594 lines
48 KiB
JSON
594 lines
48 KiB
JSON
[
|
|
{
|
|
"type": "HEADER",
|
|
"value": "А҆́ѵгꙋста д҃і"
|
|
},
|
|
{
|
|
"type": "HEADER",
|
|
"value": "Пренесе́нїе честны́хъ моще́й прпⷣбнагѡ ѻ҆ц҃а̀ на́шегѡ ѳеодо́сїа, и҆гꙋ́мена кїевопече́рскагѡ."
|
|
},
|
|
{
|
|
"type": "HEADER",
|
|
"value": "На вече́рни пое́мъ Блаже́нъ мꙋ́жъ а҃ а҆нтїфѡ́нъ."
|
|
},
|
|
{
|
|
"type": "HEADER",
|
|
"value": "На Гдⷭ҇и, воззва́хъ, стїхи̑ры предпра́зднства, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Ꙗ҆́кѡ до́блѧ:"
|
|
},
|
|
{
|
|
"type": "TEXT",
|
|
"value": "Въ кѷмва́лѣхъ возгласи́мъ, въ пѣ́снехъ воскли́кнемъ, пра́здникъ и҆схо́дный предпра́зднꙋюще, и҆ надгро́бное пѣ́нїе свѣ́тлѡ возопїе́мъ: мт҃и бо бж҃їѧ, кївѡ́тъ же всезлаты́й гото́витсѧ ны́нѣ ѿ землѝ къ вы̑шнимъ прейтѝ, къ па́ки живѣ́й бжⷭ҇твеннѣй преставлѧ́ема свѣ́тлости."
|
|
},
|
|
{
|
|
"type": "TEXT",
|
|
"value": "А҆пⷭ҇льскїй ли́че, пресла́внѡ собери́сѧ ѿ конє́цъ дне́сь: и҆́бо ѡ҆дꙋшевле́нный гра́дъ всѣ́ми влⷣчествꙋющагѡ, ѿ землѝ ѿхо́дитъ къ лꙋ́чшымъ сла́внѡ, ликовствова́ти съ цр҃е́мъ сн҃омъ є҆ѧ̀: є҆ѧ́же бжⷭ҇твенномꙋ погребе́нїю є҆диномꙋ́дреннѡ, съ вы́шними во́инствы, пѣ́нїе и҆схо́дное воспо́йте."
|
|
},
|
|
{
|
|
"type": "TEXT",
|
|
"value": "Свѧще́нныхъ сосло́вїе, ца́рїе же и҆ кнѧ́зи, съ дѣви́ческими чи́нми, ны́нѣ предвари́те: всѝ лю́дїе же стецы́тесѧ, пѣ́снь надгро́бнꙋю возсыла́юще кꙋ́пнѡ: и҆́бо всѣ́ми влⷣчествꙋющаѧ хо́щетъ наꙋ́трїе дꙋ́шꙋ преда́ти въ рꙋ́цѣ сн҃ꙋ, преставлѧ́ема къ вѣ́чнѣй ѻ҆би́тели."
|
|
},
|
|
{
|
|
"type": "HEADER",
|
|
"value": "И҆́ны стїхи̑ры ст҃а́гѡ прпⷣбнагѡ, гла́съ д҃:"
|
|
},
|
|
{
|
|
"type": "TEXT",
|
|
"value": "Подо́бенъ: Зва́нный свы́ше:"
|
|
},
|
|
{
|
|
"type": "TEXT",
|
|
"value": "Є҆гда̀ ѡ҆ спасе́нїи твое́мъ по́двигъ воспрїѧ́лъ є҆сѝ, и҆ свѣ́томъ ѡ҆сїѧ́лсѧ є҆сѝ ѿ нб҃съ неви́димѡ, прпⷣбне, тогда̀ лꙋка̑вымъ дꙋхѡ́мъ прогони́тель ꙗ҆ви́сѧ: бг҃омъ по́сланное же тебѣ̀ зла́то прїе́мь, ми́лостыни ще́дрый бы́лъ є҆сѝ пода́тель тре́бꙋющымъ: пра̑здныѧ сосꙋ́ды жи́тницы напои́лъ є҆сѝ, ѡ҆би̑димымъ и҆зба́витель гото́вѣйшїй, и҆ проповѣ́дникъ вѣ́ры хрⷭ҇та̀ бг҃а на́шегѡ, є҆го́же молѝ спастѝ и҆ просвѣти́ти дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "Зарю̀ вели́кꙋю ꙗ҆́кѡ ви́дѣ, ꙗ҆́вѣ а҆́гг҃льскꙋю свѣ́тлость ᲂу҆разꙋмѣ́въ бы́ти, ꙗ҆вле́нїе честны́хъ твои́хъ моще́й, въ стра́сѣ и҆ ра́дости притечѐ ско́рѡ досточꙋ́дный стефа́нъ, пребыва́ѧ и҆здале́ча зрѧ̀: и҆ ви́дѣ твоѧ̑ соста́вы цѣ́лы, и҆ нетлѣ́нны пребы́вшыѧ, прославлѧ́ющꙋ тѧ̀ хрⷭ҇тꙋ̀ бг҃ꙋ на́шемꙋ, є҆го́же молѝ спастѝ и҆ просвѣти́ти дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "Є҆гда̀ прїидо́ша въ пеще́рꙋ твою̀. Преподо́бне, хотѧ́щїи пренестѝ тѣ́ло твоѐ, тогда̀ гро́бъ ѿкры́вше ра́дꙋющесѧ, ви́дѣша лежа́щыѧ твоѧ̑ мо́щи свѧтолѣ́пнѡ, соста́вы всѧ̑ цѣ́лы, и҆ тлѣ́нїю неприча́стны, и҆ главны́ѧ власы̀ присо́хша къ главѣ̀, лице́ же свѣ́тлостно, ѻ҆́чи и҆ ᲂу҆стнѣ̀ бг҃ослѡ́вныѧ соединє́ны, прославлѧ́ющꙋ тѧ̀ хрⷭ҇тꙋ̀ бг҃ꙋ на́шемꙋ, є҆го́же молѝ, спастѝ и҆ просвѣти́ти дꙋ́шы на́шѧ."
|
|
},
|
|
{
|
|
"type": "HEADER",
|
|
"value": "Сла́ва, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Приспѣ̀ дне́сь пра́здникъ пренесе́нїѧ честны́хъ твои́хъ моще́й, прпⷣбне ѻ҆́ч҃е на́шъ ѳеодо́сїе, созыва́ющи всѣ́хъ вѣ́рнѡ торжествова́ти, въ па́мѧть твою̀ глаго́люще: ра́дꙋйсѧ, бжⷭ҇твеннагѡ дх҃а жили́ще всеѡсвѧще́нное, и҆ сто́лпе благоче́стїѧ: ра́дꙋйсѧ, и҆́же бг҃омъ да́нный тебѣ̀ тала́нтъ ᲂу҆мно́живый, прпⷣбнымъ похвало̀: ра́дꙋйсѧ, мі́рꙋ свѣти́льниче всесвѣ́тлый, и҆ на́ше ᲂу҆тѣше́нїе. И҆ ны́нѣ предстоѧ̀ хрⷭ҇то́вꙋ прⷭ҇то́лꙋ, молѝ и҆зба́витисѧ на́мъ ѿ всѧ́кагѡ гнѣ́ва и҆ ско́рби, и҆ бꙋ́дꙋщꙋю сла́вꙋ полꙋчи́ти, вѣ́рнѡ пра́зднꙋющымъ свѧтꙋ́ю твою̀ па́мѧть."
|
|
},
|
|
{
|
|
"type": "HEADER",
|
|
"value": "И҆ ны́нѣ, предпра́зднства:"
|
|
},
|
|
{
|
|
"type": "TEXT",
|
|
"value": "Всечестно́е твоѐ ᲂу҆спе́нїе, прест҃а́ѧ дв҃о чⷭ҇таѧ, а҆́гг҃лъ мно́жество на нб҃сѝ, и҆ человѣ́ческїй ро́дъ на землѝ ᲂу҆блажа́емъ, ꙗ҆́кѡ мт҃и была̀ є҆сѝ творца̀ всѣ́хъ хрⷭ҇та̀ бг҃а: того̀ молѧ́щи не преста́й ѡ҆ на́съ, мо́лимсѧ, и҆̀же на тѧ̀ съ бг҃омъ ᲂу҆пова́нїе поло́жшихъ, бцⷣе всепѣ́таѧ, и҆ неискꙋсобра́чнаѧ."
|
|
},
|
|
{
|
|
"type": "HEADER",
|
|
"value": "Вхо́дъ. Прокі́менъ днѐ. Чтє́нїѧ г҃."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́ни чте́нїе. (Главы̑ є҃ и҆ ѕ҃.)"
|
|
},
|
|
{
|
|
"type": "TEXT",
|
|
"value": "Пра́вєдницы во вѣ́ки живꙋ́тъ, и҆ въ гдⷭ҇ѣ мзда̀ и҆́хъ, и҆ попече́нїе и҆́хъ ᲂу҆ вы́шнѧгѡ. Сегѡ̀ ра́ди прїи́мꙋтъ црⷭ҇твїе благолѣ́пїѧ, и҆ вѣне́цъ добро́ты ѿ рꙋкѝ гдⷭ҇ни: занѐ десни́цею покры́етъ ѧ҆̀, и҆ мы́шцею защити́тъ и҆̀хъ. Прїи́метъ всеѻрꙋ́жїе рве́нїе своѐ, и҆ воѡрꙋжи́тъ тва́рь въ ме́сть врагѡ́мъ. Ѡ҆блече́тсѧ въ бронѧ̀ пра́вды, и҆ возложи́тъ шле́мъ, сꙋ́дъ нелицемѣ́ренъ: прїи́метъ щи́тъ непобѣди́мый преподо́бїе: поѡстри́тъ же напра́сный гнѣ́въ во ѻ҆рꙋ́жїе: спобо́ретъ же съ ни́мъ мі́ръ на безꙋ̑мныѧ: по́йдꙋтъ праволꙋ̑чныѧ стрѣ́лы мѡ́лнїины, и҆ ꙗ҆́кѡ ѿ благокрꙋ́гла лꙋ́ка ѻ҆блакѡ́въ на намѣ́ренїе полетѧ́тъ: и҆ ѿ каменоме́тныѧ ꙗ҆́рости, и҆спо́лнь падꙋ́тъ гра́ды: вознегодꙋ́етъ на ни́хъ вода̀ морска́ѧ, рѣ́ки же потопѧ́тъ ѧ҆̀ на́глѡ. Сопроти́въ ста́нетъ и҆̀мъ дꙋ́хъ си́лы, и҆ ꙗ҆́кѡ ви́хоръ развѣ́етъ и҆̀хъ: и҆ ѡ҆пꙋстоши́тъ всю̀ зе́млю беззако́нїе, и҆ ѕлодѣ́йство преврати́тъ престо́лы си́льныхъ. Слы́шите ᲂу҆̀бо, ца́рїе, и҆ разꙋмѣ́йте: навы́кните, сꙋдїи̑ концє́въ землѝ. Внꙋши́те держа́щїи мно́жєства и҆ гордѧ́щїисѧ ѡ҆ наро́дѣхъ ꙗ҆зы̑къ: ꙗ҆́кѡ дана̀ є҆́сть ѿ гдⷭ҇а держа́ва ва́мъ, и҆ си́ла ѿ вы́шнѧгѡ."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́ни чте́нїе. (Глава̀ г҃.)"
|
|
},
|
|
{
|
|
"type": "TEXT",
|
|
"value": "Пра́ведныхъ дꙋ́шы въ рꙋцѣ̀ бж҃їей, и҆ не прико́снетсѧ и҆́хъ мꙋ́ка. Непщева́ни бы́ша во ѻ҆чесѣ́хъ безꙋ́мныхъ ᲂу҆мре́ти, и҆ вмѣни́сѧ ѡ҆ѕлобле́нїе и҆схо́дъ и҆́хъ: и҆ є҆́же ѿ на́съ ше́ствїе, сокрꙋше́нїе, ѻ҆ни́ же сꙋ́ть въ ми́рѣ. И҆́бо предъ лице́мъ человѣ́ческимъ а҆́ще и҆ мꙋ́кꙋ прїи́мꙋтъ, ᲂу҆пова́нїе и҆́хъ безсме́ртїѧ и҆спо́лнено, и҆ вма́лѣ нака́зани бы́вше, вели́кими благодѣ́тельствовани бꙋ́дꙋтъ: ꙗ҆́кѡ бг҃ъ и҆скꙋсѝ ѧ҆̀, и҆ ѡ҆брѣ́те и҆̀хъ достѡ́йны себѣ̀. Ꙗ҆́кѡ зла́то въ горни́лѣ и҆скꙋсѝ и҆̀хъ, и҆ ꙗ҆́кѡ всепло́дїе же́ртвенное прїѧ́тъ ѧ҆̀. И҆ во вре́мѧ посѣще́нїѧ и҆́хъ возсїѧ́ютъ, и҆ ꙗ҆́кѡ и҆́скры по сте́блїю потекꙋ́тъ. Сꙋ́дѧтъ ꙗ҆зы́кѡмъ, и҆ ѡ҆блада́ютъ людьмѝ, и҆ воцр҃и́тсѧ гдⷭ҇ь въ ни́хъ во вѣ́ки. Надѣ́ющїисѧ на́нь разꙋмѣ́ютъ и҆́стинꙋ, и҆ вѣ́рнїи въ любвѝ пребꙋ́дꙋтъ є҆мꙋ̀: ꙗ҆́кѡ бл҃года́ть и҆ ми́лость въ преподо́бныхъ є҆гѡ̀, и҆ посѣще́нїе во и҆збра́нныхъ є҆гѡ̀."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́ни чте́нїе. (Глава̀ д҃.)"
|
|
},
|
|
{
|
|
"type": "TEXT",
|
|
"value": "Пра́ведникъ, а҆́ще пости́гнетъ сконча́тисѧ, въ поко́и бꙋ́детъ. Ста́рость бо честна̀ не многолѣ́тна, нижѐ въ числѣ̀ лѣ́тъ и҆счита́етсѧ: сѣди́на же є҆́сть мꙋ́дрость человѣ́кѡмъ, и҆ во́зрастъ ста́рости житїѐ нескве́рное. Благоꙋго́денъ бг҃ови бы́въ, возлю́бленъ бы́сть, и҆ живы́й посредѣ̀ грѣ̑шникъ преста́вленъ бы́сть. Восхище́нъ бы́сть, да не ѕло́ба и҆змѣни́тъ ра́зꙋма є҆гѡ̀, и҆лѝ ле́сть прельсти́тъ дꙋ́шꙋ є҆гѡ̀. Раче́нїе бо ѕло́бы помрача́етъ дѡ́браѧ, и҆ паре́нїе по́хоти премѣнѧ́етъ ᲂу҆́мъ неѕло́бивъ. Сконча́всѧ вма́лѣ, и҆спо́лни лѣ̑та дѡ́лга: Оу҆го́дна бо бѣ̀ гдⷭ҇еви дꙋша̀ є҆гѡ̀: сегѡ̀ ра́ди потща́сѧ ѿ среды̀ лꙋка́вствїѧ: Лю́дїе же ви́дѣвше, и҆ не разꙋмѣ́вше, нижѐ поло́жше въ помышле́нїи таково́е: ꙗ҆́кѡ благода́ть и҆ млⷭ҇ть въ прпⷣбныхъ є҆гѡ̀, и҆ посѣще́нїе во и҆збра́нныхъ є҆гѡ̀."
|
|
},
|
|
{
|
|
"type": "HEADER",
|
|
"value": "На стїхо́внѣ стїхи̑ры предпра́зднства, гла́съ в҃."
|
|
},
|
|
{
|
|
"type": "TEXT",
|
|
"value": "Подо́бенъ: До́ме є҆ѵфра́ѳовъ:"
|
|
},
|
|
{
|
|
"type": "TEXT",
|
|
"value": "Ѽ чꙋдесѐ но́вагѡ! Ѽ зна́менїѧ стра́ннагѡ! Ка́кѡ ме́ртвость под̾ѧ́тъ, живоно́снаѧ ѻ҆трокови́ца, и҆ гро́бомъ ны́нѣ покрыва́етсѧ!"
|
|
},
|
|
{
|
|
"type": "TEXT",
|
|
"value": "Сті́хъ: Воскрⷭ҇нѝ, гдⷭ҇и, въ поко́й тво́й, ты̀, и҆ кївѡ́тъ свѧты́ни твоеѧ̀."
|
|
},
|
|
{
|
|
"type": "TEXT",
|
|
"value": "Всѧ́ко земноро́дныхъ є҆стество̀ да ликꙋ́етъ: се́ бо дв҃а а҆да́мова дщѝ къ нб҃сѝ преставлѧ́етсѧ."
|
|
},
|
|
{
|
|
"type": "TEXT",
|
|
"value": "Сті́хъ: Клѧ́тсѧ гдⷭ҇ь дв҃дꙋ и҆́стиною, и҆ не ѿве́ржетсѧ є҆ѧ̀."
|
|
},
|
|
{
|
|
"type": "TEXT",
|
|
"value": "Прїими́ ми во ᲂу҆мѣ̀, ѻ҆́дръ дв҃ы, ликѡ́мъ а҆пⷭ҇льскимъ благолѣ́пнѡ ѡ҆крꙋжа́ющымъ, и҆ пою́щымъ и҆схо́дное."
|
|
},
|
|
{
|
|
"type": "HEADER",
|
|
"value": "Сла́ва, прпⷣбнагѡ, гла́съ и҃:"
|
|
},
|
|
{
|
|
"type": "TEXT",
|
|
"value": "Мона́хѡвъ мно́жєства, наста́вника тѧ̀ почита́емъ, ѻ҆́ч҃е на́шъ ѳеодо́сїе: твое́ю бо стезе́ю вои́стиннꙋ пра́вѡ ходи́ти позна́хомъ. Бл҃же́нъ є҆сѝ хрⷭ҇тꙋ̀ рабо́тавъ, и҆ вра́жїю ѡ҆бличи́вый си́лꙋ, а҆́гг҃лѡвъ собесѣ́дниче, прпⷣбныхъ соприча́стниче и҆ првⷣныхъ, съ ни́миже моли́сѧ гдⷭ҇еви, поми́ловатисѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, предпра́зднства, гла́съ в҃:"
|
|
},
|
|
{
|
|
"type": "TEXT",
|
|
"value": "А҆нато́лїево: Ꙗ҆́же нб҃съ вы́шшаѧ сꙋ́щи, и҆ херꙋві̑мъ сла́внѣйшаѧ, и҆ всеѧ̀ тва́ри честнѣ́йшаѧ, ꙗ҆́же премно́гїѧ ра́ди чистоты̀, присносꙋ́щнагѡ сꙋщества̀ прїѧ́телище бы́вши, въ сн҃о́внѣ рꙋ́цѣ дне́сь всест҃ꙋ́ю предае́тъ дꙋ́шꙋ: и҆ съ не́ю и҆сполнѧ́ютсѧ всѧ́чєскаѧ ра́дости, и҆ на́мъ да́рꙋетъ ве́лїю ми́лость."
|
|
},
|
|
{
|
|
"type": "HEADER",
|
|
"value": "Тропа́рь прпⷣбнагѡ, гла́съ и҃:"
|
|
},
|
|
{
|
|
"type": "TEXT",
|
|
"value": "Правосла́вїѧ наста́вниче, бл҃гоче́стїѧ ᲂу҆чи́телю и҆ чистоты̀ вселе́нныѧ свѣти́льниче, а҆рхїере́євъ бг҃одꙋхнове́нное ᲂу҆добре́нїе, ѳеодо́сїе премꙋ́дре, ᲂу҆че́ньми твои́ми всѧ̑ просвѣти́лъ є҆сѝ, цѣвни́це дх҃о́внаѧ, молѝ хрⷭ҇та̀ бг҃а спасти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, предпра́зднства."
|
|
},
|
|
{
|
|
"type": "TEXT",
|
|
"value": "Лю́дїе, пред̾игра́йте, рꙋка́ми пле́щꙋще вѣ́рнѡ, и҆ любо́вїю собери́тесѧ, дне́сь ра́дꙋющесѧ, и҆ свѣ́тлѡ восклица́юще всѝ, весе́лїемъ: бж҃їѧ бо мт҃и и҆́мать ѿ земны́хъ къ вы̑шнимъ прейтѝ сла́внѡ, ю҆́же пѣ́сньми при́снѡ ꙗ҆́кѡ бцⷣꙋ сла́вимъ."
|
|
},
|
|
{
|
|
"type": "HEADER",
|
|
"value": "На ᲂу҆́трени, тропа́рь предпра́зднства и҆ ст҃а́гѡ."
|
|
},
|
|
{
|
|
"type": "HEADER",
|
|
"value": "По а҃-мъ стїхосло́вїи сѣда́ленъ, гла́съ а҃:"
|
|
},
|
|
{
|
|
"type": "TEXT",
|
|
"value": "Подо́бенъ: Гро́бъ тво́й, сп҃се:"
|
|
},
|
|
{
|
|
"type": "TEXT",
|
|
"value": "Гро́бъ, и҆дѣ́же положе́нъ бы́лъ є҆сѝ въ це́ркви твое́й, прпⷣбне, благоꙋха́нїе и҆спꙋща́етъ приходѧ́щымъ вѣ́рою, и҆ па́мѧть твоѧ̀ весели́тъ сердца̀ вѣ́рныхъ: тѣ́мъ влⷣцѣ предстоѧ̀, ѻ҆́ч҃е, помина́й на́съ вѣ́рою творѧ́щихъ па́мѧть твою̀, свѣтоно́снꙋю и҆ всеѡсвѧще́ннꙋю. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Всѣ́хъ творца̀, бг҃а же и҆ содѣ́телѧ, всенепоро́чнаѧ чⷭ҇таѧ, дх҃омъ бжⷭ҇твеннымъ въ ложесна́хъ зачала̀ є҆сѝ, є҆го́же сла́вѧще, тѧ̀ воспѣва́емъ, дв҃о, ꙗ҆́кѡ пала́тꙋ цр҃ѧ̀ всѣ́хъ, и҆ мі́ра застꙋпле́нїе."
|
|
},
|
|
{
|
|
"type": "HEADER",
|
|
"value": "По в҃-мъ стїхосло́вїи сѣда́ленъ, гла́съ є҃."
|
|
},
|
|
{
|
|
"type": "TEXT",
|
|
"value": "Подо́бенъ: Собезнача́льное сло́во:"
|
|
},
|
|
{
|
|
"type": "TEXT",
|
|
"value": "Ра́дꙋетсѧ цр҃ковь хрⷭ҇то́ва, ꙗ҆́кѡ на свѣ́щникъ свѧще́нный взира́ющи: и҆ свѣти́льника свѣтоно́сна, и҆ бжⷭ҇твенное сокро́вище, ра́кꙋ моще́й твои́хъ и҆мꙋ́щи, всѧ̑ созыва́етъ въ па́мѧть твою̀ сла́вити гдⷭ҇а, є҆го́же молѝ спасти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, предпра́зднства, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Оу҆диви́сѧ і҆ѡ́сифъ:"
|
|
},
|
|
{
|
|
"type": "TEXT",
|
|
"value": "Ши́ршаѧ нб҃съ ꙗ҆́вльшисѧ на землѝ, ро́ждшаѧ пло́тїю всѣ́хъ содѣ́телѧ, ны́нѣ въ са̑маѧ нб҃са̀ ѿ землѝ преставлѧ́етсѧ: пра́ведныхъ ᲂу҆́бѡ дꙋ́шы смотрѧ́юще тѧ̀, а҆́гг҃льстїи же ли́цы зрѧ́ще, ꙗ҆́кѡ цр҃и́цѣ хвалꙋ̀ досто́йнѡ всегда̀ тебѣ̀ прино́сѧтъ. Тѣ́мже молѧ́щи не преста́й ѡ҆ воспѣва́ющихъ тѧ̀."
|
|
},
|
|
{
|
|
"type": "HEADER",
|
|
"value": "По полѷеле́и сѣда́ленъ, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Премꙋ́дрости:"
|
|
},
|
|
{
|
|
"type": "TEXT",
|
|
"value": "Дне́сь а҆́гг҃льскаѧ ꙗ҆влє́нїѧ ви̑дѣна бы́ша, прпⷣбне, во ѡ҆брѣ́тенїи моще́й твои́хъ: ꙗ҆влѧ́хꙋбосѧ всѣ̑мъ ꙗ҆́кѡ столпѝ ѻ҆́гненнїи, и҆ ꙗ҆́кѡ дꙋги̑ свѣтоза̑рны стоѧ́ще надъ пеще́рою, и҆ ѿтꙋ́дꙋ прїидо́ша на ве́рхъ ст҃ы́ѧ це́ркве, на мѣ́сто гро́ба твоегѡ̀, ᲂу҆гото́ваннагѡ на положе́нїе тѣ́ла ст҃а́гѡ твоегѡ̀, пребл҃же́нне ѳеодо́сїе, гдⷭ҇ꙋ вельмѝ тѧ̀ прославлѧ́ющꙋ. Сегѡ̀ ра́ди вопїе́мъ тѝ: молѝ хрⷭ҇та̀ бг҃а, грѣхѡ́въ ѡ҆ставле́нїе дарова́ти, пра́зднꙋющымъ любо́вїю свѧтꙋ́ю па́мѧть твою̀."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, предпра́зднства, гла́съ є҃:"
|
|
},
|
|
{
|
|
"type": "TEXT",
|
|
"value": "Подо́бенъ: Собезнача́льное сло́во:"
|
|
},
|
|
{
|
|
"type": "TEXT",
|
|
"value": "А҆́гг҃лъ мно́жєства славосло́вѧтъ тѧ̀, и҆ человѣ́ческїй ро́дъ предпра́зднствєннаѧ воспѣва́етъ тѝ, ꙗ҆́кѡ преста́виласѧ є҆сѝ ѿ землѝ къ ро́ждшемꙋсѧ и҆зъ тебє̀, бцⷣе чⷭ҇таѧ, и҆ мо́лишисѧ прилѣ́жнѡ и҆зба́витисѧ ѿ бѣ́дъ, вѣ́рою соверша́ющымъ твоѐ, дв҃о, преставле́нїе."
|
|
},
|
|
{
|
|
"type": "HEADER",
|
|
"value": "Степє́нна, а҃-й а҆нтїфѡ́нъ д҃-гѡ гла́са."
|
|
},
|
|
{
|
|
"type": "HEADER",
|
|
"value": "Прокі́менъ, гла́съ д҃:"
|
|
},
|
|
{
|
|
"type": "TEXT",
|
|
"value": "Честна̀ предъ гдⷭ҇емъ сме́рть прпⷣбныхъ є҆гѡ̀."
|
|
},
|
|
{
|
|
"type": "TEXT",
|
|
"value": "Сті́хъ: Что̀ возда́мъ гдⷭ҇еви ѡ҆ всѣ́хъ:"
|
|
},
|
|
{
|
|
"type": "TEXT",
|
|
"value": "Всѧ́кое дыха́нїе:"
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе прпⷣбнагѡ:"
|
|
},
|
|
{
|
|
"type": "HEADER",
|
|
"value": "По н҃-мъ ѱалмѣ̀ стїхи́ра, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Прпⷣбне ѻ҆́ч҃е ѳеодо́сїе, во всю̀ зе́млю и҆зы́де вѣща́нїе и҆справле́нїй твои́хъ: тѣ́мъ на нб҃сѣ́хъ ѡ҆брѣ́лъ є҆сѝ мздꙋ̀ трꙋдѡ́въ твои́хъ. Дє́мѡнскїѧ погꙋби́лъ є҆сѝ полкѝ, и҆ а҆́гг҃льскїѧ дости́глъ є҆сѝ чи́ны, и҆́хже житїю̀ безъ поро́ка поревнова́лъ є҆сѝ, дерзнове́нїе и҆мѣ́ѧ ко хрⷭ҇тꙋ̀ бг҃ꙋ, ми́ръ и҆спросѝ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "Канѡ́нъ предпра́зднства со і҆рмосо́мъ на ѕ҃. И҆ прпⷣбнагѡ ѳеодо́сїа, на и҃. Гла́съ д҃."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ѿве́рзꙋ ᲂу҆ста̀ моѧ̑, и҆ напо́лнѧтсѧ дх҃а, и҆ сло́во ѿры́гнꙋ цр҃и́цѣ мт҃ри, и҆ ꙗ҆влю́сѧ, свѣ́тлѡ торжествꙋ́ѧ, и҆ воспою̀, ра́дꙋѧсѧ тоѧ̀ чꙋдеса̀."
|
|
},
|
|
{
|
|
"type": "TEXT",
|
|
"value": "Пренесе́нїѧ твоегѡ̀ честнꙋ́ю восхвалѧ́ющꙋ мѝ, ѻ҆́ч҃е пребл҃же́нне, па́мѧть, съ нб҃сѐ просвѣще́нїе пода́ти мнѣ̀ молѝ, ѳеодо́сїе, и҆ дꙋшетлѣ́нныхъ прегрѣше́нїй проще́нїе."
|
|
},
|
|
{
|
|
"type": "TEXT",
|
|
"value": "Послѣ́довати восхотѣ́въ гдⷭ҇ꙋ, блаже́нне, ко прпⷣбномꙋ а҆нтѡ́нїю прише́лъ є҆сѝ: съ ни́мже въ пеще́рѣ затвори́всѧ мі́ра кромѣ̀, бг҃ꙋ не ѿлꙋче́нъ пребы́лъ є҆сѝ."
|
|
},
|
|
{
|
|
"type": "TEXT",
|
|
"value": "Поревнова́въ вели́комꙋ ѳеодо́сїю, ѻ҆́бщагѡ житїѧ̀ нача́льникꙋ, нра́вомъ и҆ житїе́мъ, прпⷣбне, тогѡ̀ послѣ́дꙋѧ по́двигѡмъ и҆ трꙋдѡ́мъ, влⷣцѣ хрⷭ҇тꙋ̀ благоꙋгоди́лъ є҆сѝ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ѡ҆свѧтѝ, влⷣчце, ѡ҆скверне́нное се́рдце моѐ, ꙗ҆́же прест҃о́е сло́во ро́ждшаѧ, сꙋ́щи всѣ́хъ ст҃ѣ́йшаѧ вы́шнихъ си́лъ, є҆ди́на всепѣ́таѧ."
|
|
},
|
|
{
|
|
"type": "TEXT",
|
|
"value": "Катава́сїа: Преꙋкраше́ннаѧ:"
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "TEXT",
|
|
"value": "І҆рмо́съ: Твоѧ̑ пѣсносло́вцы, бцⷣе, живы́й и҆ незави́стный и҆сто́чниче, ли́къ себѣ̀ совокꙋ́пльшыѧ дꙋхо́внѡ ᲂу҆твердѝ, въ бжⷭ҇твеннѣй твое́й сла́вѣ, вѣнцє́въ сла́вы сподо́би."
|
|
},
|
|
{
|
|
"type": "TEXT",
|
|
"value": "Свѣ́тъ немерца́ющїй возсїѧ̀ тебѣ̀ ꙗ҆́кѡ првⷣникꙋ, є҆го́же ѿ ю҆́ности пра́вымъ се́рдцемъ взыска́лъ є҆сѝ, ѳеодо́сїе: сегѡ̀ ра́ди во свѣ́тѣ непристꙋ́пномъ вѣ́чнѡ весели́шисѧ."
|
|
},
|
|
{
|
|
"type": "TEXT",
|
|
"value": "Собра́сѧ тогда̀ мно́жество и҆́ночествꙋющихъ съ наста́вникомъ, є҆́же пренестѝ мо́щи прпⷣбнагѡ ѳеодо́сїа: съ ни́ми и҆ мы̀ дне́сь въ па́мѧть пренесе́нїѧ є҆гѡ̀ дꙋхо́внѡ пра́зднꙋемъ."
|
|
},
|
|
{
|
|
"type": "TEXT",
|
|
"value": "Многолѣ́тное поще́нїе, ꙗ҆́кѡ въ чꙋжде́мъ тѣлесѝ, страда́льчески преше́дъ, ко гдⷭ҇ꙋ взы́де, насыща́тисѧ пи́щи нетлѣ́нныѧ со всѣ́ми ст҃ы́ми."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Кропле́нїемъ ми́лости твоеѧ̀, дв҃о, ᲂу҆́глїе погасѝ мои́хъ страсте́й бг҃ора́дованнаѧ, и҆ ᲂу҆га́сшїй возжзѝ свѣти́льникъ се́рдца моегѡ̀, златы́й свѣ́щниче, всенепоро́чнаѧ."
|
|
},
|
|
{
|
|
"type": "HEADER",
|
|
"value": "Сѣда́ленъ прпⷣбнагѡ, гла́съ д҃:"
|
|
},
|
|
{
|
|
"type": "TEXT",
|
|
"value": "Подо́бенъ: Ꙗ҆ви́лсѧ є҆сѝ дне́сь:"
|
|
},
|
|
{
|
|
"type": "TEXT",
|
|
"value": "Па́мѧть боѧ́щихсѧ бг҃а, весели́тъ вѣ́рныхъ: прїиди́те ᲂу҆́бѡ и҆ мы̀ въ па́мѧть пренесе́нїѧ преподо́бнагѡ ѻ҆ц҃а̀ на́шегѡ ѳеодо́сїа, воспое́мъ бг҃а, сего̀ просла́вльшаго."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, предпра́зднства, гла́съ г҃."
|
|
},
|
|
{
|
|
"type": "TEXT",
|
|
"value": "Подо́бенъ: Красотѣ̀ дѣ́вства:"
|
|
},
|
|
{
|
|
"type": "TEXT",
|
|
"value": "Предпра́зднствєннаѧ преставле́нїѧ торжествꙋ́юще бг҃ома́тере, ра́дꙋющесѧ, свѣ́тлѡ къ не́й, воззове́мъ: ра́дꙋйсѧ, взе́млющаѧсѧ ѿ землѝ къ нб҃сѝ: ра́дꙋйсѧ всѧ̑ концы̀ твои́мъ ᲂу҆спе́нїемъ ѡ҆живи́вшаѧ. Тѣ́мже ны́нѣ преходѧ́щи, воспомина́й мі́ръ, ѡ҆бра́дованнаѧ."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "TEXT",
|
|
"value": "І҆рмо́съ: Сѣдѧ́й въ сла́вѣ на прⷭ҇то́лѣ бжⷭ҇тва̀, во ѻ҆́блацѣ ле́гцѣ прїи́де і҆и҃съ пребжⷭ҇твенный, нетлѣ́нною дла́нїю, и҆ спасѐ зовꙋ́щыѧ: сла́ва, хрⷭ҇тѐ, си́лѣ твое́й."
|
|
},
|
|
{
|
|
"type": "TEXT",
|
|
"value": "Оу҆мертви́въ плотско́е мꙋдрова́нїе, страсте́й мо́ре мѧте́жное и҆зсꙋши́лъ є҆сѝ, є҆ди́ною наде́ждою вѣ́чныхъ бла̑гъ ᲂу҆крѣпи́всѧ, ꙗ҆̀же ны́нѣ прїѧ́лъ є҆сѝ, преподо́бне, и҆звѣ́стнѡ."
|
|
},
|
|
{
|
|
"type": "TEXT",
|
|
"value": "Нѣ́сть лѣ́по ѻ҆вца́мъ, своегѡ̀ лишє́ннымъ бы́ти па́стырѧ, ни па́стырю та́кожде своѧ̑ ѻ҆́вцы ѡ҆ставлѧ́ти, твоѝ ᲂу҆ченицы̀ собра́вшесѧ глаго́лахꙋ, ѻ҆́ч҃е ѳеодо́сїе."
|
|
},
|
|
{
|
|
"type": "TEXT",
|
|
"value": "Не добро̀ є҆́сть пребыва́ти ᲂу҆чи́телю на́шемꙋ внѣ̀ ѻ҆би́тели и҆ це́ркве своеѧ̀, ю҆́же са́мъ ѡ҆снова́лъ є҆́сть, твоѝ ᲂу҆ченицы̀ глаго́лахꙋ, ѻ҆́ч҃е преподо́бне."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Смире́нное, є҆ди́на чⷭ҇таѧ, и҆ прокаже́нное се́рдце моѐ: нечи́стыми страсте́й наведє́нїи, ꙗ҆́кѡ вра́чь и҆сцѣлѝ, и҆ рꙋкѝ бѣсо́вскїѧ и҆схи́ти."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆жасо́шасѧ всѧ́чєскаѧ ѡ҆ бж҃е́ственнѣй сла́вѣ твое́й: ты́ бо, неискꙋсобра́чнаѧ дв҃о, и҆мѣ́ла є҆сѝ во ᲂу҆тро́бѣ надъ всѣ́ми бг҃а, и҆ родила̀ є҆сѝ безлѣ́тнаго сн҃а, всѣ̑мъ воспѣва́ющымъ тѧ̀ ми́ръ подава́ющаѧ."
|
|
},
|
|
{
|
|
"type": "TEXT",
|
|
"value": "Просвѣти́сѧ дне́сь пресла́внѡ хра́мъ бг҃ома́тере, прїе́мши своего̀ слꙋжи́телѧ прпⷣбнаго, сїѧ́юща свѣтови́днѡ, и҆ лꙋчы̀ и҆сцѣле́нїй и҆спꙋща́юща всѣ̑мъ неѡскꙋ́днѡ, съ вѣ́рою къ немꙋ̀ приходѧ́щымъ."
|
|
},
|
|
{
|
|
"type": "TEXT",
|
|
"value": "Благо́е совѣща́нїе ва́ше, ѽ бг҃облаже́ннїи ѻ҆тцы̀! Кра́сное совокꙋпле́нїе, по́стническїй собо́ре: ꙗ҆́кѡ потща́стесѧ пренестѝ ва́шего па́стырѧ и҆ ᲂу҆чи́телѧ, свѣтоза́рнаго свѣти́льника, бо́драго ᲂу҆ма̀."
|
|
},
|
|
{
|
|
"type": "TEXT",
|
|
"value": "Мѣ́сто, и҆дѣ́же положены̀, бы́ша честны̑ѧ мѡ́щи твоѧ̑, прпⷣбне, прокопа́вше, є҆гда̀ ѡ҆брѣто́ша, а҆́бїе наслади́шасѧ благоꙋха́нїѧ дх҃а ст҃а́гѡ, ѻ҆би́льнымъ и҆сцѣле́нїемъ всѣ́хъ сердца̀ веселѧ́щагѡ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Пѣснопою́щи тѧ̀, всепѣ́таѧ, сла́влю вели̑чїѧ твоѧ̑. Тѣ́мже нечи́стыхъ мѧ̀ страсте́й и҆зба́ви и҆ вѣ́чныѧ сла́вы сподо́би."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Бжⷭ҇твенное сїѐ и҆ всечестно́е соверша́юще пра́зднество, бг҃омꙋ́дрїи, бг҃ома́тере, прїиди́те, рꙋка́ми воспле́щимъ, ѿ неѧ̀ ро́ждшагосѧ бг҃а сла́вимъ."
|
|
},
|
|
{
|
|
"type": "TEXT",
|
|
"value": "Прїиди́те вѣ́рнїи, пѣ̑сни дꙋхѡ́вныѧ приносѧ́ще, ѳеодо́сїа любо́вїю ᲂу҆блажи́мъ, и҆ по до́лгꙋ воспое́мъ, па́мѧть пренесе́нїѧ є҆гѡ̀ свѣ́тлѡ пра́зднꙋюще."
|
|
},
|
|
{
|
|
"type": "TEXT",
|
|
"value": "Воспое́мъ свѣ́тлаго, и҆зрѧ́днаго въ чꙋдесѣ́хъ, вели́каго въ добродѣ́телехъ, до́блѧго житїе́мъ, сла́внаго ᲂу҆го́дника хрⷭ҇то́ва и҆ пречⷭ҇тыѧ бцⷣы, блаже́ннаго ѳеодо́сїа."
|
|
},
|
|
{
|
|
"type": "TEXT",
|
|
"value": "На нб҃сѣ́хъ ны́нѣ ликовствꙋ́ѧ со а҆́гг҃льскими вѡ́инствы ра́достнѡ, ѻ҆́ч҃е пребога́те ѳеодо́сїе, благода́ть и҆ спасе́нїе дарова́ти моли́сѧ, любо́вїю пою́щымъ тѧ̀."
|
|
},
|
|
{
|
|
"type": "TEXT",
|
|
"value": "Оу҆ма̀ моегѡ̀ ᲂу҆врачꙋ́й сокрꙋше́нїе, всенепоро́чнаѧ, и҆сцѣлѝ стра̑сти дꙋшѝ моеѧ̀, и҆ ᲂу҆ны́нїѧ тмꙋ̀ потребѝ: ꙗ҆́кѡ да во хвале́нїи тѧ̀ пою̀ приснобл҃же́ннꙋю, бцⷣе всепѣ́таѧ."
|
|
},
|
|
{
|
|
"type": "HEADER",
|
|
"value": "Конда́къ, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Взбра́нной:"
|
|
},
|
|
{
|
|
"type": "TEXT",
|
|
"value": "Наслѣ́дникъ ѻ҆тцє́въ бы́лъ є҆сѝ, прпⷣбне, тѣ́хъ послѣ́дꙋѧ житїю̀ и҆ ᲂу҆че́нїю, ѻ҆бы́чаю и҆ воздержа́нїю, моли́твѣ же и҆ предстоѧ́нїю: съ ни́миже, и҆мѣ́ѧ дерзнове́нїе ко гдⷭ҇ꙋ, проще́нїе согрѣше́нїй и҆ спасе́нїе и҆спросѝ вопїю́щымъ тѝ: ра́дꙋйсѧ, ѻ҆́ч҃е ѳеодо́сїе."
|
|
},
|
|
{
|
|
"type": "TEXT",
|
|
"value": "І҆́косъ: А҆́гг҃льски пожи́въ на землѝ, прпⷣбне, а҆́гг҃лѡвъ похвалы̀ на нб҃сѝ сподо́билсѧ є҆сѝ. Ка́кѡ ᲂу҆́бѡ воспою̀ твоѐ пресвѣ́тлое житїѐ и҆ премнѡ́гїѧ твоѧ̑ добродѣ́тєли, зна́мєнїѧ же и҆ чꙋдеса̀, и҆́миже всѧ̑ просвѣща́еши ꙗ҆́кѡ сл҃нце; тѣ́мже вопїю̀ тебѣ̀ такова̑ѧ: ра́дꙋйсѧ, ѿ младе́нства хрⷭ҇тꙋ̀ послѣ́довавый: ра́дꙋйсѧ, всѧ̑ земна̑ѧ ᲂу҆ме́ты вмѣни́вый: ра́дꙋйсѧ, прило́ги страсте́й ᲂу҆мертви́вый: ра́дꙋйсѧ ѡ҆бличи́вый нача̑ла тмы̀ и҆ вла̑сти: ра́дꙋйсѧ, нбⷭ҇ныхъ взыска́вый па́че земны́хъ: ра́дꙋйсѧ, вожделѣ́вый премꙋ́дрости бж҃їѧ: ра́дꙋйсѧ, сподо́бивыйсѧ зрѣ́ти непостижи́маго: ра́дꙋйсѧ, трⷪ҇цы прест҃ы́ѧ проповѣ́дниче: ра́дꙋйсѧ, бцⷣы слꙋжи́телю: ра́дꙋйсѧ, и҆́нокѡвъ сла́во и҆ похвало̀: ра́дꙋйсѧ, и҆́мже и҆збавлѧ́емсѧ ѿ вре́да вра́жїѧ: ра́дꙋйсѧ, ѡ҆ не́мже спаса́емсѧ всѝ: ра́дꙋйсѧ, ѻ҆́ч҃е на́шъ ѳеодо́сїе."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "TEXT",
|
|
"value": "І҆рмо́съ: Не послꙋжи́ша тва́ри бг҃омꙋ́дрїи па́че созда́вшагѡ, но ѻ҆́гненное преще́нїе мꙋ́жески попра́вше, ра́довахꙋсѧ пою́ще: препѣ́тый ѻ҆ц҃є́въ гдⷭ҇ь и҆ бг҃ъ, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Мі́ра попече́нїе ѿри́нꙋвъ, и҆ сла́вꙋ є҆гѡ̀ нивочто́же вмѣни́въ, сла́вы бꙋ́дꙋщїѧ взыска́лъ є҆сѝ молча́нїемъ возлюби́въ бг҃ꙋ ᲂу҆годи́ти на землѝ: тѣ́мъ то́й тѧ̀ просла́ви, преподо́бне, на нб҃сѣ́хъ."
|
|
},
|
|
{
|
|
"type": "TEXT",
|
|
"value": "Плотскі̑ѧ стра̑сти ѿ ю҆́ности возненави́дѣвъ, и҆ сꙋ́етнꙋю красотꙋ̀ попра́въ, поще́нїемъ къ бг҃ꙋ превозвы́силсѧ є҆сѝ: и҆ ны́нѣ со а҆́гг҃лы предстоѧ̀ гдⷭ҇еви, молѝ ѡ҆ чтꙋ́щихъ па́мѧть твою̀."
|
|
},
|
|
{
|
|
"type": "TEXT",
|
|
"value": "Ꙗ҆влѧ́ешисѧ, преподо́бне, сокрꙋше́нномꙋ хꙋлы̀ ра́ди васі́лїю, возвѣща́ѧ є҆мꙋ̀, коли́кїѧ сла́вы лиши́сѧ: є҆го́же на свою̀ ра́кꙋ положи́ти повелѣ́въ, сего̀ въ то́мъ часѣ̀ и҆сцѣли́лъ є҆сѝ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Предста́тельство мѝ бꙋ́ди, пречⷭ҇таѧ, къ ро́ждшемꙋсѧ и҆зъ тебє̀, ѡ҆ставле́нїе лю́тыхъ долгѡ́въ, и҆ црⷭ҇твїѧ бж҃їѧ бжⷭ҇твенный вхо́дъ, и҆ пи́щи воспрїѧ́тїе, и҆ свѣ́та прича́стїе мнѣ̀ подаю́щи."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ѻ҆́троки бл҃гочести̑выѧ въ пещѝ ржⷭ҇тво̀ бг҃оро́дичо спасло̀ є҆́сть, тогда̀ ᲂу҆́бѡ ѡ҆бразꙋ́емое, ны́нѣ же дѣ́йствꙋемое, вселе́ннꙋю всю̀ воздвиза́етъ пѣ́ти тебѣ̀: гдⷭ҇а по́йте дѣла̀ и҆ превозноси́те є҆го̀ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Дꙋше́ю живы́й въ вы́шнихъ, въ землѝ и҆́щꙋщымъ ꙗ҆влѧ́еши честны̑ѧ твоѧ̑ мѡ́щи, ꙗ҆̀же ви́дѣвше цѣ̑лы и҆ не тлѣ̑нны, и҆ благоꙋха́нїе и҆спꙋща́ющыѧ, возра́довашасѧ дꙋ́хомъ, глаго́люще: гдⷭ҇а по́йте дѣла̀, и҆ превозноси́те є҆го̀ во вѣ́ки."
|
|
},
|
|
{
|
|
"type": "TEXT",
|
|
"value": "Подо́бно є҆́сть на́мъ, всегда̀ ѻ҆чи́ма на́шима ви́дѣти честнꙋ́ю ра́кꙋ ѻ҆ц҃а̀ на́шего ѳеодо́сїа, и҆ досто́йное поклоне́нїе всегда̀ томꙋ̀ приноси́ти, преносѧ́щїи честны̑ѧ мѡ́щи, глаго́лахꙋ, пою́ще: гдⷭ҇а по́йте дѣла̀, и҆ превозноси́те є҆го̀ во вѣ́ки."
|
|
},
|
|
{
|
|
"type": "TEXT",
|
|
"value": "Мѣ́сто, на не́мже са́мъ пре́жде сме́рти своеѧ̀ проре́клъ є҆сѝ положе́нꙋ тебѣ̀ бы́ти, прїе́мши ны́нѣ честно́е тѣ́ло твоѐ, и҆сцѣле́нїе подава́етъ приходѧ́щымъ съ вѣ́рою."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ꙗ҆ви́ласѧ є҆сѝ а҆́гг҃лѡвъ вы́шши, ро́ждши гдⷭ҇а: сего̀ ᲂу҆́бѡ молѝ, влⷣчце всенепоро́чнаѧ, плотски́хъ вы́шшꙋ мѝ бы́ти и҆скꙋше́нїй, и҆ сꙋда̀ и҆зба́витисѧ бꙋ́дꙋщагѡ, и҆ вѣ́чныѧ мꙋ́ки, дв҃о."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Всѧ́къ земноро́дный да взыгра́етсѧ, дх҃омъ просвѣща́емь, да торжествꙋ́етъ же безпло́тныхъ ᲂу҆мѡ́въ є҆стество̀, почита́ющее свѧще́нное торжество̀ бг҃ома́тере, и҆ да вопїе́тъ: ра́дꙋйсѧ, всебл҃же́ннаѧ бцⷣе, чⷭ҇таѧ приснодв҃о."
|
|
},
|
|
{
|
|
"type": "TEXT",
|
|
"value": "Побѣди́тель мїроде́ржца, кнѧ́зѧ тмы̀ ꙗ҆ви́лсѧ є҆сѝ, враждє́бныѧ є҆гѡ̀ стрѣ́лы ѻ҆рꙋ́жїемъ кре́стнымъ и҆ вѣ́рою до конца̀ сокрꙋши́въ, взыва́ѧ. Бг҃ъ на́мъ прибѣ́жище и҆ си́ла."
|
|
},
|
|
{
|
|
"type": "TEXT",
|
|
"value": "Ты̀ па́стырь и҆́стинный хрⷭ҇то́ва ста́да бы́лъ є҆сѝ, ѡ҆ не́мже моли́ти не преста́й всегда̀, прпⷣбне, дарова́ти на́мъ согрѣше́нїй ѡ҆ставле́нїе, бжⷭ҇твенное застꙋпле́нїе, и҆ вѣ́чное ра́дованїе."
|
|
},
|
|
{
|
|
"type": "TEXT",
|
|
"value": "Прозрѧ̀ и҆схожде́нїе своѐ ѿ тѣ́ла, и҆ бꙋ́дꙋщее тебѣ̀ воздаѧ́нїе ѿ бг҃а, моли́лсѧ є҆сѝ прилѣ́жнѡ, прпⷣбне ѡ҆ ста́дѣ твое́мъ, и҆ си́хъ ско́рбныхъ ᲂу҆тѣ́шилъ є҆сѝ глаго́лѧ: сѐ ѡ҆бѣща́ю ва́мъ, бра́тїе и҆ ѻ҆тцы̀, ꙗ҆́кѡ а҆́ще и҆ тѣ́ломъ ѿхождꙋ̀ ѿ ва́съ, но дꙋ́хомъ при́снѡ бꙋ́дꙋ съ ва́ми."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Спаси́ мѧ, чⷭ҇таѧ, сп҃са ро́ждшаѧ всеще́драго: ᲂу҆ще́дри раба̀ твоего̀, и҆ къ покаѧ́нїѧ пꙋтѝ наста́ви, лꙋка́вагѡ же собла́зны ѿ среды̀ ѿженѝ, и҆ тогѡ̀ мѧ̀ и҆зба́ви ловле́нїѧ, и҆ ѻ҆гнѧ̀ вѣ́чнагѡ и҆схи́ти."
|
|
},
|
|
{
|
|
"type": "HEADER",
|
|
"value": "Свѣти́ленъ."
|
|
},
|
|
{
|
|
"type": "TEXT",
|
|
"value": "Подо́бенъ: Нб҃о ѕвѣзда́ми:"
|
|
},
|
|
{
|
|
"type": "TEXT",
|
|
"value": "Па́мѧть пренесе́нїѧ честны́хъ твои́хъ моще́й дне́сь пра́зднꙋюще, вопїе́мъ: со а҆́гг҃лы предстоѧ̀ въ дерзнове́нїи мно́зѣ, всѣ́хъ на́съ, ѻ҆́ч҃е, помина́й ко влⷣцѣ хрⷭ҇тꙋ̀."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, предпра́зднства:"
|
|
},
|
|
{
|
|
"type": "TEXT",
|
|
"value": "Твоегѡ̀ честна́гѡ ᲂу҆спе́нїѧ па́мѧть пресвѣ́тлꙋю торжествꙋ́юще, любо́вїю воспѣва́емъ, бцⷣе: ты́ же, ꙗ҆́кѡ мт҃и пречⷭ҇таѧ, къ сн҃ꙋ ѿходѧ́щи въ сла́вѣ твое́й и҆ гдⷭ҇ꙋ, ѡ҆ хрⷭ҇тїа́нѣхъ молѝ, вѣ́рою тѧ̀ воспѣва́ющихъ."
|
|
},
|
|
{
|
|
"type": "HEADER",
|
|
"value": "На хвали́техъ стїхи̑ры предпра́зднства, гла́съ ѕ҃."
|
|
},
|
|
{
|
|
"type": "TEXT",
|
|
"value": "Подо́бенъ: Тридне́венъ:"
|
|
},
|
|
{
|
|
"type": "TEXT",
|
|
"value": "Глаго́лѡмъ бжⷭ҇твеннагѡ гаврїи́ла послѣ́дꙋюще, ра́дꙋйсѧ, тебѣ̀ зове́мъ, чⷭ҇таѧ: ты̀ ᲂу҆́бѡ, прест҃а́ѧ и҆ мт҃и гдⷭ҇нѧ, къ семꙋ̀ преста́вльшисѧ, помина́й ѡ҆ воспѣва́ющихъ тѧ̀."
|
|
},
|
|
{
|
|
"type": "TEXT",
|
|
"value": "Сті́хъ: Воскреснѝ, гдⷭ҇и, въ поко́й тво́й, ты̀, и҆ кївѡ́тъ свѧты́ни твоеѧ̀."
|
|
},
|
|
{
|
|
"type": "TEXT",
|
|
"value": "Неизмѣ́рнаѧ премꙋ́дрость бж҃їѧ хра́мъ себѣ̀ па́че ᲂу҆ма̀, бцⷣе, созда̀, и҆зъ тебє̀ дх҃омъ ст҃ы́мъ, и҆ ны́нѣ тѧ̀ къ невеще́ствєннымъ селе́нїємъ преста́ви, всепѣ́таѧ."
|
|
},
|
|
{
|
|
"type": "TEXT",
|
|
"value": "Сті́хъ: Клѧ́тсѧ гдⷭ҇ь дв҃дꙋ и҆́стиною, и҆ не ѿве́ржетсѧ є҆ѧ̀."
|
|
},
|
|
{
|
|
"type": "TEXT",
|
|
"value": "Ра́бъ ны́нѣ прихождꙋ̀ къ тебѣ̀ мт҃ри всѣ́хъ бг҃а, ѿ всѧ́кихъ и҆зба́витисѧ напа́стей молѧ́сѧ. Но, ѽ бг҃ороди́тельнице! Црⷭ҇твꙋющи съ сн҃омъ твои́мъ, хрⷭ҇тїа́нскїй ро́дъ сохранѧ́й."
|
|
},
|
|
{
|
|
"type": "HEADER",
|
|
"value": "И҆ прпⷣбнагѡ, г҃. Гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Ѽ пресла́внагѡ чꙋдесѐ!"
|
|
},
|
|
{
|
|
"type": "TEXT",
|
|
"value": "Прпⷣбне ѻ҆́ч҃е ѳеодо́сїе, па́стырѧ тѧ̀ поста́ви гдⷭ҇ь своемꙋ̀ ста́дꙋ: ты́ бо себѐ назда́въ, на ѡ҆снова́нїи добродѣ́телей, цр҃ковь бы́ти бг҃ꙋ, блаже́нне, сподо́бисѧ, всегда̀ разꙋ́мномꙋ свѣ́тꙋ предстоѧ̀, по достоѧ́нїю ѿ негѡ̀ прославлѧ́емь: тѣ́мже тѧ̀ чте́мъ и҆ ᲂу҆блажа́емъ."
|
|
},
|
|
{
|
|
"type": "TEXT",
|
|
"value": "Прпⷣбне ѻ҆́ч҃е ѳеодо́сїе, ты̀ ᲂу҆се́рднѡ бг҃ꙋ послꙋжи́лъ є҆сѝ и҆́ночествовавъ молча́нїемъ: и҆ воздержа́нїемъ ше́ствꙋѧ, смире́нїемъ ᲂу҆краша́ѧсѧ, и҆ всѣ́ми добродѣ́тельми просвѣще́нъ, вѣ́чныхъ бла̑гъ полꙋчи́лъ є҆сѝ: тѣ́мъ и҆ мы̀, честнꙋ́ю ́ твою̀ ѡ҆бстоѧ́ще ра́кꙋ, тѧ̀ прославлѧ́емъ."
|
|
},
|
|
{
|
|
"type": "TEXT",
|
|
"value": "Прпⷣбне ѻ҆́ч҃е ѳеодо́сїе, а҆́ще и҆ тѣ́ломъ ѿлꙋчи́лсѧ є҆сѝ ѿ на́съ, но дх҃омъ съ на́ми всегда̀ пребыва́еши: се́ бо и҆ по сме́рти ꙗ҆влѧ́ѧсѧ на́съ посѣща́еши, ѿ напа́стей и҆збавлѧ́ѧ, и҆ печа̑льныѧ ᲂу҆тѣша́ѧ, поги̑бшаѧ ꙗ҆влѧ́ѧ, и҆ больны̑ѧ и҆сцѣлѧ́ѧ, предста́тельствомъ твои́мъ: тѣ́мже тѧ̀ всѝ вѣ́рою ᲂу҆блажа́емъ."
|
|
},
|
|
{
|
|
"type": "HEADER",
|
|
"value": "Сла́ва, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Дне́сь а҆рхїере́є съ чи́нми свѧще́нныхъ прише́дше, и҆ мно́жество и҆́ночествꙋющихъ, и҆ благовѣ́рныхъ наро́ди, прїѧ́ша ѿ пеще́ры пречⷭ҇тны̑ѧ твоѧ̑ мѡ́щи, ѻ҆́ч҃е ѳеодо́сїе, со свѣща́ми и҆ ѳѷмїа́момъ, че́стнѡ провожда́юще, въ бг҃озда́ннꙋю це́рковь прине́сше, положи́ша свѧще́ннѡ. Є҆го́же мы̀ лѣ́тное воспомина́нїе пра́зднꙋемъ, и҆ велегла́снѡ пою́ще взыва́емъ тѝ: ꙗ҆́кѡ прⷭ҇то́лꙋ хрⷭ҇то́вꙋ предстоѧ̀, прпⷣбне, не преста́й молѧ́сѧ и҆зба́витисѧ всѣ̑мъ ѿ всѧ́кагѡ вре́да вра́жїѧ, и҆ спасти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "И҆ ны́нѣ: предпра́зднства, гла́съ г҃:"
|
|
},
|
|
{
|
|
"type": "TEXT",
|
|
"value": "Ге́рманово: Прїиди́те, всѝ концы̀ земні́и, честно́е преставле́нїе бг҃ома́тере восхва́лимъ: въ рꙋ́цѣ бо сн҃а дꙋ́шꙋ непоро́чнꙋю положѝ. Тѣ́мже ст҃ы́мъ ᲂу҆спе́нїемъ є҆ѧ̀ мі́ръ ѡ҆животвори́всѧ, во ѱалмѣ́хъ и҆ пѣ́нїихъ и҆ пѣ́снехъ дꙋхо́вныхъ, со безпло́тными и҆ а҆пⷭ҇лы пра́зднꙋетъ свѣ́тлѡ."
|
|
},
|
|
{
|
|
"type": "HEADER",
|
|
"value": "Славосло́вїе вели́кое и҆ ѿпꙋ́стъ."
|
|
},
|
|
{
|
|
"type": "HEADER",
|
|
"value": "На лїтꙋргі́и слꙋ́жба прпⷣбнагѡ."
|
|
}
|
|
] |