454 lines
40 KiB
JSON
454 lines
40 KiB
JSON
[
|
|
{
|
|
"type": "HEADER",
|
|
"value": "І҆аннꙋа́рїа і҃"
|
|
},
|
|
{
|
|
"type": "HEADER",
|
|
"value": "Преподо́бнагѡ ѻ҆ц҃а̀ на́шегѡ па́ѵла ѻ҆бно́рскагѡ, во́логодскагѡ чꙋдотво́рца."
|
|
},
|
|
{
|
|
"type": "HEADER",
|
|
"value": "Ве́черъ пое́мъ, Бл҃же́нъ мꙋ́жъ: а҃-й а҆нтїфѡ́нъ."
|
|
},
|
|
{
|
|
"type": "HEADER",
|
|
"value": "На Гдⷭ҇и, воззва́хъ, стїхи̑ры, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Зва́нный свы́ше:"
|
|
},
|
|
{
|
|
"type": "TEXT",
|
|
"value": "Ве́сь возложи́лсѧ є҆сѝ вседержи́телю, ѻ҆́тче прпⷣбне, є҆гда̀ тѧ̀ бж҃е́ственное жела́нїе распалѝ, и҆ дꙋ́шꙋ вперѝ, тогда̀ мі́ръ ѡ҆ста́вилъ є҆сѝ и҆ ꙗ҆̀же въ мі́рѣ, и҆ взе́мъ крⷭ҇тъ, послѣ́довалъ є҆сѝ хрⷭ҇тꙋ̀ невозвра́тнымъ по́мысломъ, ничто́же предпоче́тъ па́че любвѐ є҆гѡ̀: тогѡ̀ ра́ди бг҃ꙋ благоꙋгоди́лъ є҆сѝ. Є҆го́же молѝ, спастѝ и҆ просвѣти́ти дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "Ѿ ю҆́ности, прпⷣбне, бг҃а возлюби́въ, томꙋ̀ вседꙋ́шнѡ послѣ́довалъ є҆сѝ, на ничто́же ѡ҆браща́ѧсѧ сꙋ́щихъ въ мі́рѣ, по всѧ̑ ᲂу҆ме́ты вмѣни́въ, потща́лсѧ є҆сѝ бл҃гоꙋгоди́ти бг҃ꙋ, за́повѣдьми є҆гѡ̀ ᲂу҆твержда́ѧсѧ. Тѣ́мже и҆ жела́нїе коне́чное дости́глъ є҆сѝ хрⷭ҇то́ва ᲂу҆гожде́нїѧ. Є҆го́же молѝ, спастѝ и҆ просвѣти́ти дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "Ѡ҆снова́нїе крѣ́пко къ добродѣ́телемъ положи́лъ є҆сѝ въ дꙋшѝ твое́й стра́хъ бж҃їй: се́й бо є҆́сть нача́ло мꙋ́дрости, и҆ ѡ҆кормле́нїе во все́мъ житїѝ, хотѧ́щымъ ᲂу҆годи́ти бг҃ꙋ: и҆ на се́мъ ѡ҆снова́нїи назда́лъ є҆сѝ кра̑сныѧ добродѣ́тєли, сохране́нїемъ животво́рныхъ бж҃їихъ за́повѣдей. Є҆го́же молѝ, спастѝ и҆ просвѣти́ти дꙋ́шы на́шѧ."
|
|
},
|
|
{
|
|
"type": "HEADER",
|
|
"value": "Сла́ва, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Ѡ҆ста́вивъ мі́ръ и҆ ꙗ҆̀же въ мі́рѣ, прпⷣбне, послѣ́довалъ є҆сѝ хрⷭ҇тꙋ̀, безмо́лвнымъ житїе́мъ тща́лсѧ є҆сѝ бл҃гоꙋгоди́ти є҆мꙋ̀: тѣ́мже ᲂу҆дали́лсѧ є҆сѝ бѣ́гаѧ, и҆ водвори́лсѧ є҆сѝ въ пꙋсты́ни: тогѡ̀ ра́ди мно́гихъ дꙋша́мъ бы́лъ є҆сѝ во́ждь ко спасе́нїю, твои́мъ ᲂу҆че́нїемъ ты́ѧ ᲂу҆твержда́ѧ, и҆ ѻ҆́бразъ бла́гъ во все́мъ себѐ предлага́ѧ. Тѣ́мже во ѻ҆би́тели твое́й творѧ́щїи па́мѧть твою̀ свѣтоно́снꙋю ᲂу҆блажа́ютъ тѧ̀ ча̑да твоѧ̑, и҆ мо́лѧтъ тѧ̀, моли́тисѧ ко гдⷭ҇ꙋ, спасти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "И҆ ны́нѣ пра́здника, гла́съ д҃:"
|
|
},
|
|
{
|
|
"type": "TEXT",
|
|
"value": "Трепета́ше рꙋка̀ крⷭ҇ти́телева, є҆гда̀ пречи́стомꙋ твоемꙋ̀ верхꙋ̀ коснꙋ́сѧ: возврати́сѧ і҆ѻрда́нъ рѣка̀ вспѧ́ть, не дерза́ющи слꙋжи́ти тебѣ̀: ꙗ҆́же бо ᲂу҆стыдѣ́сѧ і҆исꙋ́са наѵи́на, ка́кѡ творца̀ своегѡ̀ ᲂу҆страши́тисѧ не и҆мѧ́ше; Но всѐ и҆спо́лнилъ є҆сѝ смотре́нїе, сп҃се на́шъ, да спасе́ши мі́ръ ꙗ҆вле́нїемъ твои́мъ, є҆ди́не чл҃вѣколю́бче."
|
|
},
|
|
{
|
|
"type": "HEADER",
|
|
"value": "Вхо́дъ. Прокі́менъ днѐ. Чтє́нїѧ трѝ."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́новы чте́нїе. (Главы̑ є҃ и҆ ѕ҃.)"
|
|
},
|
|
{
|
|
"type": "TEXT",
|
|
"value": "Пра́вєдницы во вѣ́ки живꙋ́тъ, и҆ въ гдⷭ҇ѣ мзда̀ и҆́хъ, и҆ попече́нїе и҆́хъ ᲂу҆ вы́шнѧгѡ. Сегѡ̀ ра́ди прїи́мꙋтъ црⷭ҇твїе бл҃голѣ́пїѧ и҆ вѣне́цъ добро́ты ѿ рꙋкѝ гдⷭ҇ни, занѐ десни́цею покры́етъ ѧ҆̀, и҆ мы́шцею защити́тъ и҆̀хъ. Прїи́метъ всеѻрꙋ́жїе рве́нїе своѐ, и҆ воѡрꙋжи́тъ тва́рь въ ме́сть врагѡ́мъ. Ѡ҆блече́тсѧ въ брѡнѧ̀ пра́вды, и҆ возложи́тъ шле́мъ, сꙋ́дъ нелицемѣ́ренъ. Прїи́метъ щи́тъ непобѣди́мый преподо́бїе. Поѡстри́тъ же напра́сный гнѣ́въ во ѻ҆рꙋ́жїе: спобо́ретъ же съ ни́мъ мі́ръ на безꙋ̑мныѧ. По́йдꙋтъ праволꙋ̑чныѧ стрѣ́лы мѡ́лнїины, и҆ ꙗ҆́кѡ ѿ бл҃гокрꙋ́гла лꙋ́ка ѻ҆блакѡ́въ, на намѣ́ренїе полетѧ́тъ. И҆ ѿ каменоме́тныѧ ꙗ҆́рости и҆спо́лнь падꙋ́тъ гра́ды. Вознегодꙋ́етъ на ни́хъ вода̀ морска́ѧ: рѣ́ки же потопѧ́тъ ѧ҆̀ на́глѡ. Сопроти́въ ста́нетъ и҆̀мъ дх҃ъ си́лы, и҆ ꙗ҆́кѡ ви́хоръ развѣ́етъ и҆̀хъ, и҆ ѡ҆пꙋстоши́тъ всю̀ зе́млю беззако́нїе: и҆ ѕлодѣ́йство преврати́тъ престо́лы си́льныхъ. Слы́шите ᲂу҆̀бо, ца́рїе, и҆ разꙋмѣ́йте: навы́кните, сꙋдїи̑, концє́въ землѝ. Внꙋши́те, держа́щїи мно́жєства, и҆ гордѧ́щїисѧ ѡ҆ наро́дѣхъ ꙗ҆зы̑къ: ꙗ҆́кѡ дана̀ є҆́сть ѿ гдⷭ҇а держа́ва ва́мъ, и҆ си́ла ѿ вы́шнѧгѡ."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́новы чте́нїе. (Глава̀ г҃.)"
|
|
},
|
|
{
|
|
"type": "TEXT",
|
|
"value": "Пра́ведныхъ дꙋ́ши въ рꙋцѣ̀ бж҃їей, и҆ не прико́снетсѧ и҆́хъ мꙋ́ка. Непщева́ни бы́ша во ѻ҆чесѣ́хъ безꙋ́мныхъ ᲂу҆мре́ти, и҆ вмѣни́сѧ ѡ҆ѕлобле́нїе и҆схо́дъ и҆́хъ. И҆ є҆́же ѿ на́съ ше́ствїе сокрꙋше́нїе, ѻ҆ни́ же сꙋ́ть въ ми́рѣ. И҆́бо пред̾ лице́мъ человѣ́ческимъ а҆́ще и҆ мꙋ́кꙋ прїи́мꙋтъ, ᲂу҆пова́нїе и҆́хъ безсме́ртїѧ и҆спо́лнено. И҆ вма́лѣ нака́зани бы́вше, вели́кими бл҃годѣ́тельствовани бꙋ́дꙋтъ, ꙗ҆́кѡ бг҃ъ и҆скꙋсѝ ѧ҆̀, и҆ ѡ҆брѣ́те и҆̀хъ достѡ́йны себѣ̀. Ꙗ҆́кѡ зла́то въ горни́лѣ и҆скꙋсѝ и҆̀хъ, и҆ ꙗ҆́кѡ всепло́дїе же́ртвенное прїѧ́тъ ѧ҆̀. И҆ во вре́мѧ посѣще́нїѧ и҆́хъ возсїѧ́ютъ, и҆ ꙗ҆́кѡ и҆́скры по сте́блїю потекꙋ́тъ. Сꙋ́дѧтъ ꙗ҆зы́кѡмъ, и҆ ѡ҆блада́ютъ людьмѝ и҆ воцр҃и́тсѧ гдⷭ҇ь въ ни́хъ во вѣ́ки. Надѣ́ющїисѧ на́нь разꙋмѣ́ютъ и҆́стинꙋ, и҆ вѣ́рнїи въ любвѝ пребꙋ́дꙋтъ є҆мꙋ̀: ꙗ҆́кѡ бл҃года́ть и҆ ми́лость въ прпⷣбныхъ є҆гѡ̀, и҆ посѣще́нїе во и҆збра́нныхъ є҆гѡ̀."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́новы чте́нїе. (Глава̀ д҃)."
|
|
},
|
|
{
|
|
"type": "TEXT",
|
|
"value": "Првⷣникъ, а҆́ще пости́гнетъ сконча́тисѧ, въ поко́и бꙋ́детъ. Ста́рость бо честна̀ не многолѣ́тна, нижѐ въ числѣ̀ лѣ́тъ и҆счита́етсѧ. Сѣди́на же є҆́сть мꙋ́дрость человѣ́кѡмъ, и҆ во́зрастъ ста́рости житїѐ нескве́рное. Бл҃гоꙋго́денъ бг҃ови бы́въ, возлю́бленъ бы́сть, и҆ живы́й посредѣ̀ грѣ̑шникъ преста́вленъ бы́сть. Восхище́нъ бы́сть, да не ѕло́ба и҆змѣни́тъ ра́зꙋма є҆гѡ̀, и҆лѝ ле́сть прельсти́тъ дꙋ́шꙋ є҆гѡ̀. Раче́нїе бо ѕло́бы помрача́етъ дѡ́браѧ, и҆ паре́нїе по́хоти премѣнѧ́етъ ᲂу҆́мъ неѕло́бивъ. Сконча́всѧ вма́лѣ, и҆спо́лни лѣ̑та дѡ́лга: ᲂу҆го́дна бо бѣ̀ гдⷭ҇еви дꙋша̀ є҆гѡ̀, сегѡ̀ ра́ди потща́сѧ ѿ среды̀ лꙋка́вствїѧ. Лю́дїе же ви́дѣвше и҆ не разꙋмѣ́вше, нижѐ поло́жше въ помышле́нїи таково́е: ꙗ҆́кѡ благода́ть и҆ ми́лость въ прпⷣбныхъ є҆гѡ̀, и҆ посѣще́нїе во и҆збра́нныхъ є҆гѡ̀."
|
|
},
|
|
{
|
|
"type": "HEADER",
|
|
"value": "На стїхо́внѣ стїхи̑ры пра́здника, гла́съ в҃."
|
|
},
|
|
{
|
|
"type": "TEXT",
|
|
"value": "Подо́бенъ: До́ме є҆ѵфра́ѳовъ:"
|
|
},
|
|
{
|
|
"type": "TEXT",
|
|
"value": "Пѣ́нїе новолѣ́пное да пое́тъ всѧ̀ тва́рь ѿ дв҃ы ро́ждшемꙋсѧ хрⷭ҇тꙋ̀, и҆ кре́щшемꙋсѧ во і҆ѻрда́нѣ дне́сь."
|
|
},
|
|
{
|
|
"type": "TEXT",
|
|
"value": "Сті́хъ: Мо́ре ви́дѣ и҆ побѣжѐ, і҆ѻрда́нъ возврати́сѧ вспѧ́ть."
|
|
},
|
|
{
|
|
"type": "TEXT",
|
|
"value": "Трꙋба̀ прⷪ҇ро́ческаѧ, прⷣте́ча да вопїе́тъ: сотвори́те гдⷭ҇ꙋ, кре́щшемꙋсѧ въ стрꙋѧ́хъ, плоды̀ и҆зрѧ́днѣйшихъ дѣѧ́нїй."
|
|
},
|
|
{
|
|
"type": "TEXT",
|
|
"value": "Сті́хъ: Что́ ти є҆́сть, мо́ре, ꙗ҆́кѡ побѣ́гло є҆сѝ; и҆ тебѣ̀, і҆ѻрда́не, ꙗ҆́кѡ возврати́лсѧ є҆сѝ вспѧ́ть;"
|
|
},
|
|
{
|
|
"type": "TEXT",
|
|
"value": "Возсїѧ̀ сро́дный съ высоты̀ бж҃е́ственный дх҃ъ, въ ви́дѣ голꙋби́нѣ, зри́мь несказа́ннѡ, ны́нѣ хрⷭ҇тꙋ̀ притечѐ."
|
|
},
|
|
{
|
|
"type": "HEADER",
|
|
"value": "Сла́ва, гла́съ и҃:"
|
|
},
|
|
{
|
|
"type": "TEXT",
|
|
"value": "Мона́хѡвъ мно́жества наста́вника тѧ̀ почита́емъ, ѻ҆́тче на́шъ па́ѵле, твое́ю бо стезе́ю вои́стиннꙋ пра́вѡ ходи́ти позна́хомъ: блаже́нъ є҆сѝ хрⷭ҇тꙋ̀ рабо́тавъ, и҆ вра́жїю ѡ҆бличи́лъ є҆сѝ си́лꙋ, а҆́гг҃лѡвъ собесѣ́дниче, прпⷣбныхъ соприча́стниче и҆ првⷣныхъ: съ ни́миже моли́сѧ гдⷭ҇еви, поми́ловатисѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, пра́здника, гла́съ д҃:"
|
|
},
|
|
{
|
|
"type": "TEXT",
|
|
"value": "Тебѐ въ дс҃ѣ и҆ ѻ҆гнѝ ѡ҆чища́юща грѣ́хъ мі́ра, зрѧ̀ крⷭ҇ти́тель грѧдꙋ́ща къ себѣ̀, ᲂу҆жаса́ѧсѧ и҆ трепе́щѧ, вопїѧ́ше глаго́лѧ: не смѣ́ю держа́ти ве́рхъ тво́й пречи́стый, ты́ мѧ ѡ҆свѧтѝ, влⷣко, бж҃е́ственнымъ ꙗ҆вле́нїемъ твои́мъ, є҆ди́не чл҃вѣколю́бче."
|
|
},
|
|
{
|
|
"type": "HEADER",
|
|
"value": "Тропа́рь, гла́съ а҃:"
|
|
},
|
|
{
|
|
"type": "TEXT",
|
|
"value": "Бжⷭ҇твенною любо́вїю ѿ ю҆́ности распала́емь, па́ѵле прпⷣбне, всѧ̑, ꙗ҆̀же въ мі́рѣ, кра̑снаѧ возненави́дѣвъ, хрⷭ҇та̀ є҆ди́наго возлюби́лъ є҆сѝ: и҆ сегѡ̀ ра́ди во внꙋ́треннюю пꙋсты́ню всели́лсѧ є҆сѝ, со ѕвѣрьмѝ жи́ти ве́сь хрⷭ҇тꙋ̀: ѿѻнꙋ́дꙋже и҆ всеви́дѧщее ѻ҆́ко твоѧ̑ трꙋды̀ ви́дѣвъ, да́ромъ чꙋде́съ и҆ по преставле́нїи ѡ҆богати́ тѧ. Тѣ́мже вопїе́мъ тѝ: молѝ непреста́ннѡ ѡ҆ всѣ́хъ на́съ, честнꙋ́ю па́мѧть твою̀ при́снѡ въ пѣ́снехъ почита́ющихъ."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, пра́здника."
|
|
},
|
|
{
|
|
"type": "TEXT",
|
|
"value": "Во і҆ѻрда́нѣ креща́ющꙋсѧ тебѣ̀, гдⷭ҇и, трⷪ҇ческое ꙗ҆ви́сѧ поклоне́нїе: роди́телевъ бо гла́съ свидѣ́тельствоваше тебѣ̀, возлю́бленнаго тѧ̀ сн҃а и҆менꙋ́ѧ: и҆ дх҃ъ, въ ви́дѣ голꙋби́нѣ, и҆звѣ́ствоваше словесѐ ᲂу҆твержде́нїе. Ꙗ҆вле́йсѧ хрⷭ҇тѐ бж҃е, и҆ мі́ръ просвѣще́й, сла́ва тебѣ̀."
|
|
},
|
|
{
|
|
"type": "HEADER",
|
|
"value": "На ᲂу҆́трени, на Бг҃ъ гдⷭ҇ь, тропа́рь пра́здника, два́жды: Сла́ва, ст҃а́гѡ: И҆ ны́нѣ, пра́здника. По стїхоло́гїахъ сѣда́льны пра́здника."
|
|
},
|
|
{
|
|
"type": "HEADER",
|
|
"value": "По полѷеле́и сѣда́ленъ ст҃а́гѡ, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Оу҆диви́сѧ і҆ѡ́сифъ:"
|
|
},
|
|
{
|
|
"type": "TEXT",
|
|
"value": "Оу҆диви́сѧ тво́й дх҃о́вный настоѧ́тель вели́кїй се́ргїй, въ тебѣ̀ вели́ко воздержа́нїе зрѧ̀, и҆ внима́ше мы́слїю хотѧ̑щаѧ ѿ тебє̀ напослѣ́докъ бы́ти, па́ѵле: ви́дѣвъ бо твоѐ, є҆́же по бг҃ꙋ житїѐ, вра́жїими прилѡ́ги ника́коже поколеби́мо, свидѣ́тельствꙋетъ ꙗ҆́кѡ ѻ҆те́цъ и҆ храни́тель твоегѡ̀ житїѧ̀, и҆ бра́тїємъ вели́кїѧ ла́ѵры своеѧ̀ вопїѧ́ше: се́й, и҆́же посредѝ на́съ ме́ньшїй ви́дитсѧ, но послѣдѝ въ пꙋсты́ни вели́къ свѣти́льникъ бꙋ́детъ. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ пра́здника."
|
|
},
|
|
{
|
|
"type": "HEADER",
|
|
"value": "Степє́нна, прокі́менъ, и҆ є҆ѵⷢ҇лїе матѳе́а, зача́ло м҃г, прпⷣбномꙋ."
|
|
},
|
|
{
|
|
"type": "HEADER",
|
|
"value": "По н҃-мъ ѱалмѣ̀ стїхи́ра, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Ѡ҆ста́вивъ мі́ръ и҆ ꙗ҆̀же въ мі́рѣ, прпⷣбне, послѣ́довалъ є҆сѝ хрⷭ҇тꙋ̀, безмо́лвнымъ житїе́мъ тща́лсѧ є҆сѝ бл҃гоꙋгоди́ти є҆мꙋ̀: тѣ́мже ᲂу҆дали́лсѧ є҆сѝ бѣ́гаѧ, и҆ водвори́лсѧ є҆сѝ въ пꙋсты́ни: тогѡ̀ ра́ди мно́гихъ дꙋша́мъ бы́лъ є҆сѝ во́ждь ко спасе́нїю, твои́мъ ᲂу҆че́нїемъ ты́ѧ ᲂу҆твержда́ѧ, и҆ ѻ҆́бразъ бла́гъ во все́мъ себѐ предлага́ѧ. Тѣ́мже во ѻ҆би́тели твое́й творѧ́щїи па́мѧть твою̀ свѣтоно́снꙋю ᲂу҆блажа́ютъ тѧ̀ ча̑да твоѧ̑, и҆ мо́лѧтъ тѧ̀, моли́тисѧ ко гдⷭ҇ꙋ, спасти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "Канѡ́нъ пра́здника со і҆рмосо́мъ на ѕ҃: и҆ прпⷣбнагѡ канѡ́нъ на и҃. Гла́съ д҃."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Мо́рѧ чермнꙋ́ю пꙋчи́нꙋ, невла́жными стопа́ми, дре́внїй пѣшеше́ствовавъ і҆и҃ль, крⷭ҇тоѻбра́зными мѡѷсе́овыма рꙋка́ма, а҆мали́ковꙋ си́лꙋ въ пꙋсты́ни побѣди́лъ є҆́сть."
|
|
},
|
|
{
|
|
"type": "TEXT",
|
|
"value": "Возлюби́въ бг҃а, прпⷣбне, ѿ всеѧ̀ дꙋшѝ твоеѧ̀, томꙋ̀ ѿ ю҆́ности послꙋжи́лъ є҆сѝ въ простотѣ̀ се́рдца твоегѡ̀. Тѣ́мже и҆ просла́ви тѧ̀: вѣ́сть бо гдⷭ҇ь сла́вѧщыѧ є҆го̀ прославлѧ́ти."
|
|
},
|
|
{
|
|
"type": "TEXT",
|
|
"value": "Ѿ ю҆́ности, прпⷣбне, бг҃ꙋ прилѣпи́лсѧ є҆сѝ, и҆ невозвра́тнѡ послѣ́довалъ є҆сѝ живонѡ́снымъ є҆гѡ̀ стопа́мъ: ᲂу҆дали́всѧ бо мі́ра, водвори́лсѧ є҆сѝ въ пꙋсты́ню. Тѣ́мже почита́емъ па́мѧть твою̀."
|
|
},
|
|
{
|
|
"type": "TEXT",
|
|
"value": "Ны́нѣ, прпⷣбне ѻ҆́тче па́ѵле, съ ли́ки прⷪ҇рѡ́къ и҆ а҆пⷭ҇лъ, мч҃никъ же и҆ прпⷣбныхъ, во свѣ́тѣ ст҃ы́ѧ трⷪ҇цы соводворѧ́ѧсѧ, помина́й ча̑да твоѧ̑, вѣ́рою творѧ́щыѧ па́мѧть твою̀ свѣтоно́снꙋю."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Без̾ сѣ́мене ѻ҆́ч҃ею во́лею ѿ бжⷭ҇твеннагѡ дх҃а бж҃їѧ зачала̀ є҆сѝ сн҃а, и҆ пло́тїю родила̀ є҆сѝ, сꙋ́щаго и҆з̾ ѻ҆ц҃а̀ без̾ мт҃ре, на́съ же ра́ди и҆з̾ тебє̀ без̾ ѻ҆ц҃а̀."
|
|
},
|
|
{
|
|
"type": "HEADER",
|
|
"value": "Катава́сїа пра́здника."
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "TEXT",
|
|
"value": "І҆рмо́съ: Весели́тсѧ ѡ҆ тебѣ̀ цр҃ковь твоѧ̀, хрⷭ҇тѐ, зовꙋ́щи: ты̀ моѧ̀ крѣ́пость, гдⷭ҇и, и҆ прибѣ́жище и҆ ᲂу҆твержде́нїе."
|
|
},
|
|
{
|
|
"type": "TEXT",
|
|
"value": "Ѿ мла́да во́зраста, прпⷣбне, возлюби́лъ є҆сѝ пребыва́ти въ домꙋ̀ гдⷭ҇ни, и҆ зрѣ́ти красоты̑ є҆гѡ̀. Тѣ́мже и҆збра́ тѧ гдⷭ҇ь ѿ мі́ра, во є҆́же слꙋжи́ти тебѣ̀ пред̾ лице́мъ є҆гѡ̀ въ прпⷣбїи и҆ пра́вдѣ."
|
|
},
|
|
{
|
|
"type": "TEXT",
|
|
"value": "Оу҆дали́всѧ мі́ра, трꙋ́дное житїѐ возлюби́лъ є҆сѝ, прпⷣбне, є҆́же ко всѣ̑мъ послꙋшли́вꙋ бы́ти, и҆ слꙋжи́ти всѣ̑мъ ѿ кра́йнѧгѡ смире́нїѧ, и҆ себѐ послѣ́днѣйша вмѣнѧ́ти ѿ всѣ́хъ. Тѣ́мже и҆ гдⷭ҇ь просла́ви тѧ̀."
|
|
},
|
|
{
|
|
"type": "TEXT",
|
|
"value": "Въ безмо́лвїи возлюби́лъ є҆сѝ жи́ти, ѻ҆́тче прпⷣбне: тѣ́мже ᲂу҆дали́всѧ ѿ человѣ̑къ водвори́лсѧ є҆сѝ въ пꙋсты́ни, со ѕвѣрьмѝ живы́й. Тогѡ̀ ра́ди ны́нѣ во свѣ́тѣ ст҃ы́хъ пребыва́ѧ, помина́й творѧ́щыѧ па́мѧть твою̀."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Неѡра́ннаѧ ни́ва ꙗ҆ви́ласѧ є҆сѝ, кла́съ жи́зненный ро́ждши, всѣ̑мъ причаща́ющымсѧ безсме́ртїѧ хода́таѧ, во ст҃ы́хъ ст҃а́гѡ свѧ́тѡ почива́ющаго."
|
|
},
|
|
{
|
|
"type": "HEADER",
|
|
"value": "Конда́къ и҆ і҆́косъ пра́здника."
|
|
},
|
|
{
|
|
"type": "HEADER",
|
|
"value": "Та́же сѣда́ленъ ст҃а́гѡ, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Премꙋ́дрости:"
|
|
},
|
|
{
|
|
"type": "TEXT",
|
|
"value": "Пожи́въ, прпⷣбне, во а҆́лчбѣ и҆ жа́жди, и҆ въ про́чїихъ ѕлострада́нїихъ, не даѧ̀ поко́ѧ тѣ́лꙋ твоемꙋ̀, за є҆́же полꙋчи́ти бꙋ́дꙋщїй поко́й, ѿѻнꙋ́дꙋже и҆ жела́нїѧ не погрѣши́лъ є҆сѝ, но полꙋчи́лъ є҆сѝ ѻ҆́ноѧ ра́дости, щади́мыѧ лю́бѧщымъ бг҃а. Тѣ́мже помина́й ча̑да твоѧ̑ и҆ не забꙋ́ди, ꙗ҆́коже ѡ҆бѣща́лсѧ є҆сѝ, да всѝ вопїю́тъ тѝ: ѻ҆́тче на́шъ па́ѵле прпⷣбне, молѝ хрⷭ҇та̀ бг҃а, грѣхѡ́въ ѡ҆ставле́нїе дарова́ти чтꙋ́щымъ любо́вїю ст҃ꙋ́ю па́мѧть твою̀. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, пра́здника."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "TEXT",
|
|
"value": "І҆рмо́съ: Вознесе́на тѧ̀ ви́дѣвши цр҃ковь на крⷭ҇тѣ̀, сл҃нце пра́ведное, ста̀ въ чи́нѣ свое́мъ, досто́йнѡ взыва́ющи: сла́ва си́лѣ твое́й, гдⷭ҇и."
|
|
},
|
|
{
|
|
"type": "TEXT",
|
|
"value": "Стра́хомъ бж҃їимъ ѡ҆гра́ждсѧ ѿ ю҆́ности, прпⷣбне, и҆ безмо́лвнѡ бг҃ꙋ послꙋжи́лъ є҆сѝ во ᲂу҆едине́нїи пребыва́ѧ, посто́мъ и҆ жа́ждею смирѧ́ѧ тѣ́ло, моли́твою же чи́стою дꙋ́шꙋ просвѣща́ѧ."
|
|
},
|
|
{
|
|
"type": "TEXT",
|
|
"value": "Хꙋ́дость ри́знꙋю па́че всѣ́хъ и҆мѣ́лъ є҆сѝ, прпⷣбне, не возлюби́въ мѧ́гкихъ и҆ сла́бѧщихъ тѣ́ло: вѣ́сть бо ѿ сегѡ̀ и҆ дꙋша̀ смирѧ́тисѧ, и҆ соѡбразова́тисѧ внꙋ́трєннѧѧ внѣ́шнемꙋ ᲂу҆строе́нїю."
|
|
},
|
|
{
|
|
"type": "TEXT",
|
|
"value": "Безмо́лвїе лобыза́въ ѿ ю҆́ности, и҆ мнѡ́га лѣ̑та въ то́мъ потрꙋди́всѧ, всѧ́кимъ ѕлострада́нїемъ дрꙋча̀ тѣ́ло твоѐ, и҆ не даѧ̀ себѣ̀ почива́ти тѣле́снѣ, да полꙋчи́ши бꙋ́дꙋщїй поко́й."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Неискꙋсобра́чнѡ родила̀ є҆сѝ, дв҃о, и҆ по ржⷭ҇твѣ̀ ꙗ҆ви́ласѧ є҆сѝ двⷭ҇твꙋющи па́ки. Тѣ́мже немо́лчными гла̑сы, є҆́же ра́дꙋйсѧ, тебѣ̀, влⷣчце, вѣ́рою несомнѣ́нною взыва́емъ."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ты̀, гдⷭ҇и мо́й, свѣ́тъ въ мі́ръ прише́лъ є҆сѝ, свѣ́тъ ст҃ы́й, ѡ҆браща́ѧй и҆з̾ мра́чна невѣ́дѣнїѧ вѣ́рою воспѣва́ющыѧ тѧ̀."
|
|
},
|
|
{
|
|
"type": "TEXT",
|
|
"value": "Ты̀ процвѣ́лъ є҆сѝ, прпⷣбне, въ пꙋсты́ни, дв҃дски ꙗ҆́коже фі́нїѯъ, сїѧ́ѧ добродѣ́тельми: ѿѻнꙋ́дꙋже и҆ позна́нъ бы́лъ є҆сѝ, ꙗ҆́кѡ мнѡ́гимъ приходѧ́щымъ ревнова́ти твоемꙋ̀, є҆́же по бг҃ꙋ, житїю̀."
|
|
},
|
|
{
|
|
"type": "TEXT",
|
|
"value": "Ты̀, прпⷣбне, ꙗ҆вле́нъ бы́лъ є҆сѝ ѿ добродѣ́тельнагѡ жи́тельства, ѿ негѡ́же всѣ̑мъ ви́дѧщымъ созидова́тисѧ дꙋша́ми, и҆ къ ре́вности воздвиза́тисѧ, є҆́же ѿрещи́сѧ мі́ра, и҆ твоемꙋ̀ житїю̀ подо́битисѧ."
|
|
},
|
|
{
|
|
"type": "TEXT",
|
|
"value": "Ты̀, прпⷣбне, смири́всѧ па́че всѣ́хъ, и҆ ѿ сегѡ̀ приѡбрѣ́тъ ᲂу҆миле́нїе дꙋшѝ и҆ сле́зъ и҆сто́чникъ непрестаю́щь, и҆ сїѧ̑ вмѣни́въ хлѣ́бъ де́нь и҆ но́щь, по прⷪ҇ро́ческомꙋ рече́нїю."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Тѧ̀ ѻ҆рꙋ́жїе непобѣди́мое на врагѝ предлага́емъ: тѧ̀ ᲂу҆твержде́нїе и҆ наде́ждꙋ на́шегѡ спасе́нїѧ, бг҃оневѣ́сто, стѧжа́хомъ."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Пожрꙋ́ ти со гла́сомъ хвале́нїѧ, гдⷭ҇и, цр҃ковь вопїе́тъ тѝ, ѿ бѣсо́вскїѧ кро́ве ѡ҆чи́щшисѧ, ра́ди ми́лости ѿ ре́бръ твои́хъ и҆сте́кшею кро́вїю."
|
|
},
|
|
{
|
|
"type": "TEXT",
|
|
"value": "Позна́въ бг҃а, прпⷣбне, по вмѣ́стномꙋ человѣ́кѡмъ, тѣ́мже и҆ позна́нъ бы́лъ є҆сѝ ѿ бг҃а по и҆́мени про́чихъ ѻ҆тє́цъ: и҆ дꙋ́шъ па́стырь ᲂу҆стро́енъ бы́лъ є҆сѝ, сїѧ̑ наставлѧ́ѧ къ добродѣ́телємъ, и҆ приводѧ̀ бг҃ꙋ спаса́емы."
|
|
},
|
|
{
|
|
"type": "TEXT",
|
|
"value": "Возлюби́въ, бл҃же́нне, всено́щное бдѣ́нїе, си́мъ ѡ҆чища́ѧ ᲂу҆́мъ тво́й, дꙋ́шꙋ же просвѣща́ѧ, и҆ тѣ́ло твоѐ смирѧ́ѧ, и҆ ко дневны̑мъ трꙋдѡ́мъ благопоко́рно ᲂу҆строѧ́ѧ."
|
|
},
|
|
{
|
|
"type": "TEXT",
|
|
"value": "Любо́вь къ бг҃ꙋ и҆ къ бли́жнемꙋ стѧжа́въ, зако́на и҆ прⷪ҇рѡ́къ и҆сполнѧ́ѧ глави́знꙋ: и҆́бо не любѧ́й бли́жнѧгѡ, нижѐ бг҃а возлюби́ти мо́жетъ, ты́ же, прпⷣбне ѻ҆́тче на́шъ па́ѵле, ѻ҆боѧ̑ и҆спо́лнилъ є҆сѝ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ѽ чꙋ́до, всѣ́хъ чꙋде́съ новѣ́йшее! Ꙗ҆́кѡ дв҃а во ᲂу҆тро́бѣ всѧ́чєскаѧ содержа́щаго, неискꙋсомꙋ́жнѡ заче́нши, не тѣсновмѣстѝ."
|
|
},
|
|
{
|
|
"type": "HEADER",
|
|
"value": "Конда́къ, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Взбра́нной воево́дѣ:"
|
|
},
|
|
{
|
|
"type": "TEXT",
|
|
"value": "Всѐ твоѐ ᲂу҆́мное жела́нїе къ бг҃ꙋ впери́въ, и҆ томꙋ̀ невозвра́тнѡ ѿ дꙋшѝ послѣ́довалъ є҆сѝ, въ пꙋсты́ню всели́всѧ, и҆ та́мѡ а҆́гг҃льски пожи́въ, мнѡ́гимъ пꙋ́ть бы́лъ є҆сѝ ко спасе́нїю: сегѡ̀ ра́ди и҆ хрⷭ҇то́съ тѧ̀ просла́ви, и҆ да́ромъ чꙋде́съ ѡ҆богатѝ. Тѣ́мже всѝ вопїе́мъ тѝ: ра́дꙋйсѧ, па́ѵле прпⷣбне, пꙋсты́нный жи́телю."
|
|
},
|
|
{
|
|
"type": "TEXT",
|
|
"value": "І҆́косъ: Оу҆дали́всѧ, прпⷣбне, ѿ человѣ́кѡвъ, и҆ безмо́лвїю житїѐ возлюби́въ, и҆ пꙋсты́ню дости́гъ споспѣ́шнꙋ къ семꙋ̀ лю́бѧщымъ бг҃а, и҆ въ то́й мнѡ́га лѣ̑та пожи́лъ є҆сѝ, ѡ҆скорблѧ́емь ѿ де́мѡнѡвъ, и҆ ѿ ненака́занныхъ человѣ̑къ, и҆ всѧ̑ сїѧ̑ претерпѣ́лъ є҆сѝ, бг҃ꙋ тѧ̀ ᲂу҆крѣплѧ́ющꙋ, и҆ ѻ҆́ныхъ не́мощь ѡ҆бличи́лъ є҆сѝ терпѣ́пїемъ твои́мъ: и҆ ѿсю́дꙋ ᲂу҆стро́енъ бы́лъ є҆сѝ па́стырь дꙋ́шъ, си́хъ ᲂу҆́бѡ словесы̀ ᲂу҆чѧ̀, дѣ́лы же показꙋ́ѧ и҆звѣ́стнѣ и҆ разꙋ́мнѣ. Тѣ́мже и҆ ча̑да твоѧ̑ пра́зднꙋюще па́мѧть твою̀, вопїю́тъ тѝ: ра́дꙋйсѧ, па́ѵле прпⷣбне, пꙋсты́нный жи́телю."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "TEXT",
|
|
"value": "І҆рмо́съ: Въ пещѝ а҆враа́мстїи ѻ҆́троцы персі́дстѣй, любо́вїю благоче́стїѧ па́че, не́жели пла́менемъ ѡ҆палѧ́еми, взыва́хꙋ: бл҃гослове́нъ є҆сѝ въ хра́мѣ сла́вы твоеѧ̀, гдⷭ҇и."
|
|
},
|
|
{
|
|
"type": "TEXT",
|
|
"value": "Поще́нїемъ ѡ҆гради́всѧ ѿ ю҆́ности, си́мъ тѣ́ло твоѐ смирѧ́ѧ, и҆ благопоко́рно дꙋшѝ сотворѧ́ѧ: къ семꙋ́ же и҆ стра̑сти ᲂу҆спива́ѧ, безъ стꙋже́нїѧ ѿ си́хъ пребы́лъ є҆сѝ, поѧ̀ хрⷭ҇тꙋ̀: бл҃гослове́нъ бг҃ъ ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Ѧ҆зы́ка воздержа́нїе и҆спра́вилъ є҆сѝ, ѻ҆́тче прпⷣбне, ѿ многоглаго́ланїѧ семꙋ̀ возбранѧ́ѧ, на моли́твꙋ же сего̀ простира́ѧ, и҆ є҆́же то́чїю нꙋ̑жднаѧ глаго́лати къ по́льзѣ слы́шащихъ и҆ пѣ́ти хрⷭ҇тꙋ̀: бл҃гослове́нъ бг҃ъ ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Нищетꙋ̀ самово́льнꙋю хрⷭ҇та̀ ра́ди стѧжа́въ, и҆ ѿ всѣ́хъ жите́йскихъ без̾имѣ́ненъ пребы́лъ є҆сѝ, добродѣ́тельми же ѡ҆богати́лсѧ є҆сѝ, и҆ мно́гихъ къ ре́вности воздви́глъ є҆сѝ, наꙋча́ѧ пѣ́ти хрⷭ҇тꙋ̀: бл҃гослове́нъ бг҃ъ ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Вы́шнѧгѡ ѡ҆свѧще́нное бж҃е́ственное селе́нїе, ра́дꙋйсѧ. Тобо́ю бо даде́сѧ ра́дость, бцⷣе, зовꙋ́щымъ: бл҃гослове́нна ты̀ въ жена́хъ є҆сѝ, всенепоро́чнаѧ влⷣчце."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "TEXT",
|
|
"value": "І҆рмо́съ: Рꙋ́цѣ распросте́ръ данїи́лъ, львѡ́въ зїѧ̑нїѧ въ ро́вѣ затчѐ: ѻ҆́гненнꙋю же си́лꙋ ᲂу҆гаси́ша, добродѣ́телїю препоѧ́савшесѧ, благоче́стїѧ рачи́тели ѻ҆́троцы, взыва́юще: бл҃гослови́те, всѧ̑ дѣла̀ гдⷭ҇нѧ, гдⷭ҇а."
|
|
},
|
|
{
|
|
"type": "TEXT",
|
|
"value": "Цѣломꙋ́дрїе стѧжа́въ попремно́гꙋ, и҆ чистотꙋ̀ тѣле́снꙋю, ꙗ҆́коже подоба́етъ ст҃ы̑мъ, и҆́стинное же смире́нїе и҆ сокрꙋше́нїе срⷣца вельмѝ ᲂу҆держа́лъ є҆сѝ, и҆ ско́рбныхъ нанесе́нїе ра́дꙋѧсѧ прїима́лъ є҆сѝ, поѧ̀ бг҃ꙋ: бл҃гослови́те, всѧ̑ дѣла̀ гдⷭ҇нѧ, гдⷭ҇а."
|
|
},
|
|
{
|
|
"type": "TEXT",
|
|
"value": "Стра́хъ бж҃їй стѧжа́въ въ себѣ̀, и҆ си́мъ наказа́въ чꙋ̑вства твоѧ̑, є҆́же не преходи́ти свои́хъ предѣ́лѡвъ, ни поврежда́тисѧ ѿ си́хъ ᲂу҆мꙋ̀. И҆ ѿсю́дꙋ бг҃ꙋ ᲂу҆годи́лъ є҆сѝ, во смире́нїи поѧ̀: бл҃гослови́те, всѧ̑ дѣла̀ гдⷭ҇нѧ, гдⷭ҇а."
|
|
},
|
|
{
|
|
"type": "TEXT",
|
|
"value": "Ѕвѣ́рїе ди́вїи, прпⷣбне, кровоѧ́дцы сꙋ́ще, приходѧ́ще къ тебѣ̀ кро́тцы быва́хꙋ, ѿ бл҃года́ти бж҃їѧ, живꙋ́щїѧ въ тебѣ̀, ничто́же тѝ ско́рбнѡ показꙋ́юще, но и҆ повелѣ́нїю твоемꙋ̀ повинова́хꙋсѧ, пою́щаго: бл҃гослови́те, всѧ̑ дѣла̀ гдⷭ҇нѧ, гдⷭ҇а."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ты̀ є҆ди́на во всѣ́хъ ро́дѣхъ, дв҃о пречⷭ҇таѧ, мт҃и ꙗ҆ви́ласѧ є҆сѝ бж҃їѧ: ты̀ бжⷭ҇тва̀ была̀ є҆сѝ жили́ще, всенепоро́чнаѧ, не ѡ҆пали́вшисѧ ѻ҆гне́мъ непристꙋ́пнагѡ свѣ́та. Тѣ́мже тѧ̀ всѝ бл҃гослови́мъ, мр҃і́е бг҃оневѣ́сто."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ка́мень нерꙋкосѣ́чный ѿ несѣко́мыѧ горы̀, тебє̀, дв҃о, краеꙋго́льный ѿсѣче́сѧ, хрⷭ҇то́съ, совокꙋпи́вый разстоѧ̑щаѧсѧ є҆стєства̀. Тѣ́мъ веселѧ́щесѧ, тѧ̀, бцⷣе, велича́емъ."
|
|
},
|
|
{
|
|
"type": "TEXT",
|
|
"value": "Пребы́вшꙋ тѝ, ѻ҆́тче, мнѡ́га лѣ̑та въ пꙋсты́ни, въ безмо́лвїи и҆ поще́нїи, и҆ всѣ́хъ ско́рбныхъ въ терпѣ́нїи, и҆ попремно́гꙋ бг҃ꙋ ᲂу҆годи́вшꙋ, ѿѻнꙋ́дꙋже и҆ ѻ҆́нъ тѧ̀ прославлѧ́етъ, ꙗ҆́кѡ своего̀ ᲂу҆го́дника."
|
|
},
|
|
{
|
|
"type": "TEXT",
|
|
"value": "Поще́нїемъ насажде́нъ бы́въ, ꙗ҆́кѡ дре́во при вода́хъ, бл҃же́нне, воздержа́нїѧ, процвѣ́лъ є҆сѝ добродѣ́тельми, и҆ въ мѣ́рꙋ дости́гъ во́зраста и҆сполне́нїѧ хрⷭ҇то́ва, и҆ дх҃о́внагѡ соверше́нїѧ полꙋчи́лъ є҆сѝ, ꙗ҆́коже мо́щно человѣ́кꙋ."
|
|
},
|
|
{
|
|
"type": "TEXT",
|
|
"value": "Ты̀ ᲂу҆́бѡ, прпⷣбне, хотѣ́лъ є҆сѝ ᲂу҆таи́тисѧ ѿ человѣ̑къ, и҆ є҆ди́нъ безмо́лвствовати: но бг҃ъ не ѡ҆ста́ви тебє̀ невѣ́дома бы́ти, но всѣ̑мъ показа̀ житїѐ твоѐ добродѣ́тельное, на по́льзꙋ хотѧ́щымъ стопа́мъ твои̑мъ послѣ́довати."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ꙗ҆́же всѣ́ми влады́чествꙋющи тварьмѝ лю́демъ твои̑мъ да́рꙋй побѣ́дное ѡ҆долѣ́нїе, врага̀ полага́ющи примири́тельна цр҃кви, да тѧ̀ ꙗ҆́кѡ бцⷣꙋ велича́емъ."
|
|
},
|
|
{
|
|
"type": "TEXT",
|
|
"value": "Свѣти́ленъ: Поревнова́въ, блаже́нне, прпⷣбномꙋ се́ргїю, ѿ негѡ́же и҆ наста́вленъ бы́въ на дх҃ѡ́вныѧ по́двиги, многолѣ́тнѣ потрꙋди́лсѧ є҆сѝ въ безмо́лвїи и҆ постѣ̀ и҆ про́чїихъ страда́нїихъ: и҆ ны́нѣ во свѣ́тѣ ст҃ы́ѧ трⷪ҇цы соводворѧ́ѧсѧ, на́съ помина́й. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, пра́здника."
|
|
},
|
|
{
|
|
"type": "HEADER",
|
|
"value": "На хвали́техъ стїхи̑ры, на д҃, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Ѽ пресла́внагѡ чꙋдесѐ!"
|
|
},
|
|
{
|
|
"type": "TEXT",
|
|
"value": "Ѻ҆́ч҃е прпⷣбне, ты̀ бг҃а возлю́бивъ ѿ ю҆́ности, къ немꙋ̀ прилѣпи́лсѧ є҆сѝ, ѡ҆ста́вивъ мі́ръ съ попече́ньми є҆гѡ̀: и҆ ѿ всѣ́хъ ѡ҆бнажи́всѧ жите́йскихъ, безмо́лвно житїѐ по́жилъ є҆сѝ, несмꙋ́тнымъ ᲂу҆мо́мъ вы́нꙋ слꙋжѧ̀ бг҃ꙋ, и҆ во смире́нїи мно́зѣ и҆ ᲂу҆миле́нїи дꙋшѝ: тогѡ̀ ра́ди просла́ви тѧ̀ вели́кїй дарода́тель. Два́жды."
|
|
},
|
|
{
|
|
"type": "TEXT",
|
|
"value": "Прпⷣбне ѻ҆́ч҃е па́ѵле, ты̀ бг҃ꙋ послѣ́дꙋѧ, всѣ́хъ возлюби́лъ є҆сѝ, и҆ ѿ всѣ́хъ люби́мь бы́лъ є҆сѝ, бл҃га́гѡ ра́ди жи́тельства и҆ нра́ва благопристꙋ́пнагѡ, ꙗ҆́коже ктомꙋ̀ не ꙗ҆́кѡ человѣ́ка и҆мѣ́ти, но ꙗ҆́кѡ а҆́гг҃ла: ѿѻнꙋ́дꙋже и҆ дꙋ́шъ попече́нїе воспрїѧ́лъ є҆сѝ, наставлѧ́ѧ сїѧ̑ твои́ми ᲂу҆че́ньми къ нбⷭ҇номꙋ наслѣ́дїю."
|
|
},
|
|
{
|
|
"type": "TEXT",
|
|
"value": "Прпⷣбне, ѻ҆́ч҃е па́ѵле, ты̀ на бг҃а ѡ҆ все́мъ ᲂу҆пова́нїе возложи́въ, хра́мъ прече́стенъ живонача́льныѧ трⷪ҇цы воздви́глъ є҆сѝ, бг҃ꙋ тѝ помога́ющꙋ, и҆ ѻ҆би́тель созда́лъ є҆сѝ въ пребыва́нїе хотѧ́щымъ спасти́сѧ: и҆ ѡ҆ си́хъ всѣ́хъ промышлѧ́ѧ ꙗ҆́кѡ при́сный ѻ҆ц҃ъ, всѣ́хъ наставлѧ́ѧ и҆ наꙋча́ѧ, и҆ собо́ю и҆справлѧ́ѧ, да полꙋча́тъ бꙋ́дꙋщее блаже́нство."
|
|
},
|
|
{
|
|
"type": "HEADER",
|
|
"value": "Сла́ва, гла́съ г҃:"
|
|
},
|
|
{
|
|
"type": "TEXT",
|
|
"value": "Пребл҃же́нне ѻ҆́ч҃е на́шъ па́ѵле, всѧ̑ сꙋ́щыѧ съ тобо́ю ᲂу҆чи́лъ є҆сѝ, глаго́лѧ: ча̑да, є҆ли́ка си́ла є҆́сть, подвиза́йтесѧ ѡ҆ свое́мъ спасе́нїи, и҆ терпи́те скѡ́рби лю̑ты, да полꙋ́чите бꙋ́дꙋщее бл҃же́нство. Никто́же, въ лѣ́ности пребыва́ѧ, полꙋчи́тъ бꙋ́дꙋщихъ бла̑гъ: но зако́ннѡ здѣ̀ стра́ждꙋщїи, та́мѡ зако́ннѡ вѣнчава́ютсѧ пра́ведными вѣнцы̑."
|
|
},
|
|
{
|
|
"type": "HEADER",
|
|
"value": "И҆ ны́нѣ: пра́здника."
|
|
},
|
|
{
|
|
"type": "HEADER",
|
|
"value": "Славосло́вїе вели́кое: и҆ ѿпꙋ́стъ. Ча́съ пе́рвый: и҆ коне́чный ѿпꙋ́стъ."
|
|
},
|
|
{
|
|
"type": "HEADER",
|
|
"value": "На лїтꙋргі́и слꙋ́жба преподо́бническаѧ."
|
|
}
|
|
] |