594 lines
44 KiB
JSON
594 lines
44 KiB
JSON
[
|
|
{
|
|
"type": "HEADER",
|
|
"value": "Ѻ҆ктѡ́врїа кв҃"
|
|
},
|
|
{
|
|
"type": "HEADER",
|
|
"value": "Ст҃а́гѡ равноапо́стольнагѡ а҆ве́ркїа є҆пі́скопа, і҆ерапо́льскагѡ чꙋдотво́рца:"
|
|
},
|
|
{
|
|
"type": "HEADER",
|
|
"value": "И҆ ст҃ы́хъ седмѝ ѻ҆трокѡ́въ, и҆̀же во є҆фе́сѣ:"
|
|
},
|
|
{
|
|
"type": "HEADER",
|
|
"value": "На Гдⷭ҇и, воззва́хъ, стїхи̑ры ст҃и́телю, гла́съ в҃."
|
|
},
|
|
{
|
|
"type": "TEXT",
|
|
"value": "Подо́бенъ: Є҆гда̀ ѿ дре́ва:"
|
|
},
|
|
{
|
|
"type": "TEXT",
|
|
"value": "Бжⷭ҇твенныхъ ᲂу҆че́нїй блиста́ньми разрꙋши́лъ є҆сѝ многобо́жнꙋю но́щь, ѻ҆́ч҃е а҆ве́ркїе, ᲂу҆́тро же возсїѧ́въ, сы́ны днѐ соверши́лъ є҆сѝ, во мра́цѣ сꙋ́щыѧ пре́жде, і҆ера́рше, чꙋдеса̀ пресла̑внаѧ показа́въ: тѣ́мъ свѧтꙋ́ю твою̀ па́мѧть вѣ́рою пра́зднꙋемъ всѝ, пѣсносло́вѧще тѧ̀, бг҃одохнове́нне."
|
|
},
|
|
{
|
|
"type": "TEXT",
|
|
"value": "Въ сосꙋ́дѣ є҆ди́нѣмъ чꙋдодѣ́йствꙋѧ, вїно́ бо и҆ є҆ле́й, ѻ҆́ч҃е, и҆ ви́дъ дрꙋгі́й совокꙋпи́лъ є҆сѝ, блюдо́ма внегда̀ тре́бовати несмѣ́шена бжⷭ҇твенною бл҃года́тїю: те́плыхъ же во́дъ дарова́нїе, мл҃твою и҆стещѝ сотвори́лъ є҆сѝ, недꙋ́ги и҆сцѣлѧ́ѧ всѧ́чєскїѧ, приходѧ́щихъ тебѣ̀ вѣ́рою, и҆ блажа́щихъ тѧ̀, а҆ве́ркїе."
|
|
},
|
|
{
|
|
"type": "TEXT",
|
|
"value": "Ве́сь прилѣжа̀ бг҃ꙋ, бжⷭ҇твенныхъ и҆спо́лнитель ᲂу҆че́нїй ꙗ҆ви́лсѧ є҆сѝ, а҆ве́ркїе: бл҃года́ть же прїе́мъ ѿ высоты̀, прпⷣбне, недꙋ́ги ѿгна́лъ є҆сѝ разли̑чныѧ человѣ́кѡмъ: трє́бища і҆́дѡльскаѧ разори́лъ є҆сѝ: зна́нїе насади́лъ є҆сѝ бжⷭ҇твенное, невѣ́дѣнїемъ ѻ҆каѧ́ннѡ пре́жде бѣ́дствꙋющымъ, блаже́нне."
|
|
},
|
|
{
|
|
"type": "HEADER",
|
|
"value": "И҆́ны стїхи̑ры мꙋ́ченикѡвъ, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Ꙗ҆́кѡ до́блѧ:"
|
|
},
|
|
{
|
|
"type": "TEXT",
|
|
"value": "Пребеззакѡ́ннаѧ велѣ̑нїѧ, бг҃ꙋ поко́ршесѧ, ѻ҆́троцы бл҃же́ннїи небрего́ша, и҆ свѧ́зани бы́вше, разрѣши́ша пре́лести соꙋ́зъ, и҆ са́нъ мїрскі́й ѿве́ргше, прїѧ́ша сла́вꙋ, ꙗ҆̀же тѣ́хъ пресла́внѡ соверши́вшꙋ, и҆ го́рнѧгѡ и҆схода́таившꙋ црⷭ҇твїѧ наслажде́нїе."
|
|
},
|
|
{
|
|
"type": "TEXT",
|
|
"value": "Къ по́двигѡмъ себѐ страда́нїѧ, ст҃і́и, крѣ́пкѡ ѡ҆бꙋчи́вше, скры́стесѧ въ верте́пѣ, моле́ньми непреста́нными ко гдⷭ҇ꙋ молѧ́щесѧ, крѣ́пость пода́ти и҆ си́лꙋ, и҆́миже сꙋдьба́ми чл҃вѣколю́бецъ вѣ́сть: ᲂу҆снꙋ́ти въ ми́рѣ всѣ̑мъ ва́мъ, бг҃онача́льнѡ повелѣва́етъ."
|
|
},
|
|
{
|
|
"type": "TEXT",
|
|
"value": "Бг҃осо́бранный по́лкъ, ли́къ бл҃же́нный, мч҃ническое собра́нїе неꙋдобопобори́мое, цр҃кви бжⷭ҇твеннѣй кра́сное торжество̀, нерасте́рзное совокꙋпле́нїе, во́инство непобѣди́мое, незы́бленное бл҃гоче́стїѧ ѡ҆снова́нїе, прїиди́те всѝ воспои́мъ ᲂу҆се́рднѡ, бл҃гоче́стїѧ свидѣ́тели."
|
|
},
|
|
{
|
|
"type": "HEADER",
|
|
"value": "Сла́ва, гла́съ г҃."
|
|
},
|
|
{
|
|
"type": "TEXT",
|
|
"value": "І҆ѡа́нна мона́ха: А҆рхїере́е прпⷣбне, всебл҃же́нне ѻ҆́ч҃е, чꙋдотво́рче, ᲂу҆го́дниче хрⷭ҇то́въ, а҆ве́ркїе, прⷪ҇ро́ческимъ житїе́мъ возсїѧ́вый, и҆ а҆пⷭ҇льскихъ сподо́билсѧ є҆сѝ дарѡ́въ, сп҃сꙋ слꙋжа̀ со а҆́гг҃лы непреста́ннѡ, молѝ и҆зба́витисѧ ѿ всѧ́кагѡ преще́нїѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ, и҆лѝ крⷭ҇тобг҃оро́диченъ."
|
|
},
|
|
{
|
|
"type": "TEXT",
|
|
"value": "Подо́бенъ: Ве́лїѧ крⷭ҇та̀:"
|
|
},
|
|
{
|
|
"type": "TEXT",
|
|
"value": "Ѻ҆рꙋ́жїе се́рдце твоѐ про́йде, пречⷭ҇таѧ, є҆гда̀ сн҃а твоего̀ на крⷭ҇тѣ̀ ви́дѣла є҆сѝ, и҆ вопїѧ́ла є҆сѝ: не безча́днꙋ мѧ̀ покажѝ, сн҃е мо́й и҆ бж҃е мо́й, соблюды́й мѧ̀ по ржⷭ҇твѣ̀ дв҃ꙋ."
|
|
},
|
|
{
|
|
"type": "HEADER",
|
|
"value": "Тропа́рь, гла́съ д҃:"
|
|
},
|
|
{
|
|
"type": "TEXT",
|
|
"value": "Пра́вило вѣ́ры, и҆ ѻ҆́бразъ кро́тости, воздержа́нїѧ ᲂу҆чи́телѧ, ꙗ҆ви́ тѧ ста́дꙋ твоемꙋ̀, ꙗ҆́же веще́й и҆́стина. Сегѡ̀ ра́ди стѧжа́лъ є҆сѝ смире́нїемъ высѡ́каѧ, нището́ю бога̑таѧ, ѻ҆́ч҃е а҆ве́ркїе, молѝ хрⷭ҇та̀ бг҃а, спасти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "И҆ ст҃ы́хъ тропа́рь, гла́съ то́йже:"
|
|
},
|
|
{
|
|
"type": "TEXT",
|
|
"value": "Мꙋ́чєницы твоѝ, гдⷭ҇и, во страда́нїихъ свои́хъ вѣнцы̀ прїѧ́ша нетлѣ̑нныѧ ѿ тебє̀ бг҃а на́шегѡ: и҆мꙋ́ще бо крѣ́пость твою̀, мꙋчи́телей низложи́ша, сокрꙋши́ша и҆ де́мѡнѡвъ немѡщны́ѧ де́рзѡсти. Тѣ́хъ моли́твами спасѝ дꙋ́шы на́шѧ."
|
|
},
|
|
{
|
|
"type": "HEADER",
|
|
"value": "На ᲂу҆́трени канѡ́нъ ѻ҆ктѡ́иха є҆ди́нъ."
|
|
},
|
|
{
|
|
"type": "HEADER",
|
|
"value": "И҆ ст҃и́телѧ канѡ́нъ на д҃, гла́съ в҃, і҆ѡ́сифъ, є҆гѡ́же краегране́сїе:"
|
|
},
|
|
{
|
|
"type": "TEXT",
|
|
"value": "А҆ве́ркїевꙋ воспою̀ вели́кꙋю сла́вꙋ."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Грѧди́те, лю́дїе, пои́мъ пѣ́снь хрⷭ҇тꙋ̀ бг҃ꙋ, раздѣ́льшемꙋ мо́ре, и҆ наста́вльшемꙋ лю́ди, ꙗ҆̀же и҆зведѐ и҆зъ рабо́ты є҆гѵ́петскїѧ, ꙗ҆́кѡ просла́висѧ."
|
|
},
|
|
{
|
|
"type": "TEXT",
|
|
"value": "Заре́ю свѣ́тлою трисл҃нечнагѡ бж҃ества̀ ѡ҆заре́нъ бы́въ, а҆ве́ркїе, свѣ́тъ бы́лъ є҆сѝ, сꙋ́щыѧ во тмѣ̀ просвѣща́ѧ, и҆ всѐ де́мѡнское разрꙋша́ѧ ѡ҆мраче́нїе."
|
|
},
|
|
{
|
|
"type": "TEXT",
|
|
"value": "Житїѐ на землѝ и҆мѣ́лъ є҆сѝ, преблаже́нне, нбⷭ҇ное, съ пло́тїю ꙗ҆́кѡ безпло́тенъ жи́тельствовавъ, и҆ стра̑сти ᲂу҆мертви́въ, и҆ свѧще́нства да́ръ прїе́мъ."
|
|
},
|
|
{
|
|
"type": "TEXT",
|
|
"value": "И҆мѣ́ѧ въ тебѣ̀, ѻ҆́ч҃е, сло́во вѣща́ющо, безсловє́сїѧ разрꙋши́лъ є҆сѝ сꙋемꙋ́дренныхъ, де́мѡнскїѧ хра́мы, и҆ кꙋмі́ры прелє́стныѧ низложи́въ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Виті́йстїи ѧ҆зы́цы глаго́лати недоꙋмѣ́ютъ твоегѡ̀ па́че сло́ва зача́тїѧ: бг҃а бо родила̀ є҆сѝ пло́тїю, всечⷭ҇таѧ, на́мъ ᲂу҆подо́бльшасѧ за бл҃госты́ню."
|
|
},
|
|
{
|
|
"type": "HEADER",
|
|
"value": "И҆́нъ канѡ́нъ мꙋ́ченикѡвъ. Гла́съ и҃."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Колесницегони́телѧ фараѡ́нѧ погрꙋзѝ, чꙋдотворѧ́й и҆ногда̀ мѡѷсе́йскїй же́злъ, крⷭ҇тоѻбра́знѡ порази́въ, и҆ раздѣли́въ мо́ре: і҆и҃лѧ же бѣглеца̀ пѣшехо́дца спасѐ, пѣ́снь бг҃ови воспѣва́юща."
|
|
},
|
|
{
|
|
"type": "TEXT",
|
|
"value": "Седми́чнымъ число́мъ чествꙋ́еми ст҃і́и ѻ҆́троцы се́дмь, свѣ́тлїи ѕвѣ́зды, на тве́рди цр҃ко́внѣй сїѧ́юще, и҆̀же свидѣ́тельствомъ на нбⷭ҇наѧ все́льшесѧ, помѧни́те вѣ́рою чтꙋ́щыѧ ва́съ."
|
|
},
|
|
{
|
|
"type": "TEXT",
|
|
"value": "Седмосвѣ́тлымъ сїѧ́нїемъ дх҃а, воѡбража́юще златоза́рнꙋю свѣщꙋ̀, мч҃ницы седмочи́сленнїи, мра́къ ᲂу҆ма́лили є҆стѐ пре́лести, и҆ свѣ́томъ благоче́стїѧ всѧ̑ ны́нѣ седмеросꙋгꙋ́бнѡ просвѣща́ете."
|
|
},
|
|
{
|
|
"type": "TEXT",
|
|
"value": "Бг҃оро́диченъ: На тѧ̀, дв҃о, наде́ждꙋ полага́ю спасе́нїѧ моегѡ̀, грѣхо́вныѧ ти́ны всего́ мѧ ѡ҆мы́й, и҆ чи́ста мѧ̀ содѣ́лай, сн҃ꙋ твоемꙋ̀ и҆зѧ́щнѣ благоꙋгожда́юща, и҆ дѣ́юща тогѡ̀ всест҃ꙋ́ю во́лю."
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆твердѝ на́съ въ тебѣ̀, гдⷭ҇и, дре́вомъ ᲂу҆мерщве́й грѣ́хъ, и҆ стра́хъ тво́й всадѝ въ сердца̀ на́съ пою́щихъ тѧ̀."
|
|
},
|
|
{
|
|
"type": "TEXT",
|
|
"value": "И҆ словесы̀ свѧще́нными, и҆ показа̑нїи чꙋде́съ, а҆ве́ркїе, пресла́внѡ, пре́лести мо́ре пла́вающыѧ, спасе́нїѧ ко приста́нищꙋ наста́вилъ є҆сѝ."
|
|
},
|
|
{
|
|
"type": "TEXT",
|
|
"value": "Цѣльбы̑ содѣва́ѧ, соверша́ѧ и҆зрѧ̑днаѧ, де́мѡнѡвъ ѿгонѧ́ѧ мечта̑нїѧ, спасе́нїѧ, всѣ̑мъ вино́вникъ, бога̑тымъ предста́тель ты̀ бы́лъ є҆сѝ."
|
|
},
|
|
{
|
|
"type": "TEXT",
|
|
"value": "Сло́во сщ҃е́нное, житїѐ бжⷭ҇твенное, нра́въ чꙋдесы̀ сїѧ́ющь, жи́знь твоѧ̀, ѻ҆́ч҃е, сла́вна, и҆ сме́рть честна̀ бы́сть."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Сы́й бг҃ъ пре́жде неви́димый, ви́димь бы́сть, дв҃о за бл҃гоꙋтро́бїе и҆зъ чре́ва твоегѡ̀ воплоща́емь: тѣ́мъ тѧ̀ вѣ́рою ᲂу҆блажа́емъ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆твержде́й въ нача́лѣ нб҃са̀ ра́зꙋмомъ, и҆ зе́млю на вода́хъ ѡ҆снова́вый, на ка́мени мѧ̀, хрⷭ҇тѐ, за́повѣдей твои́хъ ᲂу҆твердѝ. Ꙗ҆́кѡ нѣ́сть свѧ́тъ, па́че тебє̀, є҆ди́не чл҃вѣколю́бче."
|
|
},
|
|
{
|
|
"type": "TEXT",
|
|
"value": "Ꙗ҆́вльшесѧ на землѝ седмосвѣ́тлїи, ꙗ҆́кѡ свѣти́льницы добродѣ́телей, и҆ по́двигѡвъ заре́ю, и҆ чꙋде́съ блиста́ньми свѣ́тлѡ просвѣти́вше, свѣ́тъ бг҃озна́нїѧ всемꙋ̀ мі́рꙋ просїѧ́сте."
|
|
},
|
|
{
|
|
"type": "TEXT",
|
|
"value": "Ѿ пеле́нъ ма́тернихъ возложи́вшесѧ творцꙋ̀, тогѡ̀ ра́ди небрего́сте ѡ҆ сла́вѣ и҆ че́сти ца́рской, и҆ бога́тствѣ мимотекꙋ́щемъ, ѿ негѡ́же нетлѣ́нныхъ че́стей сла́вꙋ полꙋчи́сте."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Оу҆мерщвле́нный мо́й ᲂу҆́мъ, жи́зни дѣ́йствомъ ꙗ҆́вльшїѧсѧ и҆зъ тебє̀ мі́рꙋ воздви́гни, ꙗ҆́звы и҆ ѻ҆́бразы потре́бльши грѣхѡ́вныѧ, є҆ди́на бг҃ороди́тельнице, всенепоро́чнаѧ."
|
|
},
|
|
{
|
|
"type": "HEADER",
|
|
"value": "Конда́къ ѻ҆трокѡ́въ, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Вознесы́йсѧ:"
|
|
},
|
|
{
|
|
"type": "TEXT",
|
|
"value": "Просла́вивый на землѝ ст҃ы̑ѧ твоѧ̑, пре́жде втора́гѡ и҆ стра́шнагѡ прише́ствїѧ твоегѡ̀, хрⷭ҇тѐ, пресла́внымъ воста́нїемъ ѻ҆трокѡ́въ, показа́лъ є҆сѝ воскресе́нїе невѣ́дѧщымъ є҆̀, нетлѣ̑нна ѡ҆дѣѧ̑нїѧ, и҆ тѣлеса̀ ꙗ҆ви́въ, и҆ царѧ̀ ᲂу҆вѣ́рилъ є҆сѝ вопи́ти: вои́стиннꙋ є҆́сть ме́ртвыхъ воста́нїе."
|
|
},
|
|
{
|
|
"type": "TEXT",
|
|
"value": "І҆́косъ: Чꙋ́дное и҆ высо́кое ѻ҆трокѡ́въ воскресе́нїе ви́дѣвъ і҆ера́рхъ є҆фе́сскїй и҆ногда̀, ᲂу҆диви́всѧ ра́зꙋмомъ, пи́шетъ со тща́нїемъ вѣ́рнѣйшемꙋ царю̀ тѣ́хъ воста́нїе: прїитѝ сподо́би держа́вѣ твое́й, влады́ко, здѣ̀, да ви́диши бг҃а твоегѡ̀ си́лꙋ, ю҆́же показа̀ тебѣ̀. А҆́бїе воста́въ вели́кїй побѣдоно́сецъ, ше́ствїе творѧ́ше ра́дꙋѧсѧ, вторы́й ꙗ҆ви́всѧ и҆лїа̀ колесни́чникъ, вопїѧ̀: вои́стиннꙋ є҆́сть ме́ртвыхъ воста́нїе."
|
|
},
|
|
{
|
|
"type": "HEADER",
|
|
"value": "Сѣда́ленъ ст҃и́телѧ, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Премꙋ́дрости:"
|
|
},
|
|
{
|
|
"type": "TEXT",
|
|
"value": "І҆ера́рхъ ꙗ҆ви́лсѧ є҆сѝ ма́стїю честно́ю ѡ҆бложе́нъ, ѻ҆́ч҃е, бг҃одѣ́тельнѡ, и҆ всѧ̑ соверша́ѧ бл҃года́тїю, свѧще́ннѣйше, дарѡ́въ же бжⷭ҇твенныхъ и҆ чꙋде́съ свѣ́тлостїю ᲂу҆краша́емь, ст҃ы́мъ и҆ бжⷭ҇твеннымъ дх҃омъ, всехва́льне, недꙋ́ги и҆сцѣлѧ́ѧ, и҆ де́мѡны попалѧ́ѧ, и҆ мно́жєства прельща́емыхъ ѡ҆браща́ѧ, а҆ве́ркїе. Сегѡ̀ ра́ди вопїе́мъ тѝ: молѝ хрⷭ҇та̀ бг҃а, грѣхѡ́въ ѡ҆ставле́нїе пода́ти, чтꙋ́щымъ любо́вїю свѧтꙋ́ю па́мѧть твою̀."
|
|
},
|
|
{
|
|
"type": "HEADER",
|
|
"value": "Сла́ва, ѻ҆трокѡ́въ, гла́съ д҃."
|
|
},
|
|
{
|
|
"type": "HEADER",
|
|
"value": "Подо́бенъ: Ско́рѡ предварѝ:"
|
|
},
|
|
{
|
|
"type": "TEXT",
|
|
"value": "Ꙗ҆́кѡ столпѝ сꙋ́ще цр҃кве хрⷭ҇то́вы, стѣ́ны разори́сте невѣ́рствїѧ крѣ́пкѡ, седмобра́тнїи мч҃ницы. Тѣ́мъ пре́жде сме́рти є҆́ллинскꙋю ꙗ҆́рость, и҆ па́ки по сме́рти є҆реті́ческꙋю бꙋ́рю разрꙋши́сте, молѧ́щесѧ ѡ҆ дꙋша́хъ на́шихъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Чтⷭ҇аѧ, всенепоро́чнаѧ и҆ неискꙋсомꙋ́жнаѧ, ꙗ҆́же є҆ди́на безлѣ́тнаго сн҃а и҆ сло́ва бж҃їѧ въ лѣ́то ро́ждши: сего̀ со ст҃ы́ми и҆ честны́ми патрїа̑рхи, и҆ мч҃ники, и҆ прⷪ҇рѡ́ки, и҆ прпⷣбными молѝ, дарова́ти на́мъ ѡ҆чище́нїе и҆ ве́лїю ми́лость."
|
|
},
|
|
{
|
|
"type": "TEXT",
|
|
"value": "Крⷭ҇тобг҃оро́диченъ: Дв҃о всенепоро́чнаѧ, мт҃и хрⷭ҇та̀ бг҃а, ѻ҆рꙋ́жїе про́йде твою̀ прест҃ꙋ́ю дꙋ́шꙋ, є҆гда̀ распина́ема ви́дѣла є҆сѝ во́лею сн҃а и҆ бг҃а твоего̀: є҆го́же, бл҃гослове́ннаѧ, молѧ́щи не преста́й, проще́нїе прегрѣше́нїй на́мъ дарова́ти."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "TEXT",
|
|
"value": "І҆рмо́съ: Пою́ тѧ, слꙋ́хомъ бо, гдⷭ҇и, ᲂу҆слы́шахъ и҆ ᲂу҆жасо́хсѧ: до менє́ бо и҆́деши, менѐ и҆щѧ̀ заблꙋ́ждшаго. Тѣ́мъ мно́гое твоѐ снизхожде́нїе, є҆́же на мѧ̀, прославлѧ́ю, многоми́лостиве."
|
|
},
|
|
{
|
|
"type": "TEXT",
|
|
"value": "Вельмѝ престо́лъ, прпⷣбне, ᲂу҆краси́лъ є҆сѝ, ст҃и́телю, вели́кими бо чꙋдесы̀ прелѣ́потствовалъ є҆сѝ, и҆ житїе́мъ свѣ́тлымъ. Сегѡ̀ ра́ди превели́кїй бг҃ъ на́шъ вельми́ тѧ просла́ви."
|
|
},
|
|
{
|
|
"type": "TEXT",
|
|
"value": "Ми́лости воли́телѧ гдⷭ҇а вѣ́дый, бг҃оно́се, те́плѣ є҆го̀ ᲂу҆моли́лъ є҆сѝ, на и҆сцѣле́нїе и҆ спасе́нїе мно́гихъ, те́плыхъ во́дъ всечꙋ́дное сотвори́ти и҆стече́нїе."
|
|
},
|
|
{
|
|
"type": "TEXT",
|
|
"value": "Плодови́ты безча̑дныѧ сотвори́лъ є҆сѝ бж҃їею бл҃года́тїю, соверши́лъ є҆сѝ помышлє́нїѧ: вложи́въ бо тѣ̑мъ, а҆ве́ркїе, сло́ва сѣ́мѧ ꙗ҆́вѣ, ꙗ҆́кѡ до́брый сѣ́ѧтель пожа́лъ є҆сѝ кла́сы стори́цею, бл҃же́нне."
|
|
},
|
|
{
|
|
"type": "TEXT",
|
|
"value": "Бг҃оро́диченъ: И҆сцѣли́ла є҆сѝ сокрꙋше́нїе, всенепоро́чнаѧ, и҆ дре́внее ѻ҆каѧ́нство земноро́дныхъ, ро́ждши гдⷭ҇а и҆ цр҃ѧ̀ хрⷭ҇та̀, поне́сшаго недꙋ́ги на́шѧ за бл҃гоꙋтро́бїе неизглаго́ланное, бг҃оневѣ́сто."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Ты̀ моѧ̀ крѣ́пость, гдⷭ҇и, ты̀ моѧ̀ и҆ си́ла, ты̀ мо́й бг҃ъ, ты̀ моѐ ра́дованїе, не ѡ҆ста́вль нѣ́дра ѻ҆́ч҃а, и҆ на́шꙋ нищетꙋ̀ посѣти́въ. Тѣ́мъ съ прⷪ҇ро́комъ а҆ввакꙋ́момъ зовꙋ́ ти: си́лѣ твое́й сла́ва, чл҃вѣколю́бче."
|
|
},
|
|
{
|
|
"type": "TEXT",
|
|
"value": "Бра́тскимъ совокꙋплѧ́еми сою́зомъ, и҆ бжⷭ҇твеннымъ жела́нїемъ распала́еми, согла́сїемъ и҆́стиннагѡ, мч҃ницы гдⷭ҇ни, и҆сповѣ́данїѧ и҆ вѣ́ры, посрами́сте мꙋчи́телей сꙋемꙋ́дренный ра́зꙋмъ, и҆ пре́лести многобо́жное ᲂу҆че́нїе."
|
|
},
|
|
{
|
|
"type": "TEXT",
|
|
"value": "За хрⷭ҇та̀ и҆ со хрⷭ҇то́мъ гони́ми, въ верте́пѣхъ, гора́хъ же и҆ про́пастехъ земны́хъ скрыва́еми, тогѡ̀ ра́ди сно́мъ живоно́снымъ вмѣ́стѡ сме́рти ᲂу҆снꙋ́ли є҆стѐ на лѣ̑та должа̑йшаѧ, ꙗ҆́вственнѡ ᲂу҆твержда́юще ѻ҆́бщее земны́хъ воскресе́нїе."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Да ѻ҆́бразъ засы́панный страстьмѝ, ѡ҆бнови́ши бога́тствомъ бл҃госты́ни, въ дѣ́вственнꙋю всели́лсѧ є҆сѝ ᲂу҆тро́бꙋ, и҆зъ неѧ́же мꙋ́дрость хра́мъ бж҃їй созда́лъ є҆сѝ, є҆́юже съ человѣ̑ки пожи́лъ є҆сѝ, ще́дрый, и҆ спа́слъ є҆сѝ мі́ра концы̀."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "TEXT",
|
|
"value": "І҆рмо́съ: Просвѣще́нїе во тмѣ̀ лежа́щихъ, спасе́нїе ѿча́ѧнныхъ, хрⷭ҇тѐ сп҃се мо́й, къ тебѣ̀ ᲂу҆́тренюю, цр҃ю̀ ми́ра, просвѣти́ мѧ сїѧ́нїемъ твои́мъ: и҆но́гѡ бо, ра́звѣ тебє̀, бо́га не зна́ю."
|
|
},
|
|
{
|
|
"type": "TEXT",
|
|
"value": "Поста́вивъ твоѧ̑ но́ги на ка́мени се́рдца, бг҃омꙋ́дре, па́дшыѧ поги́белїю, и҆ чє́сти ка́менїю подаю́щыѧ, бл҃же́нне, бжⷭ҇твенными словесы̀ чествова́ти наꙋчи́лъ є҆сѝ ка́мень, і҆и҃са хрⷭ҇та̀ и҆ бг҃а на́шего."
|
|
},
|
|
{
|
|
"type": "TEXT",
|
|
"value": "Врача̀ разли́чнѡ недꙋ́гꙋющихъ, пꙋтевожда̀ всѣ́хъ прельще́нныхъ ѕлосовѣ́тїемъ, мѷрополо́жницꙋ честны́хъ дарова́нїй, прїѧ́телище бжⷭ҇твеннагѡ дх҃а, свѧщенноꙋчи́телѧ почти́мъ а҆ве́ркїа."
|
|
},
|
|
{
|
|
"type": "TEXT",
|
|
"value": "Вїно̀, повелѣ́нїемъ твои́мъ, въ є҆ди́номъ сосꙋ́дѣ со є҆ле́емъ, ви́ды же дрꙋгі̑ѧ вложє́нныѧ, во вре́мѧ своѐ несмѣ́снѡ пресла́внѡ и҆злива́ютсѧ, преиз̾ѡби́лꙋющꙋю бл҃года́ть твою̀ ꙗ҆влѧ́юще ꙗ҆́вѣ, свѧще́нне."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Зако́ни въ тебѣ̀ пресла́внѡ, дв҃о, ѡ҆бновлѧ́ютсѧ: ражда́еши бо безсѣ́меннѡ бг҃а сп҃са, и҆ пребыва́еши дѣ́вствꙋющи па́ки, стра́нно чꙋ́до! Тѣ́мъ тѧ̀ мт҃рь є҆мманꙋ́илевꙋ благоче́стнѡ возвѣща́емъ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Вскꙋ́ю мѧ̀ ѿри́нꙋлъ є҆сѝ ѿ лица̀ твоегѡ̀, свѣ́те незаходи́мый, и҆ покры́ла мѧ̀ є҆́сть чꙋжда́ѧ тма̀ ѻ҆каѧ́ннаго, но ѡ҆брати́ мѧ, и҆ къ свѣ́тꙋ за́повѣдей твои́хъ пꙋти̑ моѧ̑ напра́ви, молю́сѧ."
|
|
},
|
|
{
|
|
"type": "TEXT",
|
|
"value": "Оу҆мертви́вшесѧ мі́рꙋ, всѧ̑ житє́йскаѧ кра̑снаѧ ѿри́нꙋли є҆стѐ, живо́тъ держа́щемꙋ живо́тъ сво́й преда́вше, живоно́сный со́нъ на дѡ́лга лѣ̑та влекꙋ́ще, ѻ҆́бщагѡ воскресе́нїѧ ѻ҆́бразъ."
|
|
},
|
|
{
|
|
"type": "TEXT",
|
|
"value": "Страда́льцы житїе́мъ ꙗ҆ви́стесѧ, дѡ́лгаѧ гонє́нїѧ претерпѣ́вше, въ гла́дѣ и҆ жа́жди, въ ра́зныхъ бѣда́хъ, и҆ ско́рбехъ и҆ ѕлоимꙋ́ществахъ, за хрⷭ҇та̀ терпѧ́ще, и҆ богатѧ́щесѧ сꙋ́щѡ воспокое́нїемъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Въ тебѣ̀ стѣнѣ̀ ѡ҆богаща́емїи, и҆ предста́тельствомъ твои́мъ сохранѧ́емїи, твое́ю бжⷭ҇твенною сла́вою хва́лѧщесѧ, тѧ̀ ᲂу҆блажа́емъ: ты́ бо, прест҃а́ѧ, дꙋша́мъ на́шымъ и҆сточа́еши весе́лїе и҆ ра́дость."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Въ бе́зднѣ грѣхо́внѣй валѧ́ѧсѧ, неизслѣ́днꙋю милосе́рдїѧ твоегѡ̀ призыва́ю бе́зднꙋ. Ѿ тлѝ, бж҃е, мѧ̀ возведѝ."
|
|
},
|
|
{
|
|
"type": "TEXT",
|
|
"value": "Ѿ восто́ка къ за́падꙋ прише́лъ є҆сѝ, де́мѡнскїѧ и҆ лю́тыѧ стра́сти цари́цꙋ, прпⷣбне, ѿрѣша́ѧ, си́лою дх҃а."
|
|
},
|
|
{
|
|
"type": "TEXT",
|
|
"value": "Стра́ненъ мі́ра ꙗ҆ви́лсѧ є҆сѝ, свѧще́ннѣйше, стра̑ннаѧ и҆ стра̑шнаѧ соверша́ѧ чꙋдеса̀, и҆ ходѧ̀ въ тѣлесѝ, и҆ ѿсю́дꙋ ѿше́дъ, а҆ве́ркїе."
|
|
},
|
|
{
|
|
"type": "TEXT",
|
|
"value": "Молнїезра́ченъ, ѻ҆́ч҃е, ви́димь, де́мѡнскїѧ побѣди́лъ є҆сѝ полкѝ, терпѣ́ти не могꙋ́щыѧ твоегѡ̀, а҆ве́ркїе, преще́нїѧ, бг҃одохнове́нне."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Тобо́ю, всест҃а́ѧ бг҃оневѣ́сто, ᲂу҆мерщвле́ннїи жи́зни сподо́бихомсѧ, и҆ тлѣ́нїю рабо́тающїи, нетлѣ́нїемъ ꙗ҆́вѣ ѡ҆богати́хомсѧ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Ѡ҆чи́сти мѧ̀, сп҃се, мнѡ́га бо беззакѡ́нїѧ моѧ̑, и҆ и҆зъ глꙋбины̀ ѕѡ́лъ возведѝ, молю́сѧ: къ тебѣ́ бо возопи́хъ, и҆ ᲂу҆слы́ши мѧ̀, бж҃е спасе́нїѧ моегѡ̀."
|
|
},
|
|
{
|
|
"type": "TEXT",
|
|
"value": "Любо́вїю, ꙗ҆́же къ бг҃ꙋ, є҆фе́сскагѡ ѻ҆те́чества, мꙋ́дрїи, ро́дъ свѣ́тлый, бога́тство же пресвѣ́тлое и҆ сла́вꙋ пречестнꙋ́ю ѡ҆ста́вили є҆стѐ, наслѣ́дїе нбⷭ҇ное произбра́вше."
|
|
},
|
|
{
|
|
"type": "TEXT",
|
|
"value": "Седмочи́сленный страда́льцєвъ ли́къ бжⷭ҇твеннѣ совокꙋплѧ́емь, низложѝ врагѡ́въ мно́жество многочи́сленное, и҆ сла́вꙋ прїѧ́ша и҆сповѣ́данїѧ, и҆ вѣнцы̀ страда́нїѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Возсїѧ̀ ѿ сїѡ́на вы́шнѧгѡ бл҃голѣ́пїе, прїѧ́тїемъ пло́ти, по соедине́нїю неизрече́нномꙋ, и҆зъ тебє̀, неискꙋсобра́чнаѧ, ѡ҆дѣ́ѧнъ, и҆ мі́ръ просвѣтѝ."
|
|
},
|
|
{
|
|
"type": "HEADER",
|
|
"value": "Конда́къ, гла́съ и҃:"
|
|
},
|
|
{
|
|
"type": "TEXT",
|
|
"value": "Подо́бенъ: Ꙗ҆́кѡ нача́тки:"
|
|
},
|
|
{
|
|
"type": "TEXT",
|
|
"value": "Ꙗ҆́кѡ свѧще́нника превели́каго, и҆ а҆пⷭ҇лѡвъ совсе́льника, цр҃ковь почита́етъ тѧ̀ всѧ̑ вѣ́рныхъ, а҆ве́ркїе: ю҆́же твои́ми моли́твами соблюда́й, бл҃же́нне, непобѣди́мꙋ и҆ неѡбꙋрева́емꙋ ѿ всѧ́кїѧ є҆́реси, и҆ нескве́рнꙋ, ꙗ҆́кѡ приснопа́мѧтный."
|
|
},
|
|
{
|
|
"type": "TEXT",
|
|
"value": "І҆́косъ: Мі́ра всегѡ̀ сꙋетꙋ̀ помышлѧ́ѧ, мі́ра ᲂу҆чꙋже́нный, и҆ стрⷭ҇ти хрⷭ҇то́вы подража́ѧ, плотскі̑ѧ стра̑сти ᲂу҆мертви́лъ є҆сѝ, и҆ крⷭ҇тъ тво́й взе́мъ, послѣ́довалъ є҆сѝ, бл҃же́нне, творцꙋ̀ твоемꙋ̀, и҆ пребыва́ѧ съ ни́мъ, ны́нѣ моли́сѧ за чтꙋ́щыѧ тѧ̀ и҆́стиннѡ, ꙗ҆́кѡ приснопа́мѧтный."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ѻ҆́бразꙋ злато́мꙋ, на по́лѣ деи́рѣ слꙋжи́мꙋ, трїѐ твоѝ ѻ҆́троцы небрего́ша безбо́жнагѡ велѣ́нїѧ, посредѣ́ же ѻ҆гнѧ̀ вве́ржени, ѡ҆роша́еми поѧ́хꙋ: бл҃гослове́нъ є҆сѝ, бж҃е ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Ꙗ҆́кѡ бжⷭ҇твенный па́стырь, ꙗ҆́кѡ чꙋде́съ самотво́рецъ: слѣпы̑мъ є҆́же зрѣ́ти моли́твою, ѻ҆́ч҃е, пода́лъ є҆сѝ, и҆ слы́шати глꙋхи̑мъ, ѻ҆чище́нїе же прокажє́ннымъ, и҆ бл҃готече́нїе хромы̑мъ, воспѣва́ющымъ: бл҃гослове́нъ є҆сѝ бж҃е ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Проповѣ́даетъ твоѐ чꙋдодѣѧ́нїе, мꙋ́дре, во вѣ́къ, те́плыхъ во́дъ и҆скипѣ́нїе, и҆ сто́лпъ ᲂу҆ гро́ба твоегѡ̀ лежа́щїй, є҆го́же ѿ ри́ма вели́кагѡ гра́да принесѐ лꙋка́вый дꙋ́хъ, и҆згна́нный тобо́ю, ѻ҆́ч҃е а҆ве́ркїе."
|
|
},
|
|
{
|
|
"type": "TEXT",
|
|
"value": "Лю́демъ смирє́ннымъ во́ждь бы́лъ є҆сѝ, высо́къ въ видѣ́нїихъ и҆ дѣ́йствїихъ же и҆ си́лахъ ꙗ҆ви́всѧ, свѧще́ннѣйше, и҆ высоча́йшагѡ цр҃ѧ̀ ᲂу҆го́дникъ. Є҆мꙋ́же взыва́емъ: бл҃гослове́нъ є҆сѝ бж҃е ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Роди́сѧ и҆зъ тебє̀, є҆го́же родѝ ѻ҆ц҃ъ пре́жде денни́цы, во двою̀ сꙋщєствꙋ̀ и҆ хотѣ̑нїю, ꙗ҆́кѡ бг҃ъ же и҆ человѣ́къ, ѻ҆трокови́це, зна́емь всѣ̑мъ вѣ́рою зовꙋ́щымъ: бл҃гослове́ннаѧ бг҃а пло́тїю ро́ждшаѧ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Бж҃їѧ снисхожде́нїѧ ѻ҆́гнь ᲂу҆стыдѣ́сѧ въ вавѷлѡ́нѣ и҆ногда̀, сегѡ̀ ра́ди ѻ҆́троцы въ пещѝ ра́дованною ного́ю, ꙗ҆́кѡ во цвѣ́тницѣ ликꙋ́юще, поѧ́хꙋ: бл҃гослове́нъ є҆сѝ, бж҃е ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Бг҃ꙋ покарѧ́ющесѧ, бжⷭ҇твеннымъ зако́номъ, наказꙋ́еми ѻ҆́троцы, ра́зꙋмомъ пра́вымъ, пребеззакѡ́ннаѧ повелѣ̑нїѧ мꙋчи́телей ѕлы́хъ ᲂу҆кори́ли є҆стѐ, сме́ртїю жи́знь приѡбрѣ́тше и҆ нетлѣ́нїе, ме́ртвымъ ѡ҆бога́щшесѧ тѣ́ломъ."
|
|
},
|
|
{
|
|
"type": "TEXT",
|
|
"value": "Сме́ртнꙋю ча́шꙋ за творца̀ пи́ти жела́юще вѣ́рнѡ, безсме́ртїѧ ра́ди и҆ нетлѣ́нїѧ, погребе́нїе претерпѣ́сте тѣле́съ, и҆з̾ѧснѧ́юще воста́нїе, пресла́внымъ воста́нїемъ ва́шимъ, мч҃ницы."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ꙗ҆́кѡ ᲂу҆́тро возсїѧ́ла є҆сѝ, пра́вды сл҃нце и҆мꙋ́щи, ѿ тмы̀ мі́ра невѣ́дѣнїѧ и҆з̾има́ющаго, бг҃овѣ́дѣнїемъ. Є҆мꙋ́же пое́мъ, пречⷭ҇таѧ: бл҃гослове́нъ є҆сѝ бж҃е ѻ҆тє́цъ на́шихъ."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "TEXT",
|
|
"value": "І҆рмо́съ: Въ пе́щь ѻ҆́гненнꙋю ко ѻ҆трокѡ́мъ є҆врє́йскимъ снизше́дшаго, и҆ пла́мень въ ро́сꙋ прело́жшаго бг҃а, по́йте дѣла̀, ꙗ҆́кѡ гдⷭ҇а, и҆ превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Пресла́вный па́стырь, неистощи́мый и҆сто́чникъ и҆сцѣле́нїй, цр҃кве сто́лпъ, вѣ́рныхъ ᲂу҆твержде́нїе, вели́кїй свѣти́льникъ, многосвѣ́тлый свѧщенноꙋчи́тель, да почти́тсѧ а҆ве́ркїй."
|
|
},
|
|
{
|
|
"type": "TEXT",
|
|
"value": "Ты̀ ꙗ҆́коже фі́нїѯъ ѱало́мски процвѣ́лъ є҆сѝ во дво́рѣхъ бг҃а жива́гѡ: ᲂу҆мно́жилсѧ є҆сѝ ꙗ҆́кѡ ке́дръ, и҆ ꙗ҆́кѡ ма́слина, мꙋ́дре, показа́лсѧ є҆сѝ, ма́стїю дѣ́лъ твои́хъ, всѣ́хъ ᲂу҆маща́ѧ ли́ца вѣ́рою."
|
|
},
|
|
{
|
|
"type": "TEXT",
|
|
"value": "Горы̀ верхꙋ̀ дѣйстви́тельнымъ жи́тельствомъ ꙗ҆́вственнѣ, ꙗ҆́коже гра́дъ позна́лсѧ є҆сѝ стоѧ́щь, и҆ погрꙋ́жшїйсѧ дре́вле пре́лестїю гра́дъ тво́й, прпⷣбне, гра́да вы́шнѧгѡ ꙗ҆влѧ́еши наслѣ́дника."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Сѐ ѻ҆́дръ соломѡ́новъ, є҆го́же ѡ҆бстоѧ́тъ си́льнїи, бг҃одохнове́ннагѡ писа́нїѧ ны́нѣ прорица̑нїѧ, на не́мже хрⷭ҇то́съ бг҃ъ воплоще́нїемъ бжⷭ҇твеннымъ почи́лъ є҆́сть, бл҃гослове́ннаѧ и҆ ѡ҆бра́дованнаѧ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Седмери́цею пе́щь халде́йскїй мꙋчи́тель бг҃очести̑вымъ неи́стовнѡ разжжѐ, си́лою же лꙋ́чшею спасє́ны сїѧ̑ ви́дѣвъ, творцꙋ̀ и҆ и҆зба́вителю вопїѧ́ше: ѻ҆́троцы, бл҃гослови́те, свѧще́нницы, воспо́йте, лю́дїе, превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Седмери́чнѡ ѡ҆блиста̀ па́мѧть ва́ша дне́сь, со́лнечныхъ лꙋ̑чь ѻ҆бра́знѡ, просвѣща́ющи, мꙋ́дрїи, подсо́лнечнꙋю страда́льческими свѣ́тлостьми, чꙋдодѣ́йственными же блиста́ньми, и҆ бжⷭ҇твенныхъ догма́тѡвъ зарѧ́ми, и҆́миже ᲂу҆вѣрѧ́ете всѣ̑мъ воста́нїе тѣле́съ, и҆ ме́ртвыхъ нетлѣ́нїе."
|
|
},
|
|
{
|
|
"type": "TEXT",
|
|
"value": "А҆вїмеле́хово пре́жде на селѣ̀ сохране́нїе положѝ бг҃ъ, ꙗ҆́кѡ не ви́дѣти гра́да и҆ногда̀ запꙋстѣ́нїѧ. Ва́съ же соблюдѐ лѣ́ты множа́йшими въ верте́пѣ спѧ́щыѧ, на ᲂу҆вѣре́нїе всѣ́хъ воскресе́нїѧ, ѻ҆́троцы, вѣкѡ́въ седмочи́сленныхъ равночи́сленнїи свѣти́льницы."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ѡ҆свѧти́вшисѧ дх҃омъ, бцⷣе всенепоро́чнаѧ, и҆́стиннѡ прїѧ́ла є҆сѝ во чре́вѣ безнача́льнаго сн҃а и҆ присносꙋ́щнаго, въ тебѣ̀, чⷭ҇таѧ, воплоще́ннаго, на бл҃годѣѧ́нїе вѣ́рою вопїю́щихъ: ѻ҆́троцы, бл҃гослови́те, свѧще́нницы, воспо́йте, лю́дїе, превозноси́те во всѧ̑ вѣ́ки."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ѿ бг҃а бг҃а сло́ва, неизрече́нною мꙋ́дростїю, прише́дшаго ѡ҆бнови́ти а҆да́ма, ꙗ҆́дїю въ тлѣ́нїе па́дшаго лю́тѣ, ѿ ст҃ы́ѧ дв҃ы неизрече́ннѡ воплоти́вшагосѧ на́съ ра́ди, вѣ́рнїи, є҆диномꙋ́дреннѡ пѣ́сньми велича́емъ."
|
|
},
|
|
{
|
|
"type": "TEXT",
|
|
"value": "Ꙗ҆́кѡ свѣтоза́рно твоѐ житїѐ, ꙗ҆́кѡ красны̀ но́ги, ꙗ҆́кѡ ѕѣлѡ̀ чꙋ́дно є҆́же къ бг҃ꙋ маа́нїе же вкꙋ́пѣ и҆ бли́жность, ꙗ҆́кѡ велича́йшаѧ бл҃года́ть свы́ше да́ннаѧ тебѣ̀, мꙋ́дре, сегѡ̀ ра́ди вѣ́рою почита́емъ тѧ̀, а҆ве́ркїе."
|
|
},
|
|
{
|
|
"type": "TEXT",
|
|
"value": "Тѧ̀ сожи́тельника всѣ́хъ ст҃ы́хъ мꙋ́чєникъ, и҆ ревни́телѧ бжⷭ҇твенныхъ ᲂу҆чени̑къ, патрїа́рхѡвъ равноче́стна, прⷪ҇ро́кѡвъ и҆ прпⷣбныхъ, и҆ нбⷭ҇ныхъ слꙋ́гъ собесѣ́дника, вѣ́рою сла́вимъ, а҆ве́ркїе."
|
|
},
|
|
{
|
|
"type": "TEXT",
|
|
"value": "Прест҃а́ѧ твоѧ̀ па́мѧть простира́ющисѧ въ мі́рѣ, просвѣща́етъ человѣ̑къ дꙋ́шы свѣ́томъ бога́тымъ въ бл҃года́ти, ю҆́же соверша́юще любо́вїю, страсте́й на́съ и҆ тмы̀ напа́стныѧ моли́твами твои́ми и҆зба́ви, мо́лимсѧ, а҆ве́ркїе."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Свѣ́тла тѧ̀ свѣти́льника прⷪ҇ро́къ прови́дѣ, свѣщꙋ̀ бжⷭ҇твеннꙋю и҆́стиннѡ въ себѣ̀ носѧ́щꙋю, всест҃а́ѧ дв҃о, є҆ди́наго пресꙋ́щнаго бг҃а, за бл҃гоꙋтро́бїе ми́лости и҆зъ тебє̀ вочл҃вѣ́чшасѧ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆жасе́сѧ ѡ҆ се́мъ нб҃о, и҆ землѝ ᲂу҆диви́шасѧ концы̀, ꙗ҆́кѡ бг҃ъ ꙗ҆ви́сѧ человѣ́кѡмъ пло́тски, и҆ чре́во твоѐ бы́сть простра́ннѣйшее небе́съ. Тѣ́мъ тѧ̀ бцⷣꙋ, а҆́гг҃лѡвъ и҆ человѣ̑къ чинонача̑лїѧ велича́ютъ."
|
|
},
|
|
{
|
|
"type": "TEXT",
|
|
"value": "Оу҆диви́сѧ ѡ҆ се́мъ всѧ́къ земноро́дный, почꙋди́сѧ же и҆ всѧ́къ ᲂу҆́мъ: ꙗ҆́кѡ ме́ртвїи, по многовре́меннѣмъ погребе́нїи въ верте́пѣ лежа́ще, а҆́ки въ ве́черъ ᲂу҆снꙋ́вше, и҆ ᲂу҆́трѣ ѻ҆бы́чнѡ востаю́ще ꙗ҆ви́шасѧ, ᲂу҆вѣрѧ́юще ме́ртвыхъ ѻ҆́бщее воста́нїе."
|
|
},
|
|
{
|
|
"type": "TEXT",
|
|
"value": "Седмочи́сленнїи мч҃никѡвъ свѣ́тлїи свѣти́льницы, є҆фє́скаѧ свѣти̑ла присносвѣ̑тлаѧ, мі́ра всегѡ̀ моли́твєнницы, и҆ предста́телє те́плїи, ѻ҆́бщагѡ воскресе́нїѧ проповѣ̑дницы и҆ храни́телїе вѣ́рныхъ, и҆спроси́те тишинꙋ̀ на́мъ и҆ спасе́нїе, и҆ ми́ръ всѣ̑мъ концє́мъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ꙗ҆́кѡ мт҃и пострада́вшагѡ ѡ҆ на́съ, дꙋшетлѣ́нныхъ мѧ̀ страсте́й и҆зба́ви, ꙗ҆́кѡ милосе́рдаѧ, разрѣшѝ прегрѣше́нїй ᲂу҆́зы. Ꙗ҆́кѡ бл҃га́ѧ, ᲂу҆блажѝ ны́нѣ ѡ҆ѕло́бленнꙋю мою̀ дꙋ́шꙋ де́мѡнскими прилѡ́ги, дв҃о бцⷣе, да пою́ тѧ всепѣ́тꙋю."
|
|
},
|
|
{
|
|
"type": "HEADER",
|
|
"value": "Свѣти́ленъ:"
|
|
},
|
|
{
|
|
"type": "TEXT",
|
|
"value": "Подо́бенъ: Жєны̀ ᲂу҆слы́шите."
|
|
},
|
|
{
|
|
"type": "TEXT",
|
|
"value": "Потещи́ тѧ понꙋ́ди блазнодѣ́латель де́мѡнъ къ ри́мꙋ гра́дꙋ, вше́дый въ царе́вꙋ дще́рь лꙋка́внѡ, и҆зъ неѧ́же и҆згна́въ пса̀, ѡ҆бремене́нна посла́лъ є҆сѝ, и҆ сто́лпъ носѧ́ща во і҆ерапо́ль, а҆ве́ркїе бг҃огла́се."
|
|
},
|
|
{
|
|
"type": "HEADER",
|
|
"value": "Сла́ва, мꙋ́ченикѡвъ:"
|
|
},
|
|
{
|
|
"type": "TEXT",
|
|
"value": "Ѻ҆рꙋ́жїемъ честна́гѡ твоегѡ̀ крⷭ҇та̀ ѡ҆гра́ждшесѧ страстоте́рпцы твоѝ, сло́ве, проти̑вныѧ си̑лы крѣ́пкѡ побѣди́ша, и҆ мꙋчи́телей посрами́ша, и҆ ѡ҆ тебѣ̀ пострада́ша, и҆ тебѣ̀, хрⷭ҇тѐ мо́й всецр҃ю̀, сцрⷭ҇твꙋютъ кꙋ́пнѡ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Ѽ та̑инъ твои́хъ! Ѽ чꙋде́съ твои́хъ! Ка́кѡ по ржⷭ҇твѣ̀ дв҃а пребыла̀ є҆сѝ, ꙗ҆́кѡ пре́жде ржⷭ҇тва̀; ка́кѡ бг҃а вмѣсти́ла є҆сѝ, нигдѣ́же вмѣсти́маго; но вои́стиннꙋ несказа̑нна сꙋ́ть твоѧ̑ всѧ̑, бл҃гослове́ннаѧ марі́е."
|
|
},
|
|
{
|
|
"type": "HEADER",
|
|
"value": "На лїтꙋргі́и: Бл҃жє́нна ѻ҆ктѡ́иха, на д҃: и҆ ст҃а́гѡ, пѣ́снь г҃-ѧ, на д҃."
|
|
},
|
|
{
|
|
"type": "HEADER",
|
|
"value": "Прокі́менъ, гла́съ а҃:"
|
|
},
|
|
{
|
|
"type": "TEXT",
|
|
"value": "Оу҆ста̀ моѧ̑ возгл҃го́лютъ премꙋ́дрость, и҆ поꙋче́нїе се́рдца моегѡ̀ ра́зꙋмъ."
|
|
},
|
|
{
|
|
"type": "TEXT",
|
|
"value": "Сті́хъ: Оу҆слы́шите сїѧ̑ всѝ ꙗ҆зы́цы:"
|
|
},
|
|
{
|
|
"type": "HEADER",
|
|
"value": "А҆пⷭ҇лъ къ є҆вре́ємъ, зача́ло ти҃і."
|
|
},
|
|
{
|
|
"type": "TEXT",
|
|
"value": "А҆ллилꙋ́їа, гла́съ в҃:"
|
|
},
|
|
{
|
|
"type": "TEXT",
|
|
"value": "Оу҆ста̀ пра́веднагѡ поꙋча́тсѧ премꙋ́дрости:"
|
|
},
|
|
{
|
|
"type": "TEXT",
|
|
"value": "Сті́хъ: Зако́нъ бг҃а є҆гѡ̀ въ се́рдцѣ є҆гѡ̀, и҆ не за́пнꙋтсѧ стѡпы̀ є҆гѡ̀."
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе і҆ѡа́нна, зача́ло л҃ѕ."
|
|
},
|
|
{
|
|
"type": "TEXT",
|
|
"value": "Прича́стенъ: Въ па́мѧть вѣ́чнꙋю:"
|
|
}
|
|
] |