518 lines
44 KiB
JSON
518 lines
44 KiB
JSON
[
|
|
{
|
|
"type": "HEADER",
|
|
"value": "Ное́мврїа ѳ҃і"
|
|
},
|
|
{
|
|
"type": "HEADER",
|
|
"value": "Ст҃ы́хъ прпⷣбныхъ ѻ҆тє́цъ на́шихъ, пꙋсты́нныхъ жи́телей, въ постѣ̀ просїѧ́вшихъ, варлаа́ма, и҆ і҆ѡаса́фа царе́вича, въ вели́цѣй землѝ, глаго́лемѣй і҆нді́и."
|
|
},
|
|
{
|
|
"type": "HEADER",
|
|
"value": "Ве́черъ, на Гдⷭ҇и, воззва́хъ, стїхи̑ры на ѕ҃, гла́съ ѕ҃."
|
|
},
|
|
{
|
|
"type": "TEXT",
|
|
"value": "Подо́бенъ: Всѐ ѿло́жше:"
|
|
},
|
|
{
|
|
"type": "TEXT",
|
|
"value": "Ѿ ко́рене ца́рска, прекра́сна вѣ́твь и҆зрастѐ, бл҃гоꙋха́нный крі́нъ, блаже́нный ца́рь і҆ѡаса́фъ, и҆́же наказа́нїемъ дꙋхо́внагѡ наста́вника, возжелѣ̀ ви́дѣти безцѣ́нный би́серъ, позна̀ въ трⷪ҇цѣ сла́вимаго бг҃а, и҆ тогѡ̀ за́повѣдей дѣ́латель и҆зрѧ́денъ показа́сѧ: и҆ ны́нѣ въ вы́шнихъ ликовствꙋ́ѧ, мо́литсѧ ѡ҆ дꙋша́хъ на́шихъ."
|
|
},
|
|
{
|
|
"type": "TEXT",
|
|
"value": "Просвѣще́нный дꙋше́ю варлаа́мъ царю̀ і҆ѡаса́фꙋ глаго́лаше: позна́лъ є҆сѝ бг҃а, творца̀ всѣ́хъ, то́й да просвѣти́тъ твоѧ̑ ѻ҆́чи сердє́чныѧ, и҆ да́стъ тѝ дꙋ́хъ мꙋ́дрости и҆ ра́зꙋма, да ᲂу҆вѣ́дати и҆́маши, что̀ є҆́сть наде́жда зва́нїѧ є҆гѡ̀, ꙗ҆́кѡ напослѣ́докъ, и҆ роди́телю твоемꙋ̀ ко спасе́нїю наста́вникъ бꙋ́деши. А҆́зъ же не и҆́мамъ ѡ҆ста́ти здѣ̀, но ѿхождꙋ̀ въ пꙋ́ть мо́й, бг҃а наста́вника и҆мѣ́ѧ, возводѧ́щаго мѧ̀ ко спасе́нїю."
|
|
},
|
|
{
|
|
"type": "TEXT",
|
|
"value": "Оу҆слы́шавъ до́блественный ца́рь і҆ѡаса́фъ ѡ҆ разлꙋче́нїи словеса̀, распали́всѧ дꙋше́ю, лицѐ своѐ слеза́ми ѡ҆блива́ѧ, глаго́лаше: ты̀, ᲂу҆чи́телю дꙋхо́вный, всѣ́хъ благи́хъ мои́хъ хода́таю, па́ки ли ѡ҆ста́вити мѧ̀ въ мі́рѣ се́мъ хо́щеши; кто́ ми соверши́тъ тво́й чи́нъ ᲂу҆чи́тельства; кто́ ми бꙋ́детъ наста́вникъ ко спасе́нїю; ты̀ менѐ къ бг҃ꙋ приве́лъ є҆сѝ, и҆ въ чинꙋ̀ сыно́внѣ наста́вника наста́вилъ є҆сѝ, и҆ тобо́ю надѣ́юсѧ ѿ хрⷭ҇та̀ прїѧ́ти ве́лїю ми́лость."
|
|
},
|
|
{
|
|
"type": "HEADER",
|
|
"value": "Сла́ва, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Зарда́нꙋ и҆звѣ́стнѡ ᲂу҆вѣ́дѣвшꙋ ко ѻ҆́трокꙋ ᲂу҆чи́телево прилѣжа́нїе и҆ ко хрⷭ҇тꙋ̀ ѡ҆браще́нїе, мно́ги ско́рби и҆спо́лнисѧ дꙋша̀ є҆гѡ̀, ѕѣ́льнꙋю болѣ́знь себѣ̀ притворѝ: ни си́мъ возмо́же ᲂу҆таи́тисѧ, подро́бнꙋ царю̀ всѧ̑ и҆сповѣ́даѧ, и҆́мѧ варлаа́мово нари́четъ: то́й, речѐ, прельстѝ сы́на твоего̀. Ца́рь же, ꙗ҆́кѡ ле́въ, ѿ ꙗ҆́рости возревѣ̀, вма́лѣ сме́рти не вкꙋсѝ, і҆ѡаса́фꙋ безпреста́ни молѧ́щꙋсѧ, призыва́ѧ сп҃са дꙋ́шъ на́шихъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Кто̀ тебѐ не ᲂу҆блажи́тъ:"
|
|
},
|
|
{
|
|
"type": "HEADER",
|
|
"value": "Вхо́дъ. Прокі́менъ днѐ."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́новы чте́нїе. (Глава̀ г҃.)"
|
|
},
|
|
{
|
|
"type": "TEXT",
|
|
"value": "Пра́ведныхъ дꙋ́шы въ рꙋцѣ̀ бж҃їей, и҆ не прико́снетсѧ и҆́хъ мꙋ́ка. Непщева́ни бы́ша во ѻ҆чесѣ́хъ безꙋ́мныхъ ᲂу҆мре́ти, и҆ вмѣни́сѧ ѡ҆ѕлобле́нїе и҆схо́дъ и҆́хъ: и҆ є҆́же ѿ на́съ ше́ствїе, сокрꙋше́нїе, ѻ҆ни́ же сꙋ́ть въ ми́рѣ. И҆́бо предъ лице́мъ человѣ́ческимъ а҆́ще и҆ мꙋ́кꙋ прїи́мꙋтъ, ᲂу҆пова́нїе и҆́хъ безсме́ртїѧ и҆спо́лнено, и҆ вма́лѣ нака́зани бы́вше, вели́кими благодѣ́тельствовани бꙋ́дꙋтъ, ꙗ҆́кѡ бг҃ъ и҆скꙋсѝ ѧ҆̀, и҆ ѡ҆брѣ́те и҆̀хъ достѡ́йны себѣ̀. Ꙗ҆́кѡ зла́то въ горни́лѣ и҆скꙋсѝ и҆̀хъ, и҆ ꙗ҆́кѡ всепло́дїе же́ртвенное прїѧ́тъ ѧ҆̀. И҆ во вре́мѧ посѣще́нїѧ и҆́хъ возсїѧ́ютъ, и҆ ꙗ҆́кѡ и҆́скры по сте́блїю потекꙋ́тъ. Сꙋ́дѧтъ ꙗ҆зы́кѡмъ, и҆ ѡ҆блада́ютъ людьмѝ, и҆ воцр҃и́тсѧ гдⷭ҇ь въ ни́хъ во вѣ́ки. Надѣ́ющїисѧ на́нь разꙋмѣ́ютъ и҆́стинꙋ, и҆ вѣ́рнїи въ любвѝ пребꙋ́дꙋтъ є҆мꙋ̀: ꙗ҆́кѡ бл҃года́ть и҆ ми́лость въ преподо́бныхъ є҆гѡ̀, и҆ посѣще́нїе во и҆збра́нныхъ є҆гѡ̀."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́новы чте́нїе. (Глава̀ є҃.)"
|
|
},
|
|
{
|
|
"type": "TEXT",
|
|
"value": "Пра́вєдницы во вѣ́ки живꙋ́тъ, и҆ въ гдⷭ҇ѣ мзда̀ и҆́хъ, и҆ попече́нїе и҆́хъ ᲂу҆ вы́шнѧгѡ. Сегѡ̀ ра́ди прїи́мꙋтъ црⷭ҇твїе благолѣ́пїѧ, и҆ вѣне́цъ добро́ты ѿ рꙋкѝ гдⷭ҇ни: занѐ десни́цею покры́етъ ѧ҆̀, и҆ мы́шцею защити́тъ и҆̀хъ. Прїи́метъ всеѻрꙋ́жїе рве́нїе своѐ, и҆ воѡрꙋжи́тъ тва́рь въ ме́сть врагѡ́мъ. Ѡ҆блече́тсѧ въ бронѧ̀ пра́вды, и҆ возложи́тъ шле́мъ, сꙋ́дъ нелицемѣ́ренъ: прїи́метъ щи́тъ непобѣди́мый преподо́бїе: поѡстри́тъ же напра́сный гнѣ́въ во ѻ҆рꙋ́жїе: спобо́ретъ же съ ни́мъ мі́ръ на безꙋ̑мныѧ: по́йдꙋтъ праволꙋ̑чныѧ стрѣ́лы мѡ́лнїины, и҆ ꙗ҆́кѡ ѿ благокрꙋ́гла лꙋ́ка ѻ҆блакѡ́въ на намѣ́ренїе полетѧ́тъ: и҆ ѿ каменоме́тныѧ ꙗ҆́рости, и҆спо́лнь падꙋ́тъ гра́ды: вознегодꙋ́етъ на ни́хъ вода̀ морска́ѧ, рѣ́ки же потопѧ́тъ ѧ҆̀ на́глѡ. Сопроти́въ ста́нетъ и҆̀мъ дꙋ́хъ си́лы, и҆ ꙗ҆́кѡ ви́хоръ развѣ́етъ и҆̀хъ: и҆ ѡ҆пꙋстоши́тъ всю̀ зе́млю беззако́нїе, и҆ ѕлодѣ́йство преврати́тъ престо́лы си́льныхъ. Слы́шите ᲂу҆̀бо, ца́рїе, и҆ разꙋмѣ́йте: навы́кните, сꙋдїи̑ концє́въ землѝ. Внꙋши́те держа́щїи мно́жєства и҆ гордѧ́щїисѧ ѡ҆ наро́дѣхъ ꙗ҆зы̑къ: ꙗ҆́кѡ дана̀ є҆́сть ѿ гдⷭ҇а держа́ва ва́мъ, и҆ си́ла ѿ вы́шнѧгѡ."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́новы чте́нїе. (Глава̀ д҃.)"
|
|
},
|
|
{
|
|
"type": "TEXT",
|
|
"value": "Пра́ведникъ, а҆́ще пости́гнетъ сконча́тисѧ, въ поко́и бꙋ́детъ. Ста́рость бо честна̀ не многолѣ́тна, нижѐ въ числѣ̀ лѣ́тъ и҆счита́етсѧ: сѣди́на же є҆́сть мꙋ́дрость человѣ́кѡмъ, и҆ во́зрастъ ста́рости, житїѐ нескве́рное. Благоꙋго́денъ бг҃ови бы́въ, возлю́бленъ бы́сть, и҆ живы́й посредѣ̀ грѣ̑шникъ преста́вленъ бы́сть. Восхище́нъ бы́сть, да не ѕло́ба и҆змѣни́тъ ра́зꙋма є҆гѡ̀, и҆лѝ ле́сть прельсти́тъ дꙋ́шꙋ є҆гѡ̀. Раче́нїе бо ѕло́бы помрача́етъ дѡ́браѧ, и҆ паре́нїе по́хоти премѣнѧ́етъ ᲂу҆́мъ неѕло́бивъ. Сконча́всѧ вма́лѣ, и҆спо́лни лѣ̑та дѡ́лга: ᲂу҆го́дна бо бѣ̀ гдⷭ҇ꙋ дꙋша̀ є҆гѡ̀: сегѡ̀ ра́ди потща́сѧ ѿ среды̀ лꙋка́вствїѧ: лю́дїе же ви́дѣвше, и҆ не разꙋмѣ́вше, нижѐ положи́вше въ помышле́нїи таково́е: ꙗ҆́кѡ благода́ть и҆ ми́лость въ преподо́бныхъ є҆гѡ̀, и҆ посѣще́нїе во и҆збра́нныхъ є҆гѡ̀."
|
|
},
|
|
{
|
|
"type": "HEADER",
|
|
"value": "На стїхо́внѣ стїхи̑ры, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Ѽ пресла́внагѡ чꙋдесѐ!"
|
|
},
|
|
{
|
|
"type": "TEXT",
|
|
"value": "Царю̀ а҆вені́рꙋ къ сы́нꙋ глаго́лющꙋ: возлю́бленное моѐ ча́до, че́сть богѡ́въ на́шихъ ѡ҆ста́вилъ є҆сѝ, чꙋжде́мꙋ же бг҃ꙋ слꙋжи́ти и҆зво́лилъ є҆сѝ. Вскꙋ́ю, ча́до моѐ, та́кѡ сотвори́лъ є҆сѝ; а҆́зъ, любо́вїю воспитава́ѧ тѧ̀, надѣ́ѧхсѧ прее́мника бы́ти ца́рствїѧ моегѡ̀: ты́ же, ча́до моѐ, та́кѡ сотвори́лъ є҆сѝ, галїле́анинꙋ послѣ́довавъ."
|
|
},
|
|
{
|
|
"type": "TEXT",
|
|
"value": "Сті́хъ: Восхва́лѧтсѧ прпⷣбнїи во сла́вѣ, и҆ возра́дꙋютсѧ на ло́жахъ свои́хъ."
|
|
},
|
|
{
|
|
"type": "TEXT",
|
|
"value": "А҆́зъ ѿверго́хсѧ де́мѡнскїѧ тмы̀, и҆ къ свѣ́тꙋ притеко́хъ бг҃оразꙋ́мїѧ, і҆́дѡльскꙋю пре́лесть ѡ҆ста́вивъ, и҆ ко и҆́стинѣ прибли́жихсѧ, и҆ хрⷭ҇тꙋ̀ рабо́тати и҆зво́лихъ: то́й бо на́ше ѡ҆сꙋжде́нїе дре́внее разрꙋшѝ, и҆ є҆стество̀ на́ше на нб҃са̀ вознесѐ, и҆ црⷭ҇тво нбⷭ҇ное ѡ҆бѣща̀ всѣ̑мъ, лю́бѧщымъ є҆го̀ вои́стиннꙋ."
|
|
},
|
|
{
|
|
"type": "TEXT",
|
|
"value": "Сті́хъ: Мнѡ́ги скѡ́рби пра́вєднымъ, и҆ ѿ всѣ́хъ и҆́хъ и҆зба́витъ ѧ҆̀ гдⷭ҇ь."
|
|
},
|
|
{
|
|
"type": "TEXT",
|
|
"value": "Царю̀ ꙗ҆́ростїю и҆ преще́нїемъ ст҃а́го ѻ҆́трока ᲂу҆страши́ти хотѧ́щꙋ, приречѐ: мнѡ́гимъ мꙋ́камъ преда́мъ тебѐ, и҆ ѕло́ю сме́ртїю ᲂу҆морю́ тѧ, и҆ ктомꙋ̀ сы́на тебѐ не нарекꙋ̀, но ꙗ҆́кѡ врага̀ и҆ ѿстꙋ́пника, и҆ та́кѡ прети́въ, со гнѣ́вомъ ѿи́де: і҆ѡаса́фъ же, въ пала́тꙋ вше́дъ, безпреста́ни бг҃ꙋ молѧ́шесѧ."
|
|
},
|
|
{
|
|
"type": "HEADER",
|
|
"value": "Сла́ва, гла́съ и҃. Самогла́сенъ:"
|
|
},
|
|
{
|
|
"type": "TEXT",
|
|
"value": "Въ моли́твѣ свое́й і҆ѡаса́фъ ца́рь глаго́лаше: гдⷭ҇и бж҃е мо́й, сла́дкаѧ наде́ждо, нело́жное ѡ҆бѣща́нїе, тве́рдое прибѣ́жище на тѧ̀ надѣ́ющымсѧ, ᲂу҆крѣпи́ мѧ во твое́мъ благо́мъ и҆сповѣ́данїи, до коне́чнагѡ мѝ бы́ти и҆здыха́нїѧ: воспали́сѧ бо дꙋша̀ моѧ̀ вели́кою къ тебѣ̀ любо́вїю. Тѣ́мже да́ждь мѝ во все́й мое́й жи́зни, за и҆́мѧ твоѐ, и҆ за твоѐ и҆сповѣ́данїе всѧ̑ страда́ти, и҆ всего̀ менѐ тебѣ̀ пожре́ти: ꙗ҆́кѡ є҆ди́нъ є҆сѝ побо́рникъ непобѣди́мый, и҆ бг҃ъ ми́лостивый."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Безневѣ́стнаѧ дв҃о:"
|
|
},
|
|
{
|
|
"type": "HEADER",
|
|
"value": "Тропа́рь, гла́съ д҃:"
|
|
},
|
|
{
|
|
"type": "TEXT",
|
|
"value": "Ѿ дꙋхо́внагѡ наста́вника наꙋчи́всѧ, царю̀ і҆ѡаса́фе, бг҃а позна́ти, креще́нїемъ же просвѣти́всѧ, лю́ди къ вѣ́рѣ ѡ҆брати́лъ є҆сѝ: и҆ ѻ҆тцꙋ̀ твоемꙋ̀ ѿ кꙋпѣ́ли прїи́мникъ бы́въ, ца́рство ѡ҆ста́вивъ, пꙋсты́ню дости́глъ є҆сѝ, и҆ въ не́й трꙋдолю́бнѣ подвиза́лсѧ є҆сѝ. Молѝ хрⷭ҇та̀ бг҃а со ᲂу҆чи́телемъ твои́мъ варлаа́момъ, спасти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ воскрⷭ҇нъ."
|
|
},
|
|
{
|
|
"type": "HEADER",
|
|
"value": "На ᲂу҆́трени. По а҃-мъ, стїхосло́вїи сѣда́ленъ, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Премꙋ́дрости:"
|
|
},
|
|
{
|
|
"type": "TEXT",
|
|
"value": "Ца́рь а҆вені́ръ, прїе́мъ совѣ́тъ ѿ а҆рахі́а, дрꙋ́га своегѡ̀, нача́тъ і҆ѡаса́фа ласка́тельными и҆ ти́хими словєсы̀, ѡ҆б̾има́ѧ є҆го̀ и҆ цѣлꙋ́ѧ, прельща́ти, глаго́лѧ: ѽ ча́до моѐ вожделѣ́нное! Почествѝ ѻ҆тца̀ твоегѡ̀ сѣди̑ны, и҆ моеѧ̀ послꙋ́шавъ мольбы̑, принесѝ же́ртвꙋ богѡ́мъ: та́кѡ бо ѻ҆́нѣхъ ми́лость полꙋчи́ши, и҆ долготꙋ̀ дні́й, и҆ сла́вꙋ всѧ́кꙋю, и҆ ца́рство безвре́дно, и҆ всѧ́ческихъ бла̑гъ прича́стїе ѿ ни́хъ прїи́меши. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Пречⷭ҇таѧ дв҃о, мт҃и бж҃їѧ, дꙋшѝ моеѧ̀ стра̑сти лю̑тыѧ и҆сцѣлѝ, молю́сѧ, и҆ проще́нїе да́рꙋй мои́хъ прегрѣше́нїй, ꙗ҆̀же безꙋ́мнѣ содѣ́ѧхъ, дꙋ́шꙋ и҆ тѣ́ло ѡ҆скверни́въ ѻ҆каѧ́нный. Оу҆вы̀ мнѣ̀, что̀ сотворю̀ въ ча́съ ѻ҆́нъ, внегда̀ а҆́гг҃ли дꙋ́шꙋ мою̀ разлꙋча́тъ ѿ стра́стнагѡ моегѡ̀ тѣлесѐ; тогда̀ помо́щница мнѣ̀ бꙋ́ди, и҆ предста́тельница теплѣ́йшаѧ: тебе́ бо и҆́мамъ наде́ждꙋ ра́бъ тво́й."
|
|
},
|
|
{
|
|
"type": "HEADER",
|
|
"value": "По в҃-мъ стїхосло́вїи сѣда́ленъ, гла́съ є҃."
|
|
},
|
|
{
|
|
"type": "TEXT",
|
|
"value": "Подо́бенъ: Собезнача́льное сло́во:"
|
|
},
|
|
{
|
|
"type": "TEXT",
|
|
"value": "І҆ѡаса́фъ ко ѻ҆тцꙋ̀ глаго́лаше: нѣ́сть пра́ведно, ѻ҆тца̀ своегѡ̀ сѣди̑ны чествова́ти, и҆́стиннаго же бг҃а безче́ствовати: нижѐ досто́йно, ѡ҆ста́вѧ творца̀ всеѧ̀ тва́ри, і҆́дѡлѡмъ жє́ртвы приноси́ти: но подоба́етъ и҆́стиннаго бг҃а чествова́ти, и҆ томꙋ̀ є҆ди́номꙋ же́ртвꙋ приноси́ти. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Сѐ пре́жде сꙋда̀ ны́нѣ пла́чꙋ, помышлѧ́ѧ моѧ̑ дѣла̀ лꙋка̑ваѧ и҆ лю̑таѧ, и҆ прегрѣше́нїй глꙋбинꙋ̀ ѡ҆держа́щꙋю мѧ̀ ѿ ю҆́ности, и҆ подавлѧ́ющꙋ ᲂу҆́мъ: но твои́мъ, чⷭ҇таѧ, предста́тельствомъ ѡ҆ставле́нїе мѝ пода́ждь, и҆ спасе́нїе ᲂу҆лꙋчи́ти сподо́би."
|
|
},
|
|
{
|
|
"type": "TEXT",
|
|
"value": "По: Хвали́те и҆́мѧ гдⷭ҇не"
|
|
},
|
|
{
|
|
"type": "TEXT",
|
|
"value": "Припѣ́въ: Оу҆блажа́емъ тѧ̀, прпⷣбне ѻ҆́ч҃е і҆ѡаса́фе, и҆ чте́мъ болѣ̑зни и҆ трꙋды̀ твоѧ̑, и҆́миже трꙋди́лсѧ є҆сѝ во и҆сповѣ́данїи хрⷭ҇то́вѣ."
|
|
},
|
|
{
|
|
"type": "TEXT",
|
|
"value": "Ѱало́мъ и҆збра́нный: Бл҃же́нъ мꙋ́жъ, боѧ́йсѧ гдⷭ҇а:"
|
|
},
|
|
{
|
|
"type": "HEADER",
|
|
"value": "По полѷеле́и сѣда́ленъ, гла́съ г҃:"
|
|
},
|
|
{
|
|
"type": "TEXT",
|
|
"value": "Не престаѧ́ше ᲂу҆́бѡ а҆вені́ръ ѡ҆ прельще́нїи сы́на своегѡ̀ промышлѧ́ти, собра́въ виті̑и на состѧза́нїе, речѐ и҆̀мъ: а҆́ще вѣ́рꙋ на́шꙋ ᲂу҆твердитѐ, хрⷭ҇тїа́нскꙋю же вѣ́рꙋ низложитѐ, просла́витесѧ: а҆́ще же побѣдите́сѧ, то̀ ᲂу҆мертвите́сѧ. Подо́бнѣ речѐ и҆ і҆ѡаса́фъ къ нахѡ́рꙋ, нарица́ющꙋсѧ варлаа́мꙋ: а҆́ще лє́стныѧ виті̑и побѣди́ши, просла́вишисѧ: а҆́ще же побѣжде́нъ бꙋ́деши, се́рдце и҆ ѧ҆зы́къ тво́й рꙋка́ми и҆з̾е́мъ, псѡ́мъ въ снѣ́дь съ про́чими ᲂу҆́ды преда́мъ сїѧ̑: да, тѧ̀ ви́дѧще, ᲂу҆страша́тсѧ всѝ не прельща́ти сынѡ́въ царе́выхъ. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Те́плаѧ застꙋ́пнице, наде́жда тве́рдаѧ, стѣно̀ и҆ покро́ве, и҆ приста́нище прибѣга́ющихъ къ тебѣ̀, приснодв҃о чⷭ҇таѧ, неѡбꙋрева́емое, сн҃а твоего̀ и҆ бг҃а молѝ, ми́ръ пода́ти мі́рꙋ, и҆ спасе́нїе, и҆ ве́лїю и҆ бога́тꙋю ми́лость."
|
|
},
|
|
{
|
|
"type": "HEADER",
|
|
"value": "Та́же степє́нна, а҃-й а҆нтїфѡ́нъ д҃-гѡ гла́са:"
|
|
},
|
|
{
|
|
"type": "HEADER",
|
|
"value": "Прокі́менъ, гла́съ д҃:"
|
|
},
|
|
{
|
|
"type": "TEXT",
|
|
"value": "Првⷣникъ, ꙗ҆́кѡ фі́нїѯъ, процвѣте́тъ, и҆ ꙗ҆́кѡ ке́дръ, и҆́же въ лїва́нѣ, ᲂу҆мно́житсѧ. Сті́хъ: Насажде́ни въ домꙋ̀ гдⷭ҇ни, во дво́рѣхъ до́мꙋ бг҃а на́шегѡ процвѣтꙋ́тъ. Всѧ́кое дыха́нїе: Сті́хъ: Хвали́те бг҃а во ст҃ы́хъ є҆гѡ̀: Є҆ѵⷢ҇лїе матѳе́а, зача́ло а҃і."
|
|
},
|
|
{
|
|
"type": "HEADER",
|
|
"value": "По н҃-мъ ѱалмѣ̀ стїхи́ра, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Прпⷣбне ѻ҆́ч҃е, во всю̀ зе́млю и҆зы́де вѣща́нїе и҆справле́нїй твои́хъ: тѣ́мъ на нб҃сѣ́хъ ѡ҆брѣ́лъ є҆сѝ мздꙋ̀ трꙋдѡ́въ твои́хъ, де́мѡнскїѧ погꙋби́лъ є҆сѝ полкѝ, и҆ а҆́гг҃льскїѧ дости́глъ є҆сѝ чи́ны, и҆́хже житїю̀ безъ поро́ка поревнова́лъ є҆сѝ. Дерзнове́нїе и҆мѣ́ѧ ко хрⷭ҇тꙋ̀ бг҃ꙋ, ми́ръ и҆спросѝ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "Канѡ́нъ бцⷣѣ, со і҆рмосо́мъ на ѕ҃: и҆ і҆ѡаса́фꙋ на и҃. Гла́съ и҃."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Сокрꙋши́вшемꙋ бра̑ни мы́шцею свое́ю, и҆ прове́дшемꙋ і҆и҃лѧ сквозѣ̀ чермно́е мо́ре, пои́мъ є҆мꙋ̀, ꙗ҆́кѡ и҆зба́вителю на́шемꙋ бг҃ꙋ: ꙗ҆́кѡ просла́висѧ."
|
|
},
|
|
{
|
|
"type": "TEXT",
|
|
"value": "Царє́вы глаго́лы слы́шавъ нахѡ́ръ, ѕѣлѡ̀ вострепета̀: вмѣ́стѡ бо развраще́нїѧ, и҆зречѐ благослове́нїе, ѻ҆блича́ѧ і҆ꙋдє́и и҆ є҆́ллины, проповѣ́даѧ же на землѝ хрⷭ҇то́во прише́ствїе, ꙗ҆́кѡ просла́висѧ."
|
|
},
|
|
{
|
|
"type": "TEXT",
|
|
"value": "Речє́нїѧ нахѡ́ръ ѡ҆ зако́нѣ и҆зложѝ: виті̑и же и҆ жрецы̀ посрами́шасѧ, и҆ ꙗ҆́кѡ безгла́сни ѡ҆брѣто́шасѧ: царю́ же і҆ѡаса́фꙋ дꙋше́ю веселѧ́щꙋсѧ и҆ сла́вѧщꙋ бг҃а нбⷭ҇наго, ꙗ҆́кѡ просла́висѧ."
|
|
},
|
|
{
|
|
"type": "TEXT",
|
|
"value": "І҆ѡаса́фъ ца́рь къ нахѡ́рꙋ речѐ: благода́ть тѝ и҆сповѣ́дꙋю, ꙗ҆́кѡ по и҆́стинѣ побо́рникъ бы́лъ є҆сѝ: и҆ а҆́ще хрⷭ҇та̀ возлю́биши, жи́знь наслѣ́диши: ѡ҆браща́ющымсѧ бо къ немꙋ̀ ѿверза́етъ врата̀ нбⷭ҇наѧ."
|
|
},
|
|
{
|
|
"type": "TEXT",
|
|
"value": "А҆́ще и҆ недосто́йнѣ принесо́хъ тѝ таково́е слове́съ и҆зви́тїе, бг҃омꙋ́дрый царю̀ і҆ѡаса́фе, прїимѝ сїѧ̑ съ любо́вїю, и҆ принесѝ къ бг҃ома́тери моле́нїе за мѧ̀, да ми́лость ѡ҆брѧ́щꙋ въ де́нь стра́шнагѡ и҆спыта́нїѧ."
|
|
},
|
|
{
|
|
"type": "TEXT",
|
|
"value": "Катава́сїа: Ѿве́рзꙋ ᲂу҆ста̀ моѧ̑:"
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆тверди́сѧ се́рдце моѐ во гдⷭ҇ѣ, вознесе́сѧ ро́гъ мо́й въ бз҃ѣ мое́мъ, разшири́шасѧ на врагѝ моѧ̑ ᲂу҆ста̀ моѧ̑, возвесели́хсѧ ѡ҆ спасе́нїи твое́мъ."
|
|
},
|
|
{
|
|
"type": "TEXT",
|
|
"value": "Словесы̀ любе́зными ца́рь нахѡ́ра наказа́въ, ѻ҆́нъ же съ пла́чемъ и҆ ра́достїю пꙋсты́ню дости́же, на вѣ́рꙋ ѡ҆брати́сѧ и҆ креще́нїемъ просвѣти́сѧ: и҆ вмѣ́стѡ во́лка ѻ҆вча̀ хрⷭ҇то́во ѡ҆брѣ́тесѧ."
|
|
},
|
|
{
|
|
"type": "TEXT",
|
|
"value": "Ѳе́ѵда къ царю̀ а҆вені́рꙋ глаго́лаше: не ᲂу҆бо́йсѧ, царю̀, галїле́йскихъ мꙋдрє́цъ: сі́и бо ско́рѡ и҆спадꙋ́тъ, не и҆́мꙋтъ предъ лице́мъ мои́мъ ста́ти. Ни слове́съ проти́вныхъ глаго́лати."
|
|
},
|
|
{
|
|
"type": "TEXT",
|
|
"value": "Предста́виша ѻ҆трокѡви́цы ᲂу҆кра́шены царе́вꙋ сы́нꙋ на послꙋже́нїе, да прельстѧ́тъ пра́веднаго ѻ҆́трока: ѻ҆́нъ же а҆́ще и҆ разжже́нїе въ се́рдце плотско́е прїи́мъ, моли́твою же и҆ поще́нїемъ ѿ сѣ́ти ѻ҆́ныѧ и҆зба́вленъ бы́сть."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Напа́стьми мно́гими ѡ҆держи́мь, и҆зъ глꙋбины̀ се́рдца вопїю́ ти: влⷣчце, и҆зба́ви мѧ̀ непотре́бнаго раба̀ твоего̀ лю́тыхъ ѡ҆бстоѧ́нїй, и҆ тишинꙋ̀ пода́ждь се́рдцꙋ моемꙋ̀."
|
|
},
|
|
{
|
|
"type": "HEADER",
|
|
"value": "Сѣда́ленъ, гла́съ г҃:"
|
|
},
|
|
{
|
|
"type": "TEXT",
|
|
"value": "Чтⷭ҇аѧ и҆ непоро́чнаѧ дꙋша̀ бжⷭ҇твеннагѡ ѻ҆́трока, ѡ҆полче́нїѧ вра́жїѧ не ᲂу҆страши́сѧ, на по́двигъ мꙋ́жески ᲂу҆крѣплѧ́ѧсѧ, свы́ше и҆збавле́нїѧ просѧ̀, да не ѡ҆скверни́тъ ѻ҆де́жды, ю҆́же ѿ ст҃а́гѡ креще́нїѧ прїѧ́тъ, да полꙋчи́тъ красотꙋ̀ и҆ сла́вꙋ хрⷭ҇то́вꙋ. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Кі́йждо, и҆дѣ́же спаса́етсѧ, та́мѡ пра́веднѡ и҆ притека́етъ: и҆ ко́е и҆но́е таково́е прибѣ́жище, ꙗ҆́кѡ ты̀, бцⷣе, покрыва́ющее дꙋ́шы на́шѧ;"
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "TEXT",
|
|
"value": "І҆рмо́съ: Прⷪ҇ро́къ а҆ввакꙋ́мъ ᲂу҆́мныма ѻ҆чи́ма прови́дѣ, гдⷭ҇и, прише́ствїе твоѐ, тѣ́мъ и҆ вопїѧ́ше: ѿ ю҆́га прїи́детъ бг҃ъ, сла́ва си́лѣ твое́й, сла́ва снизхожде́нїю твоемꙋ̀."
|
|
},
|
|
{
|
|
"type": "TEXT",
|
|
"value": "Є҆гда̀ посто́мъ и҆ моли́твою тѣ́ло своѐ ᲂу҆дрꙋчѝ, зри́тъ во снѣ̀ па́жить прекра́снꙋ, и҆ гра́да красотꙋ̀ недомы́сленнꙋ. Во є҆ди́номъ ᲂу҆́глѣ жела́етъ пребыва́нїѧ, и҆ гла́съ слы́шитъ: подвиза́ющымсѧ всѧ̑ ᲂу҆гото́вашасѧ."
|
|
},
|
|
{
|
|
"type": "TEXT",
|
|
"value": "Минꙋ́въ мѣста̀ ѻ҆́на свѣ̑тлаѧ, зри́тъ мѣ́сто, тмы̀ и҆спо́лненно, и҆ пе́щь, стра́шнымъ пла́менемъ шꙋмѧ́щꙋю, и҆ гла́сꙋ гласѧ́щꙋ: сїѐ мꙋче́нїе грѣ́шникѡмъ, дѣ́лы скве́рными себѐ ѡ҆скверни́вшымъ."
|
|
},
|
|
{
|
|
"type": "TEXT",
|
|
"value": "Лежа̀ на ѻ҆дрѣ̀, ᲂу҆бꙋди́всѧ ѿ видѣ́нїѧ, сле́зы, а҆́ки рѣ́ки, и҆спꙋща́ше: и҆ ве́сь стра́хомъ ѡ҆б̾ѧ́тъ бы́въ, и҆ въ себѣ̀ разсꙋжда́ѧ, ка́кѡ свѣ́тло првⷣнымъ воздаѧ́нїе и҆ грѣ̑шнымъ стра́шно мꙋче́нїе; и҆ вопїѧ̀ хрⷭ҇тꙋ̀: сла́ва си́лѣ твое́й, гдⷭ҇и."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Бг҃а на рꙋкꙋ̀ носи́вши, всѧ́чєскаѧ рꙋко́ю содержа́щаго, ѽ дв҃о всебл҃гослове́ннаѧ! Того̀ дв҃а роди́вши, и҆ по ржⷭ҇твѣ̀ па́ки дв҃а пребыла̀ є҆сѝ."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "TEXT",
|
|
"value": "І҆рмо́съ: Гдⷭ҇и бж҃е на́шъ, ми́ръ да́ждь на́мъ, гдⷭ҇и, бж҃е на́шъ, стѧжи́ ны: гдⷭ҇и, ра́звѣ тебє̀, и҆но́гѡ не вѣ́мы, и҆́мѧ твоѐ и҆менꙋ́емъ."
|
|
},
|
|
{
|
|
"type": "TEXT",
|
|
"value": "Не здра́вствꙋетъ тво́й сы́нъ, повѣ́даше царю̀, ѻ҆́нъ же ско́рѡ притечѐ и҆ ᲂу҆ми́льнѡ вопроша́ше: что́ ти бы́сть, сы́не мо́й люби́мый, ᲂу҆тѣ́хо ста́рости моеѧ̀, что̀ та́кѡ лежи́ши на ѻ҆дрѣ̀ твое́мъ, ни ма́лѡ къ комꙋ̀ бесѣ́дꙋѧ;"
|
|
},
|
|
{
|
|
"type": "TEXT",
|
|
"value": "Препѧ́лъ є҆сѝ сѣ́ть нога́мъ мои̑мъ, вма́лѣ всели́ласѧ бы во а҆́дъ дꙋша̀ моѧ̀, а҆́ще не гдⷭ҇ь помо́глъ бы мѝ, и҆ показа̀ мнѣ̀ пꙋ́ть ко спасе́нїю: и҆ ктомꙋ̀ не возмо́глъ бы є҆сѝ менѐ ви́дѣти жи́ва, и҆ сы́на себѣ̀ и҆менова́ти."
|
|
},
|
|
{
|
|
"type": "TEXT",
|
|
"value": "Рыда́нїе и҆ печа́ль съ го́рькимъ пла́чемъ сплета́ше ца́рь, неꙋтоли́мь мѧте́жъ и҆мѣ́ѧше, речѐ въ себѣ̀: ча́до, не то́кмѡ богѡ́въ ѿстꙋпле́нїѧ, но и҆ живота̀ твоегѡ̀ ѿрица́ешисѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Неизглаго́ланнѡ заче́нши бг҃а, и҆ па́че є҆стества̀ родила̀ є҆сѝ: сего̀ молѝ, всенепоро́чнаѧ, растлѣ́вша безмѣ́стными дѣѧ̑нїи, поми́ловати мѧ̀ за неизрече́ннꙋю ми́лость."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ꙗ҆́кѡ во́ды морскі̑ѧ, чл҃вѣколю́бче, волна́ми жите́йскими ѡ҆бꙋрева́юсѧ. Тѣ́мже, ꙗ҆́кѡ і҆ѡ́на, та́кѡ вопїю́ ти: возведѝ ѿ тлѝ живо́тъ мо́й, бл҃гоꙋтро́бне гдⷭ҇и."
|
|
},
|
|
{
|
|
"type": "TEXT",
|
|
"value": "Шꙋ́їѧгѡ стоѧ́нїѧ и҆зба́витисѧ, и҆ десна́гѡ стоѧ́нїѧ сподо́битисѧ жела́ти, і҆ѡаса́фꙋ та́кѡ и҆́стинствꙋющꙋ, и҆ ничто́же чествова́ти па́че хрⷭ҇то́вы любвѐ: се́ бо и҆́стиннаѧ сла́дость и҆ весе́лїе, и҆ вѣ́чное пребыва́нїе."
|
|
},
|
|
{
|
|
"type": "TEXT",
|
|
"value": "Оу҆̀бо ѳе́ѵда глаго́лаше: почто̀ богѡ́въ ѿстꙋпи́лъ є҆сѝ, и҆ ѻ҆тца̀ царѧ̀ прогнѣ́валъ є҆сѝ; сегѡ̀ ра́ди ѿ всѣ́хъ люде́й возненави́дѣнъ є҆сѝ. Не бо́зи ли, ѻ҆тца̀ твоегѡ̀ моли́твы послꙋ́шавше, тебѐ є҆мꙋ̀ дарова́ша;"
|
|
},
|
|
{
|
|
"type": "TEXT",
|
|
"value": "Возопѝ ца́рь і҆ѡаса́фъ: ѽ заблꙋжде́нїѧ глꙋбино̀, вавѷлѡ́нское сѣ́мѧ, столпотворе́нїѧ внꙋ́че, ѻ҆каѧ́нне чародѣ́ивый ста́рче! Почто̀ ᲂу҆карѧ́еши спаси́тельнꙋю про́повѣдь хрⷭ҇то́ва прише́ствїѧ, є҆гѡ́же сла́вы нб҃о и҆ всѧ̀ землѧ̀ и҆спо́лнишасѧ;"
|
|
},
|
|
{
|
|
"type": "TEXT",
|
|
"value": "Бг҃оро́диченъ: Помозѝ, влⷣчце, и҆ ᲂу҆слы́ши глаго́лъ мо́й, всенепоро́чнаѧ, є҆гѡ́же и҆зъ глꙋбины̀ дꙋшѝ приношꙋ́ ти, и҆ разрѣше́нїе долгѡ́въ пода́ждь мѝ."
|
|
},
|
|
{
|
|
"type": "HEADER",
|
|
"value": "Конда́къ, гла́съ и҃:"
|
|
},
|
|
{
|
|
"type": "TEXT",
|
|
"value": "Вѣ́дый твоѐ и҆зъ младе́нства благо́е и҆зволе́нїе, і҆ѡаса́фе, є҆ди́нъ сердцевѣ́децъ бг҃ъ, и҆ ѿ ца́рствїѧ земна́гѡ въ мона́шеское пребыва́нїе приведы́й тѧ̀, вели́комꙋ варлаа́мꙋ послѣ́довати сподо́би. Съ ни́мже и҆ ны́нѣ го́рнїй і҆ерⷭ҇ли́мъ всесвѣ́тлый ѻ҆ч҃ество и҆мѣ́ѧ, жела́емыѧ добро́ты краснѡ̀ наслажда́ѧсѧ ст҃ы́ѧ трⷪ҇цы, мо́лимъ тѧ̀, ца́рскаѧ красото̀, помина́й на́съ, вѣ́рою чтꙋ́щыѧ тѧ̀."
|
|
},
|
|
{
|
|
"type": "TEXT",
|
|
"value": "І҆́косъ: Дрꙋгі́й, ѻ҆́ч҃е, ꙗ҆ви́лсѧ є҆сѝ вра́чь и҆ предста́тель недꙋ́гомъ ѡ҆держи́мыхъ ско́рбїю, і҆ѡаса́фе чꙋ́дне, и҆сцѣлѧ́ѧ всѧ̑ вѣ̑рныѧ, притека́ющыѧ подъ бжⷭ҇твенный покро́въ тво́й. Тѣ́мъ и҆ ѿ на́съ слы́шиши: ра́дꙋйсѧ, ѻ҆тца̀ блага́гѡ ко́реню, ра́дꙋйсѧ, ма́тере благі́ѧ вѣ́твь: ра́дꙋйсѧ, и҆́же тѣ́хъ любо́вь ѿри́нꙋвый, ра́дꙋйсѧ, и҆́же є҆ди́наго бг҃а прїе́мый: ра́дꙋйсѧ, ꙗ҆́кѡ ѡ҆ста́вилъ є҆сѝ на землѝ во́инство, ра́дꙋйсѧ, ꙗ҆́кѡ низложи́лъ є҆сѝ ва́рварскꙋю горды́ню: ра́дꙋйсѧ, стѣна̀ и҆ храни́тель царе́й бы́вый, ра́дꙋйсѧ, ѻ҆рꙋ́жїе и҆ сто́лпъ мі́рꙋ ꙗ҆́вльсѧ: ра́дꙋйсѧ, ѻ҆гне́мъ поже́гъ ꙗ҆зы́чєства, ра́дꙋйсѧ, свѣти́льниче, сїѧ́ѧ чꙋдесы̀: ра́дꙋйсѧ, наги̑мъ мно́жицею покро́въ: ра́дꙋйсѧ, плѣне́нныхъ и҆зба́вителю: помина́й на́съ, вѣ́рою чтꙋ́щыѧ тѧ̀."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "TEXT",
|
|
"value": "І҆рмо́съ: Халде́йскаѧ пе́щь, ѻ҆гне́мъ распала́емаѧ, ѡ҆роша́шесѧ дх҃омъ, бж҃їимъ предстоѧ́нїемъ ѻ҆́троцы поѧ́хꙋ: бл҃гослове́нъ є҆сѝ, бж҃е ѻ҆ц҃ъ на́шихъ."
|
|
},
|
|
{
|
|
"type": "TEXT",
|
|
"value": "Сла́вꙋ же и҆ црⷭ҇тво и҆ ѻ҆́бласть всю̀ на́двое раздѣ́льшемꙋ, ѻ҆́вꙋ себѣ̀ ѡ҆ста́вль, ѻ҆́вꙋ же врꙋча́етъ сы́нꙋ, царѧ̀ є҆го̀ поста́вивъ: кнѧ́зи же мно́ги и҆ страти́ги преда́въ, любе́знѡ же и҆ че́стнѡ ѿпꙋстѝ є҆го̀ на странꙋ̀ свою̀."
|
|
},
|
|
{
|
|
"type": "TEXT",
|
|
"value": "Не про́стѡ къ ца́рствꙋ и҆дѧ́ше, но честны́й крⷭ҇тъ предъ ни́мъ ноша́хꙋ: вше́дъ же во гра́дъ, на всѣ́хъ столпѣ́хъ ѻ҆́бразъ креста̀ водрꙋжа́ше, и҆ ка̑пища разорѧ́ше. Прекра́снꙋ цр҃ковь влⷣки хрⷭ҇та̀ воздви́же, и҆ всѣ̑мъ собра́тисѧ къ не́й повелѣва́ше: са́мъ же прилѣ́жнѡ молѧ́шесѧ."
|
|
},
|
|
{
|
|
"type": "TEXT",
|
|
"value": "Хрⷭ҇тꙋ̀ вѣ́ровати всѧ̑ подрꙋ̑чныѧ ᲂу҆ча́ше, и҆згна̑нныѧ же ѻ҆тце́мъ є҆пі́скопы, і҆ере́и и҆ мона́хи ра́достнѡ срѣта́ше, и҆ свои́ми рꙋка́ми но́ги и҆́хъ ѡ҆мыва́ше, и҆ всѧ́ко промышле́нїе ѡ҆ ни́хъ творѧ́ше, и҆ ᲂу҆се́рднѡ взыва́ше: препросла́вленный бж҃е, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Дре́вле ᲂу҆́бѡ і҆а́кѡвъ тѧ̀ преднаписа̀: и҆са́їа же, ᲂу҆́глемъ дх҃а ѡ҆чи́щсѧ, бг҃а є҆мманꙋ́ила ѿ ᲂу҆тро́бы твоеѧ̀ роди́тисѧ прозна́менова. Къ немꙋ́же велегла́снѡ вопїѧ́ше: ѻ҆тє́цъ на́шихъ бж҃е, бл҃гослове́нъ є҆сѝ."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "TEXT",
|
|
"value": "І҆рмо́съ: Покрыва́ѧй вода́ми превы́спрєннѧѧ своѧ̑, полага́ѧй мо́рю предѣ́лъ песо́къ, и҆ содержа́й всѧ̑, тѧ̀ пое́тъ со́лнце, тѧ̀ сла́витъ лꙋна̀, тебѣ̀ прино́ситъ пѣ́снь всѧ̀ тва́рь, ꙗ҆́кѡ содѣ́телю всѣ́хъ во вѣ́ки."
|
|
},
|
|
{
|
|
"type": "TEXT",
|
|
"value": "Оу҆̀бо і҆ѡаса́фовъ до́мъ растѧ́ше, а҆вені́ровъ же ᲂу҆малѧ́шесѧ: а҆́бїе ца́рь писа́нїемъ сы́на призыва́етъ. ѻ҆́нъ же, ско́рѡ прише́дъ, на вѣ́рꙋ ѻ҆тца̀ ѡ҆братѝ, и҆ ѿ кꙋпѣ́ли семꙋ̀ прїе́мникъ бы́въ, и҆ возопѝ ра́достнѡ: сла́влю тѧ̀, хрⷭ҇тѐ, во вѣ́ки всѧ̑."
|
|
},
|
|
{
|
|
"type": "TEXT",
|
|
"value": "Бы́сть чꙋ́до преди́вно, сы́нъ роди́телю своемꙋ̀ ѻ҆тє́цъ ꙗ҆ви́сѧ, ѻ҆крє́стныѧ страны̑ просвѣща́хꙋсѧ, цє́ркви созида́хꙋсѧ, є҆пі́скопи и҆ і҆ере́є же́ртвꙋ бг҃ꙋ приноша́хꙋ, пѣ́снь воспѣва́юще, и҆ сла́вѧще хрⷭ҇та̀ во вѣ́ки всѧ̑."
|
|
},
|
|
{
|
|
"type": "TEXT",
|
|
"value": "Гдⷭ҇нею бл҃года́тїю ца́рь а҆вені́ръ веселѧ́шесѧ, всю̀ ца́рскꙋю вла́сть сы́нꙋ предадѐ, са́мъ же въ молча́нїи пребыва́ше: въ толи́кꙋ глꙋбинꙋ̀ смире́нїѧ вложѝ себѐ, ꙗ҆́кѡ и҆ дре́внихъ превзы́ти благовѣ́рїемъ, и҆ сла́вѧще хрⷭ҇та̀ во вѣ́ки всѧ̑."
|
|
},
|
|
{
|
|
"type": "TEXT",
|
|
"value": "Бг҃оро́диченъ: И҆ны́ѧ по́мощи не и҆́мамы, ра́звѣ тебє̀, влⷣчце: ты̀ крѣ́пость и҆ ᲂу҆твержде́нїе, ты̀ похвала̀ и҆ ра́дованїе и҆ храни́тельница мі́ра: къ тебѣ̀ прибѣга́юще, спаса́емсѧ всѝ."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Тѧ̀ неискꙋсобра́чнꙋю мт҃рь бг҃а вы́шнѧгѡ, тѧ̀ па́че ᲂу҆ма̀ ро́ждшꙋю сло́вомъ вои́стиннꙋ бг҃а, вы́шшꙋю пречⷭ҇тыхъ си́лъ, немо́лчными славословлє́нїи велича́емъ."
|
|
},
|
|
{
|
|
"type": "TEXT",
|
|
"value": "Минꙋ́вшымъ днє́мъ нѣ́кїимъ по креще́нїи, ца́рь а҆вені́ръ а҆́бїе въ недꙋ́гъ тѣле́сный впадѐ, и҆ є҆гда̀ нача́тъ приближа́тисѧ коне́цъ житїѧ̀ є҆гѡ̀, въ до́брѣмъ и҆сповѣ́данїи, съ те́плыми слеза́ми дꙋ́шꙋ свою̀ предадѐ."
|
|
},
|
|
{
|
|
"type": "TEXT",
|
|
"value": "Ра́достными слеза́ми сы́нъ почита́ше ѻ҆тца̀, не ᲂу҆красѝ є҆гѡ̀ ца́рскими ѻ҆де́ждами, но просты́мъ ѡ҆дѣѧ́нїемъ тѣ́ло є҆гѡ̀ покры̀: надъ гро́бомъ ста́въ, рꙋ́цѣ воздѣ́въ, бг҃ꙋ благодаре́нїе возсыла́ше, въ покаѧ́нїи тогѡ̀ прїи́мшꙋ."
|
|
},
|
|
{
|
|
"type": "TEXT",
|
|
"value": "Къ лю́демъ глаго́лаше, сѣдѧ̀ на престо́лѣ ца́рстѣмъ, ѻ҆те́цъ мо́й ца́рь а҆вені́ръ ᲂу҆́мре, ꙗ҆́кѡ є҆ди́нъ ѿ ни́щихъ, ничто́же є҆мꙋ̀ послѣ́дова, ни бога́тство, ни ца́рскаѧ сла́ва: вы́ же и҆збери́те себѣ̀, є҆го́же хо́щете, да ца́рствꙋетъ надъ ва́ми."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Лѣ́ствица і҆а́кѡвлѧ, є҆́юже дре́вле а҆́гг҃лы ви́дѣ сходѧ́щѧ: гора̀ приѡсѣне́ннаѧ, ѿ неѧ́же ка́мень безъ рꙋ́къ ѿсѣче́сѧ: и҆ две́рь нбⷭ҇наѧ, є҆́юже гдⷭ҇ь є҆ди́нъ про́йде: є҆ди́на въ жена́хъ ты̀ є҆сѝ, пречⷭ҇таѧ."
|
|
},
|
|
{
|
|
"type": "TEXT",
|
|
"value": "Свѣти́ленъ: Ца́рство ѡ҆ста́вивъ, къ пꙋсты́ни ᲂу҆стреми́сѧ, и҆ въ хра́минѣ ᲂу҆бо́гагѡ ѡ҆бита̀, ца́рскꙋю ѻ҆де́ждꙋ совле́къ, ᲂу҆бо́гомꙋ дадѐ, коне́чнꙋю ми́лостыню показа́въ, хрⷭ҇тꙋ̀ послѣ́дова."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Въ це́рковь твою̀ прибѣга́юще вопїе́мъ тѝ, пречⷭ҇таѧ: пода́ждь на́мъ по́мощь и҆ лю́тыхъ и҆збавле́нїе, да при́снѡ велича́емъ ржⷭ҇тво̀ твоѐ."
|
|
},
|
|
{
|
|
"type": "HEADER",
|
|
"value": "На хвали́техъ стїхи̑ры, на д҃, гла́съ ѕ҃."
|
|
},
|
|
{
|
|
"type": "TEXT",
|
|
"value": "Подо́бенъ: Всѐ ѿло́жше: пи́саны на вече́рни."
|
|
},
|
|
{
|
|
"type": "HEADER",
|
|
"value": "Сла́ва, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Прпⷣбнїи ѻ҆тцы̀, во всю̀ зе́млю и҆зы́де вѣща́нїе и҆справле́нїй ва́шихъ: тѣ́мъ на нб҃сѣ́хъ ѡ҆брѣто́сте мздꙋ̀ трꙋдѡ́въ свои́хъ, де́мѡнскїѧ погꙋби́ли є҆стѐ полкѝ, и҆ а҆́гг҃льскїѧ дости́гли є҆стѐ чи́ны, и҆́хже житїю̀ непоро́чнѡ поревнова́ли є҆стѐ. Дерзнове́нїе и҆мꙋ́ще ко хрⷭ҇тꙋ̀ бг҃ꙋ, ми́ръ и҆спроси́те дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "И҆ ны́нѣ:"
|
|
},
|
|
{
|
|
"type": "TEXT",
|
|
"value": "Бцⷣе, ты̀ є҆сѝ лоза̀ и҆́стиннаѧ:"
|
|
},
|
|
{
|
|
"type": "HEADER",
|
|
"value": "Славосло́вїе вели́кое, и҆ ѿпꙋ́стъ."
|
|
},
|
|
{
|
|
"type": "HEADER",
|
|
"value": "На лїтꙋргі́и: бл҃же́нна, пѣ́снь г҃ и҆ ѕ҃-ѧ."
|
|
},
|
|
{
|
|
"type": "HEADER",
|
|
"value": "Прокі́менъ, гла́съ з҃:"
|
|
},
|
|
{
|
|
"type": "TEXT",
|
|
"value": "Возвесели́тсѧ пра́ведникъ ѡ҆ гдⷭ҇ѣ, и҆ ᲂу҆пова́етъ на него̀."
|
|
},
|
|
{
|
|
"type": "TEXT",
|
|
"value": "Сті́хъ: Оу҆слы́ши, бж҃е, гла́съ мо́й, внегда̀ моли́тимисѧ къ тебѣ̀."
|
|
},
|
|
{
|
|
"type": "HEADER",
|
|
"value": "А҆пⷭ҇лъ, къ колосса́ємъ, зача́ло с҃и."
|
|
},
|
|
{
|
|
"type": "TEXT",
|
|
"value": "А҆ллилꙋ́їа, гла́съ є҃: Воззва́ша првⷣнїи, и҆ гдⷭ҇ь ᲂу҆слы́ша и҆́хъ."
|
|
},
|
|
{
|
|
"type": "TEXT",
|
|
"value": "Сті́хъ: Мнѡ́ги скѡ́рби пра́вєднымъ, и҆ ѿ всѣ́хъ и҆́хъ и҆зба́витъ ѧ҆̀ гдⷭ҇ь."
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе матѳе́а, зача́ло н҃є, ѿ полꙋ̀."
|
|
},
|
|
{
|
|
"type": "TEXT",
|
|
"value": "Прича́стенъ: Въ па́мѧть вѣ́чнꙋю:"
|
|
}
|
|
] |