266 lines
34 KiB
JSON
266 lines
34 KiB
JSON
[
|
|
{
|
|
"type": "HEADER",
|
|
"value": "Тропарѝ и҆ кондакѝ пра́здникѡвъ, і҆ꙋ́лїй"
|
|
},
|
|
{
|
|
"type": "HEADER",
|
|
"value": "Въ а҃-й де́нь. Ст҃ы́хъ и҆ чꙋдотво́рцєвъ космы̀ и҆ дамїа́на, въ ри́мѣ мꙋ́чившихсѧ."
|
|
},
|
|
{
|
|
"type": "TEXT",
|
|
"value": "Тропа́рь, гла́съ и҃: Ст҃і́и безсре́бреницы и҆ чꙋдотво́рцы космо̀ и҆ дамїа́не, / посѣти́те не́мѡщи на́шѧ: / тꙋ́не прїѧ́сте, тꙋ́не дади́те на́мъ."
|
|
},
|
|
{
|
|
"type": "TEXT",
|
|
"value": "Конда́къ, гла́съ в҃: Бл҃года́ть прїи́мше и҆сцѣле́нїй, / простира́ете здра́вїе сꙋ́щымъ въ нꙋ́ждахъ, вра́чеве, / чꙋдотво́рцы пресла́внїи: / но ва́шимъ посѣще́нїемъ ра́тникѡвъ де́рзѡсти низложи́те, / мі́ръ и҆сцѣлѧ́юще чꙋдесы̀."
|
|
},
|
|
{
|
|
"type": "HEADER",
|
|
"value": "Во в҃-й де́нь. Положе́нїе чⷭ҇тны́ѧ ри́зы прест҃ы́ѧ влⷣчцы на́шеѧ бцⷣы ко влахе́рнѣ."
|
|
},
|
|
{
|
|
"type": "TEXT",
|
|
"value": "Тропа́рь, гла́съ и҃: Бцⷣе приснодв҃о, / человѣ́кѡвъ покро́ве, / ри́зꙋ и҆ по́ѧсъ пречⷭ҇тагѡ твоегѡ̀ тѣлесѐ, / держа́вное гра́дꙋ твоемꙋ̀ ѡ҆бложе́нїе дарова́ла є҆сѝ, / безсѣ́меннымъ ржⷭ҇тво́мъ твои́мъ, нетлѣ́нна пребыва́ющи: / ѡ҆ тебѣ́ бо и҆ є҆стество̀ ѡ҆бновлѧ́етсѧ и҆ вре́мѧ. / Тѣ́мже мо́лимъ тѧ̀, ми́ръ гра́дꙋ твоемꙋ̀ дарова́ти / и҆ дꙋша́мъ на́шымъ ве́лїю ми́лость."
|
|
},
|
|
{
|
|
"type": "TEXT",
|
|
"value": "Конда́къ, гла́съ д҃. Подо́бенъ: Вознесы́йсѧ: Ѡ҆дѣѧ́нїе всѣ̑мъ вѣ̑рнымъ нетлѣ́нїѧ, бг҃облагода́тнаѧ чⷭ҇таѧ, / дарова́ла є҆сѝ, свѧще́ннꙋю ри́зꙋ твою̀, / є҆́юже свѧще́нное тѣ́ло твоѐ покрыва́ла є҆сѝ, / покро́ве всѣ́хъ человѣ́кѡвъ. / Є҆ѧ́же положе́нїе пра́зднꙋемъ любо́вїю, / и҆ вопїе́мъ со стра́хомъ тѝ, чⷭ҇таѧ: / ра́дꙋйсѧ, дв҃о, хрⷭ҇тїа́нъ похвало̀."
|
|
},
|
|
{
|
|
"type": "HEADER",
|
|
"value": "Въ г҃-й де́нь. Пренесе́нїе моще́й ст҃и́телѧ фїлі́ппа, митрополі́та моско́вскагѡ, и҆ всеѧ̀ рѡссі́и чꙋдотво́рца."
|
|
},
|
|
{
|
|
"type": "TEXT",
|
|
"value": "Тропа́рь, гла́съ и҃: Первопресто́льникѡвъ прее́мниче, сто́лпе правосла́вїѧ, / и҆́стины побо́рниче, но́вый и҆сповѣ́дниче, / ст҃и́телю фїлі́ппе, положи́вый дꙋ́шꙋ за па́ствꙋ твою̀: / тѣ́мже ꙗ҆́кѡ и҆мѣ́ѧ дерзнове́нїе ко хрⷭ҇тꙋ̀, / молѝ за ѻ҆те́чество на́ше, за гра́дъ же и҆ лю́ди, / чтꙋ́щыѧ досто́йнѡ свѧтꙋ́ю па́мѧть твою̀."
|
|
},
|
|
{
|
|
"type": "TEXT",
|
|
"value": "Конда́къ, гла́съ г҃. Подо́бенъ: Дв҃а дне́сь: Правосла́вїѧ наста́вника, и҆ и҆́стины провозвѣ́стника, / златоꙋ́стаго ревни́телѧ, рѡссі́йскаго свѣти́льника, / фїлі́ппа премꙋ́драго восхва́лимъ, / пи́щею слове́съ свои́хъ разꙋ́мнѡ ча̑да своѧ̑ пита́юща: / то́й бо ѧ҆зы́комъ хвале́нїе поѧ́ше, / ᲂу҆стна́ма же пѣ́нїе вѣща́ше, / ꙗ҆́кѡ таи́нникъ бж҃їѧ благода́ти."
|
|
},
|
|
{
|
|
"type": "HEADER",
|
|
"value": "Въ д҃-й де́нь. Ст҃ы́хъ ца́рственных стрⷭ҇тоте́рпецъ: і҆мпера́тора нїко́лаѧ, і҆мператрі́цы а҆леѯа́ндры, царе́вича а҆леѯі́ѧ, вели́кихъ кн҃же́н ѻ҆́льги, татїа́ны, марі́и, а҆настасі́и, ѿ безбо́жныѧ вла́сти и҆збїе́нныхъ."
|
|
},
|
|
{
|
|
"type": "TEXT",
|
|
"value": "Тропа́рь, гла́съ д҃: Дне́сь, бл҃говѣ́рнїи лю́дїе, свѣ́тлѡ почти́мъ / седмери́цꙋ чⷭ҇тнꙋ́ю ца́рственныхъ стрⷭ҇тоте́рпєцъ, / хрⷭ҇то́вꙋ є҆ди́нꙋ дома́шнюю цр҃ковь: / нїкола́а и҆ а҆леѯа́ндрꙋ, / а҆леѯі́ѧ, ѻ҆́льгꙋ, татїа́нꙋ, марі́ю и҆ а҆настасі́ю. / Ті́и бо, ᲂу҆́зъ и҆ страда́нїй многоразли́чныхъ не ᲂу҆боѧ́вшесѧ, / ѿ бг҃обо́рныхъ сме́рть и҆ порꙋга́нїе тѣле́съ прїѧ́ша / и҆ дерзнове́нїе ко гдⷭ҇ꙋ въ мл҃твѣ ᲂу҆лꙋчи́ша. / Сегѡ̀ ра́ди къ ни́мъ съ любо́вїю возопїи́мъ: / ѽ ст҃і́и стрⷭ҇тоте́рпцы, / гла́сꙋ покаѧ́нїѧ и҆ стена́нїю наро́да на́шегѡ вонми́те, / зе́млю рѡссі́йскꙋю въ любвѝ къ правосла́вїю ᲂу҆тверди́те, / ѿ междоꙋсо́бныѧ бра́ни сохрани́те, / ми́ръ мі́рови ᲂу҆ бг҃а и҆спроси́те / и҆ дꙋша́мъ на́шымъ ве́лїю млⷭ҇ть."
|
|
},
|
|
{
|
|
"type": "TEXT",
|
|
"value": "Конда́къ, гла́съ и҃: И҆збра́ннїи цр҃е́мъ ца́рствꙋющихъ и҆ гдⷭ҇емъ госпо́дствꙋющихъ ѿ ро́да царе́й рѡссі́йскихъ, / бл҃говѣ́рнїи мч҃ницы, / мꙋ̑ки дꙋшє́вныѧ и҆ сме́рть тѣле́снꙋю за хрⷭ҇та̀ прїи́мшїи / и҆ вѣнцы̑ нбⷭ҇ными ᲂу҆вѣнча́вшїисѧ, / къ ва́мъ, ꙗ҆́кѡ покрови́телємъ на́шымъ млⷭ҇тивымъ, / съ любо́вїю бл҃года́рнѣ вопїе́мъ: / ра́дꙋйтесѧ, ца́рственнїи стрⷭ҇тоте́рпцы, / за рꙋ́сь ст҃ꙋ́ю пред̾ бг҃омъ ᲂу҆се́рднїи мл҃твєнницы."
|
|
},
|
|
{
|
|
"type": "HEADER",
|
|
"value": "Въ є҃-й де́нь. Прпⷣбнагѡ ѻ҆тца̀ на́шегѡ а҆ѳана́сїа а҆ѳѡ́нскагѡ."
|
|
},
|
|
{
|
|
"type": "TEXT",
|
|
"value": "Тропа́рь, гла́съ г҃: Є҆́же во пло́ти житїю̀ твоемꙋ̀ / ᲂу҆диви́шасѧ а҆́гг҃льстїи чи́ни, / ка́кѡ съ тѣ́ломъ къ неви̑димымъ сплете́нїємъ и҆зше́лъ є҆сѝ, присносла́вне, / и҆ ᲂу҆ѧзви́лъ є҆сѝ дє́мѡнскїѧ полкѝ. / Ѿѻнꙋ́дꙋже, а҆ѳана́сїе, / хрⷭ҇то́съ тебѣ̀ воздадѐ бога́тыми дарова́ньми: / сегѡ̀ ра́ди, ѻ҆́ч҃е, молѝ / спасти́сѧ дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "Конда́къ, гла́съ и҃. Подо́бенъ: Взбра́нной: Ꙗ҆́кѡ невеще́ственныхъ сꙋще́ствъ зри́телѧ и҆зрѧ́дна, / и҆ дѣ́ѧтельна сказа́телѧ всеи́стинна, / взыва́етъ тѧ̀ ста́до твоѐ, бг҃оглаго́льниче: / не ѡ҆скꙋдѣ́й молѧ̀ ѡ҆ рабѣ́хъ твои́хъ, / и҆зба́витисѧ напа́стей и҆ ѡ҆бхожде́нїй, вопїю́щымъ тѝ: / ра́дꙋйсѧ, ѻ҆́ч҃е а҆ѳана́сїе."
|
|
},
|
|
{
|
|
"type": "HEADER",
|
|
"value": "Въ то́йже де́нь, ѡ҆брѣ́тенїе честны́хъ моще́й прпⷣбнагѡ се́ргїа, ра́донежскагѡ чꙋдотво́рца."
|
|
},
|
|
{
|
|
"type": "TEXT",
|
|
"value": "Тропа́рь, гла́съ и҃: Ѿ ю҆́ности воспрїѧ́лъ є҆сѝ хрⷭ҇та̀ въ дꙋшѝ твое́й, преподо́бне, / и҆ па́че всегѡ̀ вожделѣ́лъ є҆сѝ мїрска́гѡ мѧте́жа ᲂу҆клони́тисѧ: / мꙋ́жески въ пꙋсты́ню всели́лсѧ є҆сѝ, / и҆ ча̑да послꙋша́шѧ въ не́й, плоды̀ смире́нїѧ возрасти́лъ є҆сѝ. / Тѣ́мъ бы́въ трⷪ҇цѣ вселе́нїе, / чꙋдесы̀ твои́ми всѣ́хъ просвѣти́лъ є҆сѝ, приходѧ́щихъ къ тебѣ̀ вѣ́рою, / и҆ и҆сцѣлє́нїѧ всѣ̑мъ подаѧ̀ ѻ҆би́льнѡ: / ѻ҆́ч҃е на́шъ се́ргїе, молѝ хрⷭ҇та̀ бг҃а, да спасе́тъ дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "Конда́къ, гла́съ и҃. Подо́бенъ: Взбра́нной: Дне́сь ꙗ҆́кѡ со́лнце пресвѣ́тло возсїѧ́вше ѿ землѝ / чєстны́ѧ мо́щи твоѧ̑, нетлѣ̑нны ѡ҆брѣто́шасѧ, / ꙗ҆́кѡ благоꙋха́нный цвѣ́тъ, мно́жествомъ чꙋде́съ сїѧ́юще, / и҆ всѣ̑мъ вѣ̑рнымъ и҆сточа́юще разли̑чнаѧ и҆сцѣлє́нїѧ, / и҆ веселѧ́ще и҆збра́нное твоѐ ста́до, / є҆́же мꙋ́дрѣ собра́въ, до́брѣ па́ствилъ є҆сѝ. / Ѡ҆ ни́хже и҆ ны́нѣ трⷪ҇цѣ предстои́ши молѧ́сѧ, / и҆ во́инствꙋ побѣди́тєльнаѧ на врагѝ дарова́ти, / да всѝ вопїе́мъ тѝ: / ра́дꙋйсѧ, се́ргїе бг҃омꙋ́дре."
|
|
},
|
|
{
|
|
"type": "HEADER",
|
|
"value": "Въ и҃-й де́нь. Ꙗ҆вле́нїе ѻ҆́браза прест҃ы́ѧ бцⷣы во гра́дѣ каза́ни."
|
|
},
|
|
{
|
|
"type": "TEXT",
|
|
"value": "Тропа́рь, гла́съ д҃: Застꙋ́пнице ᲂу҆се́рднаѧ, / мт҃и гдⷭ҇а вы́шнѧгѡ, / за всѣ́хъ мо́лиши сн҃а твоего̀ хрⷭ҇та̀ бг҃а на́шего, / и҆ всѣ̑мъ твори́ши спасти́сѧ, / въ держа́вный тво́й покро́въ прибѣга́ющымъ. / Всѣ́хъ на́съ застꙋпѝ, ѽ гпⷭ҇жѐ цр҃и́це и҆ влⷣчце! / И҆̀же въ напа́стехъ и҆ ско́рбехъ, и҆ въ болѣ́знехъ ѡ҆бремене́нныхъ грѣхи̑ мно́гими, / предстоѧ́щихъ и҆ молѧ́щихсѧ тебѣ̀ ᲂу҆миле́нною дꙋше́ю, / и҆ сокрꙋше́ннымъ се́рдцемъ / предъ пречⷭ҇тымъ твои́мъ ѻ҆́бразомъ со слеза́ми, / и҆ невозвра́тнѡ наде́ждꙋ и҆мꙋ́щихъ на тѧ̀, / и҆збавле́нїѧ всѣ́хъ ѕѡ́лъ, / всѣ̑мъ полє́знаѧ да́рꙋй, / и҆ всѧ̑ спасѝ, бцⷣе дв҃о: / ты́ бо є҆сѝ бжⷭ҇твенный покро́въ рабѡ́мъ твои̑мъ."
|
|
},
|
|
{
|
|
"type": "TEXT",
|
|
"value": "Конда́къ, гла́съ и҃. Подо́бенъ: Взбра́нной: Притеце́мъ лю́дїе къ ти́хомꙋ семꙋ̀ и҆ до́бромꙋ приста́нищꙋ, / ско́рой помо́щницѣ, гото́вомꙋ и҆ те́пломꙋ спасе́нїю, покро́вꙋ дв҃ы, / ᲂу҆скори́мъ на моли́твꙋ, и҆ потщи́мсѧ на покаѧ́нїе: / и҆сточа́етъ бо на́мъ неѡскꙋ́дныѧ ми́лѡсти, пречⷭ҇таѧ бцⷣа, / предварѧ́етъ на по́мощь, и҆ и҆збавлѧ́етъ ѿ вели́кихъ бѣ́дъ и҆ ѕѡ́лъ, / благонра̑вныѧ и҆ бг҃обоѧ́щыѧсѧ рабы̑ своѧ̑."
|
|
},
|
|
{
|
|
"type": "HEADER",
|
|
"value": "Въ і҃-й де́нь. Положе́нїе честны́ѧ ри́зы гдⷭ҇а на́шегѡ і҆и҃са хрⷭ҇та̀, въ гра́дѣ москвѣ̀."
|
|
},
|
|
{
|
|
"type": "TEXT",
|
|
"value": "Тропа́рь, гла́съ д҃: Дне́сь притеце́мъ вѣ́рнїи, / къ бжⷭ҇твеннѣй и҆ цѣльбоно́снѣй ри́зѣ сп҃си́телѧ на́шегѡ бг҃а, / благоизво́лившагѡ сїю̀ пло́тїю носи́ти, / и҆ на крⷭ҇тѣ̀ ст҃ꙋ́ю свою̀ кро́вь и҆злїѧ́ти, / є҆́юже и҆скꙋпѝ на́съ ѿ рабо́ты вра́жїѧ. / Тѣ́мъ благодарѧ́ще вопїе́мъ є҆мꙋ̀: / спасѝ ѻ҆те́чество на́ше, / и҆ а҆рхїере́євъ, и҆ гра́дъ, и҆ всѧ̑ лю́ди, / чⷭ҇тно́ю твое́ю ри́зою защитѝ, / и҆ спасѝ дꙋ́шы на́шѧ, / ꙗ҆́кѡ чл҃вѣколю́бецъ."
|
|
},
|
|
{
|
|
"type": "TEXT",
|
|
"value": "Конда́къ, гла́съ д҃: Ѡ҆дѣѧ́нїе нетлѣ́нїѧ, сп҃си́тельнагѡ цѣле́нїѧ, / всѣ̑мъ человѣ́кѡмъ, влⷣко, дарова́лъ є҆сѝ / твоѐ бжⷭ҇твенное сокро́вище честнꙋ́ю ри́зꙋ, / ꙗ҆́же є҆́сть хїтѡ́нъ, / є҆́юже живоно́снꙋю и҆ ст҃ꙋ́ю пло́ть вочл҃вѣ́ченїѧ твоегѡ̀ / ѡ҆дѣ́ѧти благоволи́лъ є҆сѝ: / сїю̀ жела́нїемъ прїе́млюще свѣ́тлѡ пра́зднꙋемъ, / стра́хомъ же и҆ любо́вїю, ꙗ҆́кѡ бл҃года́телю воспѣва́юще, / зове́мъ тѝ, хрⷭ҇тѐ: / сохранѝ въ ми́рѣ ѻ҆те́чество на́ше, и҆ а҆рхїере́євъ, и҆ всѧ̑ лю́ди, / по вели́цѣй твое́й ми́лости."
|
|
},
|
|
{
|
|
"type": "HEADER",
|
|
"value": "Въ то́йже де́нь, прпⷣбнагѡ а҆нтѡ́нїа пече́рскагѡ."
|
|
},
|
|
{
|
|
"type": "TEXT",
|
|
"value": "Тропа́рь, гла́съ д҃: Ѿ мїрска́гѡ мѧте́жа и҆зше́дъ, / ѿверже́нїемъ же мі́ра є҆ѵⷢ҇льски хрⷭ҇тꙋ̀ послѣ́довалъ є҆сѝ: / и҆ равноа́гг҃льное житїѐ пожи́въ, / въ ти́хое приста́нище ст҃ы́ѧ горы̀ а҆ѳѡ́на дости́глъ є҆сѝ, / ѿѻнꙋ́дꙋже благослове́нїемъ ѻ҆тцє́въ въ го́рꙋ кі́ева прише́дъ, / и҆ та́мѡ трꙋдолю́бнѡ жи́знь соверши́въ, / ѻ҆те́чество твоѐ просвѣти́лъ є҆сѝ, / и҆ мно́жествꙋ мона́шествꙋющихъ стезю̀ ведꙋ́щꙋю къ нбⷭ҇номꙋ црⷭ҇твїю показа́въ, / хрⷭ҇тꙋ̀ сїѧ̑ приве́лъ є҆сѝ: / є҆го́же молѝ, а҆нтѡ́нїе прпⷣбне, / да спасе́тъ дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "Конда́къ, гла́съ и҃. Подо́бенъ: Возбра́нной: Возложи́въ себѐ бг҃ꙋ, па́че всѣ́хъ возлю́бленномꙋ ѿ ю҆́ности, прпⷣбне, / томꙋ̀ ѿ всеѧ̀ дꙋшѝ любо́вїю послѣ́довалъ є҆сѝ: / мі́ра же тлѣ̑ннаѧ нивочто́же вмѣни́въ, / въ землѝ пеще́рꙋ содѣ́лалъ є҆сѝ, / и҆ въ не́й до́брѣ проти́вꙋ неви́димагѡ врага̀ ко́зней подвиза́всѧ, / ꙗ҆́кѡ свѣтоза́рное со́лнце во всѧ̑ концы̀ землѝ возсїѧ́лъ є҆сѝ: / ѿѻнꙋ́дꙋже веселѧ́сѧ преше́лъ є҆сѝ къ нбⷭ҇нымъ черто́гѡмъ. / И҆ ны́нѣ со а҆́гг҃лы влⷣчню престо́лꙋ предстоѧ̀, / помина́й на́съ чтꙋ́щихъ па́мѧть твою̀, да зове́мъ тѝ: / ра́дꙋйсѧ, а҆нтѡ́нїе ѻ҆́ч҃е на́шъ."
|
|
},
|
|
{
|
|
"type": "HEADER",
|
|
"value": "Въ а҃і-й де́нь. Преставле́нїе бл҃же́нныѧ ѻ҆́льги, кнѧги́ни рѡссі́йскїѧ."
|
|
},
|
|
{
|
|
"type": "TEXT",
|
|
"value": "Тропа́рь, гла́съ а҃: Крила́ми бг҃оразꙋ́мїѧ впери́вши тво́й ᲂу҆́мъ, / возлетѣ́ла є҆сѝ превы́ше ви́димыѧ тва́ри, / взыска́вши бг҃а и҆ творца̀ всѧ́ческихъ: / и҆ того̀ ѡ҆брѣ́тши, па́ки рожде́нїе креще́нїемъ прїѧ́ла є҆сѝ: / дре́ва живо́тнагѡ наслажда́ющисѧ, нетлѣ́нна во вѣ́ки пребыва́еши, / ѻ҆́льго присносла́внаѧ."
|
|
},
|
|
{
|
|
"type": "TEXT",
|
|
"value": "Конда́къ ѻ҆́льги, гла́съ д҃. Подо́бенъ: Ꙗ҆ви́лсѧ є҆сѝ дне́сь: Воспое́мъ дне́сь бл҃годѣ́телѧ всѣ́хъ бг҃а, / просла́вльшаго въ рѡссі́и ѻ҆́льгꙋ бг҃омꙋ́дрꙋю, / да моли́твами є҆ѧ̀ / пода́стъ дꙋша́мъ на́шымъ / грѣхѡ́въ ѡ҆ставле́нїе."
|
|
},
|
|
{
|
|
"type": "HEADER",
|
|
"value": "Въ є҃і-й де́нь. Ст҃а́гѡ равноапⷭ҇ла, вели́кагѡ кнѧ́зѧ влади́мїра."
|
|
},
|
|
{
|
|
"type": "TEXT",
|
|
"value": "Тропа́рь, гла́съ д҃: Оу҆подо́билсѧ є҆сѝ кꙋпцꙋ̀, и҆́щꙋщемꙋ до́брагѡ би́сера, / славнодержа́вный влади́мїре, / на высотѣ̀ стола̀ сѣдѧ̀ ма́тере градѡ́въ, / бг҃оспаса́емагѡ кі́ева: / и҆спытꙋ́ѧ же и҆ посыла́ѧ къ ца́рскомꙋ гра́дꙋ / ᲂу҆вѣ́дѣти правосла́внꙋю вѣ́рꙋ, / и҆ ѡ҆брѣ́лъ є҆сѝ безцѣ́нный би́серъ хрⷭ҇та̀, / и҆збра́вшаго тѧ̀ ꙗ҆́кѡ втора́го па́ѵла, / и҆ ѿтрѧ́сшаго слѣпотꙋ̀ во свѧтѣ́й кꙋпѣ́ли / дꙋше́внꙋю, вкꙋ́пѣ и҆ тѣле́снꙋю: / тѣ́мже пра́зднꙋемъ твоѐ ᲂу҆спе́нїе / лю́дїе твоѝ сꙋ́ще. / Молѝ спасти́сѧ держа́вы твоеѧ̀ рѡссі́йскїѧ нача́льникѡмъ и҆ мно́жествꙋ владо́мыхъ."
|
|
},
|
|
{
|
|
"type": "TEXT",
|
|
"value": "Конда́къ, гла́съ и҃: Подо́бствовавъ вели́комꙋ а҆пⷭ҇лꙋ па́ѵлꙋ въ сѣди́нахъ, всесла́вне влади́мїре, / всѧ̑ ꙗ҆́кѡ младе́нчєскаѧ мꙋдрова̑нїѧ, ꙗ҆̀же ѡ҆ і҆́дѡлѣхъ тща̑нїѧ ѡ҆ста́вль, / ꙗ҆́кѡ мꙋ́жъ соверше́нный, ᲂу҆краси́лсѧ є҆сѝ бжⷭ҇твеннагѡ креще́нїѧ багрѧни́цею: / и҆ ны́нѣ сп҃сꙋ хрⷭ҇тꙋ̀ въ весе́лїи предстоѧ̀, / молѝ спасти́сѧ держа́вы рѡссі́йскїѧ нача́льникѡмъ, и҆ мно́жествꙋ владо́мыхъ."
|
|
},
|
|
{
|
|
"type": "HEADER",
|
|
"value": "Па́мѧть ст҃ы́хъ вселе́нскихъ шестѝ собо́рѡвъ."
|
|
},
|
|
{
|
|
"type": "TEXT",
|
|
"value": "Тропа́рь, гла́съ и҃: Препросла́вленъ є҆сѝ хрⷭ҇тѐ бж҃е на́шъ, / свѣти̑ла на землѝ ѻ҆тцы̀ на́ши ѡ҆снова́вый, / и҆ тѣ́ми ко и҆́стиннѣй вѣ́рѣ всѧ̑ ны̀ наста́вивый: / многобл҃гоꙋтро́бне, сла́ва тебѣ̀."
|
|
},
|
|
{
|
|
"type": "TEXT",
|
|
"value": "Конда́къ, гла́съ и҃. Подо́бенъ: Ꙗ҆́кѡ нача́тки: А҆пⷭ҇лъ проповѣ́данїе, и҆ ѻ҆тє́цъ догма́ты, / цр҃кве є҆ди́нꙋ вѣ́рꙋ запечатлѣ́ша: / ꙗ҆́же и҆ ри́зꙋ носѧ́щи и҆́стины, / и҆стка́нꙋ ѿ є҆́же свы́ше бг҃осло́вїѧ, / и҆справлѧ́етъ и҆ сла́витъ благоче́стїѧ вели́кое та́инство."
|
|
},
|
|
{
|
|
"type": "HEADER",
|
|
"value": "Въ ѳ҃і-й де́нь. Прпⷣбнагѡ серафі́ма саро́вскагѡ, чꙋдотво́рца."
|
|
},
|
|
{
|
|
"type": "TEXT",
|
|
"value": "Тропа́рь, гла́съ д҃: Ѿ ю҆́ности хрⷭ҇та̀ возлюби́лъ є҆сѝ, бл҃же́нне, / и҆ томꙋ̀ є҆ди́номꙋ рабо́тати пла́меннѣ вожделѣ́въ, / непреста́нною моли́твою и҆ трꙋдо́мъ въ пꙋсты́ни подвиза́лсѧ є҆сѝ, / ᲂу҆миле́ннымъ же се́рдцемъ любо́вь хрⷭ҇то́вꙋ стѧжа́въ, / и҆збра́нникъ возлю́бленъ бж҃їѧ мт҃ре ꙗ҆ви́лсѧ є҆сѝ. / Сегѡ̀ ра́ди вопїе́мъ тѝ: / сп҃са́й на́съ мл҃твами твои́ми, серафі́ме, прпⷣбне ѻ҆́тче на́шъ."
|
|
},
|
|
{
|
|
"type": "TEXT",
|
|
"value": "Конда́къ, гла́съ в҃: Мі́ра красотꙋ̀ и҆ ꙗ҆̀же въ не́мъ тлѣ̑ннаѧ ѡ҆ста́вивъ, прпⷣбне, / въ саро́вскꙋю ѡ҆би́тель всели́лсѧ є҆сѝ: / и҆ та́мѡ а҆́гг҃льски пожи́въ, / мнѡ́гимъ пꙋ́ть бы́лъ є҆сѝ ко сп҃се́нїю: / сегѡ̀ ра́ди и҆ хрⷭ҇то́съ тебѐ, ѻ҆́тче серафі́ме, просла́ви, / и҆ да́ромъ и҆сцѣле́нїй и҆ чꙋде́съ ѡ҆богатѝ. / Тѣ́мже вопїе́мъ тѝ: / ра́дꙋйсѧ, серафі́ме, прпⷣбне ѻ҆́тче на́шъ."
|
|
},
|
|
{
|
|
"type": "HEADER",
|
|
"value": "Въ к҃-й де́нь. Ст҃а́гѡ сла́внагѡ прⷪ҇ро́ка и҆лїѝ."
|
|
},
|
|
{
|
|
"type": "TEXT",
|
|
"value": "Тропа́рь, гла́съ д҃: Во пло́ти а҆́гг҃лъ, / прⷪ҇ро́кѡвъ ѡ҆снова́нїе, / вторы́й прⷣте́ча прише́ствїѧ хрⷭ҇то́ва, и҆лїа̀ сла́вный, / свы́ше посла́вый є҆лїссе́еви бл҃года́ть, / недꙋ́ги ѿгонѧ́ти, / и҆ прокажє́нныѧ ѡ҆чища́ти: / тѣ́мже и҆ почита́ющымъ є҆го̀ то́читъ и҆сцѣлє́нїѧ."
|
|
},
|
|
{
|
|
"type": "TEXT",
|
|
"value": "Конда́къ, гла́съ в҃: Прⷪ҇ро́че и҆ прови́дче вели́кихъ дѣ́лъ бг҃а на́шегѡ, / и҆лїѐ великоимени́те, / вѣща́нїемъ твои́мъ ᲂу҆ста́вивый водотѡ́чныѧ ѻ҆́блаки, / молѝ ѡ҆ на́съ є҆ди́наго чл҃вѣколю́бца."
|
|
},
|
|
{
|
|
"type": "HEADER",
|
|
"value": "Въ к҃в-й де́нь. Свѧты́ѧ мѷроно́сицы и҆ равноапо́стольныѧ марі́и магдали́ны."
|
|
},
|
|
{
|
|
"type": "TEXT",
|
|
"value": "Тропа́рь, гла́съ а҃: Хрⷭ҇тꙋ̀, на́съ ра́ди ѿ дв҃ы ро́ждшемꙋсѧ, / честна́ѧ магдали́на марі́а послѣ́довала є҆сѝ, / тогѡ̀ ѡ҆правда̑нїѧ и҆ зако́ны хранѧ́щи: / тѣ́мже дне́сь всесвѧтꙋ́ю твою̀ па́мѧть пра́зднꙋюще, / грѣхѡ́въ разрѣше́нїе / моли́твами твои́ми прїе́млемъ."
|
|
},
|
|
{
|
|
"type": "TEXT",
|
|
"value": "Конда́къ, гла́съ г҃. Подо́бенъ: Дв҃а дне́сь: Предстоѧ́щи пресла́внаѧ ᲂу҆ крⷭ҇та̀ сп҃сова, со и҆ны́ми мно́гими, / и҆ мт҃ри гдⷭ҇ни состра́ждꙋщи, и҆ сле́зы точа́щи, / сїѐ въ похвалꙋ̀ приноша́ше, глаго́лющи: / что̀ сїѐ є҆́сть стра́нное чꙋ́до, / содержа́й всю̀ тва́рь, пострада́ти и҆зво́ли; / сла́ва держа́вѣ твое́й."
|
|
},
|
|
{
|
|
"type": "HEADER",
|
|
"value": "Въ к҃г-й де́нь. Пра́зднованїе прест҃ѣ́й бцⷣѣ, въ че́сть є҆ѧ̀ і҆кѡ́ны поча́евскїѧ."
|
|
},
|
|
{
|
|
"type": "TEXT",
|
|
"value": "Тропа́рь, гла́съ є҃: Пред̾ ст҃о́ю твое́ю і҆кѡ́ною, влⷣчце, / молѧ́щїисѧ и҆сцѣле́нїй сподоблѧ́ютсѧ, / вѣ́ры и҆́стинныѧ позна́нїе прїе́млютъ, / и҆ а҆га́рѧнскаѧ нашє́ствїѧ ѿража́ютъ. / Тѣ́мже и҆ на́мъ, къ тебѣ̀ припа́дающымъ, / грѣхѡ́въ ѡ҆ставле́нїе и҆спросѝ, / пѡ́мыслы бл҃гоче́стїѧ сердца̀ на̑ша просвѣтѝ, / и҆ къ сн҃ꙋ твоемꙋ̀ мл҃твꙋ вознесѝ / ѡ҆ сп҃се́нїи дꙋ́шъ на́шихъ."
|
|
},
|
|
{
|
|
"type": "TEXT",
|
|
"value": "Конда́къ, гла́съ а҃: И҆сто́чникъ и҆сцѣле́нїй и҆ вѣ́ры правосла́вныѧ ᲂу҆твержде́нїе / поча́евскаѧ твоѧ̀ і҆кѡ́на, бцⷣе, ꙗ҆ви́сѧ: / тѣ́мже и҆ на́съ, къ не́й притека́ющихъ, / ѿ бѣ́дъ и҆ и҆скꙋше́нїй свободѝ, / ла́ѵрꙋ твою̀ неврѣди́мꙋ сохранѝ, / правосла́вїе во ѡ҆́крестъ стоѧ́щихъ страна́хъ ᲂу҆твердѝ, / и҆ грѣхѝ разрѣшѝ моли́твєнникъ твои́хъ: / є҆ли̑ка бо хо́щеши, мо́жеши."
|
|
},
|
|
{
|
|
"type": "HEADER",
|
|
"value": "Въ к҃д-й де́нь. Ст҃ы́хъ мꙋ́чєникъ бори́са и҆ глѣ́ба"
|
|
},
|
|
{
|
|
"type": "TEXT",
|
|
"value": "Тропа́рь, гла́съ в҃: Правди́ваѧ страстотє́рпца, / и҆ и҆́стиннаѧ є҆ѵⷢ҇лїа хрⷭ҇то́ва послꙋ́шатєлѧ, / цѣломꙋ́дренный рѡма́не, съ неѕло́бивымъ даві́домъ, / не сопроти́въ ста́ста врагꙋ̀ сꙋ́щꙋ бра́тꙋ, / ᲂу҆бива́ющемꙋ тѣлеса̀ ва̑ша, / дꙋша́мъ же коснꙋ́тисѧ не могꙋ́ща: / да пла́четсѧ ᲂу҆́бѡ ѕлы́й властолю́бецъ, / вы́ же ра́дꙋющесѧ съ ли́ки а҆́гг҃льскими, / предстоѧ́ще ст҃ѣ́й трⷪ҇цѣ, / моли́тесѧ ѡ҆ держа́вѣ сро́дникѡвъ ва́шихъ, бг҃оꙋго́днѣй бы́ти, / и҆ сыновѡ́мъ рѡссі́йскимъ спасти́сѧ."
|
|
},
|
|
{
|
|
"type": "TEXT",
|
|
"value": "Конда́къ, гла́съ г҃. Подо́бенъ: Дв҃а дне́сь: Возсїѧ̀ дне́сь пресла́внаѧ па́мѧть ва́ша, / благоро́днїи страстоте́рпцы хрⷭ҇то́вы, рѡма́не и҆ даві́де, / созыва́юще на́съ къ похвале́нїю хрⷭ҇та̀ бг҃а на́шегѡ. / Тѣ́мъ притека́юще къ ра́цѣ моще́й ва́шихъ, / и҆сцѣле́нїй да́ръ прїе́млемъ моли́твами ва́шими, ст҃і́и: / вы́ бо бжⷭ҇твеннїи вра́чеве є҆стѐ."
|
|
},
|
|
{
|
|
"type": "HEADER",
|
|
"value": "Въ к҃є-й де́нь. Оу҆спе́нїе ст҃ы́ѧ а҆́нны, ма́тере ст҃ы́ѧ бцⷣы:"
|
|
},
|
|
{
|
|
"type": "TEXT",
|
|
"value": "Тропа́рь, гла́съ д҃: Жи́знь ро́ждшꙋю во чре́вѣ носи́ла є҆сѝ, чⷭ҇тꙋю бг҃ома́терь, / бг҃омꙋ́драѧ а҆́нно. / Тѣ́мже къ прїѧ́тїю нбⷭ҇номꙋ, и҆дѣ́же веселѧ́щихсѧ жили́ще, / въ сла́вѣ ра́дꙋющисѧ ны́нѣ преста́виласѧ є҆сѝ, / чтꙋ́щымъ тѧ̀ любо́вїю / прегрѣше́нїй просѧ́щи ѡ҆чище́нїе, / присноблаже́ннаѧ."
|
|
},
|
|
{
|
|
"type": "TEXT",
|
|
"value": "Конда́къ, гла́съ в҃. Подо́бенъ: Вы́шнихъ и҆щѧ̀: Прароди́телей хрⷭ҇то́выхъ па́мѧть пра́зднꙋемъ, / тѣ́хъ вѣ́рнѡ просѧ́ще по́мощи, / и҆зба́витисѧ всѣ̑мъ ѿ всѧ́кїѧ ско́рби, зовꙋ́щымъ: / бг҃ъ на́шъ съ на́ми, си́хъ прославле́й, ꙗ҆́коже благоволѝ."
|
|
},
|
|
{
|
|
"type": "HEADER",
|
|
"value": "Въ к҃з-й де́нь. Ст҃а́гѡ великомч҃ника и҆ цѣли́телѧ пантелеи́мона."
|
|
},
|
|
{
|
|
"type": "TEXT",
|
|
"value": "Тропа́рь, гла́съ г҃: Страстоте́рпче ст҃ы́й и҆ цѣле́бниче пантелеи́моне, / молѝ ми́лостиваго бг҃а, / да прегрѣше́нїй ѡ҆ставле́нїе / пода́стъ дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "Конда́къ, гла́съ є҃: Подража́тель сы́й ми́лостивагѡ, / и҆ и҆сцѣле́нїй благода́ть ѿ негѡ̀ прїе́мъ, страстоте́рпче и҆ мч҃ниче хрⷭ҇та̀ бг҃а, / моли́твами твои́ми дꙋшє́вныѧ на́шѧ недꙋ́ги и҆сцѣлѝ, / ѿгонѧ̀ при́снѡ борца̀ собла́зны ѿ вопїю́щихъ вѣ́рнѡ: / спаси́ ны, гдⷭ҇и."
|
|
},
|
|
{
|
|
"type": "HEADER",
|
|
"value": "Въ к҃и-й де́нь. Ꙗ҆вле́нїе і҆кѡ́ны смоле́нскїѧ, прест҃ы́ѧ влⷣчцы на́шеѧ бцⷣы."
|
|
},
|
|
{
|
|
"type": "TEXT",
|
|
"value": "Тропа́рь, гла́съ д҃: Къ бцⷣѣ прилѣ́жнѡ ны́нѣ притеце́мъ / грѣ́шнїи и҆ смире́ннїи, и҆ припаде́мъ, / въ покаѧ́нїи зовꙋ́ще и҆зъ глꙋбины̀ дꙋшѝ: / влⷣчце, помозѝ, на ны̀ милосе́рдовавши, / потщи́сѧ, погиба́емъ ѿ мно́жества прегрѣше́нїй, / не ѿвратѝ твоѧ̑ рабы̑ тщы̀, / тѧ́ бо и҆ є҆ди́нꙋ наде́ждꙋ и҆́мамы."
|
|
},
|
|
{
|
|
"type": "TEXT",
|
|
"value": "Конда́къ, гла́съ ѕ҃: Предста́тельство хрⷭ҇тїа́нъ непосты́дное, / хода́тайство ко творцꙋ̀ непрело́жное, / не пре́зри грѣ́шныхъ моле́нїй гла́сы: / но предварѝ, ꙗ҆́кѡ бл҃га́ѧ, на по́мощь на́съ, / вѣ́рнѡ зовꙋ́щихъ тѝ: / ᲂу҆скорѝ на моли́твꙋ, и҆ потщи́сѧ на ᲂу҆моле́нїе, / предста́тельствꙋющи при́снѡ, бцⷣе, чтꙋ́щихъ тѧ̀."
|
|
},
|
|
{
|
|
"type": "TEXT",
|
|
"value": "И҆́нъ конда́къ, гла́съ ѕ҃: Не и҆́мамы и҆ны́ѧ по́мощи, / не и҆́мамы и҆ны́ѧ наде́жды, / ра́звѣ тебє̀, влⷣчце: / ты̀ на́мъ помозѝ, / на тебѐ надѣ́емсѧ, / и҆ тобо́ю хва́лимсѧ, / твои́ бо є҆смы̀ рабѝ, / да непостыди́мсѧ."
|
|
},
|
|
{
|
|
"type": "HEADER",
|
|
"value": "Въ л҃-й де́нь. Мꙋ́ченика і҆ѡа́нна во́ина."
|
|
},
|
|
{
|
|
"type": "TEXT",
|
|
"value": "Тропа́рь, гла́съ д҃: Всебл҃га́гѡ бг҃а и҆ цр҃ѧ̀ / бл҃говѣ́рный ра́бъ и҆ во́инъ ꙗ҆ви́лсѧ є҆сѝ, і҆ѡа́нне чꙋдодѣ́телю: / пострада́въ бо ра́ди вѣ́ры мꙋ́жески, / бл҃же́ннѡ же сконча́въ тече́нїе, / зри́ши всетворца̀ гдⷭ҇а въ нб҃сѣ́хъ свѣтлѣ́йше. / Ѿ негѡ́же прїе́мъ дарова́нїе чꙋде́съ, / стра́ждꙋщымъ человѣ́кѡмъ во всѧ́кихъ напа́стехъ помога́еши: / ᲂу҆крѣплѧ́еши во́ины въ ра́техъ: / ѿ врагѡ́въ плѣне́нїѧ, ра́нъ же и҆ внеза́пныхъ смерте́й и҆ ѿ бѣ́дъ лю́тыхъ и҆з̾има́еши. / Тѣ́мже молѝ влⷣкꙋ хрⷭ҇та̀, приснопа́мѧтне, / да во всѧ́комъ ѡ҆бстоѧ̑нїи сотвори́тъ на́мъ млⷭ҇ть, / и҆ не введе́тъ на́съ во и҆скꙋшє́нїѧ, / но сп҃се́тъ дꙋ́шы на́шѧ, ꙗ҆́кѡ чл҃вѣколю́бецъ."
|
|
},
|
|
{
|
|
"type": "TEXT",
|
|
"value": "И҆́нъ тропа́рь, гла́съ и҃: Бл҃же́нство є҆ѵⷢ҇льское возлюби́въ, бг҃омꙋ́дре і҆ѡа́нне, / чистотꙋ̀ се́рдца дѣ́вствомъ почти́лъ є҆сѝ. / Тѣ́мже сꙋетꙋ̀ мі́ра сегѡ̀ пренебре́гъ, / ᲂу҆стреми́лсѧ є҆сѝ зрѣ́ти бг҃а, / и҆́же тѧ̀ просла́ви чꙋдесы̀ во врачева́нїи разли́чнѣ стра́ждꙋщихъ, / сегѡ̀ ра́ди мо́лимъ тѧ̀, / просѝ на́мъ ᲂу҆ хрⷭ҇та̀ гдⷭ҇а всѧ́кихъ скорбе́й и҆збавле́нїѧ / и҆ полꙋче́нїѧ црⷭ҇тва нбⷭ҇нагѡ."
|
|
},
|
|
{
|
|
"type": "TEXT",
|
|
"value": "Конда́къ, гла́съ ѕ҃: Бл҃гочести́ваго во́ина хрⷭ҇то́ва, / побѣди́вшаго врагѝ дꙋшє́вныѧ и҆ тѣлє́сныѧ бг҃омꙋ́дреннѡ, / і҆ѡа́нна мч҃еника достодо́лжнѡ пѣ́сньми восхва́лимъ: / чꙋдодѣ́йствꙋѧ бо подае́тъ ѡ҆би́льнаѧ и҆сцѣлє́нїѧ стра́ждꙋщымъ лю́демъ, / и҆ мо́литсѧ гдⷭ҇ꙋ бг҃ꙋ / ѿ всѧ́кихъ бѣ́дъ сп҃стѝ правовѣ̑рныѧ."
|
|
}
|
|
] |