738 lines
59 KiB
JSON
738 lines
59 KiB
JSON
[
|
|
{
|
|
"type": "HEADER",
|
|
"value": "Септе́мврїа к҃"
|
|
},
|
|
{
|
|
"type": "HEADER",
|
|
"value": "Ст҃ы́хъ мꙋ́чєникъ и҆ и҆сповѣ̑дникъ, вели́кагѡ кнѧ́зѧ мїхаи́ла, и҆ болѧ́рина є҆гѡ̀ ѳео́дѡра: черни́говскихъ чꙋдотво́рцєвъ."
|
|
},
|
|
{
|
|
"type": "HEADER",
|
|
"value": "Ве́черъ, Блаже́нъ мꙋ́жъ: На Гдⷭ҇и, воззва́хъ: стїхи̑ры пра́здника г҃: ли́стъ рл҃и. И҆ ст҃ы́хъ стїхи̑ры, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Зва́нный свы́ше:"
|
|
},
|
|
{
|
|
"type": "TEXT",
|
|
"value": "Ꙗ҆́рости царѧ̀ бг҃оме́рзскагѡ и҆ хрⷭ҇тоненави́стнагѡ, ника́коже ᲂу҆боѧ́всѧ, премꙋ́дре мїхаи́ле, не ѡ҆слабѣ́лъ є҆сѝ щадѣ́нїѧ ра́ди живота̀, ни жела́нїемъ ца́рства, є҆го́же самово́льнѣ ѡ҆ста́вилъ є҆сѝ: но хрⷭ҇та̀ є҆ди́наго бг҃а и҆сповѣ́далъ є҆сѝ, томꙋ̀ є҆ди́номꙋ ѿ дꙋшѝ покланѧ́юсѧ, ре́клъ є҆сѝ, и҆ сла́дцѣ ᲂу҆мрꙋ̀ за ᲂу҆ме́ршаго менє̀ ра́ди. Є҆го́же молѝ, страстоте́рпче мїхаи́ле, со страда́вшимъ съ тобо́ю ѳео́дѡромъ болѧ́риномъ, спастѝ ва́съ почита́ющыѧ."
|
|
},
|
|
{
|
|
"type": "TEXT",
|
|
"value": "Пощадѝ ю҆́ность твою̀, мꙋчи́тель речѐ, и҆ поклони́сѧ мно́ю жела́емомꙋ бо́гꙋ, со́лнцꙋ же и҆ ѻ҆гню̀, да со мно́ю ца́рствꙋеши. Ты́ же мч҃ниче, ре́клъ є҆сѝ: да не бꙋ́детъ мнѣ̀, ѽ пребеззако́нниче! Хрⷭ҇та̀ ѿврещи́сѧ, и҆ лѡ́жнымъ богѡ́мъ твои̑мъ поклони́тисѧ. Что́ бо мнѣ̀ тобо́ю прети́маѧ мꙋ́ка, и҆лѝ настоѧ́щее житїѐ, проти́вꙋ бꙋ́дꙋщагѡ црⷭ҇твїѧ; є҆го́же полꙋчи́ти молѝ, премꙋ́дре мїхаи́ле, съ до́блимъ ѳео́дѡромъ болѧ́риномъ, любо́вїю ва́съ непреста́ннѡ почита́ющымъ."
|
|
},
|
|
{
|
|
"type": "TEXT",
|
|
"value": "Ца́рь бг҃оме́рзскїй, и҆ весьма̀ ѿчꙋжде́нный бг҃а, покꙋша́шесѧ ле́стїю, мїхаи́ле, ва́съ ѿврати́ти ѿ вѣ́ры сꙋ́щїѧ во хрⷭ҇та̀, и҆ ласка́ньми свои́ми ᲂу҆вѣща́ти тща́шесѧ. Глаго́лаше бо: а҆́ще покло́нитесѧ со мно́ю превожделѣ́нномꙋ моемꙋ̀ бо́гꙋ, сла́вы мі́ра сегѡ̀ со мно́ю насладите́сѧ: но наде́жди погрѣши́въ, и҆ въ дѣ́лѣхъ рꙋ́къ свои́хъ ᲂу҆вѧзѐ грѣ́шникъ. Моли́твами, хрⷭ҇тѐ, твои́хъ ᲂу҆гѡ́дникъ, такова́гѡ безчеловѣ́чїѧ и҆зба́ви дꙋ́шы на́шѧ, ꙗ҆́кѡ є҆ди́нъ милосе́рдъ и҆ чл҃вѣколю́бецъ."
|
|
},
|
|
{
|
|
"type": "HEADER",
|
|
"value": "И҆́ны стїхи̑ры, гла́съ в҃."
|
|
},
|
|
{
|
|
"type": "TEXT",
|
|
"value": "Подо́бенъ: Терпѧ́ще мꙋчє́нїѧ:"
|
|
},
|
|
{
|
|
"type": "TEXT",
|
|
"value": "Претерпѣ́сте мꙋче́нїѧ болѣ̑зни, пролїѧ́сте кро́вь ꙗ҆́кѡ во́дꙋ: тѣ́мъ во страсте́хъ свои́хъ мно́гъ пло́дъ принесо́сте, ѽ пречꙋ́дне мїхаи́ле, и҆ премꙋ́дре ѳео́дѡре! Хрⷭ҇то́вы за́пѡвѣди соблюда́юще, и҆ тѣ́ми ᲂу҆твержда́ющесѧ ᲂу҆че́ньми наста́вника своегѡ̀, ѕмі́ѧ ѕлонача́льнаго попра́сте, и҆ побѣ́дными вѣнцы̀ ᲂу҆вѧзо́стесѧ, ѿ хрⷭ҇та̀ бг҃а и҆ сп҃са дꙋ́шъ на́шихъ."
|
|
},
|
|
{
|
|
"type": "TEXT",
|
|
"value": "Со́лнца свѣ́тлаго мїхаи́ла похва́лимъ, и҆ лꙋнꙋ̀ свѣтлосо́лнечнꙋю ѳео́дѡра почти́мъ, свѣти̑льника пресвѣ̑тлаѧ сїѧ́ющѧ зарѧ́ми, ѻ҆́ба крѣпкодꙋ̑шна, зако́ннꙋю вѣ́рꙋ пра́вѧщѧ, ꙗ҆́кѡ доброхра́бра пострада́ста, пє́рвымъ мч҃никѡмъ подо́бѧщесѧ, глаго́лахꙋ: не поклони́мсѧ тва́ри па́че творца̀, но ма́лѡ претерпѣ́вше, вѣнцы̀ свѣ̑тлыѧ прїи́мемъ ѿ хрⷭ҇та̀ бг҃а и҆ сп҃са дꙋ́шъ на́шихъ."
|
|
},
|
|
{
|
|
"type": "TEXT",
|
|
"value": "Коего́ждо смотрѧ́юще, мїхаи́ле, ᲂу҆страша́ющихсѧ мꙋ́къ, и҆ и҆дꙋ́щихъ сквозѣ̀ ѻ҆́гнь, и҆ покланѧ́ющихсѧ со́лнцꙋ, къ себѣ̀ глаго́ласте: лꙋ́чше на́мъ є҆́сть, ѳео́дѡре, не и҆тѝ сквозѣ̀ ѻ҆́гнь, ни поклони́тисѧ де́мѡнѡмъ, сла́вы ра́ди тлѣ́нныѧ, да вѣ́чнагѡ живота̀ прича́стницы бꙋ́демъ, съ пострада́вшими хрⷭ҇та̀ ра́ди, и҆ съ ни́ми наслади́мсѧ вѣ́чныхъ бла̑гъ, ѿ хрⷭ҇та̀ бг҃а и҆ сп҃са дꙋ́шъ на́шихъ."
|
|
},
|
|
{
|
|
"type": "HEADER",
|
|
"value": "Сла́ва, гла́съ ѕ҃:"
|
|
},
|
|
{
|
|
"type": "TEXT",
|
|
"value": "А҆́ще и҆ тма́ми бла̑гъ земны́хъ ѡ҆бѣщава́ешисѧ да́ти мѝ, и҆ ца́рствїе тлѣ́нное, є҆́же и҆ са́мъ пома́лѣ и҆ не хотѧ̀ ѡ҆ста́виши, страда́льче, ре́клъ є҆сѝ, ника́коже хрⷭ҇та̀ ѿмета́юсѧ, но є҆ди́наго того̀ творца̀ нб҃сѐ и҆ землѝ и҆сповѣ́дꙋю, и҆ несомнѣ́ннѡ вѣ́рꙋю. Є҆го́же молѝ страда́льцєвъ похвало̀, мїхаи́ле, съ до́блимъ ѳео́дѡромъ болѧ́риномъ, спасти́сѧ дꙋша́мъ, любо́вїю ва́съ почита́ющихъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, гла́съ то́йже:"
|
|
},
|
|
{
|
|
"type": "TEXT",
|
|
"value": "Дне́сь дре́во ꙗ҆ви́сѧ, дне́сь ро́дъ є҆вре́йскїй поги́бе, дне́сь вѣ́рными цари̑ вѣ́ра ꙗ҆влѧ́етсѧ, и҆ а҆да́мъ дре́ва ра́ди и҆спадѐ, и҆ па́ки дре́вомъ де́мѡни вострепета́ша: всеси́льне гдⷭ҇и, сла́ва тебѣ̀."
|
|
},
|
|
{
|
|
"type": "HEADER",
|
|
"value": "Вхо́дъ. Прокі́менъ днѐ. Чтє́нїѧ г҃."
|
|
},
|
|
{
|
|
"type": "HEADER",
|
|
"value": "Прⷪ҇ро́чества и҆са́їина чте́нїе."
|
|
},
|
|
{
|
|
"type": "TEXT",
|
|
"value": "(Глава̀ м҃г) Та́кѡ гл҃го́летъ гдⷭ҇ь: всѝ ꙗ҆зы́цы собра́шасѧ вкꙋ́пѣ, и҆ соберꙋ́тсѧ кнѧ́зи ѿ ни́хъ: кто̀ возвѣсти́тъ сїѧ̑ въ ни́хъ; и҆лѝ ꙗ҆̀же ѿ нача́ла, кто̀ слы̑шана сотвори́тъ ва́мъ; да приведꙋ́тъ свидѣ́тели своѧ̑, и҆ ѡ҆правдѧ́тсѧ, и҆ да ᲂу҆слы́шатъ, и҆ да рекꙋ́тъ и҆́стинꙋ. Бꙋ́дите мѝ свидѣ́тели, и҆ а҆́зъ свидѣ́тель, глаго́летъ гдⷭ҇ь бг҃ъ, и҆ ѻ҆́трокъ, є҆го́же и҆збра́хъ. Да позна́ете, и҆ вѣ́рꙋете мѝ, и҆ разꙋмѣ́ете, ꙗ҆́кѡ а҆́зъ є҆́смь, пре́жде менє̀ не бы́сть и҆́нъ бо́гъ, и҆ по мнѣ̀ не бꙋ́детъ. А҆́зъ є҆́смь бг҃ъ, и҆ нѣ́сть ра́звѣ менє̀ спаса́ѧй. А҆́зъ возвѣсти́хъ, и҆ спасо́хъ: ᲂу҆ничижи́хъ, и҆ не бѣ̀ въ ва́съ чꙋ́ждїй. Вы̀ мнѣ̀ свидѣ́тели, и҆ а҆́зъ гдⷭ҇ь бг҃ъ. И҆ є҆щѐ ѿ нача́ла а҆́зъ є҆́смь: и҆ нѣ́сть ѿ рꙋ́къ мои́хъ и҆збавлѧ́ѧй: сотворю̀, и҆ кто̀ ѿврати́тъ то̀; Си́це гл҃го́летъ гдⷭ҇ь бг҃ъ, и҆збавлѧ́ѧй ва́съ ст҃ы́й і҆и҃левъ."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́ни чте́нїе."
|
|
},
|
|
{
|
|
"type": "TEXT",
|
|
"value": "(Глава̀ г҃) Пра́ведныхъ дꙋ́шы въ рꙋцѣ̀ бж҃їей, и҆ не прико́снетсѧ и҆́хъ мꙋ́ка. Непщева́ни бы́ша во ѻ҆чесѣ́хъ безꙋ́мныхъ ᲂу҆мре́ти, и҆ вмѣни́сѧ ѡ҆ѕлобле́нїе и҆схо́дъ и҆́хъ: и҆ є҆́же ѿ на́съ ше́ствїе сокрꙋше́нїе, ѻ҆ни́ же сꙋ́ть въ ми́рѣ. И҆́бо предъ лице́мъ человѣ́ческимъ а҆́ще и҆ мꙋ́кꙋ прїи́мꙋтъ, ᲂу҆пова́нїе и҆́хъ безсме́ртїѧ и҆спо́лнено. И҆ вма́лѣ нака́зани бы́вше, вели́кими благодѣ́тельствовани бꙋ́дꙋтъ: ꙗ҆́кѡ бг҃ъ и҆скꙋсѝ ѧ҆̀, и҆ ѡ҆брѣ́те и҆̀хъ достѡ́йны себѣ̀. ꙗ҆́кѡ зла́то въ горни́лѣ и҆скꙋсѝ и҆̀хъ, и҆ ꙗ҆́кѡ всепло́дїе же́ртвенное прїѧ́тъ ѧ҆̀. И҆ во вре́мѧ посѣще́нїѧ и҆́хъ возсїѧ́ютъ, и҆ ꙗ҆́кѡ и҆́скры по сте́блїю потекꙋ́тъ: сꙋ́дѧтъ ꙗ҆зы́кѡмъ, и҆ ѡ҆блада́ютъ людьмѝ, и҆ воцр҃и́тсѧ гдⷭ҇ь въ ни́хъ во вѣ́ки. Надѣ́ющїисѧ на́нь разꙋмѣ́ютъ и҆́стинꙋ, и҆ вѣ́рнїи въ любвѝ пребꙋ́дꙋтъ є҆мꙋ̀. Ꙗ҆́кѡ бл҃года́ть и҆ ми́лость въ преподо́бныхъ є҆гѡ̀, и҆ посѣще́нїе во и҆збра́нныхъ є҆гѡ̀."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́ни чте́нїе."
|
|
},
|
|
{
|
|
"type": "TEXT",
|
|
"value": "(Глава̀ д҃) Пра́ведникъ, а҆́ще пости́гнетъ сконча́тисѧ, въ поко́и бꙋ́детъ. Ста́рость бо честна̀ не многолѣ́тна, нижѐ въ числѣ̀ лѣ́тъ и҆счита́етсѧ: сѣди́на же є҆́сть мꙋ́дрость человѣ́кѡмъ, и҆ во́зрастъ ста́рости, житїѐ нескве́рное. Благоꙋго́денъ бг҃ови бы́въ, возлю́бленъ бы́сть, и҆ живы́й посредѣ̀ грѣ̑шникъ преста́вленъ бы́сть. Восхище́нъ бы́сть, да не ѕло́ба и҆змѣни́тъ ра́зꙋма є҆гѡ̀, и҆лѝ ле́сть прельсти́тъ дꙋ́шꙋ є҆гѡ̀. Раче́нїе бо ѕло́бы помрача́етъ дѡ́браѧ, и҆ паре́нїе по́хоти премѣнѧ́етъ ᲂу҆́мъ неѕло́бивъ. Сконча́всѧ вма́лѣ, и҆спо́лни лѣ̑та дѡ́лга: ᲂу҆го́дна бо бѣ̀ гдⷭ҇еви дꙋша̀ є҆гѡ̀: сегѡ̀ ра́ди потща́сѧ ѿ среды̀ лꙋка́вствїѧ: лю́дїе же ви́дѣвше, и҆ не разꙋмѣ́вше, нижѐ поло́жше въ помышле́нїи таково́е: ꙗ҆́кѡ благода́ть и҆ ми́лость въ преподо́бныхъ є҆гѡ̀, и҆ посѣще́нїе во и҆збра́нныхъ є҆гѡ̀."
|
|
},
|
|
{
|
|
"type": "HEADER",
|
|
"value": "На стїхо́внѣ стїхи̑ры, гла́съ в҃."
|
|
},
|
|
{
|
|
"type": "TEXT",
|
|
"value": "Подо́бенъ: Кі́ими похва́льными:"
|
|
},
|
|
{
|
|
"type": "TEXT",
|
|
"value": "Кі́ими мꙋ́дрыми словесы̀ ᲂу҆блажи́мъ хрⷭ҇то́ва страда́льца, непобѣди́ма крѣ́постїю, мїхаи́ла тве́рдаго дꙋше́ю, страны̀ на́шеѧ ᲂу҆краше́нїе, и҆ всеѧ̀ землѝ просвѣще́нїе, и҆ ѳео́дѡра совѣ́тника блага́го по благоче́стїю; и҆̀мже досто́йнꙋю сла́вꙋ дарова̀ хрⷭ҇то́съ бг҃ъ на́шъ, и҆мѣ́ѧй ве́лїю ми́лость."
|
|
},
|
|
{
|
|
"type": "TEXT",
|
|
"value": "Сті́хъ: Воззва́ша првⷣнїи, и҆ гдⷭ҇ь ᲂу҆слы́ша и҆̀хъ."
|
|
},
|
|
{
|
|
"type": "TEXT",
|
|
"value": "Кі́ими смире́ннїи ᲂу҆стна́ми, восхва́лимъ цѣломꙋ́дрєнныѧ великомч҃ники, мїхаи́ла съ ѳео́дѡромъ, ѡ҆ста́вльшыѧ земна̑ѧ, и҆ послѣ́довавшыѧ хрⷭ҇тꙋ̀; ѻ҆́въ ᲂу҆́бѡ мꙋче́нїѧ страда́нїемъ. ѻ҆́въ же кро́вїю зе́млю ѡ҆свѧща́ютъ, и҆ не престаю́тъ, молѧ́ще хрⷭ҇та̀ дарова́ти на́мъ ве́лїю ми́лость."
|
|
},
|
|
{
|
|
"type": "TEXT",
|
|
"value": "Сті́хъ: Мнѡ́ги скѡ́рби првⷣнымъ, и҆ ѡ҆ всѣ́хъ и҆́хъ и҆зба́витъ ѧ҆̀ гдⷭ҇ь."
|
|
},
|
|
{
|
|
"type": "TEXT",
|
|
"value": "Кі́ими земні́и ᲂу҆стна́ми возвели́чимъ многопѣ́таго мїхаи́ла крѣ́пкаго, и҆ ѳео́дѡра до́блественнаго, поло́жшихъ дꙋ́шы за́повѣди ра́ди бжⷭ҇твенныѧ; ѻ҆́въ же сме́рти подо́бѧсѧ влⷣчнѣй, ѻ҆́въ же ре́вностїю разгара́ѧсѧ, и҆̀хже вѣнча̀ хрⷭ҇то́съ бг҃ъ на́шъ, и҆мѣ́ѧй ве́лїю ми́лость."
|
|
},
|
|
{
|
|
"type": "HEADER",
|
|
"value": "Сла́ва, гла́съ и҃:"
|
|
},
|
|
{
|
|
"type": "TEXT",
|
|
"value": "Добро́тою пѡ́двигъ свои́хъ ᲂу҆краси́вшесѧ, и҆ ѿ крове́й свои́хъ ѡ҆дѣѧ́нїе носѧ́ще ст҃і́и: тѣ́мже ꙗ҆́кѡ пресвѣ́тлаѧ свѣти̑ла, въ мі́рѣ ꙗ҆́вльшесѧ дх҃а бл҃года́тїю, просвѣща́юще ѻ҆те́чество ва́ше, благочести́выѧ и҆ кнѧ́жескїѧ ѻ҆́трасли, страстоте́рпче и҆ и҆сповѣ́дниче хрⷭ҇то́въ мїхаи́ле, кꙋ́пнѡ съ ѳео́дѡромъ, предъ лице́мъ гдⷭ҇нимъ съ мч҃ники всегда̀ предстоѧ́ще, моли́те спасти́сѧ дꙋша́мъ на́шымъ, любо́вїю благоче́стнѡ соверша́ющихъ па́мѧть ва́шꙋ."
|
|
},
|
|
{
|
|
"type": "HEADER",
|
|
"value": "И҆ ны́нѣ, пра́здника, гла́съ то́йже:"
|
|
},
|
|
{
|
|
"type": "TEXT",
|
|
"value": "Гла́съ прⷪ҇ро́ка твоегѡ̀ мѡѷсе́а, бж҃е, и҆спо́лнисѧ глаго́лѧй: ᲂу҆́зрите живо́тъ ва́шъ, ви́сѧщь предъ ѻ҆чесы̀ ва́шими. Дне́сь крⷭ҇тъ воздвиза́етсѧ, и҆ мі́ръ ѿ ле́сти свобожда́етсѧ. Дне́сь хрⷭ҇то́во воскрⷭ҇нїе ѡ҆бновлѧ́етсѧ, и҆ концы̀ землѝ ра́дꙋютсѧ, въ кѷмва́лѣхъ дв҃дски пѣ́снь тебѣ̀ приносѧ́ще и҆ глаго́люще: содѣ́лалъ є҆сѝ спасе́нїе посредѣ̀ землѝ, бж҃е, крⷭ҇тъ и҆ воскрⷭ҇нїе, и҆́хже ра́ди на́съ спа́слъ є҆сѝ, бл҃же и҆ чл҃вѣколю́бче. Всеси́льне гдⷭ҇и, сла́ва тебѣ̀."
|
|
},
|
|
{
|
|
"type": "HEADER",
|
|
"value": "Тропа́рь, гла́съ д҃:"
|
|
},
|
|
{
|
|
"type": "TEXT",
|
|
"value": "Жи́знь ва́шꙋ мч҃нически соверши́вше, и҆сповѣ́данїѧ вѣнцы̑ ᲂу҆краси́вшесѧ, къ нбⷭ҇нымъ востеко́сте, мїхаи́ле премꙋ́дре, съ до́блимъ ѳео́дѡромъ, моли́те хрⷭ҇та̀ бг҃а, сохрани́ти ѻ҆те́чество ва́ше, гра́дъ же и҆ лю́ди, по вели́цѣй є҆гѡ̀ ми́лости."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, пра́здника:"
|
|
},
|
|
{
|
|
"type": "TEXT",
|
|
"value": "Спасѝ, гдⷭ҇и, лю́ди твоѧ̑:"
|
|
},
|
|
{
|
|
"type": "HEADER",
|
|
"value": "На ᲂу҆́трени, тропа́рь пра́здника, два́жды."
|
|
},
|
|
{
|
|
"type": "HEADER",
|
|
"value": "Сла́ва, ст҃ы́хъ. И҆ ны́нѣ, пра́здника."
|
|
},
|
|
{
|
|
"type": "HEADER",
|
|
"value": "По а҃-мъ стїхосло́вїи сѣда́ленъ пра́здника, гла́съ з҃:"
|
|
},
|
|
{
|
|
"type": "TEXT",
|
|
"value": "Цр҃ковь вопїе́тъ тѝ, хрⷭ҇тѐ бж҃е, въ пе́ѵкѣ, и҆ ке́дрѣ, и҆ кѷпарі́сѣ, покланѧ́ющисѧ тебѣ̀: побѣ̑ды на́мъ бцⷣею да́рꙋѧй, поми́лꙋй на́съ."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, то́йже."
|
|
},
|
|
{
|
|
"type": "HEADER",
|
|
"value": "По в҃-мъ стїхосло́вїи сѣда́ленъ, гла́съ д҃:"
|
|
},
|
|
{
|
|
"type": "TEXT",
|
|
"value": "Крⷭ҇тъ тво́й, гдⷭ҇и, ꙗ҆́кѡ свѣ́тъ сїѧ́ѧ, тє́мнаѧ ѡ҆полчє́нїѧ ѿгонѧ́етъ, и҆ вѣ̑рныѧ просвѣща́етъ пою́щыѧ: крⷭ҇тъ є҆́сть мі́рꙋ похвала̀."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, то́йже."
|
|
},
|
|
{
|
|
"type": "HEADER",
|
|
"value": "По полѷеле́и сѣда́ленъ, гла́съ д҃:"
|
|
},
|
|
{
|
|
"type": "TEXT",
|
|
"value": "И҆̀же а҆́гг҃лѡвъ равноче́стны вѣнцы̀ ѿ хрⷭ҇та̀ прїѧ́сте, за него́же пострада́сте, мїхаи́ле бг҃омꙋ́дре и҆ ѳео́дѡре преди́вне, ми́ръ мі́рꙋ и҆спроси́те, и҆ дꙋша́мъ на́шымъ ве́лїю ми́лость."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, пра́здника."
|
|
},
|
|
{
|
|
"type": "HEADER",
|
|
"value": "Степє́нна, а҃-й а҆нтїфѡ́нъ д҃-гѡ гла́са."
|
|
},
|
|
{
|
|
"type": "TEXT",
|
|
"value": "Прокі́менъ: Воззва́ша првⷣнїи, и҆ гдⷭ҇ь ᲂу҆слы́ша и҆̀хъ."
|
|
},
|
|
{
|
|
"type": "TEXT",
|
|
"value": "Сті́хъ: Мнѡ́ги скѡ́рби првⷣнымъ:"
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе матѳе́а, зача́ло л҃ѕ."
|
|
},
|
|
{
|
|
"type": "HEADER",
|
|
"value": "По н҃-мъ ѱалмѣ̀ стїхи́ра, гла́съ и҃:"
|
|
},
|
|
{
|
|
"type": "TEXT",
|
|
"value": "Вла́сть земнꙋ́ю, и҆ ца́рство до́льнее ѡ҆ста́вивъ, потща́лсѧ є҆сѝ прїитѝ къ цр҃ю̀ вседержи́телю хрⷭ҇тꙋ̀ бг҃ꙋ, всехва́льне мїхаи́ле съ ѳео́дѡромъ мꙋ́дрымъ, пострада́вшимъ съ тобо́ю, и҆ поко́ѧ доидо́сте нбⷭ҇нагѡ, и҆ ны́нѣ почива́ете ᲂу҆ пра́ѻтца а҆враа́ма. Тѣ́мъ ѡ҆ на́съ моли́тесѧ ко цр҃ю̀ влⷣцѣ на́шемꙋ, ꙗ҆́кѡ да ми́лостивъ бꙋ́детъ на́мъ въ де́нь стра́шнагѡ є҆гѡ̀ прише́ствїѧ, ва́шꙋ творѧ́щымъ пресвѣ́тлꙋю па́мѧть."
|
|
},
|
|
{
|
|
"type": "HEADER",
|
|
"value": "Канѡ́нъ пра́здника на ѕ҃: и҆ ст҃ы́хъ два̀ на и҃. Творе́нїе не́гли і҆еромона́ха ст҃ы́ѧ горы̀, пахѡ́мїа, кромѣ̀ бг҃оро́дичнѡвъ. Гла́съ д҃."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Мо́рѧ чермнꙋ́ю пꙋчи́нꙋ невла́жными стопа́ми дре́внїй пѣшеше́ствовавъ і҆и҃ль, крестоѻбра́зными мѡѷсе́овыма рꙋка́ма а҆мали́ковꙋ си́лꙋ въ пꙋсты́ни побѣди́лъ є҆́сть."
|
|
},
|
|
{
|
|
"type": "TEXT",
|
|
"value": "Твои́ми моли́твами, страстоте́рпче мїхаи́ле, бл҃года́ть мнѣ̀ и҆ просвѣще́нїе съ нб҃сѐ да́рꙋй, ꙗ҆́кѡ да возмогꙋ̀ похвали́ти до́блєсти и҆ страда̑нїѧ твоѧ̑."
|
|
},
|
|
{
|
|
"type": "TEXT",
|
|
"value": "Бжⷭ҇твеннымъ жела́нїемъ разжига́емь, мїхаи́ле свѧ́те, съ ѳео́дѡромъ болѧ́риномъ, па́ки къ ва́шемꙋ ѻ҆те́чествꙋ возвраща́етесѧ, и҆дѣ́же мꙋче́нїѧ вѣнцы̀ ѿ десни́цы вы́шнѧгѡ прїѧ́сте, и҆зрѧ́днѡ помина́йте ва́съ почита́ющихъ."
|
|
},
|
|
{
|
|
"type": "TEXT",
|
|
"value": "Црⷭ҇твїѧ вѣ́чнꙋющагѡ, и҆ ника́коже мимотекꙋ́щагѡ воспомина́ѧ наслажде́нїе, свѧ́те, ца́рство земно́е преѡби́дѣвъ, и҆ вмѣ́стѡ ски́птра крⷭ҇тъ взѧ́лъ є҆сѝ, и҆ самозва́нъ къ подвигѡ́мъ ᲂу҆стреми́лсѧ є҆сѝ, кꙋ́пнѡ со страда́вшимъ съ тобо́ю ѳео́дѡромъ болѧ́риномъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ст҃ы́хъ ст҃ѣ́йшаѧ была̀ є҆сѝ, дв҃а чⷭ҇таѧ, ст҃ы́хъ ст҃а́го на рꙋкꙋ̀ хрⷭ҇та̀ носи́вши, бжⷭ҇твенною си́лою тва́рь содержа́щаго."
|
|
},
|
|
{
|
|
"type": "HEADER",
|
|
"value": "И҆́нъ канѡ́нъ ст҃ы́хъ. Гла́съ и҃."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Во́дꙋ проше́дъ ꙗ҆́кѡ сꙋ́шꙋ, и҆ є҆гѵ́петскагѡ ѕла̀ и҆збѣжа́въ, і҆и҃льтѧнинъ вопїѧ́ше: и҆зба́вителю и҆ бг҃ꙋ на́шемꙋ пои́мъ."
|
|
},
|
|
{
|
|
"type": "TEXT",
|
|
"value": "Послѝ мнѣ̀, гдⷭ҇и, ѡ҆ставле́нїе мно́гихъ мои́хъ согрѣше́нїй, и҆ сло́во мнѣ̀ да́рꙋй, да съ ра́достїю возмогꙋ̀ похвали́ти тѧ̀, просла́вльшаго ст҃ы̑ѧ твоѧ̑ мч҃ники."
|
|
},
|
|
{
|
|
"type": "TEXT",
|
|
"value": "Пѣ́снь возсле́мъ благочести́вїи, цѣломꙋ́дреннымъ смы́сломъ, мїхаи́ла сла́внаго, и҆ ѳео́дѡра благочести́ваго, кꙋ́пнѡ ѻ҆́ба сла́вѧще."
|
|
},
|
|
{
|
|
"type": "TEXT",
|
|
"value": "Благоро́дства да́ръ ѿ бг҃а прїе́мъ, благоче́стїе дꙋше́вное возлюби́въ, па́че же и҆ цѣломꙋ́дрїе, и҆ добродѣ́тельми ᲂу҆добрѧ́ѧсѧ, мїхаи́ле."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Проклѧ́сѧ сме́рть тобо́ю, и҆ а҆́дово жа́ло притꙋпи́сѧ, мт҃и чⷭ҇таѧ: ты́ бо безсме́ртнаго влⷣкꙋ пло́тїю мі́рꙋ родила̀ є҆сѝ."
|
|
},
|
|
{
|
|
"type": "TEXT",
|
|
"value": "Катава́сїа пра́здника: Крⷭ҇тъ начерта́въ:"
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "TEXT",
|
|
"value": "І҆рмо́съ: Весели́тсѧ ѡ҆ тебѣ̀ цр҃ковь твоѧ̀, хрⷭ҇тѐ, зовꙋ́щи: ты̀ моѧ̀ крѣ́пость, гдⷭ҇и, и҆ прибѣ́жище, и҆ ᲂу҆твержде́нїе."
|
|
},
|
|
{
|
|
"type": "TEXT",
|
|
"value": "Ꙗ҆рѧ́сѧ ѕвѣ́рь нечести́вый, ᲂу҆би́ти ва́съ повелѣва́етъ, сегѡ̀ сквє́рнымъ повелѣ́нїємъ повинꙋ́тисѧ не хотѧ́щихъ, и҆ тва́ри па́че творца̀ не послꙋжи́сте: но хрⷭ҇тꙋ̀ вопїѧ́сте: ст҃ъ є҆сѝ гдⷭ҇и."
|
|
},
|
|
{
|
|
"type": "TEXT",
|
|
"value": "Любо́вїю твоегѡ̀ влⷣки снѣда́емь бы́въ, мїхаи́ле, кꙋ́пнѡ съ ѳео́дѡромъ болѧ́риномъ, ничто́же земна́гѡ вмѣни́сте, и҆ тогѡ̀ жела́нїемъ, мꙋче́нїѧ ча́шꙋ и҆спи́сте ᲂу҆се́рднѡ, хрⷭ҇тꙋ̀ вопїю́ще: ст҃ъ є҆сѝ гдⷭ҇и."
|
|
},
|
|
{
|
|
"type": "TEXT",
|
|
"value": "Самозва́нъ ѿ да́льныхъ стра́нъ ѻ҆те́чество твоѐ прише́дъ посѣти́ти, и҆ ѕлоимени́тагѡ царѧ̀ бг҃обо́рнꙋю пре́лесть ѡ҆бличи́ти, ѿ негѡ́же пострада́въ, же́ртва бг҃ꙋ прине́слсѧ є҆сѝ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Возста́вила є҆сѝ, чⷭ҇таѧ, па́ки па́дшїй мо́й ѻ҆́бразъ, ро́ждшаѧ вино́внаго па́че є҆сте́ственнаго воскрⷭ҇нїѧ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Ты̀ є҆сѝ ᲂу҆твержде́нїе притека́ющихъ къ тебѣ̀ гдⷭ҇и, ты̀ є҆сѝ свѣ́тъ ѡ҆мраче́нныхъ, и҆ пое́тъ тѧ̀ дꙋ́хъ мо́й."
|
|
},
|
|
{
|
|
"type": "TEXT",
|
|
"value": "Всю̀ мы́сль ва́шꙋ ко хрⷭ҇тꙋ̀ мꙋ́дрїи возложи́сте, и҆ ꙗ҆́кѡ бра́тнею совокꙋ́пльшесѧ любо́вїю, благоче́стнѡ сконча́сте тече́нїе."
|
|
},
|
|
{
|
|
"type": "TEXT",
|
|
"value": "Многолѣ́тни ᲂу҆́бѡ тѣ́ломъ, дꙋша́ми же соверше́ни ст҃і́и, ꙗ҆́кѡ благочести́вїи ѻ҆́ба, бг҃а возлюби́ли є҆стѐ, и҆ і҆́дѡлѡмъ не поклони́стесѧ."
|
|
},
|
|
{
|
|
"type": "TEXT",
|
|
"value": "Сла́вꙋ возненави́дѣсте мимотекꙋ́щꙋю и҆ тлѣ́ннꙋю, и҆ добродѣ́тельни ꙗ҆ви́стесѧ сосꙋ́ди, сла́внїи, въ житїѝ ва́шемъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Тѧ̀ всѝ и҆́мамы прибѣ́жище, и҆ стѣ́нꙋ на́шꙋ хрⷭ҇тїа́не, и҆ тѧ̀ сла́вимъ немо́лчнѡ, мт҃и безневѣ́стнаѧ."
|
|
},
|
|
{
|
|
"type": "HEADER",
|
|
"value": "Конда́къ, и҆ і҆́косъ пра́здника."
|
|
},
|
|
{
|
|
"type": "HEADER",
|
|
"value": "Та́же сѣда́ленъ ст҃ы́хъ, гла́съ а҃."
|
|
},
|
|
{
|
|
"type": "TEXT",
|
|
"value": "Подо́бенъ: Ка́мени запеча́танꙋ:"
|
|
},
|
|
{
|
|
"type": "TEXT",
|
|
"value": "Ка́менїе тве́рдо ꙗ҆ви́стесѧ, и҆ непребори́ми бы́сте, мꙋчи́телей преще́нїемъ, мїхаи́ле сла́вне, и҆ ѳео́дѡре премꙋ́дре. Сегѡ̀ ра́ди рѡссі́йстїи собо́ри вопїю́тъ ра́достнѡ: сла́ва ᲂу҆крѣ́пльшемꙋ вы̀: сла́ва вѣнча́вшемꙋ вы̀: сла́ва просвѣ́щшемꙋ ва́ми ве́сь мі́ръ. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, пра́здника, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Повелѣ́нное та́йнѡ:"
|
|
},
|
|
{
|
|
"type": "TEXT",
|
|
"value": "Проѡбража́ше та́инственнѡ дре́вле і҆исꙋ́съ наѵи́нъ крⷭ҇та̀ ѻ҆́бразъ, є҆гда̀ рꙋ́цѣ прострѐ крⷭ҇тови́днѡ, сп҃се мо́й, и҆ ста̀ со́лнце, до́ндеже врагѝ низложѝ противостоѧ́щыѧ тебѣ̀ бг҃ꙋ: ны́нѣ бо за́йде на крⷭ҇тѣ́ тѧ зрѧ̀, и҆ держа́вꙋ сме́ртнꙋю разрꙋши́въ, ве́сь мі́ръ совоздви́глъ є҆сѝ."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "TEXT",
|
|
"value": "І҆рмо́съ: Вознесе́на тѧ̀ ви́дѣвши цр҃ковь на крⷭ҇тѣ̀, сл҃нце пра́ведное, ста̀ въ чи́нѣ свое́мъ, досто́йнѡ взыва́ющи: сла́ва си́лѣ твое́й, гдⷭ҇и."
|
|
},
|
|
{
|
|
"type": "TEXT",
|
|
"value": "Бг҃оме́рзскагѡ и҆ ѕлочести́вагѡ царѧ̀ непра́ведна и҆ лꙋка́внѣйша па́че всеѧ̀ землѝ, безбо́жнꙋю вѣ́рꙋ ᲂу҆кори́сте: и҆ лю́тагѡ де́мѡна ѡ҆бличи́вше пре́лесть, ꙗ҆́кѡ а҆́гнцы за хрⷭ҇та̀ закла́ни бы́сте, и҆ ꙗ҆́кѡ со́лнце по кончи́нѣ просїѧ́ли є҆стѐ."
|
|
},
|
|
{
|
|
"type": "TEXT",
|
|
"value": "Оу҆сты̀ свѣ́тлыми виті́йствꙋѧ, и҆сповѣ́далъ є҆сѝ благоче́стнѡ є҆ди́наго бг҃а, мїхаи́ле, съ пострада́вшимъ съ тобо́ю ѳео́дѡромъ: и҆ сегѡ̀ ра́ди ѕлочести́вый ца́рь не терпѧ̀, повелѣва́етъ ᲂу҆би́ти ва́съ на са́мѣй кончи́нѣ хрⷭ҇та̀ и҆сповѣ́дающыѧ."
|
|
},
|
|
{
|
|
"type": "TEXT",
|
|
"value": "Ѽ ꙗ҆́рости царѧ̀ ѕлочести́вагѡ, и҆ непра́веднагѡ ᲂу҆бїе́нїѧ! Ѽ терпѣ́нїѧ непобѣди́мыхъ страда́лєцъ! И҆̀же по вѣ́рѣ до́брѣ подви́гшесѧ, хрⷭ҇тꙋ̀ вопїѧ́хꙋ: сла́ва си́лѣ твое́й гдⷭ҇и."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Неискꙋсобра́чнѡ родила̀ є҆сѝ, ѽ дв҃о! И҆ по рождествѣ̀ ꙗ҆ви́ласѧ є҆сѝ дѣ́вствꙋющи па́ки: тѣ́мъ немо́лчными гла́сы, ра́дꙋйсѧ, тебѣ̀, влⷣчце, вѣ́рою несомнѣ́нною вопїе́мъ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆слы́шахъ, гдⷭ҇и, смотре́нїѧ твоегѡ̀ та́инство, разꙋмѣ́хъ дѣла̀ твоѧ̑, и҆ просла́вихъ твоѐ бжⷭ҇тво̀."
|
|
},
|
|
{
|
|
"type": "TEXT",
|
|
"value": "Въ немра́чнѣмъ зерца́лѣ, бжⷭ҇твенныхъ ᲂу҆мѡ́въ си́лою бж҃їею ᲂу҆крѣпи́вшесѧ, ꙗ҆́кѡ со́лнце просвѣти́стесѧ, мїхаи́ле съ ѳео́дѡромъ."
|
|
},
|
|
{
|
|
"type": "TEXT",
|
|
"value": "Мра́чнымъ не принесо́сте же́ртвы де́мѡнѡмъ, мꙋ́чєницы непобѣди́мїи: свѣтода́вца же бг҃а возлюби́сте, по благоче́стїи и҆зво́ливше сме́рть."
|
|
},
|
|
{
|
|
"type": "TEXT",
|
|
"value": "И҆сцѣли́те прехва́льнїи дꙋшѝ моеѧ̀ болѣ̑зни, хрⷭ҇тꙋ̀ бг҃ꙋ молѧ́щесѧ, и҆ ᲂу҆тиши́те моли́твами ва́шими дꙋшѝ моеѧ̀ мѧте́жъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Бг҃а, є҆го́же родила̀ є҆сѝ, пречⷭ҇таѧ мр҃і́е, томꙋ̀ помоли́сѧ, є҆́же рабѡ́мъ твои̑мъ пода́ти прегрѣше́нїй ѡ҆ставле́нїе."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ты̀ гдⷭ҇и мо́й, свѣ́тъ въ мі́ръ прише́лъ є҆сѝ, свѣ́тъ ст҃ы́й, ѡ҆браща́ѧй и҆зъ мра́чна невѣ́дѣнїѧ, вѣ́рою воспѣва́ющыѧ тѧ̀."
|
|
},
|
|
{
|
|
"type": "TEXT",
|
|
"value": "Дивлю́сѧ, ѽ царю̀, твоемꙋ̀ безꙋ́мїю, и҆ сꙋ́етномꙋ глаго́лꙋ, и҆сповѣ́дниче мїхаи́ле, ре́клъ є҆сѝ, и҆ съ благоро́днымъ ѳео́дѡромъ: тва́ри па́че творца̀ ника́коже да бꙋ́детъ на́мъ покланѧ́тисѧ, ѻ҆на́ бо человѣ́ка ра́ди сотворе́на є҆́сть."
|
|
},
|
|
{
|
|
"type": "TEXT",
|
|
"value": "Ѕлочести́вый ѻ҆́нъ законопрестꙋ́пный до́манъ, и҆́же пе́рвѣе вѣ́ры хрⷭ҇тїа́нскїѧ ѿве́ргсѧ, не терпѧ̀ твоегѡ̀ и҆сповѣ́данїѧ, ѕлѣ̀ ѡ҆горчи́сѧ, ноже́мъ ѿрѣ́зꙋетъ главꙋ̀ твою̀ честнꙋ́ю, и҆сповѣ́дниче хрⷭ҇то́въ мїхаи́ле."
|
|
},
|
|
{
|
|
"type": "TEXT",
|
|
"value": "А҆́ще честна̑ѧ ст҃а̑ѧ тѣлеса̀ ва́ша и҆ небрего́ма пребы́ша ѿ кровоѧ́дєцъ ѻ҆́нѣхъ, пове́ржєна псѡ́мъ на снѣде́нїе: но бг҃ъ соблюда́ше ѻ҆́наѧ, и҆ столпо́мъ ѻ҆́гненнымъ ѡ҆сїѧва́ше, пресвѣ́тлыми зарѧ́ми."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Бг҃ъ въ тѧ̀, бг҃омт҃и, всели́сѧ, человѣ́ка назида́ѧ во тлю̀ па́дшаго пре́лестїю ѕмі́ѧ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆́тренююще, вопїе́мъ тѝ, гдⷭ҇и, спаси́ ны: ты́ бо є҆сѝ бг҃ъ на́шъ, ра́звѣ тебє̀ и҆но́гѡ не вѣ́мы."
|
|
},
|
|
{
|
|
"type": "TEXT",
|
|
"value": "Па́че живота̀ за хрⷭ҇та̀ пострада́ти и҆зво́листе, мч҃ниче мїхаи́ле, съ блаже́ннымъ ѳео́дѡромъ, и҆ съ ни́мъ ца́рствꙋете при́снѡ."
|
|
},
|
|
{
|
|
"type": "TEXT",
|
|
"value": "Помышлѧ́ше мꙋчи́тель ᲂу҆вѣща́ти ва́съ, прельсти́ти хотѧ̀ тлѣ́нною сла́вою: но бж҃їею си́лою ᲂу҆крѣпи́вшесѧ, посрами́сте є҆го̀."
|
|
},
|
|
{
|
|
"type": "TEXT",
|
|
"value": "Да́рꙋйте просвѣще́нїе и҆ ми́ръ, прехва́льнїи, мі́рꙋ, и҆ разрѣши́те моли́твами ва́шими грѣхопадє́нїѧ на̑ша."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Дв҃ꙋ по ржⷭ҇твѣ̀ пое́мъ тѧ̀, бцⷣе: ты́ бо бж҃їе сло́во пло́тїю мі́рꙋ родила̀ є҆сѝ."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Пожрꙋ́ ти со гла́сомъ хвале́нїѧ, гдⷭ҇и, цр҃ковь вопїе́тъ тѝ, ѿ бѣсо́вскїѧ кро́ве ѡ҆чи́щшисѧ, ра́ди ми́лости ѿ ре́бръ твои́хъ и҆сте́кшею кро́вїю."
|
|
},
|
|
{
|
|
"type": "TEXT",
|
|
"value": "Недово́ленъ ѕлочести́вый бы́въ мꙋчи́тель, ѡ҆ ᲂу҆бїе́нїи благочести́вагѡ мїхаи́ла, покꙋша́шесѧ и҆ страда́льца ѳео́дѡра ле́стїю ᲂу҆вѣща́ти: а҆́ще бо, речѐ, богѡ́мъ мои̑мъ поклони́шисѧ, со мно́ю во сла́вѣ бꙋ́деши, и҆ и҆мѣ́нїю господи́на твоегѡ̀ наслѣ́дникъ бꙋ́деши."
|
|
},
|
|
{
|
|
"type": "TEXT",
|
|
"value": "Мнѣ̀ да не бꙋ́детъ, ѽ царю̀ пребеззако́нне! Хрⷭ҇та̀ ѿврещи́сѧ, и҆ лѡ́жнымъ твои̑мъ богѡ́мъ поклони́тисѧ. Мнѣ́ бо є҆́же жи́ти хрⷭ҇то́съ, и҆ є҆́же ᲂу҆мре́ти за него̀, приѡбрѣ́тенїе."
|
|
},
|
|
{
|
|
"type": "TEXT",
|
|
"value": "Ѿ ю҆́ности житїѐ твоѐ чи́сто ꙗ҆ви́сѧ, прест҃а́гѡ дх҃а дарова́нїемъ, ѳео́дѡре: посредѣ́ бо ѕлочести́выхъ мꙋчи́телей, твоемꙋ̀ господи́нꙋ побо́рникъ бы́лъ є҆сѝ, и҆ съ ни́мъ на нб҃сѣ́хъ при́снѡ весели́шисѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: И҆злїѧ́въ пе́рвѣе ꙗ҆́дъ во ᲂу҆́шы є҆́ѵины ѕмі́й вселꙋка́вый: ты́ же сего̀ є҆ди́на ѿтрѧсла̀ є҆сѝ, бг҃омт҃и, и҆стреби́телѧ семꙋ̀ ро́ждши."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Ѡ҆чи́сти мѧ̀, сп҃се, мнѡ́га бо беззакѡ́нїѧ моѧ̑, и҆ и҆зъ глꙋбины̀ ѕѡ́лъ возведѝ, молю́сѧ: къ тебѣ́ бо возопи́хъ, и҆ ᲂу҆слы́ши мѧ̀, бж҃е спасе́нїѧ моегѡ̀."
|
|
},
|
|
{
|
|
"type": "TEXT",
|
|
"value": "Тма̀ нареко́шасѧ сы́нове а҆га́рины, молє́нїѧ къ бг҃ꙋ ва́мъ приносѧ́щымъ, ноже́мъ главы̑ ва́шѧ ѿрѣ́заша, хода́таи вѣнцє́мъ ва́шымъ, мїхаи́ле, бжⷭ҇твеннымъ, бы́вше."
|
|
},
|
|
{
|
|
"type": "TEXT",
|
|
"value": "Побѣди́ли є҆стѐ мꙋчи́телевꙋ горды́ню, пребл҃же́ннїи: тогѡ̀ ра́ди псѡ́мъ на снѣ́дь помета́єма бы́ша тѣлеса̀ ва̑ша: но сохранє́на бы́ша бж҃їею бл҃года́тїю неврє́дна."
|
|
},
|
|
{
|
|
"type": "TEXT",
|
|
"value": "Є҆диногла́снѡ соше́дшесѧ воспои́мъ па́мѧть благочести́вагѡ кнѧ́зѧ въ рѡссі́и возсїѧ́вшагѡ, ра́дꙋйсѧ, глаго́люще, ѡ҆бра́дованный ѿ гдⷭ҇а, є҆го́же непреста́ннѡ молѝ, ѿ тлѝ и҆зба́вити жи́знь на́шꙋ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Оу҆ѧснѧ́ютъ прⷪ҇ро́честїи гла́си бж҃їю роди́тельницꙋ, пое́мъ же тѧ̀ и҆ мы̀ и҆ мо́лимъ, ви́дѧще сбытїѐ честны́хъ прорица́нїй: бг҃а бо и҆́стиннѡ, и҆ чистоты̀ вмѣсти́лище была̀ є҆сѝ."
|
|
},
|
|
{
|
|
"type": "HEADER",
|
|
"value": "Конда́къ, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Взбра́нной воево́дѣ:"
|
|
},
|
|
{
|
|
"type": "TEXT",
|
|
"value": "Ца́рство земно́е въ ничто́же вмѣни́въ, сла́вꙋ ꙗ҆́кѡ преходѧ́щꙋю ѡ҆ста́вилъ є҆сѝ, самозва́нъ прише́дъ къ подвигѡ́мъ, трⷪ҇цꙋ проповѣ́далъ є҆сѝ предъ нечести́вымъ мꙋчи́телемъ, страстоте́рпче мїхаи́ле, съ до́блимъ ѳео́дѡромъ, цр҃ю̀ си́лъ предстоѧ́ще, моли́те безъ вре́да сохрани́ти ѻ҆те́чество ва́ше, гра́дъ же и҆ лю́ди, да ва́съ непреста́ннѡ почита́емъ."
|
|
},
|
|
{
|
|
"type": "TEXT",
|
|
"value": "І҆́косъ: Кто̀ по́двиги ва́шѧ и҆ болѣ̑зни возмо́жетъ и҆звѣща́ти, страстоте́рпцы, ꙗ҆̀же мꙋ́жески претерпѣ́сте за вѣ́рꙋ гдⷭ҇ню; и҆ дарова́нїй, и҆́хже сподо́бистесѧ, не довлѣ́ютъ ᲂу҆ста̀ человѣ́чєскаѧ и҆сповѣ́дати. Премꙋ́дростїю бо ᲂу҆кра́шени и҆ мꙋ́жествомъ, бога́тство и҆ сла́вꙋ привре́меннꙋю возненави́дѣсте мїхаи́ле сла́вный, и҆ съ пострада́вшимъ съ тобо́ю ди́внымъ ѳео́дѡромъ, съ ни́мъ не разлꙋчи́стесѧ на землѝ и҆ на нб҃сѝ. Тѣ́мъ моли́те безъ вре́да сохрани́ти ѻ҆те́чество ва́ше, гра́дъ же и҆ лю́ди, да ва́съ непреста́ннѡ почита́емъ."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "TEXT",
|
|
"value": "І҆рмо́съ: Въ пещѝ а҆враа́мстїи ѻ҆́троцы персі́дстѣй, любо́вїю благоче́стїѧ па́че, не́жели пла́менемъ ѡ҆палѧ́еми, взыва́хꙋ: бл҃гослове́нъ є҆сѝ въ хра́мѣ сла́вы твоеѧ̀, гдⷭ҇и."
|
|
},
|
|
{
|
|
"type": "TEXT",
|
|
"value": "Ни любвѝ сопрꙋ́жницы, ни ча̑дъ разлꙋче́нїю внима́лъ є҆сѝ: но сїѧ̑ всѧ̑ въ рꙋ́ки преда́въ бж҃їѧ, ꙗ҆́кѡ творца̀ и҆ промы́сленника всѣ́хъ, вопїѧ́лъ є҆сѝ: бл҃гослове́нъ бг҃ъ ѻ҆тцє́въ на́шихъ."
|
|
},
|
|
{
|
|
"type": "TEXT",
|
|
"value": "Поревнова́въ мꙋ́жествꙋ пре́жде бы́вшихъ мч҃никѡвъ, тѣ́хъ бл҃же́нство и҆ сла́вꙋ полꙋчи́лъ є҆сѝ, достохва́льне мїхаи́ле, кꙋ́пнѡ съ ѳео́дѡромъ, вопїю́ще: бл҃гослове́нъ бг҃ъ ѻ҆тцє́въ на́шихъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Вы́шнѧгѡ ѡ҆свѧще́нное бжⷭ҇твенное селе́нїе ра́дꙋйсѧ, тобо́ю бо даде́сѧ ра́дость, бцⷣе, зовꙋ́щымъ: бл҃гослове́на ты̀ въ жена́хъ є҆сѝ, всенепоро́чнаѧ влⷣчце."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Ѿ і҆ꙋде́и доше́дше ѻ҆́троцы, въ вавѷлѡ́нѣ и҆ногда̀, вѣ́рою трⷪ҇ческою пла́мень пе́щный попра́ша, пою́ще: ѻ҆тцє́въ бж҃е, благослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Прїиди́те рѡссі́йстїи собо́ри, бг҃оизбра́нное ста́до дне́сь воспои́мъ пѣ́сньми, похвалѧ́юще мч҃ники хрⷭ҇тѡ́вы, мїхаи́ла съ ѳео́дѡромъ, благоче́стнѡ пою́ще: ѻ҆тцє́въ на́шихъ бж҃е, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Ѡ҆ста́вилъ є҆сѝ земно́е ца́рство, и҆ любвѐ жены̀ ѿврати́лсѧ є҆сѝ, и҆ дѣте́й ласка́нїѧ, мч҃ниче мїхаи́ле, взира́ѧ на высотꙋ̀ къ творцꙋ̀ твоемꙋ̀, вопїѧ́лъ є҆сѝ: ѻ҆тцє́въ на́шихъ бж҃е, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Во́инствомъ дꙋхо́внымъ препоѧ́савшесѧ, мїхаи́ле всече́стне, и҆ ѳео́дѡре прехва́льне, земно́е бога́тство ѡ҆ста́вльше, на нб҃сѣ́хъ побѣ̑дныѧ вѣнцы̀ ѿ хрⷭ҇та̀ прїѧ́сте, зовꙋ́ще: ѻ҆тцє́въ на́шихъ бж҃е, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Черто́гъ тѧ̀, пречⷭ҇таѧ, сло́ва воплоще́нїѧ и҆ престо́лъ и҆ ло́жницꙋ, правомꙋ́дрствꙋюще и҆менꙋ́емъ, и҆ веселѧ́щесѧ пои́мъ: ѻ҆тцє́въ и҆ на́съ бж҃е, бл҃гослове́нъ є҆сѝ."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "TEXT",
|
|
"value": "І҆рмо́съ: Рꙋ́цѣ распросте́ръ данїи́лъ, львѡ́въ зїѧ̑нїѧ въ ро́вѣ затчѐ, ѻ҆́гненнꙋю же си́лꙋ ᲂу҆гаси́ша, добродѣ́телїю препоѧ́савшесѧ, благоче́стїѧ рачи́тели ѻ҆́троцы, взыва́юще: благослови́те, всѧ̑ дѣла̀ гдⷭ҇нѧ, гдⷭ҇а."
|
|
},
|
|
{
|
|
"type": "TEXT",
|
|
"value": "Взира́ѧ на воздаѧ̑нїѧ, сꙋ̑щаѧ на нб҃сѣ́хъ, всече́стне, ꙗ҆̀же лю́бѧщымъ хрⷭ҇то́съ пред̾ꙋгото́ва, и҆ вопїю́щымъ є҆мꙋ̀ ѿ дꙋшѝ: благослови́те, всѧ̑ дѣла̀ гдⷭ҇нѧ, гдⷭ҇а."
|
|
},
|
|
{
|
|
"type": "TEXT",
|
|
"value": "Бжⷭ҇твєннаѧ мч҃никъ страда̑нїѧ вои́стиннꙋ превзыдо́ша похвалє́нїѧ па́че сло́ва и҆ помышле́нїѧ, ꙗ҆́кѡ тлѣ́ннымъ тѣ́ломъ безплѡ́тныѧ врагѝ побѣди́ша, вопїю́ще: благослови́те, всѧ̑ дѣла̀ гдⷭ҇нѧ, гдⷭ҇а."
|
|
},
|
|
{
|
|
"type": "TEXT",
|
|
"value": "Непоколеби́мь въ по́двизѣхъ пребы́лъ є҆сѝ, па́че же нечести́выхъ сердца̀ поколеба́лъ є҆сѝ, ви́дѣвшихъ тѧ̀ непрекло́нна, свѧ́те мїхаи́ле, кꙋ́пнѡ съ ѳео́дѡромъ, вопїю́ща: благослови́те, всѧ̑ дѣла̀ гдⷭ҇нѧ, гдⷭ҇а."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Та́инство стра́ннѡ, и҆́стиннѡ, подъ со́лнцемъ є҆ди́на показа́ла є҆сѝ: бг҃а бо родила̀ є҆сѝ, чⷭ҇таѧ, неви́димаго и҆ безнача́льнаго, невмѣсти́маго, всѣ̑мъ непостижи́маго, є҆мꙋ́же вопїе́мъ: благослови́те, всѧ̑ дѣла̀ гдⷭ҇нѧ, гдⷭ҇а."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Седмери́цею пе́щь халде́йскїй мꙋчи́тель бг҃очести̑вымъ неи́стовнѡ, разжжѐ, си́лою же лꙋ́чшею спасє́ны сїѧ̑ ви́дѣвъ, творцꙋ̀ и҆ и҆зба́вителю вопїѧ́ше: ѻ҆́троцы, бл҃гослови́те, свѧще́нницы, воспо́йте, лю́дїе, превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Не насы́тишасѧ кро́ве ва́шеѧ пога́нїи, но и҆ главы̑ ва́шѧ ноже́мъ ѿрѣ́заша, не ᲂу҆стыдѣ́вшесѧ, мїхаи́ле, благоро́дїѧ, и҆ воспита́нныхъ во благоче́стїи: но бл҃года́ть бж҃їѧ хранѧ́ше ва́съ чрезъ а҆́гг҃ла. Тѣ́мъ съ ѳео́дѡромъ ликꙋ́еши вопїѧ̀: дѣ́ти, благослови́те, свѧще́нницы, воспо́йте, лю́дїе, превозноси́те є҆го̀ во вѣ́ки."
|
|
},
|
|
{
|
|
"type": "TEXT",
|
|
"value": "Прославлѧ́ѧ ст҃ы̑ѧ своѧ̑ мч҃ники гдⷭ҇ь, сто́лпъ ѻ҆́гненъ ꙗ҆вѝ надъ тѣлесы̀ и҆́хъ, ꙗ҆́вѣ сїѧ́ющь но́щїю. Того̀ ви́дѣвшїи къ дрꙋ́гъ дрꙋ́гꙋ глаго́лахꙋ: что̀ сїѐ пресла́вное видѣ́нїе; и҆ проповѣ́даша всѣ̑мъ хрⷭ҇та̀, сохра́ншаго своѧ̑ ᲂу҆го́дники, вопїю́ще: дѣ́ти, благослови́те, свѧще́нницы, воспо́йте, лю́дїе, превозноси́те є҆го̀ во вѣ́ки."
|
|
},
|
|
{
|
|
"type": "TEXT",
|
|
"value": "Прославлѧ́емъ тѧ̀, ѻ҆́ч҃е, и҆ сн҃е, и҆ ст҃ы́й дш҃е, со а҆́гг҃лы зовꙋ́ще трист҃ы́ми гла́сы, трисо́лнечное бжⷭ҇тво̀: прїимѝ за ны̀ молѧ́щꙋю тѧ̀ свѧтꙋ́ю дво́ицꙋ, мїхаи́ла съ ѳео́дѡромъ, пою́щꙋю тебѣ̀ непреста́ннѡ: дѣ́ти, благослови́те, свѧще́нницы, воспо́йте, лю́дїе, превозноси́те є҆го̀ во вѣ́ки."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Свѣ́та сосꙋ́дъ ꙗ҆ви́вшисѧ, чⷭ҇таѧ, просвѣти́ мѧ, и҆ въ повелѣ́нїи свѣ́та ходи́ти мѝ поспѣшѝ, чⷭ҇таѧ, ѿ чре́ва твоегѡ̀ возсїѧ́вша, просвѣти́вша вѣ́рныхъ сердца̀ пою́щихъ: дѣ́ти, благослови́те, свѧще́нницы, воспо́йте, лю́дїе, превозноси́те є҆го̀ во вѣ́ки."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ка́мень нерꙋкосѣ́чный ѿ несѣко́мыѧ горы̀ тебє̀, дв҃о, краеꙋго́льный ѿсѣче́сѧ, хрⷭ҇то́съ, совокꙋпи́вый разстоѧ̑щаѧсѧ є҆стєства̀. Тѣ́мъ веселѧ́щесѧ, тѧ̀, бцⷣе, велича́емъ."
|
|
},
|
|
{
|
|
"type": "TEXT",
|
|
"value": "Прїиди́те чи́стымъ се́рдцемъ, и҆ тре́звою со́вѣстїю, великомч҃ника мїхаи́ла, съ совѣ́тникомъ крѣ́пкимъ ѳео́дѡромъ, па́че зла́та свѣтѧ́щасѧ зрѧ́ще велича́емъ."
|
|
},
|
|
{
|
|
"type": "TEXT",
|
|
"value": "Свѣ̑тлаѧ ва̑ша, пребога́тїи, побѣ̑днаѧ храбѡ́рствїѧ на врагѝ, ви́дѣвъ всеви́дѧщее ѻ҆́ко по́двиги ва̑ша, вѣнцы̑ ѡ҆долѣ́нїѧ вѣнча́етъ сп҃съ дꙋ́шъ на́шихъ."
|
|
},
|
|
{
|
|
"type": "TEXT",
|
|
"value": "Вѡ́инства а҆́гг҃лѡвъ ᲂу҆диви́шасѧ, мч҃никѡвъ же ли́ки, и҆ пра́ведныхъ собо́ри согла́снѡ похвали́ша хрⷭ҇та̀, таково́е терпѣ́нїе ва́мъ дарова́вшаго."
|
|
},
|
|
{
|
|
"type": "TEXT",
|
|
"value": "Непобѣди́маѧ честна́ѧ мч҃никъ дво́ица, на нб҃сѣ́хъ живꙋ́щи, пѣвцы̀ своѧ̑ помина́й, соверша́ющихъ во хвале́нїи свѧщє́ннаѧ ва̑ша страда̑нїѧ, ва́съ непреста́ннѡ велича́ющихъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Землѧ̀ и҆зба́висѧ ѿ клѧ́твы дре́внїѧ ржⷭ҇тво́мъ твои́мъ, тѣ́мже тѧ̀, бг҃ороди́тельнице, велича́емъ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆жасе́сѧ ѡ҆ се́мъ нб҃о, и҆ землѝ ᲂу҆диви́шасѧ концы̀, ꙗ҆́кѡ бг҃ъ ꙗ҆ви́сѧ человѣ́кѡмъ пло́тски, и҆ чре́во твоѐ бы́сть простра́ннѣйшее небе́съ. Тѣ́мъ тѧ̀ бцⷣꙋ, а҆́гг҃лѡвъ и҆ человѣ̑къ чинонача̑лїѧ велича́ютъ."
|
|
},
|
|
{
|
|
"type": "TEXT",
|
|
"value": "Положе́ни бы́сте на землѝ ꙗ҆́кѡ ме́ртви, но въ нбⷭ҇наѧ пресели́стесѧ. Тѣ́мъ дерзнове́нїѧ и҆спо́лнишасѧ, сла́внїи, врагꙋ̀ пога́номꙋ восхотѣ́вшꙋ порꙋга́тисѧ тѣлесє́мъ ва́шымъ: но стра́хомъ гдⷭ҇нимъ ѿгна́сте, бл҃же́ннїи."
|
|
},
|
|
{
|
|
"type": "TEXT",
|
|
"value": "Торжество̀ ᲂу҆́бѡ мїхаи́ла па́че со́лнца просвѣти́сѧ во всѣ́хъ страна́хъ, и҆ ѳео́дѡра предо́блѧгѡ, це́рквей ᲂу҆краше́нїе страда̑нїѧ ва̑ша, мч҃никѡвъ сла́ва, и҆ а҆рхїере́євъ похвала̀, и҆ хрⷭ҇тїа́нъ ᲂу҆твержде́нїе."
|
|
},
|
|
{
|
|
"type": "TEXT",
|
|
"value": "Шꙋ́ѧгѡ мѧ̀ стоѧ́нїѧ и҆зба́ви на сꙋдѣ̀, ѽ трⷪ҇це ст҃а́ѧ! И҆ ѡ҆блегчи́ ми страсте́й волнє́нїѧ, и҆ къ приста́нищꙋ непотопле́на приведѝ мѧ̀, моли́твами ст҃ы́хъ мч҃никъ: да тѧ̀ непреста́ннѡ велича́емъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ѽ чꙋдесѐ пребо́льша ᲂу҆ма̀! Чꙋ́до ве́лїе и҆́стинно и҆ пресла́вно: ка́кѡ вмѣсти́сѧ во ᲂу҆тро́бꙋ твою̀ бг҃ъ, ника́коже вмѣсти́мый; є҆го́же ѡ҆ хва́лѧщихъ тѧ̀ ᲂу҆молѝ, дв҃о, ѿ бѣ́дъ и҆збавлѧ́ющи, и҆ ѿ беззако́нныхъ вра̑гъ всегда̀."
|
|
},
|
|
{
|
|
"type": "TEXT",
|
|
"value": "Свѣти́ленъ: Да просла́вимъ всѝ бг҃а, просла́вльшаго ст҃ы̑ѧ своѧ̑ великомч҃ники, мїхаи́ла кꙋ́пнѡ съ ѳео́дѡромъ: ті́и бо пострада́ша за хрⷭ҇та̀, и҆ вѣнцы̀ ѿ негѡ̀ прїѧ́ша, и҆ ны́нѣ въ вы́шнихъ предстоѧ́ще, ѡ҆ мі́рѣ мо́лѧтсѧ. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, пра́здника."
|
|
},
|
|
{
|
|
"type": "HEADER",
|
|
"value": "На хвали́техъ стїхи̑ры на д҃, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Да́лъ є҆сѝ зна́менїе:"
|
|
},
|
|
{
|
|
"type": "TEXT",
|
|
"value": "Да́лъ є҆сѝ зна́менїе цр҃кви твое́й, хрⷭ҇тѐ, великомч҃никъ, мїхаи́ла кꙋ́пнѡ и҆ до́блѧгѡ ѳео́дѡра, тѧ̀ возлюби́вшихъ всѣ́ми владꙋ́щаго, чи́стымъ се́рдцемъ и҆ дꙋше́ю соверше́нною, ѻ҆бои́хъ побо́рникѡвъ вѣ́ры, и҆ и҆сто́чникъ чꙋде́съ, сокрꙋши́вшихъ де́мѡнскаѧ ѡ҆полчє́нїѧ."
|
|
},
|
|
{
|
|
"type": "TEXT",
|
|
"value": "Ѿ ко́рене и҆зра́слъ є҆сѝ честна́гѡ, мїхаи́ле благоро́дне, и҆́стинꙋ возлюби́въ, и҆ нетлѣ́нный хрⷭ҇то́въ и҆зво́лилъ є҆сѝ живо́тъ, и҆ црⷭ҇тво нерꙋши́мо, съ ѳео́дѡромъ ди́внымъ зако́ннѡ пострада́вше, и҆ вѣнцы̀ ѿ негѡ̀ побѣ́ды прїѧ́сте, мч҃ницы ст҃і́и, и҆ моли́твєнницы ѡ҆ дꙋша́хъ на́шихъ."
|
|
},
|
|
{
|
|
"type": "TEXT",
|
|
"value": "За́пѡвѣди ᲂу҆чи́телѧ ва́шегѡ соблю́дше, неповелѣ́вшагѡ ва́мъ де́мѡнѡмъ поклони́тисѧ, хрⷭ҇то́въ и҆спо́лнисте зако́нъ, и҆ тогѡ̀ повелѣ̑нїѧ: земнꙋ́ю сла́вꙋ въ ничто́же вмѣни́сте, небре́гше повелѣ́нїѧ царе́ва, тва́ри повелѣва́ющагѡ поклони́тисѧ. Мїхаи́ле, похвало̀ рѡссі́йскаѧ, съ ѳео́дѡромъ сла́внымъ, моли́тесѧ ѡ҆ дꙋша́хъ на́шихъ."
|
|
},
|
|
{
|
|
"type": "HEADER",
|
|
"value": "Сла́ва, гла́съ и҃:"
|
|
},
|
|
{
|
|
"type": "TEXT",
|
|
"value": "Да весели́тсѧ ра́достїю всѐ человѣ́чество дне́сь, и҆ да ликꙋ́ютъ новоизбра́ннїи лю́дїе, похвалѧ́юще страстоте́рпца вели́каго кнѧ́зѧ мїхаи́ла, кꙋ́пнѡ съ болѧ́риномъ є҆гѡ̀, до́блимъ ѳео́дѡромъ, къ ни́мже си́це глаго́люще: ра́дꙋйтесѧ, ꙗ҆́кѡ хрⷭ҇та̀ и҆сповѣ́давше, дїа́вола же ѡ҆бличи́сте. Ра́дꙋйтесѧ, ꙗ҆́кѡ мꙋчи́телѧ безбо́жнаго посрами́сте. Ра́дꙋйтесѧ, ꙗ҆́кѡ вкꙋ́пѣ пострада́сте, и҆ вкꙋ́пѣ трⷪ҇цѣ предстоитѐ, молѧ́щесѧ всегда̀, спасти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, пра́здника:"
|
|
},
|
|
{
|
|
"type": "TEXT",
|
|
"value": "Гла́съ прⷪ҇ро́ка твоегѡ̀ мѡѷсе́а, бж҃е, и҆спо́лнисѧ глаго́лѧй: ᲂу҆́зрите живо́тъ ва́шъ, ви́сѧщь предъ ѻ҆чесы̀ ва́шими. Дне́сь крⷭ҇тъ воздвиза́етсѧ, и҆ мі́ръ ѿ ле́сти свобожда́етсѧ. Дне́сь хрⷭ҇то́во воскрⷭ҇нїе ѡ҆бновлѧ́етсѧ, и҆ концы̀ землѝ ра́дꙋютсѧ, въ кѷмва́лѣхъ дв҃дски пѣ́снь тебѣ̀ приносѧ́ще и҆ глаго́люще: содѣ́лалъ є҆сѝ спасе́нїе посредѣ̀ землѝ, бж҃е, крⷭ҇тъ и҆ воскрⷭ҇нїе, и҆́хже ра́ди на́съ спа́слъ є҆сѝ, бл҃же и҆ чл҃вѣколю́бче. Всеси́льне гдⷭ҇и, сла́ва тебѣ̀."
|
|
},
|
|
{
|
|
"type": "HEADER",
|
|
"value": "Славосло́вїе вели́кое. И҆ ѿпꙋ́стъ."
|
|
},
|
|
{
|
|
"type": "HEADER",
|
|
"value": "На лїтꙋргі́и: Бл҃жє́нна пра́здника, пѣ́снь и҃: и҆ ст҃ы́хъ пѣ́снь г҃."
|
|
},
|
|
{
|
|
"type": "TEXT",
|
|
"value": "Прокі́менъ: Ст҃ы̑мъ, и҆̀же сꙋ́ть на землѝ є҆гѡ̀, ᲂу҆дивѝ гдⷭ҇ь всѧ̑ хотѣ̑нїѧ своѧ̑ въ ни́хъ."
|
|
},
|
|
{
|
|
"type": "TEXT",
|
|
"value": "Сті́хъ: Предзрѣ́хъ гдⷭ҇а предо мно́ю вы́нꙋ, ꙗ҆́кѡ ѡ҆деснꙋ́ю менє̀ є҆́сть, да не подви́жꙋсѧ."
|
|
},
|
|
{
|
|
"type": "HEADER",
|
|
"value": "А҆пⷭ҇лъ ко є҆фесе́ѡмъ, зача́ло сл҃г."
|
|
},
|
|
{
|
|
"type": "TEXT",
|
|
"value": "А҆ллилꙋ́їа: Воззва́ша првⷣнїи, и҆ гдⷭ҇ь ᲂу҆слы́ша и҆̀хъ."
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе і҆ѡа́нна, зача́ло н҃в."
|
|
},
|
|
{
|
|
"type": "TEXT",
|
|
"value": "Прича́стенъ: Ра́дꙋйтесѧ, првⷣнїи, ѡ҆ гдⷭ҇ѣ:"
|
|
}
|
|
] |