322 lines
24 KiB
JSON
322 lines
24 KiB
JSON
[
|
|
{
|
|
"type": "HEADER",
|
|
"value": "Канѡ́нъ прпⷣбныѧ ма́тере на́шеѧ марі́и є҆гѵ́птѧныни."
|
|
},
|
|
{
|
|
"type": "HEADER",
|
|
"value": "Тропа́рь, гла́съ и҃:"
|
|
},
|
|
{
|
|
"type": "TEXT",
|
|
"value": "В ъ тебѣ̀, мт҃и, и҆звѣ́стнѡ спасе́сѧ є҆́же по ѻ҆́бразꙋ: прїи́мши бо крⷭ҇тъ, послѣ́довала є҆сѝ хрⷭ҇тꙋ̀, и҆ дѣ́ющи ᲂу҆чи́ла є҆сѝ презира́ти ᲂу҆́бѡ пло́ть, прехо́дитъ бо, прилѣжа́ти же ѡ҆ дꙋшѝ, ве́щи безсме́ртнѣй. тѣ́мже и҆ со а҆́гг҃лы сра́дꙋетсѧ, прпⷣбнаѧ марі́е, дꙋ́хъ тво́й."
|
|
},
|
|
{
|
|
"type": "HEADER",
|
|
"value": "Канѡ́нъ преподо́бныѧ, гла́съ ѕ҃. Пѣ́снь а҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Волно́ю морско́ю скры́вшаго дре́вле гони́телѧ мꙋчи́телѧ, под̾ земле́ю скры́ша, сп҃се́нныхъ ѻ҆́троцы: но мы̀ ꙗ҆́кѡ ѻ҆трокови̑цы, гдⷭ҇еви пои́мъ, сла́внѡ бо просла́висѧ."
|
|
},
|
|
{
|
|
"type": "TEXT",
|
|
"value": "Припѣ́въ: Прпⷣбнаѧ ма́ти марі́е, молѝ бг҃а ѡ҆ на́съ."
|
|
},
|
|
{
|
|
"type": "TEXT",
|
|
"value": "Л юбо́вїю свѣтоно́снꙋю и҆ бж҃е́ственнꙋю твою̀ па́мѧть пра́зднꙋющемꙋ, свѣ́тъ низпосли́ ми, предстоѧ́щаѧ преподо́бнаѧ свѣ́тꙋ непристꙋ́пномꙋ хрⷭ҇тꙋ̀, и҆скꙋше́нїй всѧ́ческихъ мѧ̀ житїѧ̀ и҆збавлѧ́ющи."
|
|
},
|
|
{
|
|
"type": "TEXT",
|
|
"value": "К ъ є҆гѵ́птѧнѡмъ пло́тїю ѿше́дый, неѡпи́санный и҆ превѣ́чный, и҆з̾ є҆гѵ́пта показꙋ́етъ всесвѣ́тлꙋю тѧ̀ ѕвѣздꙋ̀, вѣ́дый гдⷭ҇ь всѧ̑ пре́жде бытїѧ̀."
|
|
},
|
|
{
|
|
"type": "TEXT",
|
|
"value": "Сла́ва: Бж҃е́ственныхъ за́повѣдей честна́ѧ не вѣ́дꙋщи, бж҃е́ственный ѡ҆́бразъ бж҃їй ѡ҆калѧ́ла є҆сѝ: бж҃е́ственнымъ же про́мысломъ па́ки ѡ҆чи́стила є҆сѝ всехва́льнаѧ, ѡ҆божи́вшисѧ дѣѧ́ньми бж҃е́ственными прпⷣбнаѧ твои́ми."
|
|
},
|
|
{
|
|
"type": "TEXT",
|
|
"value": "И҆ ны́нѣ: Ѽ твоегѡ̀ бж҃е мо́й мно́гагѡ бл҃гоꙋтро́бїѧ, и҆ неизрече́ннагѡ твоегѡ̀ снизхожде́нїѧ! ка́кѡ пе́рвѣе блꙋдни́цꙋ, мт҃ре твоеѧ̀ мольба́ми, ꙗ҆́кѡ чⷭ҇тꙋю и҆ непоро́чнꙋю, а҆́гг҃лѡмъ ᲂу҆подо́билъ є҆сѝ."
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Тебѐ на вода́хъ повѣ́сившаго всю̀ зе́млю неѡдержи́мѡ, тва́рь ви́дѣвши на ло́бнѣмъ ви́сима, ᲂу҆́жасомъ мно́гимъ содрага́шесѧ, нѣ́сть ст҃ъ, ра́звѣ тебѐ гдⷭ҇и взыва́ющи."
|
|
},
|
|
{
|
|
"type": "TEXT",
|
|
"value": "Припѣ́въ: Прпⷣбнаѧ ма́ти марі́е, молѝ бг҃а ѡ҆ на́съ."
|
|
},
|
|
{
|
|
"type": "TEXT",
|
|
"value": "К о вратѡ́мъ поги́бели прибли́жшꙋюсѧ дѣѧ́ньми безмѣ́стными, врата̀ пре́жде а҆́дѡва сокрꙋши́вый си́лою бж҃ества̀, врата̀ покаѧ́нїѧ тебѣ̀ ѿверза́етъ всечⷭ҇тна́ѧ, две́рь сы́й са́мъ живота̀."
|
|
},
|
|
{
|
|
"type": "TEXT",
|
|
"value": "Ѻ҆ рꙋ́жїе грѣха̀ долготерпѣли́ве пре́жде бы́вшꙋю, ѻ҆рꙋ́жїю крⷭ҇та̀ бж҃е́ственнагѡ поклоне́нїемъ показа́лъ є҆сѝ, ѻ҆рꙋ̑жїѧ бѣсѡ́въ всѧ̑, и҆ кѡ́зни всѧ́кѡ побѣжда́ющꙋю, бл҃гоꙋтро́бне."
|
|
},
|
|
{
|
|
"type": "TEXT",
|
|
"value": "Сла́ва: Цѣ́нꙋ за всѣ́хъ, свою̀ пре́жде и҆змѧ́вый кро́вь, ба́нею сле́зъ чи́стꙋю тѧ̀ содѣ́ловаетъ, прока́зою лю́тою болѣ́вшꙋю ѕлѣ́йшагѡ дѣѧ́нїѧ, всѧ́кѡ є҆́же бы́ти всѣ̑мъ да́вый."
|
|
},
|
|
{
|
|
"type": "TEXT",
|
|
"value": "И҆ ны́нѣ: Сло́ва всѧ́кагѡ є҆́сть вы́шшее, є҆́же на тебѣ̀ дв҃о: сло́во бо ѻ҆́ч҃ее въ тебѣ̀ бг҃олѣ́пнѡ всели́сѧ, разрѣше́нїе согрѣше́нїй всѣ̑мъ согрѣша́ющымъ, сло́вомъ є҆ди́нѣмъ подава́ѧй."
|
|
},
|
|
{
|
|
"type": "TEXT",
|
|
"value": "Г дⷭ҇и, поми́лꙋй. [Три́жды.]"
|
|
},
|
|
{
|
|
"type": "HEADER",
|
|
"value": "Сѣда́ленъ, гла́съ и҃. Подо́бенъ: Премꙋ́дрость и҆ сло́во:"
|
|
},
|
|
{
|
|
"type": "TEXT",
|
|
"value": "В зыгра̑нїѧ всѧ̑ плотска̑ѧ ѡ҆бꙋзда́вши трꙋды̀ по́стническими, мꙋ́жественное ꙗ҆ви́ла є҆сѝ дꙋшѝ твоеѧ̀ мꙋдрова́нїе. крⷭ҇тъ бо гдⷭ҇нь ви́дѣти возжела́вши, самꙋ́ю себѐ всечестна́ѧ мі́рови распѧ́ла є҆сѝ: ѿню́дꙋже и҆ къ жела́нїю а҆́гг҃льскагѡ жи́тельства любе́знѡ ᲂу҆пра́вила є҆сѝ себѐ всебл҃же́ннаѧ. молѝ хрⷭ҇та̀ бг҃а, ѡ҆ставле́нїе согрѣше́нїй дарова́ти, чтꙋ́щымъ любо́вїю ст҃ꙋ́ю па́мѧть твою̀."
|
|
},
|
|
{
|
|
"type": "TEXT",
|
|
"value": "Сла́ва, и҆ ны́нѣ, бг҃оро́диченъ: Нбⷭ҇наѧ врата̀ и҆ ковче́гъ, всест҃ꙋ́ю го́рꙋ, свѣтоза́рный ѻ҆́блакъ воспои́мъ, неѡпали́мꙋю кꙋпинꙋ̀, слове́сный ра́й, є҆́ѵино воззва́нїе, вселе́нныѧ всеѧ̀ вели́кое сокро́вище: ꙗ҆́кѡ сп҃се́нїе въ не́й содѣ́ѧсѧ мі́рови, и҆ ѡ҆ставле́нїе дре́внихъ согрѣше́нїй. тѣ́мъ и҆ вопїе́мъ є҆́й: моли́сѧ сн҃ꙋ твоемꙋ̀ и҆ бг҃ꙋ, согрѣше́нїй ѡ҆ставле́нїе дарова́ти, бл҃гоче́стнѡ покланѧ́ющымсѧ всест҃о́мꙋ ржⷭ҇твꙋ̀ твоемꙋ̀."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "На крⷭ҇тѣ̀ твоѐ бж҃е́ственное и҆стоща́нїе прови́дѧ а҆ввакꙋ́мъ ᲂу҆жа́ссѧ вопїѧ́ше: ты̀ си́льныхъ пресѣ́клъ є҆сѝ держа́вꙋ бл҃же, прїѡбща́ѧсѧ сꙋ́щымъ во а҆́дѣ, ꙗ҆́кѡ всеси́ленъ."
|
|
},
|
|
{
|
|
"type": "TEXT",
|
|
"value": "Припѣ́въ: Прпⷣбнаѧ ма́ти марі́е, молѝ бг҃а ѡ҆ на́съ."
|
|
},
|
|
{
|
|
"type": "TEXT",
|
|
"value": "Ꙗ҆́ кѡ содѣ́тель человѣ́ческагѡ є҆стества̀, ꙗ҆́кѡ млⷭ҇ти и҆сто́чникъ, и҆ бл҃гоꙋтро́бїѧ бога́тство, ᲂу҆ще́дрилъ є҆сѝ чл҃вѣколю́бче прибѣ́гницꙋ твою̀, и҆ и҆схи́тилъ є҆сѝ сїю̀ гꙋби́тельнагѡ ѕвѣ́рѧ."
|
|
},
|
|
{
|
|
"type": "TEXT",
|
|
"value": "К рⷭ҇тъ ви́дѣти потща́вшисѧ, крⷭ҇тнымъ просвѣще́нїемъ марі́е ѡ҆зари́ласѧ є҆сѝ, крⷭ҇то́мъ бесѣ́довавшагѡ, ма́нїемъ бж҃е́ственнымъ распе́ншисѧ мі́рови досточꙋ́днаѧ."
|
|
},
|
|
{
|
|
"type": "TEXT",
|
|
"value": "Сла́ва: Ѕлы́хъ вина̀ пе́рвѣе, сла́сть лꙋка́ваѧ, мнѡ́гимъ бы́вши, а҆́ки со́лнце просїѧ́вши, всѣ̑мъ наста́вница прпⷣбнаѧ ꙗ҆ви́сѧ согрѣша́ющымъ."
|
|
},
|
|
{
|
|
"type": "TEXT",
|
|
"value": "И҆ ны́нѣ: Оу҆́мъ превозшла̀ є҆сѝ и҆ нбⷭ҇ный, мы́сленное нб҃о всѣ́хъ цр҃ѧ̀: зако́нѡвъ бо є҆стества̀ внѣ̀ чⷭ҇таѧ законода́телѧ и҆ созда́телѧ всѣ́хъ родила̀ є҆сѝ."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Бг҃оѧвле́нїѧ твоегѡ̀ хрⷭ҇тѐ, къ на́мъ ми́лостивнѡ бы́вшагѡ, и҆са́їа свѣ́тъ ви́дѣвъ невече́рнїй, и҆з̾ но́щи ᲂу҆́треневавъ взыва́ше: воскре́снꙋтъ ме́ртвїи, и҆ воста́нꙋтъ сꙋ́щїи во гробѣ́хъ, и҆ всѝ земноро́днїи возра́дꙋютсѧ."
|
|
},
|
|
{
|
|
"type": "TEXT",
|
|
"value": "Припѣ́въ: Прпⷣбнаѧ ма́ти марі́е, молѝ бг҃а ѡ҆ на́съ."
|
|
},
|
|
{
|
|
"type": "TEXT",
|
|
"value": "М ѡѷсе́й просла́висѧ и҆ногда̀ на сїна́и, бж҃їѧ за̑днѧѧ та́инственнѡ ви́дѣвъ пресла́вный, подписꙋ́ѧ стра́нное та́инство: маннопрїе́млющїѧ же ста́мны ны́нѣ, ѡ҆́бразꙋ пречⷭ҇томꙋ те́плѣ припа́дши, марі́а а҆́гг҃льское житїѐ но́ситъ."
|
|
},
|
|
{
|
|
"type": "TEXT",
|
|
"value": "Х ра́мъ бл҃голѣ́пїѧ твоегѡ̀ вожделѣ́вши ѱало́мски ви́дѣти, ᲂу҆́мное же селе́нїе сла́вы твоеѧ̀, тво́й хра́мъ ѡ҆скверни́вшаѧ: ᲂу҆́мными мл҃твами хрⷭ҇тѐ, твоегѡ̀ хра́ма неискꙋсомꙋ́жныѧ бы́вшїѧ, хра́мъ мѧ̀ вседѣ́тельнагѡ сотворѝ дх҃а."
|
|
},
|
|
{
|
|
"type": "TEXT",
|
|
"value": "Сла́ва: Оу҆́дою пло́ти, ѻ҆чесы̀ мно́гихъ ᲂу҆лови́вшаѧ, сла́стїю кра́ткою, снѣ́дь же дїа́волꙋ си́хъ сотво́ршаѧ, ᲂу҆ловлена̀ бы́сть всеи́стиннѡ бж҃е́ственною бл҃года́тїю крⷭ҇та̀ чⷭ҇тна́гѡ сладча́йшаѧ хрⷭ҇то́ви снѣ́дь бы́вши."
|
|
},
|
|
{
|
|
"type": "TEXT",
|
|
"value": "И҆ ны́нѣ: Наꙋче́нъ ли́къ прⷪ҇ро́ческїй та́инствꙋ є҆́же въ тебѣ̀, та́инственными бг҃оглаго́ланьми пречⷭ҇таѧ, тебѐ многоѡбра́знѡ предглаго́ла: маннопрїе́млющїѧ же ста́мны ны́нѣ, ѡ҆́бразꙋ пречⷭ҇томꙋ сїѧ̀ припа́дши, марі́а спорꙋ́чница грѣ́шныхъ къ бг҃ꙋ."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Бе́здна послѣ́днѧѧ грѣхѡ́въ ѡ҆бы́де мѧ̀, и҆ волне́нїѧ не ктомꙋ̀ терпѧ̀, ꙗ҆́кѡ і҆ѡ́на влⷣцѣ вопїю́ ти: ѿ тлѝ мѧ̀ возведѝ."
|
|
},
|
|
{
|
|
"type": "TEXT",
|
|
"value": "Припѣ́въ: Прпⷣбнаѧ ма́ти марі́е, молѝ бг҃а ѡ҆ на́съ."
|
|
},
|
|
{
|
|
"type": "TEXT",
|
|
"value": "Р а́дꙋютсѧ, марі́е, а҆́гг҃льскаѧ вѡ́инства, ра́вное прпⷣбнаѧ житїѐ си̑мъ въ тебѣ̀ зрѧ́ще, и҆ сла́вꙋ гдⷭ҇ви зовꙋ́тъ."
|
|
},
|
|
{
|
|
"type": "TEXT",
|
|
"value": "Оу҆ жаса́ютсѧ бѣсѡ́въ мра́чныхъ состоѧ̑нїѧ, терпѣли́вагѡ твоеѧ̀ крѣ́пости, ꙗ҆́кѡ жена̀ пресла́внѡ, и҆ нага́ѧ, и҆ є҆ди́наѧ си̑мъ возмогла̀ є҆сѝ."
|
|
},
|
|
{
|
|
"type": "TEXT",
|
|
"value": "Сла́ва: Просїѧ́ла є҆сѝ а҆́ки со́лнце марі́е всехва́льнаѧ, и҆ пꙋсты́ню чꙋдесы̀ всю̀ просвѣти́ла є҆сѝ. тѣ́мже и҆ менѐ свѣ́томъ ᲂу҆ѧснѝ."
|
|
},
|
|
{
|
|
"type": "TEXT",
|
|
"value": "И҆ ны́нѣ: А҆́гг҃ли, просвѣти́вшесѧ сла́вою ржⷭ҇тва̀ твоегѡ̀, на землѝ ми́ръ всѣ̑мъ на́мъ, и҆ бл҃говоле́нїе человѣ́кѡмъ, дв҃о, возопи́ша."
|
|
},
|
|
{
|
|
"type": "TEXT",
|
|
"value": "Г дⷭ҇и, поми́лꙋй. [Три́жды.] Сла́ва, и҆ ны́нѣ:"
|
|
},
|
|
{
|
|
"type": "HEADER",
|
|
"value": "Конда́къ, гла́съ г҃. Подо́бенъ: Дв҃а дне́сь:"
|
|
},
|
|
{
|
|
"type": "TEXT",
|
|
"value": "Б лꙋда́ми пе́рвѣе преиспо́лнена всѧ́ческими, хрⷭ҇то́ва невѣ́ста дне́сь покаѧ́нїемъ ꙗ҆ви́сѧ, а҆́гг҃льское жи́тельство подража́ющи, де́мѡны крⷭ҇та̀ ѻ҆рꙋ́жїемъ погꙋблѧ́етъ. сегѡ̀ ра́ди црⷭ҇твїѧ невѣ́ста ꙗ҆ви́ласѧ є҆сѝ марі́е пресла́внаѧ."
|
|
},
|
|
{
|
|
"type": "TEXT",
|
|
"value": "І҆́косъ: А҆́гницꙋ хрⷭ҇то́вꙋ и҆ дще́рь пѣ́сньми восхва́лимъ ны́нѣ, марі́ю приснопа́мѧтнꙋю, ꙗ҆́вльшꙋюсѧ є҆гѵ́петское ѻ҆вча̀: и҆ пре́лести си́хъ всеѧ̀ и҆збѣжѐ, и҆ є҆ди́на принесе́сѧ цр҃кви соверше́нное возраще́нїе, воздержа́нїемъ и҆ мл҃твою подвиза́ющисѧ па́че мѣ́ры человѣ́ческагѡ є҆стества̀. тѣ́мже и҆ возвы́си є҆ѧ̀ и҆ житїѐ и҆ дѣѧ́нїе, є҆ди́нъ вседержи́тель, марі́и пресла́вныѧ."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Ѻ҆́троцы въ вавѷлѡ́нѣ пе́щнагѡ пла́мене не ᲂу҆боѧ́шасѧ, но посредѣ̀ пла́мене вве́ржени, ѡ҆роша́еми поѧ́хꙋ: бл҃гослове́нъ є҆сѝ гдⷭ҇и бж҃е ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Припѣ́въ: Прпⷣбнаѧ ма́ти марі́е, молѝ бг҃а ѡ҆ на́съ."
|
|
},
|
|
{
|
|
"type": "TEXT",
|
|
"value": "П ревели́кїй во ѻ҆тцѣ́хъ, ѡ҆бхожда̀ пꙋсты́ню, зѡсі́ма мꙋ́дрый, прпⷣбнꙋю ви́дѣти сподо́бисѧ: бл҃гослове́нъ є҆сѝ, зове́тъ же, бж҃е ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Ч то̀ ѻ҆́тче, стра́нное всѧ́кїѧ добродѣ́тели дѣ́тельныѧ, ви́дѣти прише́лъ є҆сѝ жени́ще; прпⷣбнаѧ вопїѧ́ше ста́рцꙋ: бл҃гослове́нъ є҆сѝ, зове́тъ же, бж҃е ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Сла́ва: Оу҆мертви́вши бл҃же́ннаѧ страсте́й твои́хъ взыгра̑нїѧ, къ безстра́стїѧ ны́нѣ ᲂу҆стреми́ласѧ є҆сѝ приста́нищꙋ, зовꙋ́щи: бл҃гослове́нъ є҆сѝ гдⷭ҇и бж҃е ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "И҆ ны́нѣ: Зачала̀ є҆сѝ неизрече́ннѡ, дв҃а пребы́вши пречⷭ҇таѧ, и҆ родила̀ є҆сѝ мі́рови сп҃се́нїе, хрⷭ҇та̀ бг҃а на́шего: тѣ́мже тѧ̀ всѝ пѣ́сньми вѣ́рнїи велича́емъ."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Оу҆жасни́сѧ боѧ́йсѧ нб҃о, и҆ да подви́жатсѧ ѡ҆снова̑нїѧ землѝ, се́ бо въ мертвецѣ́хъ вмѣнѧ́етсѧ въ вы́шнихъ живы́й, и҆ во гро́бъ ма́лъ страннопрїе́млетсѧ є҆го́же ѻ҆́троцы бл҃гослови́те, сщ҃е́нницы воспо́йте, лю́дїе превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Припѣ́въ: Прпⷣбнаѧ ма́ти марі́е, молѝ бг҃а ѡ҆ на́съ."
|
|
},
|
|
{
|
|
"type": "TEXT",
|
|
"value": "Г лꙋбины̑ се́рдца и҆спытꙋ́ѧй, пре́жде бытїѧ̀ предвѣ́дый всѧ̑ на̑ша, нꙋ́жнагѡ житїѧ̀ и҆схити́лъ є҆сѝ прибѣ́гшꙋю къ тебѣ̀ сп҃се, нꙋ́жднѡ твоемꙋ̀ чл҃вѣколю́бїю вопїю́щꙋю немо́лчнѡ: сщ҃е́нницы бл҃гослови́те, лю́дїе превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Ѽ и҆змѣне́нїѧ честна́гѡ, къ лꙋ́чшемꙋ преложе́нїѧ твоегѡ̀ чⷭ҇тна́ѧ! ѽ любвѐ бж҃е́ственныѧ, возненави́дѣвшїѧ плѡтскі́ѧ сла̑сти! ѽ вѣ́ры горѧ́щїѧ и҆ бж҃е́ственныѧ, всехва́льнаѧ марі́е! ю҆́же вѣ́рнѡ хва́лимъ, и҆ превозно́симъ во вѣ́ки."
|
|
},
|
|
{
|
|
"type": "TEXT",
|
|
"value": "Сла́ва: Ѡ҆брѣла̀ є҆сѝ болѣ́зней возме́здїе, и҆ трꙋдѡ́въ твои́хъ воздаѧ́нїе честна́ѧ марі́е, и҆́миже низложи́ла є҆сѝ ᲂу҆бі́йцꙋ врага̀: и҆ ны́нѣ со а҆́гг҃лы зове́ши, пѣ́снь немо́лчнѡ вопїю́щи, и҆ превозносѧ́щи хрⷭ҇та̀ во вѣ́ки."
|
|
},
|
|
{
|
|
"type": "TEXT",
|
|
"value": "И҆ ны́нѣ: Всего̀ ѡ҆бнови́ мѧ бл҃гости ра́ди, во ᲂу҆тро́бѣ твое́й чⷭ҇таѧ, не растли́въ ѻ҆боегѡ̀ є҆стества̀ сво́йствъ, ꙗ҆́кѡ всѣ́хъ вѣкѡ́въ влⷣка: ѿню́дꙋже тѧ̀, ꙗ҆́кѡ винꙋ̀ на́шегѡ сп҃се́нїѧ, пѣ́сньми пое́мъ во всѧ̑ вѣ́ки."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Не рыда́й менѐ мт҃и зрѧ́щи во гро́бѣ, є҆го́же во чре́вѣ без̾ сѣ́мене зачала̀ є҆сѝ сн҃а: воста́нꙋ бо и҆ просла́влюсѧ, и҆ вознесꙋ̀ со сла́вою непреста́ннѡ ꙗ҆́кѡ бг҃ъ, вѣ́рою и҆ любо́вїю тѧ̀ велича́ющыѧ."
|
|
},
|
|
{
|
|
"type": "TEXT",
|
|
"value": "Припѣ́въ: Прпⷣбнаѧ ма́ти марі́е, молѝ бг҃а ѡ҆ на́съ."
|
|
},
|
|
{
|
|
"type": "TEXT",
|
|
"value": "Оу҆ до́бь претерпѣ́ла є҆сѝ, ма́ти, пꙋсты́нный трꙋ́дъ, ᲂу҆крѣплѧ́ема держа́вною си́лою хрⷭ҇то́вою: сквє́рнаѧ бо помышлє́нїѧ находѧ̑щаѧ, стрꙋѧ́ми бж҃е́ственныхъ сле́зъ ᲂу҆гаси́ла є҆сѝ чи́стаѧ, по́стникѡвъ высото̀, прпⷣбныхъ похвало̀."
|
|
},
|
|
{
|
|
"type": "TEXT",
|
|
"value": "П ресвѣтлѣ́йшими лꙋча́ми, просвѣща́етъ тѧ̀ є҆ди́на свѣ́тъ ро́ждшаѧ хрⷭ҇та̀, дв҃а и҆ чи́стаѧ: стра́шнꙋю врагѡ́мъ тѧ̀ поставлѧ́етъ честна́ѧ: ꙗ҆́вственнꙋю же всѣ̑мъ марі́е ꙗ҆влѧ́етъ тѧ̀, страда́лєцъ красото̀, прпⷣбныхъ ᲂу҆твержде́нїе."
|
|
},
|
|
{
|
|
"type": "TEXT",
|
|
"value": "Сла́ва: Ѡ҆ста́вивши мꙋ́дреннѡ земна̑ѧ всѧ̑, жили́ще честно́е дх҃а ꙗ҆ви́ласѧ є҆сѝ: мїрски́хъ ᲂу҆́бѡ лю́тыхъ свободи́тисѧ, молѝ є҆ди́наго хрⷭ҇та̀ свободи́телѧ, вѣ́рнѡ соверша́ющымъ бж҃е́ственнꙋю па́мѧть твою̀."
|
|
},
|
|
{
|
|
"type": "TEXT",
|
|
"value": "И҆ ны́нѣ: Зако́нѡвъ є҆стества̀ дв҃о, па́че є҆стества̀ ᲂу҆таи́вшисѧ, но́вое ѻ҆троча̀ на землѝ родила̀ є҆сѝ чⷭ҇таѧ, законода́вца сꙋ́ща и҆ ве́тха де́ньми, мы́сленное нб҃о всѣ́хъ творца̀: тѣ́мъ вѣ́рою и҆ любо́вїю тѧ̀ ᲂу҆бл҃жа́емъ."
|
|
},
|
|
{
|
|
"type": "HEADER",
|
|
"value": "Свѣти́ленъ прпⷣбныѧ. Подо́бенъ: Нб҃о ѕвѣзда́ми:"
|
|
},
|
|
{
|
|
"type": "TEXT",
|
|
"value": "Ѡ҆́ бразъ покаѧ́нїѧ тебѐ и҆мꙋ́ще всепрпⷣбнаѧ марі́е, хрⷭ҇та̀ молѝ, во вре́мени поста̀, семꙋ̀ на́мъ дарова́тисѧ, ꙗ҆́кѡ да въ вѣ́рѣ и҆ любвѝ, тѧ̀ пѣ́сньми восхва́лимъ."
|
|
},
|
|
{
|
|
"type": "TEXT",
|
|
"value": "Сла́ва, и҆ ны́нѣ, бг҃оро́диченъ: Сла́досте а҆́гг҃лѡвъ, скорбѧ́щихъ ра́досте, хрⷭ҇тїа́нъ предста́тельнице, дв҃о мт҃и гдⷭ҇нѧ, застꙋпѝ на́съ, и҆ и҆зба́ви вѣ́чныхъ мꙋ́къ."
|
|
},
|
|
{
|
|
"type": "HEADER",
|
|
"value": "Мл҃тва прпⷣбнѣй ма́тере на́шеѧ марі́и є҆гѵ́птѧныни."
|
|
},
|
|
{
|
|
"type": "TEXT",
|
|
"value": "Ѽ вели́каѧ хрⷭ҇то́ва ᲂу҆го́днице, прпⷣбнаѧ марі́е! На нб҃сѝ прⷭ҇то́лꙋ бж҃їю предстоѧ́щи, на землѝ же дꙋ́хомъ любвѐ съ на́ми пребыва́еши, и҆мѣ́ющи дерзнове́нїе ко гдⷭ҇ꙋ, молѝ сп҃стѝ рабы̑ є҆гѡ̀, къ тебѣ̀ съ любо́вїю притека́ющыѧ. И҆спросѝ на́мъ ᲂу҆ великоми́лостиваго влⷣки и҆ гдⷭ҇а вѣ́ры непоро́чны соблюде́нїе, градѡ́въ и҆ ве́сей на́шихъ ᲂу҆твержде́нїе, ѿ гла́да и҆ па́гꙋбы и҆збавле́нїе, скорбѧ́щымъ ᲂу҆тѣше́нїе, недꙋ́гꙋющымъ и҆сцѣле́нїе, па́дшымъ возставле́нїе, заблꙋ́ждшымъ вразꙋмле́нїе, въ дѣ́лѣхъ бл҃ги́хъ преспѣ́ѧнїе и҆ бл҃гослове́нїе, сирота́мъ и҆ вдови́цамъ застꙋпле́нїе, ѿше́дшымъ ѿ сегѡ̀ вре́меннагѡ житїѧ̀ бл҃же́нное ᲂу҆покое́нїе, всѣ̑мъ же на́мъ въ де́нь стра́шнагѡ сꙋда̀ ѡ҆деснꙋ́ю страны̀ ѻ҆́бщники бы́ти и҆ бл҃же́нный гла́съ сꙋдїѝ мі́ра ᲂу҆слы́шати: прїиди́те, бл҃гослове́ннїи ѻ҆ц҃а̀ моегѡ̀, наслѣ́дꙋйте ᲂу҆гото́ванное ва́мъ црⷭ҇твїе ѿ сложе́нїѧ мі́ра, и҆ та́мѡ пребыва́нїѧ во вѣ́ки полꙋчи́ти. А҆ми́нь."
|
|
}
|
|
] |