286 lines
21 KiB
JSON
286 lines
21 KiB
JSON
[
|
|
{
|
|
"type": "HEADER",
|
|
"value": "Ма́їа к҃з"
|
|
},
|
|
{
|
|
"type": "HEADER",
|
|
"value": "Ст҃а́гѡ свѧщенномꙋ́ченика ѳерапо́нта:"
|
|
},
|
|
{
|
|
"type": "HEADER",
|
|
"value": "И҆ ѡ҆брѣ́тенїе моще́й прпⷣбнагѡ ѻ҆тца̀ на́шегѡ ні́ла, и҆́же на є҆́зерѣ селиге́рѣ, на ѻ҆́стровѣ зово́момъ столобно́е, но́вагѡ чꙋдотво́рца. (Слꙋ́жба є҆гѡ̀ напеча́тасѧ деке́мврїа въ з҃ де́нь.)"
|
|
},
|
|
{
|
|
"type": "HEADER",
|
|
"value": "Стїхи̑ры свѧщенномꙋ́ченика ѳерапо́нта, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Мꙋ́ченицы твоѝ, гдⷭ҇и:"
|
|
},
|
|
{
|
|
"type": "TEXT",
|
|
"value": "Ѳерапо́нтъ всесла́вный, бжⷭ҇твенными дѣѧ̑нїи просвѣ́щсѧ, серде́чными ѻ҆чесы̀ ви́дѣти добро́тꙋ сподо́бисѧ хрⷭ҇то́вꙋ, семꙋ̀ ᲂу҆годи́въ страда́нїемъ: тѣ́мже цѣли́тъ стра̑сти всегда̀ дꙋ́шъ же и҆ тѣле́съ бл҃года́тїю, вѣ́рою притека́ющихъ къ немꙋ̀."
|
|
},
|
|
{
|
|
"type": "TEXT",
|
|
"value": "Ѳерапо́нтъ пребога́тый, живы́ѧ воды̀ и҆сто́чникъ сы́й, стрꙋи̑ и҆сцѣле́нїй и҆сточа́етъ, и҆ ѿмыва́етъ до конца̀ скве́рнꙋ недꙋ́гѡвъ тѧ́жкихъ, всѣ́хъ притека́ющихъ съ вѣ́рою. Тогѡ̀ мольба́ми, гдⷭ҇и, всѣ̑мъ пода́ждь ве́лїю ми́лость."
|
|
},
|
|
{
|
|
"type": "TEXT",
|
|
"value": "Ѳерапо́нтъ чꙋ́дный, ѡ҆багрє́нїи кро́вными ѡ҆кропле́нъ, ѻ҆де́ждꙋ содѣ́лавъ свѣтлѣ́йшꙋ, свѧще́нїѧ вои́стиннꙋ, въ ню́же бг҃олѣ́пнѡ ѡ҆дѣ́ѧвсѧ, внꙋ́трь ст҃ы́хъ вни́де. Тогѡ̀ моли́твами, гдⷭ҇и, всѣ̑мъ пода́ждь ве́лїю ми́лость."
|
|
},
|
|
{
|
|
"type": "HEADER",
|
|
"value": "Стїхи̑ры бцⷣы, гла́съ и҆ подо́бенъ то́йже:"
|
|
},
|
|
{
|
|
"type": "TEXT",
|
|
"value": "И҆схити́ мѧ, влⷣчце, и҆зъ рꙋкѝ ѕмі́ѧ человѣкоꙋбі́йцы, борю́щагѡ мѧ̀ ле́стїю пожре́ти до конца̀: сокрꙋшѝ чє́люсти сегѡ̀, молю́сѧ, и҆ кова̑рствїѧ разорѝ, ꙗ҆́кѡ да и҆зба́вльсѧ сегѡ̀ ногте́й, велича́ю си́лꙋ твою̀."
|
|
},
|
|
{
|
|
"type": "TEXT",
|
|
"value": "А҆́зъ є҆́смь дре́во непло́дное, всенепоро́чнаѧ, неплодѧ́щее плода̀ спасе́ннаго: тѣ́мже и҆ трепе́щꙋ посѣче́нїѧ, да не ка́кѡ вве́рженъ бꙋ́дꙋ въ ѻ҆́гнь негаси́мый, ѻ҆каѧ́нный. Тѣ́мже тѝ припа́даю, сегѡ̀ и҆зба́ви мѧ̀, и҆ плодоно́сна покажѝ, чⷭ҇таѧ, сн҃ꙋ твоемꙋ̀, хода́тайствомъ твои́мъ."
|
|
},
|
|
{
|
|
"type": "TEXT",
|
|
"value": "Оу҆ѧзвѝ се́рдце моѐ стрѣла̀ жела́нїѧ смертоно́снаѧ, и҆ ᲂу҆ѧзви́хсѧ ѿ неразꙋ́мїѧ, и҆ неисцѣ́льнѡ болю̀. Мт҃и бж҃їѧ, не пре́зри менє̀ ѿча́ѧннагѡ, но и҆сцѣле́нїе да́ждь мѝ, ꙗ҆́кѡ ро́ждши гдⷭ҇а и҆ сп҃са, є҆ди́наго милосе́рда."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Помышлє́нїѧ нечи̑ста, и҆ ᲂу҆сты̀ льсти̑вы, дѣла́ же моѧ̑ всѧ̑ ѡ҆сквернє́на, и҆ что̀ сотворю̀; ка́кѡ ᲂу҆срѧ́щꙋ сꙋдїю̀; влⷣчце дв҃о, молѝ сн҃а твоего̀ и҆ зижди́телѧ и҆ гдⷭ҇а, ꙗ҆́кѡ да въ покаѧ́нїи прїи́метъ дх҃ъ мо́й, ꙗ҆́кѡ є҆ди́нъ бл҃гоꙋтро́бенъ."
|
|
},
|
|
{
|
|
"type": "TEXT",
|
|
"value": "Крⷭ҇тобг҃оро́диченъ: Не терплю̀, ча́до, ви́дѧщи тѧ̀ на дре́вѣ ᲂу҆снꙋ́вша, бо́дрость всѣ̑мъ подаю́щаго, ꙗ҆́кѡ да и҆̀же дре́вле престꙋпле́нїѧ плодо́мъ, сно́мъ поги́бельнымъ ᲂу҆снꙋ́вшымъ, бж҃е́ственнꙋю и҆ спаси́тельнꙋю бо́дрость пода́си, дв҃а гл҃го́лаше пла́чꙋщисѧ, ю҆́же велича́емъ."
|
|
},
|
|
{
|
|
"type": "HEADER",
|
|
"value": "Канѡ́нъ, творе́нїе І҆ѡ́сифово. Гла́съ ѕ҃."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ꙗ҆́кѡ по сꙋ́хꙋ пѣшеше́ствовавъ і҆и҃ль, по бе́зднѣ стопа́ми, гони́телѧ фараѡ́на ви́дѧ потоплѧ́ема, бг҃ꙋ побѣ́днꙋю пѣ́снь, пои́мъ, вопїѧ́ше."
|
|
},
|
|
{
|
|
"type": "TEXT",
|
|
"value": "Со свѧще́нными ли́ки на нб҃сѣ́хъ ликꙋ́ѧ всегда̀ чтꙋ́щыѧ на землѝ свѧтꙋ́ю па́мѧть твою̀ страсте́й и҆ бѣ́дъ лю́тыхъ, ѳерапо́нте, и҆зба́ви."
|
|
},
|
|
{
|
|
"type": "TEXT",
|
|
"value": "Простира́емо въ мі́рѣ свѧще́нное и҆ честно́е твоѐ страда́нїе, возставлѧ́етъ вѣ̑рныѧ въ то̀, сла́вити тѧ̀ свѣ́тлѡ до́блествовавша, мꙋ́дре ѳерапо́нте, благода́тїю."
|
|
},
|
|
{
|
|
"type": "TEXT",
|
|
"value": "Бг҃осїѧ́ннꙋ тѧ̀ ѕвѣздꙋ̀, мы́сленное сл҃нце показа́въ, пѡ́двигъ твои́хъ свѣ́томъ, и҆ чꙋде́съ сїѧ́нїемъ вѣ̑рныѧ ѡ҆зарѧ́етъ, свѧще́ннѡ восхвалѧ́ющыѧ тѧ̀."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Свѧще́нный ли́къ прⷪ҇ро́ческїй предсказа́ше и҆здале́ча, хотѧ́щꙋ тѧ̀ бы́ти бж҃їю роди́тельницꙋ, чⷭ҇таѧ, вы́шшꙋ херꙋві̑мъ и҆ всѧ́кїѧ тва́ри."
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "TEXT",
|
|
"value": "І҆рмо́съ: Нѣ́сть свѧ́тъ, ꙗ҆́коже ты̀, гдⷭ҇и бж҃е мо́й, вознесы́й ро́гъ вѣ́рныхъ твои́хъ, бл҃же, и҆ ᲂу҆тверди́вый на́съ на ка́мени и҆сповѣ́данїѧ твоегѡ̀."
|
|
},
|
|
{
|
|
"type": "TEXT",
|
|
"value": "Оу҆го́дникъ бы́лъ є҆сѝ хрⷭ҇то́въ, и҆́стинно носѧ̀ и҆ подо́бно, мꙋ́чениче, твоѐ зва́нїе вои́стиннꙋ, и҆ цѣли́ши дꙋ́шъ и҆ тѣле́съ всегда̀ недꙋ́ги."
|
|
},
|
|
{
|
|
"type": "TEXT",
|
|
"value": "Кро́вь съ ма́стїю смѣ́шшисѧ, твоѐ свѧще́нство свѣтлѣ́йше твори́тъ, ст҃и́телю и҆ па́стырю, мꙋ́чениче и҆ врачꙋ̀ болѧ́щихъ: тѣ́мже восхвалѧ́емъ тѧ̀."
|
|
},
|
|
{
|
|
"type": "TEXT",
|
|
"value": "Цѣли́ши стра̑сти лю̑тыѧ вѣ́рнѡ пристꙋпа́ющихъ, и҆ недꙋ́ги ᲂу҆ставлѧ́еши, и҆ дꙋхѡ́въ лꙋка́выхъ ѡ҆чища́еши вре́дъ хрⷭ҇то́вымъ призыва́нїемъ бжⷭ҇твеннымъ, всебл҃же́нне."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Разꙋмѣ́ти ржⷭ҇тва̀ твоегѡ̀, чⷭ҇таѧ, неизглаго́ланнꙋю глꙋбинꙋ̀ недоꙋмѣ́етъ ᲂу҆́мъ человѣ́чь: бг҃ъ бо и҆злїѧ́въ себѐ за милосе́рдїе, во ᲂу҆тро́бѣ твое́й, всего́ мѧ ѡ҆бновѝ."
|
|
},
|
|
{
|
|
"type": "HEADER",
|
|
"value": "Сѣда́ленъ, гла́съ а҃."
|
|
},
|
|
{
|
|
"type": "TEXT",
|
|
"value": "Подо́бенъ: Гро́бъ тво́й:"
|
|
},
|
|
{
|
|
"type": "TEXT",
|
|
"value": "Оу҆го́дниче хрⷭ҇то́въ, пострада́въ зако́ннѡ, ꙗ҆ви́лсѧ є҆сѝ и҆́стиненъ ст҃и́тель, и҆ мꙋ́ченикъ, тѣ́мже, мо́лимъ тѧ̀: дꙋ́шъ на́шихъ, свѧ́те, ны́нѣ ᲂу҆врачꙋ́й неꙋдобьисцѣ̑льныѧ стра̑сти, чл҃вѣколю́бца, и҆ воли́телѧ ми́лости хрⷭ҇та̀ ᲂу҆молѝ."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Наста́ви на́съ на пꙋ́ть покаѧ́нїѧ, ᲂу҆кло́ншыѧсѧ при́снѡ къ безпꙋ́тїємъ ѕѡ́лъ, и҆ преблага́го прогнѣ́вавшыѧ гдⷭ҇а, неискꙋсобра́чнаѧ бл҃гослове́ннаѧ марі́е, прибѣ́жище ѿча́ѧнныхъ человѣ́кѡвъ, бж҃їе жили́ще."
|
|
},
|
|
{
|
|
"type": "TEXT",
|
|
"value": "Крⷭ҇тобг҃оро́диченъ: Зрѧ́щи тѧ̀, хрⷭ҇тѐ, всенепоро́чнаѧ мт҃и, ме́ртва на крⷭ҇тѣ̀ просте́рта, вопїѧ́ше: сн҃е мо́й, собезнача́льне ѻ҆ц҃ꙋ̀, и҆ дх҃ꙋ, что̀ неизрече́нное твоѐ сїѐ смотре́нїе, и҆́мже спа́слъ є҆сѝ пречⷭ҇тыхъ рꙋ́къ твои́хъ, ще́дре, созда́нїе;"
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "TEXT",
|
|
"value": "І҆рмо́съ: Хрⷭ҇то́съ, моѧ̀ си́ла, бг҃ъ и҆ гдⷭ҇ь, честна́ѧ цр҃ковь бг҃олѣ́пнѡ пое́тъ, взыва́ющи ѿ смы́сла чи́ста, ѡ҆ гдⷭ҇ѣ пра́зднꙋющи."
|
|
},
|
|
{
|
|
"type": "TEXT",
|
|
"value": "Ѡ҆чи́стивъ пе́рвѣе ѿ страстны́ѧ молвы̀ дꙋ́шꙋ, прїѧ́лъ є҆сѝ, свѧщеннодѣ́йственне, пома́занїе бжⷭ҇твенно свѧ́то, и҆ при кончи́нѣ страда́льческимъ ᲂу҆краси́лсѧ є҆сѝ вѣнце́мъ."
|
|
},
|
|
{
|
|
"type": "TEXT",
|
|
"value": "Зна́мєнїи всегда̀ и҆ бжⷭ҇твенными чꙋдесы̀ сїѧ́ѧ ви́дишисѧ, и҆ ѡ҆блиста́еши всю̀ подсо́лнечнꙋю, благода́ть ѿ бг҃а прїе́мъ, ст҃и́телю досточꙋ́дне."
|
|
},
|
|
{
|
|
"type": "TEXT",
|
|
"value": "Оу҆па́слъ пе́рвѣе лю́ди благода́тїю, безкро́вными же́ртвами, ꙗ҆́кѡ ст҃и́тель свѧще́ннѡ ѡ҆свѧ́щь, и҆ ꙗ҆́кѡ а҆́гнецъ закла́нъ бы́въ, гдⷭ҇еви приведе́сѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ꙗ҆́кѡ две́рь ведꙋ́щꙋю къ бжⷭ҇твенномꙋ вхо́дꙋ, ꙗ҆́кѡ ра́й бжⷭ҇твенный, ꙗ҆́кѡ разꙋ́мно мѣ́сто ѡ҆свѧще́нїѧ, ꙗ҆́кѡ добро́тꙋ і҆а́кѡвлю, дв҃ꙋ ᲂу҆блажи́мъ."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "TEXT",
|
|
"value": "І҆рмо́съ: Бж҃їимъ свѣ́томъ твои́мъ, бл҃же, ᲂу҆́тренюющихъ тѝ дꙋ́шы любо́вїю ѡ҆зарѝ, молю́сѧ, тѧ̀ вѣ́дѣти, сло́ве бж҃їй, и҆́стиннаго бг҃а, ѿ мра́ка грѣхо́внагѡ взыва́юща."
|
|
},
|
|
{
|
|
"type": "TEXT",
|
|
"value": "Бжⷭ҇твеннымъ сїѧ́нїемъ ѡ҆зари́всѧ, ꙗ҆ви́лсѧ є҆сѝ пресвѣ́тлаѧ ѕвѣзда̀, просвѣща́ѧ подсо́лнечнꙋю бжⷭ҇твенными зна́мєнїи бж҃їимъ дх҃омъ, ѳерапо́нте ст҃и́телю бг҃облаже́нне."
|
|
},
|
|
{
|
|
"type": "TEXT",
|
|
"value": "Ꙗ҆́кѡ всесожже́нїе свѧще́нно, ꙗ҆́кѡ приноше́нїе, ѻ҆́ч҃е, прїѧ́тно, и҆ же́ртва соверше́нна, пло́тїю пострада́вшемꙋ сло́вꙋ прине́слсѧ є҆сѝ, ѳерапо́нте ст҃и́телю, мꙋ́ченикъ бы́въ."
|
|
},
|
|
{
|
|
"type": "TEXT",
|
|
"value": "Ча́шꙋ налїѧ́въ всекраснѡ̀ и҆сповѣ́данїѧ вои́стиннꙋ, крѣ́пкимъ твои́мъ страда́нїемъ всѣ́хъ напоѧ́еши, ѳерапо́нте прпⷣбне, съ высо́кимъ проповѣ́данїемъ призыва́ѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: По рожде́нїи стра́шнѣмъ пребыла̀ є҆сѝ дв҃ою, ꙗ҆́коже пре́жде: бг҃ъ бо бѣ̀ рожде́йсѧ, ᲂу҆строѧ́ѧй всѧ̑ во́лею, безневѣ́стнаѧ марі́е, бг҃облагода́тнаѧ."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Жите́йское мо́ре воздвиза́емое зрѧ̀ напа́стей бꙋ́рею, къ ти́хомꙋ приста́нищꙋ твоемꙋ̀ прите́къ, вопїю́ ти: возведѝ ѿ тлѝ живо́тъ мо́й, многоми́лостиве."
|
|
},
|
|
{
|
|
"type": "TEXT",
|
|
"value": "Житїѐ твоѐ бжⷭ҇твенно, жи́знь бг҃олѣ́пна, и҆ сла́вна сме́рть, мꙋ́ченическими сїѧ́ѧ добро́тами, чꙋде́съ свѣтлостьмѝ ѡ҆зарѧ́ѧ сердца̀ пою́щихъ тѧ̀."
|
|
},
|
|
{
|
|
"type": "TEXT",
|
|
"value": "Плодови́тꙋ ло́зꙋ тѧ̀ вїногра́да и҆́стиннагѡ разꙋ́мнагѡ позна́хомъ, и҆сповѣ́данїѧ гро́здїе и҆́стинно приносѧ̀, и҆сточа́ющее терпѣ́нїѧ, бг҃омꙋ́дре, вїно̀ и҆зрѧ́дно."
|
|
},
|
|
{
|
|
"type": "TEXT",
|
|
"value": "Хра́мъ тво́й показа́сѧ врачевство̀ свѧще́нно, ѡ҆блегча́ѧ благода́тїю всѧ̑кїѧ болѣ̑зни немощны́хъ, и҆ рѣша̀ недꙋ́ги, ст҃и́телю бг҃омꙋ́дре досточꙋ́дне."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Сло́во во ᲂу҆тро́бѣ твое́й ѡ҆дебелѣ̀ безъ сѣ́мене, и҆ чл҃вѣ́къ ꙗ҆ви́сѧ соверше́нъ, ѡ҆бновлѧ́ѧ є҆стество̀ бг҃оподо́бнѡ, ꙗ҆́коже є҆ди́нъ вѣ́сть, бг҃овмѣсти́маѧ две́ре, всенепоро́чнаѧ."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "TEXT",
|
|
"value": "І҆рмо́съ: Росода́тельнꙋ ᲂу҆́бѡ пе́щь содѣ́ла а҆́гг҃лъ прпⷣбнымъ ѻ҆трокѡ́мъ, халдє́и же ѡ҆палѧ́ющее велѣ́нїе бж҃їе мꙋчи́телѧ ᲂу҆вѣща̀ вопи́ти: бл҃гослове́нъ є҆сѝ, бж҃е ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Страсте́й треволне́нїе ᲂу҆кроти́въ воздержа́нїемъ, прпⷣбне, пострада́въ же, наводне́нїемъ погаси́лъ є҆сѝ твои́хъ крове́й, пре́лести запале́нїе, свѧщенномꙋ́чениче хрⷭ҇то́въ, ѳерапо́нте прпⷣбне."
|
|
},
|
|
{
|
|
"type": "TEXT",
|
|
"value": "Соверши́лсѧ є҆сѝ мѵ́ромъ пома́занїѧ, свѧщеннотаи́нниче прпⷣбне, и҆ соверши́въ свѧще́нники, и҆ наро́дъ, ꙗ҆́кѡ па́стырь, соверши́лъ є҆сѝ тече́нїе до́брое, закла́нъ бы́въ за хрⷭ҇та̀, ѳерапо́нте мꙋ́чениче мꙋ́дре."
|
|
},
|
|
{
|
|
"type": "TEXT",
|
|
"value": "Тече́нїемъ крове́й твои́хъ погрꙋзи́лъ є҆сѝ вра̑жїѧ полкѝ: чꙋде́съ же сїѧ́нїемъ мра́къ страсте́й разорѧ́еши, ѳерапо́нте, вои́стиннꙋ чꙋдодѣ́йственникъ ꙗ҆́вльсѧ, и҆ вра́чь немощны́хъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Сѣдѧ́й въ нѣ́дрѣхъ роди́телѧ неѡпи́саннѡ, чⷭ҇таѧ, въ нѣ́дрѣхъ твои́хъ ны́нѣ сѣди́тъ ѡ҆пи́санъ, твои́мъ ѡ҆бложе́нъ зра́комъ: за є҆́же спастѝ а҆да́ма, но́въ а҆да́мъ бы́въ."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "TEXT",
|
|
"value": "І҆рмо́съ: И҆зъ пла́мене преподѡ́бнымъ ро́сꙋ и҆сточи́лъ є҆сѝ, и҆ пра́веднагѡ же́ртвꙋ водо́ю попали́лъ є҆сѝ: всѧ̑ бо твори́ши, хрⷭ҇тѐ, то́кмѡ є҆́же хотѣ́ти. Тѧ̀ превозно́симъ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Безкрѡ́вны жє́ртвы бг҃ꙋ прине́слъ є҆сѝ, и҆ поже́рлсѧ є҆сѝ ꙗ҆́кѡ а҆́гнецъ чи́стъ непоро́ченъ: де́мѡнскїѧ жє́ртвы потреби́лъ є҆сѝ, красота̀ страда́льцєвъ, ѳерапо́нте ст҃и́телю."
|
|
},
|
|
{
|
|
"type": "TEXT",
|
|
"value": "Раѧ̀ жи́тель бжⷭ҇твенъ бы́въ, и҆ ст҃ы́хъ а҆́гг҃лѡвъ ꙗ҆ви́лсѧ є҆сѝ соприча́стникъ, мꙋ́ченическою сїѧ́ѧ свѣ́тлостїю, мꙋ́чениче страстоно́сче, и҆ слꙋжи́телю сп҃совъ."
|
|
},
|
|
{
|
|
"type": "TEXT",
|
|
"value": "Го́рдаго ѕмі́ѧ ты̀ смири́лъ є҆сѝ смире́нїемъ се́рдца, сопроти́вльсѧ семꙋ̀ мꙋ́жески, и҆ мч҃ническою кро́вїю ѡ҆багри́въ, ст҃и́телю, свѧще́ннꙋю ѻ҆де́ждꙋ твою̀."
|
|
},
|
|
{
|
|
"type": "TEXT",
|
|
"value": "Бг҃оро́диченъ: И҆зба́вльшесѧ пе́рвыѧ клѧ́твы ржⷭ҇тво́мъ твои́мъ, всебл҃гослове́ннаѧ ѻ҆трокови́це бг҃ора́дованнаѧ, гаврїи́ловъ тебѣ̀ гла́съ возсыла́емъ: ра́дꙋйсѧ, вино́вна всѣ́хъ спасе́нїю."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Бг҃а человѣ́кѡмъ не возмо́жно ви́дѣти, на него́же не смѣ́ютъ чи́ни а҆́гг҃льстїи взира́ти. Тобо́ю бо, всечⷭ҇таѧ, ꙗ҆ви́сѧ человѣ́кѡмъ сло́во воплоще́нно. Є҆го́же велича́юще, съ нбⷭ҇ными вѡ́и, тѧ̀ ᲂу҆блажа́емъ."
|
|
},
|
|
{
|
|
"type": "TEXT",
|
|
"value": "Ви́дѣти сла́вꙋ вседержи́телѧ жела́ѧ, непра́веднꙋю претерпѣ́лъ є҆сѝ сме́рть, и҆ твое́ю возше́лъ є҆сѝ кро́вїю, ст҃и́телю сла́вне, ꙗ҆́коже на колесни́цѣ, и҆ къ нб҃сє́мъ восте́клъ, ра́дꙋѧсѧ почи́лъ є҆сѝ."
|
|
},
|
|
{
|
|
"type": "TEXT",
|
|
"value": "Ꙗ҆́кѡ свѣ́тъ, ꙗ҆́кѡ ᲂу҆́тро на́мъ возсїѧ́лъ є҆сѝ, свѣ́тлыми зарѧ́ми ѡ҆зарѧ́ѧ концы̀, ст҃и́телю и҆ па́стырю бг҃одохнове́нне, и҆ страсте́й рѣши́ши ѡ҆мраче́нїе. Тѣ́мже тѧ̀ почита́емъ, и҆ благоче́стнѡ ᲂу҆блажа́емъ."
|
|
},
|
|
{
|
|
"type": "TEXT",
|
|
"value": "Сы́й съ ли́ки, бг҃облаже́нне, патрїа́рхъ и҆ мꙋ́чєникъ, а҆пⷭ҇лъ и҆ пра́вєдникъ, и҆ прпⷣбныхъ, съ ни́ми моли́сѧ, разрѣше́нїе согрѣше́нїй всѣ̑мъ дарова́ти, творѧ́щымъ благоче́стнѡ бжⷭ҇твеннꙋю па́мѧть твою̀."
|
|
},
|
|
{
|
|
"type": "TEXT",
|
|
"value": "Твоегѡ̀ хра́ма, мꙋ́чениче, благолѣ́пїе блиста́нїи чꙋде́съ всегда̀ просвѣща́емо, вѣ́рою пристꙋпа́ющымъ въ дꙋ́сѣ, разрѣша́етъ страсте́й мра́къ, ᲂу҆ставлѧ́етъ недꙋ́ги, мꙋ́чениче ст҃и́телю, и҆ па́стырю досточꙋ́дне."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Свѣ́томъ твои́мъ, бг҃облагода́тнаѧ въ жена́хъ дв҃о, просвѣти́ мѧ, молю́сѧ, и҆ ѻ҆гнѧ̀ вѣ́чнагѡ мѧ̀ и҆зба́ви: ꙗ҆́кѡ да велича́ю тѧ̀, ꙗ҆́кѡ да тѧ̀ сла́влю, ꙗ҆́кѡ да по до́лгꙋ воспою̀ вели̑чїѧ твоѧ̑."
|
|
}
|
|
] |