706 lines
66 KiB
JSON
706 lines
66 KiB
JSON
[
|
|
{
|
|
"type": "HEADER",
|
|
"value": "Септе́мврїа д҃"
|
|
},
|
|
{
|
|
"type": "HEADER",
|
|
"value": "Слꙋ́жба и҆́же во ст҃ы́хъ ѻ҆тцꙋ̀ на́шемꙋ і҆ѡаса́фꙋ, є҆пі́скопꙋ бѣлогра́дскомꙋ."
|
|
},
|
|
{
|
|
"type": "HEADER",
|
|
"value": "На ма́лѣй вече́рни. На Гдⷭ҇и воззва́хъ, стїхи̑ры, гла́съ а҃:"
|
|
},
|
|
{
|
|
"type": "TEXT",
|
|
"value": "Воспои́мъ, бра́тїе, свѣтлопра́зднственнꙋю пѣ́снь, новоѧвле́ннаго ᲂу҆го́дника бж҃їѧ ᲂу҆бл҃жа́юще и҆ къ томꙋ̀ возносѧ́ще мл҃твꙋ, во є҆́же ѡ҆чи́стити серде́цъ на́шихъ ѻ҆чеса̀ и҆ па́мѧтїю чꙋде́съ є҆гѡ̀ просвѣти́ти дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "І҆ѡаса́фе, ᲂу҆го́дниче хрⷭ҇то́въ, всѣ́хъ добродѣ́телей подви́жникъ бы́лъ є҆сѝ, на землѝ ᲂу҆́бѡ скѡ́рби поне́съ, на нб҃си́ же ра́дость вѣ́чнꙋю ѿ бг҃а прїе́мъ, ᲂу҆слы́ши моле́нїе ча̑дъ твои́хъ и҆ молѝ сп҃стѝ и҆ просвѣти́ти дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "Ни́щыѧ и҆ скѡ́рбныѧ возлюби́вый и҆ ѡ҆ грѣ́шныхъ лю́дехъ мл҃твꙋ всегда̀ возноси́вый, са́мъ ѿ хрⷭ҇та̀ возлю́бленъ бы́лъ є҆сѝ, і҆ѡаса́фе ст҃и́телю: помина́й на́съ, по́двиги твоѧ̑ почита́ющихъ, и҆ мл҃твꙋ сотворѝ ко гдⷭ҇ꙋ, сп҃стѝ и҆ просвѣти́ти дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "Кто̀ и҆счи́слитъ мно́жество и҆сцѣле́нїй, ѿ чꙋдотво́рныхъ моще́й твои́хъ и҆сточа́емыхъ, ᲂу҆го́дниче хрⷭ҇то́въ; кто̀ не подиви́тсѧ вели́комꙋ твоемꙋ̀ застꙋпле́нїю; ко́е ли се́рдце человѣ́ческое любо́вїю твое́ю не ᲂу҆мили́тсѧ; ди́внѡ просла́висѧ въ тебѣ̀ гдⷭ҇ь, просвѣща́ѧй и҆ сп҃са́ѧй дꙋ́шы на́шѧ."
|
|
},
|
|
{
|
|
"type": "HEADER",
|
|
"value": "Сла́ва, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Ѻ҆́трочествꙋ твоемꙋ̀ наче́ншꙋсѧ, прпⷣбне, под̾ кро́въ влⷣчцы прїѧ́тъ бы́лъ є҆сѝ, ꙗ҆́коже роди́тель тво́й видѣ́нїемъ въ то́мъ ᲂу҆вѣ́рисѧ: сконча́вшꙋсѧ же земно́мꙋ житїю̀ твоемꙋ̀, и҆но́е видѣ́нїе лю́ди ᲂу҆вѣрѧ́етъ, ꙗ҆́кѡ дꙋ́хъ тво́й просла́вленъ є҆́сть ѿ бг҃а. Томꙋ̀ и҆ ѡ҆ на́съ моли́сѧ, ст҃и́телю хрⷭ҇то́въ, поми́ловатисѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Бцⷣе, ты̀ є҆сѝ лоза̀ и҆́стиннаѧ, возрасти́вшаѧ на́мъ пло́дъ живота̀: тебѣ̀ мо́лимсѧ, моли́сѧ, влⷣчце, со ст҃ы́ми а҆пⷭ҇лы, поми́ловати дꙋ́шы на́шѧ."
|
|
},
|
|
{
|
|
"type": "HEADER",
|
|
"value": "На стїхо́внѣ стїхи̑ры, гла́съ в҃:"
|
|
},
|
|
{
|
|
"type": "TEXT",
|
|
"value": "Подо́бенъ: До́ме є҆ѵфра́ѳовъ:"
|
|
},
|
|
{
|
|
"type": "TEXT",
|
|
"value": "І҆ѡаса́фе, ст҃и́телю бж҃їй, мл҃твы непреста́нныѧ кади́ло и҆ предста́телю ѡ҆ лю́дехъ теплѣ́йшїй, и҆ на́съ пою́щихъ тѧ̀ не ѿри́ни, но помо́щникъ бꙋ́ди на́мъ при́сный."
|
|
},
|
|
{
|
|
"type": "TEXT",
|
|
"value": "Сті́хъ: Бл҃же́нъ мꙋ́жъ боѧ́йсѧ гдⷭ҇а, въ за́повѣдехъ є҆гѡ̀ восхо́щетъ ѕѣлѡ̀."
|
|
},
|
|
{
|
|
"type": "TEXT",
|
|
"value": "Воспои́мъ, бра́тїе, ᲂу҆го́дника хрⷭ҇то́ва і҆ѡаса́фа, того̀ подвиза́юще на мл҃твꙋ, ѿ бѣ́дъ и҆зба́витисѧ на́мъ и҆ дарова́тисѧ на́мъ пре́жде конца̀ покаѧ́нїю."
|
|
},
|
|
{
|
|
"type": "TEXT",
|
|
"value": "Сті́хъ: Сщ҃е́нницы твоѝ ѡ҆блекꙋ́тсѧ въ пра́вдꙋ, и҆ прпⷣбнїи твоѝ возра́дꙋютсѧ."
|
|
},
|
|
{
|
|
"type": "TEXT",
|
|
"value": "Не довлѣ́ютъ тебѣ̀, ст҃и́телю хрⷭ҇то́въ, человѣ́чєскаѧ бл҃гохвалє́нїѧ: занѐ ѿ пречⷭ҇тыѧ бцⷣы, во млады́хъ лѣ́тѣхъ твои́хъ, ꙗ҆́кѡ и҆збра́нникъ бж҃їй свидѣ́тельствованъ є҆сѝ."
|
|
},
|
|
{
|
|
"type": "HEADER",
|
|
"value": "Сла́ва, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Прпⷣбне ѻ҆́тче, во всю̀ зе́млю и҆зы́де вѣща́нїе и҆справле́нїй твои́хъ, тѣ́мже на нб҃сѣ́хъ ѡ҆брѣ́лъ є҆сѝ мздꙋ̀ трꙋдѡ́въ твои́хъ: де́мѡнскаѧ разори́лъ є҆сѝ пѡ́лчища, и҆ дости́глъ є҆сѝ чинѡ́въ а҆́гг҃льскихъ, и҆́хже житїю̀ непоро́чнѡ поревнова́лъ є҆сѝ. Дерзнове́нїе и҆мѣ́ѧ ко хрⷭ҇тꙋ̀ бг҃ꙋ, ми́ръ и҆спросѝ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Вели́кихъ дарова́нїй, чⷭ҇таѧ дв҃о бг҃ома́ти, ты̀ сподо́биласѧ є҆сѝ: ꙗ҆́кѡ родила̀ є҆сѝ пло́тїю є҆ди́наго ѿ трⷪ҇цы хрⷭ҇та̀ жизнода́вца, во сп҃се́нїе дꙋ́шъ на́шихъ."
|
|
},
|
|
{
|
|
"type": "HEADER",
|
|
"value": "Тропа́рь, гла́съ г҃:"
|
|
},
|
|
{
|
|
"type": "TEXT",
|
|
"value": "Ст҃и́телю хрⷭ҇тꙋ̀ бг҃ꙋ возлю́бленне, пра́вило вѣ́ры и҆ ѻ҆́бразъ милосе́рдїѧ лю́демъ бы́лъ є҆сѝ, бдѣ́нїемъ же, посто́мъ и҆ мл҃твою ꙗ҆́кѡ свѣти́льникъ пресвѣ́тлый просїѧ́лъ є҆сѝ, и҆ просла́вленъ ѿ бг҃а ꙗ҆ви́лсѧ є҆сѝ: тѣ́ломъ ᲂу҆́бѡ въ нетлѣ́нїи почива́ѧ, дꙋ́хомъ же прⷭ҇то́лꙋ бж҃їю предстоѧ̀, чꙋдеса̀ пресла̑внаѧ и҆сточа́еши. Молѝ хрⷭ҇та̀ бг҃а, да ᲂу҆тверди́тъ ѻ҆те́чество на́ше въ правосла́вїи и҆ бл҃гоче́стїи и҆ сп҃се́тъ дꙋ́шы на́шѧ."
|
|
},
|
|
{
|
|
"type": "HEADER",
|
|
"value": "И҆́нъ тропа́рь, гла́съ в҃:"
|
|
},
|
|
{
|
|
"type": "TEXT",
|
|
"value": "Моли́твенниче и҆здѣ́тства преизрѧ́дный, бг҃оизбра́нный ст҃и́телю хрⷭ҇то́въ і҆ѡаса́фе, пра́вило вѣ́ры и҆ ѻ҆́бразъ милосе́рдїѧ бл҃гоче́стнымъ житїе́мъ всѣ̑мъ ꙗ҆влѧ́еши и҆ съ вѣ́рою къ тебѣ̀ притека́ющымъ ѻ҆би́льнѡ и҆сцѣлє́нїѧ и҆сточа́еши. Молѝ хрⷭ҇та̀ бг҃а, да ᲂу҆тверди́тъ правовѣ́рїе, ми́ръ и҆ бл҃гоче́стїе и҆ сп҃се́тъ дꙋ́шы на́шѧ."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ, гла́съ г҃:"
|
|
},
|
|
{
|
|
"type": "TEXT",
|
|
"value": "Тѧ̀, хода́тайствовавшꙋю сп҃се́нїе ро́да на́шегѡ, воспѣва́емъ, бцⷣе дв҃о: пло́тїю бо ѿ тебє̀ воспрїѧ́тою сн҃ъ тво́й и҆ бг҃ъ на́шъ, крⷭ҇то́мъ воспрїи́мъ стра́сть, и҆зба́ви на́съ ѿ тлѝ, ꙗ҆́кѡ чл҃вѣколю́бецъ."
|
|
},
|
|
{
|
|
"type": "HEADER",
|
|
"value": "(Зрѝ) Слꙋ́жбꙋ вселе́нскихъ ст҃ы́хъ, въ ты̑ѧ дни̑ па́мѧти ст҃и́телѧ і҆ѡаса́фа прилꙋчи́вшꙋюсѧ, пое́мъ на повече́рїи во и҆́нъ де́нь."
|
|
},
|
|
{
|
|
"type": "HEADER",
|
|
"value": "На вели́цѣй вече́рни. Бл҃же́нъ мꙋ́жъ, а҃-й а҆нтїфѡ́нъ. На Гдⷭ҇и воззва́хъ, стїхи̑ры на и҃:"
|
|
},
|
|
{
|
|
"type": "HEADER",
|
|
"value": "Гла́съ и҃:"
|
|
},
|
|
{
|
|
"type": "TEXT",
|
|
"value": "Ди́венъ бг҃ъ во ст҃ы́хъ свои́хъ, въ ро́дѣхъ хрⷭ҇тїа́нскихъ чꙋдодѣ́йствꙋѧй и҆ нѡ́выѧ и҆збра́нники своѧ̀ ꙗ҆влѧ́ѧй: зри́мъ бо и҆ ны́нѣ і҆ѡаса́фа ᲂу҆го́дника ѿ хрⷭ҇та̀ прославлѧ́ема, и҆ красото́ю добродѣ́телей свои́хъ странꙋ̀ на́шꙋ ѡ҆зарѧ́юща, и҆ дерзнове́нїе ве́лїе и҆мꙋ́ща, ми́ръ вселе́ннѣй дарова́ти и҆ дꙋша́мъ на́шымъ ве́лїю млⷭ҇ть. Два́жды."
|
|
},
|
|
{
|
|
"type": "TEXT",
|
|
"value": "Ли́къ ст҃ы́хъ твои́хъ, гдⷭ҇и, на нб҃сѣ́хъ ᲂу҆мно́жисѧ преставле́нїемъ ст҃и́телѧ твоегѡ̀ і҆ѡаса́фа, є҆го́же и҆ на землѝ цр҃ковь воспѣва́етъ: тогѡ̀ ᲂу҆̀бо мл҃твы ѡ҆ на́съ прїимѝ, чл҃вѣколю́бче, ꙗ҆́кѡ и҆мѣ́ѧй ве́лїю млⷭ҇ть."
|
|
},
|
|
{
|
|
"type": "TEXT",
|
|
"value": "Нощнѣ́й тмѣ̀ ѡ҆гꙋстѣва́ющей, ᲂу҆множа́етсѧ ѕвѣ́здный бле́скъ, и҆ къ томꙋ̀ ѻ҆́чи заблꙋ́ждшихъ ра́достнѡ возво́дѧтсѧ: та́кѡ и҆ ᲂу҆мно́жившейсѧ на землѝ грѣхо́внѣй тмѣ̀, возведе́мъ горѣ̀ ѻ҆́чи на́ши, бра́тїе, и҆ сїѧ́нїе добродѣ́телей ст҃и́телѧ ᲂу҆зрѣ́вше, къ нбⷭ҇номꙋ ѻ҆те́чествꙋ потщи́мсѧ, є҆гѡ́же да не лиши́тъ гдⷭ҇ь на́съ грѣ́шныхъ, и҆мѣ́ѧй ве́лїю млⷭ҇ть."
|
|
},
|
|
{
|
|
"type": "HEADER",
|
|
"value": "Гла́съ є҃:"
|
|
},
|
|
{
|
|
"type": "TEXT",
|
|
"value": "Ра́дꙋйсѧ, сщ҃е́ннаѧ главо̀, ст҃и́телю бж҃їй і҆ѡаса́фе, па́стырей бг҃омꙋ́дрое пра́вило и҆ и҆́нокѡвъ наста́вниче предо́брый: ра́дꙋйсѧ, болѧ́щихъ цѣли́телю пресла́вный и҆ скорбѧ́щихъ ᲂу҆тѣ́шителю ми́лостивый. Моли́сѧ при́снѡ ко гдⷭ҇ꙋ, и҆ на́мъ подража́телємъ тебѣ̀ бы́ти, и҆ грѣхѡ́внаѧ всѧ̑ презрѣ́вшымъ, є҆ди́номꙋ бг҃ꙋ рабо́тати. Два́жды."
|
|
},
|
|
{
|
|
"type": "TEXT",
|
|
"value": "Ра́дꙋйсѧ, страсте́й сопротивобо́рче и҆ дх҃о́внагѡ дѣ́ланїѧ трꙋ́дниче: ра́дꙋйсѧ, пра́ведниче, смиренномꙋ́дрїѧ и҆спо́лненный, го́рдыхъ мі́ра сегѡ̀ ѡ҆бличи́телю и҆ лѣни́выхъ гро́зный кара́телю. Не преста́й молѧ́сѧ ко гдⷭ҇ꙋ ѡ҆ на́съ, во є҆́же сп҃сти́сѧ на́мъ."
|
|
},
|
|
{
|
|
"type": "TEXT",
|
|
"value": "Ра́дꙋйсѧ, нбⷭ҇ный жи́телю, на зе́млю ми́лостивнымъ ѻ҆́комъ призира́ѧй и҆ мл҃твы пѣвцє́въ твои́хъ прїе́млѧй: ра́дꙋйсѧ, ѻ҆чеса̀ твоѧ̑ всегда̀ на нб҃о возводи́вый и҆ ѡ҆ земны́хъ стѧжа́нїихъ небрегі́й. Наꙋчѝ ᲂу҆̀бо и҆ на́съ, ст҃и́телю хрⷭ҇то́въ, на нб҃сѣ́хъ сокро́вище стѧжа́ти и҆ твою̀ та́мѡ сла́вꙋ ꙗ҆́вѣ ᲂу҆зрѣ́ти."
|
|
},
|
|
{
|
|
"type": "HEADER",
|
|
"value": "Сла́ва, гла́съ в҃:"
|
|
},
|
|
{
|
|
"type": "TEXT",
|
|
"value": "Кі́ими похва́льными вѣнцы̀ ᲂу҆вѣнча́емъ ст҃и́телѧ хрⷭ҇то́ва, гдⷭ҇ню сла́вꙋ непреста́ннѡ возвѣща́вшаго и҆ бл҃гоче́стїе пра́вое повсю́дꙋ насади́вшаго, за́повѣдей хрⷭ҇то́выхъ живꙋ́ю скрижа́ль, на ли́ца человѣ́кѡвъ не взира́вшаго, но дꙋ́шы всѣ́хъ ко сп҃се́нїю приводи́вшаго; сего́ бо вѣнцы̀ нетлѣ́нными вѣнча́етъ хрⷭ҇то́съ бг҃ъ на́шъ, и҆мѣ́ѧй ве́лїю млⷭ҇ть."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Пре́йде сѣ́нь зако́ннаѧ, бл҃года́ти прише́дши: ꙗ҆́коже бо кꙋпина̀ не сгара́ше ѡ҆палѧ́ема, та́кѡ дв҃а родила̀ є҆сѝ, и҆ дв҃а пребыла̀ є҆сѝ. Вмѣ́стѡ столпа̀ ѻ҆́гненнагѡ пра́ведное возсїѧ̀ сл҃нце: вмѣ́стѡ мѡѷсе́а, хрⷭ҇то́съ, сп҃се́нїе дꙋ́шъ на́шихъ."
|
|
},
|
|
{
|
|
"type": "HEADER",
|
|
"value": "Вхо́дъ. Прокі́менъ днѐ, и҆ чтє́нїѧ г҃."
|
|
},
|
|
{
|
|
"type": "HEADER",
|
|
"value": "При́тчей чте́нїе."
|
|
},
|
|
{
|
|
"type": "TEXT",
|
|
"value": "(Главы̑ і҃, г҃, и҃) Па́мѧть првⷣнагѡ съ похвала́ми, и҆ бл҃гослове́нїе гдⷭ҇не на главѣ̀ є҆гѡ̀. Бл҃же́нъ человѣ́къ, и҆́же ѡ҆брѣ́те премꙋ́дрость, и҆ сме́ртенъ, и҆́же ᲂу҆вѣ́дѣ ра́зꙋмъ. Лꙋ́чше бо сїю̀ кꙋпова́ти, не́жели зла́та и҆ сребра̀ сокрѡ́вища. Честнѣ́йшаѧ же є҆́сть ка́менїй многоцѣ́нныхъ: все́ же честно́е недосто́йно є҆ѧ̀ є҆́сть. Долгота́ бо дне́й и҆ лѣ́та живота̀ въ десни́цѣ є҆ѧ̀, въ шꙋ́йцѣ же є҆ѧ̀ бога́тство и҆ сла́ва: ѿ ᲂу҆́стъ є҆ѧ̀ и҆схо́дитъ пра́вда, зако́нъ же и҆ млⷭ҇ть на ѧ҆зы́цѣ но́ситъ. Послꙋ́шайте ᲂу҆̀бо менѐ, ѽ ча̑да, честна̑ѧ бо рекꙋ̀: и҆ бл҃же́нъ человѣ́къ, и҆́же пꙋти̑ моѧ̑ сохрани́тъ: и҆схо́ди бо моѝ и҆схо́ди живота̀, и҆ ᲂу҆готовлѧ́етсѧ хотѣ́нїе ѿ гдⷭ҇а. Сегѡ̀ ра́ди молю̀ ва́съ, и҆ предлага́ю мо́й гла́съ сыновѡ́мъ человѣ́чєскимъ: ꙗ҆́кѡ а҆́зъ, премꙋ́дрость, ᲂу҆стро́ихъ совѣ́тъ, и҆ ра́зꙋмъ и҆ смы́слъ а҆́зъ призва́хъ. Мо́й совѣ́тъ и҆ ᲂу҆твержде́нїе, мо́й ра́зꙋмъ, моѧ́ же крѣ́пость. А҆́зъ менѐ лю́бѧщыѧ люблю̀, и҆́щꙋщїи же менѐ ѡ҆брѧ́щꙋтъ бл҃года́ть. Разꙋмѣ́йте ᲂу҆̀бо неѕло́бивїи кова́рство, ненака́заннїи же прилага́йте сердца̀. Послꙋ́шайте менѐ и҆ па́ки, честна́ѧ бо рекꙋ̀, и҆ ѿве́рзꙋ ѿ ᲂу҆сте́нъ пра̑ваѧ: ꙗ҆́кѡ и҆́стинѣ поꙋчи́тсѧ горта́нь мо́й, мє́рзки же предо мно́ю ᲂу҆стны̀ лжи̑выѧ. Съ пра́вдою всѝ глаго́лы ᲂу҆́стъ мои́хъ: ничто́же въ ни́хъ стро́потно, нижѐ развраще́нно. Всѧ̑ пра̑ва сꙋ́ть разꙋмѣва́ющымъ, и҆ прѡ́ста ѡ҆брѣта́ющымъ ра́зꙋмъ. Наꙋчꙋ́ бо ва́съ и҆́стинѣ, да бꙋ́детъ ѡ҆ гдⷭ҇ѣ наде́жда ва́ша, и҆ и҆спо́лнитесѧ дх҃а."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́новы чте́нїе."
|
|
},
|
|
{
|
|
"type": "TEXT",
|
|
"value": "(Главы̑ і҃, а҃і) Оу҆ста̀ првⷣнагѡ ка́плютъ премꙋ́дрость: ᲂу҆стнѣ́ же мꙋже́й мꙋ́дрыхъ вѣ́дѧтъ бл҃года́ть. Оу҆ста̀ мꙋ́дрыхъ поꙋча́тсѧ премꙋ́дрости, пра́вда же и҆збавлѧ́етъ и҆̀хъ ѿ сме́рти. Сконча́вшꙋсѧ мꙋ́жꙋ пра́веднꙋ, не поги́бнетъ наде́жда. Сы́нъ бо пра́веденъ ражда́етсѧ въ живо́тъ, и҆ во бл҃ги́хъ свои́хъ пло́дъ пра́вды ѡ҆б̾и́метъ. Свѣ́тъ првⷣнымъ всегда̀, и҆ ѿ гдⷭ҇а ѡ҆брѧ́щꙋтъ бл҃года́ть и҆ сла́вꙋ. Ѧ҆зы́къ мꙋ́дрыхъ дѡ́браѧ свѣ́сть, и҆ въ се́рдцѣ и҆́хъ почі́етъ мꙋ́дрость. Лю́битъ гдⷭ҇ь преподѡ́бнаѧ сердца̀, прїѧ́тни же є҆мꙋ̀ всѝ непоро́чнїи въ пꙋтѝ. Мꙋ́дрость гдⷭ҇нѧ просвѣща́етъ лицѐ разꙋ́мнагѡ: постига́етъ бо жела́ющыѧ ю҆̀, пре́жде да́же разꙋмѣ́ти ю҆̀, и҆ ᲂу҆до́бь ᲂу҆́зритсѧ ѿ лю́бѧщихъ ю҆̀. Оу҆́треневавый къ не́й, не ᲂу҆трꙋди́тсѧ: и҆ бдѧ́й є҆ѧ̀ ра́ди, вско́рѣ без̾ печа́ли бꙋ́детъ. Ꙗ҆́кѡ досто́йныхъ є҆ѧ̀ сама̀ ѡ҆бхо́дитъ и҆́щꙋщи, и҆ во стезѧ́хъ є҆ѧ̀ ꙗ҆влѧ́етсѧ и҆̀мъ бл҃гопрїе́мнѣ. Мꙋ́дрости никогда́же ѡ҆долѣ́етъ ѕло́ба. Си́хъ ра́ди и҆ рачи́тель бы́хъ добро́ты є҆ѧ̀: и҆ возлюби́хъ ю҆̀, и҆ поиска́хъ ѿ ю҆́ности моеѧ̀: и҆ взыска́хъ невѣ́стꙋ привестѝ себѣ̀, ꙗ҆́кѡ всѣ́хъ влⷣка возлюбѝ ю҆̀. Таи́бница бо є҆́сть бж҃їѧ хи́трости и҆ ѡ҆брѣта́тельница дѣ́лъ є҆гѡ̀. Трꙋды̀ є҆ѧ̀ сꙋ́ть добродѣ́тєли: цѣломꙋ́дрїю же и҆ ра́зꙋмꙋ та̀ ᲂу҆чи́тъ, пра́вдѣ и҆ мꙋ́жествꙋ, и҆́хже потре́бнѣе ничто́же є҆́сть въ житїѝ человѣ́кѡмъ. А҆́ще же и҆ мно́гагѡ и҆скꙋ́сства жела́етъ кто̀, вѣ́сть дрє́внѧѧ и҆ бы́ти хотѧ̑щаѧ разсмо́тритъ: свѣ́сть и҆зви̑тїѧ слове́съ и҆ разрѣшє́нїѧ гада́нїй: зна́мєнїѧ и҆ чꙋдеса̀ проразꙋмѣ́етъ, и҆ сбытїѧ̑ време́нъ и҆ лѣ́тъ: и҆ всѣ̑мъ совѣ́тникъ є҆́сть бл҃гъ, ꙗ҆́кѡ безсме́ртїе є҆́сть въ не́й, и҆ бл҃госла́вїе во ѻ҆бще́нїи слове́съ є҆ѧ̀. Сегѡ̀ ра́ди бесѣ́довахъ ко гдⷭ҇ꙋ, и҆ помоли́хсѧ є҆мꙋ̀, и҆ рѣ́хъ ѿ всегѡ̀ се́рдца моегѡ̀: бж҃е ѻ҆тцє́въ и҆ гдⷭ҇и млⷭ҇ти, сотвори́вый всѧ̑ сло́вомъ твои́мъ и҆ мꙋ́дростїю твое́ю ᲂу҆стро́ивый человѣ́ка, да владѣ́етъ бы́вшими ѿ тебє̀ тварьмѝ и҆ да ᲂу҆правлѧ́етъ мі́ръ въ преподо́бїи и҆ пра́вдѣ: да́ждь мѝ твои́хъ прⷭ҇то́лѡвъ присѣдѧ́щꙋю премꙋ́дрость: и҆ не ѿлꙋчѝ менѐ ѿ ѻ҆́трѡкъ твои́хъ, ꙗ҆́кѡ а҆́зъ ра́бъ тво́й и҆ сы́нъ рабы́ни твоеѧ̀. Послѝ ю҆̀ съ нб҃съ ѿ ст҃а́гѡ жили́ща твоегѡ̀ и҆ ѿ прⷭ҇то́ла сла́вы твоеѧ̀, да сꙋ́щи со мно́ю наꙋчи́тъ мѧ̀, что̀ бл҃гоꙋго́дно є҆́сть пред̾ тобо́ю: и҆ наста́витъ мѧ̀ въ ра́зꙋмъ, и҆ сохрани́тъ мѧ̀ во сла́вѣ свое́й. Помышлє́нїѧ бо сме́ртныхъ всѧ̑ боѧзли̑ва, и҆ погрѣши́тєльна ᲂу҆мышлє́нїѧ и҆́хъ."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́новы чте́нїе."
|
|
},
|
|
{
|
|
"type": "TEXT",
|
|
"value": "(Главы̑ д҃, ѕ҃, з҃, в҃) Похвалѧ́емꙋ првⷣникꙋ, возвеселѧ́тсѧ лю́дїе: безсме́ртїе бо є҆́сть па́мѧть є҆гѡ̀, ꙗ҆́кѡ ѿ гдⷭ҇а познава́етсѧ и҆ ѿ человѣ̑къ: и҆ ᲂу҆го́дна гдⷭ҇еви дꙋша̀ є҆гѡ̀. Возлюби́те ᲂу҆̀бо, ѽ мꙋ́жїе, мꙋ́дрость, и҆ поживетѐ: восхощи́те є҆ѧ̀, и҆ нака́зани бꙋ́дете: нача́ло бо є҆ѧ̀ любы̀ и҆ соблюде́нїе зако́на. Почти́те премꙋ́дрость, да во вѣ́ки ца́рствꙋете. Возвѣщꙋ̀ ва́мъ и҆ не скры́ю ѿ ва́съ та̑инъ бж҃їихъ: ꙗ҆́кѡ то́й мꙋ́дрости наста́вникъ є҆́сть, и҆ мꙋ́дрыхъ и҆спра́витель, и҆ всѧ́комꙋ смы́слꙋ и҆ дѣ́лꙋ хитре́цъ. И҆ всѣ̑мъ смы́слѡмъ наꙋчи́тъ мꙋ́дрость: є҆́сть бо въ не́й дх҃ъ разꙋ́менъ и҆ ст҃ъ, и҆ сїѧ́нїе свѣ́та присносꙋ́щнагѡ, и҆ ѻ҆́бразъ бл҃гости бж҃їѧ. Та̀ дрꙋ́ги бж҃їѧ и҆ прⷪ҇ро́ки ᲂу҆строѧ́етъ: бл҃голѣ́пнѣйши же є҆́сть со́лнца и҆ па́че всѧ́кагѡ сотворе́нїѧ ѕвѣ́здъ: свѣ́тꙋ сосꙋжда́ема, ѡ҆брѣта́етсѧ пе́рвѣйши. Та̀ ᲂу҆гожда́ющыѧ є҆́й ѿ болѣ́зней и҆зба́ви, и҆ наста́ви на стєзѝ пра̑выѧ: дадѐ и҆̀мъ ра́зꙋмъ и҆мѣ́ти ст҃ъ, и҆ сохранѝ ѧ҆̀ ѿ ловѧ́щихъ, и҆ по́двигъ крѣ́покъ подадѐ и҆̀мъ, да разꙋмѣ́ютъ всѝ, ꙗ҆́кѡ си́льнѣе всегѡ̀ є҆́сть бл҃гоче́стїе: и҆ никогда́же премо́жетъ ѕло́ба мꙋ́дрости, нижѐ пре́йдетъ ѕлы̑ѧ ѡ҆блича́ѧ сꙋ́дъ. Реко́ша же въ себѣ̀, помы́сливше непра́веднѡ: наси́льствꙋемъ првⷣномꙋ, и҆ не пощади́мъ преподо́бства є҆гѡ̀, ни ᲂу҆срами́мсѧ сѣди́нъ ста́рости многолѣ́тны, бꙋ́детъ бо на́мъ крѣ́пость зако́нъ: и҆ ᲂу҆лови́мъ првⷣнаго, ꙗ҆́кѡ неꙋго́денъ на́мъ є҆́сть, и҆ проти́витсѧ дѣлѡ́мъ на́шымъ, и҆ поно́ситъ на́мъ ѿпаде́нїе зако́на, и҆ ѡ҆блича́етъ на́мъ согрѣшє́нїѧ наказа́нїѧ на́шегѡ: возвѣща́етъ на́мъ ра́зꙋмъ и҆мѣ́ти бж҃їй, и҆ ѻ҆́трока гдⷭ҇нѧ себѐ и҆менꙋ́етъ. Бы́сть на́мъ на ѡ҆бличе́нїе помышле́нїй на́шихъ, и҆ тѧ́жекъ на́мъ є҆́сть, и҆ ви́димь, ꙗ҆́кѡ неподо́бно и҆ны̑мъ житїѐ є҆гѡ̀, и҆ и҆змѣнє́ны стєзѝ є҆гѡ̀. Въ порꙋга́нїе вмѣни́хомсѧ є҆мꙋ̀: и҆ ᲂу҆далѧ́етсѧ ѿ пꙋте́й на́шихъ, ꙗ҆́кѡ ѿ нечисто́тъ, и҆ бл҃жи́тъ послѣ̑днѧѧ првⷣныхъ. Оу҆ви́димъ ᲂу҆̀бо, а҆́ще словеса̀ є҆гѡ̀ и҆́стинна сꙋ́ть: и҆скꙋ́симъ, ꙗ҆̀же сбыва́ютсѧ є҆мꙋ̀ Рꙋга́нїемъ и҆ мꙋ́кою и҆стѧ́жемъ є҆го̀, да разꙋмѣ́емъ кро́тость є҆гѡ̀, и҆ и҆скꙋ́симъ безѕло́бство є҆гѡ̀: сме́ртїю безѡбра́зною ѡ҆сꙋ́димъ є҆го̀: бꙋ́детъ бо посѣще́нїе ѿ слове́съ є҆гѡ̀. Сїѧ̀ помы́слиша, и҆ прельсти́шасѧ: ѡ҆слѣпи́ бо ѧ҆̀ ѕло́ба и҆́хъ, и҆ не разꙋмѣ́ша та̑инъ бж҃їихъ, и҆ не разсꙋди́ша, ꙗ҆́кѡ ты̀ є҆сѝ бг҃ъ є҆ди́нъ, живота̀ и҆мѣ́ѧй и҆ сме́рти вла́сть, и҆ сп҃са́ѧй во вре́мѧ ско́рби, и҆ и҆збавлѧ́ѧй ѿ всѧ́кагѡ ѕла̀: ще́дръ и҆ млⷭ҇тивъ, и҆ даѧ̀ прпⷣбнымъ свои̑мъ бл҃года́ть, и҆ свое́ю мы́шцею гѡ́рдымъ противлѧ́ѧсѧ."
|
|
},
|
|
{
|
|
"type": "HEADER",
|
|
"value": "На лїті́и стїхи́ра хра́ма: и҆ ст҃а́гѡ, гла́съ а҃:"
|
|
},
|
|
{
|
|
"type": "TEXT",
|
|
"value": "Подоба́ше непоро́чнѡ соблюде́нномꙋ ст҃и́телѧ дѣ́вственномꙋ тѣ́лꙋ и҆ нетлѣ́нїемъ вѣ́чнымъ просла́витисѧ: сїе́ бо, добродѣ́тельми прпⷣбнагѡ ѡ҆чища́емо, є҆щѐ жи́вꙋ є҆мꙋ̀ сꙋ́щꙋ, хра́мъ ст҃а́гѡ дх҃а быва́етъ, и҆ по преставле́нїи є҆гѡ̀ и҆сто́чникъ чꙋде́сныхъ дарова́нїй ꙗ҆влѧ́етсѧ, и҆́мже со ᲂу҆миле́нїемъ дивѧ́щесѧ, ко ᲂу҆го́дникꙋ вознесе́мъ мл҃твꙋ ѡ҆ сп҃се́нїи дꙋ́шъ на́шихъ."
|
|
},
|
|
{
|
|
"type": "HEADER",
|
|
"value": "Сла́ва, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Ди́вный во ст҃ы́хъ гдⷭ҇ь въ житїѝ ст҃и́телѧ і҆ѡаса́фа просла́висѧ, и҆ по преставле́нїи є҆гѡ̀ нетлѣ́нными моща́ми чꙋдодѣ́йствꙋетъ, и҆ безчи́слєнныѧ лю́ди вѣ́ровати и҆ ᲂу҆пова́ти на по́мощь нбⷭ҇нꙋю наꙋча́етъ. Потщи́мсѧ ᲂу҆̀бо, ѽ бра́тїе, є҆́же є҆ди́но на потре́бꙋ и҆ска́ти, и҆ дꙋ́шы на́шѧ покаѧ́нїемъ ѡ҆чища́ти, ст҃и́телѧ въ по́мощь призыва́юще, и҆ въ трⷪ҇цѣ воспѣва́емаго бг҃а прославлѧ́ти во вѣ́ки."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Творе́цъ и҆ и҆зба́витель мо́й, пречⷭ҇таѧ, хрⷭ҇то́съ гдⷭ҇ь, и҆з̾ твои́хъ ложе́снъ проше́дъ, въ мѧ̀ ѡ҆болкі́йсѧ, пе́рвыѧ клѧ́твы а҆да́ма свободѝ. Тѣ́мже тѝ, всечⷭ҇таѧ, ꙗ҆́кѡ бж҃їи мт҃ри же и҆ дв҃ѣ вои́стинꙋ, вопїе́мъ немо́лчнѡ: ра́дꙋйсѧ, а҆́гг҃льски, ра́дꙋйсѧ, влⷣчце, предста́тельство и҆ покро́ве, и҆ сп҃се́нїе дꙋ́шъ на́шихъ."
|
|
},
|
|
{
|
|
"type": "HEADER",
|
|
"value": "На стїхо́внѣ стїхи̑ры, гла́съ з҃:"
|
|
},
|
|
{
|
|
"type": "TEXT",
|
|
"value": "Оу҆краси́тесѧ, черто́зи нбⷭ҇нїи, ѿве́рзитесѧ, двє́ри до́мꙋ бж҃їѧ: се́ бо ѿ землѝ вознесе́сѧ пра́веднаѧ дꙋша̀ ст҃и́телѧ и҆ со а҆́гг҃лы водворѧ́етсѧ, и҆̀мже житїе́мъ свои́мъ поревнова̀. Тогѡ̀ мл҃твами, хрⷭ҇тѐ бж҃е, пощадѝ и҆ сп҃сѝ дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "Првⷣныхъ дꙋ́шы въ рꙋцѣ̀ бж҃їей, и҆ не ко́снетсѧ и҆́хъ мꙋ́ка: но и҆ ме́ртвенное тѣ́ло првⷣнагѡ і҆ѡаса́фа тлѣ́нїю неприча́стно пребыва́етъ и҆ растлѣ́ннымъ грѣхмѝ дꙋша́мъ и҆сто́чникъ бл҃года́ти ꙗ҆влѧ́етсѧ, є҆ще́ же и҆ болѧ́щымъ здра́вїе да́рꙋетъ, є҆гда̀ мл҃твъ ᲂу҆го́дника бж҃їѧ воспро́сѧтъ и҆ къ моща́мъ є҆гѡ̀ съ вѣ́рою притека́ютъ."
|
|
},
|
|
{
|
|
"type": "TEXT",
|
|
"value": "Поревнꙋ́имъ ѡ҆ бл҃гоче́стїи, бра́тїе, зри́мъ бо сїѐ вѣ́чною сла́вою вѣнча́емо: возненави́димъ горды́ню и҆ сребролю́бїе, ꙗ҆́кѡ та̑ѧ ѿри́нꙋвъ ст҃и́тель хрⷭ҇то́въ, на нб҃сѝ и҆ на землѝ вѣ́чнꙋю сла́вꙋ прїѧ́тъ и҆ сокро́вище ѡ҆брѣ́те неиждива́емое: тѣ́мже и҆ ѡ҆ грѣ́шныхъ лю́дехъ моли́тисѧ дерзнове́нїе и҆ и҆сцѣле́нїй бл҃года́ть ѿ бг҃а стѧжа̀, да и҆ беззакѡ́нныѧ пꙋтє́мъ бж҃їимъ наꙋчи́тъ, и҆ нечести̑выѧ ко гдⷭ҇ꙋ ѡ҆брати́тъ."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Под̾ кро́въ тво́й, влⷣчце, всѝ земноро́днїи прибѣга́юще, вопїе́мъ тѝ: бцⷣе, ᲂу҆пова́нїе на́ше, и҆зба́ви ны̀ ѿ безмѣ́рныхъ прегрѣше́нїй, и҆ сп҃сѝ дꙋ́шы на́шѧ."
|
|
},
|
|
{
|
|
"type": "HEADER",
|
|
"value": "На ᲂу҆́трени. На Бг҃ъ гдⷭ҇ь, тропа́рь, два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Тѧ̀, хода́тайствовавшꙋю:"
|
|
},
|
|
{
|
|
"type": "HEADER",
|
|
"value": "По а҃-мъ стїхосло́вїи сѣда́ленъ, гла́съ д҃:"
|
|
},
|
|
{
|
|
"type": "TEXT",
|
|
"value": "Да возвели́читсѧ і҆ѡаса́фъ, ст҃и́тель хрⷭ҇то́въ, да наслѣ́дитъ ᲂу҆гото́ванное є҆мꙋ̀ вѣ́чное црⷭ҇тво: то́й бо хрⷭ҇тꙋ̀ вѣ́рнѡ слꙋжа́ше, ѡ҆ ме́ньшей бра́тїи є҆гѡ̀ при́снѡ пекі́йсѧ, и҆ ка́ющыѧсѧ въ любо́вь свою̀ прїима́ше, и҆ ны́нѣ мо́литсѧ ѡ҆ дꙋша́хъ на́шихъ. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Те́плое застꙋпле́нїе сꙋ́щымъ въ бѣда́хъ, и҆ помо́щницꙋ на́шꙋ, и҆ къ бг҃ꙋ примире́нїе, є҆́юже ѿ тлѝ и҆зба́вихомсѧ, бцⷣꙋ вѣ́рнїи ᲂу҆бл҃жа́емъ."
|
|
},
|
|
{
|
|
"type": "HEADER",
|
|
"value": "По в҃-мъ стїхосло́вїи сѣда́ленъ, гла́съ и҃:"
|
|
},
|
|
{
|
|
"type": "TEXT",
|
|
"value": "Въ житїѝ твое́мъ, ᲂу҆го́дниче хрⷭ҇то́въ, посто́мъ и҆ трꙋды̀ тѣ́ло твоѐ и҆знꙋри́лъ є҆сѝ: сегѡ̀ ра́ди по сме́рти твое́й нетлѣ́нїемъ процвѣтѐ и҆ и҆сто́чникъ и҆сцѣле́нїй вѣ̑рнымъ быва́етъ. Молѝ прилѣ́жнѡ хрⷭ҇та̀ бг҃а сп҃сти́сѧ дꙋша́мъ на́шымъ. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Ꙗ҆́кѡ всенепоро́чнаѧ невѣ́ста творца̀, ꙗ҆́кѡ неискꙋсомꙋ́жнаѧ мт҃и и҆зба́вителѧ, ꙗ҆́кѡ вмѣсти́лище вы́шнѧгѡ сꙋ́щи, всепѣ́таѧ, беззако́нїй мѧ̀ сꙋ́ща скве́рное жили́ще и҆ въ ра́зꙋмѣ бы́вша бѣсѡ́мъ и҆гра́лище, потщи́сѧ и҆ ѿ си́хъ ѕлодѣ́йствїѧ мѧ̀ и҆зба́вити, свѣ́тлое жили́ще добродѣ́телїю содѣ́лавши: свѣтопрїе́мнице нетлѣ́ннаѧ, ѿженѝ ѡ҆́блакъ страсте́й, и҆ сподо́би го́рнїѧ свѣ́тлости и҆ неле́стнагѡ ѡ҆сїѧ́нїѧ свѣ́та невече́рнѧгѡ твоегѡ̀."
|
|
},
|
|
{
|
|
"type": "HEADER",
|
|
"value": "На полѷеле́и велича́нїе:"
|
|
},
|
|
{
|
|
"type": "TEXT",
|
|
"value": "Велича́емъ тѧ̀, ст҃и́телю ѻ҆́тче і҆ѡаса́фе, и҆ чти́мъ ст҃ꙋ́ю па́мѧть твою̀: ты́ бо мо́лиши за на́съ хрⷭ҇та̀ бг҃а на́шего."
|
|
},
|
|
{
|
|
"type": "TEXT",
|
|
"value": "Ѱало́мъ и҆збра́нный: Оу҆слы́шите сїѧ̑, всѝ ꙗ҆зы́цы:"
|
|
},
|
|
{
|
|
"type": "HEADER",
|
|
"value": "По полѷеле́и сѣда́ленъ, гла́съ в҃:"
|
|
},
|
|
{
|
|
"type": "TEXT",
|
|
"value": "Прїиди́те, всѝ вѣ́рнїи, ѡ҆бстоѧ́ще многоцѣлє́бныѧ мо́щи ст҃и́телѧ, и҆злїе́мъ сердца̀ на̑ша въ мл҃твѣ, да пребꙋ́детъ съ на́ми дꙋ́хомъ свои́мъ, и҆ на бл҃га̑ѧ дѣѧ̑нїѧ да наста́витъ на́съ, и҆ да наꙋчи́тъ и҆скꙋшє́нїѧ пло́ти побѣжда́ти и҆ є҆ди́номꙋ бг҃ꙋ ᲂу҆гожда́ти."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Бж҃е́ственнагѡ є҆стества̀ не ѿлꙋ́чьсѧ, пло́ть бы́сть во чре́вѣ твое́мъ: но бг҃ъ и҆ вочл҃вѣ́чьсѧ пребы́сть, и҆́же по ржⷭ҇твѣ̀ мт҃рь тѧ̀ дв҃ꙋ, ꙗ҆́коже пре́жде ржⷭ҇тва̀, сохранѝ всенепоро́чнꙋ, є҆ди́нъ гдⷭ҇ь. Того̀ прилѣ́жнѡ молѝ, дарова́ти на́мъ ве́лїю млⷭ҇ть."
|
|
},
|
|
{
|
|
"type": "HEADER",
|
|
"value": "Степє́нна, а҃-й а҆нтїфѡ́нъ д҃-гѡ гла́са."
|
|
},
|
|
{
|
|
"type": "HEADER",
|
|
"value": "Прокі́менъ, гла́съ а҃:"
|
|
},
|
|
{
|
|
"type": "TEXT",
|
|
"value": "Оу҆ста̀ моѧ̑ возглаго́лютъ премꙋ́дрость, и҆ поꙋче́нїе се́рдца моегѡ̀ ра́зꙋмъ."
|
|
},
|
|
{
|
|
"type": "TEXT",
|
|
"value": "Сті́хъ: Оу҆слы́шите сїѧ̑, всѝ ꙗ҆зы́цы, внꙋши́те, всѝ живꙋ́щїи по вселе́ннѣй."
|
|
},
|
|
{
|
|
"type": "TEXT",
|
|
"value": "Всѧ́кое дыха́нїе:"
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе ѿ і҆ѡа́нна, зача́ло л҃ѕ."
|
|
},
|
|
{
|
|
"type": "HEADER",
|
|
"value": "По є҆ѵⷢ҇лїи стїхи́ра, гла́съ ѕ҃."
|
|
},
|
|
{
|
|
"type": "TEXT",
|
|
"value": "Непреста́нною мл҃твою, ᲂу҆чи́тельнымъ сло́вомъ, вели́кимъ милосе́рдїемъ и҆ добродѣ́тельнымъ житїе́мъ ѻ҆́бразъ вѣ̑рнымъ бы́лъ є҆сѝ, бг҃омꙋ́дре і҆ѡаса́фе, всѣ́хъ ко хрⷭ҇тꙋ̀ приводѧ̀ и҆ на пꙋ́ть сп҃се́нїѧ наставлѧ́ѧ: твоегѡ̀ пастыренача́льства не лишѝ и҆ на́съ, вели́кїй ст҃и́телю бж҃їй, почита́ющихъ па́мѧть твою̀ вѣ́рнѡ."
|
|
},
|
|
{
|
|
"type": "HEADER",
|
|
"value": "Канѡ́нъ бцⷣы, на ѕ҃, и҆ ст҃а́гѡ, на и҃."
|
|
},
|
|
{
|
|
"type": "HEADER",
|
|
"value": "Катава́сїа:"
|
|
},
|
|
{
|
|
"type": "TEXT",
|
|
"value": "д҃-гѡ септе́мврїа: Крⷭ҇тъ начерта́въ мѡѷсе́й:"
|
|
},
|
|
{
|
|
"type": "TEXT",
|
|
"value": "і҃-гѡ деке́мврїа: Сп҃сѐ лю́ди чꙋдодѣ́йствꙋѧй влⷣка:"
|
|
},
|
|
{
|
|
"type": "TEXT",
|
|
"value": "И҆лѝ: Хрⷭ҇то́съ ражда́етсѧ:"
|
|
},
|
|
{
|
|
"type": "HEADER",
|
|
"value": "Канѡ́нъ ст҃и́телю і҆ѡаса́фꙋ, гла́съ д҃, и҆мѣ́ѧй краегране́сїе сицево̀:"
|
|
},
|
|
{
|
|
"type": "TEXT",
|
|
"value": "І҆ѡаса́фе свѧти́телю, моли́сѧ ѡ҆ царѣ̀ и҆ лю́дехъ."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Трїста́ты крѣ̑пкїѧ, рожде́йсѧ ѿ дв҃ы, безстра́стїѧ во глꙋбинѣ̀, дꙋшѝ трича́стное потопѝ, молю́сѧ, да тебѣ̀, ꙗ҆́кѡ въ тѷмпа́нѣ, во ᲂу҆мерщвле́нїи тѣлесѐ побѣ́дное воспою̀ пѣ́нїе."
|
|
},
|
|
{
|
|
"type": "TEXT",
|
|
"value": "Припѣ́въ: Ст҃и́телю ѻ҆́тче і҆ѡаса́фе, молѝ бг҃а ѡ҆ на́съ."
|
|
},
|
|
{
|
|
"type": "TEXT",
|
|
"value": "І҆ѡаса́фа ст҃и́телѧ воспѣва́юще по́двиги, ѡ҆чи́стимъ по́мыслы ᲂу҆ма̀ на́шегѡ, бра́тїе, того̀ подвиза́юще на мл҃твꙋ ѡ҆ проще́нїи грѣ̑хъ на́шихъ и҆ бл҃года́тнагѡ ᲂу҆миле́нїѧ дарова́нїи."
|
|
},
|
|
{
|
|
"type": "TEXT",
|
|
"value": "Ѡ҆ твое́мъ бл҃гоче́стїи и҆змла́да потща́вшесѧ роди́телїе твоѝ, ᲂу҆го́дниче хрⷭ҇то́въ, досто́йнꙋю мздꙋ̀ трꙋдѡ́въ свои́хъ въ тебѣ̀ стѧжа́ша, ꙗ҆́кѡ ѿ младе́нчества твоегѡ̀ бл҃гочести́вымъ нра́вомъ ра́дость тѣ̑мъ бы́лъ є҆сѝ."
|
|
},
|
|
{
|
|
"type": "TEXT",
|
|
"value": "А҆́ннѣ пра́веднѣй ᲂу҆подо́бисѧ ѻ҆те́цъ тво́й, ст҃и́телю: та́ бо дще́рь свою̀ во ст҃о́е ст҃ы́хъ вводи́мꙋ ви́дѣ, се́й же тѧ̀ ѿ тоѧ́жде прест҃ы́ѧ бцⷣы а҆рхїере́йскою сла́вою вѣнча́нна въ видѣ́нїи чꙋ́днѣмъ позна́ти сподо́бисѧ."
|
|
},
|
|
{
|
|
"type": "TEXT",
|
|
"value": "Себє̀ сама́гѡ пла́чꙋ ѡ҆каѧ́нный а҆́зъ, ѿ ю҆́ности страсте́мъ порабо́тивсѧ: поми́лꙋй мѧ̀ предста́тельствомъ твои́мъ, ст҃и́телю, ѿ ю҆́ности стра̑сти поработи́вый и҆ є҆ди́номꙋ бг҃ꙋ до сме́рти послꙋжи́вый."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Го́рꙋ ст҃ꙋ́ю, превы́шнее носи́ло, мт҃рь бж҃їю и҆ дв҃ꙋ и҆́стиннꙋю по ржⷭ҇твѣ̀ воспои́мъ."
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "TEXT",
|
|
"value": "І҆рмо́съ: Съ высоты̀ снизше́лъ є҆сѝ во́лею на зе́млю, превы́ше всѧ́кагѡ нача́ла, и҆ смире́нное возне́слъ є҆сѝ и҆з̾ а҆́да преиспо́днѧгѡ є҆стество̀ человѣ́ческое: нѣ́сть бо ст҃ъ па́че тебє̀, чл҃вѣколю́бче."
|
|
},
|
|
{
|
|
"type": "TEXT",
|
|
"value": "А҆́ще и҆ ча́до послꙋ́шное роди́телємъ твои̑мъ бы́лъ є҆сѝ, і҆ѡаса́фе, но, гдⷭ҇а па́че си́хъ возлюби́въ, и҆з̾ ѻ҆те́ческагѡ до́ма сп҃се́нїѧ ра́ди ᲂу҆дали́лсѧ є҆сѝ, и҆ наꙋче́нїе кни́жное воспрїи́мъ, во ѻ҆би́тель и҆́ноческꙋю себѐ заключи́лъ є҆сѝ."
|
|
},
|
|
{
|
|
"type": "TEXT",
|
|
"value": "Фарїсе́йскагѡ возноше́нїѧ чꙋ́ждь ꙗ҆ви́лсѧ є҆сѝ, ѻ҆́тче прпⷣбне: мона́шеское же смире́нїе ѿ ю҆́ности возлюби́въ, та́йными пѡ́двиги пло́ть смирѧ́лъ є҆сѝ, и҆ дꙋ́шꙋ твою̀ мл҃твою пред̾ ѻ҆ц҃е́мъ нбⷭ҇нымъ просвѣща́лъ є҆сѝ."
|
|
},
|
|
{
|
|
"type": "TEXT",
|
|
"value": "Є҆́же жи́ти мѝ хрⷭ҇то́съ, и҆ сме́рть прїѡбрѣ́тенїе, глаго́лалъ є҆сѝ въ себѣ̀, хрⷭ҇то́въ ᲂу҆го́дниче, и҆ болѣ́знемъ пло́ть твою̀ сокрꙋша́ющымъ, трꙋды̀ ко трꙋдѡ́мъ гдⷭ҇а ра́ди прилага́лъ є҆сѝ."
|
|
},
|
|
{
|
|
"type": "TEXT",
|
|
"value": "Ст҃о́е послꙋша́нїе воспрїи́мъ и҆ сщ҃е́нства ѡ҆де́ждою ᲂу҆кра́шенъ, і҆ѡаса́фъ ᲂу҆го́дникъ хрⷭ҇то́въ ᲂу҆чи́тель до́бръ ѻ҆трокѡ́мъ быва́етъ, сло́вомъ и҆ житїе́мъ тѣ́хъ бл҃гоче́стїю наꙋча́ѧ и҆ во млады́хъ лѣ́тѣхъ ᲂу҆́мъ зрѣ́лый ꙗ҆влѧ́ѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Неискꙋсобра́чнаѧ бг҃а пло́тїю ро́ждшаѧ, стра́стными прилѡ́ги преклоне́на мѧ̀ ᲂу҆твердѝ: нѣ́сть бо, чⷭ҇таѧ, ра́звѣ тебє̀ помо́щница."
|
|
},
|
|
{
|
|
"type": "HEADER",
|
|
"value": "Сѣда́ленъ, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Ка́ѧ добродѣ́тель не ѡ҆брѣ́те въ дꙋшѝ твое́й ѡ҆бита́лища; ко́егѡ по́двига не бы́лъ є҆сѝ побо́рникъ; нищета́ бо дꙋхо́внаѧ и҆ ѡ҆ црⷭ҇твїи нбⷭ҇нѣмъ пла́чь, и҆ нра́ва кро́тость, и҆ пра́вды и҆ска́нїе, и҆ ко бли́жнимъ милосе́рдїе, и҆ се́рдца чистота̀ во твое́мъ непоро́чнѣмъ житїѝ просїѧ́ша. Тѣ́хъ ᲂу҆̀бо дарова́нїй ѻ҆́бщники ны̀ молѧ́щыѧсѧ сотворѝ, и҆ ѡ҆ дꙋша́хъ на́шихъ предста́тель бꙋ́ди, і҆ѡаса́фе и҆збра́нниче бж҃їй. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Бл҃гослове́ннꙋю нарекі́й твою̀ мт҃рь, прише́лъ є҆сѝ на стрⷭ҇ть во́льнымъ хотѣ́нїемъ, возсїѧ́въ на крⷭ҇тѣ̀, взыска́ти хотѧ̀ а҆да́ма, глаго́лѧ а҆́гг҃лѡмъ: сра́дꙋйтесѧ мнѣ̀, ꙗ҆́кѡ ѡ҆брѣ́тесѧ поги́бшаѧ дра́хма. Всѧ̀ мꙋ́дрѣ ᲂу҆стро́ивый, бж҃е на́шъ, сла́ва тебѣ̀."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "TEXT",
|
|
"value": "І҆рмо́съ: Сѣдѧ́й въ сла́вѣ на прⷭ҇то́лѣ бж҃ества̀, во ѡ҆́блацѣ ле́гцѣ прїи́де і҆и҃съ пребж҃е́ственный, нетлѣ́нною дла́нїю, и҆ сп҃сѐ зовꙋ́щыѧ: сла́ва, хрⷭ҇тѐ, си́лѣ твое́й."
|
|
},
|
|
{
|
|
"type": "TEXT",
|
|
"value": "Вѣ́мъ и҆ а҆́зъ пꙋ́ть ко сп҃се́нїю ведꙋ́щїй, но лѣ́ности пло́ти моеѧ̀ не побѣжда́ю, ᲂу҆вы̀ мнѣ̀. Сегѡ̀ ра́ди тѧ̀, ст҃и́телю, призыва́ю въ мл҃твꙋ, да жела́нїе сп҃се́нїѧ во мнѣ̀ ᲂу҆тверди́ши."
|
|
},
|
|
{
|
|
"type": "TEXT",
|
|
"value": "Ꙗ҆́корь сп҃се́нїѧ и҆мѣ́ѧ наде́ждꙋ на гдⷭ҇а, слꙋже́нїе и҆гꙋ́менское прїѧ́лъ є҆сѝ, и҆ къ попече́нїємъ ѡ҆ строи́тельствѣ домо́внѣмъ понꙋжда́емь, дꙋ́шꙋ твою̀ ᲂу҆строѧ́ти ко сп҃се́нїю не преста́лъ є҆сѝ: семꙋ̀ и҆ менѐ многосꙋ́етнаго наꙋча́й, ѻ҆́тче прпⷣбне."
|
|
},
|
|
{
|
|
"type": "TEXT",
|
|
"value": "Трꙋды̀ ко трꙋдѡ́мъ прилага́ѧ и҆ ѻ҆би́тель лꙋбе́нскꙋю ѿ разрꙋше́нїѧ воздвиза́ѧ, по земли́ же рѡссі́йстѣй за ми́лостынею стра́нствꙋѧ, ст҃и́тель і҆ѡаса́фъ цари́цꙋ во бл҃гоче́стїи ᲂу҆твержда́етъ и҆ всѧ̑ лю́ди сп҃се́нїю дꙋ́шъ наꙋча́етъ."
|
|
},
|
|
{
|
|
"type": "TEXT",
|
|
"value": "И҆мѣ́ѧ въ се́рдцѣ свое́мъ при́снꙋю къ ни́щымъ любо́вь, і҆ѡаса́фъ хрⷭ҇то́въ ᲂу҆го́дникъ ѻ҆те́ческое попече́нїе ѡ҆ монасты́рскихъ трꙋ́дницѣхъ ꙗ҆влѧ́етъ и҆ ѿ доста́тка своегѡ̀ щедрѡ́ты бли̑жнимъ свои̑мъ ѿверза́етъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Гпⷭ҇жѐ всепѣ́таѧ бг҃ороди́тельнице, моѧ̑ помышлє́нїѧ твои́ми мл҃твами ѡ҆чи́стивши, покажи́ мѧ бл҃гопло́дна, мт҃и всѣ́хъ бг҃а."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ны́нѣ воста́нꙋ, проро́чески речѐ бг҃ъ, ны́нѣ просла́влюсѧ, ны́нѣ вознесꙋ́сѧ, па́дшаго прїе́мъ ѿ дв҃ы и҆ къ свѣ́тꙋ ᲂу҆́мномꙋ возносѧ́й моегѡ̀ бж҃ества̀."
|
|
},
|
|
{
|
|
"type": "TEXT",
|
|
"value": "Тебѐ, ст҃и́телю хрⷭ҇то́въ, молю̀ въ сокрꙋше́нїи се́рдца: ꙗ҆́коже въ житїѝ твое́мъ ка́ющыѧсѧ проща́лъ є҆сѝ, та́кѡ и҆ моегѡ̀ се́рдца сокрꙋше́нїе зрѧ̀, ᲂу҆молѝ гдⷭ҇а грѣхѡ́мъ мои̑мъ проще́нїе дарова́ти."
|
|
},
|
|
{
|
|
"type": "TEXT",
|
|
"value": "Є҆ле́нь на и҆сто́чники водны̑ѧ ᲂу҆стремлѧ́етсѧ: ты́ же, ᲂу҆го́дниче, ко сла́вѣ цр҃кве хрⷭ҇то́вы всѧ̑ дѣѧ̑нїѧ и҆ по́мыслы твоѧ̑ при́снѡ ᲂу҆стремлѧ́лъ є҆сѝ, и҆ та́кѡ ѻ҆би́тєли ст҃и́телѧ а҆ѳана́сїа и҆ прпⷣбнагѡ се́ргїа є҆ли́кѡ строе́нїемъ цр҃ко́внымъ, толи́кѡ и҆ бл҃гоче́стїемъ бра́тїи ᲂу҆краси́лъ є҆сѝ."
|
|
},
|
|
{
|
|
"type": "TEXT",
|
|
"value": "Лю́дїе, слы́шите и҆ чꙋди́тесѧ ᲂу҆го́дника смиренномꙋ́дрїю: се́й бо ст҃а́го а҆ѳана́сїа въ видѣ́нїи зри́тъ и҆ томꙋ̀ вопроси́вшꙋ ѿвѣщава́етъ: хощꙋ̀, да менѐ ꙗ҆́коже грѣ́шника нака́жеши."
|
|
},
|
|
{
|
|
"type": "TEXT",
|
|
"value": "Ю҆́наго соломѡ́на, не бога́тства, но мꙋ́дрости ѿ ꙗ҆ви́вшагѡсѧ гдⷭ҇а просѧ́ща, похвалѧ́етъ вы́шнїй, и҆ вселе́ннаѧ при́снѡ прославлѧ́етъ: но тогѡ̀ мꙋдрѣ́йшїй і҆ѡаса́фъ показꙋ́етсѧ, наказа́нїѧ грѣхѡ́мъ свои̑мъ ѿ ꙗ҆́вльшагѡсѧ ст҃и́телѧ и҆спроша́ѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Воплоти́сѧ бг҃ъ по ѵ҆поста́си, чⷭ҇таѧ, и҆з̾ тебє̀ пло́ти соединѧ́емь, пребы́въ неизмѣ́ненъ, по бж҃е́ственномꙋ сꙋществꙋ̀ безпло́тенъ."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Возопѝ, проѡбразꙋ́ѧ погребе́нїе тридне́вное, прⷪ҇ро́къ і҆ѡ́на, въ ки́тѣ молѧ́сѧ: ѿ тлѝ и҆зба́ви мѧ̀, і҆и҃се цр҃ю̀ си́лъ."
|
|
},
|
|
{
|
|
"type": "TEXT",
|
|
"value": "Мл҃твами прпⷣбнагѡ се́ргїа, твои́ми же трꙋды̑ во сла́вꙋ ст҃ы́хъ бж҃їихъ, па́че же се́рдца чистото́ю, ѿ гдⷭ҇а є҆щѐ на землѝ возвели́ченъ бы́лъ є҆сѝ, ᲂу҆го́дниче, и҆ ст҃и́тельскимъ са́номъ во сп҃се́нїе па́ствы твоеѧ̀ ѡ҆блече́нъ бы́лъ є҆сѝ."
|
|
},
|
|
{
|
|
"type": "TEXT",
|
|
"value": "Ѻ҆́гненнꙋю ре́вность ѡ҆ и҆справле́нїи цр҃ко́внѣмъ ꙗ҆влѧ́лъ є҆сѝ въ бѣлогра́дстѣмъ предѣ́лѣ, і҆ѡаса́фе ст҃и́телю: тѣ́мже и҆ дне́сь подава́й цр҃кви ми́ръ, вѣ̑рнымъ ᲂу҆твержде́нїе."
|
|
},
|
|
{
|
|
"type": "TEXT",
|
|
"value": "Любвѐ сыно́внїѧ не ѿпа́лъ є҆сѝ, на высотѣ̀ ст҃и́тельства пребыва́ѧ, и҆ роди́телю твоемꙋ̀ земно́е поклоне́нїе возда́лъ є҆сѝ, хрⷭ҇тꙋ̀ посредѣ̀ ва́съ сꙋ́щꙋ: ᲂу҆̀бо и҆ моѐ смирѝ прего́рдое се́рдце, и҆ мл҃твами твои́ми вразꙋми́ мѧ."
|
|
},
|
|
{
|
|
"type": "TEXT",
|
|
"value": "И҆́нокъ нестѧжа́теленъ на престо́лѣ а҆рхїере́йства пребы́лъ є҆сѝ, ст҃и́телю, по́двиги поста̀ и҆ мл҃твы ᲂу҆множа́ѧ, до́брое ѡ҆ себѣ̀ и҆ ѡ҆ лю́дехъ возносѧ̀ моле́нїе, і҆ерє́и же и҆ всѧ̑ лю́ди за́повѣдемъ бж҃їимъ наꙋча́ѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Всѧ́кагѡ сꙋщества̀ вы́шшее, сло́во бж҃їе воплоще́нно на́мъ родила̀ є҆сѝ: тѣ́мже бцⷣꙋ тѧ̀ ᲂу҆стна́ми и҆ дꙋше́ю проповѣ́дꙋемъ."
|
|
},
|
|
{
|
|
"type": "HEADER",
|
|
"value": "Конда́къ, гла́съ и҃:"
|
|
},
|
|
{
|
|
"type": "TEXT",
|
|
"value": "Многоразли́чныѧ по́двиги житїѧ̀ твоегѡ̀ кто̀ и҆сповѣ́сть; многоѡбра́зныѧ млⷭ҇ти бж҃їѧ тобо́ю ꙗ҆влє́нныѧ кто̀ и҆счи́слитъ; дерзнове́нїе же твоѐ ᲂу҆ пречⷭ҇тыѧ бцⷣы и҆ всеще́драгѡ бг҃а до́брѣ вѣ́дꙋще, во ᲂу҆миле́нїи серде́чнѣмъ зове́мъ тѝ: не лишѝ и҆ на́съ твоеѧ̀ по́мощи и҆ застꙋпле́нїѧ, ст҃и́телю хрⷭ҇то́въ и҆ чꙋдотво́рче і҆ѡаса́фе."
|
|
},
|
|
{
|
|
"type": "TEXT",
|
|
"value": "І҆́косъ: Пречⷭ҇тою бг҃омт҃рїю ѿ ю҆́ности въ сосꙋ́дъ бл҃года́ти и҆збра́нный, бл҃гочести́вымъ житїе́мъ вои́стинꙋ до́брый па́стырь слове́сныхъ ѻ҆ве́цъ ꙗ҆ви́лсѧ є҆сѝ, ст҃и́телю: тѣ́мже прїѧ́лъ є҆сѝ да́ръ и҆сцѣле́нїй ѿ возлюби́вшагѡ тѧ̀ хрⷭ҇та̀ бг҃а на́шегѡ. Сегѡ̀ ра́ди зове́мъ тѝ: не лишѝ и҆ на́съ твоеѧ̀ по́мощи и҆ застꙋпле́нїѧ, ст҃и́телю хрⷭ҇то́въ и҆ чꙋдотво́рче і҆ѡаса́фе."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ю҆́нѡши трѝ въ вавѷлѡ́нѣ, велѣ́нїе мꙋчи́телево на бꙋ́йство прело́жше, посредѣ̀ пла́мене вопїѧ́хꙋ: бл҃гослове́нъ є҆сѝ, гдⷭ҇и бж҃е ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Ст҃и́телю і҆ѡаса́фꙋ диви́мсѧ, ѽ лю́дїе, вѣ́дꙋще сего̀, а҆́ки нїкола́а чꙋдотво́рца, бѣ́дныхъ хи̑жины та́йнѡ посѣща́юща, и҆лѝ тѣ̑мъ дрова̀ свои́ма рꙋка́ма ᲂу҆готовлѧ́юща, и҆ бїє́нїѧ ѿ привра́тника прїе́млюща."
|
|
},
|
|
{
|
|
"type": "TEXT",
|
|
"value": "Ꙗ҆́звы грѣхѡ́вныѧ на дꙋша́хъ человѣ́ческихъ прови́дѣлъ є҆сѝ, ст҃и́телю, и҆ та̑йнаѧ прегрѣшє́нїѧ и҆́хъ съ любо́вїю и҆ долготерпѣ́нїемъ ѡ҆блича́лъ є҆сѝ: тѣ́мже и҆ на́съ мл҃твою твое́ю къ покаѧ́нїю и҆ и҆справле́нїю житїѧ̀ приведѝ, и҆ дꙋ́шы на́шѧ предста́тельствомъ твои́мъ поми́лꙋй."
|
|
},
|
|
{
|
|
"type": "TEXT",
|
|
"value": "Ѻ҆́номꙋ власти́телю ᲂу҆подо́бихсѧ а҆́зъ ѡ҆каѧ́нный, и҆́же, са́мъ беззако́ненъ бы́въ, ко ᲂу҆́зникѡмъ ѕѣлѡ̀ же́стокъ ꙗ҆влѧ́шесѧ: но ꙗ҆́коже того̀ наꙋче́нїемъ твои́мъ и҆спра́вилъ є҆сѝ, ѻ҆́тче і҆ѡаса́фе, ст҃и́телю хрⷭ҇то́въ, та́кѡ и҆ менѐ наꙋчѝ ко бли̑жнимъ ми́лостива, къ себѣ́ же же́стока бы́ти."
|
|
},
|
|
{
|
|
"type": "TEXT",
|
|
"value": "Цр҃ѧ̀ нбⷭ҇нагѡ до́брый во́ине и҆ ста́да хрⷭ҇то́ва вѣ́рный па́стырю, мл҃твꙋ сотворѝ ѡ҆ лю́дехъ твои́хъ, да ти́хое житїѐ на землѝ пожи́вше, жи́зни вѣ́чныѧ на нб҃сѣ́хъ сподо́бимсѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Превѣ́чнѡ ѿ ѻ҆ц҃а̀ возсїѧ́вша бг҃а сло́ва во ᲂу҆тро́бѣ пло́тїю заче́ншꙋю всѝ ᲂу҆бл҃жа́емъ, ꙗ҆́кѡ мт҃рь всѣ́хъ бг҃а."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "TEXT",
|
|
"value": "І҆рмо́съ: И҆зба́вителю всѣ́хъ всеси́льне, посредѣ̀ пла́мене бл҃гоче́ствовавшыѧ снизше́дъ ѡ҆роси́лъ є҆сѝ, и҆ наꙋчи́лъ є҆сѝ пѣ́ти: всѧ̑ дѣла̀, бл҃гослови́те, по́йте гдⷭ҇а."
|
|
},
|
|
{
|
|
"type": "TEXT",
|
|
"value": "А҆ѳана́сїю ѻ҆́номꙋ тобо́ю возлю́бленномꙋ подража́тель бы́въ, ст҃и́телю, потща́лсѧ є҆сѝ земно́е житїѐ во стра́нничестѣмъ по́двизѣ сконча́ти, и҆ кончи́нꙋ свою̀ прозрѣ́въ, пꙋтѝ дале́комꙋ небоѧ́зненнѡ вда́лсѧ є҆сѝ."
|
|
},
|
|
{
|
|
"type": "TEXT",
|
|
"value": "Ре́клъ є҆сѝ лю́демъ, ѿ па́ствы твоеѧ̀ ѿходѧ̀: не и҆́мате менѐ жи́ва ᲂу҆зрѣ́ти. Тѣ́мже въ зало́гъ ѻ҆бще́нїѧ та́мѡ гробни́цꙋ тебѣ̀ ᲂу҆стро́ити повелѣ́лъ є҆сѝ. И҆ на́съ ᲂу҆̀бо наꙋчѝ ча́съ сме́ртный па́мѧтовати и҆ ѡ҆ дꙋшѝ свое́й попече́нїе непреста́ннѡ храни́ти."
|
|
},
|
|
{
|
|
"type": "TEXT",
|
|
"value": "Є҆ли́ка твоѧ̀ ѡ҆ мона́шестѣмъ житїѝ бѧ́ше ре́вность, толи́ка и҆ ко твои̑мъ при̑снымъ любы̀: занѐ не по пло́ти то́чїю своѝ тебѣ̀ бы́ша, но и҆ дꙋ́хомъ є҆ди́но въ бз҃ѣ съ тобо́ю ꙗ҆ви́шасѧ. Тогѡ̀ ра́ди восхотѣ́лъ є҆сѝ роди́тєли твоѧ̑ пре́жде кончи́ны твоеѧ̀ посѣти́ти и҆ бл҃гослове́нїе бж҃їе тѣ̑мъ препода́ти."
|
|
},
|
|
{
|
|
"type": "TEXT",
|
|
"value": "И҆гꙋ́менъ, близ̾ мѣ́ста твоеѧ̀ пра́ведныѧ кончи́ны подвиза́выйсѧ, ѡ҆ часѣ̀ преставле́нїѧ твоегѡ̀ видѣ́нїемъ и҆звѣствꙋ́етсѧ, и҆ свидѣ́тель вѣ́ренъ ѡ҆ твое́мъ ѿ бг҃а прославле́нїи а҆́бїе быва́етъ. И҆ на мнѣ̀ ᲂу҆̀бо твоеѧ̀ мл҃твы си́лꙋ покажѝ, хрⷭ҇то́въ ᲂу҆го́дниче, и҆ то́ю ѿ мꙋчи́тельства страсте́й свободи́ мѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Всест҃а́ѧ дв҃о, бг҃а сло́ва ро́ждшаѧ пло́тїю, дꙋшѝ моеѧ̀ мра́къ твои́ми мл҃твами ѿгна́вши, просвѣтѝ взыва́юща: бл҃гослови́те, всѧ̑ дѣла̀ гдⷭ҇нѧ, гдⷭ҇а."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ржⷭ҇тво̀ твоѐ нетлѣ́нно ꙗ҆ви́сѧ: бг҃ъ и҆з̾ бокꙋ̀ твоє́ю про́йде, ꙗ҆́кѡ плотоно́сецъ ꙗ҆ви́сѧ на землѝ, и҆ съ человѣ̑ки поживѐ. Тѧ̀, бцⷣе, тѣ́мъ всѝ велича́емъ."
|
|
},
|
|
{
|
|
"type": "TEXT",
|
|
"value": "Любы̀ николи́же ѿпа́даетъ, глаго́летъ бж҃е́ственный дх҃ъ. И҆́стина сїѧ̀ въ чꙋдесѣ́хъ любвѐ твоеѧ̀ и҆звѣсти́сѧ, ст҃и́телю хрⷭ҇то́въ, ꙗ҆́кѡ болѧ́щымъ и҆сцѣле́нїе и҆ скорбѧ́щымъ ᲂу҆тѣше́нїе ѿ твои́хъ нетлѣ́нныхъ и҆сточа́еши моще́й."
|
|
},
|
|
{
|
|
"type": "TEXT",
|
|
"value": "Ю҆́жскїй рѡссі́йскїѧ землѝ предѣ́лъ бл҃годаре́нїй ѡ҆ чꙋдесѣ́хъ твои́хъ и҆спо́лнисѧ и҆здре́вле: ны́нѣ же и҆ ѿ да́льнихъ стра́нъ сѣ́верныхъ притека́ющыѧ зри́мъ и҆ и҆сцѣлє́нныѧ страда́льцы, ѡ҆ твое́мъ застꙋпле́нїи ра́дꙋющыѧсѧ."
|
|
},
|
|
{
|
|
"type": "TEXT",
|
|
"value": "Дѣ́ти стра́ждꙋщыѧ па́че и҆ны́хъ возлюби́лъ є҆сѝ, ст҃и́телю хрⷭ҇то́въ, тѣ̑мъ и҆сцѣлє́нїѧ и҆ бл҃года́тнꙋю по́мощь ᲂу҆множа́ѧ и҆ роди́тєли и҆́хъ ѿ ско́рби къ ра́дости премѣнѧ́ѧ."
|
|
},
|
|
{
|
|
"type": "TEXT",
|
|
"value": "Є҆лїссе́а прⷪ҇ро́ка косте́й прикоснове́нїемъ воста̀ ᲂу҆ме́рый: твои́хъ же моще́й цѣлова́нїемъ безчи́сленнїи и҆сцѣли́шасѧ лю́дїе. И҆ менѐ ᲂу҆̀бо припа́дающа и҆сцѣлѝ ѿ грѣхо́вныхъ страсте́й, и҆ вѣ́рꙋ ᲂу҆крѣпѝ многогрѣ́шныѧ дꙋшѝ моеѧ̀, ѻ҆́тче прпⷣбне."
|
|
},
|
|
{
|
|
"type": "TEXT",
|
|
"value": "Хрⷭ҇тѐ бж҃е, мл҃твами і҆ѡаса́фа ᲂу҆го́дника твоегѡ̀ ми́ръ цр҃кви пода́ждь и҆ бл҃гостоѧ́нїе, ѿ гла́да же и҆ па́гꙋбы и҆збавле́нїе и҆ согрѣше́нїй на́шихъ проще́нїе."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Пло́дъ чре́ва твоегѡ̀, ра́дость ро́ждшаѧ, содѣ́ѧ ликостоѧ́телѧ пѣ́снь пѣ́ти тебѣ̀, велегла́снѡ ра́дꙋйсѧ провѣщава́юща."
|
|
},
|
|
{
|
|
"type": "TEXT",
|
|
"value": "И҆ а҆́бїе: Люби́ти ᲂу҆́бѡ на́мъ, ꙗ҆́кѡ безбѣ́дное стра́хомъ, ᲂу҆до́бѣе молча́нїе: любо́вїю же, дв҃о, пѣ̑сни тка́ти спротѧже́ннѡ сложє́нныѧ неꙋдо́бно є҆́сть. Но и҆, мт҃и, си́лꙋ, є҆ли́ко є҆́сть произволе́нїе, да́ждь."
|
|
},
|
|
{
|
|
"type": "HEADER",
|
|
"value": "Свѣти́ленъ."
|
|
},
|
|
{
|
|
"type": "TEXT",
|
|
"value": "Подо́бенъ: Жєны̀, ᲂу҆слы́шите:"
|
|
},
|
|
{
|
|
"type": "TEXT",
|
|
"value": "Свѣти́льникъ свѣ́тлый і҆ѡаса́фъ да воспое́тсѧ посредѣ̀ цр҃кве, ꙗ҆́кѡ и҆́нокъ преподо́бенъ и҆ ст҃и́тель че́стенъ, немꙋ́дрыхъ наказа́тель и҆ вѣ́ры ᲂу҆чи́тель, болѧ́щихъ вра́чь чꙋдотворѧ́й, бѣсѡ́въ и҆згони́тель и҆ ѡ҆ вселе́ннѣй предста́тель теплѣ́йшїй."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Ве́лїе и҆ пресла́вное ржⷭ҇тва̀ твоегѡ̀ та́инство, бг҃ора́дованнаѧ ѻ҆трокови́це и҆ бг҃омт҃и дв҃о, прⷪ҇ро́цы проповѣ́даша, а҆пⷭ҇ли наꙋчи́ша, мч҃нцы и҆сповѣ́даша, а҆́гг҃ли же воспѣва́ютъ, и҆ человѣ́цы покланѧ́ютсѧ."
|
|
},
|
|
{
|
|
"type": "HEADER",
|
|
"value": "На хвали́техъ стїхи̑ры на д҃, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Ꙗ҆́кѡ до́блѧ:"
|
|
},
|
|
{
|
|
"type": "TEXT",
|
|
"value": "Ст҃и́телѧ гдⷭ҇нѧ мо́щи цѣлꙋ́юще, вѣ́рнїи, ѡ҆чи́стимъ себѐ ѿ скве́рны пло́ти и҆ дꙋ́ха, и҆ па́мѧтїю чꙋде́съ є҆гѡ̀ сердца̀ на̑ша ᲂу҆мили́мъ, въ покаѧ́нїи те́плѣ зовꙋ́ще хрⷭ҇тꙋ̀: гдⷭ҇и, ᲂу҆го́дника твоегѡ̀ мл҃твами вложѝ въ на́съ томꙋ̀ подража́ти жела́нїе. Два́жды."
|
|
},
|
|
{
|
|
"type": "TEXT",
|
|
"value": "Никто́же то́щь ѿ тебє̀ и҆схо́дитъ, ст҃и́телю бж҃їй і҆ѡаса́фе, и҆ и҆сцѣле́нїе тѣ́ла и҆ дꙋшѝ ѡ҆сщ҃е́нїе всѧ́къ прїе́млетъ, а҆́ще съ вѣ́рою по́мощь твою̀ призове́тъ, и҆ ѡ҆ грѣсѣ́хъ свои́хъ покаѧ́нїе приносѧ̀, житїѐ своѐ и҆спра́вити потщи́тсѧ. Томꙋ̀ ᲂу҆̀бо и҆ на́съ наꙋчѝ, ст҃е, и҆ мл҃твꙋ сотворѝ ѡ҆ сп҃се́нїи дꙋ́шъ на́шихъ."
|
|
},
|
|
{
|
|
"type": "TEXT",
|
|
"value": "Слеза́ми ᲂу҆миле́нїѧ ли́ца своѧ̑ ѡ҆роша́юще, вѣ́рнїи, цѣлꙋ́имъ ᲂу҆го́дника нетлѣ̑нныѧ мо́щи, ꙗ҆́кѡ рѣкꙋ̀ чꙋде́съ и҆ и҆сцѣле́нїй и҆сто́чникъ неѡскꙋ́дный, ꙗ҆́кѡ бж҃е́ственныѧ си́лы зна́менїе ꙗ҆снѣ́йшее, є҆́же въ на̑ша маловѣ̑рнаѧ времена̀ въ сердца́хъ вѣ́рꙋ ᲂу҆множа́етъ, невѣ̑рныѧ же къ вѣ́рѣ возво́дитъ и҆ ст҃и́телѧ бж҃їѧ чти́ти всѣ́хъ наꙋча́етъ."
|
|
},
|
|
{
|
|
"type": "HEADER",
|
|
"value": "Сла́ва, гла́съ и҃:"
|
|
},
|
|
{
|
|
"type": "TEXT",
|
|
"value": "Ѽ пресла́внагѡ чꙋдесѐ! Ѽ бж҃е́ственнагѡ къ на́мъ грѣ̑шнымъ долготерпѣ́нїѧ! ꙗ҆́кѡ ᲂу҆мно́жившымсѧ собла́знѡмъ на землѝ и҆ вѣ́рѣ ѕѣлѡ̀ ᲂу҆ма́леннѣй, чꙋдє́снаѧ ᲂу҆множа́ютсѧ ѿ моще́й ст҃и́телѧ и҆сцѣлє́нїѧ. Зри́те ᲂу҆̀бо, лю́дїе рѡссі́йстїи и҆ всѧ̑ вѣ̑рнаѧ хрⷭ҇то́вы цр҃кве ча́да, коли́кѡ мо́жетъ мл҃тва пра́веднича, ка́кѡ дре́внихъ чꙋде́съ подо́бїе дне́сь на́мъ ꙗ҆влѧ́етсѧ. Сла́ва тебѣ̀, хрⷭ҇тѐ бж҃е, ꙗ҆́кѡ ты̀ є҆сѝ ст҃ы́ми чꙋдодѣ́йствꙋѧй: сотвори́ ны достѡ́йны толи́кїѧ бл҃года́ти бы́ти, слы́шатєли и҆ свидѣ́тєли чꙋде́съ ст҃а́гѡ і҆ѡаса́фа сꙋ́щыѧ, и҆ и҆зба́ви на́съ ѿ безмѣ́рныхъ грѣхѡ́въ, и҆ ра́дость сп҃се́нїѧ твоегѡ̀ пода́ждь на́мъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Влⷣчце, прїимѝ мл҃твы ра̑бъ твои́хъ, и҆ и҆зба́ви на́съ ѿ всѧ́кїѧ нꙋ́жды и҆ печа́ли."
|
|
},
|
|
{
|
|
"type": "HEADER",
|
|
"value": "Славосло́вїе вели́кое, и҆ ѿпꙋ́стъ."
|
|
},
|
|
{
|
|
"type": "HEADER",
|
|
"value": "На лїтꙋргі́и слꙋ́жба всѧ̀ ст҃и́тельскаѧ."
|
|
}
|
|
] |