж҃їѧ мт҃ре, а҆́ще и҆ не гла́сомъ, вещьми́ же хва́литсѧ, глаго́лѧ: ᲂу҆тверди́хсѧ тобо́ю, гдⷭ҇и."
|
|
},
|
|
{
|
|
"type": "TEXT",
|
|
"value": "Є҆ди́наго гдⷭ҇а возлюби́лъ є҆сѝ и҆ сегѡ̀ крⷭ҇тъ на ра́мо взе́мъ, прпⷣбне а҆нтѡ́нїе, страннолѣ́пнѡ пожи́лъ є҆сѝ, въ постѣ́хъ и҆ бдѣ́нїихъ, и҆ моли́твахъ ѻ҆́бразъ бы́въ твои̑мъ ᲂу҆ченикѡ́мъ. Тѣ́мже и҆ ѿ хрⷭ҇та̀ просла́вилсѧ є҆сѝ."
|
|
},
|
|
{
|
|
"type": "TEXT",
|
|
"value": "Плотска́гѡ жела́нїѧ, прпⷣбне, ѿве́ргсѧ, го́рдость возненави́дѣлъ є҆сѝ: смире́нїемъ же и҆ нището́ю ѡ҆богати́всѧ, превысѡ́каѧ дости́глъ є҆сѝ ст҃ы́хъ жили̑ща."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Поми́лꙋй, є҆ди́на бг҃ома́ти, поми́лꙋй, и҆ ᲂу҆ще́дри дꙋ́шꙋ мою̀ ѻ҆каѧ́ннꙋю, потоплѧ́емꙋю бѣ̑сы, и҆ страстьмѝ лꙋка́выми: и҆ пре́жде вре́мене и҆схо́да моегѡ̀ сїю̀ ѡ҆чи́стити ᲂу҆милосе́рдисѧ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: На ка́мени мѧ̀ вѣ́ры ᲂу҆тверди́въ, разшири́лъ є҆сѝ ᲂу҆ста̀ моѧ̑ на врагѝ моѧ̑, возвесели́босѧ дꙋ́хъ мо́й, внегда̀ пѣ́ти: нѣ́сть свѧ́тъ, ꙗ҆́коже бг҃ъ на́шъ, и҆ нѣ́сть пра́веденъ, па́че тебє̀, гдⷭ҇и."
|
|
},
|
|
{
|
|
"type": "TEXT",
|
|
"value": "Прозрѣ́въ бꙋ̑дꙋщаѧ воздаѧ̑нїѧ, здѣ̀ маловре́мєннаѧ ꙗ҆́кѡ не сꙋ̑щаѧ, ѻ҆́ч҃е, ѡ҆ста́вилъ є҆сѝ: и҆ сегѡ̀ ра́ди сꙋгꙋ̑баѧ воздаѧ̑нїѧ прїѧ́лъ є҆сѝ, прпⷣбне. Тѣ́мже со а҆́гг҃лы непреста́ннѡ пое́ши влⷣкꙋ твоего̀."
|
|
},
|
|
{
|
|
"type": "TEXT",
|
|
"value": "Моли́тисѧ, ѻ҆́ч҃е, не преста́й ѡ҆ ста́дѣ твое́мъ, є҆́же мно́гими пѡ́ты и҆ трꙋды̑ стѧжа́лъ є҆сѝ, и҆зба́вити всѣ́хъ ѡ҆бстоѧ́нїй, бѣ́дъ же и҆ скорбе́й: да всѝ тебѐ ꙗ҆́кѡ чадолюби́ва ѻ҆тца̀ воспѣва́емъ."
|
|
},
|
|
{
|
|
"type": "TEXT",
|
|
"value": "Весе́лїемъ, прпⷣбне, съ чи́нми ст҃ы́хъ бг҃ꙋ предстои́ши, ꙗ҆̀же та́мѡ весе́лїѧ и҆ ра́дости насыща́ѧсѧ: сподо́би и҆ на́съ та́мѡшнѧѧ ра́дѡванїѧ полꙋчи́ти, да веселѧ́щесѧ тебѐ велича́емъ, ѻ҆́ч҃е а҆нтѡ́нїе."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Просте́рши рꙋ́кꙋ бл҃гоꙋтро́бїѧ, бг҃ороди́тельнице, всѧ́кагѡ мѧ̀ и҆змѝ ѡ҆сꙋжде́нїѧ, къ тебѣ̀ прибѣга́ющаго, и҆ тебѣ̀ припа́дающа, и҆ призыва́юща твою̀ по́мощь."
|
|
},
|
|
{
|
|
"type": "HEADER",
|
|
"value": "Сѣда́ленъ, гла́съ д҃"
|
|
},
|
|
{
|
|
"type": "TEXT",
|
|
"value": "Подо́бенъ: Оу҆диви́сѧ і҆ѡ́сифъ:"
|
|
},
|
|
{
|
|
"type": "TEXT",
|
|
"value": "Оу҆диви́сѧ тво́й дꙋхо́вный настоѧ́тель, въ тебѣ̀ вели́ко воздержа́нїе зрѧ̀, и҆ внима́ше мы́слїю хотѧ̑щаѧ ѡ҆ тебѣ̀ напослѣ́докъ бы́ти, а҆нтѡ́нїе: ви́дѣвъ бо по бз҃ѣ твоѐ вели́кое житїѐ, и҆ вра́жїими прилѡ́ги ника́коже поколеби́ма. Тѣ́мже и҆ свидѣ́тельствꙋетъ, ꙗ҆́кѡ ѻ҆те́цъ и҆ храни́тель твоегѡ̀ житїѧ̀, ѻ҆тцє́мъ свѧты́ѧ горы̀ вопїѧ́ше: се́й, и҆́же посредѣ̀ на́съ ви́дитсѧ ме́ншїй, но послѣдѝ въ рѡссі́и вели́кїй свѣти́льникъ бꙋ́детъ. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Оу҆диви́сѧ і҆ѡ́сифъ, є҆́же па́че є҆стества̀ зрѧ̀, и҆ внима́ше мы́слїю и҆́же на рꙋно̀ до́ждь, въ безсѣ́менномъ зача́тїи твое́мъ, бцⷣе, кꙋпинꙋ̀ ѻ҆гне́мъ неѡпали́мꙋю, же́злъ а҆арѡ́новъ прозѧ́бшїй, и҆ свидѣ́тельствꙋѧ ѡ҆брꙋ́чникъ тво́й и҆ храни́тель, свѧще́нникѡмъ взыва́ше: дв҃а ражда́етъ, и҆ по ржⷭ҇твѣ̀ па́ки дв҃а пребыва́етъ."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "TEXT",
|
|
"value": "І҆рмо́съ: Неизслѣ́дный бж҃їй совѣ́тъ, є҆́же ѿ дв҃ы, воплоще́нїѧ тебє̀ вы́шнѧгѡ, прⷪ҇ро́ка а҆ввакꙋ́мъ ᲂу҆смотрѧ́ѧ, зовѧ́ше: сла́ва си́лѣ твое́й, гдⷭ҇и."
|
|
},
|
|
{
|
|
"type": "TEXT",
|
|
"value": "Мѣ́сто, въ не́мже лежи́тъ честно́е и҆ свѧще́нное тѣ́ло твоѐ, прпⷣбне а҆нтѡ́нїе ѻ҆́ч҃е, мнѡ́га и҆сцѣлє́нїѧ ѿтꙋ́дꙋ прїе́млютъ вѣ́рнїи, хрⷭ҇тꙋ̀ ѿ дꙋшѝ вопїю́ще: сла́ва си́лѣ твое́й, гдⷭ҇и."
|
|
},
|
|
{
|
|
"type": "TEXT",
|
|
"value": "Не ᲂу҆страшѝ тебє̀, прпⷣбне, долгота̀ жесто́кагѡ пꙋтѝ, нижѐ та́мѡ разбо́йническое наше́ствїе. Тѣ́мже ст҃ꙋ́ю го́рꙋ доше́дъ, съ сꙋ́щими та́мѡ ѻ҆тцы̀ воспѣва́лъ є҆сѝ: сла́ва си́лѣ твое́й, гдⷭ҇и."
|
|
},
|
|
{
|
|
"type": "TEXT",
|
|
"value": "Ви́дѣвъ всебл҃гі́й бг҃ъ тве́рдое твоѐ и҆ до́брое и҆зволе́нїе, та́мѡ во ст҃ы́хъ мѣ́стѣхъ посредѣ̀ ѻ҆тє́цъ, сла́вна тѧ̀ сотворѧ́етъ, съ ни́миже сподо́би взыва́ти: сла́ва си́лѣ твое́й, гдⷭ҇и."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ко́рень и҆зъ чре́слъ тѧ̀ ца́рскихъ, всѣ́хъ цр҃ь ꙗ҆́кѡ сꙋ́щꙋ возжделѣ́въ, и҆ вы́шшꙋ херꙋві̑мъ, и҆ серафі̑мъ содѣ́лавъ, бцⷣе, всели́сѧ въ тѧ̀."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Пою́ тѧ, слꙋ́хомъ бо, гдⷭ҇и, ᲂу҆слы́шахъ и҆ ᲂу҆жасо́хсѧ: до менє́ бо и҆́деши, менѐ и҆щѧ̀ заблꙋ́ждшаго. Тѣ́мъ мно́гое твоѐ снизхожде́нїе, є҆́же на мѧ̀, прославлѧ́ю, многоми́лостиве."
|
|
},
|
|
{
|
|
"type": "TEXT",
|
|
"value": "Про́мысломъ бж҃їимъ па́ки ко ѻ҆те́чествꙋ твоемꙋ̀, блаже́нне, посыла́емь быва́еши: ꙗ҆́кѡ да и҆ та́мѡ мно́гихъ ко спаси́тельномꙋ пꙋтѝ наста́виши, творцꙋ̀ воспѣва́ти: сла́ва си́лѣ твое́й, гдⷭ҇и."
|
|
},
|
|
{
|
|
"type": "TEXT",
|
|
"value": "Оу҆пова́нїемъ бꙋ́дꙋщихъ бла̑гъ, а҆нтѡ́нїе, ᲂу҆крѣплѧ́емь, плотско́е стремле́нїе ѡ҆бꙋзда́лъ є҆сѝ, и҆ твое́й пло́ти вра́гъ неми́лостивъ, ѻ҆́ч҃е, бы́лъ є҆сѝ: сегѡ̀ ра́ди и҆ по́мощь свы́ше стѧжа́лъ є҆сѝ."
|
|
},
|
|
{
|
|
"type": "TEXT",
|
|
"value": "Въ цѣломꙋ́дрїи жи́знь твою̀ препроводи́въ, прпⷣбне, земна̑ѧ нбⷭ҇ными и҆змѣни́лъ є҆сѝ, и҆ нетлѣ̑ннаѧ тлѣ́нными и҆скꙋпи́лъ є҆сѝ. Тѣ́мже хрⷭ҇тꙋ̀ пое́ши: сла́ва си́лѣ твое́й, гдⷭ҇и."
|
|
},
|
|
{
|
|
"type": "TEXT",
|
|
"value": "Бг҃оро́диченъ: До́брыхъ всѣ́хъ ѡ҆бнажи́хсѧ, и҆ лежꙋ̀ въ ѕло́бѣ: ѡ҆болкі́й всѣ́хъ дре́вле па́дшихъ, и҆ ны́нѣ мѧ̀ пре́ждними ᲂу҆красѝ, и҆ вторы́хъ и҆зба́ви, бг҃оневѣ́сто."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆жасо́шасѧ всѧ́чєскаѧ ѡ҆ бж҃е́ственнѣй сла́вѣ твое́й: ты́ бо, неискꙋсобра́чнаѧ дв҃о, и҆мѣ́ла є҆сѝ во ᲂу҆тро́бѣ надъ всѣ́ми бг҃а, и҆ родила̀ є҆сѝ безлѣ́тнаго сн҃а, всѣ̑мъ воспѣва́ющымъ тѧ̀ ми́ръ подава́ющаѧ."
|
|
},
|
|
{
|
|
"type": "TEXT",
|
|
"value": "Мона́шествꙋющихъ ѻ҆́бразъ, ѻ҆́ч҃е, и҆ наказа́тель бы́лъ є҆сѝ: тѣ́мже и҆ си̑льнымъ запреща́еши, на восхище́нїе не жела́ти, но па́че маломѡ́щныѧ ми́ловати. И҆ ѿ сегѡ̀ просла́вилсѧ є҆сѝ, а҆нтѡ́нїе, и҆ вели́къ нарече́нъ ᲂу҆чи́тель ꙗ҆ви́лсѧ є҆сѝ."
|
|
},
|
|
{
|
|
"type": "TEXT",
|
|
"value": "Вы́шше человѣ́ка, а҆нтѡ́нїе, стѧжа́лъ є҆сѝ житїѐ, равноа́гг҃льнѡ бо пожи́въ на землѝ. Тѣ́мже ра́внꙋ ꙗ҆́же а҆́гг҃лѡмъ по́честь сподо́билсѧ є҆сѝ полꙋчи́ти, и҆ пое́ши съ ни́ми влⷣкꙋ твоего̀."
|
|
},
|
|
{
|
|
"type": "TEXT",
|
|
"value": "Бг҃одарова̑нныѧ твоѧ̑ бл҃года̑ти, ѻ҆́ч҃е а҆нтѡ́нїе, всѧ́къ слꙋ́хъ человѣ́ческїй ᲂу҆диви́ша, и҆ наꙋчи́ша, ꙗ҆̀же здѣ̀ мнѧ̑щаѧсѧ вели̑каѧ, ꙗ҆́кѡ ма̑ла и҆ хꙋ̑да презрѣ́ти всѧ̑, и҆ послѣ́довати стопа́мъ твои̑мъ: ѿѻнꙋ́дꙋже молѝ, прпⷣбне, спасти́сѧ на́мъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Оу҆пова́нїе є҆сѝ моѐ, пречⷭ҇таѧ, и҆ спасе́нїе и҆ похвала̀. Тѣ́мже прибѣга́ю къ покро́вꙋ твоемꙋ̀: не гнꙋша́йсѧ менє̀ грѣхи̑ мно́гими и҆ болѣ́зньми и҆ скорбьмѝ ны́нѣ поглоще́ннагѡ, но предвари́вши, спаси́ мѧ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Хода́тай бг҃ꙋ и҆ человѣ́кѡмъ бы́лъ є҆сѝ, хрⷭ҇тѐ бж҃е: тобо́ю бо, влⷣко, къ свѣтонача́льникꙋ ѻ҆ц҃ꙋ̀ твоемꙋ̀, ѿ но́щи невѣ́дѣнїѧ приведе́нїе и҆́мамы."
|
|
},
|
|
{
|
|
"type": "TEXT",
|
|
"value": "Стра́нно твоѐ житїѐ, прпⷣбне, кꙋ́пнѡ же и҆ смире́нїе, є҆́же стѧжа́лъ є҆сѝ, а҆нтѡ́нїе, ꙗ҆́кѡ ни сама́гѡ свѣ́та тогѡ̀, и҆́же въ мі́рѣ, нижѐ со́лнечнагѡ сїѧ́нїѧ, досто́йна тебѐ тогѡ̀ вмѣни́лъ є҆сѝ зрѣ́нїѧ: но въ те́мнѣ мѣ́стѣ є҆ди́нъ тебѐ затвори́лъ є҆сѝ."
|
|
},
|
|
{
|
|
"type": "TEXT",
|
|
"value": "Цр҃ковь и҆ до́мъ прест҃а́гѡ дх҃а, ѻ҆́ч҃е а҆нтѡ́нїе, бы́лъ є҆сѝ, разли́чными добродѣ́тельми ᲂу҆кра́шенъ бы́въ: смире́нїемъ го́рнюю высотꙋ̀ наслѣ́дивъ, нището́ю нбⷭ҇ное бога́тство прїѧ́лъ є҆сѝ, прпⷣбне."
|
|
},
|
|
{
|
|
"type": "TEXT",
|
|
"value": "Па́мѧть твою̀ творѧ́щихъ свѧще́ннꙋю, ѿ всѧ́кихъ спасѝ прегрѣше́нїй, и҆ печа́лей, и҆ напа́стей: твоѐ бжⷭ҇твенное да́рꙋй застꙋпле́нїе, всѣ́хъ цр҃ю̀ предстоѧ́й, ѻ҆́ч҃е а҆нтѡ́нїе."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ꙗ҆́кѡ невече́рнїй свѣ́тъ, ѿ чре́ва твоегѡ̀ сꙋ́щїй возсїѧ́вшїй, ѡ҆темне́ннꙋю дꙋ́шꙋ мою̀ ѡ҆зарѝ, влⷣчце чⷭ҇таѧ, и҆ ѿженѝ всѧ́кꙋ мглꙋ̀ се́рдца моегѡ̀."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Бж҃е́ственное сїѐ и҆ всечестно́е соверша́юще пра́зднество, бг҃омꙋ́дрїи, бг҃ома́тере, прїиди́те, рꙋка́ми воспле́щимъ, ѿ неѧ̀ ро́ждшагосѧ бг҃а сла́вимъ."
|
|
},
|
|
{
|
|
"type": "TEXT",
|
|
"value": "Всегда́шнимъ къ бг҃ꙋ раче́нїемъ внѣ̀ пло́ти и҆ мі́ра, ѻ҆́ч҃е а҆нтѡ́нїе, бы́лъ є҆сѝ: тѣ́мже и҆ жили́ще досто́йно дх҃а прест҃а́гѡ показа́лсѧ є҆сѝ, ꙗ҆́коже и҆ са́мъ хрⷭ҇то́съ речѐ: прише́дъ со ѻ҆ц҃е́мъ и҆ дх҃омъ, та́мѡ вселю́сѧ."
|
|
},
|
|
{
|
|
"type": "TEXT",
|
|
"value": "Ꙗ҆́кѡ пресла́дкїй нѣ́кїй вїногра́дъ, ст҃а́ѧ гора̀ тебѐ, ѻ҆́ч҃е, и҆зрасти́вши, пресла́внѡ тобо́ю красꙋ́етсѧ, и҆ ра́дꙋющисѧ хрⷭ҇та̀ прославлѧ́етъ, тебѐ си̑мъ дарова́вшаго."
|
|
},
|
|
{
|
|
"type": "TEXT",
|
|
"value": "Но́щь ꙗ҆́кѡ де́нь, и҆ де́нь ꙗ҆́кѡ но́щь, тебѣ̀ вмѣнѧ́шесѧ, а҆нтѡ́нїе: не да́лъ бо є҆сѝ, по проро́кꙋ, сна̀ ѻ҆чи́ма твои́ма, ни вѣ́ждома дрема́нїѧ, нижѐ поко́ѧ тѣлесѝ твоемꙋ̀, до́ндеже сїѐ чи́сто съ дꙋше́ю бг҃ꙋ предста́вилъ є҆сѝ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Твою̀ пода́ждь мѝ по́мощь, и҆ и҆зба́ви мѧ̀ бѣ́дъ и҆ скорбе́й, и҆ прегрѣше́нїй мои́хъ, ꙗ҆́же всѣ́хъ ро́ждшаѧ при́сное и҆збавле́нїе."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Въ бе́зднѣ грѣхо́внѣй валѧ́ѧсѧ, неизслѣ́днꙋю милосе́рдїѧ твоегѡ̀ призыва́ю бе́зднꙋ: ѿ тлѝ, бж҃е, мѧ̀ возведѝ."
|
|
},
|
|
{
|
|
"type": "TEXT",
|
|
"value": "Ꙗ҆́кѡ свобожде́на бы́вши блаже́ннаѧ твоѧ̀ дꙋша̀ ѿ тѧ́жести плотскі́ѧ, и҆ ѿ го́рькагѡ фараѡ́на мꙋчи́телѧ, мі́ра сегѡ̀ и҆зше́дши, въ зе́млю ѡ҆бѣтова́нїѧ ра́йскагѡ пре́йде немѧте́жнѡ, со ст҃ы́ми пребыва́етъ веселѧ́щисѧ."
|
|
},
|
|
{
|
|
"type": "TEXT",
|
|
"value": "Ны́нѣ свѧще́нное тѣ́ло твоѐ, прпⷣбне, въ пеще́рѣ лежа́щее, и҆сцѣлє́нїѧ мнѡ́гаѧ и҆сточа́етъ вѣ́рою приходѧ́щымъ. Тѣ́мже мо́лимъ тѧ̀, и҆ дꙋшє́внаѧ здра̑вїѧ мольба́ми твои́ми пода́ждь тебѐ сла́вѧщымъ."
|
|
},
|
|
{
|
|
"type": "TEXT",
|
|
"value": "Свѣтлѣ́йши со́лнца возсїѧ̀, пречестна́ѧ па́мѧть твоѧ̀, а҆нтѡ́нїе, въ ню́же соше́дшесѧ прославлѧ́емъ твоѐ ᲂу҆спе́нїе и҆ трꙋды̀, ꙗ҆̀же претерпѣ́лъ є҆сѝ въ жи́зни се́й, просѧ́ще ѿ хрⷭ҇та̀ тобо́ю прїѧ́ти грѣхѡ́въ ѡ҆ставле́нїе."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Красоты̑ мѧ̀ ви́дѣти сла́вы твоеѧ̀ сподо́би, є҆гда̀ ѿ пло́ти моеѧ̀ хощꙋ̀ разлꙋчи́тисѧ, ꙗ҆́кѡ ᲂу҆твержде́нїе моѐ є҆сѝ, влⷣчце: да ѿсю́дꙋ прїимꙋ̀ и҆збавле́нїе."
|
|
},
|
|
{
|
|
"type": "HEADER",
|
|
"value": "Конда́къ, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Возбра́нной:"
|
|
},
|
|
{
|
|
"type": "TEXT",
|
|
"value": "Возложи́въ себѐ бг҃ꙋ, па́че всѣ́хъ возлю́бленномꙋ ѿ ю҆́ности, прпⷣбне, томꙋ̀ ѿ всеѧ̀ дꙋшѝ любо́вїю послѣ́довалъ є҆сѝ: мі́ра же тлѣ̑ннаѧ нивочто́же вмѣни́въ, въ землѝ пеще́рꙋ содѣ́лалъ є҆сѝ, и҆ въ не́й до́брѣ проти́вꙋ неви́димагѡ врага̀ ко́зней подвиза́всѧ, ꙗ҆́кѡ свѣтоза́рное со́лнце во всѧ̑ концы̀ землѝ возсїѧ́лъ є҆сѝ: ѿѻнꙋ́дꙋже веселѧ́сѧ преше́лъ є҆сѝ къ нбⷭ҇нымъ черто́гѡмъ. И҆ ны́нѣ со а҆́гг҃лы влⷣчню престо́лꙋ предстоѧ̀, помина́й на́съ чтꙋ́щихъ па́мѧть твою̀, да зове́мъ тѝ: ра́дꙋйсѧ, а҆нтѡ́нїе ѻ҆́ч҃е на́шъ."
|
|
},
|
|
{
|
|
"type": "TEXT",
|
|
"value": "І҆́косъ: Присносꙋ́щнагѡ немерца́ющагѡ свѣ́та ст҃ы́ѧ трⷪ҇цы наслади́тисѧ жела́ѧ, и҆ сегѡ̀ ра́ди четыредесѧтолѣ́тное вре́мѧ, въ є҆ди́ной пеще́рѣ те́мнѣ тебѐ затвори́въ, ѿтꙋ́дꙋ неисхо́денъ, ѻ҆́ч҃е, пребы́лъ є҆сѝ, до́ндеже тѣ́ло твоѐ чи́сто съ дꙋше́ю бг҃ꙋ предста́вилъ є҆сѝ. Ѿѻнꙋ́дꙋже и҆ по преставле́нїи, ꙗ҆́кѡ жи́въ, ѿ гдⷭ҇а дарова̑нїѧ чꙋде́съ прїѧ́лъ є҆сѝ, и҆сцѣлѧ́ти разли̑чныѧ болѣ̑зни ѕлѣ̀ стра́ждꙋщихъ, и҆ бѣ́сы ѿ человѣ̑къ приходѧ́щихъ и҆згони́ти. Тѣ́мже мо́лимъ тѧ̀: моли́сѧ, ѻ҆́ч҃е, сохрани́ти безъ вре́да ѻ҆те́чество твоѐ, гра́дъ же и҆ лю́ди, да зове́мъ тѝ: ра́дꙋйсѧ, а҆нтѡ́нїе ѻ҆́ч҃е на́шъ."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "TEXT",
|
|
"value": "І҆рмо́съ: Не послꙋжи́ша тва́ри бг҃омꙋ́дрїи па́че созда́вшагѡ, но ѻ҆́гненное преще́нїе мꙋ́жески попра́вше, ра́довахꙋсѧ пою́ще: препѣ́тый ѻ҆ц҃є́въ гдⷭ҇ь и҆ бг҃ъ, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Повелѣ́нїемъ дꙋхо́внагѡ твоегѡ̀ настоѧ́телѧ, бл҃же́нне а҆нтѡ́нїе, па́ки ко ѻ҆те́чествꙋ твоемꙋ̀ посыла́емь быва́еши. Тѣ́мже речє́ннаѧ тебѣ̀ ѻ҆тце́мъ, ꙗ҆́кѡ ѿ бг҃а повелѣ̑ннаѧ сотвори́лъ є҆сѝ: и҆дѣ́же прише́дъ, ѻ҆́ч҃е, мно́гихъ дꙋ́шы гдⷭ҇ꙋ приве́лъ є҆сѝ."
|
|
},
|
|
{
|
|
"type": "TEXT",
|
|
"value": "Ст҃ѣ́йшагѡ мѣ́ста, прпⷣбне а҆нтѡ́нїе, ꙗ҆́кѡ дости́глъ, мно́гихъ житїе́мъ твои́мъ ᲂу҆диви́лъ є҆сѝ: вы́ше бо человѣ́ка воспрїе́мъ житїѐ, и҆́мже мно́гихъ мїрска̑ѧ презира́ти сотвори́лъ є҆сѝ."
|
|
},
|
|
{
|
|
"type": "TEXT",
|
|
"value": "А҆рхїепі́скопа і҆ларїѡ́на пеще́рꙋ ꙗ҆́кѡ ѡ҆брѣ́тъ, трꙋдолю́бнѣ въ не́й пожи́лъ є҆сѝ, прпⷣбне, въ моли́твахъ и҆ поще́нїихъ, до́ндеже и҆́нꙋю пеще́рꙋ себѣ̀ содѣ́лалъ є҆сѝ: въ не́йже сподо́билсѧ є҆сѝ го́рнѧгѡ зва́нїѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Человѣ́чєскїѧ напа̑сти и҆ совѣ́ты, чⷭ҇таѧ, разорѝ бж҃е́ственными моли́твами твои́ми, и҆ рабы̑ твоѧ̑ и҆зба́ви болѣ́зненныхъ прегрѣше́нїй: ꙗ҆́кѡ да приснодв҃ꙋ тѧ̀ ᲂу҆блажа́емъ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Бг҃опроти́вное велѣ́нїе беззако́ннꙋющагѡ мꙋчи́телѧ высо́къ пла́мень вознесло̀ є҆́сть: хрⷭ҇то́съ же прострѐ бг҃очести̑вымъ ѻ҆трокѡ́мъ ро́сꙋ дх҃о́внꙋю, сы́й бл҃гослове́нъ и҆ препросла́вленъ."
|
|
},
|
|
{
|
|
"type": "TEXT",
|
|
"value": "Вели́кагѡ трꙋдополо́жника, и҆ ревни́телѧ твоемꙋ̀ житїю̀, прпⷣбне а҆нтѡ́нїе, ѳеодо́сїа бл҃же́ннаго стѧжа́лъ є҆сѝ, а҆́гг҃льскомꙋ твоемꙋ̀ житїю̀ послѣ́дꙋюща: съ ни́мже въ вы́шнихъ водворѧ́ѧсѧ, на́съ помина́й."
|
|
},
|
|
{
|
|
"type": "TEXT",
|
|
"value": "Но́ваго тѧ̀ мѡѷсе́а, ѻ҆́ч҃е, позна́хомъ, страсте́й побѣди́телѧ: ꙗ҆́коже бо ѻ҆́нъ дре́вле а҆мали́ка побѣди́въ, лю́ди и҆зведѐ: ты́ же, ѻ҆́ч҃е, мно́жество мона́шествꙋющихъ въ зе́млю ѡ҆бѣтова́нїѧ ра́йскагѡ приве́лъ є҆сѝ."
|
|
},
|
|
{
|
|
"type": "TEXT",
|
|
"value": "Гра́да и҆ ѻ҆те́чества твоегѡ̀ пресе́льникъ, ѻ҆́ч҃е, бы́лъ є҆сѝ: но па́ки бж҃їимъ промышле́нїемъ, ко ѻ҆те́чествꙋ твоемꙋ̀ сла́внѡ свидѣ́тельствованъ возвраща́ешисѧ, и҆дѣ́же благода́ть ѿ гдⷭ҇а, ѻ҆́ч҃е, прїѧ́лъ є҆сѝ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Пе́щь проѡбразова́ше твоѐ ржⷭ҇тво̀, пренепоро́чнаѧ: ѻ҆́троки бо не ѡ҆палѝ, ꙗ҆́коже ни ложесна̀ твоѧ̑ ѻ҆́гнь нестерпи́мый. Тѣ́мже мо́лимъ тѧ̀: ѻ҆гнѧ̀ вѣ́чнагѡ и҆зба́ви рабы̑ твоѧ̑."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ѻ҆́троки бл҃гочести̑выѧ въ пещѝ ржⷭ҇тво̀ бг҃оро́дичо спасло̀ є҆́сть, тогда̀ ᲂу҆́бѡ ѡ҆бразꙋ́емое, ны́нѣ же дѣ́йствꙋемое, вселе́ннꙋю всю̀ воздвиза́етъ пѣ́ти тебѣ̀: гдⷭ҇а по́йте, дѣла̀, и҆ превозноси́те є҆го̀ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Влⷣки твоегѡ̀ хрⷭ҇та̀, прпⷣбне а҆нтѡ́нїе, смире́нїю поревнова́лъ є҆сѝ: и҆ сегѡ̀ ра́ди смире́нное и҆ жесто́кое житїѐ возлюби́лъ є҆сѝ, земна́гѡ пристра́стїѧ ѿрѣва́ѧсѧ. Тѣ́мже по́чести ст҃ы́хъ сподо́билсѧ є҆сѝ, и҆ съ ни́ми пое́ши гдⷭ҇а во вѣ́ки."
|
|
},
|
|
{
|
|
"type": "TEXT",
|
|
"value": "Твоѐ пресла́вное ᲂу҆спе́нїе пра́зднꙋющымъ, блаже́нне, моли́сѧ, и҆зба́витисѧ всѣ̑мъ ѿ разли́чныхъ напа́стей, да всѝ тебѐ прославлѧ́емъ, а҆нтѡ́нїе, и҆ превозно́симъ гдⷭ҇а во вѣ́ки."
|
|
},
|
|
{
|
|
"type": "TEXT",
|
|
"value": "Ѡ҆ на́съ ми́лостивно ѻ҆́ко, а҆нтѡ́нїе, простира́й ко влⷣцѣ, чадолю́бное показꙋ́ѧ, и҆ неѿлꙋ́чнѡ ѿ на́съ дꙋ́хомъ пребыва́й, прпⷣбне, ꙗ҆́коже ѡ҆бѣща́лсѧ є҆сѝ, є҆гда̀ бы́лъ є҆сѝ съ на́ми, да всѝ съ тобо́ю хрⷭ҇тꙋ̀ воспое́мъ: благослови́те, всѧ̑ дѣла̀ гдⷭ҇нѧ, гдⷭ҇а."
|
|
},
|
|
{
|
|
"type": "TEXT",
|
|
"value": "Бг҃оро́диченъ: На моле́нїе моѐ ᲂу҆милосе́рдисѧ ны́нѣ, и҆ ра́дость мѝ въ печа́ли мѣ́стѡ да́рꙋй, да пою́ тѧ, влⷣчце, сн҃ꙋ твоемꙋ̀ воспѣва́ѧ: гдⷭ҇а по́йте дѣла̀, и҆ превозноси́те є҆го̀ во вѣ́ки."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Пе́щь и҆ногда̀ ѻ҆́гненнаѧ въ вавѷлѡ́нѣ дѣ̑йства раздѣлѧ́ше, бж҃їимъ велѣ́нїемъ халдє́и ѡ҆палѧ́ющаѧ, вѣ̑рныѧ же ѡ҆роша́ющаѧ, пою́щыѧ: благослови́те, всѧ̑ дѣла̀ гдⷭ҇нѧ, гдⷭ҇а."
|
|
},
|
|
{
|
|
"type": "TEXT",
|
|
"value": "И҆сцѣлє́нїѧ ѻ҆би̑льна, прпⷣбне, вѣ́рою приходѧ́щымъ ко хра́мꙋ твоемꙋ̀, и҆ сꙋ́щымъ въ ско́рбехъ ᲂу҆тѣше́нїе подава́й, да всѝ съ тобо́ю хрⷭ҇тꙋ̀ вопїе́мъ: благослови́те, всѧ̑ дѣла̀ гдⷭ҇нѧ, гдⷭ҇а."
|
|
},
|
|
{
|
|
"type": "TEXT",
|
|
"value": "Благода́рное сїѐ пѣ́нїе приносѧ́щыѧ тѝ, ѻ҆́ч҃е, свы́ше ми́лостивнѡ назира́й, и҆ молѝ хрⷭ҇та̀ и҆зба́вителѧ, спастѝ всѣ́хъ вопїю́щихъ є҆мꙋ̀: благослови́те, всѧ̑ дѣла̀ гдⷭ҇нѧ, гдⷭ҇а."
|
|
},
|
|
{
|
|
"type": "TEXT",
|
|
"value": "Принесе́сѧ да́ръ вседержи́телю, тобо́ю мно́жество спаса́емыхъ, твоемꙋ̀ житїю̀ послѣ́дꙋющихъ, а҆нтѡ́нїе. Тѣ́мже молѝ спасти́сѧ всѣ̑мъ, съ тобо́ю хрⷭ҇тꙋ̀ вопїю́щымъ: благослови́те, всѧ̑ дѣла̀ гдⷭ҇нѧ, гдⷭ҇а."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Вели́комꙋ та́инствꙋ ржⷭ҇тва̀ твоегѡ̀, кто̀ не ᲂу҆диви́тсѧ, бцⷣе; и҆лѝ кі́й ѧ҆зы́къ зе́менъ, и҆лѝ ᲂу҆́мъ безпло́тенъ и҆зрещѝ возмо́жетъ; па́че є҆стества́ бо и҆ смы́сла, бцⷣе, зижди́телѧ родила̀ є҆сѝ."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Всѧ́къ земноро́дный да взыгра́етсѧ дх҃омъ просвѣща́емь, да торжествꙋ́етъ же безпло́тныхъ ᲂу҆мѡ́въ є҆стество̀, почита́ющее сщ҃е́нное торжество̀ бг҃ома́тере, и҆ да вопїе́тъ: ра́дꙋйсѧ, всеблаже́ннаѧ бцⷣе, чи́стаѧ приснодв҃о."
|
|
},
|
|
{
|
|
"type": "TEXT",
|
|
"value": "А҆нтѡ́нїа дре́вле просїѧ́вшагѡ, тогѡ̀ житїю̀ всѧ́чески поревнова́ти потща́лсѧ є҆сѝ. Ѻ҆́нъ бо въ пꙋсты́ню є҆ди́нъ всели́сѧ: ты́ же въ пеще́рѣ є҆ди́наго себѐ затвори́лъ є҆сѝ, и҆ мно́гими лѣ́ты, ѻ҆́ч҃е, неисхо́денъ пребы́лъ є҆сѝ."
|
|
},
|
|
{
|
|
"type": "TEXT",
|
|
"value": "Пече́рскомꙋ житїю̀ первонача́льникъ, и҆ наста́вникъ, ѻ҆́ч҃е, бы́лъ є҆сѝ: и҆ та́мѡ подвиза́лсѧ є҆сѝ ꙗ҆́кѡ безпло́тенъ. Тѣ́мже и҆ хрⷭ҇то́съ дарова́нїемъ чꙋде́съ ѡ҆богати́ тѧ, прпⷣбне."
|
|
},
|
|
{
|
|
"type": "TEXT",
|
|
"value": "Моє́ю рꙋкꙋ̀ воздѣѧ́нїе прїимѝ, прпⷣбне, влⷣчнѣй подо́бѧсѧ бл҃гости, презира́ѧ прегрѣшє́нїѧ: ты́ бо дꙋ́шꙋ ᲂу҆ѧзви́лъ є҆сѝ хрⷭ҇то́вою любо́вїю, и҆ є҆гѡ̀ пречⷭ҇тыѧ бг҃ома́тере. ю҆́же ᲂу҆молѝ спастѝ дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Рꙋко́ю твое́ю, прпⷣбне а҆нтѡ́нїе, є҆́же къ бг҃ꙋ воздѣѧ́нїемъ, пресла́внѡ чꙋдодѣ́йствовасѧ, моли́твами бо твои́ми ѻ҆́гнь съ нб҃сѐ сво́диши, во ѡ҆чище́нїе мѣ́ста хра́ма пречⷭ҇тыѧ: ю҆́же всѝ съ тобо́ю велича́емъ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Безнача́льна роди́телѧ сн҃ъ, бг҃ъ и҆ гдⷭ҇ь, вопло́щсѧ ѿ дв҃ы на́мъ ꙗ҆ви́сѧ, ѡ҆мрачє́ннаѧ просвѣти́ти, собра́ти расточє́ннаѧ. Тѣ́мъ всепѣ́тꙋю бцⷣꙋ велича́емъ."
|
|
},
|
|
{
|
|
"type": "TEXT",
|
|
"value": "Пахѡ́мїа вели́кагѡ, а҆́гг҃льскагѡ видѣ́нїѧ сподо́бльшагѡсѧ, житїѐ, ѻ҆́ч҃е, подража́въ, равноа́гг҃льнѡ въ пеще́рѣ пожи́лъ є҆сѝ. Тѣ́мже и҆ равноа́гг҃льнꙋю по́честь сподо́билсѧ є҆сѝ прїѧ́ти, а҆нтѡ́нїе. Два́жды."
|
|
},
|
|
{
|
|
"type": "TEXT",
|
|
"value": "И҆́же ѿ ст҃ы́ѧ горы̀ пꙋте́мъ ведꙋ́щимъ, ѻ҆́ч҃е, мѣ́ста кі́евскагѡ дости́глъ є҆сѝ, и҆дѣ́же бѧ́ше ᲂу҆го́дно влⷣчцы мт҃ре бж҃їѧ хра́мꙋ воздви́гнꙋтисѧ: и҆ та́мѡ хра́мъ прече́стенъ въ сла́вꙋ бг҃ома́тере, кꙋ́пнѡ со блаже́ннымъ ѳеодо́сїемъ воздви́глъ є҆сѝ. Тѣ́мже тѧ̀ всѝ съ ни́мъ велича́емъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Свѣтороди́тельнице дв҃о, дꙋшѝ моеѧ̀ ѻ҆́блакъ ѿженѝ, и҆ дава́й чи́стѡ зрѣ́ти, влⷣчце, спаси́тельнꙋю добро́тꙋ возсїѧ́вшꙋю неизглаго́ланнѡ, и҆зъ твоеѧ̀ пречⷭ҇тыѧ ᲂу҆тро́бы во свѣ́тъ ꙗ҆зы́кѡвъ, препѣ́таѧ."
|
|
},
|
|
{
|
|
"type": "TEXT",
|
|
"value": "Свѣти́ленъ: Жите́йское сладостра́стїе ᲂу҆мертви́лъ є҆сѝ, а҆нтѡ́нїе: сла́вꙋ же маловре́меннꙋю позна́въ, сеѧ̀ вско́рѣ ѿстꙋпи́лъ є҆сѝ, тѣ́снымъ пꙋте́мъ и҆зво́ливъ ходи́ти, ведꙋ́щимъ къ ра́йскомꙋ простра́нствꙋ. Тѣ́мже моли́сѧ, а҆нтѡ́нїе, спасти́сѧ тебѐ почита́ющымъ. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Бцⷣꙋ тѧ̀ вои́стиннꙋ и҆сповѣ́дающе, влⷣчце, и҆̀же тобо́ю спаса́емїи: ты́ бо бг҃а родила̀ є҆сѝ, разо́ршаго крⷭ҇то́мъ сме́рть, и҆ къ себѣ̀ привле́кша преподо́бныхъ собо́ры, съ ни́миже тѧ̀ восхвалѧ́емъ, дв҃о."
|
|
},
|
|
{
|
|
"type": "HEADER",
|
|
"value": "На хвали́техъ стїхи̑ры на д҃, гла́съ в҃."
|
|
},
|
|
{
|
|
"type": "TEXT",
|
|
"value": "Подо́бенъ: Є҆гда̀ ѿ дре́ва:"
|
|
},
|
|
{
|
|
"type": "TEXT",
|
|
"value": "Жела́ѧ ви́дѣти неизрече́ннꙋю ра́дость ст҃ы́хъ, и҆ весє́лїѧ пра́ведныхъ, бг҃ꙋ ᲂу҆годи́вшихъ, всѧ́ко весе́лїе, є҆́же въ мі́рѣ, возненави́дѣлъ є҆сѝ, но въ постѣ́хъ, и҆ слеза́хъ проводи́въ днѝ твоѧ̑, до́ндеже и҆ стра̑сти тѣлє́сныѧ ᲂу҆мертви́лъ є҆сѝ. Тѣ́мже и҆ сподо́билсѧ є҆сѝ пра́ведныхъ ра́дованїѧ: съ ни́миже моли́сѧ, спасти́сѧ дꙋша́мъ на́шымъ. Два́жды."
|
|
},
|
|
{
|
|
"type": "TEXT",
|
|
"value": "Дне́сь похва́льнꙋю пѣ́снь въ па́мѧти твое́й, а҆нтѡ́нїе, тебѣ̀ приносѧ́щихъ прїимѝ, и҆ предварѝ къ бг҃ꙋ моли́твами твои́ми, и҆ и҆зба́ви на́съ ѿ шꙋ́ѧгѡ стоѧ́нїѧ, и҆ и҆збра́нныхъ ча́сти сочета́ти молѝ: да тебѐ всѝ ꙗ҆́кѡ те́плаго предста́телѧ досто́йнѡ ᲂу҆блажа́емъ."
|
|
},
|
|
{
|
|
"type": "TEXT",
|
|
"value": "Въ те́мномъ мѣ́стѣ ꙗ҆́кѡ ѕвѣзда̀ возсїѧ́лъ є҆сѝ, прпⷣбне, и҆ мра̑чнаѧ ли́ца бѣсѡ́въ посрами́лъ є҆сѝ, премꙋ́дре: ѿню́дꙋже возше́дъ къ нб҃сє́мъ, со дерзнове́нїемъ прⷭ҇то́лꙋ хрⷭ҇то́вꙋ предстоѧ̀, помина́й пра́зднꙋющихъ па́мѧть твою̀, прпⷣбне, ми́лость ѡ҆брѣстѝ на́мъ въ де́нь сꙋ́дный."
|
|
},
|
|
{
|
|
"type": "HEADER",
|
|
"value": "Сла́ва, гла́съ и҃:"
|
|
},
|
|
{
|
|
"type": "TEXT",
|
|
"value": "Ѻ҆те́чество твоѐ, прпⷣбне ѻ҆́ч҃е а҆нтѡ́нїе, ѡ҆ста́вивъ, и҆ во́льное стра́нство гдⷭ҇а ра́ди прїе́мь, трꙋды̀ до́лгагѡ пꙋтѝ ше́ствїѧ, жа́ждꙋ и҆ гла́дъ, стꙋ́день же и҆ зно́й хрⷭ҇та̀ ра́ди претерпѣ́лъ є҆сѝ. Тѣ́мже и҆ слы́шиши: благі́й ра́бе и҆ вѣ́рный, вни́ди въ ра́дость гдⷭ҇а твоегѡ̀. Сегѡ́ же гла́са и҆ на́мъ ᲂу҆слы́шати, ѻ҆́ч҃е, моли́сѧ, да всегда̀ твою̀ па́мѧть любо́вїю ᲂу҆блажа́емъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Влⷣчце, прїимѝ:"
|
|
},
|
|
{
|
|
"type": "HEADER",
|
|
"value": "Славосло́вїе вели́кое. И҆ ѿпꙋ́стъ."
|
|
},
|
|
{
|
|
"type": "HEADER",
|
|
"value": "На лїтꙋргі́и, прокі́менъ, гла́съ з҃:"
|
|
},
|
|
{
|
|
"type": "TEXT",
|
|
"value": "Честна̀ предъ гдⷭ҇емъ сме́рть прпⷣбныхъ є҆гѡ̀."
|
|
},
|
|
{
|
|
"type": "TEXT",
|
|
"value": "Сті́хъ: Что̀ возда́мъ гдⷭ҇еви ѡ҆ всѣ́хъ, ꙗ҆̀же воздаде́ ми;"
|
|
},
|
|
{
|
|
"type": "HEADER",
|
|
"value": "А҆пⷭ҇лъ къ гала́тѡмъ, зача́ло сг҃і."
|
|
},
|
|
{
|
|
"type": "TEXT",
|
|
"value": "А҆ллилꙋ́їа, гла́съ ѕ҃: Блаже́нъ мꙋ́жъ боѧ́йсѧ гдⷭ҇а:"
|
|
},
|
|
{
|
|
"type": "TEXT",
|
|
"value": "Сті́хъ: Си́льно на землѝ бꙋ́детъ сѣ́мѧ є҆гѡ̀."
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе матѳе́а, зача́ло і҃."
|
|
},
|
|
{
|
|
"type": "TEXT",
|
|
"value": "Прича́стенъ: Въ па́мѧть вѣ́чнꙋю бꙋ́детъ пра́ведникъ:"
|
|
}
|
|
] |