654 lines
66 KiB
JSON
654 lines
66 KiB
JSON
[
|
|
{
|
|
"type": "HEADER",
|
|
"value": "Ное́мврїа є҃"
|
|
},
|
|
{
|
|
"type": "HEADER",
|
|
"value": "Преставле́нїе и҆́же во ст҃ы́хъ ѻ҆тца̀ на́шегѡ і҆ѡ́ны, а҆рхїепі́скопа, новгоро́дскагѡ чꙋдотво́рца."
|
|
},
|
|
{
|
|
"type": "HEADER",
|
|
"value": "На ма́лѣй вече́рни, стїхи̑ры, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Ѽ пресла́внагѡ чꙋдесѐ!"
|
|
},
|
|
{
|
|
"type": "TEXT",
|
|
"value": "Водрꙋже́нїе и҆́стины, благоче́стїѧ согла́сника тѧ̀ зна́емъ, и҆ вѣ́ры ѡ҆свѧще́нїе: чистоты́ же селе́нїе, прїѧ́телище и҆збра́нно, ст҃и́телю прпⷣбне і҆ѡ́но, мо́лимъ тѧ̀: въ ми́рѣ на́мъ молѝ сохрани́тисѧ, да при́снѡ сла́вимъ и҆ воспѣва́емъ гдⷭ҇а на́шего прославлѧ́ющаго, и҆ тебє̀ ра́ди подаю́щаго на́мъ спасе́нїе и҆ ве́лїю ми́лость."
|
|
},
|
|
{
|
|
"type": "TEXT",
|
|
"value": "Житїѐ твоѐ добродѣ́тельми ᲂу҆краси́лъ є҆сѝ, свѣти́льникъ ꙗ҆́вѣ бы́въ и҆ храни́тель хрⷭ҇то́вꙋ ста́дꙋ: дѣѧ̑нїѧ бо видѣ́нїѧ ꙗ҆́вѣ показа́лъ є҆сѝ восхожде́нїемъ, ꙗ҆́кѡ дꙋ́шꙋ согласи́лъ є҆сѝ дѣ́тельнѡ, и҆ и҆зрѧ́днѡ къ видѣ́нїю взѧ́тсѧ, и҆ зри́ши гдⷭ҇а, ѻ҆́ч҃е і҆ѡ́но. Є҆мꙋ́же прилѣ́жнѡ моли́сѧ, дарова́ти ми́ръ мі́рови, спасе́нїе же и҆ мно́гꙋю ми́лость почита́ющымъ на́мъ свѧще́ннꙋю па́мѧть твою̀."
|
|
},
|
|
{
|
|
"type": "TEXT",
|
|
"value": "Воздержа́нїемъ пре́жде ᲂу҆мертви́въ плотска̑ѧ мꙋдрова̑нїѧ, свѧщеннодѣ́йственникъ бы́лъ є҆сѝ, бж҃їѧ бжⷭ҇твеннѡ соверша́ѧ, и҆ чистѣ́йшимъ по́мысломъ чи́стѣ прикаса́ѧсѧ, слꙋжи́тель ꙗ҆ви́лсѧ є҆сѝ вседержи́телю, а҆рхїере́ю і҆ѡ́но: є҆го́же ᲂу҆молѝ, ꙗ҆́кѡ всеми́лостива и҆ бл҃га, дарова́ти ми́ръ мі́рови, и҆ дꙋша́мъ на́шымъ ве́лїю ми́лость."
|
|
},
|
|
{
|
|
"type": "HEADER",
|
|
"value": "Сла́ва, гла́съ д҃:"
|
|
},
|
|
{
|
|
"type": "TEXT",
|
|
"value": "Весели́сѧ и҆ ра́дꙋйсѧ вели́кїй новгра́де, да и҆гра́ютъ сы́ны твоѧ̑ въ тебѣ̀, свѣ́тлѡ торжествꙋ́юще къ па́мѧть і҆ера́рха і҆ѡ́ны, сирота́мъ и҆ вдова́мъ предста́телѧ, скорбѧ́щихъ ᲂу҆тѣ́шителѧ, прибѣга́ющымъ къ немꙋ̀ помо́щника и҆ те́пла застꙋ́пника, призыва́ющихъ є҆го̀ ско́рѡ послꙋ́шающа, сердца̀ на̑ша на милосе́рдїе и҆ ти́хость прелага́юща, и҆ проти̑вныѧ примирѧ́юща: предстои́тъ бо гдⷭ҇еви, молѧ́сѧ ᲂу҆мири́ти мі́ра, и҆ спастѝ дꙋ́шы на́шѧ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Ве́лїе и҆ пресла́вное, є҆́же ѡ҆ тебѣ̀ бы́вшее чꙋ́до, и҆ кто̀ дово́ленъ и҆зглаго́лати си̑лы гдⷭ҇нѧ, ꙗ҆̀же ѡ҆ тебѣ̀ бы́вшыѧ, бцⷣе; ᲂу҆страша́етъ бо ᲂу҆́мъ на́шъ вели́ка видѣ́нїѧ достоѧ́нїѧ, ꙗ҆́кѡ непостижи́магѡ твоегѡ̀ та́инства глаго́лати не могꙋ́ще. Кто́ бо слы́ша ѿ вѣ́ка дѣ́вꙋ дои́вшꙋ, и҆ ма́терь безъ мꙋ́жа ꙗ҆́вльшꙋсѧ на землѝ, и҆ своего̀ содѣ́телѧ, ꙗ҆́кѡ младе́нца, на рꙋкꙋ̀ носи́вшꙋ; тѣ́мже тѧ̀ всѝ ро́ди ᲂу҆блажа́емъ."
|
|
},
|
|
{
|
|
"type": "HEADER",
|
|
"value": "На стїхо́внѣ стїхи̑ры, гла́съ з҃."
|
|
},
|
|
{
|
|
"type": "TEXT",
|
|
"value": "Ѻ҆́ч҃е свѧще́нне і҆ѡ́но, ты̀ ѡ҆ст҃и́лсѧ є҆сѝ бл҃года́тїю всест҃а́гѡ дх҃а, слове́сномꙋ ста́дꙋ хрⷭ҇то́вꙋ, но ꙗ҆́кѡ влⷣцѣ твоемꙋ̀ подража́тель, ми́ловати на́съ жи́въ сы́й не преста́лъ є҆сѝ. И҆ ны́нѣ та́коже молѧ̀ не преста́й, и҆зба́вити на́съ ѿ всѧ́кагѡ лю́тагѡ ѡ҆бстоѧ́нїѧ, и҆ спастѝ дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "Сті́хъ: Свѧще́нницы твоѝ ѡ҆блекꙋ́тсѧ въ пра́вдꙋ:"
|
|
},
|
|
{
|
|
"type": "HEADER",
|
|
"value": "Гла́съ а҃:"
|
|
},
|
|
{
|
|
"type": "TEXT",
|
|
"value": "Ѻ҆́ч҃е прпⷣбне і҆ѡ́но, ты̀ земна̑ѧ мꙋдрова̑нїѧ воздержа́нїемъ ᲂу҆мертви́въ, дꙋ́шꙋ напра́вилъ є҆сѝ къ невла́емомꙋ наслажде́нїю. Просѝ на́мъ невла́емѡ преитѝ пꙋчи́нꙋ житїѧ̀, прелага́ѧ стро́потное въ тишинꙋ̀, подаѧ̀ хва́лѧщымъ тѧ̀ ми́ръ и҆ спасе́нїе, блаже́нне."
|
|
},
|
|
{
|
|
"type": "TEXT",
|
|
"value": "Сті́хъ: Блаже́нъ мꙋ́жъ боѧ́йсѧ гдⷭ҇а, въ за́повѣдехъ є҆го̀ восхо́щетъ ѕѣлѡ̀."
|
|
},
|
|
{
|
|
"type": "TEXT",
|
|
"value": "Ѻ҆́ч҃е і҆ѡ́но блаже́нне, да́нный тебѣ̀ тала́нтъ ᲂу҆мно́жилъ є҆сѝ, ра́дости сподо́бивсѧ гдⷭ҇а твоегѡ̀, и҆спещре́нъ бл҃года́ти сїѧ́нїемъ, заре́ю дꙋхо́вною блиста́ѧ, предстои́ши гдⷭ҇ꙋ. Просѝ и҆зба́витисѧ на́мъ всѧ́кагѡ гнѣ́ва и҆ ѡ҆ѕлобле́нїѧ, да въ ми́рѣ сла́вѧще гдⷭ҇а, при́снѡ тѧ̀ ᲂу҆блажа́емъ."
|
|
},
|
|
{
|
|
"type": "HEADER",
|
|
"value": "Сла́ва, гла́съ є҃:"
|
|
},
|
|
{
|
|
"type": "TEXT",
|
|
"value": "Прїиди́те, вѣ́рныхъ сосло́вїе, соше́дшесѧ восхва́лимъ а҆рхїере́а і҆ѡ́нꙋ: и҆́бо до́брый па́стырь, пасѡ́мыѧ рꙋководѧ̀ къ вѣ́рѣ сло́вомъ и҆́стиннымъ, и҆ вѣ́рꙋ и҆звѣ́ствовати добродѣ́тельми наказꙋ́ѧ. Тѣ́мъ и҆ хрⷭ҇то́съ возда́лъ є҆́сть семꙋ̀ мздꙋ̀, ꙗ҆́кѡ до́бромꙋ рабꙋ̀ своемꙋ̀, и҆ на́мъ, блажа́щымъ па́мѧть є҆гѡ̀, да́рꙋетъ, ꙗ҆́кѡ бл҃гъ, мно́жество щедро́тъ свои́хъ, є҆гѡ̀ ра́ди, и҆ бога́тꙋю ми́лость."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Ра́дꙋйсѧ, две́ре мы́сленнаѧ, є҆́юже про́йде превѣ́чный бг҃ъ: ра́дꙋйсѧ, же́зле а҆арѡ́новъ, и҆зрасти́вшїй цвѣ́тъ ѿ ко́рене і҆ессе́ева: ра́дꙋйсѧ, трапе́зо, ꙗ҆́же хлѣ́бъ жи́зни на пи́щꙋ всемꙋ̀ пода́вши ро́дꙋ человѣ́ческомꙋ, дв҃о мт҃и чⷭ҇таѧ."
|
|
},
|
|
{
|
|
"type": "TEXT",
|
|
"value": "Тропа́рь: И҆справле́нїе вѣ́ры, и҆ ѻ҆́бразъ кро́тости, и҆ ꙗ҆́коже са́дъ посредѣ̀ раѧ̀, прпⷣбными дѣ́лы твои́ми мі́ръ просвѣща́еши, и҆ сегѡ̀ ра́ди къ честнѣ́й ра́цѣ твое́й любо́вїю прикаса́емсѧ, и҆ вѣ́рнѡ вопїе́мъ: предста́ни въ по́мощь воспѣва́ющымъ па́мѧть твою̀ свѣтоно́снꙋю, ѻ҆́ч҃е і҆ѡ́но, и҆ молѝ спасти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "На вели́цѣй вече́рни, Блаже́нъ мꙋ́жъ, а҃-й а҆нтїфѡ́нъ."
|
|
},
|
|
{
|
|
"type": "HEADER",
|
|
"value": "На Гдⷭ҇и, воззва́хъ, поста́вимъ стїхѡ́въ и҃. И҆ пое́мъ стїхи̑ры, гла́съ ѕ҃."
|
|
},
|
|
{
|
|
"type": "TEXT",
|
|
"value": "Подо́бенъ: Всѐ ѿло́жше:"
|
|
},
|
|
{
|
|
"type": "TEXT",
|
|
"value": "Ꙗ҆́коже ѕвѣзда̀ возсїѧ́лъ є҆сѝ на тве́рди цр҃ко́внѣй, ѡ҆зарѧ́ѧ мі́ръ и҆справле́нїемъ сло́ва и҆́стиннагѡ, мꙋ́дре і҆ѡ́но, вдѡвы̀ и҆ сирѡты̀ снабдѣва́ѧ ѻ҆ч҃ески, и҆ ни́щыѧ ми́лꙋѧ, ѡ҆би̑димыѧ и҆з̾има́ѧ, вражды̑ ᲂу҆толѧ́ѧ, ми́ръ ᲂу҆твержда́ѧ. Хрⷭ҇то́выхъ за́повѣдей дѣ́лателю, ѻ҆́ч҃е всесвѧще́нне, просѝ ми́ра мі́рови, мо́лимъ тѧ̀, и҆ спасе́нїѧ дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "Досто́йнѡ на тѧ̀ а҆рхїере́йства нарече́нїе прїи́де, прпⷣбне ѻ҆́ч҃е, ѻ҆троча́ти є҆щѐ тебѣ̀ сꙋ́щꙋ: дѣѧ̑нїѧ бо въ тебѣ̀ бг҃оꙋгѡ́днаѧ воспита́єма, кро́тость съ неѕло́бїемъ. Тѣ́мъ во дворы̀ гдⷭ҇ни вселѧ́ешисѧ, ꙗ҆́кѡ тако́въ подоба́ше а҆рхїере́й бы́ти прпⷣбенъ. Но ꙗ҆́кѡ и҆́маши дерзнове́нїе, молѝ, мо́лимъ тѧ̀, ᲂу҆мири́ти мі́ръ, и҆ спастѝ дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "Прпⷣбне а҆рхїере́ю, и҆зво́лилъ є҆сѝ примета́ти себѐ въ домꙋ̀ бж҃їи па́че, не́же жи́ти въ се́лѣхъ мі́ра: и҆ по́стническими пра́вилы и҆спытова́шесѧ, послѣ́дꙋѧ знаменоно́сцємъ ѻ҆тцє́мъ вели̑кимъ, варлаа́мꙋ и҆ се́ргїю. Тѣ́мже и҆ гдⷭ҇ь и҆зведе́ тѧ па́стырѧ лю́демъ свои̑мъ, и҆ ꙗ҆́кѡ вѣ́рнꙋ рабꙋ̀ стро́ити дꙋ́шы си́хъ порꙋчѝ: за нѧ́же молѝ, поми́ловати ѧ҆̀ и҆ спастѝ."
|
|
},
|
|
{
|
|
"type": "HEADER",
|
|
"value": "Сла́ва, гла́съ а҃:"
|
|
},
|
|
{
|
|
"type": "TEXT",
|
|
"value": "Прїиди́те, вели́кагѡ нова́града лю́дїе, дꙋхо́внѣ торжествꙋ́имъ. Дне́сь бо де́нь поко́ѧ трꙋдѡ́въ до́брагѡ на́шегѡ па́стырѧ, въ ѻ҆́ньже пѣ́сней трꙋбо́ю возглаша́юще: ра́дꙋйсѧ, свѣти́ло свѣ́тлое мі́рови: ра́дꙋйсѧ, мы́сленнагѡ сл҃нца свѣ́тлый ѻ҆́бразе: ра́дꙋйсѧ, зарѧ́ми добродѣ́телей ѡ҆сїѧва́ѧ всѧ̑. Но, ѻ҆́ч҃е прекра́сне, хода́таю мі́ра и҆ застꙋ́пниче те́плый ста́дꙋ твоемꙋ̀, не преста́й моли́тисѧ, мо́лимсѧ тебѣ̀, спасти́сѧ на́мъ ѿ всѧ́кагѡ навѣ́та, любо́вїю чтꙋ́щымъ свѧще́ннꙋю па́мѧть твою̀."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Всемі́рнꙋю сла́вꙋ:"
|
|
},
|
|
{
|
|
"type": "HEADER",
|
|
"value": "Вхо́дъ. Прокі́менъ днѐ. Чтє́нїѧ г҃ ст҃и́тєльскаѧ."
|
|
},
|
|
{
|
|
"type": "HEADER",
|
|
"value": "При́тчей чте́нїе. (Глава̀ і҃.)"
|
|
},
|
|
{
|
|
"type": "TEXT",
|
|
"value": "Па́мѧть пра́веднагѡ съ похвала́ми, и҆ благослове́нїе гдⷭ҇не на главѣ̀ є҆гѡ̀. Блаже́нъ человѣ́къ, и҆́же ѡ҆брѣ́те премꙋ́дрость: и҆ сме́ртенъ, и҆́же ᲂу҆вѣ́дѣ ра́зꙋмъ. Лꙋ́чше бо сїю̀ кꙋпова́ти, не́жели зла́та и҆ сребра̀ сокрѡ́вища. Честнѣ́йшаѧ же є҆́сть ка́менїй многоцѣ́нныхъ: все́ же честно́е недосто́йно є҆ѧ̀ є҆́сть. Долгота́ бо дне́й, и҆ лѣ̑та живота̀ въ десни́цѣ є҆ѧ̀: въ шꙋ́ицѣ же є҆ѧ̀ бога́тство и҆ сла́ва: ѿ ᲂу҆́стъ є҆ѧ̀ и҆схо́дитъ пра́вда, зако́нъ же и҆ ми́лость на ѧ҆зы́цѣ но́ситъ. Послꙋ́шайте ᲂу҆̀бо менє̀, ѽ ча̑да! Честна̑ѧ бо рекꙋ̀: и҆ бл҃же́нъ человѣ́къ, и҆́же пꙋти̑ моѧ̑ сохрани́тъ: и҆схо́ди бо моѝ, и҆схо́ди живота̀, и҆ ᲂу҆готовлѧ́етсѧ хотѣ́нїе ѿ гдⷭ҇а. Сегѡ̀ ра́ди молю̀ ва́съ, и҆ предлага́ю мо́й гла́съ сыновѡ́мъ человѣ́чєскимъ: ꙗ҆́кѡ а҆́зъ премꙋ́дрость ᲂу҆стро́ихъ, совѣ́тъ и҆ ра́зꙋмъ и҆ смы́слъ а҆́зъ призва́хъ. Мо́й совѣ́тъ и҆ ᲂу҆твержде́нїе, мо́й ра́зꙋмъ, моѧ́ же крѣ́пость. А҆́зъ менѐ лю́бѧщыѧ люблю̀, и҆́щꙋщїи же менѐ ѡ҆брѧ́щꙋтъ бл҃года́ть. Разꙋмѣ́йте ᲂу҆́бѡ, неѕло́бивїи, кова́рство, ненака́заннїи же, прилага́йте сердца̀. Послꙋ́шайте менє̀ и҆ па́ки, честна̑ѧ бо рекꙋ̀: и҆ ѿве́рзꙋ ѿ ᲂу҆сте́нъ пра̑ваѧ, ꙗ҆́кѡ и҆́стинѣ поꙋчи́тсѧ горта́нь мо́й, мє́рзски же предо мно́ю ᲂу҆стны̀ лжи̑выѧ. Съ пра́вдою всѝ глаго́лы ᲂу҆́стъ мои́хъ: ничто́же въ ни́хъ стро́потно, нижѐ развраще́нно. Всѧ̑ пра̑ва сꙋ́ть разꙋмѣва́ющымъ, и҆ прѡ́ста ѡ҆брѣта́ющымъ ра́зꙋмъ. Наꙋча́ю бо ва́съ и҆́стинѣ, да бꙋ́детъ ѡ҆ гдⷭ҇ѣ наде́жда ва́ша, и҆ и҆спо́лнитесѧ дх҃а."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́ни чте́нїе. (Главы̑ ѕ҃, з҃, и҃, ѳ҃ и҆ і҃.)"
|
|
},
|
|
{
|
|
"type": "TEXT",
|
|
"value": "Оу҆ста̀ првⷣнагѡ ка́плютъ премꙋ́дрость: ᲂу҆стнѣ́ же мꙋже́й. Мꙋ́дрыхъ вѣ́дѧтъ бл҃года́ть. Оу҆ста̀ мꙋ́дрыхъ поꙋча́тсѧ премꙋ́дрости, пра́вда же и҆збавлѧ́етъ и҆́хъ ѿ сме́рти. Сконча́вшꙋсѧ мꙋ́жꙋ пра́веднꙋ, не поги́бнетъ наде́жда. Сы́нъ бо пра́веденъ ражда́етсѧ въ живо́тъ, и҆ во бл҃ги́хъ свои́хъ пло́дъ пра́вды ѡ҆б̾и́метъ. Свѣ́тъ пра́вєднымъ всегда̀, и҆ ѿ гдⷭ҇а ѡ҆брѧ́щꙋтъ бл҃года́ть и҆ сла́вꙋ. Ѧ҆зы́къ мꙋ́дрыхъ дѡ́браѧ свѣ́сть, и҆ въ се́рдцѣ и҆́хъ почі́етъ мꙋ́дрость. Лю́битъ гдⷭ҇ь прпⷣбныѧ сердца̀, прїѧ́тни же є҆мꙋ̀ всѝ непоро́чнїи въ пꙋтѝ. Мꙋ́дрость гдⷭ҇нѧ просвѣща́етъ лицѐ разꙋ́мнагѡ. Постига́етъ бо жела́ющыѧ ю҆̀, пре́жде да́же разꙋмѣ́ти ю҆̀: и҆ ᲂу҆до́бь ᲂу҆́зритсѧ ѿ лю́бѧщихъ ю҆̀. Оу҆́треневавый къ не́й не ᲂу҆трꙋди́тсѧ: и҆ бдѧ́й є҆ѧ̀ ра́ди вско́рѣ безъ печа́ли бꙋ́детъ. Ꙗ҆́кѡ досто́йныхъ є҆ѧ̀ сама̀ ѡ҆бхо́дитъ и҆́щꙋщи, и҆ во стезѧ́хъ є҆ѧ̀ ꙗ҆влѧ́етсѧ и҆̀мъ благопрїе́мнѣ. Мꙋ́дрости никогда́же ѡ҆долѣ́етъ ѕло́ба. Си́хъ ра́ди и҆ рачи́тель бы́хъ добро́ты є҆ѧ̀: и҆ возлюби́хъ ю҆̀, и҆ поиска́хъ ѿ ю҆́ности моеѧ̀: и҆ взыска́хъ невѣ́стꙋ привестѝ себѣ̀, ꙗ҆́кѡ всѣ́хъ влⷣка возлюбѝ ю҆̀: Таи́нница бо є҆́сть бж҃їѧ хи́трости, и҆ ѡ҆брѣта́тельница дѣ́лъ є҆гѡ̀. Трꙋды̀ є҆ѧ̀ сꙋ́ть добродѣ́тєли: цѣломꙋ́дрїю же и҆ ра́зꙋмꙋ та̀ ᲂу҆чи́тъ, пра́вдѣ и҆ мꙋ́жествꙋ, и҆́хже потре́бнѣе ничто́же є҆́сть въ житїѝ человѣ́кѡмъ. А҆́ще же и҆ мно́гагѡ и҆скꙋ́сства жела́етъ кто̀, вѣ́сть дрє́внѧѧ, и҆ бы́ти хотѧ̑щаѧ разсмо́тритъ: свѣ́сть и҆зви̑тїѧ слове́съ, и҆ разрѣшє́нїѧ гада́нїй: зна́мєнїѧ и҆ чꙋдеса̀ проразꙋмѣ́етъ, и҆ сбытїѧ̑ време́нъ и҆ лѣ́тъ: и҆ всѣ̑мъ совѣ́тникъ є҆́сть бла́гъ, ꙗ҆́кѡ безсме́ртїе є҆́сть въ не́й, и҆ бл҃госла́вїе во ѻ҆бще́нїи слове́съ є҆ѧ̀. Сегѡ̀ ра́ди бесѣ́довахъ ко гдⷭ҇ꙋ, и҆ помоли́хсѧ є҆мꙋ̀, и҆ рѣ́хъ ѿ всегѡ̀ се́рдца моегѡ̀: бж҃е ѻ҆тцє́въ и҆ гдⷭ҇и ми́лости, сотвори́вый всѧ̑ сло́вомъ твои́мъ, и҆ мꙋ́дростїю твое́ю ᲂу҆стро́ивый человѣ́ка, да владѣ́етъ бы́вшими ѿ тебє̀ тварьмѝ, и҆ да ᲂу҆правлѧ́етъ мі́ръ въ прпⷣбїи и҆ пра́вдѣ, да́ждь мѝ твои́хъ престо́лѡвъ присѣдѧ́щꙋю премꙋ́дрость, и҆ не ѿлꙋчѝ менє̀ ѿ ѻ҆́трѡкъ твои́хъ, ꙗ҆́кѡ а҆́зъ ра́бъ тво́й, и҆ сы́нъ рабы́ни твоеѧ̀. Послѝ ю҆̀ съ нб҃съ ѿ ст҃а́гѡ жили́ща твоегѡ̀, и҆ ѿ престо́ла сла́вы твоеѧ̀, да сꙋ́щи со мно́ю наꙋчи́тъ мѧ̀, что̀ бл҃гоꙋго́дно є҆́сть предъ тобо́ю: и҆ наста́витъ мѧ̀ въ ра́зꙋмъ, и҆ сохрани́тъ мѧ̀ въ сла́вѣ свое́й. Помышлє́нїѧ бо сме́ртныхъ всѧ̑ боѧзли̑ва, и҆ погрѣши́тєльна ᲂу҆мышлє́нїѧ и҆́хъ."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́ни чте́нїе. (Главы̑ д҃, ѕ҃ и҆ з҃.)"
|
|
},
|
|
{
|
|
"type": "TEXT",
|
|
"value": "Похвалѧ́емꙋ пра́ведникꙋ, возвеселѧ́тсѧ лю́дїе: безсме́ртїе бо є҆́сть па́мѧть є҆гѡ̀, ꙗ҆́кѡ ѿ гдⷭ҇и познава́етсѧ, и҆ ѿ человѣ́кѡвъ: и҆ ᲂу҆го́да гдⷭ҇ꙋ дꙋша̀ є҆гѡ̀. Возлюби́те ᲂу҆́бѡ, ѽ мꙋ́жїе, мꙋ́дрость, и҆ поживетѐ: восхощи́те є҆ѧ̀, и҆ нака́зани бꙋ́дете: нача́ло бо є҆ѧ̀ любы̀ и҆ соблюде́нїе зако́на. Почти́те премꙋ́дрость, да во вѣ́ки ца́рствꙋете. Возвѣщꙋ̀ ва́мъ, и҆ не скры́ю ѿ ва́съ та̑инъ бж҃їихъ: ꙗ҆́кѡ то́й мꙋ́дрости наста́вникъ є҆́сть, и҆ мꙋ́дрыхъ и҆спра́витель и҆ всѧ́комꙋ смы́слꙋ и҆ дѣ́лꙋ хитре́цъ. И҆ всѣ̑мъ смы́слѡмъ наꙋчи́тъ мꙋ́дрость: є҆́сть бо въ не́й дꙋ́хъ разꙋ́менъ и҆ ст҃ъ, и҆ сїѧ́нїе свѣ́та присносꙋ́щнагѡ, и҆ ѻ҆́бразъ бл҃гости бж҃їѧ: та́ѧ дрꙋ́ги бж҃їѧ и҆ прⷪ҇ро́ки ᲂу҆строѧ́етъ. Бл҃голѣ́пнѣйши же є҆́сть со́лнца, и҆ па́че всѧ́кагѡ сотворе́нїѧ ѕвѣ́здъ, свѣ́тꙋ сосꙋжда́ема, ѡ҆брѣта́етсѧ пе́рвѣйши. Та́ѧ ᲂу҆гожда́ющыѧ є҆́й ѿ болѣ́зни и҆зба́ви, и҆ наста́ви на стези̑ пра̑выѧ. Дадѐ и҆̀мъ ра́зꙋмъ и҆мѣ́ти ст҃ъ, и҆ сохранѝ ѿ ловѧ́щихъ, и҆ по́двигъ крѣ́покъ подадѐ и҆̀мъ. Да разꙋмѣ́ютъ всѝ, ꙗ҆́кѡ си́льнѣйши всегѡ̀ є҆́сть благоче́стїе: и҆ никогда́же премо́жетъ ѕло́ба мꙋ́дрости, нижѐ пре́йдетъ ѕлы̑ѧ, ѡ҆блича́ющи сꙋ́дъ. Реко́ша же въ себѣ̀, помы́сливши непра́веднѡ: наси́льствꙋемъ пра́веднаго, и҆ не пощади́мъ преподо́бства є҆гѡ̀, ни ᲂу҆срами́мсѧ сѣди́нъ ста́рости многолѣ́тны. Бꙋ́детъ бо на́мъ крѣ́пость зако́нъ: и҆ ᲂу҆лови́мъ пра́веднаго, ꙗ҆́кѡ неꙋго́денъ на́мъ є҆́сть: и҆ проти́витсѧ дѣлѡ́мъ на́шымъ, и҆ поно́ситъ на́мъ ѿпаде́нїе зако́на, и҆ ѡ҆блича́етъ на́мъ согрѣшє́нїѧ наказа́нїѧ на́шегѡ. Возвѣща́етъ на́мъ ра́зꙋмъ и҆мѣ́ти бж҃їй, и҆ ѻ҆́трока гдⷭ҇нѧ себѐ и҆менꙋ́етъ. Бы́сть на́мъ на ѡ҆бличе́нїе помышле́нїй на́шихъ, и҆ тѧ́жекъ на́мъ є҆́сть, и҆ ви́димь: ꙗ҆́кѡ неподо́бно и҆ны̑мъ житїѐ є҆гѡ̀, и҆ и҆змѣнє́ны стєзѝ є҆гѡ̀. Въ порꙋга́нїе вмѣни́хомсѧ є҆мꙋ̀: и҆ ᲂу҆далѧ́етсѧ ѿ пꙋте́й на́шихъ, ꙗ҆́кѡ ѿ нечисто́тъ, и҆ блажи́тъ послѣ̑днѧѧ пра́ведныхъ. Оу҆ви́димъ ᲂу҆́бѡ, а҆́ще словеса̀ є҆гѡ̀ и҆́стинна сꙋ́ть, и҆скꙋ́симъ, ꙗ҆̀же сбыва́ютсѧ є҆мꙋ̀. Рꙋга́нїемъ и҆ мꙋ́кою и҆стѧ́жемъ є҆го̀, да разꙋмѣ́емъ кро́тость є҆гѡ̀, и҆ и҆скꙋ́симъ безѕло́бство є҆гѡ̀. Сме́ртїю без̾ѡбра́зною ѡ҆сꙋ́димъ є҆го̀, бꙋ́детъ бо посѣще́нїе ѿ слове́съ є҆гѡ̀. Сїѧ̑ помы́слиша, и҆ прельсти́шасѧ: ѡ҆слѣпи́ бо ѧ҆̀ ѕло́ба и҆́хъ. И҆ не разꙋмѣ́ша та̑инъ бж҃їихъ, и҆ не разсꙋди́ша, ꙗ҆́кѡ ты̀ є҆сѝ бг҃ъ є҆ди́нъ, живота̀ и҆мѣ́ѧй и҆ сме́рти вла́сть, и҆ спаса́ѧй во вре́мѧ ско́рби, и҆ и҆збавлѧ́ѧй ѿ всѧ́кагѡ ѕла̀. Ще́дръ и҆ ми́лостивъ, и҆ даѧ́й преподѡ́бнымъ свои̑мъ благода́ть, и҆ свое́ю мы́шцею гѡ́рдымъ противлѧ́ѧйсѧ."
|
|
},
|
|
{
|
|
"type": "HEADER",
|
|
"value": "На лїті́и стїхи̑ры, гла́съ а҃:"
|
|
},
|
|
{
|
|
"type": "TEXT",
|
|
"value": "Свѣ́тлый содѣ́ловаетъ пра́здникъ дне́сь свѧще́нный хра́мъ честна́гѡ и҆ сла́внагѡ крⷭ҇ти́телѧ гдⷭ҇нѧ, ра́достнѡ хрⷭ҇то́ва цр҃кви бл҃же́ннагѡ ст҃и́телѧ і҆ѡ́ны, ꙗ҆́кѡ мѵ́ро благово́нное ѡ҆благоꙋха́ѧ на́мъ свѧщє́нныѧ бл҃года̑ти, и҆ болѣ́зней ѿгна́нїе, и҆ ꙗ҆́кѡ ло́зꙋ вїногра́да живо́тнагѡ, вїно̀ и҆ска́пающꙋю и҆сцѣле́нїѧ, возвеселѧ́ющее сердца̀ напа́стныхъ печа́лей разгна́нїемъ. Тѣ́мъ мо́лимсѧ є҆мꙋ̀, просѧ́ще ми́ра и҆ спасе́нїѧ дꙋ́шъ на́шихъ."
|
|
},
|
|
{
|
|
"type": "HEADER",
|
|
"value": "Гла́съ г҃:"
|
|
},
|
|
{
|
|
"type": "TEXT",
|
|
"value": "Ты̀ ᲂу҆кра́шенъ добродѣ́тельными дѣѧ̑нїи, несозда́нныѧ трⷪ҇цы хра́мъ ѡ҆свѧще́нъ бы́лъ є҆сѝ, созда́лъ є҆сѝ свѧщє́нныѧ хра́мы гдⷭ҇ню и҆́мени, и҆ во и҆́мѧ сла́внагѡ крⷭ҇ти́телѧ, и҆ вели́кихъ ст҃и́телей, и҆ бг҃оно́сныхъ ѻ҆тє́цъ: и҆ ны́нѣ съ ни́ми воздворѧ́ѧсѧ, молѝ ѡ҆ творѧ́щихъ па́мѧть твою̀, и҆зба́витисѧ ѿ лꙋка́вагѡ ловле́нїѧ, и҆ собла̑знъ проти́внагѡ, і҆ера́рше і҆ѡ́но бл҃же́нне."
|
|
},
|
|
{
|
|
"type": "HEADER",
|
|
"value": "Гла́съ д҃:"
|
|
},
|
|
{
|
|
"type": "TEXT",
|
|
"value": "Весели́сѧ и҆ ра́дꙋйсѧ вели́кїй новгра́де, да и҆гра́ютъ сы́ны твоѧ̑ въ тебѣ̀, свѣ́тлѡ торжествꙋ́юще въ па́мѧть а҆рхїере́а і҆ѡ́ны, сирѡ́тъ и҆ вдѡ́въ предста́телѧ, скорбѧ́щихъ ᲂу҆тѣ́шителѧ, прибѣга́ющымъ къ немꙋ̀ помо́щника и҆ те́пла застꙋ́пника, призыва́ющымъ є҆го̀ ско́рѡ послꙋ́шающа, сердца̀ на̑ша на милосе́рдїе и҆ ти́хость прелага́юща, и҆ проти̑вныѧ примирѧ́юща: предстои́тъ бо гдⷭ҇еви, молѧ́сѧ ᲂу҆мири́ти мі́ръ, и҆ спастѝ дꙋ́шы на́шѧ."
|
|
},
|
|
{
|
|
"type": "HEADER",
|
|
"value": "Сла́ва, гла́съ д҃:"
|
|
},
|
|
{
|
|
"type": "TEXT",
|
|
"value": "Прїиди́те, лю́дїе, и҆̀же вели́кагѡ нова́града порожде́нїе, всѧ́къ ро́дъ и҆ во́зрастъ, пѣ́сньми почти́мъ до́браго па́стырѧ, ꙗ҆́кѡ тогѡ̀ предстоѧ́нїемъ ко хрⷭ҇тꙋ̀ дарова́шасѧ блага̑ѧ всѧ̑ гра́дꙋ на́шемꙋ ѿ бг҃а, и҆ всѣ̑мъ предѣ́лѡмъ є҆гѡ̀: и҆́бо благослови́шасѧ бла́гостїю вѣнцы̀ лѣ́тъ є҆пі́скопства є҆гѡ̀. Гдⷭ҇ь да́стъ бл҃гость є҆гѡ̀ ра́ди, и҆ землѧ̀ на́ша подава́ше плоды̀ своѧ̑, насы́тисѧ всѧ́ка дꙋша̀ благоволе́нїѧ тогда̀, ᲂу҆мири́шасѧ всѝ ꙗ҆зы́цы проти́внїи, и҆ приклони́шасѧ стра́нъ хрⷭ҇толю́бцы влⷣки держа́внїи, ми́лостивными ѻ҆чи́ма смотрѧ́юще, ти́хое промышле́нїе подава́хꙋ: ра́дость и҆ ми́ръ всѧ́чєскаѧ прїима́ше. Но, ѽ блаже́нне і҆ѡ́но, и҆ ны́нѣ такѡва́ѧ да́рꙋй лю́демъ твои̑мъ, да и҆ честнꙋ́ю па́мѧть твою̀ чтꙋ́ще, при́снѡ ᲂу҆блажа́емъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "При́зри на молє́нїѧ:"
|
|
},
|
|
{
|
|
"type": "HEADER",
|
|
"value": "На стїхо́внѣ стїхи̑ры, гла́съ в҃:"
|
|
},
|
|
{
|
|
"type": "TEXT",
|
|
"value": "Послѣ́дователѧ тѧ̀ позна́хомъ, ѻ҆́ч҃е, кро́ткагѡ и҆ неѕло́бивагѡ влⷣки хрⷭ҇та̀: ти́хое бо сло́во и҆ нра́ва молчали́вое, ѿ ю҆́ности сѐ возрастѐ въ тебѣ̀, смире́нїе же и҆ кра́сное кро́тости совоспита́емо, и҆ съ сѣди́ною спросїѧ́ющꙋ ра́зꙋмꙋ. Тѣ́мже, и҆́же всѧ̑ вѣ́дый гдⷭ҇ь, произведе́ тѧ па́стырѧ слове́сномꙋ ста́дꙋ своемꙋ̀, и҆ на прⷭ҇то́лѣ первопресто́льника бж҃їѧ цр҃кве посади́ тѧ, ꙗ҆́кѡ па́ствꙋюща сїѧ̑ преподо́бїемъ и҆ пра́вдою."
|
|
},
|
|
{
|
|
"type": "TEXT",
|
|
"value": "Сті́хъ: Свѧще́нницы твоѝ ѡ҆блекꙋ́тсѧ въ пра́вдꙋ, и҆ прпⷣбнїи твоѝ возра́дꙋютсѧ."
|
|
},
|
|
{
|
|
"type": "TEXT",
|
|
"value": "Не по землѝ ни́зитисѧ, нижѐ на тлѣ̑ющаѧ взира́ти, и҆ ревнова́ти мїродержи́телємъ, по́мыслы дꙋшѝ твоеѧ̀ ᲂу҆тверди́шасѧ, свѧще́нне і҆ѡ́но, но возвы́силсѧ є҆сѝ на высотꙋ̀ безсме́ртныѧ добродѣ́тели, безсме́ртныѧ жи́зни рачи́телю: ꙗ҆́кѡ поꙋчи́лсѧ є҆сѝ навы́кнꙋти ᲂу҆ кро́ткагѡ ᲂу҆чи́телѧ, и҆ смире́ннагѡ се́рдцемъ вои́стиннꙋ влⷣки хрⷭ҇та̀ и҆ бг҃а. Того̀ молѝ, блаже́нне, ᲂу҆ще́дрити мі́ръ, и҆ спастѝ и҆ просвѣти́ти дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "Сті́хъ: Блаже́нъ мꙋ́жъ, боѧ́йсѧ гдⷭ҇а, въ за́повѣдехъ є҆гѡ̀ восхо́щетъ ѕѣлѡ̀."
|
|
},
|
|
{
|
|
"type": "TEXT",
|
|
"value": "Возлюбѝ чи́стаѧ дꙋша̀ твоѧ̀, бл҃же́нне і҆ѡ́но, чистотꙋ̀ бжⷭ҇твенныхъ чисти́тєль, и҆́же ве́рхъ ᲂу҆чи́тельства, и҆ пра́вило добродѣ́телей, и҆ є҆стества̀ ᲂу҆краше́нїе, вои́стиннꙋ нб҃сѝ и҆з̾ѧвле́нїе, і҆ера́рхѡмъ нача̑ла, бжⷭ҇твеннаго нїкола́а, и҆ вели́каго васі́лїа, бг҃осло́ва григо́рїа, златоꙋ́стаго же і҆ѡа́нна, и҆́хже свѧщє́нныѧ хра́мы воздви́глъ є҆сѝ, ꙗ҆́кѡ вои́стиннꙋ во дворы̀ и҆́хъ жела́ѧ всели́тисѧ, и҆̀же во свѣ́тѣ присносꙋ́щныѧ ра́дости, живота̀ вѣ́чнагѡ началопа́стырѧ хрⷭ҇та̀. Того̀ съ ни́ми, і҆ера́рше, не преста́й молѧ̀, ᲂу҆мири́ти мі́ръ, и҆ спастѝ дꙋ́шы на́шѧ."
|
|
},
|
|
{
|
|
"type": "HEADER",
|
|
"value": "Сла́ва, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Прпⷣбне, бл҃же́нне, а҆рхїере́ю свѧще́нне і҆ѡ́но, кро́тость и҆ неѕло́бїе твоѐ ᲂу҆диви́ша самоде́ржцы благочести̑выѧ, и҆ вои́стиннꙋ ѿ дꙋшѝ возлюби́ша тѧ̀: ра́ди бо добродѣ́телей и҆справле́нїѧ ѡ҆брѣ́лъ є҆сѝ бл҃года́ть ѿ бг҃а. Тѣ́мже и҆ самоде́ржцы почто́ша тѧ̀, моли́твъ твои́хъ и҆ бл҃гослове́нїѧ тре́бꙋюще, при́снѡ благопослꙋ̑шны быва́хꙋ прпⷣбїю твоемꙋ̀, и҆ лю́ди твоѧ̑ неѕло́бїемъ снабдѣва́юще. Но и҆ ны́нѣ лю́демъ твои̑мъ предстоѧ̀ бꙋ́ди, и҆ благопоспѣше́нїе да́рꙋй моли́твами твои́ми, и҆ дꙋша́мъ на́шымъ ве́лїю ми́лость."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Творе́цъ и҆ и҆зба́витель:"
|
|
},
|
|
{
|
|
"type": "HEADER",
|
|
"value": "На благослове́нїи хлѣ́бѡвъ, тропа́рь ст҃а́гѡ, гла́съ д҃:"
|
|
},
|
|
{
|
|
"type": "TEXT",
|
|
"value": "И҆справле́нїе вѣ́ры, и҆ ѻ҆́бразъ кро́тости, и҆ ꙗ҆́коже са́дъ посредѣ̀ раѧ̀, прпⷣбными дѣ́лы твои́ми мі́ръ просвѣща́еши, и҆ сегѡ̀ ра́ди къ честнѣ́й ра́цѣ твое́й любо́вїю прикаса́емсѧ, и҆ вѣ́рнѡ вопїе́мъ: предста́ни въ по́мощь воспѣва́ющымъ па́мѧть твою̀ свѣтоно́снꙋю, ѻ҆́ч҃е і҆ѡ́но, и҆ молѝ спасти́сѧ дꙋша́мъ на́шымъ. Два́жды."
|
|
},
|
|
{
|
|
"type": "TEXT",
|
|
"value": "И҆ Бцⷣе дв҃о ра́дꙋйсѧ: Є҆ди́ножды."
|
|
},
|
|
{
|
|
"type": "HEADER",
|
|
"value": "На ᲂу҆́трени, на Бг҃ъ гдⷭ҇ь, Тропа́рь ст҃и́телю, два́жды:"
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Є҆́же ѿ вѣ́ка ᲂу҆тае́нное:"
|
|
},
|
|
{
|
|
"type": "HEADER",
|
|
"value": "По а҃-мъ стїхосло́вїи сѣда́ленъ, гла́съ а҃:"
|
|
},
|
|
{
|
|
"type": "TEXT",
|
|
"value": "Плоды̀ словє́сныѧ приносѧ̀, мꙋ́дре і҆ѡ́но, гдⷭ҇еви, восхвалѧ́ѧ а҆рхїере́и съ прпⷣбными є҆гѡ̀ пѣ́сньми: съ ни́миже въ землѝ живы́хъ ра́дꙋешисѧ, ꙗ҆́кѡ сла́вꙋ и҆́хъ возлюби́лъ є҆сѝ. Тѣ́мже съ ни́ми, ѻ҆́ч҃е свѧще́нне, ѡ҆ на́съ, восхвалѧ́ющихъ тѧ̀, не преста́й молѧ̀ цр҃ѧ̀ нбⷭ҇наго, и҆ сп҃са всегѡ̀ мі́ра хрⷭ҇та̀, є҆ди́наго чл҃вѣколю́бца. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Прⷪ҇ро́цы тѧ̀ ꙗ҆́снѡ провозвѣсти́ша, ѻ҆трокови́це, мт҃рь бж҃їю, и҆ а҆пⷭ҇ли бжⷭ҇твеннїи въ мі́рѣ проповѣ́даша, и҆ мы̀ вѣ́ровахомъ. Тѣ́мже всѝ, благочестномꙋ́дреннѣ почита́юще, воспѣва́емъ тѧ̀, и҆ бцⷣꙋ вои́стиннꙋ при́снѡ и҆менꙋ́емъ."
|
|
},
|
|
{
|
|
"type": "HEADER",
|
|
"value": "По в҃-мъ стїхосло́вїи сѣда́ленъ, гла́съ и҃:"
|
|
},
|
|
{
|
|
"type": "TEXT",
|
|
"value": "Любо́вь твоѧ̀ бжⷭ҇твеннаѧ возведе́ тѧ па́стырѧ и҆зрѧ́дна слове́сномꙋ мно́жествꙋ: все́ю бо дꙋше́ю къ бжⷭ҇твеннѣй любвѝ прилѣпи́лсѧ є҆сѝ, и҆ ст҃ы̑мъ честны̑ѧ хра́мы созда́лъ є҆сѝ, и҆ лѣ́потꙋ си̑мъ свѧще́нными і҆кѡ́нами ᲂу҆творѧ́ѧ, бжⷭ҇твенномꙋ прⷣте́чи, и҆ пресвѣ̑тлымъ ᲂу҆чи́телємъ, васі́лїю, григо́рїю и҆ і҆ѡа́ннꙋ, съ мꙋ́дрымъ нїкола́емъ, прпⷣбномꙋ ѻ҆нꙋ́фрїю, и҆ се́ргїю чꙋдотво́рцꙋ, пѣ́сньми же похвалѧ́ѧ чꙋде́снаго варлаа́ма, и҆ са́ввꙋ, є҆ѵѳѵ́мїа же со і҆ѡ́ною митрополі́томъ. Тѣ́мже ны́нѣ сликꙋ́еши и҆̀мъ, съ ни́миже, ѻ҆́ч҃е свѧще́нне, молѝ ѡ҆ на́съ, любо́вїю чтꙋ́щихъ честнꙋ́ю па́мѧть твою̀. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Недви́жимое ᲂу҆твержде́нїе вѣ́ры, и҆ честны́й да́ръ дꙋ́шъ на́шихъ, бцⷣꙋ пѣ́сньми велича́емъ вѣ́рнїи: ра́дꙋйсѧ, ка́мень жи́зни во чре́вѣ твое́мъ вмѣсти́вшаѧ: ра́дꙋйсѧ, конце́й наде́ждо, скорбѧ́щихъ застꙋпле́нїе: ра́дꙋйсѧ, невѣ́сто неневѣ́стнаѧ."
|
|
},
|
|
{
|
|
"type": "HEADER",
|
|
"value": "По полѷеле́и сѣда́ленъ, гла́съ и҃:"
|
|
},
|
|
{
|
|
"type": "TEXT",
|
|
"value": "Возлюби́вшаго за бл҃гоꙋтро́бїе земны̑ѧ, возлюби́лъ є҆сѝ хрⷭ҇та̀, сла́вою спаси́тельною тебѐ просла́вльшаго, добродѣ́тельми свѧще́нными сїѧ́юща, ꙗ҆́кѡ бг҃ови ᲂу҆гожда́юща. Тѣ́мже и҆ всѣ̑мъ ра̑тнымъ ми́ръ возвѣща́юща, де́мѡнскаѧ стремлє́нїѧ возража́юща, і҆ера́рше і҆ѡ́но блаже́нне. Є҆мꙋ́же не преста́й молѧ́сѧ, согрѣше́нїй проще́нїе дарова́ти чтꙋ́щымъ любо́вїю свѧтꙋ́ю па́мѧть твою̀. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Въ напа̑сти многоплетє́нныѧ впа́дъ, ѿ вра̑гъ ви́димыхъ и҆ неви́димыхъ, бꙋ́рею ѡ҆держи́мь безчи́сленныхъ согрѣше́нїй мои́хъ: и҆ ꙗ҆́кѡ къ те́пломꙋ защище́нїю и҆ покро́вꙋ твоемꙋ̀, чⷭ҇таѧ, ко приста́нищꙋ притека́ѧ твоеѧ̀ бл҃гости. Тѣ́мже, пречⷭ҇таѧ, и҆зъ тебє̀ воплоще́нномꙋ безъ сѣ́мене, моли́сѧ прилѣ́жнѡ ѡ҆ всѣ́хъ рабѣ́хъ свои́хъ, непреста́ннѡ молѧ́щихтисѧ, бцⷣе пречⷭ҇таѧ, молѧ́щи є҆го̀ при́снѡ, согрѣше́нїй ѡ҆ставле́нїе дарова́ти, воспѣва́ющымъ досто́йнѡ сла́вꙋ твою̀."
|
|
},
|
|
{
|
|
"type": "HEADER",
|
|
"value": "Степє́нна, а҃-й а҆нтїфѡ́нъ д҃-гѡ гла́са."
|
|
},
|
|
{
|
|
"type": "HEADER",
|
|
"value": "Прокі́менъ, гла́съ д҃:"
|
|
},
|
|
{
|
|
"type": "TEXT",
|
|
"value": "Честна̀ предъ гдⷭ҇емъ сме́рть прпⷣбныхъ є҆гѡ̀."
|
|
},
|
|
{
|
|
"type": "TEXT",
|
|
"value": "Всѧ́кое дыха́нїе:"
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе і҆ѡа́нна, зача́ло л҃є ѿ полꙋ̀:"
|
|
},
|
|
{
|
|
"type": "TEXT",
|
|
"value": "Речѐ гдⷭ҇ь ко прише́дшымъ къ немꙋ̀ і҆ꙋде́ѡмъ: не входѧ́й две́рьми:"
|
|
},
|
|
{
|
|
"type": "HEADER",
|
|
"value": "По н҃-мъ ѱалмѣ̀ стїхи́ра, гла́съ ѕ҃:"
|
|
},
|
|
{
|
|
"type": "TEXT",
|
|
"value": "По и҆́мени твоемꙋ̀ и҆ житїѐ, преблаже́нне. По гдⷭ҇ни бо за́повѣди, цѣ́лость голꙋби́цы вои́стиннꙋ стѧжа́лъ є҆сѝ: съ кро́тостїю бо неѕло́бїемъ ᲂу҆добри́сѧ прекра́снаѧ дꙋша̀ твоѧ̀, ю҆́же, ꙗ҆́кѡ любе́знꙋ невѣ́стꙋ и҆ нескве́рнꙋ, предста́вити потща́лсѧ є҆сѝ пречⷭ҇томꙋ є҆ди́номꙋ и҆ безсме́ртномꙋ женихꙋ̀ хрⷭ҇тꙋ̀. Того̀ молѝ, і҆ера́рше, при́снѡ, ми́ръ мі́рови дарова́ти, и҆ дꙋша́мъ на́шымъ ве́лїю ми́лость."
|
|
},
|
|
{
|
|
"type": "HEADER",
|
|
"value": "Канѡ́нъ бцⷣы со і҆рмосо́мъ на ѕ҃, д҃-гѡ гла́са: и҆ ст҃а́гѡ канѡ́нъ на и҃. Гла́съ д҃."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Трїста́ты крѣ̑пкїѧ, рожде́йсѧ ѿ дв҃ы, безстра́стїѧ во глꙋбинѣ̀ дꙋшѝ трича́стное потопѝ, молю́сѧ: да тебѣ̀, ꙗ҆́кѡ въ тѷмпа́нѣ, во ᲂу҆мерщвле́нїи тѣлесѐ побѣ́дное воспою̀ пѣ́нїе."
|
|
},
|
|
{
|
|
"type": "TEXT",
|
|
"value": "И҆збра́ тѧ бл҃года́ть, ѻ҆́ч҃е, ѿ ᲂу҆тро́бы ма́тере твоеѧ̀, поста́вити тѧ̀ прⷪ҇ро́ка лю́демъ свои̑мъ, хода́тайствовати ко гдⷭ҇ꙋ ѡ҆ спасе́нїи мі́ра, и҆ ѡ҆ставле́нїи невѣ́ждествъ и҆́хъ, блаже́нне."
|
|
},
|
|
{
|
|
"type": "TEXT",
|
|
"value": "Рꙋко́ю вели́кагѡ а҆рхїере́а і҆ѡ́ны, со и҆́же ѡ҆ не́мъ собо́ра свѧще́нныхъ мꙋже́й сꙋдо́мъ, прїе́млеши пома́занїе а҆рхїере́йства, дх҃омъ воздвиза́емь, і҆ѡ́но, и҆ па́стырь вели́комꙋ гра́дꙋ, свѧще́нне, полага́емь."
|
|
},
|
|
{
|
|
"type": "TEXT",
|
|
"value": "Блаже́ннагѡ мїхаи́ла сбы́стсѧ на тебѣ̀ прорече́нїе, невнѣ́шнюю бо на тебѣ̀ нищетꙋ̀ зрѧ́ще, но внꙋ́треннее преспѣ́ѧнїе дꙋшѝ твоеѧ̀, дꙋхо́вными ѻ҆чесы̀ смотрѧ́ѧ, а҆́ще и҆ є҆щѐ ѻ҆́трочищꙋ тѝ сꙋ́щꙋ, блаже́нне."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Пресвѣ́тлаѧ свѣщѐ сл҃нца сла́вы, дꙋшѝ моеѧ̀ ѻ҆́гнь ᲂу҆гаше́нный при́снѡ ᲂу҆ны́нїемъ, возжзѝ, бжⷭ҇твенныхъ дѣ́лъ є҆ле́емъ, пречⷭ҇таѧ, напаѧ́ющи, да вѣ́рою и҆ любо́вїю при́снѡ тѧ̀ сла́влю, бг҃ороди́тельнице."
|
|
},
|
|
{
|
|
"type": "TEXT",
|
|
"value": "Катава́сїа: Ѿве́рзꙋ ᲂу҆ста̀ моѧ̑:"
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "TEXT",
|
|
"value": "І҆рмо́съ: Съ высоты̀ снизше́лъ є҆сѝ во́лею на зе́млю, превы́шше всѧ́кагѡ нача́ла, и҆ смире́нное возне́слъ є҆сѝ и҆зъ а҆́да преиспо́днѧгѡ є҆стество̀ человѣ́ческое: нѣ́сть бо свѧ́тъ, па́че тебє̀, чл҃вѣколю́бче."
|
|
},
|
|
{
|
|
"type": "TEXT",
|
|
"value": "Ѿ ю҆́ности твоеѧ̀, бжⷭ҇твенное просвѣще́нїе, і҆ѡ́но, на тебѣ̀ сїѧ́ше, ꙗ҆́коже прпⷣбный прови́дѣ, и҆́же мі́рꙋ ю҆ро́дъ, бг҃ꙋ же премꙋ́дръ: ꙗ҆́кѡ бг҃ꙋ и҆збра́нъ є҆сѝ, и҆зъ чре́ва ма́тере твоеѧ̀, свѧще́нне."
|
|
},
|
|
{
|
|
"type": "TEXT",
|
|
"value": "Мі́ръ ᲂу҆мири́сѧ моли́твами твои́ми, і҆ера́рше, во твое́мъ є҆пі́скопствѣ: но ꙗ҆́кѡ тогда̀, и҆ ны́нѣ бж҃їе чл҃вѣколю́бїе ᲂу҆молѝ прилѣ́жнѡ, въ ми́рѣ ᲂу҆тверди́тисѧ мі́рꙋ, і҆ѡ́но."
|
|
},
|
|
{
|
|
"type": "TEXT",
|
|
"value": "Плоды̀ гдⷭ҇ꙋ нача́токъ дѣ́лъ твои́хъ прине́слъ є҆сѝ, плоды́ же землѝ моли́твами твои́ми ᲂу҆мно́жилъ є҆сѝ. И҆ ны́нѣ молѝ, бл҃же́нне, землѝ на́шей плодоно́сїе при́снѡ подава́ти, ꙗ҆́кѡ благопослꙋ́шна тѧ̀ и҆мѣ́емъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Є҆́ѵинꙋ дре́внюю клѧ́твꙋ, хрⷭ҇та̀ ро́ждши, мт҃и чⷭ҇таѧ, пресвѣ́тлѡ разрѣши́ла є҆сѝ, и҆́же всѣ́хъ вѣнчава́ющаго бл҃гослове́ньми: нѣ́сть бо, пречⷭ҇таѧ, па́че тебє̀ и҆ны́ѧ помо́щницы."
|
|
},
|
|
{
|
|
"type": "HEADER",
|
|
"value": "Сѣда́ленъ, гла́съ д҃:"
|
|
},
|
|
{
|
|
"type": "TEXT",
|
|
"value": "Добродѣ́тельми свѣтѧ́сѧ, ѻ҆́ч҃е, па́ствити хрⷭ҇то́вы ѻ҆́вцы поставлѧ́емь, и҆ прпⷣбнагѡ се́ргїа красе́нъ хра́мъ внꙋ́трь є҆пі́скопїи воздви́глъ є҆сѝ. Ꙗ҆́кѡ дꙋше́ю любѧ̀ того̀, по́двиги є҆гѡ̀ почита́ѧ, и҆ смоли́твенника себѣ̀ ѡ҆ ста́дѣ твое́мъ ко гдⷭ҇ꙋ полага́ѧ, ны́нѣ сра́дꙋешисѧ є҆мꙋ̀, ѻ҆́ч҃е свѧще́нне, молѝ спасти́сѧ дꙋша́мъ на́шымъ. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Ѡ҆бнови́ла є҆сѝ, чⷭ҇таѧ, бжⷭ҇твеннымъ ржⷭ҇тво́мъ твои́мъ и҆стлѣ́вшее во страсте́хъ земноро́дныхъ ме́ртвенное сꙋщество̀, и҆ воздви́гла є҆сѝ всѧ̑ ѿ сме́рти къ жи́зни нетлѣ́нїѧ. Тѣ́мже тѧ̀ по до́лгꙋ блажи́мъ всѝ, дв҃о препросла́вленнаѧ, ꙗ҆́коже прорекла̀ є҆сѝ."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "TEXT",
|
|
"value": "І҆рмо́съ: Любвѐ ра́ди, ще́дре, твоегѡ̀ ѻ҆́браза, на крⷭ҇тѣ̀ твое́мъ ста́лъ є҆сѝ, и҆ раста́ѧшасѧ ꙗ҆зы́цы: ты́ бо є҆сѝ, чл҃вѣколю́бче, крѣ́пость моѧ̀ и҆ хвале́нїе."
|
|
},
|
|
{
|
|
"type": "TEXT",
|
|
"value": "Бжⷭ҇твеннагѡ прⷣте́чи, вели́кагѡ і҆ѡа́нна хра́мъ свѧще́нный воздви́глъ є҆сѝ, ꙗ҆́кѡ вѣ́ренъ, дꙋ́шꙋ томꙋ̀ и҆ тѣ́ло въ снабдѣ́нїе возлага́ѧ, ѻ҆́ч҃е свѧще́нне."
|
|
},
|
|
{
|
|
"type": "TEXT",
|
|
"value": "Ꙗ҆́кѡ рачи́тель и҆ подража́тель те́плъ крⷭ҇ти́телю гдⷭ҇ню показа́лсѧ є҆сѝ. Тѣ́мже въ хра́мѣ є҆гѡ̀, є҆го́же томꙋ̀ созда́лъ є҆сѝ, тѣ́ло твоѐ полага́еши, и҆ во дворы̀ є҆гѡ̀ прїѧ́тисѧ жела́ѧ."
|
|
},
|
|
{
|
|
"type": "TEXT",
|
|
"value": "Возлюби́лъ є҆сѝ, а҆рхїере́ю, свѧще́нныхъ мꙋже́й пѣ́сньми восхвалѧ́ти свѧщє́нныѧ и҆́хъ па̑мѧти, ꙗ҆́кѡ рачи́тель добро́ты и҆́хъ, и҆ подража́тель дѣѧ́нїй бг҃олюбе́зныхъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: И҆мѣ́ѧ тѧ̀ помо́щницꙋ, когѡ̀ ᲂу҆бою́сѧ когда̀, и҆лѝ ᲂу҆страшꙋ́сѧ; кто́же хотѧ̀ скѡ́рбнаѧ навестѝ рабꙋ̀ твоемꙋ̀, и҆ не ᲂу҆страши́тсѧ тебє̀, пречⷭ҇таѧ, и҆ не паде́тъ подъ но́зѣ;"
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "TEXT",
|
|
"value": "І҆рмо́съ: Нечести́вїи не ᲂу҆́зрѧтъ сла́вы твоеѧ̀, хрⷭ҇тѐ, но мы̀ тѧ̀, є҆диноро́дне, ѻ҆ч҃ескїѧ сла́вы сїѧ́нїе бжⷭ҇тва̀, ѿ но́щи ᲂу҆́тренююще, воспѣва́емъ тѧ̀, чл҃вѣколю́бче."
|
|
},
|
|
{
|
|
"type": "TEXT",
|
|
"value": "Приноси́мое ꙗ҆́кѡ че́стно возложе́нїе бг҃ꙋ и҆ ѡ҆свѧще́нно, первопресто́льникомъ рѡссі́йскимъ і҆ѡ́ною, твоѐ свѧще́нное па́стырства возведе́нїе, ꙗ҆́кѡ пасꙋ́щꙋ тѝ гдⷭ҇ни лю́ди, і҆ѡ́но ст҃и́телю, преподо́бїемъ и҆ кро́тостїю."
|
|
},
|
|
{
|
|
"type": "TEXT",
|
|
"value": "А҆́ще и҆ на преставле́нїе митрополі́томъ і҆ѡ́ною зово́мъ самѣ́мъ погребстѝ є҆го̀, ѿре́клсѧ є҆сѝ ста́рости ра́ди прїитѝ, і҆ѡ́но свѧще́нне: ѻ҆ба́че ѡ҆бѣща́лсѧ є҆сѝ є҆мꙋ̀, ви́дѣти того̀ по свое́мъ преставле́нїи во свѣ́тѣ хрⷭ҇то́вѣ."
|
|
},
|
|
{
|
|
"type": "TEXT",
|
|
"value": "Пѣ́сньми поче́лъ є҆сѝ па́мѧть і҆ера́рха і҆ѡ́ны митрополі́та, и҆ хвала́ми, ꙗ҆́кѡ досто́йнѡ, ᲂу҆блажи́лъ є҆сѝ того̀: са́мъ ны́нѣ, і҆ера́рше і҆ѡ́но, прича́ствꙋеши похвала́мъ є҆гѡ̀, и҆ по сотворе́нїю твоемꙋ̀ къ бли́жнемꙋ воспрїе́млеши."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Низложѝ, влⷣчце, врагѡ́въ мои́хъ шата́нїе, пренепоро́чнаѧ: тѧ́ бо и҆́мамъ и҆ преста́тельницꙋ, и҆ наде́ждꙋ, и҆ по́мощь крѣ́пкꙋю. Ты́ мѧ соблюдѝ, чⷭ҇таѧ, навѣ́та вра́жїѧ, и҆збавлѧ́ющи ла́ѧнїѧ тѣ́хъ."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Пꙋчи́ною жите́йскою дѣѧ́ньми мои́ми снидо́хъ во а҆́дъ. Но ꙗ҆́кѡ ѿ ки́та і҆ѡ́на, та́кѡ вопїю̀: и҆зъ глꙋбины̀ ѕѡ́лъ возведѝ, молю́сѧ, сн҃е бж҃їй и҆ сло́ве."
|
|
},
|
|
{
|
|
"type": "TEXT",
|
|
"value": "Прильпѐ любо́вїю дꙋша̀ твоѧ̀ къ гдⷭ҇ню крⷭ҇ти́телю, ст҃и́телю бг҃облаже́нне: тѣ́мже тѣ́ло твоѐ честно́е, въ честнѣ́мъ хра́мѣ є҆гѡ̀ нетлѣ́нно, во мнѡ́га лѣ̑та соблюде́но ꙗ҆ви́сѧ."
|
|
},
|
|
{
|
|
"type": "TEXT",
|
|
"value": "Красота̀ говѣ́нїѧ твоегѡ̀, є҆́же ко гдⷭ҇ꙋ, привлечѐ благода́ть благолѣ́пїю дꙋшѝ твоеѧ̀, свѧще́нне, и҆ возведе́ тѧ вели́комꙋ новꙋ́градꙋ ѻ҆тца̀ и҆ первопресто́льника, гдⷭ҇нѧ свѧще́нства прпⷣбна показа̀."
|
|
},
|
|
{
|
|
"type": "TEXT",
|
|
"value": "Просла́ви тѧ̀ гдⷭ҇и, і҆ѡ́но, тѣ́ло твоѐ соблюдѐ во мнѡ́га лѣ̑та нетлѣ́нно, ꙗ҆влѧ́ѧ тѧ̀ ѻ҆́бщника ра̑бъ свои́хъ, и҆́хже подража́тель въ житїѝ бы́лъ є҆сѝ: си̑мъ и҆ по сме́рти досто́йнѡ соꙋблажа́ешисѧ, бл҃же́нне."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Всест҃а́ѧ дв҃о, предста́тельнице и҆ покро́ве всѣ́хъ вѣ́рныхъ, предста́ни, и҆ и҆зба́ви ны̀ вра̑гъ на́шихъ нападе́нїѧ, и҆ ѿ всѧ́кїѧ ско́рби, и҆ стра́шнагѡ сꙋда̀ и҆спыта́нїѧ, да вѣ́рою при́снѡ пою́ тѧ."
|
|
},
|
|
{
|
|
"type": "HEADER",
|
|
"value": "Конда́къ, гла́съ д҃:"
|
|
},
|
|
{
|
|
"type": "TEXT",
|
|
"value": "Свы́ше прїѧ́лъ є҆сѝ бжⷭ҇твеннꙋю благода́ть, хода́тайствовати бг҃ꙋ и҆ человѣ́кѡмъ, ꙗ҆́кѡ а҆рхїере́й возноше́нїе возносѧ̀, и҆ ми́ръ лю́демъ твои̑мъ сносѧ̀, и҆ ѻ҆би́лїе плодѡ́въ, і҆ѡ́но бл҃же́нне: ты́ бо є҆сѝ вели́кагѡ нова́града похвала̀, и҆ сꙋ́щихъ ѡ҆ не́мъ ра́дость."
|
|
},
|
|
{
|
|
"type": "TEXT",
|
|
"value": "І҆́косъ: Похва́лимъ досто́йнѡ ны́нѣ і҆ера́рха, ꙗ҆́кѡ ѿ чре́ва ма́тере своеѧ̀ и҆збра́нъ бг҃ꙋ во ѡ҆свѧще́нїе, и҆ ѻ҆́трочищь є҆щѐ сы́й, пронарече́нъ во а҆рхїере́йство гра́дꙋ своемꙋ̀ ѿ бг҃а. Тѣ́мже не ѿ человѣ̑къ произведе́нъ а҆рхїере́й, но свы́ше пронарече́нъ, и҆ дх҃омъ пома́занъ, свѧщеннодѣ́йствꙋѧ бг҃опрїѧ́тнѡ, и҆ ᲂу҆мире́нїе и҆ тишинꙋ̀ моли́твами свои́ми да́рꙋетъ, и҆ ѻ҆би́лїе плодѡ́въ. То́й бо вели́кагѡ нова́града сла́ва, и҆ всѣ́хъ и҆̀же ѡ҆ не́мъ ра́дость."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "TEXT",
|
|
"value": "І҆рмо́съ: А҆враа́мстїи и҆ногда̀ въ вавѷлѡ́нѣ ѻ҆́троцы пе́щный пла́мень попра́ша, пѣ́сньми взыва́юще: ѻ҆тє́цъ на́шихъ бж҃е, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Зи́ждеши бжⷭ҇твенномꙋ и҆́мени, бога́тною рꙋко́ю въ пꙋсты́нѧхъ ᲂу҆да́ленѡ, і҆ѡ́но, свѧщє́нныѧ хра́мы, вели́кихъ бг҃оꙋгѡ́дникъ бжⷭ҇твенныхъ а҆рхїерє́й съ преподо́бными."
|
|
},
|
|
{
|
|
"type": "TEXT",
|
|
"value": "Но́вꙋ ѻ҆би́тель составлѧ́еши вели́кихъ трїе́хъ і҆ера̑рхъ, и҆ мона́шестѣй четѣ̀, благоꙋти́шно приста́нище, ѻ҆́ч҃е, мѣ́стнымъ же ᲂу҆дале́нїемъ ѡ҆брꙋча́ѧ и҆̀мъ безмо́лвїе."
|
|
},
|
|
{
|
|
"type": "TEXT",
|
|
"value": "Вїногра́дъ насажда́ѧ бг҃ꙋ ѡ҆гра́дꙋ свѧще́ннꙋю, вїно̀ и҆зносѧ́щꙋю веселѧ́щее, въ свѧще́нныхъ хра́мѣхъ бжⷭ҇твенное пѣ́нїе, и҆́же въ трⷪ҇цѣ є҆ди́номꙋ хвали́мꙋ, и҆ благослови́мꙋ бг҃ꙋ ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Є҆ди́нꙋ всест҃ꙋ́ю, є҆ди́номꙋ бг҃ꙋ вселе́нїе є҆ди́но пречи́сто, ѿ і҆ѡакі́ма и҆ а҆́нны ражда́емꙋ, свѧще́ннымъ хра́момъ почита́ѧ, ꙗ҆́кѡ въ не́мъ воспѣва́ти всепѣ́тое дв҃ы ржⷭ҇тво̀."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ѻ҆́троки благочести̑выѧ въ пещѝ ржⷭ҇тво̀ бг҃оро́дичо спасло̀ є҆́сть, тогда̀ ᲂу҆́бѡ ѡ҆бразꙋ́емое, ны́нѣ же дѣ́йствꙋемое, вселе́ннꙋю всю̀ воздвиза́етъ пѣ́ти тебѣ̀: гдⷭ҇а по́йте дѣла̀, и҆ превозноси́те є҆го̀ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Кро́ткое и҆ молчали́вое нра́ва твоегѡ̀ воспрїе́мъ гдⷭ҇ь, бл҃же́нне, поста́ви тѧ̀ па́стырѧ лю́демъ свои̑мъ, на кого́ бо при́зритъ; но на кро́ткаго и҆ молча́щаго, трепе́щꙋщаго слове́съ є҆гѡ̀."
|
|
},
|
|
{
|
|
"type": "TEXT",
|
|
"value": "Оу҆ста̀ вдѡ́въ благослови́ша тѧ̀, застꙋпле́нїѧ ѿ тебє̀ сподо́бльшесѧ, і҆ера́рше бл҃же́нне, благоꙋгожда́ющагѡ бг҃ꙋ, по непоро́чномꙋ і҆́ѡвꙋ, и҆ ѡ҆би̑димыѧ ѿ наси́лїѧ и҆з̾има́ющагѡ."
|
|
},
|
|
{
|
|
"type": "TEXT",
|
|
"value": "Лю́дїе твоѝ, свѧщеннонача́льниче прпⷣбне, сѣ́товахꙋ сиротства̀ своегѡ̀ въ твое́мъ къ бг҃ꙋ ѿше́ствїи, до́брагѡ па́стырѧ своегѡ̀: ны́нѣ же свѧще́нною па́мѧтїю твое́ю возра́довашасѧ всѧ́чєскаѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: На тѧ̀ всю̀ наде́ждꙋ спасе́нїѧ моегѡ̀ возложи́хъ, бг҃ома́ти неискꙋсобра́чнаѧ, и҆ тѧ̀ призыва́ю при́снѡ на по́мощь: спаси́ мѧ ѿ напа́стей и҆ печа́ли врага̀, разрѣшѝ плени́цꙋ ѕѡ́лъ мои́хъ, и҆ сꙋда́ мѧ и҆схитѝ."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Сотворѝ держа́вꙋ мы́шцею свое́ю, низложи́ бо си̑льныѧ со престѡ́лъ, и҆ вознесѐ смирє́нныѧ бг҃ъ і҆и҃левъ: въ ни́хже посѣтѝ на́съ восто́къ съ высоты̀, и҆ напра́вилъ ны̀ є҆́сть на пꙋ́ть ми́ра."
|
|
},
|
|
{
|
|
"type": "TEXT",
|
|
"value": "Бл҃же́ннагѡ є҆ѵѳѵ́мїа престо́лъ наслѣ́довалъ є҆сѝ, свѧще́нне і҆ѡ́но, ꙗ҆́кѡ подража́тель добродѣ́телей є҆гѡ̀ бы́лъ є҆сѝ, и҆ пѣ́сньми сегѡ̀ ᲂу҆блажи́въ па́мѧть и҆зрѧ́днѡ, са́мъ ны́нѣ ѡ҆бществꙋ́ешисѧ хвала́мъ є҆гѡ̀, ꙗ҆́кѡ соводворѧ́ешисѧ є҆мꙋ̀ во свѣ́тѣ незаходи́мѣмъ."
|
|
},
|
|
{
|
|
"type": "TEXT",
|
|
"value": "Въ зе́млю кро́ткихъ со а҆рхїерє́и досто́йнѡ всели́лсѧ є҆сѝ, і҆ера́рше і҆ѡ́но, кро́ткагѡ ᲂу҆ч҃телѧ ᲂу҆ч҃ничѐ. Томꙋ̀ предста́ни ѡ҆ на́съ пою́щихъ па́мѧть твою̀, и҆ и҆спросѝ на́мъ собла́знѡвъ ѡ҆ставле́нїе, и҆ шꙋ́їѧ ча́сти въ де́нь сꙋда̀ и҆збавле́нїе, и҆ лю́тыѧ гее́нны, бл҃же́нне."
|
|
},
|
|
{
|
|
"type": "TEXT",
|
|
"value": "Не и҆знемо́жетъ всѧ́къ глаго́лъ, и҆́же ѿ бг҃а, ᲂу҆бо́га тѧ̀ и҆ сиротꙋ̀ ѻ҆ц҃ъ сирѡ́тъ прїе́млетъ бг҃ъ, и҆́же на престо́лѣ со кнѧ̑зи посади́ тѧ, лю́демъ свои̑мъ, ꙗ҆́кѡ досто́йна па́стырѧ производѧ̀, ѻ҆тца̀ сирота́мъ, и҆ застꙋ́пника вдова́мъ те́пла положи́ тѧ, і҆ѡ́но бл҃же́нне."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Просвѣтѝ, чⷭ҇таѧ, любо́вїю чтꙋ́щихъ тѧ̀ и҆ велича́ющихъ, разрѣшѝ стра̑сти на́шѧ. Тѣ́мъ, дв҃о, ᲂу҆ста́ви бꙋ́рю, лꙋка́вагѡ собла́зны ѿ среды̀ ѿженѝ, ва́рвары покорѝ правѡсла́внымъ лю́демъ моли́твами твои́ми."
|
|
},
|
|
{
|
|
"type": "TEXT",
|
|
"value": "Свѣти́ленъ: Трисл҃нечнагѡ свѣ́та сла́вы сїѧ́нїемъ, трїе́хъ ᲂу҆чи́телей свѣ́томъ ѡ҆зари́всѧ, всѧ̑ просвѣща́еши, просїѧ́въ дѣ́тельми и҆ бл҃года́тїю, прпⷣбне свѧщеннонача́льниче. Два́жды."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Сла́дость а҆́гг҃лѡвъ, скорбѧ́щихъ ра́досте, хрⷭ҇тїа́нъ предста́тельнице, дв҃о, мт҃и гдⷭ҇нѧ, застꙋпи́вши ны̀, спасѝ ѿ вѣ́чнагѡ мꙋче́нїѧ."
|
|
},
|
|
{
|
|
"type": "HEADER",
|
|
"value": "На хвали́техъ стїхи̑ры, на д҃, гла́съ ѕ҃."
|
|
},
|
|
{
|
|
"type": "TEXT",
|
|
"value": "Подо́бенъ: Всѐ ѿло́жше:"
|
|
},
|
|
{
|
|
"type": "TEXT",
|
|
"value": "Ꙗ҆́кѡ ѕвѣзда̀ возсїѧ́лъ є҆сѝ на тве́рди цр҃ко́внѣй, ѡ҆зарѧ́ѧ мі́ръ и҆справле́нїемъ сло́ва и҆́стиннагѡ, премꙋ́дре і҆ѡ́но, вдѡвы̀ и҆ сирѡты̀ снабдѣва́ѧ ѻ҆те́чески, и҆ ни́щыѧ ми́лꙋѧ, ѡ҆би̑димыѧ и҆з̾има́ѧ, вражды̑ ᲂу҆толѧ́ѧ, ми́ръ ᲂу҆твержда́ѧ, хрⷭ҇то́выхъ за́повѣдей дѣ́лателю, ѻ҆́ч҃е всесвѧще́нне, просѝ ми́ра мі́рꙋ, мо́лимъ тѧ̀, и҆ спасе́нїѧ дꙋша́мъ на́шымъ. Два́жды."
|
|
},
|
|
{
|
|
"type": "TEXT",
|
|
"value": "Досто́йнѡ на тѧ̀ а҆рхїере́йства нарече́нїе прїи́де, прпⷣбне ѻ҆́ч҃е, ѻ҆троча́ти и҆ є҆щѐ тебѣ̀ сꙋ́щꙋ: дѣѧ̑нїѧ бо въ тебѣ̀ благоꙋгѡ́днаѧ совоспита́єма, кро́тость съ неѕло́бїемъ. Тѣ́мъ во дворы̀ гдⷭ҇ни вселѧ́ешисѧ, ꙗ҆́кѡ тако́въ подоба́ше а҆рхїере́й бы́ти прпⷣбенъ: но ꙗ҆́кѡ и҆́маши дерзнове́нїе, молѝ, мо́лимъ тѧ̀, ᲂу҆мири́ти мі́ръ, и҆ спастѝ дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "Прпⷣбне а҆рхїере́ю, и҆зво́лилъ є҆сѝ примета́ти себѐ въ домꙋ̀ бж҃їи па́че, не́же жи́ти въ се́лѣхъ мі́ра, по́стническими пра́вилы и҆спытова́шесѧ, послѣ́дꙋѧ знаменоно́сцємъ вели̑кимъ, варлаа́мꙋ и҆ се́ргїю. Тѣ́мже и҆ гдⷭ҇ь и҆зведе́ тѧ па́стырѧ лю́демъ свои̑мъ, и҆ ꙗ҆́кѡ вѣ́рнꙋ рабꙋ̀ стро́ити дꙋ́шы си́хъ порꙋчѝ, за ни́хже и҆ молѝ поми́ловати ѧ҆̀ и҆ спастѝ."
|
|
},
|
|
{
|
|
"type": "HEADER",
|
|
"value": "Сла́ва, гла́съ д҃. Самогла́сенъ:"
|
|
},
|
|
{
|
|
"type": "TEXT",
|
|
"value": "Прїиди́те, лю́дїе, и҆̀же вели́кагѡ нова́града порожде́нїе, всѧ́къ ро́дъ и҆ во́зрастъ, и҆ пѣ́сньми почти́мъ до́браго па́стырѧ, ꙗ҆́кѡ тогѡ̀ предстоѧ́нїемъ ко хрⷭ҇тꙋ̀, дарова́шасѧ блага̑ѧ всѧ̑ гра́дꙋ на́шемꙋ ѿ бг҃а, и҆ всѣ̑мъ предѣ́лѡмъ є҆гѡ̀: и҆́бо благослови́шасѧ бл҃гостїю вѣнцы̀ лѣ́тъ є҆пі́скопства є҆гѡ̀. Гдⷭ҇ь дадѐ бл҃гость є҆гѡ̀ ра́ди, и҆ землѧ̀ на́ша подава́ше плоды̀ своѧ̑, насы́тисѧ всѧ́ка дꙋша̀ бл҃говоле́нїѧ тогда̀, ᲂу҆мири́шасѧ всѝ ꙗ҆зы́цы проти́внїи, и҆ приклони́шасѧ стра́нъ хрⷭ҇толю́бцы, влады́ки держа́внїи, ми́лостивными ѻ҆чесы̀ смотрѧ́ще, ти́хое промышле́нїе подава́хꙋ, ра́дость и҆ ми́ръ всѧ́чєскаѧ прїима́хꙋ. Но, ѽ бл҃же́нне і҆ѡ́но! И҆ ны́нѣ такова̑ѧ да́рꙋй лю́демъ твои̑мъ, да честнꙋ́ю па́мѧть твою̀ при́снѡ чтꙋ́ще ᲂу҆блажа́емъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ."
|
|
},
|
|
{
|
|
"type": "HEADER",
|
|
"value": "Славосло́вїе вели́кое. И҆ ѿпꙋ́стъ."
|
|
},
|
|
{
|
|
"type": "HEADER",
|
|
"value": "На лїтꙋргі́и: Бл҃жє́нна ѿ канѡ́на, пѣ́снь г҃-ѧ и҆ ѕ҃-ѧ."
|
|
},
|
|
{
|
|
"type": "HEADER",
|
|
"value": "Прокі́менъ ст҃а́гѡ:"
|
|
},
|
|
{
|
|
"type": "TEXT",
|
|
"value": "Оу҆ста̀ моѧ̑ возглаго́лютъ премꙋ́дрость, и҆ поꙋче́нїе се́рдца моегѡ̀ ра́зꙋмъ."
|
|
},
|
|
{
|
|
"type": "TEXT",
|
|
"value": "Сті́хъ: Оу҆слы́шите сїѧ̑ всѝ ꙗ҆зы́цы, внꙋши́те всѝ живꙋ́щїи по вселе́ннѣй."
|
|
},
|
|
{
|
|
"type": "HEADER",
|
|
"value": "А҆пⷭ҇лъ ко є҆вре́ємъ, зача́ло ти҃і."
|
|
},
|
|
{
|
|
"type": "TEXT",
|
|
"value": "А҆ллилꙋ́їа, гла́съ в҃: Оу҆ста̀ пра́веднагѡ поꙋча́тсѧ премꙋ́дрости, и҆ ѧ҆зы́къ є҆гѡ̀ возглаго́летъ сꙋ́дъ."
|
|
},
|
|
{
|
|
"type": "TEXT",
|
|
"value": "Сті́хъ: Зако́нъ бг҃а є҆гѡ̀ въ се́рдцѣ є҆гѡ̀."
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе і҆ѡа́нна, зача́ло л҃ѕ."
|
|
},
|
|
{
|
|
"type": "TEXT",
|
|
"value": "Прича́стенъ: Въ па́мѧть вѣ́чнꙋю:"
|
|
}
|
|
] |