490 lines
44 KiB
JSON
490 lines
44 KiB
JSON
[
|
|
{
|
|
"type": "HEADER",
|
|
"value": "І҆ꙋ́лїа к҃є"
|
|
},
|
|
{
|
|
"type": "HEADER",
|
|
"value": "Прпⷣбнагѡ ѻ҆тца̀ на́шегѡ мака́рїа желтово́дскагѡ, ᲂу҆́нжескагѡ чꙋдотво́рца."
|
|
},
|
|
{
|
|
"type": "HEADER",
|
|
"value": "Ве́черъ, Блаже́нъ мꙋ́жъ: На Гдⷭ҇и, воззва́хъ, стїхи̑ры, гла́съ в҃."
|
|
},
|
|
{
|
|
"type": "TEXT",
|
|
"value": "Подо́бенъ: Кі́ими похва́льными:"
|
|
},
|
|
{
|
|
"type": "TEXT",
|
|
"value": "Гдⷭ҇и, да́ждь мѝ ѧ҆зы́къ свѣтлогла́сенъ, ᲂу҆го́ждшагѡ тебѣ̀ пребл҃же́ннагѡ ѻ҆тца̀ па́мѧть вѣ̑рнымъ лю́демъ твои̑мъ возвѣсти́ти, ꙗ҆́коже речѐ пѣснопи́сецъ дв҃дъ: честна̀ предъ гдⷭ҇емъ сме́рть прпⷣбныхъ є҆гѡ̀. Ѻ҆́ч҃е бг҃омꙋ́дре, пресвѣ́тлый свѣти́льниче мака́рїе, мнѡ́га ᲂу҆́бѡ воздаѧ̑нїѧ ѿ бг҃а прїѧ́лъ є҆сѝ, твои́ми чꙋдесы̀ ѡ҆зарѧ́ѧ на́съ, пога̑ныѧ посрами́лъ є҆сѝ, моли́твами же твои́ми бѣсѡ́вскаѧ кова̑рства всѧ̀ потреби́лъ є҆сѝ, молѝ хрⷭ҇та̀ бг҃а, спастѝ и҆ просвѣти́ти дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "Гла́съ прⷪ҇ро́ка твоегѡ̀, гдⷭ҇и, и҆спо́лнити хотѧ̀, рече́ бо бг҃оѻте́цъ дв҃дъ, поѧ̀ и҆ молѧ́сѧ не престаѧ̀ де́нь и҆ но́щь: ᲂу҆дали́хсѧ бѣ́гаѧ, и҆ водвори́хсѧ въ пꙋсты́ню, ча́ѧхъ бг҃а спаса́ющаго мѧ̀. А҆́ще бы пꙋсты́нѧ ᲂу҆ха́ла стрꙋѧ́ми сле́зъ твои́хъ, се́ бы, ꙗ҆́кѡ громогла́снаѧ трꙋба̀, не бы̀ почи́ла вопи́ти трꙋдополо́жныхъ пѡ́двигъ твои́хъ: а҆́гг҃лы возвесели́лъ є҆сѝ, и҆ человѣ́ки ᲂу҆диви́лъ є҆сѝ, ѻ҆́ч҃е мака́рїе, прпⷣбне и҆ приснопа́мѧтне, молѝ хрⷭ҇та̀ бг҃а, спасти́сѧ дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "Бг҃оно́се ѻ҆́ч҃е мака́рїе, ты̀ ѿ младе́нства жесто́кимъ и҆ приско́рбнымъ пꙋте́мъ ше́ствовалъ є҆сѝ, добродѣ́тельми же твои́ми, ꙗ҆́кѡ плодови́тъ вїногра́дъ на высотꙋ̀ возше́лъ є҆сѝ, любо́вїю влⷣцѣ твоемꙋ̀ неле́стнѡ послѣ́довавъ. Сегѡ̀ ра́ди нбⷭ҇ный граждани́нъ бы́лъ є҆сѝ, и҆ та́мѡ на́мъ ᲂу҆ хрⷭ҇та̀ бг҃а покро́въ и҆спросѝ ѿ бѣсо́вскихъ и҆скꙋше́нїй: є҆го́же молѝ, дарова́ти дꙋша́мъ на́шымъ ми́ръ и҆ ве́лїю ми́лость."
|
|
},
|
|
{
|
|
"type": "HEADER",
|
|
"value": "Сла́ва, гла́съ д҃:"
|
|
},
|
|
{
|
|
"type": "TEXT",
|
|
"value": "Ра́дꙋйсѧ, всебл҃же́ннаѧ главо̀, и҆́же ѿ млады́хъ ногте́й крѣ́постїю ᲂу҆ма̀ бг҃а вседержи́телѧ ᲂу҆твержда́емь, дꙋхо́внꙋю пи́щꙋ хрⷭ҇та̀ па́че всѣ́хъ возлюби́лъ є҆сѝ, земны̑ѧ красоты̑ и҆ пи̑щи и҆ поко́й ѿню́дъ возненави́дѣлъ є҆сѝ: тогѡ̀ ра́ди нбⷭ҇нымъ си́ламъ собесѣ́дникъ ꙗ҆ви́лсѧ є҆сѝ, прпⷣбне. Съ ни́миже хрⷭ҇та̀ бг҃а молѝ непреста́ннѡ ѡ҆ всѣ́хъ на́съ, вѣ́рнѡ чтꙋ́щихъ па́мѧть твою̀."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "HEADER",
|
|
"value": "И҆́же тебє̀ ра́ди:"
|
|
},
|
|
{
|
|
"type": "HEADER",
|
|
"value": "Вхо́дъ. Прокі́менъ днѐ. Чтє́нїѧ г҃."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́ни чте́нїе. (Глава̀ г҃.)"
|
|
},
|
|
{
|
|
"type": "TEXT",
|
|
"value": "Пра́ведныхъ дꙋ́шы въ рꙋцѣ̀ бж҃їей, и҆ не прико́снетсѧ и҆́хъ мꙋ́ка. Непщева́ни бы́ша во ѻ҆чесѣ́хъ безꙋ́мныхъ ᲂу҆мре́ти, и҆ вмѣни́сѧ ѡ҆ѕлобле́нїе и҆схо́дъ и҆́хъ: и҆ є҆́же ѿ на́съ ше́ствїе, сокрꙋше́нїе, ѻ҆ни́ же сꙋ́ть въ ми́рѣ. И҆́бо предъ лице́мъ человѣ́ческимъ а҆́ще и҆ мꙋ́кꙋ прїи́мꙋтъ, ᲂу҆пова́нїе и҆́хъ безсме́ртїѧ и҆спо́лнено, и҆ вма́лѣ нака́зани бы́вше, вели́кими благодѣ́тельствовани бꙋ́дꙋтъ: ꙗ҆́кѡ бг҃ъ и҆скꙋсѝ ѧ҆̀, и҆ ѡ҆брѣ́те и҆̀хъ достѡ́йны себѣ̀. Ꙗ҆́кѡ зла́то въ горни́лѣ и҆скꙋсѝ и҆̀хъ, и҆ ꙗ҆́кѡ всепло́дїе же́ртвенное прїѧ́тъ ѧ҆̀. И҆ во вре́мѧ посѣще́нїѧ и҆́хъ возсїѧ́ютъ, и҆ ꙗ҆́кѡ и҆́скры по сте́блїю потекꙋ́тъ. Сꙋ́дѧтъ ꙗ҆зы́кѡмъ, и҆ ѡ҆блада́ютъ людьмѝ, и҆ воцр҃и́тсѧ гдⷭ҇ь въ ни́хъ во вѣ́ки. Надѣ́ющїисѧ на́нь разꙋмѣ́ютъ и҆́стинꙋ, и҆ вѣ́рнїи въ любвѝ пребꙋ́дꙋтъ є҆мꙋ̀: ꙗ҆́кѡ бл҃года́ть и҆ ми́лость въ преподо́бныхъ є҆гѡ̀, и҆ посѣще́нїе во и҆збра́нныхъ є҆гѡ̀."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́ни чте́нїе. (Глава̀ є҃.)"
|
|
},
|
|
{
|
|
"type": "TEXT",
|
|
"value": "Пра́вєдницы во вѣ́ки живꙋ́тъ, и҆ въ гдⷭ҇ѣ мзда̀ и҆́хъ, и҆ попече́нїе и҆́хъ ᲂу҆ вы́шнѧгѡ. Сегѡ̀ ра́ди прїи́мꙋтъ црⷭ҇твїе благолѣ́пїѧ, и҆ вѣне́цъ добро́ты ѿ рꙋкѝ гдⷭ҇ни: занѐ десни́цею покры́етъ ѧ҆̀, и҆ мы́шцею защити́тъ и҆̀хъ. Прїи́метъ всеѻрꙋ́жїе рве́нїе своѐ, и҆ воѡрꙋжи́тъ тва́рь въ ме́сть врагѡ́мъ. Ѡ҆блече́тсѧ въ бронѧ̀ пра́вды, и҆ возложи́тъ шле́мъ, сꙋ́дъ нелицемѣ́ренъ: прїи́метъ щи́тъ непобѣди́мый преподо́бїе: поѡстри́тъ же напра́сный гнѣ́въ во ѻ҆рꙋ́жїе: спобо́ретъ же съ ни́мъ мі́ръ на безꙋ̑мныѧ: по́йдꙋтъ праволꙋ̑чныѧ стрѣ́лы мѡ́лнїины, и҆ ꙗ҆́кѡ ѿ благокрꙋ́гла лꙋ́ка ѻ҆блакѡ́въ на намѣ́ренїе полетѧ́тъ: и҆ ѿ каменоме́тныѧ ꙗ҆́рости, и҆спо́лнь падꙋ́тъ гра́ды: вознегодꙋ́етъ на ни́хъ вода̀ морска́ѧ, рѣ́ки же потопѧ́тъ ѧ҆̀ на́глѡ. Сопроти́въ ста́нетъ и҆̀мъ дꙋ́хъ си́лы, и҆ ꙗ҆́кѡ ви́хоръ развѣ́етъ и҆̀хъ: и҆ ѡ҆пꙋстоши́тъ всю̀ зе́млю беззако́нїе, и҆ ѕлодѣ́йство преврати́тъ престо́лы си́льныхъ. Слы́шите ᲂу҆̀бо, ца́рїе, и҆ разꙋмѣ́йте: навы́кните, сꙋдїи̑ концє́въ землѝ. Внꙋши́те держа́щїи мно́жєства и҆ гордѧ́щїисѧ ѡ҆ наро́дѣхъ ꙗ҆зы̑къ: ꙗ҆́кѡ дана̀ є҆́сть ѿ гдⷭ҇а держа́ва ва́мъ, и҆ си́ла ѿ вы́шнѧгѡ."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́ни чте́нїе. (Глава̀ д҃.)"
|
|
},
|
|
{
|
|
"type": "TEXT",
|
|
"value": "Пра́ведникъ, а҆́ще пости́гнетъ сконча́тисѧ, въ поко́и бꙋ́детъ. Ста́рость бо честна̀ не многолѣ́тна, нижѐ въ числѣ̀ лѣ́тъ и҆счита́етсѧ: сѣди́на же є҆́сть мꙋ́дрость человѣ́кѡмъ, и҆ во́зрастъ ста́рости житїѐ нескве́рное. Благоꙋго́денъ бг҃ови бы́въ, возлю́бленъ бы́сть, и҆ живы́й посредѣ̀ грѣ̑шникъ преста́вленъ бы́сть. Восхище́нъ бы́сть, да не ѕло́ба и҆змѣни́тъ ра́зꙋма є҆гѡ̀, и҆лѝ ле́сть прельсти́тъ дꙋ́шꙋ є҆гѡ̀. Раче́нїе бо ѕло́бы помрача́етъ дѡ́браѧ, и҆ паре́нїе по́хоти премѣнѧ́етъ ᲂу҆́мъ неѕло́бивъ. Сконча́всѧ вма́лѣ, и҆спо́лни лѣ̑та дѡ́лга: ᲂу҆го́дна бо бѣ̀ гдⷭ҇еви дꙋша̀ є҆гѡ̀: сегѡ̀ ра́ди потща́сѧ ѿ среды̀ лꙋка́вствїѧ. Лю́дїе же ви́дѣвше, и҆ не разꙋмѣ́вше, нижѐ поло́жше въ помышле́нїи таково́е: ꙗ҆́кѡ бл҃года́ть и҆ ми́лость въ преподо́бныхъ є҆гѡ̀, и҆ посѣще́нїе во и҆збра́нныхъ є҆гѡ̀."
|
|
},
|
|
{
|
|
"type": "HEADER",
|
|
"value": "На стїхо́внѣ стїхи̑ры, гла́съ є҃:"
|
|
},
|
|
{
|
|
"type": "TEXT",
|
|
"value": "Є҆гда̀ въ честно́е ᲂу҆спе́нїе твоѐ, гра́дъ и҆ сꙋ́щыѧ вє́си всѧ̑, ꙗ҆́кѡ ѿ ѳѷмїа́ма цр҃ко́внагѡ напо́лнишасѧ благово́нїѧ, тогда̀ позна́ша лю́дїе твоѐ прпⷣбное преставле́нїе, и҆ стеко́шасѧ всѝ: лꙋча́ми бо чꙋде́съ всѣ́хъ ѡ҆зари́лъ є҆сѝ. Тѣ́мъ и҆ ны́нѣ хрⷭ҇та̀ бг҃а молѝ, спасти́сѧ дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "Сті́хъ: Честна̀ предъ гдⷭ҇емъ сме́рть прпⷣбныхъ є҆гѡ̀."
|
|
},
|
|
{
|
|
"type": "TEXT",
|
|
"value": "Дне́сь правовѣ́рнїи лю́дїе стеко́шасѧ въ честно́е ᲂу҆спе́нїе твоѐ, тогда̀ ѡ҆брѣ́тше ꙗ҆́кѡ безцѣ́нное сокро́вище некра́домое, лице́ же твоѐ па́че со́лнечнагѡ свѣ́та сїѧ́ющее, всю́дꙋ благово́нїѧ и҆спо́лни. Сꙋ́щымъ же хромы̑мъ хожде́нїе, и҆ слѣпы̑мъ зрѣ́нїе дарова́лъ є҆сѝ. Молѝ хрⷭ҇та̀ бг҃а, пода́ти ѿпꙋще́нїе согрѣше́нїємъ на́шымъ, пресла́внѡ соверша́ющымъ па́мѧть твою̀."
|
|
},
|
|
{
|
|
"type": "TEXT",
|
|
"value": "Сті́хъ: Блаже́нъ мꙋ́жъ боѧ́йсѧ гдⷭ҇а, въ за́повѣдехъ є҆гѡ̀ восхо́щетъ ѕѣлѡ̀."
|
|
},
|
|
{
|
|
"type": "TEXT",
|
|
"value": "Тѣ́ло и҆ ᲂу҆́мъ ѡ҆чи́стивъ, себѐ при́снѡ ст҃а́гѡ дх҃а жили́ще содѣ́лалъ є҆сѝ и҆ ны́нѣ ꙗ҆́кѡ свѣти́ло сїѧ́еши, и҆ ѿ многоцѣле́бнагѡ гро́ба твоегѡ̀ непреста́ннѡ чꙋдеса̀ и҆злива́еши: правовѣ́рныхъ же люде́й неизглаго́ланною ра́достїю возвесели́лъ є҆сѝ. Молѝ хрⷭ҇та̀ бг҃а, спасти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "Сла́ва, гла́съ є҃:"
|
|
},
|
|
{
|
|
"type": "TEXT",
|
|
"value": "Вострꙋ́бимъ дꙋхо́вными пѣ́сньми, во ѱалмѣ́хъ и҆ пѣ́нїихъ, стеце́мсѧ въ цр҃ковь бж҃їю, и҆ ᲂу҆слы́шимъ застꙋ́пника гра́дꙋ на́шемꙋ га́личꙋ: є҆го́же моли́твами свои́ми соблюда́етъ всегда̀ ѿ наше́ствїѧ сопроти́вныхъ. Тѣ́мже є҆мꙋ̀ всѝ та́кѡ рце́мъ: ѻ҆́ч҃е мака́рїе приснопа́мѧтне, предварѝ и҆ и҆зба́ви на́съ ѿ и҆скꙋше́нїй всѧ́ческихъ, любо́вїю молѧ́щихъ тѧ̀, ꙗ҆́кѡ те́пла предста́телѧ ко сп҃сꙋ всѣ́хъ бг҃ꙋ, за лю́ди твоѧ̑, да спасе́тъ дꙋ́шы на́шѧ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Хра́мъ и҆ две́рь є҆сѝ:"
|
|
},
|
|
{
|
|
"type": "TEXT",
|
|
"value": "Та́же, Ны́нѣ ѿпꙋща́еши:"
|
|
},
|
|
{
|
|
"type": "HEADER",
|
|
"value": "Тропа́рь, гла́съ є҃:"
|
|
},
|
|
{
|
|
"type": "TEXT",
|
|
"value": "Дне́сь гра́дъ тво́й га́личь тобо́ю хва́литсѧ, въ концѣ́хъ бо є҆гѡ̀ пресвѣ́тлѡ ꙗ҆́кѡ ве́лїе со́лнце возсїѧ́лъ є҆сѝ, и҆ чꙋдесы̀ твои́ми, прпⷣбне мака́рїе всѧ̑ ѡ҆зари́лъ є҆сѝ. И҆ ны́нѣ моли́сѧ гдⷭ҇еви, и҆зба́витисѧ дꙋша́мъ на́шымъ ѿ пре́лести вра́жїѧ, и҆ спасти́сѧ гра́дꙋ твоемꙋ̀ ѿ пога́нскагѡ наи́тїѧ."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ по гла́сꙋ."
|
|
},
|
|
{
|
|
"type": "HEADER",
|
|
"value": "На ᲂу҆́трени, на Бг҃ъ гдⷭ҇ь, тропа́рь то́йже. По а҃-й стїхоло́гїи сѣда́ленъ, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Ско́рѡ предварѝ:"
|
|
},
|
|
{
|
|
"type": "TEXT",
|
|
"value": "Зва́нїю гдⷭ҇а твоегѡ̀ послѣ́довалъ є҆сѝ, мі́ръ ѡ҆ста́вивъ, и҆ всѧ̑ ꙗ҆̀же въ мі́рѣ красова̑нїѧ, преблаже́нне мака́рїе, претерпѣ́лъ є҆сѝ ᲂу҆се́рднѡ пꙋсты́нное ѡ҆ѕлобле́нїе, полки́ же бѣсѡ́вскїѧ ѿри́нꙋлъ є҆сѝ мꙋ́жески. Тѣ́мже па́мѧть твою̀ при́снѡ восхвалѧ́емъ пѣ́сньми вѣ́рнѡ. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Ѡ҆бнови́ла є҆сѝ, чⷭ҇таѧ, бжⷭ҇твеннымъ ржⷭ҇тво́мъ твои́мъ и҆стлѣ́вшее во страсте́хъ земноро́дныхъ ме́ртвенное сꙋщество̀, и҆ воздви́гла є҆сѝ всѧ̑ ѿ сме́рти къ животꙋ̀ нетлѣ́нїѧ. Тѣ́мже тѧ̀ по до́лгꙋ блажи́мъ всѝ, дв҃о препросла́вленнаѧ, ꙗ҆́коже прорекла̀ є҆сѝ."
|
|
},
|
|
{
|
|
"type": "HEADER",
|
|
"value": "По в҃-й стїхоло́гїи сѣда́ленъ, гла́съ є҃."
|
|
},
|
|
{
|
|
"type": "TEXT",
|
|
"value": "Подо́бенъ: Собезнача́льное сло́во:"
|
|
},
|
|
{
|
|
"type": "TEXT",
|
|
"value": "По́стника гдⷭ҇нѧ пѣ́сньми почти́мъ, ꙗ҆́кѡ ᲂу҆мертви́вша всѧ̑ прило́ги страсте́й воздержа́нїемъ тве́рдымъ, и҆ крѣ́пкимъ терпѣ́нїемъ вои́стиннꙋ, и҆ посрами́вша ѕѣлѡ̀ сопроти́внагѡ всю̀ горды́ню, и҆ ны́нѣ молѧ́щасѧ гдⷭ҇еви поми́ловатисѧ дꙋша́мъ на́шымъ. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Оу҆жа́сно чꙋ́до зача́тїѧ, и҆ несказа́ненъ ѻ҆́бразъ ржⷭ҇тва̀, въ тебѣ̀ позна́сѧ, приснодв҃о чⷭ҇таѧ: ᲂу҆жаса́етъ мо́й ᲂу҆́мъ, и҆ ᲂу҆дивлѧ́етъ помышле́нїе. Сла́ва твоѧ̀, бцⷣе, во всѣ́хъ простре́сѧ ко спасе́нїю дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "По полѷеле́и сѣда́ленъ, гла́съ а҃."
|
|
},
|
|
{
|
|
"type": "TEXT",
|
|
"value": "Подо́бенъ: Гро́бъ тво́й, сп҃се:"
|
|
},
|
|
{
|
|
"type": "TEXT",
|
|
"value": "Погре́блъ є҆сѝ страсте́й всѐ воста́нїе ᲂу҆мерщвле́нїемъ пло́ти, свѧще́нный ѻ҆́ч҃е: жи́знь безконе́чнꙋю по сме́рти прїѧ́лъ є҆сѝ. Тѣ́мже дне́сь хрⷭ҇то́ва цр҃ковь пра́зднꙋетъ твою̀ досточꙋ́днꙋю па́мѧть, прпⷣбныхъ ᲂу҆краше́нїе. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Наста́ви на́съ на пꙋ́ть покаѧ́нїѧ, ᲂу҆кло́ншыѧсѧ при́снѡ къ безпꙋ́тїємъ ѕѡ́лъ, и҆ преблага́го прогнѣ́вавшыѧ гдⷭ҇а, неискꙋсобра́чнаѧ благослове́ннаѧ марі́е, прибѣ́жище ѿча́ѧнныхъ человѣ́кѡвъ, бж҃їе жили́ще."
|
|
},
|
|
{
|
|
"type": "HEADER",
|
|
"value": "Степє́нна, а҃-й а҆нтїфѡ́нъ д҃-гѡ гла́са."
|
|
},
|
|
{
|
|
"type": "TEXT",
|
|
"value": "Прокі́менъ: Честна̀ предъ гдⷭ҇емъ сме́рть прпⷣбныхъ є҆гѡ̀."
|
|
},
|
|
{
|
|
"type": "TEXT",
|
|
"value": "Сті́хъ: Что̀ возда́мъ гдⷭ҇еви ѡ҆ всѣ́хъ, ꙗ҆̀же воздаде́ ми;"
|
|
},
|
|
{
|
|
"type": "TEXT",
|
|
"value": "Всѧ́кое дыха́нїе:"
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе матѳе́а, зача́ло м҃г."
|
|
},
|
|
{
|
|
"type": "HEADER",
|
|
"value": "По н҃-мъ ѱалмѣ̀ стїхи́ра, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Прпⷣбне ѻ҆́ч҃е, во всю̀ зе́млю и҆зы́де вѣща́нїе и҆справле́нїй твои́хъ. Тѣ́мъ на небесѣ́хъ ѡ҆брѣ́лъ є҆сѝ мздꙋ̀ трꙋдѡ́въ твои́хъ, де́мѡнскїѧ погꙋби́лъ є҆сѝ полкѝ, и҆ а҆́гг҃льскїѧ дости́глъ є҆сѝ чи́ны, и҆́хже житїю̀ безъ поро́ка поревнова́лъ є҆сѝ, дерзнове́нїе и҆мѣ́ѧ ко хрⷭ҇тꙋ̀ бг҃ꙋ, ми́ръ и҆спросѝ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "Канѡ́нъ. Гла́съ д҃."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Колесни̑цы фараѡ́новы и҆ си́лꙋ є҆гѡ̀ вве́рже въ мо́ре крѣ́пкїй во бране́хъ: воспое́мъ пѣ́снь но́вꙋю, ꙗ҆́кѡ просла́висѧ."
|
|
},
|
|
{
|
|
"type": "TEXT",
|
|
"value": "Ве́сь ѡ҆свѧще́нъ бы́въ благода́тїю хрⷭ҇то́вою, мака́рїе прпⷣбне, вои́стиннꙋ ꙗ҆́кѡ и҆збра́нъ сосꙋ́дъ бг҃ови показа́лсѧ є҆сѝ, и҆ жили́ще че́стно ст҃а́гѡ дх҃а."
|
|
},
|
|
{
|
|
"type": "TEXT",
|
|
"value": "Ѿ ю҆́ности бг҃а возлюби́лъ є҆сѝ, прпⷣбне мака́рїе, и҆ томꙋ̀ ѿ всеѧ̀ дꙋшѝ порабо́талъ є҆сѝ, пребл҃же́нне. И҆ ны́нѣ помина́й на́съ, пресвѣ́тлѡ соверша́ющихъ па́мѧть твою̀."
|
|
},
|
|
{
|
|
"type": "TEXT",
|
|
"value": "Ѿ страсте́й дꙋшетлѣ́нныхъ мі́ра сегѡ̀ и҆збѣ́глъ є҆сѝ, прпⷣбне, и҆ въ пꙋсты́ню всели́лсѧ є҆сѝ глꙋбо́кꙋю. Ны́нѣ же ᲂу҆́бѡ ра́дꙋетсѧ дꙋ́хъ тво́й въ небе́сныхъ ѻ҆би́телехъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ѡ҆ тебѣ̀ ра́дꙋетсѧ всѧ́кое созда́нїе бж҃їе, мт҃и бг҃а вы́шнѧгѡ, є҆го́же понесла̀ є҆сѝ, носѧ́щаго всѧ́чєскаѧ. И҆ мы̀ чтꙋ́ще тѧ̀ вои́стиннꙋ, ꙗ҆́кѡ бцⷣꙋ въ пѣ́снехъ велича́емъ."
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆твержда́ѧй гро́мъ, и҆ созида́ѧй дꙋ́хъ, ᲂу҆твердѝ менѐ, гдⷭ҇и, да тѧ̀ пою̀ и҆́стиннѡ, и҆ творю̀ во́лю твою̀, ꙗ҆́кѡ нѣ́сть свѧ́тъ, ꙗ҆́кѡ ты̀, бж҃е на́шъ."
|
|
},
|
|
{
|
|
"type": "TEXT",
|
|
"value": "Оу҆ха́етъ твоѧ̀ ра́ка бога́тнѡ, и҆ дае́тъ незави́стнѡ всѣ̑мъ и҆сцѣле́нїе: дꙋ́шы же ѿ бѣсо́вскихъ навѣ̑тъ и҆збавлѧ́еши моли́твами твои́ми, прпⷣбне."
|
|
},
|
|
{
|
|
"type": "TEXT",
|
|
"value": "Ѿгна́лъ є҆сѝ, прпⷣбне, ѿ люде́й твои́хъ бѣсѡ́вскаѧ ѡ҆ѕлоблє́нїѧ, и҆ грѧдꙋ́щаѧ и҆́хъ ѡ҆полчє́нїѧ, ꙗ҆̀же на на́съ, мо́лимъ тѧ̀ ᲂу҆кроти́ти, ꙗ҆́кѡ да при́снѡ соверша́емъ па́мѧть твою̀."
|
|
},
|
|
{
|
|
"type": "TEXT",
|
|
"value": "Оу҆твердѝ се́рдце моѐ, свѣ́тлѡ воспѣва́ти па́мѧть твою̀, ѻ҆́ч҃е всеблаже́нне мака́рїе: поще́нїемъ бо и҆ бдѣ́нїемъ ꙗ҆́кѡ а҆́гг҃лъ показа́лсѧ є҆сѝ, въ моли́твахъ воспѣва́ѧ бг҃а, подаю́щаго на́мъ тобо́ю всѣ̑мъ и҆сцѣле́нїе."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Всепѣ́таѧ мт҃и бж҃їѧ, ро́ждшаѧ на́мъ жизнода́вца, и҆ сп҃са всѣ́хъ бг҃а: того̀ ᲂу҆́бѡ, гпⷭ҇жѐ, молѝ бо́дренною твое́ю моли́твою, да спасе́тъ дꙋ́шы на́шѧ."
|
|
},
|
|
{
|
|
"type": "HEADER",
|
|
"value": "Сѣда́ленъ, гла́съ г҃:"
|
|
},
|
|
{
|
|
"type": "TEXT",
|
|
"value": "Молѧ̀ прилѣ́жнѡ гдⷭ҇а, и҆ тогѡ̀ ра́ди свы́ше ве́лїе дерзнове́нїе прїѧ́лъ є҆сѝ, ꙗ҆́коже и҆ и҆новѣ́рнїи чꙋдесє́мъ твои̑мъ дивлѧ́хꙋсѧ, вои́стиннꙋ прехва́льне мака́рїе: и҆́хъ бо а҆га́рѧнское безбо́жное шата́нїе посрами́лъ є҆сѝ, и҆ моли́твами твои́ми до конца̀ и҆̀хъ ѡ҆слѣпи́лъ є҆сѝ, гра́дъ же и҆ всѧ̑ сꙋ́щыѧ лю́ди въ не́мъ неврежде́нны соблю́лъ є҆сѝ. И҆ ны́нѣ, прпⷣбне, хрⷭ҇та̀ бг҃а молѝ, ми́лостива бы́ти на́мъ дне́сь и҆ во вѣ́ки."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Оу҆страши́сѧ всѧ́кое земноро́дное слы́шанїе, ѿ нѣ́дръ ѻ҆ч҃ескихъ въ дв҃и́чꙋ ᲂу҆тро́бꙋ всели́вшасѧ слы́шаще, є҆го́же ᲂу҆́бѡ прⷪ҇ро́цы провозвѣсти́ша и҆зъ тебє̀ воплоще́нна бы́ти сн҃а бж҃їѧ, мт҃и дв҃о всепѣ́таѧ: є҆го́же молѝ, спастѝ ста́до твоѐ, бцⷣе."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆слы́шахъ, бж҃е, слꙋ́хъ тво́й, и҆ ᲂу҆боѧ́хсѧ: разꙋмѣ́хъ дѣла̀ твоѧ̑, и҆ ᲂу҆жасо́хсѧ, гдⷭ҇и: ꙗ҆́кѡ твоегѡ̀ хвале́нїѧ и҆спо́лнь землѧ̀."
|
|
},
|
|
{
|
|
"type": "TEXT",
|
|
"value": "Сѐ ᲂу҆дали́лсѧ є҆сѝ бѣ́гаѧ мі́ра, и҆ сꙋ́щихъ въ не́мъ, и҆ прилѣпи́лсѧ є҆сѝ гдⷭ҇еви твоемꙋ̀, влⷣцѣ и҆ бг҃ꙋ всѣ́хъ. Є҆мꙋ́же при́снѡ поѧ̀ благоꙋгоди́лъ є҆сѝ, мꙋ́дре мака́рїе."
|
|
},
|
|
{
|
|
"type": "TEXT",
|
|
"value": "Оу҆диви́шасѧ а҆́гг҃льстїи ли́цы твоемꙋ̀ трꙋдолю́бїю, блаже́нне, и҆ мы̀ вѣ́рнїи при́снѡ тѧ̀ сла́вимъ, ꙗ҆́кѡ да моли́твами твои́ми и҆зба́вимсѧ бꙋ́дꙋщагѡ ѡ҆сꙋжде́нїѧ."
|
|
},
|
|
{
|
|
"type": "TEXT",
|
|
"value": "Оу҆краша́етсѧ дне́сь вѣ́рныхъ собо́ръ, торжествꙋ́ѧ, преподо́бне, въ па́мѧть твою̀: пога́ныхъ же сѡ́нмища ᲂу҆жаса́ютсѧ, ви́дѧще тѧ̀ крѣ́пка застꙋ́пника гра́дꙋ твоемꙋ̀ и҆ живꙋ́щымъ въ не́мъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: И҆сцѣлѝ, дв҃о, болѣ̑зни серде́цъ на́шихъ, тебе́ бо и҆́мамы помо́щницꙋ, и҆ хода́таицꙋ къ сн҃ꙋ твоемꙋ̀ и҆ бг҃ꙋ на́шемꙋ. Є҆го́же родила̀ є҆сѝ сп҃са и҆ врача̀ всѣ́хъ, и҆сточи́вшаго спасе́нїе дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "TEXT",
|
|
"value": "І҆рмо́съ: Возсїѧ́й мѝ, гдⷭ҇и, свѣ́тъ повелѣ́нїй твои́хъ, ꙗ҆́кѡ къ тебѣ̀ дꙋ́хъ мо́й ᲂу҆́тренюетъ и҆ пое́тъ тѧ̀: ты́ бо є҆сѝ бг҃ъ на́шъ, и҆ къ тебѣ̀ прибѣга́ю, цр҃ю̀ ми́ра."
|
|
},
|
|
{
|
|
"type": "TEXT",
|
|
"value": "Въ пꙋсты́ни ꙗ҆́снѡ возсїѧ́лъ є҆сѝ, бг҃одохнове́нне мака́рїе, носѧ̀ на ᲂу҆стѣ́хъ твои́хъ непреста̑нныѧ моли̑твы, тѣ́мъ мра̑чныѧ собла́зны, и҆ бѣсѡ́вскїѧ полкѝ до конца̀ потреби́лъ є҆сѝ."
|
|
},
|
|
{
|
|
"type": "TEXT",
|
|
"value": "Возгремѣ̀ и҆лїа̀ на колесни́цѣ, ты́ же, свѧ́те, воспѣва́лъ є҆сѝ бг҃одохнове́ннꙋю пѣ́снь въ пꙋсты́ни, со а҆́гг҃лы всѧ́ческихъ влⷣкꙋ ᲂу҆молѧ́ѧ, є҆́же ᲂу҆лꙋчи́ти го́рнее пребыва́нїе."
|
|
},
|
|
{
|
|
"type": "TEXT",
|
|
"value": "Водвори́лсѧ є҆сѝ, бл҃же́нне, въ нбⷭ҇ныѧ ѻ҆би́тєли, и҆ со а҆́гг҃лы, прпⷣбне, ликꙋ́еши въ го́рнихъ селе́нїихъ, и҆ та́мѡ вседержи́телѧ вы́нꙋ зри́ши бг҃а, є҆го́же непреста́ннѡ молѝ ѡ҆ всѣ́хъ на́съ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Вы́шша є҆стества̀ бг҃а пло́тїю породила̀ є҆сѝ, дв҃о, ꙗ҆́коже са́мъ восхотѣ̀. Тѣ́мъ вѣ́рнїи мо́лимъ тѧ̀ и҆зба́витисѧ на́мъ ржⷭ҇тво́мъ твои́мъ вѣ́чнагѡ мꙋче́нїѧ."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Бꙋ́рѧ мѧ̀ помышле́нїй пости́гши, во глꙋбинꙋ̀ низвлачи́тъ мѧ̀ безмѣ́рныхъ грѣхѡ́въ: но ты̀, ᲂу҆пра́вителю бл҃гі́й, предвари́въ ᲂу҆пра́ви, ꙗ҆́кѡ прⷪ҇ро́ка, и҆ спаси́ мѧ."
|
|
},
|
|
{
|
|
"type": "TEXT",
|
|
"value": "Безпло́тныхъ житїѐ подража́лъ є҆сѝ, прпⷣбне, ꙗ҆́кѡ а҆́гг҃лъ непоро́чнѡ на землѝ пожи́въ, воздержа́нїемъ плотскі̑ѧ стра̑сти ᲂу҆мертви́лъ є҆сѝ, ѻ҆́ч҃е мака́рїе, сла́вꙋ же мі́ра сегѡ̀ возненави́дѣлъ є҆сѝ, бг҃омꙋ́дре."
|
|
},
|
|
{
|
|
"type": "TEXT",
|
|
"value": "Бжⷭ҇твенный гла́съ внѧ́лъ є҆сѝ себѣ̀, премꙋ́дре, тѣ́мъ и҆ въ пꙋсты́ню водвори́лсѧ є҆сѝ, послꙋша́нїемъ любе́знѡ носѧ̀ кре́стъ є҆гѡ̀. И҆ сегѡ̀ ра́ди потща́лсѧ є҆сѝ чи́ста себѐ сохрани́ти до конца̀, прпⷣбне."
|
|
},
|
|
{
|
|
"type": "TEXT",
|
|
"value": "Бжⷭ҇твеннымъ манове́нїемъ тебѣ̀ ѕвѣ́рїе ди́вїи въ пꙋсты́ни покори́шасѧ: стра̑сти бо тебѣ̀ плотскі̑ѧ всѧ̑ ᲂу҆мири́шасѧ. Сегѡ̀ ра́ди и҆ бѣсѡ́вскаѧ льщє́нїѧ посрами́лъ є҆сѝ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Бжⷭ҇твенное селе́нїе ты̀ є҆сѝ, пречⷭ҇таѧ бцⷣе: ѿ твоеѧ́ бо ᲂу҆тро́бы произы́де сло́во ѻ҆́ч҃ее, и҆ бы́сть бг҃ъ чл҃вѣ́къ, ꙗ҆́кѡ да за неизрече́нное милосе́рдїе спасе́тъ человѣ́ческїй ро́дъ."
|
|
},
|
|
{
|
|
"type": "HEADER",
|
|
"value": "Конда́къ, гла́съ в҃:"
|
|
},
|
|
{
|
|
"type": "TEXT",
|
|
"value": "Вторы́й мѡѷсе́й ꙗ҆ви́лсѧ є҆сѝ, прпⷣбне: ѻ҆́нъ бо жезло́мъ мо́ре раздѣлѝ, ты́ же стра̑сти ꙗ҆́кѡ а҆мали́ка побѣди́лъ є҆сѝ, и҆ непрохо́днꙋю пꙋсты́ню немѧте́жнымъ ᲂу҆мо́мъ проше́лъ є҆сѝ, въ не́йже моли́твами твои́ми ве́лїе чꙋ́до сотвори́лъ є҆сѝ, гла̑дныѧ лю́ди до и҆зѻби́лїѧ прекорми́лъ є҆сѝ. И҆ ны́нѣ моли́сѧ гдⷭ҇еви, пода́ти всѣ̑мъ печа̑льнымъ ᲂу҆тѣше́нїе, мака́рїе ѻ҆́ч҃е приснопа́мѧтне, и҆́же га́личестѣй странѣ̀, и҆ все́й рѡссі́йстѣй землѝ похвала̀ и҆ ᲂу҆твержде́нїе."
|
|
},
|
|
{
|
|
"type": "TEXT",
|
|
"value": "І҆́косъ: Ꙗ҆́кѡ свѣтоза́рнаѧ лꙋча̀ вселе́ннѣй свѣ́тъ возвѣща́ѧ, дне́сь ты̀, всемꙋ́дре ѻ҆́ч҃е мака́рїе, ѡ҆зари́лъ є҆сѝ га́лическꙋю странꙋ̀ и҆ всю̀ зе́млю рѡссі́йскꙋю чꙋдесы̀ твои́ми, и҆́миже тѧ̀ хрⷭ҇то́съ бг҃ъ ѡ҆богатѝ. Тѣ́мъ и҆ вопїе́мъ тѝ: ра́дꙋйсѧ, пребога́те ѻ҆́ч҃е мака́рїе: ра́дꙋйсѧ, є҆́же всѣ́хъ по́стничествꙋющихъ всечестно́е сосло́вїе: ра́дꙋйсѧ, ꙗ҆́кѡ ли́кꙋ ст҃ы́хъ всемꙋ́дрое сочета́нїе показа́лсѧ є҆сѝ: ра́дꙋйсѧ, прпⷣбныхъ всѣ́хъ ᲂу҆добре́нїе, и҆ ѻ҆тцє́въ похвало̀: ра́дꙋйсѧ, крестоно́сное послѣ́дованїе, по гла́сꙋ гдⷭ҇а твоегѡ̀: ра́дꙋйсѧ, и҆́же ᲂу҆ хрⷭ҇та̀ вѣ́рномꙋ во́инствꙋ на́шемꙋ на сопроти̑вныѧ побѣ̑ды и҆спроша́еши: ра́дꙋйсѧ, ꙗ҆́кѡ гра́дъ на́шъ ѿ ва́рварскагѡ наи́тїѧ невреди́мь сохранѧ́еши: ра́дꙋйсѧ, ꙗ҆́кѡ пꙋсты́ннымъ селе́нїемъ свѣтоли́ченъ вѣне́цъ себѣ̀ спле́лъ є҆сѝ: ра́дꙋйсѧ, ꙗ҆́кѡ нбⷭ҇нагѡ жи́тельства смиреномꙋ́дрїѧ ра́ди твоегѡ̀ дости́гнꙋти сподо́билсѧ є҆сѝ: ра́дꙋйсѧ, ꙗ҆́кѡ ᲂу҆ престо́ла вседержи́телѧ бг҃а со а҆́гг҃лы ликꙋ́еши: ра́дꙋйсѧ, ꙗ҆́кѡ ᲂу҆се́рднѡ тогѡ̀ за вѣ̑рныѧ рабы̑ мо́лиши: ра́дꙋйсѧ, мака́рїе приснопа́мѧтне, и҆́же га́личестѣй странѣ̀ и҆ все́й рѡссі́йской землѝ вели́каѧ похвала̀ и҆ ᲂу҆твержде́нїе."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "TEXT",
|
|
"value": "І҆рмо́съ: Гл҃го́лавый на горѣ̀ съ мѡѷсе́омъ, и҆ ѻ҆́бразъ дѣ́вства ꙗ҆вле́й въ кꙋпинѣ̀: бл҃гослове́нъ є҆сѝ, бж҃е ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Гла́сомъ любе́знымъ трⷪ҇цꙋ воспѣва́ѧ, и҆ ꙗ҆́кѡ бг҃одохнове́ненъ ѻ҆рга́нъ ꙗ҆ви́лсѧ є҆сѝ, мака́рїе прпⷣбне, и҆́же велегла́снѡ всѣ̑мъ зовы́й: бл҃гослове́нъ бг҃ъ ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Пꙋсты̑ннаѧ вита̑нїѧ бога́тнѡ полꙋчи́въ, свѧ́те мака́рїе, ю҆́же прехожда́лъ є҆сѝ непреста́нною моли́твою, и҆ та́мѡ полꙋчи́въ дꙋхо́внꙋю пи́щꙋ, зовы́й: бл҃гослове́нъ бг҃ъ ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Гл҃го́лъ гдⷭ҇ень и҆сполнѧ́ѧ, за́пѡвѣди бг҃а твоегѡ̀ ѿ ю҆́ности сохрани́лъ є҆сѝ, ѻ҆́ч҃е мака́рїе, и҆ тогѡ̀ бл҃года́тїю возмо́глъ є҆сѝ пога́ныхъ собѡ́рища твои́ми чꙋдесы̀ ᲂу҆диви́ти. Сегѡ̀ ра́ди зове́мъ: бл҃гослове́нъ бг҃ъ ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Глаго́лъ дѣви́чь і҆ѡ́сифъ тѧ̀ наречѐ, ꙗ҆́кѡ пра́во є҆́сть: ᲂу҆тро́бꙋ же не дв҃и́чꙋ, но нбⷭ҇ный крꙋ́гъ, и҆ земнꙋ́ю широтꙋ̀. Во твое́й бо ᲂу҆тро́бѣ ѻ҆́ч҃ее сло́во бы́сть, бл҃гослове́нъ бг҃ъ ѻ҆тє́цъ на́шихъ."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "TEXT",
|
|
"value": "І҆рмо́съ: Землѧ̀, и҆ всѧ̑ ꙗ҆̀же на не́й, мо́ре и҆ всѝ и҆сто́чницы, небеса̀ небе́съ, свѣ́тъ и҆ тма̀, мра́зъ и҆ зно́й, сы́нове человѣ́честїи, свѧще́нницы благослови́те гдⷭ҇а, и҆ превозноси́те є҆го̀ во вѣ́ки."
|
|
},
|
|
{
|
|
"type": "TEXT",
|
|
"value": "Земна̑ѧ всѧ̑ ѡ҆ста́вивъ, пи́щꙋ же и҆ сла́вꙋ мі́ра сегѡ̀ ꙗ҆́кѡ пра́хъ вмѣни́лъ є҆сѝ, и҆ є҆ди́наго бг҃а возжелѣ́лъ є҆сѝ, ѻ҆́ч҃е. Є҆го́же молѝ, пла́мень страсте́й ᲂу҆гаси́ти на на́съ, пою́щихъ и҆ превозносѧ́щихъ є҆го̀ во вѣ́ки."
|
|
},
|
|
{
|
|
"type": "TEXT",
|
|
"value": "Зе́млю ѿ младе́нства слеза́ми твои́ми, ꙗ҆́кѡ тꙋ́чами напои́лъ є҆сѝ, бл҃же́нне. По́ты же и҆ по́двиги трꙋдѡ́въ твои́хъ кто̀ и҆сповѣ́сть; и҆́хже ра́ди вѣнча́ тѧ хрⷭ҇то́съ въ црⷭ҇твїи свое́мъ: є҆го́же пое́мъ, и҆ превозно́симъ во вѣ́ки."
|
|
},
|
|
{
|
|
"type": "TEXT",
|
|
"value": "Землѧ̀ ꙗ҆́кѡ плодови́та ꙗ҆ви́лсѧ є҆сѝ, ѻ҆́ч҃е мака́рїе: и҆зне́слъ бо є҆сѝ бг҃осажде́нный пло́дъ, вѣ́рныхъ напитава́ющъ сердца̀ бра́шномъ живоно́снымъ є҆ѵⷢ҇льскагѡ ᲂу҆че́нїѧ хрⷭ҇то́выхъ ᲂу҆сте́нъ: є҆го́же пое́мъ и҆ превозно́симъ во вѣ́ки."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Землѐ ст҃а́ѧ и҆ непоро́чнаѧ дв҃о, и҆зъ тебє́ бо напослѣ́докъ прозѧбѐ хрⷭ҇то́съ бг҃ъ, ꙗ҆́коже клѧ́лсѧ є҆́сть а҆враа́мꙋ рабꙋ̀ своемꙋ̀, є҆́же ᲂу҆мно́жити сѣ́мѧ є҆гѡ̀, и҆ тобо́ю спастѝ сѣдѧ́щыѧ во тмѣ̀. Спасѝ, влⷣчце, всѣ́хъ пою́щихъ тѧ̀, и҆ превозносѧ́щихъ гдⷭ҇а во вѣ́ки."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ꙗ҆́кѡ сотворѝ мнѣ̀ вели̑чїѧ си́льный, и҆ свѧ́то и҆́мѧ є҆гѡ̀, и҆ ми́лость є҆гѡ̀ въ ро́дъ и҆ ро́дъ боѧ́щымсѧ є҆гѡ̀."
|
|
},
|
|
{
|
|
"type": "TEXT",
|
|
"value": "Ꙗ҆́кѡ те́пла застꙋ́пника стѧжа́хомъ тѧ̀ въ бране́хъ, ѻ҆́ч҃е мака́рїе: плѣнє́нныѧ бо моли́твами твои́ми свобожда́еши, и҆ невѣ̑рнаѧ сѡ́нмища посрамлѧ́еши."
|
|
},
|
|
{
|
|
"type": "TEXT",
|
|
"value": "Ꙗ҆́кѡ со́лнце свѣтоно́сное чꙋдесы̀ сїѧ́еши, мака́рїе, и҆ равноа́гг҃льнѡ на землѝ пожи́лъ є҆сѝ, бг҃омꙋ́дре: бжⷭ҇твеннѣй же сла́вѣ со а҆́гг҃лы предстоѧ́ти сподо́билсѧ є҆сѝ."
|
|
},
|
|
{
|
|
"type": "TEXT",
|
|
"value": "Прекра́сенъ до́мъ ст҃а́гѡ дх҃а ꙗ҆ви́лсѧ є҆сѝ, и҆ цр҃ѧ̀ всѣ́хъ хрⷭ҇та̀ бг҃а ѿ всеѧ̀ дꙋшѝ возлюби́лъ є҆сѝ: є҆гѡ́же ра́ди въ чꙋдесѣ́хъ прославлѧ́ешисѧ, досточꙋ́дне ѻ҆́ч҃е мака́рїе прпⷣбне."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Всѧ̀ тва́рь воспѣва́етъ тѧ̀, бцⷣе, и҆ нбⷭ҇нїи чи́нове тебѐ велича́ютъ непреста́ннѡ: бг҃а бо и҆ цр҃ѧ̀ всѣ́хъ родила̀ є҆сѝ, дв҃о чⷭ҇таѧ. Є҆го́же молѝ, всѧ̀ гра́ды и҆ страны̑ вѣ̑рныѧ соблюстѝ ѿ навѣ́та вра́жїѧ."
|
|
},
|
|
{
|
|
"type": "TEXT",
|
|
"value": "Свѣти́ленъ: Влⷣчню престо́лꙋ ны́нѣ съ прпⷣбными ли̑ки предстоѧ̀, бг҃омꙋ́дре, моли́тисѧ не преста́й, дарова́ти побѣ̑ды во́инствꙋ на́шемꙋ на сопроти̑вныѧ всѧ̑, и҆ междоꙋсѡ́бныѧ бра̑ни ᲂу҆кроти́ти, и҆ ми́ръ мі́рови ᲂу҆стро́ити, ѻ҆́ч҃е мака́рїе, и҆ спастѝ дꙋ́шы на́шѧ. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Ѿ нерꙋкотворе́нныхъ пеле́нъ нбⷭ҇ныхъ ѻ҆́блакъ, въ смирє́нныѧ пелєны̀ тлѣ̑нныѧ ѡ҆блече́сѧ сло́во ѻ҆́ч҃ее, и҆зъ дв҃ы неизрече́ннѡ безъ сѣ́мене роди́всѧ: ю҆́же чⷭ҇тꙋю мт҃рь пресла́внꙋю бцⷣꙋ непреста́ннѡ пое́мъ, и҆ славосло́вимъ во вѣ́ки."
|
|
},
|
|
{
|
|
"type": "HEADER",
|
|
"value": "На хвали́техъ поста́вимъ стїхѡ́въ, д҃. Гла́съ и҃:"
|
|
},
|
|
{
|
|
"type": "TEXT",
|
|
"value": "Ѻ҆́ч҃е бг҃омꙋ́дре мака́рїе, въ мѣ́рꙋ похвалы̀ прпⷣбныхъ дости́глъ є҆сѝ: смиренномꙋ́дрїѧ же ра́ди де́мѡнѡвъ вы̑и сокрꙋши́лъ є҆сѝ: сле́зными же потѡ́ки и҆ по́тными трꙋды̑ ва́рварѡвъ ро́ги сломи́лъ є҆сѝ. Хрⷭ҇тꙋ̀ прилѣ́жнѡ моли́сѧ, прпⷣбне, соверше́ннѣ и҆спроси́ти ѻ҆те́чествꙋ побѣ̑ды на сопроти̑вныѧ. Два́жды."
|
|
},
|
|
{
|
|
"type": "TEXT",
|
|
"value": "Прпⷣбне ѻ҆́ч҃е мака́рїе, нача́льниче мона́шествꙋющихъ, є҆гда̀ ᲂу҆́бѡ бы́вшꙋ гнѣ́вꙋ бж҃їю на лю́ди, тогда̀ ва́рвары ѻ҆би́тель твоеѧ̀ па́ствы плѣни́ша, и҆ ча̑да твоѧ̑ мечи̑, ꙗ҆́кѡ кла́сы пожа́ша: моли́твами же и҆ моле́нїемъ твои́мъ, къ невече́рнемꙋ свѣ́тꙋ и҆̀хъ посла́лъ є҆сѝ, и҆дѣ́же ѿ влⷣки всѣ́хъ бг҃а достѡ́йныѧ вѣнцы̀ прїѧ́ша: є҆го́же прилѣ́жнѡ молѝ, дарова́ти на́мъ ве́лїю ми́лость."
|
|
},
|
|
{
|
|
"type": "TEXT",
|
|
"value": "Въ вы́шнихъ вѣ̑чнаѧ взыска́лъ є҆сѝ, дѡ́льнаѧ же всѧ̑ ꙗ҆́кѡ мимошє́дшаѧ вмѣни́лъ є҆сѝ, и҆ та́кѡ и҆зѧ́щенъ моли́твенникъ показа́лсѧ є҆сѝ. Є҆гда́ же ᲂу҆́бѡ ѿ шата́нїѧ безбо́жныхъ ва̑рваръ, непрохо́дными пꙋсты́нѧми ше́ствовалъ є҆сѝ, тогда̀ моли́твами твои́ми до и҆зѻби́лїѧ бра́шно лю́демъ твои̑мъ и҆спроси́лъ є҆сѝ. И҆ ны́нѣ на́мъ па́че дꙋхо́внꙋю пи́щꙋ ѿ хрⷭ҇та̀ и҆спросѝ, ѻ҆́ч҃е мака́рїе прпⷣбне, ꙗ҆́кѡ да любо́вїю въ па́мѧть твою̀ соше́дшесѧ, тебѐ почита́емъ."
|
|
},
|
|
{
|
|
"type": "HEADER",
|
|
"value": "Сла́ва, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Ѱало́мски пѣ́сньми дне́сь почти́мъ прпⷣбнаго съ весе́лїемъ ѡ҆ гдⷭ҇ѣ, и҆ па́ки рце́мъ: ра́дꙋйсѧ, блаже́нства тезоимени́те мака́рїе, ра́йскагѡ ра́дованїѧ напо́лнивыйсѧ, и҆ ѿ хрⷭ҇та̀ бг҃а нетлѣ́нный вѣне́цъ прїѧ́лъ є҆сѝ, и҆ ꙗ҆́кѡ свѣти́льникъ пресвѣ́тлый, дꙋ́шꙋ твою̀ просвѣти́лъ є҆сѝ. И҆ ны́нѣ та́кѡ пѣ́сньми всѝ возопїе́мъ: ра́дꙋйсѧ, прпⷣбне ѻ҆́ч҃е на́шъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "HEADER",
|
|
"value": "Славосло́вїе вели́кое. И҆ ѿпꙋ́стъ."
|
|
},
|
|
{
|
|
"type": "HEADER",
|
|
"value": "На лїтꙋргі́и слꙋ́жба прпⷣбническаѧ."
|
|
}
|
|
] |