234 lines
28 KiB
JSON
234 lines
28 KiB
JSON
[
|
|
{
|
|
"type": "HEADER",
|
|
"value": "Тропарѝ и҆ кондакѝ пра́здникѡвъ, ма́їй"
|
|
},
|
|
{
|
|
"type": "HEADER",
|
|
"value": "Во в҃-й де́нь. Ст҃а́гѡ а҆ѳана́сїа вели́кагѡ, патрїа́рха а҆леѯандрі́йскагѡ."
|
|
},
|
|
{
|
|
"type": "TEXT",
|
|
"value": "Тропа́рь, гла́съ г҃: Сто́лпъ бы́лъ є҆сѝ правосла́вїѧ, / бжⷭ҇твенными догма̑ты подтвержда́ѧ цр҃ковь, / сщ҃еннонача́льниче а҆ѳана́сїе: / ѻ҆ц҃ꙋ́ бо сн҃а є҆диносꙋ́щна проповѣ́давъ, / посрами́лъ є҆сѝ а҆́рїа. / Ѻ҆́ч҃е прпⷣбне, / хрⷭ҇та̀ бг҃а молѝ, / дарова́ти на́мъ ве́лїю ми́лость."
|
|
},
|
|
{
|
|
"type": "TEXT",
|
|
"value": "Конда́къ, гла́съ в҃. Подо́бенъ: Крове́й твои́хъ: Правосла́вїѧ насади́въ ᲂу҆чє́нїѧ, / ѕлосла́вїѧ тє́рнїѧ и҆зсѣ́клъ є҆сѝ, / ᲂу҆мно́живъ сѣ́мѧ вѣ́ры, ѡ҆дожде́нїемъ дх҃а, преподо́бне: / тѣ́мже тѧ̀ пое́мъ, а҆ѳана́сїе."
|
|
},
|
|
{
|
|
"type": "HEADER",
|
|
"value": "Въ то́йже де́нь, Ст҃ы́хъ мꙋ́чєникъ бори́са и҆ глѣ́ба."
|
|
},
|
|
{
|
|
"type": "TEXT",
|
|
"value": "Тропа́рь, гла́съ д҃: Дне́сь цр҃кѡ́внаѧ разширѧ́ютсѧ нѣ̑дра, / прїе́млющїи бога́тство бж҃їѧ бл҃года́ти, / веселѧ́тсѧ рꙋ́сстїи собо́ри, / ви́дѧще пресла̑внаѧ чꙋдеса̀, / ꙗ҆̀же твори́те приходѧ́щымъ къ ва́мъ вѣ́рою, / ст҃і́и чꙋдотво́рцы бори́се и҆ глѣ́бе, / моли́те хрⷭ҇та̀ бг҃а, да сп҃се́тъ дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "И҆́нъ тропа́рь, гла́съ в҃: Пречⷭ҇тні́и и҆ цѣломꙋ́дреннїи, и҆ неѕло́бивїи страстоте́рпцы, / рѡма́не сла́вный и҆ даві́де чꙋ́дный, / и҆́го бо гдⷭ҇не є҆ѵⷢ҇льски на ра́мо взе́мше, / послѣ́довасте хрⷭ҇тꙋ̀, / и҆ кре́стъ є҆гѡ̀, ꙗ҆́кѡ ски́петръ, въ рꙋкꙋ̀ и҆мꙋ́ще, / врага̀ бра́та и҆ ѕла́го властолю́бца соѡдолѣ́сте, / и҆ то́й ны́нѣ въ гее́ннѣ мꙋ́читсѧ, / вы́ же ра́дꙋетесѧ, съ ли́ки а҆́гг҃льскими предстоѧ́ще ст҃ѣ́й трⷪ҇цѣ, / моли́тесѧ ѡ҆ держа́вѣ срѡ́дникъ ва́шихъ, бл҃гоꙋго́днѣй бы́ти, / и҆ сыновѡ́мъ рꙋ̑сскимъ сп҃сти́сѧ."
|
|
},
|
|
{
|
|
"type": "TEXT",
|
|
"value": "И҆́нъ тропа́рь, гла́съ д҃: Мч҃ницы гдⷭ҇ни спа́сшїисѧ, / пресла́внїи бл҃же́ннїи кнѧ́зи бори́се и҆ глѣ́бе, / трꙋжда́ющымсѧ бы́стрїи помѡ́щницы, / недꙋ̑жнымъ цѣли́тели, / вы́ бо бѡлѣ́зни врачꙋ́ете / притека́ющихъ въ цр҃ковь съ вѣ́рою. / Тѣ́мже и҆ мы̀ мо́лимсѧ: / ѿ бѣ́дъ и҆зба́вите на́съ, / чтꙋ́щихъ съ любо́вїю пренесе́нїе моще́й ва́шихъ."
|
|
},
|
|
{
|
|
"type": "TEXT",
|
|
"value": "И҆́нъ тропа́рь, гла́съ и҃: Дне́сь всѧ́каѧ дꙋша̀ вѣ́рныхъ весели́тсѧ, / въ пренесе́нїе чⷭ҇тны́хъ моще́й ва́шихъ, бори́се и҆ глѣ́бе, / слѣпы̑ѧ просвѣща́ете, нѣмы̑мъ ᲂу҆ста̀ ѿверза́ете и҆ печа̑льныѧ ᲂу҆тѣша́ете, / прїѧ́ли бо є҆стѐ ѿ хрⷭ҇та̀ бг҃а бл҃года́ть и҆сцѣле́нїй, / моли́тесѧ ѡ҆ дꙋша́хъ на́шихъ."
|
|
},
|
|
{
|
|
"type": "TEXT",
|
|
"value": "Конда́къ, гла́съ д҃. Подо́бенъ: Ꙗ҆ви́лсѧ є҆сѝ дне́сь: Ꙗ҆ви́сѧ дне́сь въ странѣ̀ рꙋ́сстѣй блгⷣть и҆сцѣле́нїѧ всѣ̑мъ, / къ ва́мъ, бл҃же́ннїи, приходѧ́щымъ и҆ вопїю́щымъ: / ра́дꙋйтесѧ, застꙋ̑пницы те́плїи."
|
|
},
|
|
{
|
|
"type": "TEXT",
|
|
"value": "И҆́нъ конда́къ ст҃ы́хъ, гла́съ г҃: Прїиди́те, всѝ рꙋ́сстїи собо́ри, / чꙋдотвѡ́рцꙋ и҆ мч҃никꙋ бори́са и҆ глѣ́ба восхва́лимъ, / зако́ннѡ бо пострада́вше, / побѣди́сте сопроти́внаго врага̀, / тѣ́мъ ст҃ы́мъ застꙋпле́нїемъ кнѧ́зи рꙋ́сстїи врагѝ побѣжда́ютъ, / тѣ́мъ па́мѧть є҆́ю ве́селѡ и҆ любо́вїю похва́лимъ, вопїю́ще: / за ны̀ моли́те ст҃ꙋ́ю трⷪ҇цꙋ, / ᲂу҆мири́ти мі́ръ и҆ сп҃стѝ дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "И҆́нъ конда́къ ст҃ы́хъ, гла́съ д҃: Ѿ гро́ба зна́мєнїѧ показа́сте во странѣ̀ рꙋ́сстѣй, / ꙗ҆ви́сѧ дне́сь бл҃года́ть и҆сцѣле́нїѧ / всѣ̑мъ, къ ва́мъ, страстоте́рпцы, притека́ющымъ съ вѣ́рою, / бори́се сла́вный со глѣ́бомъ чꙋ́днымъ. / Крѣ́пцы вѣ́рою, добропобѣ́днїи мч҃ницы, за хрⷭ҇та̀ под̾е́мше разли̑чныѧ мꙋ̑ки, / и҆ на мнѡ́га лѣ̑та сокровє́ни бы́ша ва́ши ст҃і́и мо́щи, / ны́нѣ же ꙗ҆влѧ́етесѧ ѿ землѝ, / возсїѧ́вше лꙋча́ми, ꙗ҆́кѡ бога́тство многоцѣ́нно, / и҆ въ цр҃ковь бж҃їю чⷭ҇тнѡ носи́ми, а҆рхїерє́й бж҃їихъ дла́ньми. / Тѣ́мже вопїе́мъ ва́мъ: / ра́дꙋйтесѧ, кнѧ́зи, рꙋ́сстїи застꙋ̑пницы."
|
|
},
|
|
{
|
|
"type": "HEADER",
|
|
"value": "Въ г҃-й де́нь. Оу҆спе́нїе прпⷣбнагѡ ѳеодо́сїа, и҆гꙋ́мена монастырѧ̀ пече́рскагѡ."
|
|
},
|
|
{
|
|
"type": "TEXT",
|
|
"value": "Тропа́рь, гла́съ и҃: Возвы́сивсѧ на добродѣ́тель, / и҆змла́да возлюби́въ мона́шеское житїѐ, / къ жела́нїю до́блественнѣ дости́гъ, всели́лсѧ є҆сѝ въ пеще́рꙋ, / и҆ ᲂу҆краси́въ житїѐ твоѐ поще́нїемъ и҆ свѣ́тлостїю, / въ моли́твахъ ꙗ҆́кѡ безпло́тенъ пребыва́лъ є҆сѝ, / въ рѡссі́йстѣй землѝ ꙗ҆́кѡ свѣ́тлое свѣти́ло просїѧ́въ, ѻ҆́ч҃е ѳеодо́сїе, / молѝ хрⷭ҇та̀ бг҃а, спасти́сѧ дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "Конда́къ, гла́съ г҃. Подо́бенъ: Дв҃а дне́сь: Ѕвѣздꙋ̀ рѡссі́йскꙋю дне́сь почти́мъ, / ѿ восто́ка возсїѧ́вшꙋю, и҆ на за́падъ прише́дшꙋю: / всю́ бо странꙋ̀ сїю̀ чꙋдесы̀ и҆ добро́тою ѡ҆богати́вшꙋ, и҆ всѧ̑ ны̀, / содѣ́ѧнїемъ и҆ бл҃года́тїю мона́шескагѡ ᲂу҆ста́ва, / бл҃же́ннаго ѳеодо́сїа."
|
|
},
|
|
{
|
|
"type": "HEADER",
|
|
"value": "Въ и҃-й де́нь. Ст҃а́гѡ а҆пⷭ҇ла и҆ є҆ѵⷢ҇лі́ста і҆ѡа́нна бг҃осло́ва."
|
|
},
|
|
{
|
|
"type": "TEXT",
|
|
"value": "Тропа́рь, гла́съ в҃: А҆пⷭ҇ле, хрⷭ҇тꙋ̀ бг҃ꙋ возлю́бленне, / ᲂу҆скорѝ и҆зба́вити лю́ди безѿвѣ́тны, / прїе́млетъ тѧ̀ припа́дающа, / и҆́же па́дша на пє́рси и҆зво́ливый: / є҆го́же молѝ, бг҃осло́ве, / и҆ належа́щїй ѻ҆́блакъ ꙗ҆зы́кѡвъ разгна́ти, / просѧ̀ на́мъ ми́ра и҆ ве́лїѧ ми́лости."
|
|
},
|
|
{
|
|
"type": "TEXT",
|
|
"value": "Конда́къ, гла́съ в҃: Вели̑чїѧ твоѧ̑, дѣ́вственниче, кто̀ повѣ́сть; / то́чиши бо чꙋдеса̀, и҆ и҆злива́еши и҆сцѣлє́нїѧ, / и҆ мо́лишисѧ ѡ҆ дꙋша́хъ на́шихъ, / ꙗ҆́кѡ бг҃осло́въ и҆ дрꙋ́гъ хрⷭ҇то́въ."
|
|
},
|
|
{
|
|
"type": "HEADER",
|
|
"value": "Въ ѳ҃-й де́нь. Пренесе́нїе честны́хъ моще́й нїкола́а чꙋдотво́рца, ѿ мѵ́ръ въ ба́ръ гра́дъ."
|
|
},
|
|
{
|
|
"type": "TEXT",
|
|
"value": "Тропа́рь, гла́съ д҃: Приспѣ̀ де́нь свѣ́тлагѡ торжества̀, / гра́дъ ба́рскїй ра́дꙋетсѧ, / и҆ съ ни́мъ вселе́ннаѧ всѧ̀ ликовствꙋ́етъ, / пѣ́сньми и҆ пѣ́ньми дꙋхо́вными: / дне́сь бо свѧще́нное торжество̀, / въ пренесе́нїе честны́хъ и҆ многоцѣле́бныхъ моще́й, / ст҃и́телѧ и҆ чꙋдотво́рца нїкола́а, / ꙗ҆́коже со́лнце незаходи́мое возсїѧ̀, свѣтоза́рными лꙋча́ми, / разгонѧ́ѧ тмꙋ̀ и҆скꙋше́нїй же и҆ бѣ́дъ / ѿ вопїю́щихъ вѣ́рнѡ: / спаса́й на́съ, ꙗ҆́кѡ предста́тель на́шъ, вели́кїй нїко́лае."
|
|
},
|
|
{
|
|
"type": "TEXT",
|
|
"value": "Конда́къ гла́съ г҃. Подо́бенъ: Дв҃а дне́сь: Взы́де ꙗ҆́кѡ ѕвѣзда̀ ѿ восто́ка до за́пада, / твоѧ̑ мо́щи, ст҃и́телю нїко́лае, / мо́ре же ѡ҆свѧти́сѧ ше́ствїемъ твои́мъ, / и҆ гра́дъ ба́рскїй прїе́млетъ тобо́ю благода́ть: / на́съ бо дѣ́лѧ ꙗ҆ви́лсѧ є҆сѝ чꙋдотво́рецъ и҆зѧ́щный, / преди́вный и҆ ми́лостивый."
|
|
},
|
|
{
|
|
"type": "HEADER",
|
|
"value": "Въ і҃-й де́нь. Ст҃а́гѡ а҆пⷭ҇ла сі́мѡна зилѡ́та."
|
|
},
|
|
{
|
|
"type": "TEXT",
|
|
"value": "Тропа́рь, гла́съ г҃: А҆пⷭ҇ле ст҃ы́й сі́мѡне, / молѝ ми́лостиваго бг҃а, / да прегрѣше́нїй ѡ҆ставле́нїе / пода́стъ дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "Конда́къ, гла́съ в҃. Подо́бенъ: Твє́рдыѧ: И҆звѣ́стнѡ премꙋ́дрости ᲂу҆чє́нїѧ, въ дꙋша́хъ благоче́ствꙋющихъ поло́жшаго, / во хвале́нїи ᲂу҆блажи́мъ, ꙗ҆́кѡ бг҃оглаго́ливаго всѝ сі́мѡна: / прⷭ҇то́лꙋ бо сла́вы ны́нѣ предстои́тъ, и҆ со безпло́тными весели́тсѧ, / молѧ́сѧ непреста́ннѡ ѡ҆ всѣ́хъ на́съ."
|
|
},
|
|
{
|
|
"type": "HEADER",
|
|
"value": "Въ а҃і-й де́нь. Ст҃ы́хъ равноапⷭ҇льныхъ меѳо́дїа и҆ кѷрі́лла, ᲂу҆чи́телей слове́нскихъ."
|
|
},
|
|
{
|
|
"type": "TEXT",
|
|
"value": "Тропа́рь, гла́съ д҃: Ꙗ҆́кѡ а҆пⷭ҇лѡмъ є҆динонра́внїи / и҆ слове́нскихъ стра́нъ ᲂу҆чи́телїе, / кѷрі́лле и҆ меѳо́дїе бг҃омꙋ́дрїи, / влⷣкꙋ всѣ́хъ моли́те, / всѧ̑ ꙗ҆зы́ки словє́нскїѧ ᲂу҆тверди́ти въ правосла́вїи и҆ є҆диномы́слїи, / ᲂу҆мири́ти мі́ръ, и҆ сп҃стѝ дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "Конда́къ, гла́съ г҃: Сщ҃е́ннꙋю дво́ицꙋ просвѣти́телей на́шихъ почти́мъ, / бж҃е́ственныхъ писа́нїй преложе́нїемъ и҆сто́чникъ бг҃опозна́нїѧ на́мъ и҆сточи́вшихъ, / и҆з̾ негѡ́же да́же додне́сь неѡскꙋ́днѡ почерпа́юще, / ᲂу҆бл҃жа́емъ ва́съ, кѷрі́лле и҆ меѳо́дїе, / прⷭ҇то́лꙋ вы́шнѧгѡ предстоѧ́щихъ / и҆ те́плѣ молѧ́щихсѧ ѡ҆ дꙋша́хъ на́шихъ."
|
|
},
|
|
{
|
|
"type": "HEADER",
|
|
"value": "Въ в҃і-й де́нь. Сщ҃енномч҃нка є҆рмоге́на, патрїа́рха моско́вскагѡ и҆ всеѧ́ рꙋсѝ."
|
|
},
|
|
{
|
|
"type": "TEXT",
|
|
"value": "Тропа́рь, гла́съ д҃: Приспѣ̀ де́нь свѣ́тлагѡ торжества̀, / гра́дъ москва̀ ра́дꙋетсѧ, / и҆ съ ни́мъ рꙋ́сь правосла́внаѧ ликовствꙋ́етъ / пѣ́сньми и҆ пѣ́ньми дꙋхо́вными: / дне́сь бо сщ҃е́нное торжество̀ / въ ꙗ҆вле́нїи честны́хъ и҆ многоцѣле́бныхъ моще́й / ст҃и́телѧ и҆ чꙋдотво́рца є҆рмоге́на, / ꙗ҆́коже со́лнце незаходи́мое возсїѧ̀ свѣтоза́рными лꙋча́ми, / разгонѧ́ѧ тьмꙋ̀ и҆скꙋше́нїй же и҆ бѣ́дъ / ѿ вопїю́щихъ вѣ́рнѡ: / сп҃са́й на́съ, ꙗ҆́кѡ предста́тель на́шъ, вели́кїй є҆рмоге́не."
|
|
},
|
|
{
|
|
"type": "TEXT",
|
|
"value": "Конда́къ, гла́съ ѕ҃: Темни́цею и҆ гла́домъ и҆знꙋрѧ́емь, / да́же до сме́рти вѣ́ренъ пребы́лъ є҆сѝ, бл҃же́нне є҆рмоге́не, / малодꙋ́шїе ѿ серде́цъ люде́й твои́хъ ѿгонѧ́ѧ / и҆ на ѻ҆́бщїй по́двигъ всѧ̑ призыва́ѧ. / Тѣ́мже и҆ нечести́выхъ мѧте́жъ низложи́лъ є҆сѝ и҆ странꙋ̀ на́шꙋ ᲂу҆тверди́лъ є҆сѝ, / да всѝ зове́мъ тѝ: / ра́дꙋйсѧ, застꙋ́пниче рѡссі́йскїѧ землѝ."
|
|
},
|
|
{
|
|
"type": "HEADER",
|
|
"value": "Въ є҃і-й де́нь. Прпⷣбнагѡ пахѡ́мїа вели́кагѡ."
|
|
},
|
|
{
|
|
"type": "TEXT",
|
|
"value": "Тропа́рь, гла́съ и҃: Сле́зъ твои́хъ тече́ньми пꙋсты́ни безпло́дное воздѣ́лалъ є҆сѝ, / и҆ и҆̀же и҆зъ глꙋбины̀ воздыха́ньми, во сто̀ трꙋдѡ́въ ᲂу҆плодоноси́лъ є҆сѝ, / и҆ бы́лъ є҆сѝ свѣти́льникъ вселе́ннѣй, сїѧ́ѧ чꙋдесы̀, пахѡ́мїе ѻ҆́ч҃е на́шъ, / молѝ хрⷭ҇та̀ бг҃а, спасти́сѧ дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "Конда́къ, гла́съ в҃. Подо́бенъ: Вы́шнихъ и҆щѧ̀: Свѣти́льникъ свѣ́телъ показа́лсѧ є҆сѝ въ концѣ́хъ, / пꙋсты́ню же гра́ды сотвори́лъ є҆сѝ мно́жествы мона́шескими: / са́мъ себѐ распе́нъ, кре́стъ тво́й на ра́мо взе́мъ, / и҆ воздержа́нїемъ тѣ́ло и҆знꙋри́лъ є҆сѝ, / молѧ̀ непреста́ннѡ ѡ҆ всѣ́хъ на́съ."
|
|
},
|
|
{
|
|
"type": "HEADER",
|
|
"value": "Въ то́йже де́нь, ст҃и́телѧ и҆са́їи є҆пⷭ҇кпа, росто́вскагѡ чꙋдотво́рца."
|
|
},
|
|
{
|
|
"type": "TEXT",
|
|
"value": "Тропа́рь, гла́съ и҃: Правосла́вїѧ наста́вниче, / благоче́стїѧ ᲂу҆чи́телю и҆ чистоты̀, / росто́вꙋ пресвѣ́тлый свѣти́льниче, / ст҃и́телємъ бг҃одохнове́нное ᲂу҆добре́нїе, / и҆са́їе премꙋ́дре: / ᲂу҆че́нїемъ бо твои́мъ всѧ̑ рѡссі̑йскїѧ концы̀ просвѣти́лъ є҆сѝ бл҃года́тїю дꙋхо́вною, / ст҃и́телю бл҃же́нне, / молѝ хрⷭ҇та̀ бг҃а, да спасе́тъ дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "Конда́къ, гла́съ г҃. Подо́бенъ: Дв҃а дне́сь: Ꙗ҆́кѡ гро́мъ, возгремѣ́лъ є҆сѝ, бжⷭ҇твенными твои́ми ᲂу҆чє́нїи въ рѡссі́йстѣй землѝ, / и҆ ꙗ҆ви́лсѧ є҆сѝ свѣти́льникъ пресвѣ́телъ, / ѡ҆сїѧ́ѧ свѣ́томъ бг҃оразꙋ́мїѧ, и҆са́їе блаже́нне. / Тѣ́мже вопїе́мъ тѝ: / хрⷭ҇та̀ бг҃а молѝ непреста́ннѡ ѡ҆ всѣ́хъ на́съ."
|
|
},
|
|
{
|
|
"type": "HEADER",
|
|
"value": "Въ то́йже де́нь, ᲂу҆бїе́нїе благовѣ́рнагѡ царе́вича кнѧ́зѧ дими́трїа моско́вскагѡ."
|
|
},
|
|
{
|
|
"type": "TEXT",
|
|
"value": "Тропа́рь, гла́съ д҃: Ца́рскꙋю дїади́мꙋ ѡ҆багри́лъ є҆сѝ кро́вїю твое́ю, / бг҃омꙋ́дре мꙋ́чениче, / за ски́птръ крⷭ҇тъ въ рꙋкꙋ̀ прїи́мъ, / ꙗ҆ви́лсѧ є҆сѝ побѣдоно́сецъ, / и҆ же́ртвꙋ непоро́чнꙋю влⷣцѣ прине́слъ є҆сѝ себѐ: / ꙗ҆́кѡ бо а҆́гнецъ неѕло́бивъ ѿ раба̀ заколе́нъ є҆сѝ. / И҆ ны́нѣ ра́дꙋѧсѧ предстои́ши ст҃ѣ́й трⷪ҇цѣ, / моли́сѧ ѡ҆ держа́вѣ сро́дникѡвъ твои́хъ бг҃оꙋго́днѣй бы́ти, / и҆ сыновѡ́мъ рѡссі̑йскимъ спасти́сѧ."
|
|
},
|
|
{
|
|
"type": "TEXT",
|
|
"value": "Конда́къ, гла́съ и҃: Возсїѧ̀ дне́сь въ сла́внѣй па́мѧти твое́й, вѣ̑рнымъ весе́лїе, / ꙗ҆́кѡ бо доброра́сленный гре́знъ прозѧ́блъ є҆сѝ, / и҆ хрⷭ҇тꙋ̀ красе́нъ пло́дъ прине́слъ є҆сѝ себѐ. / Тѣ́мже и҆ по ᲂу҆бїе́нїи твое́мъ соблюдѐ тѣ́ло твоѐ нетлѣ́но, / страда́льчески ѡ҆багре́ное кро́вїю. / Благоро́дне свѧ́те дими́трїе, / соблюда́й ѻ҆те́чество твоѐ, и҆ гра́дъ тво́й невреди́мь: / томꙋ́ бо є҆сѝ ᲂу҆твержде́нїе."
|
|
},
|
|
{
|
|
"type": "HEADER",
|
|
"value": "Въ к҃-й де́нь. Ѡ҆брѣ́тенїе моще́й ст҃и́телѧ а҆леѯі́а, митрополі́та моско́вскагѡ и҆ всеѧ̀ рѡссі́и, чꙋдотво́рца."
|
|
},
|
|
{
|
|
"type": "TEXT",
|
|
"value": "Тропа́рь, гла́съ, в҃: Ꙗ҆́кѡ сокро́вище пребога́тое, многолѣ́тнѡ въ землѝ сокрове́нное, / чⷭ҇тны̑ѧ мо́щи твоѧ̑ ѡ҆брѣто́шасѧ чꙋдоточа́щыѧ, / всебл҃же́нне ѻ҆́ч҃е ст҃и́телю а҆леѯі́е: / ѿ ни́хже врачевство̀ прїе́млюще, ѡ҆богаща́емсѧ, / и҆ хрⷭ҇та̀ славосло́вимъ глаго́люще: / сла́ва прославлѧ́ющемꙋ ст҃ы̑ѧ своѧ̑."
|
|
},
|
|
{
|
|
"type": "TEXT",
|
|
"value": "И҆́нъ тропа́рь, гла́съ д҃: А҆пⷭ҇льскихъ прее́мникѡвъ а҆рхїере́євъ сопресто́льниче, / рѡссі́и всеѧ̀ па́стырю и҆ ᲂу҆чи́телю, / всеблаже́нне ѻ҆́ч҃е а҆леѯі́е, / влⷣцѣ всѣ́хъ моли́сѧ, / ми́ръ па́ствѣ твое́й дарова́ти, / и҆ спасе́нїе дꙋша́мъ, / и҆ ве́лїю ми́лость."
|
|
},
|
|
{
|
|
"type": "TEXT",
|
|
"value": "Конда́къ, гла́съ и҃: Ꙗ҆́кѡ со́лнце незаходи́мое ѿ гро́ба возсїѧ̀ на́мъ, / ѿ мнѡ́гъ лѣ́тъ сокровє́нны честны̑ѧ твоѧ̑ мо́щи нетлѣ̑нны, ст҃и́телю а҆леѯі́е, / тобо́ю бл҃года́ть прїе́млемъ: / всю́ бо странꙋ̀ сїю̀, и҆ всѧ̑ ны̀ чꙋдесы̀ и҆ добро́тою ѡ҆богаща́еши / дѣ́йствомъ бл҃года́ти, да пое́мъ тѝ: / ра́дꙋйсѧ, ѻ҆́ч҃е, свѣти́ло рѡссі́и."
|
|
},
|
|
{
|
|
"type": "HEADER",
|
|
"value": "Въ к҃а-й де́нь. Ст҃ы́хъ равноапо́столѡвъ кѡнстанті́на и҆ є҆ле́ны."
|
|
},
|
|
{
|
|
"type": "TEXT",
|
|
"value": "Тропа́рь, гла́съ и҃: Крⷭ҇та̀ твоегѡ̀ ѻ҆́бразъ на нб҃сѝ ви́дѣвъ, / и҆ ꙗ҆́коже па́ѵелъ зва́нїе не ѿ человѣ̑къ прїе́мъ, / въ царѣ́хъ а҆по́столъ тво́й, гдⷭ҇и, / ца́рствꙋющїй гра́дъ въ рꙋцѣ̀ твое́й положѝ: / є҆го́же спаса́й всегда̀ въ ми́рѣ, моли́твами бг҃оро́дицы, / є҆ди́не чл҃вѣколю́бче."
|
|
},
|
|
{
|
|
"type": "TEXT",
|
|
"value": "Конда́къ, гла́съ г҃. Подо́бенъ: Дв҃а дне́сь: Кѡнстанті́нъ дне́сь съ ма́терїю є҆ле́ною / крⷭ҇тъ ꙗ҆влѧ́ютъ, всечестно́е дре́во, / всѣ́хъ ᲂу҆́бѡ і҆ꙋде́євъ посрамле́нїе сꙋ́ще, / ѻ҆рꙋ́жїе же на проти̑вныѧ вѣ́рныхъ люде́й: / на́съ бо ра́ди ꙗ҆ви́сѧ зна́менїе ве́лїе, / и҆ во бранѣ́хъ гро́зное."
|
|
},
|
|
{
|
|
"type": "HEADER",
|
|
"value": "Въ то́йже де́нь, срѣ́тенїе пречⷭ҇тыѧ бг҃оро́дицы чꙋдотво́рныѧ і҆кѡ́ны влади́мїрскїѧ."
|
|
},
|
|
{
|
|
"type": "TEXT",
|
|
"value": "Тропа́рь, гла́съ д҃: Дне́сь свѣ́тлѡ красꙋ́етсѧ сла́внѣйшїй гра́дъ москва̀, / ꙗ҆́кѡ зарю̀ со́лнечнꙋю воспрїе́мши, влⷣчце, / чꙋдотво́рнꙋю твою̀ і҆кѡ́нꙋ, / къ не́йже ны́нѣ мы̀ притека́юще, и҆ молѧ́щесѧ тебѣ̀, взыва́емъ си́це: / ѽ пречꙋ́днаѧ влⷣчце бцⷣе! / Моли́сѧ и҆зъ тебє̀ воплоще́нномꙋ хрⷭ҇тꙋ̀ бг҃ꙋ на́шемꙋ, / да и҆зба́витъ гра́дъ се́й, и҆ всѧ̑ гра́ды и҆ страны̑ хрїстїа̑нскїѧ / невреди̑мы ѿ всѣ́хъ навѣ̑тъ вра́жїихъ, / и҆ спасе́тъ дꙋ́шы на́шѧ ꙗ҆́кѡ милосе́рдъ."
|
|
},
|
|
{
|
|
"type": "TEXT",
|
|
"value": "Конда́къ, гла́съ и҃. Подо́бенъ: Взбра́нной: Взбра́нной воево́дѣ побѣди́тєльнаѧ, / ꙗ҆́кѡ и҆зба́вльшесѧ ѿ ѕлы́хъ, / прише́ствїемъ твоегѡ̀ честна́гѡ ѻ҆́браза, влⷣчце бцⷣе, / свѣ́тлѡ сотворѧ́емъ празднество̀ срѣ́тенїѧ твоегѡ̀, и҆ ѻ҆бы́чнѡ зове́мъ тѝ: / ра́дꙋйсѧ невѣ́сто неневѣ́стнаѧ."
|
|
},
|
|
{
|
|
"type": "HEADER",
|
|
"value": "Въ к҃г-й де́нь. Ѡ҆брѣ́тенїе честны́хъ моще́й ѻ҆ц҃а̀ на́шегѡ лео́нтїа, є҆пⷭ҇копа росто́вскагѡ."
|
|
},
|
|
{
|
|
"type": "TEXT",
|
|
"value": "Тропа́рь, гла́съ д҃: А҆пⷭ҇лѡмъ соприча́стникъ, / и҆ къ бг҃ꙋ моле́бникъ вѣ́ренъ, / добродѣ́тельми возше́дъ на нбⷭ҇наѧ, / и҆ любо́вь возложи́лъ є҆сѝ къ лю́бѧщемꙋ тѧ̀, / и҆ невѣ̑рныѧ лю́ди ѡ҆брати́лъ є҆сѝ въ вѣ́рꙋ. / Тѣ́мъ ны́нѣ со а҆́гг҃лы ликꙋ́ѧ, / предстои́ши престо́лꙋ сла́вы всѣ́хъ цр҃ѧ̀ хрⷭ҇та̀ бг҃а: / моли́сѧ, ст҃и́телю лео́нтїе, / да спасе́тъ дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "Конда́къ, гла́съ д҃. Подо́бенъ: Ꙗ҆ви́лсѧ є҆сѝ: Житїѧ̀ ра́ди чистоты̀ / всеви́децъ гдⷭ҇ь свѣ́тъ сво́й насадѝ въ дꙋшѝ твое́й, / вразꙋми́ти лю́ди мнѡ́гїѧ / твои́ми ᲂу҆чє́нїи, / лео́нтїе преподо́бне."
|
|
},
|
|
{
|
|
"type": "HEADER",
|
|
"value": "Въ к҃є-й де́нь. Тре́тїе ѡ҆брѣ́тенїе честны́ѧ главы̀, ст҃а́гѡ сла́внагѡ прⷪ҇ро́ка, прⷣте́чи и҆ крⷭ҇ти́телѧ і҆ѡа́нна."
|
|
},
|
|
{
|
|
"type": "TEXT",
|
|
"value": "Тропа́рь, гла́съ д҃: Ꙗ҆́кѡ бж҃е́ственное сокро́вище, сокрове́нное въ землѝ, / хрⷭ҇то́съ ѿкры̀ главꙋ̀ твою̀ на́мъ, прⷪ҇ро́че и҆ прⷣте́че: / всѝ ᲂу҆̀бо соше́дшесѧ въ сеѧ̀ ѡ҆брѣ́тенїе, / пѣ́сньми бг҃оглаго́ливыми сп҃са воспои́мъ, / спаса́юща на́съ ѿ тлѣ́нїѧ моли́твами твои́ми."
|
|
},
|
|
{
|
|
"type": "TEXT",
|
|
"value": "Конда́къ, гла́съ ѕ҃. Подо́бенъ: Є҆́же ѡ҆ на́съ: Свѣтоѧвле́нный и҆ бжⷭ҇твенный въ мі́рѣ сто́лпъ, / сл҃нца свѣти́льникъ, / прⷣте́ча главꙋ̀ свѣтоно́снꙋю и҆ бжⷭ҇твеннꙋю свою̀ / показа́вый въ концѣ́хъ, / ѡ҆свѧща́етъ то́й вѣ́рнѡ покланѧ́ющихсѧ / и҆ взыва́ющихъ: / хрⷭ҇то́въ премꙋ́дрый крⷭ҇ти́телю, спасѝ всѣ́хъ на́съ."
|
|
},
|
|
{
|
|
"type": "HEADER",
|
|
"value": "Въ к҃и-й де́нь. Ст҃а́гѡ і҆гна́тїа, є҆пі́скопа росто́вскагѡ."
|
|
},
|
|
{
|
|
"type": "TEXT",
|
|
"value": "Тропа́рь, гла́съ д҃: Благовѣ́рїѧ просвѣ́щсѧ ᲂу҆че́нїи, / ст҃и́тельства прїе́мъ па́ствꙋ, / и҆ а҆пⷭ҇лѡвъ наслѣ́дникъ бы́въ: / тѣ́мъ прїѧ́лъ є҆сѝ ѿ бг҃а да́ръ чꙋде́съ, ст҃и́телю ѻ҆́ч҃е і҆гна́тїе, / молѝ хрⷭ҇та̀ бг҃а, / да спасе́тъ дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "Конда́къ, гла́съ д҃. Подо́бенъ: Ꙗ҆ви́лсѧ є҆сѝ дне́сь: Ꙗ҆ви́сѧ дне́сь пресвѣ́тлаѧ па́мѧть твоѧ̀, / ст҃и́телю пребл҃же́нне і҆гна́тїе, / въ мі́рѣ свѣ́тлѡ сїѧ́ющи, и҆ ꙗ҆влѧ́ющи всѣ̑мъ бжⷭ҇твенное сїѧ́нїе."
|
|
}
|
|
] |