510 lines
45 KiB
JSON
510 lines
45 KiB
JSON
[
|
|
{
|
|
"type": "HEADER",
|
|
"value": "Септе́мврїа л҃"
|
|
},
|
|
{
|
|
"type": "HEADER",
|
|
"value": "И҆ прпⷣбнагѡ ѻ҆тца̀ на́шегѡ григо́рїа, и҆́же на пе́льшмѣ рѣцѣ̀:"
|
|
},
|
|
{
|
|
"type": "HEADER",
|
|
"value": "Ве́черъ, Блаже́нъ мꙋ́жъ:"
|
|
},
|
|
{
|
|
"type": "HEADER",
|
|
"value": "На Гдⷭ҇и, воззва́хъ: стїхи̑ры прпⷣбнагѡ, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Ѽ пресла́внагѡ чꙋдесѐ!"
|
|
},
|
|
{
|
|
"type": "TEXT",
|
|
"value": "Прпⷣбне ѻ҆́ч҃е григо́рїе, мїрскі́ѧ себѐ ѿлꙋчи́лъ є҆сѝ молвы̀, терпѣ́нїемъ же и҆ посто́мъ и҆ ча́стыми моли́твами пло́ть твою̀ покори́лъ є҆сѝ дх҃ꙋ, и҆ ѕмі́ѧ лꙋка́ваго сле́зъ тꙋ́чами потопи́лъ є҆сѝ, бл҃же́нне, и҆ къ премі́рномꙋ возше́лъ є҆сѝ соверше́нїю. Тѣ́мже почита́юще па́мѧть твою̀, прпⷣбне, мо́лимъ тѧ̀: молѝ хрⷭ҇та̀ бг҃а, спасти́сѧ дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "Прпⷣбне ѻ҆́ч҃е григо́рїе, мїрскі́й мѧте́жъ ѡ҆ста́вивъ, и҆ взе́мъ крⷭ҇тъ тво́й, послѣ́довалъ є҆сѝ хрⷭ҇тꙋ̀ невозвра́тнымъ по́мысломъ, и҆ въ пꙋсты́ню всели́всѧ, прпⷣбне, дꙋшє́вныѧ стра̑сти и҆зъ ко́рене и҆сто́рглъ є҆сѝ, и҆ тѣлє́снаѧ чꙋ̑вства ѡ҆горчева́ѧ, ѕлострада̑нїѧ претерпѣ́лъ є҆сѝ во бдѣ́нїи съ чи́стою со́вѣстїю, и҆ а҆́гг҃лѡвъ собесѣ́дникъ бы́въ, бл҃же́нне, молѝ спасти́сѧ дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "Прпⷣбне ѻ҆́ч҃е григо́рїе, впери́въ ᲂу҆́мъ тво́й къ бг҃ꙋ вѣ́рою, плотска́гѡ смѣше́нїѧ возгнꙋша́лсѧ є҆сѝ неꙋста́внагѡ, и҆ крⷭ҇тъ тво́й воспрїи́мъ, всеви́дцꙋ послѣ́довалъ є҆сѝ, тѣ́ло непокори́вое пѡ́двиги воздержа́нїѧ и҆ по́мысла си́лою порабо́тивъ бжⷭ҇твенномꙋ дх҃ꙋ."
|
|
},
|
|
{
|
|
"type": "TEXT",
|
|
"value": "Прпⷣбне ѻ҆́ч҃е григо́рїе, сла́вꙋ маловре́меннꙋю ѡ҆ста́вивъ, и҆ въ пꙋсты́ню всели́всѧ, бы́лъ є҆сѝ добродѣ́тели подви́жникъ прилѣ́жный, жесто́кимъ воздержа́нїемъ же и҆ посто́мъ пло́ть твою̀ и҆знꙋри́въ: тогѡ̀ ра́ди хрⷭ҇то́съ ѡ҆богати́ тѧ чꙋдесы̀. Но помина́й ны̀, ча̑да твоѧ̑, вѣ́рою соверша́ющыѧ всесвѧще́ннꙋю па́мѧть твою̀, и҆ и҆спросѝ спасе́нїе дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "Сла́ва, гла́съ и҃. Самогла́сенъ:"
|
|
},
|
|
{
|
|
"type": "TEXT",
|
|
"value": "Прпⷣбне ѻ҆́ч҃е григо́рїе, мі́ра красоты̀ ѿре́клсѧ є҆сѝ, и҆ всѧ́кое наслажде́нїе маловре́менныхъ возненави́дѣвъ, мона́шеское же житїѐ па́че возлюби́лъ є҆сѝ, и҆ въ не́мъ вельмѝ подвиза́всѧ всѧ́кимъ ѕлострада́нїемъ, за̑днѧѧ забыва́ѧ, на прє́днѧѧ же простира́ѧсѧ: и҆ тогѡ̀ ра́ди а҆́гг҃лѡвъ собесѣ́дникъ бы́ти сподо́билсѧ є҆сѝ. Но помина́й ста́до твоѐ, є҆́же собра́лъ є҆сѝ, мꙋ́дре, чтꙋ́щихъ вѣ́рою па́мѧть твою̀: ꙗ҆́кѡ дерзнове́нїе и҆мѣ́ѧ ко хрⷭ҇тꙋ̀ бг҃ꙋ, молѝ спасти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Цр҃ь нбⷭ҇ный:"
|
|
},
|
|
{
|
|
"type": "HEADER",
|
|
"value": "Вхо́дъ. Прокі́менъ днѐ. Чтє́нїѧ г҃."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́ни чте́нїе."
|
|
},
|
|
{
|
|
"type": "TEXT",
|
|
"value": "(Глава̀ є҃) Пра́вєдницы во вѣ́ки живꙋ́тъ, и҆ въ гдⷭ҇ѣ мзда̀ и҆́хъ, и҆ попече́нїе и҆́хъ ᲂу҆ вы́шнѧгѡ. Сегѡ̀ ра́ди прїи́мꙋтъ црⷭ҇твїе благолѣ́пїѧ, и҆ вѣне́цъ добро́ты ѿ рꙋкѝ гдⷭ҇ни: занѐ десни́цею покры́етъ ѧ҆̀, и҆ мы́шцею защити́тъ и҆̀хъ. Прїи́метъ всеѻрꙋ́жїе рве́нїе своѐ, и҆ воѡрꙋжи́тъ тва́рь въ ме́сть врагѡ́мъ. Ѡ҆блече́тсѧ въ бронѧ̀ пра́вды, и҆ возложи́тъ шле́мъ, сꙋ́дъ нелицемѣ́ренъ. Прїи́метъ щи́тъ непобѣди́мый преподо́бїе: поѡстри́тъ же напра́сный гнѣ́въ во ѻ҆рꙋ́жїе: спобо́ретъ же съ ни́мъ мі́ръ на безꙋ̑мныѧ. По́йдꙋтъ праволꙋ̑чныѧ стрѣ́лы мѡ́лнїины, и҆ ꙗ҆́кѡ ѿ благокрꙋ́гла лꙋ́ка ѻ҆блакѡ́въ на намѣ́ренїе полетѧ́тъ. И҆ ѿ каменоме́тныѧ ꙗ҆́рости, и҆спо́лнь падꙋ́тъ гра́ды, вознегодꙋ́етъ на ни́хъ вода̀ морска́ѧ: рѣ́ки же потопѧ́тъ ѧ҆̀ на́глѡ. Сопроти́въ ста́нетъ и҆̀мъ дꙋ́хъ си́лы, и҆ ꙗ҆́кѡ ви́хоръ развѣ́етъ и҆̀хъ. И҆ ѡ҆пꙋстоши́тъ всю̀ зе́млю беззако́нїе, и҆ ѕлодѣ́йство преврати́тъ престо́лы си́льныхъ. Слы́шите ᲂу҆̀бо, ца́рїе, и҆ разꙋмѣ́йте: навы́кните сꙋдїи̑ концє́въ землѝ. Внꙋши́те держа́щїи мно́жєства и҆ гордѧ́щїисѧ ѡ҆ наро́дѣхъ ꙗ҆зы̑къ: ꙗ҆́кѡ дана̀ є҆́сть ѿ гдⷭ҇а держа́ва ва́мъ, и҆ си́ла ѿ вы́шнѧгѡ."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́ни чте́нїе."
|
|
},
|
|
{
|
|
"type": "TEXT",
|
|
"value": "(Глава̀ г҃) Пра́ведныхъ дꙋ́шы въ рꙋцѣ̀ бж҃їей, и҆ не прико́снетсѧ и҆́хъ мꙋ́ка. Непщева́ни бы́ша во ѻ҆чесѣ́хъ безꙋ́мныхъ ᲂу҆мре́ти, и҆ вмѣни́сѧ ѡ҆ѕлобле́нїе и҆схо́дъ и҆́хъ, и҆ є҆́же ѿ на́съ ше́ствїе сокрꙋше́нїе: ѻ҆ни́ же сꙋ́ть въ ми́рѣ. И҆́бо предъ лице́мъ человѣ́ческимъ а҆́ще и҆ мꙋ́кꙋ прїи́мꙋтъ, ᲂу҆пова́нїе и҆́хъ безсме́ртїѧ и҆спо́лнено. И҆ вма́лѣ нака́зани бы́вше, вели́кими благодѣ́тельствовани бꙋ́дꙋтъ: ꙗ҆́кѡ бг҃ъ и҆скꙋсѝ ѧ҆̀, и҆ ѡ҆брѣ́те и҆̀хъ достѡ́йны себѣ̀. Ꙗ҆́кѡ зла́то въ горни́лѣ и҆скꙋсѝ и҆̀хъ, и҆ ꙗ҆́кѡ всепло́дїе же́ртвенное прїѧ́тъ ѧ҆̀. И҆ во вре́мѧ посѣще́нїѧ и҆́хъ возсїѧ́ютъ, и҆ ꙗ҆́кѡ и҆́скры по сте́блїю потекꙋ́тъ: сꙋ́дѧтъ ꙗ҆зы́кѡмъ, и҆ ѡ҆блада́ютъ людьмѝ, и҆ воцр҃и́тсѧ гдⷭ҇ь въ ни́хъ во вѣ́ки. Надѣ́ющїисѧ на́нь разꙋмѣ́ютъ и҆́стинꙋ, и҆ вѣ́рнїи въ любвѝ пребꙋ́дꙋтъ є҆мꙋ̀: ꙗ҆́кѡ бл҃года́ть и҆ ми́лость въ преподо́бныхъ є҆гѡ̀, и҆ посѣще́нїе во и҆збра́нныхъ є҆гѡ̀."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́ни чте́нїе."
|
|
},
|
|
{
|
|
"type": "TEXT",
|
|
"value": "(Глава̀ д҃) Пра́ведникъ, а҆́ще пости́гнетъ сконча́тисѧ, въ поко́и бꙋ́детъ. Ста́рость бо честна̀ не многолѣ́тна, нижѐ въ числѣ̀ лѣ́тъ и҆счита́етсѧ: сѣди́на же є҆́сть мꙋ́дрость человѣ́кѡмъ, и҆ во́зрастъ ста́рости, житїѐ нескве́рное. Благоꙋго́денъ бг҃ови бы́въ, возлю́бленъ бы́сть, и҆ живы́й посредѣ̀ грѣ̑шникъ преста́вленъ бы́сть. Восхище́нъ бы́сть, да не ѕло́ба и҆змѣни́тъ ра́зꙋма є҆гѡ̀, и҆лѝ ле́сть прельсти́тъ дꙋ́шꙋ є҆гѡ̀. Раче́нїе бо ѕло́бы помрача́етъ дѡ́браѧ, и҆ паре́нїе по́хоти премѣнѧ́етъ ᲂу҆́мъ неѕло́бивъ. Сконча́всѧ вма́лѣ, и҆спо́лни лѣ̑та дѡ́лга: ᲂу҆го́дна бо бѣ̀ гдⷭ҇еви дꙋша̀ є҆гѡ̀: сегѡ̀ ра́ди потща́сѧ ѿ среды̀ лꙋка́вствїѧ: лю́дїе же ви́дѣвше, и҆ не разꙋмѣ́вше, нижѐ поло́жше въ помышле́нїи таково́е: ꙗ҆́кѡ благода́ть и҆ ми́лость въ преподо́бныхъ є҆гѡ̀, и҆ посѣще́нїе во и҆збра́нныхъ є҆гѡ̀."
|
|
},
|
|
{
|
|
"type": "HEADER",
|
|
"value": "На стїхо́внѣ стїхи̑ры, гла́съ є҃."
|
|
},
|
|
{
|
|
"type": "TEXT",
|
|
"value": "Подо́бенъ: Ра́дꙋйсѧ:"
|
|
},
|
|
{
|
|
"type": "TEXT",
|
|
"value": "Ра́дꙋйсѧ, прпⷣбне ѻ҆́ч҃е григо́рїе, ты́ бо и҆́го хрⷭ҇то́во на ра́мо взе́мъ до́блественнѣ, наи̑тїѧ вра̑жїѧ попра́лъ є҆сѝ: въ пꙋсты́ню бо всели́всѧ, и҆ въ не́й ѡ҆брѣ́лъ є҆сѝ нбⷭ҇нꙋю лѣ́ствицꙋ. Тѣ́мже всѝ вѣ́рою почита́емъ па́мѧть твою̀, ѽ всебл҃же́нне григо́рїе, мона́шествꙋющихъ похвало̀, хрⷭ҇та̀ непреста́ннѡ молѝ, спасти́сѧ дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "Сті́хъ: Честна̀ предъ гдⷭ҇емъ сме́рть прпⷣбныхъ є҆гѡ̀."
|
|
},
|
|
{
|
|
"type": "TEXT",
|
|
"value": "Ра́дꙋйсѧ, ѻ҆́ч҃е григо́рїе, мона́хѡвъ мно́гихъ наста́вникъ бы́въ. Тѣ́мже вѣ́рою соше́дшесѧ всѝ по достоѧ́нїю тѧ̀ чти́мъ, ꙗ҆́кѡ по́стника и҆ слꙋжи́телѧ хрⷭ҇то́ва и҆зѧ́щнаго: ра́дꙋѧсѧ бо ше́ствовалъ є҆сѝ въ пꙋсты́ни непрохо́днѣй, мꙋ́дре, всѧ̑ ѡ҆ѕлоблє́нїѧ претерпѣва́ѧ, бл҃года́тїю бж҃їею ᲂу҆крѣплѧ́емь. Тѣ́мже тебѣ̀ взыва́емъ: ѡ҆ на́съ моли́сѧ, спасти́сѧ дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "Сті́хъ: Блаже́нъ мꙋ́жъ боѧ́йсѧ гдⷭ҇а, въ за́повѣдехъ є҆гѡ̀ восхо́щетъ ѕѣлѡ̀."
|
|
},
|
|
{
|
|
"type": "TEXT",
|
|
"value": "Ра́дꙋйсѧ, ѻ҆́ч҃е григо́рїе прпⷣбне, сле́зными и҆стѡ́чники дꙋ́шꙋ твою̀ ѡ҆чища́ѧ, и҆ всено́щнымъ стоѧ́нїемъ бг҃а молѧ̀, ѿ негѡ́же бл҃года́тїю ᲂу҆крѣплѧ́емь, земны̑ѧ вє́щи, мꙋ́дре, мимоте́клъ є҆сѝ: собра́лъ же є҆сѝ въ дꙋ́шꙋ твою̀ бжⷭ҇твенное бога́тство дꙋ́ха, непоро́чнꙋю моли́твꙋ, чистотꙋ̀ краснолѣ́пнꙋ, бдѣ́нїе тве́рдо. Тѣ́мже и҆ вы́шнѧгѡ прїѧ́тїѧ наслѣ́дникъ ꙗ҆ви́лсѧ є҆сѝ: и҆ ны́нѣ въ нбⷭ҇ныхъ селе́нїихъ водворѧ́ѧсѧ, молѝ спасти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "Сла́ва, гла́съ и҃. Самогла́сенъ:"
|
|
},
|
|
{
|
|
"type": "TEXT",
|
|
"value": "Прпⷣбне и҆ пребл҃же́нне, свѧтѣ́йшїй ѻ҆́ч҃е григо́рїе, любвѐ ра́ди хрⷭ҇то́вы всѧ̑ ѡ҆ста́вилъ є҆сѝ, бога́тство и҆ сла́вꙋ въ ничто́же вмѣни́въ, и҆ въ пꙋсты́ню вше́дъ, бдѣ́нїе же и҆ сꙋхоѧде́нїе воспрїи́мъ, и҆ є҆́же на землѝ лега́нїе и҆́миже чистотꙋ̀ дꙋше́внꙋю и҆ тѣле́снꙋю и҆спра́вилъ є҆сѝ, ᲂу҆стна́ми же и҆ ᲂу҆мо́мъ соверше́нное безмо́лвїе, ᲂу҆́зкїй пꙋ́ть и҆ безстра́стный, и҆ ско́рбнꙋю жи́знь, ра́дꙋѧсѧ ше́ствовалъ є҆сѝ. Тѣ́мже вѣ́рою вопїе́мъ тѝ: ѽ всебл҃же́нне григо́рїе. Хрⷭ҇та̀ непреста́ннѡ молѝ, спасти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Безневѣ́стнаѧ дв҃о:"
|
|
},
|
|
{
|
|
"type": "HEADER",
|
|
"value": "Тропа́рь, гла́съ и҃:"
|
|
},
|
|
{
|
|
"type": "TEXT",
|
|
"value": "Любо́вїю хрⷭ҇то́вою, бг҃омꙋ́дре, просвѣти́всѧ, добродѣ́тельми ѡ҆блиста́лъ є҆сѝ: и҆ всѧ́кое наслажде́нїе плотско́е возненави́дѣвъ, и҆ въ пꙋсты́ню всели́всѧ, въ не́йже вельмѝ подвиза́лсѧ є҆сѝ въ жи́зни се́й вре́меннѣй въ пѣ́нїихъ и҆ во бдѣ́нїихъ, и҆ въ поще́нїихъ. Сегѡ̀ ра́ди и҆ хрⷭ҇то́съ да́ромъ чꙋде́съ ѡ҆богати́ тѧ. Но помина́й на́съ, чтꙋ́щихъ пресвѣ́тлꙋю па́мѧть твою̀, прпⷣбне ѻ҆́ч҃е григо́рїе, и҆ молѝ хрⷭ҇та̀ бг҃а, спасти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "HEADER",
|
|
"value": "На ᲂу҆́трени, на Бг҃ъ гдⷭ҇ь: тропа́рь ст҃а́гѡ, два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "HEADER",
|
|
"value": "По а҃-мъ стїхосло́вїи сѣда́ленъ, гла́съ є҃."
|
|
},
|
|
{
|
|
"type": "TEXT",
|
|
"value": "Подо́бенъ: Собезнача́льное:"
|
|
},
|
|
{
|
|
"type": "TEXT",
|
|
"value": "Печа́ли житїѧ̀ ѿве́ргсѧ, и҆ а҆́гг҃льское воспрїи́мъ житїѐ, воздержа́нїемъ дꙋ́шꙋ ᲂу҆добри́лъ є҆сѝ и҆ чꙋде́съ бл҃года́ть ѿ бг҃а прїѧ́лъ є҆сѝ бога́тнѡ, григо́рїе бл҃же́нне, ѡ҆ на́съ моли́сѧ, благоче́стнѡ восхвалѧ́ющихъ тѧ̀. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Пречⷭ҇таѧ дв҃о, на́съ поми́лꙋй, вѣ́рою прибѣга́ющихъ къ тебѣ̀ милосе́рдой и҆ просѧ́щихъ твоегѡ̀ те́плагѡ, влⷣчце, застꙋпле́нїѧ: мо́жеши бо ꙗ҆́кѡ блага̀, всѣ́хъ спастѝ, ꙗ҆́кѡ сꙋ́щи мт҃и бг҃а вы́шнѧгѡ, ма́терними твои́ми мольба́ми при́снѡ ѡ҆б̾е́мши, бг҃ора́дованнаѧ."
|
|
},
|
|
{
|
|
"type": "HEADER",
|
|
"value": "По в҃-мъ стїхосло́вїи сѣда́ленъ, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Премꙋ́дрости:"
|
|
},
|
|
{
|
|
"type": "TEXT",
|
|
"value": "Мно́гимъ воздержа́нїемъ, прпⷣбне, житїѐ твоѐ ᲂу҆краси́въ, пꙋ́ть показа́лъ є҆сѝ хотѧ́щымъ, ведꙋ́щїй въ жи́знь, добродѣ́тельми и҆ смире́нїемъ: мі́ра бо ѿве́ргсѧ, и҆ всѧ̑ ꙗ҆̀же въ мі́рѣ кра̑снаѧ преѡби́дѣвъ, є҆ѵⷢ҇льскимъ ᲂу҆че́нїємъ послѣ́довалъ є҆сѝ. Жесто́кимъ ᲂу҆́бѡ житїе́мъ пло́ть твою̀ и҆знꙋрѧ́ѧ, и҆ го́рдаго ѕмі́ѧ воздержа́нїемъ ᲂу҆би́лъ є҆сѝ. Тѣ́мже на нб҃сѣ́хъ водворѧ́ешисѧ, трисо́лнечномꙋ бжⷭ҇твꙋ̀ предстоѧ̀, бл҃же́нне григо́рїе, молѝ хрⷭ҇та̀ бг҃а, согрѣше́нїй ѡ҆ставле́нїе дарова́ти чтꙋ́щымъ любо́вїю свѧтꙋ́ю па́мѧть твою̀. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Ꙗ҆́кѡ всенепоро́чнаѧ невѣ́сто творца̀, ꙗ҆́кѡ неискꙋсомꙋ́жнаѧ мт҃и и҆зба́вителѧ, прїѧ́телище ꙗ҆́кѡ сꙋ́щи ᲂу҆тѣ́шителѧ, препѣ́таѧ, беззако́нїю мѧ̀ сꙋ́ща скве́рное ѻ҆би́телище, и҆ де́мѡнѡмъ и҆гра́лище въ ра́зꙋмѣ бы́вша, потщи́сѧ тѣ́хъ ѕлодѣ́йства мѧ̀ и҆зба́вити, и҆ свѣ́тлое жили́ще добродѣ́телей совершѝ, свѣтоно́снаѧ, нетлѣ́ннаѧ: ѿженѝ ѻ҆́блакъ страсте́й, и҆ вы́шнѧгѡ прича́стїѧ сподо́би, и҆ свѣ́та невече́рнѧгѡ моли́твами твои́ми."
|
|
},
|
|
{
|
|
"type": "HEADER",
|
|
"value": "По полѷеле́и сѣда́ленъ, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Премꙋ́дрости:"
|
|
},
|
|
{
|
|
"type": "TEXT",
|
|
"value": "Нищетꙋ̀ ᲂу҆́бѡ возлюби́лъ є҆сѝ па́че бога́тства тлѣ́ннагѡ, и҆ сою́зомъ любвѐ привѧза́сѧ, земна̑ѧ и҆ мимотекꙋ́щаѧ возненави́дѣвъ, бл҃же́нне, пꙋсты́нное ѡ҆ѕлобле́нїе ᲂу҆се́рднѡ под̾е́мъ. Тѣ́мже и҆ къ ре́вности а҆́гг҃льскагѡ житїѧ̀ воздви́глъ є҆сѝ мно́жество мона́шествꙋющихъ, прпⷣбне ѻ҆́ч҃е на́шъ григо́рїе: молѝ хрⷭ҇та̀ бг҃а, грѣхѡ́въ ѡ҆ставле́нїе дарова́ти на́мъ, и҆ ве́лїю ми́лость. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Ѡ҆ тебѣ̀ ра́дꙋетсѧ, бл҃года́тнаѧ, всѧ́каѧ тва́рь, а҆́гг҃льскїй собо́ръ и҆ человѣ́ческїй ро́дъ, ѡ҆свѧще́нный хра́ме и҆ раю̀ слове́сный, дѣ́вственнаѧ похвало̀, и҆зъ неѧ́же бг҃ъ воплоти́сѧ и҆ млⷣнецъ бы́сть, пре́жде вѣ̑къ сы́й бг҃ъ на́шъ: ложесна́ бо твоѧ̑ престо́лъ сотворѝ, и҆ чре́во твоѐ простра́ннѣе нб҃съ содѣ́ла. ѡ҆ тебѣ̀ ра́дꙋетсѧ, бл҃года́тнаѧ, всѧ́каѧ тва́рь, сла́ва тебѣ̀."
|
|
},
|
|
{
|
|
"type": "HEADER",
|
|
"value": "Степє́нна, а҃-й а҆нтїфѡ́нъ д҃-гѡ гла́са."
|
|
},
|
|
{
|
|
"type": "TEXT",
|
|
"value": "Прокі́менъ: Честна̀ предъ гдⷭ҇емъ:"
|
|
},
|
|
{
|
|
"type": "TEXT",
|
|
"value": "Сті́хъ: Что̀ возда́мъ гдⷭ҇еви:"
|
|
},
|
|
{
|
|
"type": "TEXT",
|
|
"value": "Всѧ́кое дыха́нїе:"
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе прпⷣбническое."
|
|
},
|
|
{
|
|
"type": "HEADER",
|
|
"value": "По н҃-мъ ѱалмѣ̀ стїхи́ра, гла́съ и҃:"
|
|
},
|
|
{
|
|
"type": "TEXT",
|
|
"value": "Прпⷣбне и҆ пребл҃же́нне, свѧтѣ́йшїй ѻ҆́ч҃е григо́рїе, любвѐ ра́ди хрⷭ҇то́вы всѧ̑ ѡ҆ста́вилъ є҆сѝ, бога́тство и҆ сла́вꙋ въ ничто́же вмѣни́въ, и҆ въ пꙋсты́ню вше́дъ, бдѣ́нїе же и҆ сꙋхоѧде́нїе воспрїи́мъ, и҆ є҆́же на землѝ лега́нїе и҆́миже чистотꙋ̀ дꙋше́внꙋю и҆ тѣле́снꙋю и҆спра́вилъ є҆сѝ, ᲂу҆стна́ми же и҆ ᲂу҆мо́мъ соверше́нное безмо́лвїе, ᲂу҆́зкїй пꙋ́ть и҆ безстра́стный, и҆ ско́рбнꙋю жи́знь, ра́дꙋѧсѧ ше́ствовалъ є҆сѝ. Тѣ́мже вѣ́рою вопїе́мъ тѝ: ѽ всебл҃же́нне григо́рїе. Хрⷭ҇та̀ непреста́ннѡ молѝ, спасти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "Канѡ́нъ бцⷣы со і҆рмосо́мъ на ѕ҃, и҆ ст҃а́гѡ на и҃. Гла́съ и҃."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Во́дꙋ проше́дъ ꙗ҆́кѡ сꙋ́шꙋ, и҆ є҆гѵ́петскагѡ ѕла̀ и҆збѣжа́въ, і҆и҃льтѧнинъ вопїѧ́ше: и҆зба́вителю и҆ бг҃ꙋ на́шемꙋ пои́мъ."
|
|
},
|
|
{
|
|
"type": "TEXT",
|
|
"value": "Земна̑ѧ и҆ мимотекꙋ̑щаѧ, ꙗ҆́кѡ ᲂу҆ме́ты вмѣни́въ, хрⷭ҇та̀ є҆ди́наго приѡбрѣ́лъ є҆сѝ. Є҆гѡ́же любо́вїю ᲂу҆ѧзви́въ дꙋ́шꙋ твою̀, григо́рїе прпⷣбне, моли́сѧ ко гдⷭ҇ꙋ, на́съ просвѣти́ти."
|
|
},
|
|
{
|
|
"type": "TEXT",
|
|
"value": "Возше́дъ на высотꙋ̀ добродѣ́телей, до́лꙋ влекꙋ́щыѧ сла̑сти ѡ҆плева́лъ є҆сѝ, сла́дость показа́лъ є҆сѝ спасе́нїе, ѻ҆́ч҃е прпⷣбне, ста́дꙋ твоемꙋ̀."
|
|
},
|
|
{
|
|
"type": "TEXT",
|
|
"value": "Нахождє́нїѧ вра̑жїѧ лꙋка́выхъ дꙋхѡ́въ, ѿ бг҃а сокрꙋше́ннымъ се́рдцемъ прїе́мь по́мощь, григо́рїе блаже́нне, и҆ воздержа́нїемъ ѡ҆гради́всѧ, побѣди́лъ є҆сѝ и҆̀хъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Премꙋ́дрость бж҃їю вои́стиннꙋ сло́во ѻ҆́ч҃ее несказа́ннѡ ро́ждшаѧ, дꙋшѝ моеѧ̀ лю́тꙋю ꙗ҆́звꙋ и҆сцѣлѝ, и҆ серде́чнꙋю болѣ́знь, мт҃и бж҃їѧ, ᲂу҆кротѝ."
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ты̀ є҆сѝ ᲂу҆твержде́нїе притека́ющихъ къ тебѣ̀ гдⷭ҇и, ты̀ є҆сѝ свѣ́тъ ѡ҆мраче́нныхъ, и҆ пое́тъ тѧ̀ дꙋ́хъ мо́й."
|
|
},
|
|
{
|
|
"type": "TEXT",
|
|
"value": "Попали́лъ є҆сѝ ᲂу҆́глїемъ воздержа́нїѧ страсте́й те́рнїе, прпⷣбне, и҆ прогонѧ́ѧ нечи̑стыѧ дꙋ́хи, бг҃облаже́нне."
|
|
},
|
|
{
|
|
"type": "TEXT",
|
|
"value": "Ꙗ҆́кѡ свѣти́льникъ твою̀ дꙋ́шꙋ, сле́зными потѡ́ки ᲂу҆краша́ѧ, прпⷣбне, се́рдце твоѐ поже́рлъ є҆сѝ бг҃ꙋ."
|
|
},
|
|
{
|
|
"type": "TEXT",
|
|
"value": "Стра̑сти дꙋшетлѣ̑нныѧ ᲂу҆спи́лъ є҆сѝ, бо́дростными моли́твами и҆ бдѣ́ньми, всеблаже́нне. Тѣ́мже въ нбⷭ҇ный черто́гъ всели́лсѧ є҆сѝ, ра́дꙋѧсѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Оу҆ста́ви неꙋста́вное помышле́нїй мои́хъ, чⷭ҇таѧ, смꙋще́нїе, мт҃и бж҃їѧ, къ сн҃ꙋ твоемꙋ̀ направлѧ́ющи моѧ̑ движє́нїѧ."
|
|
},
|
|
{
|
|
"type": "HEADER",
|
|
"value": "Сѣда́ленъ, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Премꙋ́дрости:"
|
|
},
|
|
{
|
|
"type": "TEXT",
|
|
"value": "Красоты̑ мїрскі̑ѧ ѿ млады́хъ ногте́й, прпⷣбне, возненави́дѣвъ, хрⷭ҇та́ же є҆ди́наго ѿ се́рдца возлюби́лъ є҆сѝ, и҆ томꙋ̀ вседꙋ́шнѡ прилѣпи́всѧ, ꙗ҆́кѡ безпло́тенъ на землѝ пожи́лъ є҆сѝ съ пло́тїю: сла́вꙋ же мимотекꙋ́щꙋю и҆ бога́тство въ ничто́же вмѣни́въ, нбⷭ҇ное бога́тство воспрїѧ́лъ є҆сѝ, и҆ сла́вꙋ вѣ́чнꙋю. Тѣ́мже и҆ ᲂу҆блажа́емъ ст҃о́е твоѐ ᲂу҆спе́нїе, и҆ въ не́мъ торжествꙋ́юще вопїе́мъ тѝ: бг҃оно́сне ѻ҆́ч҃е на́шъ григо́рїе, молѝ хрⷭ҇та̀ бг҃а, согрѣше́нїй ѡ҆ставле́нїе дарова́ти чтꙋ́щымъ любо́вїю свѧтꙋ́ю па́мѧть твою̀. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Ꙗ҆́кѡ всенепоро́чнаѧ невѣ́сто творца̀, ꙗ҆́кѡ неискꙋсомꙋ́жнаѧ мт҃и и҆зба́вителѧ, прїѧ́телище ꙗ҆́кѡ сꙋ́щи ᲂу҆тѣ́шителѧ, препѣ́таѧ, беззако́нїю мѧ̀ сꙋ́ща скве́рное ѻ҆би́телище, и҆ де́мѡнѡмъ и҆гра́лище въ ра́зꙋмѣ бы́вша, потщи́сѧ тѣ́хъ ѕлодѣ́йства мѧ̀ и҆зба́вити, и҆ свѣ́тлое жили́ще добродѣ́телей совершѝ, свѣтоно́снаѧ, нетлѣ́ннаѧ: ѿженѝ ѻ҆́блакъ страсте́й, и҆ вы́шнѧгѡ прича́стїѧ сподо́би, и҆ свѣ́та невече́рнѧгѡ моли́твами твои́ми."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆слы́шахъ, гдⷭ҇и, смотре́нїѧ твоегѡ̀ та́инство, разꙋмѣ́хъ дѣла̀ твоѧ̑, и҆ просла́вихъ твоѐ бжⷭ҇тво̀."
|
|
},
|
|
{
|
|
"type": "TEXT",
|
|
"value": "Ꙗ҆́кѡ въ поро́дѣ благово́ннѣй, и҆ добродѣ́тели въ раѝ ѡ҆дꙋшевле́ннѣмъ, воздержа́нїемъ процвѣ́лъ є҆сѝ, и҆́мже пита́еши чтꙋ́щыѧ тѧ̀."
|
|
},
|
|
{
|
|
"type": "TEXT",
|
|
"value": "Мі́ра любвѐ ѿре́ксѧ, дости́же го́рнѧгѡ і҆ерⷭ҇ли́ма, и҆дѣ́же хрⷭ҇то́съ со ѻ҆ц҃е́мъ и҆ дх҃омъ, и҆ вѣнца̀ ѿ негѡ̀ сподо́бисѧ, со безпло́тными ли̑ки поѧ̀: сла́ва си́лѣ твое́й, гдⷭ҇и."
|
|
},
|
|
{
|
|
"type": "TEXT",
|
|
"value": "Законополо́жника воздержа́нїю мона́хѡвъ, и҆ пра́вило кро́тости, ꙗ҆́кѡ мѡѷсе́а тѧ̀ и҆ дв҃да вои́стиннꙋ стѧжа́вше, ѻ҆́ч҃е, ᲂу҆блажа́емъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Подъ лѣ́томъ бы́вша, и҆́же ѿ ѻ҆ц҃а̀ безлѣ́тнѡ возсїѧ́вшаго, бг҃омт҃и, на́мъ родила̀ є҆сѝ. Є҆го́же молѝ, спастѝ пою́щыѧ тѧ̀."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "TEXT",
|
|
"value": "І҆рмо́съ: Вскꙋ́ю мѧ̀ ѿри́нꙋлъ є҆сѝ ѿ лица̀ твоегѡ̀, свѣ́те незаходи́мый, и҆ покры́ла мѧ̀ є҆́сть чꙋжда́ѧ тма̀ ѻ҆каѧ́ннаго; но ѡ҆брати́ мѧ, и҆ къ свѣ́тꙋ за́повѣдей твои́хъ пꙋти̑ моѧ̑ напра́ви, молю́сѧ."
|
|
},
|
|
{
|
|
"type": "TEXT",
|
|
"value": "Страсте́й мглꙋ̀ ѿгна́въ, прпⷣбне, зарѧ́ми, ѻ҆́ч҃е, пѡ́двигъ твои́хъ, и҆ просвѣще́нїе дх҃а въ се́рдцы воспрїи́мъ, григо́рїе, и҆́мже попали́лъ є҆сѝ всѧ̑ де́мѡнскаѧ ѡ҆полчє́нїѧ, и҆ ликѡ́мъ по́стничєскимъ причта́лсѧ є҆сѝ."
|
|
},
|
|
{
|
|
"type": "TEXT",
|
|
"value": "Погаси́въ стра̑сти росо́ю воздержа́нїѧ, ѻ҆́ч҃е бл҃же́нне, бога́тнѡ вже́глъ є҆сѝ ѻ҆́гнь любвѐ, и҆ вѣ́ры и҆ поще́нїѧ, свѣти́льникъ просвѣща́ѧсѧ безсме́ртїемъ, и҆ днѐ сы́нъ, ѻ҆́ч҃е, бы́лъ є҆сѝ."
|
|
},
|
|
{
|
|
"type": "TEXT",
|
|
"value": "Оу҆добри́въ свѧще́ннꙋю твою̀ дꙋ́шꙋ, ѻ҆́ч҃е всебл҃же́нне григо́рїе, и҆зволе́нїемъ простоты̀, и҆ хꙋ́дость ри́знꙋю и҆мѣ́лъ є҆сѝ: тѣ́мже ᲂу҆краше́нїе добродѣ́тельно показа́лсѧ є҆сѝ, чтꙋ́щымъ всечестнꙋ́ю па́мѧть твою̀."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Є҆ди́на ро́ждши дв҃а, є҆ди́на мꙋженеискꙋ́сна ꙗ҆ви́ласѧ є҆сѝ, всенепоро́чнаѧ: во ᲂу҆тро́бѣ бо сло́во ѻ҆́ч҃ее прїе́мши безнача́льное, и҆ млеко́мъ пита́еши, дв҃о, чꙋ́до стра́нно. И҆ дѣ́вствꙋющи зако́ны ѡ҆бновлѧ́еши є҆стєства̀."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ѡ҆чи́сти мѧ̀, сп҃се, мнѡ́га бо беззакѡ́нїѧ моѧ̑, и҆ и҆зъ глꙋбины̀ ѕѡ́лъ возведѝ, молю́сѧ: къ тебѣ́ бо возопи́хъ, и҆ ᲂу҆слы́ши мѧ̀, бж҃е спасе́нїѧ моегѡ̀."
|
|
},
|
|
{
|
|
"type": "TEXT",
|
|
"value": "Собра́лъ є҆сѝ въ дꙋшѝ твое́й бжⷭ҇твєнныѧ плоды̀ дꙋ́ха, непоро́чнꙋ моли́твꙋ, чистотꙋ́ же кра́снꙋ и҆ бдѣ́нїе тве́рдо, воздержа́нїѧ болѣ̑зни: и҆́миже хра́мъ показа́лсѧ є҆сѝ бг҃а вседержи́телѧ."
|
|
},
|
|
{
|
|
"type": "TEXT",
|
|
"value": "Дꙋше́вный ра́зꙋмъ впери́въ, сла́вне, и҆ чꙋ̑вствїѧ ѡ҆корми́въ, мꙋ́дре, свѧты̑ни благоче́стїѧ сꙋ́щымъ на землѝ возвѣща́лъ є҆сѝ, и҆ є҆́же къ нб҃сѝ восхожде́нїе."
|
|
},
|
|
{
|
|
"type": "TEXT",
|
|
"value": "Земны́хъ веще́й хꙋ́дость мимоте́клъ є҆сѝ, мꙋ́дре: невеще́ственною же моли́твою на нб҃са̀ возлетѣ́лъ є҆сѝ, и҆ вы́шнѧгѡ воспрїѧ́тїѧ наслѣ́дникъ ꙗ҆ви́лсѧ є҆сѝ, житїѧ̀ соверше́нїемъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Прїѧ́ла є҆сѝ вои́стиннꙋ бжⷭ҇твенное сло́во въ ложесна̀ твоѧ̑, и҆ сего̀ па́че є҆стества̀, пречⷭ҇таѧ, родила̀ є҆сѝ, є҆го́же мольба́ми твои́ми ᲂу҆молѝ, ѿ бѣ́дъ всѧ̑ и҆зба́вити рабы̑ твоѧ̑."
|
|
},
|
|
{
|
|
"type": "HEADER",
|
|
"value": "Конда́къ, гла́съ и҃:"
|
|
},
|
|
{
|
|
"type": "TEXT",
|
|
"value": "Хрⷭ҇то́вою любо́вїю ᲂу҆ѧзви́всѧ, прпⷣбне, и҆ томꙋ̀ невозвра́тнымъ жела́нїемъ послѣ́довалъ є҆сѝ, всѧ́кое наслажде́нїе плотско́е возненави́дѣвъ, и҆ въ пꙋсты́ню всели́всѧ, въ не́й вельмѝ подвиза́лсѧ є҆сѝ: тѣ́мъ и҆ хрⷭ҇то́съ да́ромъ чꙋде́съ ѡ҆богати́ тѧ. Помина́й на́съ чтꙋ́щихъ пресвѣ́тлꙋю па́мѧть твою̀, да зове́мъ тѝ: ра́дꙋйсѧ, прпⷣбне григо́рїе, ѻ҆́ч҃е на́шъ."
|
|
},
|
|
{
|
|
"type": "TEXT",
|
|
"value": "І҆́косъ: Є҆ѵⷢ҇льскїй гла́съ, ѻ҆́ч҃е, ᲂу҆слы́шавъ, всѧ̑ ѡ҆ста́вилъ є҆сѝ плотска̑ѧ мꙋдрова̑нїѧ, бога́тство и҆ сла́вꙋ въ ничто́же вмѣни́въ, и҆ на стра̑сти ꙗ҆́кѡ безпло́тенъ подвиза́лсѧ є҆сѝ, и҆ безпло́тныхъ ликостоѧ́нїємъ чистото́ю ᲂу҆подо́билсѧ є҆сѝ, и҆ ра́зꙋма дарова́нїе ѿ бг҃а прїѧ́лъ є҆сѝ. Є҆́же пода́ждь въ пѣ́снехъ пою́щемꙋ тѝ си́це: ра́дꙋйсѧ, григо́рїе прпⷣбне и҆ бг҃оно́сне, небе́сный человѣ́че и҆ земны́й а҆́гг҃ле. Ра́дꙋйсѧ, дх҃а ст҃а́гѡ прекра́сное ѻ҆би́телище. Ра́дꙋйсѧ, бг҃обл҃же́нне, вельмѝ подвиза́всѧ во вре́меннѣй жи́зни, по достоѧ́нїю ѡ҆богати́лсѧ є҆сѝ бл҃года́тїю дх҃а, є҆ѧ́же дарова́нїе пода́ждь на́мъ, ча́дѡмъ твои̑мъ, да зове́мъ тѝ: ра́дꙋйсѧ, прпⷣбне григо́рїе, ѻ҆́ч҃е на́шъ."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ѿ і҆ꙋде́и доше́дше, ѻ҆́троцы въ вавѷлѡ́нѣ и҆ногда̀, вѣ́рою трⷪ҇ческою пла́мень пе́щный попра́ша, пою́ще: ѻ҆тцє́въ бж҃е, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Въ ѕла́цѣ бжⷭ҇твенныхъ наказа́нїй, ста́до, ѻ҆́ч҃е, воспита́лъ є҆сѝ, и҆ жезло́мъ ᲂу҆че́нїѧ ѕвѣ́ри ѿгна́въ є҆ресе́й, поѧ̀: ѻ҆тцє́въ на́шихъ бж҃е, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Ѕѣ́льнымъ поще́нїемъ, ꙗ҆́кѡ благово́нною пи́щею пита́ѧ дꙋ́шꙋ твою̀, прпⷣбне григо́рїе. Тѣ́мже и҆ трисо́лнечномꙋ бжⷭ҇твꙋ̀ предста́ти сподо́билсѧ є҆сѝ, со а҆́гг҃лы поѧ̀: ѻ҆тцє́въ на́шихъ бж҃е, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Въ приста́нище ти́хое вше́дъ, бг҃омꙋ́дре, жите́йскихъ пла́ванїй ѿбѣ́гъ, и҆ волнꙋ́емыхъ въ бꙋ́ри стра́шнѣй спаси́тельное ѡ҆кормле́нїе бы́въ, воспѣва́ѧ: ѻ҆тцє́въ на́шихъ бж҃е, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: И҆зба́вихомсѧ всѝ ѿ страсте́й и҆ бѣ́дъ, ѡ҆бстоѧ́нїй и҆ недꙋ́гѡвъ многоѻбра́зныхъ, моли́твами твои́ми, бг҃ома́ти, сн҃ꙋ твоемꙋ̀ зовꙋ́ще: бл҃гослове́нъ бг҃ъ ѻ҆тцє́въ на́шихъ."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "TEXT",
|
|
"value": "І҆рмо́съ: Цр҃ѧ̀ нбⷭ҇наго, є҆го́же пою́тъ вѡ́и а҆́гг҃льстїи, хвали́те и҆ превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Въ поще́нїихъ крѣ́пкое, и҆ въ моли́твахъ нелѣ́ностное, терпѣ́нїе во и҆скꙋше́нїихъ, григо́рїе прпⷣбне, на землѝ показа́лсѧ є҆сѝ, бг҃ꙋ предстоѧ̀ зове́ши: хвали́те и҆ превозноси́те є҆го̀ во вѣ́ки."
|
|
},
|
|
{
|
|
"type": "TEXT",
|
|
"value": "Оу҆ѧзви́всѧ бжⷭ҇твеннымъ жела́нїемъ, всебл҃же́нне, тѣ́мже и҆ непоро́чно и҆ пра́ведно житїѐ проше́лъ, до́ндеже дости́глъ є҆сѝ црⷭ҇кагѡ престо́ла, со а҆́гг҃лы поѧ̀: хвали́те и҆ превозноси́те є҆го̀ во вѣ́ки."
|
|
},
|
|
{
|
|
"type": "TEXT",
|
|
"value": "Оу҆краше́нъ добродѣ́тельми, въ по́стницѣхъ ꙗ҆́кѡ а҆́гг҃лъ показа́лсѧ є҆сѝ, во свѣ́тѣ неизрече́нныѧ сла́вы почива́еши, пѣ́снь воспѣва́ѧ хрⷭ҇тꙋ̀ бг҃ꙋ: хвали́те, по́йте и҆ превозноси́те є҆го̀ во вѣ́ки."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Поглоще́ннаго болѣ́зньми и҆ па́дшаго возста́ви, бг҃ома́ти, ꙗ҆́кѡ да тѧ̀ сла́влю во всѧ̑ вѣ́ки."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆страши́сѧ всѧ́къ слꙋ́хъ, неизрече́нна бж҃їѧ снизхожде́нїѧ, ꙗ҆́кѡ вы́шнїй во́лею сни́де да́же и҆ до пло́ти, ѿ дѣви́ческагѡ чре́ва бы́въ чл҃вѣ́къ. Тѣ́мже пречⷭ҇тꙋю бцⷣꙋ, вѣ́рнїи, велича́емъ."
|
|
},
|
|
{
|
|
"type": "TEXT",
|
|
"value": "Дꙋшетлѣ̑нныѧ стра̑сти побѣди́въ, и҆ ꙗ҆́кѡ па́стырь и҆́стинный, ᲂу҆па́слъ є҆сѝ слове́сное ста́до, ꙗ҆́кѡ цвѣ̑ты ра́йскими, напитава́ѧ си́хъ бл҃года́тїю, бл҃же́нне."
|
|
},
|
|
{
|
|
"type": "TEXT",
|
|
"value": "Оу҆́зкїй и҆ приско́рбный ше́ствовавъ пꙋ́ть, ѻ҆́ч҃е григо́рїе, тѣле́снѣ ᲂу҆́бѡ преста́вилсѧ є҆сѝ, дꙋ́хомъ же жи́въ бг҃ꙋ предстои́ши: но ꙗ҆́кѡ и҆мѣ́ѧ дерзнове́нїе къ бг҃ꙋ, молѝ спасти́сѧ на́мъ."
|
|
},
|
|
{
|
|
"type": "TEXT",
|
|
"value": "Предѣ́лъ неꙋкло́ненъ вѣ́ры, и҆ воздержа́нїѧ ѻ҆́бразъ и҆мꙋ́ще по́двиги твоѧ̑, прпⷣбне, вои́стиннꙋ зижди́телѧ пѣ́сньми велича́емъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Въ тѧ̀ всели́сѧ, всенепоро́чнаѧ, и҆ и҆́же пе́рвѣе родонача̑льнымъ, ѕлоѻбра́знѡ запе́нша человѣкоꙋбі́йца низложи́въ, роди́выйсѧ и҆зъ тебє̀, всѧ̑ ны̀ спа́слъ є҆́сть."
|
|
},
|
|
{
|
|
"type": "TEXT",
|
|
"value": "Свѣти́ленъ: Мїрска́гѡ пристра́тїѧ, ꙗ҆́кѡ ѿ скве́рны ᲂу҆клони́лсѧ є҆сѝ и҆ а҆́лчбою пло́ть ᲂу҆вѧди́въ, ѡ҆бнови́лъ є҆сѝ дꙋ́шꙋ мꙋ́жествомъ, прпⷣбне, и҆ сла́вою ѡ҆богати́лсѧ є҆сѝ нбⷭ҇ною, сла́вне. Тѣ́мже молѧ̀ не преста́й ѡ҆ хва́лѧщихъ тѧ̀, ѻ҆́ч҃е григо́рїе, прпⷣбне. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Вои́стиннꙋ бцⷣꙋ тѧ̀ и҆сповѣ́дꙋемъ, влⷣчце, спа́сшїисѧ тобо́ю: бг҃а бо неизрече́ннѡ родила̀ є҆сѝ, разо́ршаго крⷭ҇то́мъ сме́рть, къ себѣ́ же приве́дша прпⷣбныхъ собо́ры, съ ни́миже тѧ̀ восхвалѧ́емъ, дв҃о."
|
|
},
|
|
{
|
|
"type": "HEADER",
|
|
"value": "На хвали́техъ стїхи̑ры на д҃, гла́съ ѕ҃. Самогла́сны:"
|
|
},
|
|
{
|
|
"type": "TEXT",
|
|
"value": "Бг҃омꙋ́дре григо́рїе, сла́вꙋ маловре́меннꙋю ѡ҆ста́вивъ, и҆ въ пꙋсты́ню всели́всѧ, плотско́е мꙋдрова́нїе всѐ дꙋ́хꙋ повинꙋ́лъ є҆сѝ: поще́ньми и҆ страда́ньми ᲂу҆тверди́всѧ, ко ѻ҆тцє́мъ преста́вилсѧ є҆сѝ въ ста́рости до́брѣй. Тѣ́мже мо́лимъ тѧ̀ ны́нѣ, ча̑да твоѧ̑: молѝ ѡ҆ на́съ, спасти́сѧ дꙋша́мъ на́шымъ. Два́жды."
|
|
},
|
|
{
|
|
"type": "TEXT",
|
|
"value": "Возсїѧ̀ дне́сь пресвѣ́тлаѧ и҆ всепра́зднственнаѧ па́мѧть твоѧ̀, ѻ҆́ч҃е прпⷣбне григо́рїе, созыва́ющи многочи́сленное по́стникѡвъ сосло́вїе, и҆ прпⷣбныхъ ликостоѧ̑нїѧ, а҆́гг҃ли же съ человѣ́ки ꙗ҆́кѡ вои́стиннꙋ, къ похвале́нїю въ трⷪ҇цѣ покланѧ́емагѡ бг҃а на́шегѡ, є҆го́же молѝ ѡ҆ дꙋша́хъ на́шихъ."
|
|
},
|
|
{
|
|
"type": "TEXT",
|
|
"value": "Бг҃оно́сне и҆ прпⷣбне, бл҃же́нный ѻ҆́ч҃е григо́рїе, не да́лъ є҆сѝ сна̀ твои̑мъ ѻ҆чесє́мъ, ни вѣ́ждѡмъ дрема́нїѧ, серде́чное жела́нїе, є҆́же ко хрⷭ҇тꙋ̀ си́ми ꙗ҆влѧ́ѧ, є҆го́же ѿ ю҆́ности возлюби́лъ є҆сѝ: и҆ живѧ́ше въ тебѣ̀ хрⷭ҇то́съ бг҃ъ на́шъ, со ѻ҆ц҃е́мъ и҆ ст҃ы́мъ дх҃омъ. Того̀ молѝ бг҃облаже́нне ѻ҆́ч҃е, спасти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "Сла́ва, гла́съ и҃:"
|
|
},
|
|
{
|
|
"type": "TEXT",
|
|
"value": "Прпⷣбне ѻ҆́ч҃е григо́рїе, гла́съ є҆ѵⷢ҇льскїй ᲂу҆слы́шавъ, мі́ръ ѡ҆ста́вилъ є҆сѝ, бога́тство и҆ сла́вꙋ въ ничто́же вмѣни́въ, дꙋ́шꙋ съ тѣ́ломъ ѡ҆чи́стивъ ѿ всѣ́хъ страсте́й, ст҃а́гѡ дх҃а прекра́снаѧ ѻ҆би́тель ꙗ҆ви́лсѧ є҆сѝ и҆ вселе́нїе, и҆ ра́дость вѣ́чнꙋю воспрїѧ́лъ є҆сѝ, бл҃же́нне и҆ премꙋ́дре. Тѣ́мже и҆ стада̀ мона́хѡвъ со а҆рхїере́йскими чи́нми, чꙋдесы̀ ᲂу҆дивлѧ́еми, достолѣ́пнѡ и҆ ра́достнѡ ѿ дꙋшѝ вопїе́мъ тѝ: бг҃обл҃же́нне, прпⷣбне ѻ҆́ч҃е на́шъ григо́рїе, молѝ хрⷭ҇та̀ бг҃а, ᲂу҆ще́дрити мі́ръ, и҆ спастѝ дꙋ́шы на́шѧ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Влⷣчце, прїимѝ:"
|
|
},
|
|
{
|
|
"type": "HEADER",
|
|
"value": "На лїтꙋргі́и слꙋ́жба прпⷣбническаѧ."
|
|
}
|
|
] |