302 lines
23 KiB
JSON
302 lines
23 KiB
JSON
[
|
|
{
|
|
"type": "HEADER",
|
|
"value": "Ма́рта а҃і"
|
|
},
|
|
{
|
|
"type": "HEADER",
|
|
"value": "И҆́же во ст҃ы́хъ, ѻ҆ц҃а̀ на́шегѡ сѡфро́нїа, патрїа́рха і҆ерꙋсали́мскагѡ:"
|
|
},
|
|
{
|
|
"type": "HEADER",
|
|
"value": "На Гдⷭ҇и, воззва́хъ, стїхи̑ры сѡфро́нїа, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Ꙗ҆́кѡ до́блѧ:"
|
|
},
|
|
{
|
|
"type": "TEXT",
|
|
"value": "Цѣломꙋ́дрїѧ тезоимени́тъ, ѿ бжⷭ҇твеннагѡ проразꙋмѣ́нїѧ про́званъ бы́въ, сѡфро́нїе, цѣломꙋ́дръ бы́лъ є҆сѝ въ дѣ́лѣхъ и҆ пра́веденъ, мꙋ́жественъ и҆ разꙋ́менъ, добродѣ́тельми ро́дными до́блѣ вѣнча́емь: и҆ пре́былъ є҆сѝ процвѣта́ѧ во ѻ҆бои́хъ, дꙋше́ю же и҆ тѣ́ломъ, ꙗ҆́коже строи́тель и҆зрѧ́днѣйшїй."
|
|
},
|
|
{
|
|
"type": "TEXT",
|
|
"value": "И҆зъ ᲂу҆́стъ бг҃ослове́сныхъ бг҃ослѡ́вна возгремѣ́лъ є҆сѝ ᲂу҆чє́нїѧ, сѡфро́нїе всеблаже́нне, бг҃осло́вивъ ꙗ҆снѣ́йше ѻ҆ц҃а̀ безнача́льна и҆ собезнача́льна сн҃а, и҆ дх҃а ст҃а́го соприсносꙋ́щна, во є҆ди́ницѣ трⷪ҇цꙋ и҆ є҆ди́ницꙋ въ трⷪ҇цѣ, бг҃а є҆ди́наго сꙋще́ственнымъ то́ждествомъ."
|
|
},
|
|
{
|
|
"type": "TEXT",
|
|
"value": "Пло́ти по ѵ҆поста́си соеди́ншасѧ безпло́тнаго, и҆ ѻ҆ц҃ꙋ̀ собезнача́льнаго, сло́ва, всемꙋ́дре, кромѣ̀ преложе́нїѧ и҆ слїѧ́нїѧ, мꙋ́дрѣ наꙋчи́лъ є҆сѝ: дѣ́йствꙋюща же сꙋгꙋ́бѡ ѻ҆бои́ми є҆стествы̀, и҆зъ ни́хже слежи́тъ, и҆ въ ни́хже зри́тсѧ, є҆ди́нъ сы́й нераздѣ́ленъ сꙋщество́мъ, въ се́мъ и҆ ѻ҆́номъ разꙋмѣва́емый."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ, гла́съ и҆ подо́бенъ то́йже:"
|
|
},
|
|
{
|
|
"type": "TEXT",
|
|
"value": "Тꙋ́чами дх҃а прест҃а́гѡ, пречⷭ҇таѧ, мою̀ мы́сль ѡ҆росѝ, ꙗ҆́же ка́плю ро́ждшаѧ хрⷭ҇та̀, неизче́тнѡ безмѣ̑рнаѧ беззакѡ́нїѧ человѣ́кѡвъ, щедро́тами и҆змы́вшꙋю, и҆зсꙋшѝ и҆сто́чникъ страсте́й мои́хъ, и҆ пото́ка мѧ̀ сподо́би пи́щи живы́ѧ при́снѡ, моли́твами твои́ми."
|
|
},
|
|
{
|
|
"type": "HEADER",
|
|
"value": "Крⷭ҇тобг҃оро́диченъ, подо́бенъ то́йже:"
|
|
},
|
|
{
|
|
"type": "TEXT",
|
|
"value": "На крⷭ҇тѣ́ тѧ ꙗ҆́кѡ ᲂу҆зрѣ̀ пригвожде́на, гдⷭ҇и, а҆́гница и҆ мт҃и твоѧ̀ дивлѧ́шесѧ, и҆ что̀ видѣ́нїе сїѐ, взыва́ше, сн҃е вожделѣ́нне, сїѧ̑ тѝ непокори́вый собо́ръ воздадѐ беззако́нный, и҆́же мно́гихъ твои́хъ чꙋде́съ наслади́выйсѧ; по сла́ва неизглаго́ланномꙋ соше́ствїю твоемꙋ̀, влⷣко."
|
|
},
|
|
{
|
|
"type": "HEADER",
|
|
"value": "Канѡ́нъ, кѵ́ръ ѳеофа́на, гла́съ д҃, є҆гѡ́же краегране́сїе:"
|
|
},
|
|
{
|
|
"type": "TEXT",
|
|
"value": "Цѣломꙋ́дрїѧ пою̀ тезоимени́тагѡ и҆́скренню же́ртвꙋ."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ѿве́рзꙋ ᲂу҆ста̀ моѧ̑, и҆ напо́лнѧтсѧ дх҃а, и҆ сло́во ѿры́гнꙋ цр҃и́цѣ мт҃ри, и҆ ꙗ҆влю́сѧ свѣ́тлѡ торжествꙋ́ѧ, и҆ воспою̀, ра́дꙋѧсѧ, тоѧ̀ чꙋдеса̀."
|
|
},
|
|
{
|
|
"type": "TEXT",
|
|
"value": "Цѣломꙋ́дреннѡ преплы́лъ є҆сѝ цѣломꙋ́дрїѧ пꙋчи́нꙋ, вѣ́тры дꙋхо́вными направлѧ́емь, и҆ собра́лъ є҆сѝ мно́гѡ бога́тства, мꙋ́дрости дарова̑нїѧ, ѻ҆́ч҃е сѡфро́нїе."
|
|
},
|
|
{
|
|
"type": "TEXT",
|
|
"value": "Ꙗ҆́кѡ а҆́гг҃лъ бы́лъ є҆сѝ хрⷭ҇то́ва воскрⷭ҇нїѧ ́, и҆ предсѣда́тель бжⷭ҇твенъ бжⷭ҇твеннагѡ гро́ба, ѡ҆богати́вшагѡ и҆сто́чникомъ безсме́ртїѧ, хрⷭ҇та̀, воздви́гшагѡ паде́нїе ро́да на́шегѡ."
|
|
},
|
|
{
|
|
"type": "TEXT",
|
|
"value": "Свѣ́тлостїю слове́съ твои́хъ, и҆ ᲂу҆ма̀ ѡ҆строто́ю, мі́ръ ᲂу҆ѧсни́лъ є҆сѝ, бг҃осло́вивъ ꙗ҆́снѡ трїѷпоста́снагѡ бжⷭ҇тва̀ сꙋщество̀, є҆ди́ницꙋ тричи́сленнꙋю, ѻ҆́ч҃е сѡфро́нїе."
|
|
},
|
|
{
|
|
"type": "TEXT",
|
|
"value": "Глагѡ́лъ вѣща́нїе твоѐ и҆ ᲂу҆че́нїй благознамени́таѧ гꙋ́сль, протечѐ земны̑ѧ концы̀, та́инствꙋ строе́нїѧ сло́ва ᲂу҆ча́щаѧ, ѻ҆́ч҃е сѡфро́нїе."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Сы́й є҆стество́мъ несозда́ненъ и҆ ѻ҆ц҃ꙋ̀ соприсносꙋ́щенъ, и҆ време́нъ превы́шшїй и҆ превѣ́чный, и҆зъ тебє̀, влⷣчце, зи́ждемь, и҆ подъ лѣ́томъ ꙗ҆́кѡ чл҃вѣ́къ быва́етъ, спаса́ѧ человѣ́ка."
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "TEXT",
|
|
"value": "І҆рмо́съ: Не мꙋ́дростїю и҆ си́лою, и҆ бога́тствомъ хва́лимсѧ, но тобо́ю, ѻ҆́ч҃ею ѵ҆поста́сною мꙋ́дростїю, хрⷭ҇тѐ: нѣ́сть бо свѧ́тъ па́че тебє̀, чл҃вѣколю́бче."
|
|
},
|
|
{
|
|
"type": "TEXT",
|
|
"value": "Оу҆твержда́ема па́лицею слове́съ твои́хъ, преподо́бне, стремлє́нїѧ ѕлочести́выхъ и҆ бг҃обо́рныхъ є҆ресе́й ѿража́етъ, ѿгонѧ́щи, цр҃ковь хрⷭ҇то́ва."
|
|
},
|
|
{
|
|
"type": "TEXT",
|
|
"value": "Побо́рствовавъ по честнѣ́мъ, бг҃оно́се, проповѣ́данїи, показа́лсѧ є҆сѝ побѣди́тель по́мощїю дх҃а, мꙋ́дрѣ ᲂу҆крѣплѧ́емь, ѻ҆́ч҃е сѡфро́нїе."
|
|
},
|
|
{
|
|
"type": "TEXT",
|
|
"value": "Оу҆мертви́въ всѐ тлѣ́емое пло́ти сладостра́стїе, нетлѣ́ннꙋю дꙋ́шꙋ благоче́стїемъ ѡ҆живи́лъ є҆сѝ: и҆ сїю̀ показа́лъ є҆сѝ бжⷭ҇твенный ѻ҆рга́нъ."
|
|
},
|
|
{
|
|
"type": "TEXT",
|
|
"value": "Бг҃осло́вный и҆ кра́сный, и҆ медото́чный ѧ҆зы́къ тво́й, сло́ва рѣ́ки и҆сточа́етъ, бг҃опрїѧ́тне, бжⷭ҇твєннаѧ ᲂу҆чє́нїѧ всѣ̑мъ и҆злива́ѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Тѧ̀ ро́ждшꙋю бг҃а, бцⷣꙋ сла́вимъ, ржⷭ҇твꙋ̀ твоемꙋ̀ и҆менова́нїемъ сли́чествꙋюще, и҆ зва́нїѧ по ѻ҆боемꙋ̀, пречⷭ҇таѧ влⷣчце."
|
|
},
|
|
{
|
|
"type": "HEADER",
|
|
"value": "Сѣда́ленъ, гла́съ д҃"
|
|
},
|
|
{
|
|
"type": "TEXT",
|
|
"value": "Подо́бенъ: Ско́ро предварѝ:"
|
|
},
|
|
{
|
|
"type": "TEXT",
|
|
"value": "Словесы̀ ᲂу҆краси́лъ є҆сѝ цр҃ковь хрⷭ҇то́вꙋ, дѣ́лы соблю́дъ є҆́же по ѻ҆́бразꙋ бж҃їю, сѡфро́нїе преподо́бне: просїѧ́ бо въ мі́рѣ, є҆́же въ тебѣ̀ цѣломꙋ́дрїе, благода́ть ᲂу҆че́нїй ѡ҆блиста́ющаѧ всѣ̑мъ, любо́вїю пра́зднꙋющымъ, ѻ҆́ч҃е, па́мѧть твою̀."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Ѡ҆бнови́ла є҆сѝ, чⷭ҇таѧ, бжⷭ҇твеннымъ рождество́мъ твои́мъ, и҆стлѣ́вшее во страсте́хъ земноро́дныхъ ме́ртвенное сꙋщество̀ и҆ воздви́гла є҆сѝ всѧ̑ ѿ сме́рти къ животꙋ̀ нетлѣ́нїѧ. Тѣ́мже тѧ̀ по до́лгꙋ блажи́мъ всѝ, дв҃о препросла́вленнаѧ, ꙗ҆́коже прорекла̀ є҆сѝ."
|
|
},
|
|
{
|
|
"type": "TEXT",
|
|
"value": "Крⷭ҇тобг҃оро́диченъ: На крестѣ́ тѧ возвы́шена, ꙗ҆́кѡ ᲂу҆зрѣ̀ пречⷭ҇таѧ мт҃и твоѧ̀, сло́ве бж҃їй, мт҃рски рыда́ющи вѣща́ше: что̀ но́вое и҆ стра́нное сїѐ чꙋ́до, сн҃е мо́й; ка́кѡ, жи́знь всѣ́хъ, вкꙋша́еши сме́рти, ѡ҆живи́ти ᲂу҆ме́ршыѧ хотѧ̀, ꙗ҆́кѡ благоꙋтро́бенъ;"
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "TEXT",
|
|
"value": "І҆рмо́съ: Сѣдѧ́й въ сла́вѣ на прⷭ҇то́лѣ бжⷭ҇тва̀, во ѻ҆́блацѣ ле́гцѣ, прїи́де і҆и҃съ пребжⷭ҇твенный, и҆стлѣ́нною дла́нїю, и҆ спасѐ зовꙋ́щыѧ: сла́ва, хрⷭ҇тѐ, си́лѣ твое́й."
|
|
},
|
|
{
|
|
"type": "TEXT",
|
|
"value": "Є҆ди́но безнача́льное сꙋщество̀ въ тре́хъ ѵ҆поста́сѣхъ, сво́йствы соверше́нными, ты̀, ѻ҆́ч҃е мꙋ́дре, проповѣ́далъ є҆сѝ раздѣлѧ́емое непресѣко́мо, совокꙋплѧ́емо же неслїѧ́нно, во́лею є҆ди́ною и҆ бж҃ество́мъ."
|
|
},
|
|
{
|
|
"type": "TEXT",
|
|
"value": "И҆мѣ́ѧ цѣломꙋ́дреннꙋ мы́сль и҆ ᲂу҆́мъ цѣломꙋ́дрѣйшїй, не смѣше́нїе мꙋдрова́лъ є҆сѝ, ѻ҆́ч҃е, ни преложе́нїе, нижѐ слїѧ́нїе соедине́нныхъ непрело́жнѡ, двои́хъ є҆сте́ствъ во є҆ди́номъ хрⷭ҇тѣ̀ є҆диноро́днѣмъ, всеблаже́нне."
|
|
},
|
|
{
|
|
"type": "TEXT",
|
|
"value": "Просвѣща́емь бжⷭ҇твеннѣ просвѣще́нїемъ дх҃а, лю́тое неи́стовство несто́рїево разори́лъ є҆сѝ, то́южде во́лею и҆ ра́зꙋмомъ, и҆́же соедине́нїе проповѣ́давшаго хрⷭ҇то́вꙋ ѻ҆бою̀ є҆стествꙋ̑."
|
|
},
|
|
{
|
|
"type": "TEXT",
|
|
"value": "Пѵ́рра попали́лъ є҆сѝ, бг҃омꙋ́дре, ѻ҆гне́мъ ᲂу҆че́нїй твои́хъ, ѿмета́юща два̀ бы́ти хрⷭ҇тѡ́ва хотѣ̑нїѧ, разли́чными сꙋществы̀ ꙗ҆̀же по себѣ̀, дѣ́йства же вкꙋ́пѣ сꙋгꙋ́ба, ѻ҆́ч҃е преподо́бне."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Оу҆краси́ласѧ є҆сѝ па́че всегѡ̀ а҆́гг҃льскагѡ благолѣ́пїѧ, ꙗ҆́кѡ ро́ждши си́хъ, ѻ҆трокови́це, творца́ же и҆ гдⷭ҇а, ѿ твои́хъ пречⷭ҇тыхъ крове́й воплоща́ема, и҆збавлѧ́ющаго всѧ̑ того̀ сла́вѧщыѧ."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "TEXT",
|
|
"value": "І҆рмо́съ: Нечести́вїи не ᲂу҆́зрѧтъ сла́вы твоеѧ̀, хрⷭ҇тѐ. Но мы̀ тѧ̀, є҆диноро́дне, ѻ҆ч҃ескїѧ сла́вы сїѧ́нїе бжⷭ҇тва̀, ѿ но́щи ᲂу҆́тренююще воспѣва́емъ тѧ̀, чл҃вѣколю́бче."
|
|
},
|
|
{
|
|
"type": "TEXT",
|
|
"value": "Честно́е воскресе́нїе и҆ гро́бъ жи́зни неꙋкло́нною любо́вїю зрѧ̀, бг҃овидѣ́нїѧ поче́рплъ є҆сѝ тайноꙋчє́нїѧ: и҆ вѣ̑рнымъ препо́далъ є҆сѝ, ст҃и́телю, сїѧ̑нїѧ."
|
|
},
|
|
{
|
|
"type": "TEXT",
|
|
"value": "Всѧ́чески возлюби́лъ є҆сѝ є҆ди́наго блага́го, разже́гсѧ заре́ю мы́сленною: и҆ и҆сто́чникъ возлюби́лъ є҆сѝ нетлѣ́нїѧ, видѣ́ньми, всемꙋ́дре, къ немꙋ̀ простира́ѧсѧ."
|
|
},
|
|
{
|
|
"type": "TEXT",
|
|
"value": "Хра́мъ жи́въ и҆ ѡ҆дꙋшевле́нъ бы́лъ є҆сѝ бж҃їй, ᲂу҆мертви́всѧ всѣ̑мъ сꙋ́щымъ на землѝ, сло́ва трапе́зꙋ ѻ҆би́льнꙋю стѧжа́въ, преподо́бне, и҆ свѣти́льникъ вѣ́ры."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Во двою̀ разꙋмѣва́ема сꙋществꙋ̑ хрⷭ҇та̀, сн҃а є҆диноро́днаго бж҃їѧ, безнача́льнаго пло́ть бы́вша, па́че сло́ва родила̀ є҆сѝ, бг҃ома́ти приснодѣ́во."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Пожрꙋ́ ти со гла́сомъ хвале́нїѧ, гдⷭ҇и, цр҃ковь вопїе́тъ тѝ, ѿ бѣсо́вскїѧ кро́ве ѡ҆чи́щшисѧ, ра́ди ми́лости ѿ ре́бръ твои́хъ и҆сте́кшею кро́вїю."
|
|
},
|
|
{
|
|
"type": "TEXT",
|
|
"value": "Бога́тнѡ и҆злїѧ́сѧ благода́ть дх҃а всест҃а́гѡ, бг҃омꙋ́дре, во ᲂу҆стна́хъ твои́хъ: тѣ́мже вѣща́нїе твои́хъ слове́съ рѣ̑чнымъ подо́битсѧ тече́нїємъ."
|
|
},
|
|
{
|
|
"type": "TEXT",
|
|
"value": "Ꙗ҆́кѡ фі́нїѯъ въ домꙋ̀ гдⷭ҇ни процвѣ́лъ є҆сѝ, благопло́дїемъ слове́съ, и҆ чи́стымъ житїе́мъ наслажда́ѧ сердца̀, свѧти́телю, вѣ́рнѡ чтꙋ́щихъ тѧ̀."
|
|
},
|
|
{
|
|
"type": "TEXT",
|
|
"value": "Оу҆мерщвлѧ́етсѧ живи́тельнымъ ѻ҆рꙋ́жїемъ слове́съ твои́хъ є҆реті́ческїй собо́ръ: и҆ свирѣ́пое ѡ҆полче́нїе бг҃обо́рєцъ закала́емо ᲂу҆мерщвлѧ́етсѧ ᲂу҆че́нїй твои́хъ мєчѝ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Пое́мъ, бцⷣе, чи́стое рождество̀ твоѐ, и҆́мже спаса́емсѧ всѝ сме́рти сѣ́тей, и҆ лю́тагѡ грѣха̀ и҆ ᲂу҆́зъ а҆́довыхъ и҆збавлѧ́емсѧ."
|
|
},
|
|
{
|
|
"type": "HEADER",
|
|
"value": "Конда́къ, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Взбра́нной:"
|
|
},
|
|
{
|
|
"type": "TEXT",
|
|
"value": "И҆́же бжⷭ҇твенною ре́вностїю подви́гсѧ, и҆ и҆́стинныхъ повелѣ́нїй ᲂу҆стнѣ̀ распросте́ръ, церкѡ́внаѧ ѡ҆снова̑нїѧ бл҃гоꙋзако́нивъ, и҆ та́мѡ сꙋ́щымъ мона́шєскимъ соста́вѡмъ преда́въ, премꙋ́дрый въ патрїа́рсѣхъ і҆ерꙋсали́мскїй сѡфро́нїе, всемꙋ̑драѧ словеса̀ во свѣ́тъ и҆зве́лъ є҆сѝ, и҆́миже наставлѧ́еми зове́мъ тѝ: ра́дꙋйсѧ, свѣ́тлаѧ правосла́вныхъ похвало̀."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "TEXT",
|
|
"value": "І҆рмо́съ: Спасы́й во ѻ҆гнѝ а҆враа̑мскїѧ твоѧ̑ ѻ҆́троки, и҆ халдє́и ᲂу҆би́въ, ꙗ҆̀же пра́вда пра́веднѡ ᲂу҆ловлѧ́ше, препѣ́тый гдⷭ҇и, бж҃е ѻ҆тє́цъ на́шихъ, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Свы́ше манове́нїемъ, є҆реті́чєскимъ ѧ҆зыкобо́лїємъ противлѧ́ѧсѧ, мꙋ́дре, побѣдоно́сецъ бы́въ, вопїѧ́лъ є҆сѝ веселѧ́сѧ: препѣ́тый гдⷭ҇и бж҃е ѻ҆тє́цъ, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Ве́сь возложе́нъ бг҃ꙋ, по́стныхъ садодѣ́латєльства прелета́ѧ, мꙋ́дре, цвѣтни́къ твои́ми насади́лъ є҆сѝ добродѣ́телей поꙋче́ньми, бг҃ꙋ сꙋ́щемꙋ въ вы́шнихъ ѡ҆ст҃и́въ."
|
|
},
|
|
{
|
|
"type": "TEXT",
|
|
"value": "Зако́нꙋ повинꙋ́ѧсѧ хрⷭ҇то́вꙋ, твоегѡ̀ хꙋдо́жества бога́тство тре́бꙋющымъ благоче́стнѡ, бг҃омꙋ́дре, разда́лъ є҆сѝ, воспѣва́ѧ: препѣ́тый гдⷭ҇и бж҃е ѻ҆тє́цъ, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ѡ҆свѧти́вши дꙋ́шꙋ, и҆ пред̾ѡчи́стивши тѣ́ло, наи́тїемъ на тѧ̀ ст҃а́гѡ дх҃а, всенепоро́чнаѧ, вы́шнѧгѡ си́лꙋ во ᲂу҆тро́бѣ твое́й заче́нши, родила̀ є҆сѝ безсѣ́меннѡ."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ѻ҆́троки бл҃гочести̑выѧ въ пещѝ ржⷭ҇тво̀ бг҃оро́дичо спасло̀ є҆́сть, тогда̀ ᲂу҆́бѡ ѡ҆бразꙋ́емое: ны́нѣ же дѣ́йствꙋемое, вселе́ннꙋю всю̀ воздвиза́етъ пѣ́ти тебѣ̀: гдⷭ҇а по́йте, дѣла̀, и҆ превозноси́те є҆го̀ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "І҆ера́ршескагѡ сщ҃еннодѣ́йства, мѵ́ромъ ѡ҆свѧти́лсѧ є҆сѝ благода́ти: и҆дѣ́же ꙗ҆ви́сѧ мі́ра спасе́нїе, а҆рхїере́йствовавъ, всемꙋ́дре ѻ҆́ч҃е сѡфро́нїе, зовы́й: гдⷭ҇а по́йте, дѣла̀, и҆ превозноси́те є҆го̀ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Премꙋ́дрость почита́ѧ лꙋ́чшꙋю, вѣнце́мъ благода́тей вѣнча́лсѧ є҆сѝ, сла́вꙋ неꙋвѧда́емꙋ, и҆ бога́тство неѿе́млемо, премꙋ́дрости, сла́вне, да́ръ прїе́мъ, и҆ гдⷭ҇а по́йте, зовы́й, и҆ превозноси́те є҆го̀ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Сщ҃еннолѣ́пнѡ, сщ҃еннотаи́нниче, въ бж҃е́ственнꙋю пра́вдꙋ ѡ҆дѣ́ѧвсѧ, ᲂу҆пра́вилъ є҆сѝ, всебл҃же́нне ѻ҆́ч҃е, пра́веднѣйшими влⷣчне ста́до словесы̀ и҆ дѣѧ̑нїи, гдⷭ҇а по́йте, наꙋча́ѧ, и҆ превозноси́те є҆го̀ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Великолѣ́пнѡ и҆ па́че сло́ва, сло́во ѻ҆ц҃ꙋ̀, ѻ҆́ч҃е, собезнача́льно, сло́во тебѣ̀ дарова̀, словеса̀ развраща́ющо, и҆ ѧ҆зыкобѡ́лїѧ сла́вѧщо є҆ресе́й, гдⷭ҇а по́йте, вопїѧ̀, и҆ превозноси́те є҆го̀ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ст҃олѣ́пный показа́ласѧ є҆сѝ хра́мъ сло́ва, всю̀ тва́рь ѡ҆свѧща́ющагѡ, гора̀ тꙋ́чнаѧ ст҃а́ѧ: гора̀ пресвѣ́тлаѧ, блгⷭ҇ве́ннаѧ влⷣчце є҆ди́на всепѣ́таѧ. Тѣ́мъ тѧ̀, бг҃ома́ти, пое́мъ и҆ превозно́симъ во всѧ̑ вѣ́ки."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ка́мень нерꙋкосѣ́чный ѿ несѣко́мыѧ горы̀ тебє̀, дв҃о, краеꙋго́льный ѿсѣче́сѧ, хрⷭ҇то́съ, совокꙋпи́вый разстоѧ̑щаѧсѧ є҆стєства̀: тѣ́мъ, веселѧ́щесѧ, тѧ̀, бцⷣе, велича́емъ."
|
|
},
|
|
{
|
|
"type": "TEXT",
|
|
"value": "Речє́нїѧ, и҆зъ ᲂу҆сте́нъ твои́хъ бж҃е́ственныхъ происходѧ̑ща, бг҃оглаго́ливе, благочести́выхъ мы̑сли ᲂу҆слажда́ютъ благода́тїю, ꙗ҆́коже со́тъ ка́плющїй разꙋмѣ́нїй благолѣ́пїе."
|
|
},
|
|
{
|
|
"type": "TEXT",
|
|
"value": "Внꙋ́трь нбⷭ҇ныхъ незаходи́мыхъ живе́ши, бл҃гоглаго́ливе, ᲂу҆ всѣ́хъ влⷣки и҆ цр҃ѧ̀: и҆дѣ́же ликꙋ́ютъ а҆́гг҃льскїѧ свѣ́тлѡсти, и҆ ст҃ы́хъ вѡ́инства."
|
|
},
|
|
{
|
|
"type": "TEXT",
|
|
"value": "Жи́знь проходѧ̀, ѻ҆́ч҃е, на землѝ а҆́гг҃льскꙋю, а҆́гг҃льскагѡ на нб҃сѣ́хъ сподо́билсѧ є҆сѝ бл҃же́нства, и҆дѣ́же хрⷭ҇та̀ молѝ, спасти́сѧ всѣ̑мъ пою́щымъ тѧ̀."
|
|
},
|
|
{
|
|
"type": "TEXT",
|
|
"value": "Ꙗ҆́коже а҆рѡма́тнїи фїа́лы, лани̑тѣ твоѝ, бг҃омꙋ́дре, на́рда пїстїкі́и многоцѣ́нны, премꙋ́дрости и҆спо́лнь ꙗ҆ви́сѧ а҆лава́стръ, тѣ́ло хрⷭ҇то́во чⷭ҇тно́е, а҆рѡма́тствꙋѧ твои́ми ᲂу҆чє́нїи."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ѻ҆́блакъ тѧ̀ лего́къ, дв҃о, и҆са́їа зрѧ́ше: на тѧ́ бо гдⷭ҇ь наше́дъ, низложѝ всѧ̑ рꙋкотворє́ннаѧ, и҆ своѐ разꙋмѣ́нїе тѧ̀ пою́щымъ ꙗ҆ви́лъ є҆́сть."
|
|
}
|
|
] |