606 lines
46 KiB
JSON
606 lines
46 KiB
JSON
[
|
|
{
|
|
"type": "HEADER",
|
|
"value": "І҆аннꙋа́рїа ѳ҃"
|
|
},
|
|
{
|
|
"type": "HEADER",
|
|
"value": "Ст҃а́гѡ мꙋ́ченика полѷе́ѵкта."
|
|
},
|
|
{
|
|
"type": "HEADER",
|
|
"value": "Стїхи̑ры пра́здника, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Гдⷭ҇и, а҆́ще и҆ на сꙋди́щи:"
|
|
},
|
|
{
|
|
"type": "TEXT",
|
|
"value": "Гдⷭ҇и, а҆́ще и҆ і҆ѡа́ннꙋ предста́лъ є҆сѝ на і҆ѻрда́нѣ, ꙗ҆́кѡ чл҃вѣ́къ, но не ѿстꙋпи́лъ є҆сѝ ѿ прⷭ҇то́ла, со ѻ҆ц҃е́мъ сѣдѧ́й: и҆ кре́щсѧ на́съ ра́ди, мі́ръ свободи́лъ є҆сѝ ѿ рабо́ты чꙋжда́гѡ, ꙗ҆́кѡ ще́дръ и҆ чл҃вѣколю́бецъ."
|
|
},
|
|
{
|
|
"type": "TEXT",
|
|
"value": "Гдⷭ҇и, а҆́ще и҆ і҆ѻрда́нскими вода́ми ѡ҆бложи́лсѧ є҆сѝ, ꙗ҆́кѡ человѣ́къ, но свидѣ́тельствовалсѧ є҆сѝ свы́ше сни́тїемъ дх҃а, и҆ гла́съ ѻ҆ч҃ь сн҃а тѧ̀ свидѣ́тельствова: но ꙗ҆ви́сѧ, и҆ пода́ждь нетлѣ́нїе дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "Гдⷭ҇и, ты̀ ѿ ѻ҆ц҃а̀ пре́жде вѣкѡ́въ рожде́йсѧ непремѣ́нный, прише́лъ є҆сѝ въ послѣ̑днѧѧ лѣ̑та, и҆ зра́къ раба̀ прїѧ́лъ є҆сѝ, и҆ ѻ҆́бразъ тво́й ꙗ҆́кѡ зижди́тель ѡ҆бнови́лъ є҆сѝ: крести́всѧ бо дарова́лъ є҆сѝ нетлѣ́нїе дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "И҆́ны стїхи̑ры ст҃а́гѡ, гла́съ а҃."
|
|
},
|
|
{
|
|
"type": "TEXT",
|
|
"value": "Подо́бенъ: Нбⷭ҇ныхъ чинѡ́въ:"
|
|
},
|
|
{
|
|
"type": "TEXT",
|
|
"value": "Дв҃дски ꙗ҆́кѡ и҆з̾ ро́ва страсте́й, хрⷭ҇то́съ, и҆ ѿ бре́нїѧ тимѣ́нна, і҆́дѡльскїѧ ле́сти возведе́ тѧ, мч҃ниче: поста́ви бо на ка́мени но́ги твоѧ̑, и҆ своегѡ̀ позна́нїѧ та́инственнѡ, є҆го́же молѝ спасти́сѧ на́мъ."
|
|
},
|
|
{
|
|
"type": "TEXT",
|
|
"value": "Нижѐ сопрꙋ́жницы твоеѧ̀ жела́нїе, ни ча̑дъ любле́нїе, нижѐ твоѐ досто́инство, нижѐ бога́тство стѧжа́нїй и҆ и҆мѣ́нїй, твоѐ крѣ́пкое дꙋшѝ поколеба́ша ѿ вѣ́ры и҆́стинныѧ сꙋ́щїѧ во хрⷭ҇та̀, всебл҃же́нне полѷе́ѵкте."
|
|
},
|
|
{
|
|
"type": "TEXT",
|
|
"value": "И҆ пре́жде благода́ти, мꙋ́чениче, твоегѡ̀ страда́нїѧ, пра́вды дѣ́лы вои́стиннꙋ ᲂу҆краси́лсѧ є҆сѝ: тѣ́мже по си́хъ свидѣ́тель вѣ́ренъ сподо́билсѧ є҆сѝ бы́ти хрⷭ҇то́въ, твое́ю кро́вїю крⷭ҇ти́всѧ въ сме́рть є҆гѡ̀ благоче́стнѡ."
|
|
},
|
|
{
|
|
"type": "HEADER",
|
|
"value": "Сла́ва, гла́съ а҃."
|
|
},
|
|
{
|
|
"type": "TEXT",
|
|
"value": "Вѷзанті́ево: А҆́гг҃льскаѧ вѡ́инства дне́сь ликꙋ́ютъ въ па́мѧти мꙋ́ченика полѷе́ѵкта, и҆ человѣ́ческїй ро́дъ вѣ́рнѡ торжествꙋ́етъ, и҆ ра́достнѡ вопїе́тъ: ра́дꙋйсѧ, всехва́льне, и҆́же многоплете́ннагѡ велїа́ра ловлє́нїѧ побѣди́вый, и҆ побѣ́ды вѣнце́мъ ѿ хрⷭ҇та̀ вѣнча́выйсѧ. Ра́дꙋйсѧ, во́ине вели́кагѡ цр҃ѧ̀ и҆ сп҃са на́шегѡ, трє́бища і҆́дѡльскаѧ разори́вый. Ра́дꙋйсѧ, мꙋ́ченикѡвъ ᲂу҆добре́нїе. Молѝ и҆зба́вити ѿ всѧ́кагѡ преще́нїѧ, вѣ́рою соверша́ющыѧ присночестнꙋ́ю па́мѧть твою̀."
|
|
},
|
|
{
|
|
"type": "HEADER",
|
|
"value": "И҆ ны́нѣ, гла́съ в҃:"
|
|
},
|
|
{
|
|
"type": "TEXT",
|
|
"value": "Дне́сь нб҃сѐ и҆ землѝ творе́цъ прихо́дитъ пло́тїю на і҆ѻрда́нъ, креще́нїѧ просѧ̀ безгрѣ́шный, да ѡ҆чи́ститъ мі́ръ ѿ ле́сти вра́жїѧ, и҆ креща́етсѧ ѿ раба̀ влⷣка всѧ́ческихъ, и҆ ѡ҆чище́нїе водо́ю ро́дꙋ человѣ́ческомꙋ да́рꙋетъ. Томꙋ̀ возопїи́мъ: ꙗ҆вле́йсѧ бж҃е на́шъ, сла́ва тебѣ̀."
|
|
},
|
|
{
|
|
"type": "HEADER",
|
|
"value": "На стїхо́внѣ стїхи̑ры, гла́съ ѕ҃."
|
|
},
|
|
{
|
|
"type": "TEXT",
|
|
"value": "Подо́бенъ: Тридне́венъ:"
|
|
},
|
|
{
|
|
"type": "TEXT",
|
|
"value": "Предста́лъ є҆сѝ на вода́хъ всѣ̑мъ непостижи́мый, предте́чи преклони́лъ є҆сѝ главꙋ̀: мі́ръ ѡ҆свѧти́въ, рабо́ты и҆зба́вилъ є҆сѝ креще́нїемъ твои́мъ, безгрѣ́шне."
|
|
},
|
|
{
|
|
"type": "TEXT",
|
|
"value": "Сті́хъ: Мо́ре ви́дѣ и҆ побѣжѐ, і҆ѻрда́нъ возврати́сѧ вспѧ́ть."
|
|
},
|
|
{
|
|
"type": "TEXT",
|
|
"value": "Сн҃а возлю́бленна ѻ҆ц҃ъ ѿ вы́шнихъ дре́вле, и҆ дх҃ъ свидѣ́тельствова, хрⷭ҇тѐ: и҆́мже трⷪ҇ческое та́инство позна́сѧ во і҆ѻрда́нѣ кре́щшꙋсѧ тебѣ̀."
|
|
},
|
|
{
|
|
"type": "TEXT",
|
|
"value": "Сті́хъ: Что́ ти є҆́сть, мо́ре, ꙗ҆́кѡ побѣ́гло є҆сѝ, и҆ тебѣ̀, і҆ѻрда́не, ꙗ҆́кѡ возврати́лсѧ є҆сѝ вспѧ́ть."
|
|
},
|
|
{
|
|
"type": "TEXT",
|
|
"value": "Ѡ҆свѧти́лъ є҆сѝ во́ды, сп҃се, і҆ѻрда̑нскїѧ всѧ̑, и҆ є҆стество̀ водно́е, ꙗ҆́кѡ бг҃ъ. Тѣ́мже и҆ сла́витъ ꙗ҆вле́нїе твоѐ ро́дъ человѣ́ческїй и҆ воспѣва́етъ."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, гла́съ д҃."
|
|
},
|
|
{
|
|
"type": "TEXT",
|
|
"value": "Космы̀ мона́ха: Ѡ҆дѣва́ѧйсѧ свѣ́томъ ꙗ҆́кѡ ри́зою, на́съ ра́ди по на́мъ бы́ти сподо́билсѧ є҆́сть, во стрꙋи̑ ѡ҆дѣва́етсѧ дне́сь і҆ѻрда̑нскїѧ: не са́мъ си́хъ ко ѡ҆чище́нїю тре́бꙋѧ, но на́мъ собо́ю ᲂу҆строѧ́ѧй порожде́нїе. Ѽ чꙋдесѐ! Без̾ ѻ҆гнѧ̀ и҆зварѧ́етъ, и҆ назида́етъ без̾ сокрꙋше́нїѧ, и҆ спаса́етъ въ него̀ просвѣща́ємыѧ хрⷭ҇то́съ бг҃ъ и҆ сп҃съ дꙋ́шъ на́шихъ."
|
|
},
|
|
{
|
|
"type": "HEADER",
|
|
"value": "Тропа́рь гла́съ д҃:"
|
|
},
|
|
{
|
|
"type": "TEXT",
|
|
"value": "Мꙋ́ченикъ тво́й, гдⷭ҇и, полѷе́ѵктъ, во страда́нїи свое́мъ вѣне́цъ прїѧ́тъ нетлѣ́нный ѿ тебє̀ бг҃а на́шегѡ: и҆мѣ́ѧй бо крѣ́пость твою̀, мꙋчи́телей низложѝ, сокрꙋшѝ и҆ де́мѡнѡвъ немощны̑ѧ де́рзѡсти. Тогѡ̀ мл҃твами спасѝ дꙋ́шы на́шѧ."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, тропа́рь пра́здника, гла́съ а҃:"
|
|
},
|
|
{
|
|
"type": "TEXT",
|
|
"value": "Во і҆ѻрда́нѣ креща́ющꙋсѧ тебѣ̀, гдⷭ҇и, трⷪ҇ческое ꙗ҆ви́сѧ поклоне́нїе: роди́телевъ бо гла́съ свидѣ́тельствоваше тебѣ̀, возлю́бленнаго тѧ̀ сн҃а и҆менꙋ́ѧ, и҆ дх҃ъ въ ви́дѣ голꙋби́нѣ, и҆звѣ́ствоваше словесѐ ᲂу҆твержде́нїе. Ꙗ҆вле́йсѧ хрⷭ҇тѐ бж҃е, и҆ мі́ръ просвѣще́й, сла́ва тебѣ̀."
|
|
},
|
|
{
|
|
"type": "HEADER",
|
|
"value": "На ᲂу҆́трени. По а҃-й стїхоло́гїи, сѣда́ленъ, гла́съ д҃:"
|
|
},
|
|
{
|
|
"type": "TEXT",
|
|
"value": "Подо́бенъ: Вознесы́йсѧ:"
|
|
},
|
|
{
|
|
"type": "TEXT",
|
|
"value": "Щедро́тами твои́ми, бж҃е, ᲂу҆моле́нъ, заблꙋ́ждшее и҆ поги́бшее взыска́лъ є҆сѝ, за милосе́рдїе ми́лости твоеѧ̀, чл҃вѣколю́бче. Тѣ́мже прише́лъ є҆сѝ на і҆ѻрда́нъ, сказа́въ та́инство ст҃ы́ѧ трⷪ҇цы. И҆ воспѣва́юще зове́мъ вѣ́рнѡ: прише́лъ є҆сѝ, и҆ ꙗ҆ви́лсѧ є҆сѝ, свѣ́тъ непристꙋ́пный."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, то́йже."
|
|
},
|
|
{
|
|
"type": "HEADER",
|
|
"value": "По в҃-й стїхоло́гїи, сѣда́ленъ, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Свирѣ́лей па́стырскихъ:"
|
|
},
|
|
{
|
|
"type": "TEXT",
|
|
"value": "Ꙗ҆ви́сѧ на́мъ всѣ́хъ влⷣка во стрꙋѧ́хъ та́инственнѡ і҆ѻрда́нскихъ, ѡ҆чи́стити всѧ́къ грѣ́хъ ꙗ҆́кѡ ми́лостивъ и҆ пребл҃гъ. Всѧ̀ тва́рь да и҆гра́етъ, ꙗ҆́кѡ креща́етсѧ хрⷭ҇то́съ гдⷭ҇ь, бл҃говоли́вый спастѝ ꙗ҆́кѡ бг҃ъ ро́дъ человѣ́ческїй."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, то́йже."
|
|
},
|
|
{
|
|
"type": "HEADER",
|
|
"value": "Канѡ́нъ пра́здника со і҆рмосо́мъ, на и҃: и҆ ст҃а́гѡ на д҃."
|
|
},
|
|
{
|
|
"type": "HEADER",
|
|
"value": "Канѡ́нъ пра́здника. Гла́съ в҃."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ше́ствꙋетъ морскꙋ́ю волнѧ́щꙋюсѧ бꙋ́рю, сꙋ́шꙋ а҆́бїе і҆и҃ль ꙗ҆́вльшꙋюсѧ: че́рмный же по́нтъ трїста́ты є҆гѵ́пєтскїѧ покры̀ кꙋ́пнѡ, водостла́ненъ гро́бъ, си́лою крѣ́пкою десни́цы влⷣчни."
|
|
},
|
|
{
|
|
"type": "TEXT",
|
|
"value": "Оу҆́трꙋ ꙗ҆́вльшꙋсѧ человѣ́кѡмъ свѣтоно́снꙋ, ны́нѣ и҆з̾ пꙋсты́ни къ вода́мъ і҆ѻрда̑нскимъ, цр҃ю̀, преклони́лъ є҆сѝ со́лнца твою̀ вы́ю, ли́ка мра́чна родонача́льника и҆схи́тити, скве́рны же всѧ́кїѧ ѡ҆чи́стити тва́рь."
|
|
},
|
|
{
|
|
"type": "TEXT",
|
|
"value": "Безнача́льне, стрꙋѧ́мъ спогре́бшасѧ тебѣ̀, сло́ве, но́ваго прево́диши, и҆стлѣ́вшаго ле́стїю сего̀, несказа́ннѡ ѿ ѻ҆ц҃а̀ прїе́мъ гла́съ держа́венъ: се́й возлю́бленный, ра́венъ же мѝ є҆́сть ѻ҆́трокъ є҆стество́мъ."
|
|
},
|
|
{
|
|
"type": "HEADER",
|
|
"value": "Канѡ́нъ ст҃а́гѡ, ѳеофа́ново, гла́съ и҃, є҆гѡ́же краегране́сїе:"
|
|
},
|
|
{
|
|
"type": "TEXT",
|
|
"value": "Твою̀ пода́ждь мѝ, мꙋ́чениче, моли́твеннꙋю бл҃года́ть."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Посѣ́ченый несѣко́маго пресѣчѐ, и҆ ви́дѣ со́лнце зе́млю, ю҆́же не ви́дѣ: лю́таго врага̀ вода̀ потопѝ, и҆ непроходи́мое про́йде і҆и҃ль: пѣ́снь же воспѣва́шесѧ: гдⷭ҇еви пои́мъ, сла́внѡ бо просла́висѧ."
|
|
},
|
|
{
|
|
"type": "TEXT",
|
|
"value": "Многожела́нныѧ пи́щи насыща́емь, и҆ бл҃же́нныѧ зарѝ, сла́вне, и҆сполнѧ́емь, и҆ а҆́гг҃льскагѡ ли́ка ᲂу҆достоѧ́емь, тво́й благохва́лѧщыѧ пра́здникъ, полѷе́ѵкте, спаса́й, гдⷭ҇ꙋ пою́щыѧ: сла́внѡ бо просла́висѧ."
|
|
},
|
|
{
|
|
"type": "TEXT",
|
|
"value": "Свѣтоно́снаѧ и҆ благознамени́таѧ па́мѧть твоѧ̀, свѣ́та бжⷭ҇твеннѣйшагѡ полна̀ возсїѧ̀, просвѣща́ющаѧ свѣ́тлѡ вѣ́рою воспѣва́ющыѧ тѧ̀, до́блїй во́ине хрⷭ҇то́въ полѷе́ѵкте всебл҃же́нне, гдⷭ҇ꙋ пою́щыѧ: сла́внѡ бо просла́висѧ."
|
|
},
|
|
{
|
|
"type": "TEXT",
|
|
"value": "Вжилѧ́емь крѣ́постїю дх҃а, и҆ бжⷭ҇твенною си́лою, бл҃же́нне, ѡ҆дѣ́ѧвсѧ, и҆зше́лъ є҆сѝ тве́рдѡ къ боре́нїю го́рдагѡ, и҆ сего̀ крѣ́пкѡ низложи́въ, ᲂу҆се́рднѡ взыва́лъ є҆сѝ: гдⷭ҇ꙋ воспои́мъ, сла́внѡ бо просла́висѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Воплоще́ннаго, пе́рвѣе безпло́тнаго, дв҃о бцⷣе, родила̀ є҆сѝ, всенепоро́чнаѧ и҆ всечⷭ҇таѧ, ꙗ҆́вѣ дв҃а пребы́вши, бога́тствомъ благоꙋтро́бїѧ на́съ ра́ди ѡ҆бнища́вшаго, и҆ спа́сшаго томꙋ̀ зовꙋ́щыѧ: сла́внѡ бо просла́висѧ."
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "TEXT",
|
|
"value": "І҆рмо́съ: Є҆ли́цы дре́внихъ и҆зрѣши́хомсѧ сѣ́тей, бра́шенъ львѡ́въ сотре́нныхъ члено́вными, ра́дꙋимсѧ и҆ разшири́мъ ᲂу҆ста̀, сло́во плетꙋ́ще ѿ слове́съ сладкопѣ́нїѧ, и҆́мже къ на́мъ наслажда́етсѧ дарова́нїй."
|
|
},
|
|
{
|
|
"type": "TEXT",
|
|
"value": "Оу҆мерщвле́нїе пе́рвѣе насади́вый тва́ри, ѕвѣ́рѧ ѕлодѣ́йственнагѡ воѡбра́жсѧ въ є҆стество̀, ѡ҆мрача́етсѧ плотски́мъ прише́ствїемъ, ᲂу҆́трꙋ ꙗ҆́вльшꙋсѧ, прирази́всѧ влⷣцѣ, сокрꙋши́ти свою̀ вражде́бнꙋю главꙋ̀."
|
|
},
|
|
{
|
|
"type": "TEXT",
|
|
"value": "Влече́тъ къ себѣ̀ бг҃озда́нное є҆стество̀ ᲂу҆тро́бы мꙋчи́телѧ, погребе́нное предѣ̑лы: ражда́етсѧ па́ки земноро́дныхъ ѡ҆бновле́нїе, дѣ́ло держа́вно соверша́ѧ влⷣка: прїи́де бо, то́е ѡ҆чи́стити хотѧ̀."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Ты̀ є҆сѝ ᲂу҆твержде́нїе притека́ющихъ къ тебѣ̀, гдⷭ҇и, ты̀ є҆сѝ свѣ́тъ ѡ҆мраче́нныхъ, и҆ пое́тъ тѧ̀ дꙋ́хъ мо́й."
|
|
},
|
|
{
|
|
"type": "TEXT",
|
|
"value": "И҆змѣни́лъ є҆сѝ мꙋдрова́нїе къ бл҃гоче́стїю, свы́ше сподо́бивсѧ бжⷭ҇твеннагѡ зрѣ́нїѧ сп҃сова, полѷе́ѵкте."
|
|
},
|
|
{
|
|
"type": "TEXT",
|
|
"value": "Побѣ́ды жела́ѧй, всѧ̑ ѡ҆плева́лъ є҆сѝ, сла́вне, ꙗ҆̀же на землѝ, и҆ нбⷭ҇нагѡ наслѣ́дїѧ сподо́билсѧ є҆сѝ."
|
|
},
|
|
{
|
|
"type": "TEXT",
|
|
"value": "Сла́вы жела́ѧ, ꙗ҆́же па́че ᲂу҆ма̀, ᲂу҆стреми́лсѧ є҆сѝ терпѣли́внѡ, и҆ і҆́дѡльское безсла́вїе низложи́лъ є҆сѝ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Напра́ви моѧ̑, влⷣчце, стѡпы̀, да къ твоемꙋ̀ сн҃ꙋ похва́льнымъ жи́тельствомъ пойдꙋ̀."
|
|
},
|
|
{
|
|
"type": "HEADER",
|
|
"value": "Конда́къ, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Ꙗ҆ви́лсѧ є҆сѝ дне́сь:"
|
|
},
|
|
{
|
|
"type": "TEXT",
|
|
"value": "Сп҃сꙋ прикло́ншꙋ во і҆ѻрда́нѣ главꙋ̀, сокрꙋши́шасѧ ѕмїє́въ главы̑: полѷе́ѵктова же глава̀ ѿсѣ́кшаѧсѧ льсти́ваго посрамѝ."
|
|
},
|
|
{
|
|
"type": "TEXT",
|
|
"value": "І҆́косъ: Во і҆ѻрда́нѣ рѣцѣ̀ зижди́тель всѧ́ческихъ главꙋ̀ преклони́въ, креще́нїе прїе́млетъ, и҆ ѕмїє́въ главы̑ неви́димѡ сокрꙋши́въ, си́лꙋ подадѐ человѣ́кѡмъ на велемꙋ́дреннаго, пе́рвѣе въ раѝ запе́ншаго а҆да́мꙋ снѣ́дїю дре́ва, и҆ сме́рть нане́сшаго є҆мꙋ̀ без̾ наде́жды. Тѣ́мже страда́лецъ ны́нѣ полѷе́ѵктъ ласка́ньми жены̀ не преклони́всѧ, пострада̀ тве́рдѡ, просте́ръ главꙋ̀, є҆́йже ѿсѣ́кшейсѧ, льсти́ваго посрамѝ."
|
|
},
|
|
{
|
|
"type": "HEADER",
|
|
"value": "Сѣда́ленъ, гла́съ є҃."
|
|
},
|
|
{
|
|
"type": "TEXT",
|
|
"value": "Подо́бенъ: Собезнача́льное:"
|
|
},
|
|
{
|
|
"type": "TEXT",
|
|
"value": "Ꙗ҆́кѡ до́бръ во́инъ хрⷭ҇та̀, всѣ́хъ бг҃а, бл҃года́тїю сегѡ̀ ᲂу҆крѣплѧ́емь, всего̀ преложи́лъ є҆сѝ себѐ, въ любо́вь є҆гѡ̀, неа́рхомъ вѣ́рнымъ во́иномъ, и҆́же съ тобо́ю, мꙋ́дре. Тѣ́мже зако́ннѡ пострада́въ, досто́йнѡ вѣнча́лсѧ є҆сѝ ѿ гдⷭ҇а, мꙋ́чениче полѷе́ѵкте."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, пра́здника:"
|
|
},
|
|
{
|
|
"type": "TEXT",
|
|
"value": "І҆ѻрда́нскими стрꙋѧ́ми ѡ҆бло́жсѧ, и҆́же свѣ́томъ пресла́внѡ ѡ҆дѣва́ѧйсѧ, въ ни́хже а҆да́мово є҆стество̀ ѡ҆бнови́лъ є҆сѝ, сокрꙋ́шшеесѧ ѕлы́мъ преслꙋша́нїемъ, сло́ве бж҃їй. Тѣ́мже тѧ̀ восхвалѧ́емъ, и҆ ст҃о́е твоѐ всѝ славосло́вимъ ꙗ҆вле́нїе."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ѻ҆гне́мъ ѡ҆чи́щсѧ та́йнагѡ зрѣ́нїѧ, поѧ̀ прⷪ҇ро́къ человѣ́кѡвъ новодѣ́йство, возглаша́етъ гла́съ, дх҃омъ пле́щꙋщь, воплоще́нїе ꙗ҆влѧ́ющь неизрече́нна сло́ва, и҆́мже си́льныхъ держа̑вы сотро́шасѧ."
|
|
},
|
|
{
|
|
"type": "TEXT",
|
|
"value": "По́сланъ ѿ ѻ҆ц҃а̀ всесвѣ́тлое сло́во, но́щи ѿгна́ти ѕломра́чное стремле́нїе, и҆ и҆скорени́ти грѧде́ши человѣ́кѡвъ грѣхѝ, сы́ны же привлещѝ твои́мъ креще́нїемъ, бл҃же свѣ́тлый, ѿ стрꙋ́й і҆ѻрда́нскихъ."
|
|
},
|
|
{
|
|
"type": "TEXT",
|
|
"value": "Са́мое прови́дѣвъ нарече́нное сло́во, ꙗ҆́снѡ проповѣ́дникъ вопїе́тъ тва́ри: се́й пре́жде менє̀, вторы́й пло́тїю, соѻбра́зенъ просїѧ̀ бжⷭ҇твенною си́лою, вражде́бный на́шъ ѿѧ́ти грѣ́хъ."
|
|
},
|
|
{
|
|
"type": "TEXT",
|
|
"value": "Па́жить ᲂу҆ себє̀ животво́рнꙋ носѧ̀, ᲂу҆ловлѧ́етъ ѕмїє́въ гнѣ́здамъ натека́ѧ мно́гими сѣтьмѝ, низлага́ѧ бг҃ъ сло́во: запина́етъ же ᲂу҆ѧзви́вшаго всемі́рный ро́дъ, сего̀ потре́бль, и҆збавлѧ́етъ тва́рь."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Ты̀ моѧ̀ крѣ́пость, гдⷭ҇и, ты̀ моѧ̀ и҆ си́ла, ты̀ мо́й бг҃ъ, ты̀ моѐ ра́дованїе, не ѡ҆ста́вль нѣ́дра ѻ҆́ч҃а, и҆ на́шꙋ нищетꙋ̀ посѣти́въ. Тѣ́мъ съ прⷪ҇ро́комъ а҆ввакꙋ́момъ зовꙋ́ ти: си́лѣ твое́й сла́ва, чл҃вѣколю́бче."
|
|
},
|
|
{
|
|
"type": "TEXT",
|
|
"value": "Благочести́вымъ и҆сповѣ́данїемъ, всеизрѧ́дне, влⷣцѣ са́мъ себѐ приве́лъ є҆сѝ, є҆́же за того̀, сла́вне, заколе́нїе любо́вїю прїе́мъ, и҆ поро́ка всѧ́кагѡ свобо́денъ бы́въ. Ѿсю́дꙋ сп҃сꙋ взыва́еши: си́лѣ твое́й сла́ва, чл҃вѣколю́бче."
|
|
},
|
|
{
|
|
"type": "TEXT",
|
|
"value": "Сла́дость бл҃гоче́стїѧ ᲂу҆слади́сѧ тебѣ̀, впери́лсѧ є҆сѝ бжⷭ҇твенною любо́вїю: чи́стымъ и҆ свѣ́тлымъ жела́нїемъ ᲂу҆ѧ́звенъ, и҆ любо́вїю распалѧ́емь вы́шнѧгѡ црⷭ҇твїѧ, пѣснопое́ши влⷣцѣ: си́лѣ твое́й сла́ва, чл҃вѣколю́бче."
|
|
},
|
|
{
|
|
"type": "TEXT",
|
|
"value": "Преесте́ственнымъ є҆диномꙋ́дрїемъ свѧза́всѧ неа́рхꙋ, сегѡ́ же глаго́лы ѡ҆гласи́всѧ ко бл҃гочести́вѣй вѣ́рѣ трⷪ҇честѣй, бг҃омꙋ́дре мꙋ́чениче полѷе́ѵкте: вои́стиннꙋ многожела́нныѧ и҆ любе́зныѧ сподо́билсѧ є҆сѝ мꙋ́ченикѡвъ свѣ́тлости."
|
|
},
|
|
{
|
|
"type": "TEXT",
|
|
"value": "Мꙋ́ченичєскимъ сочи́сливсѧ во́инствѡмъ, црⷭ҇тво прїѧ́лъ є҆сѝ недви́жимое, новозакла́всѧ въ сїѐ вше́лъ є҆сѝ, є҆щѐ кро́вемъ ка́плющымъ: взѧ́лсѧ же є҆сѝ, премꙋ́дре, въ ра́дость непремѣ́ннꙋю, и҆ свѣ́тъ невече́рнїй, и҆ вели̑кїѧ сла̑вы полꙋчи́въ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Оу҆подо́бивсѧ сꙋ́щымъ на землѝ нбⷭ҇ный, нбⷭ҇ныѧ сїѧ̑ содѣ́ла, и҆ пострада́въ є҆стество́мъ стра́стнымъ, бж҃е́ственнагѡ безстра́стїѧ прича́стїе дарова̀: сего̀ ᲂу҆́бѡ ро́ждшꙋю неискꙋсобра́чнꙋю ѻ҆трокови́цꙋ бцⷣꙋ вѣ́дꙋще сла́вимъ."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "TEXT",
|
|
"value": "І҆рмо́съ: Врага̀ те́мнагѡ и҆ ѡ҆скверне́ннагѡ ꙗ҆́да ѡ҆чище́нїемъ дх҃а и҆змове́ни, къ но́вой приста́хомъ небла́зненной стезѝ, водѧ́щей въ непристꙋ́пнꙋю ра́дость, є҆ди́нѣмъ пристꙋ́пнꙋ, и҆̀мже бг҃ъ примири́сѧ."
|
|
},
|
|
{
|
|
"type": "TEXT",
|
|
"value": "Ви́дѣвъ зижди́тель, во мра́цѣ прегрѣше́нїй плени́цами неизбѣ́жными, є҆го́же воѡбразѝ пє́рсты, поставлѧ́етъ на ѻ҆бою̀ ра̑мꙋ воздви́гъ горѣ̀, ны́нѣ во многотекꙋ́щихъ вода́хъ ѡ҆мыва́ѧ стꙋда̀ дре́внѧгѡ, а҆да́мова ѕла́гѡ нра́ва."
|
|
},
|
|
{
|
|
"type": "TEXT",
|
|
"value": "Со бл҃гоче́стїемъ притеце́мъ прилѣ́жнѡ ко и҆сто́чникѡмъ пречи̑стымъ тече́нїѧ спаси́тельнагѡ. Сло́во ᲂу҆смотрѧ́юще ѿ нетлѣ́нныѧ, почерпа̑ла приносѧ́ще жа́жди бж҃е́ственныѧ, мі́ра сла́достнѣ и҆сцѣлѧ́ѧ недꙋ́гъ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Вскꙋ́ю мѧ̀ ѿри́нꙋлъ є҆сѝ ѿ лица̀ твоегѡ̀, свѣ́те незаходи́мый, и҆ покры́ла мѧ̀ є҆́сть чꙋжда́ѧ тма̀ ѻ҆каѧ́ннаго, но ѡ҆брати́ мѧ, и҆ къ свѣ́тꙋ за́повѣдей твои́хъ пꙋти̑ моѧ̑ напра́ви, молю́сѧ."
|
|
},
|
|
{
|
|
"type": "TEXT",
|
|
"value": "Да присносꙋ́щное полꙋчи́ши наслажде́нїе, бл҃же́ннѣйше, кра̑снаѧ житїѧ̀, и҆ є҆стества̀ сво́йство, и҆ сла́дость, и҆ сла́вꙋ, и҆ жи́знь са́мꙋю презрѣ́лъ є҆сѝ, и҆ наде́жды твоеѧ̀ не погрѣши́лъ є҆сѝ."
|
|
},
|
|
{
|
|
"type": "TEXT",
|
|
"value": "Тайнонаꙋче́нъ бы́въ бжⷭ҇твеннагѡ ѻ҆́браза бжⷭ҇твєннымъ та́йнамъ, тве́рдымъ ᲂу҆мо́мъ къ совершє́ннымъ подвигѡ́мъ ѿлꙋчи́лсѧ є҆сѝ: и҆ побѣдоно́сецъ ꙗ҆́вльсѧ, нетлѣ́нныхъ сподо́билсѧ є҆сѝ вѣнцє́въ, полѷе́ѵкте."
|
|
},
|
|
{
|
|
"type": "TEXT",
|
|
"value": "Безбо́жнѣйшꙋю че́сть, є҆стество́мъ ненавистоѕло́бное и҆мѣ́ѧ мꙋдрова́нїе, благоче́стнѡ ѿри́нꙋлъ є҆сѝ, и҆ бо́ги сꙋ́єтныѧ низве́рглъ є҆сѝ, благоче́стїѧ ре́вностїю разже́гсѧ, и҆ ᲂу҆се́рдїѧ бг҃одохнове́ннагѡ и҆спо́лнивсѧ, пресла́вне."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Рече́нїю твои́хъ ᲂу҆сте́нъ, пречⷭ҇таѧ, послѣ́дꙋюще, тѧ̀ ᲂу҆бл҃жа́емъ: съ тобо́ю бо вои́стиннꙋ вели̑чїѧ сотвори́въ гдⷭ҇ь, возвели́чи тѧ̀, и҆́стиннꙋю бж҃їю мт҃рь, ро́ждсѧ и҆зъ ᲂу҆тро́бы твоеѧ̀, показа̀."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Вожделѣ́ннагѡ ꙗ҆́вствова со всебл҃же́ннымъ гла́сомъ ѻ҆ц҃ъ, є҆го́же и҆зъ чре́ва ѿры́гнꙋ: є҆́й, глаго́летъ, се́й соесте́ственъ сн҃ъ сы́й свѣтоза́ренъ, произни́че и҆зъ человѣ́ча ро́да: сло́во же моѐ жи́во, и҆ чл҃вѣ́къ промышле́нїемъ."
|
|
},
|
|
{
|
|
"type": "TEXT",
|
|
"value": "Ѿ глꙋби́ннагѡ льва̀, тревече́рнїй стра́ннѣ прⷪ҇ро́къ во внꙋ́треннихъ валѧ́ѧсѧ, а҆́бїе произы́де, пакибытїѧ̀ спасе́нїе, ѿ ѕмі́ѧ человѣкоꙋбі́йцы, всѣ̑мъ пред̾ѧвлѧ́ѧ въ послѣ̑днѧѧ лѣ̑та."
|
|
},
|
|
{
|
|
"type": "TEXT",
|
|
"value": "Ѿве́рстꙋ нб҃ꙋ всесвѣ́тлыхъ писа́нїй, ᲂу҆чени́къ зри́тъ ѿ ѻ҆ц҃а̀ посыла́емь: пребыва́ющъ же дх҃ъ на пречи́стѣмъ сло́вѣ наше́дъ, ꙗ҆́кѡ го́лꙋбь, неизрече́ннымъ ѻ҆́бразомъ, лю́демъ же ꙗ҆влѧ́етсѧ, прише́дшымъ ко влⷣцѣ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Бе́здна грѣхѡ́въ, и҆ прегрѣше́нїй бꙋ́рѧ мѧ̀ смꙋща́етъ, и҆ во глꙋбинꙋ̀ нꙋ́жднагѡ рѣ́етъ мѧ̀ ѿча́ѧнїѧ: но твою̀ крѣ́пкꙋю рꙋ́кꙋ мнѣ̀ прострѝ, ꙗ҆́кѡ петро́ви, ѽ ᲂу҆пра́вителю! И҆ спасѝ."
|
|
},
|
|
{
|
|
"type": "TEXT",
|
|
"value": "Чи́на а҆́гг҃льскагѡ ᲂу҆досто́илсѧ є҆сѝ, досточꙋ́дне мꙋ́чениче, а҆́гг҃льскꙋю ре́вность ꙗ҆́вѣ показа́въ: съ ни́ми ᲂу҆́бѡ прилѣ́жнѡ, бл҃же́нне, молѝ, и҆зба́витисѧ ѿ напа́стей воспѣва́ющымъ тѧ̀."
|
|
},
|
|
{
|
|
"type": "TEXT",
|
|
"value": "Оу҆снꙋ́лъ є҆сѝ любе́знѣ, страда́льче, до́лжнымъ сно́мъ, ѿсѣ́кшейсѧ главѣ̀ мече́мъ, многострада́льне: и҆ ны́нѣ на нб҃сѣ́хъ жре́бїй нетлѣ́ненъ наслѣ́довалъ є҆сѝ, съ мꙋ́чєники водворѧ́ѧсѧ."
|
|
},
|
|
{
|
|
"type": "TEXT",
|
|
"value": "Соѻбра́зенъ и҆ ѻ҆́бщникъ страда́нїй сп҃са бы́лъ є҆сѝ, на́съ ра́ди стрⷭ҇ть кре́стнꙋю под̾е́мшагѡ: и҆ ны́нѣ, бл҃же́нне, съ ни́мъ, ꙗ҆́коже ѡ҆бѣща̀, црⷭ҇твꙋеши во вѣ́къ безконе́чный."
|
|
},
|
|
{
|
|
"type": "TEXT",
|
|
"value": "Бг҃оро́диченъ: И҆мꙋ́щи милосе́рдїе, ꙗ҆́кѡ ро́ждши чл҃вѣколю́бное сло́во, спаси́ ны нꙋ́жднагѡ и҆ лю́тагѡ ѡ҆бстоѧ́нїѧ: тѧ́ бо є҆ди́нꙋ, вѣ́рнїи, всечⷭ҇таѧ влⷣчце, предста́тельницꙋ непобѣди́мꙋ стѧжа́хомъ."
|
|
},
|
|
{
|
|
"type": "HEADER",
|
|
"value": "Конда́къ, гла́съ д҃:"
|
|
},
|
|
{
|
|
"type": "TEXT",
|
|
"value": "Ꙗ҆ви́лсѧ є҆сѝ дне́сь вселе́ннѣй, и҆ свѣ́тъ тво́й, гдⷭ҇и, зна́менасѧ на на́съ, въ ра́зꙋмѣ пою́щихъ тѧ̀: прише́лъ є҆сѝ, и҆ ꙗ҆ви́лсѧ є҆сѝ, свѣ́тъ непристꙋ́пный."
|
|
},
|
|
{
|
|
"type": "TEXT",
|
|
"value": "І҆́косъ: Галїле́и ꙗ҆зы́честѣй, завꙋлѡ́нстѣй странѣ̀, и҆ нефѳали́мстѣй землѝ, ꙗ҆́коже речѐ прⷪ҇ро́къ, свѣ́тъ вели́къ возсїѧ̀ хрⷭ҇то́съ. Ѡ҆мрачє́ннымъ свѣтла̀ ꙗ҆ви́сѧ зарѧ̀, и҆з̾ виѳлее́ма ѡ҆блиста́ющаѧ, па́че же и҆зъ мр҃і́и гдⷭ҇ь, все́й вселе́ннѣй возсїѧва́етъ лꙋчы̀ сл҃нце пра́вды. Тѣ́мже, и҆̀же ѿ а҆да́ма, назі́и прїиди́те всѝ, ѡ҆блече́мсѧ въ него̀, да согрѣ́емсѧ: покрыва́етъ бо нагі̑ѧ, и҆ просвѣща́етъ тє́мныѧ: прише́лъ є҆сѝ, и҆ ꙗ҆ви́лсѧ є҆сѝ, свѣ́тъ непристꙋ́пный."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ѡ҆палѝ стрꙋе́ю ѕмі́євы главы̑ пе́щный высо́кїй пла́мень, ю҆́ношы носѧ́щъ бл҃гочести̑выѧ, ᲂу҆ти́шивый неꙋдободержи́мꙋю мглꙋ̀ и҆з̾ грѣха̀, всю́ же ѡ҆мыва́етъ росо́ю дх҃а."
|
|
},
|
|
{
|
|
"type": "TEXT",
|
|
"value": "Тебѐ живописꙋ́ющїй а҆ссѷрі́йскїй пла́мень ᲂу҆жа́сенъ поставлѧ́еши, въ ро́сꙋ преведе́нъ. Тѣ́мже вода̀ ны́нѣ, ꙗ҆́коже пла́мень, ѡ҆дѣва́ѧй вре́днꙋю ѕло́бꙋ, хрⷭ҇тѐ, прикрове́ннꙋю ѡ҆палѧ́етъ, ѿ поползнове́нныѧ стезѝ призыва́ющи."
|
|
},
|
|
{
|
|
"type": "TEXT",
|
|
"value": "Раздѣ́льшꙋсѧ і҆ѻрда́нꙋ дре́вле, по сꙋ́хꙋ прехо́дѧтъ лю́дїе і҆и҃льстїи, тебѐ держа́внѣйшаго, содержа́ща тва́рь некосни́тельнѣ, ны́нѣ въ вода́хъ написꙋ́ющїи, къ нетлѣ́ннѣй и҆ поле́знѣй стезѝ."
|
|
},
|
|
{
|
|
"type": "TEXT",
|
|
"value": "Вѣ́мы пе́рвѣе всепа́гꙋбный пото́пъ, ми́лостивнѡ тѧ̀ всѣ́хъ во тлю̀ привестѝ. Ѽ тревели̑каѧ сотворѧ́ѧ, и҆ стра̑ннаѧ! Ны́нѣ же пото́пльша, хрⷭ҇тѐ, грѣ́хъ за бл҃госе́рдїе и҆ человѣ́ческое спасе́нїе."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Бж҃їѧ снизхожде́нїѧ ѻ҆́гнь ᲂу҆стыдѣ́сѧ въ вавѷлѡ́нѣ и҆ногда̀, сегѡ̀ ра́ди ѻ҆́троцы въ пещѝ ра́дованною ного́ю, ꙗ҆́кѡ во цвѣ́тницѣ ликꙋ́юще, поѧ́хꙋ: бл҃гослове́нъ є҆сѝ, бж҃е ѻ҆ц҃ъ на́шихъ."
|
|
},
|
|
{
|
|
"type": "TEXT",
|
|
"value": "Показа́лъ є҆сѝ, влⷣко, твоемꙋ̀ рабꙋ̀ си́лꙋ твою̀: сегѡ̀ ра́ди преꙋсе́рднѡ къ подвигѡ́мъ прїи́де самозва́ненъ, и҆ побѣдоно́сецъ бы́въ, поѧ́ше, бл҃гослове́нъ бг҃ъ ѻ҆ц҃ъ на́шихъ."
|
|
},
|
|
{
|
|
"type": "TEXT",
|
|
"value": "Сла́вный, и҆ всезнамени́тый пра́здникъ тво́й, мч҃ниче, возсїѧ̀: ꙗ҆вле́нїѧ бо твоегѡ̀ влⷣки свѣ́тъ прино́ситъ, и҆ ѡ҆зарѧ́етъ вѣ́рою зовꙋ́щыѧ: ѻ҆ц҃ъ на́шихъ бж҃е, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Бога́тство некра́домо, пребыва́ющее ѡ҆брѣ́лъ є҆сѝ досто́инство и҆ неѿпа́дающее, но во вѣ́ки пребыва́ющꙋю прїѧ́лъ є҆сѝ сла́вꙋ, поѧ̀, чꙋ́дне: бл҃гослове́нъ бг҃ъ ѻ҆ц҃ъ на́шихъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Безнача́льномꙋ роди́телю спребыва́ющаго при́снѡ разꙋмѣва́емаго, заче́нши, дв҃о, воплоще́нна сн҃а родила̀ є҆сѝ, за є҆́же спастѝ вѣ́рою зовꙋ́щыѧ: бл҃гослове́нъ бг҃ъ ѻ҆ц҃ъ на́шихъ."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "TEXT",
|
|
"value": "І҆рмо́съ: Свобо́дна ᲂу҆́бѡ тва́рь познава́етсѧ, и҆ сы́нове свѣ́та пре́жде ѡ҆мраче́ннїи: є҆ди́нъ сте́нетъ тмы̀ предста́тель. Ны́нѣ да бл҃гослови́тъ ᲂу҆се́рднѡ вино́внаго, пре́жде ѻ҆каѧ́нное ꙗ҆зы́кѡвъ всенаслѣ́дїе."
|
|
},
|
|
{
|
|
"type": "TEXT",
|
|
"value": "Трїѐ бг҃ови́днїи, во ѻ҆гнѝ ѡ҆роша́еми, ѡ҆зарѧ́ющесѧ тремѝ всесвѣ́тлѣ ст҃ы́нѧми, ꙗ҆́вѣ пока́зовахꙋ превы́шнее є҆стество̀ смѣше́нїемъ человѣ́ческимъ, ѻ҆гнепалѧ́щее росо́ю ми́лостивнѡ всѧ́кꙋ па́гꙋбнꙋю ле́сть."
|
|
},
|
|
{
|
|
"type": "TEXT",
|
|
"value": "Да ᲂу҆бѣли́тсѧ всѧ́кое земно́е є҆стество̀, ѿ паде́нїѧ ны́нѣ на нб҃о возводи́мо: и҆́мже бо всѧ̑ соблюда́ютсѧ сло́вомъ, текꙋ́щими стрꙋѧ́ми ѡ҆мы́вшесѧ, прегрѣше́нїй пре́жнихъ ᲂу҆бѣжѐ, пресвѣ́тлѡ и҆змове́но."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Седмери́цею пе́щь халде́йскїй мꙋчи́тель бг҃очести̑вымъ неи́стовнѡ разжжѐ, си́лою же лꙋ́чшею спасє́ны сїѧ̑ ви́дѣвъ, творцꙋ̀ и҆ и҆зба́вителю вопїѧ́ше: ѻ҆́троцы, благослови́те, свѧще́нницы, воспо́йте, лю́дїе, превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Свѧщеннодѣ́йствꙋетсѧ дне́сь многомоле́бнаѧ па́мѧть твоѧ̀, мꙋ́чениче стрⷭ҇тоте́рпче хрⷭ҇то́въ полѷе́ѵкте: хрⷭ҇тꙋ́ бо бл҃гоꙋго́дна и҆ прїѧ́тна же́ртва бы́лъ є҆сѝ, закла́вшемꙋсѧ тебє̀ ра́ди и҆ поже́ршꙋсѧ. Є҆го́же ѻ҆́троцы бл҃гословѧ́тъ, свѧще́нницы воспѣва́ютъ, лю́дїе превозно́сѧтъ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Страда́льческое сопротивле́нїе, стрⷭ҇те́рпче, да́же до кро́ве показа́въ на землѝ, полѷе́ѵкте, въ черто́гъ многосвѣ́тлый на нб҃сѣ́хъ всели́лсѧ є҆сѝ, твои́хъ крове́й кре́щсѧ ба́нею, и҆ поѧ̀ влⷣцѣ: свѧще́нницы, воспо́йте, лю́дїе, превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Оу҆мерщвле́ннꙋю паде́ньми дꙋ́шꙋ мою̀ возста́ви, мꙋ́ченическимъ твои́мъ дерзнове́нїемъ ѡ҆б̾е́мъ, бж҃е́ствєннымъ повелѣ́нїємъ пречита́ѧ, сла́вне, достолѣ́пнѡ къ добродѣ́тели ѡ҆браща́ѧ вопїю́щꙋю влⷣцѣ: свѧще́нницы, воспо́йте, лю́дїе, превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ра́дꙋйсѧ, є҆ѧ́же ра́ди ѡ҆брѣто́хомъ ра́дость вѣ́чнꙋю. Ра́дꙋйсѧ, є҆́ѵинꙋ печа́ль разрѣши́вшаѧ, а҆да́мово сѣ́тованїе въ свѣ́тлость ѡ҆брати́вши. Ра́дꙋйсѧ, бг҃а воплоще́нна ро́ждшаѧ, дв҃о бцⷣе, вѣ́рныхъ предста́тельница, тѧ̀ превозносѧ́щихъ во всѧ̑ вѣ́ки."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ѽ па́че ᲂу҆ма̀ ржⷭ҇тва̀ твоегѡ̀ чꙋде́съ, невѣ́сто всечⷭ҇таѧ, мт҃и бл҃гослове́ннаѧ! Є҆́юже полꙋчи́вше всесоверше́нное спасе́нїе, досто́йнѡ хва́лимъ, ꙗ҆́кѡ бл҃годѣ́телѧ, да́ръ носѧ́ще пѣ́снь благодаре́нїѧ."
|
|
},
|
|
{
|
|
"type": "TEXT",
|
|
"value": "Оу҆вѣ́дѣхомъ мѡѷсе́ю кꙋпино́ю ꙗ҆влє́ннаѧ, грѧдѝ стра́нными ᲂу҆ста̑вы содѣ́ланнаѧ: ꙗ҆́кѡ бо спасе́сѧ ѻ҆́гнь носѧ́щи дв҃а, свѣтоно́сна ро́ждши бл҃годѣ́телѧ, во і҆ѻрда́нскихъ же стрꙋѧ́хъ ꙗ҆вле́нна."
|
|
},
|
|
{
|
|
"type": "TEXT",
|
|
"value": "Помазꙋ́еши соверша́ѧ человѣ́ческое сꙋщество̀, цр҃ю̀ безнача́льне, дх҃а ѡ҆бще́нїемъ, стрꙋѧ́ми чⷭ҇тыми ѿмы́въ и҆ тмы̀: крѣ́пость же посра́мль возвы́шеннꙋю, ны́нѣ въ безпреста́ннѣмъ возда́ти житїѝ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆страши́сѧ всѧ́къ слꙋ́хъ неизрече́нна бж҃їѧ снизхожде́нїѧ, ꙗ҆́кѡ вы́шнїй во́лею сни́де да́же и҆ до пло́ти, ѿ дв҃и́ческагѡ чре́ва бы́въ чл҃вѣ́къ. Тѣ́мже пречⷭ҇тꙋю бцⷣꙋ, вѣ́рнїи, велича́емъ."
|
|
},
|
|
{
|
|
"type": "TEXT",
|
|
"value": "Прїиди́те ᲂу҆́бѡ бг҃овѣнча́ннаго, мꙋчениколю́бцы, воспои́мъ мч҃ника, є҆го́же спросла́ви свѣтоиме́ннымъ свои́мъ вы́шнїй ꙗ҆вле́нїемъ, и҆ честны́мъ дне́мъ почествова̀, и҆ вѣнча̀, и҆ бжⷭ҇твенными добродѣ́тельми ᲂу҆красѝ."
|
|
},
|
|
{
|
|
"type": "TEXT",
|
|
"value": "Стрꙋѧ́ми мꙋ́ченическихъ и҆злїѧ́вшихсѧ твои́хъ крове́й ᲂу҆дави́лъ є҆сѝ вражде́бнѣйшаго ѕло́бꙋ содѣ́лавшаго, це́рковь же хрⷭ҇то́вꙋ напаѧ́ѧ ᲂу҆ѧсни́лъ є҆сѝ, бг҃облаже́нне, вѣ́рою тѧ̀ при́снѡ блажа́щꙋю."
|
|
},
|
|
{
|
|
"type": "TEXT",
|
|
"value": "Бꙋ́ди мѝ, мꙋ́чениче, помо́щникъ, ѿ напа́стей мѧ̀ разли́чныхъ и҆збавлѧ́ѧ и҆ ѡ҆бстоѧ́нїй, ᲂу҆́зъ же рѣша̀ є҆́реси, и҆ лю́тыѧ свобожда́ѧ темни́цы моли́твами твои́ми, воспѣва́ющаго тѧ̀ мы́слїю чи́стою, пресла́вне."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Зако́на же и҆ прⷪ҇ро́кѡвъ главꙋ̀ хрⷭ҇та̀, и҆ полнотꙋ̀, всечи́стаѧ, родила̀ є҆сѝ, за благоꙋтро́бїе безмѣ́рныѧ пꙋчи́ны вочеловѣ́читисѧ на́съ ра́ди и҆зъ тебє̀ бл҃гоизво́лившаго, и҆ спа́сшаго вѣ́рою тѧ̀ при́снѡ велича́ющыѧ."
|
|
},
|
|
{
|
|
"type": "HEADER",
|
|
"value": "Свѣти́ленъ ст҃а́гѡ."
|
|
},
|
|
{
|
|
"type": "TEXT",
|
|
"value": "Подо́бенъ: Дх҃омъ во свѧти́лищи:"
|
|
},
|
|
{
|
|
"type": "TEXT",
|
|
"value": "Многожела́нное стѧжа́въ, и҆ ѿ дꙋшѝ многожела́нныѧ бога́тство небе́сное, ѽ полѷе́ѵкте блаже́нне! И҆ сла́вꙋ и҆ свѣ́тлость: въ бз҃ѣ бы́въ, и҆ вѣне́цъ бжⷭ҇твенный прїѧ́лъ є҆сѝ ѿ рꙋкѝ вы́шнѧгѡ, съ мꙋ́ченическими ли̑ки ꙗ҆́кѡ мꙋ́ченикъ и҆́стиненъ."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, пра́здника:"
|
|
},
|
|
{
|
|
"type": "TEXT",
|
|
"value": "Въ ра́бїи ѻ҆́бразѣ прише́лъ є҆сѝ, сло́ве, и҆ креще́нїѧ безлѣ́тный ꙗ҆́кѡ человѣ́къ про́сиши, ᲂу҆жасе́сѧ землѧ̀ и҆ нб҃о, и҆ а҆́гг҃льстїи чи́ни, и҆ водно́е є҆стество̀. Предте́ча же ᲂу҆боѧ́всѧ, стра́хомъ и҆ ра́достїю слꙋже́нїе соверша́ше."
|
|
},
|
|
{
|
|
"type": "HEADER",
|
|
"value": "На стїхо́внѣ стїхи̑ры, гла́съ ѕ҃."
|
|
},
|
|
{
|
|
"type": "TEXT",
|
|
"value": "Подо́бенъ: А҆́гг҃льскїѧ пред̾иди́те си̑лы:"
|
|
},
|
|
{
|
|
"type": "TEXT",
|
|
"value": "Скажѝ и҆ рцы̀, ѽ прⷪ҇ро́че и҆са́їе! Кто̀ є҆́сть зовы́й въ пꙋсты́ни: что̀ вопїе́ши, почерпи́те ᲂу҆́бѡ во́дꙋ чисти́тельнꙋ съ весе́лїемъ; сѐ і҆ѡа́ннъ креща́ѧй въ пꙋсты́ни, и҆ возопи́вый: хрⷭ҇то́съ грѧде́тъ, бл҃гослове́нъ, ꙗ҆вле́йсѧ бж҃е на́шъ, сла́ва тебѣ̀."
|
|
},
|
|
{
|
|
"type": "TEXT",
|
|
"value": "Сті́хъ: Мо́ре ви́дѣ и҆ побѣжѐ, і҆ѻрда́нъ возврати́сѧ вспѧ́ть."
|
|
},
|
|
{
|
|
"type": "TEXT",
|
|
"value": "Ѽ па́че ᲂу҆ма̀ и҆ незрече́ннагѡ благоꙋтро́бїѧ! Ка́кѡ творе́цъ тва́ри преклонѧ́етъ пречи́стый и҆ бжⷭ҇твенный ве́рхъ, креще́нїемъ ѻ҆́бразъ смире́нїѧ вводѧ̀ въ него̀ просвѣща́ємымъ; въ не́мже пое́мъ: бл҃гослове́нъ, ꙗ҆вле́йсѧ бж҃е на́шъ, сла́ва тебѣ̀."
|
|
},
|
|
{
|
|
"type": "TEXT",
|
|
"value": "Сті́хъ: Что́ ти є҆́сть мо́ре, ꙗ҆́кѡ побѣ́гло є҆сѝ; и҆ тебѣ̀, і҆ѻрда́не, ꙗ҆́кѡ возврати́лсѧ є҆сѝ вспѧ́ть;"
|
|
},
|
|
{
|
|
"type": "TEXT",
|
|
"value": "Наслажде́нїе живо́тно ѿ пото́ка і҆ѻрда́нова и҆сточи́сѧ на́мъ креще́нїѧ благода́ть, и҆́мже просвѣти́вшесѧ кр҃ще́нїемъ, глаго́лемъ: сла́ва ꙗ҆́вльшемꙋсѧ въ мі́рѣ, и҆ живо́тъ на́мъ пода́вшемꙋ. Въ не́мже пое́мъ: бл҃гослове́нъ, ꙗ҆вле́йсѧ бж҃е на́шъ, сла́ва тебѣ̀."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, гла́съ и҆ подо́бенъ то́йже:"
|
|
},
|
|
{
|
|
"type": "TEXT",
|
|
"value": "Ꙗ҆́кѡ вредѧ́щихъ земны́хъ ѿве́дшесѧ, прїиди́те мы́сленнѡ, ѡ҆чи́стимъ чꙋ̑вства, и҆ хрⷭ҇та̀ ви́дѣвше пло́тїю креща́ема ѿ і҆ѡа́нна прⷣте́чи, всѝ съ ни́мъ пѣсносло́вѧще вѣ́рнѡ возопїе́мъ: бл҃гослове́нъ, ꙗ҆вле́йсѧ бж҃е на́шъ, сла́ва тебѣ̀."
|
|
},
|
|
{
|
|
"type": "HEADER",
|
|
"value": "На лїтꙋргі́и бл҃жє́нна пра́здника, пѣ́снь д҃-ѧ, на ѕ҃."
|
|
}
|
|
] |