498 lines
48 KiB
JSON
498 lines
48 KiB
JSON
[
|
|
{
|
|
"type": "HEADER",
|
|
"value": "Ное́мврїа к҃д"
|
|
},
|
|
{
|
|
"type": "HEADER",
|
|
"value": "Ст҃а́гѡ мꙋ́ченика меркꙋ́рїа смоле́нскагѡ, но́вагѡ чꙋдотво́рца."
|
|
},
|
|
{
|
|
"type": "HEADER",
|
|
"value": "На вели́цѣй вече́рни стїхосло́вимъ: Блаже́нъ мꙋ́жъ:"
|
|
},
|
|
{
|
|
"type": "HEADER",
|
|
"value": "На Гдⷭ҇и, воззва́хъ, стїхи̑ры, гла́съ д҃:"
|
|
},
|
|
{
|
|
"type": "TEXT",
|
|
"value": "Дрꙋга́го тѧ̀ пое́мъ, и҆мꙋ́щаго поборе́нїе по дꙋ́хꙋ, хрⷭ҇то́въ меркꙋ́рїе, ꙗ҆́кѡ непобѣди́маго во́ина: внегда́ бо по повелѣ́нїю, ᲂу҆го́дниче, гпⷭ҇жѝ и҆ бцⷣы, и҆зше́лъ є҆сѝ на срѣ́тенїе пога́ныхъ си́лъ, и҆ и҆споли́на съ сы́номъ крѣ́пкаго побѣди́лъ є҆сѝ посо́бїемъ бцⷣы. Подо́бїе и҆мы́й ꙗ҆́коже ст҃ы́й мꙋ́ченикъ не́сторъ, ꙗ҆́рость прекроти́въ ѕлосвирѣ́пагѡ мꙋчи́телѧ, лі́а бг҃обо́рца побѣдѝ хрⷭ҇то́вымъ и҆́менемъ и҆ си́лою. И҆лѝ тезоимени́томꙋ тѝ свѧто́мꙋ мꙋ́ченикꙋ меркꙋ́рїю: ꙗ҆́коже во а҆леѯандрі́и ѻ҆́нъ побѣди́въ, прободѐ въ се́рдце мꙋчи́телѧ и҆ законопрестꙋ́пника, ревнꙋ́ѧ по благоче́стїи: ты́ же тѣ́хъ подража́ѧ, сопроти́вныхъ и҆ пога́ныхъ и҆ноплемє́нникъ си́лꙋ пресѣ́клъ є҆сѝ, ꙗ҆́кѡ во́инъ до́бръ и҆ неко́сенъ, и҆ соверши́лъ є҆сѝ своѐ подвиза́нїе крѣ́пцѣ, по благовѣ́рїи ст҃ы́ѧ цр҃кве гпⷭ҇жѝ и҆ бцⷣы, со всѣ́ми ᲂу҆гѡ́дники хрⷭ҇та̀ бг҃а, и҆ вѣнча́сѧ ве́рхъ тво́й, свѧ́те и҆ великомꙋ́чениче."
|
|
},
|
|
{
|
|
"type": "TEXT",
|
|
"value": "Ꙗ҆́коже ѿ а҆́гг҃ла, и҆лѝ съ нб҃сѐ зна́менїе прїе́млеши: къ тебѣ́ бо по́сланъ быва́етъ слꙋга̀ це́ркве вели́цѣй гпⷭ҇жѝ и҆ бцⷣы, возвѣща́ѧ и҆ велѧ̀ тебѣ̀ и҆зы́ти на срѣ́тенїе си́лъ пога́ныхъ и҆ноплемє́нникъ: гла́сꙋ же къ тебѣ̀ свы́ше соше́дшꙋ: ра́бе мо́й и҆ ᲂу҆го́дниче меркꙋ́рїе, воста́въ препоѧ́шисѧ по́ѧсомъ во́инства, и҆зы́ди ско́рѡ съ вели́кою де́рзостїю сопроти́вныхъ побѣжда́ѧ, съ тобо́ю є҆́смь побора́ющи по благовѣ́рїи: не хощꙋ́ бо, речѐ, зрѣ́ти мое́й плѣне́нѣ бы́ти це́ркви ѿ пога́ныхъ: ᲂу҆моли́хъ бо сн҃а моего̀, да пода́стъ тѝ ѡ҆ се́мъ дерзнове́нїи твое́мъ вѣне́цъ нбⷭ҇ный, ѿ животво́рныѧ десни́цы є҆гѡ̀."
|
|
},
|
|
{
|
|
"type": "TEXT",
|
|
"value": "Ѿ ца́рска колѣ́на во́инъ и҆зы́де, и҆ посла́сѧ непобѣди́мый воево́да на́шемꙋ гра́дꙋ, вели́ко поможе́нїе ѿ гпⷭ҇жѝ на́шеѧ бцⷣы: во́инствꙋѧ бо не земно́мꙋ царю̀ ᲂу҆гожда́ѧ, но свы́ше повелѣ́нїе прїе́млѧ, бг҃омꙋ́дре и҆ блаже́нный страда́льче меркꙋ́рїе, жела́нїемъ и҆ ре́вностїю побора́ѧ по благовѣ́рїи, мꙋ́ченически стражда̀, и҆ проти́вныхъ полкѝ побѣжда́ѧ, пога́ныхъ и҆ноплемє́нникъ, и҆ са́мъ нꙋ́ждною сме́ртїю коне́цъ житїю̀ воспрїи́меши, и҆ ко хрⷭ҇тꙋ̀ бг҃ꙋ на нб҃о востече́ши, и҆ ра́вными тебѣ̀ ст҃ы́ми мч҃ники ли́кꙋ сочта́всѧ возме́здїе прїи́меши. Тѣ́мже и҆ ны́нѣ мы̀ многогрѣ́шнїи, мо́лимъ тѧ̀, свѧ́те: и҆мѣ́ѧ дерзнове́нїе, помоли́сѧ ѡ҆ гра́дѣ на́шемъ невоева́нꙋ пребы́ти є҆мꙋ̀, и҆ дꙋша́мъ на́шымъ дарова́ти ве́лїю ми́лость."
|
|
},
|
|
{
|
|
"type": "HEADER",
|
|
"value": "Сла́ва, гла́съ в҃:"
|
|
},
|
|
{
|
|
"type": "TEXT",
|
|
"value": "Прїиди́те, благовѣ́рнїи лю́дїе, прїиди́те, со́нмище празднолюбе́зныхъ, пѣ́снь воскли́кнемъ, и҆ рꙋка́ми воспле́щимъ къ застꙋ́пницѣ на́шей и҆ гпⷭ҇жѣ̀ и҆ бцⷣѣ, сы́нове гра́да смоле́нска, ра́достїю покрыва́ющесѧ: ꙗ҆́кѡ посла́сѧ ѿ неѧ̀, непобѣди́мь во́инъ гра́дꙋ на́шемꙋ, ᲂу҆го́дникъ сеѧ̀ сы́й меркꙋ́рїй, мно́гѡ побора́ѧ по на́мъ, пога́ныхъ побѣжда́етъ, и҆ забра́ло быва́етъ тве́рдо ѿ всѣ́хъ ра́тей находѧ́щихъ гра́дꙋ на́шемꙋ. Сте́кшесѧ гра́ждане всѝ въ хра́мъ ст҃ы́й гпⷭ҇жѝ и҆ бцⷣы, и҆ пристꙋпи́вше ѡ҆б̾и́мемъ лобза́юще, се́рдцемъ же и҆ ᲂу҆сты̀ гро́бъ ст҃а́гѡ меркꙋ́рїа, и҆ похвала́ми пое́мъ є҆го̀: ра́дꙋйсѧ, вопїю́ще, хꙋдѡ́жства побѣди́вый ѕловѣ́рныхъ ва̑рваръ, и҆ свирѣ́пое и҆́хъ мꙋчи́тельство ѡ҆бличи́вый, и҆ ве́лїе дерзнове́нїе ѿ хрⷭ҇та̀ бг҃а прїи́мый. И҆ ны́нѣ, свѧ́те, мо́лимъ тѧ̀: не забꙋ́ди твоегѡ̀ гра́да и҆ люде́й живꙋ́щихъ въ не́мъ, и҆дѣ́же є҆́сть гро́бъ съ блаже́ннымъ тѣ́ломъ твои́мъ: моли́сѧ побѣ́дꙋ да́ти гра́дꙋ на́шемꙋ, и҆ дꙋша́мъ на́шымъ проще́нїе мно́гихъ грѣхѡ́въ, и҆ ве́лїю ми́лость."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Пре́йде сѣ́нь зако́ннаѧ:"
|
|
},
|
|
{
|
|
"type": "HEADER",
|
|
"value": "Вхо́дъ. Прокі́менъ днѐ. Чтє́нїѧ г҃."
|
|
},
|
|
{
|
|
"type": "HEADER",
|
|
"value": "Прⷪ҇ро́чества и҆са́їина чте́нїе. (Глава̀ м҃г.)"
|
|
},
|
|
{
|
|
"type": "TEXT",
|
|
"value": "Та́кѡ гл҃го́летъ гдⷭ҇ь: всѝ ꙗ҆зы́цы собра́шасѧ вкꙋ́пѣ, и҆ соберꙋ́тсѧ кнѧ́зи ѿ ни́хъ: кто̀ возвѣсти́тъ сїѧ̑ въ ни́хъ; и҆лѝ ꙗ҆̀же ѿ нача́ла, кто̀ слы̑шана сотвори́тъ ва́мъ; да приведꙋ́тъ свидѣ́тели своѧ̑ и҆ ѡ҆правдѧ́тсѧ, и҆ да ᲂу҆слы́шатъ, и҆ да рекꙋ́тъ и҆́стинꙋ. Бꙋ́дите мѝ свидѣ́тели, и҆ а҆́зъ свидѣ́тель, глаго́летъ гдⷭ҇ь бг҃ъ, и҆ ѻ҆́трокъ, є҆го́же и҆збра́хъ, да позна́ете и҆ вѣ́рꙋете мѝ, и҆ разꙋмѣ́ете, ꙗ҆́кѡ а҆́зъ є҆́смь: пре́жде менє̀ не бы́сть и҆́нъ бо́гъ и҆ по мнѣ̀ не бꙋ́детъ. А҆́зъ є҆́смь бг҃ъ, и҆ нѣ́сть ра́звѣ менє̀ спаса́ѧй. А҆́зъ возвѣсти́хъ и҆ спасо́хъ, ᲂу҆ничижи́хъ, и҆ не бѣ̀ въ ва́съ чꙋ́ждїй. Вы̀ мнѣ̀ свидѣ́тели, и҆ а҆́зъ гдⷭ҇ь бг҃ъ: и҆ є҆щѐ ѿ нача́ла а҆́зъ є҆́смь, и҆ нѣ́сть ѿ рꙋ́къ мои́хъ и҆збавлѧ́ѧй. Сотворю̀, и҆ кто̀ ѿврати́тъ то̀; Си́це гл҃го́летъ гдⷭ҇ь бг҃ъ, и҆збавлѧ́ѧй ва́съ ст҃ы́й і҆и҃левъ."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́ни чте́нїе. (Глава̀ г҃.)"
|
|
},
|
|
{
|
|
"type": "TEXT",
|
|
"value": "Пра́ведныхъ дꙋ́шы въ рꙋцѣ̀ бж҃їей, и҆ не прико́снетсѧ и҆́хъ мꙋ́ка. Непщева́ни бы́ша во ѻ҆чесѣ́хъ безꙋ́мныхъ ᲂу҆мре́ти, и҆ вмѣни́сѧ ѡ҆ѕлобле́нїе и҆схо́дъ и҆́хъ: и҆ є҆́же ѿ на́съ ше́ствїе, сокрꙋше́нїе, ѻ҆ни́ же сꙋ́ть въ ми́рѣ. И҆́бо предъ лице́мъ человѣ́ческимъ а҆́ще и҆ мꙋ́кꙋ прїи́мꙋтъ, ᲂу҆пова́нїе и҆́хъ безсме́ртїѧ и҆спо́лнено, и҆ вма́лѣ нака́зани бы́вше, вели́кими благодѣ́тельствовани бꙋ́дꙋтъ, ꙗ҆́кѡ бг҃ъ и҆скꙋсѝ ѧ҆̀, и҆ ѡ҆брѣ́те и҆̀хъ достѡ́йны себѣ̀. Ꙗ҆́кѡ зла́то въ горни́лѣ и҆скꙋсѝ и҆̀хъ, и҆ ꙗ҆́кѡ всепло́дїе же́ртвенное прїѧ́тъ ѧ҆̀. И҆ во вре́мѧ посѣще́нїѧ и҆́хъ возсїѧ́ютъ, и҆ ꙗ҆́кѡ и҆́скры по сте́блїю потекꙋ́тъ. Сꙋ́дѧтъ ꙗ҆зы́кѡмъ, и҆ ѡ҆блада́ютъ людьмѝ, и҆ воцр҃и́тсѧ гдⷭ҇ь въ ни́хъ во вѣ́ки. Надѣ́ющїисѧ на́нь разꙋмѣ́ютъ и҆́стинꙋ, и҆ вѣ́рнїи въ любвѝ пребꙋ́дꙋтъ є҆мꙋ̀: ꙗ҆́кѡ бл҃года́ть и҆ ми́лость въ преподо́бныхъ є҆гѡ̀, и҆ посѣще́нїе во и҆збра́нныхъ є҆гѡ̀."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́ни чте́нїе. (Глава̀ д҃.)"
|
|
},
|
|
{
|
|
"type": "TEXT",
|
|
"value": "Пра́ведникъ, а҆́ще пости́гнетъ сконча́тисѧ, въ поко́и бꙋ́детъ. Ста́рость бо честна̀ не многолѣ́тна, нижѐ въ числѣ̀ лѣ́тъ и҆счита́етсѧ: сѣди́на же є҆́сть мꙋ́дрость человѣ́кѡмъ, и҆ во́зрастъ ста́рости, житїѐ нескве́рное. Благоꙋго́денъ бг҃ови бы́въ, возлю́бленъ бы́сть, и҆ живы́й посредѣ̀ грѣ̑шникъ преста́вленъ бы́сть. Восхище́нъ бы́сть, да не ѕло́ба и҆змѣни́тъ ра́зꙋма є҆гѡ̀, и҆лѝ ле́сть прельсти́тъ дꙋ́шꙋ є҆гѡ̀. Раче́нїе бо ѕло́бы помрача́етъ дѡ́браѧ, и҆ паре́нїе по́хоти премѣнѧ́етъ ᲂу҆́мъ неѕло́бивъ. Сконча́всѧ вма́лѣ, и҆спо́лни лѣ̑та дѡ́лга: ᲂу҆го́дна бо бѣ̀ гдⷭ҇еви дꙋша̀ є҆гѡ̀: сегѡ̀ ра́ди потща́сѧ ѿ среды̀ лꙋка́вствїѧ: лю́дїе же ви́дѣвше, и҆ не разꙋмѣ́вше, нижѐ поло́жше въ помышле́нїи таково́е: ꙗ҆́кѡ благода́ть и҆ ми́лость въ преподо́бныхъ є҆гѡ̀, и҆ посѣще́нїе во и҆збра́нныхъ є҆гѡ̀."
|
|
},
|
|
{
|
|
"type": "HEADER",
|
|
"value": "На стїхо́внѣ стїхи̑ры, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Ꙗ҆́кѡ до́блѧ:"
|
|
},
|
|
{
|
|
"type": "TEXT",
|
|
"value": "Многоѻбра́зными мꙋчє́нїи, лю́тый мꙋчи́тель ка́знемъ ѕлы̑мъ преда́въ казни́ти многострада́льное и҆ долготерпѣли́вое тѣ́ло твоѐ, бг҃омы́сленне меркꙋ́рїе, не ѿве́рглсѧ є҆сѝ хрⷭ҇та̀, ни кꙋмі́рѡмъ поже́рлъ є҆сѝ, по терпѣ́лъ є҆сѝ, ꙗ҆́кѡ и҆но́мꙋ стра́ждꙋщꙋ, ѡ҆жида́ѧ бꙋ́дꙋщагѡ возда́нїѧ, и҆ безсме́ртнагѡ бг҃осло́вїѧ."
|
|
},
|
|
{
|
|
"type": "TEXT",
|
|
"value": "Сті́хъ: Пра́ведникъ, ꙗ҆́кѡ фі́нїѯъ процвѣте́тъ, ꙗ҆́кѡ ке́дръ, и҆́же въ лїва́нѣ, ᲂу҆мно́житсѧ."
|
|
},
|
|
{
|
|
"type": "TEXT",
|
|
"value": "Воздви́жемь и҆ стрꙋ́жемь, и҆ ка́менїемъ посыпа́емь, и҆ желѣ́зомъ ᲂу҆ранѧ́емь, и҆ мече́мъ скончава́емь, непрекло́ненъ пребы́лъ є҆сѝ, на ка́мени ᲂу҆́мнѣмъ дꙋ́шꙋ твою̀ водрꙋзи́въ. И҆ сегѡ̀ ра́ди а҆́гг҃льскимъ ликѡ́мъ сочета́лсѧ є҆сѝ, свѣ́та невече́рнѧгѡ сподоблѧ́емь."
|
|
},
|
|
{
|
|
"type": "TEXT",
|
|
"value": "Сті́хъ: Насажде́ни въ домꙋ̀ гдⷭ҇ни, во дво́рѣхъ бг҃а на́шегѡ процвѣтꙋ́тъ."
|
|
},
|
|
{
|
|
"type": "TEXT",
|
|
"value": "И҆сцѣле́нїе дарова́нїй, жела́ющымъ и҆сточа́ютъ сла́вне, твоѧ̑ мо́щи, и҆ потоплѧ́ютъ страсте́й недꙋ́ги, меркꙋ́рїе, и҆ разорѧ́ютъ лꙋка́выхъ де́мѡнѡвъ толпы̑, напаѧ́ютъ же вѣ́рныхъ сердца̀, прозѧба̑ющаѧ добродѣ́телей плоды̀ бжⷭ҇твєнныѧ, и҆ благоче́стїѧ разꙋмѣ́нїе."
|
|
},
|
|
{
|
|
"type": "HEADER",
|
|
"value": "Сла́ва, гла́съ в҃:"
|
|
},
|
|
{
|
|
"type": "TEXT",
|
|
"value": "Житїе́мъ до́брымъ и҆ чистото́ю, свѧ́те, ᲂу҆гожда́ѧ хрⷭ҇тꙋ̀ бг҃ꙋ, и҆ тогѡ̀ ро́ждшей бг҃ома́тери, къ сꙋди́щємъ безбо́жныхъ и҆ноплемє́нникъ постиза́еши, повелѣ́нїемъ да́же подо́бнѣ и҆сходѧ́й на противоборю́щыѧ, цѣломꙋ́дрїе проти́вꙋ ѕловѣ́рнѣ цѣлꙋ́ющагѡ, меркꙋ́рїе: тꙋ̀ побѣ́дꙋ носѧ̀ подвиза́ешисѧ, и҆ чꙋ́до вели́ко ѡ҆ себѣ̀ сотворѧ́ѧ, ра́тника съ вели́кими си́лами побѣди́въ хрⷭ҇то́вою си́лою, и҆ са́мъ тꙋ̀ внѣ̀ предъ гра́домъ, блаже́нне, коне́цъ воспрїѧ́лъ є҆сѝ, и҆ си́мъ чꙋдесе́мъ гра́дъ ᲂу҆дивлѧ́еши: ѿсѣ́ченнꙋю бо твою̀ свѧтꙋ́ю главꙋ̀ ѿ и҆ноплеме́нника сꙋдо́мъ бж҃їимъ, са́мъ ꙗ҆́кѡ жи́въ по сме́рти съ тѣ́ломъ во гра́дъ вне́слъ є҆сѝ, и҆ ны́нѣ побѣ́ды вѣне́цъ и҆мѣ́еши. Тѣ́мже и҆ мы̀ подвиза́ющесѧ мо́лимъ тѧ̀, ѡ҆бстоѧ́ще, свѧ́те, гро́бъ тво́й, да прише́дъ побо́реши на гра́дъ тво́й и҆ лю́ди держа́вы гпⷭ҇жѝ и҆ бцⷣы, ѕлѣ̀ ра́тꙋющыѧ, ѿ хрⷭ҇та̀ бг҃а просѧ̀ на́мъ ми́ра, и҆ ве́лїѧ ми́лости."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ воскрⷭ҇нъ, по гла́сꙋ."
|
|
},
|
|
{
|
|
"type": "HEADER",
|
|
"value": "Тропа́рь, гла́съ д҃:"
|
|
},
|
|
{
|
|
"type": "TEXT",
|
|
"value": "Мꙋ́ченикъ тво́й, гдⷭ҇и, меркꙋ́рїй, во страда́нїи свое́мъ вѣне́цъ прїѧ́тъ нетлѣ́нный ѿ тебє̀ бг҃а на́шегѡ: и҆мѣ́ѧй бо крѣ́пость твою̀, мꙋчи́телей низложѝ, сокрꙋшѝ и҆ де́мѡнѡвъ немощны̑ѧ де́рзѡсти. Тогѡ̀ моли́твами спасѝ дꙋ́шы на́шѧ."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ воскрⷭ҇нъ."
|
|
},
|
|
{
|
|
"type": "HEADER",
|
|
"value": "На ᲂу҆́трени, на Бг҃ъ гдⷭ҇ь: тропа́рь то́йже."
|
|
},
|
|
{
|
|
"type": "HEADER",
|
|
"value": "По а҃-й каѳі́смѣ сѣда́ленъ, гла́съ а҃."
|
|
},
|
|
{
|
|
"type": "TEXT",
|
|
"value": "Подо́бенъ: Ли́къ а҆́гг҃льскїй:"
|
|
},
|
|
{
|
|
"type": "TEXT",
|
|
"value": "Во́инство на землѝ возненави́дѣвъ, мч҃ниче, на нб҃сѣ́хъ возжелѣ́лъ є҆сѝ сла́вꙋ, и҆ болѣ̑зни претерпѣ́лъ є҆сѝ и҆ нꙋ́жднꙋю сме́рть. Тѣ́мже дне́сь всесвѧтꙋ́ю твою̀ па́мѧть пра́зднꙋемъ, хрⷭ҇тꙋ̀ приносѧ́ще хвалꙋ̀, пребл҃же́нне меркꙋ́рїе. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Мт҃рь тѧ̀ бж҃їю и҆ дв҃ꙋ мо́лимъ всѝ вои́стиннꙋ, въ щедрѡ́ты твоѧ̑ вопїе́мъ, любо́вїю прибѣга́юще къ твое́й бла́гости: тѧ́ бо и҆́мамы грѣ́шнїи застꙋ́пницꙋ, и҆ тебѐ стѧжа́хомъ въ напа́стехъ спасе́нїе, є҆ди́нꙋ пречⷭ҇тꙋю."
|
|
},
|
|
{
|
|
"type": "HEADER",
|
|
"value": "По в҃-й каѳі́смѣ сѣда́ленъ, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Ꙗ҆ви́лсѧ є҆сѝ дне́сь:"
|
|
},
|
|
{
|
|
"type": "TEXT",
|
|
"value": "Тече́нїе соверши́въ и҆́стинно, и҆ мꙋчи́телей всю̀ крѣ́пость побѣди́лъ є҆сѝ, прїи́мъ вѣне́цъ ѿ рꙋкѝ вседержи́телѧ, меркꙋ́рїе всече́стне, и҆ показа́лсѧ є҆сѝ а҆́гг҃лѡмъ соприча́стникъ. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Сло́во ѻ҆́ч҃ее, хрⷭ҇та̀ бг҃а на́шего, и҆зъ тебє̀ вопло́щшеесѧ разꙋмѣ́хомъ, бцⷣе дв҃о, є҆ди́на чⷭ҇таѧ и҆ бл҃гослове́ннаѧ. Тѣ́мже всегда̀ прославлѧ́емъ тѧ̀ велича́юще."
|
|
},
|
|
{
|
|
"type": "HEADER",
|
|
"value": "По полѷеле́и сѣда́ленъ, гла́съ д҃:"
|
|
},
|
|
{
|
|
"type": "TEXT",
|
|
"value": "Во́ина хрⷭ҇то́ва непобѣди́маго, побѣди́телѧ на врагѝ до́блѧго, въ вели́кихъ чꙋдесѣ́хъ возсїѧ́вшаго при́снѡ всѝ восхва́лимъ вѣ́рою меркꙋ́рїа страстоте́рпца: то́читъ бо цѣльбы̑ прири́щꙋщымъ вѣ́рою, и҆ ᲂу҆толѧ́етъ стра̑сти лю̑тыѧ, и҆ сꙋ́щыѧ въ ско́рбехъ человѣ́ки застꙋпа́етъ. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Стѣна̀ непобѣди́маѧ на́мъ хрⷭ҇тїа́нѡмъ є҆сѝ, бцⷣе дв҃о: къ тебѣ́ бо прибѣга́юще невреди́ми пребыва́емъ, и҆ па́ки согрѣша́юще и҆́мамы тѧ̀ моли́твенницꙋ. Тѣ́мъ благодарѧ́ще вопїе́мъ тѝ: ра́дꙋйсѧ, ѡ҆бра́дованнаѧ, гдⷭ҇ь съ тобо́ю."
|
|
},
|
|
{
|
|
"type": "HEADER",
|
|
"value": "Та́же степє́нна, а҃ а҆нтїфѡ́нъ, д҃-гѡ гла́са."
|
|
},
|
|
{
|
|
"type": "TEXT",
|
|
"value": "Прокі́менъ: Пра́ведникъ, ꙗ҆́кѡ фі́нїѯъ, процвѣте́тъ:"
|
|
},
|
|
{
|
|
"type": "TEXT",
|
|
"value": "Сті́хъ: Насажде́ни въ домꙋ̀ гдⷭ҇ни:"
|
|
},
|
|
{
|
|
"type": "TEXT",
|
|
"value": "Всѧ́кое дыха́нїе:"
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе лꙋкѝ, зача́ло р҃ѕ."
|
|
},
|
|
{
|
|
"type": "HEADER",
|
|
"value": "По н҃-мъ ѱалмѣ̀ стїхи́ра, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Дне́сь вселе́ннаѧ всѧ̀ страстоте́рпца лꙋча́ми просвѣща́ема, и҆ бж҃їѧ цр҃ковь цвѣ̑ты ᲂу҆краша́ема, мꙋ́чениче меркꙋ́рїе, вопїе́тъ тѝ: ᲂу҆го́дниче хрⷭ҇то́въ и҆ застꙋ́пниче те́плый, не преста́й молѧ́сѧ за рабы̑ твоѧ̑."
|
|
},
|
|
{
|
|
"type": "HEADER",
|
|
"value": "Канѡ́нъ пра́здника со і҆рмосо́мъ на ѕ҃: И҆ ст҃а́гѡ на и҃. Гла́съ и҃."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Посѣ́ченный несѣко́маго пресѣчѐ, и҆ ви́дѣ со́лнце зе́млю, ю҆́же не ви́дѣ, лю́таго врага̀ вода̀ потопѝ, и҆ непроходи́мое про́йде і҆и҃ль, пѣ́снь же воспѣва́шесѧ: гдⷭ҇еви пои́мъ, сла́внѡ бо просла́висѧ."
|
|
},
|
|
{
|
|
"type": "TEXT",
|
|
"value": "Ѿ вы́шнихъ повелѣ́нїй, свѧ́те, во́инствꙋеши, съ вы́шними ли̑ки предстои́ши благи́хъ и҆сто́чникꙋ, и҆ ра́дости бжⷭ҇твеннагѡ наслажде́нїѧ, приснопа́мѧтне, наслажда́ешисѧ, сохранѧ́й тве́рдѣ гра́дъ, въ не́мже соверша́ютъ, сла́вне, па́мѧть твою̀, гдⷭ҇еви пою́ще: сла́внѡ бо просла́висѧ:"
|
|
},
|
|
{
|
|
"type": "TEXT",
|
|
"value": "По́двигъ тво́й ре́вности свидѣ́тельствова, мꙋ́дре, си́лою ᲂу҆крѣплѧ́емь хрⷭ҇то́вою, и҆ проти́въ ра̑тникъ и҆схо́диши, и҆ ра́дꙋѧсѧ претерпѣ́лъ є҆сѝ главы̀ твоеѧ̀ ѿсѣче́нїе, и҆ вопїѧ́ше сла́внѡ повелѣ́нїемъ є҆ѧ̀."
|
|
},
|
|
{
|
|
"type": "TEXT",
|
|
"value": "Стра́жъ гра́дꙋ ꙗ҆ви́лсѧ є҆сѝ, и҆ мꙋчи́телѧ ꙗ҆́вѣ ᲂу҆кори́лъ є҆сѝ, и҆ болѣ́зненное ѿ ни́хъ видѣ́нїе веселѧ́сѧ претерпѣ́лъ є҆сѝ, меркꙋ́рїе, вопїѧ̀ и҆ молѧ́сѧ къ посла́вшей тѧ̀: гдⷭ҇еви пои́мъ, сла́внѡ бо просла́висѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ꙗ҆́коже и҆ въ кесарі́и равноименова́нное тебѣ̀ прїе́млеши сꙋ́ще зва́нїе, та́кожде и҆ здѣ̀ и҆зво́ли благочести́ваѧ цр҃и́ца, посыла́етъ тѧ̀, меркꙋ́рїе, бцⷣа, мꙋ́чениче: къ то́й помоли́сѧ ѡ҆ мнѣ̀ ѻ҆каѧ́ннѣмъ, ми́лостива ѡ҆брѣстѝ на стра́шнѣмъ сꙋдѣ̀ сн҃а є҆ѧ̀."
|
|
},
|
|
{
|
|
"type": "TEXT",
|
|
"value": "Катава́сїа: Хрⷭ҇то́съ ражда́етсѧ:"
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆твержде́й въ нача́лѣ нб҃са̀ ра́зꙋмомъ, и҆ зе́млю на вода́хъ ѡ҆снова́вый, на ка́мени мѧ̀, хрⷭ҇тѐ, за́повѣдей твои́хъ ᲂу҆твердѝ: ꙗ҆́кѡ нѣ́сть свѧ́тъ, па́че тебє̀, є҆ди́не чл҃вѣколю́бче."
|
|
},
|
|
{
|
|
"type": "TEXT",
|
|
"value": "Ѿ младе́нства вво́инилсѧ є҆сѝ хрⷭ҇тꙋ̀, ро́дъ и҆ бога́тство ѻ҆те́чества ѡ҆ста́вль, и҆ ве́сь разжига́емь бжⷭ҇твенною любо́вїю, и҆ ѿ тогѡ̀ ро́ждшїѧ, сла́вне, стра́жъ гра́дꙋ є҆ѧ̀ посла́лсѧ є҆сѝ."
|
|
},
|
|
{
|
|
"type": "TEXT",
|
|
"value": "Воспое́мъ гдⷭ҇а и҆ съ ро́ждшею є҆го̀ бг҃омт҃рїю, пода́вшаго стра́жа тве́рда гра́дꙋ на́шемꙋ, во́ина до́блѧго меркꙋ́рїа и҆ чꙋде́съ и҆спо́лненнаго."
|
|
},
|
|
{
|
|
"type": "TEXT",
|
|
"value": "Десни́цею ᲂу҆крѣплѧ́емь влⷣчнею, вра́жїе па́гꙋбное наше́ствїе побѣди́лъ є҆сѝ ꙗ҆́кѡ до́бръ страда́лецъ, бг҃омꙋ́дре, за хра́мъ бцⷣы и҆ за благовѣ́рїе."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ѽ гдⷭ҇а моегѡ̀ мт҃и! Ты̀ наде́жда ѿча́ѧнныхъ, и҆ помо́щница всѣ̑мъ грѣ́шникѡмъ: не пре́зри, ми́лостиваѧ цр҃и́це, менє̀ ѻ҆каѧ́ннагѡ лю́тѣ и҆ пребезмѣ́рнѡ согрѣши́вшагѡ, па́че человѣ́ческагѡ є҆стества̀."
|
|
},
|
|
{
|
|
"type": "HEADER",
|
|
"value": "Сѣда́ленъ меркꙋ́рїа, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Ско́рѡ предварѝ:"
|
|
},
|
|
{
|
|
"type": "TEXT",
|
|
"value": "Ри́млѧнинъ ро́домъ сы́й, но вѣ́рою благовѣ́рною ѡ҆гражде́нъ, а҆ не полꙋвѣ́рїемъ болѧ́й, но ᲂу҆го́дникъ бг҃ꙋ бы́сть, и҆ тогѡ̀ ро́ждшей: льсти́вагѡ ра́тника посрамѝ, и҆споли́на съ сы́номъ поразѝ, и҆ вѣне́чникъ хрⷭ҇то́въ ꙗ҆ви́сѧ, и҆ сла́вы ра́достныѧ причасти́сѧ: сегѡ̀ ра́ди свѧще́ннꙋю є҆гѡ̀ па́мѧть пра́зднꙋемъ ны́нѣ. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Данїи́лъ тѧ̀ го́рꙋ ве́лїю наречѐ, и҆́нъ же́злъ и҆ катапета́смꙋ, і҆езекі́иль же две́рь, є҆́юже про́йде хрⷭ҇то́съ бг҃ъ, бцⷣе: не пре́зри, ми́лостиваѧ, но прїимѝ мои́хъ скве́рныхъ ѻ҆каѧ́нныхъ ᲂу҆сте́нъ моле́нїе, и҆ тꙋ́не покажѝ, гпⷭ҇жѐ, твою̀ ми́лость на мнѣ̀ многогрѣ́шнѣмъ."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆слы́шахъ, гдⷭ҇и, слꙋ́хъ тво́й, и҆ ᲂу҆боѧ́хсѧ, ꙗ҆́кѡ неизрече́ннымъ совѣ́томъ, бг҃ъ сы́й присносꙋ́щный, ѿ дв҃ы прише́лъ є҆сѝ вопло́щсѧ: сла́ва снизхожде́нїю твоемꙋ̀, хрⷭ҇тѐ, сла́ва си́лѣ твое́й."
|
|
},
|
|
{
|
|
"type": "TEXT",
|
|
"value": "Ꙗ҆́коже и҆ во свое́мъ ѻ҆те́чествѣ присво́илсѧ є҆сѝ любе́знѣ зижди́телю, и҆ свѣ́тлый вѣне́цъ ѿ негѡ̀ воспрїѧ́лъ є҆сѝ, и҆ во́инствовалъ є҆сѝ по благовѣ́рїи, ꙗ҆́кѡ непобѣди́мь, свѧ́те меркꙋ́рїе: помоли́сѧ, ѿ негѡ́же полꙋчи́лъ є҆сѝ дерзнове́нїе, ѡ҆ мнѣ̀ ѻ҆каѧ́ннѣмъ, да полꙋчꙋ̀ ми́лость."
|
|
},
|
|
{
|
|
"type": "TEXT",
|
|
"value": "И҆стка̀ себѣ̀ порфѵ́рꙋ благоче́стїѧ па́че ѻ҆тє́цъ свои́хъ, въ ню́же ѡ҆бо́лксѧ, и҆ во́инъ крѣ́покъ показа́сѧ, и҆ ме́ртвости совлечѐ ри́зꙋ невѣ́рїѧ, и҆ поѧ́ше: сла́ва си́лѣ твое́й, гдⷭ҇и."
|
|
},
|
|
{
|
|
"type": "TEXT",
|
|
"value": "Да́же до кро́ве ста́въ, подвиза́лсѧ є҆сѝ, побѣжда́ѧ проти̑вныѧ ра́тники, побѣдоно́сецъ показа́лсѧ є҆сѝ и҆ вы́шнїѧ сла́вы сподо́бивсѧ, меркꙋ́рїе."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ꙗ҆́коже до́ждь на рꙋно̀ сни́де, та́коже въ твою̀ пречⷭ҇тꙋю ᲂу҆тро́бꙋ сло́во спаси́тельное сни́де, приснодв҃о: ты́ же, бцⷣе, ꙗ҆́кѡ тꙋ́ча, и҆зсꙋшѝ мно́гихъ мои́хъ ѕѡ́лъ бре́мѧ."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "TEXT",
|
|
"value": "І҆рмо́съ: Вскꙋ́ю мѧ̀ ѿри́нꙋлъ є҆сѝ ѿ лица̀ твоегѡ̀, свѣ́те незаходи́мый, и҆ покры́ла мѧ̀ є҆́сть чꙋжда́ѧ тма̀ ѻ҆каѧ́ннаго, но ѡ҆брати́ мѧ, и҆ къ свѣ́тꙋ за́повѣдей твои́хъ пꙋти̑ моѧ̑ напра́ви, молю́сѧ."
|
|
},
|
|
{
|
|
"type": "TEXT",
|
|
"value": "Распросте́ръ рꙋ́цѣ протѧ́гъ ѕлы́й ва́рваринъ, хотѧ̀ внеза́пꙋ наитѝ на гра́дъ и҆ хра́мъ бцⷣы: ты́ же неѡсла́бнѡ просте́ръ твоѧ̑ со ѻ҆рꙋ́жїемъ ст҃ы̑ѧ рꙋ́ки, и҆зше́лъ є҆сѝ, и҆ побѣди́лъ є҆сѝ проти́вника, и҆ ѿтꙋ́дꙋ вѣнча́лсѧ є҆сѝ."
|
|
},
|
|
{
|
|
"type": "TEXT",
|
|
"value": "И҆́же со́лнцꙋ и҆ ѻ҆гню̀ слꙋжѧ̀ прїи́де: ты́ же, свѧ́те, хрⷭ҇тꙋ̀ и҆ тогѡ̀ мт҃ри слꙋжѧ̀ и҆зше́лъ є҆сѝ, и҆ тогѡ̀ си́лꙋ пресѣ́клъ є҆сѝ, и҆ гра́дъ свободи́лъ є҆сѝ, и҆ са́мъ ѿ хрⷭ҇та̀ просла́вилсѧ є҆сѝ."
|
|
},
|
|
{
|
|
"type": "TEXT",
|
|
"value": "Прича́стникъ стрⷭ҇те́й влⷣчнихъ ꙗ҆ви́сѧ меркꙋ́рїй, и҆ сла́вы тогѡ̀ приѻ́бщникъ бы́въ, и҆ тогѡ̀ бж҃е́ственнꙋю свѣ́тлость наслѣ́дова."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Оу҆мертвѝ, ѽ дв҃о, живꙋ́щїй во мнѣ̀ грѣ́хъ, жи́знь ро́ждшаѧ, и҆ ᲂу҆мертви́вшаго сме́рть."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Моли́твꙋ пролїю̀ ко гдⷭ҇ꙋ, и҆ томꙋ̀ возвѣщꙋ̀ печа̑ли моѧ̑, ꙗ҆́кѡ ѕѡ́лъ дꙋша̀ моѧ̀ и҆спо́лнисѧ, и҆ живо́тъ мо́й а҆́дꙋ прибли́жисѧ, и҆ молю́сѧ, ꙗ҆́кѡ і҆ѡ́на: ѿ тлѝ, бж҃е, возведи́ мѧ."
|
|
},
|
|
{
|
|
"type": "TEXT",
|
|
"value": "Вжилѧ́ше тѧ̀ присносꙋ́щное ѿ высоты̀, меркꙋ́рїе, зва́нїе всеви́дѧщее: и҆ слꙋга̀ цр҃ко́вный, мꙋ́дре, ᲂу҆вѣ́ри тѧ̀ ꙗ҆́коже а҆́гг҃лъ, повелѣва́ше тѝ дерза́ти, и҆ ника́коже ᲂу҆страши́тисѧ ва́рварска наше́ствїѧ."
|
|
},
|
|
{
|
|
"type": "TEXT",
|
|
"value": "Оу҆мерщвле́нъ бы́сть ѕмі́й вселꙋка́вый, и҆ не сбы́стсѧ ѕлохи́трїе є҆гѡ̀, но нога́ми попра́сѧ кра́сными до́блѧгѡ во́ина, и҆ ѻ҆рꙋ́жника хрⷭ҇то́ва меркꙋ́рїа: вше́дъ бо побѣдѝ пога́нина."
|
|
},
|
|
{
|
|
"type": "TEXT",
|
|
"value": "Всесоверше́нно влⷣцѣ прине́слъ є҆сѝ серде́чное и҆зволе́нїе, мꙋ́чениче, и҆ тогѡ̀ ра́ди и҆зше́лъ є҆сѝ проти́вѡ ра́ти пога́нскихъ си́лъ, и҆ побѣди́тель ве́лїй показа́лсѧ є҆сѝ: и҆ ны́нѣ на нб҃сѝ предстои́ши, меркꙋ́рїе."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Зача́тїе неизрече́нно, ржⷭ҇тво̀ неизглаго́ланно, ѻ҆трокови́це, ꙗ҆́кѡ бг҃а ражда́еши пло́тїю. Оу҆ми́лостивисѧ ѡ҆ мнѣ̀ ѻ҆каѧ́ннѣмъ, да ᲂу҆лꙋчꙋ̀ и҆ а҆́зъ лише́нный застꙋпле́нїе твоѐ."
|
|
},
|
|
{
|
|
"type": "HEADER",
|
|
"value": "Конда́къ, гла́съ д҃."
|
|
},
|
|
{
|
|
"type": "TEXT",
|
|
"value": "Ꙗ҆ви́сѧ во бранѣ́хъ непобѣди́мь во́инъ, ѿ ри́млѧнъ ро́домъ, сыновство̀ и҆мѣ̀ гра́да смоле́нска: ꙗ҆́кѡ бо си́хъ ра́ди нарече́сѧ, ꙗ҆́кѡ ѿ бцⷣы стра́жъ крѣ́покъ посла́сѧ гра́дꙋ: пѣ́сньми меркꙋ́рїа ᲂу҆блажи́мъ, пра́зднꙋюще ве́селѡ па́мѧть є҆гѡ̀, ꙗ҆́кѡ да и҆зба́витъ гра́дъ на́шъ ѿ бѣды̀ ра̑тникъ."
|
|
},
|
|
{
|
|
"type": "TEXT",
|
|
"value": "І҆́косъ: Горды́ню низложи́въ льсти́вагѡ мꙋчи́телѧ, на правосла́вїе возносѧ́щагѡсѧ нечести́вагѡ, и҆ до конца̀ сегѡ̀ лю́тагѡ ѕмі́ѧ главꙋ̀ ѿсѣ́клъ є҆сѝ, свѧ́те меркꙋ́рїе, и҆ пꙋ́ста є҆го̀ сотво́рь, и҆ па́мѧть є҆гѡ̀ съ шꙋ́момъ бы́сть: ты́ бо и҆схо́диши на предгра́дїе є҆ди́нъ, бра́тисѧ съ ты́сѧщами безбо́жныхъ ва̑рваръ: ꙗ҆́кѡ бо ѿ высоты̀ и҆мѣ́ѧ повелѣ́нїе, наде́ждꙋ и҆ ᲂу҆пова́нїе ѿ самы́ѧ гпⷭ҇жѝ и҆ бцⷣы, застꙋпа́ющїѧ и҆ помога́ющїѧ тебѣ̀. Тоѧ́ же посо́бїемъ непобѣди́мымъ, и҆ ра́тника ѕлоко́зненнаго крѣ́пкѡ ᲂу҆дави́лъ є҆сѝ, и҆ мно́жество си́лъ є҆гѡ̀ побѣди́лъ є҆сѝ, и҆ сама́го мꙋчи́телѧ посрами́лъ є҆сѝ. Тѣ́мже, крѣ́пкїй хрⷭ҇то́въ во́ине, зове́мъ тѝ ра́достнѡ, и҆ ве́селѡ пра́зднꙋемъ па́мѧть твою̀: ꙗ҆́кѡ да и҆зба́виши гра́дъ на́шъ ѿ бѣды̀ ра̑тникъ."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ѻ҆́троцы є҆вре́йстїи въ пещѝ попра́ша пла́мень дерзнове́ннѡ, и҆ на ро́сꙋ ѻ҆́гнь преложи́ша, вопїю́ще: благослове́нъ є҆сѝ, гдⷭ҇и бж҃е, во вѣ́ки."
|
|
},
|
|
{
|
|
"type": "TEXT",
|
|
"value": "Свѣ́томъ вы́шнѧгѡ сїѧ́нїѧ ѡ҆зарѧ́емь, до́блїй во́ине, воспѣва́ющыѧ ны́нѣ па́мѧть твою̀ просвѣтѝ, пою́щыѧ: бл҃гослове́нъ бг҃ъ ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Воспѣва́лъ є҆сѝ всѣ́хъ бл҃годѣ́телѧ распалѧ́ѧсѧ, и҆ и҆зше́дъ на побѣжде́нїе ра́тникѡвъ, ѻ҆гнѧ̀ ре́вностїю, бл҃же́нне, жего́мь, и҆ поѧ̀: бл҃гослове́нъ є҆сѝ гдⷭ҇и, бж҃е ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Въ кро́ви проти́вꙋ ста́лъ є҆сѝ беззако́нныхъ ѡ҆полче́нїѧ, свѧ́те, ка́менїю и҆ ѻ҆гню̀ кла́нѧющихсѧ: ты́ же къ ка́мени хрⷭ҇тꙋ̀ вопїѧ̀, си́хъ побѣди́лъ є҆сѝ, поѧ̀: бл҃гослове́нъ є҆сѝ гдⷭ҇и, бж҃е ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Зе́млю ѡ҆багри́въ, бл҃же́нне меркꙋ́рїе, кро́вїю твое́ю, влⷣки чл҃вѣколю́бца, жела́ѧ ѻ҆́бщникъ тогѡ̀ бы́ти, поѧ̀: бл҃гослове́нъ є҆сѝ гдⷭ҇и, бж҃е ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Чи́ни а҆́гг҃льстїи ᲂу҆дивлѧ́ютсѧ та́инства твоегѡ̀ глꙋбинѣ̀, бцⷣе, бг҃ъ бо и҆зъ тебє̀ воплоще́нъ ꙗ҆ви́сѧ, є҆го́же похва́лимъ, бж҃е, бл҃гослове́нъ є҆сѝ."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "TEXT",
|
|
"value": "І҆рмо́съ: Седмери́цею пе́щь халде́йскїй мꙋчи́тель бг҃очести̑вымъ неи́стовнѡ разжжѐ, си́лою же лꙋ́чшею спасє́ны сїѧ̑ ви́дѣвъ, творцꙋ̀ и҆ и҆зба́вителю вопїѧ́ше: ѻ҆́троцы, бл҃гослови́те, свѧще́нницы, воспо́йте, лю́дїе, превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Благоче́стнѡ и҆ мꙋ́дреннѡ по́двигъ тво́й, сла́вне, соверши́лъ є҆сѝ, и҆ доблемꙋ́дреннѡ врагѝ твоѧ̑ побѣди́лъ є҆сѝ, ꙗ҆́кѡ бо дарова́сѧ тебѣ̀, свѧ́тче, побѣ́да нбⷭ҇наѧ. Тѣ́мже воспѣ́лъ є҆сѝ: свѧще́нницы, воспо́йте, лю́дїе, превозноси́те гдⷭ҇а во вѣ́ки."
|
|
},
|
|
{
|
|
"type": "TEXT",
|
|
"value": "Сконча́всѧ, свѧ́те, ѿ и҆споли́на, меркꙋ́рїе, мече́мъ бо ѿсѣчѐ главꙋ̀ твою̀, и҆ ѿтꙋ́дꙋ полꙋчи́лъ є҆сѝ жела́емаго тобо́ю вѣнца̀, и҆ зе́млю кро́вїю ѿ твои́хъ ᲂу҆де́съ и҆стече́нїемъ напои́лъ є҆сѝ, поѧ̀: свѧще́нницы, воспо́йте, лю́дїе, превозноси́те гдⷭ҇а во вѣ́ки."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ꙗ҆́кѡ на́шего сꙋщества̀ поновле́нїе, пречⷭ҇таѧ, всѝ вино́внꙋ вѣ́рнїи пое́мъ тѧ̀: бг҃а бо па́че сло́ва родила̀ є҆сѝ, є҆ди́на па́че земноро́дныхъ: твои́мъ бл҃гоꙋтро́бїемъ и҆ на́съ ѡ҆зарѝ пою́щихъ тѧ̀."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆жасе́сѧ ѡ҆ се́мъ нб҃о, и҆ землѝ ᲂу҆диви́шасѧ концы̀, ꙗ҆́кѡ бг҃ъ ꙗ҆ви́сѧ человѣ́кѡмъ пло́тски, и҆ чре́во твоѐ бы́сть простра́ннѣйшее небе́съ. Тѣ́мъ тѧ̀ бцⷣꙋ, а҆́гг҃лѡвъ и҆ человѣ̑къ чинонача̑лїѧ велича́ютъ."
|
|
},
|
|
{
|
|
"type": "TEXT",
|
|
"value": "Гно́еве мꙋ́ченичестїи благово́нїе ны́нѣ и҆спꙋща́ютъ бл҃года́тное, смра̑дныѧ на́шѧ стра̑сти и҆сцѣлѣва́ютъ: и҆сточа́ютъ бо ст҃ы̑ѧ и҆́хъ мѡ́щи цѣлє́бныѧ во́ды, и҆ напоѧ́ютъ дꙋ́шы пою́щихъ тѣ́хъ чꙋдодѣѧ́нїе."
|
|
},
|
|
{
|
|
"type": "TEXT",
|
|
"value": "Ꙗ҆́кѡ вели́ка столпа̀, и҆ тве́рдо забра́ло дарова́ тѧ̀ хрⷭ҇то́съ, меркꙋ́рїе, гра́дꙋ семꙋ̀: и҆дѣ́же ны́нѣ то́чиши чꙋде́съ стрꙋю̀, и҆ помога́еши побѣ́дою на пога̑ныѧ."
|
|
},
|
|
{
|
|
"type": "TEXT",
|
|
"value": "Спомо́щника и҆мѣ́ѧхꙋ всѝ гра́ждане, страстоте́рпче хрⷭ҇то́въ до́блественный, копїѐ и҆ щи́тъ тво́й вы́нꙋ вели́кое посо́бїе и҆мꙋ́ще тѧ̀ велича́ютъ, хрⷭ҇та̀ бг҃а сла́вѧще вѣнча́вшаго тѧ̀."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Просвѣтѝ, две́ре свѣ́та, ѡ҆мраче́ннꙋю дꙋ́шꙋ мою̀ страстьмѝ, и҆ лꙋка́выми пѡ́мыслы ѡ҆чернѣ́вшꙋю и҆ бѣ́дствꙋющꙋю, и҆ и҆зба́ви и҆скꙋше́нїй и҆ бѣ́дъ и҆ скорбе́й: да сла́влю тѧ̀, ᲂу҆пова́нїе вѣ́рныхъ и҆ ᲂу҆твержде́нїе."
|
|
},
|
|
{
|
|
"type": "HEADER",
|
|
"value": "Свѣти́ленъ."
|
|
},
|
|
{
|
|
"type": "TEXT",
|
|
"value": "Подо́бенъ: Дх҃омъ во ст҃и́лищи:"
|
|
},
|
|
{
|
|
"type": "TEXT",
|
|
"value": "Женихꙋ̀ свѣщꙋ̀ соблю́лъ є҆сѝ, жестокꙋ̀ стезю̀ ше́ствовалъ є҆сѝ, въ бжⷭ҇твєнныѧ стєзѝ вше́дъ, и҆ простра́нствꙋ ра́йскомꙋ чи́стою пло́тїю дости́глъ є҆сѝ, и҆ свѣ́тлѡ ѿ ст҃ы́ѧ трⷪ҇цы вѣнча́лсѧ є҆сѝ: чтꙋ́щыѧ тѧ̀ помѧнѝ, свѧ́те меркꙋ́рїе."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ꙗ҆́кѡ застꙋ́пницꙋ нера́тнꙋ, предгра́дїе вои́стиннꙋ предлага́ю покро́въ тво́й, бцⷣе дв҃о, хода́таицꙋ же къ бг҃ꙋ, и҆зба́витисѧ мѝ, влⷣчце, мꙋ́ки вѣ́чныѧ, и҆ жи́зни нетлѣ́нныѧ тобо́ю причасти́тисѧ нбⷭ҇нагѡ црⷭ҇твїѧ."
|
|
},
|
|
{
|
|
"type": "HEADER",
|
|
"value": "На хвали́техъ стїхи̑ры на д҃, гла́съ д҃."
|
|
},
|
|
{
|
|
"type": "TEXT",
|
|
"value": "Дрꙋга́го тѧ̀ пое́мъ, и҆мꙋ́щаго поборе́нїе по дꙋ́хꙋ, хрⷭ҇то́въ меркꙋ́рїе, ꙗ҆́кѡ непобѣди́маго во́ина: внегда́ бо по повелѣ́нїю, ᲂу҆го́дниче, гпⷭ҇жѝ и҆ бцⷣы, и҆зше́лъ є҆сѝ на срѣ́тенїе пога́ныхъ си́лъ, и҆ и҆споли́на съ сы́номъ крѣ́пкаго побѣди́лъ є҆сѝ посо́бїемъ бцⷣы. Подо́бїе и҆мы́й ꙗ҆́коже ст҃ы́й мꙋ́ченикъ не́сторъ, ꙗ҆́рость прекроти́въ ѕлосвирѣ́пагѡ мꙋчи́телѧ, лі́а бг҃обо́рца побѣдѝ хрⷭ҇то́вымъ и҆́менемъ и҆ си́лою. И҆лѝ тезоимени́томꙋ тѝ свѧто́мꙋ мꙋ́ченикꙋ меркꙋ́рїю: ꙗ҆́коже во а҆леѯандрі́и ѻ҆́нъ побѣди́въ, прободѐ въ се́рдце мꙋчи́телѧ и҆ законопрестꙋ́пника, ревнꙋ́ѧ по благоче́стїи: ты́ же тѣ́хъ подража́ѧ, сопроти́вныхъ и҆ пога́ныхъ и҆ноплемє́нникъ си́лꙋ пресѣ́клъ є҆сѝ, ꙗ҆́кѡ во́инъ до́бръ и҆ неко́сенъ, и҆ соверши́лъ є҆сѝ своѐ подвиза́нїе крѣ́пцѣ, по благовѣ́рїи ст҃ы́ѧ цр҃кве гпⷭ҇жѝ и҆ бцⷣы, со всѣ́ми ᲂу҆гѡ́дники хрⷭ҇та̀ бг҃а, и҆ вѣнча́сѧ ве́рхъ тво́й, свѧ́те и҆ великомꙋ́чениче."
|
|
},
|
|
{
|
|
"type": "TEXT",
|
|
"value": "Ꙗ҆́коже ѿ а҆́гг҃ла, и҆лѝ съ нб҃сѐ зна́менїе прїе́млеши: къ тебѣ́ бо по́сланъ быва́етъ слꙋга̀ це́ркве вели́цѣй гпⷭ҇жѝ и҆ бцⷣы, возвѣща́ѧ и҆ велѧ̀ тебѣ̀ и҆зы́ти на срѣ́тенїе си́лъ пога́ныхъ и҆ноплемє́нникъ: гла́сꙋ же къ тебѣ̀ свы́ше соше́дшꙋ: ра́бе мо́й и҆ ᲂу҆го́дниче меркꙋ́рїе, воста́въ препоѧ́шисѧ по́ѧсомъ во́инства, и҆зы́ди ско́рѡ съ вели́кою де́рзостїю сопроти́вныхъ побѣжда́ѧ, съ тобо́ю є҆́смь побора́ющи по благовѣ́рїи: не хощꙋ́ бо, речѐ, зрѣ́ти мое́й плѣне́нѣ бы́ти це́ркви ѿ пога́ныхъ: ᲂу҆моли́хъ бо сн҃а моего̀, да пода́стъ тѝ ѡ҆ се́мъ дерзнове́нїи твое́мъ вѣне́цъ нбⷭ҇ный, ѿ животво́рныѧ десни́цы є҆гѡ̀."
|
|
},
|
|
{
|
|
"type": "TEXT",
|
|
"value": "Ѿ ца́рска колѣ́на во́инъ и҆зы́де, и҆ посла́сѧ непобѣди́мый воево́да на́шемꙋ гра́дꙋ, вели́ко поможе́нїе ѿ гпⷭ҇жѝ на́шеѧ бцⷣы: во́инствꙋѧ бо не земно́мꙋ царю̀ ᲂу҆гожда́ѧ, но свы́ше повелѣ́нїе прїе́млѧ, бг҃омꙋ́дре и҆ блаже́нный страда́льче меркꙋ́рїе, жела́нїемъ и҆ ре́вностїю побора́ѧ по благовѣ́рїи, мꙋ́ченически стражда̀, и҆ проти́вныхъ полкѝ побѣжда́ѧ, пога́ныхъ и҆ноплемє́нникъ, и҆ са́мъ нꙋ́ждною сме́ртїю коне́цъ житїю̀ воспрїи́меши, и҆ ко хрⷭ҇тꙋ̀ бг҃ꙋ на нб҃о востече́ши, и҆ ра́вными тебѣ̀ ст҃ы́ми мч҃ники ли́кꙋ сочта́всѧ возме́здїе прїи́меши. Тѣ́мже и҆ ны́нѣ мы̀ многогрѣ́шнїи, мо́лимъ тѧ̀, свѧ́те: и҆мѣ́ѧ дерзнове́нїе, помоли́сѧ ѡ҆ гра́дѣ на́шемъ невоева́нꙋ пребы́ти є҆мꙋ̀, и҆ дꙋша́мъ на́шымъ дарова́ти ве́лїю ми́лость."
|
|
},
|
|
{
|
|
"type": "HEADER",
|
|
"value": "Сла́ва, гла́съ то́йже."
|
|
},
|
|
{
|
|
"type": "TEXT",
|
|
"value": "Столпа̀ твердѣ́йшаго, и҆ забра́ло тве́рдо гра́да на́шегѡ воспое́мъ, и҆ желѣ̑знаѧ врата̀ сꙋ́ща, и҆ посо́бїе крѣ́пко и҆мꙋ́ща со ѻ҆рꙋ́жїемъ ст҃а́го меркꙋ́рїа. Тѣ́мже къ немꙋ̀ молѧ́щесѧ возопїи́мъ: свѧ́тче, не забꙋ́ди на́съ предстоѧ́щихъ гро́бꙋ твоемꙋ̀, но моли́сѧ къ чл҃вѣколю́бцꙋ бг҃ꙋ, спастѝ дꙋ́шы на́шѧ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "HEADER",
|
|
"value": "Славосло́вїе вели́кое. И҆ ѿпꙋ́стъ."
|
|
},
|
|
{
|
|
"type": "HEADER",
|
|
"value": "На лїтꙋргі́и: слꙋ́жба мꙋ́ченическаѧ."
|
|
}
|
|
] |