202 lines
22 KiB
JSON
202 lines
22 KiB
JSON
[
|
|
{
|
|
"type": "HEADER",
|
|
"value": "Тропарѝ и҆ кондакѝ пра́здникѡвъ, деке́мврїй"
|
|
},
|
|
{
|
|
"type": "HEADER",
|
|
"value": "Въ д҃-й де́нь. Ст҃ы́ѧ великомꙋ́ченицы варва́ры."
|
|
},
|
|
{
|
|
"type": "TEXT",
|
|
"value": "Тропа́рь, гла́съ и҃: Варва́рꙋ свѧтꙋ́ю почти́мъ: / вра̑жїѧ бо сѣ̑ти сокрꙋшѝ, / и҆ ꙗ҆́кѡ пти́ца и҆зба́висѧ ѿ ни́хъ / по́мощїю и҆ ѻ҆рꙋ́жїемъ креста̀, всечестна́ѧ."
|
|
},
|
|
{
|
|
"type": "TEXT",
|
|
"value": "Конда́къ, гла́съ д҃. Подо́бенъ: Вознесы́йсѧ на крⷭ҇тъ: Въ трⷪ҇цѣ благоче́стнѡ пѣва́емомꙋ, / послѣ́довавши бг҃ꙋ, страстоте́рпице, / і҆́дѡльскаѧ притꙋпи́ла є҆сѝ чти̑лища: / посредѣ́ же по́двига страда́льчествꙋющи, варва́ро, / мꙋчи́телей преще́нїѧ не ᲂу҆страши́ласѧ є҆сѝ, мꙋжемꙋ́дреннаѧ, / велегла́снѡ пою́щи при́снѡ: / трⷪ҇цꙋ чтꙋ̀, є҆ди́но бжⷭ҇тво̀."
|
|
},
|
|
{
|
|
"type": "HEADER",
|
|
"value": "Въ є҃-й де́нь. Прпⷣбнагѡ са́ввы ѡ҆свѧще́ннагѡ."
|
|
},
|
|
{
|
|
"type": "TEXT",
|
|
"value": "Тропа́рь, гла́съ и҃: Сле́зъ твои́хъ тече́ньми пꙋсты́ни безпло́дное воздѣ́лалъ є҆сѝ, / и҆ и҆̀же и҆зъ глꙋбины̀ воздыха́ньми, во сто̀ трꙋдѡ́въ ᲂу҆плодоноси́лъ є҆сѝ, / и҆ бы́лъ є҆сѝ свѣти́льникъ вселе́ннѣй, сїѧ́ѧ чꙋдєсы̀, са́вво, ѻ҆́ч҃е на́шъ: / молѝ хрⷭ҇та̀ бг҃а спасти́сѧ дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "Конда́къ, гла́съ и҃. Подо́бенъ: Взбра́нной: Ꙗ҆́кѡ ѿ младе́нства бг҃ꙋ же́ртва непоро́чнаѧ / прине́слсѧ є҆сѝ добродѣ́телїю, са́вво бл҃же́нне / садодѣ́латель бы́въ благоче́стїѧ: / тѣ́мже бы́лъ є҆сѝ прпⷣбныхъ ᲂу҆добре́нїе, / граждани́нъ же пꙋсты́нный достохва́ленъ. / Тѣ́мже зове́мъ тѝ: ра́дꙋйсѧ, са́вво пребога́те."
|
|
},
|
|
{
|
|
"type": "HEADER",
|
|
"value": "Въ ѕ҃-й де́нь. Ст҃и́телѧ нїкола́а, а҆рхїепі́скопа мѷрлѷкі́йскихъ чꙋдотво́рца."
|
|
},
|
|
{
|
|
"type": "TEXT",
|
|
"value": "Тропа́рь, гла́съ д҃: Пра́вило вѣ́ры и҆ ѻ҆́бразъ кро́тости, / воздержа́нїѧ ᲂу҆чи́телѧ / ꙗ҆ви́ тѧ ста́дꙋ твоемꙋ̀ / ꙗ҆́же веще́й и҆́стина. / Сегѡ̀ ра́ди стѧжа́лъ є҆сѝ смире́нїемъ высѡ́каѧ, / нището́ю бога̑таѧ: / ѻ҆́ч҃е свѧщеннонача́льниче нїко́лае, / молѝ хрⷭ҇та̀ бг҃а, / спасти́сѧ дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "Конда́къ, гла́съ г҃. Подо́бенъ: Дв҃а дне́сь: Въ мѵ́рѣхъ, свѧ́те, свѧщеннодѣ́йствитель показа́лсѧ є҆сѝ, / хрⷭ҇то́во бо, прпⷣбне, є҆ѵⷢ҇лїе и҆спо́лнивъ, / положи́лъ є҆сѝ дꙋ́шꙋ твою̀ ѡ҆ лю́дехъ твои́хъ, / и҆ спа́слъ є҆сѝ непови̑нныѧ ѿ сме́рти. / Сегѡ̀ ра́ди ѡ҆свѧти́лсѧ є҆сѝ, / ꙗ҆́кѡ вели́кїй таи́нникъ бж҃їѧ бл҃года́ти."
|
|
},
|
|
{
|
|
"type": "HEADER",
|
|
"value": "Въ ѳ҃-й де́нь. Зача́тїе ст҃ы́ѧ а҆́нны, є҆гда̀ зача́тъ прест҃ꙋ́ю бцⷣꙋ."
|
|
},
|
|
{
|
|
"type": "TEXT",
|
|
"value": "Тропа́рь, гла́съ д҃: Дне́сь безча́дїѧ ᲂу҆́зы разрѣша́ютсѧ, / і҆ѡакі́ма бо и҆ а҆́ннꙋ ᲂу҆слы́шавъ бг҃ъ, / па́че наде́жды роди́ти тѣ̑мъ ꙗ҆́вѣ ѡ҆бѣщава́етъ бг҃оѻтрокови́цꙋ, / и҆зъ неѧ́же са́мъ роди́сѧ неѡпи́санный, человѣ́къ бы́въ, / а҆́гг҃лѡмъ повелѣ́въ вопи́ти є҆́й: / ра́дꙋйсѧ, бл҃года́тнаѧ, / гдⷭ҇ь съ тобо́ю."
|
|
},
|
|
{
|
|
"type": "TEXT",
|
|
"value": "Конда́къ, гла́съ д҃. Подо́бенъ: Ꙗ҆ви́лсѧ є҆сѝ дне́сь: Пра́зднꙋетъ дне́сь вселе́ннаѧ а҆́ннино зача́тїе, / бы́вшее ѿ бг҃а: / и҆́бо та̀ породѝ па́че сло́ва сло́во ро́ждшꙋю."
|
|
},
|
|
{
|
|
"type": "HEADER",
|
|
"value": "Недѣ́лѧ свѧты́хъ пра́ѻтєцъ."
|
|
},
|
|
{
|
|
"type": "TEXT",
|
|
"value": "Тропа́рь, гла́съ в҃: Вѣ́рою пра́ѻц҃ы ѡ҆правда́лъ є҆сѝ, / ѿ ꙗ҆зы̑къ тѣ́ми пред̾ѡбрꙋчи́вый цр҃ковь: / хва́лѧтсѧ въ сла́вѣ ст҃і́и, / ꙗ҆́кѡ ѿ сѣ́мене и҆́хъ є҆́сть пло́дъ бл҃госла́венъ, / безъ сѣ́мене ро́ждшаѧ тѧ̀. / Тѣ́хъ моли́твами, хрⷭ҇тѐ бж҃е, поми́лꙋй на́съ."
|
|
},
|
|
{
|
|
"type": "TEXT",
|
|
"value": "Конда́къ, гла́съ ѕ҃: Рꙋкопи́саннагѡ ѻ҆́браза не поче́тше, / но неѡпи́саннымъ сꙋщество́мъ защити́вшесѧ, требл҃же́ннїи, / въ по́двизѣ ѻ҆гнѧ̀, просла́вистесѧ: / средѣ́ же пла́мене нестерпи́магѡ стоѧ́ще, / бг҃а призва́сте: / ᲂу҆скорѝ, ѽ ще́дрый, / и҆ потщи́сѧ, ꙗ҆́кѡ млⷭ҇тивъ, въ по́мощь на́шꙋ, / ꙗ҆́кѡ мо́жеши хотѧ́й."
|
|
},
|
|
{
|
|
"type": "HEADER",
|
|
"value": "Въ в҃і-й де́нь. Прпⷣбнагѡ спѷрїдѡ́на, є҆пі́скопа трїмѷфі́йскагѡ."
|
|
},
|
|
{
|
|
"type": "TEXT",
|
|
"value": "Тропа́рь, гла́съ а҃: Собо́ра пе́рвагѡ показа́лсѧ є҆сѝ побо́рникъ и҆ чꙋдотво́рецъ, / бг҃оно́се спѷрїдѡ́не, ѻ҆́ч҃е на́шъ. / Тѣ́мже ме́ртвꙋ ты̀ во гро́бѣ возгласи́въ, / и҆ ѕмїю̀ въ зла́то претвори́лъ є҆сѝ: / и҆ внегда̀ пѣ́ти тебѣ̀ ст҃ы̑ѧ моли̑твы, / а҆́гг҃лы сослꙋжа́щыѧ тебѣ̀ и҆мѣ́лъ є҆сѝ, свѧще́ннѣйшїй. / Сла́ва да́вшемꙋ тебѣ̀ крѣ́пость: / сла́ва вѣнча́вшемꙋ тѧ̀: / сла́ва дѣ́йствꙋющемꙋ тобо́ю всѣ̑мъ и҆сцѣлє́нїѧ."
|
|
},
|
|
{
|
|
"type": "TEXT",
|
|
"value": "И҆́нъ тропа́рь, гла́съ д҃: Пра́вило вѣ́ры, и҆ ѻ҆́бразъ кро́тости, / воздержа́нїѧ ᲂу҆чи́телѧ, / ꙗ҆ви́ тѧ ста́дꙋ твоемꙋ̀, / ꙗ҆́же веще́й и҆́стина: / сегѡ̀ ра́ди стѧжа́лъ є҆сѝ смире́нїемъ высѡ́каѧ, / нището́ю бога̑таѧ, / ѻ҆́ч҃е спѷрїдѡ́не, / молѝ хрⷭ҇та̀ бг҃а, / спасти́сѧ дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "Конда́къ, гла́съ в҃. Подо́бенъ: Вы́шнихъ и҆щѧ̀: Любо́вїю хрⷭ҇то́вою ᲂу҆ѧзви́всѧ свѧще́ннѣйшїй, / ᲂу҆́мъ впери́въ заре́ю дх҃а, / дѣ́тельными видѣ́нїемъ твои́мъ дѣѧ́нїе ѡ҆брѣ́лъ є҆сѝ, бг҃опрїѧ́тне, / же́ртвенникъ бжⷭ҇твенный бы́въ, / просѧ̀ всѣ̑мъ бжⷭ҇твеннагѡ сїѧ́нїѧ."
|
|
},
|
|
{
|
|
"type": "HEADER",
|
|
"value": "Недѣ́лѧ предъ ржⷭ҇тво́мъ хрⷭ҇то́вымъ, ст҃ы́хъ ѻ҆ц҃ъ."
|
|
},
|
|
{
|
|
"type": "TEXT",
|
|
"value": "Тропа́рь, гла́съ в҃: Вє́лїѧ вѣ́ры и҆справлє́нїѧ, / во и҆сто́чницѣ пла́мене ꙗ҆́кѡ на водѣ̀ ᲂу҆покое́нїѧ, / ст҃і́и трїѐ ѻ҆́троцы ра́довахꙋсѧ: / и҆ прⷪ҇ро́къ данїи́лъ / львѡ́мъ па́стырь ꙗ҆́кѡ ѻ҆вца́мъ ꙗ҆влѧ́шесѧ. / Тѣ́хъ моли́твами, хрⷭ҇тѐ бж҃е, / спасѝ дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "А҆́ще внѣ̀ к҃-гѡ числа̀, конда́къ ѻ҆ц҃є́въ, гла́съ ѕ҃: Рꙋкопи́саннагѡ ѻ҆́браза не поче́тше, / но неѡпи́саннымъ сꙋщество́мъ защити́вшесѧ, требл҃же́ннїи, / въ по́двизѣ ѻ҆гнѧ̀ просла́вистесѧ: / средѣ́ же пла́мене нестерпи́магѡ стоѧ́ще, бг҃а призва́сте: / ᲂу҆скорѝ, ѽ ще́дрый! / И҆ потщи́сѧ, ꙗ҆́кѡ ми́лостивъ, въ по́мощь на́шꙋ, / ꙗ҆́кѡ мо́жеши хотѧ́й."
|
|
},
|
|
{
|
|
"type": "TEXT",
|
|
"value": "А҆́ще же внꙋ́трь предпра́зднства, конда́къ, гла́съ а҃. Подо́бенъ: Ли́къ а҆́гг҃льскїй: Весели́сѧ, виѳлее́ме, є҆ѵфра́ѳо, гото́висѧ: / се́ бо а҆́гница па́стырѧ вели́каго во ᲂу҆тро́бѣ носѧ́щи, є҆́же роди́ти тщи́тсѧ, / є҆го́же зрѧ́ще бг҃оно́снїи ѻ҆ц҃ы̀ веселѧ́тсѧ, / съ па́стырьми пою́ще дв҃ꙋ доѧ́щꙋю."
|
|
},
|
|
{
|
|
"type": "HEADER",
|
|
"value": "Въ к҃-й де́нь. Првⷣнагѡ і҆ѡа́нна кроншта́дскагѡ."
|
|
},
|
|
{
|
|
"type": "TEXT",
|
|
"value": "Тропа́рь, гла́съ а҃: Правосла́вныѧ вѣ́ры побо́рниче, / землѝ рѡссі́йскїѧ печа́льниче, / па́стырємъ пра́вило и҆ ѻ҆́бразе вѣ̑рнымъ, / покаѧ́нїѧ и҆ жи́зни во хрⷭ҇тѣ̀ проповѣ́дниче, / бж҃е́ственныхъ та́инъ бл҃гоговѣ́йный слꙋжи́телю / и҆ дерзнове́нный ѡ҆ лю́дехъ моли́твенниче, / ѻ҆́тче првⷣный і҆ѡа́нне, / цѣли́телю и҆ преди́вный чꙋдотво́рче, / гра́дꙋ кроншта́дтꙋ похвало̀ / и҆ цр҃кве на́шеѧ ᲂу҆краше́нїе, / молѝ всеблага́го бг҃а / ᲂу҆мири́ти мі́ръ и҆ сп҃стѝ дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "И҆́нъ тропа́рь, гла́съ д҃: Рѡссі́йскїѧ землѝ па́стырь до́брый показа́лсѧ є҆сѝ, въ слꙋже́нїи пресвѵ́терстѣмъ жи́знь во хрⷭ҇тѣ̀ стѧжа́въ, бг҃омꙋ́дре ѻ҆́тче і҆ѡа́нне. Бл҃года́ть и҆з̾ѻби́льнꙋю ѿ влⷣки хрⷭ҇та̀ прїѧ́лъ є҆сѝ: недꙋ́ги ѿгонѧ́ти, малодꙋ̑шныѧ ᲂу҆тѣша́ти, въ та́йнѣ пречⷭ҇тагѡ тѣ́ла и҆ кро́ве вѣ̑рныѧ со хрⷭ҇то́мъ соединѧ́ти. Сегѡ̀ ра́ди восхвалѧ́емъ тѧ̀, ꙗ҆́кѡ моли́твенника ѡ҆ дꙋша́хъ на́шихъ."
|
|
},
|
|
{
|
|
"type": "TEXT",
|
|
"value": "Конда́къ, гла́съ г҃: Дне́сь па́стырь кроншта́дтскїй предстои́тъ прⷭ҇то́лꙋ бж҃їю / и҆ ᲂу҆се́рднѡ мо́литъ ѡ҆ вѣ́рныхъ / хрⷭ҇та̀ пастыренача́льника, / ѡ҆бѣтова́нїе да́вшаго: / сози́ждꙋ цр҃ковь мою̀ / и҆ врата̀ а҆́дѡва не ѡ҆долѣ́ютъ є҆́й."
|
|
},
|
|
{
|
|
"type": "HEADER",
|
|
"value": "Въ к҃а-й де́нь. Преставле́нїе ст҃и́телѧ петра̀ митрополі́та всеѧ̀ рѡссі́и."
|
|
},
|
|
{
|
|
"type": "TEXT",
|
|
"value": "Тропа́рь, гла́съ д҃: Ꙗ҆́же пре́жде безпло́днаѧ землѐ, / ны́нѣ весели́сѧ: / се́ бо хрⷭ҇то́съ свѣти́льника въ тебѣ̀ показа̀ / ꙗ҆́вѣ сїѧ́юща въ мі́рѣ, / и҆ и҆сцѣлѣва́юща недꙋ́ги и҆ бѡлѣ́зни на́шѧ. / Сегѡ̀ ра́ди ликꙋ́й и҆ весели́сѧ со дерзнове́нїемъ: / ст҃и́тель бо є҆́сть вы́шнѧгѡ сїѧ̑ содѣ́ловаѧй."
|
|
},
|
|
{
|
|
"type": "TEXT",
|
|
"value": "И҆́нъ тропа́рь, гла́съ и҃: Ликꙋ́й свѣ́тлѡ, благосла́внѣйшїй гра́де москва̀, / и҆мѣ́ѧй въ себѣ̀ а҆рхїере́а петра̀, ꙗ҆́кѡ зарю̀ сл҃нца, / всю̀ рѡссі́ю чꙋдодѣѧ̑нїи ѡ҆зарѧ́юща: / то́й бо не́мѡщи врачꙋ́етъ, / и҆ недꙋ́ги, ꙗ҆́кѡ тмꙋ̀, прого́нитъ ѿ вопїю́щихъ є҆мꙋ̀: / ра́дꙋйсѧ, і҆ера́рше бг҃а вы́шнѧгѡ, / тобо́ю сїѧ̑ па́ствѣ твое́й содѣ́ловающагѡ."
|
|
},
|
|
{
|
|
"type": "TEXT",
|
|
"value": "Конда́къ, гла́съ в҃. Подо́бенъ: Взбра́нной: Взбра́нномꙋ и҆ ди́вномꙋ на́шеѧ землѝ чꙋдотво́рцꙋ, / дне́сь любо́вїю тебѣ̀ притека́емъ, пѣ́снь, бг҃оно́се, плетꙋ́ще, / ꙗ҆́кѡ и҆мѣ́ѧ дерзнове́нїе ко гдⷭ҇ꙋ, / многоѻбра́зныхъ и҆зба́ви на́съ ѡ҆бстоѧ́нїй, да зове́мъ тѝ: / ра́дꙋйсѧ, ᲂу҆твержде́нїе гра́дꙋ на́шемꙋ."
|
|
},
|
|
{
|
|
"type": "HEADER",
|
|
"value": "Въ к҃д-й де́нь. Предпра́зднство ржⷭ҇тва̀ хрⷭ҇то́ва."
|
|
},
|
|
{
|
|
"type": "TEXT",
|
|
"value": "Тропа́рь, гла́съ д҃: Написова́шесѧ и҆ногда̀ со ста́рцемъ і҆ѡ́сифомъ, / ꙗ҆́кѡ ѿ сѣ́мене дв҃дова, / въ виѳлее́мѣ марїа́мъ: / чревоносѧ́щи безсѣ́менное рожде́нїе: / наста́ же вре́мѧ ржⷭ҇тва̀, / и҆ мѣ́сто ни є҆ди́ноже бѣ̀ ѻ҆бита́лищꙋ: / но ꙗ҆́коже кра́снаѧ пала́та, / верте́пъ цр҃и́цѣ показа́шесѧ. / Хрⷭ҇то́съ ражда́етсѧ, пре́жде па́дшїй воскреси́ти ѻ҆́бразъ."
|
|
},
|
|
{
|
|
"type": "TEXT",
|
|
"value": "Конда́къ, гла́съ г҃. Подо́бенъ: Дв҃а дне́сь: Дѣ́ва дне́сь превѣ́чное сло́во / въ верте́пѣ грѧде́тъ роди́ти неизрече́ннѡ: / ликꙋ́й вселе́ннаѧ ᲂу҆слы́шавши, / просла́ви со а҆́гг҃лы и҆ па́стырьми / хотѧ́щаго ꙗ҆ви́тисѧ / ѻ҆троча̀ мла́до превѣ́чнаго бг҃а."
|
|
},
|
|
{
|
|
"type": "HEADER",
|
|
"value": "Въ то́йже де́нь, ст҃ы́ѧ прпⷣбномꙋ́ченицы є҆ѵге́нїи."
|
|
},
|
|
{
|
|
"type": "TEXT",
|
|
"value": "Тропа́рь, гла́съ д҃: А҆́гница твоѧ̀ і҆и҃се, є҆ѵге́нїѧ, / зове́тъ ве́лїимъ гла́сомъ: / тебѐ женишѐ мо́й люблю̀, / и҆ тебѐ и҆́щꙋщи страда́льчествꙋю, / и҆ сраспина́юсѧ, и҆ спогреба́юсѧ кр҃ще́нїю твоемꙋ̀, / и҆ страждꙋ̀ тебѐ ра́ди, / ꙗ҆́кѡ да црⷭ҇твꙋю въ тебѣ̀, / и҆ ᲂу҆мира́ю за тѧ̀, да и҆ живꙋ̀ съ тобо́ю: / но ꙗ҆́кѡ же́ртвꙋ непоро́чнꙋю прїими́ мѧ съ любо́вїю поже́ршꙋюсѧ тебѣ̀, / тоѧ̀ мл҃твами, ꙗ҆́кѡ млⷭ҇тивъ, сп҃сѝ дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "Конда́къ, гла́съ в҃. Подо́бенъ: Твє́рдыѧ: Благоро́дїѧ нра́вѡмъ тѧ̀ честнѡподо́бне ᲂу҆краси́въ ѡ҆божи́вый гдⷭ҇ь, / въ ра́бїи ѻ҆́бразѣ ѿ дв҃ы на́мъ соедини́сѧ, / и҆́же тѧ̀ въ ли́къ де́въ свѣщено́сицъ вчинѝ, / и҆ съ мч҃ники сочета̀, є҆ѵге́нїе, / ꙗ҆́кѡ вои́стиннꙋ благоро́дїѧ бжⷭ҇твенныѧ сла́вы вѣне́цъ ᲂу҆лꙋчѝ."
|
|
},
|
|
{
|
|
"type": "HEADER",
|
|
"value": "Въ к҃є-й де́нь. Є҆́же по пло́ти, ржⷭ҇тво̀ гдⷭ҇а бг҃а и҆ сп҃са на́шегѡ і҆и҃са хрⷭ҇та̀."
|
|
},
|
|
{
|
|
"type": "TEXT",
|
|
"value": "Тропа́рь, гла́съ д҃: Ржⷭ҇тво̀ твоѐ, хрⷭ҇тѐ бж҃е на́шъ, / возсїѧ̀ мі́рови свѣ́тъ ра́зꙋма: / въ не́мъ бо ѕвѣзда́мъ слꙋжа́щїи, / ѕвѣздо́ю ᲂу҆ча́хꙋсѧ, / тебѣ̀ кла́нѧтисѧ сл҃нцꙋ пра́вды, / и҆ тебѐ вѣ́дѣти съ высоты̀ восто́ка: / гдⷭ҇и, сла́ва тебѣ̀."
|
|
},
|
|
{
|
|
"type": "TEXT",
|
|
"value": "Конда́къ, гла́съ г҃. Подо́бенъ: Дв҃а дне́сь пресꙋ́щественнаго ражда́етъ, / и҆ землѧ̀ верте́пъ непристꙋ́пномꙋ прино́ситъ. / А҆́гг҃ли съ па́стырьми славосло́вѧтъ, / волсви́ же со ѕвѣздо́ю пꙋтеше́ствꙋютъ: / на́съ бо ра́ди роди́сѧ / ѻ҆троча̀ мла́до превѣ́чный бг҃ъ."
|
|
},
|
|
{
|
|
"type": "HEADER",
|
|
"value": "Въ к҃ѕ-й де́нь. Собо́ръ прест҃ы́ѧ бцⷣы."
|
|
},
|
|
{
|
|
"type": "TEXT",
|
|
"value": "Тропа́рь бцⷣы, гла́съ д҃: Пречⷭ҇таѧ бг҃омт҃и бцⷣе, / собо́ръ тво́й чⷭ҇тны́й ᲂу҆краше́нъ многоразли́чными добро́тами, / да́ры тѝ прино́сѧтъ гпⷭ҇жѐ, мно́ги мїрсті́и лю́дїе, / ᲂу҆́зы на́шѧ грѣ̑шныѧ раздерѝ свое́ю ми́лостїю, / и҆ спасѝ дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "Конда́къ, гла́съ ѕ҃: И҆́же пре́жде денни́цы ѿ ѻ҆ц҃а̀ безъ мт҃ре роди́выйсѧ, / на землѝ безъ ѻ҆тца̀ воплоти́сѧ дне́сь и҆зъ тебє̀. / Тѣ́мже ѕвѣзда̀ бл҃говѣствꙋ́етъ волхвѡ́мъ, / а҆́гг҃ли же съ па́стырьми пою́тъ / несказа́нное ржⷭ҇тво̀ твоѐ, бл҃года́тнаѧ."
|
|
},
|
|
{
|
|
"type": "HEADER",
|
|
"value": "Недѣ́лѧ по ржⷭ҇твѣ̀ хрⷭ҇то́вѣ."
|
|
},
|
|
{
|
|
"type": "TEXT",
|
|
"value": "Тропа́рь, гла́съ в҃: Благовѣствꙋ́й, і҆ѡ́сифе, дв҃дꙋ чꙋдеса̀ бг҃оѻтцꙋ̀: / дв҃ꙋ ви́дѣлъ є҆сѝ ро́ждшꙋю, / съ па́стыри славосло́вилъ є҆сѝ, / съ волхвы̀ поклони́лсѧ є҆сѝ, / а҆́гг҃ломъ вѣ́сть прїе́мъ. / Молѝ хрⷭ҇та̀ бг҃а, спастѝ дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "Конда́къ, гла́съ г҃. Подо́бенъ: Дв҃а дне́сь: Весе́лїѧ дне́сь дв҃дъ и҆сполнѧ́етсѧ бжⷭ҇твенный, / і҆ѡ́сифъ же хвале́нїе со і҆а́кѡвомъ прино́ситъ: / вѣне́цъ бо сро́дствомъ хрⷭ҇то́вымъ прїе́мше ра́дꙋютсѧ, / и҆ неизрече́ннѡ на землѝ ро́ждшагосѧ воспѣва́ютъ, и҆ вопїю́тъ: / ще́дре, спаса́й тебѐ чтꙋ́щыѧ."
|
|
},
|
|
{
|
|
"type": "HEADER",
|
|
"value": "Въ к҃з-й де́нь. Ст҃а́гѡ а҆пⷭ҇ла, первомꙋ́ченика и҆ а҆рхїдїа́кона стефа́на."
|
|
},
|
|
{
|
|
"type": "TEXT",
|
|
"value": "Тропа́рь, гла́съ д҃: По́двигомъ до́брымъ подвиза́лсѧ є҆сѝ, / первомꙋ́чениче хрⷭ҇то́въ и҆ а҆пⷭ҇ле, и҆ а҆рхїдїа́коне стефа́не, / и҆ мꙋчи́телей ѡ҆бличи́лъ є҆сѝ нече́стїе: / ка́менїемъ бо побїе́нъ ѿ рꙋ́къ беззако́нныхъ, / вѣне́цъ ѿ ꙗ҆́же свы́ше десни́цы прїѧ́лъ є҆сѝ, / и҆ къ бг҃ꙋ взыва́лъ є҆сѝ, вопїѧ̀: / гдⷭ҇и, не поста́ви и҆̀мъ грѣха̀ сегѡ̀."
|
|
},
|
|
{
|
|
"type": "TEXT",
|
|
"value": "Конда́къ, гла́съ г҃. Подо́бенъ: Дв҃а дне́сь. Влⷣка вчера̀ на́мъ пло́тїю прихожда́ше, / и҆ ра́бъ дне́сь ѿ пло́ти и҆схожда́ше. / Вчера̀ црⷭ҇твꙋѧй пло́тїю роди́сѧ, / дне́сь ра́бъ ка́менїемъ побива́етсѧ: / тогѡ̀ ра́ди и҆ скончава́етсѧ / первомꙋ́ченикъ и҆ бжⷭ҇твенный стефа́нъ."
|
|
}
|
|
] |