266 lines
20 KiB
JSON
266 lines
20 KiB
JSON
[
|
|
{
|
|
"type": "HEADER",
|
|
"value": "А҆прі́ллїа д҃і"
|
|
},
|
|
{
|
|
"type": "HEADER",
|
|
"value": "И҆́же во ст҃ы́хъ, ѻ҆ц҃а̀ на́шегѡ и҆ и҆сповѣ́дника марті́на, па́пы ри́мскагѡ."
|
|
},
|
|
{
|
|
"type": "HEADER",
|
|
"value": "Стїхи̑ры. Гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Что̀ ва́съ нарече́мъ:"
|
|
},
|
|
{
|
|
"type": "TEXT",
|
|
"value": "Что́ тѧ ны́нѣ, марті́не, провѣща́емъ; правосла́вныхъ ᲂу҆че́нїй наста́вника всесла́вна, верхо́вника свѧще́нныхъ повелѣ́нїй бжⷭ҇твенныхъ нело́жна, лжѝ и҆́стиннѣйшаго ѡ҆бличи́телѧ, словесѐ до́блественнѣйша споспѣ́шника, свѧщеннодѣ́йственна свѧще́ннѣйша, чꙋдодѣ́лателѧ честнѣ́йшаго: молѝ спасти́сѧ дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "Что́ тѧ ны́нѣ, марті́не, нарече́мъ; рѣкꙋ̀ дꙋхо́вныхъ во́дъ и҆спо́лненꙋ, при́снѡ напаѧ́щꙋ дꙋ́шы ко бл҃гопло́дїю разꙋ́мномꙋ, свѣ́щникъ, благоче́стїѧ свѣ́тъ сїѧ́ющъ, го́рꙋ, точа́щꙋ бжⷭ҇твенное ра́дованїе, бжⷭ҇твенныхъ слове́съ и҆з̾ѧви́телѧ, всѧ́кїѧ є҆́реси ѡ҆бличи́телѧ: молѝ спасти́сѧ дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "Что́ тѧ ны́нѣ, марті́не, прорече́мъ; ски́нїи и҆́стинныѧ свѧщеннодѣ́телѧ всехва́льна, хода́таѧ къ бг҃ꙋ и҆ тва́ри бг҃олѣ́пна, ча́шꙋ, пи́во бж҃е́ственное точа́щꙋ, свѣти́льника, ꙗ҆́кѡ жи́зни сло́во и҆мꙋ́ща, ѿ за́пада ᲂу҆́бѡ и҆сходѧ́ща, на восто́цѣ же ꙗ҆влѧ́ющасѧ: молѝ спасти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Комꙋ̀ ᲂу҆подо́биласѧ є҆сѝ, ѻ҆каѧ́ннаѧ дꙋшѐ, къ покаѧ́нїю ника́коже возни́чꙋщи, и҆ ѻ҆гнѧ̀ не ᲂу҆жаса́ющисѧ ѕлы́хъ ѡ҆жида́ющагѡ; воста́ни, и҆ є҆ди́нꙋ къ застꙋпле́нїю ско́рꙋю призовѝ, и҆ возопі́й: дв҃о мт҃и, молѝ твоего̀ сн҃а и҆ бг҃а на́шего, и҆зба́вити мѧ̀ ѿ сѣ́ти льсти́вагѡ."
|
|
},
|
|
{
|
|
"type": "TEXT",
|
|
"value": "Крⷭ҇тобогоро́диченъ: А҆́гница а҆́гнца ꙗ҆́кѡ ви́дѣ на дре́вѣ просте́рта во́лею крⷭ҇тнѣмъ, вопїѧ́ше мт҃рски болѣ́знꙋющи съ пла́чемъ: сн҃е мо́й, что̀ стра́нное сїѐ видѣ́нїе; всѣ̑мъ жи́знь даѧ́й ꙗ҆́кѡ гдⷭ҇ь, ка́кѡ ᲂу҆мерщвлѧ́ешисѧ, долготерпѣли́ве, земны̑мъ подаѧ̀ воскрⷭ҇нїе; сла́влю твоѐ мно́гое, бж҃е мо́й, снизхожде́нїе."
|
|
},
|
|
{
|
|
"type": "HEADER",
|
|
"value": "Канѡ́нъ, творе́нїе і҆ѡ́сифово. Гла́съ и҃."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Посѣ́ченый несѣко́маго пресѣчѐ, и҆ ви́дѣ со́лнце зе́млю, ю҆́же не ви́дѣ: лю́таго врага̀ вода̀ потопѝ, и҆ непроходи́мое про́йде і҆и҃ль: пѣ́снь же воспѣва́шесѧ: гдⷭ҇еви пои́мъ, сла́внѡ бо просла́висѧ."
|
|
},
|
|
{
|
|
"type": "TEXT",
|
|
"value": "Болѣ̑зни мнѡ́ги, марті́не, претерпѣ́лъ є҆сѝ за хрⷭ҇та̀ бг҃а, и҆ ны́нѣ и҆зше́лъ є҆сѝ къ неболѣ́зненнѣй жи́зни, до́брѣ подвиза́всѧ: тѣ́мъ моеѧ̀ дꙋшѝ лю̑тыѧ болѣ̑зни ѡ҆блегчѝ, ꙗ҆́кѡ да воспою́ тѧ, моли́твами твои́ми просвѣща́емь."
|
|
},
|
|
{
|
|
"type": "TEXT",
|
|
"value": "Сꙋщєства̀ два̀, и҆ двѣ̀ вѡ́ли, и҆ дѣ̑йства сꙋгꙋ̑ба носѧ́ща, бл҃же́нне, є҆ди́наго ѿ честны́ѧ трⷪ҇цы наꙋчи́лъ є҆сѝ, хрⷭ҇та̀ пресꙋ́щнаго бг҃а, и҆ и҆̀же не та́кѡ чествꙋ́ющыѧ, всѧ̑ ѿве́рглъ є҆сѝ, марті́не свѧще́ннѣйше."
|
|
},
|
|
{
|
|
"type": "TEXT",
|
|
"value": "Недꙋ́говавшыѧ безслове́снѡ безꙋ́мнѣ, въ є҆ди́номъ хрⷭ҇тѣ̀ є҆ди́нꙋ мꙋ́дрствꙋюще во́лю, ра́зꙋмомъ и҆́стиннымъ и҆ вѣ́рою ᲂу҆краша́емь, ѡ҆бличи́лъ є҆сѝ, марті́не, ꙗ҆́вственнѡ, и҆ ра́дꙋѧсѧ взыва́лъ є҆сѝ: пои́мъ гдⷭ҇еви, сла́внѡ бо просла́висѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: И҆́же по є҆стествꙋ̀ бжⷭ҇твенномꙋ неви́димый, ви́дѣнъ бы́сть и҆зъ тебє̀ млⷣнецъ, чл҃вѣ́къ бы́въ, сꙋгꙋ̑ба ꙗ҆́кѡ вои́стиннꙋ хотѣ̑нїѧ и҆ дѣ̑йства носѧ̀, во є҆ди́ной ѵ҆поста́си: є҆го́же молѝ, пренепоро́чнаѧ, всѧ̑ ны̀ спастѝ любо́вїю пою́щыѧ тѧ̀."
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "TEXT",
|
|
"value": "І҆рмо́съ: Стра́хъ тво́й, гдⷭ҇и, всадѝ въ сердца̀ ра̑бъ твои́хъ, и҆ бꙋ́ди на́мъ ᲂу҆твержде́нїе, тѧ̀ во и҆́стинѣ призыва́ющихъ."
|
|
},
|
|
{
|
|
"type": "TEXT",
|
|
"value": "Сы́й и҆спо́лненъ, всебл҃же́нне, бжⷭ҇твенныѧ ре́вности, собра́лъ є҆сѝ свѧще́ненъ, марті́не, собо́ръ, и҆ церко́вное ᲂу҆тверди́лъ є҆сѝ ᲂу҆че́нїе."
|
|
},
|
|
{
|
|
"type": "TEXT",
|
|
"value": "Посредѝ собо́ра ѿве́рглъ є҆сѝ пѵ́рра, се́ргїа и҆ ѳео́дѡра, кѵ́ра же, и҆ подѡ́бныѧ тѣ̑мъ бꙋесло́вѧщыѧ ѕлосла̑вныѧ, ѻ҆́ч҃е."
|
|
},
|
|
{
|
|
"type": "TEXT",
|
|
"value": "И҆зъ ри́ма нꙋ́ждею и҆згна́нъ, ѡ҆бше́лъ є҆сѝ ꙗ҆́кѡ со́лнце лꙋчѝ и҆спꙋща́ѧ, прпⷣбне, правосла̑вныѧ просвѣща́ѧ всѧ̑."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ѻ҆ц҃ꙋ̀ равноче́стна и҆ сопресто́льна, па́че сло́ва родила̀ є҆сѝ, дѣ̑йства два̀ носѧ́ща, и҆ двѣ̀ вѡ́ли, всест҃а́ѧ ѻ҆трокови́це."
|
|
},
|
|
{
|
|
"type": "HEADER",
|
|
"value": "Сѣда́ленъ, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Вознесы́йсѧ:"
|
|
},
|
|
{
|
|
"type": "TEXT",
|
|
"value": "И҆сповѣ̑данїи свѧще́нными ᲂу҆кра́шсѧ, мч҃нически же жи́знь соверши́въ, къ нб҃сє́мъ восте́клъ є҆сѝ, марті́не мꙋ́дре, вѣнце́мъ неꙋвѧда́емымъ ѿ бг҃а вѣнча́лсѧ є҆сѝ. Тѣ́мже свѧтꙋ́ю твою̀ пра́зднꙋемъ па́мѧть, вопїю́ще: помѧнѝ на́съ, сщ҃енноблаже́нне, хрⷭ҇тꙋ̀ предстоѧ̀."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "По бз҃ѣ во тво́й, бцⷣе, прибѣга́ю смире́нный покро́въ бжⷭ҇твенный, припа́даѧ молю́сѧ: поми́лꙋй, пречⷭ҇таѧ, ꙗ҆́кѡ превзыдо́ша главꙋ̀ мою̀ грѣсѝ, и҆ бою́сѧ, влⷣчце, мꙋ́ки, и҆ трепе́щꙋ. Моле́нїе сотворѝ, чⷭ҇таѧ, къ сн҃ꙋ твоемꙋ̀, ѿ си́хъ и҆зба́вити мѧ̀."
|
|
},
|
|
{
|
|
"type": "TEXT",
|
|
"value": "Крⷭ҇тобогоро́диченъ: И҆́же ѿ безнача́льнагѡ ѻ҆ц҃а̀ рожде́ннаго, напослѣ́докъ тѧ̀ пло́тїю ро́ждшаѧ, на крⷭ҇тѣ̀ ви́сѧща зрѧ́щи, хрⷭ҇тѐ, ᲂу҆вы̀ мнѣ̀, любе́знѣйшїй і҆и҃се, вопїѧ́ше: ка́кѡ сла́вимый ꙗ҆́кѡ бг҃ъ ѿ а҆́гг҃лъ, ѿ беззако́нныхъ ны́нѣ человѣ̑къ, сн҃е, хотѧ̀ распина́ешисѧ; пою́ тѧ, долготерпѣли́ве."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "TEXT",
|
|
"value": "І҆рмо́съ: Всѣ́лъ є҆сѝ на ко́ни, а҆пⷭ҇лы твоѧ̑, гдⷭ҇и, и҆ прїѧ́лъ є҆сѝ рꙋка́ма твои́ма ᲂу҆зды̀ и҆́хъ, и҆ спасе́нїе бы́сть ѣ҆жде́нїе твоѐ вѣ́рнѡ пою́щымъ: сла́ва си́лѣ твое́й, гдⷭ҇и."
|
|
},
|
|
{
|
|
"type": "TEXT",
|
|
"value": "Непра́веднѡ ѿ престо́ла твоегѡ̀, мꙋ́дре, и҆згонѧ́емь, ѿ человѣ̑къ непра́ведныхъ пра́ведный пострада́ти благоволи́лъ є҆сѝ, ꙗ҆́кѡ да пра́ведное ᲂу҆че́нїе церко́вное, ѻ҆́ч҃е, спасе́ши невреди́мо."
|
|
},
|
|
{
|
|
"type": "TEXT",
|
|
"value": "Стоѧ̀ средѝ пребеззако́ннꙋющихъ, ꙗ҆́кѡ зако́ненъ страда́лецъ, ст҃и́телю бг҃опрїѧ́тне, и҆ ѿ ни́хъ ѡ҆скорблѧ́емь и҆ нарꙋга́емь, и҆ влачи́мь всꙋ́е, пребы́лъ є҆сѝ ᲂу҆мо́мъ непревраще́нъ."
|
|
},
|
|
{
|
|
"type": "TEXT",
|
|
"value": "Младе́нцєвъ вмѣни́лъ є҆сѝ, ѻ҆́ч҃е, стрѣлѧ́нїѧ, марті́не, всꙋ́е ѡ҆скорблѧ́ющихъ тѧ̀, и҆ терпѣли́внѡ пострада́въ, гони́мь и҆ вѧ́жемь всꙋ́е, и҆ въ темни́цахъ заключа́емь."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Во двою̀ сꙋщєствꙋ̀ бг҃омꙋ́жнѡ познава́емаго, ѿ трⷪ҇цы є҆ди́наго родила̀ є҆сѝ, ꙗ҆́кѡ бг҃а и҆ чл҃вѣ́ка, вѡ́ли носѧ́ща прили́чнѡ ѻ҆бѣ́ма є҆стество́ма, дв҃о пренепоро́чнаѧ."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ѿ но́щи невѣ́дѣнїѧ, по дꙋшелови́тельномꙋ пꙋтѝ при́снѡ блꙋдѧ́щаго, свѣ́томъ ра́зꙋма твоегѡ̀, гдⷭ҇и, преднаставлѧ́ѧ мѧ̀ на стезю̀ за́повѣдей твои́хъ, напра́ви."
|
|
},
|
|
{
|
|
"type": "TEXT",
|
|
"value": "Свѧще́ннѣйшимъ твои́мъ сло́вомъ, ѻ҆́ч҃е, всесвѧще́нное ᲂу҆че́нїе ꙗ҆́вѣ ᲂу҆тверди́лъ є҆сѝ, и҆ є҆реті́чєскїѧ полкѝ низве́рглъ є҆сѝ, претерпѣва́ѧ и҆згна̑нїѧ и҆ темни̑цы, и҆ скѡ́рби мнѡ́ги."
|
|
},
|
|
{
|
|
"type": "TEXT",
|
|
"value": "Дрема́нїѧ твои̑мъ вѣ́ждѡмъ, прпⷣбне, не да́лъ є҆сѝ, до́ндеже вселе́нїе бг҃ꙋ бы́лъ є҆сѝ: и҆ всю̀ развѣ́ѧлъ є҆сѝ є҆́реси пре́лесть, мꙋ́ченически подвиза́всѧ."
|
|
},
|
|
{
|
|
"type": "TEXT",
|
|
"value": "Вражде́бнѡ тѧ̀, ꙗ҆́коже ѕвѣ́рїе влеко́ша вери́гами, мꙋ́дре, вразѝ, свѧза́вше посредѣ̀ гра́да рꙋга́тельнѡ, ᲂу҆корѧ́юще и҆ хꙋ́лѧще, и҆ безъ стꙋда̀ на тѧ̀ напа́дающе."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Неискꙋсобра́чнѡ, дв҃о, неѡпи́санное сло́во пло́тїю ро́ждши, пло́ти моеѧ̀ стра̑сти ᲂу҆мертвѝ, ѡ҆живи́ же дꙋ́шꙋ мою̀ ᲂу҆мерщвле́ннꙋю прегрѣше́ньми."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Бе́здна грѣхѡ́въ и҆ прегрѣше́нїй бꙋ́рѧ мѧ̀ смꙋща́етъ, и҆ во глꙋбинꙋ̀ нꙋ́жднагѡ рѣ́етъ мѧ̀ ѿча́ѧнїѧ: но твою̀ крѣ́пкꙋю рꙋ́кꙋ мнѣ̀ прострѝ, ꙗ҆́кѡ петро́ви, ѽ ᲂу҆пра́вителю! И҆ спасѝ."
|
|
},
|
|
{
|
|
"type": "TEXT",
|
|
"value": "Разсѣ́десѧ лꙋка́вый при ногꙋ̀ твоє́ю свѧщє́нною, бг҃оно́се, и҆ лꙋка́выхъ человѣ̑къ бездвє́рнаѧ ᲂу҆ста̀ загражда́ютсѧ твои́мъ сло́вомъ, и҆ ꙗ҆влѧ́етсѧ сїѧ́ющи ᲂу҆че́нїе бжⷭ҇твенное па́че со́лнца."
|
|
},
|
|
{
|
|
"type": "TEXT",
|
|
"value": "Простира́ютъ тѧ̀ неща́днѡ, и҆ ᲂу҆́жи свѧзꙋ́ютъ прелє́стницы, вѧ́жꙋща всѧ́кꙋ ле́сть, и҆ є҆реті́ческїй сою́зъ растерза́юща, сою́зомъ бжⷭ҇твенныхъ ᲂу҆че́нїй твои́хъ, ст҃и́телю ѻ҆́ч҃е марті́не свѧще́ннѣйше."
|
|
},
|
|
{
|
|
"type": "TEXT",
|
|
"value": "Стоѧ́лъ є҆сѝ предъ сꙋди́щемъ сꙋдѧ́щихъ, ѡ҆сꙋжда́ѧ пре́лесть проповѣ́дающихъ є҆ди́нꙋ во хрⷭ҇тѣ̀, ѻ҆́ч҃е, во́лю, и҆ мꙋ́ченическими ꙗ҆́вѣ ᲂу҆краша́ѧсѧ вѣнцы̀, бг҃облаже́нне марті́не мꙋ́дре."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Зако́ни є҆стества̀ въ тебѣ̀ разорѧ́ютсѧ, неизрече́ннѡ бо ражда́еши содѣ́телѧ всѣ́хъ, бцⷣе всепѣ́таѧ, ꙗ҆́кѡ бг҃а же и҆ чл҃вѣ́ка, двѣ̀ вѡ́ли же и҆мꙋ́ща и҆ дѣ̑йства, мт҃и дв҃о."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ѿ і҆ꙋде́и доше́дше, ѻ҆́троцы въ вавѷлѡ́нѣ и҆ногда̀ вѣ́рою трⷪ҇ческою пла́мень пе́щный попра́ша пою́ще: ѻ҆тцє́въ бж҃е, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Сꙋгꙋ́быхъ дѣ́йствъ и҆ хотѣ́нїй, ѻ҆́ч҃е, хрⷭ҇та̀ лиши́вшїисѧ, лиши́ша тѧ̀ престо́ла, ѿда́вше и҆згна́нїємъ да̑льнимъ, зовꙋ́щаго: ѻ҆тє́цъ на́шихъ бж҃е, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Проше́дъ многовре́мєнныѧ темни̑цы, ꙗ҆́кѡ храни́тель непоро́чныѧ вѣ́ры, є҆реті́ческꙋю тмꙋ̀ ᲂу҆ма́лилъ є҆сѝ, и҆ пѣ́ти вѣ̑рныѧ просвѣти́лъ є҆сѝ: ѻ҆тє́цъ на́шихъ бж҃е, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Ꙗ҆́коже ле́въ, ѻ҆́ч҃е, ᲂу҆пова́въ, на беззакѡ́нныѧ де́рзостнѡ наскочи́лъ є҆сѝ, ѳео́дѡра и҆ кѵ́ра, и҆ се́ргїа, и҆ пѵ́рра, и҆ си́хъ є҆диномы́слєнныѧ ѿлꙋча́ѧ хрⷭ҇то́вы ст҃ы́ѧ цр҃кве."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Во двꙋ̀ во́лѧхъ и҆ дѣ́йствахъ двꙋ́хъ, и҆зъ тебє̀, пренепоро́чнаѧ, рожде́йсѧ несказа́ннѡ, и҆́же си́це мꙋ́дрствꙋющыѧ спаса́етъ, зовꙋ́щыѧ: ѻ҆тє́цъ на́шихъ бж҃е, бл҃гослове́нъ є҆сѝ."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "TEXT",
|
|
"value": "І҆рмо́съ: Бг҃оглаго́ливїи ѻ҆́троцы въ пещѝ, со ѻ҆гне́мъ пла́мень попира́юще, поѧ́хꙋ: бл҃гослови́те, дѣла̀ гдⷭ҇нѧ, гдⷭ҇а."
|
|
},
|
|
{
|
|
"type": "TEXT",
|
|
"value": "Стѣснѧ́емь, ѻ҆́ч҃е, немощьмѝ и҆ лю́тыми и҆згна̑нїи, и҆ многоѻбра́зными мꙋ́ками, мꙋче́нїѧ вѣнцы̀ ꙗ҆́кѡ мч҃никъ прїѧ́лъ є҆сѝ."
|
|
},
|
|
{
|
|
"type": "TEXT",
|
|
"value": "Блаже́нства бг҃оизбра́ннагѡ сподо́билсѧ є҆сѝ, и҆згонѧ́емь, марті́не, и҆ пра́вды бли́зъ бы́лъ є҆сѝ, и҆згна́въ ѿ среды̀ непра́веднꙋю є҆́ресь."
|
|
},
|
|
{
|
|
"type": "TEXT",
|
|
"value": "Оу҆краси́въ петро́въ бжⷭ҇твенный престо́лъ, и҆ на тогѡ̀ ка́мени цр҃ковь неколе́блемꙋ соблю́дъ, марті́не, съ си́мъ просла́вилсѧ є҆сѝ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ст҃ѣ́йши вы́шнихъ во́инствъ, и҆ херꙋві̑мъ превы́шши, мт҃и бж҃їѧ сꙋ́щи, страсте́й плотски́хъ мѧ̀ превы́шша сотворѝ."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆ста́вы прешла̀ є҆сѝ є҆стества̀, содѣ́телѧ заче́нши и҆ гдⷭ҇а, и҆ две́рь спасе́нїѧ мі́рови была̀ є҆сѝ: тѣ́мъ тѧ̀, бцⷣе, непреста́ннѡ велича́емъ."
|
|
},
|
|
{
|
|
"type": "TEXT",
|
|
"value": "Свѧщеннодѣ́тель свѧще́ннѣйшїй, и҆сповѣ́дникъ же и҆ мꙋ́ченикъ бы́въ, съ патрїа́ршескими ли́ки, марті́не, всегда̀ досто́йнѡ ра́дꙋешисѧ: тѣ́мже тѧ̀ вѣ́рою ᲂу҆блажа́емъ."
|
|
},
|
|
{
|
|
"type": "TEXT",
|
|
"value": "Ꙗ҆́кѡ свѣтоза́рное, бл҃же́нне, со́лнце, возсїѧ́лъ є҆сѝ къ восто́кѡмъ ѿ за́пада, всю̀ зарѧ́ми благоче́стїѧ зе́млю просвѣти́лъ є҆сѝ, и҆ ѿгна́лъ є҆сѝ тмꙋ̀ є҆реті́чествꙋющихъ глꙋбоча́йшꙋю."
|
|
},
|
|
{
|
|
"type": "TEXT",
|
|
"value": "Ста́немъ въ домꙋ̀ бг҃а на́шегѡ, проповѣ́дающе стра̑сти и҆ борє́нїѧ и҆ и҆сповѣ̑данїѧ нб҃омꙋ́дреннагѡ ѻ҆ц҃а̀ на́шегѡ марті́на, и҆ сего̀ любо́вїю ᲂу҆блажи́мъ."
|
|
},
|
|
{
|
|
"type": "TEXT",
|
|
"value": "Твоѐ свѧто́е преставле́нїе дне́сь свѣ́тлѡ соверша́емъ, и҆спо́лни ра́дости помышлє́нїѧ восхвалѧ́ющихъ тѧ̀, бг҃омꙋ́дре ст҃и́телю, въ не́йже всѧ̑ ны̀ помѧнѝ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Гласовѡ́мъ ѻ҆тцє́въ повинꙋ́ющесѧ, во двꙋ̀ є҆стества́хъ и҆ во́лѧхъ, чⷭ҇таѧ, є҆ди́наго ѿ трⷪ҇цы, и҆зъ тебє̀ ражда́емаго вѣ́рнѡ и҆сповѣ́дꙋемъ, и҆ тѧ̀ непреста́ннѡ велича́емъ."
|
|
}
|
|
] |