ponomar-pwa/static/data/shared/akathists/alexander-svirsky/full.json

[
 {
  "type": "HEADER",
  "value": "Канѡ́нъ прпⷣбнагѡ а҆леѯа́ндра сви́рскагѡ."
 },
 {
  "type": "HEADER",
  "value": "Тропа́рь, гла́съ д҃:"
 },
 {
  "type": "TEXT",
  "value": "Ѿ ю҆́ности, бг҃омꙋ́дре, жела́нїемъ дꙋхо́внымъ въ пꙋсты́ню всели́всѧ, є҆ди́нагѡ хрⷭ҇та̀ возжела́лъ є҆сѝ ᲂу҆се́рднѡ стопа́мъ въ слѣ́дъ ходи́ти. тѣ́мже и҆ а҆́гг҃льстїи чи́ни зрѧ́ще тѧ̀, ᲂу҆диви́шасѧ, ка́кѡ съ пло́тїю къ неви̑димымъ ко́знемъ подвиза́всѧ, премꙋ́дре, побѣди́лъ є҆сѝ полкѝ страсте́й воздержа́нїемъ, и҆ ꙗ҆ви́лсѧ є҆сѝ равноа́гг҃ленъ на землѝ, а҆леѯа́ндре прпⷣбне, молѝ хрⷭ҇та̀ бг҃а, да спасе́тъ дꙋ́шы на́шѧ."
 },
 {
  "type": "HEADER",
  "value": "Канѡ́нъ прпⷣбнагѡ а҆леѯа́ндра, гла́съ д҃. Пѣ́снь а҃."
 },
 {
  "type": "HEADER",
  "value": "І҆рмо́съ:"
 },
 {
  "type": "TEXT",
  "value": "Мо́рѧ чермнꙋ́ю пꙋчи́нꙋ, невла́жными стопа́ми, дре́внїй пѣшеше́ствовавъ і҆и҃ль, крестоѻбра́зными мѡѷсе́овыма рꙋка́ма, а҆мали́ковꙋ си́лꙋ въ пꙋсты́ни побѣди́лъ є҆́сть."
 },
 {
  "type": "TEXT",
  "value": "Припѣ́въ: Прпⷣбне ѻ҆́ч҃е на́шъ а҆леѯа́ндре, молѝ бг҃а ѡ҆ на́съ."
 },
 {
  "type": "TEXT",
  "value": "Б жⷭ҇твеннагѡ и҆ прест҃а́гѡ дх҃а блиста́ѧсѧ бл҃года́тїю, свѣтоно́сное, а҆леѯа́ндре, и҆ честно́е соверша́ющихъ твоѐ ᲂу҆спе́нїе, свѣ́тлою моли́твою твое́ю, страсте́й мглꙋ̀ ѡ҆чи́сти."
 },
 {
  "type": "TEXT",
  "value": "Ѿ ю҆́ности, прпⷣбне, ꙗ҆ре́мъ гдⷭ҇ень воспрїе́мъ, и҆ въ бразда́хъ твоегѡ̀ се́рдца пшени́цꙋ сѣ́ѧлъ є҆сѝ дꙋхо́внꙋ, кла́съ пожа́лъ є҆сѝ ᲂу҆твержда́ющь дꙋ́шы, бг҃облаже́нне."
 },
 {
  "type": "TEXT",
  "value": "Сла́ва: Свѣтоно́снаѧ па́мѧть твоѧ̀ на́мъ дне́сь возсїѧ̀, ꙗ҆́кѡ со́лнечнаѧ лꙋча̀, а҆леѯа́ндре, и҆справле́нїй твои́хъ, страсте́й на́шихъ ѿе́млющи ѻ҆́блакъ: ю҆́же сотворѧ́юще вѣ́рою тѧ̀ и҆ любо́вїю ᲂу҆блажа́емъ."
 },
 {
  "type": "TEXT",
  "value": "И҆ ны́нѣ: Зачала̀ є҆сѝ, пречⷭ҇таѧ, неизрече́ннымъ сло́вомъ содержа́щаго земны̑ѧ концы̀, и҆ сего̀ родила̀ є҆сѝ: є҆го́же молѝ прилѣ́жнѡ поми́ловати на́съ."
 },
 {
  "type": "HEADER",
  "value": "Пѣ́снь г҃."
 },
 {
  "type": "HEADER",
  "value": "І҆рмо́съ:"
 },
 {
  "type": "TEXT",
  "value": "Весели́тсѧ ѡ҆ тебѣ̀ цр҃ковь твоѧ̑, хрⷭ҇тѐ, зовꙋ́щи: ты̀ моѧ̀ крѣ́пость, гдⷭ҇и, и҆ прибѣ́жище, и҆ ᲂу҆твержде́нїе."
 },
 {
  "type": "TEXT",
  "value": "Припѣ́въ: Прпⷣбне ѻ҆́ч҃е на́шъ а҆леѯа́ндре, молѝ бг҃а ѡ҆ на́съ."
 },
 {
  "type": "TEXT",
  "value": "Ж езло́мъ воздержа́нїѧ стра́стное мо́ре, ѻ҆́ч҃е, раздѣли́въ, преше́лъ є҆сѝ неистопле́нъ, и҆ предѣ̑лъ дости́глъ є҆сѝ и҆́стиннагѡ безстра́стїѧ, и҆ бг҃ꙋ предстоѧ̀ бесѣ́довалъ є҆сѝ ᲂу҆ма̀ чистото́ю."
 },
 {
  "type": "TEXT",
  "value": "К то̀ твоѧ̑ по́двиги, а҆леѯа́ндре, по достоѧ́нїю и҆зрещѝ возмо́жетъ; ты́ бо пꙋти̑ жестѡ́кїѧ въ пꙋсты́ни ше́ствꙋѧ, сꙋ́рово бы́лїе ꙗ҆́лъ є҆сѝ, вкꙋше́нїе же ѿлага́лъ є҆сѝ пи́щи, болѣ́зньми воздержа́нїѧ."
 },
 {
  "type": "TEXT",
  "value": "Сла́ва: Ꙗ҆́кѡ ма́слина плодови́та въ домꙋ̀ гдⷭ҇ни прозѧ́блъ є҆сѝ, ма́сломъ трꙋдѡ́въ твои́хъ, а҆леѯа́ндре, ᲂу҆маща́ѧ на́шѧ ли́ца: пою́щыѧ тѧ̀, прпⷣбне и҆ бг҃облаже́нне, всѧ̑ ны̀ посѣтѝ молѧ́сѧ чл҃вѣколю́бцꙋ."
 },
 {
  "type": "TEXT",
  "value": "И҆ ны́нѣ: И҆зъ тебє̀, чⷭ҇таѧ, цвѣ́тъ неꙋвѧда́емый, благоꙋха́ѧ всѐ человѣ́чество, бжⷭ҇твеннымъ мѵ́ромъ є҆стества̀ своегѡ̀, и҆́же ѻ҆ц҃ꙋ̀ собезнача́льный, и҆зъ тебє̀ бы́въ подъ лѣ́томъ, дв҃о всенепоро́чнаѧ."
 },
 {
  "type": "TEXT",
  "value": "Г дⷭ҇и, поми́лꙋй. [Три́жды.]"
 },
 {
  "type": "HEADER",
  "value": "Сѣда́ленъ, гла́съ и҃. Подо́бенъ: Премꙋ́дрости:"
 },
 {
  "type": "TEXT",
  "value": "Ѿ ю҆́ности всѧ̑ ѡ҆ста́вль житє́йскаѧ, кра̑снаѧ же и҆ лѣ́пѡтнаѧ, и҆ въ пꙋсты́ню всели́всѧ, ᲂу҆се́рднѡ послѣ́довалъ є҆сѝ зва́вшемꙋ тебѐ, прпⷣбне: въ трꙋдѣ́хъ же и҆ постѣ́хъ, ѻ҆́ч҃е, тѣ́ло твоѐ и҆знꙋри́лъ є҆сѝ. ѿѻнꙋ́дꙋже тѧ̀ па́стырѧ свои̑мъ ѻ҆вца́мъ до́брѣ ᲂу҆строѧ́етъ всебога́тый гдⷭ҇ь, а҆леѯа́ндре блаже́нне. молѝ хрⷭ҇та̀ бг҃а, прегрѣше́нїй ѡ҆ставле́нїе дарова́ти, чтꙋ́щымъ любо́вїю свѧтꙋ́ю па́мѧть твою̀."
 },
 {
  "type": "TEXT",
  "value": "Сла́ва, и҆ ны́нѣ, бг҃оро́диченъ: Ꙗ҆́кѡ дв҃ꙋ и҆ є҆ди́нꙋ въ жена́хъ, тѧ̀ безъ сѣ́мене ро́ждшꙋю бг҃а пло́тїю, всѝ ᲂу҆блажа́емъ ро́ди человѣ́честїи: ѻ҆́гнь бо всели́сѧ въ тѧ̀ бжⷭ҇тва̀, и҆ ꙗ҆́кѡ млⷣнца млеко́мъ пита́еши зижди́телѧ и҆ гдⷭ҇а. тѣ́мъ а҆́гг҃льскїй и҆ человѣ́ческїй ро́дъ, досто́йнѡ сла́вимъ прест҃о́е ржⷭ҇тво̀ твоѐ, и҆ согла́снѡ вопїе́мъ тѝ: молѝ хрⷭ҇та̀ бг҃а, согрѣше́нїй ѡ҆ставле́нїе дарова́ти покланѧ́ющымсѧ вѣ́рою прест҃о́мꙋ ржⷭ҇твꙋ̀ твоемꙋ̀."
 },
 {
  "type": "HEADER",
  "value": "Пѣ́снь д҃."
 },
 {
  "type": "HEADER",
  "value": "І҆рмо́съ:"
 },
 {
  "type": "TEXT",
  "value": "Вознесе́на тѧ̀ ви́дѣвши цр҃ковь на крⷭ҇тѣ̀, сл҃нце пра́ведное, ста̀ въ чи́нѣ свое́мъ, досто́йнѡ взыва́ющи: сла́ва си́лѣ твое́й, гдⷭ҇и."
 },
 {
  "type": "TEXT",
  "value": "Припѣ́въ: Прпⷣбне ѻ҆́ч҃е на́шъ а҆леѯа́ндре, молѝ бг҃а ѡ҆ на́съ."
 },
 {
  "type": "TEXT",
  "value": "В ѣ́триломъ, ѻ҆́ч҃е, крⷭ҇та̀, дꙋше́вный тво́й кора́бль ѡ҆корми́въ, благоꙋти́шнѡ же и҆ легкѡ̀ жите́йскагѡ лю́тагѡ потопле́нїѧ и҆збѣ́глъ є҆сѝ, и҆ къ тишинѣ̀ бжⷭ҇твенныхъ и҆звле́клъ є҆сѝ приста́нищъ ра́дꙋѧсѧ."
 },
 {
  "type": "TEXT",
  "value": "Ѡ҆ брѣта́ѧ, ѻ҆́ч҃е, са́мъ себѐ, всеблаже́нне, всю̀ но́щь стоѧ́лъ є҆сѝ ꙗ҆́кѡ безпло́тенъ, недрема́нно ѻ҆́ко и҆мѣ́лъ є҆сѝ, и҆ чи́сто ꙗ҆́коже зерца́ло дꙋхо́вною заре́ю, и҆ бжⷭ҇твеннагѡ ꙗ҆вле́нїѧ, чи́стымъ по́мысломъ прїе́млѧ."
 },
 {
  "type": "TEXT",
  "value": "Сла́ва: Ꙗ҆́кѡ бжⷭ҇твенный зри́тсѧ ра́й, премꙋ́дре, хра́мъ, и҆мѣ́ѧ въ себѣ̀ твои́хъ моще́й ра́кꙋ, цвѣ́ты приносѧ̀ чꙋдє́сныѧ, и҆́миже сердца̀ наслажда́ютсѧ вѣ́рою, а҆леѯа́ндре, при́снѡ хва́лѧщихъ тѧ̀."
 },
 {
  "type": "TEXT",
  "value": "И҆ ны́нѣ: Ст҃а́ѧ бцⷣе, ѡ҆свѧтѝ на́съ, ꙗ҆́же прест҃а́го бг҃а ро́ждши пло́тїю, ᲂу҆подо́битисѧ восхотѣ́вша человѣ́кѡмъ, и҆ небе́снагѡ житїѧ̀ всѧ̑ покажѝ, пречⷭ҇таѧ, прича́стники моли́твами твои́ми."
 },
 {
  "type": "HEADER",
  "value": "Пѣ́снь є҃."
 },
 {
  "type": "HEADER",
  "value": "І҆рмо́съ:"
 },
 {
  "type": "TEXT",
  "value": "Ты̀, гдⷭ҇и, мо́й, свѣ́тъ въ мі́ръ прише́лъ є҆сѝ, свѣ́тъ ст҃ы́й, ѡ҆браща́ѧй и҆зъ мра́чна невѣ́дѣнїѧ, вѣ́рою воспѣва́ющыѧ тѧ̀."
 },
 {
  "type": "TEXT",
  "value": "Припѣ́въ: Прпⷣбне ѻ҆́ч҃е на́шъ а҆леѯа́ндре, молѝ бг҃а ѡ҆ на́съ."
 },
 {
  "type": "TEXT",
  "value": "П росвѣща́емь заре́ю, ѻ҆́ч҃е, невече́рнею, и҆ бжⷭ҇твеннымъ блиста́нїемъ, бѣсо́вскїй мра́къ, и҆ стра́стнꙋю мглꙋ̀ ѿгна́лъ є҆сѝ, и҆ ꙗ҆ви́лсѧ є҆сѝ сто́лпъ свѣтоза́ренъ, и҆ лѣ́ствица вои́стиннꙋ, къ бг҃ꙋ вѣ̑рныѧ возводѧ́щи."
 },
 {
  "type": "TEXT",
  "value": "Б о́дръ ᲂу҆́мъ всегда̀ и҆мѣ́ѧ, ѻ҆́тче бг҃омꙋ́дре а҆леѯа́ндре, стра̑сти ᲂу҆спи́лъ є҆сѝ дꙋшетлѣ̑нныѧ, къ бжⷭ҇твенномꙋ свѣтозаре́нїю хотѧ̀ дости́гнꙋти къ незаходи́магѡ свѣ́та свѣ́тлости, и҆дѣ́же є҆́сть веселѧ́щихсѧ жили́ще."
 },
 {
  "type": "TEXT",
  "value": "Сла́ва: Ꙗ҆́кѡ ѡ҆чи́стившꙋ помышлє́нїѧ, прпⷣбне, благода́ть тебѣ̀ даде́сѧ ꙗ҆́кѡ прⷪ҇ро́кꙋ: ꙗ҆́кѡ настоѧ̑щаѧ глаго́леши бꙋ̑дꙋщаѧ, зрѣ́ти же да̑льнѧѧ ꙗ҆́кѡ бли̑жнѧѧ, а҆леѯа́ндре, бж҃їе ѻ҆би́телище."
 },
 {
  "type": "TEXT",
  "value": "И҆ ны́нѣ: Ро́ждши, пренепоро́чнаѧ, бг҃а є҆мманꙋ́ила, и҆ чл҃вѣ́ка ꙗ҆́вѣ за милосе́рдїе бы́вша, є҆го́же молѝ ꙗ҆́кѡ человѣколю́бца, чⷭ҇таѧ, ᲂу҆ще́дрити лю́ди согрѣ́шшыѧ."
 },
 {
  "type": "HEADER",
  "value": "Пѣ́снь ѕ҃."
 },
 {
  "type": "HEADER",
  "value": "І҆рмо́съ:"
 },
 {
  "type": "TEXT",
  "value": "Пожрꙋ́ ти со гла́сомъ хвале́нїѧ, гдⷭ҇и, цр҃ковь вопїе́тъ тѝ, ѿ бѣсо́вскїѧ кро́ве ѡ҆чи́щшисѧ, ра́ди ми́лости ѿ ре́бръ твои́хъ и҆сте́кшею кро́вїю."
 },
 {
  "type": "TEXT",
  "value": "Припѣ́въ: Прпⷣбне ѻ҆́ч҃е на́шъ а҆леѯа́ндре, молѝ бг҃а ѡ҆ на́съ."
 },
 {
  "type": "TEXT",
  "value": "Н еболѣ́зненнꙋю жи́знь въ болѣ́знехъ воспрїѧ́лъ є҆сѝ, и҆ болѣ́зней лю́тыхъ ᲂу҆ставлѧ́еши ѡ҆ѕлоблє́нїѧ, вѣ́рою просѧ́щымъ прїѧ́ти и҆сцѣле́нїе, а҆леѯа́ндре всече́стне. тѣ́мже разрѣшѝ болѣ̑зни на́шѧ дꙋшє́вныѧ и҆ тѣлє́сныѧ."
 },
 {
  "type": "TEXT",
  "value": "К ъ ра́цѣ твое́й свѧще́ннѣй пристꙋпа́юще, благоꙋха́нїѧ бжⷭ҇твеннагѡ ра́зꙋма и҆сполнѧ́емсѧ, пребл҃же́нне а҆леѯа́ндре, смра́да и҆збавлѧ́ющесѧ страсте́й, любо́вїю тѧ̀ чтꙋ́щїи, ѻ҆́ч҃е прпⷣбне."
 },
 {
  "type": "TEXT",
  "value": "Сла́ва: И҆справлѧ́еши, ѻ҆́ч҃е, хромы́хъ, и҆ ѻ҆́чи просвѣща́еши слѣпы́хъ, ходи́ти же твори́ши разсла́бленныхъ ѡ҆ хрⷭ҇тѣ̀, и҆ ѿго́ниши дꙋ́хи лꙋка̑выѧ, а҆леѯа́ндре прпⷣбне."
 },
 {
  "type": "TEXT",
  "value": "И҆ ны́нѣ: На тѧ̀ ꙗ҆́кѡ до́ждь на рꙋно̀ сше́дъ, бцⷣе, сп҃съ, и҆зсꙋшѝ ꙗ҆́кѡ пото́ки безбо́жїѧ: дꙋ́шы же на́шѧ напаѧ́ѧ всегда̀, при́снѡ чтꙋ́щыѧ тѧ̀."
 },
 {
  "type": "TEXT",
  "value": "Г дⷭ҇и, поми́лꙋй. [Три́жды.] Сла́ва, и҆ ны́нѣ:"
 },
 {
  "type": "HEADER",
  "value": "Конда́къ, гла́съ и҃."
 },
 {
  "type": "TEXT",
  "value": "Ꙗ҆́ кѡ многосвѣ́тлаѧ ѕвѣзда̀, дне́сь въ страна́хъ рѡссі́йскихъ возсїѧ́лъ є҆сѝ, ѻ҆́ч҃е, всели́всѧ въ пꙋсты́ню, хрⷭ҇тѡ́вымъ стопа́мъ послѣ́довати ᲂу҆се́рднѡ возжелѣ́лъ є҆сѝ, и҆ тогѡ̀ ст҃о́е и҆́го на ра́мо твоѐ взе́мъ чⷭ҇тны́й крⷭ҇тъ, ᲂу҆мертви́лъ є҆сѝ трꙋды̑ пѡ́двигъ твои́хъ тѣлє́сныѧ взыгра̑нїѧ. тѣ́мже вопїе́мъ тѝ: спасѝ ста́до твоѐ, є҆́же собра́лъ є҆сѝ, мꙋ́дре, да зове́мъ тѝ: ра́дꙋйсѧ, прпⷣбне а҆леѯа́ндре, ѻ҆́ч҃е на́шъ."
 },
 {
  "type": "TEXT",
  "value": "І҆́косъ: Ка́кѡ восхвалю̀ твоѧ̑ по́двиги и҆ борє́нїѧ, прпⷣбне а҆леѯа́ндре; ꙗ҆́кѡ невеще́ственъ ра́зꙋмъ стѧжа́въ смире́нїемъ, житїѐ твоѐ препроводи́лъ є҆сѝ ѕѣ́льнымъ воздержа́нїемъ трꙋдѡ́въ твои́хъ. а҆́ще ᲂу҆́бѡ и҆ человѣ́къ бы́лъ є҆сѝ є҆стество́мъ но вы́шнѧгѡ і҆ерⷭ҇ли́ма ꙗ҆ви́лсѧ є҆сѝ граждани́нъ: съ пло́тїю бо на землѝ пожи́лъ є҆сѝ, но а҆́гг҃льское пребыва́нїе проше́дъ, бы́лъ є҆сѝ сто́лпъ страстьмѝ непотрѧсо́мъ. тѣ́мъ всѧ̀ рѡссі́йскаѧ землѧ̀ тобо́ю ѡ҆бога́щшисѧ хва́литъ тѧ̀, и҆ вѣ́рою велича́етъ, взыва́ющи тебѣ̀ такова̑ѧ: ра́дꙋйсѧ, ѻ҆те́чествꙋ твоемꙋ̀ похвала̀, вели́комꙋ же новꙋ́градꙋ и҆ все́й странѣ̀ рѡссі́йстѣй пресвѣ́тлый свѣти́льниче: ра́дꙋйсѧ, и҆́же благочести́ва ѻ҆тца̀ пресла́внаѧ ѻ҆́трасль, и҆ благоговѣ́йны ма́тере вѣ́твь многопло́дна: ра́дꙋйсѧ, цѣломꙋ́дрїѧ непрекло́нный сто́лпе, и҆ мона́хѡвъ пресвѣ́тлаѧ сла́ва: ра́дꙋйсѧ, па́стырю хрⷭ҇то́вы ѡ҆гра́ды слове́сныхъ ѻ҆ве́цъ, и҆̀хже къ бж҃їю приводѧ̀ ра́зꙋмꙋ: ра́дꙋйсѧ, ты́ бо многоча́днꙋ пꙋсты́ню воздѣ́лалъ є҆сѝ высото́ю смире́нїѧ твоегѡ̀: ра́дꙋйсѧ, мона́шествꙋющихъ всѣ́хъ ѻ҆́бразъ добродѣ́тели, и҆ є҆диноѻбра́зныхъ ла́ѵры спасе́нїе: ра́дꙋйсѧ, кра́сное добродѣ́телей храни́лище, и҆ всѣ̑мъ въ печа́ли ᲂу҆ныва́ющымъ ᲂу҆тѣше́нїе: ра́дꙋйсѧ, ꙗ҆́кѡ всѧ̑ мі́ра сегѡ̀ мꙋдрова̑нїѧ презрѣ́въ, стра̑сти плотскі̑ѧ ᲂу҆мертви́лъ є҆сѝ: ра́дꙋйсѧ, ꙗ҆́кѡ а҆́гг҃лѡмъ собесѣ́дникъ бы́ти сподо́билсѧ є҆сѝ, и҆ всѧ̑ бѣсѡ́вскїѧ полкѝ посрами́лъ є҆сѝ: ра́дꙋйсѧ, ты́ бо во всѣ́хъ страна́хъ просла́вленъ бы́лъ є҆сѝ, ѡ҆ хрⷭ҇тѣ́ бо мнѡ́га чꙋдеса̀ сотвори́лъ є҆сѝ: ра́дꙋйсѧ, ꙗ҆́кѡ вои́стиннꙋ ѡ҆брѣ́лъ є҆сѝ бж҃їю благода́ть, и҆ со а҆́гг҃лы при́снѡ зрѣ́ти сподо́билсѧ є҆сѝ лице́мъ къ лицꙋ̀ свѧтꙋ́ю трⷪ҇цꙋ: ра́дꙋйсѧ, ꙗ҆́кѡ второ́е со́лнце сїѧ́ѧ чꙋдєсы̀, всѣ̑мъ да́рꙋеши благода́ть и҆сцѣле́нїй: ра́дꙋйсѧ, прпⷣбне а҆леѯа́ндре ѻ҆́ч҃е на́шъ."
 },
 {
  "type": "HEADER",
  "value": "Пѣ́снь з҃."
 },
 {
  "type": "HEADER",
  "value": "І҆рмо́съ:"
 },
 {
  "type": "TEXT",
  "value": "Въ пещѝ а҆враа́мстїи ѻ҆́троцы персі́дстѣй, любо́вїю благоче́стїѧ па́че, не́жели пла́менемъ ѡ҆палѧ́еми, взыва́хꙋ: бл҃гослове́нъ є҆сѝ въ хра́мѣ сла́вы твоеѧ̀, гдⷭ҇и."
 },
 {
  "type": "TEXT",
  "value": "Припѣ́въ: Прпⷣбне ѻ҆́ч҃е на́шъ а҆леѯа́ндре, молѝ бг҃а ѡ҆ на́съ."
 },
 {
  "type": "TEXT",
  "value": "Ѡ҆ свѧ́щсѧ ѿ мла́денства доброгла́сною трꙋбо́ю моли́твы твоеѧ̀, и҆ неплѡ́дныѧ ᲂу҆трѡ́бы многоплѡ́дны сотвори́лъ є҆сѝ. слѣпы̑мъ подае́ши прозрѣ́нїе, и҆ хрѡмы́мъ благотече́нїе, а҆леѯа́ндре преблаже́нне:"
 },
 {
  "type": "TEXT",
  "value": "С ле́зными и҆злїѧ̑нїи погаси́лъ є҆сѝ страсте́й разжжє́нїѧ, а҆леѯа́ндре блаже́нне, чꙋде́съ и҆сточи́лъ є҆сѝ стрꙋи̑ присноживо́тны, и҆́миже ѡ҆мыва́ютсѧ дꙋ́шъ же и҆ тѣле́съ недꙋ́зи, пресла́вне."
 },
 {
  "type": "TEXT",
  "value": "Сла́ва: Терпѣ́нїе стѧжа́въ мно́гое, премꙋ́дре, воздержа́нїе, вѣ́рꙋ и҆ любо́вь и҆́стиннꙋ, ꙗ҆ви́лсѧ є҆сѝ ѻ҆те́цъ си̑рымъ, вдови́цамъ застꙋ́пникъ, ми́лостивъ и҆ смире́нъ а҆леѯа́ндре, мона́хѡмъ сла́ва и҆ похвала̀."
 },
 {
  "type": "TEXT",
  "value": "И҆ ны́нѣ: Ка́кѡ дои́ши млеко́мъ сн҃а, чⷭ҇таѧ, безъ ѻ҆тца̀, пита́ющаго всѧ́кое дыха́нїе, мт҃и пречⷭ҇таѧ; ка́кѡ на рꙋкꙋ̀ но́сиши всѧ̑ содержа́щаго; па́че ᲂу҆ма̀ чꙋ́до твоѐ. тѣ́мъ пое́мъ вели̑чїѧ твоѧ̑."
 },
 {
  "type": "HEADER",
  "value": "Пѣ́снь и҃."
 },
 {
  "type": "HEADER",
  "value": "І҆рмо́съ:"
 },
 {
  "type": "TEXT",
  "value": "Рꙋ́цѣ распросте́ръ данїи́лъ, львѡ́въ зїѧ̑нїѧ въ ро́вѣ затчѐ, ѻ҆́гненнꙋю же си́лꙋ ᲂу҆гаси́ша, добродѣ́телїю препоѧ́савшесѧ, благоче́стїѧ рачи́тели ѻ҆́троцы, взыва́юще: бл҃гослови́те, всѧ̑ дѣла̀ гдⷭ҇нѧ, гдⷭ҇а."
 },
 {
  "type": "TEXT",
  "value": "Припѣ́въ: Прпⷣбне ѻ҆́ч҃е на́шъ а҆леѯа́ндре, молѝ бг҃а ѡ҆ на́съ."
 },
 {
  "type": "TEXT",
  "value": "Оу҆ мо́мъ безстра́стїѧ ѡ҆чище́нъ, бесѣ́довалъ є҆сѝ гдⷭ҇еви вседержи́телю: ѿ негѡ́же неизглаго́ланнѡ, прпⷣбне, наꙋча́емь, прⷪ҇ро́чески предглаго́лалъ є҆сѝ просвѣща́ѧ дꙋ́шы, ꙗ҆́кѡ вели́къ, всеблаже́нне, прⷪ҇ро́къ. тѣ́мъ тѧ̀ согла́снѡ, а҆леѯа́ндре премꙋ́дре, вѣ́рнїи похвалѧ́емъ, пою́ще: благослови́те, всѧ̑ дѣла̀ гдⷭ҇нѧ, гдⷭ҇а."
 },
 {
  "type": "TEXT",
  "value": "П одава́ѧ тебѣ̀, ꙗ҆̀же проти́вꙋ любвѐ зижди́тель, ѿ ю҆́ности соблюда́ѧ тѧ̀ десни́цею, и҆ ма́лымъ бы́лїемъ самовозра́стшимъ ѿ землѝ, пита́етъ тѧ̀ бг҃олѣ́пнѡ, ꙗ҆́кѡ ѿ младе́нства всѧ́ко похотѣ́нїе попра́вша, и҆ пою́ща: благослови́те, всѧ̑ дѣла̀ гдⷭ҇нѧ, гдⷭ҇и."
 },
 {
  "type": "TEXT",
  "value": "Сла́ва: Ꙗ҆́кѡ стрꙋѧ̀ бжⷭ҇твенна и҆сцѣле́нїй, происходѧ́щи ѿ ра́ки твоеѧ̀, всѧ̑ и҆сцѣлѧ́етъ, и҆ ѡ҆мыва́етъ сквє́рны страсте́й, и҆ гное́нїе лю́тыхъ ѡ҆чища́етъ, и҆ вѣ́рныхъ напаѧ́етъ всѣ́хъ сердца̀, а҆леѯа́ндре премꙋ́дре, любо́вїю пою́щихъ: благослови́те, всѧ̑ дѣла̀ гдⷭ҇нѧ, гдⷭ҇а."
 },
 {
  "type": "TEXT",
  "value": "И҆ ны́нѣ: Вопло́щсѧ безпло́тный и҆зъ тебє̀ бг҃олѣ́пнѡ, є҆го́же молѝ, пречⷭ҇таѧ, стра̑сти пло́ти моеѧ̀ ᲂу҆мертви́ти, и҆ ѡ҆живи́ти мою̀ ᲂу҆мерщвле́ннꙋю дꙋ́шꙋ грѣхмѝ."
 },
 {
  "type": "HEADER",
  "value": "Пѣ́снь ѳ҃."
 },
 {
  "type": "HEADER",
  "value": "І҆рмо́съ:"
 },
 {
  "type": "TEXT",
  "value": "Ка́мень нерꙋкосѣ́чный ѿ несѣко́мыѧ горы̀ тебє̀, дв҃о, краеꙋго́льный ѿсѣче́сѧ, хрⷭ҇то́съ, совокꙋпи́вый разстоѧ̑щаѧсѧ є҆стєства̀: тѣ́мъ веселѧ́щесѧ, тѧ̀, бцⷣе, велича́емъ."
 },
 {
  "type": "TEXT",
  "value": "Припѣ́въ: Прпⷣбне ѻ҆́ч҃е на́шъ а҆леѯа́ндре, молѝ бг҃а ѡ҆ на́съ."
 },
 {
  "type": "TEXT",
  "value": "Т воѧ̑ свѧщє́нныѧ и҆ ст҃ы̑ѧ мо́щи во гро́бѣ лежа́ще, многоразли̑чныѧ недꙋ́ги и҆сцѣлѧ́ютъ, и҆ попалѧ́ютъ полкѝ бѣсѡ́вскїѧ всегда̀, мꙋ́дре а҆леѯа́ндре: бж҃їею благода́тїю то́чиши всѣ̑мъ и҆сцѣлє́нїѧ, вѣ́рнѡ тѧ̀ при́снѡ блажа́щымъ."
 },
 {
  "type": "TEXT",
  "value": "С трꙋи̑ на́мъ всегда̀ честна́ѧ твоѧ̀ ра́ка ꙗ҆ви́сѧ и҆сцѣле́нїй, ѻ҆́ч҃е, страсте́й и҆злїѧ́нїе всѧ́ческихъ и҆зсꙋша́ющи, и҆ всѧ̑ напаѧ́ющи дꙋ́шы ко благопло́дїю бжⷭ҇твенномꙋ, премꙋ́дре а҆леѯа́ндре, хрⷭ҇то́въ ᲂу҆го́дниче."
 },
 {
  "type": "TEXT",
  "value": "Сла́ва: Па́мѧть твоѧ̀ дне́сь ꙗ҆́кѡ со́лнце возсїѧ̀, а҆леѯа́ндре пребл҃же́нне, ꙗ҆́же благочести́выхъ сердца̀ ѡ҆зарѧ́ющи, болѣ́зней твои́хъ, и҆ чꙋде́съ сїѧ́нїемъ, ꙗ҆́кѡ вои́стиннꙋ просвѣща́ющи, ѻ҆́ч҃е, въ ню́же всѧ̑ ны̀ помѧнѝ, вѣ́рнѡ чтꙋ́щыѧ тѧ̀."
 },
 {
  "type": "TEXT",
  "value": "И҆ ны́нѣ: Гла́съ прино́симъ тѝ гаврїи́ловъ ра́дꙋющесѧ: ра́дꙋйсѧ, глаго́люще, мѣ́сто свѧще́нїѧ: ра́дꙋйсѧ, прпⷣбныхъ сла́во, и҆ всѣ́хъ вѣ́рныхъ спасе́нїе, є҆ѧ́же ра́ди ѡ҆божи́хомсѧ, бцⷣе приснодв҃о."
 }
]