1066 lines
76 KiB
JSON
1066 lines
76 KiB
JSON
[
|
|
{
|
|
"type": "HEADER",
|
|
"value": "І҆аннꙋа́рїа є҃"
|
|
},
|
|
{
|
|
"type": "HEADER",
|
|
"value": "Предпра́зднство просвѣще́нїѧ:"
|
|
},
|
|
{
|
|
"type": "HEADER",
|
|
"value": "И҆ ст҃ы́хъ мꙋ́чєникъ, ѳеопе́мпта и҆ ѳеѡ́ны:"
|
|
},
|
|
{
|
|
"type": "HEADER",
|
|
"value": "И҆ прпⷣбныѧ сѷгклїтикі́и."
|
|
},
|
|
{
|
|
"type": "HEADER",
|
|
"value": "На Гдⷭ҇и, воззва́хъ, стїхи̑ры мч҃никѡвъ г҃, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Ꙗ҆́кѡ до́блѧ:"
|
|
},
|
|
{
|
|
"type": "TEXT",
|
|
"value": "Ѳеѡ́нꙋ и҆ ѳеопе́мпта мꙋ̑дрыѧ воспои́мъ: хрⷭ҇тѡ́вымъ бо догма́тѡмъ повинꙋ́ющесѧ, слꙋже́нїе всѧ́ко нечести́вое свѣ́тлѡ ᲂу҆праздни́вше, ст҃ѣ и҆ че́стнѣ и҆ бл҃гонаде́жднѣ послꙋжи́ша, є҆ди́наго бг҃а и҆ гдⷭ҇а пред̾ лице́мъ мꙋчи́телей бл҃годерзнове́ннѡ и҆сповѣ́дающе, и҆ вѣнча́еми свы́ше."
|
|
},
|
|
{
|
|
"type": "TEXT",
|
|
"value": "Житїѧ̑ до́лꙋ влекꙋ̑щаѧ, и҆ пи́щи наслажде́нїе, и҆ цвѣтꙋ́щꙋю сла́вꙋ, всехва́льнїи, ѡ҆ста́вивше, ꙗ҆́кѡ привре́меннꙋ, хрⷭ҇тꙋ̀ прилѣпи́стесѧ, тогѡ̀ добро́тою кра́сною распала́еми, и҆ принесо́стесѧ, ꙗ҆́кѡ сладково́ннїи шипцы̀, и҆ вѣнце́мъ нетлѣ́ннагѡ црⷭ҇твїѧ бг҃олѣ́пнѡ вѣнча́стесѧ."
|
|
},
|
|
{
|
|
"type": "TEXT",
|
|
"value": "И҆̀же мі́ръ возненави́дѣвше, премі́рни ꙗ҆ви́стесѧ, въ цр҃кви перворо́дныхъ совокꙋпи́стесѧ, и҆ со а҆́гг҃лы поетѐ пѣ́снь нетлѣ́ннꙋю, предъ бг҃омъ предстоѧ́ще вкꙋ́пѣ: скве́рнꙋю і҆́дѡльскꙋю ле́сть ѿри́нꙋвше, мꙋчи́телей безꙋ́мїе мꙋ́ченически посрами́сте."
|
|
},
|
|
{
|
|
"type": "HEADER",
|
|
"value": "И҆́ны стїхи̑ры прпⷣбныѧ, гла́съ а҃."
|
|
},
|
|
{
|
|
"type": "TEXT",
|
|
"value": "Подо́бенъ: Нбⷭ҇ныхъ чинѡ́въ:"
|
|
},
|
|
{
|
|
"type": "TEXT",
|
|
"value": "Сла́вы ѻ҆ц҃є́въ вои́стиннꙋ возжела́вши, сла́вꙋ нетлѣ́ннꙋю возлюби́ла є҆сѝ: тѣ́мже ѿстꙋ́пльши сла́дкихъ, тѣ́ло твоѐ болѣ́знемъ всѣ̑мъ ѿдала̀ є҆сѝ. И҆ ны́нѣ болѣ́зней прїе́млеши возме́здїе, со хрⷭ҇то́мъ црⷭ҇твꙋющи."
|
|
},
|
|
{
|
|
"type": "TEXT",
|
|
"value": "И҆́же і҆́ѡва попꙋсти́въ и҆спроси́вшемꙋ, и҆ тѧ̀ и҆скꙋси́ти хотѧ̀, ꙗ҆́кѡ зла́то, ѡ҆ста́ви тѣ́ло твоѐ нꙋ́ждею лꙋка́вагѡ: тѣ́мже ты̀, посрами́вши терпѣ́нїемъ недꙋ́гѡвъ и҆скꙋси́телѧ, побѣ́ды вѣнце́мъ вѣнча́ласѧ є҆сѝ."
|
|
},
|
|
{
|
|
"type": "TEXT",
|
|
"value": "Жениха̀ кра́снꙋю добро́тꙋ возжела́вши хрⷭ҇та̀, и҆ ᲂу҆невѣ́ститисѧ семꙋ̀ ты̀ восхотѣ́вши всѣ́ми ви̑ды бл҃ги́хъ, болѣ́зньми воздержа́нїѧ тебѐ ᲂу҆краси́ла є҆сѝ: тѣ́мже ны́нѣ съ ни́мъ црⷭ҇твꙋеши въ черто́зѣ є҆гѡ̀."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Гото́висѧ, і҆ѻрда́не, рѣко̀: се́ бо прихо́дитъ хрⷭ҇то́съ бг҃ъ крести́тисѧ ѿ і҆ѡа́нна, да ѕмїє́въ неви̑димыѧ главы̑ сокрꙋши́тъ бж҃ество́мъ въ вода́хъ твои́хъ. Ра́дꙋйсѧ, пꙋсты́не і҆ѻрда́нскаѧ, го́ры, и҆гра́йте съ весе́лїемъ: прихо́дитъ бо вѣ́чный живо́тъ воззва́ти а҆да́ма: гла́съ вопїю́щагѡ, возопі́й, ѽ і҆ѡа́нне прⷣте́че: ᲂу҆гото́вайте пꙋти̑ гдⷭ҇ни, и҆ стєзѝ є҆гѡ̀ пра́вы содѣ́лайте."
|
|
},
|
|
{
|
|
"type": "HEADER",
|
|
"value": "На стїхо́внѣ стїхи̑ры, гла́съ ѕ҃."
|
|
},
|
|
{
|
|
"type": "TEXT",
|
|
"value": "Подо́бенъ: Тридне́венъ:"
|
|
},
|
|
{
|
|
"type": "TEXT",
|
|
"value": "Землѧ̀ и҆ назє́мнаѧ, и҆гра́йте и҆ ра́дꙋйтесѧ, пото́къ сла́дости въ рѣцѣ̀ креща́етсѧ, и҆злїѧ́нїе и҆зсꙋша́ѧ ѕло́бы, и҆ и҆сточа́етъ бж҃е́ственное ѡ҆ставле́нїе."
|
|
},
|
|
{
|
|
"type": "TEXT",
|
|
"value": "Сті́хъ: Сегѡ̀ ра́ди помѧнꙋ́хъ тѧ̀ ѿ землѝ і҆ѻрда́нски и҆ є҆рмѡнїи́мски."
|
|
},
|
|
{
|
|
"type": "TEXT",
|
|
"value": "Свѣ́та сы́й пода́тель і҆и҃съ, не тре́бꙋѧ крести́тисѧ, пло́тїю восхо́дитъ на і҆ѻрда̑нскїѧ стрꙋи̑, просвѣти́ти сꙋ́щыѧ во тмѣ̀ хотѧ̀. Вѣ́рою сего̀ ᲂу҆се́рднѡ срѧ́щемъ."
|
|
},
|
|
{
|
|
"type": "TEXT",
|
|
"value": "Сті́хъ: Ви́дѣша тѧ̀ во́ды, бж҃е, ви́дѣша тѧ̀ во́ды, и҆ ᲂу҆боѧ́шасѧ."
|
|
},
|
|
{
|
|
"type": "TEXT",
|
|
"value": "Поне́съ раба̀ зра́къ, предгрѧде́ши крести́тисѧ, хрⷭ҇тѐ, ѿ раба̀ во і҆ѻрда́нскихъ стрꙋѧ́хъ, и҆збавлѧ́ѧ ѿ рабо́ты ве́тхагѡ грѣха̀, и҆ ѡ҆сщ҃а́ѧ и҆ просвѣща́ѧ на́съ."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, гла́съ ѕ҃."
|
|
},
|
|
{
|
|
"type": "TEXT",
|
|
"value": "Да возра́дꙋетсѧ пꙋсты́нѧ і҆ѻрда́нова, и҆ да процвѣте́тъ, ꙗ҆́кѡ крі́нъ: гла́съ бо вопїю́щагѡ ᲂу҆слы́шанъ бы́сть въ не́й, ᲂу҆гото́вайте пꙋ́ть гдⷭ҇ень. Го́ры бо поста́вивый ста́виломъ, и҆ ᲂу҆дѡ́лїѧ мѣ́риломъ, всѧ̑ и҆сполнѧ́ѧй, ꙗ҆́кѡ бг҃ъ, креща́етсѧ ѿ раба̀. Ѡ҆бнищева́ти нача́тъ, бога̑тныѧ да́ры да́рꙋѧй. Оу҆слы́ша є҆́ѵа: въ печа́лехъ роди́ши ча̑да. Ны́нѣ же ᲂу҆слы́ша дв҃а: ра́дꙋйсѧ, ѡ҆бра́дованнаѧ, гдⷭ҇ь съ тобо́ю, и҆мѣ́ѧй ве́лїю ми́лость."
|
|
},
|
|
{
|
|
"type": "HEADER",
|
|
"value": "Тропа́рь, гла́съ д҃:"
|
|
},
|
|
{
|
|
"type": "TEXT",
|
|
"value": "Возвраща́шесѧ и҆ногда̀ і҆ѻрда́нъ, рѣка̀, ми́лѡтїю є҆лїсе́евою, возне́сшꙋсѧ и҆лїѝ, и҆ раздѣлѧ́хꙋсѧ во́ды сю́дꙋ и҆ сю́дꙋ, и҆ бы́сть є҆мꙋ̀ сꙋ́хъ пꙋ́ть, и҆́же мо́крый, во ѻ҆́бразъ вои́стиннꙋ кр҃ще́нїѧ, и҆́мже мы̀ текꙋ́щее житїѧ̀ прехо́димъ ше́ствїе: хрⷭ҇то́съ ꙗ҆ви́сѧ во і҆ѻрда́нѣ ѡ҆свѧти́ти во́ды."
|
|
},
|
|
{
|
|
"type": "HEADER",
|
|
"value": "На повече́рїи канѡ́нъ, є҆гѡ́же краегране́сїе:"
|
|
},
|
|
{
|
|
"type": "TEXT",
|
|
"value": "И҆ дне́сь же сꙋббѡ́тꙋ пою̀ вели́кꙋю."
|
|
},
|
|
{
|
|
"type": "HEADER",
|
|
"value": "І҆рмо́съ по два́жды, тропари́ же на ѕ҃: и҆ па́ки то́йже і҆рмо́съ ѻ҆́ба ли̑ка вкꙋ́пѣ. Гла́съ ѕ҃."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Волно́ю морско́ю покры́вшаго дре́вле гони́телѧ мꙋчи́телѧ, і҆ѻрда̑нскїѧ стрꙋи̑ спрѧ́товаетъ и҆ кры́етъ, моѐ ны́нѣ ѡ҆чища́ѧ человѣ́ческимъ ѡ҆чище́нїемъ: сла́внѡ бо просла́висѧ."
|
|
},
|
|
{
|
|
"type": "TEXT",
|
|
"value": "Гдⷭ҇и, бж҃е мо́й, свѣтоиме́нное пѣ́нїе и҆ предпра́зднственнꙋю пѣ́снь тебѣ̀ пое́мъ, бжⷭ҇твеннымъ ꙗ҆вле́нїемъ та́инственнѡ ѡ҆бно́вльшемꙋ на́съ, и҆ къ свѣ́тлости бжⷭ҇твеннѣй возводѧ́щемꙋ."
|
|
},
|
|
{
|
|
"type": "TEXT",
|
|
"value": "Горѣ̀ превѣ́чна и҆ до́лѣ но́вѡ ꙗ҆́вльшасѧ тѧ̀, премі̑рнаѧ и҆ земна̑ѧ, сп҃се, ᲂу҆жаса́хꙋсѧ зрѧ́ще, и҆ є҆́же па́че сло́ва твоѐ воспѣва́хꙋ снизше́ствїе."
|
|
},
|
|
{
|
|
"type": "TEXT",
|
|
"value": "Да твоеѧ̀ сла́вы всѧ́чєскаѧ и҆спо́лниши, тебѐ самаго̀ и҆стощи́лъ є҆сѝ да́же и҆ до ра́бїѧ ѻ҆́браза: ны́нѣ же дла́ни раба̀ подклонѧ́еши главꙋ̀ ра́бски, моѐ назда́нїе благоꙋтро́бнѡ ѡ҆чища́ѧ."
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "TEXT",
|
|
"value": "І҆рмо́съ: Тебѐ, на вода́хъ ѡ҆снова́вшаго всю̀ зе́млю неѡдержи́мѡ, тва́рь, ви́дѣвши пло́тїю кры́емаго въ вода́хъ, ᲂу҆́жасомъ мно́гимъ содержа́шесѧ, нѣ́сть ст҃ъ, па́че тебє̀, гдⷭ҇и, взыва́ющи."
|
|
},
|
|
{
|
|
"type": "TEXT",
|
|
"value": "Ѻ҆́бразы пе́рвѣе прⷪ҇ро́ками показа́лъ є҆сѝ твоегѡ̀ бг҃оѧвле́нїѧ, ны́нѣ же сокровє́ннаѧ дѣ́йствами сказа́лъ є҆сѝ, ꙗ҆́вль та̑йны человѣ́кѡмъ дне́сь, подаѧ̀ но́вое возрожде́нїе."
|
|
},
|
|
{
|
|
"type": "TEXT",
|
|
"value": "Прострѐ і҆ѻрда́нъ во́ды, ꙗ҆́кѡ плещи̑, съ тре́петомъ прїѧ́ти зижди́телѧ, тѣле́снѡ креща́емаго, и҆ всѧ̑ ѡ҆свѧща́ющаго, нѣ́сть ст҃ъ, па́че тебє̀, гдⷭ҇и, взыва́ющыѧ."
|
|
},
|
|
{
|
|
"type": "TEXT",
|
|
"value": "Ве́лїе ко спасе́нїю напꙋ́тїе кр҃ще́нїемъ подае́тъ хрⷭ҇то́съ чꙋ́вствꙋющымъ є҆гѡ̀ бжⷭ҇твенное ѡ҆сїѧ́нїе, съ весе́лїемъ пою́щымъ: нѣ́сть ст҃ъ, па́че тебє̀, гдⷭ҇и, чл҃вѣколю́бче."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "TEXT",
|
|
"value": "І҆рмо́съ: Є҆́же ко креще́нїю твоѐ прише́ствїе прови́дѧ а҆ввакꙋ́мъ, ᲂу҆жа́ссѧ вопїѧ́ше: на мо́ре ко́ни твоѧ̑, во́ды мно́ги наве́лъ є҆сѝ, сп҃се, смꙋща́ющыѧ."
|
|
},
|
|
{
|
|
"type": "TEXT",
|
|
"value": "Ꙗ҆́вльшꙋсѧ тебѣ̀ тѣ́ломъ, ѡ҆ст҃и́сѧ землѧ̀, во́ды бл҃гослови́шасѧ, нб҃о просвѣти́сѧ: ро́дъ же человѣ́кѡвъ го́рькагѡ мꙋчи́тельства вра́жїѧ и҆зба́висѧ."
|
|
},
|
|
{
|
|
"type": "TEXT",
|
|
"value": "Глаго́ломъ бжⷭ҇твеннымъ ны́нѣ прⷣте́ча и҆зъ пꙋсты́ни грѧде́тъ ко і҆ѻрда́нꙋ, глаго́лѧ: пока́йтесѧ, прибли́жисѧ бо нбⷭ҇ное црⷭ҇тво, призыва́ѧ всѧ̑ къ сла́вѣ бж҃їей."
|
|
},
|
|
{
|
|
"type": "TEXT",
|
|
"value": "Превраще́й пе́рвѣе мо́ре въ сꙋ́шꙋ, и҆ и҆сто́чники ѿ несѣко́магѡ и҆сточи́въ, прегрѣше́нїй ѡ҆чище́нїе ны́нѣ содѣва́етъ во і҆ѻрда́нскихъ стрꙋѧ́хъ ѻ҆гне́мъ дх҃а."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "TEXT",
|
|
"value": "І҆рмо́съ: Бг҃оѧвле́нїѧ твоегѡ̀, хрⷭ҇тѐ, къ на́мъ ми́лостивнѡ бы́вшагѡ, и҆са́їа, свѣ́тъ ви́дѣвъ невече́рнїй, и҆зъ но́щи ᲂу҆́треневавъ, взыва́ше: просвѣще́ннїи, прїиди́те, ѡ҆мы́йтесѧ водо́ю бжⷭ҇твенною, и҆ дх҃омъ ꙗ҆́вѣ, и҆ дꙋ́шꙋ и҆ тѣ́ло ѡ҆чи́стите."
|
|
},
|
|
{
|
|
"type": "TEXT",
|
|
"value": "Новотвори́ши земнорѡ́дныѧ, но́въ а҆да́мъ бы́въ содѣ́тель, ѻ҆гне́мъ и҆ дх҃омъ, и҆ водо́ю стра́нное соверша́ѧ возрожде́нїе и҆ ѡ҆бновле́нїе чꙋ́дное, кромѣ̀ сокрꙋше́нїѧ и҆ горни́лъ кр҃ще́нїемъ бг҃одѣ́тельнымъ новотворѧ̀."
|
|
},
|
|
{
|
|
"type": "TEXT",
|
|
"value": "Дх҃омъ дꙋ́шы новотвори́ши, водо́ю же ѡ҆свѧща́еши тѣ́ло сложе́ное, живо́тна назида́ѧ человѣ́ка: сꙋгꙋ́бомꙋ бо срѡ́днаѧ потре́бно лѣчбы̀ мꙋ́дрымъ про́мысломъ прино́сиши, ꙗ҆́кѡ вра́чь тѣле́съ и҆ дꙋ́шъ."
|
|
},
|
|
{
|
|
"type": "TEXT",
|
|
"value": "Ѿ чи́стыѧ проше́дъ рожде́йсѧ и҆зъ ѻ҆ц҃а̀ пре́жде вѣкѡ́въ къ сꙋ́щемꙋ и҆зъ непло́дныѧ прише́лъ є҆сѝ, просѧ̀, ꙗ҆́кѡ человѣ́къ, кр҃ще́нїѧ: но ѿ воды̀ та́инственнѡ дх҃омъ содѣ́лалъ є҆сѝ, сп҃се, многоча́днꙋ цр҃ковь, пе́рвѣе безча́днꙋю."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ꙗ҆́тъ бы́сть, но не ᲂу҆держа́нъ стра́хомъ бжⷭ҇твенный крⷭ҇ти́тель: а҆́ще бо и҆ спрѧтова́етсѧ прибли́житисѧ ѻ҆гню̀ сѣ́но, но слы́шавъ, ѡ҆ста́ви ны́нѣ, течѐ, повелѣ́нїе и҆сполнѧ́ѧ, ꙗ҆́кѡ ра́бъ: бжⷭ҇твенномꙋ же свы́ше свидѣ́тельствꙋющемꙋ гла́сꙋ, ᲂу҆слы́ша сн҃а превѣ́чнаго."
|
|
},
|
|
{
|
|
"type": "TEXT",
|
|
"value": "Написа́лсѧ, но не порабо́тилсѧ є҆сѝ ке́сарєвымъ повелѣ́нїємъ повинꙋ́ѧсѧ: а҆́ще бо и҆ ѿ рабо́ты ᲂу҆тѣше́нїе на́мъ подаѧ̀, во́льнѡ повинꙋ́ешисѧ, и҆ да́ньствꙋеши дїдра́хмꙋ: но зако́номъ грѣха̀ пе́рвѣе прода̑нныѧ ны̀ свободи́лъ є҆сѝ ны́нѣ, и҆ сн҃оположе́нїѧ ᲂу҆досто́илъ є҆сѝ."
|
|
},
|
|
{
|
|
"type": "TEXT",
|
|
"value": "Ца́рствꙋеши, но не мі́рски, є҆стество́мъ сы́й цр҃ь: а҆́ще бо и҆ по пло́ти ѿ пле́мене дв҃дова роди́всѧ, прⷭ҇то́лъ црⷭ҇твїѧ, сп҃се, сегѡ̀ прїѧ́лъ є҆сѝ: но сво́йственнꙋ и҆́маши держа́вꙋ црⷭ҇твїѧ со ѻ҆ц҃е́мъ пре́жде вѣкѡ́въ при́снѡ, и҆ во вѣ́ки съ дх҃омъ."
|
|
},
|
|
{
|
|
"type": "TEXT",
|
|
"value": "Цр҃ь ᲂу҆́бѡ, мі́ра нача́льникъ и҆ сꙋ́щихъ въ вода́хъ дре́вле пронарече́сѧ: но ᲂу҆давлѧ́етсѧ твои́мъ ѡ҆чище́нїемъ, и҆ низлага́етсѧ, ꙗ҆́кѡ є҆зе́рскїй пе́рвѣе легеѡ́нъ, рꙋ́къ же твои́хъ, сп҃се, созда́нїе, порабоще́нное ѿ негѡ̀, держа́вною твое́ю рꙋко́ю свобожде́нїѧ сподо́билъ є҆сѝ."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "TEXT",
|
|
"value": "І҆рмо́съ: Неизрече́нное чꙋ́до: въ пещѝ и҆зба́вивый прпⷣбныѧ ѻ҆́троки и҆зъ пла́мене преклонѧ́етъ ве́рхъ, и҆ про́ситъ креще́нїѧ ѿ раба̀, ѡ҆чища́ѧ вопїю́щыѧ: и҆зба́вителю бж҃е, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Сѣче́тсѧ стрꙋѧ̀ пе́рвѣе ми́лѡтїю і҆ѻрда́нскаѧ, проѡбразꙋ́ющи кр҃ще́нїе твоѐ, и҆́мже и҆ страсте́й растерза́етсѧ хїтѡ́нъ, и҆ нетлѣ́нїѧ ѻ҆де́жда самотвори́тсѧ вопїю́щымъ бг҃ꙋ: бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Бога́тна стрꙋѧ̀, въ себѣ́ бо прїе́мши креща́ема содѣ́телѧ, показа́сѧ и҆сто́чникъ живо́тныѧ воды̀, на спасе́нїе на́съ пѣснопою́щихъ: и҆зба́вителю бж҃е, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Ме́ртвость бж҃е́ственнꙋю знамени́тельнѣ ѡ҆бразꙋ́юще, погрꙋже́нїемъ въ водѣ̀ трикра́тнымъ въ кр҃ще́нїи хрⷭ҇тꙋ̀ совостае́мъ, тридне́вномꙋ воста́нїю приѡбща́ющесѧ, и҆ вопїю́ще хрⷭ҇тꙋ̀: бл҃гослове́нъ є҆сѝ во вѣ́ки."
|
|
},
|
|
{
|
|
"type": "TEXT",
|
|
"value": "Є҆ди́на бл҃года́ть ѻ҆ц҃а̀, сн҃а же и҆ дх҃а соверша́ющаѧ, да́ромъ жела́ющыѧ вѣ́рнѡ бж҃е́ственнагѡ кр҃ще́нїѧ, сыноположе́нїѧ воспрїе́мшыѧ вла́сть, є҆́же вопи́ти: бж҃е, благослове́нъ є҆сѝ."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆жасни́сѧ боѧ́йсѧ нб҃о, и҆ да подви́жатсѧ ѡ҆снова̑нїѧ землѝ: се́ бо водо́ю ѡ҆блачи́тсѧ ѡ҆пали́вый водо́ю пре́жде пра́веднагѡ же́ртвꙋ пресла́внѡ. Є҆го́же ѻ҆́троцы, бл҃гослови́те, сщ҃е́нницы, воспо́йте, лю́дїе, превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "И҆збавле́нїе грѧде́тъ хрⷭ҇то́съ креще́нїемъ пода́ти всѣ̑мъ вѣ̑рнымъ: си́мъ бо а҆да́ма ѡ҆чища́етъ, па́дшаго возвыша́етъ, низло́жшаго мꙋчи́телѧ посрамлѧ́етъ, нб҃са̀ ѿверза́етъ, дх҃а бж҃е́ственнаго низво́дитъ, и҆ нетлѣ́нїѧ прича́стїе да́рꙋетъ."
|
|
},
|
|
{
|
|
"type": "TEXT",
|
|
"value": "Преста̀ ле́сть вра́жїѧ, гла́съ бо вопїю́щагѡ въ пꙋсты́ни, пꙋ́ть гдⷭ҇ень, зове́тъ, ᲂу҆гото́вайте, и҆ всѧ̑ стєзѝ є҆гѡ̀ пра̑вы твори́те, повелѣва́етъ: де́брь бо смирѧ́етсѧ, є҆стество̀ земны́хъ возвыша́етсѧ, гора̀ и҆ хо́лмъ же врагѡ́въ понижа́етсѧ."
|
|
},
|
|
{
|
|
"type": "TEXT",
|
|
"value": "Ѽ пресла́вныхъ дарѡ́въ! Ѽ бжⷭ҇твенныѧ бл҃года́ти, и҆ несказа́нныѧ любвѐ! Се́ бо водо́ю ѡ҆чища́етъ мѧ̀, ѻ҆гне́мъ просвѣща́етъ мѧ̀, и҆ дх҃омъ бж҃е́ственнымъ соверша́етъ мѧ̀ содѣ́тель и҆ влⷣка, ны́нѣ во і҆ѻрда́нѣ въ моѐ ѡ҆бле́ксѧ є҆стество̀ безгрѣ́шный."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Не рыда́йте всꙋ́е, ѿча́ѧнїѧ тене́тами ᲂу҆давлѧ́еми человѣ́цы, пови́ннїи ѕлы́хъ: но во ᲂу҆миле́нїи дꙋшѝ пристꙋ́пимъ ѡ҆чища́ющемꙋ всѧ̑, ꙗ҆́кѡ є҆ди́номꙋ, чи́стомꙋ, и҆ даю́щемꙋ проще́нїе креще́нїемъ."
|
|
},
|
|
{
|
|
"type": "TEXT",
|
|
"value": "Во стра́ннѣмъ твое́мъ ржⷭ҇твѣ̀, пе́рвѣе и҆зъ дв҃ы преесте́ственнѡ, ᲂу҆диви́лъ є҆сѝ, сло́ве бж҃їй: ны́нѣ же велича́емъ, ве́лїе та́инство соверша́ѧ пресла́внѡ прича́стїемъ честны́мъ, кꙋпѣ́ль многоча́днꙋ бж҃е́ственнымъ дх҃омъ."
|
|
},
|
|
{
|
|
"type": "TEXT",
|
|
"value": "Землѧ̀ ѡ҆свѧти́сѧ ржⷭ҇тво́мъ твои́мъ ст҃ы́мъ, сло́ве, повѣ́дающымъ нб҃сє́мъ ѕвѣздо́ю сла́вꙋ твою̀: ны́нѣ же во́дное є҆стество̀ бл҃гослови́сѧ, тебѣ̀ пло́тїю кре́щшꙋсѧ, и҆ ро́дъ земноро́дныхъ къ пе́рвомꙋ взы́де па́ки бл҃горо́дїю."
|
|
},
|
|
{
|
|
"type": "TEXT",
|
|
"value": "Да ра́дꙋетсѧ землѧ̀ всѧ̀, нб҃о да весели́тсѧ, мі́ръ да и҆гра́етъ, рѣ́ки да пле́щꙋтъ рꙋко́ю, и҆сто́чницы и҆ є҆зе́ра, бє́здны, морѧ̀ да сра́дꙋютсѧ: прихо́дитъ бо хрⷭ҇то́съ а҆да́ма ѡ҆чи́стити и҆ спастѝ бжⷭ҇твеннымъ креще́нїемъ."
|
|
},
|
|
{
|
|
"type": "HEADER",
|
|
"value": "И҆ па́ки і҆рмо́съ, и҆ покло́нъ."
|
|
},
|
|
{
|
|
"type": "HEADER",
|
|
"value": "На ᲂу҆́трени, на Бг҃ъ гдⷭ҇ь: Тропа́рь предпра́зднства, три́жды."
|
|
},
|
|
{
|
|
"type": "HEADER",
|
|
"value": "По а҃ стїхоло́гїи сѣда́ленъ, гла́съ а҃."
|
|
},
|
|
{
|
|
"type": "TEXT",
|
|
"value": "Подо́бенъ: Ли́къ а҆́гг҃льскїй:"
|
|
},
|
|
{
|
|
"type": "TEXT",
|
|
"value": "Весели́сѧ, рѣко̀ і҆ѻрда́не, къ тебѣ́ бо всѣ́хъ творе́цъ прихо́дитъ во́лею, кр҃ще́нїе прїѧ́ти ѿ раба̀, ꙗ҆́кѡ бл҃гоꙋтро́бенъ, красꙋ́йсѧ, ликꙋ́й, а҆да́ме и҆ є҆́ѵо прамт҃и: прїи́де и҆збавле́нїе всѣ́хъ, бг҃ъ пребл҃гі́й."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, гла́съ и҆ подо́бенъ то́йже:"
|
|
},
|
|
{
|
|
"type": "TEXT",
|
|
"value": "Пото́къ сла́дости влⷣка сы́й, предгрѧде́тъ во стрꙋѧ́хъ рѣ́чныхъ крести́тисѧ, напои́ти мѧ̀ хотѧ̀ ѡ҆чище́нїѧ вода́ми, є҆го́же зрѧ̀, і҆ѡа́ннъ вопїѧ́ше: ка́кѡ рꙋ́кꙋ мою̀ на ве́рхъ тво́й прострꙋ̀, є҆гѡ́же трепе́щꙋтъ всѧ́чєскаѧ;"
|
|
},
|
|
{
|
|
"type": "HEADER",
|
|
"value": "По в҃ стїхоло́гїи сѣда́ленъ, гла́съ г҃."
|
|
},
|
|
{
|
|
"type": "TEXT",
|
|
"value": "Подо́бенъ: Красотѣ̀ двⷭ҇тва:"
|
|
},
|
|
{
|
|
"type": "TEXT",
|
|
"value": "А҆да́мовꙋ наготꙋ̀ ѡ҆дѣва́ѧ, бл҃гоꙋтро́бне, во ѻ҆де́ждꙋ сла́вы, хо́щеши ѡ҆бнажи́тисѧ пло́тїю во і҆ѻрда́нѣ рѣцѣ̀. Ѽ чꙋдесѐ пресла́внагѡ! Ка́кѡ тѧ̀ под̾и́метъ вода̀, влⷣко гдⷭ҇и, вода́ми покрыва́ющаго превы́спрєннѧѧ, ꙗ҆́коже пи́шетъ: пое́мъ, і҆и҃се бл҃годѣ́телю, всѝ твоѐ ꙗ҆вле́нїе."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ."
|
|
},
|
|
{
|
|
"type": "TEXT",
|
|
"value": "Подо́бенъ: Бжⷭ҇твенныѧ вѣ́ры:"
|
|
},
|
|
{
|
|
"type": "TEXT",
|
|
"value": "Ве́лїе сл҃нце во і҆ѻрда́нѣ просїѧ́ти грѧде́тъ, є҆́же и҆зъ дв҃ы, и҆з̾ ѻ҆́блака возсїѧ́вшее, хрⷭ҇то́съ бг҃ъ на́шъ, грѣхо́вный ѿгонѧ̀ мра́къ, и҆ мі́ра просвѣща́ѧ концы̀: є҆гѡ́же ѡ҆сїѧ́нїѧ полꙋчи́ти бл҃гоче́стнѡ помо́лимсѧ, просѧ́ще прїѧ́ти ве́лїю ми́лость."
|
|
},
|
|
{
|
|
"type": "HEADER",
|
|
"value": "Канѡ́ны трѝ: предпра́зднства со і҆рмосо́мъ на ѕ҃: мꙋ́ченикѡвъ на д҃: и҆ преподо́бныѧ на д҃."
|
|
},
|
|
{
|
|
"type": "HEADER",
|
|
"value": "Канѡ́нъ предпра́зднства. Гла́съ а҃."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Го́рькїѧ рабо́ты и҆зба́вльсѧ і҆и҃ль, непроходи́мое про́йде, ꙗ҆́кѡ сꙋ́шꙋ, врага̀ зрѧ̀ потоплѧ́ема, пѣ́снь, ꙗ҆́кѡ бл҃годѣ́телю, пое́тъ бг҃ꙋ, чꙋдодѣ́ющемꙋ мы́шцею высо́кою, ꙗ҆́кѡ просла́висѧ."
|
|
},
|
|
{
|
|
"type": "TEXT",
|
|
"value": "Хрⷭ҇то́съ грѧде́тъ ко креще́нїю, хрⷭ҇то́съ ко і҆ѻрда́нꙋ прихо́дитъ, хрⷭ҇то́съ на́ши въ водѣ̀ погреба́етъ ны́нѣ грѣхѝ, ꙗ҆́кѡ бл҃гъ, съ весе́лїемъ воспои́мъ є҆мꙋ̀: ꙗ҆́кѡ просла́висѧ."
|
|
},
|
|
{
|
|
"type": "TEXT",
|
|
"value": "Да кропѧ́тъ веселѧ́щесѧ ѻ҆́блацы весе́лїе вѣ́чное, хрⷭ҇то́съ і҆и҃съ предгрѧде́тъ вода́ми і҆ѻрда́нскими, пото́ки грѣхѡ́вныѧ потопи́ти, просвѣще́нїе всѣ̑мъ да́рꙋѧ."
|
|
},
|
|
{
|
|
"type": "TEXT",
|
|
"value": "Сѐ свѣ́тъ ꙗ҆влѧ́етсѧ, сѐ ѡ҆чище́нїе показꙋ́етсѧ, сѐ сп҃съ предстои́тъ просїѧ́ти сꙋ́щымъ во тмѣ̀ бжⷭ҇твєнныѧ зари̑: сего̀ помышле́ньми чи́стыми ра́достнѡ под̾и́мемъ."
|
|
},
|
|
{
|
|
"type": "HEADER",
|
|
"value": "И҆́нъ канѡ́нъ мꙋ́ченикѡвъ. Гла́съ з҃."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Пои́мъ гдⷭ҇еви, погрꙋзи́вшемꙋ всю̀ си́лꙋ фараѡ́новꙋ въ мо́ри, побѣ́днꙋю пѣ́снь, ꙗ҆́кѡ просла́висѧ."
|
|
},
|
|
{
|
|
"type": "TEXT",
|
|
"value": "Грѧди́те, вѣ́рнїи, согла́снѡ пра́зднꙋимъ препросла́вленнꙋю па́мѧть страда́льцєвъ, въ пѣ́снехъ дх҃о́вныхъ славосло́вѧще хрⷭ҇та̀."
|
|
},
|
|
{
|
|
"type": "TEXT",
|
|
"value": "Страстоте́рпцы хрⷭ҇тѡ́вы, и҆ вѣ́ры тве́рдїи побо́рницы, на нече́стїе ѡ҆полчи́вшесѧ крѣ́пкѡ, врагѝ побѣди́ша."
|
|
},
|
|
{
|
|
"type": "TEXT",
|
|
"value": "Нечести́вый гони́тель, и҆ вѣ́ры хрⷭ҇то́вы чꙋ́ждь, на страстоте́рпцы разгнѣ́вавсѧ ѕлочести́вый, вѣ́рою ᲂу҆пражнѧ́етсѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Па́ствꙋ, ю҆́же стѧжа́ла є҆сѝ, бг҃ороди́тельнице, сїю̀ спаса́й ѿ всѧ́кїѧ нꙋ́жды, молѧ́щи сп҃са и҆ бг҃а на́шего."
|
|
},
|
|
{
|
|
"type": "HEADER",
|
|
"value": "И҆́нъ канѡ́нъ преподо́бныѧ. Гла́съ в҃."
|
|
},
|
|
{
|
|
"type": "TEXT",
|
|
"value": "І҆рмо́съ: Грѧди́те лю́дїе, пои́мъ пѣ́снь хрⷭ҇тꙋ̀ бг҃ꙋ, раздѣ́льшемꙋ мо́ре и҆ наста́вльшемꙋ лю́ди, ꙗ҆̀же и҆зведѐ и҆з̾ рабо́ты є҆гѵ́петскїѧ, ꙗ҆́кѡ просла́висѧ."
|
|
},
|
|
{
|
|
"type": "TEXT",
|
|
"value": "Вѣнча́ти твою̀ пѣ́сньми па́мѧть прихождꙋ̀, тебѣ̀ надѣ́ѧвсѧ несмы́сленный и҆ ве́сь нечи́стый: но да́ждь мѝ сло́во мꙋ́дрости и҆ ра́зꙋма твои́ми мольба́ми."
|
|
},
|
|
{
|
|
"type": "TEXT",
|
|
"value": "Ве́сь ᲂу҆́мъ къ бжⷭ҇твеннѣй высотѣ̀ взе́мши, и҆ благи́хъ бе́зднꙋ и҆ наслажде́нїй позна́вши бла́гость, всѧ̑ претерпѣ́ла є҆сѝ, приклю̑чшаѧсѧ тебѣ̀."
|
|
},
|
|
{
|
|
"type": "TEXT",
|
|
"value": "Оу҆́мъ къ бг҃ꙋ впери́вши вы́шнемꙋ, тѣ́ло твоѐ, влекꙋ́щее къ дѡ́льнимъ, воздержа́нїемъ и҆ болѣ́зньми ѡ҆блегчи́ла є҆сѝ, жела́ющи вели́кїѧ сла́вы."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Пребы́въ є҆́же бѣ̀, и҆ воплоти́всѧ и҆зъ ᲂу҆тро́бы твоеѧ̀, є҆́же бѣ́хомъ дарова̀ на́мъ пе́рвое ѿ пе́рсти бы́вшымъ, и҆зба́вивъ прегрѣше́нїй, бг҃ороди́тельнице."
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "TEXT",
|
|
"value": "І҆рмо́съ: Не мꙋ́дростїю и҆ бога́тствомъ да хва́литсѧ сме́ртный свои́мъ, но вѣ́рою гдⷭ҇нею, правосла́внѡ взыва́ѧ хрⷭ҇тꙋ̀ бг҃ꙋ, и҆ поѧ̀ при́снѡ: на ка́мени твои́хъ за́повѣдей ᲂу҆тверди́ мѧ, влⷣко."
|
|
},
|
|
{
|
|
"type": "TEXT",
|
|
"value": "Пре́жде вѣкѡ́въ сѣдѧ́й со ѻ҆ц҃е́мъ и҆ дх҃омъ, ны́нѣ въ послѣ̑днѧѧ и҆зъ дв҃ы вопло́щсѧ, ꙗ҆́коже вѣ́сть, хрⷭ҇то́съ грѧде́тъ ко креще́нїю, безсме́ртїе бжⷭ҇твенною ба́нею всѣ̑мъ подаѧ̀."
|
|
},
|
|
{
|
|
"type": "TEXT",
|
|
"value": "Водо́ю погребстѝ на́шѧ грѣхѝ хотѧ̀ во і҆ѻрда́нскихъ стрꙋѧ́хъ за милосе́рдїе ми́лости, хрⷭ҇то́съ бг҃ъ предгрѧде́тъ, и҆ назида́етъ и҆стлѣ́вшыѧ ны̀ креще́нїемъ."
|
|
},
|
|
{
|
|
"type": "TEXT",
|
|
"value": "Ѡ҆бнаже́нїе стꙋ́дное покрыва́ѧ а҆да́ма пра́ѻц҃а, ѡ҆бнажа́ешисѧ во́льнѡ: и҆ стрꙋѧ́ми і҆ѻрда́нскими тебѐ сама́го покрыва́еши, вода́ми превы́спрєннѧѧ покрыва́ѧ, хрⷭ҇тѐ, є҆ди́не многомлⷭ҇тиве."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆тверди́сѧ се́рдце моѐ въ гдⷭ҇ѣ, вознесе́сѧ ро́гъ мо́й въ бз҃ѣ мое́мъ, разши́ришасѧ на врагѝ моѧ̑ ᲂу҆ста̀ моѧ̑, возвесели́хсѧ ѡ҆ спасе́нїи твое́мъ."
|
|
},
|
|
{
|
|
"type": "TEXT",
|
|
"value": "Бл҃гоче́стїѧ и҆ вѣ́ры предста́тели, бжⷭ҇твєнныѧ страда́льцы восхва́лимъ, ѳеопе́мпта и҆ ѳеѡ́нꙋ пресла́внаго."
|
|
},
|
|
{
|
|
"type": "TEXT",
|
|
"value": "Пра́вило, и҆ ѻ҆́бразъ, и҆ начерта́нїе, ꙗ҆́вльшесѧ хрⷭ҇тѡ́вы великомꙋ́чєницы, ст҃ы́хъ бы́ша пꙋтевождѝ ко страда́нїю."
|
|
},
|
|
{
|
|
"type": "TEXT",
|
|
"value": "Ревнꙋ́юще си́хъ добродѣ́тельномꙋ жи́тельствꙋ, мч҃ницы, кꙋ́пнѡ, на сꙋди́щи предстоѧ́ще, взыва́хꙋ: хрⷭ҇тїа́не є҆смы̀ всѝ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Роди́лсѧ є҆сѝ и҆зъ дв҃ы несказа́ннѡ, ꙗ҆ви́лсѧ є҆сѝ, ꙗ҆́коже бл҃говоли́лъ є҆сѝ, чл҃вѣколю́бче, и҆ мі́ръ ѡ҆бнови́лъ є҆сѝ, гдⷭ҇и."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆твердѝ на́съ въ тебѣ̀, гдⷭ҇и, дре́вомъ ᲂу҆мерщве́й грѣ́хъ, и҆ стра́хъ тво́й всадѝ въ сердца̀ на́съ, пою́щихъ тѧ̀."
|
|
},
|
|
{
|
|
"type": "TEXT",
|
|
"value": "Не пощадѣ́ла є҆сѝ пло́ти мно́гими ꙗ҆́звами, нижѐ весьма̀ неѡде́ржнѡ дрꙋча́емыѧ, къ болѣ́знемъ воздержа́нїѧ, и҆скꙋси́тель въ ни́хже ѿрѣва́шесѧ."
|
|
},
|
|
{
|
|
"type": "TEXT",
|
|
"value": "Ше́ствїе тѣ́сное, жи́зни хода́тайственно нетлѣ́нныѧ и҆ бжⷭ҇твенныѧ, ты̀ и҆зво́лила є҆сѝ, широ́кое ѡ҆плева́вши, є҆гѡ́же ничто́же го́рше вои́стиннꙋ ᲂу҆́мъ и҆мꙋ́щемꙋ."
|
|
},
|
|
{
|
|
"type": "TEXT",
|
|
"value": "Горѧ́щꙋ ю҆́ностномꙋ цвѣ́тꙋ ѿбѣжѐ тѣсното́ю и҆ болѣ́зньми воздержа́нїѧ: и҆ пале́нїе ѻ҆че́съ твои́хъ сле́зными течє́нїи ᲂу҆гаси́ла є҆сѝ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Сло́во вопло́щшеесѧ и҆зъ тебє̀, всечⷭ҇таѧ, пло́ти скве́рнꙋ хотѧ̀ ѡ҆мы́ти, ѻ҆́бразомъ ѡ҆чище́нїѧ, тече́нїе водно́е диви́тсѧ."
|
|
},
|
|
{
|
|
"type": "HEADER",
|
|
"value": "Конда́къ, гла́съ в҃."
|
|
},
|
|
{
|
|
"type": "TEXT",
|
|
"value": "Подо́бенъ: Вы́шнихъ и҆щѧ̀:"
|
|
},
|
|
{
|
|
"type": "TEXT",
|
|
"value": "Всѣ́хъ, хрⷭ҇тѐ, бл҃гоꙋтро́бнѣ ѿе́млѧй прегрѣше́нїй мно́жество, ми́лости ра́ди безмѣ́рныѧ, і҆ѻрда́нскими вода́ми крести́тисѧ грѧде́ши, ꙗ҆́кѡ человѣ́къ, ѻ҆де́ждею мѧ̀ ѡ҆дѣва́ѧ, сла́вы дре́внїѧ ѡ҆бнаже́нна лю́тѣ."
|
|
},
|
|
{
|
|
"type": "HEADER",
|
|
"value": "Та́же сѣда́ленъ мꙋ́ченикѡвъ, гла́съ а҃."
|
|
},
|
|
{
|
|
"type": "TEXT",
|
|
"value": "Подо́бенъ: Гро́бъ тво́й:"
|
|
},
|
|
{
|
|
"type": "TEXT",
|
|
"value": "Ѳеопе́мптъ ꙗ҆ви́всѧ ст҃и́тель сꙋ́щихъ до́лѣ, съ ѳеѡ́ною кꙋ́пнѡ тве́рдымъ, и҆ сострада́льцемъ, мꙋчи́телемъ, противле́нїѧ не терпѧ́щимъ, ᲂу҆ранѧ́етсѧ, тѧ̀ ра́дꙋѧсѧ, вопїѧ̀, чтꙋ̀ є҆ди́наго погре́бшаго во і҆ѻрда́нскихъ стрꙋѧ́хъ земны́хъ прегрѣшє́нїѧ."
|
|
},
|
|
{
|
|
"type": "HEADER",
|
|
"value": "И҆́нъ сѣда́ленъ прпⷣбныѧ, гла́съ є҃."
|
|
},
|
|
{
|
|
"type": "TEXT",
|
|
"value": "Подо́бенъ: Собезнача́льное:"
|
|
},
|
|
{
|
|
"type": "TEXT",
|
|
"value": "По́стныхъ превозшла̀ є҆сѝ ты̀ терпѣ́нїѧ болѣ́знь, на нб҃сѣ́хъ наслажда́ешисѧ бо́льшїѧ ѻ҆би́тели, и҆ лꙋ́чшїѧ зарѝ и҆спо́лниласѧ є҆сѝ: занѐ мꙋ́жески жесто́кїй ше́ствовала є҆сѝ пꙋ́ть, побѣди́вши настоѧ̑щаѧ, и҆ а҆́гг҃лѡмъ ᲂу҆подо́биласѧ є҆сѝ, и҆ ны́нѣ сла́вы причаща́ешисѧ тѣ́хъ."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, предпра́зднства, гла́съ а҃."
|
|
},
|
|
{
|
|
"type": "TEXT",
|
|
"value": "Подо́бенъ: Гро́бъ тво́й, сп҃се:"
|
|
},
|
|
{
|
|
"type": "TEXT",
|
|
"value": "Вели́кїй до́ждь къ рѣ̑чнымъ стрꙋѧ́мъ предгрѧде́тъ, пло́тїю крести́тисѧ восхотѣ́въ, къ немꙋ́же бж҃е́ственный прⷣте́ча ᲂу҆жаса́ѧсѧ, глаго́лаше: ка́кѡ крещꙋ́ тѧ, скве́рны не и҆мꙋ́ща весьма̀; ка́кѡ прострꙋ̀ мою̀ десни́цꙋ на главꙋ̀, є҆ѧ́же трепе́щꙋтъ всѧ́чєскаѧ;"
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "TEXT",
|
|
"value": "І҆рмо́съ: Слы́ша дре́вле а҆ввакꙋ́мъ, хрⷭ҇тѐ, чꙋ́дный тво́й слꙋ́хъ, и҆ стра́хомъ взыва́ше: ѿ ю҆́га бг҃ъ прїи́детъ, и҆ ст҃ы́й ѿ горы̀ приѡсѣне́нныѧ ча́щи, спастѝ пома̑занныѧ. Сла́ва си́лѣ твое́й, гдⷭ҇и."
|
|
},
|
|
{
|
|
"type": "TEXT",
|
|
"value": "Во́дꙋ почерпи́те жи́зни, сѐ ны́нѣ прїи́де ми́ра рѣка̀ и҆́стиннѡ, и҆зсꙋши́ти мꙋ̑тныѧ невѣ́рїѧ во́ды, и҆ просвѣще́нїе и҆сточи́ти пою́щымъ є҆мꙋ̀: сла́ва си́лѣ твое́й, гдⷭ҇и."
|
|
},
|
|
{
|
|
"type": "TEXT",
|
|
"value": "Весели́сѧ пꙋсты́нѧ, ꙗ҆́же пре́жде жа́ждꙋщаѧ, є҆стество̀ всѐ человѣ́ческое: ны́нѣ ꙗ҆ви́сѧ пото́къ сла́дости, і҆ѻрда́нскими вода́ми рѣша́ѧ зно́й грѣха̀, є҆мꙋ́же пое́мъ вѣ́рнѡ: сла́ва си́лѣ твое́й, гдⷭ҇и."
|
|
},
|
|
{
|
|
"type": "TEXT",
|
|
"value": "Вопїю́щагѡ гла́съ прⷪ҇ро́чески пꙋсты́мъ возшꙋмѣ̀ помышле́нїємъ, ᲂу҆гото́вайте пꙋти̑ пра̑выѧ хрⷭ҇тꙋ̀ грѧдꙋ́щемꙋ, глаго́лющь: ꙗ҆́кѡ да креще́нїемъ ѡ҆чи́ститъ ѡ҆бветша́вшыѧ ны̀, разрѣша́ѧ пе́рвое ѡ҆сꙋжде́нїе."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆слы́шахъ слꙋ́хъ тво́й и҆ ᲂу҆боѧ́хсѧ, разꙋмѣ́хъ дѣла̀ твоѧ̑, и҆ ᲂу҆жасо́хсѧ, гдⷭ҇и."
|
|
},
|
|
{
|
|
"type": "TEXT",
|
|
"value": "Всю̀ напои́ша вселе́ннꙋю словесы̀ бжⷭ҇твенными, хрⷭ҇тѡ́вы великомꙋ́чєницы, и҆ ле́сть ᲂу҆праздни́ша."
|
|
},
|
|
{
|
|
"type": "TEXT",
|
|
"value": "Бога́тство некра́домо ѡ҆брѣто́ша вои́стиннꙋ стрⷭ҇тоте́рпцы, бога́тство, сла́вꙋ и҆ свѣ́тлость земны́хъ ѡ҆плева́ша."
|
|
},
|
|
{
|
|
"type": "TEXT",
|
|
"value": "Воѡрꙋжи́вшесѧ, стрⷭ҇тоте́рпцы, хрⷭ҇то́вымъ ѻ҆рꙋ́жїемъ, мꙋчи́телево сꙋровство̀ всѐ въ се́мъ низложи́ша."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Мт҃и чⷭ҇таѧ, бл҃гослове́ннаѧ ст҃а́ѧ дв҃о, пою́щыѧ тѧ̀ спаса́й ѿ всѧ́кагѡ ѡ҆бстоѧ́нїѧ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Прише́лъ є҆сѝ ѿ дв҃ы, не хода́тай, ни а҆́гг҃лъ, но са́мъ, гдⷭ҇и, вопло́щсѧ, и҆ спа́слъ є҆сѝ всего́ мѧ человѣ́ка. Тѣ́мъ зовꙋ́ ти: сла́ва си́лѣ твое́й, гдⷭ҇и."
|
|
},
|
|
{
|
|
"type": "TEXT",
|
|
"value": "Ты̀ тѣлесѐ преизрѧ́дствꙋющи добро́тами, была̀ є҆сѝ мнѡ́гимъ ѿречена̀, не полꙋ́чшымъ раче́нїѧ. Тѣ́мже и҆знꙋри́вши себѐ, причасти́ласѧ є҆сѝ бж҃е́ственныѧ красоты̀."
|
|
},
|
|
{
|
|
"type": "TEXT",
|
|
"value": "Претерпѣ́ла є҆сѝ, ꙗ҆́кѡ і҆́ѡвъ, тѣле́сное ѡ҆ѕлобле́нїе, не и҆зрекла̀ є҆сѝ сло́ва кончи́нꙋ привлача́щагѡ, лѣ́томъ и҆ є҆стество́мъ же преше́дши, бжⷭ҇твенное прїѧ́ла є҆сѝ жили́ще."
|
|
},
|
|
{
|
|
"type": "TEXT",
|
|
"value": "Оу҆едини́сѧ ѿ сро́дникѡвъ, и҆ роди́телей, и҆ стѧжа́нїѧ, хрⷭ҇та̀ є҆ди́наго и҆́щꙋщи, некра́домо бога́тство и҆ неиждива́емое, съ ни́мже вы́шнїѧ сла́вы ꙗ҆ви́ласѧ є҆сѝ прича́стница."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ржⷭ҇тво̀ твоѐ а҆да́ма ѿ тлѝ и҆зба́ви, кромѣ̀ тлѣ́нїѧ чл҃вѣкодѣ́льнагѡ: и҆́бо па́че человѣ́ка бы́сть зача́тїе. Тѣ́мже тлѣ́нїѧ и҆ ѕѡ́лъ мѧ̀, ѻ҆трокови́це, и҆зба́ви."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "TEXT",
|
|
"value": "І҆рмо́съ: Свѣ́тъ тво́й незаходи́мый возсїѧ́й, хрⷭ҇тѐ, въ сердца̀ вѣ́рнѡ пою́щихъ тѧ̀, ми́ръ подава́ѧй на́мъ, па́че ᲂу҆ма̀. Тѣ́мъ ѿ но́щи невѣ́дѣнїѧ, ко дню̀ свѣ́томъ твои́мъ текꙋ́ще, славосло́вимъ тѧ̀, чл҃вѣколю́бче."
|
|
},
|
|
{
|
|
"type": "TEXT",
|
|
"value": "Ми́ра, хрⷭ҇тѐ, сы́й цр҃ь, вражды̀ средостѣ́нїе разори́лъ є҆сѝ, пло́ти подо́бїемъ ꙗ҆ви́всѧ сꙋ́щымъ на землѝ: тѣ́мже прише́ствїе твоѐ ви́дѣвъ і҆ѡа́ннъ, дивлѧ́шесѧ со стра́хомъ, рꙋкоположи́ти тѧ̀ повелѣва́емь."
|
|
},
|
|
{
|
|
"type": "TEXT",
|
|
"value": "Ѕмїє́въ главы̑ сокрꙋши́ти хрⷭ҇то́съ спѣша̀ ны́нѣ грѧде́тъ вода́ми, и҆ трепе́щꙋщемꙋ вопїе́тъ крⷭ҇ти́телю: прострѝ твою̀ рꙋ́кꙋ, и҆ прикосни́сѧ верхꙋ̀ моемꙋ̀, и҆ ᲂу҆́жасъ ѿтрѧсѝ, соверша́ѧ повелѣ́нное."
|
|
},
|
|
{
|
|
"type": "TEXT",
|
|
"value": "Сказа́ше прⷪ҇ро́къ бл҃года́ть и҆ногда̀ креще́нїѧ бж҃е́ственнымъ дх҃омъ, порази́въ і҆ѻрда̑нскїѧ стрꙋи̑ ми́лѡтїю, ꙗ҆̀же раздѣли́шасѧ, на́мъ пꙋтетворѧ́щыѧ возрожде́нїе бжⷭ҇твенное, въ ни́хъ ꙗ҆́вльшагосѧ хрⷭ҇та̀."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆́тренююще, сло́ве, въ сла́вꙋ твою̀ и҆ хвалꙋ̀, восхвалѧ́емъ непреста́ннѡ ѻ҆́бразъ крⷭ҇та̀ твоегѡ̀, є҆го́же да́лъ є҆сѝ на́мъ ѻ҆рꙋ́жїе въ по́мощь."
|
|
},
|
|
{
|
|
"type": "TEXT",
|
|
"value": "Мꙋ́дрїи страда́льцы, вѣ́ры ѻ҆рꙋ́жницы, мꙋ̑ки до́блественнѣ врагѡ́въ пребеззако́нныхъ побѣди́вше, кꙋ́пнѡ вѣнцы̀ прїѧ́ша."
|
|
},
|
|
{
|
|
"type": "TEXT",
|
|
"value": "Ни ласка́нїе, ни ле́сть, ни сла́ва земны́хъ возмо́же ѿсѣщѝ вѣ́ры ва́шеѧ тече́нїе, страда́льцы: тѣ́мже и҆ ра́дꙋетесѧ."
|
|
},
|
|
{
|
|
"type": "TEXT",
|
|
"value": "Предстоѧ́ще прⷭ҇то́лꙋ сла́вы гдⷭ҇ни, со а҆́гг҃лы непреста́ннѡ моли́тесѧ, да́ти прегрѣше́нїй ѡ҆чище́нїе вѣ́рою пою́щымъ ва́съ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Всест҃а́ѧ дв҃о ѡ҆бра́дованнаѧ, ро́ждшаѧ въ лѣ́тѣ сло́во па́че сло́ва, молѝ є҆го̀ спастѝ дꙋ́шы на́шѧ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Свѣ́та пода́телю, и҆ вѣкѡ́въ тво́рче, гдⷭ҇и, во свѣ́тѣ твои́хъ повелѣ́нїй наста́ви на́съ: ра́звѣ бо тебє̀, и҆но́гѡ бо́га не зна́емъ."
|
|
},
|
|
{
|
|
"type": "TEXT",
|
|
"value": "Хра́мъ была̀ є҆сѝ ѡ҆бита́ющагѡ въ чи́стыхъ дс҃ѣхъ сло́ва, мꙋ́драѧ: ѡ҆сїѧ́ла бо є҆сѝ ты̀ воздержа́нїѧ мно́гими болѣ́зньми дꙋшѝ твоеѧ̀ добро́тꙋ, пресла́внаѧ."
|
|
},
|
|
{
|
|
"type": "TEXT",
|
|
"value": "Пло́ть ᲂу҆мертви́ла є҆сѝ ѡ҆багре́ннꙋю є҆сте́ственною бл҃года́тїю болѣ́зньми мно́гими, ᲂу҆ѧснѧ́ющи па́че свѣ́томъ добродѣ́телей, дꙋше́вный ѻ҆́бразъ свѣ́тлѡ сїѧ́ющїй."
|
|
},
|
|
{
|
|
"type": "TEXT",
|
|
"value": "Ве́щь тѣлесѐ дꙋшѝ твоеѧ̀ ко хрⷭ҇тꙋ̀ жела́нїемъ распали́вши ты̀, ны́нѣ съ невеще́ственными невеще́ственнѡ вои́стиннꙋ а҆́гг҃лы сра́дꙋешисѧ, бг҃а смотрѧ́ющи."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Главы̑ сокрꙋшѝ глава̀ благочести́выхъ, всечⷭ҇таѧ, стрꙋѧ́ми ны́нѣ гнѣздѧ́щихсѧ ѕмїє́въ, рожде́йсѧ и҆зъ твоеѧ̀ ᲂу҆тро́бы безъ сѣ́мене вои́стиннꙋ."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ве́сь ѿ страсте́й безмѣ́рныхъ содержꙋ́сѧ, и҆ ки́томъ ѕѡ́лъ снизпадо́хъ: но возведѝ и҆зъ и҆стлѣ́нїѧ мѧ̀, бж҃е, ꙗ҆́коже пре́жде і҆ѡ́нꙋ, и҆ вѣ́рою безстра́стїе мѝ да́рꙋй: ꙗ҆́кѡ да во гла́сѣ хвале́нїѧ и҆ спасе́нїѧ дх҃омъ пожрꙋ́ ти."
|
|
},
|
|
{
|
|
"type": "TEXT",
|
|
"value": "Милосе́рдїе щедро́тъ хрⷭ҇то́съ показꙋ́ѧ, въ ра́бїи зра́цѣ непремѣ́нный прихо́дитъ къ рабꙋ̀, просѧ̀ креще́нїѧ, ѿ рабо́ты восхища́ѧ человѣ́чество: є҆гѡ́же ᲂу҆ди́вльсѧ прише́ствїю, ᲂу҆жаса́етсѧ и҆ стра́хомъ ѡ҆держи́мь быва́етъ."
|
|
},
|
|
{
|
|
"type": "TEXT",
|
|
"value": "Ка́кѡ тѧ̀ рѣ̑чныѧ стрꙋи̑ прїи́мꙋтъ, нестерпи́маго ѻ҆гнѧ̀ ны́нѣ и҆дꙋ́ща; ка́кѡ ѡ҆бнаже́нїе нбⷭ҇нїи ви́дѧтъ а҆́гг҃ли; ка́кѡ рꙋ́кꙋ і҆ѡа́ннъ простре́тъ на тѧ̀, сло́ве бж҃їй пребезнача́льне, того̀ ѿ землѝ созда́вшаго;"
|
|
},
|
|
{
|
|
"type": "TEXT",
|
|
"value": "Мо́ре раздѣлѧ́етсѧ бѣжа́щи, показа̀ нѡ́вымъ лю́демъ бжⷭ҇твенное прехожде́нїе, є҆́же содѣ́ла въ рѣцѣ̀, пло́тїю прише́дъ, и҆́же и҆зъ ка́мене пресла́внѡ и҆сточи́въ во́дꙋ. Сего̀, ꙗ҆́кѡ бг҃а, просла́вимъ, на́ше сокрꙋше́нїе назда́вшаго."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: І҆ѡ́на и҆зъ чре́ва а҆́дова вопїѧ́ше: возведѝ ѿ тлѝ живо́тъ мо́й. Мы́ же тебѣ̀ вопїе́мъ: всеси́льне сп҃се, поми́лꙋй на́съ."
|
|
},
|
|
{
|
|
"type": "TEXT",
|
|
"value": "Оу҆праздни́ша і҆́дѡльскꙋю ле́сть мꙋ́чєницы, на сꙋди́щи стра́ждꙋще, и҆ нече́стїе всѐ потреби́ша ѿ землѝ страда́нїемъ свои́мъ."
|
|
},
|
|
{
|
|
"type": "TEXT",
|
|
"value": "Предпоста́ви вра́гъ и҆ гони́тель вѣ́ры своѧ̑ слꙋжи́тели, мечмѝ, ꙗ҆́коже а҆́гнцы, ᲂу҆бива́ти ва́съ го́рькѡ, мч҃ницы сла́внїи."
|
|
},
|
|
{
|
|
"type": "TEXT",
|
|
"value": "Ꙗ҆́коже ви́дѣ ли́къ ст҃ы́хъ мꙋчи́тели, воѡрꙋжє́нныѧ мечмѝ, мꙋ́жески вопїѧ́ше: во́ини хрⷭ҇то́вы є҆смы̀, ѽ мꙋчи́телю!"
|
|
},
|
|
{
|
|
"type": "TEXT",
|
|
"value": "Бг҃оро́диченъ: Є҆го́же родила̀ є҆сѝ, бцⷣе, несказа́ннѡ бг҃а на́шего, молѧ́щи не преста́й и҆зба́вити ѿ бѣ́дъ пою́щыѧ тѧ̀, чⷭ҇таѧ приснодв҃о."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Въ бе́зднѣ грѣхо́внѣй валѧ́ѧсѧ, неизслѣ́днꙋю милосе́рдїѧ твоегѡ̀ призыва́ю бе́зднꙋ: ѿ тлѝ, бж҃е, мѧ̀ возведѝ."
|
|
},
|
|
{
|
|
"type": "TEXT",
|
|
"value": "Просвѣти́вшисѧ заре́ю дх҃о́вною, всѧ́кое наслажде́нїе ѿри́нꙋла є҆сѝ плотско́е, ꙗ҆́кѡ но́щно: до́брыхъ бо ᲂу҆ѧзви́ласѧ є҆сѝ жела́нїемъ."
|
|
},
|
|
{
|
|
"type": "TEXT",
|
|
"value": "Ѡ҆блиста̀ твоѧ̀ свѣтоно́снаѧ дне́сь па́мѧть и҆здале́ча, просвѣща́ющи дꙋ́шъ ѡ҆мраче́нїе, мона́хѡвъ подвиза́ющихсѧ ᲂу҆добре́нїе."
|
|
},
|
|
{
|
|
"type": "TEXT",
|
|
"value": "Чистотꙋ̀ двⷭ҇тва соблюла̀ є҆сѝ, почита́ющи черто́гъ нетлѣ́нный: хрⷭ҇та́ бо жела́нїемъ разжегла́сѧ є҆сѝ, стра́ннагѡ жениха̀ твоегѡ̀."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Да сла́вы и҆спо́лнимсѧ, прїи́де въ безсла́вное человѣ́чество сла́вы гдⷭ҇ь: ꙗ҆́коже человѣ́къ мы́емь, тво́й сн҃ъ человѣ́ки просла́ви."
|
|
},
|
|
{
|
|
"type": "HEADER",
|
|
"value": "Конда́къ предпра́зднства, гла́съ д҃:"
|
|
},
|
|
{
|
|
"type": "TEXT",
|
|
"value": "Во стрꙋѧ́хъ дне́сь і҆ѻрда́нскихъ бы́въ гдⷭ҇ь, і҆ѡа́ннꙋ вопїе́тъ: не ᲂу҆бо́йсѧ крести́ти мѧ̀, спасти́ бо прїидо́хъ а҆да́ма первозда́ннаго."
|
|
},
|
|
{
|
|
"type": "TEXT",
|
|
"value": "І҆́косъ: Не и҆стѧзꙋ́ю тѧ̀, крⷭ҇ти́телю, предѣ́лы преходи́ти: не глаго́лю тебѣ̀, рцы́ ми, ꙗ҆̀же глаго́леши беззакѡ́ннымъ, и҆ ᲂу҆чи́ши грѣ́шники: то́чїю крести́ мѧ молчѧ̀, и҆ ча́ѧ, ꙗ҆̀же ѿ кр҃ще́нїѧ: прїи́меши бо сегѡ̀ ра́ди досто́инство, є҆́же не бы́сть а҆́гг҃лѡмъ, и҆́бо всѣ́хъ прⷪ҇ро́кѡвъ бо́льша тѧ̀ сотворю̀, ѿ ѻ҆́ныхъ ᲂу҆́бѡ ни є҆ди́нъ ꙗ҆́вѣ мѧ̀ ви́дѣ, но во ѻ҆́бразѣхъ и҆ сѣ́нехъ, и҆ гада́нїихъ: ты́ же предъ тобо́ю стоѧ́ща ви́дѣлъ є҆сѝ, спасти́ бо прїидо́хъ а҆да́ма первозда́ннаго."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "TEXT",
|
|
"value": "І҆рмо́съ: Проидо́ша, ꙗ҆́кѡ черто́гъ, пе́щный пла́мень нестерпи́мый, и҆̀же за благоче́стїе и҆ногда̀, ѻ҆́троцы ст҃і́и показа́вшесѧ ꙗ҆́вѣ, и҆ согла́снѡ воспѣва́юще, пѣ́снь поѧ́хꙋ: ѻ҆ц҃є́въ бж҃е, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Хрⷭ҇то́съ спасе́нїе ꙗ҆ви́сѧ, просвѣще́нїе да́рꙋѧ: да ра́дꙋетсѧ не́бо, ѻ҆́блацы же да кропѧ́тъ и҆́стиннѡ пра́вдꙋ, взыва́ющымъ: ѻ҆ц҃є́въ бж҃е, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Рꙋно̀, є҆́же прови́дѣ гедеѡ́нъ, полна̀ ча́ша воды̀ и҆ска́павшїѧ, ꙗ҆́вѣ твоѐ креще́нїе ска́зоваше, хрⷭ҇тѐ, є҆́же подае́ши крести́всѧ воспѣва́ющымъ: ѻ҆ц҃є́въ бж҃е, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Сла̑ныѧ безча́дствꙋющыѧ є҆лїссе́й и҆сцѣлѧ́ѧ во́ды, бл҃гоча́дїе честны́ѧ кꙋпѣ́ли проѡбразѝ, хотѧ́щее бы́ти та́инственнѡ воспѣва́ющымъ: ѻ҆ц҃є́въ бж҃е, бл҃гослове́нъ є҆сѝ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Пе́щь горѧ́щꙋю ѡ҆роси́лъ є҆сѝ, сп҃се, ѻ҆́троки спа́слъ є҆сѝ пою́щыѧ и҆ глаго́лющыѧ: бл҃гослове́нъ є҆сѝ во вѣ́ки, гдⷭ҇и бж҃е ѻ҆ц҃ъ на́шихъ."
|
|
},
|
|
{
|
|
"type": "TEXT",
|
|
"value": "Коне́цъ мꙋче́нїѧ прїѧ́сте кꙋ́пнѡ, мече́мъ ᲂу҆мерщвлѧ́еми съ жена́ми и҆ дѣтьмѝ, хрⷭ҇тꙋ̀ вопїю́ще: бл҃гослове́нъ є҆сѝ, гдⷭ҇и, бж҃е ѻ҆ц҃ъ на́шихъ."
|
|
},
|
|
{
|
|
"type": "TEXT",
|
|
"value": "Ра́довахꙋсѧ ст҃і́и, зрѧ́ще себѐ мечи̑ скончава́ємыѧ, и҆ вѣ́рою взыва́хꙋ: бл҃гослове́нъ є҆сѝ, гдⷭ҇и, бж҃е ѻ҆ц҃ъ на́шихъ."
|
|
},
|
|
{
|
|
"type": "TEXT",
|
|
"value": "Нечести́выхъ свирѣ́пство потреби́сѧ ѿ землѝ, и҆ бо́зи падо́ша на зе́млю, и҆ сокрꙋши́шасѧ мꙋ́чєникъ и҆сповѣ́данїемъ, и҆ вѣнцы̀ прїѧ́ша."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Спаса́й па́ствꙋ твою̀, всесвѧта́ѧ чⷭ҇таѧ, ѿ всѧ́кагѡ ѡ҆бстоѧ́нїѧ: ꙗ҆́кѡ є҆ди́на предста́тельница ро́да на́шегѡ, бл҃гослове́ннаѧ бцⷣе всепѣ́таѧ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Бг҃опроти́вное велѣ́нїе беззако́ннꙋющагѡ мꙋчи́телѧ высо́къ пла́мень вознесло̀ є҆́сть: хрⷭ҇то́съ же прострѐ бг҃очести̑вымъ ѻ҆трокѡ́мъ ро́сꙋ дх҃о́внꙋю, сы́й бл҃гослове́нъ и҆ препросла́вленъ."
|
|
},
|
|
{
|
|
"type": "TEXT",
|
|
"value": "Ѕлѣ̀ ᲂу҆мышлѧ́ѧ сопроти́вный, дꙋшѝ твоеѧ̀ крѣ́пость ᲂу҆мѧгчи́ти недꙋ́гами покꙋша́шесѧ: и҆ і҆́ѡва прирази́выйсѧ терпѣ́нїю, мꙋ́дрѣ болѣ́зньми ѿража́шесѧ, твои́мъ терпѣ́нїемъ, мꙋ́драѧ, ᲂу҆ѧзвлѧ́ѧсѧ."
|
|
},
|
|
{
|
|
"type": "TEXT",
|
|
"value": "Твоѧ̀ ны́нѣ ᲂу҆клони́сѧ ѿ треволне́нїй житїѧ̀ къ бл҃гоꙋти́шномꙋ дꙋша̀ приста́нищꙋ, бога́та сꙋ́щи добро́тами въ бжⷭ҇твенныхъ пребыва́нїихъ, мꙋ́драѧ, и҆дѣ́же проꙋгото́висѧ твои̑мъ терпѣливострада́нїємъ мнѡ́гимъ поко́ище."
|
|
},
|
|
{
|
|
"type": "TEXT",
|
|
"value": "Мꙋ́дрѣ наста́вила є҆сѝ во ѻ҆́бщемъ житїѝ, мѣ́сто, гл҃го́лющи, и҆змѣни́ти никогда́же: вели́кихъ бо хода́тайственно воздаѧ́нїй терпѣ́нїе, словесы́ же и҆ дѣлесы̀ по́льзовати мона́шествꙋющыѧ вои́стиннꙋ не ѡ҆блѣни́ласѧ є҆сѝ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Водно́е є҆стество̀ ѿ грѣха́ мѧ и҆змыва́етъ, ржⷭ҇тва̀ твоегѡ̀ па́че є҆стества̀ мꙋ́дростїю: бг҃а бо ѡ҆чище́нїе творца̀ свѣ́та, ѡ҆чища́етъ, бг҃оневѣ́сто, мно́гими ѡ҆скверни́вшагосѧ, дв҃о, согрѣше́ньми."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "TEXT",
|
|
"value": "І҆рмо́съ: Чꙋ́да преесте́ственнагѡ показа̀ ѻ҆́бразъ ѻ҆гнеро́снаѧ пе́щь дре́вле: ѻ҆́гнь бо не ѡ҆палѝ ю҆́ныѧ дѣ́ти, хрⷭ҇то́во ꙗ҆влѧ́ѧ безсѣ́менное ѿ дв҃ы бжⷭ҇твенное ржⷭ҇тво̀. Тѣ́мъ воспѣва́юще воспои́мъ: да благослови́тъ тва́рь всѧ̀ гдⷭ҇а, и҆ превозно́ситъ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Хвалꙋ̀ велегла́снѡ влⷣцѣ возсле́мъ, прїи́де, ꙗ҆ви́сѧ: восхо́дитъ на во́ды, и҆ ѡ҆бнажа́етсѧ нб҃о ѻ҆́блаки ѡ҆дѣва́ѧй, и҆ креща́етсѧ, ѡ҆чища́ѧ ны̀, воспѣва́ющыѧ: да бл҃гослови́тъ тва́рь всѧ̀ гдⷭ҇а, и҆ превозно́ситъ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Прїиди́те мы́сленнѡ, ко і҆ѻрда́нꙋ и҆́демъ, видѣ́нїе ве́лїе въ не́мъ ᲂу҆́зримъ: і҆и҃съ бо просвѣще́нїе прихо́дитъ, и҆ раба̀ преклонѧ́етсѧ дла́ни, съ тре́петомъ вопїю́ща: да бл҃гослови́тъ тва́рь всѧ̀ гдⷭ҇а, и҆ превозно́ситъ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Оу҆́гль, є҆го́же прови́дѣ и҆са́їа, въ вода́хъ і҆ѻрда́нскихъ разгорѣ́всѧ, попалѝ ве́щь всю̀ грѣхѡ́въ, и҆ подадѐ сокрꙋшє́ннымъ назда́нїе. Тѣ́мже воспѣва́юще воспое́мъ: да бл҃гослови́тъ тва́рь всѧ̀ гдⷭ҇а, и҆ превозно́ситъ во всѧ̑ вѣ́ки."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Є҆ди́наго безнача́льнаго цр҃ѧ̀ сла́вы, є҆го́же бл҃гословѧ́тъ небє́сныѧ си̑лы, и҆ трепе́щꙋтъ чи́ни а҆́гг҃льстїи, по́йте свѧще́нницы, лю́дїе превозноси́те є҆го̀ во вѣ́ки."
|
|
},
|
|
{
|
|
"type": "TEXT",
|
|
"value": "Є҆ди́наго бл҃гоꙋтро́бнаго цр҃ѧ̀ сла́вы, и҆сповѣ́дающе мꙋ́дрїи страда́льцы, прїѧ́ша по́чєсти побѣ́ды, вопїю́ще бл҃годерзнове́ннѡ: лю́дїе, превозноси́те є҆го̀ во вѣ́ки."
|
|
},
|
|
{
|
|
"type": "TEXT",
|
|
"value": "Тве́рдѡ проти́вишасѧ хрⷭ҇тѡ́вы страда́льцы къ мꙋчи́телємъ, стра́ждꙋще до́блественнѣ, побѣди́ша і҆́дѡльскꙋю ле́сть, вопїю́ще благодерзнове́ннѡ: лю́дїе, превозноси́те є҆го̀ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Ꙗ҆́коже а҆дама́нти, до́блїи ѻ҆рꙋ́жницы, мꙋчи́телей прещє́нїѧ и҆ мꙋ̑ки побѣди́вше, ра́достнѡ вопїѧ́хꙋ: по́йте свѧще́нницы, лю́дїе, превозноси́те гдⷭ҇а во вѣ́ки."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Є҆ди́наго бл҃гоꙋтро́бнаго превѣ́чнаго сло́ва, и҆з̾ дв҃ы въ послѣ̑днѧѧ ро́ждшагосѧ, и҆ спа́сшаго человѣ́ческїй ро́дъ: по́йте свѧще́нницы, лю́дїе, превозноси́те є҆го̀ во вѣ́ки."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Въ пе́щь ѻ҆́гненнꙋю ко ѻ҆трокѡ́мъ є҆врє́йскимъ снизше́дшаго, и҆ пла́мень въ ро́сꙋ прело́жшаго бг҃а, по́йте дѣла̀, ꙗ҆́кѡ гдⷭ҇а, и҆ превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "На землѝ живꙋ́щи, къ землѝ блаже́нныхъ вои́стиннꙋ дости́гнꙋти вожделѣ́ла є҆сѝ: и҆дѣ́же чи́ни а҆́гг҃льстїи, преподо́бныхъ, и҆ по́стникѡвъ и҆ дѣ́въ, живꙋ́ще вѣ́чнѡ пѣсносло́вѧтъ хрⷭ҇та̀ во вѣ́ки всѧ̑."
|
|
},
|
|
{
|
|
"type": "TEXT",
|
|
"value": "Добро́тою є҆стества̀ лꙋ́чши мно́гихъ сꙋ́щи, ѡ҆ дꙋшѝ попекла́сѧ є҆сѝ, ꙗ҆́кѡ ви́дъ добро́ты дꙋше́вныѧ мꙋ́дрѣ сохрани́вши: тѣ́мже добро́тꙋ тѣле́снꙋю ᲂу҆гаси́вши, распали́ласѧ є҆сѝ воздержа́нїемъ дꙋшѝ твоеѧ̀."
|
|
},
|
|
{
|
|
"type": "TEXT",
|
|
"value": "Бо́дръ ᲂу҆́мъ къ бг҃ꙋ преꙋсе́рдїемъ дꙋше́внымъ ты̀ стѧжа́вши, кѡ́зни льсти́вагѡ мꙋдреца̀ ѕлы́хъ до конца̀ ᲂу҆спи́ла є҆сѝ, сла́внаѧ: и҆ ны́нѣ, ᲂу҆́спши, живе́ши во вѣ́ки."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ѡ҆бнови́ти земны̑ѧ сн҃ъ тво́й восхотѣ́въ, ко і҆ѻрда́нꙋ, ꙗ҆́кѡ человѣ́къ, тщи́тсѧ, чⷭ҇таѧ, кра́йнїѧ ра́ди любвѐ: та́мѡ бо всѣ́хъ сокрꙋ́шшаго сотрѐ, ѡ҆бновлѧ́ѧ моли́твами твои́ми мі́ръ."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Неизглаго́ланное дв҃ы та́инство: нб҃о бо сїѧ̀, и҆ прⷭ҇то́лъ херꙋві́мскїй, и҆ свѣтоно́сный черто́гъ показа́сѧ хрⷭ҇та̀ бг҃а вседержи́телѧ. Сїю̀ бл҃гоче́стнѡ, ꙗ҆́кѡ бцⷣꙋ, велича́емъ."
|
|
},
|
|
{
|
|
"type": "TEXT",
|
|
"value": "Та́инство стра́нное зрю̀ и҆ пресла́вное, і҆и҃съ грѧде́тъ во́лею къ рѣцѣ̀ і҆ѻрда́нꙋ, вопїѧ̀ і҆ѡа́ннꙋ: твою̀ десни́цꙋ мѝ, дрꙋ́же, взаи́мствꙋй, стра̑шнаѧ соверша́ющемꙋ лю́демъ мои̑мъ въ снабдѣ́нїе."
|
|
},
|
|
{
|
|
"type": "TEXT",
|
|
"value": "Пꙋсты̑ннаѧ і҆ѻрда̑нскаѧ да процвѣтꙋ́тъ: и҆̀же во тмѣ̀ лежа́щїи, вели́къ ꙗ҆ви́сѧ ва́мъ свѣ́тъ, ви́дѣвше, взыгра́йте: хрⷭ҇то́съ ѿ галїле́и приходѧ́й, пло́тїю крⷭ҇ти́тисѧ ѿ раба̀ хо́щетъ."
|
|
},
|
|
{
|
|
"type": "TEXT",
|
|
"value": "Возвесели́сѧ ны́нѣ, і҆ѻрда́не, и҆ ликꙋ́й, і҆ѡа́нне, взыгра́й, всѧ̀ вселе́ннаѧ, ра́дꙋйсѧ: сѐ ꙗ҆ви́сѧ хрⷭ҇то́съ, и҆ ѡ҆бнажа́етсѧ и҆ креща́етсѧ, во ѻ҆де́ждꙋ ѡ҆блача́ѧ нетлѣ́нїѧ человѣ́чество."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Па́че є҆стества̀ мт҃рь, и҆ по є҆стествꙋ̀ дв҃ꙋ, є҆ди́нꙋ въ жена́хъ бл҃гослове́ннꙋю, пѣ́сньми, вѣ́рнїи, бцⷣꙋ велича́емъ."
|
|
},
|
|
{
|
|
"type": "TEXT",
|
|
"value": "Попра́вше всѧ̑ і҆дѡлослꙋжє́нїѧ вѣ́рою страстоте́рпцы хрⷭ҇тѡ́вы, бжⷭ҇твенное тече́нїе сконча́вше бл҃гоче́стнѡ и҆ вѣ́рою ᲂу҆тверди́ша."
|
|
},
|
|
{
|
|
"type": "TEXT",
|
|
"value": "Земна̑ѧ всѧ̑ презрѣ́вше вѣ́рою, стрⷭ҇тоте́рпцы хрⷭ҇тѡ́вы, вкꙋ́пѣ ᲂу҆се́рднѡ пострада́вше, ѿ бг҃а прїѧ́ша врачева̑нїѧ."
|
|
},
|
|
{
|
|
"type": "TEXT",
|
|
"value": "Стрⷭ҇тоте́рпцы, мꙋ́жески воѡрꙋжи́вшесѧ вѣ́рою, гдⷭ҇нимъ крⷭ҇то́мъ ѡ҆полчє́нїѧ низложи́ша вра̑жїѧ, и҆ вѣнцы̀ прїѧ́ша."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Во чре́вѣ заче́ншаѧ непостижи́мое сло́во, и҆ сїѐ безъ сѣ́мене на́мъ ро́ждшаѧ, молѝ прилѣ́жнѡ спасти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Безнача́льна роди́телѧ сн҃ъ, бг҃ъ и҆ гдⷭ҇ь, вопло́щсѧ ѿ дв҃ы на́мъ ꙗ҆ви́сѧ, ѡ҆мрачє́ннаѧ просвѣти́ти, собра́ти расточє́ннаѧ. Тѣ́мъ всепѣ́тꙋю бцⷣꙋ велича́емъ."
|
|
},
|
|
{
|
|
"type": "TEXT",
|
|
"value": "Оу҆ѧсни́вшисѧ добро́тами дѣ́вства, сла́внаѧ, тебѐ самꙋ́ю ᲂу҆краси́ла є҆сѝ вѣнце́мъ воздержа́тельнагѡ житїѧ̀: тѣ́мже сꙋгꙋ́бымъ вѣнце́мъ вѣнча́ тѧ стра́нный жени́хъ тво́й, є҆гѡ́же ᲂу҆ѧзви́ласѧ є҆сѝ ты̀ любо́вїю."
|
|
},
|
|
{
|
|
"type": "TEXT",
|
|
"value": "Наде́жда не посрамѝ, сѷгклитїкі́е, тѧ̀, всечестна́ѧ, бꙋ́дꙋщихъ, ю҆́же и҆мѣ́ла є҆сѝ въ се́рдцѣ твое́мъ: ны́нѣ бо прїѧ́ла є҆сѝ болѣ́зней воздаѧ̑нїѧ ѿ сп҃са, за ꙗ҆̀же воздержа́нїѧ всѧ́къ ви́дъ прешла̀ є҆сѝ."
|
|
},
|
|
{
|
|
"type": "TEXT",
|
|
"value": "Въ крѣ́пость и҆ ᲂу҆твержде́нїе, чⷭ҇тна́ѧ, хрⷭ҇та̀ ѡ҆дѣ́ѧласѧ є҆сѝ, и҆ въ зе́млю ты̀ киче́нїе пони́зила є҆сѝ глаго́лавшагѡ. А҆ высотꙋ̀ непра́вдꙋ. Тѣ́мже тѧ̀ вѣнце́мъ побѣ́ды ᲂу҆красѝ побѣ́ды пода́тель і҆и҃съ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ѡ҆ тебѣ̀ пра́ѻц҃а паде́нїе крѣ́пость прїѧ́тъ, поитѝ да́льше крѣ́пости не и҆мꙋ́щее: креще́нїемъ бо сн҃а твоегѡ̀ всѧ́ка ѕло́ба ны́нѣ погрꙋзи́сѧ. Тѣ́мже вино́внꙋ тѧ̀ ѡ҆чище́нїѧ проповѣ́даемъ."
|
|
},
|
|
{
|
|
"type": "HEADER",
|
|
"value": "Свѣти́ленъ."
|
|
},
|
|
{
|
|
"type": "TEXT",
|
|
"value": "Подо́бенъ: Дх҃омъ во ст҃и́лищи:"
|
|
},
|
|
{
|
|
"type": "TEXT",
|
|
"value": "Ꙗ҆́кѡ ви́дѣ тѧ̀ ѡ҆бнаже́на і҆ѻрда́нъ, съ тре́петомъ къ сꙋ́щемꙋ ѿ непло́дове речѐ: ѡ҆ста́ви, ѽ і҆ѡа́нне! Крести́тисѧ гдⷭ҇а, ѻ҆гне́мъ и҆ дх҃омъ ѡ҆чища́ющаго всю̀ тва́рь: на сїе́ бо прїи́де, ѡ҆свѧти́ти земны̑ѧ и҆ водно́е є҆стество̀."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ:"
|
|
},
|
|
{
|
|
"type": "TEXT",
|
|
"value": "И҆зъ дв҃ы возсїѧ́вый въ виѳлее́мѣ пло́тїю, ко і҆ѻрда́нꙋ ны́нѣ тщи́тсѧ, скве́рнꙋ ѿмы́ти земноро́дныхъ, къ свѣ́тꙋ приводѧ̀ во тмѣ̀ сꙋ́щыѧ, кр҃ще́нїемъ бжⷭ҇твеннымъ."
|
|
},
|
|
{
|
|
"type": "HEADER",
|
|
"value": "На хвали́техъ стїхи̑ры, на д҃, гла́съ ѕ҃."
|
|
},
|
|
{
|
|
"type": "TEXT",
|
|
"value": "Подо́бенъ: А҆́гг҃льскїѧ пред̾иди́те си̑лы:"
|
|
},
|
|
{
|
|
"type": "TEXT",
|
|
"value": "Что̀ не домышлѧ́ешисѧ, крести́телю, смотре́нїѧ, є҆́же соверша́ю за всѣ́хъ спасе́нїе; дрє́внѧѧ ѡ҆ста́ви ны́нѣ, и҆ помышлѧ́й полє́знаѧ. Вѣ́рꙋй бг҃ꙋ соше́дшемꙋ, и҆ пристꙋпи́въ мнѣ̀ послꙋжѝ: бг҃ъ бо прїидо́хъ за бл҃гоꙋтро́бїе а҆да́ма ѡ҆чи́стити ѿ паде́нїѧ."
|
|
},
|
|
{
|
|
"type": "TEXT",
|
|
"value": "Взе́млѧй на́шѧ грѣхѝ на ра́мена, прише́лъ є҆сѝ, і҆и҃се, къ стрꙋѧ́мъ і҆ѻрда̑нскимъ: а҆́зъ же ᲂу҆жасо́хсѧ твоегѡ̀ стра́шнагѡ прише́ствїѧ. Ка́кѡ ᲂу҆́бѡ мѝ вели́ши крести́ти тѧ̀; са́мъ мѧ̀ ѡ҆чи́стити прише́лъ є҆сѝ, и҆ ка́кѡ креще́нїѧ ѿ менє̀ про́сиши, всѣ́хъ ѡ҆чище́нїе;"
|
|
},
|
|
{
|
|
"type": "TEXT",
|
|
"value": "Є҆стества̀ моегѡ̀ непости́жное сло́во, въ ра́бїй же зра́къ ѡ҆дѣ́ѧвсѧ, прїидо́хъ на і҆ѻрда́нъ, ника́коже менє̀ ѿрецы́сѧ, грѧдѝ, не бо́йсѧ, прибли́жисѧ ко мнѣ̀, десни́цꙋ на ве́рхъ мо́й положи́въ, возопі́й: бл҃гослове́нъ ꙗ҆вле́йсѧ, бж҃е на́шъ, сла́ва тебѣ̀."
|
|
},
|
|
{
|
|
"type": "TEXT",
|
|
"value": "Ѽ па́че ᲂу҆ма̀, безмѣ́рныѧ твоеѧ̀ нищеты̀, сло́ве бж҃їй! Менє̀ ра́ди па́дшагѡ, позна́хъ тѧ̀ за милосе́рдїе во а҆да́ма ѡ҆бле́кшасѧ, и҆ сꙋ́щыѧ ѿ а҆да́ма ѡ҆бновлѧ́юща, и҆ повинꙋ́ѧйсѧ твоемꙋ̀ велѣ́нїю, вѣ́рнѡ зовꙋ̀ тебѣ̀: бл҃гослове́нъ ꙗ҆вле́йсѧ, бж҃е на́шъ, сла́ва тебѣ̀."
|
|
},
|
|
{
|
|
"type": "HEADER",
|
|
"value": "Сла́ва, гла́съ и҆ подо́бенъ то́йже:"
|
|
},
|
|
{
|
|
"type": "TEXT",
|
|
"value": "Съ тре́петомъ слꙋжѧ̀ і҆ѡа́ннъ влⷣцѣ, ра́дꙋетсѧ дꙋше́ю, и҆ вопїе́тъ съ весе́лїемъ: сра́дꙋйтесѧ мнѣ̀, всѝ ро́ди пра́ѻц҃а, прїи́де бо ча́ѧнїе на́ше, прїи́де на і҆ѻрда́нъ хрⷭ҇то́съ, всѧ̑ ѿ грѣха̀ а҆да́мова ѡ҆чи́стити, ꙗ҆́кѡ бл҃гоꙋтро́бенъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, гла́съ и҆ подо́бенъ то́йже:"
|
|
},
|
|
{
|
|
"type": "TEXT",
|
|
"value": "Воспои́мъ, лю́дїе, рожде́нномꙋ ѿ дв҃ы и҆ въ рѣцѣ̀ кре́щшемꙋсѧ і҆ѻрда́нѣ, и҆ къ немꙋ̀ возопїи́мъ: цр҃ю̀ всѧ́кїѧ тва́ри, да́рꙋй на́мъ неѡсꙋжде́ннѡ чи́стою со́вѣстїю вѣ́рнѡ дости́гнꙋти твоѐ ст҃о́е и҆з̾ ме́ртвыхъ тридне́вное воста́нїе."
|
|
},
|
|
{
|
|
"type": "HEADER",
|
|
"value": "На стїхо́внѣ стїхи̑ры, гла́съ в҃."
|
|
},
|
|
{
|
|
"type": "TEXT",
|
|
"value": "Подо́бенъ: До́ме є҆ѵфра́ѳовъ:"
|
|
},
|
|
{
|
|
"type": "TEXT",
|
|
"value": "Сѐ цр҃ь, сѐ ча́ѧнїе і҆и҃лево прїи́де: лю́дїе, ра́дꙋйтесѧ, свѣ́тъ бо ꙗ҆влѧ́етсѧ."
|
|
},
|
|
{
|
|
"type": "TEXT",
|
|
"value": "Сті́хъ: Сегѡ̀ ра́ди помѧнꙋ́хъ тѧ̀ ѿ землѝ і҆ѻрда́нски и҆ є҆рмѡнїи́мски."
|
|
},
|
|
{
|
|
"type": "TEXT",
|
|
"value": "Оу҆зрѣ́сѧ сꙋ́щымъ на землѝ съ пло́тїю бжⷭ҇твенный ны́нѣ свѣ́тъ, сꙋ́щымъ во тмѣ̀ ꙗ҆ви́сѧ, и҆ всѣ̑мъ бл҃года́ть возсїѧ̀."
|
|
},
|
|
{
|
|
"type": "TEXT",
|
|
"value": "Сті́хъ: Ви́дѣша тѧ̀ во́ды, бж҃е, ви́дѣша тѧ̀ во́ды, и҆ ᲂу҆боѧ́шасѧ."
|
|
},
|
|
{
|
|
"type": "TEXT",
|
|
"value": "Свѣти́льниче свѣ́тꙋ, зарѐ сл҃нцꙋ, прⷣте́че сло́вꙋ, дрꙋ́же женихꙋ̀, прⷪ҇ро́че, послꙋжѝ."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, гла́съ и҃."
|
|
},
|
|
{
|
|
"type": "TEXT",
|
|
"value": "А҆нато́лїево: І҆ѡа́нне крⷭ҇ти́телю, во ᲂу҆тро́бѣ позна́вый мѧ̀ а҆́гнца, на рѣцѣ́ ми послꙋжѝ, со а҆́гг҃лы мѝ слꙋ́жбꙋ принесѝ: просте́ръ, косни́сѧ рꙋко́ю твое́ю верхꙋ̀ моемꙋ̀ пречⷭ҇томꙋ, и҆ є҆гда̀ ᲂу҆́зриши го́ры трепе́щꙋщыѧ, и҆ і҆ѻрда́нъ возвраща́ющсѧ, съ си́ми возопі́й: воплоти́выйсѧ ѿ дв҃ы въ на́ше спасе́нїе, гдⷭ҇и, сла́ва тебѣ̀."
|
|
},
|
|
{
|
|
"type": "TEXT",
|
|
"value": "По Бл҃го є҆́сть: Трист҃о́е. По Ѻ҆́ч҃е на́шъ:"
|
|
},
|
|
{
|
|
"type": "HEADER",
|
|
"value": "Тропа́рь. Та́же, є҆ктенїа̀, и҆ ѿпꙋ́стъ."
|
|
},
|
|
{
|
|
"type": "HEADER",
|
|
"value": "Ѡ҆ часѣ́хъ въ на́вечерїи ст҃ы́хъ бг҃оѧвле́нїй подоба́етъ вѣ́дати:"
|
|
},
|
|
{
|
|
"type": "HEADER",
|
|
"value": "(Зрѝ) А҆́ще ли прилꙋчи́тсѧ бг҃оѧвле́нїе въ недѣ́лю, и҆лѝ въ понедѣ́льникъ, часы̀ пое́мъ въ пѧто́къ, а҆ ꙗ҆ди́мъ два́жды дне́мъ: мона́хи сы́ръ и҆ ма́сло, а҆ мїрѧ́не мѧ́со. А҆́ще ли бг҃оѧвле́нїе во вто́рникъ, часы̀ пое́мъ въ понедѣ́льникъ. А҆́ще ли бг҃оѧвле́нїе въ сре́дꙋ, часы̀ пое́мъ во вто́рникъ. А҆́ще ли бг҃оѧвле́нїе въ четверто́къ, часы̀ пое́мъ въ сре́дꙋ. А҆́ще ли бг҃оѧвле́нїе въ пѧто́къ, часы̀ пое́мъ въ четверто́къ. Во всѧ̑ сїѧ̑ дни̑, ѿ понедѣ́льника, въ наве́чєрїѧ предъ бг҃оѧвле́нїемъ держи́мъ по́стъ, ника́коже сы́ра, ни ма́сла вкꙋша́емъ, но то́чїю штѝ съ со́комъ, да кꙋтїю̀."
|
|
}
|
|
] |