586 lines
47 KiB
JSON
586 lines
47 KiB
JSON
[
|
|
{
|
|
"type": "HEADER",
|
|
"value": "Септе́мврїа ѳ҃і"
|
|
},
|
|
{
|
|
"type": "HEADER",
|
|
"value": "Ст҃ы́хъ мч҃никъ, трофі́ма, савва́тїа и҆ дорѷмедо́нта."
|
|
},
|
|
{
|
|
"type": "HEADER",
|
|
"value": "На Гдⷭ҇и, воззва́хъ: стїхи̑ры пра́здника, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Да́лъ є҆сѝ зна́менїе:"
|
|
},
|
|
{
|
|
"type": "TEXT",
|
|
"value": "Крⷭ҇тъ всест҃ы́й, непобѣди́маѧ побѣ́да, ѿ землѝ ꙗ҆влѧ́емь дне́сь происхо́дитъ, ꙗ҆́коже сокрове́нное сокро́вище, ѡ҆богаща́ѧ вселе́ннꙋю зарѧ́ми всемі́рныѧ своеѧ̀ бл҃гости: тѣ́мъ преблаго́е строе́нїе сла́вимъ, на не́мъ сподо́бльшагѡсѧ распѧ́тисѧ хрⷭ҇та̀ бг҃а на́шегѡ."
|
|
},
|
|
{
|
|
"type": "TEXT",
|
|
"value": "Дре́вле ᲂу҆́бѡ ѡ҆полчє́нїѧ и҆ноплеме́нныхъ возвраща́ше, крⷭ҇тъ воѡбража́емь мѡѷсе́емъ ᲂу҆го́дникомъ и҆ вѣ́рнымъ бг҃ови́дцемъ, прⷪ҇ро́комъ бжⷭ҇твеннымъ: ны́нѣ же дла́ньми свѧще́нными, бжⷭ҇твеннымъ возвыше́нїемъ воѡбража́емь, де́мѡнѡвъ ѡ҆полчє́нїѧ, и҆ і҆ꙋде́євъ собо́ры ѿго́нитъ, и҆ ѡ҆блича́етъ безбо́жныхъ де́рзѡсти."
|
|
},
|
|
{
|
|
"type": "TEXT",
|
|
"value": "Держа́ва непобѣди́маѧ, хрⷭ҇тїа́нѡмъ на́мъ є҆́сть крⷭ҇тъ тво́й, сп҃се на́шъ, и҆́мже и҆ноплемє́ннаѧ ꙗ҆зы́кѡвъ побѣжда́ютсѧ мно́жєства, и҆ ми́ръ цр҃кви твое́й, хрⷭ҇тѐ, правосла́вѧщымъ до́брѣ дарова́сѧ: є҆го́же ны́нѣ цѣлꙋ́юще, тѧ̀ мо́лимъ, чл҃вѣколю́бче, ча́сти ны̀ сподо́би ст҃ы́хъ твои́хъ."
|
|
},
|
|
{
|
|
"type": "HEADER",
|
|
"value": "И҆́ны стїхи̑ры, ст҃ы́хъ, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Мч҃ницы твоѝ:"
|
|
},
|
|
{
|
|
"type": "TEXT",
|
|
"value": "Пи́щꙋ неижди́внꙋю жела́ѧ наслѣ́дити, трофі́ме мч҃ниче, болѣ́зньми тѣле́сными ты̀ пита́лсѧ є҆сѝ, и҆ преше́лъ є҆сѝ ѿ тлѝ къ нетлѣ́нїю ра́дꙋѧсѧ, свидѣ́тельствомъ ᲂу҆краша́емь: тѣ́мъ твои́ми моли́твами и҆спросѝ всѣ̑мъ, бл҃же́нне, ве́лїю ми́лость."
|
|
},
|
|
{
|
|
"type": "TEXT",
|
|
"value": "Савва́тїй сла́вный мнѡ́гїѧ мꙋ̑ки претерпѣ́въ, ны́нѣ пра́здновати во дво́рѣхъ нбⷭ҇ныхъ прера́достнѡ сподо́бисѧ: по́чєсти пѡ́двигъ свои́хъ прїе́мъ, собо́рѡмъ а҆́гг҃льскимъ причте́нъ. Тогѡ̀ моли́твами, хрⷭ҇тѐ, да́рꙋй лю́демъ твои̑мъ ве́лїю ми́лость."
|
|
},
|
|
{
|
|
"type": "TEXT",
|
|
"value": "Безбо́жныхъ совѣ́тъ ѿрази́въ, совѣ̑ты бжⷭ҇твенными ᲂу҆́мъ ᲂу҆твердѝ, дорѷмедо́нте: и҆ пристꙋпи́лъ є҆сѝ мꙋ́жественнѡ ко и҆скꙋше́нїемъ мꙋ́къ: побѣ́ды по́чести прїе́млѧ, хрⷭ҇тꙋ̀ сцрⷭ҇твꙋеши всегда̀, ѡ҆ всѣ́хъ на́съ молѧ́сѧ."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, гла́съ д҃:"
|
|
},
|
|
{
|
|
"type": "TEXT",
|
|
"value": "Воспле́щемъ дне́сь пѣ́сненное торжество̀, и҆ свѣ́тлымъ лице́мъ, и҆ ѧ҆зы́комъ ꙗ҆́снѡ возопїи́мъ: на́съ ра́ди, хрⷭ҇тѐ, сꙋ́дъ прїе́мый, и҆ ѡ҆плева̑нїѧ и҆ ра̑ны, и҆ червлени́цею ѡ҆дѣ́ѧвыйсѧ, и҆ на крⷭ҇тъ возше́дъ, є҆го́же ви́дѣвше со́лнце и҆ лꙋна̀, свѣ́тъ скры́ша, и҆ стра́хомъ землѧ̀ колеба́шесѧ, и҆ завѣ́са церко́внаѧ раздра́сѧ на дво́е. Ты̀ и҆ ны́нѣ да́рꙋй крⷭ҇тъ тво́й, честны́й, на́мъ блюсти́телѧ и҆ храни́телѧ и҆ прогони́телѧ де́мѡнѡвъ, ꙗ҆́кѡ да всѝ ѡ҆блобыза́юще, вопїе́мъ є҆мꙋ̀: спаси́ ны, крⷭ҇те, си́лою твое́ю, ѡ҆свѧти́ ны свѣ́тлостїю твое́ю, честны́й крⷭ҇те: и҆ ᲂу҆крѣпи́ ны воздви́женїемъ твои́мъ, ꙗ҆́кѡ свѣ́тъ на́мъ дарова́нъ є҆сѝ, и҆ спасе́нїе дꙋ́шъ на́шихъ."
|
|
},
|
|
{
|
|
"type": "HEADER",
|
|
"value": "На стїхо́внѣ стїхи̑ры, гла́съ а҃."
|
|
},
|
|
{
|
|
"type": "TEXT",
|
|
"value": "Подо́бенъ: Нбⷭ҇ныхъ чинѡ́въ:"
|
|
},
|
|
{
|
|
"type": "TEXT",
|
|
"value": "Крⷭ҇тъ возно́ситсѧ, и҆ де́мѡни прогонѧ́ютсѧ, разбо́йникъ є҆де́ма ᲂу҆́бѡ врата̀ ѿверза́етъ, сме́рть ᲂу҆мерщвлѧ́етсѧ, и҆ ны́нѣ пꙋста̀ ꙗ҆ви́сѧ, хрⷭ҇то́съ велича́етсѧ. Тѣ́мъ весели́тесѧ всѝ земноро́днїи, клѧ́тва разрꙋши́сѧ."
|
|
},
|
|
{
|
|
"type": "TEXT",
|
|
"value": "Сті́хъ: Возноси́те гдⷭ҇а бг҃а на́шегѡ, и҆ покланѧ́йтесѧ подно́жїю нѡ́гꙋ є҆гѡ̀, ꙗ҆́кѡ свѧ́то є҆́сть."
|
|
},
|
|
{
|
|
"type": "TEXT",
|
|
"value": "Прїиди́те бг҃олюби́вїи всѝ, крⷭ҇тъ честны́й возноси́мый ви́дѧще, возвели́чимъ кꙋ́пнѡ, и҆ сла́вꙋ дади́мъ є҆ди́номꙋ и҆зба́вителю и҆ бг҃ꙋ, взыва́юще: распны́йсѧ на дре́вѣ крⷭ҇тнѣмъ, не пре́зри молѧ́щихсѧ на́съ."
|
|
},
|
|
{
|
|
"type": "TEXT",
|
|
"value": "Сті́хъ: Бг҃ъ же цр҃ь на́шъ пре́жде вѣ́ка, содѣ́ла спасе́нїе посредѣ̀ землѝ."
|
|
},
|
|
{
|
|
"type": "TEXT",
|
|
"value": "Го́ресть дре́вле ѡ҆слажда́ѧ мѡѷсе́й, и҆зба́ви і҆и҃лѧ, ѻ҆́бразомъ крⷭ҇тъ прописꙋ́ѧ: мы́ же сего̀ всѝ бжⷭ҇твеннѡ, вѣ́рнїи, та́инственнѡ воѡбража́юще въ сердца́хъ на́шихъ всегда̀, спаса́емсѧ держа́вою є҆гѡ̀."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, гла́съ є҃:"
|
|
},
|
|
{
|
|
"type": "TEXT",
|
|
"value": "Гла́съ прⷪ҇рѡ́къ твои́хъ, и҆са́їи и҆ дв҃да, и҆спо́лнисѧ, бж҃е, глаго́лющїй: прїи́дꙋтъ всѝ ꙗ҆зы́цы, гдⷭ҇и, и҆ покло́нѧтсѧ предъ тобо́ю. Се́ бо лю́дїе, и҆̀же твоеѧ̀, бл҃же, благода́ти напо́лнишасѧ, во дво́рѣхъ твои́хъ і҆ерꙋсали́ма. Крⷭ҇тъ претерпѣ́вый за ны̀, и҆ воскрⷭ҇нїемъ твои́мъ животворѧ́й, сохранѝ и҆ спаси́ ны."
|
|
},
|
|
{
|
|
"type": "HEADER",
|
|
"value": "Тропа́рь, гла́съ и҃:"
|
|
},
|
|
{
|
|
"type": "TEXT",
|
|
"value": "Въ трⷪ҇цѣ хвали́мый бг҃ъ, трⷪ҇цꙋ мꙋ́чєникъ просла́ви, трофі́ма и҆ савва́тїа и҆ дорѷмедо́нта: въ того́ бо вѣ́ровавше, врага̀ низложи́ша. Тѣ́хъ моли́твами, хрⷭ҇тѐ бж҃е на́шъ, поми́лꙋй на́съ."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, пра́здника."
|
|
},
|
|
{
|
|
"type": "HEADER",
|
|
"value": "На ᲂу҆́трени, по а҃-мъ стїхосло́вїи, сѣда́ленъ, гла́съ з҃:"
|
|
},
|
|
{
|
|
"type": "TEXT",
|
|
"value": "Цр҃ковь вопїе́тъ тебѣ̀, хрⷭ҇тѐ бж҃е, въ пе́ѵкѣ, и҆ ке́дрѣ, и҆ кѷпарі́сѣ покланѧ́ющисѧ тебѣ̀: побѣ̑ды, ца́рствꙋющымъ, бцⷣею да́рꙋѧй, поми́лꙋй ны̀."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, то́йже."
|
|
},
|
|
{
|
|
"type": "HEADER",
|
|
"value": "По в҃-мъ стїхосло́вїи сѣда́ленъ, гла́съ д҃:"
|
|
},
|
|
{
|
|
"type": "TEXT",
|
|
"value": "Крⷭ҇тъ тво́й, гдⷭ҇и, ꙗ҆́кѡ свѣ́тъ сїѧ́ѧ, тє́мныѧ полкѝ ѿгонѧ́етъ, и҆ вѣ̑рныѧ просвѣща́етъ пою́щыѧ: крⷭ҇тъ є҆́сть мі́рови похвала̀."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, то́йже."
|
|
},
|
|
{
|
|
"type": "HEADER",
|
|
"value": "Канѡ́нъ пра́здника, со і҆рмосо́мъ на и҃: и҆ ст҃ы́хъ на д҃. Гла́съ и҃."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Крⷭ҇тъ начерта́въ мѡѷсе́й впрѧ́мѡ жезло́мъ чермно́е пресѣчѐ, і҆и҃лю пѣшеходѧ́щꙋ, то́же ѡ҆бра́тнѡ фараѡ́нѡвымъ колесни́цамъ ᲂу҆да́ривъ совокꙋпѝ, вопрекѝ написа́въ непобѣди́мое ѻ҆рꙋ́жїе: тѣ́мъ хрⷭ҇тꙋ̀ пои́мъ, бг҃ꙋ на́шемꙋ, ꙗ҆́кѡ просла́висѧ."
|
|
},
|
|
{
|
|
"type": "TEXT",
|
|
"value": "Ѻ҆́бразъ дре́вле мѡѷсе́й пречⷭ҇тыѧ стрⷭ҇ти въ себѣ̀ само́мъ проѡбразѝ, свѧще́нныхъ средѣ̀ стоѧ̀: крⷭ҇тъ же воѡбрази́въ, просте́ртыми побѣ́дꙋ дла́ньми воздви́же, держа́вꙋ погꙋби́въ а҆мали́ка всегꙋби́телѧ. Тѣ́мъ хрⷭ҇тꙋ̀ пои́мъ бг҃ꙋ на́шемꙋ, ꙗ҆́кѡ просла́висѧ."
|
|
},
|
|
{
|
|
"type": "TEXT",
|
|
"value": "Возложѝ мѡѷсе́й на столпѣ̀ врачевство̀, тлетвори́вагѡ и҆збавле́нїе, и҆ ꙗ҆дови́тагѡ ᲂу҆грызе́нїѧ, и҆ дре́вꙋ, ѻ҆́бразомъ крⷭ҇та̀, по землѝ пресмыка́ющагосѧ ѕмі́ѧ привѧза̀, лꙋка́вный въ се́мъ ѡ҆бличи́въ вре́дъ. Тѣ́мъ хрⷭ҇тꙋ̀ пои́мъ бг҃ꙋ на́шемꙋ, ꙗ҆́кѡ просла́висѧ."
|
|
},
|
|
{
|
|
"type": "TEXT",
|
|
"value": "Показа̀ нб҃о крⷭ҇та̀ побѣ́дꙋ, благоче́стїѧ держа́телю, и҆ царю̀ бг҃омꙋ́дрꙋ, врагѡ́въ въ не́мже ѕлосе́рдыхъ низложи́сѧ свирѣ́пство, ле́сть же преврати́сѧ, и҆ вѣ́ра распростре́сѧ земны̑мъ концє́мъ бжⷭ҇твеннаѧ. Тѣ́мъ хрⷭ҇тꙋ̀ пои́мъ бг҃ꙋ на́шемꙋ, ꙗ҆́кѡ просла́висѧ."
|
|
},
|
|
{
|
|
"type": "HEADER",
|
|
"value": "И҆́нъ канѡ́нъ ст҃ы́хъ, гла́съ и҃, є҆гѡ́же краегране́сїе:"
|
|
},
|
|
{
|
|
"type": "TEXT",
|
|
"value": "Трисвѣ́тлꙋю пою̀ мꙋ́чєникъ свѣ́тлость."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Колесницегони́телѧ фараѡ́нѧ погрꙋзѝ, чꙋдотворѧ́й и҆ногда̀ мѡѷсе́йскїй же́злъ, крⷭ҇тоѻбра́знѡ порази́въ и҆ раздѣли́въ мо́ре: і҆и҃лѧ же бѣглеца̀ пѣшехо́дца спасѐ, пѣ́снь бг҃ови воспѣва́юща."
|
|
},
|
|
{
|
|
"type": "TEXT",
|
|
"value": "Пресвѣ́тлыми мо́лнїѧми дх҃а ѡ҆сїѧ́еми, тє́мныѧ ѻ҆́блаки дꙋшѝ моеѧ̀ разрѣши́те, ᲂу҆́мъ мо́й ѡ҆зари́те, и҆ ᲂу҆стнѣ̀ къ пѣ́нїю ва́съ хвали́ти ѿве́рзите, мч҃ницы хрⷭ҇тѡ́вы великоимени́тїи."
|
|
},
|
|
{
|
|
"type": "TEXT",
|
|
"value": "Тве́рдостїю ᲂу҆ма̀ проти́вистесѧ сꙋемꙋ́дренномꙋ, даѧ́ти богѡ́мъ че́сть, мч҃ницы, чꙋ́ждꙋю, ва́съ понꙋжда́ющемꙋ, и҆ же́ртва соверше́ннаѧ разли́чными мꙋ́ками всецр҃ю̀ принесо́стесѧ."
|
|
},
|
|
{
|
|
"type": "TEXT",
|
|
"value": "Крѣ́пость ва́мъ ѿ бг҃а дарова́сѧ вседержи́телѧ, низложи́ти всю̀ крѣ́пость ѕмі́евꙋ честні́и великомч҃ницы, трⷪ҇цы ѻ҆рꙋ́жницы, савва́тїе досточꙋ́дне, бжⷭ҇твенный дорѷмедо́нте, и҆ трофі́ме."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Свѣща́тельными твои́ми точа́щими бл҃года́тьми, бг҃ора́дованнаѧ две́ре свѣ́та є҆ди́на, до́блїи мч҃ницы свѣ́тлѡ ѡ҆зарѧ́еми, глꙋбоча́йшꙋю тмꙋ̀ нестерпи́мыхъ страда́нїй, тѧ̀ пѣсносло́вѧще, претеко́ша."
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "TEXT",
|
|
"value": "І҆рмо́съ: Же́злъ во ѻ҆́бразъ та́йны прїе́млетсѧ, прозѧбе́нїемъ бо предразсꙋжда́етъ свѧще́нника, неплодѧ́щей же пре́жде цр҃кви, ны́нѣ процвѣтѐ дре́во крⷭ҇та̀, въ держа́вꙋ и҆ ᲂу҆твержде́нїе."
|
|
},
|
|
{
|
|
"type": "TEXT",
|
|
"value": "Ꙗ҆́кѡ и҆спꙋстѝ ᲂу҆дарѧ́емь во́дꙋ краесѣко́мый, непокори̑вымъ лю́демъ и҆ жестокосє́рдымъ, бг҃озва́нныѧ проѧвлѧ́ше цр҃кве та́инство, є҆ѧ́же крⷭ҇тъ держа́ва и҆ ᲂу҆твержде́нїе."
|
|
},
|
|
{
|
|
"type": "TEXT",
|
|
"value": "Ре́брѡмъ пречи̑стымъ, копїе́мъ прободє́ннымъ, вода̀ съ кро́вїю и҆стечѐ, ѡ҆бновлѧ́ющаѧ завѣ́тъ, и҆ ѡ҆мыва́тєльнаѧ грѣха̀: вѣ́рныхъ бо крⷭ҇тъ похвала̀, держа́ва и҆ ᲂу҆твержде́нїе."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆твержде́й въ нача́лѣ небеса̀ ра́зꙋмомъ, и҆ зе́млю на вода́хъ ѡ҆снова́вый, на ка́мени мѧ̀, хрⷭ҇тѐ, за́повѣдей твои́хъ ᲂу҆твердѝ: ꙗ҆́кѡ нѣ́сть свѧ́тъ, па́че тебѐ, є҆ди́не чл҃вѣколю́бче."
|
|
},
|
|
{
|
|
"type": "TEXT",
|
|
"value": "Краснѣ́йшимъ по́мысломъ, и҆ крѣ́пкою со́вѣстїю, къ мч҃ническомꙋ прїидо́сте и҆скꙋше́нїю: стрꙋ́жеми ѕѣлѡ̀ и҆ ра́нами ѡ҆стрꙋплѧ́еми, и҆ непобѣ́дною мы́слїю непоколеби́ми пребы́сте."
|
|
},
|
|
{
|
|
"type": "TEXT",
|
|
"value": "Кро́вей пролїѧ́ньми свѧще́ннѣйшꙋю порфѵ́рꙋ ѡ҆багри́вше, до́блїи ѻ҆рꙋ́жницы, безсме́ртномꙋ цр҃ю̀ гдⷭ҇ꙋ ны́нѣ предстоитѐ, ѡ҆ на́съ моле́нїе непреста́ннѡ творѧ́ще."
|
|
},
|
|
{
|
|
"type": "TEXT",
|
|
"value": "Не ѿверго́стесѧ хрⷭ҇та̀ приѡбща́ющесѧ мꙋ́камъ, и҆ стрꙋ́жеми тѣ́ломъ разли́чнѡ, и҆ лю́тѣ протѧза́еми, и҆ ѕвѣрє́мъ вдае́ми, всесла́внїи ѻ҆рꙋ́жницы, ст҃і́и великомч҃ницы."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Законоположе́нїємъ и҆зъ тебє̀ воплоще́ннагѡ влⷣки покарѧ́ющесѧ, всенепоро́чнаѧ ѻ҆трокови́це, до́блїи страда́льцы, беззакѡ́нныѧ побѣди́ша, тѧ̀ помо́щницꙋ ꙗ҆́кѡ и҆мꙋ́ще, спаса́ющꙋю дꙋ́шы на́шѧ."
|
|
},
|
|
{
|
|
"type": "HEADER",
|
|
"value": "Конда́къ мч҃никѡвъ, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Ꙗ҆́кѡ нача́тки:"
|
|
},
|
|
{
|
|
"type": "TEXT",
|
|
"value": "Ꙗ҆́кѡ страда́льцєвъ ѡ҆снова́нїе, и҆ благоче́стїѧ ᲂу҆твержде́нїе, цр҃ковь чти́тъ и҆ сла́витъ твоѐ свѣтоно́сное страда́нїе, приснопѣва́емый блаже́нне страда́льче, доблемꙋ́дре, сла́вне трофі́ме: со страда́вшими съ тобо́ю, ѡ҆чище́нїе пою́щымъ тѧ̀ и҆спросѝ, ꙗ҆́кѡ непобѣди́мь."
|
|
},
|
|
{
|
|
"type": "HEADER",
|
|
"value": "Сѣда́ленъ, гла́съ а҃."
|
|
},
|
|
{
|
|
"type": "TEXT",
|
|
"value": "Подо́бенъ: Гро́бъ тво́й:"
|
|
},
|
|
{
|
|
"type": "TEXT",
|
|
"value": "Мꙋ́къ мꙋ́жественнѡ претерпѣ́вше болѣ̑зни, къ неболѣ́зненнѣй жи́зни ны́нѣ преидо́сте кꙋ́пнѡ, дорѷмедо́нте, и҆ трофі́ме, и҆ савва́тїе сла́вне. Тѣ́мъ дне́сь хрⷭ҇то́ва цр҃ковь, пра́зднꙋющи свѧще́ннꙋю ва́шꙋ па́мѧть, бжⷭ҇твеннѣ ра́дꙋетсѧ."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, крⷭ҇та̀, гла́съ то́йже:"
|
|
},
|
|
{
|
|
"type": "TEXT",
|
|
"value": "Горѣ̀, ꙗ҆́кѡ бг҃ъ не́бо прⷭ҇то́лъ и҆мѣ́ѧ, и҆ зе́млю, хрⷭ҇тѐ сп҃се, подно́жїе носѧ̀, крⷭ҇тъ на́мъ показа́лъ є҆сѝ твои́хъ но́гъ подно́жїе, семꙋ̀ в҆сѝ дв҃дски покланѧ́емсѧ: того̀ храни́телѧ и҆ помо́щника и҆мꙋ́ще, вѣ́рнѡ тѧ̀ сла́вимъ."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆слы́шахъ, гдⷭ҇и, смотре́нїѧ твоегѡ̀ та́инство, разꙋмѣ́хъ дѣла̀ твоѧ̑, и҆ просла́вихъ твоѐ бжⷭ҇тво̀."
|
|
},
|
|
{
|
|
"type": "TEXT",
|
|
"value": "Горькорѡ́дныѧ преложѝ дре́вомъ мѡѷсе́й въ пꙋсты́ни дре́вле и҆сто́чники, крⷭ҇то́мъ ко благоче́стїю ꙗ҆зы̑къ проѧвлѧ́ѧ преложе́нїе."
|
|
},
|
|
{
|
|
"type": "TEXT",
|
|
"value": "Глꙋбинѣ̀ внѣ́дривый сѣкꙋ́щꙋю, и҆здадѐ і҆ѻрда́нъ дре́вꙋ, крⷭ҇то́мъ и҆ креще́нїемъ сѣче́нїе ле́сти зна́менꙋѧ."
|
|
},
|
|
{
|
|
"type": "TEXT",
|
|
"value": "Свѧще́ннѡ ѡ҆полча́ютсѧ четвероча́стнїи лю́дїе, предходѧ́ще ѻ҆́бразомъ свидѣ́тельства ски́нїи, крⷭ҇тоѻбра́зными чи́нми прославлѧ́емїи."
|
|
},
|
|
{
|
|
"type": "TEXT",
|
|
"value": "Чꙋ́днѡ простира́емь, со́лнєчныѧ лꙋчы̀ и҆спꙋща́ше крⷭ҇тъ, и҆ повѣ́даша нб҃са̀ сла́вꙋ бг҃а на́шегѡ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Ты̀ моѧ̀ крѣ́пость, гдⷭ҇и, ты̀ моѧ̀ и҆ си́ла, ты̀ мо́й бг҃ъ, ты̀ моѐ ра́дованїе, не ѡ҆ста́вль нѣ́дра ѻ҆́ч҃а, и҆ на́шꙋ нищетꙋ̀ посѣти́въ. Тѣ́мъ съ прⷪ҇ро́комъ а҆ввакꙋ́момъ зовꙋ́ ти: си́лѣ твое́й сла́ва, чл҃вѣколю́бче."
|
|
},
|
|
{
|
|
"type": "TEXT",
|
|
"value": "Терпѣ́нїемъ мꙋ́къ просвѣти́вшесѧ, на дре́вѣ мꙋ́чєницы повѣ́шени бы́сте, и҆ желѣ́зными ногты̀ по ре́брѡмъ сла́внїи стрꙋ́жеми, и҆з̾ѡдѣ́ѧнїемъ тѣлесѐ, въ бжⷭ҇твенное нетлѣ́нїе ѡ҆дѣ́ѧстесѧ, прⷭ҇то́лꙋ трⷪ҇цы всегда̀ предстоѧ́ще."
|
|
},
|
|
{
|
|
"type": "TEXT",
|
|
"value": "Ра́нимь за хрⷭ҇та̀, мч҃ниче трофі́ме, ᲂу҆слажда́лсѧ є҆сѝ болѣ́зньми превосходѧ́щими, смотрѧ́ѧ ꙗ҆̀же на нб҃сѝ бж҃е́ствєннаѧ воздаѧ̑нїѧ, и҆ сла́дость неиждивꙋ́щꙋю: є҆ѧ́же ны́нѣ сподо́билсѧ є҆сѝ по́двигъ соверши́въ, и҆ пи́ща влⷣцѣ бы́въ."
|
|
},
|
|
{
|
|
"type": "TEXT",
|
|
"value": "Ю҆́ношески претерпѣ́въ, савва́тїе, мꙋ́ки, ра́дꙋѧсѧ преда́лъ є҆сѝ бг҃ꙋ въ рꙋ́ки твою̀ дꙋ́шꙋ, и҆ въ нбⷭ҇ныхъ селе́нїихъ до́брѣ почи́лъ є҆сѝ, побѣди́въ ѿтꙋ́дꙋ и҆зве́рженнаго ѡ҆каѧ́ннѣ, и҆ по́чести побѣ́ды прїе́мъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ꙗ҆́кѡ чи́стꙋю цр҃е́вꙋ пала́тꙋ, тѧ̀ мч҃никѡвъ тричи́сленное составле́нїе призыва́ющее помо́щницꙋ, пречⷭ҇таѧ дв҃о, хра́мы де́мѡнскїѧ разори́ша, и҆ къ хра́мꙋ го́рнемꙋ преложи́шасѧ сла́вы, во хвала́хъ при́снѡ тѧ̀ чтꙋ́ще."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ѽ треблаже́нное дре́во, на не́мже распѧ́сѧ хрⷭ҇то́съ, цр҃ь и҆ гдⷭ҇ь! И҆́мже падѐ дре́вомъ прельсти́вый, тобо́ю прельсти́всѧ, бг҃ꙋ пригвозди́вшꙋсѧ пло́тїю, подаю́щемꙋ ми́ръ дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "Тебѐ приснопѣ́тое дре́во, на не́мже простре́сѧ хрⷭ҇то́съ, є҆де́мъ хранѧ́щее, ѡ҆браща́ющеесѧ ѻ҆рꙋ́жїе, крⷭ҇те, ᲂу҆стыдѣ́сѧ: стра́шный же херꙋві́мъ ᲂу҆стꙋпѝ, на тебѣ̀ пригвожде́нномꙋ хрⷭ҇тꙋ̀, подаю́щемꙋ ми́ръ дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "Подзе́мныхъ си̑лы проти̑вныѧ крⷭ҇та̀ страша́тсѧ, начерта́ема зна́менїѧ на воздꙋ́сѣ, по немꙋ́же хо́дѧтъ небе́сныхъ и҆ земноро́дныхъ ро́ди, колѣ̑на преклонѧ́юще хрⷭ҇тꙋ̀, подаю́щемꙋ ми́ръ дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "Зарѧ́ми нетлѣ́нными ꙗ҆́вльсѧ бжⷭ҇твенный крⷭ҇тъ, ѡ҆мрачє́ннымъ ꙗ҆зы́кѡмъ, заблꙋждє́ннымъ въ пре́лести, бжⷭ҇твенный свѣ́тъ ѡ҆блиста́въ, ᲂу҆своѧ́етъ на не́мъ пригвожде́нномꙋ хрⷭ҇тꙋ̀, подаю́щемꙋ ми́ръ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Вскꙋ́ю мѧ̀ ѿри́нꙋлъ є҆сѝ ѿ лица̀ твоегѡ̀, свѣ́те незаходи́мый, и҆ покры́ла мѧ̀ є҆́сть чꙋжда́ѧ тма̀ ѻ҆каѧ́ннаго, но ѡ҆брати́ мѧ, и҆ къ свѣ́тꙋ за́повѣдей твои́хъ пꙋти̑ моѧ̑ напра́ви, молю́сѧ."
|
|
},
|
|
{
|
|
"type": "TEXT",
|
|
"value": "Оу҆дали́вшесѧ тѣле́сныѧ любвѐ, всехва́льнїи, присво́истесѧ мно́жайшими болѣ́зньми и҆ ра́нами, бг҃ꙋ всеще́дромꙋ, ва́съ ми́лостїю возлюби́вшемꙋ, и҆ стрⷭ҇тьмѝ свои́ми ᲂу҆би́вшемꙋ стра̑сти."
|
|
},
|
|
{
|
|
"type": "TEXT",
|
|
"value": "Шє́ствїѧ твоѧ̑, мч҃ниче трофі́ме, бы́ша ᲂу҆пра́влєна, къ пꙋтє́мъ, всемꙋ́дре, мꙋче́нїѧ: въ ни́хже ᲂу҆добрѧ́емь, къ желѣ̑знымъ сапогѡ́мъ пригвожда́емь, велїа́ровꙋ главꙋ̀ и҆ жа̑ла сокрꙋши́лъ є҆сѝ."
|
|
},
|
|
{
|
|
"type": "TEXT",
|
|
"value": "Виті́йствꙋѧ бжⷭ҇твєннаѧ, трофі́ме многострада́льне, мꙋчи́телѧ посрами́лъ є҆сѝ, и҆ кровьмѝ твои́ми ше́ствꙋѧ, зе́млю ѡ҆свѧти́лъ є҆сѝ: прохо́диши же ра́достнѡ въ раѝ, на́мъ спасе́нїѧ и҆спроша́ѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ст҃ꙋ́ю дв҃ꙋ, бг҃ора́дованнꙋю, и҆ всенепоро́чнꙋю, крѣ́пцыи ѻ҆рꙋ́жницы на по́мощь призыва́юще, мꙋ́къ тѧготꙋ̀ и҆ ра́нъ треволне́нїе неꙋкло́ннымъ преидо́ша мꙋдрова́нїемъ."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Во́днагѡ ѕвѣ́рѧ во ᲂу҆тро́бѣ, дла̑ни і҆ѡ́на крⷭ҇тови́днѡ распросте́ръ, спаси́тельнꙋю стрⷭ҇ть проѡбража́ше ꙗ҆́вѣ. Тѣ́мъ тридне́венъ и҆зше́дъ, премі́рное воскрⷭ҇нїе прописа́ше, пло́тїю пригвожде́ннагѡ хрⷭ҇та̀ бг҃а, и҆ тридне́внымъ воскрⷭ҇нїемъ мі́ръ просвѣ́щшагѡ."
|
|
},
|
|
{
|
|
"type": "TEXT",
|
|
"value": "Ста́ростїю преклони́всѧ, и҆ недꙋ́гомъ ѡ҆тѧгче́нъ и҆спра́висѧ, і҆а́кѡвъ рꙋ́цѣ премѣни́въ, дѣ́йствїе ꙗ҆влѧ́ѧ жизноно́снагѡ крⷭ҇та̀: и҆́бо ве́тхость зако́ннагѡ сѣно́внагѡ писа́нїѧ, новописа̀ на се́мъ пло́тїю пригвозди́выйсѧ бг҃ъ, и҆ дꙋшегꙋби́тельный недꙋ́гъ ле́сти ѿгна̀."
|
|
},
|
|
{
|
|
"type": "TEXT",
|
|
"value": "На ю҆́ныѧ возложи́въ дла̑ни бжⷭ҇твенный і҆и҃ль, крⷭ҇тови́днѡ главы̑ ꙗ҆влѧ́ше, ꙗ҆́кѡ старѣ́йшаѧ сла́ва, законослꙋжи́тели лю́дїе. Тѣ́мже подмнѣ́всѧ та́кѡ и҆спрельсти́тисѧ, не и҆змѣнѝ жизноно́снагѡ ѻ҆́браза: превзы́дꙋтъ бо лю́дїе хрⷭ҇то́вы бж҃їи новоꙋтвержде́ннїи, вопїѧ́хꙋ: крⷭ҇то́мъ ѡ҆гражда́еми."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Ѡ҆чи́сти мѧ̀, сп҃се, мнѡ́га бо беззакѡ́нїѧ моѧ̑, и҆ и҆зъ глꙋбины̀ ѕѡ́лъ возведѝ, молю́сѧ: къ тебѣ́ бо возопи́хъ, и҆ ᲂу҆слы́ши мѧ̀, бж҃е спасе́нїѧ моегѡ̀."
|
|
},
|
|
{
|
|
"type": "TEXT",
|
|
"value": "Преплы́вше ти́хѡ ѡ҆кормле́нїемъ дх҃а, благосла́внїи страда́льцы мꙋ́къ пꙋчи́нꙋ, и҆ къ безво́лненномꙋ спасе́нїѧ приста́нищꙋ свѧще́ннѡ достиго́ша."
|
|
},
|
|
{
|
|
"type": "TEXT",
|
|
"value": "Па̑дающаѧ зрѧ̀ на зе́млю ᲂу҆деса̀ твоѧ̑ трофі́ме, и҆ ѻ҆́цетъ въ твоѧ̑ нѡ́здри прїе́млѧ, благовѡ́нныѧ вонѝ хрⷭ҇то́вы любвѐ воспрїима́лъ є҆сѝ мно́жае."
|
|
},
|
|
{
|
|
"type": "TEXT",
|
|
"value": "Ꙗ҆́кѡ совѣ́тникъ хрⷭ҇то́выхъ ѡ҆правда́нїй бы́въ, совѣ́ты безбо́жныхъ врагѡ́въ до конца̀ ѿклони́лъ є҆сѝ, и҆ себѐ пре́далъ є҆сѝ дорѷмедо́нте мч҃ниче мꙋ́камъ, ᲂу҆ранѧ́емь."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Вжилѧ́еми ѿ тебє̀ и҆спꙋща́емыми си́лами, страстоте́рпцы твоѝ, хрⷭ҇тѐ, зако́ннѡ пострада́ша, чⷭ҇тꙋю мт҃рь твою̀ воспѣва́юще, неизрече́ннѡ тѧ̀ поро́ждшꙋю."
|
|
},
|
|
{
|
|
"type": "HEADER",
|
|
"value": "Конда́къ, гла́съ д҃. Подо́бенъ:"
|
|
},
|
|
{
|
|
"type": "TEXT",
|
|
"value": "Вознесы́йсѧ на крⷭ҇тъ во́лею, тезоимени́томꙋ твоемꙋ̀ но́вомꙋ жи́тельствꙋ, щедрѡ́ты твоѧ̑ да́рꙋй, хрⷭ҇тѐ бж҃е: возвеселѝ си́лою твое́ю вѣ̑рныѧ лю́ди твоѧ̑, побѣ̑ды даѧ̀ на́мъ на сопоста́ты, посо́бїе и҆мꙋ́щымъ твоѐ ѻ҆рꙋ́жїе ми́ра, непобѣди́мꙋю побѣ́дꙋ."
|
|
},
|
|
{
|
|
"type": "TEXT",
|
|
"value": "І҆́косъ: И҆́же до тре́тїѧгѡ нб҃сѐ восхище́нъ бы́сть въ ра́й, и҆ гл҃го́лы слы́шавъ неизречє́нныѧ и҆ бжⷭ҇твєнныѧ, и҆̀хже не лѣ́ть ѧ҆зы̑ки (человѣ́ческими) глаго́лати. Что̀ гала́тѡмъ пи́шетъ, ꙗ҆́кѡ рачи́телїе писа́нїй прочто́сте и҆ позна́сте: мнѣ̀, глаго́летъ, хвали́тисѧ да не бꙋ́детъ, то́кмѡ во є҆ди́номъ крⷭ҇тѣ̀ гдⷭ҇ни, на не́мже страда́въ ᲂу҆бѝ стра̑сти. Того̀ ᲂу҆́бѡ и҆ мы̀ и҆звѣ́стнѡ да держи́мъ, крⷭ҇тъ гдⷭ҇ень, хвалꙋ̀ всѝ: є҆́сть бо на́мъ спаси́тельное сїѐ дре́во, ѻ҆рꙋ́жїе ми́ра, непобѣди́маѧ побѣ́да."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "TEXT",
|
|
"value": "І҆рмо́съ: Безꙋ́мное велѣ́нїе мꙋчи́телѧ ѕлочести́вагѡ лю́ди поколеба̀, ды́шꙋщее преще́нїе и҆ ѕлохꙋле́нїе бг҃оме́рзское: ѻ҆ба́че трѝ ѻ҆́троки не ᲂу҆страшѝ ꙗ҆́рость ѕвѣ́рскаѧ, ни ѻ҆́гнь снѣда́ѧй, но противоды́шꙋщꙋ росоно́сномꙋ дх҃ꙋ, со ѻ҆гне́мъ сꙋ́ще поѧ́хꙋ: препѣ́тый ѻ҆тцє́въ и҆ на́съ бж҃е, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Ѿ дре́ва вкꙋси́въ пе́рвый въ человѣ́цѣхъ, въ тлѣ́нїе всели́сѧ: ѿверже́нїемъ бо жи́зни безче́стнѣйшимъ ѡ҆сꙋди́всѧ, всемꙋ̀ ро́дꙋ тѣлотлѣ́ненъ нѣ́кїй, ꙗ҆́кѡ вре́дъ недꙋ́га преподадѐ: но ѡ҆брѣ́тше земноро́днїи воззва́нїе крⷭ҇тнымъ дре́вомъ, зове́мъ: препѣ́тый ѻ҆тцє́въ и҆ на́съ бж҃е, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Разрꙋшѝ повелѣ́нїе бж҃їе преслꙋша́нїе, и҆ дре́во принесѐ сме́рть человѣ́кѡмъ, є҆́же неблаговре́меннѡ прича́стно бы́вшее: во ᲂу҆твержде́нїе же ѕѣлѡ̀ честна́гѡ, ѿтꙋ́дꙋ жи́зни дре́во возбранѧ́емо бѣ̀, є҆́же разбо́йникꙋ ѕлоꙋме́ршꙋ ѿве́рзе, благоразꙋ́мнѡ зовꙋ́щꙋ: препѣ́тый ѻ҆тцє́въ и҆ на́съ бж҃е, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Жезла̀ ѡ҆б̾е́млетъ кра́й і҆ѡ́сифова, бꙋ̑дꙋщаѧ зрѧ̀ і҆и҃ль, црⷭ҇твїѧ держа́вное, ꙗ҆́кѡ воз̾имꙋ́ществитъ, пресла́вный крⷭ҇тъ проѧвлѧ́ѧ: се́й бо побѣдоно́снаѧ похвала̀, и҆ свѣ́тъ вѣ́рою зовꙋ́щымъ: препѣ́тый ѻ҆тцє́въ и҆ на́съ бж҃е, бл҃гослове́нъ є҆сѝ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Бж҃їѧ снизхожде́нїѧ ѻ҆́гнь ᲂу҆стыдѣ́сѧ въ вавѷлѡ́нѣ и҆ногда̀, сегѡ̀ ра́ди ѻ҆́троцы въ пещѝ ра́дованною ного́ю, ꙗ҆́кѡ во цвѣ́тницѣ ликꙋ́юще, поѧ́хꙋ: бл҃гослове́нъ є҆сѝ, бж҃е ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Превсѧ́кѡ мановє́нїи є҆́же къ бг҃ꙋ ᲂу҆добрѧ́емь, рожны̑ же, бл҃же́нне, разжже́нными поджига́емь, и҆ по ребрѡ́мъ твои̑мъ непра́веднѡ стрꙋ́жемь, ѽ дорѷмедо́нте, крѣ́пкѡ претерпѣ́лъ є҆сѝ."
|
|
},
|
|
{
|
|
"type": "TEXT",
|
|
"value": "Ви́дѣти жела́ѧ бж҃їю сла́вꙋ неизрече́ннꙋю, ѻ҆чесы̀ ѡ҆слѣпле́нъ бы́лъ є҆сѝ разжжє́нїи желѣ́зными, и҆ благода́рственнѡ гдⷭ҇ꙋ взыва́лъ є҆сѝ, трофі́ме: бл҃гослове́нъ бг҃ъ ѻ҆ц҃є́въ на́шихъ."
|
|
},
|
|
{
|
|
"type": "TEXT",
|
|
"value": "Любо́вїю распала́еми чⷭ҇тны́ѧ трⷪ҇цы, трїѐ соверши́сте велича́йшыѧ по́двиги: и҆ со тма́ми ны́нѣ ра́дꙋетесѧ нбⷭ҇ными. Съ ни́миже на́съ помѧни́те, разрѣше́нїе прегрѣше́нїй при́снѡ на́мъ просѧ́ще."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Сꙋ́щи влⷣчца, чистѣ́йши всѧ́кїѧ тва́ри, прїѧ́ла є҆сѝ сло́во и҆зъ тебє̀ неизрече́ннѡ ражда́ющисѧ, є҆го́же до́блїи мꙋ́чєницы возлюби́вше, мꙋче́нїй мно́жєства претерпѣ́ша."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "TEXT",
|
|
"value": "І҆рмо́съ: Благослови́те ѻ҆́троцы, трⷪ҇цы равночи́сленнїи, содѣ́телѧ ѻ҆ц҃а̀ бг҃а, по́йте снизше́дшее сло́во, и҆ ѻ҆́гнь въ ро́сꙋ претво́ршее, и҆ превозноси́те всѣ̑мъ жи́знь подава́ющаго, дх҃а всест҃а́го, во вѣ́ки."
|
|
},
|
|
{
|
|
"type": "TEXT",
|
|
"value": "Воздвиза́емꙋ дре́вꙋ, ѡ҆кропле́ннꙋ кро́вїю вопло́щшагѡсѧ сло́ва бг҃а, по́йте нбⷭ҇ныѧ си̑лы: земны́хъ воззва́нїе, пра́зднꙋюще лю́дїе, поклони́тесѧ хрⷭ҇то́вꙋ крⷭ҇тꙋ̀, и҆́мже мі́рꙋ воста́нїе, во вѣ́ки."
|
|
},
|
|
{
|
|
"type": "TEXT",
|
|
"value": "Земноро́днїи дла́ньми, строи́телїе бл҃года́ти, крⷭ҇тъ, на не́мже стоѧ́ше хрⷭ҇то́съ бг҃ъ, возноси́те свѧщеннолѣ́пнѡ и҆ копїѐ, бж҃їѧ сло́ва тѣ́ло пробо́дшее: да ви́дѧтъ ꙗ҆зы́цы всѝ спасе́нїе бж҃їе, сла́вѧще є҆го̀ во вѣ́ки."
|
|
},
|
|
{
|
|
"type": "TEXT",
|
|
"value": "Бжⷭ҇твеннымъ сꙋдо́мъ пред̾избра́ннїи весели́тесѧ, хрⷭ҇тїа́нстїи вѣ́рнїи лю́дїе хвали́тесѧ побѣдоно́снымъ ѻ҆рꙋ́жїемъ, прїе́мше ѿ бг҃а крⷭ҇тъ честны́й: въ се́мъ бо колѣ̑на, бра́ней де́рзости и҆́щꙋще, разсыпа́ютсѧ во вѣ́ки."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Седмери́цею пе́щь халде́йскїй мꙋчи́тель, бг҃очести̑вымъ неи́стовнѡ разжжѐ, си́лою же лꙋ́чшею, спасе́ны сїѧ̑ ви́дѣвъ творцꙋ̀ и҆ и҆зба́вителю вопїѧ́ше: ѻ҆́троцы, благослови́те, свѧще́нницы, воспо́йте, лю́дїе, превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Ѡ҆бнаже́нными тѣлесы̀ ра́намъ прибо́рбствоваше, нетлѣ́нїѧ ᲂу҆краше́нїе прїѧ́сте, въ стꙋ́дъ ѡ҆дѣ́ѧвше врага̀ вѣ́чный вѣнцено́сцы, преше́дше къ бжⷭ҇твєннымъ поко́ищємъ вопїе́те: свѧще́нницы, воспо́йте, лю́дїе, превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Слѣдогонѧ́ще свидѣ́тели хрⷭ҇то́вы стрⷭ҇ти, къ древесє́мъ привѧ́занни бы́сте, и҆ терза̑нїѧ претерпѣ́сте до́блимъ смы́сломъ, и҆ стрꙋѧ́ми кро́ве потопи́сте де́мѡнѡвъ лꙋка́внѣйшыѧ полкѝ, бжⷭ҇твеннѡ пѣснопою́ще: свѧще́нницы, воспо́йте, лю́дїе, превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Да похва́литсѧ трофі́мъ, да сла́витсѧ савва́тїй, и҆ да велича́етсѧ дорѷмедо́нтъ дне́сь, столпѝ непоколеби́мїи, вѣ́рныхъ предгра̑дїѧ, свѣтови́днїи цр҃кве свѣти́льницы: ю҆́же зарѧ́ми велича́йшихъ подвигѡ́въ че́стнѡ просвѣща́юще, во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Мла́до ꙗ҆́кѡ ѻ҆троча̀ родила̀ є҆сѝ пречⷭ҇таѧ дв҃о, ѻ҆ц҃ꙋ̀ и҆ дх҃ꙋ соесте́ственнѡ разꙋмѣва́ема хрⷭ҇та̀ бг҃а на́шего: є҆го́же до́блїи мꙋ́чєницы и҆сповѣ́дающе свѧще́ннѡ пострада́ша. Съ ни́миже тѧ̀, всест҃а́ѧ, вѣ́рою бл҃жа́тъ лю́дїе, племена̀ и҆ ꙗ҆зы́цы во всѧ̑ вѣ́ки."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Та́инъ є҆сѝ, бцⷣе, ра́й, невоздѣ́ланнѡ возрасти́вшїй хрⷭ҇та̀, и҆́мже кре́стное живоно́сное на землѝ насади́сѧ дре́во. Тѣ́мъ ны́нѣ возноси́мꙋ, покланѧ́ющесѧ є҆мꙋ̀, тѧ̀ велича́емъ."
|
|
},
|
|
{
|
|
"type": "TEXT",
|
|
"value": "Да возра́дꙋютсѧ древа̀ дꙋбра̑внаѧ всѧ̑, ѡ҆свѧти́вшꙋсѧ є҆стествꙋ̀ и҆́хъ, ѿ негѡ́же и҆знача́ла насади́шасѧ, хрⷭ҇тꙋ̀ распросте́ршꙋсѧ на дре́вѣ. Тѣ́мъ ны́нѣ возноси́мꙋ, покланѧ́ющесѧ є҆мꙋ̀, тѧ̀ велича́емъ."
|
|
},
|
|
{
|
|
"type": "TEXT",
|
|
"value": "Свѧще́нный воста̀ ро́гъ, и҆ глава̀ всѣ̑мъ бг҃омꙋ̑дрымъ крⷭ҇тъ, и҆́мже грѣ́шныхъ мы́сленнѡ стира́ютсѧ ро́зи всѝ. Тѣ́мъ ны́нѣ возноси́мꙋ, покланѧ́ющесѧ є҆мꙋ̀, тѧ̀ велича́емъ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆жасе́сѧ ѡ҆ се́мъ нб҃о, и҆ землѝ ᲂу҆диви́шасѧ концы̀, ꙗ҆́кѡ бг҃ъ ꙗ҆ви́сѧ человѣ́кѡмъ пло́тски, и҆ чре́во твоѐ бы́сть простра́ннѣйшее небе́съ. Тѣ́мъ тѧ̀ бцⷣꙋ, а҆́гг҃лѡвъ и҆ человѣ̑къ чинонача̑лїѧ велича́ютъ."
|
|
},
|
|
{
|
|
"type": "TEXT",
|
|
"value": "Крѣ́постїю всѣ́хъ содѣ́телѧ ѕвѣре́й стремлє́нїѧ свѧза́сте, и҆ невре́дни, мꙋ́чєницы, пребы́сте ѿ ни́хъ, вельмѝ ᲂу҆дивлѧ́еми непревра́тными прило́гами. Тѣ́мъ мч҃никѡвъ стадѡ́мъ соприче́тшесѧ, ѡ҆ на́съ всегда̀ моли́тесѧ."
|
|
},
|
|
{
|
|
"type": "TEXT",
|
|
"value": "Ꙗ҆́кѡ жє́ртвы трапе́зѣ та́инственнѣй принесо́стесѧ, мече́мъ ᲂу҆сѣка́еми пресла́внѡ: и҆ перворо́дныхъ ны́нѣ во ѻ҆би́телехъ прера́достнѡ водворѧ́етесѧ, зрѧ́ще сла́вꙋ бж҃їю, и҆ приплѡ́дїѧ прїе́млюще болѣ́зней, и҆ по́чєсти страда́нїѧ."
|
|
},
|
|
{
|
|
"type": "TEXT",
|
|
"value": "Согла́снѡ соше́дшесѧ прїиди́те, вѣ́рнїи, дорѷмедо́нта же и҆ савва́тїа, и҆ сла́внаго трофі́ма восхва́лимъ, крѣ́пкїѧ и҆́стины свидѣ́тели, гро́здїе лозы̀ ᲂу҆́мныѧ: ѿ ни́хже на́мъ вїно̀ сꙋ́щнѡ весе́лїѧ и҆ска́паетъ, бжⷭ҇твенною бл҃года́тїю."
|
|
},
|
|
{
|
|
"type": "TEXT",
|
|
"value": "Па́мѧть всепра́зднственнаѧ мꙋ́дрыхъ страда́лєцъ возсїѧ́вши дне́сь, ꙗ҆́кѡ и҆́стиннѡ па́че заре́й со́лнечныхъ просвѣща́етъ всѧ̑, тмꙋ̀ ѿгонѧ́щи страсте́й, и҆ ѻ҆́блаки ᲂу҆ны́нїѧ: тѣ́хъ, хрⷭ҇тѐ, моли́твами, пода́ждь на́мъ всѣ̑мъ ми́лѡсти твоѧ̑."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Сохрани́вый тѧ̀ дв҃ꙋ, ѿ твои́хъ бокѡ́въ возсїѧ́вшее невече́рнее ꙗ҆́кѡ и҆́стиннѡ сл҃нце, дв҃о, страда́льцы преѧвле́ннѡ ѡ҆сїѧ̀ подви́гшыѧсѧ терпѣли́внѡ. Съ ни́миже того̀ молѝ, ᲂу҆ще́дрити ны̀ благоче́стнѡ тѧ̀ велича́ющыѧ."
|
|
},
|
|
{
|
|
"type": "HEADER",
|
|
"value": "Свѣти́ленъ пра́здника:"
|
|
},
|
|
{
|
|
"type": "TEXT",
|
|
"value": "Крⷭ҇тъ, храни́тель всеѧ̀ вселе́нныѧ: крⷭ҇тъ, красота̀ це́ркве: крⷭ҇тъ, вѣ́рныхъ ᲂу҆твержде́нїе: крⷭ҇тъ, а҆́гг҃лѡвъ сла́ва, и҆ де́мѡнѡвъ ꙗ҆́зва."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, то́йже."
|
|
},
|
|
{
|
|
"type": "HEADER",
|
|
"value": "На стїхо́внѣ стїхи̑ры, гла́съ ѕ҃."
|
|
},
|
|
{
|
|
"type": "TEXT",
|
|
"value": "Подо́бенъ: Тридне́венъ:"
|
|
},
|
|
{
|
|
"type": "TEXT",
|
|
"value": "И҆дѣ́же стоѧ́ша но́ги хрⷭ҇то́вы, мѣ́стꙋ покланѧ́емсѧ, возносѧ́ще требл҃же́нный крⷭ҇тъ, на не́мже и҆сточи́сѧ кро́вь влⷣчнѧ, и҆сточи́вшагѡ мі́рꙋ воскрⷭ҇нїе."
|
|
},
|
|
{
|
|
"type": "TEXT",
|
|
"value": "Сті́хъ: Возноси́те гдⷭ҇а бг҃а на́шего, и҆ покланѧ́йтесѧ подно́жїю нѡ́гꙋ є҆гѡ̀, ꙗ҆́кѡ свѧ́то є҆́сть."
|
|
},
|
|
{
|
|
"type": "TEXT",
|
|
"value": "Оу҆мертви́вше стра̑сти пло́ти и҆ дꙋ́ха бг҃омꙋ́дрїи, потщи́мсѧ возвы́ситисѧ ѿ земны́хъ въ небе́сный поко́й, крⷭ҇та̀ воздви́женїемъ, сраспе́ншесѧ влⷣцѣ хрⷭ҇тꙋ̀."
|
|
},
|
|
{
|
|
"type": "TEXT",
|
|
"value": "Сті́хъ: Бг҃ъ же цр҃ь на́шъ пре́жде вѣ́ка, содѣ́ла спасе́нїе посредѣ̀ землѝ."
|
|
},
|
|
{
|
|
"type": "TEXT",
|
|
"value": "Животекꙋ́щїй и҆зъ бжⷭ҇твенныхъ рє́бръ и҆сто́чникъ ꙗ҆́вѣ и҆скипѣ̀ сп҃совыхъ, напаѧ́ющь дꙋ́шы вѣ́рою покланѧ́ющихсѧ бжⷭ҇твєннымъ є҆гѡ̀ стрⷭ҇те́мъ, и҆ крⷭ҇тꙋ̀, и҆ воскресе́нїю."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, гла́съ є҃:"
|
|
},
|
|
{
|
|
"type": "TEXT",
|
|
"value": "Гла́съ прⷪ҇рѡ́къ твои́хъ и҆са́їи и҆ дв҃да, и҆спо́лнисѧ, бж҃е, гл҃го́лющїй: прїи́дꙋтъ всѝ ꙗ҆зы́цы, гдⷭ҇и, и҆ покло́нѧтсѧ предъ тобо́ю. Се́ бо лю́дїе, и҆̀же твоеѧ̀, бл҃же, бл҃года́ти напо́лнишасѧ, во дво́рѣхъ твои́хъ і҆ерⷭ҇ли́ма. Крⷭ҇тъ претерпѣ́вый за ны̀, и҆ воскресе́нїемъ твои́мъ животворѧ́й, сохранѝ и҆ спаси́ ны."
|
|
},
|
|
{
|
|
"type": "HEADER",
|
|
"value": "На лїтꙋргі́и: Бл҃жє́нна пра́здника, пѣ́снь з҃-ѧ на ѕ҃."
|
|
}
|
|
] |