318 lines
30 KiB
JSON
318 lines
30 KiB
JSON
[
|
|
{
|
|
"type": "HEADER",
|
|
"value": "Канѡ́нъ чⷭ҇тно́мꙋ и҆ животворѧ́щемꙋ крⷭ҇тꙋ̀."
|
|
},
|
|
{
|
|
"type": "HEADER",
|
|
"value": "Тропа́рь чⷭ҇тно́мꙋ крⷭ҇тꙋ̀, гла́съ а҃:"
|
|
},
|
|
{
|
|
"type": "TEXT",
|
|
"value": "С п҃сѝ гдⷭ҇и лю́ди твоѧ̑, и҆ бл҃гословѝ достоѧ́нїе твоѐ, побѣ̑ды на сопроти́вныѧ да́рꙋѧ, и҆ твоѐ сохранѧ́ѧ крⷭ҇то́мъ твои́мъ жи́тельство."
|
|
},
|
|
{
|
|
"type": "HEADER",
|
|
"value": "Канѡ́нъ, творе́нїе григо́рїа сїнаи́та. Гла́съ д҃. Пѣ́снь а҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Ѿве́рзꙋ ᲂу҆ста̀ моѧ̑, и҆ напо́лнѧтсѧ дх҃а, и҆ сло́во ѿры́гнꙋ цр҃и́цѣ мт҃ри, и҆ ꙗ҆влю́сѧ свѣ́тлѡ торжествꙋ́ѧ, и҆ воспою̀ ра́дꙋѧсѧ тоѧ̀ чꙋдеса̀."
|
|
},
|
|
{
|
|
"type": "TEXT",
|
|
"value": "Припѣ́въ: Сла́ва, гдⷭ҇и, крⷭ҇тꙋ̀ твоемꙋ̀ чⷭ҇тно́мꙋ."
|
|
},
|
|
{
|
|
"type": "TEXT",
|
|
"value": "К рⷭ҇те всеси́льне, а҆пⷭ҇лѡвъ похвала̀, прпⷣбныхъ ᲂу҆твержде́нїе, и҆ вѣ́рныхъ зна́менїе, і҆ера́рхѡвъ и҆ мч҃нкѡвъ сла́ва, побѣ́да и҆ ᲂу҆твержде́нїе всѣ́хъ хва́лѧщихъ тѧ̀."
|
|
},
|
|
{
|
|
"type": "TEXT",
|
|
"value": "К рⷭ҇те всечⷭ҇тны́й, четвероконе́чнаѧ си́ла, а҆пⷭ҇лѡвъ бл҃голѣ́пїе, и҆ мч҃нкѡвъ крѣ́пость, немощны́хъ здра́вїе показа́лсѧ є҆сѝ, ме́ртвыхъ воскрⷭ҇нїе, па́дающихъ воздви́женїе."
|
|
},
|
|
{
|
|
"type": "TEXT",
|
|
"value": "Сла́ва: Крⷭ҇те, ты́ ми си́ла бꙋ́ди, крѣ́пость и҆ держа́ва, и҆зба́витель и҆ предра́тникъ на борю́щыѧ мѧ̀, щи́тъ и҆ храни́тель, побѣ́да и҆ ᲂу҆твержде́нїе моѐ, при́снѡ соблюда́ѧ мѧ̀ и҆ покрыва́ѧ."
|
|
},
|
|
{
|
|
"type": "TEXT",
|
|
"value": "И҆ ны́нѣ: На крⷭ҇тѣ̀ всенепоро́чнаѧ твоего̀ сн҃а ꙗ҆́кѡ ᲂу҆зрѣ́ла є҆сѝ, ѻ҆рꙋ́жїе ско́рбное ᲂу҆тро́бꙋ твою̀ растерза̀, и҆ восклица́ла є҆сѝ рыда́ющи въ болѣ́зни: но а҆́бїе просла́вила є҆сѝ крⷭ҇та̀ си́лꙋ."
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Твоѧ̑ пѣсносло́вцы бцⷣе, живы́й и҆ незави́стный и҆сто́чниче, ли́къ себѣ̀ совокꙋ́пльшыѧ дх҃о́внѡ ᲂу҆твердѝ, въ бж҃е́ственнѣй твое́й сла́вѣ вѣнцє́въ сла́вы сподо́би."
|
|
},
|
|
{
|
|
"type": "TEXT",
|
|
"value": "Припѣ́въ: Сла́ва, гдⷭ҇и, крⷭ҇тꙋ̀ твоемꙋ̀ чⷭ҇тно́мꙋ."
|
|
},
|
|
{
|
|
"type": "TEXT",
|
|
"value": "К рⷭ҇те, прпⷣбныхъ ѻ҆рꙋ́жїе, ѻ҆бою́дный ме́чь хрⷭ҇то́въ, вѣ́рныхъ ᲂу҆добре́нїе, болѧ́щихъ и҆сцѣле́нїе и҆ застꙋпле́нїе, и҆ воздви́женїе ᲂу҆ме́ршихъ всечⷭ҇тне."
|
|
},
|
|
{
|
|
"type": "TEXT",
|
|
"value": "К рⷭ҇те, ѡ҆снова́нїе бл҃гоче́стїѧ, бѣсѡ́мъ показа́лсѧ є҆сѝ гꙋби́тель, цр҃квамъ бл҃голѣ́пїе, нечести̑вымъ поги́бель, врагѡ́мъ посрамле́нїе въ де́нь сꙋ́дный."
|
|
},
|
|
{
|
|
"type": "TEXT",
|
|
"value": "Сла́ва: Крⷭ҇те живоно́сный, ты́ ми бꙋ́ди крѣ́пость, и҆ побѣ́да, и҆ щи́тъ, и҆ стѣна̀ нера́тꙋема, бѣсѡ́мъ ѿгна́нїе, и҆ помыслѡ́мъ погаше́нїе, и҆ ᲂу҆ма̀ моегѡ̀ сохране́нїе."
|
|
},
|
|
{
|
|
"type": "TEXT",
|
|
"value": "И҆ ны́нѣ: Распѧ́тїе поно́сное, дв҃о влⷣчце, тво́й сн҃ъ претерпѣ́лъ є҆́сть, и҆ сме́рть неподо́бнꙋю: но возне́ссѧ, низве́рже проти̑вныѧ вра̑жїѧ си̑лы, ꙗ҆́кѡ безсме́ртенъ."
|
|
},
|
|
{
|
|
"type": "TEXT",
|
|
"value": "Г дⷭ҇и, поми́лꙋй. [Три́жды.]"
|
|
},
|
|
{
|
|
"type": "HEADER",
|
|
"value": "Сѣда́ленъ, гла́съ и҃. Подо́бенъ: Повелѣ́нное та́йнѡ:"
|
|
},
|
|
{
|
|
"type": "TEXT",
|
|
"value": "П роѡбража́ше та́йнѡ дре́вле і҆исꙋ́съ наѵи́нъ креста̀ ѡ҆́бразъ: є҆гда̀ рꙋ́цѣ прострѐ крестови́днѡ сп҃се мо́й, и҆ ста̀ со́лнце, до́ндеже врагѝ низложѝ противостоѧ́щыѧ тѝ бг҃ꙋ: ны́нѣ же за́йде, на крⷭ҇тѣ̀ тѧ̀ зрѧ̀, до́ндеже держа́вꙋ сме́ртнꙋю разрꙋши́въ, ве́сь мі́ръ совоздви́глъ є҆сѝ."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Сѣдѧ́й въ сла́вѣ, на прⷭ҇то́лѣ бж҃ества̀, во ѻ҆́блацѣ ле́гцѣ, прїи́де і҆и҃съ пребж҃е́ственный, нетлѣ́нною дла́нїю, и҆ сп҃сѐ зовꙋ́щыѧ: сла́ва хрⷭ҇тѐ, си́лѣ твое́й."
|
|
},
|
|
{
|
|
"type": "TEXT",
|
|
"value": "Припѣ́въ: Сла́ва, гдⷭ҇и, крⷭ҇тꙋ̀ твоемꙋ̀ чⷭ҇тно́мꙋ."
|
|
},
|
|
{
|
|
"type": "TEXT",
|
|
"value": "Ч етвероконе́чный сы́й мі́ръ, и҆ ꙗ҆́кѡ триѻбою́дный ме́чь, нача̑ла тьмы̀ сѣче́ши, на́ми воѡбража́емь, крⷭ҇те ѻ҆рꙋ́жїе вели́кое хрⷭ҇то́во, и҆ непобѣди́мое побѣди́тельство всеси́льное."
|
|
},
|
|
{
|
|
"type": "TEXT",
|
|
"value": "Т воѧ̀ высота̀ живоно́сне крⷭ҇те, воздꙋ́шнаго кнѧ́зѧ бїе́тъ, и҆ глꙋбина̀, всеѧ̀ бе́здны закала́етъ ѕмі́ѧ: широтꙋ̀ па́ки воѡбража́етъ, низлага́ѧ мїрска́го кнѧ́зѧ крѣ́постїю твое́ю."
|
|
},
|
|
{
|
|
"type": "TEXT",
|
|
"value": "Сла́ва: Возне́ссѧ сопривле́клъ є҆сѝ па́дшыѧ, воздви́глъ є҆сѝ є҆стество̀ земно́е, прⷭ҇то́лꙋ бж҃їю спросла́вилсѧ є҆сѝ крⷭ҇те высото̀ вели́каѧ, мїрскі́й мо́сте, дꙋ́шꙋ мою̀ ѿ страсте́й глꙋбины̀ вознесѝ вско́рѣ."
|
|
},
|
|
{
|
|
"type": "TEXT",
|
|
"value": "И҆ ны́нѣ: Крⷭ҇тоѡбра́знѡ пречⷭ҇таѧ ѻ҆трокови́це бцⷣе, дла̑ни твоѝ распросте́рши, ко и҆́же на крⷭ҇тѣ̀ воздви́женномꙋ, и҆ моли̑твы дв҃о ны́нѣ принесѝ, за всѣ́хъ вѣ́рнѡ молѧ́щихсѧ тебѣ̀."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Оу҆жасо́шасѧ всѧ́чєскаѧ ѡ҆ бж҃е́ственнѣй сла́вѣ твое́й: ты́ бо неискꙋсобра́чнаѧ дв҃о, и҆мѣ́ла є҆сѝ во ᲂу҆тро́бѣ над̾ всѣ́ми бг҃а, и҆ родила̀ є҆сѝ безлѣ́тнаго сн҃а, всѣ̑мъ воспѣва́ющымъ тѧ̀ ми́ръ подава́ющаѧ."
|
|
},
|
|
{
|
|
"type": "TEXT",
|
|
"value": "Припѣ́въ: Сла́ва, гдⷭ҇и, крⷭ҇тꙋ̀ твоемꙋ̀ чⷭ҇тно́мꙋ."
|
|
},
|
|
{
|
|
"type": "TEXT",
|
|
"value": "К рⷭ҇те, нбⷭ҇наѧ лѣ́ствице ст҃ы́ни, степе́нємъ наста́вниче, хрⷭ҇то́ва высота̀ и҆ сла́ва є҆сѝ, бж҃їи ѡ҆́бразъ назна́менателенъ мі́рꙋ, неви́димомꙋ же и҆ ви́димомꙋ є҆диночⷭ҇тне."
|
|
},
|
|
{
|
|
"type": "TEXT",
|
|
"value": "К рⷭ҇те, ѡ҆́бразе неиспи́санный си́лою, ѡ҆сщ҃е́нїе вода́мъ, ѡ҆чище́нїе воздꙋ́хꙋ, ѡ҆сщ҃е́нїе и҆ просвѣще́нїе всѧ́комꙋ, мꙋ́жества зна́менїе, и҆ хрⷭ҇то́въ ски́птръ непрело́жный проти̑вныѧ въ зе́млю попира́ѧ."
|
|
},
|
|
{
|
|
"type": "TEXT",
|
|
"value": "Сла́ва: Крⷭ҇те всеси́льне, ѕлочести̑выѧ низложѝ врагѝ, ненави́дѧщыѧ и҆ хꙋ́лѧщыѧ тѧ̀ безꙋ́мнѡ, ꙗ҆зы́ки попалѝ, и҆ ᲂу҆гасѝ шата̑нїѧ и҆́хъ. ѽ крⷭ҇те всест҃ы́й и҆ хрⷭ҇тоно́сный, сохранѝ на́съ держа́вою твое́ю."
|
|
},
|
|
{
|
|
"type": "TEXT",
|
|
"value": "И҆ ны́нѣ: Всѣ́хъ цр҃и́це влⷣчце, ски́птромъ ржⷭ҇тва̀ твоегѡ̀ разрꙋшѝ, дв҃и́це, воста́нїе хꙋ́лѧщихъ крⷭ҇тнꙋю си́лꙋ. да́ждь крѣ́пость и҆ ѡ҆чище́нїе, побѣ́дꙋ и҆ по́мощь вѣ́рномꙋ і҆мпера́торꙋ на́шемꙋ."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Бж҃е́ственное сїѐ и҆ всечⷭ҇тно́е, соверша́юще пра́зднество, бг҃омꙋ́дрїи бг҃омт҃ре, прїиди́те рꙋка́ми воспле́щимъ, ѿ неѧ̀ ро́ждшагосѧ бг҃а сла́вимъ."
|
|
},
|
|
{
|
|
"type": "TEXT",
|
|
"value": "Припѣ́въ: Сла́ва, гдⷭ҇и, крⷭ҇тꙋ̀ твоемꙋ̀ чⷭ҇тно́мꙋ."
|
|
},
|
|
{
|
|
"type": "TEXT",
|
|
"value": "К рⷭ҇тъ всѣ́хъ воскрⷭ҇нїе, крⷭ҇тъ па́дшихъ и҆справле́нїе, страсте́й ᲂу҆мерщвле́нїе, и҆ пло́ти пригвожде́нїе, крⷭ҇тъ дꙋша́мъ сла́ва, и҆ свѣ́тъ вѣ́чный."
|
|
},
|
|
{
|
|
"type": "TEXT",
|
|
"value": "К рⷭ҇тъ врагѡ́въ гꙋби́тель, крⷭ҇тъ ѕлочести́выхъ ꙗ҆́зва и҆ плѣне́нїе, и҆ вѣ́рныхъ держа́ва, бл҃гочести́выхъ храни́тель, и҆ бѣсѡ́въ ѿгони́тель."
|
|
},
|
|
{
|
|
"type": "TEXT",
|
|
"value": "Сла́ва: Крⷭ҇тъ страсте́й па́гꙋба, крⷭ҇тъ помыслѡ́въ ѿгна́нїе, крⷭ҇тъ сокрꙋше́нїе ꙗ҆зы́ческо и҆скꙋси́тельно, и҆ дꙋховѡ́мъ показа́сѧ лови́тельство."
|
|
},
|
|
{
|
|
"type": "TEXT",
|
|
"value": "И҆ ны́нѣ: Крⷭ҇тъ воздви́жетсѧ, и҆ па́даютъ дꙋхѡ́въ воздꙋ́шныхъ чи́нове: крⷭ҇тъ снисхо́дитъ, и҆ нечести́вїи всѝ ᲂу҆жаса́ютсѧ, ꙗ҆́кѡ мо́лнїю ви́дѧще крⷭ҇тнꙋю си́лꙋ."
|
|
},
|
|
{
|
|
"type": "TEXT",
|
|
"value": "Г дⷭ҇и, поми́лꙋй. [Три́жды.] Сла́ва, и҆ ны́нѣ:"
|
|
},
|
|
{
|
|
"type": "HEADER",
|
|
"value": "Конда́къ, гла́съ д҃. Самоподо́бенъ:"
|
|
},
|
|
{
|
|
"type": "TEXT",
|
|
"value": "В ознесы́йсѧ на крⷭ҇тъ во́лею, тезоимени́томꙋ твоемꙋ̀ но́вомꙋ жи́тельствꙋ щедрѡ́ты твоѧ̑ да́рꙋй хрⷭ҇тѐ бж҃е: возвеселѝ на́съ си́лою твое́ю, побѣ̑ды даѧ̀ на́мъ на сопоста́ты, посо́бїе и҆мꙋ́щꙋ твоѐ, ѻ҆рꙋ́жїе ми́ра, непобѣди́мꙋю побѣ́дꙋ."
|
|
},
|
|
{
|
|
"type": "TEXT",
|
|
"value": "І҆́косъ: И҆́же до тре́тїѧгѡ небесѐ восхище́нъ бы́сть въ ра́й, и҆ глаго́лы слы́шавъ неизречє́нныѧ и҆ бж҃е́ствєнныѧ, и҆́хже не лѣ́ть ѧ҆зы́ки [человѣ́ческими] глаго́лати, что̀ гала́тѡмъ пи́шетъ, ꙗ҆́кѡ рачи́телїе писа́нїй прочто́сте и҆ позна́сте: мнѣ̀, глаго́летъ, хвали́тисѧ да не бꙋ́детъ, то́кмѡ во є҆ди́номъ крⷭ҇тѣ̀ гдⷭ҇ни, на не́мже страда́въ ᲂу҆бѝ стра̑сти. того̀ ᲂу҆́бѡ и҆ мы̀ и҆звѣ́стнѡ держи́мъ крⷭ҇тъ гдⷭ҇ень, хвалꙋ̀ всѝ: є҆́сть бо на́мъ сп҃си́тельное сїѐ дре́во, ѻ҆рꙋ́жїе ми́ра, непобѣди́маѧ побѣ́да."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Не послꙋжи́ша тва́ри бг҃омꙋ́дрїи па́че созда́вшагѡ, но ѻ҆́гненное преще́нїе мꙋ́жески попра́вше, ра́довахꙋсѧ пою́ще: препѣ́тый ѻ҆тцє́въ гдⷭ҇ь и҆ бг҃ъ бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Припѣ́въ: Сла́ва, гдⷭ҇и, крⷭ҇тꙋ̀ твоемꙋ̀ чⷭ҇тно́мꙋ."
|
|
},
|
|
{
|
|
"type": "TEXT",
|
|
"value": "Н ераздѣ́льнꙋю трⷪ҇цꙋ и҆ неслїѧ́ннꙋ, є҆стество̀ є҆ди́нствомъ бг҃осло́вимъ, ѻ҆ц҃а̀ нерожде́нна, и҆ рожде́нна сн҃а, и҆ ст҃а́го и҆сходи́тельнаго бж҃е́ственнаго дх҃а, пѣ́сньми пою́ще: бл҃гослове́нъ бг҃ъ ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Н езаходи́тельными мо́лнїѧми твои́ми, трїѷпоста́сне, на́ши ѡ҆зарѝ ᲂу҆́мныѧ ѻ҆́чи, добро́тꙋ твою̀, трисвѣ́тне, пресꙋ́щественнꙋю зрѣ́ти, ꙗ҆́же человѣ́кѡмъ недовѣ́домаѧ, и҆ непристꙋ́пнаѧ а҆́гг҃лѡмъ."
|
|
},
|
|
{
|
|
"type": "TEXT",
|
|
"value": "Сла́ва: Лꙋча́ми свѣ́та твоегѡ̀ па́дшꙋю мою̀ дꙋ́шꙋ возведѝ ѿ глꙋбины̀, бл҃гі́й бж҃е препѣ́тый и҆ всеси́льный, попо́лзшꙋюсѧ ѿ свѣ́та бл҃года́тнагѡ, и҆ во тьмꙋ̀ воглꙋ́бльшꙋюсѧ."
|
|
},
|
|
{
|
|
"type": "TEXT",
|
|
"value": "И҆ ны́нѣ: Крⷭ҇тоѡбра́знѡ просте́рши рꙋ́цѣ чⷭ҇таѧ, къ распросте́ршемꙋ своѝ рꙋ́цѣ на дре́вѣ крⷭ҇тнѣмъ, и҆ возне́сшемꙋ є҆стество̀ на́ше, и҆ ᲂу҆мертви́вшемꙋ враждє́бныѧ полкѝ, молѧ́щи не преста́й."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Ѻ҆́троки бл҃гочести̑выѧ въ пещѝ, ржⷭ҇тво̀ бг҃оро́дичо сп҃сло̀ є҆́сть, тогда̀ ᲂу҆́бѡ ѡ҆бразꙋ́емое, ны́нѣ же дѣ́йствꙋемое, вселе́ннꙋю всю̀ воздвиза́етъ пѣ́ти тебѣ̀: гдⷭ҇а по́йте дѣла̀, и҆ превозноси́те є҆го̀ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Припѣ́въ: Сла́ва, гдⷭ҇и, крⷭ҇тꙋ̀ твоемꙋ̀ чⷭ҇тно́мꙋ."
|
|
},
|
|
{
|
|
"type": "TEXT",
|
|
"value": "В ысота̀ хрⷭ҇то́выхъ стрⷭ҇те́й, и҆ лꙋ́къ и҆ ѻ҆рꙋ́жїе и҆ ме́чь, ѻ҆рꙋ́жїе непосты́дное, и҆ си́ла непобѣди́маѧ, хрⷭ҇то́во подно́жїе, и҆ побѣди́тельство на врагѝ, зна́менїе ца́рствїѧ, ски́птре вѣ́рныхъ, показа́лсѧ є҆сѝ крⷭ҇те побѣдоно́сне."
|
|
},
|
|
{
|
|
"type": "TEXT",
|
|
"value": "В оздви́глъ є҆сѝ на́ше па́дшее є҆стество̀, хрⷭ҇то́мъ распе́ншимсѧ, и҆ совозста́вилъ, высото̀ бж҃е́ственнаѧ, глꙋбино̀ неизглаго́ланнаѧ, хрⷭ҇то́во ты̀ є҆сѝ зна́менїе, крⷭ҇те пребога́те, и҆ широта̀ безмѣ́рнаѧ, и҆ зна́менїе непостижи́мыѧ трⷪ҇цы, жизноно́сче."
|
|
},
|
|
{
|
|
"type": "TEXT",
|
|
"value": "Сла́ва: Оу҆стна́ми, дꙋше́ю же и҆ се́рдцемъ крⷭ҇тъ гдⷭ҇ень лобыза́юще, прїиди́те ны́нѣ вознесе́мъ всѝ и҆ возвели́чимъ, покланѧ́ющесѧ рце́мъ вкꙋ́пѣ пѣ́снь пречⷭ҇тꙋю, вопїю́ще: ра́дꙋйсѧ вели́кое бога́тство крⷭ҇те, цр҃ко́вное ᲂу҆краше́нїе."
|
|
},
|
|
{
|
|
"type": "TEXT",
|
|
"value": "И҆ ны́нѣ: Дре́во жи́зни и҆ сп҃се́нїѧ, дре́во безсме́ртїѧ, дре́во ра́зꙋма, дре́во трилюбе́зно, нетлѣ́нно и҆ неизнꙋрѧ́емо, крⷭ҇тъ трисоста́вный, чⷭ҇тно́е дре́во: трⷪ҇цы бо но́ситъ трїѷпоста́сныѧ ѡ҆́бразъ."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Всѧ́къ земноро́дный да взыгра́етсѧ дх҃омъ просвѣща́емь, да торжествꙋ́етъ же безпло́тныхъ ᲂу҆мѡ́въ є҆стество̀, почита́ющее сщ҃е́нное торжество̀ бг҃омт҃ре, и҆ да вопїе́тъ: ра́дꙋйсѧ всебл҃же́ннаѧ, бцⷣе чⷭ҇таѧ приснодв҃о."
|
|
},
|
|
{
|
|
"type": "TEXT",
|
|
"value": "Припѣ́въ: Сла́ва, гдⷭ҇и, крⷭ҇тꙋ̀ твоемꙋ̀ чⷭ҇тно́мꙋ."
|
|
},
|
|
{
|
|
"type": "TEXT",
|
|
"value": "К то̀ слы̑шана сотвори́тъ, ꙗ҆́коже пи́шетсѧ, дѣ̑йствїѧ твоѧ̑ мїролюбе́зный крⷭ҇те, си̑лы и҆ чꙋдеса̀, и҆ ᲂу҆ме́ршымъ воста́нїе; и҆ мі́ръ ве́сь совозне́слъ є҆сѝ, вознесы́йсѧ къ бг҃ꙋ многожела́емый."
|
|
},
|
|
{
|
|
"type": "TEXT",
|
|
"value": "Оу҆ тверже́нїе вѣ̑рнымъ, крⷭ҇тъ требл҃же́нный, зна́менїе и҆ похвала̀, дре́во всеси́льное: крⷭ҇тъ хрⷭ҇то́въ вели́кїй и҆ соверше́нный, а҆пⷭ҇лѡмъ похвала̀, прпⷣбнымъ ᲂу҆тверже́нїе, и҆ мч҃нкѡмъ крѣ́пость и҆ держа́ва, побѣ́да и҆ похвала̀."
|
|
},
|
|
{
|
|
"type": "TEXT",
|
|
"value": "Сла́ва: Ра́дꙋйсѧ крⷭ҇те, ѡ҆́бразе неѡпи́санный и҆ многоимени́тый, дре́во требога́тное, стра́шно же и҆ всебл҃же́нно. ра́дꙋйсѧ крⷭ҇те всест҃ы́й и҆ всеси́льный. ра́дꙋйсѧ храни́телю жи́зни на́шеѧ, гдⷭ҇ень крⷭ҇те многопѣ́тый."
|
|
},
|
|
{
|
|
"type": "TEXT",
|
|
"value": "И҆ ны́нѣ: Крⷭ҇те чⷭ҇тны́й, храни́тель дꙋшѝ и҆ тѣ́лꙋ бꙋ́ди мѝ, ѡ҆́бразомъ свои́мъ бѣ́сы низлага́ѧ, врагѝ ѿгонѧ́ѧ, стра̑сти ᲂу҆пражнѧ́ѧ, и҆ бл҃гослове́нїе да́рꙋѧ мѝ, и҆ жи́знь, и҆ си́лꙋ содѣ́йствїемъ ст҃а́гѡ дх҃а, и҆ чⷭ҇тны́ми пречⷭ҇тыѧ мольба́ми."
|
|
},
|
|
{
|
|
"type": "HEADER",
|
|
"value": "Свѣти́ленъ. Подо́бенъ: Оу҆ченикѡ́мъ:"
|
|
},
|
|
{
|
|
"type": "TEXT",
|
|
"value": "К рⷭ҇тъ, храни́тель всеѧ̀ вселе́нныѧ, крⷭ҇тъ, красота̀ цр҃кве: крⷭ҇тъ, вѣ́рныхъ ᲂу҆твержде́нїе: крⷭ҇тъ, а҆́гг҃лѡвъ сла́ва, и҆ де́мѡнѡвъ ꙗ҆́зва."
|
|
},
|
|
{
|
|
"type": "TEXT",
|
|
"value": "Сла́ва, и҆ ны́нѣ, крⷭ҇тобг҃оро́диченъ: Оу҆ крⷭ҇та̀ предстоѧ́щи, тѧ̀ безсѣ́меннѡ ро́ждшаѧ, и҆ рыда́ющи вопїѧ́ше: ᲂу҆вы̀ сладча́йшее ча́до, ка́кѡ заше́лъ є҆сѝ ѿ ѻ҆́чїю мое́ю; ка́кѡ въ ме́ртвыхъ вмѣни́лсѧ є҆сѝ;"
|
|
},
|
|
{
|
|
"type": "HEADER",
|
|
"value": "Мл҃тва къ гдⷭ҇ꙋ на́шемꙋ і҆и҃сꙋ хрⷭ҇тꙋ̀."
|
|
},
|
|
{
|
|
"type": "TEXT",
|
|
"value": "Г дⷭ҇и і҆и҃се хрⷭ҇тѐ, сн҃е бг҃а жива́гѡ, тво́рче нб҃а и҆ землѝ, сп҃си́телю мі́ра, сѐ а҆́зъ недосто́йный, и҆ па́че всѣ́хъ грѣшнѣ́йшїй, смире́ннѡ колѣ̑на се́рдца моегѡ̀ пре́дъ сла́вою вели́чества твоегѡ̀ преклонѧ́ѧ, воспѣва́ю и҆ велича́ю безмѣ́рное страда́нїе твоѐ, и҆ бл҃годаре́нїе тебѣ̀ цр҃ю̀ всѣ́хъ и҆ бг҃ꙋ приношꙋ̀, ꙗ҆́кѡ бл҃гоизво́лилъ є҆сѝ сни́ти съ нбⷭ҇нагѡ прⷭ҇то́ла твоегѡ̀, и҆ воплоти́тисѧ ѿ пречⷭ҇тыѧ дв҃ы мр҃і́и, ра́ди сп҃се́нїѧ человѣ́ческагѡ: безпло́тенъ сы́й, плотско́е є҆стество̀ бж҃ествꙋ̀ совокꙋплѧ́ѧ, бога́тъ сы́й, во́лею ѡ҆бнища́лъ є҆сѝ, да человѣ́ка во црⷭ҇твїи твое́мъ ѡ҆богати́ши: трꙋды̀ и҆ всѧ́кїѧ человѣ́чєскїѧ бѣды̑, ꙗ҆́кѡ человѣ́къ, на себѣ̀ поне́слъ є҆сѝ, да всѣ̑мъ во всѧ́кихъ печа́лехъ и҆ нꙋ́ждахъ посо́бствꙋеши: четы́редесѧть дне́й пости́выйсѧ, всѣ́мъ къ воздержа́нїю пꙋ́ть показа́лъ є҆сѝ: мно́жицею ѿ лꙋка́выхъ и҆скꙋше́нъ бы́лъ є҆сѝ, всѣ́хъ ѿ и҆скꙋше́нїй всѧ́кихъ и҆збавлѧ́ѧ. Вѣ́мъ всеси́льный влⷣко, ꙗ҆́кѡ всѧ̑ сїѧ̑ тебѣ̀ непотрє́бна бы́ша, но человѣ́ческагѡ ра́ди сп҃се́нїѧ, всѧ̑ претерпѣ́лъ є҆сѝ: пре́данъ бы́лъ є҆сѝ за три́десѧть сре́брєнникъ, да человѣ́ка и҆скꙋ́пиши ѿ лю́тыѧ рабо́ты вра́жїѧ: ѿ немлⷭ҇тивыхъ і҆ꙋдє́й, ꙗ҆́кѡ неѕло́бивый а҆́гнецъ, похище́нъ бы́лъ є҆сѝ, ро́дъ человѣ́ческїй ѿ поглоще́нїѧ во́лка мы́сленнагѡ и҆сторга́ѧ: на сꙋди́щи пред̾ а҆́нною и҆ каїа́фою предста́лъ є҆сѝ, всѣ́хъ ѿ ѡ҆сꙋжде́нїѧ ѻ҆гнѧ̀ вѣ́чнагѡ ѿводѧ̀: свѧ́занъ, порꙋ́ганъ, ѡ҆плева́нъ, ѿ ло́жныхъ свидѣ́телей ѡ҆клевета́нъ, и҆ на поно́снꙋю сме́рть ѡ҆сꙋжде́нъ, человѣ́ка ѿ всѧ́кїѧ напа́сти, мꙋче́нїѧ и҆ вѣ́чныѧ сме́рти свобожда́ѧ: пїла́тꙋ, нико́егѡ ѕла̀ содѣ́ѧвый, пре́данъ бы́лъ є҆сѝ, и҆ ко и҆́рѡдꙋ по́сланъ, и҆ па́ки порꙋ́ганъ, человѣ́ка ѿ ѕла́гѡ ѡ҆бстоѧ́нїѧ и҆ ѿ порꙋга́нїй вра́жїихъ и҆збавлѧ́ѧ. Что̀ ᲂу҆́бѡ возда́мъ тебѣ̀, влⷣко чл҃вѣколю́бче, ѡ҆ всѣ́хъ, ꙗ҆́же претерпѣ́лъ є҆сѝ менѐ ра́ди грѣ́шнагѡ; не вѣ́мъ: дꙋша́ бо и҆ тѣ́ло, и҆ всѧ̑ бл҃га̑ѧ, ѿ тебѐ сꙋ́ть, и҆ всѧ̑ моѧ̑ твоѧ̑ сꙋ́ть, и҆ а҆́зъ тво́й є҆́смь: то́чїю на безчи́сленное твоѐ млⷭ҇рдїе, бл҃гоꙋтро́бне гдⷭ҇и, надѣ́ѧсѧ, пою̀ твоѐ неизрече́нное долготерпѣ́нїе, велича́ю неисповѣди́мое смотре́нїе твоѐ, сла́влю твою̀ безмѣ́рнꙋю млⷭ҇ть, и҆́миже преклони́лсѧ є҆сѝ менѐ ра́ди ѡ҆сꙋжде́ннагѡ, да а҆́зъ ѡ҆правда́нъ бꙋ́дꙋ. Къ столпꙋ̀, сп҃се, привѧ́занъ, и҆ безъ млⷭ҇ти бїе́нъ, млⷭ҇тивъ сы́й, разрѣши́ мѧ, молю́сѧ, ѿ грѣхѡ́въ мои́хъ: те́рнїемъ вѣнча́нъ, дꙋшѝ моеѧ̀ грѣхо́вное те́рнїе и҆скоренѝ: тро́стїю бїе́нъ по главѣ̀, сокрꙋшѝ главꙋ̀ ѕмі́ѧ, ᲂу҆ѧзвлѧ́ющагѡ мѧ̀ жа́ломъ грѣха̀: въ багрѧ́нꙋ ри́зꙋ ѡ҆болче́нъ, и҆ мꙋчи́телємъ пре́данъ, просвѣти́ ми цр҃ю̀ прест҃ы́й, ѡ҆дѣѧ́нїе дꙋше́вное, да вни́дꙋ въ черто́гъ тво́й всекра́сный: въ разбо́йники вмѣне́нъ, и҆ крⷭ҇тъ на ра̑мꙋ своє́ю понесы́й, разбо́йника врага̀ и҆́щꙋщаго дꙋ́шꙋ мою̀ ᲂу҆би́ти, твои́мъ крⷭ҇то́мъ проженѝ. Что́ же возглаго́лю ѡ҆ неизрече́нномъ чл҃вѣколю́бїи твое́мъ, хрⷭ҇тѐ сп҃си́телю; то́чїю въ сокрꙋше́нїи се́рдца моегѡ̀, покланѧ́ѧсѧ твои̑мъ пречⷭ҇тымъ страсте́мъ, и҆ вселюбе́знѡ ты̑ѧ лобыза́ѧ, вопїю̀: поми́лꙋй мѧ̀ грѣ́шнаго. На крⷭ҇тѣ̀ пригвозди́тисѧ и҆зво́ливый, пригвоздѝ за́повѣдемъ твои́мъ се́рдце моѐ: воздви́женъ со крⷭ҇то́мъ на горѣ̀ голго́ѳѣ, воздви́гни мы̑сли моѧ̑ къ нб҃сѝ, да всегда̀ гѡ́рнѧѧ мꙋ́дрствꙋю: же́лчїю со ѻ҆́цтомъ напое́нъ, ѡ҆горче́нное мѝ грѣхо́мъ се́рдце ᲂу҆сладѝ любо́вїю твое́ю, и҆ жа́ждꙋща напо́й пото́комъ сла́дости твоеѧ̀: рꙋ́цѣ своѝ пречⷭ҇тѣи распростры́й на прїѧ́тїе всѣ́хъ, прїими́ мѧ грѣ́шнаго: но́зѣ пригвожде́нны и҆мѣ́вый, хотѧ̀ всегда̀ со грѣ́шники бы́ти, бꙋ́ди со мно́ю грѣ́шнымъ, возбранѧ́ѧ нога́мъ мои̑мъ ѿ всѧ́кагѡ пꙋтѝ лꙋка́вагѡ: се́рдце ѿве́рсто и҆мѣ́вый, ꙗ҆вѝ мнѣ̀ бл҃года́ть свою̀ грѣ́шномꙋ: главꙋ̀ прест҃ꙋ́ю на крⷭ҇тѣ̀ преклони́вый, ᲂу҆слы́ши недостѡ́йныѧ мл҃твы моѧ̀. Ѽ пречꙋ́днаѧ и҆ неизмѣ́римаѧ глꙋбино̀ млⷭ҇рдїѧ, хрⷭ҇тѐ бж҃е, за врагѝ распина́тели своѧ̑ бг҃ꙋ ѻ҆ц҃ꙋ̀ моли́выйсѧ, да́ждь и҆ мнѣ̀ грѣ́шномꙋ сїю̀ бл҃года́ть, люби́ти врагѝ моѧ̑ и҆ моли́тисѧ за ни́хъ: разбо́йникꙋ ка́ющемꙋсѧ ра́й ѿве́рзый, воззрѝ, свѣ́те мо́й, на мѧ̀ грѣ́шнаго, пода́ждь покаѧ́нїе, и҆ ѿве́рзи мѝ двє́ри млⷭ҇ти твоеѧ̀, и҆ помѧни́ мѧ недосто́йнаго во црⷭ҇твїи твое́мъ. Наконе́цъ, дх҃а своего̀ прест҃а́го преда́вый въ рꙋ́цѣ бг҃ꙋ ѻ҆ц҃ꙋ̀, прїимѝ, созда́телю, дꙋ́хъ мо́й, во вре́мѧ кончи́ны моеѧ̀: со крⷭ҇та̀ снѧ́тъ, и҆ во гро́бѣ ꙗ҆́кѡ ме́ртвъ положе́нъ, сп҃се, живы́й во свѣ́тѣ непристꙋ́пнѣмъ, возмѝ ѿ менѐ тѧ́жкое бре́мѧ грѣхо́вное, и҆ не возгнꙋша́йсѧ, чл҃вѣколю́бче, всели́тисѧ во гро́бъ се́рдца моегѡ̀ недосто́йнагѡ, на ᲂу҆мерщвле́нїе моегѡ̀ плотска́гѡ мꙋдрова́нїѧ: ꙗ҆́кѡ да не ктомꙋ̀ себѣ̀ бре́нное созда́нїе твоѐ, но тебѣ̀ гдⷭ҇ви и҆ бг҃ꙋ моемꙋ̀ живы́й, твои́мъ, ѽ всемлⷭ҇тиве, бл҃гоꙋтро́бїемъ, сподо́блюсѧ ви́дѣти тебѐ созда́телѧ и҆ сп҃си́телѧ моего̀, за прїѧ́тїе сме́рти крⷭ҇тныѧ, сла́вою, и҆ че́стїю вѣнча́ннаго, во свѣ́тѣ неприкоснове́нныѧ твоеѧ̀ сла́вы: и҆дѣ́же со безнача́льнымъ твои́мъ ѻ҆ц҃е́мъ, и҆ съ прест҃ы́мъ, бл҃ги́мъ, и҆ животворѧ́щимъ, и҆ є҆диносꙋ́щнымъ твои́мъ дх҃омъ црⷭ҇твꙋеши пре́жде вѣ́къ, ны́нѣ и҆ при́снѡ, и҆ во вѣ́ки вѣкѡ́въ, а҆ми́нь."
|
|
}
|
|
] |