ponomar-pwa/static/data/shared/akathists/gabriel-canon/full.json

[
 {
  "type": "HEADER",
  "value": "Канѡ́нъ ст҃а́гѡ а҆рха́гг҃ла бж҃їѧ гаврїи́ла."
 },
 {
  "type": "HEADER",
  "value": "Тропа́рь, гла́съ д҃:"
 },
 {
  "type": "TEXT",
  "value": "Н ебе́сныхъ во́инствъ а҆рхїстрати́же, мо́лимъ тѧ̀ при́снѡ мы̀ недосто́йнїи, да твои́ми моли́твами ѡ҆гради́ши на́съ кро́вомъ кри́лъ невеще́ственныѧ твоеѧ̀ сла́вы, сохранѧ́ѧ на́съ припа́дающихъ прилѣ́жнѡ, и҆ вопїю́щихъ: ѿ бѣ́дъ и҆зба́ви на́съ, ꙗ҆́кѡ чинонача́льникъ вы́шнихъ си́лъ."
 },
 {
  "type": "HEADER",
  "value": "Канѡ́нъ а҆рха́гг҃ла. Творе́нїе і҆ѡ́сифово. Гла́съ д҃. Пѣ́снь а҃."
 },
 {
  "type": "HEADER",
  "value": "І҆рмо́съ:"
 },
 {
  "type": "TEXT",
  "value": "Ѿве́рзꙋ ᲂу҆ста̀ моѧ̑, и҆ напо́лнѧтсѧ дх҃а, и҆ сло́во ѿры́гнꙋ цр҃и́цѣ мт҃ри, и҆ ꙗ҆влю́сѧ свѣ́тлѡ торжествꙋ́ѧ, и҆ воспою̀ ра́дꙋѧсѧ тоѧ̀ чꙋдеса̀."
 },
 {
  "type": "TEXT",
  "value": "Припѣ́въ: Ст҃ы́й а҆рхїстрати́же бж҃їй гаврїи́ле, молѝ бг҃а ѡ҆ на́съ."
 },
 {
  "type": "TEXT",
  "value": "Ꙗ҆́ кѡ свѣ́та сꙋ́ща, къ свѣ́тꙋ кра́йнѣйшемꙋ невеще́ственными причащє́нїи, бжⷭ҇твеннаго и҆ невеще́ственнаго молю́ тѧ, а҆рха́гг҃ле гдⷭ҇ень: ᲂу҆́мъ мо́й просвѣтѝ моли́твами твои́ми, ꙗ҆́кѡ да воспѣва́ю тѧ̀."
 },
 {
  "type": "TEXT",
  "value": "С оста́вимъ дне́сь ли́къ бжⷭ҇твенный веселѧ́щесѧ, пе́рваго почита́юще безпло́тныхъ ᲂу҆мѡ́въ, неизрече́ннꙋю ра́дость возвѣсти́вшаго, въ мі́ръ прише́дшꙋю за бл҃гость."
 },
 {
  "type": "TEXT",
  "value": "Сла́ва: Предста́телѧ тѧ̀ велича́йша, и҆ къ бг҃ꙋ застꙋ́пника, и҆ стѣ́нꙋ, и҆ ᲂу҆твержде́нїе, гаврїи́ле, и҆мꙋ́ще, лю́бѧщїи тѧ̀ и҆збавлѧ́емсѧ ѿ бѣ́дъ, и҆ вре́да ѕмїи́на, восхвалѧ́ющїи тѧ̀."
 },
 {
  "type": "TEXT",
  "value": "И҆ ны́нѣ: Чи́стꙋ тѧ̀ всенепоро́чнꙋю гаврїи́лъ ꙗ҆́кѡ ᲂу҆зрѣ̀, ра́дꙋйсѧ тебѣ̀, влⷣчце, свѣ́тлѡ возопѝ: браконеискꙋ́снаѧ человѣ́кѡвъ спасе́нїе, а҆́гг҃лѡвъ похвала̀, и҆ честносло́вїе."
 },
 {
  "type": "HEADER",
  "value": "Пѣ́снь г҃."
 },
 {
  "type": "HEADER",
  "value": "І҆рмо́съ:"
 },
 {
  "type": "TEXT",
  "value": "Твоѧ̑ пѣсносло́вцы, бцⷣе, живы́й и҆ незави́стный и҆сто́чниче, ли́къ себѣ̀ совокꙋ́пльшыѧ дꙋхо́внѡ ᲂу҆твердѝ, въ бжⷭ҇твеннѣй твое́й сла́вѣ вѣнцє́въ сла́вы сподо́би."
 },
 {
  "type": "TEXT",
  "value": "Припѣ́въ: Ст҃ы́й а҆рхїстрати́же бж҃їй гаврїи́ле, молѝ бг҃а ѡ҆ на́съ."
 },
 {
  "type": "TEXT",
  "value": "П рича́стїемъ свѣ́та невеще́ственнѣйшагѡ, ꙗ҆́кѡ невеще́ственъ вои́стинꙋ, гаврїи́ле, невеще́ственнѡ просвѣща́емь свѣ́тъ ви́дѣнъ бы́лъ є҆сѝ вторы́й, веще́ствєнныѧ всегда̀ человѣ́ки просвѣща́ѧ пою́щыѧ тѧ̀."
 },
 {
  "type": "TEXT",
  "value": "В елича́йшагѡ бл҃госла́вїѧ сподо́билсѧ є҆сѝ, вели́кое та́инство на́мъ ѿкры́въ, велича́йше а҆́гг҃лѡвъ: и҆́мже взѧ́ти бы́хомъ ѿ землѝ къ велича́йшей высотѣ̀, вельмѝ чтꙋ́щїи тѧ̀."
 },
 {
  "type": "TEXT",
  "value": "Сла́ва: Ꙗ҆ви́сѧ всѣ̑мъ съ нб҃сѐ, любо́вїю и҆́щꙋщымъ тѧ̀ при́снѡ: и҆ ᲂу҆ста́ви бꙋ́рю на ны̀ дви́жимꙋю напа́стей же и҆ скорбе́й, ѽ гаврїи́ле а҆рхїстрати́же!"
 },
 {
  "type": "TEXT",
  "value": "И҆ ны́нѣ: Сказꙋ́ѧ є҆́же дре́вле сокрове́нное та́инство, ѻ҆трокови́це, тебѣ̀ и҆ногда̀ гаврїи́лъ взыва́ше: ра́дꙋйсѧ, бж҃їѧ пала́то, въ ню́же всели́всѧ, всѧ̑ человѣ́ки ѡ҆божѝ, ꙗ҆́кѡ благоꙋтро́бенъ."
 },
 {
  "type": "TEXT",
  "value": "Г дⷭ҇и, поми́лꙋй. [Три́жды.]"
 },
 {
  "type": "HEADER",
  "value": "Конда́къ, гла́съ и҃:"
 },
 {
  "type": "TEXT",
  "value": "П ресвѣ́тлыѧ и҆ честны́ѧ, и҆ вседѣ́тельныѧ, пренеисче́тныѧ и҆ стра́шныѧ трⷪ҇цы ты̀ є҆сѝ, а҆рхїстрати́же сла́вный слꙋжи́телю и҆ моли́твенниче, ны́нѣ непреста́ннѡ молѝ, и҆зба́витисѧ на́мъ ѿ всѧ́кихъ бѣ́дъ и҆ мꙋ́къ да зове́мъ тѝ: ра́дꙋйсѧ, покро́ве рабѡ́мъ твои̑мъ."
 },
 {
  "type": "HEADER",
  "value": "Сѣда́ленъ, гла́съ д҃. Подо́бенъ: Вознесы́йсѧ:"
 },
 {
  "type": "TEXT",
  "value": "Б езпло́тныхъ слꙋжи́телей ты̀ пе́рвенствꙋѧй, пре́жде вѣ̑къ ѡ҆предѣле́нное стра́шное та́инство, тебѣ̀ є҆ди́номꙋ, гаврїи́ле сла́вне, ввѣ́рисѧ, рождество̀ неизрече́нное ст҃ы́ѧ дв҃ы, ра́дꙋйсѧ, провозглаша́ѧ є҆́й, ѡ҆бра́дованнаѧ. тѣ́мже тѧ̀ до́лжнѡ вѣ́рнїи съ весе́лїемъ при́снѡ ᲂу҆блажа́емъ."
 },
 {
  "type": "TEXT",
  "value": "Сла́ва, и҆ ны́нѣ, крⷭ҇тобг҃оро́диченъ: Ꙗ҆́кѡ невоздѣ́ланнаѧ, дв҃о, лоза̀, краснѣ́йшїй гро́здъ прозѧбла̀ є҆сѝ, и҆сточа́ющъ на́мъ вїно̀ спасе́нїѧ, всѣ́хъ веселѧ́щее дꙋ́шы же и҆ тѣлеса̀. тѣ́мже ꙗ҆́кѡ винꙋ́ тѧ до́брыхъ блажа́ще при́снѡ, со а҆́гг҃ломъ вопїе́мъ тѝ: ра́дꙋйсѧ, бл҃года́тнаѧ."
 },
 {
  "type": "HEADER",
  "value": "Пѣ́снь д҃."
 },
 {
  "type": "HEADER",
  "value": "І҆рмо́съ:"
 },
 {
  "type": "TEXT",
  "value": "Неизслѣ́дный бж҃їй совѣ́тъ, є҆́же ѿ дв҃ы, воплоще́нїѧ тебє̀ вы́шнѧгѡ прⷪ҇ро́къ а҆ввакꙋ́мъ ᲂу҆смотрѧ́ѧ, зовѧ́ше: сла́ва си́лѣ твое́й, гдⷭ҇и."
 },
 {
  "type": "TEXT",
  "value": "Припѣ́въ: Ст҃ы́й а҆рхїстрати́же бж҃їй гаврїи́ле, молѝ бг҃а ѡ҆ на́съ."
 },
 {
  "type": "TEXT",
  "value": "С тоѧ́лъ є҆сѝ прича́стїѧми бг҃онача́льными дре́вле, гаврїи́ле досточꙋ́дне, просвѣща́ѧ прⷪ҇ро́ка данїи́ла, и҆ и҆зложи́въ ꙗ҆вле́нїе недовѣ́домыхъ дх҃омъ."
 },
 {
  "type": "TEXT",
  "value": "Оу҆ сты̀ бре́нными тѧ̀ ра́достнѡ, ѻ҆́гненна є҆стество́мъ сꙋ́ща, восхвалѧ́емъ: и҆зми́ ны ѻ҆гнѧ̀ всегда̀ палѧ́щагѡ, бжⷭ҇твенными, гаврїи́ле, хода́тайствы твои́ми."
 },
 {
  "type": "TEXT",
  "value": "Сла́ва: Па́че со́лнца въ бж҃е́ственнꙋю ѻ҆де́ждꙋ, сла́вою непристꙋ́пною блиста́ющꙋсѧ, ѡ҆дѣва́ема, а҆рхїстрати́же слꙋжи́телей, цр҃ю̀ предстои́ши нбⷭ҇номꙋ веселѧ́сѧ."
 },
 {
  "type": "TEXT",
  "value": "И҆ ны́нѣ: Всю́ тѧ дх҃омъ гаврїи́лъ приѡчище́нꙋ, всенепоро́чнаѧ, разꙋмѣ́въ, вопїе́тъ тебѣ̀ ꙗ҆́вственнѡ: ра́дꙋйсѧ, клѧ́твы и҆збавле́нїе, и҆ пра́ѻтцєвъ воззва́нїе."
 },
 {
  "type": "HEADER",
  "value": "Пѣ́снь є҃."
 },
 {
  "type": "HEADER",
  "value": "І҆рмо́съ:"
 },
 {
  "type": "TEXT",
  "value": "Оу҆жасо́шасѧ всѧ́чєскаѧ ѡ҆ бж҃е́ственнѣй сла́вѣ твое́й: ты́ бо, неискꙋсобра́чнаѧ дв҃о, и҆мѣ́ла є҆сѝ во ᲂу҆тро́бѣ надъ всѣ́ми бг҃а, и҆ родила̀ є҆сѝ безлѣ́тнаго сн҃а всѣ̑мъ воспѣва́ющымъ тѧ̀ ми́ръ подава́ющаѧ."
 },
 {
  "type": "TEXT",
  "value": "Припѣ́въ: Ст҃ы́й а҆рхїстрати́же бж҃їй гаврїи́ле, молѝ бг҃а ѡ҆ на́съ."
 },
 {
  "type": "TEXT",
  "value": "Оу҆ ма̀ прича́стїемъ пе́рвагѡ просвѣща́емь, вторы́й ви́дѣнъ бы́лъ є҆сѝ свѣ́тъ, зовы́й со безчи́сленными а҆́гг҃лъ чи́нми: ст҃ъ ѻ҆ц҃ъ вседѣ́тель, сн҃ъ собезнача́ленъ, и҆ дх҃ъ сопресто́ленъ."
 },
 {
  "type": "TEXT",
  "value": "В и́дъ тво́й ѻ҆́гненъ, добро́та пречꙋ́дна, всѧ́кꙋ мы́сль ᲂу҆жаса́ѧ, ве́лїѧ сла́ва, гаврїи́ле велича́йше, бж҃е́ственныхъ безпло́тныхъ нача́льниче, всѣ́хъ ᲂу҆добре́нїе, вѣ́рнѡ воспѣва́ющихъ тѧ̀."
 },
 {
  "type": "TEXT",
  "value": "Сла́ва: Бжⷭ҇твенный ꙗ҆́кѡ ви́дѣ тѧ̀, во вре́мѧ кажде́нїѧ дре́вле стоѧ́ща, заха́рїа, быва́етъ нѣ́мъ: не вѣ́рова бо твоемꙋ̀ возвѣще́нїю стра́шномꙋ, є҆го́же и҆згласи́лъ є҆сѝ, гаврїи́ле а҆рхїстрати́же."
 },
 {
  "type": "TEXT",
  "value": "И҆ ны́нѣ: Хра́мъ свѧще́нїѧ сꙋ́щи, всенепоро́чнаѧ, гла́сомъ гаврїи́ла а҆рха́гг҃ла, во свѧты́хъ почива́ющаго родила̀ є҆сѝ всест҃а́го бг҃а, всѧ̑ ѡ҆свѧща́ющаго, и҆ лю́тыхъ и҆зима́ющаго."
 },
 {
  "type": "HEADER",
  "value": "Пѣ́снь ѕ҃."
 },
 {
  "type": "HEADER",
  "value": "І҆рмо́съ:"
 },
 {
  "type": "TEXT",
  "value": "Бжⷭ҇твенное сїѐ и҆ всечⷭ҇тно́е соверша́юще пра́зднество, бг҃омꙋ́дрїи, бг҃ома́тере, прїиди́те, рꙋка́ми воспле́щимъ, ѿ неѧ̀ ро́ждшагосѧ бг҃а сла́вимъ."
 },
 {
  "type": "TEXT",
  "value": "Припѣ́въ: Ст҃ы́й а҆рхїстрати́же бж҃їй гаврїи́ле, молѝ бг҃а ѡ҆ на́съ."
 },
 {
  "type": "TEXT",
  "value": "З емні́и ꙗ҆зы́цы почести́ тѧ, ᲂу҆ма̀ свѣтоза́рнаго, и҆ нбⷭ҇наго не возмо́гꙋтъ, пресвѣ́тлѡ просвѣща́ема, па́че ᲂу҆ма̀ неизрече́ннѡ бжⷭ҇твенными свѣтлостьмѝ."
 },
 {
  "type": "TEXT",
  "value": "З арѧ̀ со́лнца многосвѣ́тлаѧ, ѻ҆́гненныхъ слꙋ́гъ, а҆рхїстрати́же, свѣтоно́сными твои́ми ко влⷣцѣ мольба́ми, пою́щыѧ тѧ̀ тмы̀ страсте́й и҆схи́ти."
 },
 {
  "type": "TEXT",
  "value": "Сла́ва: Совѣ́ты ꙗ҆зы́кѡвъ разорѝ, вѣ́рꙋ правосла́внꙋю ᲂу҆твердѝ, ᲂу҆ста́ви раздо́ры церкѡ́вныѧ, а҆рха́гг҃ле, ко всѣ́хъ творцꙋ̀ твои́ми моли́твами."
 },
 {
  "type": "TEXT",
  "value": "И҆ ны́нѣ: Глаго́лѡвъ бжⷭ҇твенныхъ послꙋшли́ва, чⷭ҇таѧ, гаврїи́ловыхъ была̀ є҆сѝ: и҆ пребезнача́льнаго сло́ва пло́тїю родила̀ є҆сѝ, безслове́сїѧ мі́ръ и҆зба́вльшаго."
 },
 {
  "type": "TEXT",
  "value": "Г дⷭ҇и, поми́лꙋй. [Три́жды.] Сла́ва, и҆ ны́нѣ:"
 },
 {
  "type": "HEADER",
  "value": "Конда́къ, гла́съ в҃. Подо́бенъ: Твє́рдыѧ:"
 },
 {
  "type": "TEXT",
  "value": "А҆ рхїстрати́же бж҃їй, слꙋжи́телю бж҃е́ственныѧ сла́вы, а҆́гг҃лѡвъ нача́льниче, и҆ человѣ́кѡвъ наста́вниче, поле́зное на́мъ просѝ, и҆ ве́лїю ми́лость, ꙗ҆́кѡ безпло́тныхъ а҆рхїстрати́гъ."
 },
 {
  "type": "TEXT",
  "value": "І҆́косъ: Ре́клъ є҆сѝ, человѣколю́бче, въ писа́нїихъ твои́хъ, мно́жествꙋ ра́доватисѧ а҆́гг҃лъ на нб҃сѝ ѡ҆ человѣ́цѣ є҆ди́номъ ка́ющемсѧ, безсме́ртне. тѣ́мже мы̀, и҆̀же въ беззако́нїихъ, безгрѣ́шне є҆ди́не сердцевѣ́дче, тѧ̀ моли́ти всегда̀ дерза́емъ, ꙗ҆́кѡ бл҃гоꙋтро́бнаго, ᲂу҆ще́дрити, и҆ низпосла́ти недостѡ́йнымъ ᲂу҆миле́нїе, влⷣко, подаѧ́й на́мъ проще́нїе, ѡ҆ всѣ́хъ бо на́съ мо́литсѧ тебѣ̀ безпло́тныхъ а҆рхїстрати́гъ."
 },
 {
  "type": "HEADER",
  "value": "Пѣ́снь з҃."
 },
 {
  "type": "HEADER",
  "value": "І҆рмо́съ:"
 },
 {
  "type": "TEXT",
  "value": "Не послꙋжи́ша тва́ри бг҃омꙋ́дрїи па́че созда́вшагѡ, но ѻ҆́гненное преще́нїе мꙋ́жески попра́вше, ра́довахꙋсѧ пою́ще: препѣ́тый ѻ҆ц҃є́въ гдⷭ҇ь и҆ бг҃ъ, благослове́нъ є҆сѝ."
 },
 {
  "type": "TEXT",
  "value": "Припѣ́въ: Ст҃ы́й а҆рхїстрати́же бж҃їй гаврїи́ле, молѝ бг҃а ѡ҆ на́съ."
 },
 {
  "type": "TEXT",
  "value": "І҆ ѡа́нново рождество̀, сла́вне, возвѣсти́лъ є҆сѝ заха́рїи и҆ногда̀ внꙋ́трь бжⷭ҇твеннагѡ хра́ма, предстоѧ́щꙋ и҆ пою́щꙋ и҆зба́вителю и҆ бг҃ꙋ: препѣ́тый ѻ҆тцє́въ гдⷭ҇ь и҆ бг҃ъ, благослове́нъ є҆сѝ."
 },
 {
  "type": "TEXT",
  "value": "П ресла́вное хра́ма твоегѡ̀ благолѣ́пїе пресвѣ́тлѡ, гаврїи́ле, ѡ҆свѣща́етъ дꙋ́шы вѣ́рныхъ, и҆ повелѣва́етъ велегла́снѡ вопи́ти: препѣ́тый ѻ҆тцє́въ гдⷭ҇ь и҆ бг҃ъ, благослове́нъ є҆сѝ."
 },
 {
  "type": "TEXT",
  "value": "Сла́ва: Просвѣща́емь прича́стїемъ, а҆рхїстрати́же, пе́рвагѡ свѣ́та та́йнѡ, вторы́й свѣ́тъ вои́стиннꙋ ви́дѣнъ бы́лъ є҆сѝ, пою́щыѧ просвѣща́ѧ всегда̀: препѣ́тый ѻ҆тцє́въ гдⷭ҇ь и҆ бг҃ъ благослове́нъ є҆сѝ."
 },
 {
  "type": "TEXT",
  "value": "И҆ ны́нѣ: По́сланъ бы́сть гаврїи́лъ а҆рхїстрати́гъ, ра́дость возвѣща́ѧ тебѣ̀, дв҃омт҃и чⷭ҇таѧ, є҆ѧ́же ра́ди печа́ль преста̀, и҆ клѧ́тва вои́стиннꙋ ѡ҆непло́дствисѧ, и҆ благослове́нїе процвѣтѐ вѣ̑рнымъ во вѣ́ки."
 },
 {
  "type": "HEADER",
  "value": "Пѣ́снь и҃."
 },
 {
  "type": "HEADER",
  "value": "І҆рмо́съ:"
 },
 {
  "type": "TEXT",
  "value": "Ѻ҆́троки благочести̑выѧ въ пещѝ ржⷭ҇тво̀ бг҃оро́дичо спасло̀ є҆́сть, тогда̀ ᲂу҆́бѡ ѡ҆бразꙋ́емое, ны́нѣ же дѣ́йствꙋемое, вселе́ннꙋю всю̀ воздвиза́етъ пѣ́ти тебѣ̀: гдⷭ҇а по́йте, дѣла̀, и҆ превозноси́те є҆го̀ во всѧ̑ вѣ́ки."
 },
 {
  "type": "TEXT",
  "value": "Припѣ́въ: Ст҃ы́й а҆рхїстрати́же бж҃їй гаврїи́ле, молѝ бг҃а ѡ҆ на́съ."
 },
 {
  "type": "TEXT",
  "value": "С вѧщеннослѡ́вїи свѧще́нными, тѧ̀ лю́дїе свѧще́ннїи пою́тъ веселѧ́щесѧ: ты́ бо всевино́вное сло́во воплоща́емо, є҆́же по на́мъ, а҆рха́гг҃ле, сꙋ́щей ѿ на́съ приглаша́еши дв҃ѣ, па́че ᲂу҆ма́ же и҆ сло́ва. тѣ́мже тѧ̀ почита́емъ во всѧ̑ вѣ́ки."
 },
 {
  "type": "TEXT",
  "value": "Оу҆ мꙋ̀ вели́комꙋ же и҆ пе́рвомꙋ, невеще́ственнѡ, а҆рха́гг҃ле, соединѧ́ѧсѧ, ᲂу҆сты̀ ѻ҆́гненными твои́ми пое́ши пѣснопѣ́нїе стра́шное, є҆́же пою́тъ всѝ а҆́гг҃льстїи ли́цы: гдⷭ҇а по́йте, дѣла̀, и҆ превозноси́те є҆го̀ во всѧ̑ вѣ́ки."
 },
 {
  "type": "TEXT",
  "value": "Б лагосла́вїѧми ꙗ҆́вѣ и҆спещре́нъ бжⷭ҇твенными, прехо́диши нбⷭ҇наѧ, та́же и҆ земна̑ѧ, соверша́ѧ свѧщє́ннаѧ хотѣ̑нїѧ хрⷭ҇та̀ всѣ́хъ бг҃а: а҆́гг҃лѡвъ нача́льниче гаврїи́ле, красота̀ вѣ́рою при́снѡ тѧ̀ хва́лѧщихъ."
 },
 {
  "type": "TEXT",
  "value": "Сла́ва: Пло́тїю по ѵ҆поста́си сло́во человѣ́кѡмъ примѣси́тисѧ хотѧ̀, и҆мѧ́ше тѧ̀ предтекꙋ́ща, и҆ пред̾ꙋгото́вающа свѧще́ннꙋю пала́тꙋ, ѽ сщ҃е́нный гаврїи́ле: гдⷭ҇а по́йте, вопїю́ща, и҆ превозноси́те є҆го̀ во всѧ̑ вѣ́ки."
 },
 {
  "type": "TEXT",
  "value": "И҆ ны́нѣ: Ꙗ҆́кѡ престо́лъ красе́нъ цр҃е́въ, ꙗ҆́кѡ всѣ́хъ тва́рей преимꙋ́щꙋю. ꙗ҆́кѡ пресꙋ́щнагѡ є҆ди́нꙋ ѡ҆сꙋществова́вшꙋю, человѣ́ки ѡ҆божи́вшагѡ соедине́нїемъ лꙋ́чшимъ ржⷭ҇тва̀ неизрече́ннагѡ и҆ стра́ннагѡ, благослове́ннꙋю воспои́мъ дв҃ꙋ."
 },
 {
  "type": "HEADER",
  "value": "Пѣ́снь ѳ҃."
 },
 {
  "type": "HEADER",
  "value": "І҆рмо́съ:"
 },
 {
  "type": "TEXT",
  "value": "Всѧ́къ земноро́дный да взыгра́етсѧ, дх҃омъ просвѣща́емь, да торжествꙋ́етъ же безпло́тныхъ ᲂу҆мѡ́въ є҆стество̀, почита́ющее сщ҃е́нное торжество̀ бг҃ома́тере, и҆ да вопїе́тъ: ра́дꙋйсѧ, всеблаже́ннаѧ бцⷣе, чи́стаѧ приснодв҃о."
 },
 {
  "type": "TEXT",
  "value": "Припѣ́въ: Ст҃ы́й а҆рхїстрати́же бж҃їй гаврїи́ле, молѝ бг҃а ѡ҆ на́съ."
 },
 {
  "type": "TEXT",
  "value": "П редстои́ши стра́шнѡ престо́лꙋ благода́ти слꙋжа̀, и҆ ѡ҆блиста́емь свѣтоли̑тїи сꙋ́щими па́че ᲂу҆ма̀, и҆ свѧще́ннѡ ѡ҆божа́емь, и҆ свѣ́тъ зри́мь, и҆ просвѣща́ѧ вѣ́рою чествꙋ́ющыѧ тѧ̀, сщ҃е́нне гаврїи́ле а҆рхїстрати́же."
 },
 {
  "type": "TEXT",
  "value": "Ꙗ҆́ коже не́бо зри́шисѧ ѕвѣзда́ми ᲂу҆кра́шено, бжⷭ҇твенными свѣтлостьмѝ, и҆ ꙗ҆́коже воево́да, рꙋка́ми держи́ши ски́птръ пресвѣ́тлый: и҆ претека́еши всю̀ зе́млю, во́лю влⷣчню всегда̀ творѧ̀, и҆ лю́тыхъ вѣ̑рныѧ и҆зима́ѧ."
 },
 {
  "type": "TEXT",
  "value": "Оу҆ тишѝ лю́тꙋю ва́рварскꙋю бꙋ́рю, воздви́жемꙋю всегда̀ на рабы̑ твоѧ̑: церкѡ́вныѧ ᲂу҆ста́ви раздо́ры: пою́щымъ тѧ̀ пода́ждь прегрѣше́нїй и҆збавле́нїе, вѣ̑рнымъ же да́рꙋй побѣди́тєльнаѧ, гаврїи́ле, те́плымъ предста́тельствомъ твои́мъ."
 },
 {
  "type": "TEXT",
  "value": "Сла́ва: Предо́браѧ дво́ице и҆ пресла́внаѧ, мїхаи́ле и҆ гаврїи́ле, престо́лꙋ предстоѧ́ще бжⷭ҇твенныѧ сла́вы, всѣ̑мъ проси́те грѣхѡ́въ проще́нїѧ, и҆ ѕлы́хъ премѣне́нїѧ, ꙗ҆́кѡ предста́телїе, и҆ ꙗ҆́кѡ бла́гости влⷣчни во все́мъ подо́бѧщесѧ."
 },
 {
  "type": "TEXT",
  "value": "И҆ ны́нѣ: Свѣ́тъ блиста́нїѧ рождество́мъ твои́мъ возсїѧ̀, и҆ просвѣтѝ всю̀ подсо́лнечнꙋю, и҆ предста́телѧ тмы̀ погꙋбѝ, бг҃ороди́тельнице всечⷭ҇таѧ, а҆́гг҃лѡвъ хвало̀, и҆ человѣ́кѡвъ всѣ́хъ спасе́нїе, непреста́нными гла́сы восхвалѧ́ющихъ тѧ̀."
 },
 {
  "type": "HEADER",
  "value": "Свѣти́ленъ. Подо́бенъ: Посѣти́лъ ны̀:"
 },
 {
  "type": "TEXT",
  "value": "А҆ рхїстрати́же бж҃їй, въ кро́вѣ крилꙋ̑ твоє́ю ѡ҆полчи́всѧ, ѡ҆гради́ мѧ прибѣга́ющаго къ тебѣ̀, и҆ во и҆схо́дѣ и҆зба́ви мѧ̀ го́рькихъ и҆стѧза́телей, и҆ спаси́ мѧ мольба́ми твои́ми."
 },
 {
  "type": "TEXT",
  "value": "Сла́ва, и҆ ны́нѣ, бг҃оро́диченъ: Бг҃ъ на́мъ, чⷭ҇таѧ, прибѣ́жище и҆ си́лꙋ, и҆ по́мощь тѧ̀ подадѐ, въ ско́рбехъ на́шихъ и҆ во ѡ҆бстоѧ́нїихъ: всѣ́хъ ᲂу҆̀бо на́съ и҆зба́ви ѿ бѣ́дъ на́шихъ."
 },
 {
  "type": "HEADER",
  "value": "Мл҃тва ст҃о́мꙋ а҆рха́гг҃лꙋ гаврїи́лꙋ."
 },
 {
  "type": "TEXT",
  "value": "Ѽ ст҃ы́й вели́кїй а҆рха́гг҃ле гаврїи́ле, бж҃їю прⷭ҇то́лꙋ предстоѧ́й и҆ ѡ҆заре́нїемъ ѿ бж҃е́ственнагѡ свѣ́та ѡ҆сїѧ́нный, вѣ́дѣнїемъ же непостижи́мыхъ та̑инъ ѡ҆ превѣ́чнѣй премꙋ́дрости є҆гѡ̀ просвѣще́нный! Всеꙋсе́рднѡ молю́ тѧ, наста́ви мѧ̀ къ покаѧ́нїю ѿ ѕлы́хъ дѣ́лъ и҆ ко ᲂу҆твержде́нїю въ вѣ́рѣ мое́й, ᲂу҆крѣпѝ и҆ ѡ҆градѝ дꙋ́шꙋ мою̀ ѿ и҆скꙋше́нїй прельсти́тельныхъ, и҆ ᲂу҆молѝ созда́телѧ на́шего ѡ҆ ѿпꙋще́нїи грѣхѡ́въ мои́хъ. ѽ ст҃ы́й вели́кїй гаврїи́ле а҆рха́гг҃ле! не пре́зри менѐ грѣ́шнаго, молѧ́щагосѧ тебѣ̀ ѡ҆ по́мощи и҆ застꙋпле́нїи твое́мъ въ вѣ́цѣ се́мъ и҆ въ бꙋ́дꙋщемъ, но при́снѡ помо́щникъ мнѣ̀ ꙗ҆ви́сѧ, да непреста́ннѡ сла́влю ѻ҆ц҃а̀ и҆ сн҃а и҆ ст҃а́гѡ дх҃а держа́вꙋ и҆ твоѐ предста́тельство во вѣ́ки вѣкѡ́въ. А҆ми́нь."
 }
]