530 lines
43 KiB
JSON
530 lines
43 KiB
JSON
[
|
|
{
|
|
"type": "HEADER",
|
|
"value": "Ѻ҆ктѡ́врїа ѳ҃і"
|
|
},
|
|
{
|
|
"type": "HEADER",
|
|
"value": "Прпⷣбнагѡ ѻ҆тца̀ на́шегѡ і҆ѡа́нна ры́льскагѡ."
|
|
},
|
|
{
|
|
"type": "HEADER",
|
|
"value": "Ве́черъ: Блаже́нъ мꙋ́жъ: На Гдⷭ҇и, воззва́хъ, стїхи̑ры, гла́съ а҃:"
|
|
},
|
|
{
|
|
"type": "TEXT",
|
|
"value": "Подо́бенъ: Ѽ ди́внагѡ чꙋдесѐ!"
|
|
},
|
|
{
|
|
"type": "TEXT",
|
|
"value": "Въ по́стницѣхъ возсїѧ́вшемꙋ проѡбразова́нїе, пꙋсты́нное воспита́нїе, сре́дческаго свѣти́льника, словесы̀ пѣ́сненными всѝ вѣ́рнїи похва́лимъ, зовꙋ́ще: ра́дꙋйсѧ, вели́каѧ сла́ва, ꙗ҆́же въ на́шѧ дни̑ ꙗ҆ви́сѧ, преблаже́нне."
|
|
},
|
|
{
|
|
"type": "TEXT",
|
|
"value": "Посредѝ двою̀ живѡтꙋ̀, разꙋ́мнѣ бг҃оꙋго́днѡ мѣ́рило поста́вилъ є҆сѝ, ѻ҆́ч҃е, и҆́бо тлѣ̑ющаѧ ѡ҆ста́вилъ є҆сѝ: разꙋмѣ́въ же при́снѡ пребыва́юща хрⷭ҇та̀ бг҃а, и҆ томꙋ̀ пра́вило дꙋшѝ твоеѧ̀ ᲂу҆се́рднѡ, блаже́нне і҆ѡа́нне, прилѣпи́лъ є҆сѝ."
|
|
},
|
|
{
|
|
"type": "TEXT",
|
|
"value": "Ра́дꙋешисѧ ви́дѣвъ соверше́нїе трꙋдѡ́въ твои́хъ, и҆́хже ѻ҆́ко не ви́дѣ, ни ᲂу҆́хо слы́ша: но добро́ты ра́йскїѧ и҆мѣ́ѧ свѣтовозда́нїе пѡ́двигъ твои́хъ, и҆сточа́етъ бл҃года́ть тво́й гро́бъ, и҆ тѣ́ло и҆мѣ́ѧй неразрꙋши́мо."
|
|
},
|
|
{
|
|
"type": "HEADER",
|
|
"value": "И҆́ны стїхи̑ры, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Ѽ пресла́внагѡ чꙋдесѐ!"
|
|
},
|
|
{
|
|
"type": "TEXT",
|
|
"value": "И҆́хже ѻ҆́ко не ви́дѣ, ни ᲂу҆́хо слы́ша, ни на се́рдце человѣ́ка взыдо́ша, ꙗ҆̀же ᲂу҆гото́вана бг҃омъ того̀ возлю́бльшымъ, си́хъ ты̀ возжелѣ́лъ є҆сѝ, і҆ѡа́нне бг҃одохнове́нне. Возненави́дѣлъ є҆сѝ мїрско́е смѣше́нїе, къ бг҃ꙋ є҆ди́номꙋ прите́клъ є҆сѝ, и҆ тогѡ̀ бл҃года́ти при́снѡ насыща́ѧсѧ, моли́сѧ є҆мꙋ̀ прилѣ́жнѡ, спасти́сѧ дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "Ра́зꙋма свѣ́тлостїю ᲂу҆краси́всѧ, за́повѣдьми бжⷭ҇твенными просвѣти́лъ є҆сѝ дꙋ́шꙋ твою̀: но и҆ ѡ҆ тлѣ́ющихъ мимоходѧ́щихъ небре́глъ є҆сѝ. Земна̑ѧ всѧ̀ ѡ҆ста́вивъ, въ пꙋсты́нѧхъ жи́ти и҆зво́лилъ є҆сѝ. Хрⷭ҇то́вы за́пѡвѣди соблю́лъ є҆сѝ, і҆ѡа́нне прпⷣбне. Є҆го́же молѝ, да спасе́тъ дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "Любе́знѡ влⷣцѣ вожделѣ́лъ є҆сѝ, ѿ млады́хъ ногте́й тогѡ̀ соверша́ѧ повелѣ̑нїѧ, бл҃года́тїю па́че, не́жели млеко́мъ воспита́нъ бы́лъ є҆сѝ, и҆ тѣ́ло твоѐ ᲂу҆краси́лъ є҆сѝ, цѣломꙋ́дрїемъ, и҆ чистото́ю, и҆ сꙋ́ща въ домꙋ̀ бж҃їи при́снѡ жела́ѧ, хрⷭ҇та̀ ѡ҆брѣ́лъ є҆сѝ. Того̀, преблаже́нне, ᲂу҆молѝ, да спасе́тъ дꙋ́шы на́шѧ."
|
|
},
|
|
{
|
|
"type": "HEADER",
|
|
"value": "Сла́ва, гла́съ и҃:"
|
|
},
|
|
{
|
|
"type": "TEXT",
|
|
"value": "Бж҃їй дх҃ъ и҆злїѧ́сѧ, ꙗ҆́коже ст҃ы́й і҆ѡ́иль проречѐ: ѿ негѡ́же дви́жимь, на́мъ вѣ́рꙋющымъ та̑йны бж҃їѧ ꙗ҆вле́ннѡ ѿкрыва́етъ, и҆́же дѣ́тель є҆гѡ̀ прїе́мый. Тѣ́мже бж҃їимъ свѣ́томъ просвѣтѝ на́съ и҆ бл҃года́тїю."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Цр҃ь нбⷭ҇ный:"
|
|
},
|
|
{
|
|
"type": "HEADER",
|
|
"value": "Вхо́дъ. Прокі́менъ днѐ. Чтє́нїѧ г҃."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́ни чте́нїе. (Глава̀ є҃ и҆ ѕ҃.)"
|
|
},
|
|
{
|
|
"type": "TEXT",
|
|
"value": "Пра́вєдницы во вѣ́ки живꙋ́тъ, и҆ въ гдⷭ҇ѣ мзда̀ и҆́хъ, и҆ попече́нїе и҆́хъ ᲂу҆ вы́шнѧгѡ. Сегѡ̀ ра́ди прїи́мꙋтъ црⷭ҇твїе благолѣ́пїѧ, и҆ вѣне́цъ добро́ты ѿ рꙋкѝ гдⷭ҇ни: занѐ десни́цею покры́етъ ѧ҆̀, и҆ мы́шцею защити́тъ и҆̀хъ. Прїи́метъ всеѻрꙋ́жїе рве́нїе своѐ, и҆ воѡрꙋжи́тъ тва́рь въ ме́сть врагѡ́мъ. Ѡ҆блече́тсѧ въ бронѧ̀ пра́вды, и҆ возложи́тъ шле́мъ, сꙋ́дъ нелицемѣ́ренъ: прїи́метъ щи́тъ непобѣди́мый преподо́бїе: поѡстри́тъ же напра́сный гнѣ́въ во ѻ҆рꙋ́жїе: спобо́ретъ же съ ни́мъ мі́ръ на безꙋ̑мныѧ: по́йдꙋтъ праволꙋ̑чныѧ стрѣ́лы мѡ́лнїины, и҆ ꙗ҆́кѡ ѿ благокрꙋ́гла лꙋ́ка ѻ҆блакѡ́въ на намѣ́ренїе полетѧ́тъ: и҆ ѿ каменоме́тныѧ ꙗ҆́рости, и҆спо́лнь падꙋ́тъ гра́ды: вознегодꙋ́етъ на ни́хъ вода̀ морска́ѧ, рѣ́ки же потопѧ́тъ ѧ҆̀ на́глѡ. Сопроти́въ ста́нетъ и҆̀мъ дꙋ́хъ си́лы, и҆ ꙗ҆́кѡ ви́хоръ развѣ́етъ и҆̀хъ: и҆ ѡ҆пꙋстоши́тъ всю̀ зе́млю беззако́нїе, и҆ ѕлодѣ́йство преврати́тъ престо́лы си́льныхъ. Слы́шите ᲂу҆̀бо, ца́рїе, и҆ разꙋмѣ́йте: навы́кните, сꙋдїи̑ концє́въ землѝ. Внꙋши́те держа́щїи мно́жєства и҆ гордѧ́щїисѧ ѡ҆ наро́дѣхъ ꙗ҆зы̑къ: ꙗ҆́кѡ дана̀ є҆́сть ѿ гдⷭ҇а держа́ва ва́мъ, и҆ си́ла ѿ вы́шнѧгѡ."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́ни чте́нїе. (Глава̀ г҃.)"
|
|
},
|
|
{
|
|
"type": "TEXT",
|
|
"value": "Пра́ведныхъ дꙋ́шы въ рꙋцѣ̀ бж҃їей, и҆ не прико́снетсѧ и҆́хъ мꙋ́ка. Непщева́ни бы́ша во ѻ҆чесѣ́хъ безꙋ́мныхъ ᲂу҆мре́ти, и҆ вмѣни́сѧ ѡ҆ѕлобле́нїе и҆схо́дъ и҆́хъ: и҆ є҆́же ѿ на́съ ше́ствїе, сокрꙋше́нїе, ѻ҆ни́ же сꙋ́ть въ ми́рѣ. И҆́бо предъ лице́мъ человѣ́ческимъ а҆́ще и҆ мꙋ́кꙋ прїи́мꙋтъ, ᲂу҆пова́нїе и҆́хъ безсме́ртїѧ и҆спо́лнено, и҆ вма́лѣ нака́зани бы́вше, вели́кими благодѣ́тельствовани бꙋ́дꙋтъ, ꙗ҆́кѡ бг҃ъ и҆скꙋсѝ ѧ҆̀, и҆ ѡ҆брѣ́те и҆̀хъ достѡ́йны себѣ̀. Ꙗ҆́кѡ зла́то въ горни́лѣ и҆скꙋсѝ и҆̀хъ, и҆ ꙗ҆́кѡ всепло́дїе же́ртвенное прїѧ́тъ ѧ҆̀. И҆ во вре́мѧ посѣще́нїѧ и҆́хъ возсїѧ́ютъ, и҆ ꙗ҆́кѡ и҆́скры по сте́блїю потекꙋ́тъ. Сꙋ́дѧтъ ꙗ҆зы́кѡмъ, и҆ ѡ҆блада́ютъ людьмѝ, и҆ воцр҃и́тсѧ гдⷭ҇ь въ ни́хъ во вѣ́ки. Надѣ́ющїисѧ на́нь разꙋмѣ́ютъ и҆́стинꙋ, и҆ вѣ́рнїи въ любвѝ пребꙋ́дꙋтъ є҆мꙋ̀: ꙗ҆́кѡ бл҃года́ть и҆ ми́лость въ преподо́бныхъ є҆гѡ̀, и҆ посѣще́нїе во и҆збра́нныхъ є҆гѡ̀."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́ни чте́нїе. (Глава̀ д҃.)"
|
|
},
|
|
{
|
|
"type": "TEXT",
|
|
"value": "Пра́ведникъ, а҆́ще пости́гнетъ сконча́тисѧ, въ поко́и бꙋ́детъ. Ста́рость бо честна̀ не многолѣ́тна, нижѐ въ числѣ̀ лѣ́тъ и҆счита́етсѧ: сѣди́на же є҆́сть мꙋ́дрость человѣ́кѡмъ, и҆ во́зрастъ ста́рости, житїѐ нескве́рное. Благоꙋго́денъ бг҃ови бы́въ, возлю́бленъ бы́сть, и҆ живы́й посредѣ̀ грѣ̑шникъ преста́вленъ бы́сть. Восхище́нъ бы́сть, да не ѕло́ба и҆змѣни́тъ ра́зꙋма є҆гѡ̀, и҆лѝ ле́сть прельсти́тъ дꙋ́шꙋ є҆гѡ̀. Раче́нїе бо ѕло́бы помрача́етъ дѡ́браѧ, и҆ паре́нїе по́хоти премѣнѧ́етъ ᲂу҆́мъ неѕло́бивъ. Сконча́всѧ вма́лѣ, и҆спо́лни лѣ̑та дѡ́лга: ᲂу҆го́дна бо бѣ̀ гдⷭ҇еви дꙋша̀ є҆гѡ̀: сегѡ̀ ра́ди потща́сѧ ѿ среды̀ лꙋка́вствїѧ: лю́дїе же ви́дѣвше, и҆ не разꙋмѣ́вше, нижѐ поло́жше въ помышле́нїи таково́е: ꙗ҆́кѡ благода́ть и҆ ми́лость въ преподо́бныхъ є҆гѡ̀, и҆ посѣще́нїе во и҆збра́нныхъ є҆гѡ̀."
|
|
},
|
|
{
|
|
"type": "HEADER",
|
|
"value": "На стїхо́внѣ стїхи̑ры, гла́съ а҃."
|
|
},
|
|
{
|
|
"type": "TEXT",
|
|
"value": "Подо́бенъ: Всехва́льнїи мч҃ницы:"
|
|
},
|
|
{
|
|
"type": "TEXT",
|
|
"value": "Зри́тель бы́сть ᲂу҆мо́мъ мы́сленныхъ си́лъ, ꙗ҆́кѡ дѣ́латель бжⷭ҇твенныхъ слове́съ полага́ѧ во твое́мъ се́рдцы. Въ не́мже восхождє́нїѧ, ꙗ҆́кѡ лѣ́ствицꙋ ᲂу҆тверди́лъ є҆сѝ. І҆ѡа́нне прпⷣбне ѻ҆́ч҃е на́шъ, моли́сѧ дарова́ти на́мъ ми́ръ, и҆ ве́лїю ми́лость."
|
|
},
|
|
{
|
|
"type": "TEXT",
|
|
"value": "Сті́хъ: Честна̀ предъ гдⷭ҇емъ сме́рть прпⷣбныхъ є҆гѡ̀."
|
|
},
|
|
{
|
|
"type": "TEXT",
|
|
"value": "І҆ѡа́нне прпⷣбне, твою̀ ѿ дѣ́тска возложи́лъ є҆сѝ жи́знь хрⷭ҇тꙋ̀ бг҃ꙋ на́шемꙋ: и҆́мже ᲂу҆крѣплѧ́емь, плотскі̑ѧ стра̑сти по́мыслꙋ повинꙋ́лъ є҆сѝ, хꙋ́ждшее покори́въ лꙋ́чшемꙋ. Тѣ́мже молѝ, спасти́сѧ дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "Сті́хъ: Блаже́нъ мꙋ́жъ боѧ́йсѧ гдⷭ҇а, въ за́повѣдехъ є҆гѡ̀ восхо́щетъ ѕѣлѡ̀."
|
|
},
|
|
{
|
|
"type": "TEXT",
|
|
"value": "Бг҃омꙋ́дре ѻ҆́ч҃е на́шъ і҆ѡа́нне, свѣти́льникъ ꙗ҆ви́лсѧ є҆сѝ вели́къ, просвѣща́ѧ подсо́лнечнꙋю чꙋде́съ сїѧ́ньми, бж҃е́ственными дѣ́лы: тѣ́мже по ᲂу҆спе́нїи незаходи́мый свѣ́тъ прїѧ̀. Сегѡ̀ ра́ди молѝ, спасти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "Сла́ва, гла́съ и҃:"
|
|
},
|
|
{
|
|
"type": "TEXT",
|
|
"value": "Хрⷭ҇то́во и҆збра́нное ста́до, вѣ́рныхъ собо́ри, новосвѧще́ннїи лю́дїе, прїиди́те стеце́мсѧ всѝ къ честнѣ́й па́мѧти пребл҃же́ннагѡ ѻ҆тца̀ на́шегѡ і҆ѡа́нна, въ средцѣ̀ возсїѧ́вшагѡ, къ на́мъ прише́дша: се́ бо предлежи́тъ на́мъ свѧще́нное є҆гѡ̀ тѣ́ло, вѣ́ры на́шеѧ честно́е ᲂу҆твержде́нїе, прпⷣбныхъ ꙗ҆́кѡ вои́стиннꙋ ᲂу҆краше́нїе. Да посра́мѧтсѧ є҆реті́чєскаѧ собѡ́рища невѣ̑рꙋющаѧ воскресе́нїю: се́й бо по сме́рти зра́къ дае́тъ, хромы̑мъ хожде́нїе, слѣпы̑мъ прозрѣ́нїе, разсла́блєнныѧ стѧза́етъ: и҆ во́инство на́ше ᲂу҆крѣплѧ́етъ на врагѝ проти̑вныѧ. Дꙋ́хомъ же предстоѧ̀ ᲂу҆̀ прⷭ҇то́ла влⷣчнѧ, мо́литъ спасти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ."
|
|
},
|
|
{
|
|
"type": "HEADER",
|
|
"value": "Тропа́рь, гла́съ а҃:"
|
|
},
|
|
{
|
|
"type": "TEXT",
|
|
"value": "Покаѧ́нїѧ ѡ҆снова́нїе, прописа́нїе ᲂу҆миле́нїѧ, ѻ҆́бразъ ᲂу҆тѣше́нїѧ, дх҃о́внагѡ соверше́нїѧ, ра́вно а҆́гг҃лѡмъ житїѐ твоѐ бы́сть, прпⷣбне, въ мл҃твахъ ᲂу҆́бѡ и҆ поще́нїихъ, и҆ въ слеза́хъ пребыва́ѧ, ѻ҆́ч҃е і҆ѡа́нне, молѝ хрⷭ҇та̀ бг҃а ѡ҆ дꙋша́хъ на́шихъ."
|
|
},
|
|
{
|
|
"type": "HEADER",
|
|
"value": "На ᲂу҆́трени, по а҃-мъ стїхосло́вїи сѣда́ленъ, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Ско́рѡ предварѝ:"
|
|
},
|
|
{
|
|
"type": "TEXT",
|
|
"value": "Воздержа́нїемъ ᲂу҆вѧди́лъ є҆сѝ плотскі̑ѧ стра̑сти, ми́лости возда́нїемъ, бл҃года́ть вели́кꙋю, ѻ҆́ч҃е, дꙋхо́внꙋю воспрїѧ́лъ є҆сѝ. Тѣ́мъ благоꙋгоди́лъ є҆сѝ бг҃ꙋ, досто́инъ сосꙋ́дъ чꙋде́съ и҆ по кончи́нѣ ꙗ҆ви́лсѧ є҆сѝ, ѿ страсте́й ѡ҆чища́ѧ на́съ, і҆ѡа́нне прпⷣбне, молѝ хрⷭ҇та̀ бг҃а, грѣхѡ́въ ѡ҆ставле́нїе дарова́ти, чествꙋ́ющымъ любо́вїю свѧтꙋ́ю па́мѧть твою̀. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Ѡ҆бнови́ла є҆сѝ, чⷭ҇таѧ, бжⷭ҇твеннымъ ржⷭ҇тво́мъ твои́мъ, и҆стлѣ́вшее во страсте́хъ земноро́дныхъ ме́ртвенное сꙋщество̀, и҆ воздви́гла є҆сѝ всѧ̑ ѿ сме́рти къ животꙋ̀ нетлѣ́нїѧ. Тѣ́мже тѧ̀ по до́лгꙋ блажи́мъ всѝ, дв҃о препросла́вленнаѧ, ꙗ҆́коже прорекла̀ є҆сѝ."
|
|
},
|
|
{
|
|
"type": "HEADER",
|
|
"value": "По в҃-мъ стїхосло́вїи сѣда́ленъ, гла́съ є҃."
|
|
},
|
|
{
|
|
"type": "TEXT",
|
|
"value": "Подо́бенъ: Собезнача́льное:"
|
|
},
|
|
{
|
|
"type": "TEXT",
|
|
"value": "По́стника гдⷭ҇нѧ пѣ́сньми почти́мъ, ꙗ҆́кѡ ᲂу҆мертви́вшаго прило́ги страсте́й воздержа́нїемъ тве́рдымъ, и҆ терпѣ́нїемъ вои́стиннꙋ посрами́вша сопроти́внаго врага̀, и҆ всю̀ є҆гѡ̀ горды́ню низложи́вша, и҆ ны́нѣ молѧ́щасѧ, поми́ловатисѧ дꙋша́мъ на́шымъ. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Оу҆жа́сно чꙋ́до зача́тїѧ, и҆ несказа́ненъ ѻ҆́бразъ ржⷭ҇тва̀ въ тебѣ̀ позна́всѧ, приснодв҃о чⷭ҇таѧ, ᲂу҆жаса́етъ мо́й ᲂу҆́мъ, и҆ ᲂу҆дивлѧ́етъ моѐ помышле́нїе. Сла́ва твоѧ̀, бцⷣе, во всѣ́хъ простре́сѧ, ко спасе́нїю дꙋ́шъ на́шихъ."
|
|
},
|
|
{
|
|
"type": "HEADER",
|
|
"value": "По полѷеле́и сѣда́ленъ, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Премꙋ́дрости:"
|
|
},
|
|
{
|
|
"type": "TEXT",
|
|
"value": "Па́стырскꙋю хи́трость воспрїи́мъ, мона́шествꙋющихъ сто́лпъ и҆ ѡ҆снова́нїе, разꙋ́мнѣ ᲂу҆па́слъ є҆сѝ ста́до твоѐ: хрⷭ҇то́ва бо вожделѣ́въ бжⷭ҇твєннаѧ ᲂу҆чє́нїѧ, въ ни́хже просвѣти́лсѧ є҆сѝ, прпⷣбне. Тѣ́мже къ ре́вности а҆́гг҃льскагѡ житїѧ̀ воздви́глъ є҆сѝ всѣ́хъ є҆диномꙋ́дреннѡ сла́вити бг҃а: бг҃оно́се і҆ѡа́нне, молѝ хрⷭ҇та̀ бг҃а, грѣхѡ́въ ѡ҆ставле́нїе пода́ти чтꙋ́щымъ любо́вїю свѧтꙋ́ю па́мѧть твою̀. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Пречⷭ҇таѧ дв҃о мт҃и бж҃їѧ, дꙋшѝ моеѧ̀ стра̑сти лю̑тыѧ и҆сцѣлѝ, молю́сѧ, и҆ проще́нїе да́рꙋй мои́хъ прегрѣше́нїй, ꙗ҆̀же безꙋ́мнѣ содѣ́ѧхъ, дꙋ́шꙋ и҆ тѣ́ло ѡ҆скверни́въ, ѡ҆каѧ́нный. Оу҆вы̀ мнѣ̀, что̀ сотворю̀ въ ча́съ ѻ҆́нъ, внегда̀ а҆́гг҃ли дꙋ́шꙋ мою̀ разлꙋча́тъ ѿ стра́стнагѡ моегѡ̀ тѣлесѐ; тогда̀ помо́щница мѝ бꙋ́ди и҆ предста́тельница теплѣ́йшаѧ: тѧ́ бо и҆́мамъ наде́ждꙋ ра́бъ тво́й."
|
|
},
|
|
{
|
|
"type": "HEADER",
|
|
"value": "Та́же степє́нна, а҃ а҆нтїфѡ́нъ, д҃-гѡ гла́са. Прокі́менъ, гла́съ д҃: Честна̀ предъ гдⷭ҇емъ сме́рть прпⷣбныхъ є҆гѡ̀. Сті́хъ: Что̀ возда́мъ гдⷭ҇еви ѡ҆ всѣ́хъ, ꙗ҆̀же воздаде́ ми; Є҆ѵⷢ҇лїе прпⷣбническое."
|
|
},
|
|
{
|
|
"type": "HEADER",
|
|
"value": "По н҃-мъ ѱалмѣ̀, стїхи́ра самогла́сна, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Прпⷣбне ѻ҆́ч҃е і҆ѡа́нне, во всю̀ зе́млю и҆зы́де вѣща́нїе и҆справле́нїй твои́хъ: тѣ́мъ на нб҃сѣ́хъ ѡ҆брѣ́лъ є҆сѝ мздꙋ̀ трꙋдѡ́въ твои́хъ, де́мѡнскїѧ полкѝ разрꙋши́лъ є҆сѝ, и҆ а҆́гг҃льскїѧ дости́глъ є҆сѝ чи́ны, и҆́хже житїю̀ безъ поро́ка поревнова́лъ є҆сѝ. Дерзнове́нїе и҆мѣ́ѧ ко хрⷭ҇тꙋ̀ бг҃ꙋ, ми́ръ и҆спросѝ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "Канѡ́нъ бцⷣы, со і҆рмосо́мъ на ѕ҃: и҆ ст҃а́гѡ на и҃, гла́съ д҃, є҆гѡ́же краегране́сїе:"
|
|
},
|
|
{
|
|
"type": "TEXT",
|
|
"value": "Ст҃и́телю, пою̀ твоѧ̑, всеблаже́нне, чꙋдеса̀."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ли́цы і҆и҃льтестїи невла́жными стопа́ми, по́нтъ чермны́й, и҆ вла́жнꙋю глꙋбинꙋ̀ прогна́вше, вса́дники трїста́ты врагѝ ви́дѧще въ не́й погрꙋже́ны, съ весе́лїемъ поѧ́хꙋ: пои́мъ бг҃ꙋ на́шемꙋ, ꙗ҆́кѡ просла́висѧ."
|
|
},
|
|
{
|
|
"type": "TEXT",
|
|
"value": "Бжⷭ҇твеннымъ свѣ́томъ ѡ҆сїѧ́нъ, и҆ со а҆́гг҃лы, ѻ҆́ч҃е, ны́нѣ водворѧ́ешисѧ, моли́твами твои́ми спаса́й творѧ́щыѧ всегда̀ свѧще́ннꙋю твою̀ па́мѧть, въ ра́дости пою́щыѧ: пои́мъ бг҃ꙋ на́шемꙋ, ꙗ҆́кѡ просла́висѧ."
|
|
},
|
|
{
|
|
"type": "TEXT",
|
|
"value": "Пꙋ́ть, и҆́же къ жи́зни возводѧ́щїй неꙋкло́ннѡ, пребл҃же́нне, ше́ствовалъ є҆сѝ, и҆збѣ́гъ мѧте́жей мїрски́хъ, и҆ де́мѡнскаѧ смꙋщє́нїѧ разори́лъ є҆сѝ, ра́достнѡ взыва́ѧ, ѻ҆́ч҃е і҆ѡа́нне: пои́мъ бг҃ꙋ на́шемꙋ, ꙗ҆́кѡ просла́висѧ."
|
|
},
|
|
{
|
|
"type": "TEXT",
|
|
"value": "Оу҆мертви́въ плотско́е мꙋдрова́нїе, твои́ми по́стными боре́ньми, бжⷭ҇твенномꙋ дх҃ꙋ покори́лъ є҆сѝ, ѡ҆кормле́нїемъ бжⷭ҇твенныѧ си́лы, ра́достнѡ вопїѧ́лъ є҆сѝ: пои́мъ бг҃ꙋ на́шемꙋ, ꙗ҆́кѡ просла́висѧ."
|
|
},
|
|
{
|
|
"type": "TEXT",
|
|
"value": "Всѧ̑ кра̑снаѧ ѡ҆ста́вилъ є҆сѝ, непреста́ннꙋю, ѻ҆́ч҃е, возлюби́лъ є҆сѝ красотꙋ̀, въ домꙋ̀ гдⷭ҇ни, и҆дѣ́же шꙋ́мъ пра́зднꙋющихъ, ра́достнѡ пою́щихъ: пои́мъ бг҃ꙋ на́шемꙋ, ꙗ҆́кѡ просла́висѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Безлѣ́тна сн҃а и҆зъ безнача́льна ѻ҆ц҃а̀, пло́ть на́съ ра́ди въ человѣ́цѣхъ бы́вша, во ᲂу҆тро́бѣ заче́нши, подъ лѣ́томъ сего̀ родила̀ є҆сѝ несказа́ннѡ, є҆мꙋ́же ра́дꙋющесѧ вопїе́мъ: пои́мъ бг҃ꙋ на́шемꙋ, ꙗ҆́кѡ просла́висѧ."
|
|
},
|
|
{
|
|
"type": "TEXT",
|
|
"value": "Катава́сїа: Ѿве́рзꙋ ᲂу҆ста̀ моѧ̑:"
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "TEXT",
|
|
"value": "І҆рмо́съ: Лꙋ́къ си́льныхъ и҆знемо́же, и҆ немощствꙋ́ющїи препоѧ́сашасѧ си́лою: сегѡ̀ ра́ди ᲂу҆тверди́сѧ въ гдⷭ҇ѣ се́рдце моѐ."
|
|
},
|
|
{
|
|
"type": "TEXT",
|
|
"value": "Зако́нꙋ повинꙋ́лсѧ є҆сѝ дх҃а, є҆го́же всѣ̑мъ, прпⷣбне, предложи́лъ є҆сѝ: грѣха́ же зако́нꙋ и҆зволе́нїемъ не повинꙋ́лсѧ є҆сѝ."
|
|
},
|
|
{
|
|
"type": "TEXT",
|
|
"value": "Горѣ̀ къ бг҃ꙋ мꙋдрова́нїе и҆мѣ́ѧ, ѻ҆́ч҃е, ꙗ҆́же на землѝ ѡ҆ста́вилъ є҆сѝ, болѣ́зньми воздержа́нїѧ непреста́ннѡ ѡ҆блегча́емь."
|
|
},
|
|
{
|
|
"type": "TEXT",
|
|
"value": "Растерза́въ ю҆́зы є҆стества̀, преесте́ственнымъ чи́стымъ житїе́мъ, бг҃оно́сне і҆ѡа́нне, вышеесте́ственныхъ прїѧ́лъ є҆сѝ дѣ́йство."
|
|
},
|
|
{
|
|
"type": "TEXT",
|
|
"value": "Да бг҃ꙋ, блаже́нне, безъ смꙋще́нїѧ бесѣ́дꙋеши, въ пꙋсты́ни жи́ти, ѻ҆́ч҃е, и҆зво́лилъ є҆сѝ, ѿ молвы̀ ᲂу҆далѧ́ѧсѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Спастѝ восхотѣ́въ человѣ́ка на поле́зное, ꙗ҆́кѡ бл҃годѣ́тель и҆ чл҃вѣколю́бецъ, въ твою̀ ᲂу҆тро́бꙋ неѡпи́саннѡ, бг҃ома́ти, всели́сѧ."
|
|
},
|
|
{
|
|
"type": "HEADER",
|
|
"value": "Сѣда́ленъ, гла́съ а҃."
|
|
},
|
|
{
|
|
"type": "TEXT",
|
|
"value": "Подо́бенъ: Гро́бъ тво́й:"
|
|
},
|
|
{
|
|
"type": "TEXT",
|
|
"value": "Воздержа́нїѧ ѻ҆гне́мъ ꙗ҆́кѡ зла́то въ пещѝ, мꙋ́дре, и҆скꙋси́всѧ, свѣтлѣ́йшїй ꙗ҆ви́лсѧ є҆сѝ, і҆ѡа́нне прпⷣбне: тѣ́мже къ нбⷭ҇номꙋ преста́вилсѧ є҆сѝ црⷭ҇твїю. Сегѡ̀ ра́ди вѣ́рою тѧ̀ восхвалѧ́юще вопїе́мъ: бл҃года́ть и҆ ми́лость, и҆ ѡ҆чище́нїй на́шихъ, ѻ҆́ч҃е, и҆спросѝ. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Наста́ви мѧ̀ на пꙋ́ть покаѧ́нїѧ, пребл҃га́го прогнѣ́вавша гдⷭ҇а, неискꙋсобра́чнаѧ бл҃гослове́ннаѧ марі́е, прибѣ́жище ѿча́ѧнныхъ человѣ́кѡвъ, бж҃їе вмѣсти́лище."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "TEXT",
|
|
"value": "І҆рмо́съ: Сѣдѧ́й въ сла́вѣ на прⷭ҇то́лѣ бж҃ества̀, во ѻ҆́блацѣ ле́гцѣ прїи́де і҆и҃съ пребжⷭ҇твенный, нетлѣ́нною дла́нїю, и҆ спасѐ зовꙋ́щыѧ: сла́ва, хрⷭ҇тѐ, си́лѣ твое́й."
|
|
},
|
|
{
|
|
"type": "TEXT",
|
|
"value": "Ѡ҆бветша́вшагѡ человѣ́ка а҆́бїе совле́ксѧ, ѻ҆́ч҃е, со грѣхо́вными страстьмѝ, воздержа́нїемъ незави́стнымъ ѡ҆бле́клсѧ є҆сѝ въ но́ваго по хрⷭ҇тꙋ̀, всече́стне."
|
|
},
|
|
{
|
|
"type": "TEXT",
|
|
"value": "Свѣ́тлое твоѐ житїѐ, ꙗ҆́кѡ пра́вило и҆звѣ́стно, въ тебѣ̀, ѻ҆́ч҃е, бжⷭ҇твенныѧ добродѣ́тели показа́сѧ, въ моли́твахъ и҆ поще́нїихъ, во бдѣ́нїихъ же и҆ мольба́хъ ꙗ҆̀же ко хрⷭ҇тꙋ̀ чл҃вѣколю́бцꙋ."
|
|
},
|
|
{
|
|
"type": "TEXT",
|
|
"value": "Дрема́нїѧ твои̑мъ ѻ҆чесє́мъ не да́лъ є҆сѝ, прпⷣбне, до́ндеже, ѻ҆́ч҃е, хра́мъ себѐ сотвори́лъ є҆сѝ прекра́сенъ всеви́дѧщемꙋ влⷣцѣ, къ немꙋ́же взыва́еши: сла́ва си́лѣ твое́й, гдⷭ҇и."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Оу҆мерщвлє́нныѧ, пречⷭ҇таѧ, человѣ́ки ѡ҆живи́ла є҆сѝ, жизнода́вца ро́ждши и҆збавлѧ́ющаго ѿ тлѝ, взыва́ющыѧ є҆мꙋ̀: сла́ва си́лѣ твое́й, гдⷭ҇и."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "TEXT",
|
|
"value": "І҆рмо́съ: Просвѣще́нїе твоѐ, гдⷭ҇и, низпослѝ на́мъ, и҆ ѿ мглы̀ прегрѣше́нїй разрѣши́ ны, бл҃же, тво́й ми́ръ да́рꙋѧй."
|
|
},
|
|
{
|
|
"type": "TEXT",
|
|
"value": "Въ ю҆́ности мꙋ́дрость, въ ста́рости ра́зꙋмъ, во все́мъ житїѝ пожда́нїе, и҆ долготерпѣ́нїе, и҆ є҆́же ко всѣ̑мъ любо́вь показа́лъ є҆сѝ, блаже́нне."
|
|
},
|
|
{
|
|
"type": "TEXT",
|
|
"value": "Впери́въ, сла́вне, дꙋше́вный ра́зꙋмъ, и҆ чꙋ̑вства, мꙋ́дре, ѡ҆корми́въ, бы́лъ є҆сѝ хра́мъ ѡ҆свѧще́нъ бг҃ꙋ че́стенъ."
|
|
},
|
|
{
|
|
"type": "TEXT",
|
|
"value": "Оу҆краси́лъ є҆сѝ, прпⷣбне, дꙋшѝ тричи́сленное, и҆ влады́кꙋ ᲂу҆́мъ поста́вивъ, и҆мѣ́юща хрⷭ҇та̀, наставлѧ́юща тѧ̀ къ ше́ствїю нбⷭ҇номꙋ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Дв҃а родѝ пречⷭ҇таго бг҃а, зако́нъ полага́юща, всѣ̑мъ человѣ́кѡмъ сп҃си́телѧ, благоче́стїе сꙋ́щымъ на землѝ возвѣща́юща."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Возопѝ, проѡбразꙋ́ѧ погребе́нїе тридне́вное, прⷪ҇ро́къ і҆ѡ́на, въ ки́тѣ молѧ́сѧ: ѿ тлѝ и҆зба́ви мѧ̀, і҆и҃се, цр҃ю̀ си́лъ."
|
|
},
|
|
{
|
|
"type": "TEXT",
|
|
"value": "Въ пꙋсты́ни жи́ти ᲂу҆се́рднѡ возлюби́лъ є҆сѝ, бг҃оно́сне, къ не́йже бг҃а прїе́млѧ и҆збавлѧ́ющаго тѧ̀, и҆ соблюда́ющаго твоѧ̑ стѡпы̀."
|
|
},
|
|
{
|
|
"type": "TEXT",
|
|
"value": "Непрекло́ненъ въ пꙋсты́ни, бг҃омꙋ́дре, претерпѣ́лъ є҆сѝ, да́же и҆ до кончи́ны хранѧ̀ сїѐ ѡ҆пасе́нїемъ, и҆́мже нетлѣ́нномꙋ сподо́билсѧ є҆сѝ наслажде́нїю."
|
|
},
|
|
{
|
|
"type": "TEXT",
|
|
"value": "Равноа́гг҃льнѡ на землѝ пожи́лъ є҆сѝ, равноа́гг҃льнꙋю че́сть досто́йнѡ полꙋчи́лъ є҆сѝ, со а҆́гг҃лы всѣ́ми бг҃ꙋ предстоѧ̀."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Зачала̀ є҆сѝ во ᲂу҆тро́бѣ, бг҃ома́ти, безнача́льнаго бг҃а сло́ва, на́съ ра́ди въ человѣ́цѣхъ бы́вшаго, по на́мъ непрело́жна, во двꙋ̀ зна́ема є҆стєствꙋ̀."
|
|
},
|
|
{
|
|
"type": "HEADER",
|
|
"value": "Конда́къ, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Взбра́нной:"
|
|
},
|
|
{
|
|
"type": "TEXT",
|
|
"value": "А҆́гг҃льскомꙋ житїю̀ поревнова́въ, прпⷣбне, всѧ̑ земна̑ѧ ѡ҆ста́вивъ, ко хрⷭ҇тꙋ̀ прите́клъ є҆сѝ: и҆ тогѡ̀ за́повѣдьми ѡ҆гражда́ѧсѧ, ꙗ҆ви́лсѧ є҆сѝ сто́лпъ непоколеби́мъ ѿ вра́жїихъ нападе́нїй. Тѣ́мъ зове́мъ тѝ: ра́дꙋйсѧ, ѻ҆́ч҃е і҆ѡа́нне, свѣти́ло пресвѣ́тлое."
|
|
},
|
|
{
|
|
"type": "TEXT",
|
|
"value": "І҆́косъ: Въ ме́ртвеннѣмъ тѣ́лѣ, а҆́гг҃льскомꙋ ᲂу҆подо́бльшасѧ житїю̀ па́че є҆стества̀, и҆ съ тѣ́ми на небесѣ́хъ ликꙋ́юща, прїиди́те всѝ вѣ́рнїи воспое́мъ прпⷣбнаго і҆ѡа́нна: то́й бо ꙗ҆́кѡ ᲂу҆ме́ты вмѣнѝ мїрска̑ѧ всѧ̑ кра̑снаѧ, ꙗ҆́кѡ да нбⷭ҇ныхъ полꙋчи́тъ, вше́дъ на го́рꙋ ꙗ҆́коже дре́вле мѡѷсе́й вели́кїй, и҆ и҆лїа̀, посто́мъ ѡ҆чи́щсѧ, сподо́бисѧ ви́дѣти трⷪ҇ческꙋю свѣ́тлость, ни во мра́цѣ, ни въ ви́хрѣ, но во свѣ́тѣ бл҃года́ти бж҃їѧ: тѣ́мъ и҆ чꙋде́съ лꙋчѝ и҆спꙋща́ѧ свѣ́тлѡ, и҆сцѣле́нїѧ рѣ́ки и҆сточа́ѧ вѣ̑рнымъ ѿ гро́ба, ꙗ҆́кѡ жи́въ недꙋ́гѡвъ и҆сцѣли́тель, сегѡ̀ ра́ди зове́мъ є҆мꙋ̀: ра́дꙋйсѧ ѻ҆́ч҃е і҆ѡа́нне, свѣти́ло пресвѣ́тлое."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "TEXT",
|
|
"value": "І҆рмо́съ: Спасы́й во ѻ҆гнѝ а҆враа̑мскїѧ твоѧ̑ ѻ҆́троки, и҆ халдє́и ᲂу҆би́въ, ꙗ҆̀же пра́вда пра́веднѡ ᲂу҆ловлѧ́ше: препѣ́тый гдⷭ҇и бж҃е ѻ҆тє́цъ на́шихъ, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Вы́шнею си́лою бж҃їѧ по́мощи, врагѝ низложи́лъ є҆сѝ, побѣдоно́сецъ бы́лъ є҆сѝ, зовы́й: препѣ́тый гдⷭ҇и бж҃е ѻ҆тє́цъ на́шихъ, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Ѡ҆чи́стивъ мглꙋ̀ ѿ стра́сти бы́вшꙋю, безстра́стїемъ просвѣще́нїѧ ѡ҆зари́всѧ, зовы́й прпⷣбне, препѣ́тый гдⷭ҇и бж҃е ѻ҆тє́цъ на́шихъ, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Оу҆ѧзви́въ дꙋ́шꙋ добродѣ́тельными лѣ́потами, красе́нъ добро́тою бы́лъ є҆сѝ, гдⷭ҇ꙋ пое́ши ра́дꙋѧсѧ: препѣ́тый гдⷭ҇и бж҃е ѻ҆тє́цъ на́шихъ, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Призыва́ѧ ны̀ плѣнє́нныѧ, дв҃о, во є҆́же бѣ́хомъ въ нача́лѣ, во чре́во твоѐ всели́выйсѧ, вопло́щсѧ чл҃вѣколю́бецъ гдⷭ҇и."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ѻ҆́троки благочести̑выѧ въ пещѝ ржⷭ҇тво̀ бг҃оро́дичо спасло̀ є҆́сть: тогда̀ ᲂу҆́бѡ ѡ҆бразꙋ́емое, ны́нѣ же дѣ́йствꙋемое, вселе́ннꙋю всю̀ воздвиза́етъ пѣ́ти тебѣ̀: гдⷭ҇а по́йте дѣла̀, и҆ превозноси́те є҆го̀ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Глаго́лы жи́зни вѣ́чныѧ, преблаже́нне, въ се́рдцы твое́мъ прїи́мъ, пло́ть ᲂу҆вѧди́лъ є҆сѝ: мі́рꙋ же ᲂу҆мертви́сѧ, живоно́снымъ ᲂу҆мерщвле́нїемъ ѡ҆дѣ́ѧвсѧ: гдⷭ҇а по́йте, и҆ превозноси́те є҆го̀ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Ми́лостива бы́ти, бг҃оно́сне, є҆ди́наго бл҃годѣ́телѧ молѝ, твою̀ пречестнꙋ́ю па́мѧть пра́зднꙋющымъ, согрѣше́нїй ѡ҆ставле́нїе си̑мъ дарова́ти."
|
|
},
|
|
{
|
|
"type": "TEXT",
|
|
"value": "Воззрѣ́нїемъ къ бг҃ꙋ непреста́ннѡ внима́ѧ, ѿѻнꙋ́дꙋже нѣ́коегѡ сїѧ́нїѧ зарю̀ прїи́мъ, свѣ́тъ неꙋгаси́мый ꙗ҆́кѡ зерца́ло посыла́еши, пою́щымъ: гдⷭ҇а по́йте дѣла̀, и҆ превозноси́те є҆го̀ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "На лѣ́ствицꙋ къ небесѝ просте́ртꙋю, на не́йже ᲂу҆твержде́нъ гдⷭ҇ь ꙗ҆ви́сѧ, ѻ҆́ч҃е, вше́лъ є҆сѝ, бжⷭ҇твенными восхождє́нїи преспѣва́ѧ, прпⷣбне, до́ндеже дости́глъ є҆сѝ соверше́нїе жела́емыхъ, поѧ̀: гдⷭ҇а по́йте дѣла̀, и҆ превозноси́те є҆го̀ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Пое́мъ тѧ̀, ѡ҆бра́дованнаѧ, бг҃а бо воплоще́нна на́мъ родила̀ є҆сѝ. Тѣ́мже тѧ̀ бцⷣꙋ всѝ и҆менꙋ́емъ, бг҃опрїѧ́тнꙋю ᲂу҆тро́бꙋ, добро́тꙋ і҆а́кѡвлю, гдⷭ҇и воспѣва́юще, и҆ превозносѧ́ще є҆го̀ во всѧ̑ вѣ́ки."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Є҆́ѵа ᲂу҆́бѡ недꙋ́гомъ преслꙋша́нїѧ клѧ́твꙋ всели́ла є҆́сть: ты́ же, дв҃о бцⷣе, прозѧбе́нїемъ чревоноше́нїѧ, мі́рови благослове́нїе процвѣла̀ є҆сѝ. Тѣ́мъ тѧ̀ всѝ велича́емъ."
|
|
},
|
|
{
|
|
"type": "TEXT",
|
|
"value": "Слеза́ми по́стническими браздꙋ̀ напои́лъ є҆сѝ, ра́дꙋешисѧ, ѻ҆́ч҃е бг҃оно́сне, ны́нѣ ра́достїю рꙋкоѧ̑ти собира́ѧ подвигѡ́въ по́чєсти. Тѣ́мже тѧ̀ всѝ ᲂу҆блажа́емъ."
|
|
},
|
|
{
|
|
"type": "TEXT",
|
|
"value": "Незаходи́мый возсїѧ̀ тебѣ̀ свѣ́тъ, присносꙋ́щее весе́лїе воспрїѧ̀, и҆дѣ́же ликꙋ́ѧ со а҆́гг҃лы ѻ҆крꙋ́гъ цр҃ѧ̀ и҆ гдⷭ҇а, вѣ́рою творѧ́щихъ па́мѧть твою̀ помина́й, ѻ҆́ч҃е всеблаже́нне."
|
|
},
|
|
{
|
|
"type": "TEXT",
|
|
"value": "Возмо́гъ де́мѡнѡвъ ᲂу҆бѣжа́ти стрѣлѧ́нїй и҆ кова́рствъ лꙋка́выхъ, спа́слсѧ є҆сѝ, блаже́нне. Ѿѻнꙋ́дꙋже дꙋша̀ твоѧ̀ свѧта̀, чиста̀ и҆ нескве́рна, наслажде́нїѧ нбⷭ҇нагѡ сподо́бисѧ: помина́й чтꙋ́щыѧ тѧ̀."
|
|
},
|
|
{
|
|
"type": "TEXT",
|
|
"value": "Зако́номъ, ѻ҆́ч҃е, страда́льческимъ подвиза́ѧсѧ, и҆ побѣди́лъ є҆сѝ де́мѡнскїѧ полкѝ. Тѣ́мже тѧ̀ сла́вою вѣнча́етъ, ꙗ҆́кѡ є҆ди́нъ бл҃годѣ́тель по́честей, и҆ бжⷭ҇твеннагѡ свѣтоѧвле́нїѧ сподо́би, бжⷭ҇твеннымъ наслажде́нїемъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ꙗ҆́кѡ всѣ́хъ тва́рей творца̀ ро́ждши, бг҃ома́ти, превозшла̀ є҆сѝ всю̀ тва́рь бжⷭ҇твенною сла́вою, ст҃остїю и҆ бл҃года́тїю, и҆ всѧ́кїѧ добродѣ́тели бо́льши. Тѣ́мже тѧ̀ всѝ велича́емъ."
|
|
},
|
|
{
|
|
"type": "HEADER",
|
|
"value": "Свѣти́ленъ."
|
|
},
|
|
{
|
|
"type": "TEXT",
|
|
"value": "Подо́бенъ: Не́бо ѕвѣзда́ми:"
|
|
},
|
|
{
|
|
"type": "TEXT",
|
|
"value": "А҆́гг҃льскагѡ житїѧ̀ жела́ѧ, ᲂу҆дали́лъ є҆сѝ себѐ въ пꙋсты́нѧхъ: и҆ стра̑сти покори́въ плотскі̑ѧ, ра́венъ а҆́гг҃лѡмъ ꙗ҆ви́лсѧ є҆сѝ, ѻ҆́ч҃е на́шъ і҆ѡа́нне бг҃оно́сне. Два́жды."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Держа́внымъ твои́мъ покро́вомъ, ѿ вра̑гъ навѣ́та, чⷭ҇таѧ, твоѧ̑ рабы̑ соблюди́ ны всѧ̑ невре́дны: тѧ́ бо и҆́мамы є҆ди́нꙋ прибѣ́жище въ жена́хъ."
|
|
},
|
|
{
|
|
"type": "HEADER",
|
|
"value": "На хвали́техъ стїхи̑ры на д҃, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Ѽ пресла́внагѡ чꙋдесѐ!"
|
|
},
|
|
{
|
|
"type": "TEXT",
|
|
"value": "Прпⷣбне ѻ҆́ч҃е і҆ѡа́нне, ты̀ и҆́го хрⷭ҇то́во на ра́мо взе́мъ, до́блественнѣ наи́тїе вра́жїе попра́лъ є҆сѝ. Тѣ́мъ тѧ̀ вѣ́рою всѝ почита́емъ, ѽ пребл҃же́нне мона́шествꙋющихъ похвало̀! Тѣ́мже хрⷭ҇та̀ непреста́ннѡ молѝ, спастѝ дꙋ́шы на́шѧ. Два́жды."
|
|
},
|
|
{
|
|
"type": "TEXT",
|
|
"value": "Вѣ́рою соше́дшесѧ всѝ, ꙗ҆́кѡ по́стника тѧ̀ хрⷭ҇то́ва чествꙋ́емъ, і҆ѡа́нне. Ра́дꙋѧсѧ ᲂу҆́бѡ ше́ствовалъ є҆сѝ въ пꙋсты́ни непрохо́днѣй, мꙋ́дре, наста́вникъ бы́въ че́стенъ. Тѣ́мже тебѣ̀ мы̀ вѣ́рою взыва́емъ, бл҃же́нне, по́стникѡвъ похвало̀, ѡ҆ на́съ моли́сѧ ко гдⷭ҇ꙋ, поми́ловатисѧ дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "Прпⷣбне ѻ҆́ч҃е на́шъ, і҆ѡа́нне, бꙋ́дꙋщїѧ ра́ди жи́зни, въ ка́менныхъ про́пастехъ, и҆ въ дре́вѣ заключи́лсѧ є҆сѝ, ника́коже боѧ́сѧ неви́димыхъ вра̑гъ, мно́гащи толца̑нїѧ творѧ́щихъ къ тебѣ̀. Ты́ же моли́твами твои́ми си́хъ безъ вѣ́сти сотворѧ́лъ є҆сѝ, ѽ терпѣли́вый дꙋше́ю! Въ пꙋсты́ни ры́льстѣй, чꙋ́дное ѻ҆вча̀, хрⷭ҇та̀ а҆́гнца па́стырѧ и҆мѣ́ѧ. Тѣ́мже вѣ́рою вси́ тѧ чти́мъ и҆ ᲂу҆блажа́емъ."
|
|
},
|
|
{
|
|
"type": "HEADER",
|
|
"value": "Сла́ва, гла́съ то́йже:"
|
|
},
|
|
{
|
|
"type": "TEXT",
|
|
"value": "На не́бо текꙋ́щꙋю вше́дъ колесни́цꙋ, чꙋ́дне, добродѣ́телей, дости́глъ є҆сѝ кра́йнее житїѐ воздержа́нїемъ. Въ пꙋсты́ни живы́й, смотрѧ́ѧ вы́шнѧгѡ і҆ерⷭ҇ли́ма красотꙋ̀, и҆ болѣ̑зни подвигѡ́въ досто́йнѡ по́чєсти прїи́мъ, съ нбⷭ҇ными ра́дꙋешисѧ чинонача̑лїи, пребл҃же́нне, вѣ́чныхъ бла̑гъ наслѣ́дникъ, црⷭ҇твїѧ жи́тель бы́въ: но моли́сѧ, бг҃оно́сне і҆ѡа́нне, сп҃сꙋ всѣ́хъ, ᲂу҆мири́ти мі́ръ и҆ спастѝ дꙋ́шы на́шѧ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ."
|
|
},
|
|
{
|
|
"type": "TEXT",
|
|
"value": "Влⷣчце, прїимѝ моли́твы рабѡ́въ твои́хъ, и҆ и҆зба́ви на́съ ѿ всѧ́кїѧ нꙋ́жды и҆ печа́ли."
|
|
},
|
|
{
|
|
"type": "HEADER",
|
|
"value": "Славосло́вїе вели́кое. И҆ ѿпꙋ́стъ."
|
|
},
|
|
{
|
|
"type": "HEADER",
|
|
"value": "На лїтꙋргі́и: Бл҃жє́нна, ѿ канѡ́на ст҃а́гѡ пѣ́снь г҃-ѧ и҆ ѕ҃-ѧ. И҆ про́чаѧ слꙋ́жба прпⷣбническаѧ."
|
|
}
|
|
] |