466 lines
34 KiB
JSON
466 lines
34 KiB
JSON
[
|
|
{
|
|
"type": "HEADER",
|
|
"value": "І҆ꙋ́лїа и҃"
|
|
},
|
|
{
|
|
"type": "HEADER",
|
|
"value": "Ст҃а́гѡ великомꙋ́ченика проко́пїа."
|
|
},
|
|
{
|
|
"type": "HEADER",
|
|
"value": "Въ то́йже де́нь воспомина́нїе зна́менїѧ, ꙗ҆́вльшагѡсѧ ѿ і҆кѡ́ны прест҃ы́ѧ влⷣчцы на́шеѧ бцⷣы, честна́гѡ и҆ сла́внагѡ є҆ѧ̀ благовѣ́щенїѧ, во гра́дѣ вели́цѣмъ ᲂу҆́стюзѣ."
|
|
},
|
|
{
|
|
"type": "HEADER",
|
|
"value": "Стїхи̑ры мч҃ника, на ѕ҃, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Ꙗ҆́кѡ до́блѧ:"
|
|
},
|
|
{
|
|
"type": "TEXT",
|
|
"value": "Съ нб҃сѐ зва́нїе твоѐ, ꙗ҆́коже бы́сть проповѣ́дникꙋ ꙗ҆зы́кѡвъ, проко́пїе всесла́вне, и҆ просвѣ́щсѧ мы́слїю, тмꙋ̀ ѡ҆ста́вилъ є҆сѝ і҆́дѡльскꙋю, и҆ свѣти́льникъ вѣ́рныхъ бы́лъ є҆сѝ, бжⷭ҇твенными сїѧ̑нїи честны́хъ твои́хъ пѡ́двигъ ѡ҆зарѧ́ѧ концы̀ мі́ра, сла́ва мꙋ́ченикѡвъ и҆ похвала̀."
|
|
},
|
|
{
|
|
"type": "TEXT",
|
|
"value": "Воздержа́нїемъ пе́рвѣе плотска̑ѧ взыгра̑нїѧ ѡ҆бꙋзда́въ, по́слѣжде къ страда́нїю мꙋжемꙋ́дреннѡ ѿлꙋчи́лсѧ є҆сѝ, всеблаже́нне проко́пїе, не пощадѣ́въ пло́ти си́лою дꙋ́ха. Тѣ́мже всѧ́къ претерпѣ́лъ є҆сѝ ви́дъ мꙋче́нїй, вѣнцено́сецъ къ вы̑шнимъ любостоѧ́нїємъ восте́клъ є҆сѝ."
|
|
},
|
|
{
|
|
"type": "TEXT",
|
|
"value": "Воево́да ꙗ҆́кѡ непобѣди́мь, крⷭ҇то́мъ воѡрꙋжи́всѧ, тѡ́ки кро́вными всѝ си́лꙋ сопроти́вныхъ погрꙋзи́лъ є҆сѝ, и҆ тꙋ̑чи и҆сточи́лъ є҆сѝ и҆сцѣле́нїй бога́тнѡ, ѿ и҆стѡ́чникъ и҆злива́ѧ, досточꙋ́дне, спаси́тельныхъ, и҆ всѣ́хъ напаѧ́ѧ, пла́менемъ страсте́й содержи́мыхъ, бг҃одохнове́нне."
|
|
},
|
|
{
|
|
"type": "HEADER",
|
|
"value": "И҆́ны стїхи̑ры, гла́съ то́йже."
|
|
},
|
|
{
|
|
"type": "TEXT",
|
|
"value": "Подо́бенъ: Да́лъ є҆сѝ зна́менїе:"
|
|
},
|
|
{
|
|
"type": "TEXT",
|
|
"value": "Ꙗ҆́кѡ па́ѵла пе́рвѣе съ нб҃сѐ тѧ̀ призва̀ і҆и҃съ и҆́стина, проко́пїе пресла́вне: є҆мꙋ́же благодꙋ́шнѡ, блаже́нне, вѣ́ровавъ, ѻ҆те́ческꙋю пре́данꙋю лжꙋ̀ и҆ безбо́жнꙋю ле́сть ѡ҆ста́вилъ є҆сѝ: и҆ ра́дꙋѧсѧ ѿлꙋчи́лсѧ є҆сѝ къ болѣ́знєннымъ трꙋдѡ́мъ, соверше́ннагѡ страда́нїѧ просвѣ́щсѧ мы́слїю."
|
|
},
|
|
{
|
|
"type": "TEXT",
|
|
"value": "Трезꙋ̑бцы стрꙋ́жемь, и҆ ѻ҆гне́мъ и҆знꙋрѧ́емь, и҆ въ темни́цѣ затворѧ́емь, пребы́лъ є҆сѝ непрело́женъ, ко предлежа́щымъ бж҃е́ствєннымъ воздаѧ́нїємъ просвѣще́ннымъ по́мысломъ предзрѧ̀, мꙋ́чениче многострада́льне. Тѣ́мже тѧ̀ вѣнча̀ вѣнцеда́вецъ хрⷭ҇то́съ, проко́пїе, по́двиги сконча́вшаго и҆ вѣ́рꙋ соблю́дшаго."
|
|
},
|
|
{
|
|
"type": "TEXT",
|
|
"value": "Ѻ҆́бразомъ страда́нїѧ, є҆́же пло́тїю прїѧ́тъ, і҆и҃съ ᲂу҆лови́лъ тѧ̀ є҆́сть, добро́ты, проко́пїе, вожделѣ́въ и҆́скреннѡ, бжⷭ҇твенныѧ дꙋшѝ твоеѧ̀: є҆́йже ᲂу҆диви́шасѧ вразѝ терпѣ́нїю и҆ свѣ́тлости. Тѣ́мже тѧ̀ ᲂу҆блажа́емъ со страда́вшими съ тобо́ю, сла́вне: съ ни́миже просѝ ѡ҆ставле́нїе лю́тыхъ пою́щымъ тѧ̀."
|
|
},
|
|
{
|
|
"type": "HEADER",
|
|
"value": "Сла́ва, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Просїѧ̀ дне́сь сла́внаѧ па́мѧть твоѧ̀, проко́пїе многострада́льне, созыва́ющи на́съ празднолю́бцєвъ ко благохвале́нїю и҆ сла́вѣ хрⷭ҇та̀ бг҃а на́шегѡ. Тѣ́мже и҆ притека́юще къ ра́цѣ моще́й твои́хъ, и҆сцѣле́нїй дарова̑нїѧ прїе́млемъ: и҆ вѣнча́вшаго тѧ̀ сп҃са хрⷭ҇та̀ воспѣва́емъ во вѣ́ки, непреста́ннѡ сла́вѧще."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ, и҆лѝ крⷭ҇тобг҃оро́диченъ."
|
|
},
|
|
{
|
|
"type": "TEXT",
|
|
"value": "Подо́бенъ: Всѐ ѿло́жше:"
|
|
},
|
|
{
|
|
"type": "TEXT",
|
|
"value": "А҆́гнца своего̀ а҆́гница нескве́рнаѧ дре́вле и҆ непоро́чнаѧ влⷣчца на дре́вѣ крⷭ҇тнѣмъ ꙗ҆́кѡ ᲂу҆зрѣ̀, мт҃рски восклица́ше, и҆ дивѧ́щисѧ вопїѧ́ше: ча́до сладча́йшее, что̀ зрѣ́нїе сїѐ но́вое и҆ пресла́вное; ка́кѡ со́нмъ безблагода́тный сꙋди́щꙋ пїла́товꙋ предаде́ тѧ, и҆ ѡ҆сꙋжда́етъ на сме́рть живота̀ всѧ́ческихъ; но воспѣва́ю твоѐ неизрече́нное, сло́ве, снизхожде́нїе."
|
|
},
|
|
{
|
|
"type": "HEADER",
|
|
"value": "На стїхо́внѣ ѻ҆ктѡ́иха. Сла́ва, гла́съ и҃:"
|
|
},
|
|
{
|
|
"type": "TEXT",
|
|
"value": "Проко́пїа хартофѷла́ѯа: Та́йными сїѧ̑нїи пресвѣ́тлыѧ трⷪ҇цы ѡ҆зарѧ́емь, мꙋ́чениче проко́пїе доблемꙋ́дренне, положе́нїемъ бо́гъ бы́лъ є҆сѝ, ѡ҆божа́емь прича́стїемъ. Тѣ́мже вѣ́рою творѧ́щыѧ тво́й свѣтоно́сный пра́здникъ, ѿ напа́стей многоѻбра́зныхъ спаса́й твои́ми моли́твами."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ, и҆лѝ крⷭ҇тобг҃оро́диченъ."
|
|
},
|
|
{
|
|
"type": "TEXT",
|
|
"value": "Подо́бенъ: Ѽ пресла́внагѡ чꙋдесѐ!"
|
|
},
|
|
{
|
|
"type": "TEXT",
|
|
"value": "Тѧ̀ ви́дѧщи пригвожда́ема на крⷭ҇тѣ̀, і҆и҃се, и҆ стрⷭ҇ти прїе́млюща во́лею, дв҃а и҆ мт҃и твоѧ̀, влⷣко, ᲂу҆вы̀ мнѣ̀, вопїѧ́ше, ча́до сла́дкое: ра̑ны непра́веднѡ ка́кѡ терпи́ши, врачꙋ̀, и҆сцѣли́вый человѣ́ческое неможе́нїе, и҆ ѿ тлѝ всѣ́хъ и҆зба́вивый милосе́рдїемъ твои́мъ;"
|
|
},
|
|
{
|
|
"type": "HEADER",
|
|
"value": "Тропа́рь, гла́съ д҃:"
|
|
},
|
|
{
|
|
"type": "TEXT",
|
|
"value": "Мч҃никъ тво́й, гдⷭ҇и, проко́пїй во страда́нїи свое́мъ вѣне́цъ прїѧ́тъ нетлѣ́нный ѿ тебє̀ бг҃а на́шегѡ: и҆мѣ́ѧй бо крѣ́пость твою̀, мꙋчи́телей низложѝ, сокрꙋшѝ и҆ де́мѡнѡвъ немѡщны́ѧ де́рзѡсти. Тогѡ̀ моли́твами спасѝ дꙋ́шы на́шѧ."
|
|
},
|
|
{
|
|
"type": "HEADER",
|
|
"value": "На ᲂу҆́трени ѻ҆́ба канѡ́на ѻ҆ктѡ́иха безъ мч҃ничнѡвъ. И҆ ст҃а́гѡ на ѕ҃. Гла́съ д҃."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Мо́рѧ чермнꙋ́ю пꙋчи́нꙋ, невла́жными стопа́ми, дре́внїй пѣшеше́ствовавъ і҆и҃ль, крестоѻбра́зными мѡѷсе́овыма рꙋка́ма, а҆мали́ковꙋ си́лꙋ въ пꙋсты́ни побѣди́лъ є҆́сть."
|
|
},
|
|
{
|
|
"type": "TEXT",
|
|
"value": "Бога́тыми сїѧ̑нїи дх҃а ѡ҆блїѧ́нъ, свѣтоно́сный се́й, и҆ честны́й пра́здникъ тво́й чтꙋ́щыѧ, страсте́й мглы̀ и҆зба́ви и҆ напа́стей, мꙋ́чениче проко́пїе."
|
|
},
|
|
{
|
|
"type": "TEXT",
|
|
"value": "Зва́нїе не ѿ человѣ̑къ бы́сть твоѐ, проко́пїе, но съ нб҃сѐ ꙗ҆́кѡ па́ѵла пе́рвѣе хрⷭ҇то́съ ᲂу҆ловѝ, страсте́й свои́хъ свидѣ́телѧ всеи́стиннаго тѧ̀ содѣ́лавъ."
|
|
},
|
|
{
|
|
"type": "TEXT",
|
|
"value": "Во́инствомъ тлѣ́ннымъ, премꙋ́дре, на вѣ̑чнꙋющаѧ ꙗ҆́кѡ смы́сленъ премѣни́въ, и҆ сме́ртнаго царѧ̀ на безсме́ртнаго, и҆ црⷭ҇твїе нетлѣ́нное тебѣ̀ подава́ющаго, проко́пїе."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Є҆стество́мъ содѣ́телѧ родила̀ є҆сѝ, на́съ ѡ҆божи́вшаго па́че ᲂу҆ма̀ соедине́нїемъ и҆́стиннымъ, бцⷣе препѣ́таѧ: є҆го́же молѝ, просвѣти́ти пою́щыѧ тѧ̀."
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "TEXT",
|
|
"value": "І҆рмо́съ: Не мꙋ́дростїю и҆ си́лою, и҆ бога́тствомъ хва́лимсѧ, но тобо́ю, ѻ҆́ч҃ею ѵ҆поста́сною мꙋ́дростїю, хрⷭ҇тѐ: нѣ́сть бо свѧ́тъ, па́че тебє̀, чл҃вѣколю́бче."
|
|
},
|
|
{
|
|
"type": "TEXT",
|
|
"value": "Посредѣ̀ крⷭ҇та̀ пресла́внѡ хрⷭ҇то́съ тебѣ̀ ꙗ҆влѧ́етсѧ, наꙋча́ѧ ꙗ҆́вѣ, є҆́же къ на́мъ схожде́нїе, и҆ тѧ̀ къ страда́нїю призыва́ѧ."
|
|
},
|
|
{
|
|
"type": "TEXT",
|
|
"value": "Хра́мъ и҆ сто́лпъ воздви́глъ є҆сѝ тебѐ сама́го бжⷭ҇твенномꙋ дх҃ꙋ, ре́вностїю дыха́ѧ бж҃їею: хра́мы и҆ бездꙋ̑шныѧ и҆стꙋка́ны дє́мѡнскїѧ низложи́лъ є҆сѝ, мꙋ́чениче проко́пїе."
|
|
},
|
|
{
|
|
"type": "TEXT",
|
|
"value": "Совле́клсѧ є҆сѝ ко́жныхъ ри́зъ строга́нїемъ, нетлѣ́нїѧ же ѻ҆де́ждею ѡ҆дѣ́ѧвсѧ, проко́пїе: и҆ многоко́зненнаго, мꙋ́чениче, ѡ҆бнажи́лъ є҆сѝ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: И҆зба́ви мѧ̀ всѧ́кагѡ прило́га сопроти́внагѡ ѕмі́ѧ, мт҃и дв҃о чⷭ҇таѧ, и҆ се́рдце моѐ просвѣтѝ, вѣ́рою тѧ̀ сла́вѧщагѡ, пренепоро́чнаѧ."
|
|
},
|
|
{
|
|
"type": "HEADER",
|
|
"value": "Сѣда́ленъ, гла́съ а҃."
|
|
},
|
|
{
|
|
"type": "TEXT",
|
|
"value": "Подо́бенъ: Гро́бъ тво́й:"
|
|
},
|
|
{
|
|
"type": "TEXT",
|
|
"value": "Ꙗ҆́кѡ па́ѵла пе́рвѣе хрⷭ҇то́съ съ нб҃сѐ, проко́пїе мꙋ́дре, тѧ̀ зове́тъ къ вѣ́рѣ, добро́тꙋ бжⷭ҇твеннꙋю провѣ́дый се́рдца твоегѡ̀. Тѣ́мже пострада́лъ є҆сѝ мꙋ́жески, проповѣ́даѧ стрⷭ҇ти, и҆ тогѡ̀ къ человѣ́кѡмъ, преблаже́нне, соше́ствїе. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Безневѣ́стнаѧ чⷭ҇таѧ бцⷣе дв҃о, є҆ди́на вѣ́рныхъ предста́тельнице и҆ покро́ве, бѣ́дъ и҆ скорбе́й и҆ лю́тыхъ ѡ҆бстоѧ́нїй всѣ́хъ и҆зба́ви, на тѧ̀ ᲂу҆пова́нїе, ѻ҆трокови́це, и҆мꙋ́щихъ, и҆ дꙋ́шы на́шѧ спасѝ бжⷭ҇твенными моли́твами твои́ми."
|
|
},
|
|
{
|
|
"type": "TEXT",
|
|
"value": "Крⷭ҇тобг҃оро́диченъ: Зрѧ́щи тѧ̀, хрⷭ҇тѐ, всенепоро́чнаѧ мт҃и, ме́ртва на крⷭ҇тѣ̀ просте́рта, вопїѧ́ше: сн҃е мо́й, собезнача́льне ѻ҆ц҃ꙋ̀ и҆ дх҃ꙋ, что̀ неизрече́нное твоѐ сїѐ смотре́нїе, и҆́мже спа́слъ є҆сѝ пречⷭ҇тыхъ рꙋ́къ твои́хъ, ще́дре, созда́нїе;"
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "TEXT",
|
|
"value": "І҆рмо́съ: Вознесе́на тѧ̀ ви́дѣвши цр҃ковь на крⷭ҇тѣ̀, сл҃нце пра́ведное, ста̀ въ чи́нѣ свое́мъ, досто́йнѡ взыва́ющи: сла́ва си́лѣ твое́й, гдⷭ҇и."
|
|
},
|
|
{
|
|
"type": "TEXT",
|
|
"value": "Превознесе́ннаго держа́вою нече́стїѧ го́рдаго мꙋчи́телѧ, ко влⷣцѣ бжⷭ҇твенными воззрѣ̑нїи взыва́ѧ, разрази́лъ є҆сѝ: сла́ва си́лѣ твое́й, гдⷭ҇и."
|
|
},
|
|
{
|
|
"type": "TEXT",
|
|
"value": "Ꙗ҆влѧ́етсѧ въ темни́цѣ тебѣ̀ затворе́нꙋ и҆зба́витель, проко́пїе, де́рзости наполнѧ́ѧ тѧ̀, сїѧ́нїемъ же просвѣща́ѧ тѧ̀, и҆ зва́нїе сꙋгꙋ́бо твоемꙋ̀ предспѣ́ѧнїю подаѧ̀."
|
|
},
|
|
{
|
|
"type": "TEXT",
|
|
"value": "Бл҃года́тїю бжⷭ҇твенною просвѣще́но зрѧ́ще твоѐ лицѐ невѣ́рїѧ мра́комъ покрове́ннїи, свѣ́тъ вѣ́ры бжⷭ҇твеннымъ манове́нїемъ прїе́млютъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ѡ҆тѧгче́на сно́мъ ᲂу҆ны́нїѧ, къ покаѧ́нїѧ ᲂу҆́трꙋ мѧ̀ твое́ю неꙋсы́пною, влⷣчце, воздви́гни моли́твою, и҆ спаси́ мѧ є҆ди́на сп҃са ро́ждшаѧ."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "TEXT",
|
|
"value": "І҆рмо́съ: Нечести́вїи не ᲂу҆́зрѧтъ сла́вы твоеѧ̀, хрⷭ҇тѐ, но мы̀ тѧ̀, є҆диноро́дне, ѻ҆ч҃ескїѧ сла́вы сїѧ́нїе бжⷭ҇тва̀, ѿ но́щи ᲂу҆́тренююще, воспѣва́емъ тѧ̀, чл҃вѣколю́бче."
|
|
},
|
|
{
|
|
"type": "TEXT",
|
|
"value": "Свѣ́томъ слове́съ твои́хъ во́инство бг҃опоко́рное приве́лъ є҆сѝ хрⷭ҇тꙋ̀, мꙋче́нїѧ кро́вїю наслѣ́дствовавшее, съ тобо́ю, проко́пїе, црⷭ҇тво недви́жимое."
|
|
},
|
|
{
|
|
"type": "TEXT",
|
|
"value": "Сѷгкли́тства ꙗ҆ви́шасѧ вы́шнѧгѡ прича̑стницы, жєны̀ сѷгкли̑тскїѧ, и҆ ро́да свѣ́тлости ѿре́кшесѧ, и҆ ᲂу҆мре́ти и҆зво́лиша по тебѣ̀, сло́ве безсме́ртне."
|
|
},
|
|
{
|
|
"type": "TEXT",
|
|
"value": "Ѻ҆гне́мъ распалѧ́еми бжⷭ҇твеннымъ дꙋ́шы, ѡ҆палѧ́емагѡ и҆ неща́днѡ жего́магѡ тѣ́ла пренебре́гше, ꙗ҆̀же твоѐ возжелѣ́вшыѧ црⷭ҇тво, многоми́лостиве."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Заче́нши родила̀ є҆сѝ бг҃а є҆мманꙋ́ила, на ѡ҆бновле́нїе человѣ́кѡмъ, прест҃а́ѧ, чⷭ҇таѧ, пло́ть бы́вша:є҆го́же при́снѡ молѝ спастѝ дꙋ́шы на́шѧ."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Пожрꙋ́ ти со гла́сомъ хвале́нїѧ, гдⷭ҇и, цр҃ковь вопїе́тъ тѝ, ѿ бѣсо́вскїѧ кро́ве ѡ҆чи́щшисѧ, ра́ди ми́лости ѿ ре́бръ твои́хъ и҆сте́кшею кро́вїю."
|
|
},
|
|
{
|
|
"type": "TEXT",
|
|
"value": "И҆сточа́ѧ тво́й медото́чный ѧ҆зы́къ ᲂу҆чє́нїѧ медотѡ́чнаѧ, и҆ го́рести безбо́жїѧ вои́стиннꙋ и҆зба́ви, благопоко́рнѡ тебѣ̀ притека́ющыѧ, мꙋ́чениче проко́пїе."
|
|
},
|
|
{
|
|
"type": "TEXT",
|
|
"value": "Ма́терь благоче́стїе, мꙋ́чениче, стѧжа́въ, ѕлоче́стїѧ и҆з̾има́еши, твою̀ по пло́ти честнꙋ́ю ма́терь, и҆ приво́диши нбⷭ҇номꙋ ѻ҆ц҃ꙋ̀ страда́нїѧ ра́ди."
|
|
},
|
|
{
|
|
"type": "TEXT",
|
|
"value": "Лани̑ты стрꙋжа̀ желѣ́зомъ мꙋчи́тель, по́мысла твоегѡ̀ тве́рдости, мꙋ́чениче, не поколеба̀, водрꙋже́нагѡ любо́вїю, стрⷭ҇ти пло́тїю претерпѣ́вшагѡ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ст҃а́го ст҃ы́хъ неизрече́ннѡ родила̀ є҆сѝ, прест҃а́ѧ дв҃о, вѣ̑рныѧ при́снѡ ѡ҆свѧща́ющаго и҆ мꙋ́ченичєскїѧ ли́ки со а҆́гг҃лы совокꙋплѧ́ющаго."
|
|
},
|
|
{
|
|
"type": "HEADER",
|
|
"value": "Конда́къ, гла́съ в҃:"
|
|
},
|
|
{
|
|
"type": "TEXT",
|
|
"value": "Подо́бенъ: Вы́шнихъ и҆щѧ̀:"
|
|
},
|
|
{
|
|
"type": "TEXT",
|
|
"value": "Ре́вностїю ко хрⷭ҇тꙋ̀ бжⷭ҇твенною распала́емь, и҆ крⷭ҇та̀ крѣ́постїю ѡ҆гражда́емь, врагѡ́въ шата́нїе и҆ де́рзость низложи́лъ є҆сѝ, проко́пїе, и҆ честнꙋ́ю цр҃ковь возвы́силъ є҆сѝ, вѣ́рою преꙋспѣва́ѧ, и҆ просвѣща́ѧ на́съ."
|
|
},
|
|
{
|
|
"type": "TEXT",
|
|
"value": "І҆́косъ: Оу҆ста̀ ра́зꙋма мнѣ̀ пода́ждь, пребезнача́льне сло́ве, хотѧ́щꙋ пѣ́ти твоего̀ ѻ҆рꙋ́жника проко́пїа: и҆́маши бо бога́тство милосе́рдїѧ неизче́тно, хрⷭ҇тѐ мо́й, пꙋчи́нꙋ твои́хъ сꙋде́бъ: да и҆ а҆́зъ дꙋше́внагѡ мра́ка ѡ҆чи́щꙋсѧ, ᲂу҆ма́ же всѧ́кꙋ скве́рнꙋ ѿмы́въ, хра́мъ свѧще́нїѧ дѣ́лы бжⷭ҇твенными твои́ми бꙋ́дꙋ, и҆ достѡ́йнаѧ пою̀ мꙋ́ченикꙋ, вѣ́рою преꙋспѣва́ѧ, и҆ просвѣща́ѧ на́съ."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "TEXT",
|
|
"value": "І҆рмо́съ: Въ пещѝ а҆враа́мстїи ѻ҆́троцы персі́дстѣй, любо́вїю благоче́стїѧ па́че, не́жели пла́менемъ ѡ҆палѧ́еми, взыва́хꙋ: бл҃гослове́нъ є҆сѝ въ хра́мѣ сла́вы твоеѧ̀, гдⷭ҇и."
|
|
},
|
|
{
|
|
"type": "TEXT",
|
|
"value": "Тѧ́жестїю ѻ҆́лова твое́й вы́и сокрꙋша́емѣ, мꙋ́чениче, не чꙋ́лъ є҆сѝ: носи́ти бо и҆́го на вы́и возжелѣ́лъ є҆сѝ преле́гкое, за милосе́рдїе на́мъ примѣ́шшагѡсѧ."
|
|
},
|
|
{
|
|
"type": "TEXT",
|
|
"value": "Бл҃года́ть свы́ше и҆сцѣле́нїй прїе́мъ, недꙋ́ги ѿе́млеши, мꙋ́чениче, и҆ лꙋка̑выѧ ѿгонѧ́еши дꙋ́хи, вопїѧ̀: бл҃гослове́нъ є҆сѝ, гдⷭ҇и бж҃е ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Многоѻбра̑зныѧ ѿ вра̑гъ ꙗ҆́звы прїе́млѧ, бл҃же́нне, и҆ ѻ҆гне́мъ ѡ҆палѧ́емь, тве́рдостнѣ нече́стїе попали́лъ є҆сѝ, бл҃гослове́нъ є҆сѝ, вопїѧ̀, бж҃е ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ѿ дв҃ы нетлѣ́нныѧ па́че є҆стества̀ ражда́етсѧ сло́во, и҆́же сло́вомъ всѧ̑ содѣва́ѧй, безслове́сїѧ хотѧ̀ и҆зба́вити во́льное славосло́вѧщыѧ тогѡ̀ сни́тїе."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "TEXT",
|
|
"value": "І҆рмо́съ: Рꙋ́цѣ распросте́ръ, данїи́лъ львѡ́въ зїѧ̑нїѧ въ ро́вѣ затчѐ: ѻ҆́гненнꙋю же си́лꙋ ᲂу҆гаси́ша, добродѣ́телїю препоѧ́савшесѧ, благоче́стїѧ рачи́тели ѻ҆́троцы, взыва́юще: бл҃гослови́те, всѧ̑ дѣла̀ гдⷭ҇нѧ, гдⷭ҇а."
|
|
},
|
|
{
|
|
"type": "TEXT",
|
|
"value": "Свѣща́ми ѡ҆палѧ́емь лю́тѣ, ѻ҆стны́ же подбода́емь, и҆ лѣ̑тнымъ ра́намъ строга́нїе прїе́млѧ, и҆ болѣ́знꙋѧ ѕѣлѡ̀, мꙋ́чениче, взыва́лъ є҆сѝ: бл҃гослови́те, всѧ̑ дѣла̀ гдⷭ҇нѧ, гдⷭ҇а."
|
|
},
|
|
{
|
|
"type": "TEXT",
|
|
"value": "Твое́ю десни́цею тє́мнаѧ де́мѡнѡвъ ли́ца, бл҃же́нне, заꙋши́лъ є҆сѝ: сїю́ бо на ᲂу҆́глїе горѧ́щее, сла́вне, ѡ҆пали́тисѧ положи́лъ є҆сѝ, беззако́нномꙋ мꙋчи́телю противлѧ́ѧсѧ, и҆ взыва́ѧ: бл҃гослови́те, всѧ̑ дѣла̀ гдⷭ҇нѧ, гдⷭ҇а."
|
|
},
|
|
{
|
|
"type": "TEXT",
|
|
"value": "Ка́менѧ хрⷭ҇та̀ незы́блема, всебл҃же́нне сла́вне, и҆мѣ́ѧ ѡ҆снова́нїе, ка́менїемъ, проко́пїе, ра́довашесѧ сꙋ́ровѡ ѡ҆тѧгчава́емь, къ нетѧ́жцѣй тѧ̀ ра́дости ѡ҆блегча́етъ, вопїю́ща: бл҃гослови́те, всѧ̑ дѣла̀ гдⷭ҇нѧ, гдⷭ҇а."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Сѐ всѝ, ѻ҆трокови́це, ро́ди, ꙗ҆́коже прорекла̀ є҆сѝ, тѧ̀ ᲂу҆блажа́ютъ, бг҃а бл҃же́ннаго ро́ждшꙋю, бл҃же́нны содѣва́ющаго, и҆̀же повелѣ́нїємъ є҆гѡ̀ послѣ́дꙋющыѧ вѣ́рнѡ, и҆ вопїю́щыѧ: бл҃гослови́те, всѧ̑ дѣла̀ гдⷭ҇нѧ, гдⷭ҇а."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ка́мень нерꙋкосѣ́чный ѿ несѣко́мыѧ горы̀ тебє̀, дв҃о, краеꙋго́льный ѿсѣче́сѧ, хрⷭ҇то́съ, совокꙋпи́вый разстоѧ̑щаѧсѧ є҆стєства̀. Тѣ́мъ веселѧ́щесѧ, тѧ̀, бцⷣе, велича́емъ."
|
|
},
|
|
{
|
|
"type": "TEXT",
|
|
"value": "Возжелѣ́нный тебѣ̀ полꙋчи́вшꙋ коне́цъ, велемꙋ́дреннѡ преклони́лъ є҆сѝ бг҃ꙋ вы́ю, ᲂу҆да́ренъ же бы́въ мече́мъ, ꙗ҆́коже на колесни́цꙋ твое́ю всѣ́лъ є҆сѝ кро́вїю, и҆ къ немꙋ̀, мꙋ́чениче, восте́клъ є҆сѝ."
|
|
},
|
|
{
|
|
"type": "TEXT",
|
|
"value": "То́чиши рѣ́ки и҆сцѣле́нїй, и҆сто́чникъ бы́въ чꙋде́съ, ᲂу҆ставлѧ́еши же пла́мень страсте́й, дє́мѡнскїѧ же погрꙋжа́еши полкѝ, всеси́льною дх҃а бжⷭ҇твенною крѣ́постїю, досточꙋ́дне."
|
|
},
|
|
{
|
|
"type": "TEXT",
|
|
"value": "Всесвѧтꙋ́ю твою̀ па́мѧть ра́достнѡ творѧ́щыѧ, всѧ́кагѡ преще́нїѧ, всѧ́кагѡ же недꙋ́га и҆ всѧ́кїѧ бѣды̀ спаса́й, проко́пїе, къ зижди́телю бг҃ꙋ свѧще́нными твои́ми мольба́ми."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Свѣ́тъ на́мъ возсїѧ̀, ѻ҆трокови́це, ѿ свѣтоно́сныѧ твоеѧ̀ ᲂу҆тро́бы, созда́тель со́лнца и҆ ѕвѣ́здъ, и҆ всѧ́кїѧ тва́ри: є҆го́же прилѣ́жнѡ молѝ, просвѣти́ти пою́щыѧ тѧ̀."
|
|
},
|
|
{
|
|
"type": "TEXT",
|
|
"value": "Свѣти́ленъ: Съ нб҃сѐ, ꙗ҆́кѡ па́ѵлꙋ, бы́сть тебѣ̀ зва́нїе, є҆мꙋ́же тезоимени́тнѡ преспѣва́ѧ, проко́пїе, гдⷭ҇еви ли́ки мꙋ́чєникъ приве́лъ є҆сѝ: съ ни́миже мо́лиши ѡ҆ хва́лѧщихъ тѧ̀."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Свѣ́тъ ро́ждшаѧ, дв҃о, и҆́же ѿ свѣ́та нерожде́нна, незаходи́маго свѣ́та, твои́ми неꙋсы́пными моли́твами наставлѧ́ющи не преста́й, тѧ̀ пою́щыѧ, мт҃и приснодв҃о."
|
|
},
|
|
{
|
|
"type": "HEADER",
|
|
"value": "На хвали́техъ стїхи̑ры, на д҃. Гла́съ в҃."
|
|
},
|
|
{
|
|
"type": "TEXT",
|
|
"value": "Вѷзанті́ево: Ꙗ҆́кѡ преꙋспѣва́ѧ въ бз҃ѣ, ѡ҆ всѣ́хъ моли́сѧ, страстоно́сче, преꙋспѣва́ти въ не́мъ, мꙋ́ченикѡмъ похвало̀, вели́кїй проко́пїе, ꙗ҆́кѡ дерзнове́нїе и҆мѣ́ѧ къ немꙋ̀, и҆ тогѡ̀ престо́лꙋ при́снѡ предстоѧ̀ въ бг҃оизрѧ́дныхъ стезѧ́хъ, и҆ бжⷭ҇твенныхъ дѣѧ́нїихъ благоꙋгожда́ющихъ є҆мꙋ̀, и҆ тѧ̀ блажа́щихъ."
|
|
},
|
|
{
|
|
"type": "HEADER",
|
|
"value": "Гла́съ г҃."
|
|
},
|
|
{
|
|
"type": "TEXT",
|
|
"value": "Ге́рманово: Ю҆́ношескимъ во́зрастомъ подвиза́ѧсѧ, ꙗ҆́коже бжⷭ҇твеннѣйшїй па́ѵелъ, свы́ше бжⷭ҇твенное дарова́нїе прїѧ́лъ є҆сѝ: и҆ лю́тагѡ борца̀ де́рзость всеѻрꙋ́жествомъ крⷭ҇та̀ низложи́лъ є҆сѝ, мꙋ́ченикѡмъ похвало̀, страстоно́сче проко́пїе, ѡ҆ на́съ ко гдⷭ҇ꙋ моли́сѧ, спастѝ дꙋ́шы на́шѧ."
|
|
},
|
|
{
|
|
"type": "HEADER",
|
|
"value": "Гла́съ д҃."
|
|
},
|
|
{
|
|
"type": "TEXT",
|
|
"value": "Кѷпрїа́ново: Хвала̀ бг҃ꙋ ѿ бре́нныхъ ᲂу҆сте́нъ прино́ситсѧ, въ бжⷭ҇твеннѣй па́мѧти твое́й, проко́пїе многострада́льне: ты́ бо ꙗ҆ви́лсѧ є҆сѝ и҆зрѧ́дный во́инъ сло́ва вѣ́ры, побѣди́въ въ трꙋдѣ́хъ і҆́дѡльскїѧ зра́ки: и҆ ны́нѣ просвѣти́лсѧ є҆сѝ свѣ́томъ трⷪ҇ческимъ, ѡ҆зарѧ́ѧ на̑ша помышлє́нїѧ, моли́твами твои́ми."
|
|
},
|
|
{
|
|
"type": "HEADER",
|
|
"value": "Гла́съ є҃:"
|
|
},
|
|
{
|
|
"type": "TEXT",
|
|
"value": "Цр҃ковь дне́сь ѡ҆дѣ́ѧвшисѧ держа́вою твое́ю, мꙋ́чениче хрⷭ҇то́въ, весели́тсѧ: и҆ твою̀ всеизрѧ́днꙋю па́мѧть по достоѧ́нїю благохва́льнѡ взыва́етъ, почита́ющи: ра́дꙋйсѧ, и҆́же па́ѵлꙋ поревнова́вый, и҆ крⷭ҇тъ хрⷭ҇то́въ взе́мъ, и҆ сѣ̑ти сокрꙋши́лъ є҆сѝ чꙋжда́гѡ: ра́дꙋйсѧ, мꙋ́ченикѡвъ похвало̀, проко́пїе многострада́льне: ѡ҆ на́съ ко гдⷭ҇ꙋ не преста́й молѧ́сѧ, ꙗ҆́кѡ дерзнове́нїе и҆мѣ́ѧ, страда́льцєвъ ᲂу҆краше́нїе."
|
|
},
|
|
{
|
|
"type": "HEADER",
|
|
"value": "Сла́ва, гла́съ д҃:"
|
|
},
|
|
{
|
|
"type": "TEXT",
|
|
"value": "Червлени́цею крове́й мꙋче́нїѧ твоегѡ̀, ᲂу҆краси́вшисѧ це́рковь бж҃їѧ, со́лнєчныѧ зари̑ и҆спꙋща́етъ, проко́пїе многострада́льне: крⷭ҇то́мъ бо воѡрꙋжи́въ себѐ, и҆ ᲂу҆мре́ти по хрⷭ҇тѣ̀ жела́ѧ доблемꙋ́дреннѡ ко ѡ҆полче́нїю чꙋжда́гѡ сꙋпроти́вꙋ ста́лъ є҆сѝ, и҆ посрами́въ ᲂу҆мышлє́нїѧ беззако́нныхъ, побѣ́дный во́инъ ꙗ҆́вльсѧ хрⷭ҇то́въ. Тѣ́мже мо́лимъ тѧ̀, ꙗ҆́кѡ и҆мѣ́ѧ дерзнове́нїе къ немꙋ̀, мꙋ́ченикѡвъ ᲂу҆краше́нїе, молѝ спасти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ, и҆лѝ крⷭ҇тобг҃оро́диченъ."
|
|
},
|
|
{
|
|
"type": "TEXT",
|
|
"value": "Подо́бенъ: Ꙗ҆́кѡ до́блѧ:"
|
|
},
|
|
{
|
|
"type": "TEXT",
|
|
"value": "Распина́ема хрⷭ҇та̀ чл҃вѣколю́бца ви́дѧщи пречⷭ҇таѧ, и҆ ре́бра и҆скопава́ема копїе́мъ, пла́чꙋщи вопїѧ́ше: что̀ сїѐ, сн҃е мо́й; что́ ти безблагода́тнїи лю́дїе возда́ша, за ꙗ҆̀же сотвори́лъ є҆сѝ дѡ́браѧ и҆̀мъ; и҆ тщи́шисѧ безча́дствовати мѧ̀, вселюбе́знѣйшїй: ᲂу҆дивлѧ́юсѧ, бл҃гоꙋтро́бне, твоемꙋ̀ во́льномꙋ распѧ́тїю."
|
|
},
|
|
{
|
|
"type": "HEADER",
|
|
"value": "На стїхо́внѣ ѻ҆ктѡ́иха. Та́же глаго́лемъ припѣ́въ:"
|
|
},
|
|
{
|
|
"type": "TEXT",
|
|
"value": "Ди́венъ бг҃ъ во ст҃ы́хъ свои́хъ, бг҃ъ і҆и҃левъ."
|
|
},
|
|
{
|
|
"type": "HEADER",
|
|
"value": "И҆ пое́мъ стїхи́рꙋ, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Прїиди́те, всѝ земні́и концы̀, дꙋхо́вный ли́къ соста́вимъ, пѣ́нїемъ трꙋ́бный гла́съ воспрїи́мше, и҆ благода̑рныѧ пѣ̑сни принесе́мъ, глаго́люще: ра́дꙋйсѧ, хрⷭ҇то́въ во́ине, мꙋ́чениче проко́пїе: любо́вїю бо сегѡ̀ пострада́лъ є҆сѝ, блаже́нне: ра́дꙋйсѧ, и҆́же тѣ́ло ѿда́въ на ра̑ны лю̑тыѧ за вѣ́чнꙋю и҆ блаже́ннꙋю вои́стиннꙋ жи́знь: ра́дꙋйсѧ, несы́тною дꙋше́ю наслажда́ѧсѧ непреста́ннѡ, ꙗ҆́кѡ ѻ҆́бщникъ хрⷭ҇та̀ бг҃а на́шегѡ. Тѣ́мже ѡ҆ творѧ́щихъ вѣ́рою сла́внꙋю па́мѧть твою̀ молѝ, и҆зба́витисѧ всѧ́кагѡ гнѣ́ва и҆ тлѝ и҆ мꙋче́нїѧ."
|
|
},
|
|
{
|
|
"type": "HEADER",
|
|
"value": "Сла́ва, гла́съ и҃."
|
|
},
|
|
{
|
|
"type": "TEXT",
|
|
"value": "Ꙗ҆́коже па́ѵелъ зва́нїе ѿ бг҃а прїе́мъ, мꙋ́чениче проко́пїе, и҆ преꙋспѣва́ѧ въ бз҃ѣ крⷭ҇та̀ жела́нїемъ, мꙋчи́телей ѕлочє́стїѧ и҆ мꙋчє́нїѧ всѧ̑ мꙋ́жественнѡ посрами́лъ є҆сѝ. Тѣ́мже и҆ до кро́ве противоста́лъ є҆сѝ ко грѣхꙋ̀, къ неви̑димымъ врагѡ́мъ подвиза́ѧсѧ: и҆ мо́лишисѧ непреста́ннѡ и҆зба́вителю и҆ бг҃ꙋ, дарова́ти вселе́ннѣй ми́ръ, и҆ дꙋша́мъ на́шымъ ве́лїю ми́лость."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ, и҆лѝ крⷭ҇тобг҃оро́диченъ."
|
|
},
|
|
{
|
|
"type": "TEXT",
|
|
"value": "Подо́бенъ: Мꙋ́чєницы гдⷭ҇ни:"
|
|
},
|
|
{
|
|
"type": "TEXT",
|
|
"value": "Не терплю̀, ча́до, ви́дѧщи тѧ̀ на дре́вѣ ᲂу҆снꙋ́вша, бо́дрость всѣ̑мъ подаю́щаго, ꙗ҆́кѡ да дре́вле престꙋпле́нїѧ плодо́мъ, сно́мъ поги́бельнымъ ᲂу҆снꙋ́вшымъ, бжⷭ҇твеннꙋю и҆ спаси́тельнꙋю бо́дрость пода́си, дв҃а глаго́лаше пла́чꙋщисѧ, ю҆́же велича́емъ."
|
|
},
|
|
{
|
|
"type": "HEADER",
|
|
"value": "На лїтꙋргі́и: бл҃жє́нна ѻ҆ктѡ́иха, и҆ ѿ канѡ́на ст҃а́гѡ пѣ́снь г҃-ѧ."
|
|
},
|
|
{
|
|
"type": "HEADER",
|
|
"value": "Прокі́менъ, гла́съ д҃:"
|
|
},
|
|
{
|
|
"type": "TEXT",
|
|
"value": "Ди́венъ бг҃ъ во ст҃ы́хъ свои́хъ, бг҃ъ і҆и҃левъ."
|
|
},
|
|
{
|
|
"type": "TEXT",
|
|
"value": "Сті́хъ: Въ цр҃квахъ благослови́те бг҃а, гдⷭ҇а ѿ и҆стѡ́чникъ і҆и҃левыхъ."
|
|
},
|
|
{
|
|
"type": "HEADER",
|
|
"value": "А҆пⷭ҇лъ къ тїмоѳе́ю, зача́ло сч҃в."
|
|
},
|
|
{
|
|
"type": "TEXT",
|
|
"value": "А҆ллилꙋ́їа, гла́съ д҃: Пра́ведникъ ꙗ҆́кѡ фі́нїѯъ процвѣте́тъ:"
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе матѳе́а зача́ло л҃ѳ."
|
|
},
|
|
{
|
|
"type": "TEXT",
|
|
"value": "Прича́стенъ: Въ па́мѧть вѣ́чнꙋю:"
|
|
}
|
|
] |