270 lines
20 KiB
JSON
270 lines
20 KiB
JSON
[
|
|
{
|
|
"type": "HEADER",
|
|
"value": "Ма́рта і҃"
|
|
},
|
|
{
|
|
"type": "HEADER",
|
|
"value": "Ст҃а́гѡ мч҃ника кодра́та, и҆ дрꙋжи́ны є҆гѡ̀."
|
|
},
|
|
{
|
|
"type": "HEADER",
|
|
"value": "На Гдⷭ҇и, воззва́хъ, стїхи̑ры, гла́съ а҃."
|
|
},
|
|
{
|
|
"type": "TEXT",
|
|
"value": "Подо́бенъ: Нб҃сныхъ чинѡ́въ:"
|
|
},
|
|
{
|
|
"type": "TEXT",
|
|
"value": "Съ прехва́льнымъ кодра́томъ да воспое́тсѧ свѣ́тлѡ кѷпрїа́нъ вели́кїй, дїонѵ̑сїа два̀, и҆ а҆не́ктъ досто́йнѡ, крі́скъ вкꙋ́пѣ, и҆ сла́вный па́ѵелъ вѣ́рнѡ: ꙗ҆́кѡ страда́льцы гдⷭ҇ни бг҃овѣнча́нны, и҆ моли́твєнницы на́ши теплѣ́йшїи."
|
|
},
|
|
{
|
|
"type": "TEXT",
|
|
"value": "Свѧщеннопобѣ́дныхъ мꙋ́ченикѡвъ, и҆ побѣдоно́сныхъ ли́къ дне́сь дрꙋгі́й ꙗ҆ви́сѧ, ѡ҆зарѧ́ющь собо́ръ бж҃е́ственныхъ страстоте́рпцєвъ: тве́рдое число̀, и҆збра́нное во́инство, є҆мꙋ́же нача́льствꙋетъ кодра́тъ, благосла́вный побѣди́тель проѧвлѧ́емь."
|
|
},
|
|
{
|
|
"type": "TEXT",
|
|
"value": "Ри́торскїѧ ᲂу҆́бѡ мꙋ́дрости, многопи̑саннаѧ плетє́нїѧ, сѣчи́тельнымъ твои́мъ сло́вомъ разори́лъ є҆сѝ ꙗ҆́кѡ мглꙋ̀, прехва́льный кодра́те. Наꙋча́еши вѣ́рнѡ, и҆ стра́ждеши терпѣли́внѡ за хрⷭ҇та̀, во ѻ҆бои́хъ благоꙋкраша́ѧсѧ, и҆ вкꙋ́пѣ со страстоте́рпцы вѣнча́емь."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ, гла́съ и҆ подо́бенъ то́йже:"
|
|
},
|
|
{
|
|
"type": "TEXT",
|
|
"value": "Ѡ҆держи́мы прегрѣшє́нїи ненаде́жными, чⷭ҇таѧ, тѧ̀ предста́тельницꙋ є҆ди́нꙋ стѧжа́вше, дв҃о, вопїе́мъ благода́рственнѡ: ѡ҆чи́сти ны̀, прест҃а́ѧ бг҃оневѣ́сто. Ты́ бо є҆сѝ мі́ра прибѣ́жище, и҆ застꙋпле́нїе ро́да на́шегѡ."
|
|
},
|
|
{
|
|
"type": "HEADER",
|
|
"value": "Крⷭ҇тобг҃оро́диченъ, подо́бенъ то́йже:"
|
|
},
|
|
{
|
|
"type": "TEXT",
|
|
"value": "Воздви́жена ꙗ҆́кѡ ви́дѣ на крⷭ҇тѣ̀ а҆́гнца, непоро́чнаѧ дв҃а пла́чꙋщи вопїѧ́ше: сла́дкое моѐ ча́до, что̀ но́вое и҆ пресла́вное видѣ́нїе; ка́кѡ содержа́й всѧ́чєскаѧ го́рстїю, на дре́вѣ пригвожда́ешисѧ пло́тїю;"
|
|
},
|
|
{
|
|
"type": "HEADER",
|
|
"value": "Канѡ́нъ кѵ́ръ і҆ѡ́сифа. Гла́съ д҃."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Трїста́ты крѣ̑пкїѧ, рожде́йсѧ ѿ дв҃ы, безстра́стїѧ во глꙋбинѣ̀ дꙋшѝ трича́стное потопѝ, молю́сѧ: да тебѣ̀ ꙗ҆́кѡ въ тѷмпа́нѣ, во ᲂу҆мерщвле́нїи тѣлесѐ побѣ́дное воспою̀ пѣ́нїе."
|
|
},
|
|
{
|
|
"type": "TEXT",
|
|
"value": "Мꙋ́ченикѡвъ свѧще́нныхъ, свѧще́ннѡ страда́вшихъ, свѧще́нный и҆ чꙋ́дный наста̀ пра́здникъ, свѣтозаре́нїемъ дх҃а всѧ̑ свѣтоводѧ́щи, соше́дшесѧ празднолю́бцы, по до́лгꙋ си́хъ ᲂу҆блажи́мъ."
|
|
},
|
|
{
|
|
"type": "TEXT",
|
|
"value": "Ꙗ҆́кѡ со́лнце свѣ́тлое, добродѣ́телей свѣтоно́сїемъ возсїѧ́лъ є҆сѝ на́мъ, кодра́те страда́льче, свѣтолꙋ́чными твои́ми сїѧ̑нїи, тмꙋ̀ многобо́жїѧ ѿгонѧ̀ блаже́нне, и҆ просвѣща́ѧ вѣ́рныхъ составлє́нїѧ."
|
|
},
|
|
{
|
|
"type": "TEXT",
|
|
"value": "Ка́мень жи́зни і҆и҃са сп҃са возвѣща́юще бг҃а, пострада́сте тве́рдѡ, и҆ и҆сто́чникъ свѧще́нїѧ, ка́мень прїе́мшїи, крове́й течє́нїѧ содѣ́ласте, мч҃ницы сла́внїи."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ѿ тимѣ́нїѧ страсте́й, помышле́нїй треволне́нїѧ, ѿ стрѣ́лъ вра́жїихъ, ѿ всѧ́кагѡ прило́га сопроти́вна спасѝ, чⷭ҇таѧ бг҃ороди́тельнице, дꙋ́шы пою́щихъ твоѐ несказа́нное рождество̀, всенепоро́чнаѧ."
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ꙗ҆́кѡ непло́ды родѝ ѿ ꙗ҆зы̑къ цр҃ковь, и҆ мно́гое въ ча́дѣхъ и҆знемо́же со́нмище, чꙋ́дномꙋ бг҃ꙋ на́шемꙋ возопїи́мъ: ст҃ъ є҆сѝ, гдⷭ҇и."
|
|
},
|
|
{
|
|
"type": "TEXT",
|
|
"value": "Тве́рдїи а҆дама́нти, ᲂу҆бива́емїи мече́мъ, и҆ болѣ́зней ви́дѡмъ приѡбща́ющесѧ терпѣли́внѡ, чꙋ́дномꙋ бг҃ꙋ на́шемꙋ взыва́хꙋ: ст҃ъ є҆сѝ, гдⷭ҇и."
|
|
},
|
|
{
|
|
"type": "TEXT",
|
|
"value": "Премꙋ́дростїю кодра́тъ бг҃ода́нною ᲂу҆празднѝ є҆́ллинскꙋю мꙋ́дрость, любопрѣ̑нїѧ стражда̀, и҆ свои́ми кро́вьми, дх҃омъ бжⷭ҇твеннымъ ᲂу҆добрѧ́ѧсѧ."
|
|
},
|
|
{
|
|
"type": "TEXT",
|
|
"value": "Съ кодра́томъ а҆не́кта, и҆ съ па́ѵломъ криске́нта, кѷпрїа́на бжⷭ҇твеннаго, и҆ дїонѵ́сїа вѣ́рнїи благочестномꙋ́дреннѡ пѣ́сньми вѣнча́емъ, вѣ́рою пострада́вшихъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Нижѐ нб҃сный ᲂу҆́мъ, па́че ᲂу҆ма̀ рождества̀ твоегѡ̀ мо́жетъ сказа́ти, ѻ҆трокови́це: ᲂу҆ма́ бо пе́рвагѡ во ᲂу҆тро́бѣ сло́во, чⷭ҇таѧ, зачала̀ є҆сѝ, всѧ́чєскаѧ сло́вомъ соста́вльшаго."
|
|
},
|
|
{
|
|
"type": "HEADER",
|
|
"value": "Сѣда́ленъ, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Вознесы́йсѧ:"
|
|
},
|
|
{
|
|
"type": "TEXT",
|
|
"value": "Терпѣ́пїемъ лю́тыхъ ᲂу҆мертви́лъ є҆сѝ го́рдаго врага̀, страстоте́рпче, ме́чнꙋю сме́рть претерпѣ́лъ є҆сѝ, вкꙋ́пѣ со стра́ждꙋщими съ тобо́ю всемꙋ́дрыми, кодра́те. Тѣ́мже пра́зднꙋемъ честнꙋ́ю ва́шꙋ па́мѧть, вопїю́ще: помѧни́те на́съ ко влⷣцѣ, непобѣди́мїи мꙋ́чєницы."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Нечи́стыхъ помыслѡ́въ мои́хъ мно́жество, и҆ безмѣ́стныхъ мы́слей ѡ҆бꙋрева̑нїѧ, кто̀ и҆зрещѝ мо́жетъ, всенепоро́чнаѧ; настоѧ̑нїѧ же безпло́тныхъ вра̑гъ мои́хъ кто̀ и҆сповѣ́сть, и҆ си́хъ ѕло́бꙋ; но твое́ю мольбо́ю, блага́ѧ, си́хъ мнѣ̀ всѣ́хъ и҆збавле́нїе да́рꙋй."
|
|
},
|
|
{
|
|
"type": "TEXT",
|
|
"value": "Крⷭ҇тобг҃оро́диченъ: И҆́же ѿ безнача́льнагѡ ѻ҆ц҃а̀ рожде́ннаго, напослѣ́докъ тѧ̀ пло́тїю ро́ждшаѧ, на крⷭ҇тѣ̀ ви́сѧща зрѧ́щи, хрⷭ҇тѐ, ᲂу҆вы̀ мнѣ̀, любе́знѣйшїй і҆и҃се, вопїѧ́ше: ка́кѡ сла́вимый ꙗ҆́кѡ бг҃ъ ѿ а҆́гг҃лъ, ѿ беззако́нныхъ ны́нѣ человѣ̑къ, сн҃е, хотѧ̀ распина́ешисѧ; пою́ тѧ, долготерпѣли́ве."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "TEXT",
|
|
"value": "І҆рмо́съ: Сѣдѧ́й въ сла́вѣ на прⷭ҇то́лѣ бж҃ества̀, во ѻ҆́блацѣ ле́гцѣ, прїи́де і҆и҃съ пребжⷭ҇твенный, нетлѣ́нною дла́нїю, и҆ спасѐ зовꙋ́щыѧ: сла́ва, хрⷭ҇тѐ, си́лѣ твое́й."
|
|
},
|
|
{
|
|
"type": "TEXT",
|
|
"value": "Мꙋ́дростїю твои́хъ слове́съ, немꙋ̑дрыѧ посрами́лъ є҆сѝ, и҆ наказа́нїемъ бг҃ови́дныхъ ᲂу҆че́нїй твои́хъ, мꙋ́чениче кодра́те, ᲂу҆лови́лъ є҆сѝ бжⷭ҇твеннаго а҆не́кта: влⷣцѣ твоемꙋ̀ приво́диши терпѣли́ва мꙋ́ченика."
|
|
},
|
|
{
|
|
"type": "TEXT",
|
|
"value": "Ѿ пеле́нъ присво́илсѧ є҆сѝ всѧ̑ сотво́ршемꙋ, и҆здѣ́тска соверше́нна мꙋ́жа смы́слъ и҆збра́въ, и҆ премꙋ́дрости возжелѣ́въ, ве́сь бы́лъ є҆сѝ чистѣ́йшее, мꙋ́чениче, хрⷭ҇то́во ѻ҆би́телище."
|
|
},
|
|
{
|
|
"type": "TEXT",
|
|
"value": "Шестосвѣ́тлый свѣ́щникъ мꙋ́ченикѡвъ твои́хъ, гдⷭ҇и, та́йнымъ є҆ле́емъ напои́всѧ, ѿгна̀ многобо́жїѧ но́щь, и҆ ѡ҆зарѝ зовꙋ́щыѧ: сла́ва, хрⷭ҇тѐ, си́лѣ твое́й."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ст҃а́ѧ бцⷣа, въ не́йже всели́тисѧ благоволѝ, ꙗ҆́кѡ благово́ненъ хра́мъ, сло́во ѻ҆́ч҃ее є҆диносꙋ́щное, не ѡ҆палѝ ложе́снъ, не болѣ́знова: и҆́бо родѝ є҆мманꙋ́ила, бг҃а и҆ чл҃вѣ́ка."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "TEXT",
|
|
"value": "І҆рмо́съ: Просвѣще́нїе твоѐ, гдⷭ҇и, низпослѝ на́мъ, и҆ ѿ мглы̀ прегрѣше́нїй разрѣши́ ны, бла́же, тво́й ми́ръ да́рꙋѧй."
|
|
},
|
|
{
|
|
"type": "TEXT",
|
|
"value": "Просвѣще́нїемъ ра́зꙋма, неразꙋ́мїѧ мглꙋ̀ ѿгонѧ̀, гдⷭ҇еви приво́диши собо́ръ страда́лєцъ, мꙋ́дре кодра́те, съ ни́ми вѣнча́емь."
|
|
},
|
|
{
|
|
"type": "TEXT",
|
|
"value": "По́стнически пе́рвѣе побѣди́въ страсте́й привозста̑нїѧ, второ́е погꙋби́лъ є҆сѝ держа́вꙋ ѕлочести́выхъ, кодра́те мꙋ́чениче, пострада́въ крѣпча́йше."
|
|
},
|
|
{
|
|
"type": "TEXT",
|
|
"value": "И҆сполнѧ́етсѧ невла́жный ка́мень пролїѧ́ньми честны́хъ твои́хъ крове́й, и҆ стрꙋи̑ свѣ̑тлы дае́тъ вѣ̑рнымъ, ѡ҆свѧща́ѧ бжⷭ҇твенными манове́ньми."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Созда́вый, пречⷭ҇таѧ, є҆́ѵꙋ ѿ ребра̀, и҆зъ твоеѧ̀ чи́стыѧ ᲂу҆тро́бы зи́ждетсѧ, спастѝ а҆да́ма за благоꙋтро́бїе восхотѣ́въ, ꙗ҆́кѡ чл҃вѣколю́бецъ."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Возопѝ, проѡбразꙋ́ѧ погребе́нїе тридне́вное, прⷪ҇ро́къ і҆ѡ́на, въ ки́тѣ молѧ́сѧ: ѿ тлѝ и҆зба́ви мѧ̀, і҆и҃се, цр҃ю̀ си́лъ."
|
|
},
|
|
{
|
|
"type": "TEXT",
|
|
"value": "Шесточи́сленный страстоте́рпєцъ ли́къ на́мъ возсїѧ̀, ꙗ҆́коже ѕвѣ́зды на церко́внѣй честнѣ́й тве́рди, вѣ̑рныѧ просвѣща́ѧй и҆ пре́лести тмꙋ̀ разгонѧ́ѧй."
|
|
},
|
|
{
|
|
"type": "TEXT",
|
|
"value": "Пꙋчи́нꙋ мꙋ́къ преидо́сте, мꙋ́чєницы, нево́лненнѡ, и҆ вы́шнюю тишинꙋ̀ полꙋчи́сте, вѣ́рныхъ приста́нище бы́вше, и҆ моли́твенницы теплѣ́йшїи."
|
|
},
|
|
{
|
|
"type": "TEXT",
|
|
"value": "Да похва́лимъ со а҆не́ктомъ кодра́та сла́внаго, и҆ съ па́ѵломъ дїонѵ́сїа, криске́нта, кѷпрїа́на, хрⷭ҇то́ва вїногра́да доброплѡ́дныѧ рѡ́зги."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ѡ҆н҃беси́ла є҆сѝ ѡ҆зе́мствованное є҆стество̀, всенепоро́чнаѧ, человѣ́кѡвъ, и҆ и҆стлѣ́вшее сїѐ новосодѣ́лала є҆сѝ: сегѡ̀ ра́ди, ѻ҆трокови́це, всѝ немо́лчными гла́сы тѧ̀ сла́вимъ."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "TEXT",
|
|
"value": "І҆рмо́съ: Спасы́й во ѻ҆гнѝ а҆враа̑мскїѧ твоѧ̑ ѻ҆́троки, и҆ халдє́и ᲂу҆би́въ, ꙗ҆̀же пра́вда пра́веднѡ ᲂу҆ловлѧ́ше: препѣ́тый гдⷭ҇и, бж҃е ѻ҆тє́цъ на́шихъ, благослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Во ѻ҆гнѝ мꙋче́нїй свы́ше прїе́млюще ро́сꙋ терпѣ́нїѧ, со ѻ҆́троки до́блїи взыва́хꙋ мꙋ́чєницы: препѣ́тый гдⷭ҇и, бж҃е ѻ҆тє́цъ на́шихъ, благослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Ѡ҆дожде́нїемъ честны́ѧ кро́ве ва́шеѧ, страстоте́рпцы, ка́мень невла́жный пре́жде и҆спо́лнисѧ, стрꙋи̑ пролива́ющъ и҆сцѣле́нїй, пою́щымъ: бж҃е ѻ҆тє́цъ, благослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Ꙗ҆́кѡ мѷрополо́жница мы́сленнаѧ, мѵ́ро врачева́нїи, кодра́те, моще́й твои́хъ ра́ка и҆сточа́етъ, страсте́й ѿгонѧ́щи ѕлосмра́дїе, и҆ ѡ҆палѧ́ющи де́мѡнѡвъ ѡ҆полчє́нїѧ си́лою бжⷭ҇твенною."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Благослове́нъ пло́дъ благослове́нныѧ ᲂу҆тро́бы твоеѧ̀, є҆го́же благословѧ́тъ нбⷭ҇ныѧ си̑лы и҆ человѣ́честїи собо́ри, на́съ и҆зба́вльшаго ѿ клѧ́твы дре́внїѧ, благослове́ннаѧ."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "TEXT",
|
|
"value": "І҆рмо́съ: И҆зба́вителю всѣ́хъ, всеси́льне, посредѣ̀ пла́мене благоче́ствовавшыѧ, снизше́дъ, ѡ҆роси́лъ є҆сѝ, и҆ наꙋчи́лъ є҆сѝ пѣ́ти: всѧ̑ дѣла̀, благослови́те, по́йте гдⷭ҇а."
|
|
},
|
|
{
|
|
"type": "TEXT",
|
|
"value": "Просвѣ́щсѧ страда́нїй свѣ́тлостїю, вѣнцено́сецъ гдⷭ҇ꙋ предстои́ши со страда́вшими съ тобо́ю, сла́вне, воспѣва́ѧ, кодра́те: всѧ̑ дѣла̀, благослови́те, по́йте гдⷭ҇а."
|
|
},
|
|
{
|
|
"type": "TEXT",
|
|
"value": "Добродѣ́телей свѣ́томъ ᲂу҆добрѧ́емь, при кончи́нѣ мꙋ́ченическꙋю свѣ́тлость наслѣ́довалъ є҆сѝ, всемꙋ́дре, воспѣва́ѧ, кодра́те: всѧ̑ дѣла̀, благослови́те, по́йте гдⷭ҇а."
|
|
},
|
|
{
|
|
"type": "TEXT",
|
|
"value": "Пред̾ѡграждє́нїѧ корі́нѳъ стѧжа̀, ст҃ы́хъ честны̑ѧ мѡ́щи, и҆ врачева́нїе безме́здно хра́мъ, и҆дѣ́же вѣ́рою всѧ́къ притека́ѧй, болѣ́зни и҆ страсте́й и҆змѣнѧ́етсѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: И҆зба́вльшисѧ клѧ́твы прама́тернїѧ тобо́ю, чⷭ҇таѧ бг҃омт҃и, благослове́ннаѧ влⷣчце, благослови́мъ тѧ̀ вѣ́рою и҆ пѣсносло́вимъ, прест҃а́ѧ дв҃о бг҃оневѣ́сто."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Є҆́ѵа ᲂу҆́бѡ недꙋ́гомъ преслꙋша́нїѧ клѧ́твꙋ всели́ла є҆́сть: ты́ же, дв҃о бцⷣе, прозѧбе́нїемъ чревоноше́нїѧ, мі́рови бл҃гослове́нїе процвѣла̀ є҆сѝ. Тѣ́мъ тѧ̀ всѝ велича́емъ."
|
|
},
|
|
{
|
|
"type": "TEXT",
|
|
"value": "Гноє́нїѧ ва̑ша мꙋ́ченичєскаѧ и҆спꙋща́ютъ благово́нїе, по́лно благода́ти, крѡ́ви си́хъ цѣле́бъ и҆злива́ютъ то́ки бжⷭ҇твеннымъ дх҃омъ, и҆ стра̑сти дꙋшетлѣ̑нныѧ и҆сцѣлѧ́ютъ: ꙗ҆̀же досто́йнѡ ᲂу҆блажи́мъ."
|
|
},
|
|
{
|
|
"type": "TEXT",
|
|
"value": "Красе́нъ ꙗ҆́звъ добро́тами бы́въ, а҆́гг҃лѡмъ ᲂу҆подо́билсѧ є҆сѝ: кро́вїю же и҆злїѧ́нною, кодра́те, всѣ́дъ ꙗ҆́кѡ на колесни́цꙋ, возлетѣ́лъ є҆сѝ къ вы̑шнимъ црⷭ҇твѡмъ, по́чєсти болѣ́зней прїе́млѧ."
|
|
},
|
|
{
|
|
"type": "TEXT",
|
|
"value": "И҆сточа́ѧ бжⷭ҇твеннꙋю сла́дость и҆зъ ᲂу҆́стъ, страда́льческїй собо́ръ ᲂу҆вѣща́лъ є҆сѝ, мꙋ́чениче кодра́те, страда́ти съ тобо́ю, а҆не́кта и҆ па́ѵла, и҆ криске́нта, кѷпрїа́на же и҆ бжⷭ҇твеннаго дїонѵ́сїа: съ ни́миже ликꙋ́еши, досточꙋ́дне."
|
|
},
|
|
{
|
|
"type": "TEXT",
|
|
"value": "Де́нь пра́здника ва́шегѡ страда́нїѧ, страстоте́рпцы, всѝ почита́емъ: въ се́й бо вѣне́цъ нетлѣ́нїѧ взе́мше, сы́нове бы́сте свѣ́та же и҆ днѐ, ликꙋ́юще ѻ҆́крестъ престо́ла всецр҃ѧ̀."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ꙗ҆́вльшисѧ всѣ́хъ творца̀ роди́тельница, па́че всѧ́кагѡ ᲂу҆ма̀, всенепоро́чнаѧ, нб҃е́съ вы́шши показа́ласѧ є҆сѝ, и҆ всѣ́ми влады́чествꙋющи, дв҃о бг҃ороди́тельнице нескве́рнаѧ: тѣ́мъ тѧ̀ всѝ непреста́ннѡ велича́емъ."
|
|
}
|
|
] |