730 lines
55 KiB
JSON
730 lines
55 KiB
JSON
[
|
|
{
|
|
"type": "HEADER",
|
|
"value": "Септе́мврїа з҃"
|
|
},
|
|
{
|
|
"type": "HEADER",
|
|
"value": "Предпра́зднство ржⷭ҇тва̀ прест҃ы́ѧ бцⷣы:"
|
|
},
|
|
{
|
|
"type": "HEADER",
|
|
"value": "И҆ ст҃а́гѡ мꙋ́ченика созѡ́нта:"
|
|
},
|
|
{
|
|
"type": "HEADER",
|
|
"value": "На Гдⷭ҇и, воззва́хъ: стїхи̑ры предпра́зднства, гла́съ а҃."
|
|
},
|
|
{
|
|
"type": "TEXT",
|
|
"value": "Подо́бенъ: Нбⷭ҇ныхъ чинѡ́въ:"
|
|
},
|
|
{
|
|
"type": "TEXT",
|
|
"value": "Всемі̑рныѧ мі́рꙋ ра́дѡсти возсїѧ́ша мы́слєнныѧ лꙋчи̑, предвозвѣща́ющыѧ всѣ̑мъ сл҃нце сла́вы хрⷭ҇та̀ бг҃а, въ ржⷭ҇твѣ̀ твое́мъ, пречⷭ҇таѧ: ты́ бо хода́таица показа́ласѧ є҆сѝ и҆́стиннагѡ весе́лїѧ же и҆ бл҃года́ти."
|
|
},
|
|
{
|
|
"type": "TEXT",
|
|
"value": "Предпра́зднственнаѧ сїѧ̀ сла́ва твоѧ̀, пречⷭ҇таѧ, предвозвѣща́етъ всѣ̑мъ твоѧ̑, ꙗ҆̀же па́че сло́ва лю́демъ благодѣѧ̑нїѧ: ты́ бо ны́нѣ весе́лїѧ хода́таица, и҆ бꙋ́дꙋщїѧ ра́дости на́мъ вина̀, бцⷣе приснодв҃о."
|
|
},
|
|
{
|
|
"type": "TEXT",
|
|
"value": "Бг҃овмѣсти́маѧ ѻ҆трокови́ца, и҆ бцⷣа чⷭ҇таѧ, прⷪ҇ро́кѡвъ сла́ва, дв҃дова дщѝ, дне́сь ражда́етсѧ ѿ і҆ѡакі́ма и҆ а҆́нны цѣломꙋ́дренныѧ: и҆ а҆да́мова клѧ́тва ꙗ҆́же на на́съ, потреблѧ́етсѧ ржⷭ҇тво́мъ є҆ѧ̀."
|
|
},
|
|
{
|
|
"type": "HEADER",
|
|
"value": "И҆́ны стїхи̑ры ст҃а́гѡ, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Да́лъ є҆сѝ зна́менїе:"
|
|
},
|
|
{
|
|
"type": "TEXT",
|
|
"value": "Си́лою ᲂу҆крѣплѧ́ѧ не́мощь твою̀, бл҃же́нне, на́шꙋ не́мощь во́лею понесы́й, мꙋ́ченическое тече́нїе є҆гѡ̀ ра́ди проше́лъ є҆сѝ ра́дꙋѧсѧ, и҆ не крѣ́пкаго врага̀ краснѣ́йшими нога́ми сокрꙋши́лъ є҆сѝ. Тѣ́мъ тебѣ̀ и҆сплетѐ побѣ̑дныѧ вѣнцы̀ і҆и҃съ чл҃вѣколю́бецъ, и҆ сп҃съ дꙋ́шъ на́шихъ."
|
|
},
|
|
{
|
|
"type": "TEXT",
|
|
"value": "Врагѝ ᲂу҆ѧзви́лъ є҆сѝ, ᲂу҆ѧ́звленꙋ тебѣ̀ сла́вне, и҆ на зе́млю неизве́рглъ є҆сѝ крⷭ҇то́мъ воѡрꙋжи́всѧ, и҆ всеѻрꙋ́жїе непобѣди́мыми ѡ҆бложе́нъ ꙗ҆́вѣ, и҆ любо́вїю ᲂу҆твержда́емь, тѧ̀ къ црⷭ҇твѡмъ мы́слєннымъ пресе́льшагѡ, ꙗ҆́кѡ непобѣди́ма мч҃ника, ꙗ҆́кѡ небе́снагѡ человѣ́ка."
|
|
},
|
|
{
|
|
"type": "TEXT",
|
|
"value": "Сп҃сꙋ и҆ гдⷭ҇ꙋ за тѧ̀ вѡ́льныѧ под̾е́мшꙋ стрⷭ҇ти, ꙗ҆́вѣ подо́бѧсѧ, страстоте́рпче созѡ́нте. Самаго̀ себѐ во́льнѡ къ ра́намъ и҆ къ ꙗ҆́звамъ, нестерпи̑мымъ мꙋ́камъ пре́далъ є҆сѝ. Тѣ́мже почествова́ тѧ нбⷭ҇ными дарова̑нїи, и҆ и҆сто́чникъ и҆сцѣле́нїй тѧ̀ лю́бѧщымъ показа̀."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, предпра́зднства, гла́съ д҃. Самогла́сенъ."
|
|
},
|
|
{
|
|
"type": "TEXT",
|
|
"value": "Всечⷭ҇тно́е твоѐ ржⷭ҇тво̀, прест҃а́ѧ дв҃о чⷭ҇таѧ, а҆́гг҃лѡвъ мно́жество на нб҃сѝ, и҆ человѣ́ческїй ро́дъ на землѝ ᲂу҆блажа́емъ, ꙗ҆́кѡ мт҃и была̀ є҆сѝ творца̀ всѣ́хъ хрⷭ҇та̀ бг҃а: того̀ молѧ́щи ѡ҆ на́съ не преста́й, мо́лимсѧ, и҆̀же на тѧ̀ по бз҃ѣ ᲂу҆пова́нїе поло́жшихъ, бцⷣе всепѣ́таѧ, и҆ неискꙋсобра́чнаѧ."
|
|
},
|
|
{
|
|
"type": "HEADER",
|
|
"value": "А҆́ще же въ пѧто́къ ве́чера, Сла́ва, предпра́зднства: И҆ ны́нѣ, догма́тикъ гла́са настоѧ́щагѡ."
|
|
},
|
|
{
|
|
"type": "HEADER",
|
|
"value": "На стїхо́внѣ стїхи̑ры, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Ѽ пресла́внагѡ чꙋдесѐ!"
|
|
},
|
|
{
|
|
"type": "TEXT",
|
|
"value": "Ѽ пресла́внагѡ чꙋдесѐ, ꙗ҆́кѡ ѿ неражда́ющїѧ мт҃ре, и҆ непло́днагѡ заматерѣ́нїѧ, же́злъ цвѣ́тъ носѧ́й, прозѧба́етъ дне́сь, бг҃ома́ти и҆ неискꙋсобра́чнаѧ, ѿ првⷣныхъ і҆ѡакі́ма и҆ а҆́нны. Тѣ́мже ра́дꙋетсѧ ны́нѣ и҆ прⷪ҇ро́ческїй собо́ръ, патрїа́рхѡвъ всѐ торжество̀, въ ржⷭ҇твѣ̀ є҆ѧ̀."
|
|
},
|
|
{
|
|
"type": "TEXT",
|
|
"value": "Сті́хъ: Слы́ши, дщѝ, и҆ ви́ждь, и҆ приклонѝ ᲂу҆́хо твоѐ."
|
|
},
|
|
{
|
|
"type": "TEXT",
|
|
"value": "Дне́сь дв҃дъ ра́дꙋетсѧ, и҆ і҆есе́й ны́нѣ и҆гра́етъ, и҆ леѵі́й велича́етсѧ, и҆ ра́дꙋетсѧ дꙋ́хомъ і҆ѡакі́мъ пра́ведный, и҆ безча́дство а҆́ннино разрѣша́етсѧ, твои́мъ ржⷭ҇тво́мъ марі́е пречⷭ҇таѧ, бг҃ора́дованнаѧ, и҆ а҆́гг҃льскїй собо́ръ съ человѣ́ки, всѝ блажи́мъ бжⷭ҇твеннꙋю ᲂу҆тро́бꙋ твою̀."
|
|
},
|
|
{
|
|
"type": "TEXT",
|
|
"value": "Сті́хъ: Лицꙋ̀ твоемꙋ̀ помо́лѧтсѧ бога́тїи лю́дстїи:"
|
|
},
|
|
{
|
|
"type": "TEXT",
|
|
"value": "Ра́дꙋйсѧ, человѣ́ческїй собо́ре. Ра́дꙋйсѧ, гдⷭ҇ень хра́ме. Ра́дꙋйсѧ, горо̀ ст҃а́ѧ. Ра́дꙋйсѧ, бжⷭ҇твеннаѧ трапе́зо. Ра́дꙋйсѧ, свѣти́льниче свѣ́та. Ра́дꙋйсѧ, сла́во правосла́вныхъ честна́ѧ. Ра́дꙋйсѧ, марі́е мт҃и хрⷭ҇та̀ бг҃а. Ра́дꙋйсѧ, всенепоро́чнаѧ. Ра́дꙋйсѧ, предложе́нїе бжⷭ҇твеннагѡ хлѣ́ба. Ра́дꙋйсѧ, ски́нїе. Ра́дꙋйсѧ, кꙋпино̀ неѡпали́маѧ. Ра́дꙋйсѧ, всѣ́хъ наде́ждо."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, гла́съ д҃. Ге́рманово:"
|
|
},
|
|
{
|
|
"type": "TEXT",
|
|
"value": "Всемі́рнаѧ ра́дость ѿ првⷣныхъ возсїѧ̀ на́мъ, ѿ і҆ѡакі́ма и҆ а҆́нны, всепѣ́таѧ дв҃а, ꙗ҆́же премно́гїѧ ра́ди чистоты̀, хра́мъ бж҃їй ѡ҆дꙋшевле́нный быва́етъ, и҆ є҆ди́на вои́стиннꙋ бцⷣа познава́етсѧ: тоѧ̀ моли́твами хрⷭ҇тѐ бж҃е, ми́ръ мі́рꙋ низпослѝ, и҆ дꙋша́мъ на́шымъ ве́лїю ми́лость."
|
|
},
|
|
{
|
|
"type": "HEADER",
|
|
"value": "Тропа́рь мꙋ́ченика, гла́съ д҃:"
|
|
},
|
|
{
|
|
"type": "TEXT",
|
|
"value": "Мꙋ́ченикъ тво́й, гдⷭ҇и, созѡ́нтъ, во страда́нїи свое́мъ вѣне́цъ прїѧ́тъ нетлѣ́нный ѿ тебє̀, бг҃а на́шегѡ: и҆мѣ́ѧй бо крѣ́пость твою̀, мꙋчи́телей низложѝ, сокрꙋшѝ и҆ де́мѡнѡвъ немѡщны́ѧ де́рзѡсти. Тогѡ̀ моли́твами спасѝ дꙋ́шы на́шѧ."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, предпра́зднства, гла́съ то́йже:"
|
|
},
|
|
{
|
|
"type": "TEXT",
|
|
"value": "Ѿ ко́рене і҆ессе́ева, и҆ ѿ чре́слъ дв҃довыхъ, бг҃оѻтрокови́ца марїа́мъ ражда́етсѧ дне́сь на́мъ: ра́достїю бо ра́дꙋютсѧ всѧ́чєскаѧ и҆ ѡ҆бновлѧ́ютсѧ, сра́дꙋйтесѧ кꙋ́пнѡ нб҃о и҆ землѧ̀, восхвали́те ю҆̀ ѻ҆те́чєствїѧ ꙗ҆зы́кѡвъ. і҆ѡакі́мъ весели́тсѧ, и҆ а҆́нна торжествꙋ́етъ, зовꙋ́щи: непло́ды ражда́етъ бцⷣꙋ, и҆ пита́тельницꙋ жи́зни на́шеѧ."
|
|
},
|
|
{
|
|
"type": "HEADER",
|
|
"value": "На ᲂу҆́трени, на бг҃ъ гдⷭ҇ь: тропа́рь предпра́зднства, два́жды."
|
|
},
|
|
{
|
|
"type": "HEADER",
|
|
"value": "Сла́ва, мꙋ́ченика: И҆ ны́нѣ, предпра́зднства."
|
|
},
|
|
{
|
|
"type": "HEADER",
|
|
"value": "По а҃-й стїхоло́гїи сѣда́ленъ, гла́съ а҃."
|
|
},
|
|
{
|
|
"type": "TEXT",
|
|
"value": "Подо́бенъ: Ка́мени запеча́танꙋ:"
|
|
},
|
|
{
|
|
"type": "TEXT",
|
|
"value": "Ро́ждшисѧ пресла́внѡ ѿ непло́дныхъ ложе́снъ, ѿ дѣ́вственныхъ чре́слъ родила̀ є҆сѝ па́че є҆стества̀: красе́нъ бо ꙗ҆́вльшисѧ сте́бль, и҆зрасти́ла є҆сѝ мі́рꙋ жи́знь. Сегѡ̀ ра́ди си́лы нбⷭ҇ныѧ вопїю́тъ тебѣ̀ бцⷣе: сла́ва прише́ствїю твоемꙋ̀ чи́стаѧ: сла́ва ржⷭ҇твꙋ̀ твоемꙋ̀: сла́ва дѣ́вствꙋ твоемꙋ̀, мт҃и безневѣ́стнаѧ."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, то́йже."
|
|
},
|
|
{
|
|
"type": "HEADER",
|
|
"value": "По в҃-й стїхоло́гїи, сѣда́ленъ, гла́съ є҃."
|
|
},
|
|
{
|
|
"type": "TEXT",
|
|
"value": "Подо́бенъ: Собезнача́льное сло́во:"
|
|
},
|
|
{
|
|
"type": "TEXT",
|
|
"value": "Нбⷭ҇наѧ всѧ̑ ны́нѣ ра́дꙋютсѧ, человѣ́ческїй ро́дъ ны́нѣ пра́зднꙋетъ съ ни́ми, и҆ прⷪ҇ро́цы та́йнѡ вкꙋ́пѣ веселѧ́тсѧ: ю҆́же бо предви́дѣша ѻ҆́бразнѣ, въ дре́внихъ ро́дѣхъ, кꙋпинꙋ̀, и҆ ста́мнꙋ, и҆ же́злъ, ѻ҆́блакъ, две́рь и҆ престо́лъ, и҆ ве́лїю го́рꙋ, ражда́етсѧ дне́сь."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, то́йже."
|
|
},
|
|
{
|
|
"type": "HEADER",
|
|
"value": "Канѡ́нъ предпра́зднства со і҆рмосо́мъ на и҃, гла́съ д҃, є҆гѡ́же краегране́сїе:"
|
|
},
|
|
{
|
|
"type": "TEXT",
|
|
"value": "Ржⷭ҇тво̀ пою̀ бг҃оѻтрокови́цы дв҃ы."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ѿве́рзꙋ ᲂу҆ста̀ моѧ̑, и҆ напо́лнѧтсѧ дх҃а, и҆ сло́во ѿры́гнꙋ цр҃и́цѣ мт҃ри, и҆ ꙗ҆влю́сѧ свѣ́тлѡ торжествꙋ́ѧ, и҆ воспою̀ ра́дꙋѧсѧ тоѧ̀ чꙋдеса̀."
|
|
},
|
|
{
|
|
"type": "TEXT",
|
|
"value": "Ра́дꙋющесѧ дне́сь, съ весе́лїемъ воспои́мъ бжⷭ҇твенное ржⷭ҇тво̀ бг҃ома́тере: и҆́бо родѝ ра́дость вселе́ннѣй, печа́ль прама́тере потреблѧ́ющꙋю."
|
|
},
|
|
{
|
|
"type": "TEXT",
|
|
"value": "Ѿ непло́дове происхо́дитъ грѣха̀ непло́дство, ю҆́же зако́нъ прописа̀, и҆ проповѣ̑данїѧ пред̾ѧви́ша бжⷭ҇твенныхъ бг҃оглаго́льникѡвъ, пречи́стаѧ влⷣчца и҆ всенепоро́чнаѧ."
|
|
},
|
|
{
|
|
"type": "TEXT",
|
|
"value": "Хра́мъ и҆ пала́та цр҃е́ва бы́сть, въ не́йже жили́ще себѣ̀ сотвори́въ, жили́ще ст҃ы́ѧ трⷪ҇цы, вѣ̑рныѧ содѣва́етъ пресꙋ́щественный."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Черто́гъ краснѣ́йшїй, престо́лъ бж҃їй высоча́йшїй, и҆з̾ непло́дове происхо́дитъ, на не́мже сѣ́де пло́тїю пресꙋ́щественный, сѣдѧ́щыѧ во тмѣ̀ поги́бели воздвиза́етъ къ зна́нїю свѣ́та бл҃гостїю."
|
|
},
|
|
{
|
|
"type": "HEADER",
|
|
"value": "И҆́нъ канѡ́нъ ст҃а́гѡ на д҃, гла́съ то́йже. Ѳеофа́ново:"
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Мо́рѧ чермнꙋ́ю пꙋчи́нꙋ, невла́жными стопа́ми, дре́внїй пѣшеше́ствовавъ і҆и҃ль, крестоѻбра́зными мѡѷсе́овыма рꙋка́ма, а҆мали́ковꙋ си́лꙋ въ пꙋсты́ни побѣди́лъ є҆́сть."
|
|
},
|
|
{
|
|
"type": "TEXT",
|
|
"value": "Спасти́сѧ честнꙋ́ю твою̀ дне́сь па́мѧть почита́ющымъ, и҆ ѿ всѧ́ческихъ застꙋпа́й напа́стей и҆ бѣ́дъ и҆ скорбе́й, бл҃годѣ́телѧ гдⷭ҇а ны́нѣ молѝ, пресла́вне."
|
|
},
|
|
{
|
|
"type": "TEXT",
|
|
"value": "Ѕвѣздꙋ̀ всѐ свѣ́тлꙋ показа̀ хрⷭ҇то́съ, на высотѣ́ тѧ цр҃ко́внѣй мꙋ́чениче и҆́стиннѡ, страда́нїй твои́хъ сїѧ́ньми вселе́ннꙋю всю̀ просвѣща́юща, прехва́льне."
|
|
},
|
|
{
|
|
"type": "TEXT",
|
|
"value": "Возмꙋти́въ нече́стїѧ мо́ре, ꙗ҆́кѡ гдⷭ҇ень ко́нь, пꙋчи́ною мч҃ниче, честны́хъ и҆ ст҃ы́хъ крове́й твои́хъ, ꙗ҆́коже фараѡ́на потопи́лъ є҆сѝ, проти́вныхъ всю̀ си́лꙋ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Безсѣ́меннѡ ѻ҆́ч҃ею во́лею ѿ бжⷭ҇твеннагѡ дх҃а, бж҃їѧ зачала̀ є҆сѝ сн҃а, и҆ пло́тїю породила̀ є҆сѝ, сꙋ́щаго и҆зъ ѻ҆ц҃а̀ безма́тернѧ, и҆ на́съ ра́ди и҆зъ тебє̀ без̾ѻ́тча."
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ꙗ҆́кѡ непло́ды родѝ ѿ ꙗ҆зы̑къ цр҃ковь, и҆ мно́гое въ ча́дѣхъ и҆знемо́же со́нмище, чꙋ́дномꙋ бг҃ꙋ на́шемꙋ возопїи́мъ: ст҃ъ є҆сѝ, гдⷭ҇и."
|
|
},
|
|
{
|
|
"type": "TEXT",
|
|
"value": "Землѧ̀ плодови́та ѿ землѝ непло́дныѧ ражда́етсѧ, ꙗ҆́же плодороди́тъ дѣ́лателѧ бл҃ги́хъ, и҆ жизноно́сный кла́съ пита́ющь всѧ̑ бжⷭ҇твеннымъ манове́нїемъ."
|
|
},
|
|
{
|
|
"type": "TEXT",
|
|
"value": "Дне́сь прозѧбѐ дѣ́вства же́злъ, и҆зъ негѡ́же процвѣте́тъ цвѣ́тъ, садодѣ́латель на́шъ бг҃ъ, лꙋка̑выѧ ра̑сли ѿсѣка́ѧ, кра́йнею бл҃гостїю."
|
|
},
|
|
{
|
|
"type": "TEXT",
|
|
"value": "Сѐ несѣко́маѧ гора̀, ѿ ка́мене непло́дна, ѿсѣче́нъ ка́мень плодороди́тъ мы́сленный, и҆́же сокрꙋше́нїе содѣ́лаетъ и҆стꙋка́нныхъ всѣ́хъ льсти́вагѡ."
|
|
},
|
|
{
|
|
"type": "TEXT",
|
|
"value": "Зако́на проначерта̑нїѧ тѧ̀ предсказа́ша ѻ҆трокови́це: законода́вца бо ты̀, зако́нныхъ кромѣ̀, во чре́вѣ но́сиши, соблюда́юща тѧ̀ па́че сло́ва, нетлѣ́ннꙋ и҆ нескве́рнꙋ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Весели́тсѧ ѡ҆ тебѣ̀ цр҃ковь твоѧ̀, хрⷭ҇тѐ, зовꙋ́щи: ты̀ моѧ̀ крѣ́пость, гдⷭ҇и, и҆ прибѣ́жище, и҆ ᲂу҆твержде́нїе."
|
|
},
|
|
{
|
|
"type": "TEXT",
|
|
"value": "Крове́й твои́хъ стрꙋи̑, ꙗ҆́кѡ рѣка̀ хрⷭ҇та̀ ра́ди поте́кше, ѻ҆́гнь нечести́выхъ ᲂу҆гаси́ша, мч҃ниче страстоте́рпче приснопѣва́емый."
|
|
},
|
|
{
|
|
"type": "TEXT",
|
|
"value": "Под̾ѧ́лъ є҆сѝ терпѣли́внѡ ра̑нъ приложє́нїѧ, ꙗ҆́коже сто́лпъ неѡбори́мь сла́вне, пре́лести низложи́въ тверды́ню."
|
|
},
|
|
{
|
|
"type": "TEXT",
|
|
"value": "Низложи́лъ є҆сѝ дв҃дски, ꙗ҆́коже голїа́ѳа мы́сленнаго мꙋчи́телѧ и҆ тогѡ̀ во́инство, вѣ́ры пра́щею всесла́вне."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ты̀ є҆ди́на сꙋ́щымъ на землѝ, па́че є҆стества̀ благи́хъ хода́таица мт҃и бж҃їѧ ꙗ҆ви́ласѧ є҆сѝ: тѣ́мъ тѝ, є҆́же ра́дꙋйсѧ, взыва́емъ."
|
|
},
|
|
{
|
|
"type": "HEADER",
|
|
"value": "Конда́къ ст҃а́гѡ сѡзо́нта. Гла́съ в҃."
|
|
},
|
|
{
|
|
"type": "TEXT",
|
|
"value": "Подо́бенъ: Твє́рдыѧ:"
|
|
},
|
|
{
|
|
"type": "TEXT",
|
|
"value": "И҆́стиннаго и҆ бг҃омꙋ́драго мч҃ника, страда́льца благоче́стїѧ и҆скꙋ́снаго, соше́дшесѧ дне́сь, велегла́снѡ восхва́лимъ созѡ́нта таи́нника бл҃года́ти, и҆сцѣле́нїй да́телѧ богатѣ́йшаго: мо́литъ бо хрⷭ҇та̀ бг҃а ѡ҆ всѣ́хъ на́съ."
|
|
},
|
|
{
|
|
"type": "TEXT",
|
|
"value": "І҆́косъ: Возсїѧ́вшаго ꙗ҆́вѣ въ честнѣ́й и҆ бжⷭ҇твеннѣй хрⷭ҇то́вѣ цр҃кви, вели́каго страда́льца созѡ́нта, всѝ пѣ́сньми прїиди́те ны́нѣ ᲂу҆се́рднѡ восхва́лимъ того̀, прине́сше достѡ́йнаѧ: се́й бо вои́стиннꙋ свирѣ́пство низложи́лъ є҆́сть і҆дѡлослꙋжи́телей вѣ̑рнымъ же спасе́нїе подаѧ̀ всегда̀ пребыва́етъ. Тѣ́мъ земноро́днїи любо́вїю привле́кшесѧ, ᲂу҆блажа́емъ ны́нѣ почита́юще па́мѧть честнꙋ́ю и҆ сла́внꙋю страстоте́рпца, вопїю́ще. Созѡ́нте всебл҃же́нне, молѝ хрⷭ҇та̀ бг҃а ѡ҆ всѣ́хъ на́съ."
|
|
},
|
|
{
|
|
"type": "HEADER",
|
|
"value": "Сѣда́ленъ, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Ско́рѡ предварѝ:"
|
|
},
|
|
{
|
|
"type": "TEXT",
|
|
"value": "Спа́ссѧ вѣ́рою созѡ́нте многострада́льне, спаси́тельное бы́лъ є҆сѝ ѡ҆бꙋрева́ємымъ приста́нище, про́мысломъ хрⷭ҇та̀ бг҃а, то́чиши бо и҆сцѣле́нїй рѣ́ки чтꙋ́щымъ тѧ̀, ᲂу҆ставлѧ́еши болѣ̑зни и҆ распалє́нїѧ всегда̀. Тѣ́мъ бжⷭ҇твеннꙋю па́мѧть твою̀ вѣ́рою почита́емъ."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, предпра́зднства, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Повелѣ́нное та́йнѡ:"
|
|
},
|
|
{
|
|
"type": "TEXT",
|
|
"value": "Да ра́дꙋетсѧ нб҃о, и҆ землѧ̀ да весели́тсѧ: бж҃їе бо не́бо на землѝ роди́сѧ, бг҃оневѣ́стнаѧ сїѧ̀ ѿ ѡ҆бѣтова́нїѧ. Непло́ды млⷣнца пита́етъ марі́ю, и҆ ра́дꙋетсѧ ѡ҆ ржⷭ҇твѣ̀ і҆ѡакі́мъ, же́злъ, глаго́лѧ, роди́сѧ мнѣ̀, и҆зъ негѡ́же цвѣ́тъ хрⷭ҇то́съ прозѧбѐ, и҆зъ ко́рене дв҃дова: вои́стиннꙋ чꙋ́до пресла́вно."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "TEXT",
|
|
"value": "І҆рмо́съ: Сѣдѧ́й въ сла́вѣ, на прⷭ҇то́лѣ бжⷭ҇тва̀, во ѻ҆́блацѣ ле́гцѣ, прїи́де і҆и҃съ пребжⷭ҇твенный, нетлѣ́нною дла́нїю, и҆ спасѐ зовꙋ́щыѧ сла́ва, хрⷭ҇тѐ, си́лѣ твое́й."
|
|
},
|
|
{
|
|
"type": "TEXT",
|
|
"value": "Превы́шшаѧ а҆́гг҃лѡвъ на землѝ ѻ҆трокови́ца ражда́етсѧ, въ ст҃ы́ни сꙋ́щи и҆ чистотѣ̀ безъ разсꙋжде́нїѧ: ꙗ҆́же ѡ҆чище́нїе всѣ́хъ хрⷭ҇та̀ ражда́етъ, ѡ҆свѧще́нїе и҆ всесоверше́нное и҆збавле́нїе."
|
|
},
|
|
{
|
|
"type": "TEXT",
|
|
"value": "Блаже́нно чре́во а҆́ннино бы́сть: во чре́во бо хотѧ́щꙋю вмѣсти́ти бл҃же́нное и҆ невмѣсти́мое сло́во, породѝ возрожде́нїе всѣ̑мъ вѣ̑рнымъ подаю́щее."
|
|
},
|
|
{
|
|
"type": "TEXT",
|
|
"value": "Ны́нѣ мра́къ ѕло́бный потреблѧ́тисѧ начина́етъ, сл҃нца бо ѡ҆дꙋшевле́нный ѻ҆́блакъ возсїѧ̀ ѿ непло́дныхъ ложе́снъ всенепоро́чнаѧ: є҆ѧ́же ржⷭ҇тво̀ свѣтоза́рное воспра́зднꙋимъ."
|
|
},
|
|
{
|
|
"type": "TEXT",
|
|
"value": "Ꙗ҆́кѡ плодови́таѧ ма́слина, ꙗ҆̀же ѿ ко́рене прозѧ́бши і҆ессе́ева дв҃о, а҆́нна тѧ̀ прораща́етъ, прозѧба́ющꙋю ми́лостиваго сло́ва: є҆мꙋ́же ми́лость и҆ и҆́стина всегда̀ предхо́дитъ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Вознесе́на тѧ̀ ви́дѣвши цр҃ковь на крⷭ҇тѣ̀, сл҃нце пра́ведное, ста̀ въ чи́нѣ свое́мъ, досто́йнѡ взыва́ющи: сла́ва си́лѣ твое́й, гдⷭ҇и."
|
|
},
|
|
{
|
|
"type": "TEXT",
|
|
"value": "Распала́емь любо́вїю бж҃їею всебл҃же́нне, хвра́стнꙋю всю̀ ле́сть безбо́жныхъ попали́лъ є҆сѝ словесы̀ твои́ми, и҆ ра́дꙋѧсѧ взыва́лъ є҆сѝ: сла́ва си́лѣ твое́й гдⷭ҇и."
|
|
},
|
|
{
|
|
"type": "TEXT",
|
|
"value": "Свѧтодѣ́ланенъ сы́й хра́мъ гдⷭ҇ень, въ хра́мъ вте́клъ є҆сѝ безбо́жныхъ, и҆ си́хъ слꙋжє́нїѧ до́блественнѣ сокрꙋши́лъ є҆сѝ, мч҃ниче страстоно́сче всехва́льне."
|
|
},
|
|
{
|
|
"type": "TEXT",
|
|
"value": "Врачевство̀ ꙗ҆ви́сѧ всѧ́кагѡ недꙋ́га, свѧще́нный тво́й хра́мъ, вѣ́рою притека́ющымъ, и҆ до́блєсти твоѧ̑ въ то́мъ почита́ющымъ, созѡ́нте страстоте́рпче прехва́льне."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Неискꙋсобра́чнѡ родила̀ є҆сѝ гдⷭ҇а, ѽ дв҃о! И҆ по рождествѣ̀ ꙗ҆ви́ласѧ є҆сѝ па́ки дѣ́вствꙋющи: тѣ́мже немо́лчными гла́сы, є҆́же ра́дꙋйсѧ, тебѣ̀ влⷣчце, вѣ́рою несꙋмнѣ́нною вопїе́мъ."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆жасо́шасѧ всѧ́чєскаѧ ѡ҆ бжⷭ҇твеннѣй сла́вѣ твое́й: ты́ бо неискꙋсобра́чнаѧ дв҃о, и҆мѣ́ла є҆сѝ во ᲂу҆тро́бѣ надъ всѣ́ми бг҃а, и҆ родила̀ є҆сѝ безлѣ́тнаго сн҃а, всѣ̑мъ воспѣва́ющымъ тѧ̀ ми́ръ подава́ющаѧ."
|
|
},
|
|
{
|
|
"type": "TEXT",
|
|
"value": "Запеча́таннаѧ ны́нѣ кни́га ражда́етсѧ, ю҆́же прочестѝ невозмо́жно є҆стество́мъ зако́на земны́хъ, соблюда́ема въ жили́ще сло́ва: ꙗ҆́коже кни̑ги проѧви́ша бг҃оглаго́ливыхъ дх҃омъ."
|
|
},
|
|
{
|
|
"type": "TEXT",
|
|
"value": "Лоза̀ дне́сь роди́сѧ спаси́тельнаѧ, ꙗ҆́же нетлѣ́нный процвѣте́тъ гро́здъ бжⷭ҇твенный, сла́дость пролива́ющїй: ѿ негѡ́же всѧ́къ пїѧ́й та́инственнѡ, бжⷭ҇твенное и҆ спаси́тельное весе́лїе плоди́тъ."
|
|
},
|
|
{
|
|
"type": "TEXT",
|
|
"value": "И҆гра́йте человѣ́цы, со а҆́гг҃лы ликꙋ́юще: дне́сь ѿ непло́дове дв҃ѣ ро́ждшейсѧ, печа́ль преста̀, и҆ приво́дитсѧ ра́дость, торжествꙋ́ющымъ тоѧ̀ бжⷭ҇твенное ржⷭ҇тво̀."
|
|
},
|
|
{
|
|
"type": "TEXT",
|
|
"value": "Бжⷭ҇твенный прописа̀ прⷪ҇ро́къ проѧвле́ннѣйше: сви́токъ тѧ̀ но́въ, въ не́мже пе́рстомъ сло́во ѻ҆́ч҃имъ дв҃о напи́шетсѧ, въ кни́зѣ написꙋ́ѧ жи́зни всѧ̑ бла́гостїю, тогѡ̀ нача́льствꙋ повинꙋ́ющыѧсѧ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Ты̀, гдⷭ҇и мо́й, свѣ́тъ въ мі́ръ прише́лъ є҆сѝ, свѣ́тъ ст҃ы́й, ѡ҆браща́ѧй и҆зъ мра́чна невѣ́дѣнїѧ, вѣ́рою воспѣва́ющыѧ тѧ̀."
|
|
},
|
|
{
|
|
"type": "TEXT",
|
|
"value": "Ты̀ мч҃ниче, свѣ́томъ трⷪ҇ческимъ просвѣ́щсѧ, потреби́лъ є҆сѝ безбо́жїѧ многобо́жный мра́къ, свѣти́льникъ ꙗ҆ви́всѧ присносвѣ́телъ."
|
|
},
|
|
{
|
|
"type": "TEXT",
|
|
"value": "Ты̀ шипо́къ благоцвѣтꙋ́щь, тече́нїемъ крове́й твои́хъ бл҃же́нне, показа́всѧ, благово́нїемъ чꙋде́съ мі́ръ ѡ҆благово́нилъ є҆сѝ."
|
|
},
|
|
{
|
|
"type": "TEXT",
|
|
"value": "Ты̀ гро́здъ мы́сленный вїногра́да сы́й хрⷭ҇то́ва, и҆сточи́лъ є҆сѝ мꙋче́нїѧ благоꙋмиле́нное вїно̀, вѣ́рою тѧ̀ сла́вѧщымъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Тѧ̀ ѻ҆рꙋ́жїе непобѣди́мое на врагѝ предлага́емъ: тѧ̀ ѡ҆снова́нїе и҆ наде́ждꙋ на́шегѡ спасе́нїѧ, бг҃оневѣ́стнаѧ, и҆́мамы."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Бжⷭ҇твенное сїѐ и҆ всечⷭ҇тно́е соверша́юще пра́зднество, бг҃омꙋ́дрїи, бг҃ома́тере, прїиди́те рꙋка́ми воспле́щимъ, ѿ неѧ̀ ро́ждшагосѧ бг҃а сла́вимъ."
|
|
},
|
|
{
|
|
"type": "TEXT",
|
|
"value": "Роди́сѧ дне́сь мо́стъ, преводѧ́щь къ свѣ́тꙋ человѣ́чество, лѣ́ствица нбⷭ҇наѧ, гора̀ бж҃їѧ ꙗ҆́вственнѣйшаѧ, бцⷣа дв҃а, ю҆́же ᲂу҆блажа́емъ."
|
|
},
|
|
{
|
|
"type": "TEXT",
|
|
"value": "Червлени́ца а҆́нна произведѐ багрѧни́цꙋ, рꙋно̀ ѡ҆мочи́вшꙋю воплоще́нїѧ цр҃е́ва по́слѣжде, ю҆́же досто́йнѡ всѝ пѣсносло́вимъ."
|
|
},
|
|
{
|
|
"type": "TEXT",
|
|
"value": "И҆сто́чникъ ны́нѣ произы́де и҆зъ ма́лыѧ ка́пли, всенепоро́чнаѧ, ꙗ҆́же бе́зднꙋ спасе́нїѧ ро́ждши, многобо́жїѧ ᲂу҆праздни́тъ безмѣ̑рныѧ то́ки."
|
|
},
|
|
{
|
|
"type": "TEXT",
|
|
"value": "Ѿ непло́днагѡ ко́рене прозѧбла̀ є҆сѝ, и҆ и҆зъ ко́рене ѕло́бы те́рнїе, па́че є҆стества̀, твои́мъ бжⷭ҇твеннымъ прозѧбе́нїемъ посѣ́кла є҆сѝ, бг҃ороди́тельнице дв҃о приснобл҃же́ннаѧ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Пожрꙋ́ ти со гла́сомъ хвале́нїѧ, гдⷭ҇и, цр҃ковь вопїе́тъ тѝ, ѿ бѣсо́вскїѧ кро́ве ѡ҆чи́щшисѧ, ра́ди ми́лости ѿ ре́бръ твои́хъ и҆сте́кшею кро́вїю."
|
|
},
|
|
{
|
|
"type": "TEXT",
|
|
"value": "Закла́тисѧ любвѐ ра́ди бж҃їѧ жела́ѧ, ꙗ҆́коже непоро́чнаѧ же́ртва, тогѡ̀ трапе́зѣ прине́слсѧ є҆сѝ: сегѡ̀ ра́ди благоче́стнѡ тѧ̀ почита́емъ прехва́льне."
|
|
},
|
|
{
|
|
"type": "TEXT",
|
|
"value": "Немо́креннѡ преплы́въ пре́лести пꙋчи́нꙋ, въ приста́нище вы́шнѧгѡ црⷭ҇тва мч҃ниче дости́глъ є҆сѝ, вѣ́чныѧ наслажда́ѧсѧ тишины̀ бл҃же́нне."
|
|
},
|
|
{
|
|
"type": "TEXT",
|
|
"value": "Ногты̀ желѣ́зными твоѧ̑ ре́бра строга́ше неми́лостивнѡ мꙋчи́тель: но ты̀ въ рꙋ́цѣ бж҃їи дꙋ́ха со сла́вою преложи́лъ є҆сѝ, всебл҃же́нне приснопа́мѧтне."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ѽ чꙋ́до всѣ́хъ чꙋде́съ новѣ́йшее. ꙗ҆́кѡ дв҃а во чре́вѣ, всѧ̑ содержа́щаго, неискꙋсомꙋ́жнѡ заче́нши, не тѣсновмѣстѝ."
|
|
},
|
|
{
|
|
"type": "HEADER",
|
|
"value": "Конда́къ предпра́зднства, гла́съ г҃."
|
|
},
|
|
{
|
|
"type": "TEXT",
|
|
"value": "Подо́бенъ: Дв҃а дне́сь:"
|
|
},
|
|
{
|
|
"type": "TEXT",
|
|
"value": "Дв҃а дне́сь, и҆ бцⷣа марі́а, черто́гъ безконе́чный нбⷭ҇нагѡ жениха̀ ражда́етсѧ ѿ непло́дове, бж҃їимъ совѣ́томъ, колесни́ца сло́ва благоꙋкраша́етсѧ: на сїе́ бо преднарече́сѧ, бжⷭ҇твеннаѧ две́рь, и҆ мт҃и сꙋ́щїѧ жи́зни."
|
|
},
|
|
{
|
|
"type": "TEXT",
|
|
"value": "І҆́косъ: И҆́же ѿ непло́дове пло́дъ даде́сѧ, бг҃оѻтрокови́ца марі́а, ю҆́же прови́дѣша и҆ногда̀ бжⷭ҇твеннїи прⷪ҇ро́цы дх҃омъ: сїю̀ мы̀ дне́сь зрѧ́ще, въ нѣ́дрѣхъ а҆́нны и҆гра́ющꙋю, съ вѣ́рнымъ і҆ѡакі́момъ, мы́сленнѣ ко ᲂу҆чрежде́нїю стеце́мсѧ, и҆ сꙋ́щыѧ дале́че призове́мъ, глаго́люще: мі́ра сегѡ̀ ны́нѣ воззва́нїе. Ѿ непло́дна бо чре́ва прозѧбѐ, бжⷭ҇твеннаѧ две́рь, и҆ мт҃и сꙋ́щїѧ жи́зни."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "TEXT",
|
|
"value": "І҆рмо́съ: Не послꙋжи́ша тва́ри, бг҃омꙋ́дрїи, па́че созда́вшагѡ, но ѻ҆́гненное преще́нїе мꙋ́жески попра́вше, ра́довахꙋсѧ пою́ще: препѣ́тый ѻ҆тцє́въ гдⷭ҇ь и҆ бг҃ъ благослове́нъ є҆сѝ."
|
|
},
|
|
{
|
|
"type": "TEXT",
|
|
"value": "І҆ѡакі́мъ же и҆ а҆́нна ᲂу҆блажа́ютсѧ, ро́ждши бл҃же́ннꙋю ꙗ҆́вѣ чⷭ҇тꙋю бг҃омт҃рь, бл҃же́нное сло́во ро́ждшꙋю, блажє́нны вѣ̑рныѧ соверша́ющаго всѧ̑."
|
|
},
|
|
{
|
|
"type": "TEXT",
|
|
"value": "Да́ръ че́стенъ стѧжа́ша тѧ̀ пречⷭ҇таѧ твоѝ роди́телїе, заче́ншꙋю бг҃а, ѡ҆богати́вшаго дармѝ лꙋ́чшими взыва́ющыѧ: ѻ҆тцє́въ гдⷭ҇и и҆ бж҃е, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Сосцы̀ твоѝ па́че вїна̀ бл҃жа́йшїи а҆́нно бг҃озва́ннаѧ: ꙗ҆́кѡ сосцы̑ свѧще́нными, пребл҃го́е сло́во дои́вшꙋю ты̀ дои́ла є҆сѝ, пода́телѧ млека̀, и҆ дыха́нїю пита́телѧ всемꙋ̀."
|
|
},
|
|
{
|
|
"type": "TEXT",
|
|
"value": "И҆гра́й, брѧца́й въ гꙋ́сль твою̀, бг҃одохнове́нне дв҃де, и҆ ликꙋ́й: се́ бо кївѡ́тъ, є҆го́же дре́вле провозвѣсти́лъ є҆сѝ, ѿ непло́дствꙋюща чре́ва про́йде, цр҃ю̀ тва́ри и҆ бг҃ꙋ соблюде́нъ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Въ пещѝ а҆враа́мстїи ѻ҆́троцы персі́дстѣй, любо́вїю благоче́стїѧ па́че, не́жели пла́менемъ ѡ҆палѧ́еми, взыва́хꙋ: бл҃гослове́нъ є҆сѝ въ хра́мѣ сла́вы твоеѧ̀, гдⷭ҇и."
|
|
},
|
|
{
|
|
"type": "TEXT",
|
|
"value": "Въ пе́щь болѣ́зненныхъ мꙋ́къ, мч҃ниче вве́рженъ бы́въ, ро́сꙋ ѿ бг҃а прїи́мъ терпѣ́нїѧ, благода́рнѡ же взыва́лъ є҆сѝ: бл҃гослове́нъ є҆сѝ въ хра́мѣ сла́вы твоеѧ̀ гдⷭ҇и."
|
|
},
|
|
{
|
|
"type": "TEXT",
|
|
"value": "Свѣтлѣ́йшꙋ всѧ́кагѡ зла́та, вои́стиннꙋ и҆мѣ́ѧ дꙋ́шꙋ, пожре́ти златокова́нномꙋ мч҃ниче ѿню́дъ бо́гꙋ и҆ бездꙋ́шномꙋ не восхотѣ́лъ є҆сѝ: сама́го же себѐ же́ртвꙋ благово́ннѣйшꙋ гдⷭ҇ꙋ поже́рлъ є҆сѝ."
|
|
},
|
|
{
|
|
"type": "TEXT",
|
|
"value": "Па́стырь вели́кїй, па́стырѧ сꙋ́щѡ ѻ҆вца́мъ тѧ̀ мч҃ниче, ꙗ҆́кѡ а҆́гнѧ непоро́чно, своемꙋ̀ неле́стномꙋ ста́дꙋ сочета̀, вѡ́лки неѧ́тна мы́сленными тѧ̀ показа̀ всехва́льне."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Вы́шнѧгѡ ѡ҆свѧще́нное бжⷭ҇твенное селе́нїе, ра́дꙋйсѧ, тобо́ю во даде́сѧ ра́дость, бцⷣе, вопїю́щымъ: бл҃гослове́нна ты̀ въ жена́хъ є҆сѝ всенепоро́чнаѧ влⷣчце."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ѻ҆́троки благочести̑выѧ въ пещѝ, ржⷭ҇тво̀ бг҃оро́дично спасло̀ є҆́сть: тогда̀ ᲂу҆́бѡ ѡ҆бразꙋ́емое, ны́нѣ же дѣ́йствꙋемое, вселе́ннꙋю всю̀ воздвиза́етъ пѣ́ти тебѣ̀: гдⷭ҇а по́йте дѣла̀, и҆ превозноси́те є҆гѡ̀ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Подви́гнемъ ѧ҆зы́къ пѣснопѣ́ньми бжⷭ҇твенное ржⷭ҇тво̀ чтꙋ́ще, препѣ́тое сло́во и҆ пребжⷭ҇твенное воплоти́вшїѧ дх҃омъ, и҆ воззове́мъ: гдⷭ҇а по́йте дѣла̀, и҆ превозноси́те є҆го̀ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Бжⷭ҇твеннїи и҆гра́йте прⷪ҇ро́цы, почита́юще дв҃ы ржⷭ҇тво̀: та́ бо и҆спо́лни всѣ́хъ проповѣ̑данїѧ, ва́ми сказꙋ́емаго поро́ждши хрⷭ҇та̀, всѧ́ческихъ цр҃ѧ̀: є҆го́же превозно́симъ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Возопі́йте го́ры весе́лїе, а҆пⷭ҇ли и҆ мч҃ницы ликꙋ́йте, прпⷣбнїи и҆ пра́веднїи ны́нѣ ра́дꙋйтесѧ, въ ржⷭ҇твѣ̀ дне́сь гдⷭ҇ни мт҃ре, гдⷭ҇а по́йте, вопїю́ще, и҆ превозноси́те є҆гѡ̀ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Процвѣтѐ ꙗ҆́блоко благово́нное, шипо́къ бжⷭ҇твенный поѧви́сѧ, и҆ ѡ҆благово́ни дне́сь концы̀, и҆ ѕлосмра́дїе ᲂу҆ста́ви грѣха̀ на́шегѡ, всечⷭ҇таѧ, и҆ мт҃и сло́ва: ю҆́же превозно́симъ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Непло́дствꙋющее є҆стество̀ человѣ́ческое, честны́хъ дарова́нїй бжⷭ҇твеннагѡ дх҃а, дне́сь возвесели́сѧ, ѿ непло́дове бг҃оѻтрокови́цꙋ ро́ждшꙋсѧ ви́дѣвъ, и҆ возопі́й: гдⷭ҇а по́йте дѣла̀, и҆ превозноси́те є҆го̀ во всѧ̑ вѣ́ки."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Рꙋ́цѣ распросте́ръ данїи́лъ, львѡ́въ зїѧ̑нїѧ въ ро́вѣ затчѐ: ѻ҆́гненнꙋю же си́лꙋ ᲂу҆гаси́ша, добродѣ́телїю препоѧ́савшесѧ, благоче́стїѧ рачи́тели ѻ҆́троцы, взыва́юще: благослови́те, всѧ̑ дѣла̀ гдⷭ҇нѧ, гдⷭ҇а."
|
|
},
|
|
{
|
|
"type": "TEXT",
|
|
"value": "Рꙋ́кꙋ златосотворе́ннагѡ ѿе́мь мꙋ́дре кꙋмі́ра, ни́щымъ пода́лъ є҆сѝ, неистощи́мое сла́вне, себѣ̀ притворѧ́ѧ мꙋче́нїѧ и҆́стиннѡ бога́тство, приснопа́мѧтне: благослови́те, зовы́й, всѧ̑ дѣла̀ гдⷭ҇нѧ, гдⷭ҇а."
|
|
},
|
|
{
|
|
"type": "TEXT",
|
|
"value": "Пло́тїю безпло́тномꙋ спле́тсѧ, посо́бїемъ хрⷭ҇то́вымъ сего̀ низложи́лъ є҆сѝ. Тѣ́мже тѝ по́чєсти сла́вне, чꙋде́съ дѣ́йство са́мъ подадѐ, къ немꙋ́же ра́дꙋѧсѧ взыва́лъ є҆сѝ: благослови́те, всѧ̑ дѣла̀ гдⷭ҇нѧ, гдⷭ҇а."
|
|
},
|
|
{
|
|
"type": "TEXT",
|
|
"value": "Ѿве́рзъ напо́лнилъ є҆сѝ ᲂу҆ста̀ твоѧ̑ дх҃а, созѡ́нте всехва́льне: врагѡ́въ же ᲂу҆ста̀ хꙋ́лѧщихъ творца̀, и҆спо́лнилъ є҆сѝ всѧ́кагѡ стꙋда̀, и҆ хрⷭ҇тꙋ̀ ра́дꙋѧсѧ взыва́лъ є҆сѝ: благослови́те, всѧ̑ дѣла̀ гдⷭ҇нѧ, гдⷭ҇а."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ты̀ є҆ди́на во всѣ́хъ ро́дѣхъ дв҃о чⷭ҇таѧ, мт҃и ꙗ҆ви́ласѧ є҆сѝ бж҃їѧ: ты̀ бжⷭ҇тва̀ была̀ є҆сѝ прїѧ́телище всенепоро́чнаѧ, не ѡ҆па́льшисѧ ѻ҆гне́мъ непристꙋ́пнагѡ свѣ́та. Тѣ́мъ же вси́ тѧ благослови́мъ, марі́е бг҃оневѣ́сто."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Всѧ́къ земноро́дный да взыгра́етсѧ, дх҃омъ просвѣща́емь, да торжествꙋ́етъ же безпло́тныхъ ᲂу҆мѡ́въ є҆стество̀, почита́ющее свѧще́нное торжество̀ бг҃ома́тере, и҆ да вопїе́тъ: ра́дꙋйсѧ, всебл҃же́ннаѧ бцⷣе, чⷭ҇таѧ приснодв҃о."
|
|
},
|
|
{
|
|
"type": "TEXT",
|
|
"value": "Сѐ бж҃їе мѣ́сто ст҃о́е проѧвле́ннѡ показа́сѧ, гра́дъ препросла́вленный цр҃е́въ назда́сѧ, свѣтоза́рный ра́й свѣ́тлѡ процвѣтѐ, раѧ̀ хода́таица сꙋ́щи, къ бг҃ꙋ же человѣ́кѡвъ ᲂу҆свое́нїе."
|
|
},
|
|
{
|
|
"type": "TEXT",
|
|
"value": "Ꙗ҆ви́сѧ свѣща̀ и҆ свѣти́льникъ дне́сь, златозарѧ́щїй свѣ́тъ превѣ́чный, въ ню́же всели́всѧ, сꙋ́щыѧ въ нощѝ лю́тыхъ просвѣти́тъ, разори́тъ же безбо́жїѧ мглꙋ̀, и҆ днѐ всѧ̑ содѣ́лаетъ прича́стники и҆́стиннѡ вѣ́ры ра́ди."
|
|
},
|
|
{
|
|
"type": "TEXT",
|
|
"value": "Дне́сь землѧ̀ ликꙋ́етъ, но́вое бо не́бо ви́дѣ, бж҃їе прекра́сное поро́ждшеесѧ, въ не́мже всели́всѧ пло́тїю, небе́съ превы́шше возведе́тъ человѣ́ки, и҆ ѡ҆божи́тъ всѧ̑ бл҃гостїю, є҆го́же пою́ще вѣ́рнѡ, велича́емъ."
|
|
},
|
|
{
|
|
"type": "TEXT",
|
|
"value": "Предо́браѧ дво́ица прозѧбѐ, і҆ѡакі́мъ и҆ а҆́нна, ю҆́ницꙋ нескве́рнꙋю, и҆зъ неѧ́же ю҆не́цъ ᲂу҆пита́нный проше́дъ, за мі́ръ закла́сѧ, є҆́млѧй прегрѣшє́нїѧ человѣ́кѡвъ, приноси̑мыѧ же разорѧ́ѧ жє́ртвы де́мѡнѡмъ."
|
|
},
|
|
{
|
|
"type": "TEXT",
|
|
"value": "Просвѣти́ ны свѣ́тъ ро́ждшаѧ, свѣтоно́сное твоѐ ржⷭ҇тво̀ дꙋ́хомъ, бг҃ороди́тельнице, торжествꙋ́ющыѧ, и҆ свѣ́та бꙋ́дꙋщагѡ покажѝ пречⷭ҇таѧ прича́стники, и҆ ми́ръ пода́ждь и҆ и҆збавле́нїе лю́тыхъ, мт҃рними твои́ми моли́твами."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Ка́мень нерꙋкосѣ́чный ѿ несѣко́мыѧ горы̀ тебє̀, дв҃о, краеꙋго́льный ѿсѣче́сѧ, хрⷭ҇то́съ, совокꙋпи́вый разстоѧ̑щаѧсѧ є҆стєства̀. Тѣ́мъ веселѧ́щесѧ, тѧ̀, бцⷣе, велича́емъ."
|
|
},
|
|
{
|
|
"type": "TEXT",
|
|
"value": "Ка́мень и҆збра́нъ показа́лсѧ є҆сѝ хрⷭ҇то́въ, ка́мене краеꙋго́льнагѡ, мч҃ниче, валѧ́емь на землѝ, и҆ пре́лести разорѧ́ѧ тверды́ню, вѣ́рныхъ же сердца̀ твердѣ̑йша содѣ́ловаѧ."
|
|
},
|
|
{
|
|
"type": "TEXT",
|
|
"value": "Стрꙋю́ тѧ жи́зни стѧжа́вши хрⷭ҇то́ва ны́нѣ цр҃ковь, кровьмѝ твои́ми ꙗ҆́кѡ вода́ми напои́вшисѧ, мч҃ниче, страда́нїй твои́хъ и҆ чꙋде́съ всегда̀ благолѣ́пїемъ ᲂу҆краша́етсѧ."
|
|
},
|
|
{
|
|
"type": "TEXT",
|
|
"value": "Ѡ҆брѣ́лъ є҆сѝ воздаѧ́нїе по́двигѡвъ и҆ трꙋдѡ́въ твои́хъ, бг҃омꙋ́дре, нбⷭ҇ное црⷭ҇тво, въ не́мже ликꙋ́ѧ созѡ́нте, вѣ́рою творѧ́щихъ твою̀ свѧще́ннꙋю па́мѧть помина́й, всесла́вне."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Плени̑цы мои́хъ ны́нѣ согрѣше́нїй разрѣшѝ, дв҃о бцⷣе, бл҃гоꙋтро́бїѧ и҆сто́чникъ ро́ждшаѧ, є҆ди́на бг҃облаже́ннаѧ, и҆ ра́дости напо́лни, ꙗ҆́кѡ да досто́йнѡ велича́ю тѧ̀."
|
|
},
|
|
{
|
|
"type": "HEADER",
|
|
"value": "Свѣти́ленъ мꙋ́ченика."
|
|
},
|
|
{
|
|
"type": "TEXT",
|
|
"value": "Подо́бенъ: Жєны̀, ᲂу҆слы́шите:"
|
|
},
|
|
{
|
|
"type": "TEXT",
|
|
"value": "Ѻ҆рꙋ́жїемъ чⷭ҇тна́гѡ твоегѡ̀ крⷭ҇та̀ воѡрꙋжи́всѧ страда́лецъ тво́й, сло́ве, проти̑вныѧ си̑лы тве́рдѡ побѣдѝ, и҆ мꙋчи́телѧ посрамѝ, и҆ за тѧ̀ пострада̀, и҆ съ тобо́ю, хрⷭ҇тѐ мо́й всецр҃ю̀, црⷭ҇твꙋетъ при́снѡ."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, предпра́зднства:"
|
|
},
|
|
{
|
|
"type": "TEXT",
|
|
"value": "А҆да́ме ѡ҆бнови́сѧ, и҆ є҆́ѵа возвели́чисѧ: прⷪ҇ро́цы со а҆пⷭ҇лы ликꙋ́йте и҆ пра́ведными: ѻ҆́бщаѧ бо ра́дость возсїѧ̀, а҆́гг҃лѡвъ же и҆ человѣ́кѡвъ, ѿ пра́ведныхъ дне́сь, і҆ѡакі́ма и҆ а҆́нны, бцⷣа марі́а."
|
|
},
|
|
{
|
|
"type": "HEADER",
|
|
"value": "На стїхо́внѣ стїхи̑ры, гла́съ в҃."
|
|
},
|
|
{
|
|
"type": "TEXT",
|
|
"value": "Подо́бенъ: До́ме є҆ѵфра́ѳовъ:"
|
|
},
|
|
{
|
|
"type": "TEXT",
|
|
"value": "Прїиди́те и҆́же ѿ а҆да́ма, ю҆́же ѿ дв҃да и҆зра́стшꙋю, и҆ хрⷭ҇та̀ ро́ждшꙋю, воспои́мъ дв҃ꙋ, марі́ю пречⷭ҇тꙋю."
|
|
},
|
|
{
|
|
"type": "TEXT",
|
|
"value": "Сті́хъ: Слы́ши, дщѝ, и҆ ви́ждь, и҆ приклонѝ ᲂу҆́хо твоѐ."
|
|
},
|
|
{
|
|
"type": "TEXT",
|
|
"value": "Хвалꙋ̀ и҆зба́вителю, принесе́мъ гдⷭ҇ꙋ, ѿ непло́дове, да́вшемꙋ на́мъ бцⷣꙋ, и҆ є҆ди́нꙋ приснодв҃ꙋ."
|
|
},
|
|
{
|
|
"type": "TEXT",
|
|
"value": "Сті́хъ: Лицꙋ̀ твоемꙋ̀ помо́лѧтсѧ бога́тїи лю́дстїи."
|
|
},
|
|
{
|
|
"type": "TEXT",
|
|
"value": "Дне́сь ра́дость всеѧ̀ вселе́нныѧ ѿ непло́дныхъ ложе́снъ ражда́етсѧ пресла́внѡ, мт҃и всѣ́хъ цр҃ѧ̀."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, гла́съ в҃. Самогла́сенъ:"
|
|
},
|
|
{
|
|
"type": "TEXT",
|
|
"value": "Пронарече́ннаѧ всѣ́хъ цр҃и́ца, бж҃їе ѻ҆би́телище, ѿ непло́дныѧ дне́сь ᲂу҆тро́бы про́йде а҆́нны сла́вныѧ, присносꙋ́щнагѡ сꙋщества̀ бжⷭ҇твенное пребыва́лище: є҆́юже безстꙋ́дный а҆́дъ попра́сѧ, и҆ всеро́днаѧ є҆́ѵа въ тве́рдꙋю жи́знь вво́дитсѧ, то́й досто́йнѡ возопїи́мъ: бл҃же́нна ты̀ въ жена́хъ, и҆ пло́дъ чре́ва твоегѡ̀ бл҃гослове́нъ."
|
|
},
|
|
{
|
|
"type": "HEADER",
|
|
"value": "На лїтꙋргі́и: бл҃жє́нна препра́зднства, пѣ́снь г҃, на д҃: и҆ ст҃а́гѡ, пѣ́снь ѕ҃, на д҃."
|
|
},
|
|
{
|
|
"type": "HEADER",
|
|
"value": "Прокі́менъ, гла́съ з҃:"
|
|
},
|
|
{
|
|
"type": "TEXT",
|
|
"value": "Возвесели́тсѧ првⷣникъ ѡ҆ гдⷭ҇ѣ, и҆ ᲂу҆пова́етъ на него̀."
|
|
},
|
|
{
|
|
"type": "TEXT",
|
|
"value": "Сті́хъ: Оу҆слы́ши, бж҃е, гла́съ мо́й:"
|
|
},
|
|
{
|
|
"type": "HEADER",
|
|
"value": "А҆пⷭ҇лъ къ є҆фесе́ємъ, зача́ло сл҃г."
|
|
},
|
|
{
|
|
"type": "TEXT",
|
|
"value": "А҆ллилꙋ́їа, гла́съ д҃: Воззва́ша пра́веднїи, и҆ гдⷭ҇ь ᲂу҆слы́ша и҆̀хъ."
|
|
},
|
|
{
|
|
"type": "TEXT",
|
|
"value": "Сті́хъ: Мнѡ́ги скѡ́рби првⷣнымъ, и҆ ѿ всѣ́хъ и҆́хъ и҆зба́витъ ѧ҆̀ гдⷭ҇ь."
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе і҆ѡа́нна, зача́ло н҃в."
|
|
},
|
|
{
|
|
"type": "TEXT",
|
|
"value": "Прича́стенъ: Въ па́мѧть вѣ́чнꙋю бꙋ́детъ првⷣникъ:"
|
|
},
|
|
{
|
|
"type": "HEADER",
|
|
"value": "Подоба́етъ вѣ́дати, а҆́ще слꙋчи́тсѧ предпра́зднство ржⷭ҇тва̀ прест҃ы́ѧ бцⷣы, и҆ мꙋ́ченика сѡзо́нта въ недѣ́лю."
|
|
},
|
|
{
|
|
"type": "TEXT",
|
|
"value": "Въ сꙋббѡ́тꙋ на ма́лѣй вече́рни: Стїхи̑ры воскрⷭ҇ны и҆ бцⷣы по ѻ҆бы́чаю. Тропа́рь воскрⷭ҇нъ. Сла́ва, и҆ ны́нѣ, бг҃оро́диченъ є҆гѡ̀."
|
|
},
|
|
{
|
|
"type": "TEXT",
|
|
"value": "На вели́цѣй вече́рни: По каѳі́смѣ, на Гдⷭ҇и, воззва́хъ: стїхи̑ры воскрⷭ҇ны г҃: и҆ восто́ченъ є҆ди́нъ: и҆ предпра́зднства г҃: и҆ мꙋ́ченика г҃. Сла́ва, предпра́зднства: И҆ ны́нѣ бг҃оро́диченъ пе́рвый, гла́са настоѧ́щагѡ. На лїті́и стїхи́ра хра́ма, та́же стїхи̑ры стїхо́вны предпра́зднства вечє́рнїѧ. Сла́ва, и҆ ны́нѣ, предпра́зднства: пи́санъ на ᲂу҆́трени на стїхо́внѣ. На стїхо́внѣ стїхи̑ры воскрⷭ҇ны: Сла́ва, и҆ ны́нѣ, предпра́зднства. На благослове́нїи хлѣ́бѡвъ тропа́рь, Бцⷣе дв҃о: два́жды, и҆ предпра́зднства є҆ди́ножды. И҆ чте́нїе въ посла́нїихъ а҆пⷭ҇льскихъ."
|
|
},
|
|
{
|
|
"type": "TEXT",
|
|
"value": "На ᲂу҆́трени: На Бг҃ъ гдⷭ҇ь тропа́рь воскрⷭ҇нъ, два́жды: Сла́ва, мꙋ́ченика: И҆ ны́нѣ, предпра́зднства. По каѳі́смахъ сѣда́льны воскрⷭ҇ны, и҆ бг҃оро́дичны и҆́хъ. И҆ чте́нїе во є҆ѵⷢ҇лїи толково́мъ, недѣ́лѧ предъ воздви́женїемъ. Посе́мъ непоро́чны, и҆ ѵ҆пакоѝ. И҆ чте́нїе, недѣ́лѧ рѧ́дъ. Степє́нна, и҆ прокі́менъ гла́са. Всѧ́кое дыха́нїе: и҆ є҆ѵⷢ҇лїе воскрⷭ҇но. И҆ Воскрⷭ҇нїе хрⷭ҇то́во: Та́же канѡ́нъ воскрⷭ҇нъ со і҆рмосо́мъ на д҃: и҆ бцⷣы на в҃: и҆ предпра́зднства на д҃: и҆ мꙋ́ченика на д҃. Катава́сїа: Крⷭ҇тъ начерта́въ: По г҃-й пѣ́сни, конда́къ предпра́зднства, и҆ і҆́косъ, и҆ мꙋ́ченика. Сла́ва, сѣда́ленъ мꙋ́ченика: И҆ ны́нѣ, предпра́зднства. По ѕ҃-й пѣ́сни, конда́къ и҆ і҆́косъ воскрⷭ҇нъ, и҆ чте́мъ про́логъ. На ѳ҃-й пѣ́сни пое́мъ Чтⷭ҇нѣ́йшꙋю: Свѣти́ленъ воскрⷭ҇нъ: Сла́ва, мꙋ́ченика: И҆ ны́нѣ, предпра́зднства. На хвали́техъ стїхи̑ры воскрⷭ҇ны д҃: и҆ восто́ченъ є҆ди́нъ: и҆ предпра́зднства подо́бны г҃, тогѡ̀ днѐ стїхѡ́вныѧ, съ припѣ́вы и҆́хъ. Сла́ва, стїхи́ра є҆ѵⷢ҇льскаѧ. И҆ ны́нѣ, Пребл҃гослове́нна є҆сѝ: Славосло́вїе вели́кое. Тропа́рь воскрⷭ҇нъ то́чїю. Є҆ктєнїѝ, и҆ ѿпꙋ́стъ, и҆ ѡ҆глаше́нїе. И҆ ѻ҆бы́чное и҆схожде́нїе въ притво́ръ, и҆ ча́съ а҃-й. На а҃-мъ часѣ̀ тропа́рь воскрⷭ҇нъ: Сла́ва, предпра́зднства: И҆ ны́нѣ, бг҃оро́диченъ часѡ́въ. По Ѻ҆́ч҃е на́шъ: конда́къ предпра́зднства, и҆ коне́чный ѿпꙋ́стъ. На г҃-мъ часѣ̀ тропа́рь воскрⷭ҇нъ: Сла́ва, мꙋ́ченика: И҆ ны́нѣ, бг҃оро́диченъ часѡ́въ. По Ѻ҆́ч҃е на́шъ: конда́къ воскрⷭ҇нъ. Та́коже и҆ на про́чихъ часѣ́хъ глаго́лемъ тропа́рь воскрⷭ҇нъ пре́жде, а҆ предпра́зднства и҆ мꙋ́ченика, премѣнѧ́юще. Кондаки́ же, воскрⷭ҇нъ и҆ предпра́зднства, глаго́лемъ премѣнѧ́юще."
|
|
},
|
|
{
|
|
"type": "TEXT",
|
|
"value": "На лїтꙋргі́и: Бл҃же́нна ѻ҆ктѡ́иха, на ѕ҃ и҆ съ трⷪ҇чнымъ: и҆ предпра́зднства пѣ́снь г҃-ѧ, на д҃. По вхо́дѣ тропа́рь воскрⷭ҇нъ, и҆ предпра́зднства: та́же хра́ма ст҃а́гѡ: и҆ мꙋ́ченика. Конда́къ воскрⷭ҇нъ, и҆ хра́ма ст҃а́гѡ: Сла́ва, мꙋ́ченика: И҆ ны́нѣ, предпра́зднства. Прокі́менъ, а҆пⷭ҇лъ, а҆ллилꙋ́їа, и҆ є҆ѵⷢ҇лїе пре́жде недѣ́ли предъ воздви́женїемъ, и҆ рѧ́дъ недѣ́ли подъ зача́ло. Та́же ст҃а́гѡ. Прокі́менъ гла́са ѡ҆ставлѧ́етсѧ. Прича́стенъ: Хвали́те гдⷭ҇а съ нб҃съ: И҆ мꙋ́ченика: Въ па́мѧть вѣ́чнꙋю бꙋ́детъ првⷣникъ:"
|
|
}
|
|
] |