294 lines
22 KiB
JSON
294 lines
22 KiB
JSON
[
|
|
{
|
|
"type": "HEADER",
|
|
"value": "Ма́їа к҃ѳ"
|
|
},
|
|
{
|
|
"type": "HEADER",
|
|
"value": "Ст҃ы́ѧ прпⷣбномꙋ́ченицы ѳеодо́сїи дѣ́вы."
|
|
},
|
|
{
|
|
"type": "HEADER",
|
|
"value": "И҆ пра́зднованїе прест҃ѣ́й бцⷣѣ въ че́сть і҆кѡ́ны є҆ѧ̀ спорꙋ́чница грѣ́шныхъ. (Слꙋ́жба сїѧ̀ пи́сана мѣ́сѧца ма́рта.)"
|
|
},
|
|
{
|
|
"type": "HEADER",
|
|
"value": "Стїхи̑ры ст҃ы́ѧ, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Ѽ пресла́внагѡ чꙋдесѐ!"
|
|
},
|
|
{
|
|
"type": "TEXT",
|
|
"value": "Царе́ю дѣ́вства сїѧ́ющи, ѳеодо́сїе честна́ѧ, и҆ порфѵ́рою, кро́ве мꙋче́нїѧ, всемꙋ́драѧ, ѡ҆багре́нною, свѣ́тлѡ ѡ҆дѣ́ѧна, и҆ въ премі́рный хрⷭ҇то́въ черто́гъ все́льшисѧ, ѻ҆трокови́це всенепоро́чнаѧ, ликꙋ́еши съ чи́нми а҆́гг҃льскими, вои́стиннꙋ неразори́мое ликова́нїе, сла́внаѧ."
|
|
},
|
|
{
|
|
"type": "TEXT",
|
|
"value": "Мч҃ниче дѣ́во всехва́льнаѧ ѳеодо́сїе, хрⷭ҇та̀ вседꙋ́шнѡ возжела́вши, мꙋче́нїѧ претерпѣ́ла є҆сѝ ра̑ны, до́блественнѣ ᲂу҆ранѧ́ема за твоего̀ рачи́телѧ, и҆ стрꙋ́жема ногты̀ по ре́брѡмъ. Ѽ по́двигѡвъ твои́хъ тве́рдагѡ противле́нїѧ, и҆́миже на зе́млю вои́стиннꙋ низве́ргла є҆сѝ го́рдаго."
|
|
},
|
|
{
|
|
"type": "TEXT",
|
|
"value": "Добро́тою дꙋши́ же и҆ тѣлесѐ, ᲂу҆кра́шена свѣ́тлѡ, хрⷭ҇тꙋ̀ принесла́сѧ є҆сѝ, сла́вы вѣнце́мъ жела́ющи ѿ негѡ̀ ᲂу҆вѧзти́сѧ, ѳеодо́сїе мч҃нице всесла́внаѧ, и҆ црⷭ҇твїѧ ꙗ҆́вѣ дїади́мꙋ, вои́стиннꙋ многоцѣ́ннꙋ, досто́йнѡ прїѧ́ти твоемꙋ̀ верхꙋ̀, невѣ́ста нетлѣ́ннаѧ ꙗ҆́вльшисѧ, всемꙋ́драѧ."
|
|
},
|
|
{
|
|
"type": "HEADER",
|
|
"value": "Стїхи̑ры бцⷣы, гла́съ и҆ подо́бенъ то́йже:"
|
|
},
|
|
{
|
|
"type": "TEXT",
|
|
"value": "Ра́дꙋйсѧ, дꙋ́шъ просвѣще́нїе, согрѣша́ющихъ проще́нїе, неради́выхъ и҆справле́нїе: ра́дꙋйсѧ, ᲂу҆тѣше́нїе и҆ ра́дость, скорбѧ́щихъ помо́щнице: ра́дꙋйсѧ, бл҃га́ѧ, немощны́хъ дꙋ́шъ и҆сцѣле́нїе: ра́дꙋйсѧ, примире́нїе къ бг҃ꙋ и҆ хода́таице, серафі̑мъ всѣ́хъ ꙗ҆́кѡ сꙋ́щи ст҃ѣ́йши, чⷭ҇таѧ."
|
|
},
|
|
{
|
|
"type": "TEXT",
|
|
"value": "Пло́ть ѿ крове́й твои́хъ прїе́мъ, превѣ́чный бг҃ъ, тѧ̀ предста́тельницꙋ показа̀ человѣ́кѡмъ, чⷭ҇таѧ. Тѣ́мже и҆зба́ви рабы̑ твоѧ̑ ѿ всѧ́кїѧ бѣды̀ и҆ ѡ҆бстоѧ́нїѧ, и҆ сѣ́тей лꙋка́вагѡ врага̀, и҆ сїѧ́нїѧ причасти́тисѧ сподо́би и҆збра́нныхъ, всѧ̑ сла́вѧщыѧ и҆ покланѧ́ющыѧсѧ тебѣ̀."
|
|
},
|
|
{
|
|
"type": "TEXT",
|
|
"value": "Спаси́ мѧ, влⷣчце пречⷭ҇таѧ, ꙗ҆́же сп҃са хрⷭ҇та̀ неизрече́ннѡ ро́ждшаѧ: тѧ́ бо є҆ди́нꙋ стѧжа́хъ предста́тельницꙋ, и҆ неѡбори́мꙋю стѣ́нꙋ, и҆ покро́въ и҆ ра́дованїе, и҆ дꙋшѝ моеѧ̀ бжⷭ҇твенное ᲂу҆тѣше́нїе. Ты̀ ᲂу҆̀бо мѧ̀ и҆зба́ви неꙋсыпа́ющагѡ че́рвїѧ, и҆ ѻ҆гнѧ̀ вѣ́чнꙋющагѡ, мт҃и хрⷭ҇та̀ бг҃а."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ:"
|
|
},
|
|
{
|
|
"type": "TEXT",
|
|
"value": "Да гла́сы велича́ю тѧ̀ ра́достными, чⷭ҇таѧ, и҆ сла́влю пꙋчи́нꙋ чл҃вѣколю́бїѧ твоегѡ̀, ѿ бѣ́дъ спасѝ, и҆ и҆зми́ мѧ дꙋшетлѣ́нныхъ стрѣ́лъ неви́димагѡ и҆ вселꙋка́вагѡ врага̀: тѧ́ бо предлага́ю на него̀, бг҃оневѣ́сто, ѻ҆рꙋ́жїе тве́рдо и҆ непобѣди́мо, мт҃и, хрⷭ҇та̀ бг҃а."
|
|
},
|
|
{
|
|
"type": "TEXT",
|
|
"value": "Крⷭ҇тобогоро́диченъ: Что̀ зри́мое видѣ́нїе, є҆́же мои́ма ѻ҆чи́ма ви́дитсѧ, ѽ влⷣко! Содержа́й всю̀ тва́рь, на дре́во воздви́женъ бы́въ, и҆ ᲂу҆мира́еши всѣ̑мъ даѧ́й жи́знь, бцⷣа пла́чꙋщисѧ гл҃го́лаше, є҆гда̀ ᲂу҆зрѣ̀ на крⷭ҇тѣ̀ возноси́ма, и҆зъ неѧ̀ неизрече́ннѡ возсїѧ́вшаго бг҃а и҆ чл҃вѣ́ка."
|
|
},
|
|
{
|
|
"type": "HEADER",
|
|
"value": "Тропа́рь, гла́съ д҃:"
|
|
},
|
|
{
|
|
"type": "TEXT",
|
|
"value": "Добродѣ́тель бл҃гопрїѧ́тнѡ, мч҃нице, пости́гла є҆сѝ, хрⷭ҇то́во прїѧ́телище бы́сть чи́стое, и҆ ст҃а́гѡ дх҃а до́мъ возлю́бленъ: ѿню́дꙋже посрами́ла є҆сѝ врага̀ борю́щаго ро́дъ человѣ́ческїй, до́брѣ страда́вшаѧ, и҆ посѣ́кла є҆сѝ копрѡнѵ́ма, ѳеодо́сїе, мече́мъ вѣ́ры: и҆ къ черто́гꙋ небе́сномꙋ преста́виласѧ є҆сѝ ра́дꙋющисѧ. Тебѐ вѣ́рою чтꙋ́щымъ при́снѡ просѝ ве́лїѧ ми́лости."
|
|
},
|
|
{
|
|
"type": "HEADER",
|
|
"value": "Канѡ́нъ, гла́съ д҃, є҆гѡ́же краегране́сїе:"
|
|
},
|
|
{
|
|
"type": "TEXT",
|
|
"value": "Ѳеодо́сїи мꙋ́ченицы пою̀ сла́вꙋ."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Мо́рѧ чермнꙋ́ю пꙋчи́нꙋ, невла́жными стопа́ми, дре́внїй пѣшеше́ствовавъ і҆и҃ль, крестоѻбра́зными мѡѷсе́овыма рꙋка́ма а҆мали́ковꙋ си́лꙋ въ пꙋсты́ни побѣди́лъ є҆́сть."
|
|
},
|
|
{
|
|
"type": "TEXT",
|
|
"value": "Бг҃ъ тебѣ̀, ѳеодо́сїе, бы́сть пꙋ́ть страда́нїѧ, на крⷭ҇тъ во́лею возше́дый, низложи́въ мꙋчи́телѧ, ꙗ҆́коже пти́цѣ нарꙋга́тисѧ, ѿ мꙋ́чєникъ содѣ́ла."
|
|
},
|
|
{
|
|
"type": "TEXT",
|
|
"value": "Благомо́щнѡ, ѳеодо́сїе всечестна́ѧ, на землѝ разрази́ла є҆сѝ нача́льника пре́лести, крѣ́пкѡ пострада́вши, прехва́льнаѧ, и҆ сла́вы вѣне́цъ, ꙗ҆́кѡ побѣдоно́сица, мч҃нице, прїѧ́ла є҆сѝ."
|
|
},
|
|
{
|
|
"type": "TEXT",
|
|
"value": "Дре́вле велехва́льство и҆мѣ́вый, ны́нѣ низложи́сѧ, твоемꙋ̀ терпѣ́нїю, мч҃нице, прирази́всѧ, крⷭ҇та́ бо си́лъ воспрїе́мши, посрами́ла є҆сѝ безмѣ́рнѡ того̀ шата́ющасѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Лꙋка́внѡ прельсти́ мѧ ѕмі́й, взѧ́тъ плѣне́на, ѡ҆божи́тисѧ жела́нїе мѝ вло́жь: тобо́ю же, пречⷭ҇таѧ, призва́нъ бы́въ, ѡ҆божи́хсѧ непремѣ́ннѡ вои́стиннꙋ."
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "TEXT",
|
|
"value": "І҆рмо́съ: Весели́тсѧ ѡ҆ тебѣ̀ цр҃ковь твоѧ̀, хрⷭ҇тѐ, зовꙋ́щи: ты̀ моѧ̀ крѣ́пость, гдⷭ҇и, и҆ прибѣ́жище и҆ ᲂу҆твержде́нїе."
|
|
},
|
|
{
|
|
"type": "TEXT",
|
|
"value": "Жела́нїе бжⷭ҇твенное, ѳеодо́сїе, тѧ̀ че́стнꙋ показа̀ невѣ́стꙋ, хрⷭ҇то́вꙋ мч҃ницꙋ, тогѡ̀ крⷭ҇тъ возлюби́вшꙋю."
|
|
},
|
|
{
|
|
"type": "TEXT",
|
|
"value": "Пло́ти тлетво́рное ѡ҆ста́вльши, ѽ чⷭ҇тна́ѧ. Промышле́нїе, животворѧ́щимъ дх҃омъ живе́ши, ѳеодо́сїе пресла́внаѧ."
|
|
},
|
|
{
|
|
"type": "TEXT",
|
|
"value": "Оу҆врачꙋ́й мо́й ᲂу҆́мъ бг҃одарова́нною твое́ю, честна́ѧ, благода́тїю, и҆ дꙋ́шꙋ страстьмѝ разсла́бленнꙋю и҆сцѣлѝ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Возста́вила є҆сѝ, ѽ чⷭ҇таѧ! Па́дшїй мо́й зра́къ, ро́ждши нача́льника, влⷣчце, всѣ́хъ на́съ воскресе́нїѧ."
|
|
},
|
|
{
|
|
"type": "HEADER",
|
|
"value": "Сѣда́ленъ, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Премꙋ́дрости:"
|
|
},
|
|
{
|
|
"type": "TEXT",
|
|
"value": "Крове́й твои́хъ стрꙋѧ́ми, всю̀ крѣ́пость лꙋка́вагѡ дїа́вола, ꙗ҆́кѡ вои́стиннꙋ погрꙋзи́вши, сла́внаѧ, прешла̀ є҆сѝ невре́днѡ мꙋ́къ всевели́кꙋю пꙋчи́нꙋ: и҆ въ землѝ свѧтѣ́й ꙗ҆́вѣ всели́ласѧ є҆сѝ, по́честь трꙋдѡ́въ досто́йнѡ прїе́мши, черто́га вхо́да нбⷭ҇нагѡ сподо́биласѧ є҆сѝ, ѳеодо́сїе прехва́льнаѧ. Молѝ хрⷭ҇та̀ бг҃а, грѣхѡ́въ ѡ҆ставле́нїе пода́ти, чтꙋ́щымъ любо́вїю свѧтꙋ́ю па́мѧть твою̀."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Нбⷭ҇нꙋю две́рь и҆ кївѡ́тъ, прест҃ꙋ́ю го́рꙋ, свѣ́тлый ѻ҆́блакъ воспои́мъ, неѡпали́мꙋю кꙋпинꙋ̀, слове́сный ра́й, є҆́ѵы воззва́нїе, вселе́нныѧ всеѧ̀ вели́кое сокро́вище, ꙗ҆́кѡ спасе́нїе въ не́й содѣ́ласѧ мі́рови, и҆ ѡ҆ставле́нїе дре́внихъ согрѣше́нїй. Сегѡ̀ ра́ди вопїе́мъ є҆́й: моли́сѧ сн҃ꙋ твоемꙋ̀, прегрѣше́нїй ѡ҆ставле́нїе дарова́ти, благоче́стнѡ покланѧ́ющымсѧ всест҃о́мꙋ ржⷭ҇твꙋ̀ твоемꙋ̀."
|
|
},
|
|
{
|
|
"type": "TEXT",
|
|
"value": "Крⷭ҇тобг҃оро́диченъ: А҆́гнца и҆ па́стырѧ и҆ и҆зба́вителѧ, а҆́гница зрѧ́щи на крⷭ҇тѣ̀, восклица́ше пла́чꙋщи, и҆ го́рькѡ рыда́ющи, вопїѧ́ше: мі́ръ ᲂу҆́бѡ ра́дꙋетсѧ, прїе́млѧ тобо́ю и҆збавле́нїе, ᲂу҆тро́ба же моѧ̀ гори́тъ, зрѧ́щи твоѐ распѧ́тїе, є҆́же терпи́ши за милосе́рдїе ми́лости. Долготерпѣли́ве гдⷭ҇и, ми́лости бе́здно, и҆ и҆сто́чниче неисчерпа́емый, ᲂу҆милосе́рдисѧ, и҆ да́рꙋй согрѣше́нїй ѡ҆ставле́нїе вѣ́рою пою́щымъ бжⷭ҇твєнныѧ стрⷭ҇ти твоѧ̑."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "TEXT",
|
|
"value": "І҆рмо́съ: Вознесе́на тѧ̀ ви́дѣвши цр҃ковь на крⷭ҇тѣ̀, сл҃нце пра́ведное, ста̀ въ чи́нѣ свое́мъ, досто́йнѡ взыва́ющи: сла́ва си́лѣ твое́й, гдⷭ҇и."
|
|
},
|
|
{
|
|
"type": "TEXT",
|
|
"value": "Шата́ѧсѧ мꙋчи́тель, ра́нами ᲂу҆страши́ти крѣ́пость твоегѡ̀ терпѣ́нїѧ хотѧ́ше ѻ҆каѧ́нный: ты́ же, прехва́льнаѧ, сла́ва бг҃ꙋ моемꙋ̀, взыва́ла є҆сѝ."
|
|
},
|
|
{
|
|
"type": "TEXT",
|
|
"value": "Бг҃ода́ннымъ и҆ бжⷭ҇твеннымъ и҆менова́нїемъ проꙋвѣ́дѣннѡ ѡ҆богати́ласѧ є҆сѝ, мч҃нице страстоно́сице: да́нїе бо была̀ є҆сѝ бж҃їе на́съ веселѧ́щее, вѣ́рою тѧ̀ и҆ любо́вїю почита́ющыѧ."
|
|
},
|
|
{
|
|
"type": "TEXT",
|
|
"value": "Оу҆кра́шенною, бг҃омꙋ́драѧ ѳеодо́сїе, мꙋ́ченическою кро́вїю твое́ю ѡ҆моче́ною, ѡ҆дѣ́ѧна ѻ҆де́ждею, текꙋ̀ во слѣ́дъ тебѐ, любо́вїю женихꙋ̀ твоемꙋ̀ взыва́ла є҆сѝ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Воплоще́нно сло́во, чⷭ҇таѧ дв҃о, бг҃олѣ́пнѡ родила̀ є҆сѝ, и҆ пребыва́еши дв҃а. Тѣ́мже немо́лчными гла́сы, ра́дꙋйсѧ, тебѣ̀, влⷣчце, вѣ́рою несꙋмнѣ́нною взыва́емъ."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ты̀, гдⷭ҇и мо́й, свѣ́тъ въ мі́ръ прише́лъ є҆сѝ, свѣ́тъ ст҃ы́й, ѡ҆браща́ѧй и҆зъ мра́чна невѣ́дѣнїѧ, вѣ́рою воспѣва́ющыѧ тѧ̀."
|
|
},
|
|
{
|
|
"type": "TEXT",
|
|
"value": "Мѵ́ро и҆злїѧ́вшеесѧ хрⷭ҇та̀ возлю́бльши, ѻ҆трокови́це, бг҃омꙋ́дреннѡ послѣ́довала є҆сѝ семꙋ̀, пѣ́сньми сла́вѧщи."
|
|
},
|
|
{
|
|
"type": "TEXT",
|
|
"value": "Вѣ́чнꙋю жи́знь вре́менною и҆змѣни́ла є҆́сть, кро́вїю ма́лою нбⷭ҇ное црⷭ҇тво мч҃ница наслѣ́дова."
|
|
},
|
|
{
|
|
"type": "TEXT",
|
|
"value": "И҆сточа́ютъ, ꙗ҆́кѡ и҆сто́чницы, мꙋ́ченичєскїѧ мѡ́щи цѣльбы̑ недꙋ́гꙋющымъ, и҆ дꙋшє́вныѧ недꙋ́ги вѣ́рою и҆сцѣлѧ́ютъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Кто̀ мо́жетъ твоѐ сказа́ти та́инство, всенепоро́чнаѧ; зижди́телѧ бо невмѣсти́маго всѣ́ми во чре́вѣ твое́мъ вмѣсти́ла є҆сѝ."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Пожрꙋ́ ти со гла́сомъ хвале́нїѧ, гдⷭ҇и, цр҃ковь вопїе́тъ тѝ, ѿ бѣсо́вскїѧ кро́ве ѡ҆чи́щшисѧ, ра́ди ми́лости ѿ ре́бръ твои́хъ и҆сте́кшею кро́вїю."
|
|
},
|
|
{
|
|
"type": "TEXT",
|
|
"value": "По тебѣ̀ со тща́нїемъ сме́рть прїима́ше ѳеодо́сїа мч҃ница, преще́нїѧ мꙋчи́телей не ᲂу҆боѧ́вшисѧ, твое́й стрⷭ҇ти ᲂу҆подо́бисѧ, хрⷭ҇тѐ, во́льнѣй."
|
|
},
|
|
{
|
|
"type": "TEXT",
|
|
"value": "Оу҆до́бнѡ крⷭ҇то́мъ твои́мъ жєны̀ ᲂу҆крѣпи́вшесѧ, главы̑ ѕмїє́въ, ꙗ҆́коже предре́клъ є҆сѝ, сп҃се, попира́ютъ, твое́ю любо́вїю ᲂу҆ѧзвлѧ́емы, и҆ бжⷭ҇твеннымъ твои́мъ жела́нїемъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Всю̀ тѧ̀ голꙋби́цꙋ соверше́нꙋ и҆ предобрꙋ̀ и҆здале́ча ѡ҆брѣ́тъ, крі́нъ и҆ ᲂу҆до́льный цвѣ́тъ, ѽ бг҃ома́ти! Жени́хъ мы́сленный въ тѧ̀ всели́сѧ."
|
|
},
|
|
{
|
|
"type": "HEADER",
|
|
"value": "Конда́къ, гла́съ в҃."
|
|
},
|
|
{
|
|
"type": "TEXT",
|
|
"value": "Подо́бенъ: Вы́шнихъ и҆щѧ̀:"
|
|
},
|
|
{
|
|
"type": "TEXT",
|
|
"value": "Трꙋда́ми живо́тъ нетрꙋ́дный дости́гла є҆сѝ, кро́вїю же копрѡнѵ́ма ᲂу҆дави́ла є҆сѝ, мч҃нице, скве́рнаго врага̀ хрⷭ҇то́вы це́ркве, всеблаже́ннаѧ ѳеодо́сїе: и҆ съ вы́шними ра́дꙋешисѧ вѡ́инствы, чтꙋ́щыѧ па́мѧть твою̀ покрыва́ющи."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "TEXT",
|
|
"value": "І҆рмо́съ: Въ пещѝ а҆враа́мстїи ѻ҆́троцы персі́дстѣй, любо́вїю благоче́стїѧ па́че, не́жели пла́менемъ ѡ҆палѧ́еми, взыва́хꙋ: бл҃гослове́нъ є҆сѝ въ хра́мѣ сла́вы твоеѧ̀, гдⷭ҇и."
|
|
},
|
|
{
|
|
"type": "TEXT",
|
|
"value": "Тѧ̀ бг҃ода́нными ᲂу҆кра́шеннꙋ, мч҃нице, добро́тами, вѣ́рою зрѧ́ще, пѣ́сньми свѣ́тлѡ женихꙋ̀ твоемꙋ̀ взыва́емъ: благослове́нъ є҆сѝ въ хра́мѣ сла́вы твоеѧ̀, гдⷭ҇и."
|
|
},
|
|
{
|
|
"type": "TEXT",
|
|
"value": "Съ дѣ́вами свѣщено́сицами въ небе́сный, мч҃нице, ны́нѣ черто́гъ ра́дꙋющисѧ со хрⷭ҇то́мъ возшла̀ є҆сѝ, взыва́ющи: бл҃гослове́нъ є҆сѝ въ хра́мѣ сла́вы твоеѧ̀, гдⷭ҇и."
|
|
},
|
|
{
|
|
"type": "TEXT",
|
|
"value": "Бг҃оро́диченъ: На престо́лѣ превознесе́ннѣ сѣдѧ́й, престо́лъ тѧ̀ на землѝ, дв҃о, бг҃оподо́бенъ ѡ҆брѣ́тъ, почи́лъ є҆́сть. Бл҃гослове́на ты̀ въ жена́хъ є҆сѝ, пренепоро́чнаѧ влⷣчце."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "TEXT",
|
|
"value": "І҆рмо́съ: Рꙋ́цѣ распросте́ръ, данїи́лъ львѡ́въ зїѧ̑нїѧ въ ро́вѣ затчѐ, ѻ҆́гненнꙋю же си́лꙋ ᲂу҆гаси́ша, добродѣ́телїю препоѧ́савшссѧ, благоче́стїѧ рачи́тели ѻ҆́троцы, взыва́юще: благослови́те всѧ̑ дѣла̀ гдⷭ҇нѧ гдⷭ҇а."
|
|
},
|
|
{
|
|
"type": "TEXT",
|
|
"value": "Разрѣши́вшисѧ соꙋ̑зъ плотски́хъ, ѳеодо́сїе чⷭ҇тна́ѧ, возлетѣ́ла є҆сѝ ра́дꙋющисѧ къ свѣтоѻбра́зномꙋ черто́гꙋ, невѣ́стнически ликꙋ́ющи, и҆ мꙋче́нїѧ червле́нною кро́вїю блеща́щисѧ, и҆ вопїю́щи: благослови́те, всѧ̑ дѣла̀ гдⷭ҇нѧ, гдⷭ҇а."
|
|
},
|
|
{
|
|
"type": "TEXT",
|
|
"value": "Въ черто́зѣ нбⷭ҇нѣмъ жи́ти сподо́биласѧ є҆сѝ свѣ́тлѡ, ѳеодо́сїе честна́ѧ, вѣ́чнꙋющее благосла́вїе ѡ҆брѣ́тши, всеприснопа́мѧтнаѧ, и҆ мꙋ́жества твоегѡ̀ плодо́мъ вои́стиннꙋ ѡ҆богати́вшисѧ, вопїю́щи: благослови́те, всѧ̑ дѣла̀ гдⷭ҇нѧ, гдⷭ҇а."
|
|
},
|
|
{
|
|
"type": "TEXT",
|
|
"value": "Оу҆краси́ласѧ є҆сѝ тезоимени́тствомъ ꙗ҆́вѣ, ѳеодо́сїе честна́ѧ: бж҃їе бо да́нїе на́мъ и҆зрѧ́дно даде́сѧ, всемꙋ́драѧ, дарѡ́въ па́че ᲂу҆ма̀ воздаю́щи рѣ́ки, вѣ́рою пою́щымъ: благослови́те, всѧ̑ дѣла̀ гдⷭ҇нѧ, гдⷭ҇а."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Вои́стиннꙋ ро́ждши бг҃а, вои́стиннꙋ пречⷭ҇таѧ мт҃и нарекла́сѧ є҆сѝ бг҃ꙋ, и҆́стиннѡ носѧ́щи, но ко́емждо рожде́нїи, бг҃оиме́нство. Тѣ́мже тѧ̀ вѣ́рнїи сла́вимъ бцⷣꙋ бг҃омꙋ́дреннѡ, всенепоро́чнаѧ влⷣчце."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ка́мень нерꙋкосѣ́чный ѿ несѣко́мыѧ горы̀ тебє̀, дв҃о, краеꙋго́льный ѿсѣче́сѧ, хрⷭ҇то́съ, совокꙋпи́вый разстоѧ̑щаѧсѧ є҆стєства̀. Тѣ́мъ веселѧ́щесѧ, тѧ̀, бцⷣе, велича́емъ."
|
|
},
|
|
{
|
|
"type": "TEXT",
|
|
"value": "Разрѣшѝ плєни́цы согрѣше́нїй благоче́стнѡ тѧ̀ воспѣва́ющихъ, твои́ми мольба́ми, бг҃омꙋ́драѧ ѳеодо́сїе, мч҃нице прехва́льнаѧ, бг҃ꙋ вседержи́телю предстоѧ́щи, всечестна́ѧ."
|
|
},
|
|
{
|
|
"type": "TEXT",
|
|
"value": "Є҆́ѵы прама́тере жела́нїе хꙋдо́жно прїѧ́тъ, воззрѣ́нїемъ къ бг҃ꙋ ѡ҆боже́на, и҆ бы́вши бжⷭ҇твеннымъ прича́стїемъ бо́гъ. Тѣ́мже тѧ̀, всеблаже́ннаѧ ѳеодо́сїе, велича́емъ."
|
|
},
|
|
{
|
|
"type": "TEXT",
|
|
"value": "Ве́сь сла́дость є҆́сть тво́й жени́хъ, страстоте́рпице, ве́сь дꙋше́вное ᲂу҆тѣше́нїе, ѳеодо́сїе мч҃нице, хрⷭ҇то́съ, є҆го́же ны́нѣ наслажда́ющисѧ, твои́ми моли́твами на́съ помина́й."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Пло́тїю прїитѝ восхотѣ́въ ᲂу҆краси́вый всѧ̑ сло́вомъ, въ тѧ̀ всели́сѧ є҆ди́нꙋ, ст҃ѣ́йшꙋ всѣ́хъ ѡ҆брѣ́тъ, и҆ бцⷣꙋ показа̀ и҆́стиннꙋю, мт҃и дв҃о."
|
|
}
|
|
] |