346 lines
28 KiB
JSON
346 lines
28 KiB
JSON
[
|
|
{
|
|
"type": "HEADER",
|
|
"value": "Ѻ҆ктѡ́врїа д҃і"
|
|
},
|
|
{
|
|
"type": "HEADER",
|
|
"value": "Ст҃ы́хъ мꙋ́чєникъ, наза́рїа, герва́сїа, прота́сїа и҆ келсі́а:"
|
|
},
|
|
{
|
|
"type": "HEADER",
|
|
"value": "На Гдⷭ҇и, воззва́хъ, стїхи̑ры ст҃ы́хъ, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Ꙗ҆́кѡ до́блѧ:"
|
|
},
|
|
{
|
|
"type": "TEXT",
|
|
"value": "И҆̀же вѣ́ры свидѣ́телє по́двигъ соверши́вше, побѣ́ды вѣне́цъ прїѧ́ша, доблемꙋ́дренный наза́рїй, и҆ вели́кїй прота́сїй, съ келсі́емъ мꙋ́дрымъ, бг҃омꙋ́дрый герва́сїй. И҆̀хже воспои́мъ ꙗ҆́кѡ дѡ́блїѧ ѡ҆рꙋ́жники, ꙗ҆́кѡ вы́шнѧгѡ црⷭ҇твїѧ наслѣ́дники, и҆ ꙗ҆́кѡ самовѡ́льнаѧ заколє́нїѧ."
|
|
},
|
|
{
|
|
"type": "TEXT",
|
|
"value": "Просвѣти́всѧ смы́сломъ свѣтозаре́нїѧ дх҃а, свѧще́нный наза́рїе, па́че со́лнца во тмѣ̀ сꙋ́щымъ возсїѧ́лъ є҆сѝ дꙋша́мъ, бжⷭ҇твенною бл҃года́тїю поꙋча́ѧ, просвѣща́ѧ, наставлѧ́ѧ свѣтлѣ́йше, є҆ди́наго гдⷭ҇а и҆ вѣ́ровати и҆ чти́ти, воплоще́нна ѿ дв҃ы пресла́внѡ, и҆ земны̑ѧ ѡ҆сїѧ́вшаго."
|
|
},
|
|
{
|
|
"type": "TEXT",
|
|
"value": "Съ наза́рїемъ возсїѧ̀ приснопа́мѧтный келсі́й, и҆ сла́вный прота́сїй, и҆ герва́сїй, доблемꙋ́дреннѡ пострада́вше, и҆ всѧ̑ полкѝ де́мѡнскїѧ мꙋ́жески на землѝ побѣди́вше. Тѣ́мъ то́чатъ и҆сцѣле́нїй стрꙋи̑, и҆ сердца̀ напаѧ́ютъ бога́тнѡ благочести́выхъ бжⷭ҇твенною бл҃года́тїю."
|
|
},
|
|
{
|
|
"type": "TEXT",
|
|
"value": "Да восхва́литсѧ наза́рїй, и҆ да почти́тсѧ прота́сїй, и҆ бжⷭ҇твенный келсі́й, и҆ герва́сїй, и҆̀же благосла́внѡ пострада́вше, и҆ ле́сть ᲂу҆ма́ливше, и҆ а҆́гг҃льскимъ ликѡ́мъ свѧще́ннѡ причита́еми, и҆ ѡ҆божа́еми по прича́стїю бжⷭ҇твенномꙋ, и҆ побѣ́ды вѣнцы̀ ѿ дла́ни живонача́льныѧ прїе́мше."
|
|
},
|
|
{
|
|
"type": "TEXT",
|
|
"value": "Ꙗ҆́кѡ тече́нїе соверши́вше, и҆ вѣ́рꙋ соблю́дше, страда́нїѧ вѣнцы̀ ᲂу҆вѧзо́стесѧ, и҆ а҆́гг҃лѡмъ сочета́стесѧ, свѣ́тлѡ хра́брствовавше, и҆ льсти́ваго врага̀ ѡ҆ хрⷭ҇тѣ̀ попра́вше, бжⷭ҇твеннїи мꙋ́чєницы. Сегѡ̀ ра́ди согла́снѡ соше́дшесѧ, свѣтоно́снꙋю ва́шꙋ па́мѧть соверша́емъ веселѧ́щесѧ."
|
|
},
|
|
{
|
|
"type": "TEXT",
|
|
"value": "Бг҃омꙋ́дрый наза́рїй, бжⷭ҇твеннымъ проповѣ́данїемъ гра́ды проходѧ̀ просвѣтѝ: є҆го́же подража́въ келсі́й, сла́вꙋ стѧжа̀ бжⷭ҇твенныхъ страда́лєцъ, попра́въ льсти́ваго. Сїѧ̑ всѝ похвала́ми почти́мъ, ꙗ҆́кѡ ѕвѣ́зды и҆ свѣти̑ла сꙋ́щымъ во тмѣ̀, и҆ врачѝ дꙋ́шъ на́шихъ."
|
|
},
|
|
{
|
|
"type": "HEADER",
|
|
"value": "Сла́ва, гла́съ и҃:"
|
|
},
|
|
{
|
|
"type": "TEXT",
|
|
"value": "Жє́ртвы словє́сныѧ, наза́рїа, и҆ герва́сїа, прота́сїа и҆ келсі́а похва́лимъ, ꙗ҆́кѡ всѐ мꙋчи́телей неи́стовство со і҆́дѡлы ᲂу҆праздни́ша. Тѣ́мъ моли́твами и҆́хъ, хрⷭ҇тѐ бж҃е, ми́ръ мі́рꙋ да́рꙋй, и҆ дꙋша́мъ на́шымъ ве́лїю ми́лость."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ, и҆лѝ крⷭ҇тобг҃оро́диченъ."
|
|
},
|
|
{
|
|
"type": "TEXT",
|
|
"value": "Подо́бенъ: Мꙋ́чєницы гдⷭ҇ни:"
|
|
},
|
|
{
|
|
"type": "TEXT",
|
|
"value": "Не терплю̀, ча́до, ви́дѧщи тѧ̀ на дре́вѣ ᲂу҆снꙋ́вша, бо́дрость всѣ̑мъ подаю́щаго. Ꙗ҆́кѡ да дре́вле престꙋпле́нїѧ плодо́мъ, сно́мъ поги́бельнымъ ᲂу҆снꙋ́вшымъ, бжⷭ҇твеннꙋю и҆ спаси́тельнꙋю бо́дрость пода́си, дв҃а гл҃го́лаше пла́чꙋщи, ю҆́же велича́емъ."
|
|
},
|
|
{
|
|
"type": "HEADER",
|
|
"value": "На стїхо́внѣ ѻ҆ктѡ́иха. Тропа́рь, гла́съ д҃:"
|
|
},
|
|
{
|
|
"type": "TEXT",
|
|
"value": "Мꙋ́чєницы твоѝ, гдⷭ҇и, во страда́нїихъ свои́хъ вѣнцы̀ прїѧ́ша нетлѣ̑нныѧ ѿ тебє̀ бг҃а на́шегѡ: и҆мꙋ́ще бо крѣ́пость твою̀, мꙋчи́телей низложи́ша, сокрꙋши́ша и҆ де́мѡнѡвъ немѡщны́ѧ де́рзѡсти. Тѣ́хъ моли́твами спасѝ дꙋ́шы на́шѧ."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ: а҆́ще среда̀, и҆лѝ пѧто́къ, крⷭ҇тобг҃оро́диченъ."
|
|
},
|
|
{
|
|
"type": "HEADER",
|
|
"value": "На ᲂу҆́трени, ѻ҆́ба канѡ́на ѻ҆ктѡ́иха: и҆ ст҃ы́хъ, канѡ́нъ на д҃, гла́съ д҃, і҆ѡ́сифово, є҆гѡ́же краегране́сїе:"
|
|
},
|
|
{
|
|
"type": "TEXT",
|
|
"value": "Вѣ́рнѡ воспою̀ мꙋ́ченики вѣнценѡ́сныѧ."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ѿве́рзꙋ ᲂу҆ста̀ моѧ̑, и҆ напо́лнѧтсѧ дх҃а, и҆ сло́во ѿры́гнꙋ цр҃и́цѣ мт҃ри, и҆ ꙗ҆влю́сѧ, свѣ́тлѡ торжествꙋ́ѧ, и҆ воспою̀, ра́дꙋѧсѧ тоѧ̀ чꙋдеса̀."
|
|
},
|
|
{
|
|
"type": "TEXT",
|
|
"value": "Вѣ́рнѡ пострада́вше, и҆ по́двигъ сконча́вше, побѣ́ды вѣнце́мъ ᲂу҆вѧзо́стесѧ, бжⷭ҇твеннїи мꙋ́чєницы: бжⷭ҇твеннꙋю ва́шꙋ па́мѧть тѣ́мъ пра́зднꙋемъ веселѧ́щесѧ."
|
|
},
|
|
{
|
|
"type": "TEXT",
|
|
"value": "Вѣ́триломъ вперѧ́еми дх҃а бжⷭ҇твеннагѡ, пꙋчи́нꙋ немо́креннѡ преидо́сте, мꙋ́ченицы сла́внїи, мꙋче́нїй, и҆ ны́нѣ къ бжⷭ҇твенномꙋ приста́нищꙋ вы́шнїѧ свѣ́тлости всели́стесѧ."
|
|
},
|
|
{
|
|
"type": "TEXT",
|
|
"value": "Крⷭ҇то́мъ ꙗ҆́коже бронѧ́ми ѡ҆дѣ́ѧни, блаже́ннїи, врага̀ безпло́тнаго пора́товасте въ тѣ́лѣ, томлє́нїѧ многоплетє́ннаѧ и҆ сме́рть непра́веднꙋю претерпѣ́вше."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Є҆ди́нꙋ вмѣсти́вшꙋю превѣ́чнаго гдⷭ҇а во ᲂу҆тро́бѣ, всенепоро́чнꙋю ѻ҆трокови́цꙋ воспои́мъ, ꙗ҆́кѡ бы́сть нб҃съ простра́ннѣйши, бг҃а воплоти́вши бл҃гости ра́ди."
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "TEXT",
|
|
"value": "І҆рмо́съ: Твоѧ̑ пѣсносло́вцы, бцⷣе, живы́й и҆ незави́стный и҆сто́чниче, ли́къ себѣ̀ совокꙋ́пльшыѧ, дꙋхо́внѡ ᲂу҆твердѝ, въ бжⷭ҇твеннѣй твое́й сла́вѣ, вѣнцє́въ сла́вы сподо́би."
|
|
},
|
|
{
|
|
"type": "TEXT",
|
|
"value": "Ꙗ҆́кѡ гро́здїе бжⷭ҇твеннїи бы́сте вїногра́да бжⷭ҇твеннагѡ и҆́стиннѡ, страда́нїѧ и҆злива́юще вїно̀ на́мъ, мꙋ́чєницы, дꙋхо́внѡ веселѧ́щее всѣ́хъ сердца̀ бл҃года́тїю."
|
|
},
|
|
{
|
|
"type": "TEXT",
|
|
"value": "Крѣ́пкѡ проти́вилсѧ є҆сѝ гони́телю, наза́рїе мꙋ́чениче хрⷭ҇то́въ, повелѣва́ющꙋ мє́рзскимъ тебѣ̀ богѡ́мъ жре́ти, пребога́те, ꙗ҆́кѡ а҆́гнѧ заколе́нїю гото́въ бы́лъ є҆сѝ, сла́вне."
|
|
},
|
|
{
|
|
"type": "TEXT",
|
|
"value": "Хвале́нїѧ всѝ согла́сїе воспои́мъ дне́сь вѣ́рнѡ, наза́рїю, герва́сїю, прота́сїю и҆ келсі́ю, и҆́стины свидѣ́телємъ бы́вшымъ въ дс҃ѣ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Зако́на проѡбразова́ше ски́нїѧ тѧ̀ бы́ти хотѧ́щꙋю, чⷭ҇таѧ, бж҃їе свѧще́нное жили́ще: и҆зъ негѡ́же ѡ҆чище́нїе на́ше, ст҃ы́ню да́рꙋѧй всѣ̑мъ на́мъ, прїи́детъ."
|
|
},
|
|
{
|
|
"type": "HEADER",
|
|
"value": "Сѣда́ленъ, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Премꙋ́дрости."
|
|
},
|
|
{
|
|
"type": "TEXT",
|
|
"value": "Наза́рїевы стра̑сти и҆ гонє́нїѧ, прота́сїевы болѣ̑зни и҆ ра̑ны чтꙋ́ще, герва́сїа хва́лимъ, и҆ келсі́а, ст҃ы́ѧ трⷪ҇цы сосꙋ́ды честны̑ѧ, свѣ̑тлыѧ ѕвѣ́зды, вѣ́рныхъ предстѡ́лпїѧ, нече́стїѧ и҆́стиннїи потреби́телє, и҆ столпѝ вѣ́ры, и҆ ᲂу҆твержде́нїе непоколеби́мо, и҆̀мже вѣ́рою возопїи́мъ: моли́те хрⷭ҇та̀ бг҃а, грѣхѡ́въ ѡ҆ставле́нїе дарова́ти чтꙋ́щымъ любо́вїю свѧтꙋ́ю па́мѧть ва́шꙋ."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Ꙗ҆́кѡ дв҃ꙋ и҆ є҆ди́нꙋ въ жена́хъ, тѧ̀ безъ сѣ́мене ро́ждшꙋю бг҃а пло́тїю, всѝ ᲂу҆блажа́емъ ро́ди человѣ́честїи: ѻ҆́гнь бо всели́сѧ въ тѧ̀ бжⷭ҇тва̀, и҆ ꙗ҆́кѡ млⷣнца дои́ши зижди́телѧ и҆ гдⷭ҇а. Тѣ́мъ а҆́гг҃льскїй и҆ человѣ́ческїй ро́дъ досто́йнѡ сла́вимъ прест҃о́е ржⷭ҇тво̀ твоѐ, и҆ согла́снѡ вопїе́мъ тѝ: молѝ хрⷭ҇та̀ бг҃а, согрѣше́нїй ѡ҆ставле́нїе дарова́ти, покланѧ́ющымсѧ вѣ́рою прест҃о́мꙋ ржⷭ҇твꙋ̀ твоемꙋ̀."
|
|
},
|
|
{
|
|
"type": "TEXT",
|
|
"value": "Крⷭ҇тобг҃оро́диченъ: А҆́гнца и҆ па́стырѧ и҆ и҆зба́вителѧ, а҆́гница зрѧ́щи на крⷭ҇тѣ̀, восклица́ше пла́чꙋщи, и҆ го́рькѡ рыда́ющи, вопїѧ́ше: мі́ръ ᲂу҆́бѡ ра́дꙋетсѧ, прїе́млѧ и҆збавле́нїе, ᲂу҆тро́ба же моѧ̀ гори́тъ, зрѧ́щи твоѐ распѧ́тїе, є҆́же терпи́ши за милосе́рдїе ми́лости. Долготерпѣли́ве гдⷭ҇и, ми́лости бе́здно, и҆ и҆сто́чниче неисчерпа́емый, ᲂу҆милосе́рдисѧ, и҆ да́рꙋй согрѣше́нїй ѡ҆ставле́нїе, вѣ́рою пою́щымъ бжⷭ҇твєнныѧ стра̑сти твоѧ̑."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "TEXT",
|
|
"value": "І҆рмо́съ: Сѣдѧ́й въ сла́вѣ на прⷭ҇то́лѣ бж҃ества̀, во ѻ҆́блацѣ ле́гцѣ прїи́де і҆и҃съ пребжⷭ҇твенный, нетлѣ́нною дла́нїю, и҆ спасѐ зовꙋ́щыѧ: сла́ва, хрⷭ҇тѐ, си́лѣ твое́й."
|
|
},
|
|
{
|
|
"type": "TEXT",
|
|
"value": "Па́че смы́сла ст҃ы́хъ мꙋ́чєникъ твои́хъ любо́вь превосхо́дитъ всѧ̑ помышлє́нїѧ, сло́ве, борє́нїѧ и҆ мꙋ́жествєнныѧ по́двиги, и҆ натрижнє́нїѧ, ꙗ҆̀же пода́лъ є҆сѝ зако́ннѡ и҆̀мъ пострада́вшымъ."
|
|
},
|
|
{
|
|
"type": "TEXT",
|
|
"value": "Є҆ди́нъ ра́зꙋмъ, въ ра́зныхъ ᲂу҆ранѧ́еми тѣлесѣ́хъ, хрⷭ҇тѡ́вы ѻ҆рꙋ̑жницы преизли́шнѡ показа́ша, є҆ди́наго бг҃а въ три́знищи и҆сповѣ́даша, и҆ многобо́жїѧ ле́сть ꙗ҆́вѣ погꙋби́ша."
|
|
},
|
|
{
|
|
"type": "TEXT",
|
|
"value": "Наза́рїа, прота́сїа, герва́сїа и҆ келсі́а, честны́хъ мꙋ́ченикѡвъ, а҆́гг҃ли боре́нїю подиви́шасѧ, ка́кѡ въ пло́ти безпло́тномꙋ сплета́ющесѧ, низложи́ша сего̀ на зе́млю мꙋ́жественнѣйше."
|
|
},
|
|
{
|
|
"type": "TEXT",
|
|
"value": "Ꙗ҆́кѡ до́блїи во́ини, ꙗ҆́кѡ непобѣди́мїи мꙋ́чєницы, ꙗ҆́кѡ хрⷭ҇тѡ́вы ѻ҆рꙋ̑жницы, и҆ ꙗ҆́кѡ благоче́стїѧ побѡ́рницы, нбⷭ҇наѧ селє́нїѧ наслѣ́довасте, и҆ ликѡ́мъ а҆́гг҃льскимъ всегда̀ свеселѧ́щесѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Не и҆стощи́въ ѻ҆ч҃ескихъ пребжⷭ҇твенный, пречⷭ҇таѧ бцⷣе, нѣ́дръ, въ нѣ́дрѣхъ твои́хъ пречи́стыхъ сѣди́тъ, бжⷭ҇твенное сѣда́лище всѣ̑мъ бл҃госты́нею готовлѧ́ѧ, и҆ сла́вꙋ при́снѡ пребыва́ющꙋю."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆жасо́шасѧ всѧ́чєскаѧ ѡ҆ бжⷭ҇твеннѣй сла́вѣ твое́й: ты́ бо неискꙋсобра́чнаѧ дв҃о, и҆мѣ́ла є҆сѝ во ᲂу҆тро́бѣ надъ всѣ́ми бг҃а, и҆ родила̀ є҆сѝ безлѣ́тнаго сн҃а, всѣ̑мъ воспѣва́ющымъ тѧ̀, ми́ръ подава́ющаѧ."
|
|
},
|
|
{
|
|
"type": "TEXT",
|
|
"value": "Ра́намъ тѣ́ло твоѐ, наза́рїе, приѡбщи́сѧ, ᲂу҆́замъ многоѻбра́зныхъ мꙋ́къ: мѵ́ро благово́нное тѣ́мъ и҆сточа́етъ на́мъ, ѡ҆благово́нствꙋющее дꙋ́шы, вѣ́рою несомнѣ́нною тѧ̀ почита́ющихъ, всехва́льне."
|
|
},
|
|
{
|
|
"type": "TEXT",
|
|
"value": "Кропле́ньми крове́й твои́хъ погаси́лъ є҆сѝ ᲂу҆́глїе многобо́жїѧ, страстоте́рпче: бжⷭ҇твенныхъ чꙋде́съ ѻ҆гне́мъ же, всемꙋ́дре, ти́нꙋ страсте́й лю́тыхъ пожига́еши, бж҃їею бл҃года́тїю сп҃совою, наза́рїе."
|
|
},
|
|
{
|
|
"type": "TEXT",
|
|
"value": "Цвѣ́ты дыха́ющїи, воню̀ бж҃їѧ зна́нїѧ, бг҃озна́нїѧ ѕла́чники, ра̑йскаѧ древеса̀ благоплѡ́днаѧ, предѡ́брыѧ и҆ свѣтоза̑рныѧ почти́мъ мч҃ники, и҆ вѣ́рнѡ ᲂу҆блажи́мъ."
|
|
},
|
|
{
|
|
"type": "TEXT",
|
|
"value": "Да пое́тсѧ наза́рїй, да велича́етсѧ келсі́й, кꙋ́пнѡ съ прота́сїемъ, до́блїй да похва́литсѧ вѣ́рою герва́сїй, цр҃кве непрекло́ннїи столпѝ, и҆ ѡ҆снова̑нїѧ нерꙋши̑маѧ бы́вшїи."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ѻ҆рꙋ́жїе, дре́вле є҆де́мъ стрегꙋ́щее, плещы̀ вѣ̑рнымъ подае́тъ, чⷭ҇таѧ, зна́мєнаннымъ честно́ю кро́вїю, пре́жде и҆сточи́вшеюсѧ ѿ ре́бръ, копїѧ̀ прободе́нїемъ, и҆зъ тебє̀ возсїѧ́вшаго."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Бж҃е́ственное сїѐ и҆ всечестно́е соверша́юще пра́зднество, бг҃омꙋ́дрїи, бг҃ома́тере, прїиди́те, рꙋка́ми воспле́щимъ, ѿ неѧ̀ ро́ждшагосѧ бг҃а сла́вимъ."
|
|
},
|
|
{
|
|
"type": "TEXT",
|
|
"value": "Твоѧ̑ шє́ствїѧ на вода́хъ бы́ша, всебл҃же́нне наза́рїе, и҆ не позна́шасѧ си̑мъ слѣды̀ твоѧ̑ въ дꙋ́сѣ, є҆гѡ́же си́лою всѧ̑ врагѝ посрами́лъ є҆сѝ."
|
|
},
|
|
{
|
|
"type": "TEXT",
|
|
"value": "Тѣле́съ стра̑сти неисцѣ̑льныѧ, бж҃їею бл҃года́тїю и҆сцѣли́лъ є҆сѝ, мч҃ниче наза́рїе, мѵ́ро благово́нное и҆сточа́еши же, твои̑мъ честны̑мъ моще́мъ приближа́ющымсѧ."
|
|
},
|
|
{
|
|
"type": "TEXT",
|
|
"value": "Ꙗ҆́вѣ бжⷭ҇твенный прота́сїй, вели́кїй же съ ни́мъ герва́сїй, бога́тство привре́менное и҆ могꙋ́тство попра́вше, вѣ́чныѧ сла́вы сподо́бишисѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Зако́ны є҆ди́на ѡ҆бнови́ла є҆сѝ є҆стества̀, дв҃о, ро́ждши бг҃а безсме́ртнаго, въ пло́ть ме́ртвеннꙋю ѡ҆дѣ́ѧвшасѧ, да мє́ртвыѧ ѡ҆живи́тъ бла́гостїю."
|
|
},
|
|
{
|
|
"type": "HEADER",
|
|
"value": "Конда́къ, гла́съ в҃."
|
|
},
|
|
{
|
|
"type": "TEXT",
|
|
"value": "Подо́бенъ: Вы́шнихъ и҆щѧ̀:"
|
|
},
|
|
{
|
|
"type": "TEXT",
|
|
"value": "Свѣти́льницы свѣ́тлїи ꙗ҆́вльшесѧ бжⷭ҇твеннїи мꙋ́чєницы, тва́рь свѣ́томъ чꙋде́съ ѡ҆зарѧ́ете, недꙋ́гѡвъ разрѣша́юще глꙋбо́кꙋю но́щь всегда̀, и҆ хрⷭ҇тꙋ̀ є҆ди́номꙋ бг҃ꙋ молѧ́щесѧ непреста́ннѡ ѡ҆ всѣ́хъ на́съ."
|
|
},
|
|
{
|
|
"type": "TEXT",
|
|
"value": "І҆́косъ: Ꙗ҆́кѡ свѣтоза́рнїи и҆ бжⷭ҇твеннїи свѣти́льницы, свѣ́тꙋ вели́комꙋ предстоѧ́ще при́снѡ, бг҃облаже́ннїи мꙋ́чєницы, и҆ ѿтꙋ́дꙋ и҆спꙋща́емыми невече́рнѧгѡ бж҃ества̀ сїѧ̑нїи, всегда̀ просвѣща́еми и҆ ѡ҆божа́еми, вѣ́рою па́мѧть ва́шꙋ соверша́ющыѧ бжⷭ҇твеннꙋю просвѣти́те, и҆ ѡ҆мраче́нїѧ и҆ страсте́й и҆ бѣ́дъ и҆ ѕло́бы и҆зба́вите, молѧ́щесѧ непреста́ннѡ ѡ҆ всѣ́хъ на́съ."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "TEXT",
|
|
"value": "І҆рмо́съ: Не послꙋжи́ша тва́ри бг҃омꙋ́дрїи па́че созда́вшагѡ, но ѻ҆́гненное преще́нїе мꙋ́жески попра́вше, ра́довахꙋсѧ пою́ще: препѣ́тый ѻ҆ц҃є́въ гдⷭ҇ь и҆ бг҃ъ, благослове́нъ є҆сѝ."
|
|
},
|
|
{
|
|
"type": "TEXT",
|
|
"value": "На ка́мени бжⷭ҇твеннагѡ зна́нїѧ ᲂу҆тверди́вше стѡпы̀, сла́внїи, серде́цъ ва́шихъ вра́жїими ᲂу҆хищре́ньми не преврати́сте, воспѣва́юще: препѣ́тый ѻ҆тцє́въ гдⷭ҇и и҆ бг҃ъ, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Свѣ́тъ невече́рнїй страда́вшымъ кро́вїю ва́мъ возсїѧ̀, и҆ весе́лїе ꙗ҆́вѣ ва́съ прїѧ́тъ великомч҃ницы, воспѣва́ющихъ: препѣ́тый ѻ҆тє́цъ гдⷭ҇ь и҆ бг҃ъ, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Ѡ҆свѧти́сте преꙋсе́рднѡ проходѧ́ще гра́ды, блаже́ннїи, и҆сповѣ́дающе хрⷭ҇та̀ предъ мꙋчи́тели, и҆ всѣ̑мъ и҆сцѣлє́нїѧ подаю́ще тре́бꙋющымъ, благода́тїю дх҃а всест҃а́гѡ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Свѣтлѣ́йшꙋю пала́тꙋ ѡ҆брѣ́тъ бг҃ъ ᲂу҆тро́бꙋ твою̀, въ сїю̀ всели́сѧ, сы́ны содѣ́ловаѧ свѣ́та, всенепоро́чнаѧ, зовꙋ́щыѧ: ѻ҆тє́цъ на́шихъ бж҃е, бл҃гослове́нъ є҆сѝ."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ѻ҆́троки благочести̑выѧ въ пещѝ ржⷭ҇тво̀ бг҃оро́дичо спасло̀ є҆́сть: тогда̀ ᲂу҆́бѡ ѡ҆бразꙋ́емое, ны́нѣ же дѣ́йствꙋемое, вселе́ннꙋю всю̀ воздвиза́етъ пѣ́ти тебѣ̀: гдⷭ҇а по́йте дѣла̀, и҆ превозноси́те є҆го̀ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Оу҆́тренююще къ возсїѧ́вшемꙋ и҆зъ дв҃ы пресла́внѡ вели́комꙋ сл҃нцꙋ мꙋ́чєницы непобѣди́мїи, свѣ́тъ бы́сте, и҆ пре́лести тмꙋ̀ бл҃года́тїю разори́сте: гдⷭ҇а по́йте, вопїю́ще, дѣла̀, и҆ превозноси́те є҆го̀ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Ри́мъ дре́вле по́двиги твоѧ̑ проповѣ́даетъ, наза́рїе многострада́льне: кѡнстантїногра́дъ пое́тъ чꙋдеса̀, свѧщє́нныѧ твоѧ̑ мо́щи вѣ́рою содержа́ѧ, гдⷭ҇а по́йте, вопїю́щїй, дѣла̀, и҆ превозноси́те є҆го̀ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Бжⷭ҇твенный наза́рїй и҆сточа́ѧ мѵ́ра благода́ти, повелѣва́етъ всѣ̑мъ притека́ющымъ вѣ́рою почерпа́ти, на просвѣще́нїе и҆ ѡ҆чище́нїе, взыва́ющымъ: гдⷭ҇а по́йте дѣла̀, и҆ превозноси́те є҆го̀ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Ва́съ, дѡ́блїѧ страстоте́рпцы, наза́рїа, келсі́а, прота́сїа, па́ки же герва́сїа, моле́бники ко гдⷭ҇ꙋ крѣпча́йшыѧ и҆мꙋ́ще, любо́вїю зове́мъ: гдⷭ҇а по́йте дѣла̀, и҆ превозноси́те є҆го̀ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Пло́тїю соедини́всѧ тебѣ̀ по сꙋществꙋ̀, всѣ̑мъ є҆́же бы́ти подаѧ́й, всего́ мѧ ѡ҆бновѝ, всего̀ назда̀ ѡ҆бветша́вшаго, пречⷭ҇таѧ, престꙋпле́ньми. Тѣ́мъ тѧ̀ дв҃ꙋ пое́мъ, и҆ превозно́симъ во всѧ̑ вѣ́ки."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Є҆́ѵа ᲂу҆́бѡ недꙋ́гомъ преслꙋша́нїѧ клѧ́твꙋ всели́ла є҆́сть: ты́ же, дв҃о бцⷣе, прозѧбе́нїемъ чревоноше́нїѧ, мі́рови благослове́нїе процвѣла̀ є҆сѝ. Тѣ́мъ тѧ̀ всѝ велича́емъ."
|
|
},
|
|
{
|
|
"type": "TEXT",
|
|
"value": "Крѣ́постїю вжилѧ́еми хрⷭ҇та̀, разо́ршагѡ ѕло́бꙋ гꙋби́телѧ, преклони́вше семꙋ̀ вы́ю, коне́цъ мече́мъ прїѧ́сте, разрѣ́шшесѧ ѿ пло́ти, великоимени́тїи: тѣ́мъ досто́йнѡ блажи́ми є҆стѐ."
|
|
},
|
|
{
|
|
"type": "TEXT",
|
|
"value": "Краснѝ ꙗ҆́звами плотски́ми бы́сте, и҆ а҆́гг҃лѡмъ ᲂу҆подо́бистесѧ: ны́нѣ же предстоитѐ всѣ́хъ ра́дꙋющесѧ при́снѡ красотѣ̀, прича́стїемъ ꙗ҆́вѣ ᲂу҆добрѧ́еми, краснѣ́йше, всечестні́и."
|
|
},
|
|
{
|
|
"type": "TEXT",
|
|
"value": "Зна́меньми и҆ чꙋдесы̀ ва́съ ᲂу҆красѝ, и҆ пре́жде конца̀ всеприснопа́мѧтнїи, и҆ по концѣ̀ влⷣка, наза́рїе, прота́сїе, келсі́е, герва́сїе, непобѣди́мїи мч҃ницы, тѣ́мъ досто́йнѡ ᲂу҆блажа́етесѧ."
|
|
},
|
|
{
|
|
"type": "TEXT",
|
|
"value": "Ѡ҆свѧти́шасѧ любо́вїю ва́шею всѧ́чєскаѧ, соверша́ющи па́мѧть дне́сь: ра́дꙋютсѧ мч҃ницы, и҆ всѝ прⷪ҇ро́цы съ на́ми пра́зднꙋютъ, съ ни́миже ѡ҆ на́съ моли́тесѧ бл҃годѣ́телю, всебл҃же́ннїи."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Гла́съ тѝ бжⷭ҇твеннагѡ гаврїи́ла прино́симъ веселѧ́щесѧ, ѻ҆трокови́це пречⷭ҇таѧ: ра́дꙋйсѧ ѡ҆бра́дованнаѧ, мꙋ́ченикѡвъ, а҆пⷭ҇лѡвъ похвало̀, и҆ всѣ́хъ вѣ́рныхъ спасе́нїе, дв҃о мт҃и, неискꙋсобра́чнаѧ."
|
|
},
|
|
{
|
|
"type": "HEADER",
|
|
"value": "Свѣти́ленъ."
|
|
},
|
|
{
|
|
"type": "TEXT",
|
|
"value": "Подо́бенъ: Дх҃омъ во ст҃и́лищи:"
|
|
},
|
|
{
|
|
"type": "TEXT",
|
|
"value": "Претерпѣ́лъ є҆сѝ ꙗ҆́кѡ безпло́тенъ нестерпи̑мыѧ мꙋ̑ки, наза́рїе бл҃же́нне, мч҃никѡвъ сла́ва, съ герва́сїемъ мꙋ́дрымъ, прота́сїемъ же кꙋ́пнѡ и҆ бжⷭ҇твеннымъ келсі́емъ. Тѣ́мъ вѣ́рою чти́мъ всепра́зднственнꙋю ва́шꙋ и҆ честнꙋ́ю па́мѧть."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Па́че ᲂу҆ма̀ ржⷭ҇тва̀ твоегѡ̀ пресла́вное чꙋ́до, ᲂу҆дивлѧ́етъ всѧ́къ смы́слъ, и҆ земны́хъ и҆ а҆́гг҃лъ: дв҃а бо сꙋ́щи родила̀ є҆сѝ, и҆ дв҃а пребыла̀ є҆сѝ, ꙗ҆́кѡ пре́жде ржⷭ҇тва̀ дв҃о. Ѽ стра́шнагѡ та́инства! Ѽ ржⷭ҇тва̀ ди́внагѡ! Ѽ чревоноше́нїѧ пресла́внагѡ!"
|
|
}
|
|
] |