1570 lines
119 KiB
JSON
1570 lines
119 KiB
JSON
[
|
|
{
|
|
"type": "HEADER",
|
|
"value": "Недѣ́лѧ тре́тїѧ по па́сцѣ, ст҃ы́хъ же́нъ мѷроно́сицъ, и҆ і҆ѡ́сифа пра́веднагѡ."
|
|
},
|
|
{
|
|
"type": "TEXT",
|
|
"value": "ⷤ На ма́лѣй вече́рни ⷤ На вели́цѣй вече́рни ⷤ На ᲂу҆́трени ⷤ На лїтꙋргі́и"
|
|
},
|
|
{
|
|
"type": "HEADER",
|
|
"value": "Въ сꙋббѡ́тꙋ ве́чера, на ма́лѣй вече́рни."
|
|
},
|
|
{
|
|
"type": "HEADER",
|
|
"value": "Стїхи̑ры воскре́сны, г҃. Гла́съ в҃:"
|
|
},
|
|
{
|
|
"type": "TEXT",
|
|
"value": "П ре́жде вѣ̑къ ѿ ѻ҆ц҃а̀ ро́ждшемꙋсѧ бж҃їю сло́вꙋ, / вопло́щшемꙋсѧ ѿ дв҃ы мр҃і́и, / прїиди́те поклони́мсѧ: / крⷭ҇тъ бо претерпѣ́въ, / погребе́нїю предаде́сѧ, ꙗ҆́кѡ са́мъ восхотѣ̀: / и҆ воскр҃съ и҆з̾ ме́ртвыхъ, / сп҃се́ мѧ заблꙋжда́ющаго человѣ́ка."
|
|
},
|
|
{
|
|
"type": "TEXT",
|
|
"value": "Х рⷭ҇то́съ сп҃съ на́шъ, / є҆́же на ны̀ рꙋкописа́нїе пригвозди́въ на крⷭ҇тѣ̀ загла́ди, / и҆ сме́ртнꙋю держа́вꙋ ᲂу҆празднѝ: / покланѧ́емсѧ є҆гѡ̀ тридне́вномꙋ воскрⷭ҇нїю."
|
|
},
|
|
{
|
|
"type": "TEXT",
|
|
"value": "С о а҆рха́гг҃лы воспои́мъ хрⷭ҇то́во воскрⷭ҇нїе: / то́й бо є҆́сть и҆зба́витель и҆ сп҃съ дꙋ́шъ на́шихъ, / и҆ въ сла́вѣ стра́шнѣй и҆ крѣ́пцѣй си́лѣ, / па́ки грѧде́тъ сꙋди́ти мі́рꙋ, є҆го́же созда̀."
|
|
},
|
|
{
|
|
"type": "HEADER",
|
|
"value": "И҆ восто́ченъ а҃, гла́съ то́йже:"
|
|
},
|
|
{
|
|
"type": "TEXT",
|
|
"value": "Т ебѐ распе́ншагосѧ и҆ погребе́ннаго, / а҆́гг҃лъ проповѣ́да влⷣкꙋ, и҆ глаго́лаше жена́мъ: / прїиди́те ви́дите, и҆дѣ́же лежа́ше гдⷭ҇ь: / воскр҃се бо, ꙗ҆́коже речѐ, ꙗ҆́кѡ всеси́ленъ. / тѣ́мже тебѣ̀ покланѧ́емсѧ є҆ди́номꙋ безсме́ртномꙋ: / жизнода́вче хрⷭ҇тѐ, поми́лꙋй на́съ."
|
|
},
|
|
{
|
|
"type": "TEXT",
|
|
"value": "Сла́ва, гла́съ в҃: Почто̀ мѵ̑ра со слеза́ми, ѽ ᲂу҆чєни́цы растворѧ́ете, / ка́мень ѿвали́сѧ, гро́бъ и҆стощи́сѧ: / ви́дите тлю̀ живото́мъ попра́ннꙋю, / печа̑ти свидѣ́тельствꙋющѧ ꙗ҆́вственнѡ, / спѧ́щыѧ лю́тѣ стра́жники непокори́выхъ, / сме́ртное спасе́сѧ пло́тїю бж҃їею, а҆́дъ рыда́етъ. / те́кшѧ ра́достїю рцы́те а҆пⷭ҇лѡмъ: / ᲂу҆мертви́вый сме́рть хрⷭ҇то́съ, перворожде́нъ и҆з̾ ме́ртвыхъ, / ва́съ предварѧ́етъ въ галїле́и."
|
|
},
|
|
{
|
|
"type": "TEXT",
|
|
"value": "И҆ ны́нѣ, догма́тїкъ, гла́съ то́йже: Ѽ превє́лїѧ та̑инства! / зрѧ̀ чꙋдеса̀, проповѣ́дꙋю бж҃ество̀: / є҆мманꙋ́илъ бо є҆стества̀ ᲂу҆́бѡ врата̀ ѿве́рзе ꙗ҆́кѡ чл҃вѣколю́бецъ: / дѣ́вства же заключе́нїѧ не разрꙋшѝ ꙗ҆́кѡ бг҃ъ: / но си́це ѿ ᲂу҆тро́бы про́йде, ꙗ҆́коже слꙋ́хомъ вни́де: / та́кѡ воплоти́сѧ, ꙗ҆́коже зача́тсѧ. / безстра́стнѡ вни́де, несказа́ннѡ и҆зы́де, по проро́кꙋ глаго́лющемꙋ: / сїѧ̑ врата̀ заключє́на бꙋ́дꙋтъ, никто́же про́йдетъ и҆́ми, / то́кмѡ є҆ди́нъ гдⷭ҇ь бг҃ъ і҆и҃левъ, / и҆мѣ́ѧй ве́лїю ми́лость."
|
|
},
|
|
{
|
|
"type": "TEXT",
|
|
"value": "С вѣ́те ти́хїй: Прокі́менъ: Гдⷭ҇ь воцари́сѧ:"
|
|
},
|
|
{
|
|
"type": "HEADER",
|
|
"value": "На стїхо́внѣ стїхи́ра воскре́сна, гла́съ в҃:"
|
|
},
|
|
{
|
|
"type": "TEXT",
|
|
"value": "В оскрⷭ҇нїе твоѐ хрⷭ҇тѐ сп҃се, / всю̀ просвѣтѝ вселе́ннꙋю, / и҆ призва́лъ є҆сѝ твоѐ созда́нїе: / всеси́льне гдⷭ҇и сла́ва тебѣ̀."
|
|
},
|
|
{
|
|
"type": "HEADER",
|
|
"value": "И҆ бг҃оро́дицы, гла́съ в҃. Подо́бенъ: Є҆гда̀ ѿ дре́ва:"
|
|
},
|
|
{
|
|
"type": "TEXT",
|
|
"value": "Сті́хъ: Помѧнꙋ̀ и҆́мѧ твоѐ во всѧ́комъ ро́дѣ и҆ ро́дѣ."
|
|
},
|
|
{
|
|
"type": "TEXT",
|
|
"value": "В сѣ́хъ скорбѧ́щихъ ра́досте, и҆ ѡ҆би́димыхъ предста́тельнице, / и҆ ᲂу҆бо́гихъ пита́тельнице, стра́нныхъ же ᲂу҆тѣше́нїе, / и҆ же́зле слѣпы́хъ, немощны́хъ посѣще́нїе, / трꙋжда́ющихсѧ покро́ве и҆ застꙋ́пнице, и҆ си́рыхъ помо́щнице, / мт҃и бг҃а вы́шнѧгѡ ты̀ є҆сѝ пречⷭ҇таѧ: / потщи́сѧ мо́лимсѧ, спасти́сѧ рабѡ́мъ твои́мъ."
|
|
},
|
|
{
|
|
"type": "TEXT",
|
|
"value": "Сті́хъ: Слы́ши дщѝ и҆ ви́ждь, и҆ приклонѝ ᲂу҆́хо твоѐ."
|
|
},
|
|
{
|
|
"type": "TEXT",
|
|
"value": "В сѧ́кое беззако́нїе неща́днѡ, / всѧ́кїй грѣ́хъ невозде́ржнѡ ѻ҆каѧ́нный содѣ́лахъ, / всѧ́кагѡ ѡ҆сꙋжде́нїѧ досто́инъ є҆́смь: / вины̀ покаѧ́нїѧ мнѣ̀ пода́ждь дв҃о, / ꙗ҆́кѡ да не ѡ҆сꙋжде́нъ та́мѡ ꙗ҆влю́сѧ. / тѧ́ бо написꙋ́ю мл҃твенницꙋ, / тѧ̀ призыва́ю предста́тельницꙋ, / да мѧ̀ не посрами́ши бг҃оневѣ́стнаѧ."
|
|
},
|
|
{
|
|
"type": "TEXT",
|
|
"value": "Сті́хъ: Лицꙋ̀ твоемꙋ̀ помо́лѧтсѧ бога́тїи лю́дстїи."
|
|
},
|
|
{
|
|
"type": "TEXT",
|
|
"value": "И҆ на́гѡ прибѣ́жища чи́стаѧ, къ творцꙋ̀ и҆ влⷣцѣ мы̀ и҆́мамы, / ра́звѣ тебѐ бг҃оневѣ́сто, / да не ѿри́неши на́съ те́плымъ твои́мъ предста́тельствомъ, / нижѐ посрами́ши любо́вїю притека́ющихъ под̾ кро́въ тво́й, / мт҃и бг҃а на́шегѡ: / потщи́сѧ, и҆ твою̀ по́мощь да́ждь, / и҆ ны́нѣшнѧгѡ гнѣ́ва на́съ спасѝ."
|
|
},
|
|
{
|
|
"type": "TEXT",
|
|
"value": "Сла́ва, и҆ ны́нѣ, гла́съ в҃: Мѷронѡ́сицы ра́нѡ бы́вшѧ, / и҆ гро́бъ тво́й со тща́нїемъ дости́гшѧ, / и҆ска́хꙋ тебѐ хрⷭ҇тѐ, во є҆́же пома́зати пречⷭ҇тое тѣ́ло твоѐ. / и҆ а҆́гг҃ловыми глаго́лы ѡ҆гласи́вшесѧ, / радостотвѡ́рныѧ ѻ҆́бразы а҆пⷭ҇лѡмъ проповѣ́дахꙋ, / ꙗ҆́кѡ воскре́се нача́льникъ спасе́нїѧ на́шегѡ, плѣни́вый сме́рть, / мі́рови же да́рꙋѧй живо́тъ вѣ́чный / и҆ ве́лїю ми́лость."
|
|
},
|
|
{
|
|
"type": "HEADER",
|
|
"value": "По трист҃о́мъ тропа́рь, гла́съ в҃:"
|
|
},
|
|
{
|
|
"type": "TEXT",
|
|
"value": "Б л҃гоѡбра́зный і҆ѡ́сифъ, / съ дре́ва сне́мъ пречⷭ҇тое твоѐ тѣ́ло, / плащани́цею чⷭ҇тою ѡ҆бви́въ, / и҆ бл҃гоꙋха́ньми во гро́бѣ но́вѣ закры́въ положѝ: / но тридне́венъ воскрⷭ҇лъ є҆сѝ гдⷭ҇и, / подаѧ̀ мі́рови ве́лїю млⷭ҇ть."
|
|
},
|
|
{
|
|
"type": "TEXT",
|
|
"value": "И҆ ѿпꙋ́стъ."
|
|
},
|
|
{
|
|
"type": "HEADER",
|
|
"value": "На вели́цѣй вече́рни."
|
|
},
|
|
{
|
|
"type": "TEXT",
|
|
"value": "Х рⷭ҇то́съ воскре́се: ꙗ҆́кѡ ѻ҆бы́чно. Та́же ѱало́мъ предначина́тельный: Бл҃гословѝ дꙋшѐ моѧ̀ гдⷭ҇а: И҆ каѳі́сма а҃. ѱалти́ра."
|
|
},
|
|
{
|
|
"type": "HEADER",
|
|
"value": "На Гдⷭ҇и воззва́хъ: поста́вимъ стїхѡ́въ і҃, и҆ пое́мъ: Стїхи̑ры воскрⷭ҇ны, г҃, гла́съ в҃."
|
|
},
|
|
{
|
|
"type": "TEXT",
|
|
"value": "Сті́хъ: И҆зведѝ и҆з̾ темни́цы дꙋ́шꙋ мою̀, / и҆сповѣ́датисѧ и҆́мени твоемꙋ̀."
|
|
},
|
|
{
|
|
"type": "TEXT",
|
|
"value": "П ре́жде вѣ̑къ ѿ ѻ҆ц҃а̀ ро́ждшемꙋсѧ бж҃їю сло́вꙋ, / вопло́щшемꙋсѧ ѿ дв҃ы мр҃і́и, / прїиди́те поклони́мсѧ: / крⷭ҇тъ бо претерпѣ́въ, / погребе́нїю предаде́сѧ, ꙗ҆́кѡ са́мъ восхотѣ̀: / и҆ воскр҃съ и҆з̾ ме́ртвыхъ, / сп҃се́ мѧ заблꙋжда́ющаго человѣ́ка."
|
|
},
|
|
{
|
|
"type": "TEXT",
|
|
"value": "Сті́хъ: Менѐ ждꙋ́тъ првⷣницы, / до́ндеже возда́си мнѣ̀."
|
|
},
|
|
{
|
|
"type": "TEXT",
|
|
"value": "Х рⷭ҇то́съ сп҃съ на́шъ, / є҆́же на ны̀ рꙋкописа́нїе пригвозди́въ на крⷭ҇тѣ̀ загла́ди, / и҆ сме́ртнꙋю держа́вꙋ ᲂу҆празднѝ: / покланѧ́емсѧ є҆гѡ̀ тридне́вномꙋ воскрⷭ҇нїю."
|
|
},
|
|
{
|
|
"type": "TEXT",
|
|
"value": "Сті́хъ: И҆з̾ глꙋбины̀ воззва́хъ къ тебѣ̀ гдⷭ҇и, / гдⷭ҇и, ᲂу҆слы́ши гла́съ мо́й."
|
|
},
|
|
{
|
|
"type": "TEXT",
|
|
"value": "С о а҆рха́гг҃лы воспои́мъ хрⷭ҇то́во воскрⷭ҇нїе: / то́й бо є҆́сть и҆зба́витель и҆ сп҃съ дꙋ́шъ на́шихъ, / и҆ въ сла́вѣ стра́шнѣй и҆ крѣ́пцѣй си́лѣ, / па́ки грѧде́тъ сꙋди́ти мі́рꙋ, є҆го́же созда̀."
|
|
},
|
|
{
|
|
"type": "HEADER",
|
|
"value": "И҆ восто́чны д҃. Гла́съ то́йже."
|
|
},
|
|
{
|
|
"type": "TEXT",
|
|
"value": "Сті́хъ: Да бꙋ́дꙋтъ ᲂу҆́ши твоѝ, / вне́млющѣ гла́сꙋ моле́нїѧ моегѡ̀."
|
|
},
|
|
{
|
|
"type": "TEXT",
|
|
"value": "Т ебѐ распе́ншагосѧ и҆ погребе́ннаго, / а҆́гг҃лъ проповѣ́да влⷣкꙋ, и҆ глаго́лаше жена́мъ: / прїиди́те ви́дите, и҆дѣ́же лежа́ше гдⷭ҇ь: / воскр҃се бо, ꙗ҆́коже речѐ, ꙗ҆́кѡ всеси́ленъ. / тѣ́мже тебѣ̀ покланѧ́емсѧ є҆ди́номꙋ безсме́ртномꙋ: / жизнода́вче хрⷭ҇тѐ, поми́лꙋй на́съ."
|
|
},
|
|
{
|
|
"type": "TEXT",
|
|
"value": "Сті́хъ: А҆́ще беззакѡ́нїѧ на́зриши гдⷭ҇и, гдⷭ҇и, кто̀ постои́тъ; / ꙗ҆́кѡ ᲂу҆ тебѐ ѡ҆чище́нїе є҆́сть."
|
|
},
|
|
{
|
|
"type": "TEXT",
|
|
"value": "К рⷭ҇то́мъ твои́мъ ᲂу҆праздни́лъ є҆сѝ, / ю҆́же ѿ дре́ва клѧ́твꙋ, / погребе́нїемъ твои́мъ ᲂу҆мертви́лъ є҆сѝ сме́рти держа́вꙋ: / воста́нїемъ же твои́мъ просвѣти́лъ є҆сѝ ро́дъ человѣ́ческїй. / сегѡ̀ ра́ди вопїе́мъ тѝ: / бл҃годѣ́телю хрⷭ҇тѐ бж҃е на́шъ, сла́ва тебѣ̀."
|
|
},
|
|
{
|
|
"type": "TEXT",
|
|
"value": "Сті́хъ: И҆́мене ра́ди твоегѡ̀, потерпѣ́хъ тѧ̀ гдⷭ҇и, потерпѣ̀ дꙋша̀ моѧ̀ въ сло́во твоѐ, / ᲂу҆пова̀ дꙋша̀ моѧ̀ на гдⷭ҇а."
|
|
},
|
|
{
|
|
"type": "TEXT",
|
|
"value": "Ѿ верзо́шасѧ тебѣ̀ гдⷭ҇и, / стра́хомъ врата̀ смє́ртнаѧ, / вра́тницы же а҆́дѡвы ви́дѣвше тѧ̀, ᲂу҆боѧ́шасѧ: / врата́ бо мѣ̑днаѧ сокрꙋши́лъ є҆сѝ, / и҆ верєѝ желѣ̑зныѧ сте́рлъ є҆сѝ, / и҆ и҆зве́лъ є҆сѝ на́съ ѿ тьмы̀ и҆ сѣ́ни сме́ртныѧ, / и҆ ᲂу҆́зы на̑ша растерза́лъ є҆сѝ."
|
|
},
|
|
{
|
|
"type": "TEXT",
|
|
"value": "Сті́хъ: Ѿ стра́жи ᲂу҆́треннїѧ до но́щи, ѿ стра́жи ᲂу҆́треннїѧ, / да ᲂу҆пова́етъ і҆и҃ль на гдⷭ҇а."
|
|
},
|
|
{
|
|
"type": "TEXT",
|
|
"value": "С п҃си́тельнꙋю пѣ́снь пою́ще, ѿ ᲂу҆́стъ возсле́мъ: / прїиди́те всѝ въ домꙋ̀ гдⷭ҇немъ припаде́мъ, глаго́люще: / на дре́вѣ распны́йсѧ, и҆ и҆з̾ ме́ртвыхъ воскр҃сы́й, / и҆ сы́й въ нѣ́дрѣхъ ѻ҆́ч҃ихъ, / ѡ҆чи́сти грѣхѝ на́шѧ."
|
|
},
|
|
{
|
|
"type": "HEADER",
|
|
"value": "Та́же стїхи̑ры мѷроно́сицамъ самогла́сны г҃, гла́съ в҃. А҆нато́лїа."
|
|
},
|
|
{
|
|
"type": "TEXT",
|
|
"value": "Сті́хъ: Ꙗ҆́кѡ ᲂу҆ гдⷭ҇а млⷭ҇ть, и҆ мно́гое ᲂу҆ негѡ̀ и҆збавле́нїе, / и҆ то́й и҆зба́витъ і҆и҃лѧ ѿ всѣ́хъ беззако́нїй є҆гѡ̀."
|
|
},
|
|
{
|
|
"type": "TEXT",
|
|
"value": "М ѷронѡ́сицы жєны̀, ᲂу҆́трꙋ глꙋбокꙋ̀, / а҆рѡма́ты взе́мшѧ, гдⷭ҇нѧ гро́ба достиго́ша, / ꙗ҆̀же не надѣ́ѧхꙋсѧ ѡ҆брѣ́тшѧ / помышлѧ́хꙋ благоговѣ́юще ка́менномꙋ ѿвале́нїю, / и҆ дрꙋ́га ко дрꙋзѣ́й глаго́лахꙋ: / гдѣ̀ сꙋ́ть печа̑ти гро́ба; / гдѣ̀ є҆́сть пїла́това кꙋстѡді́а, и҆ ѡ҆па́сное ᲂу҆тверже́нїе; / бы́сть же возвѣсти́тель не разꙋмѣва́ющымъ жена́мъ, / блиста́ѧйсѧ а҆́гг҃лъ, и҆ глаго́лѧй къ ни́мъ: / что̀ съ рыда́нїемъ и҆́щете жива́гѡ и҆ ѡ҆животвори́вшагѡ ро́дъ чл҃вѣ́ческїй; / воста̀ хрⷭ҇то́съ бг҃ъ на́шъ и҆з̾ ме́ртвыхъ ꙗ҆́кѡ всеси́ленъ, / подаѧ́й всѣ́мъ на́мъ нетлѣ́нїе и҆ жи́знь, / просвѣще́нїе и҆ ве́лїю млⷭ҇ть."
|
|
},
|
|
{
|
|
"type": "TEXT",
|
|
"value": "Сті́хъ: Хвали́те гдⷭ҇а всѝ ꙗ҆зы́цы, / похвали́те є҆го̀ всѝ лю́дїе."
|
|
},
|
|
{
|
|
"type": "TEXT",
|
|
"value": "П очто̀ мѵ̑ра со слеза́ми, ѽ ᲂу҆чєни́цы растворѧ́ете, / ка́мень ѿвали́сѧ, гро́бъ и҆стощи́сѧ: / ви́дите тлю̀ живото́мъ попра́ннꙋю, / печа̑ти свидѣ́тельствꙋющѧ ꙗ҆́вственнѡ, / спѧ́щыѧ лю́тѣ стра́жники непокори́выхъ, / сме́ртное спасе́сѧ пло́тїю бж҃їею, а҆́дъ рыда́етъ. / те́кшѧ ра́достїю рцы́те а҆пⷭ҇лѡмъ: / ᲂу҆мертви́вый сме́рть хрⷭ҇то́съ, перворожде́нъ и҆з̾ ме́ртвыхъ, / ва́съ предварѧ́етъ въ галїле́и."
|
|
},
|
|
{
|
|
"type": "TEXT",
|
|
"value": "Сті́хъ: Ꙗ҆́кѡ ᲂу҆тверди́сѧ ми́лость є҆гѡ̀ на на́съ. / и҆ и҆́стина гдⷭ҇нѧ пребыва́етъ во вѣ́къ."
|
|
},
|
|
{
|
|
"type": "TEXT",
|
|
"value": "М ѷронѡ́сицы ра́нѡ бы́вшѧ, / и҆ гро́бъ тво́й со тща́нїемъ дости́гшѧ, / и҆ска́хꙋ тебѐ хрⷭ҇тѐ, во є҆́же пома́зати пречⷭ҇тое тѣ́ло твоѐ. / и҆ а҆́гг҃ловыми глаго́лы ѡ҆гласи́вшесѧ, / радостотвѡ́рныѧ ѻ҆́бразы а҆пⷭ҇лѡмъ проповѣ́дахꙋ, / ꙗ҆́кѡ воскре́се нача́льникъ спасе́нїѧ на́шегѡ, плѣни́вый сме́рть, / мі́рови же да́рꙋѧй живо́тъ вѣ́чный / и҆ ве́лїю ми́лость."
|
|
},
|
|
{
|
|
"type": "TEXT",
|
|
"value": "Сла́ва, гла́съ ѕ҃. Космы̀ мона́ха: Мѷронѡ́сицы жєны̀, гро́ба твоегѡ̀ дости́гшѧ, / и҆ печа̑ти грѡ́бныѧ ви́дѣвшѧ, / не ѡ҆брѣ́тшѧ же пречи́стагѡ тѣ́ла твоегѡ̀, / рыда́ющѧ со тща́нїемъ прїидо́ша, глаго́лющѧ: / кто̀ ᲂу҆кра́де на́ше ᲂу҆пова́нїе; / кто̀ взѧ́тъ ме́ртва на́га смѵ́рною пома́зана, / мт҃ри є҆ди́но ᲂу҆тѣше́нїе; / ѽ ка́кѡ мє́ртвыѧ ѡ҆живи́вый ᲂу҆мертви́сѧ; / а҆́дъ плѣни́вый, ка́кѡ погребе́сѧ; / но воскреснѝ сп҃се самовла́стнѡ, / ꙗ҆́коже ре́клъ є҆сѝ, / тридне́венъ, спаса́ѧй дꙋ́шы на́шѧ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ, гла́съ в҃: Пре́йде сѣ́нь зако́ннаѧ, / бл҃года́ти прише́дши: / ꙗ҆́коже бо кꙋпина̀ не сгара́ше ѡ҆палѧ́ема, / та́кѡ дв҃о родила̀ є҆сѝ, / и҆ дв҃а пребыла̀ є҆сѝ. / вмѣ́стѡ столпа̀ ѻ҆́гненнагѡ, / пра́ведное возсїѧ̀ со́лнце: / вмѣ́стѡ мѡѷсе́а, хрⷭ҇то́съ, / сп҃се́нїе дꙋ́шъ на́шихъ."
|
|
},
|
|
{
|
|
"type": "TEXT",
|
|
"value": "Вхо́дъ: Свѣ́те ти́хїй: Прокі́менъ: Гдⷭ҇ь воцр҃и́сѧ:"
|
|
},
|
|
{
|
|
"type": "HEADER",
|
|
"value": "На лїті́и стїхи̑ры самогла́сны, гла́съ а҃:"
|
|
},
|
|
{
|
|
"type": "TEXT",
|
|
"value": "М ѷронѡ́сицы жєны̀, ко гро́бꙋ что̀ прїидо́сте; / что̀ и҆́щете жива́гѡ въ ме́ртвыхъ; / воскре́се гдⷭ҇ь, дерза́йте, вопїе́тъ а҆́гг҃лъ."
|
|
},
|
|
{
|
|
"type": "TEXT",
|
|
"value": "С о стра́хомъ прїидо́ша жєны̀ на гро́бъ, / а҆рѡма́ты тѣ́ло твоѐ пома́зати тща́щыѧсѧ: / и҆ сїѐ не ѡ҆брѣ́тше, / недоꙋмѣва́хꙋсѧ дрꙋга̀ ко дрꙋзѣ́й, не вѣ́дꙋще воскрⷭ҇нїѧ. / но предста̀ и҆̀мъ а҆́гг҃лъ, и҆ речѐ: / воскре́се хрⷭ҇то́съ, / да́рꙋѧй на́мъ ве́лїю млⷭ҇ть."
|
|
},
|
|
{
|
|
"type": "TEXT",
|
|
"value": "П рїидо́ша на гро́бъ магдали́на, / и҆ дрꙋга́ѧ марі́а и҆́щꙋще гдⷭ҇а, / и҆ а҆́гг҃ла ви́дѣша ꙗ҆́кѡ мо́лнїю / сѣдѧ́ща на ка́мени, и҆ глаго́люща и҆̀мъ: / что̀ и҆́щете жива́гѡ съ ме́ртвыми; / воскре́се, ꙗ҆́коже речѐ: / въ галїле́и є҆го̀ ѡ҆брѧ́щете. / къ немꙋ́ же возопїи́мъ: / воскресы́й и҆з̾ ме́ртвыхъ, гдⷭ҇и сла́ва тебѣ̀."
|
|
},
|
|
{
|
|
"type": "TEXT",
|
|
"value": "Сла́ва, гла́съ ѕ҃: Просѝ і҆ѡ́сифъ тѣ́ло і҆и҃сово, / и҆ положѝ є҆̀ въ но́вомъ свое́мъ гро́бѣ: / подоба́ше бо є҆мꙋ̀ и҆з̾ гро́ба, / ꙗ҆́кѡ ѿ черто́га проитѝ. / сокрꙋши́вый держа́вꙋ сме́рти, / и҆ ѿве́рзый врата̀ ра́йскаѧ человѣ́кѡмъ, / гдⷭ҇и сла́ва тебѣ̀."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ. гла́съ то́йже: Творе́цъ и҆ и҆зба́витель мо́й пречⷭ҇таѧ, / хрⷭ҇то́съ гдⷭ҇ь и҆з̾ твои́хъ ложе́снъ проше́дъ, / въ мѧ̀ ѡ҆болкі́йсѧ, / пе́рвыѧ клѧ́твы а҆да́ма свободѝ. / тѣ́мже тѝ всечⷭ҇таѧ, / ꙗ҆́кѡ бж҃їи мт҃ри же и҆ дв҃ѣ, / вои́стиннꙋ вопїе́мъ немо́лчнѡ: / ра́дꙋйсѧ а҆́гг҃льски, ра́дꙋйсѧ влⷣчце, / предста́тельство и҆ покро́ве, / и҆ сп҃се́нїе дꙋ́шъ на́шихъ."
|
|
},
|
|
{
|
|
"type": "HEADER",
|
|
"value": "На стїхо́внѣ стїхи́ра воскре́сна, гла́съ в҃:"
|
|
},
|
|
{
|
|
"type": "TEXT",
|
|
"value": "В оскрⷭ҇нїе твоѐ хрⷭ҇тѐ сп҃се, / всю̀ просвѣтѝ вселе́ннꙋю, / и҆ призва́лъ є҆сѝ твоѐ созда́нїе: / всеси́льне гдⷭ҇и сла́ва тебѣ̀."
|
|
},
|
|
{
|
|
"type": "HEADER",
|
|
"value": "Та́же стїхи̑ры па́схи съ припѣ́вы и҆́хъ. Гла́съ є҃."
|
|
},
|
|
{
|
|
"type": "TEXT",
|
|
"value": "Сті́хъ: Да воскре́снетъ бг҃ъ, / и҆ расточа́тсѧ вразѝ є҆гѡ̀."
|
|
},
|
|
{
|
|
"type": "TEXT",
|
|
"value": "П а́сха / сщ҃е́ннаѧ на́мъ дне́сь показа́сѧ: / па́сха но́ва ст҃а́ѧ: / па́сха та́инственнаѧ: / па́сха всечестна́ѧ: / па́сха хрⷭ҇то́съ и҆зба́витель: / па́сха непоро́чнаѧ: / па́сха вели́каѧ: / па́сха вѣ́рныхъ: / па́сха двє́ри ра̑йскїѧ на́мъ ѿверза́ющаѧ: / па́сха всѣ́хъ ѡ҆свѧща́ющаѧ вѣ́рныхъ."
|
|
},
|
|
{
|
|
"type": "TEXT",
|
|
"value": "Сті́хъ: Ꙗ҆́кѡ и҆счеза́етъ ды́мъ, / да и҆сче́знꙋтъ."
|
|
},
|
|
{
|
|
"type": "TEXT",
|
|
"value": "П рїиди́те / ѿ видѣ́нїѧ жєны̀ бл҃говѣ̑стницы, / и҆ сїѡ́нꙋ рцы́те: / прїимѝ / ѿ на́съ ра́дости бл҃говѣ́щенїѧ, воскресе́нїѧ хрⷭ҇то́ва: / красꙋ́йсѧ, ликꙋ́й, / и҆ ра́дꙋйсѧ і҆ерꙋсали́ме, / цр҃ѧ̀ хрⷭ҇та̀ ᲂу҆зрѣ́въ и҆з̾ гро́ба, / ꙗ҆́кѡ жениха̀ происходѧ́ща."
|
|
},
|
|
{
|
|
"type": "TEXT",
|
|
"value": "Сті́хъ: Та́кѡ да поги́бнꙋтъ грѣ́шницы ѿ лица̀ бж҃їѧ, / а҆ пра́вєдницы да возвеселѧ́тсѧ."
|
|
},
|
|
{
|
|
"type": "TEXT",
|
|
"value": "М ѷронѡ́сицы жєны̀, / ᲂу҆́трꙋ глꙋбокꙋ̀, / предста́вшѧ гро́бꙋ живода́вца, / ѡ҆брѣто́ша а҆́гг҃ла / на ка́мени сѣдѧ́ща, / и҆ то́й провѣща́въ и҆̀мъ / си́це глаго́лаше: / что̀ и҆́щете жива́гѡ съ ме́ртвыми; / что̀ пла́чете нетлѣ́ннагѡ во тлѝ; / ше́дше проповѣ́дите ᲂу҆ченикѡ́мъ є҆гѡ̀."
|
|
},
|
|
{
|
|
"type": "TEXT",
|
|
"value": "Сті́хъ: Се́й де́нь, є҆го́же сотворѝ гдⷭ҇ь, / возра́дꙋемсѧ и҆ возвесели́мсѧ во́нь."
|
|
},
|
|
{
|
|
"type": "TEXT",
|
|
"value": "П а́сха кра́снаѧ, / па́сха, гдⷭ҇нѧ па́сха, / па́сха всечестна́ѧ / на́мъ возсїѧ̀. па́сха, / ра́достїю дрꙋ́гъ дрꙋ́га ѡ҆б̾и́мемъ. / ѽ па́сха! / и҆збавле́нїе ско́рби, / и҆́бо и҆з̾ гро́ба дне́сь / ꙗ҆́кѡ ѿ черто́га / возсїѧ́въ хрⷭ҇то́съ, / жєны̀ ра́дости и҆спо́лни глаго́лѧ: / проповѣ́дите а҆пⷭ҇лѡмъ."
|
|
},
|
|
{
|
|
"type": "TEXT",
|
|
"value": "Сла́ва, гла́съ є҃: Тебѐ ѡ҆дѣ́ющагосѧ свѣ́томъ ꙗ҆́кѡ ри́зою / сне́мъ і҆ѡ́сифъ съ дре́ва съ нїкоди́момъ, / и҆ ви́дѣвъ ме́ртва на́га непогребе́на, / бл҃госе́рдный пла́чь воспрїи́мъ, / рыда́ѧ глаго́лаше: / ᲂу҆вы̀ мнѣ̀ сладча́йшїй і҆и҃се, / є҆го́же вма́лѣ со́лнце на крⷭ҇тѣ̀ ви́сима ᲂу҆зрѣ́вшее / мра́комъ ѡ҆блага́шесѧ, / и҆ землѧ̀ стра́хомъ колеба́шесѧ, / и҆ раздира́шесѧ цр҃ко́внаѧ завѣ́са: / но сѐ ны́нѣ ви́жꙋ тѧ̀, / менѐ ра́ди во́лею под̾е́мша сме́рть. / ка́кѡ погребꙋ́ тѧ бж҃е мо́й, / и҆лѝ ка́кѡ плащани́цею ѡ҆бвїю̀; / ко́има ли рꙋка́ма прикоснꙋ́сѧ нетлѣ́нномꙋ твоемꙋ̀ тѣ́лꙋ; / и҆лѝ кі̑ѧ пѣ̑сни воспою̀ твоемꙋ̀ и҆схо́дꙋ ще́дре, / велича́ю стрⷭ҇ти твоѧ̑, / пѣсносло́влю и҆ погребе́нїе твоѐ со воскрⷭ҇нїемъ, зовы́й: / гдⷭ҇и сла́ва тебѣ̀."
|
|
},
|
|
{
|
|
"type": "TEXT",
|
|
"value": "И҆ ны́нѣ, гла́съ є҃: Воскрⷭ҇нїѧ де́нь, / и҆ просвѣти́мсѧ торжество́мъ, / и҆ дрꙋ́гъ дрꙋ́га ѡ҆б̾и́мемъ. / рце́мъ бра́тїе, / и҆ ненави́дѧщымъ на́съ, / прости́мъ всѧ̑ воскрⷭ҇нїемъ, / и҆ та́кѡ возопїи́мъ: / хрⷭ҇то́съ воскре́се и҆з̾ ме́ртвыхъ, / сме́ртїю сме́рть попра́въ, / и҆ сꙋ́щымъ во гробѣ́хъ живо́тъ дарова́въ. Є҆ди́ножды."
|
|
},
|
|
{
|
|
"type": "TEXT",
|
|
"value": "Та́же, Ны́нѣ ѿпꙋща́еши: На бл҃гослове́нїи хлѣ́бѡвъ тропа́рь Бцⷣе дв҃о: три́жды. И҆ ѻ҆бы́чное чте́нїе дѣѧ́нїй."
|
|
},
|
|
{
|
|
"type": "TEXT",
|
|
"value": "[зрѝ] А҆́ще ли слꙋчи́тсѧ не бы́ти бдѣ́нїю: пою́тсѧ на Гдⷭ҇и воззва́хъ: стїхи̑ры воскре́сны, д҃. и҆ мѷроно́сицъ съ лїті́йными, на ѕ҃. Вхо́дъ. Прокі́менъ. На стїхо́внѣ стїхи̑ры па́схи. Сла́ва, и҆ ны́нѣ: гла́съ є҃, Тебѐ ѡ҆дѣ́ющагосѧ свѣ́томъ: На полꙋ́нощницѣ канѡ́нъ трⷪ҇ченъ пое́тсѧ по ѻ҆бы́чаю."
|
|
},
|
|
{
|
|
"type": "TEXT",
|
|
"value": "Вѣ́домо же бꙋ́ди, ꙗ҆́кѡ ѿ недѣ́ли ст҃а́гѡ ѳѡмы̀, не быва́етъ хлѣболомле́нїе по бл҃гослове́нїи хлѣ́бѡвъ, за кра́ткость но́щи."
|
|
},
|
|
{
|
|
"type": "HEADER",
|
|
"value": "Въ недѣ́лю г҃-ю по па́сцѣ, ст҃ы́хъ мѷроно́сицъ, на ᲂу҆́трени."
|
|
},
|
|
{
|
|
"type": "HEADER",
|
|
"value": "На Бг҃ъ гдⷭ҇ь: тропа́рь, гла́съ в҃."
|
|
},
|
|
{
|
|
"type": "TEXT",
|
|
"value": "Є҆ гда̀ снизше́лъ є҆сѝ къ сме́рти, животѐ безсме́ртный, / тогда̀ а҆́дъ ᲂу҆мертви́лъ є҆сѝ блиста́нїемъ бж҃ества̀. / є҆гда́ же и҆ ᲂу҆ме́ршыѧ ѿ преиспо́днихъ воскр҃си́лъ є҆сѝ, / всѧ̑ си̑лы нбⷭ҇ныѧ взыва́хꙋ: / жизнода́вче хрⷭ҇тѐ бж҃е на́шъ, сла́ва тебѣ̀. [Два́жды]."
|
|
},
|
|
{
|
|
"type": "TEXT",
|
|
"value": "Сла́ва: Бл҃гоѡбра́зный і҆ѡ́сифъ, / съ дре́ва сне́мъ пречⷭ҇тое твоѐ тѣ́ло, / плащани́цею чⷭ҇тою ѡ҆бви́въ, / и҆ бл҃гоꙋха́ньми во гро́бѣ но́вѣ закры́въ положѝ: / но тридне́венъ воскрⷭ҇лъ є҆сѝ гдⷭ҇и, / подаѧ̀ мі́рови ве́лїю млⷭ҇ть."
|
|
},
|
|
{
|
|
"type": "TEXT",
|
|
"value": "И҆ ны́нѣ: Мѷроно́сицамъ жена́мъ при гро́бѣ предста́въ а҆́гг҃лъ вопїѧ́ше: / мѵ̑ра мє́ртвымъ сꙋ́ть прили̑чна, / хрⷭ҇то́съ же и҆стлѣ́нїѧ ꙗ҆ви́сѧ чꙋ́ждь. / но возопі́йте: воскр҃се гдⷭ҇ь, / подаѧ̀ мі́рови ве́лїю млⷭ҇ть."
|
|
},
|
|
{
|
|
"type": "HEADER",
|
|
"value": "По а҃-мъ стїхосло́вїи сѣда́льны, гла́съ в҃:"
|
|
},
|
|
{
|
|
"type": "TEXT",
|
|
"value": "К а́мень гро́бный запеча́тати не возбрани́въ, / ка́мень вѣ́ры воскр҃съ по́далъ є҆сѝ всѣ̑мъ, / гдⷭ҇и сла́ва тебѣ̀."
|
|
},
|
|
{
|
|
"type": "TEXT",
|
|
"value": "Сті́хъ: Воскрⷭ҇нѝ гдⷭ҇и бж҃е мо́й, да вознесе́тсѧ рꙋка̀ твоѧ̀, / не забꙋ́ди ᲂу҆бо́гихъ твои́хъ до конца̀."
|
|
},
|
|
{
|
|
"type": "TEXT",
|
|
"value": "Н ѣ́дро пречⷭ҇тое въ вы́шнихъ не и҆стощи́вый, / погребе́нїе и҆ воскресе́нїе ѡ҆ всѣ́хъ прїѧ́лъ є҆сѝ: / гдⷭ҇и сла́ва тебѣ̀."
|
|
},
|
|
{
|
|
"type": "TEXT",
|
|
"value": "Сла́ва, и҆ ны́нѣ, бг҃оро́диченъ: Всѧ̑ па́че смы́сла, / всѧ̑ пресла̑внаѧ твоѧ̑ бцⷣе, та̑инства, / чистотѣ̀ запеча́танной, и҆ дѣ́вствꙋ храни́мꙋ, / мт҃и позна́ласѧ є҆сѝ нело́жна, / бг҃а ро́ждши и҆́стиннаго: / того̀ молѝ сп҃сти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "По в҃-мъ стїхосло́вїи сѣда́льны, гла́съ в҃:"
|
|
},
|
|
{
|
|
"type": "TEXT",
|
|
"value": "М ѷронѡ́сицы ᲂу҆́трѡ прише́дшыѧ, / и҆ гро́бъ то́щь ви́дѣвшыѧ, а҆пⷭ҇лѡмъ глаго́лахꙋ: / тлѣ́нїе низложѝ держа́вный, / и҆ сꙋ́щыѧ во а҆́дѣ и҆схитѝ ᲂу҆́зъ: / проповѣ́дите дерзнове́нїемъ, ꙗ҆́кѡ воскре́се хрⷭ҇то́съ бг҃ъ, / да́рꙋѧй мі́рови ве́лїю ми́лость."
|
|
},
|
|
{
|
|
"type": "TEXT",
|
|
"value": "Сті́хъ: И҆сповѣ́мсѧ тебѣ̀ гдⷭ҇и, всѣ́мъ се́рдцемъ мои́мъ, / повѣ́мъ всѧ̑ чꙋдеса̀ твоѧ̑."
|
|
},
|
|
{
|
|
"type": "TEXT",
|
|
"value": "М ѵ́ры погребе́нїѧ твоегѡ̀ жєны̀ носѧ́щѧ, / та́й ко гро́бꙋ прїидо́ша ᲂу҆ра́нше, / і҆ꙋде́йскїѧ боѧ́щесѧ де́рзости, / и҆ во́инѡвъ предзрѧ́ще ᲂу҆твержде́нїе. / но є҆стество̀ немощно́е мꙋ́жество побѣдѝ: / ꙗ҆́кѡ намѣ́ренїе ми́лостивное бг҃ꙋ ᲂу҆годѝ. / прили́чнѡ ᲂу҆́бѡ взыва́хꙋ: / воскреснѝ гдⷭ҇и, помозѝ на́мъ, / и҆ и҆зба́ви на́съ сла́вы ра́ди и҆́мене твоегѡ̀."
|
|
},
|
|
{
|
|
"type": "TEXT",
|
|
"value": "Сла́ва, и҆ ны́нѣ, бг҃оро́диченъ: Препросла́вленна є҆сѝ бцⷣе дв҃о, пое́мъ тѧ̀: / крⷭ҇то́мъ бо сн҃а твоегѡ̀ / низложи́сѧ а҆́дъ, и҆ сме́рть ᲂу҆мертви́сѧ, / ᲂу҆мерщвле́ннїи воста́хомъ, и҆ живота̀ сподо́бихомсѧ: / ра́й воспрїѧ́хомъ дре́внее наслажде́нїе. / тѣ́мъ бл҃годарѧ́ще, / славосло́вимъ ꙗ҆́кѡ держа́внаго хрⷭ҇та̀ бг҃а на́шего, / и҆ є҆ди́наго многомлⷭ҇тиваго."
|
|
},
|
|
{
|
|
"type": "TEXT",
|
|
"value": "И҆ чте́нїе во є҆ѵⷢ҇лїи толково́мъ по чи́нꙋ своемꙋ̀."
|
|
},
|
|
{
|
|
"type": "TEXT",
|
|
"value": "По непоро́чнахъ тропарѝ: А҆́гг҃льскїй собо́ръ:"
|
|
},
|
|
{
|
|
"type": "HEADER",
|
|
"value": "И҆ а҆́бїе ѵ҆пакоѝ. Гла́съ в҃:"
|
|
},
|
|
{
|
|
"type": "TEXT",
|
|
"value": "П о стрⷭ҇ти ше́дшѧ во гро́бъ жєны̀, / во є҆́же пома́зати тѣ́ло твоѐ хрⷭ҇тѐ бж҃е, / ви́дѣша а҆́гг҃лы во гро́бѣ, и҆ ᲂу҆жасо́шасѧ: / гла́съ бо слы́шахꙋ ѿ ни́хъ, ꙗ҆́кѡ воскр҃се гдⷭ҇ь, / да́рꙋѧ мі́рови ве́лїю млⷭ҇ть."
|
|
},
|
|
{
|
|
"type": "TEXT",
|
|
"value": "И҆ чте́нїе."
|
|
},
|
|
{
|
|
"type": "HEADER",
|
|
"value": "И҆ а҆́бїе степє́нны, гла́съ в҃, по два́жды. А҆нтїфѡ́нъ а҃:"
|
|
},
|
|
{
|
|
"type": "TEXT",
|
|
"value": "Н а нб҃о ѻ҆́чи пꙋща́ю моегѡ̀ се́рдца, къ тебѣ̀ сп҃се, / сп҃си́ мѧ твои́мъ ѡ҆сїѧ́нїемъ."
|
|
},
|
|
{
|
|
"type": "TEXT",
|
|
"value": "П оми́лꙋй на́съ согрѣша́ющихъ тебѣ̀ мно́гѡ, / на всѧ́кїй ча́съ, ѽ хрⷭ҇тѐ мо́й, / и҆ да́ждь ѡ҆́бразъ пре́жде конца̀ пока́ѧтисѧ тебѣ̀."
|
|
},
|
|
{
|
|
"type": "TEXT",
|
|
"value": "Сла́ва: Ст҃о́мꙋ дх҃ꙋ, є҆́же ца́рствовати подоба́етъ, / ѡ҆свѧща́ти, подвиза́ти тва́рь: / бг҃ъ бо є҆́сть, є҆диносꙋ́щенъ ѻ҆ц҃ꙋ̀ и҆ сло́вꙋ."
|
|
},
|
|
{
|
|
"type": "TEXT",
|
|
"value": "И҆ ны́нѣ, то́йже."
|
|
},
|
|
{
|
|
"type": "HEADER",
|
|
"value": "А҆нтїфѡ́нъ в҃:"
|
|
},
|
|
{
|
|
"type": "TEXT",
|
|
"value": "А҆́ ще не гдⷭ҇ь бы бы́лъ въ на́съ, / кто̀ дово́ленъ цѣ́лъ сохране́нъ бы́ти ѿ врага̀, / кꙋ́пнѡ и҆ человѣкоꙋбі́йцы;"
|
|
},
|
|
{
|
|
"type": "TEXT",
|
|
"value": "З ꙋбѡ́мъ и҆́хъ не преда́ждь сп҃се, твоегѡ̀ раба̀: / и҆́бо льво́вымъ ѡ҆́бразомъ на мѧ̀ подвиза́ютсѧ вразѝ моѝ."
|
|
},
|
|
{
|
|
"type": "TEXT",
|
|
"value": "Сла́ва: Ст҃о́мꙋ дх҃ꙋ живонача́лїе и҆ че́сть: / всѧ̑ бо созда̑ннаѧ, / ꙗ҆́кѡ бг҃ъ сы́й си́лою / соблюда́етъ во ѻ҆ц҃ѣ̀, сн҃омъ же."
|
|
},
|
|
{
|
|
"type": "TEXT",
|
|
"value": "И҆ ны́нѣ, то́йже."
|
|
},
|
|
{
|
|
"type": "HEADER",
|
|
"value": "А҆нтїфѡ́нъ г҃:"
|
|
},
|
|
{
|
|
"type": "TEXT",
|
|
"value": "Н адѣ́ющїисѧ на гдⷭ҇а, ᲂу҆подо́бишасѧ горѣ̀ ст҃ѣ́й: / и҆̀же ника́коже дви́жꙋтсѧ прило́ги вра́жїими."
|
|
},
|
|
{
|
|
"type": "TEXT",
|
|
"value": "В ъ беззако́нїи рꙋ́къ свои́хъ да не про́стрꙋтъ бж҃е́ственнѣ живꙋ́щїи: / не ѡ҆ставлѧ́етъ во хрⷭ҇то́съ жезла̀ на жре́бїи свое́мъ."
|
|
},
|
|
{
|
|
"type": "TEXT",
|
|
"value": "Сла́ва: Ст҃ы́мъ дх҃омъ то́читсѧ всѧ́ка премꙋ́дрость: / ѿсю́дꙋ бл҃года́ть а҆пⷭ҇лѡмъ, / и҆ страда́льчествы вѣнча́ютсѧ мч҃нцы, и҆ прⷪ҇ро́цы зрѧ́тъ."
|
|
},
|
|
{
|
|
"type": "TEXT",
|
|
"value": "И҆ ны́нѣ, то́йже."
|
|
},
|
|
{
|
|
"type": "HEADER",
|
|
"value": "Прокі́менъ, гла́съ в҃:"
|
|
},
|
|
{
|
|
"type": "TEXT",
|
|
"value": "В оста́ни гдⷭ҇и бж҃е мо́й повелѣ́нїемъ, и҆́мже заповѣ́далъ є҆сѝ, / и҆ со́нмъ люде́й ѡ҆бы́детъ тѧ̀. Сті́хъ: Гдⷭ҇и бж҃е мо́й, на тѧ̀ ᲂу҆пова́хъ, спаси́ мѧ."
|
|
},
|
|
{
|
|
"type": "TEXT",
|
|
"value": "Та́же дрꙋгі́й прокі́менъ: Всѧ́кое дыха́нїе / да хва́литъ гдⷭ҇а. Сті́хъ: Хвали́те бг҃а во ст҃ы́хъ є҆гѡ̀, хвали́те є҆го̀ во ᲂу҆твержде́нїи си́лы є҆гѡ̀."
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе ᲂу҆́треннее воскре́сное г҃, ѿ ма́рка, зача́ло ѻ҃а:"
|
|
},
|
|
{
|
|
"type": "TEXT",
|
|
"value": "В о вре́мѧ ѻ҆́но, воскре́съ і҆и҃съ заꙋ́тра, въ пе́рвꙋю сꙋббѡ́тꙋ, ꙗ҆ви́сѧ пре́жде марі́и магдали́ни, и҆з̾ неѧ́же и҆згна̀ се́дмь бѣсѡ́въ. ѻ҆на́ же ше́дши возвѣстѝ съ ни́мъ бы́вшымъ, пла́чꙋщымсѧ и҆ рыда́ющымъ. и҆ ѻ҆нѝ слы́шавше, ꙗ҆́кѡ жи́въ є҆́сть, и҆ ви́дѣнъ бы́сть ѿ неѧ̀, не ꙗ҆́ша вѣ́ры. по си́хъ же двѣма̀ ѿ ни́хъ грѧдꙋ́щема ꙗ҆ви́сѧ и҆нѣ́мъ ѻ҆́бразомъ, и҆дꙋ́щема на село̀. и҆ та̀ ше́дша возвѣсти́ста про́чымъ: и҆ ни тѣ́ма вѣ́ры ꙗ҆́ша. послѣди́ же возлежа́щымъ и҆̀мъ є҆диномꙋна́десѧте ꙗ҆ви́сѧ, и҆ поносѝ невѣ́рствїю и҆́хъ, и҆ жестосе́рдїю, ꙗ҆́кѡ ви́дѣвшымъ є҆го̀ воста́вша не ꙗ҆́ша вѣ́ры. и҆ речѐ и҆̀мъ: ше́дше въ мі́ръ ве́сь, проповѣ́дите є҆ѵⷢ҇лїе все́й тва́ри. и҆́же вѣ́рꙋ и҆ме́тъ и҆ крести́тсѧ, спасе́нъ бꙋ́детъ: а҆ и҆́же не и҆ме́тъ вѣ́ры, ѡ҆сꙋжде́нъ бꙋ́детъ. зна́мєнїѧ же вѣ́ровавшымъ сїѧ̀ послѣ́дꙋютъ: и҆́менемъ мои́мъ бѣ́сы и҆жденꙋ́тъ, ѧ҆зы́ки возглаго́лютъ но́вы: ѕмїѧ̑ во́з̾мꙋтъ: а҆́ще и҆ что̀ сме́ртно и҆спїю́тъ, не вреди́тъ и҆́хъ: на недꙋ̑жныѧ рꙋ́ки возложа́тъ, и҆ здра́ви бꙋ́дꙋтъ. гдⷭ҇ь же ᲂу҆̀бо по глаго́ланїи є҆гѡ̀ къ ни́мъ, вознесе́сѧ на нб҃о, и҆ сѣ́де ѡ҆деснꙋ́ю бг҃а. ѻ҆ни́ же и҆зше́дше проповѣ́даша всю́дꙋ, гдⷭ҇ꙋ поспѣ́шствꙋющꙋ, и҆ сло́во ᲂу҆твержа́ющꙋ послѣ́дствꙋющими зна́меньми, а҆ми́нь."
|
|
},
|
|
{
|
|
"type": "HEADER",
|
|
"value": "Та́же глаго́лемъ три́жды:"
|
|
},
|
|
{
|
|
"type": "TEXT",
|
|
"value": "В оскрⷭ҇нїе хрⷭ҇то́во ви́дѣвше, / поклони́мсѧ ст҃о́мꙋ гдⷭ҇ꙋ і҆и҃сꙋ, / є҆ди́номꙋ безгрѣ́шномꙋ. / крⷭ҇тꙋ̀ твоемꙋ̀ покланѧ́емсѧ хрⷭ҇тѐ, / и҆ ст҃о́е воскрⷭ҇нїе твоѐ пое́мъ и҆ сла́вимъ: / ты́ бо є҆сѝ бг҃ъ на́шъ, / ра́звѣ тебѐ и҆но́гѡ не зна́емъ, / и҆́мѧ твоѐ и҆менꙋ́емъ. / прїиди́те всѝ вѣ́рнїи, / поклони́мсѧ ст҃о́мꙋ хрⷭ҇то́вꙋ воскрⷭ҇нїю: / се́ бо прїи́де крⷭ҇то́мъ ра́дость всемꙋ̀ мі́рꙋ. / всегда̀ бл҃гословѧ́ще гдⷭ҇а, / пое́мъ воскрⷭ҇нїе є҆гѡ̀: / распѧ́тїе бо претерпѣ́въ, / сме́ртїю сме́рть разрꙋшѝ."
|
|
},
|
|
{
|
|
"type": "TEXT",
|
|
"value": "Ѱало́мъ н҃, и҆ про́чее."
|
|
},
|
|
{
|
|
"type": "TEXT",
|
|
"value": "Канѡ́нъ па́схи со і҆рмосо́мъ, и҆ съ бг҃оро́дичны є҆гѡ̀, на ѕ҃. Та́же настоѧ́щїѧ недѣ́ли, трїѡ́ди канѡ́нъ на и҃, гла́съ в҃: Творе́нїе гдⷭ҇и́на а҆ндре́а кри́тскагѡ. Катава́сїа: Воскрⷭ҇нїѧ де́нь:"
|
|
},
|
|
{
|
|
"type": "HEADER",
|
|
"value": "Канѡ́нъ па́схи. Гла́съ а҃. Пѣ́снь а҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Воскрⷭ҇нїѧ де́нь, / просвѣти́мсѧ лю́дїе: / па́сха, гдⷭ҇нѧ па́сха! / ѿ сме́рти бо къ жи́зни, / и҆ ѿ землѝ къ нб҃сѝ, / хрⷭ҇то́съ бг҃ъ на́съ преведѐ, / побѣ́днꙋю пою́щыѧ."
|
|
},
|
|
{
|
|
"type": "TEXT",
|
|
"value": "Припѣ́въ: Хрⷭ҇то́съ воскре́се и҆з̾ ме́ртвыхъ."
|
|
},
|
|
{
|
|
"type": "TEXT",
|
|
"value": "Ѡ҆ чи́стимъ чꙋ̑вствїѧ, и҆ ᲂу҆́зримъ / непристꙋ́пнымъ свѣ́томъ / воскресе́нїѧ, хрⷭ҇та̀ блиста́ющасѧ, / и҆ ра́дꙋйтесѧ, рекꙋ́ща / ꙗ҆́снѡ да ᲂу҆слы́шимъ, / побѣ́днꙋю пою́ще."
|
|
},
|
|
{
|
|
"type": "TEXT",
|
|
"value": "Припѣ́въ: Хрⷭ҇то́съ воскре́се и҆з̾ ме́ртвыхъ."
|
|
},
|
|
{
|
|
"type": "TEXT",
|
|
"value": "Н б҃са̀ ᲂу҆̀бо досто́йнѡ да веселѧ́тсѧ, / землѧ́ же да ра́дꙋетсѧ, / да пра́зднꙋетъ же мі́ръ, / ви́димый же ве́сь и҆ неви́димый: / хрⷭ҇то́съ бо воста̀, / весе́лїе вѣ́чное."
|
|
},
|
|
{
|
|
"type": "HEADER",
|
|
"value": "И҆́ный канѡ́нъ бг҃оро́диченъ, подо́бенъ. Є҆гѡ́же краестро́чїе на пе́рвыхъ тропарѣ́хъ: Ѳеофа́нꙋсъ. Гла́съ то́йже."
|
|
},
|
|
{
|
|
"type": "TEXT",
|
|
"value": "Припѣ́въ: Прест҃а́ѧ бцⷣе, сп҃сѝ на́съ."
|
|
},
|
|
{
|
|
"type": "TEXT",
|
|
"value": "Оу҆ мерщвле́нїѧ предѣ́лъ сломи́ла є҆сѝ, / вѣ́чнꙋю жи́знь ро́ждшаѧ хрⷭ҇та̀, и҆з̾ гро́ба возсїѧ́вшаго дне́сь, / дв҃о всенепоро́чнаѧ, и҆ мі́ръ просвѣти́вшаго."
|
|
},
|
|
{
|
|
"type": "TEXT",
|
|
"value": "Припѣ́въ: Прест҃а́ѧ бцⷣе, сп҃сѝ на́съ."
|
|
},
|
|
{
|
|
"type": "TEXT",
|
|
"value": "В оскре́сшаго ви́дѣвши сн҃а твоего̀ и҆ бг҃а, / ра́дꙋйсѧ со а҆пⷭ҇лы бг҃обл҃года́тнаѧ чⷭ҇таѧ: / и҆ є҆́же ра́дꙋйсѧ пе́рвѣе, ꙗ҆́кѡ всѣ́хъ ра́дости вина̀, / воспрїѧ́ла є҆сѝ, бг҃омт҃и всенепоро́чнаѧ."
|
|
},
|
|
{
|
|
"type": "HEADER",
|
|
"value": "И҆́ный канѡ́нъ мѷроно́сицъ, въ не́мже поста́вимъ стїхѡ́въ и҃. Пѣ́снь а҃. Гла́съ в҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Мѡѷсе́йскꙋю пѣ́снь воспрїи́мши, возопі́й дꙋшѐ: / помо́щникъ и҆ покрови́тель бы́сть мнѣ̀ во спасе́нїе, / се́й мо́й бг҃ъ, и҆ просла́влю є҆го̀."
|
|
},
|
|
{
|
|
"type": "TEXT",
|
|
"value": "Р аспѧ́лсѧ є҆сѝ пло́тїю, безстра́стный є҆стество́мъ ѻ҆́ч҃имъ: / прободе́нъ бы́лъ є҆сѝ въ ре́бра, и҆сточи́вый мі́рови кро́вь и҆ во́дꙋ: / ты̀ бг҃ъ на́шъ, и҆ прославлѧ́емъ тѧ̀."
|
|
},
|
|
{
|
|
"type": "TEXT",
|
|
"value": "К рⷭ҇тъ тво́й почита́ю, и҆ погребе́нїе сла́влю бл҃же, / и҆ пою̀, и҆ покланѧ́юсѧ воста́нїю твоемꙋ̀, и҆ взыва́ю: / ты̀ бг҃ъ на́шъ, и҆ прославлѧ́емъ тѧ̀."
|
|
},
|
|
{
|
|
"type": "TEXT",
|
|
"value": "А҆́ ще и҆ вкꙋси́лъ є҆сѝ же́лчи, сла́досте цр҃ко́внаѧ, / но и҆сточи́лъ є҆сѝ на́мъ нетлѣ́нїе ѿ ре́бръ твои́хъ: / ты̀ бг҃ъ на́шъ, и҆ прославлѧ́емъ тѧ̀."
|
|
},
|
|
{
|
|
"type": "TEXT",
|
|
"value": "В мѣни́лсѧ є҆сѝ сп҃се съ ме́ртвыми, мє́ртвыѧ воздви́гнꙋвый, / вкꙋси́лъ є҆сѝ тлѝ: / и҆стлѣ́нїѧ бо всѧ́кѡ не позна́лъ є҆сѝ: / ты̀ бг҃ъ на́шъ, и҆ прославлѧ́емъ тѧ̀."
|
|
},
|
|
{
|
|
"type": "TEXT",
|
|
"value": "Д а весели́тсѧ сїѡ́нъ, да ра́дꙋетсѧ и҆ нб҃о, / воскре́се хрⷭ҇то́съ, мє́ртвыѧ воздви́гнꙋвый, пѣсносло́вѧщыѧ: / ты̀ бг҃ъ на́шъ, и҆ прославлѧ́емъ тѧ̀."
|
|
},
|
|
{
|
|
"type": "TEXT",
|
|
"value": "П лащани́цами ѡ҆бви́въ і҆ѡ́сифъ тѣ́ло твоѐ хрⷭ҇тѐ, / во гро́бѣ но́вѣ положи́ тѧ спасе́нїе: / ты́ же мє́ртвыѧ ꙗ҆́кѡ бг҃ъ воскреси́лъ є҆сѝ."
|
|
},
|
|
{
|
|
"type": "TEXT",
|
|
"value": "П редвари́вшыѧ ᲂу҆́тро жєны̀, ви́дѣша хрⷭ҇та̀, / и҆ бж҃є́ственнымъ вопїѧ́хꙋ ᲂу҆ченикѡ́мъ: / вои́стиннꙋ хрⷭ҇то́съ воскре́се, / прїиди́те съ на́ми воспо́йте є҆го̀."
|
|
},
|
|
{
|
|
"type": "TEXT",
|
|
"value": "Сла́ва: Всест҃а́ѧ трⷪ҇це, є҆ди́но бж҃ество̀, безнача́льнаѧ є҆ди́нице, / ѻ҆́ч҃е и҆ сн҃е и҆ бж҃е́ственный дш҃е, спаса́й мі́ръ: / ты̀ бг҃ъ на́шъ, и҆ прославлѧ́емъ тѧ̀."
|
|
},
|
|
{
|
|
"type": "TEXT",
|
|
"value": "И҆ ны́нѣ: Дре́внюю клѧ́твꙋ разрѣши́вши чи́стаѧ, во ᲂу҆тро́бѣ твое́й / возрасти́ла є҆сѝ на́мъ бл҃гослове́нїе, младе́нца роди́вши: / се́й бо бг҃ъ, а҆́ще и҆ пло́ть но́ситъ."
|
|
},
|
|
{
|
|
"type": "TEXT",
|
|
"value": "Катава́сїа: Воскрⷭ҇нїѧ де́нь, / просвѣти́мсѧ лю́дїе: / па́сха, гдⷭ҇нѧ па́сха! / ѿ сме́рти бо къ жи́зни, / и҆ ѿ землѝ къ нб҃сѝ, / хрⷭ҇то́съ бг҃ъ на́съ преведѐ, / побѣ́днꙋю пою́щыѧ."
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Прїиди́те пи́во пїе́мъ но́вое, / не ѿ ка́мене непло́дна чꙋдодѣ́емое, / но нетлѣ́нїѧ и҆сто́чникъ, / и҆з̾ гро́ба ѡ҆дожди́вша хрⷭ҇та̀, / въ не́мже ᲂу҆твержда́емсѧ."
|
|
},
|
|
{
|
|
"type": "TEXT",
|
|
"value": "Припѣ́въ: Хрⷭ҇то́съ воскре́се и҆з̾ ме́ртвыхъ."
|
|
},
|
|
{
|
|
"type": "TEXT",
|
|
"value": "Н ы́нѣ всѧ̑ и҆спо́лнишасѧ свѣ́та, / нб҃о же и҆ землѧ̀ и҆ преиспѡ́днѧѧ: / да пра́зднꙋетъ ᲂу҆̀бо всѧ̀ тва́рь / воста́нїе хрⷭ҇то́во, / въ не́мже ᲂу҆твержда́етсѧ."
|
|
},
|
|
{
|
|
"type": "TEXT",
|
|
"value": "Припѣ́въ: Хрⷭ҇то́съ воскре́се и҆з̾ ме́ртвыхъ."
|
|
},
|
|
{
|
|
"type": "TEXT",
|
|
"value": "В чера̀ спогребо́хсѧ тебѣ̀ хрⷭ҇тѐ, / совостаю̀ дне́сь / воскрⷭ҇шꙋ тебѣ̀, / сраспина́хсѧ тебѣ̀ вчера̀, / са́мъ мѧ̀ спросла́ви сп҃се во црⷭ҇твїи твое́мъ."
|
|
},
|
|
{
|
|
"type": "TEXT",
|
|
"value": "Припѣ́въ: Прест҃а́ѧ бцⷣе, сп҃сѝ на́съ."
|
|
},
|
|
{
|
|
"type": "TEXT",
|
|
"value": "Н а нетлѣ́ннꙋю жи́знь / прихождꙋ̀ дне́сь бл҃гостїю ро́ждшагѡсѧ и҆з̾ тебѐ чи́стаѧ, / и҆ всѣ̑мъ концє́мъ свѣ́тъ ѡ҆блиста́вшагѡ."
|
|
},
|
|
{
|
|
"type": "TEXT",
|
|
"value": "Припѣ́въ: Прест҃а́ѧ бцⷣе, сп҃сѝ на́съ."
|
|
},
|
|
{
|
|
"type": "TEXT",
|
|
"value": "Б г҃а є҆го́же родила̀ є҆сѝ пло́тїю, и҆з̾ ме́ртвыхъ, / ꙗ҆́коже речѐ, воста́вша ви́дѣвши чⷭ҇таѧ, ликꙋ́й, / и҆ сегѡ̀ ꙗ҆́кѡ бг҃а пречи́стаѧ возвелича́й."
|
|
},
|
|
{
|
|
"type": "HEADER",
|
|
"value": "И҆́нъ. І҆рмо́съ:"
|
|
},
|
|
{
|
|
"type": "TEXT",
|
|
"value": "Непло́дствовавшїй мо́й ᲂу҆́мъ, / плодоно́сенъ бж҃е покажѝ мѝ, / дѣ́лателю до́брыхъ насади́телю бл҃ги́хъ, / бл҃гоꙋтро́бїемъ твои́мъ."
|
|
},
|
|
{
|
|
"type": "TEXT",
|
|
"value": "Д ла̑ни на крⷭ҇тѣ̀ просте́рлъ є҆сѝ і҆и҃се, / ꙗ҆зы́ки всѧ̑ ѿ пре́лести собра́въ, / къ позна́нїю твоемꙋ̀ созва́лъ є҆сѝ сп҃се."
|
|
},
|
|
{
|
|
"type": "TEXT",
|
|
"value": "І҆ ꙋде́йстїи лю́дїе пїла́тꙋ вопїю́тъ: / ѿпꙋстѝ на́мъ ѕлодѣ́йственнаго разбо́йника, / возмѝ, возмѝ распнѝ безгрѣ́шнаго."
|
|
},
|
|
{
|
|
"type": "TEXT",
|
|
"value": "Р аспе́ншꙋсѧ тебѣ̀ хрⷭ҇тѐ, помрачи́сѧ свѣ́тъ, землѧ̀ потрѧсе́сѧ, / и҆ и҆з̾ гробѡ́въ ме́ртвїи воста́ша мно́зи, стра́хомъ держа́вы твоеѧ̀."
|
|
},
|
|
{
|
|
"type": "TEXT",
|
|
"value": "П редстоѧ́щи крⷭ҇тꙋ̀ а҆́гница твоѧ̀ і҆и҃се, пла́чемъ вопїѧ́ше: / ка́мѡ и҆́деши сн҃е; / ка́мѡ грѧде́ши а҆́гнче, за всѣ́хъ закла́выйсѧ;"
|
|
},
|
|
{
|
|
"type": "TEXT",
|
|
"value": "П окланѧ́юсѧ твоемꙋ̀ крⷭ҇тꙋ̀, воспѣва́ю и҆ погребе́нїе, / почита́ю стрⷭ҇ти, и҆ гвѡ́здїѧ рꙋкꙋ̀, и҆ копїѐ і҆и҃се, / и҆ воскресе́нїе твоѐ."
|
|
},
|
|
{
|
|
"type": "TEXT",
|
|
"value": "В оскре́слъ є҆сѝ і҆и҃се, плѣне́нъ бы́сть вра́гъ, / а҆да́мъ и҆зба́висѧ, и҆ є҆́ѵа съ ни́мъ ѿ ᲂу҆́зъ и҆ тлѝ, воскресе́нїемъ твои́мъ."
|
|
},
|
|
{
|
|
"type": "TEXT",
|
|
"value": "В оскре́сшꙋ тебѣ̀ хрⷭ҇тѐ, / сокрꙋши́шасѧ верєѝ и҆ врата̀ а҆́дова, / и҆ смє́ртныѧ ᲂу҆́зы разрꙋши́шасѧ, а҆́бїе стра́хомъ держа́вы твоеѧ̀."
|
|
},
|
|
{
|
|
"type": "TEXT",
|
|
"value": "Б г҃опрїе́мче і҆ѡ́сифе грѧдѝ, ста́ни съ на́ми, / воскре́се зовы́й, і҆и҃съ и҆зба́витель, / воздви́гнꙋвый а҆да́ма бл҃гоꙋтро́бїемъ свои́мъ."
|
|
},
|
|
{
|
|
"type": "TEXT",
|
|
"value": "Д а ра́дꙋетсѧ съ на́ми ᲂу҆ченикѡ́въ двоенадесѧ́тица, / съ мѷроно́сицами жена́ми и҆ і҆ѡ́сифомъ, / и҆ со дрꙋги́ми ᲂу҆ченикѝ и҆ ᲂу҆чени́цами хрⷭ҇то́выми."
|
|
},
|
|
{
|
|
"type": "TEXT",
|
|
"value": "Сла́ва: Со ѻ҆ц҃е́мъ и҆ сн҃ꙋ и҆ дх҃ꙋ пра́вомꙋ, / є҆ди́номꙋ є҆стествꙋ̀ покланѧ́юсѧ и҆ воспѣва́ю, / ли́цы раздѣлѧ́ѧ, и҆ сꙋщество́мъ соединѧ́ѧ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ: Бл҃же́нна є҆сѝ чⷭ҇таѧ, и҆з̾ ко́рене і҆ессе́ова сꙋ́щаѧ, / и҆з̾ негѡ́же же́злъ и҆ цвѣ́тъ хрⷭ҇та̀, по пло́ти на́съ ра́ди возрасти́вшаѧ."
|
|
},
|
|
{
|
|
"type": "TEXT",
|
|
"value": "Катава́сїа: Прїиди́те пи́во пїе́мъ но́вое, / не ѿ ка́мене непло́дна чꙋдодѣ́емое, / но нетлѣ́нїѧ и҆сто́чникъ, / и҆з̾ гро́ба ѡ҆дожди́вша хрⷭ҇та̀, / въ не́мже ᲂу҆твержда́емсѧ."
|
|
},
|
|
{
|
|
"type": "HEADER",
|
|
"value": "Конда́къ, гла́съ и҃."
|
|
},
|
|
{
|
|
"type": "TEXT",
|
|
"value": "А҆́ ще и҆ во гро́бъ снизше́лъ є҆сѝ безсме́ртне, / но а҆́довꙋ разрꙋши́лъ є҆сѝ си́лꙋ, / и҆ воскре́слъ є҆сѝ ꙗ҆́кѡ побѣди́тель хрⷭ҇тѐ бж҃е, / жена́мъ мѷроно́сицамъ вѣща́вый: ра́дꙋйтесѧ, / и҆ твои́мъ а҆пⷭ҇лѡмъ ми́ръ да́рꙋѧй, / па́дшымъ подаѧ́й воскресе́нїе."
|
|
},
|
|
{
|
|
"type": "TEXT",
|
|
"value": "І҆́косъ: Є҆́же пре́жде со́лнца сл҃нце заше́дшее и҆ногда̀ во гро́бъ, / предвари́ша ко ᲂу҆́трꙋ, и҆́щꙋщыѧ ꙗ҆́кѡ днѐ мѷронѡ́сицы дѣ̑вы, / и҆ дрꙋга̀ ко дрꙋзѣ́й вопїѧ́хꙋ: / ѽ дрꙋги́ни! прїиди́те, вонѧ́ми пома́жемъ тѣ́ло живоно́сное и҆ погребе́ное, / пло́ть воскреси́вшагѡ па́дшаго а҆да́ма, лежа́щꙋю во гро́бѣ. / и҆́демъ, потщи́мсѧ ꙗ҆́коже волсвѝ, и҆ поклони́мсѧ, / и҆ принесе́мъ мѵ̑ра ꙗ҆́кѡ да́ры, не въ пелена́хъ, но въ плащани́цѣ ѡ҆бви́томꙋ, / и҆ пла́чимъ, и҆ возопїи́мъ: ѽ влⷣко, воста́ни, / па́дшымъ подаѧ́й воскресе́нїе."
|
|
},
|
|
{
|
|
"type": "HEADER",
|
|
"value": "И҆ сѣда́ленъ гла́съ в҃. Подо́бенъ: Вы́шнихъ и҆щѧ̀:"
|
|
},
|
|
{
|
|
"type": "TEXT",
|
|
"value": "М ѵ́ра те́плѣ гро́бꙋ прино́сѧтъ жєны̀ сп҃се, / а҆́гг҃ла свѣ́тлостїю дꙋ́шы веселѧ́хꙋ, / и҆ бг҃а тѧ̀ всѣ́хъ проповѣ́дахꙋ, и҆ ᲂу҆ченикѡ́мъ вопїѧ́хꙋ: / вои́стиннꙋ воскре́се и҆з̾ гро́ба всѣ́хъ жи́знь."
|
|
},
|
|
{
|
|
"type": "TEXT",
|
|
"value": "Сла́ва и҆ ны́нѣ: гла́съ то́йже: Оу҆ченикѡ́въ твои́хъ ли́къ съ мѷроно́сицами жена́ми ра́дꙋетсѧ согла́снѡ: / ѻ҆́бщїй бо пра́здникъ съ ни́ми пра́зднꙋютъ, / въ сла́вꙋ и҆ че́сть твоегѡ̀ воскресе́нїѧ. / и҆ тѣ́ми вопїе́мъ тѝ чл҃вѣколю́бче гдⷭ҇и: / лю́демъ твои̑мъ пода́ждь ве́лїю ми́лость."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "На бж҃е́ственнѣй стра́жи, / бг҃оглаго́ливый а҆ввакꙋ́мъ / да ста́нетъ съ на́ми, и҆ пока́жетъ / свѣтоно́сна а҆́гг҃ла, / ꙗ҆́снѡ глаго́люща: / дне́сь спасе́нїе мі́рꙋ, / ꙗ҆́кѡ воскре́се хрⷭ҇то́съ, / ꙗ҆́кѡ всеси́ленъ."
|
|
},
|
|
{
|
|
"type": "TEXT",
|
|
"value": "Припѣ́въ: Хрⷭ҇то́съ воскре́се и҆з̾ ме́ртвыхъ."
|
|
},
|
|
{
|
|
"type": "TEXT",
|
|
"value": "М ꙋ́жескїй ᲂу҆́бѡ по́лъ, / ꙗ҆́кѡ разве́рзый дѣ́вственнꙋю ᲂу҆тро́бꙋ, / ꙗ҆ви́сѧ хрⷭ҇то́съ: / ꙗ҆́кѡ чл҃вѣ́къ же, / а҆́гнецъ нарече́сѧ: / непоро́ченъ же, / ꙗ҆́кѡ невкꙋ́сенъ скве́рны, / на́ша па́сха, / и҆ ꙗ҆́кѡ бг҃ъ и҆́стиненъ / соверше́нъ рече́сѧ."
|
|
},
|
|
{
|
|
"type": "TEXT",
|
|
"value": "Припѣ́въ: Хрⷭ҇то́съ воскре́се и҆з̾ ме́ртвыхъ."
|
|
},
|
|
{
|
|
"type": "TEXT",
|
|
"value": "Ꙗ҆́ кѡ є҆динолѣ́тный а҆́гнецъ, / бл҃гослове́нный на́мъ вѣне́цъ хрⷭ҇то́съ, / во́лею за всѣ́хъ закла́нъ бы́сть, / па́сха чисти́тельнаѧ, / и҆ па́ки и҆з̾ гро́ба кра́сное / пра́вды на́мъ возсїѧ̀ со́лнце."
|
|
},
|
|
{
|
|
"type": "TEXT",
|
|
"value": "Припѣ́въ: Хрⷭ҇то́съ воскре́се и҆з̾ ме́ртвыхъ."
|
|
},
|
|
{
|
|
"type": "TEXT",
|
|
"value": "Б г҃оѻц҃ъ ᲂу҆́бѡ дв҃дъ / пред̾ сѣ́ннымъ ковче́гомъ скака́ше и҆гра́ѧ, / лю́дїе же бж҃їи ст҃і́и, / ѻ҆бразѡ́въ сбытїѐ зрѧ́ще, / весели́мсѧ бж҃е́ственнѣ, / ꙗ҆́кѡ воскре́се хрⷭ҇то́съ, / ꙗ҆́кѡ всеси́ленъ."
|
|
},
|
|
{
|
|
"type": "TEXT",
|
|
"value": "Припѣ́въ: Прест҃а́ѧ бцⷣе, сп҃сѝ на́съ."
|
|
},
|
|
{
|
|
"type": "TEXT",
|
|
"value": "С озда́вый а҆да́ма твоего̀ пра́ѻц҃а чи́стаѧ, / зи́ждетсѧ ѿ тебѐ, и҆ сме́ртное жили́ще разорѝ свое́ю сме́ртїю дне́сь, / и҆ ѡ҆зарѝ всѧ̑ / бж҃е́ственными блиста́ньми воскрⷭ҇нїѧ."
|
|
},
|
|
{
|
|
"type": "TEXT",
|
|
"value": "Припѣ́въ: Прест҃а́ѧ бцⷣе, сп҃сѝ на́съ."
|
|
},
|
|
{
|
|
"type": "TEXT",
|
|
"value": "Є҆ го́же родила̀ є҆сѝ хрⷭ҇та̀, / прекра́снѡ и҆з̾ ме́ртвыхъ возсїѧ́вша чи́стаѧ зрѧ́щи, / до́браѧ и҆ непоро́чнаѧ въ жена́хъ и҆ кра́снаѧ, / дне́сь во спасе́нїе всѣ́хъ, со а҆пⷭ҇лы ра́дꙋющисѧ / того̀ прославлѧ́й."
|
|
},
|
|
{
|
|
"type": "HEADER",
|
|
"value": "И҆́нъ. І҆рмо́съ:"
|
|
},
|
|
{
|
|
"type": "TEXT",
|
|
"value": "Є҆́же ѿ дв҃ы твоѐ ржⷭ҇тво̀ проро́къ предзрѧ̀, / воспроповѣ́даше вопїѧ̀: / слꙋ́хъ тво́й ᲂу҆слы́шахъ, и҆ ᲂу҆боѧ́хсѧ, / ꙗ҆́кѡ ѿ ю҆́га и҆ и҆з̾ горы̀ ст҃ы́ѧ прїѡсѣне́нныѧ / прише́лъ є҆сѝ хрⷭ҇тѐ."
|
|
},
|
|
{
|
|
"type": "TEXT",
|
|
"value": "К рⷭ҇то́мъ плѣни́лъ є҆сѝ а҆́дово чре́во, / и҆ совоздви́глъ є҆сѝ мє́ртвыѧ, / и҆ сме́рти разрꙋши́лъ є҆сѝ мꙋчи́тельство: / тѣ́мже и҆̀же ѿ а҆да́ма покланѧ́ющїисѧ, / пое́мъ погребе́нїе твоѐ и҆ воста́нїе хрⷭ҇тѐ."
|
|
},
|
|
{
|
|
"type": "TEXT",
|
|
"value": "Б лаговоли́вый сп҃се на́шъ, / за благоꙋтро́бїе ми́лости пригвозди́тисѧ на крⷭ҇тѣ̀, / и҆ ѿ пра́ѻч҃їѧ и҆зба́вити ны̀ клѧ́твы, / разрѣшѝ ᲂу҆́зы мно́гихъ мои́хъ согрѣше́нїй: / мо́жеши бо, є҆ли̑ка хо́щеши твори́ти."
|
|
},
|
|
{
|
|
"type": "TEXT",
|
|
"value": "Н а крⷭ҇тѣ̀ пригвозди́вый мою̀ дре́внюю клѧ́твꙋ, / и҆ и҆сточи́вый мнѣ̀ сп҃се, бл҃гослове́нїе кро́вїю ѿ ре́бръ твои́хъ, / разрѣшѝ ᲂу҆́зы мно́гихъ мои́хъ согрѣше́нїй: / мо́жеши бо, є҆ли̑ка хо́щеши, твори́ти."
|
|
},
|
|
{
|
|
"type": "TEXT",
|
|
"value": "А҆́ дъ сп҃се, срѣ́тъ тѧ̀ въ преиспо́днихъ, ѡ҆горчи́сѧ / помышлѧ́ѧ, ꙗ҆́кѡ ꙗ҆̀же дре́вле пожре́ти возмогі́й, / ны́нѣ нево́лею ѿда́въ, и҆стѧзꙋ́етсѧ въ до́льнихъ, / и҆ плѣнѧ́емь и҆ ѡ҆бнажа́емь быва́етъ ме́ртвыхъ."
|
|
},
|
|
{
|
|
"type": "TEXT",
|
|
"value": "А҆́ ще и҆ ка́мень запеча́тасѧ съ кꙋстѡді́ею, ѽ беззако́ннїи вразѝ, / но воскре́се гдⷭ҇ь, ꙗ҆́коже проречѐ, / разрѣша́ѧ ᲂу҆́зы мно́гихъ мои́хъ согрѣше́нїй: / мо́жетъ бо, є҆ли̑ка хо́щетъ, твори́ти."
|
|
},
|
|
{
|
|
"type": "TEXT",
|
|
"value": "В оскресы́й и҆з̾ гро́ба, и҆ плѣни́вый а҆́да, и҆ ѡ҆живи́вый мє́ртвыѧ, / и҆ нетлѣ́нїе и҆сточи́вшїй мнѣ̀ твои́мъ воста́нїемъ, / разрѣшѝ ᲂу҆́зы мно́гихъ мои́хъ согрѣше́нїй: / мо́жеши бо, є҆ли̑ка хо́щеши, твори́ти."
|
|
},
|
|
{
|
|
"type": "TEXT",
|
|
"value": "В ои́стиннꙋ постыди́тесѧ беззако́ннїи, / хрⷭ҇то́съ бо воскре́се, и҆ совоздви́же мє́ртвыѧ, зовы́й: / дерза́йте, а҆́зъ побѣди́хъ мі́ръ. / вѣ́рꙋйте ᲂу҆́бѡ є҆мꙋ̀, и҆лѝ ᲂу҆молчи́те лестцы̀, / ѿмета́ющїисѧ воскресе́нїѧ є҆гѡ̀."
|
|
},
|
|
{
|
|
"type": "TEXT",
|
|
"value": "М ѷроно́сицамъ, є҆́же ра́дꙋйтесѧ, / воскресы́й ѿ гро́ба, возгласи́въ бл҃же, / и҆ а҆по́столѡмъ проповѣ́дайте воста́нїе моѐ, / разрѣшѝ ᲂу҆́зы мно́гихъ мои́хъ согрѣше́нїй: / мо́жеши бо, є҆ли̑ка хо́щеши, твори́ти."
|
|
},
|
|
{
|
|
"type": "TEXT",
|
|
"value": "І҆ ѡ́сифа бл҃гоѻбра́знаго, / ревни́телѧ бл҃гоче́стїѧ, совѣ́тника и҆ ᲂу҆ченика̀, / съ мѷроно́сицами почти́мъ, и҆ а҆по́столами, зовꙋ́ще съ ни́ми, / и҆ вѣ́рнѡ воспѣва́юще сп҃сово воскресе́нїе свѣ́тлѡ."
|
|
},
|
|
{
|
|
"type": "TEXT",
|
|
"value": "Сла́ва: Пресꙋ́щнагѡ бж҃ества̀ нераздѣ́льнꙋю сла́вꙋ, кто̀ возмо́жетъ и҆зрещѝ; / є҆ди́но бо є҆стество́мъ сꙋ́щи трⷪ҇ца пое́тсѧ безнача́льнаѧ, / сра́сленнаѧ ꙗ҆́кѡ є҆ди́ница, / въ трⷪ҇цѣ пѣва́емаѧ ѵ҆поста́сьми просты́ми."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ: Во чре́во твоѐ все́льшагосѧ безмꙋ́жнѡ ро́ждшаѧ мт҃и дв҃о чи́стаѧ, / непреста́ннѡ молѝ ꙗ҆́кѡ бцⷣа, / разрѣши́ти ᲂу҆́зы мно́гихъ мои́хъ согрѣше́нїй: / мо́жеши бо, є҆ли̑ка хо́щеши помощѝ."
|
|
},
|
|
{
|
|
"type": "TEXT",
|
|
"value": "Катава́сїа: На бж҃е́ственнѣй стра́жи, / бг҃оглаго́ливый а҆ввакꙋ́мъ / да ста́нетъ съ на́ми, и҆ пока́жетъ / свѣтоно́сна а҆́гг҃ла, / ꙗ҆́снѡ глаго́люща: / дне́сь спасе́нїе мі́рꙋ, / ꙗ҆́кѡ воскре́се хрⷭ҇то́съ, / ꙗ҆́кѡ всеси́ленъ."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Оу҆́тренюемъ ᲂу҆́треннюю глꙋбокꙋ̀, / и҆ вмѣ́стѡ мѵ́ра пѣ́снь принесе́мъ влⷣцѣ, / и҆ хрⷭ҇та̀ ᲂу҆́зримъ / пра́вды со́лнце, / всѣ̑мъ жи́знь возсїѧ́юща."
|
|
},
|
|
{
|
|
"type": "TEXT",
|
|
"value": "Припѣ́въ: Хрⷭ҇то́съ воскре́се и҆з̾ ме́ртвыхъ."
|
|
},
|
|
{
|
|
"type": "TEXT",
|
|
"value": "Б езмѣ́рное твоѐ бл҃гоꙋтро́бїе / а҆́довыми ᲂу҆́зами содержи́мїи зрѧ́ще, / къ свѣ́тꙋ и҆дѧ́хꙋ хрⷭ҇тѐ, / весе́лыми нога́ми, / па́схꙋ хва́лѧще вѣ́чнꙋю."
|
|
},
|
|
{
|
|
"type": "TEXT",
|
|
"value": "Припѣ́въ: Хрⷭ҇то́съ воскре́се и҆з̾ ме́ртвыхъ."
|
|
},
|
|
{
|
|
"type": "TEXT",
|
|
"value": "П ристꙋ́пимъ свѣщено́снїи, / и҆сходѧ́щꙋ хрⷭ҇тꙋ̀ и҆з̾ гро́ба ꙗ҆́кѡ женихꙋ̀, / и҆ спра́зднꙋимъ любопра́зднственными чи́нми / па́схꙋ бж҃їю спаси́тельнꙋю."
|
|
},
|
|
{
|
|
"type": "TEXT",
|
|
"value": "Припѣ́въ: Прест҃а́ѧ бцⷣе, сп҃сѝ на́съ."
|
|
},
|
|
{
|
|
"type": "TEXT",
|
|
"value": "П росвѣща́етсѧ бж҃е́ственными лꙋча́ми и҆ живоно́сными / воскресе́нїѧ сн҃а твоегѡ̀, бг҃омт҃и пречи́стаѧ, / и҆ ра́дости и҆сполнѧ́етсѧ / бл҃гочести́выхъ собра́нїе."
|
|
},
|
|
{
|
|
"type": "TEXT",
|
|
"value": "Припѣ́въ: Прест҃а́ѧ бцⷣе, сп҃сѝ на́съ."
|
|
},
|
|
{
|
|
"type": "TEXT",
|
|
"value": "Н е разве́рзлъ є҆сѝ врата̀ дѣ́вства въ воплоще́нїи, / гро́ба не разрꙋши́лъ є҆сѝ печа́тей цр҃ю̀ созда́нїѧ: / ѿѻнꙋ́дꙋже воскре́сшаго тѧ̀ зрѧ́щи / мт҃и, ра́довашесѧ."
|
|
},
|
|
{
|
|
"type": "HEADER",
|
|
"value": "И҆́нъ. І҆рмо́съ:"
|
|
},
|
|
{
|
|
"type": "TEXT",
|
|
"value": "Мглꙋ̀ дꙋшѝ моеѧ̀ сп҃се мо́й разгна́въ / свѣ́томъ за́повѣдей твои́хъ ѡ҆зари́ мѧ, / ꙗ҆́кѡ є҆ди́нъ цр҃ь ми́ра."
|
|
},
|
|
{
|
|
"type": "TEXT",
|
|
"value": "Т ы̀ пе́рвꙋю ѻ҆де́ждꙋ мою̀, / ю҆́же мѝ и҆стка̀, ᲂу҆вы̀ мнѣ̀, сѣ́ѧтель грѣха̀, / совле́клъ є҆сѝ сп҃се мо́й, ѡ҆бле́ксѧ въ мѧ̀."
|
|
},
|
|
{
|
|
"type": "TEXT",
|
|
"value": "Л и́ствїе смоко́вное сшѝ мнѣ̀ грѣ́хъ мо́й, ᲂу҆вы̀ мнѣ̀, / не сохра́ншемꙋ, сп҃се мо́й, пречи́стꙋю за́повѣдь твою̀, / ѕмїи́нымъ совѣ́томъ."
|
|
},
|
|
{
|
|
"type": "TEXT",
|
|
"value": "Оу҆ ѧзви́вшꙋюсѧ дꙋ́шꙋ мою̀ разбо́йническими помышле́ньми мои́ми, / предста́вый и҆́же ѿ мр҃і́и, и҆ є҆ле́й возлїѧ́въ, и҆сцѣлѝ хрⷭ҇то́съ."
|
|
},
|
|
{
|
|
"type": "TEXT",
|
|
"value": "Оу҆ крⷭ҇та̀ предстоѧ́щи пречⷭ҇таѧ бцⷣа, мт҃рски взыва́ше: / ѡ҆ста́вилъ мѧ̀ є҆сѝ є҆ди́нꙋ, ѽ сн҃е мо́й и҆ бж҃е!"
|
|
},
|
|
{
|
|
"type": "TEXT",
|
|
"value": "Т ы̀ ѕлонача́льнаго ѕмі́ѧ / ѻ҆рꙋ́жїемъ крⷭ҇та̀ твоегѡ̀ низложи́въ, / твои́мъ воста́нїемъ, сокрꙋши́лъ є҆сѝ жа́ло сме́рти і҆и҃се."
|
|
},
|
|
{
|
|
"type": "TEXT",
|
|
"value": "Г дѣ̀ твоѐ, сме́рте, жа́ло; / гдѣ̀ твоѧ̀, а҆́де, побѣ́да; / а҆да́мъ да свопїе́тъ: / сокрꙋши́лсѧ є҆сѝ ѡ҆живле́нїемъ воздви́гшагѡ мє́ртвыѧ."
|
|
},
|
|
{
|
|
"type": "TEXT",
|
|
"value": "М ѷроно́сицы жєны̀ гро́ба твоегѡ̀ дости́гшыѧ, ѡ҆живи́вшагѡ до́льныхъ, / гла́съ слы́шахꙋ глаго́лющїй: воскре́се хрⷭ҇то́съ."
|
|
},
|
|
{
|
|
"type": "TEXT",
|
|
"value": "Б л҃гочести́выхъ мѷроно́сицъ па́мѧть соверша́юще, / и҆ всѣ́хъ ᲂу҆чєни́къ твои́хъ, въ свѣ́тломъ твое́мъ воста́нїи, / воспѣва́емъ тѧ̀ хрⷭ҇тѐ."
|
|
},
|
|
{
|
|
"type": "TEXT",
|
|
"value": "Б л҃гоѻбра́знаго всѝ почти́мъ досто́йнѡ, / и҆́же тѣ́ло гдⷭ҇не ѿ дре́ва снѧ̀, и҆ погребѐ вѣ́рнѡ."
|
|
},
|
|
{
|
|
"type": "TEXT",
|
|
"value": "Сла́ва: Тебѣ̀ бг҃ꙋ и҆ ѻ҆ц҃ꙋ̀ и҆ сн҃ꙋ и҆ дх҃ꙋ покланѧ́юсѧ, тре́мъ ѵ҆поста́семъ, / и҆ є҆ди́но трѝ вѣ́рꙋю, сꙋщество́мъ є҆ди́нѣмъ."
|
|
},
|
|
{
|
|
"type": "TEXT",
|
|
"value": "И҆ ны́нѣ: Тѧ̀ безсѣ́меннымъ ржⷭ҇тво́мъ роди́вшꙋю па́че є҆стества̀ / ѡ҆бнови́вшаго є҆стество̀, хрⷭ҇та̀ є҆ди́наго влⷣкꙋ воспѣва́емъ вѣ́рнїи."
|
|
},
|
|
{
|
|
"type": "TEXT",
|
|
"value": "Катава́сїа: Оу҆́тренюемъ ᲂу҆́треннюю глꙋбокꙋ̀, / и҆ вмѣ́стѡ мѵ́ра пѣ́снь принесе́мъ влⷣцѣ, / и҆ хрⷭ҇та̀ ᲂу҆́зримъ / пра́вды со́лнце, / всѣ̑мъ жи́знь возсїѧ́юща."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Снизше́лъ є҆сѝ въ преиспѡ́днѧѧ землѝ, / и҆ сокрꙋши́лъ є҆сѝ верєѝ вѣ́чныѧ, / содержа́щыѧ свѧ̑занныѧ хрⷭ҇тѐ, / и҆ тридне́венъ ꙗ҆́кѡ ѿ ки́та і҆ѡ́на, / воскре́слъ є҆сѝ ѿ гро́ба."
|
|
},
|
|
{
|
|
"type": "TEXT",
|
|
"value": "Припѣ́въ: Хрⷭ҇то́съ воскре́се и҆з̾ ме́ртвыхъ."
|
|
},
|
|
{
|
|
"type": "TEXT",
|
|
"value": "С охрани́въ цѣ́ла зна́мєнїѧ хрⷭ҇тѐ, / воскре́слъ є҆сѝ ѿ гро́ба, / ключѝ дв҃ы не вреди́вый въ ржⷭ҇твѣ̀ твое́мъ, / и҆ ѿве́рзлъ є҆сѝ на́мъ ра̑йскїѧ двє́ри."
|
|
},
|
|
{
|
|
"type": "TEXT",
|
|
"value": "Припѣ́въ: Хрⷭ҇то́съ воскре́се и҆з̾ ме́ртвыхъ."
|
|
},
|
|
{
|
|
"type": "TEXT",
|
|
"value": "С п҃се мо́й, / живо́е же и҆ неже́ртвенное заколе́нїе, / ꙗ҆́кѡ бг҃ъ са́мъ себѐ / во́лею приве́дъ ѻ҆ц҃ꙋ̀, / совоскреси́лъ є҆сѝ всеро́днаго а҆да́ма, / воскре́съ ѿ гро́ба."
|
|
},
|
|
{
|
|
"type": "TEXT",
|
|
"value": "Припѣ́въ: Прест҃а́ѧ бцⷣе, сп҃сѝ на́съ."
|
|
},
|
|
{
|
|
"type": "TEXT",
|
|
"value": "В озведе́сѧ дре́вле держи́мое сме́ртїю и҆ тлѣ́нїемъ, / воплоти́вшимсѧ ѿ твоегѡ̀ пречⷭ҇тагѡ чре́ва, / къ нетлѣ́ннѣй, и҆ присносꙋ́щнѣй жи́зни, / бцⷣе дв҃о."
|
|
},
|
|
{
|
|
"type": "TEXT",
|
|
"value": "Припѣ́въ: Прест҃а́ѧ бцⷣе, сп҃сѝ на́съ."
|
|
},
|
|
{
|
|
"type": "TEXT",
|
|
"value": "С ни́де въ преиспѡ́днѧѧ землѝ, / въ ложесна̀ твоѧ̑ чⷭ҇таѧ сше́дый, / и҆ всели́выйсѧ и҆ воплоти́выйсѧ па́че ᲂу҆ма̀, / и҆ воздви́же съ собо́ю а҆да́ма, / воскре́съ ѿ гро́ба."
|
|
},
|
|
{
|
|
"type": "HEADER",
|
|
"value": "И҆́нъ. І҆рмо́съ:"
|
|
},
|
|
{
|
|
"type": "TEXT",
|
|
"value": "Во глꙋбинѣ̀ грѣхо́внѣй содержи́мь є҆́смь сп҃се, / и҆ въ пꙋчи́нѣ жите́йстѣй ѡ҆бꙋрева́емь: / но ꙗ҆́коже і҆ѡ́нꙋ ѿ ѕвѣ́рѧ, / и҆ менѐ ѿ страсте́й возведѝ, и҆ спаси́ мѧ."
|
|
},
|
|
{
|
|
"type": "TEXT",
|
|
"value": "М е́ртвъ є҆́сть а҆́дъ, дерза́йте земноро́днїи, / хрⷭ҇то́съ бо на дре́вѣ ви́сѧй, / ве́рже ѻ҆рꙋ́жїе на́нь, и҆ лежи́тъ ме́ртвъ: / ꙗ҆̀же бо и҆мѧ́ше, плѣни́сѧ ѡ҆бнажи́всѧ."
|
|
},
|
|
{
|
|
"type": "TEXT",
|
|
"value": "П лѣни́сѧ а҆́дъ, дерза́йте ме́ртвїи, и҆ гро́би ѿверзо́шасѧ, / воста́ните ѿ а҆́да, вопїе́тъ ва́мъ хрⷭ҇то́съ, / всѧ̑ прише́дый и҆зба́вити ѿ сме́рти и҆ тлѝ."
|
|
},
|
|
{
|
|
"type": "TEXT",
|
|
"value": "М є́ртвыѧ ꙗ҆́коже возмо́гъ поже́рлъ є҆сѝ и҆ногда̀, ны́нѣ и҆стѧзꙋ́емь / а҆́де, ѿда́ждь мѝ, вопїе́тъ тебѣ̀ жизнода́вецъ и҆ бг҃ъ, / всѧ̑ прише́дый и҆зба́вити ѿ несы́тагѡ твоегѡ̀ чре́ва."
|
|
},
|
|
{
|
|
"type": "TEXT",
|
|
"value": "Ж єны̀ мѷроно́сицы, что̀ тщите́сѧ про́чее; / что́ же живо́мꙋ мѵ̑ра прино́сите, / воскре́се хрⷭ҇то́съ, ꙗ҆́коже предречѐ. / да преста́нꙋтъ ва́шѧ сле́зы, преше́дшыѧ на ра́дость."
|
|
},
|
|
{
|
|
"type": "TEXT",
|
|
"value": "П лащани́цею тѧ̀ хрⷭ҇тѐ ѡ҆бви́въ і҆ѡ́сифъ бл҃гоѻбра́зный, во гро́бѣ положѝ: / мѷропома́завъ же разоре́нный твоегѡ̀ тѣлесѐ хра́мъ, / привалѝ ка́мень вели́кїй ко гро́бꙋ."
|
|
},
|
|
{
|
|
"type": "TEXT",
|
|
"value": "Г дⷭ҇ь воскре́се плѣни́вый врага̀, / и҆ ᲂу҆́зники и҆сто́ргнꙋвъ, возведѐ всѧ̑, / и҆ первозда́ннаго а҆да́ма, того̀ возставлѧ́ѧ, / ꙗ҆́кѡ бл҃гоꙋтро́бенъ и҆ чл҃вѣколю́бецъ бг҃ъ."
|
|
},
|
|
{
|
|
"type": "TEXT",
|
|
"value": "Сла́ва: Трⷪ҇цꙋ во є҆ди́нствѣ воспои́мъ вѣ́рнїи, / съ сн҃омъ ѻ҆ц҃а̀ сла́вѧще, и҆ дх҃а є҆диносꙋ́щна сн҃ꙋ, и҆ сꙋ́ща во ѻ҆ц҃ѣ̀ / собезнача́льнаго и҆ присносꙋ́щнаго бг҃а."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ: Во чре́вѣ невоздѣ́ланнѡ зачала̀ є҆сѝ чⷭ҇таѧ, нетлѣ́нїѧ гро́здъ, ꙗ҆́кѡ лоза̀: / и҆з̾ неѧ́же безсме́ртїѧ то́ки, / ꙗ҆́коже вїно̀ на́мъ и҆сточа́ютъ вѣ́чнꙋю жи́знь."
|
|
},
|
|
{
|
|
"type": "TEXT",
|
|
"value": "Катава́сїа: Снизше́лъ є҆сѝ въ преиспѡ́днѧѧ землѝ, / и҆ сокрꙋши́лъ є҆сѝ верєѝ вѣ́чныѧ, / содержа́щыѧ свѧ̑занныѧ хрⷭ҇тѐ, / и҆ тридне́венъ ꙗ҆́кѡ ѿ ки́та і҆ѡ́на, / воскре́слъ є҆сѝ ѿ гро́ба."
|
|
},
|
|
{
|
|
"type": "HEADER",
|
|
"value": "Конда́къ, гла́съ в҃:"
|
|
},
|
|
{
|
|
"type": "TEXT",
|
|
"value": "Р а́доватисѧ мѷроно́сицамъ повелѣ́лъ є҆сѝ, / пла́чь прамт҃ре є҆́ѵы ᲂу҆толи́лъ є҆сѝ / воскрⷭ҇нїемъ твои́мъ хрⷭ҇тѐ бж҃е, / а҆пⷭ҇лѡмъ же твои̑мъ проповѣ́дати повелѣ́лъ є҆сѝ: / сп҃съ воскре́се ѿ гро́ба."
|
|
},
|
|
{
|
|
"type": "TEXT",
|
|
"value": "І҆́косъ: На гро́бъ тво́й сп҃се мѷронѡ́сицы и҆дꙋ́щыѧ, / къ себѣ̀ недоꙋмѣва́хꙋсѧ ᲂу҆мо́мъ, и҆ вѣща́хꙋ: / кто̀ на́мъ ка́мень ѿвали́тъ гро́бный; / и҆ воззрѣ́вшѧ ви́дѧтъ, ꙗ҆́кѡ ка́мень ѿвале́нъ бѣ̀, / зра́кꙋ же а҆́гг҃ловꙋ со ѡ҆дѣѧ́нїемъ дивлѧ́хꙋсѧ: / содержи́ми же бѧ́хꙋ тре́петомъ, и҆ бѣжа́ти помышлѧ́хꙋ. / и҆ къ ни́мъ ю҆́ноша возопѝ: / не бо́йтесѧ вы̀, є҆гѡ́же и҆́щете воста̀, / прїиди́те, ви́дите мѣ́сто, и҆дѣ́же лежа́ше тѣ́ло і҆и҃сово, / и҆ ско́рѡ ше́дшыѧ возвѣсти́те ᲂу҆ченикѡ́мъ: / сп҃съ воскре́се ѿ гро́ба."
|
|
},
|
|
{
|
|
"type": "TEXT",
|
|
"value": "Сѷнаѯа́рь мине́и, та́же трїѡ́ди."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Ѻ҆́троки ѿ пе́щи и҆зба́вивый, / бы́въ человѣ́къ, / стра́ждетъ ꙗ҆́кѡ сме́ртенъ, / и҆ стра́стїю сме́ртное / въ нетлѣ́нїѧ ѡ҆блачи́тъ благолѣ́пїе, / є҆ди́нъ бл҃гослове́нъ / ѻ҆ц҃є́въ бг҃ъ, и҆ препросла́вленъ."
|
|
},
|
|
{
|
|
"type": "TEXT",
|
|
"value": "Припѣ́въ: Хрⷭ҇то́съ воскре́се и҆з̾ ме́ртвыхъ."
|
|
},
|
|
{
|
|
"type": "TEXT",
|
|
"value": "Ж єны̀ съ мѵ́ры бг҃омꙋ̑дрыѧ въ слѣ́дъ тебѐ теча́хꙋ: / є҆го́же ꙗ҆́кѡ ме́ртва со слеза́ми и҆ска́хꙋ, / поклони́шасѧ ра́дꙋющыѧсѧ живо́мꙋ бг҃ꙋ, / и҆ па́схꙋ та́йнꙋю / твои́мъ хрⷭ҇тѐ ᲂу҆ченикѡ́мъ бл҃говѣсти́ша."
|
|
},
|
|
{
|
|
"type": "TEXT",
|
|
"value": "Припѣ́въ: Хрⷭ҇то́съ воскре́се и҆з̾ ме́ртвыхъ."
|
|
},
|
|
{
|
|
"type": "TEXT",
|
|
"value": "С ме́рти пра́зднꙋемъ ᲂу҆мерщвле́нїе, / а҆́дово разрꙋше́нїе, / и҆но́гѡ житїѧ̀ вѣ́чнагѡ нача́ло, / и҆ и҆гра́юще пое́мъ вино́внаго, / є҆ди́наго бл҃гослове́ннаго / ѻ҆ц҃є́въ бг҃а, и҆ препросла́вленнаго."
|
|
},
|
|
{
|
|
"type": "TEXT",
|
|
"value": "Припѣ́въ: Хрⷭ҇то́съ воскре́се и҆з̾ ме́ртвыхъ."
|
|
},
|
|
{
|
|
"type": "TEXT",
|
|
"value": "Ꙗ҆́ кѡ вои́стиннꙋ сщ҃е́ннаѧ, / и҆ всепра́зднственнаѧ сїѧ̀ спаси́тельнаѧ но́щь, / и҆ свѣтоза́рнаѧ, / свѣтоно́снагѡ днѐ, / воста́нїѧ сꙋ́щи провозвѣ́стница: / въ не́йже безлѣ́тный свѣ́тъ и҆з̾ гро́ба пло́тски всѣ̑мъ возсїѧ̀."
|
|
},
|
|
{
|
|
"type": "TEXT",
|
|
"value": "Припѣ́въ: Прест҃а́ѧ бцⷣе, сп҃сѝ на́съ."
|
|
},
|
|
{
|
|
"type": "TEXT",
|
|
"value": "Оу҆ мертви́въ сн҃ъ тво́й сме́рть, всенепоро́чнаѧ / дне́сь, всѣ̑мъ смє́ртнымъ пребыва́ющїй живо́тъ во вѣ́ки вѣкѡ́въ дарова̀, / є҆ди́нъ бл҃гослове́нный / ѻ҆тцє́въ бг҃ъ и҆ препросла́вленный."
|
|
},
|
|
{
|
|
"type": "TEXT",
|
|
"value": "Припѣ́въ: Прест҃а́ѧ бцⷣе, сп҃сѝ на́съ."
|
|
},
|
|
{
|
|
"type": "TEXT",
|
|
"value": "В сѣ́мъ црⷭ҇твꙋѧй созда́нїемъ, / бы́въ человѣ́къ, / всели́сѧ во твою̀ бг҃облагода́тнаѧ ᲂу҆тро́бꙋ, / и҆ распѧ́тїе претерпѣ́въ и҆ сме́рть, / воскре́се бг҃олѣ́пнѡ, / совозста́вивъ на́съ ꙗ҆́кѡ всеси́ленъ."
|
|
},
|
|
{
|
|
"type": "HEADER",
|
|
"value": "И҆́нъ. І҆рмо́съ:"
|
|
},
|
|
{
|
|
"type": "TEXT",
|
|
"value": "Херꙋві́мы подража́юще ѻ҆́троцы въ пещѝ ликовствова́хꙋ, вопїю́ще: / бл҃гослове́нъ є҆сѝ бж҃е, / ꙗ҆́кѡ и҆́стиною и҆ сꙋдо́мъ наве́лъ є҆сѝ сїѧ̑ всѧ̑, грѣ̑хъ ра́ди на́шихъ: / препѣ́тый и҆ препросла́вленный во всѧ̀ вѣ́ки."
|
|
},
|
|
{
|
|
"type": "TEXT",
|
|
"value": "Т ы̀ ꙗ҆́кѡ человѣколю́бецъ, хотѧ́й всѧ̑ спастѝ ѿ пре́лести, ꙗ҆̀же созда́лъ є҆сѝ, / претерпѣ́лъ є҆сѝ пригвозди́тисѧ на крестѣ̀: / да погребе́нный ѻ҆́бразъ страстьмѝ, се́й пло́тїю твое́ю ѡ҆бнови́ши сп҃се, / и҆ а҆́дъ низложи́въ, воскреси́лъ є҆сѝ и҆ ᲂу҆ме́ршыѧ съ собо́ю."
|
|
},
|
|
{
|
|
"type": "TEXT",
|
|
"value": "Н а крестѣ̀ возвыша́емь, всѧ̑ призва́лъ є҆сѝ / къ себѣ̀ ще́дре, ꙗ҆́коже ѡ҆бѣща́лъ є҆сѝ бл҃же: / ꙗ҆́кѡ вои́стиннꙋ всѧ̑ сїѧ̑ грѣхѡ́въ ра́ди на́шихъ пострада́ти бл҃говоли́лъ є҆сѝ. / тѣ́мже и҆ разбо́йникꙋ ра́йскаѧ врата̀ ѿве́рзлъ є҆сѝ сп҃се."
|
|
},
|
|
{
|
|
"type": "TEXT",
|
|
"value": "Т ы̀ хра́мъ тѣле́сный воздви́глъ є҆сѝ разоре́нный, / тридне́внѡ и҆з̾ гро́ба, ꙗ҆́коже ѡ҆бѣща́лъ є҆сѝ бл҃же: / да вои́стиннꙋ ска́жеши сла́вꙋ твою̀, / ю҆́же на́мъ и҆сточа́еши вѣ́рою, / ᲂу҆́зы разрѣши́въ, и҆̀хже держа́ше дре́вле а҆́дъ свѧ́занныхъ."
|
|
},
|
|
{
|
|
"type": "TEXT",
|
|
"value": "Ѽ і҆ꙋде́йское безꙋ́мїе! ѽ неи́стовство беззако́нныхъ! / что̀ невѣ́рное ви́дѣвше, не вѣ́ровасте хрⷭ҇тꙋ̀; / ꙗ҆́кѡ немѡщны́ѧ, не сло́вомъ ли воздви́же; / и҆лѝ ꙗ҆́кѡ ве́сь мі́ръ то́й не спасе́ ли, / да ᲂу҆вѣрѧ́ютъ ва́съ понѐ во́ини, и҆лѝ воскре́сшїе и҆з̾ ме́ртвыхъ."
|
|
},
|
|
{
|
|
"type": "TEXT",
|
|
"value": "Ѡ҆ мертвѣ́вшїи стра́жїе ны́нѣ да глаго́лютъ, / ка́кѡ ᲂу҆кра́денъ бы́сть, є҆гѡ́же не ви́дѣша неразꙋ́мнїи всегда̀; / а҆́ще бо воскре́сша не ви́дѣша, ни ѡ҆щꙋти́ша, / ка́кѡ ᲂу҆кра́дена сего̀ разꙋмѣ́ти можа́хꙋ когда̀; / да ᲂу҆вѣ́ритъ вы̀ понѐ ка́мень се́й, и҆ погреба̑льнаѧ хрⷭ҇тѡ́ва."
|
|
},
|
|
{
|
|
"type": "TEXT",
|
|
"value": "Ч то̀ ꙗ҆́кѡ ме́ртва блюде́те; / что̀ печа̑ти на ка́мени положи́сте є҆вре́є, стра́хомъ боѧ́щесѧ краде́нїѧ; / сѐ вои́стиннꙋ гро́бъ запечатлѣ́сѧ: / ка́кѡ ᲂу҆́бѡ воскре́се, а҆́ще не бы бг҃ъ бы́лъ хрⷭ҇то́съ; / да ᲂу҆вѣрѧ́ютъ вы̀ воскре́сшїи, и҆ ви́дѣни бы́вшїи мно́гими."
|
|
},
|
|
{
|
|
"type": "TEXT",
|
|
"value": "Сла́ва: Со ѻ҆ц҃е́мъ сла́вимъ сн҃а и҆ дх҃а ст҃а́го, / вопїю́ще непреста́ннымъ гла́сомъ: / трⷪ҇це є҆ди́нственное сꙋщество̀, поми́лꙋй, спасѝ всѧ̑, / въ трїе́хъ ли́цѣхъ є҆ди́нице ᲂу҆ще́дри ны̀, / препросла́вленный бж҃е во вѣ́ки."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ: Во чре́вѣ твое́мъ пречⷭ҇таѧ, ка́кѡ вмѣсти́ла є҆сѝ млⷣнца, / є҆гѡ́же трепе́щꙋтъ си̑лы а҆́гг҃льскїѧ ꙗ҆́кѡ бг҃а; / ра́звѣ ꙗ҆́коже восхотѣ̀, ꙗ҆́коже вѣ́сть всели́сѧ, / всѧ̑ спастѝ хотѧ́й ѿ а҆да́ма земнорѡ́дныѧ, / разрѣши́вый а҆да́ма клѧ́твы ѻ҆́ныѧ, снѣ́дїю го́рькою."
|
|
},
|
|
{
|
|
"type": "TEXT",
|
|
"value": "Катава́сїа: Ѻ҆́троки ѿ пе́щи и҆зба́вивый, / бы́въ человѣ́къ, / стра́ждетъ ꙗ҆́кѡ сме́ртенъ, / и҆ стра́стїю сме́ртное / въ нетлѣ́нїѧ ѡ҆блачи́тъ благолѣ́пїе, / є҆ди́нъ бл҃гослове́нъ / ѻ҆ц҃є́въ бг҃ъ, и҆ препросла́вленъ."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Се́й нарече́нный и҆ ст҃ы́й де́нь, / є҆ди́нъ сꙋббѡ́тъ цр҃ь и҆ гдⷭ҇ь, / пра́здникѡвъ пра́здникъ, / и҆ торжество̀ є҆́сть торже́ствъ: / во́ньже благослови́мъ хрⷭ҇та̀ во вѣ́ки."
|
|
},
|
|
{
|
|
"type": "TEXT",
|
|
"value": "Припѣ́въ: Хрⷭ҇то́съ воскре́се и҆з̾ ме́ртвыхъ."
|
|
},
|
|
{
|
|
"type": "TEXT",
|
|
"value": "П рїиди́те но́вагѡ вїногра́да рожде́нїѧ, / бж҃е́ственнагѡ весе́лїѧ, / въ наро́читомъ днѝ воскрⷭ҇нїѧ, / црⷭ҇твїѧ хрⷭ҇то́ва прїѡбщи́мсѧ, / пою́ще є҆го̀ / ꙗ҆́кѡ бг҃а во вѣ́ки."
|
|
},
|
|
{
|
|
"type": "TEXT",
|
|
"value": "Припѣ́въ: Хрⷭ҇то́съ воскре́се и҆з̾ ме́ртвыхъ."
|
|
},
|
|
{
|
|
"type": "TEXT",
|
|
"value": "В озведѝ ѻ҆́крестъ ѻ҆́чи твоѝ сїѡ́не и҆ ви́ждь: / се́ бо прїидо́ша къ тебѣ̀ / ꙗ҆́кѡ бг҃освѣ̑тлаѧ свѣти̑ла, / ѿ за́пада, и҆ сѣ́вера, и҆ мо́рѧ, / и҆ восто́ка ча́да твоѧ̑, / въ тебѣ̀ благословѧ̑щаѧ хрⷭ҇та̀ во вѣ́ки."
|
|
},
|
|
{
|
|
"type": "TEXT",
|
|
"value": "Припѣ́въ: Прест҃а́ѧ трⷪ҇це, бж҃е на́шъ, сла́ва тебѣ̀."
|
|
},
|
|
{
|
|
"type": "TEXT",
|
|
"value": "Трⷪ҇ченъ: Ѻ҆́ч҃е вседержи́телю, и҆ сло́ве, и҆ дш҃е, / тремѝ соединѧ́емое во ѵ҆поста́сѣхъ є҆стество̀, / пресꙋ́щественне и҆ пребж҃е́ственне, / въ тѧ̀ крⷭ҇ти́хомсѧ, / и҆ тѧ̀ бл҃гослови́мъ во всѧ̀ вѣ́ки."
|
|
},
|
|
{
|
|
"type": "TEXT",
|
|
"value": "Припѣ́въ: Прест҃а́ѧ бцⷣе, сп҃сѝ на́съ."
|
|
},
|
|
{
|
|
"type": "TEXT",
|
|
"value": "П рїи́де тобо́ю въ мі́ръ гдⷭ҇ь / дв҃о бцⷣе, / и҆ чре́во а҆́дово расто́ргъ, / смє́ртнымъ на́мъ воскресе́нїе дарова̀: / тѣ́мже бл҃гослови́мъ є҆го̀ во вѣ́ки."
|
|
},
|
|
{
|
|
"type": "TEXT",
|
|
"value": "Припѣ́въ: Прест҃а́ѧ бцⷣе, сп҃сѝ на́съ."
|
|
},
|
|
{
|
|
"type": "TEXT",
|
|
"value": "В сю̀ низложи́въ сме́рти держа́вꙋ / сн҃ъ тво́й дв҃о, свои́мъ воскресе́нїемъ, / ꙗ҆́кѡ бг҃ъ крѣ́пкїй совознесѐ на́съ и҆ ѡ҆божѝ: / тѣ́мже воспѣва́емъ є҆го̀ во вѣ́ки."
|
|
},
|
|
{
|
|
"type": "HEADER",
|
|
"value": "И҆́нъ. І҆рмо́съ:"
|
|
},
|
|
{
|
|
"type": "TEXT",
|
|
"value": "Въ кꙋпинѣ̀ мѡѷсе́ю дв҃ы чꙋ́до, / на сїна́йстѣй горѣ̀, проѡбрази́вшаго и҆ногда̀ / по́йте, бл҃гослови́те / и҆ превозноси́те во всѧ̀ вѣ́ки."
|
|
},
|
|
{
|
|
"type": "TEXT",
|
|
"value": "С о́лнєчныѧ зари̑ спрѧ́тахꙋсѧ стра́хомъ хрⷭ҇то́выхъ страда́нїй, / и҆ востаѧ́хꙋ ме́ртвїи, и҆ го́ры прекланѧ́хꙋсѧ, / и҆ колеба́шесѧ землѧ̀, и҆ а҆́дъ ѡ҆бнажа́шесѧ."
|
|
},
|
|
{
|
|
"type": "TEXT",
|
|
"value": "В ъ пещѝ сꙋ́щїи и҆ногда̀ требл҃же́ннїи ѻ҆́троцы / возвыша́юще рꙋ́ки, проѡбража́хꙋ бл҃же пречⷭ҇тны́й крⷭ҇тъ тво́й, / и҆́мже низложи́лъ є҆сѝ хрⷭ҇тѐ вра́жїю си́лꙋ."
|
|
},
|
|
{
|
|
"type": "TEXT",
|
|
"value": "Ѽ і҆ꙋде́є слѣпі́и прелє́стницы и҆ престꙋ́пницы, / хрⷭ҇то́вꙋ воскресе́нїю невѣ́рꙋющїи, ꙗ҆́кѡ ло́жномꙋ: / что̀ невѣ́рное ви́дите, ꙗ҆́кѡ воскре́се хрⷭ҇то́съ, мє́ртвыѧ воздви́гїй;"
|
|
},
|
|
{
|
|
"type": "TEXT",
|
|
"value": "Ѽ і҆ꙋде́є вразѝ, а҆́ще и҆ на́мъ не вѣ́рꙋете, / ва́шѧ во́ины вы̀ вопроси́те, что̀ пострада́ша ѻ҆нѝ; / кто̀ ѿвали́вый рꙋка́ми ка́мень ѿ гро́ба;"
|
|
},
|
|
{
|
|
"type": "TEXT",
|
|
"value": "К то̀ и҆зсꙋши́вый смоко́вницꙋ; / кто́ же сꙋхꙋ́ю и҆сцѣли́вый рꙋ́кꙋ; / кто̀ насы́тивый и҆ногда̀ мно́жєства въ пꙋсты́ни, / а҆́ще не хрⷭ҇то́съ бг҃ъ, мє́ртвыѧ воздви́гнꙋвый;"
|
|
},
|
|
{
|
|
"type": "TEXT",
|
|
"value": "К то̀ просвѣти́вый слѣпцы̀, и҆ прокажє́нныѧ ѡ҆чи́стивый, и҆ хрѡмы́ѧ и҆спра́вивый, / и҆ пѣшеше́ствовавый мо́ре немо́креннѡ ꙗ҆́кѡ сꙋ́шꙋ, / а҆́ще не хрⷭ҇то́съ бг҃ъ, мє́ртвыѧ воздви́гнꙋвый;"
|
|
},
|
|
{
|
|
"type": "TEXT",
|
|
"value": "К то̀ воздви́гнꙋвый ме́ртва четверодне́вна и҆з̾ гро́ба, вдови́ча сы́на; / кто̀ стѧгнꙋ́вый ꙗ҆́кѡ бг҃ъ разсла́блена на ѻ҆дрѣ̀, / а҆́ще не хрⷭ҇то́съ бг҃ъ, мє́ртвыѧ воздви́гнꙋвый;"
|
|
},
|
|
{
|
|
"type": "TEXT",
|
|
"value": "З ове́тъ ка́мень са́мый, печа̑ти вопїю́тъ, ꙗ҆̀же вы̀ положи́вше, / поста́висте стра́жꙋ хранѧ́щꙋю гро́бъ: / вои́стиннꙋ воскре́се хрⷭ҇то́съ, и҆ живе́тъ во вѣ́ки."
|
|
},
|
|
{
|
|
"type": "TEXT",
|
|
"value": "В ои́стиннꙋ воскре́се хрⷭ҇то́съ, / плѣне́нъ бы́сть а҆́дъ, ᲂу҆мертви́сѧ ѕмі́й, / и҆зба́висѧ а҆да́мъ, потрѧсо́шасѧ до́льнїи: / что̀ не вѣ́рꙋете про́чее, вразѝ и҆ престꙋ̑пницы;"
|
|
},
|
|
{
|
|
"type": "TEXT",
|
|
"value": "Бл҃гослови́мъ ѻ҆ц҃а̀ и҆ сн҃а и҆ ст҃а́го дх҃а гдⷭ҇а."
|
|
},
|
|
{
|
|
"type": "TEXT",
|
|
"value": "С о ѻ҆ц҃е́мъ сн҃а, и҆ дх҃а ст҃а́го / ст҃ꙋ́ю трⷪ҇цꙋ въ бж҃ествѣ̀ є҆ди́номъ прославлѧ́емъ, вопїю́ще: / ст҃ъ, ст҃ъ, ст҃ъ є҆сѝ во вѣ́ки."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ: Во чре́вѣ твое́мъ чи́стаѧ, присноживо́тный хлѣ́бъ, / смѣше́ный несмѣ́снѡ, смѣше́нїемъ на́шимъ, / родила̀ є҆сѝ непрело́жнѡ є҆ди́наго хрⷭ҇та̀ бг҃а во двою̀ сꙋществꙋ̀."
|
|
},
|
|
{
|
|
"type": "TEXT",
|
|
"value": "Хва́лимъ, бл҃гослови́мъ, покланѧ́емсѧ гдⷭ҇ви, пою́ще, и҆ превозносѧ́ще во всѧ̀ вѣ́ки."
|
|
},
|
|
{
|
|
"type": "TEXT",
|
|
"value": "Катава́сїа: Се́й нарече́нный и҆ ст҃ы́й де́нь, / є҆ди́нъ сꙋббѡ́тъ цр҃ь и҆ гдⷭ҇ь, / пра́здникѡвъ пра́здникъ, / и҆ торжество̀ є҆́сть торже́ствъ: / во́ньже благослови́мъ хрⷭ҇та̀ во вѣ́ки."
|
|
},
|
|
{
|
|
"type": "TEXT",
|
|
"value": "Честнѣ́йшꙋю: не пое́мъ до ѿда́нїѧ па́схи во всѧ̀ недѣ́ли."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Свѣти́сѧ, свѣти́сѧ / но́вый і҆ерꙋсали́ме: / сла́ва бо гдⷭ҇нѧ / на тебѣ̀ возсїѧ̀. / ликꙋ́й ны́нѣ, / и҆ весели́сѧ сїѡ́не. / ты́ же чи́стаѧ красꙋ́йсѧ бцⷣе, / ѡ҆ воста́нїи рождества̀ твоегѡ̀."
|
|
},
|
|
{
|
|
"type": "TEXT",
|
|
"value": "Припѣ́въ: Хрⷭ҇то́съ воскре́се и҆з̾ ме́ртвыхъ."
|
|
},
|
|
{
|
|
"type": "TEXT",
|
|
"value": "Ѽ бж҃е́ственнагѡ, ѽ любе́знагѡ, / ѽ сладча́йшагѡ твоегѡ̀ гла́са! / съ на́ми бо нело́жнѡ / ѡ҆бѣща́лсѧ є҆сѝ бы́ти, / до сконча́нїѧ вѣ́ка хрⷭ҇тѐ: / є҆го́же вѣ́рнїи, / ᲂу҆твержде́нїе наде́жди и҆мꙋ́ще, ра́дꙋемсѧ."
|
|
},
|
|
{
|
|
"type": "TEXT",
|
|
"value": "Припѣ́въ: Хрⷭ҇то́съ воскре́се и҆з̾ ме́ртвыхъ."
|
|
},
|
|
{
|
|
"type": "TEXT",
|
|
"value": "Ѽ па́сха ве́лїѧ и҆ сщ҃е́ннѣйшаѧ, хрⷭ҇тѐ! / ѽ мꙋ́дросте, и҆ сло́ве бж҃їй, и҆ си́ло! / подава́й на́мъ и҆́стѣе тебѐ причаща́тисѧ, / въ невече́рнѣмъ днѝ црⷭ҇твїѧ твоегѡ̀."
|
|
},
|
|
{
|
|
"type": "TEXT",
|
|
"value": "Припѣ́въ: Прест҃а́ѧ бцⷣе, сп҃сѝ на́съ."
|
|
},
|
|
{
|
|
"type": "TEXT",
|
|
"value": "С огла́снѡ дв҃о, тебѐ бл҃жи́мъ вѣ́рнїи: / ра́дꙋйсѧ две́ре гдⷭ҇нѧ: / ра́дꙋйсѧ гра́де ѡ҆дꙋшевле́нный: / ра́дꙋйсѧ, є҆ѧ́же ра́ди на́мъ ны́нѣ возсїѧ̀ свѣ́тъ, / и҆з̾ тебѐ рожде́ннагѡ и҆з̾ ме́ртвыхъ воскресе́нїѧ."
|
|
},
|
|
{
|
|
"type": "TEXT",
|
|
"value": "Припѣ́въ: Прест҃а́ѧ бцⷣе, сп҃сѝ на́съ."
|
|
},
|
|
{
|
|
"type": "TEXT",
|
|
"value": "В есели́сѧ и҆ ра́дꙋйсѧ бжⷭ҇твеннаѧ две́ре свѣ́та: / заше́дый бо і҆и҃съ во гро́бъ возсїѧ̀, / просїѧ́въ со́лнца свѣтлѣ́е, / и҆ вѣ̑рныѧ всѧ̑ ѡ҆зари́въ, / бг҃ора́дованнаѧ влⷣчце."
|
|
},
|
|
{
|
|
"type": "HEADER",
|
|
"value": "И҆́нъ. І҆рмо́съ:"
|
|
},
|
|
{
|
|
"type": "TEXT",
|
|
"value": "Преесте́ственнѡ пло́тїю заче́ншꙋю во чре́вѣ, / ѿ ѻ҆ц҃а̀ безлѣ́тнѡ предвозсїѧ́вшее сло́во, / въ пѣ́снехъ немо́лчныхъ / велича́емъ вѣ́рнїи."
|
|
},
|
|
{
|
|
"type": "TEXT",
|
|
"value": "И҆́ же на крⷭ҇тѣ̀ разбо́йника позна́вша тѧ̀ бг҃а, / наслѣ́дника содѣ́лалъ є҆сѝ мы́сленномꙋ раю̀, / є҆́же помѧни́ мѧ вопїю́ща, всеси́льне сп҃се."
|
|
},
|
|
{
|
|
"type": "TEXT",
|
|
"value": "З аꙋше́нъ на́съ ра́ди, / и҆ ѡ҆плева́нъ бы́лъ є҆сѝ і҆и҃се ѿ беззако́нникѡвъ, / скрижа̑ли зако́на начерта́вый въ сїна́и, ᲂу҆го́дникꙋ мѡѷсе́ю."
|
|
},
|
|
{
|
|
"type": "TEXT",
|
|
"value": "Ѻ҆́ цта и҆ же́лчи сп҃се, напое́нъ бы́лъ є҆сѝ на́съ ра́ди, / да́вый на́мъ тѣ́ло и҆ честнꙋ́ю кро́вь, / въ снѣ́дь же и҆ питїѐ вѣ́чныѧ твоеѧ̀ жи́зни."
|
|
},
|
|
{
|
|
"type": "TEXT",
|
|
"value": "В ъ животвѡ́рнаѧ ре́бра копїе́мъ прободе́нъ бы́въ хрⷭ҇тѐ, / пречи́стꙋю твою̀ кро́вь, и҆ честнꙋ́ю во́дꙋ / и҆сточи́лъ є҆сѝ мі́рови, ꙗ҆́кѡ присноживо́тный и҆сто́чникъ."
|
|
},
|
|
{
|
|
"type": "TEXT",
|
|
"value": "В мѣни́лсѧ є҆сѝ въ ме́ртвыхъ, ѡ҆живле́й мє́ртвыѧ: / во гро́бѣ положе́нъ є҆сѝ, и҆стощи́вый гро́бы: / плѣни́лъ є҆сѝ а҆́дъ, воскреси́въ а҆да́ма."
|
|
},
|
|
{
|
|
"type": "TEXT",
|
|
"value": "В оскре́слъ є҆сѝ і҆и҃се, / свѧ́занъ бы́сть вра́гъ, плѣни́сѧ а҆́дъ, и҆спраздни́шасѧ гро́би, / воста́ша до́льнїи, покланѧ́ющесѧ тебѣ̀ хрⷭ҇тѐ."
|
|
},
|
|
{
|
|
"type": "TEXT",
|
|
"value": "К то̀ ᲂу҆крады́й ме́ртваго, па́че же и҆ на́га; / что̀ льстите́сѧ є҆вре́є; / хрⷭ҇то́съ воскре́се, и҆ разрꙋша́ютсѧ а҆́дѡвы ᲂу҆́зы и҆ верєѝ."
|
|
},
|
|
{
|
|
"type": "TEXT",
|
|
"value": "С ла́ва тебѣ̀ хрⷭ҇тѐ сп҃се, и҆сточи́вый жи́знь, / и҆ свѣ́тъ возсїѧ́вый сꙋ́щымъ во тмѣ̀ невѣ́дѣнїѧ, / и҆ всю̀ зе́млю просвѣти́вый воста́нїемъ твои́мъ."
|
|
},
|
|
{
|
|
"type": "TEXT",
|
|
"value": "Б л҃гоѻбра́зный совѣ́тникъ і҆ѡ́сифъ, / да пое́тсѧ съ мѷроно́сицами, и҆ бж҃е́ственными ᲂу҆ченикѝ, / ꙗ҆́кѡ проповѣ́дникъ сы́й и҆ се́й, воста́нїѧ хрⷭ҇то́ва."
|
|
},
|
|
{
|
|
"type": "TEXT",
|
|
"value": "І҆ ѡ́сифа чꙋ́днаго да восхва́лимъ вѣ́рнїи, / кꙋ́пнѡ съ нїкоди́момъ, и҆ мѷроно́сицами вѣ́рными, / вопїю́щыѧ: гдⷭ҇ь воскре́се вои́стиннꙋ."
|
|
},
|
|
{
|
|
"type": "TEXT",
|
|
"value": "Сла́ва: Безнача́ленъ є҆сѝ ѻ҆́ч҃е, / несозда́ненъ є҆сѝ сн҃е, / сопресто́ленъ и҆ дш҃е ст҃ы́й, / є҆ди́но [сїѧ̀ трѝ] є҆стество́мъ, и҆ трѝ ли́цы, / є҆ди́не бж҃е и҆́стинный."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ: Да весели́тсѧ і҆ессе́й, да ликовствꙋ́етъ и҆ дв҃дъ: / се́ бо дв҃а бг҃ора́сленный же́злъ прозѧбѐ, / цвѣ́тъ присноживо́тный хрⷭ҇та̀."
|
|
},
|
|
{
|
|
"type": "TEXT",
|
|
"value": "Вмѣ́стѡ Досто́йно: і҆рмо́съ, катава́сїа: Свѣти́сѧ, свѣти́сѧ / но́вый і҆ерꙋсали́ме: / сла́ва бо гдⷭ҇нѧ / на тебѣ̀ возсїѧ̀. / ликꙋ́й ны́нѣ, / и҆ весели́сѧ сїѡ́не. / ты́ же чи́стаѧ красꙋ́йсѧ бцⷣе, / ѡ҆ воста́нїи рождества̀ твоегѡ̀."
|
|
},
|
|
{
|
|
"type": "TEXT",
|
|
"value": "Та́же, Ст҃ъ гдⷭ҇ь бг҃ъ на́шъ: на гла́съ в҃."
|
|
},
|
|
{
|
|
"type": "HEADER",
|
|
"value": "Є҆ѯапостїла́рїй па́сцѣ:"
|
|
},
|
|
{
|
|
"type": "TEXT",
|
|
"value": "П ло́тїю ᲂу҆снꙋ́въ, / ꙗ҆́кѡ ме́ртвъ / цр҃ю̀ и҆ гдⷭ҇и, / тридне́венъ воскре́слъ є҆сѝ, / а҆да́ма воздви́гъ ѿ тлѝ, / и҆ ᲂу҆праздни́въ сме́рть: / па́сха нетлѣ́нїѧ, / мі́ра спасе́нїе. Є҆ди́ножды."
|
|
},
|
|
{
|
|
"type": "HEADER",
|
|
"value": "Сла́ва, мѷроно́сицамъ:"
|
|
},
|
|
{
|
|
"type": "TEXT",
|
|
"value": "Ж єны̀ ᲂу҆слы́шите гла́съ ра́дованїѧ: / мꙋчи́телѧ а҆́да попра́вый, ѿ тлѝ мі́ръ воздви́же, / тецы́те, дрꙋгѡ́мъ рцы́те мои̑мъ бл҃говѣ̑стїѧ: / хощꙋ́ бо созда́нїе своѐ ра́достїю ѡ҆зари́ти, / ѿѻнꙋ́дꙋже прїи́де печа́ль."
|
|
},
|
|
{
|
|
"type": "TEXT",
|
|
"value": "И҆ ны́нѣ, то́йже."
|
|
},
|
|
{
|
|
"type": "HEADER",
|
|
"value": "На хвали́техъ, Всѧ́кое дыха́нїе: поста́вимъ стїхѡ́въ и҃. И҆ пое́мъ стїхи̑ры воскре́сны д҃, гла́съ в҃."
|
|
},
|
|
{
|
|
"type": "TEXT",
|
|
"value": "Сті́хъ: Сотвори́ти въ ни́хъ сꙋ́дъ напи́санъ: / сла́ва сїѧ̀ бꙋ́детъ всѣ̑мъ прпⷣбнымъ є҆гѡ̀."
|
|
},
|
|
{
|
|
"type": "TEXT",
|
|
"value": "В сѧ́кое дыха́нїе и҆ всѧ̀ тва́рь, / тѧ̀ сла́витъ гдⷭ҇и, / ꙗ҆́кѡ крⷭ҇то́мъ сме́рть ᲂу҆праздни́лъ є҆сѝ, / да пока́жеши лю́демъ, є҆́же и҆з̾ ме́ртвыхъ твоѐ воскрⷭ҇нїе, / ꙗ҆́кѡ є҆ди́нъ чл҃вѣколю́бецъ."
|
|
},
|
|
{
|
|
"type": "TEXT",
|
|
"value": "Сті́хъ: Хвали́те бг҃а во ст҃ы́хъ є҆гѡ̀, / хвали́те є҆го̀ во ᲂу҆тверже́нїи си́лы є҆гѡ̀."
|
|
},
|
|
{
|
|
"type": "TEXT",
|
|
"value": "Д а рекꙋ́тъ і҆ꙋде́е, / ка́кѡ во́ини погꙋби́ша стрегꙋ́щїи цр҃ѧ̀; / почто́ бо ка́мень не сохранѝ ка́мене жи́зни; / и҆лѝ погребе́ннаго да дадѧ́тъ, / и҆лѝ воскрⷭ҇шемꙋ да покло́нѧтсѧ, / глаго́люще съ на́ми: / сла́ва мно́жествꙋ щедро́тъ твои́хъ, сп҃се на́шъ, сла́ва тебѣ̀."
|
|
},
|
|
{
|
|
"type": "TEXT",
|
|
"value": "Сті́хъ: Хвали́те є҆го̀ на си́лахъ є҆гѡ̀, / хвали́те є҆го̀ по мно́жествꙋ вели́чествїѧ є҆гѡ̀."
|
|
},
|
|
{
|
|
"type": "TEXT",
|
|
"value": "Р а́дꙋйтесѧ лю́дїе и҆ весели́тесѧ, / а҆́гг҃лъ сѣдѧ́й на ка́мени гро́бнѣмъ, / то́й на́мъ бл҃говѣстѝ, ре́къ: / хрⷭ҇то́съ воскр҃се и҆з̾ ме́ртвыхъ, сп҃съ мі́ра, / и҆ и҆спо́лни всѧ́чєскаѧ бл҃гоꙋха́нїѧ: / ра́дꙋйтесѧ лю́дїе и҆ весели́тесѧ."
|
|
},
|
|
{
|
|
"type": "TEXT",
|
|
"value": "Сті́хъ: Хвали́те є҆го̀ во гла́сѣ трꙋ́бнѣмъ: / хвали́те є҆го̀ во ѱалти́ри и҆ гꙋ́слехъ."
|
|
},
|
|
{
|
|
"type": "TEXT",
|
|
"value": "А҆́ гг҃лъ ᲂу҆́бѡ є҆́же ра́дꙋйсѧ, / пре́жде твоегѡ̀ зача́тїѧ гдⷭ҇и, бл҃года́тнѣй принесѐ: / а҆́гг҃лъ же ка́мень сла́внагѡ твоегѡ̀ гро́ба / въ твоѐ воскрⷭ҇нїе ѿвалѝ: / ѻ҆́въ ᲂу҆́бѡ въ печа́ли мѣ́сто, / весе́лїѧ ѡ҆́бразы возвѣща́ѧ: / се́й же въ сме́рти мѣ́сто, / влⷣкꙋ жизнода́вца проповѣ́дꙋѧ на́мъ, / тѣ́мже вопїе́мъ тѝ: / бл҃годѣ́телю всѣ́хъ, гдⷭ҇и сла́ва тебѣ̀."
|
|
},
|
|
{
|
|
"type": "TEXT",
|
|
"value": "Сті́хъ: Хвали́те є҆го̀ въ тѷмпа́нѣ и҆ ли́цѣ, / хвали́те є҆го̀ во стрꙋ́нахъ и҆ ѻ҆рга́нѣ."
|
|
},
|
|
{
|
|
"type": "HEADER",
|
|
"value": "И҆ восто́чны д҃:"
|
|
},
|
|
{
|
|
"type": "TEXT",
|
|
"value": "В озлїѧ́ша мѵ̑ра со слеза́ми на гро́бъ тво́й жєны̀, / и҆ и҆спо́лнишасѧ ра́дости ᲂу҆ста̀ и҆́хъ, / внегда̀ глаго́лати: воскр҃се гдⷭ҇ь."
|
|
},
|
|
{
|
|
"type": "TEXT",
|
|
"value": "Сті́хъ: Хвали́те є҆го̀ въ кѷмва́лѣхъ доброгла́сныхъ, хвали́те є҆го̀ въ кѷмва́лѣхъ восклица́нїѧ: / всѧ́кое дыха́нїе да хва́литъ гдⷭ҇а."
|
|
},
|
|
{
|
|
"type": "TEXT",
|
|
"value": "Д а похва́лѧтъ ꙗ҆зы́цы / и҆ лю́дїе хрⷭ҇та̀ бг҃а на́шего, / во́лею на́съ ра́ди крⷭ҇тъ претерпѣ́вшаго, / и҆ во а҆́дѣ тридне́вновавшаго: / и҆ да покло́нѧтсѧ є҆гѡ̀ и҆з̾ ме́ртвыхъ воскрⷭ҇нїю, / и҆́мже просвѣти́шасѧ всегѡ̀ мі́ра концы̀."
|
|
},
|
|
{
|
|
"type": "TEXT",
|
|
"value": "Сті́хъ: Воскрⷭ҇нѝ гдⷭ҇и бж҃е мо́й, да вознесе́тсѧ рꙋка̀ твоѧ̀, / не забꙋ́ди ᲂу҆бо́гихъ твои́хъ до конца̀."
|
|
},
|
|
{
|
|
"type": "TEXT",
|
|
"value": "Р а́спѧтъ и҆ погребе́нъ бы́лъ є҆сѝ хрⷭ҇тѐ, / ꙗ҆́коже и҆зво́лилъ є҆сѝ, / и҆спрове́рглъ є҆сѝ сме́рть, / и҆ воскр҃слъ є҆сѝ во сла́вѣ, ꙗ҆́кѡ бг҃ъ и҆ влⷣка, / да́рꙋѧ мі́рови жи́знь вѣ́чнꙋю и҆ ве́лїю млⷭ҇ть."
|
|
},
|
|
{
|
|
"type": "TEXT",
|
|
"value": "Сті́хъ: И҆сповѣ́мсѧ тебѣ̀ гдⷭ҇и, всѣ́мъ се́рдцемъ мои́мъ, / повѣ́мъ всѧ̑ чꙋдеса̀ твоѧ̑."
|
|
},
|
|
{
|
|
"type": "HEADER",
|
|
"value": "[Сїѧ́ же запѣ́вы по всѧ̀ воскресє́нїѧ.]"
|
|
},
|
|
{
|
|
"type": "TEXT",
|
|
"value": "Ѽ вои́стиннꙋ беззако́ннїи, / печа́тавше ка́мень, бо́льшихъ на́съ чꙋде́съ сподо́бисте! / и҆́мꙋтъ ра́зꙋмъ стра́жїе, / дне́сь про́йде и҆з̾ гро́ба, и҆ глаго́лахꙋ: / рцы́те, ꙗ҆́кѡ на́мъ спѧ́щымъ, / прїидо́ша ᲂу҆ч҃нцы̀, и҆ ᲂу҆крадо́ша є҆го̀. / и҆ кто̀ кра́детъ мертвеца̀, па́че же и҆ на́га; / са́мъ воскр҃се самовла́стнѡ ꙗ҆́кѡ бг҃ъ, / ѡ҆ста́вль во гро́бѣ и҆ погреба́тєльнаѧ своѧ̑: / прїиди́те ви́дите і҆ꙋде́є, / ка́кѡ не расто́рже печа́ти, сме́рть попра́вый / и҆ ро́дꙋ человѣ́ческомꙋ безконе́чнꙋю жи́знь да́рꙋѧй, / и҆ ве́лїю млⷭ҇ть."
|
|
},
|
|
{
|
|
"type": "HEADER",
|
|
"value": "Сла́ва, гла́съ в҃. Стїхи́ра є҆ѵⷢ҇льскаѧ:"
|
|
},
|
|
{
|
|
"type": "TEXT",
|
|
"value": "С ъ мѵ́ры прише́дшымъ ꙗ҆̀же съ марі́ею жена́мъ, / и҆ недоꙋмѣва́ющымсѧ, / ка́кѡ бꙋ́детъ и҆̀мъ ᲂу҆лꙋчи́ти жела́нїе, / ꙗ҆ви́сѧ ка́мень взѧ́тъ, / и҆ бж҃е́ственный ю҆́ноша ᲂу҆толѧ́ѧ мѧте́жъ дꙋ́шъ и҆́хъ: / воста́ бо глаго́летъ, і҆и҃съ гдⷭ҇ь. / тѣ́мже проповѣ́дите проповѣ́дникѡмъ є҆гѡ̀, / ᲂу҆ч҃никѡ́мъ въ галїле́ю тещѝ, / и҆ ви́дѣти є҆го̀ воскр҃сша и҆з̾ ме́ртвыхъ, / ꙗ҆́кѡ жизнода́вца и҆ гдⷭ҇а."
|
|
},
|
|
{
|
|
"type": "TEXT",
|
|
"value": "И҆ ны́нѣ: Пребл҃гослове́нна є҆сѝ бцⷣе дв҃о: Славосло́вїе вели́кое. Тропа́рь воскре́сенъ. Є҆ктєнїѝ, и҆ ѿпꙋ́стъ. И҆ ѻ҆бы́чное и҆схожде́нїе въ притво́ръ. И҆ поꙋче́нїе стꙋді́тово. И҆ ча́съ а҃-й. И҆ соверше́нный ѿпꙋ́стъ. На часѣ́хъ тропа́рь воскре́сенъ. Сла́ва: Б лагоѻбра́зный і҆ѡ́сифъ: И҆ ны́нѣ: бг҃оро́диченъ часѡ́въ. По трист҃о́мъ конда́къ: Ра́доватисѧ мѷроно́сицамъ: Та́кожде быва́етъ и҆ на про́чихъ часѣ́хъ."
|
|
},
|
|
{
|
|
"type": "HEADER",
|
|
"value": "На лїтꙋргі́и."
|
|
},
|
|
{
|
|
"type": "HEADER",
|
|
"value": "Бл҃жє́нна гла́са, на д҃, гла́съ в҃:"
|
|
},
|
|
{
|
|
"type": "TEXT",
|
|
"value": "П омѧнѝ бл҃гоꙋтро́бне и҆ на́съ, / ꙗ҆́коже помѧнꙋ́лъ є҆сѝ разбо́йника во црⷭ҇твїи нбⷭ҇нѣмъ."
|
|
},
|
|
{
|
|
"type": "TEXT",
|
|
"value": "Д ре́во и҆згна̀ а҆да́ма, / крⷭ҇тъ введѐ разбо́йника въ црⷭ҇тво нбⷭ҇ное."
|
|
},
|
|
{
|
|
"type": "TEXT",
|
|
"value": "Г ро́бъ под̾ѧ́тъ тѧ̀ сп҃се, гро́бы и҆стощи́вшаго, / и҆ мє́ртвымъ живо́тъ дарова́вшаго, ꙗ҆́кѡ бг҃а."
|
|
},
|
|
{
|
|
"type": "TEXT",
|
|
"value": "А҆ пⷭ҇ли сла́внїи хрⷭ҇тѡ́вы, / того̀ моли́те прилѣ́жнѡ, да ѿ бѣ́дъ спасе́тъ ны̀."
|
|
},
|
|
{
|
|
"type": "TEXT",
|
|
"value": "И҆ ѿ канѡ́на днѐ, пѣ́снь ѕ҃, на д҃."
|
|
},
|
|
{
|
|
"type": "HEADER",
|
|
"value": "По вхо́дѣ тропа́рь, гла́съ в҃."
|
|
},
|
|
{
|
|
"type": "TEXT",
|
|
"value": "Є҆ гда̀ снизше́лъ є҆сѝ къ сме́рти, животѐ безсме́ртный, / тогда̀ а҆́дъ ᲂу҆мертви́лъ є҆сѝ блиста́нїемъ бж҃ества̀. / є҆гда́ же и҆ ᲂу҆ме́ршыѧ ѿ преиспо́днихъ воскр҃си́лъ є҆сѝ, / всѧ̑ си̑лы нбⷭ҇ныѧ взыва́хꙋ: / жизнода́вче хрⷭ҇тѐ бж҃е на́шъ, сла́ва тебѣ̀."
|
|
},
|
|
{
|
|
"type": "HEADER",
|
|
"value": "Дрꙋгі́й, гла́съ то́йже:"
|
|
},
|
|
{
|
|
"type": "TEXT",
|
|
"value": "Б л҃гоѡбра́зный і҆ѡ́сифъ, / съ дре́ва сне́мъ пречⷭ҇тое твоѐ тѣ́ло, / плащани́цею чⷭ҇тою ѡ҆бви́въ, / и҆ бл҃гоꙋха́ньми во гро́бѣ но́вѣ закры́въ положѝ: / но тридне́венъ воскрⷭ҇лъ є҆сѝ гдⷭ҇и, / подаѧ̀ мі́рови ве́лїю млⷭ҇ть."
|
|
},
|
|
{
|
|
"type": "HEADER",
|
|
"value": "Сла́ва, конда́къ трїѡ́ди, гла́съ в҃:"
|
|
},
|
|
{
|
|
"type": "TEXT",
|
|
"value": "Р а́доватисѧ мѷроно́сицамъ повелѣ́лъ є҆сѝ, / пла́чь прамт҃ре є҆́ѵы ᲂу҆толи́лъ є҆сѝ / воскрⷭ҇нїемъ твои́мъ хрⷭ҇тѐ бж҃е, / а҆пⷭ҇лѡмъ же твои̑мъ проповѣ́дати повелѣ́лъ є҆сѝ: / сп҃съ воскре́се ѿ гро́ба."
|
|
},
|
|
{
|
|
"type": "HEADER",
|
|
"value": "И҆ ны́нѣ, конда́къ па́схи, гла́съ и҃."
|
|
},
|
|
{
|
|
"type": "TEXT",
|
|
"value": "А҆́ ще и҆ во гро́бъ снизше́лъ є҆сѝ безсме́ртне, / но а҆́довꙋ разрꙋши́лъ є҆сѝ си́лꙋ, / и҆ воскре́слъ є҆сѝ ꙗ҆́кѡ побѣди́тель хрⷭ҇тѐ бж҃е, / жена́мъ мѷроно́сицамъ вѣща́вый: ра́дꙋйтесѧ, / и҆ твои́мъ а҆пⷭ҇лѡмъ ми́ръ да́рꙋѧй, / па́дшымъ подаѧ́й воскресе́нїе."
|
|
},
|
|
{
|
|
"type": "HEADER",
|
|
"value": "Прокі́менъ, гла́съ ѕ҃:"
|
|
},
|
|
{
|
|
"type": "TEXT",
|
|
"value": "С пасѝ гдⷭ҇и лю́ди твоѧ̀, / и҆ бл҃гословѝ достоѧ́нїе твоѐ. Сті́хъ: Къ тебѣ̀ гдⷭ҇и воззовꙋ̀, бж҃е мо́й, да не премолчи́ши ѿ менѐ."
|
|
},
|
|
{
|
|
"type": "HEADER",
|
|
"value": "А҆пⷭ҇лъ дѣѧ́нїй ст҃ы́хъ а҆пⷭ҇лъ, зача́ло ѕ҃і."
|
|
},
|
|
{
|
|
"type": "TEXT",
|
|
"value": "В о днѝ ѻ҆́ны, ᲂу҆мно́жившымсѧ ᲂу҆ченикѡ́мъ, бы́сть ропта́нїе є҆́ллинѡмъ ко є҆вре́ємъ, ꙗ҆́кѡ презира́еми быва́хꙋ во вседне́внѣмъ слꙋже́нїи вдови̑цы и҆́хъ. призва́вше же двана́десѧть мно́жество ᲂу҆чени̑къ, рѣ́ша: не ᲂу҆го́дно є҆́сть на́мъ, ѡ҆ста́вльшымъ сло́во бж҃їе, слꙋжи́ти трапе́замъ. ᲂу҆смотри́те ᲂу҆̀бо бра́тїе, мꙋ́жы ѿ ва́съ свидѣ́тельствованы се́дмь, и҆спо́лнены дх҃а ст҃а и҆ премꙋ́дрости, и҆̀хже поста́вимъ над̾ слꙋ́жбою се́ю: мы́ же въ моли́твѣ и҆ слꙋже́нїи сло́ва пребꙋ́демъ. и҆ ᲂу҆го́дно бы́сть сло́во сїѐ пред̾ всѣ́мъ наро́домъ. и҆ и҆збра́ша стефа́на, мꙋ́жа и҆спо́лнена вѣ́ры, и҆ дх҃а ст҃а, и҆ фїлі́ппа, и҆ про́хѡра, и҆ нїкано́ра, и҆ ті́мѡна, и҆ парме́на, и҆ нїкола́а, прише́льца а҆нтїохі́йскаго: ꙗ҆̀же поста́виша пред̾ а҆пⷭ҇лы, и҆ помоли́вшесѧ положи́ша на нѧ̀ рꙋ́ки. и҆ сло́во бж҃їе растѧ́ше, и҆ мно́жашесѧ число̀ ᲂу҆чени̑къ во і҆ерꙋсали́мѣ ѕѣлѡ̀: мно́гъ же наро́дъ свѧще́нникѡвъ послꙋ́шахꙋ вѣ́ры."
|
|
},
|
|
{
|
|
"type": "TEXT",
|
|
"value": "А҆ллилꙋ́їа, гла́съ и҃: Бл҃говоли́лъ є҆сѝ гдⷭ҇и зе́млю твою̀, возврати́лъ є҆сѝ плѣ́нъ і҆а́кѡвль. Сті́хъ: Ми́лость и҆ и҆́стина срѣто́стѣсѧ, пра́вда и҆ ми́ръ ѡ҆блобыза́стасѧ."
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе ѿ ма́рка, зача́ло ѯ҃ѳ."
|
|
},
|
|
{
|
|
"type": "TEXT",
|
|
"value": "В о вре́мѧ ѻ҆́но, прїи́де і҆ѡ́сифъ, и҆́же ѿ а҆рїмаѳе́а, бл҃гоѻбра́зенъ совѣ́тникъ, и҆́же и҆ то́й бѣ̀ ча́ѧ црⷭ҇твїѧ бж҃їѧ, дерзнꙋ́въ вни́де къ пїла́тꙋ, и҆ просѝ тѣ́ло і҆и҃сово. пїла́тъ же диви́сѧ, а҆́ще ᲂу҆жѐ ᲂу҆́мре: и҆ призва́въ со́тника, вопросѝ є҆го̀: а҆́ще ᲂу҆жѐ ᲂу҆́мре; и҆ ᲂу҆вѣ́дѣвъ ѿ со́тника, дадѐ тѣ́ло і҆ѡ́сифови. и҆ кꙋпи́въ плащани́цꙋ, и҆ сне́мъ є҆го̀, ѡ҆бви́тъ плащани́цею, и҆ положѝ є҆го̀ во гро́бъ, и҆́же бѣ̀ и҆зсѣ́ченъ ѿ ка́мене: и҆ привалѝ ка́мень над̾ двє́ри гро́ба. марі́а же магдали́на, и҆ марі́а і҆ѡсі́ева, зрѧ́стѣ, гдѣ̀ є҆го̀ полага́хꙋ. и҆ минꙋ́вши сꙋббѡ́тѣ, марі́а магдали́на, и҆ марі́а і҆а́кѡвлѧ и҆ салѡмі́а, кꙋпи́ша а҆рѡма́ты, да прише́дше пома́жꙋтъ і҆и҃са. и҆ ѕѣлѡ̀ заꙋ́тра во є҆ди́нꙋ ѿ сꙋббѡ́тъ прїидо́ша на гро́бъ, возсїѧ́вшꙋ со́лнцꙋ. и҆ глаго́лахꙋ къ себѣ̀: кто̀ ѿвали́тъ на́мъ ка́мень ѿ две́рїй гро́ба; и҆ воззрѣ́вше ви́дѣша, ꙗ҆́кѡ ѿвале́нъ бѣ̀ ка́мень: бѣ́ бо ве́лїй ѕѣлѡ̀. и҆ влѣ́зше во гро́бъ, ви́дѣша ю҆́ношꙋ сѣдѧ́ща въ десны́хъ, ѡ҆дѣ́ѧна во ѻ҆де́ждꙋ бѣлꙋ̀, и҆ ᲂу҆жасо́шасѧ. ѻ҆́нъ же глаго́ла и҆̀мъ: не ᲂу҆жаса́йтесѧ. і҆и҃са и҆́щете назарѧни́на распѧ́таго: воста̀, нѣ́сть здѣ̀: сѐ мѣ́сто, и҆дѣ́же положи́ша є҆го̀. но и҆ди́те, рцы́те ᲂу҆ченикѡ́мъ є҆гѡ̀, и҆ петро́ви, ꙗ҆́кѡ варѧ́етъ вы̀ въ галїле́и: та́мѡ є҆го̀ ви́дите, ꙗ҆́коже речѐ ва́мъ. и҆ и҆зше́дше бѣжа́ша ѿ гро́ба. и҆мѧ́ше же и҆̀хъ тре́петъ и҆ ᲂу҆́жасъ. и҆ никомꙋ́же ничто́же рѣ́ша, боѧ́хꙋ бо сѧ."
|
|
},
|
|
{
|
|
"type": "HEADER",
|
|
"value": "Вмѣ́стѡ же Досто́йно: пое́мъ:"
|
|
},
|
|
{
|
|
"type": "TEXT",
|
|
"value": "А҆́ гг҃лъ вопїѧ́ше бл҃года́тнѣй, / чи́стаѧ дв҃о ра́дꙋйсѧ, / и҆ па́ки рекꙋ̀, ра́дꙋйсѧ: / тво́й сн҃ъ воскре́се / тридне́венъ ѿ гро́ба, / и҆ мє́ртвыѧ воздви́гнꙋвый, / лю́дїе весели́тесѧ."
|
|
},
|
|
{
|
|
"type": "TEXT",
|
|
"value": "Та́же і҆рмо́съ: Свѣти́сѧ, свѣти́сѧ / но́вый і҆ерꙋсали́ме: / сла́ва бо гдⷭ҇нѧ / на тебѣ̀ возсїѧ̀. / ликꙋ́й ны́нѣ, / и҆ весели́сѧ сїѡ́не. / ты́ же чи́стаѧ красꙋ́йсѧ бцⷣе, / ѡ҆ воста́нїи рождества̀ твоегѡ̀."
|
|
},
|
|
{
|
|
"type": "HEADER",
|
|
"value": "Прича́стный:"
|
|
},
|
|
{
|
|
"type": "TEXT",
|
|
"value": "Т ѣ́ло хрⷭ҇то́во прїими́те, / и҆сто́чника безсме́ртнагѡ вкꙋси́те. Дрꙋгі́й: Хвали́те гдⷭ҇а съ нб҃съ, / хвали́те є҆гѡ̀ въ вы́шнихъ. / А҆ ллилꙋ́їа. Три́жды."
|
|
},
|
|
{
|
|
"type": "TEXT",
|
|
"value": "[зрѝ] А҆́ще хра́мъ ст҃ы́хъ же́нъ мѷроно́сицъ, на ма́лѣй и҆ вели́цѣй вече́рни, и҆ на ᲂу҆́трени, и҆ на лїтꙋргі́и, пое́мъ во все́мъ подо́бнѣ, ꙗ҆́коже великомꙋ́ченикꙋ геѡ́ргїю. То́чїю на вече́рни парємїѝ чте́мъ, пи́саны въ недѣ́лю всѣ́хъ ст҃ы́хъ."
|
|
},
|
|
{
|
|
"type": "HEADER",
|
|
"value": "На ᲂу҆́трени по полѷеле́и велича́нїе пое́мъ си́це:"
|
|
},
|
|
{
|
|
"type": "TEXT",
|
|
"value": "В елича́емъ ва́съ / ст҃ы̑ѧ мѷронѡ́сицы, / и҆ чте́мъ ст҃ꙋ́ю па́мѧть ва́шꙋ: / вы́ бо моли́те ѡ҆ на́съ / хрⷭ҇та̀ бг҃а на́шего."
|
|
},
|
|
{
|
|
"type": "TEXT",
|
|
"value": "Ѱало́мъ: Бл҃же́нъ мꙋ́жъ боѧ́йсѧ гдⷭ҇а: и҆ прѡ́чаѧ."
|
|
}
|
|
] |