426 lines
33 KiB
JSON
426 lines
33 KiB
JSON
[
|
|
{
|
|
"type": "HEADER",
|
|
"value": "Ное́мврїа з҃і"
|
|
},
|
|
{
|
|
"type": "HEADER",
|
|
"value": "И҆́же во ст҃ы́хъ ѻ҆ц҃а̀ на́шегѡ григо́рїа є҆пі́скопа, неокесарі́йскагѡ чꙋдотво́рца:"
|
|
},
|
|
{
|
|
"type": "HEADER",
|
|
"value": "На Гдⷭ҇и, воззва́хъ, стїхи̑ры, на ѕ҃, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Что̀ ва́съ нарече́мъ:"
|
|
},
|
|
{
|
|
"type": "TEXT",
|
|
"value": "Что́ тѧ нарекꙋ̀, григо́рїе; влады́кꙋ, ꙗ҆́кѡ стра̑сти покори́лъ є҆сѝ ᲂу҆мꙋ̀: дѣ́лателѧ, ꙗ҆́кѡ пожа́лъ є҆сѝ мꙋ́дрости пло́дъ, и҆ бжⷭ҇твеннагѡ видѣ́нїѧ сподоблѧ́ема, и҆ бг҃осло́вїемъ нбⷭ҇нымъ ѡ҆глаша́ема: свѧщеннодѣ́телѧ свѧще́ннѣйша, и҆ чꙋдодѣ́лателѧ пречꙋ́днаго. Молѝ спасти́сѧ дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "Что́ тѧ ны́нѣ нарекꙋ̀, григо́рїе; потреби́телѧ крѣ́пка безбо́жнагѡ ѕлоче́стїѧ, ᲂу҆ставополо́жника благоче́стїѧ, и҆ ᲂу҆чи́телѧ мꙋ́драго: ми́ра же пода́телѧ непобѣ́дна, ра́тей разори́телѧ непобори́ма, въ гора́хъ пребыва́юща, и҆ зрѧ́ща, ꙗ҆̀же во гра́дѣхъ. Молѝ спасти́сѧ дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "Что́ тѧ ны́нѣ провозвѣща́ю, прпⷣбне; подража́телѧ а҆пⷭ҇лѡвъ, ꙗ҆́кѡ чꙋде́съ самотво́рца: рѣка́мъ запреща́юща призыва́нїемъ хрⷭ҇то́вымъ, и҆ є҆́зеро братоꙋбі́йственное и҆зсꙋша́юща, собо́ръ бг҃обо́рный разорѧ́юща, хрⷭ҇тїа̑нскаѧ составлє́нїѧ ᲂу҆множа́юща и҆ просвѣща́юща. Молѝ спасти́сѧ дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "Что́ тѧ ны́нѣ провозглашꙋ̀, прпⷣбне, пꙋтевожда̀ заблꙋ́ждшихъ, и҆ недꙋ́гꙋющихъ врача̀, пода́телѧ тре́бъ просѧ́щымъ ѻ҆би́льна, гони́телѧ де́мѡнѡвъ крѣпча́йша, поꙋсти́телѧ мч҃ническагѡ по́двига, прⷪ҇ро́чески свѣтѧ́щасѧ благода́тьми, достосла́вне. Молѝ спасти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "Сла́ва, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Во глꙋбинꙋ̀ видѣ́нїѧ вше́дъ всемꙋ́дреннѣ, і҆ера́рше хрⷭ҇то́въ, бжⷭ҇твенное навы́клъ є҆сѝ трⷪ҇цы ꙗ҆вле́нїе, дꙋ́хомъ прови́дѧ неꙋкло́ннѡ хрⷭ҇та̀, бг҃а на́шего, чꙋде́съ бе́зднꙋ то́чиши на́мъ, мо́крое во́дъ є҆стество̀ въ каменови́дное претвори́въ, и҆ тре́бищника льстѝ премѣни́въ мра́чныѧ, гони́тели ᲂу҆вѣща́лъ є҆сѝ вѣ́ровати и҆́стинѣ, и҆ сто́лпъ благоче́стїѧ добродѣ́телей ꙗ҆ви́лсѧ є҆сѝ и҆̀мъ, чꙋдєсы̀ прⷪ҇ро́къ наре́клсѧ є҆сѝ. Тѣ́мъ мо́лимъ тѧ̀, не преста́й ѡ҆ на́съ сп҃са моли́ти, є҆́же спасти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ, и҆лѝ крⷭ҇тобг҃оро́диченъ."
|
|
},
|
|
{
|
|
"type": "TEXT",
|
|
"value": "Подо́бенъ: Тридне́венъ:"
|
|
},
|
|
{
|
|
"type": "TEXT",
|
|
"value": "Ви́дѧщи тѧ̀ распина́ема, хрⷭ҇тѐ, тебѐ ро́ждшаѧ, вопїѧ́ше: что̀ стра́нное, є҆́же ви́жꙋ, та́инство, сн҃е мо́й; ка́кѡ на дре́вѣ ᲂу҆мира́еши, пло́тїю повѣ́шенъ, жи́зни пода́телю;"
|
|
},
|
|
{
|
|
"type": "HEADER",
|
|
"value": "На стїхо́внѣ ѻ҆ктѡ́иха. Сла́ва, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Бо́дрость бж҃їѧ даде́сѧ тебѣ̀, мꙋ́дре, по данїи́лꙋ: ꙗ҆́коже бо ѻ҆́номꙋ со́нїе, та́кѡ вѣ́ры та́инство ѿкры́сѧ тебѣ̀. Тѣ́мже молѝ, прпⷣбне ѻ҆́ч҃е, спасти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ, и҆лѝ крⷭ҇тобг҃оро́диченъ."
|
|
},
|
|
{
|
|
"type": "TEXT",
|
|
"value": "Подо́бенъ: Тридне́венъ:"
|
|
},
|
|
{
|
|
"type": "TEXT",
|
|
"value": "Всечⷭ҇таѧ, ꙗ҆́кѡ ви́дѣ тебѐ на крⷭ҇тѣ̀ повѣ́шена, пла́чꙋщи, вопїѧ́ше мт҃рски: сн҃е мо́й и҆ бж҃е мо́й, сладча́йшее моѐ ча́до, ка́кѡ терпи́ши стрⷭ҇ть поно́снꙋю;"
|
|
},
|
|
{
|
|
"type": "HEADER",
|
|
"value": "Тропа́рь, гла́съ и҃:"
|
|
},
|
|
{
|
|
"type": "TEXT",
|
|
"value": "Въ моли́твахъ бо́дрствꙋѧ, чꙋде́съ дѣ́ланьми претерпѣва́ѧ, тезоиме́нїе стѧжа́лъ є҆сѝ и҆справле́нїѧ: но моли́сѧ хрⷭ҇тꙋ̀ бг҃ꙋ, ѻ҆́ч҃е григо́рїе, просвѣти́ти дꙋ́шы на́шѧ, да не когда̀ ᲂу҆́снемъ въ сме́рть."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ, и҆лѝ крⷭ҇тобг҃оро́диченъ."
|
|
},
|
|
{
|
|
"type": "HEADER",
|
|
"value": "На ᲂу҆́трени ѻ҆́ба канѡ́на ѻ҆ктѡ́иха, и҆ ст҃а́гѡ на ѕ҃, творе́нїе ѳеофа́ново, гла́съ и҃, є҆гѡ́же краегране́сїе:"
|
|
},
|
|
{
|
|
"type": "TEXT",
|
|
"value": "Чꙋдодѣ́лателю григо́рїю похвалꙋ̀ ткꙋ̀."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Колесницегони́телѧ фараѡ́нѧ погрꙋзѝ, чꙋдотворѧ́й и҆ногда̀ мѡѷсе́йскїй же́злъ, крⷭ҇тоѻбра́знѡ порази́въ, и҆ раздѣли́въ мо́ре, і҆и҃лѧ же бѣглеца̀, пѣшехо́дца спасѐ, пѣ́снь бг҃ови воспѣва́юща."
|
|
},
|
|
{
|
|
"type": "TEXT",
|
|
"value": "Твои́хъ чꙋде́съ во мнѣ̀, григо́рїе, бжⷭ҇твенное дѣ́йство свѣ́тлѡ, ѻ҆́ч҃е, и҆ ны́нѣ покажѝ, и҆зъ глꙋбины̀ и҆збавлѧ́ѧ мѧ̀ прегрѣше́нїй, блаже́нне, и҆ твое́ю просвѣща́ѧ свѣ́тлостїю, да досто́йнѡ воспою́ тѧ."
|
|
},
|
|
{
|
|
"type": "TEXT",
|
|
"value": "Ꙗ҆́кѡ ѻ҆па́сный и҆ ᲂу҆моимѣ́теленъ и҆ мꙋ́дръ, дꙋшѝ благоро́дное, плотски́хъ сласте́й, бл҃же́нне, предсꙋди́лъ є҆сѝ, мꙋ́дрости догма́ты трꙋдолю́бнѡ собира́ѧ: и҆́миже ѻ҆на̀ пита́етсѧ, григо́рїе, бг҃ꙋ приближа́ющисѧ."
|
|
},
|
|
{
|
|
"type": "TEXT",
|
|
"value": "Цѣломꙋ́дрїе сестрꙋ̀ стѧжа́въ, ꙗ҆́кѡ споспѣ́шницꙋ благꙋ́ю, тѧ̀ ви́дѣвъ лю́тый ѕмі́й, григо́рїе, на тѧ̀ за́висть воздви́же, є҆го́же посрами́лъ є҆сѝ, ѻ҆́ч҃е, долготерпѣ́нїемъ, женꙋ̀ стра́стїю ѡ҆б̾ѧ́тꙋ и҆сцѣли́въ."
|
|
},
|
|
{
|
|
"type": "TEXT",
|
|
"value": "На чꙋжде́й странѣ̀ жи́тельствꙋѧ, прпⷣбне, всѣ̑мъ че́стенъ ра́ди добродѣ́тели ꙗ҆ви́лсѧ є҆сѝ, благочести́въ и҆ бг҃олюби́въ, чꙋдодѣ́йства да́ръ ѿ бг҃а прїе́мъ, и҆́мже позна́нъ бы́лъ є҆сѝ, бг҃оглаго́ливе, просїѧ̀ въ мі́рѣ, ꙗ҆́кѡ со́лнце."
|
|
},
|
|
{
|
|
"type": "TEXT",
|
|
"value": "Бг҃оро́диченъ: И҆зъ ко́рене, чⷭ҇таѧ, ца́рскагѡ прозѧбла̀ є҆сѝ, и҆ цр҃ѧ̀ хрⷭ҇та̀, бж҃їе сло́во, па́че ᲂу҆ма̀ и҆ мы́сли воплоще́нно родила̀ є҆сѝ и҆зъ чⷭ҇тыхъ твои́хъ крове́й, сꙋгꙋ́ба є҆стество́мъ сꙋ́ща, и҆ є҆ди́нственна ѵ҆поста́сїю."
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆твержде́й въ нача́лѣ нб҃са̀ ра́зꙋмомъ, и҆ зе́млю на вода́хъ ѡ҆снова́вый, на ка́мени мѧ̀, хрⷭ҇тѐ, за́повѣдей твои́хъ ᲂу҆твердѝ: ꙗ҆́кѡ нѣ́сть свѧ́тъ, па́че тебє̀, є҆ди́не чл҃вѣколю́бче."
|
|
},
|
|
{
|
|
"type": "TEXT",
|
|
"value": "Ѡ҆чи́стивъ тво́й ᲂу҆́мъ стра́стнагѡ треволне́нїѧ, и҆ любомꙋ́драгѡ видѣ́нїѧ и҆спо́лненъ, ꙗ҆ви́лсѧ є҆сѝ благолѣ́пенъ, мꙋ́дрости ѻ҆би́телище, и҆ прⷪ҇ро́чества да́ромъ ѡ҆богати́лсѧ є҆сѝ, григо́рїе."
|
|
},
|
|
{
|
|
"type": "TEXT",
|
|
"value": "Бг҃одохнове́нномꙋ списа́нїю прибесѣ́довавъ, всебл҃же́нне, и҆ разли́чнагѡ житїѧ̀ ви́ды и҆збра́въ ꙗ҆́вѣ, є҆ди́нъ добродѣ́тели ѻ҆́бразъ въ себѣ̀, бг҃омꙋ́дре, ᲂу҆тверди́лъ є҆сѝ, григо́рїе."
|
|
},
|
|
{
|
|
"type": "TEXT",
|
|
"value": "Бг҃оѧвле́нне, навы́къ бж҃е́ственнымъ тайново́дствомъ, та́инство бг҃осло́вїѧ, просвѣтѝ на́съ, трⷪ҇цꙋ є҆диносꙋ́щнꙋю, є҆диноесте́ственнꙋ же почита́ти несозда́ннꙋ и҆ соприсносꙋ́щнꙋ."
|
|
},
|
|
{
|
|
"type": "TEXT",
|
|
"value": "Бг҃омъ наста́вленъ, ꙗ҆́кѡ любо́вїю того̀ взыска́въ, чи́стꙋю и҆ бцⷣꙋ марі́ю, и҆ сы́на гро́мова тайноꙋчи́тели и҆мѣ́лъ є҆сѝ, трⷪ҇цы свѣ́тꙋ тѧ̀, бг҃оглаго́ливе, наꙋча́ющыѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Же́злъ прозѧ́бшїй хрⷭ҇та̀, цвѣ́тъ нетлѣ́нїѧ, и҆ златꙋ́ю кади́льницꙋ, вси́ тѧ вѣ́мы, чⷭ҇таѧ, бжⷭ҇твеннагѡ сꙋщества̀ носѧ́щꙋ на ѡ҆б̾ѧ́тїихъ, ѻ҆трокови́це, ᲂу҆́гль, бг҃облаже́ннаѧ."
|
|
},
|
|
{
|
|
"type": "HEADER",
|
|
"value": "Сѣда́ленъ, гла́съ г҃."
|
|
},
|
|
{
|
|
"type": "TEXT",
|
|
"value": "Подо́бенъ: Бжⷭ҇твенныѧ вѣ́ры:"
|
|
},
|
|
{
|
|
"type": "TEXT",
|
|
"value": "Но́въ бы́лъ є҆сѝ мѡѷсе́й дѣ́лы, скрижа̑ли вѣ́ры на горѣ̀ та́инственнагѡ бг҃оѧвле́нїѧ прїи́мъ, законоположи́въ лю́демъ благоче́стїе трⷪ҇чныѧ та́йны, григо́рїе. Тѣ́мже всѝ вѣ́рнїи чти́мъ па́мѧть твою̀, просѧ́ще тобо́ю ве́лїю ми́лость. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Бжⷭ҇твеннаѧ ски́нїѧ была̀ є҆сѝ сло́ва, є҆ди́на пречⷭ҇таѧ мт҃и дв҃о, чистото́ю а҆́гг҃лы превозше́дшаѧ: па́че всѣ́хъ менѐ, пе́рсть бы́вша, ѡ҆скверне́нна плотски́ми прегрѣше́ньми, ѡ҆чи́сти моли́твъ твои́хъ бжⷭ҇твенными вода́ми, подаю́щи, чⷭ҇таѧ, ве́лїю ми́лость."
|
|
},
|
|
{
|
|
"type": "TEXT",
|
|
"value": "Крⷭ҇тобг҃оро́диченъ: Нескве́рнаѧ а҆́гница сло́ва, нетлѣ́ннаѧ дв҃ома́ти, на крⷭ҇тѣ̀ зрѧ́щи повѣ́шена, и҆зъ неѧ̀ безболѣ́зненнѡ прозѧ́бшаго, матеролѣ́пнѡ рыда́ющи, вопїѧ́ше: ᲂу҆вы̀ мнѣ̀, ча́до моѐ, ка́кѡ стра́ждеши во́лею, хотѧ̀ и҆зба́вити ѿ страсте́й безче́стїѧ человѣ́ка;"
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ты̀ моѧ̀ крѣ́пость, гдⷭ҇и, ты̀ моѧ̀ и҆ си́ла, ты̀ мо́й бг҃ъ, ты̀ моѐ ра́дованїе, не ѡ҆ста́вль нѣ́дра ѻ҆́ч҃а, и҆ на́шꙋ нищетꙋ̀ посѣти́въ. Тѣ́мъ съ прⷪ҇ро́комъ а҆ввакꙋ́момъ зовꙋ́ ти: си́лѣ твое́й сла́ва, чл҃вѣколю́бче."
|
|
},
|
|
{
|
|
"type": "TEXT",
|
|
"value": "Зе́млю до́брꙋю, ѻ҆́ч҃е бг҃омꙋ́дре, взора́въ, сло́ва сѣ́мѧ прїе́мъ, во сто̀ є҆ѵⷢ҇льски многосꙋгꙋ́биши, є҆щѐ и҆ ны́нѣ, григо́рїе, приводѧ̀ ᲂу҆чє́нїи твои́ми бг҃ꙋ пѣснопою́щыѧ: си́лѣ твое́й сла́ва, чл҃вѣколю́бче."
|
|
},
|
|
{
|
|
"type": "TEXT",
|
|
"value": "Ꙗ҆́кѡ мо́лнїѧ, ѻ҆́ч҃е, возсїѧ́въ житїѐ твоѐ, де́мѡнскꙋю ле́сть ѿгна̀. Свѣ́тꙋ бо твоеѧ̀ добродѣ́тели ѻ҆́ныхъ тма̀ прикоснꙋ́тисѧ не возмо́же. Тѣ́мже неѡко́росъ дꙋшетлѣ́нныѧ льстѝ, валѧ́всѧ ꙗ҆́коже ка́мень свѣ́титсѧ."
|
|
},
|
|
{
|
|
"type": "TEXT",
|
|
"value": "Мра́къ свѣ́та бжⷭ҇твеннѣйшагѡ ви́дѣти сподо́билсѧ є҆сѝ, зако́нъ же бг҃опи́санный, ꙗ҆́кѡ мѡѷсе́й, ѻ҆́ч҃е, прїе́мъ, бг҃осло́вїѧ и҆звѣ́стное навы́клъ є҆сѝ: ѿсю́дꙋ законополо́жникъ хрⷭ҇то́вы цр҃кве показа́лсѧ є҆сѝ, бг҃омꙋ́дре григо́рїе."
|
|
},
|
|
{
|
|
"type": "TEXT",
|
|
"value": "Ри́торскагѡ бꙋесло́вїѧ ᲂу҆клони́всѧ, и҆ сло́вомъ, ѻ҆́ч҃е, благода́ти ѡ҆зари́всѧ, а҆пⷭ҇льскꙋю и҆́стиннѡ вла́сть на де́мѡны прїѧ́тъ: твоеѧ́ бо ѿбѣга́етъ свѣтѧ́щїѧсѧ зарѝ тмы̀ предста́тель, григо́рїе."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Кївѡ́тъ тѧ̀ и҆здале́ча проѡбразѝ, прїе́мши зако́нъ бг҃опи́санный во чре́вѣ живонача́льное сло́во заче́ншꙋю несказа́ннѡ, всенепоро́чнаѧ, пита́ющаго бога́тнѡ дꙋ́шы вопїю́щихъ: си́лѣ твое́й сла́ва, чл҃вѣколю́бче."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "TEXT",
|
|
"value": "І҆рмо́съ: Вскꙋ́ю мѧ̀ ѿри́нꙋлъ є҆сѝ ѿ лица̀ твоегѡ̀, свѣ́те незаходи́мый, и҆ покры́ла мѧ̀ є҆́сть чꙋжда́ѧ тма̀ ѻ҆каѧ́ннаго, но ѡ҆брати́ мѧ, и҆ къ свѣ́тꙋ за́повѣдей твои́хъ, пꙋти̑ моѧ̑ напра́ви, молю́сѧ."
|
|
},
|
|
{
|
|
"type": "TEXT",
|
|
"value": "Дѣ́ланїемъ твои́мъ слове́съ ѡ҆лѧденѣ̑вшаѧ сердца̀ ᲂу҆гла́дивъ, и҆ бжⷭ҇твенное сѣ́мѧ въ нѧ̀, і҆ера́рше, вве́рглъ є҆сѝ, и҆ пло́дъ многокла́сный и҆зба́вителю, спасе́нїе вѣ́рныхъ, бг҃оглаго́ливе, прине́слъ є҆сѝ."
|
|
},
|
|
{
|
|
"type": "TEXT",
|
|
"value": "Бж҃їй предста́тель ре́вностїю распалѧ́емь, пома́за тѧ̀ фе́димъ не прише́дша, ѻ҆́ч҃е, бг҃ꙋ всѧ́чєскаѧ вѣ́дѧщемꙋ благоче́стнѡ ᲂу҆пова́въ, и҆ честно́мꙋ твоемꙋ̀ житїю̀ надѣ́ѧвсѧ, бг҃оглаго́ливе григо́рїе."
|
|
},
|
|
{
|
|
"type": "TEXT",
|
|
"value": "Стрꙋѧ́ми твои́хъ повелѣ́нїй і҆́дѡльскаѧ разжжє́нїѧ ᲂу҆гаси́лъ є҆сѝ, и҆ ᲂу҆че́ньми твои́ми вѣ̑рныѧ ᲂу҆тверди́лъ є҆сѝ, всемꙋ́дре, возше́дъ на го́рꙋ, ꙗ҆́кѡ самꙋи́лъ видѣ̑нїи, и҆ ꙗ҆́кѡ дꙋ́бъ, бы́въ тве́рдостїю."
|
|
},
|
|
{
|
|
"type": "TEXT",
|
|
"value": "Ст҃и́телю бг҃омꙋ́дре, твои́ми моли́твами лю́тыхъ мѧ̀ и҆збавлѧ́й, мои́хъ прегрѣше́нїй рꙋкописа́нїе, ѻ҆́ч҃е, расто́ргни, ꙗ҆́кѡ свѧще́нникъ сы́й, ѿ бг҃а вла́сть прїи́мъ ѡ҆ставлѧ́ти прегрѣшє́нїѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Оу҆краси́ласѧ є҆сѝ, дв҃о, дѣ́вственными твои́ми пречⷭ҇тыми добро́тами, и҆ пе́рвыѧ є҆́ѵы покры́ла є҆сѝ стꙋ́дъ ѕлоѻбра́зный, хрⷭ҇та̀ ро́ждши, ѡ҆дѣѧ́нїе безсме́ртїѧ да́рꙋющаго тебѐ чтꙋ́щымъ."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ѡ҆чи́сти мѧ̀, сп҃се, мнѡ́га бо беззакѡ́нїѧ моѧ̑, и҆ и҆зъ глꙋбины̀ ѕѡ́лъ возведѝ, молю́сѧ: къ тебѣ́ бо возопи́хъ, и҆ ᲂу҆слы́ши мѧ̀, бж҃е спасе́нїѧ моегѡ̀."
|
|
},
|
|
{
|
|
"type": "TEXT",
|
|
"value": "Є҆́зеро чꙋдодѣ́йствꙋѧ братоꙋбі́йственное и҆зсꙋши́лъ є҆сѝ, и҆ рѣкѝ стремлє́нїѧ ᲂу҆ста́вилъ є҆сѝ, всемꙋ́дре, же́злъ водрꙋзи́въ, и҆́же вскорени́сѧ а҆́бїе и҆ возрастѐ бжⷭ҇твеннымъ манове́нїемъ, григо́рїе."
|
|
},
|
|
{
|
|
"type": "TEXT",
|
|
"value": "Ре́вность бж҃їѧ поѧда́ше тѧ̀, всебога́те: не терпѧ́ бо зрѣ́ти бг҃а досажда́ема, лю́ди сꙋемꙋ́дрєнныѧ твои́ми моли́твами, бг҃оглаго́ливе, погꙋби́лъ є҆сѝ."
|
|
},
|
|
{
|
|
"type": "TEXT",
|
|
"value": "Оу҆мертви́сѧ восхотѣ́вый ᲂу҆ничижи́ти тѧ̀, ѻ҆каѧ́нный є҆вре́инъ ѕлочести́вый, бг҃ꙋ тѧ̀ прославлѧ́ющемꙋ, бг҃омꙋ́дре григо́рїе, тогѡ̀ догма́тѡвъ и҆спо́лнителѧ показꙋ́ѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: На́йде вседѣ́тельный на тѧ̀ дх҃ъ, всенепоро́чнаѧ, и҆ сло́во бж҃їе въ тѧ̀ всели́сѧ, и҆ пло́ть бы́сть неизрече́ннѡ, пребы́въ неизмѣ́ненъ."
|
|
},
|
|
{
|
|
"type": "HEADER",
|
|
"value": "Конда́къ, гла́съ в҃."
|
|
},
|
|
{
|
|
"type": "TEXT",
|
|
"value": "Подо́бенъ: Вы́шнихъ и҆щѧ̀:"
|
|
},
|
|
{
|
|
"type": "TEXT",
|
|
"value": "Чꙋде́съ мно́гихъ прїе́мъ дѣ́йство, зна́меньми ᲂу҆жа́сными де́мѡны ᲂу҆страши́лъ є҆сѝ, и҆ недꙋ́ги ѿгна́лъ є҆сѝ человѣ́чєскїѧ, всемꙋ́дре григо́рїе: чꙋдотво́рецъ же и҆менꙋ́ешисѧ, зва́нїе ѿ дѣ́лъ прїе́мъ."
|
|
},
|
|
{
|
|
"type": "TEXT",
|
|
"value": "І҆́косъ: Ѿкꙋ́дꙋ начнꙋ̀ похвалы̑ тка́ти ѻ҆каѧ́нный, зрѧ̀ мнѡ́гїѧ и҆ пречꙋ̑дныѧ вє́щи; а҆́ще ѿ житїѧ̀ прпⷣбнагѡ начнꙋ̀, ѿню́дъ не возмогꙋ̀: всѧ́кагѡ бо ᲂу҆ма̀ превосхо́дитъ житїѐ є҆гѡ̀ бжⷭ҇твенное. А҆́ще ѿ чꙋде́съ, и҆ въ се́мъ про́чее постыждꙋ́сѧ: па́че песка́ бо сꙋ́ще: сегѡ̀ ра́ди нарече́сѧ чꙋдотво́рецъ, зва́нїе ѿ дѣ́лъ прїе́мъ."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "TEXT",
|
|
"value": "І҆рмо́съ: Бж҃їѧ снисхожде́нїѧ ѻ҆́гнь ᲂу҆стыдѣ́сѧ въ вавѷлѡ́нѣ и҆ногда̀, сегѡ̀ ра́ди ѻ҆́троцы въ пещѝ ра́дованною ного́ю, ꙗ҆́кѡ во цвѣ́тницѣ ликꙋ́юще, поѧ́хꙋ: бл҃гослове́нъ є҆сѝ, бж҃е ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Ѻ҆тцє́въ похвала̀, и҆ ᲂу҆чи́телей честносло́вїе, свѣти́льникъ цр҃кве, бл҃гоче́стїѧ сто́лпъ неколе́бленный ты̀ ꙗ҆ви́лсѧ є҆сѝ, григо́рїе, зовы́й: бл҃гослове́нъ бг҃ъ ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Возсїѧ́въ чꙋдєсы̀, вселе́ннꙋю просвѣти́лъ є҆сѝ, сегѡ̀ ра́ди, бг҃омꙋ́дре, совокꙋ́пльшесѧ, тебѐ бл҃жи́мъ, твои́ми словєсы̀ пита́ющесѧ, григо́рїе, и҆ пою́ще: бл҃гослове́нъ бг҃ъ ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Врачева̑нїѧ, всемꙋ́дре, немѡщны́мъ всѣ̑мъ и҆сточи́лъ є҆сѝ: и҆злїѧ́сѧ бо бл҃года́ть ѻ҆би́льнѣйшаѧ во ᲂу҆стна́хъ твои́хъ чꙋдодѣ́йственнаѧ, є҆́юже взыва́лъ є҆сѝ: бл҃гослове́нъ бг҃ъ ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ны́нѣ всѧ̑ и҆спо́лнишасѧ свѣ́та бжⷭ҇твеннагѡ тобо́ю, пречⷭ҇таѧ: ты́ бо две́рь ꙗ҆ви́ласѧ є҆сѝ, є҆́юже мі́рꙋ бг҃ъ приѡбщи́сѧ, просвѣща́ѧ вѣ́рою зовꙋ́щыѧ: бл҃гослове́нъ бг҃ъ ѻ҆тє́цъ на́шихъ."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "TEXT",
|
|
"value": "І҆рмо́съ: Седмери́цею пе́щь халде́йскїй мꙋчи́тель бг҃очести̑вымъ неи́стовнѡ разжжѐ, си́лою же лꙋ́чшею спасє́ны сїѧ̑ ви́дѣвъ, творцꙋ̀ и҆ и҆зба́вителю вопїѧ́ше: ѻ҆́троцы, бл҃гослови́те, свѧще́нницы, воспо́йте, лю́дїе, превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Тобо́ю ѡ҆богати́вшесѧ трⷪ҇цы сїѧ́нїемъ, є҆диносꙋ́щныѧ и҆ честны́ѧ, григо́рїе, твоѐ ны́нѣ торжество̀ соверша́юще, бл҃года́тїю чꙋдодѣ́йственною ѡ҆зари́тисѧ про́симъ, вопїю́ще влⷣцѣ: дѣ́ти, благослови́те, свѧще́нницы, воспо́йте, лю́дїе, превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Ꙗ҆́кѡ новоѧвле́нно зерца́ло, прїе́мъ, всебога́те, сїѧ́нїѧ нача́льнагѡ бжⷭ҇тва̀, мі́ръ просвѣти́лъ є҆сѝ лꙋчы̀ посыла́ѧ свѣ́та, пѣснопѣ́сненнѡ правосла́вїе пою́щымъ: дѣ́ти, благослови́те, свѧще́нницы, воспо́йте, лю́дїе, превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Бг҃омъ покрыва́емь, благоче́стїѧ вина̀, бг҃очести̑вымъ соблю́лсѧ є҆сѝ, всемꙋ́дре, въ горѣ̀ сокрыва́емь, ꙗ҆́кѡ законополо́жникъ и҆ны́й мѡѷсе́й, содѣ́телѧ и҆ и҆зба́вителѧ пѣ́ти наꙋча́ѧ: ѻ҆́троцы, благослови́те, свѧще́нницы, воспо́йте, лю́дїе, превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Свѣ́та незаходи́магѡ была̀ є҆сѝ ѻ҆би́тель, пречⷭ҇таѧ, дѣ́вства добро́тами свѣтѧ́щи, и҆ всѧ̑ ѡ҆зарѧ́ющи, бцⷣꙋ тѧ̀ и҆́стиннꙋю и҆сповѣ́дающыѧ ѿ дꙋшѝ и҆ вопїю́щыѧ: дѣ́ти, благослови́те, свѧще́нницы, воспо́йте, лю́дїе, превозноси́те во всѧ̑ вѣ́ки."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆жасе́сѧ ѡ҆ се́мъ нб҃о, и҆ землѝ ᲂу҆диви́шасѧ концы̀, ꙗ҆́кѡ бг҃ъ ꙗ҆ви́сѧ человѣ́кѡмъ пло́тски, и҆ чре́во твоѐ бы́сть простра́ннѣйшее небе́съ. Тѣ́мъ тѧ̀ бцⷣꙋ, а҆́гг҃лѡвъ и҆ человѣ̑къ чинонача̑лїѧ велича́ютъ."
|
|
},
|
|
{
|
|
"type": "TEXT",
|
|
"value": "И҆зѧ́щнѣйшагѡ жи́тельства сїѧ́ѧ свѣ́томъ, ны́нѣ свѣ́тꙋ вели́комꙋ предстои́ши бг҃одѣ́ѧтельными чꙋдодѣ́йствы, ꙗ҆́кѡ побѣди́тель вѣнча́емь, прпⷣбне, ѻ҆́ч҃е і҆ера́рше, чꙋдотво́рче григо́рїе бг҃омꙋ́дре, свѣти́ло цр҃кве, правосла́вныхъ ᲂу҆добре́нїе."
|
|
},
|
|
{
|
|
"type": "TEXT",
|
|
"value": "Напра́вити молѝ твои́ми моли́твами цр҃ко́вное ны́нѣ свѧще́нство, и҆збра́нное и҆ ѡ҆свѧще́нное, чꙋдодѣ́лателю, и҆ вѣ́рнѡ ны́нѣ па́мѧть твою̀ соверша́ющымъ полꙋчи́ти го́рнѧгѡ црⷭ҇тва, и҆ бжⷭ҇твеннагѡ весе́лїѧ сподо́битисѧ ᲂу҆молѝ."
|
|
},
|
|
{
|
|
"type": "TEXT",
|
|
"value": "Побѣди́въ де́мѡнскїѧ прило́ги и҆ плотско́е покори́въ мꙋдрова́нїе, и҆ а҆рхїере́й неѕло́бивъ и҆ прпⷣбенъ бы́въ, пра́вды ѡ҆дѣѧ́нїемъ ѡ҆блече́нъ, чꙋдотво́рче, предстои́ши прⷭ҇то́лꙋ всѣ́хъ цр҃ѧ̀ со дерзнове́нїемъ, всебл҃же́нне."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ꙗ҆ви́ласѧ є҆сѝ, ѽ дв҃о мт҃и бж҃їѧ, па́че є҆стества̀ ро́ждши пло́тїю благо́е сло́во, є҆го́же ѻ҆ц҃ъ ѿ се́рдца своегѡ̀ ѿры́гнꙋ, пре́жде всѣ́хъ вѣ̑къ, ꙗ҆́кѡ бла́гъ: є҆го́же ны́нѣ и҆ тѣле́съ вы́шша разꙋмѣва́емъ, а҆́ще и҆ въ тѣ́ло ѡ҆блече́сѧ."
|
|
},
|
|
{
|
|
"type": "HEADER",
|
|
"value": "Свѣти́ленъ:"
|
|
},
|
|
{
|
|
"type": "TEXT",
|
|
"value": "Подо́бенъ: Жєны̀ ᲂу҆слы́шите:"
|
|
},
|
|
{
|
|
"type": "TEXT",
|
|
"value": "Чꙋдєсы̀ возсїѧ́лъ є҆сѝ, чꙋдотво́рче григо́рїе, слꙋжи́телѧ і҆́дѡльскаго и҆зба́вилъ є҆сѝ ѿ тлѝ и҆ пре́лести де́мѡнскїѧ, ка́мень подви́гнꙋвъ повелѣ́нїемъ: є҆́зеро же и҆зсꙋши́въ, и҆ рѣкꙋ̀ ᲂу҆ста́вилъ є҆сѝ. Тѣ́мже тѧ̀ всѝ согла́снѡ похвалѧ́емъ, треблаже́нне."
|
|
},
|
|
{
|
|
"type": "HEADER",
|
|
"value": "Бг҃оро́диченъ. Подо́бенъ то́йже:"
|
|
},
|
|
{
|
|
"type": "TEXT",
|
|
"value": "Ра́дꙋйсѧ, вѣ́рныхъ похвало̀: ра́дꙋйсѧ, прпⷣбныхъ ᲂу҆твержде́нїе: ра́дꙋйсѧ, пра́ведныхъ сла́во: ра́дꙋйсѧ, свѣ́те сꙋ́щихъ во тмѣ̀: ра́дꙋйсѧ, хра́ме прест҃ы́й: ра́дꙋйсѧ, бж҃їй раю̀: ра́дꙋйсѧ, клѧ́твы разрѣше́нїе, бл҃гослове́ннаѧ марі́е."
|
|
},
|
|
{
|
|
"type": "HEADER",
|
|
"value": "На стїхо́внѣ ѻ҆ктѡ́иха: и҆ ст҃а́гѡ стїхи́ра, гла́съ д҃:"
|
|
},
|
|
{
|
|
"type": "TEXT",
|
|
"value": "Сті́хъ: Свѧще́нницы твоѝ ѡ҆блекꙋ́тсѧ пра́вдою, и҆ прпⷣбнїи твоѝ возра́дꙋютсѧ."
|
|
},
|
|
{
|
|
"type": "TEXT",
|
|
"value": "Свѧще́нства и҆збра́нїе ѿ бг҃а прїе́мъ, и҆ въ бжⷭ҇твеннꙋю ри́зꙋ свы́ше ѡ҆дѣ́ѧвсѧ, пре́жде невѣ́рствїѧ сы́ны, ча̑да свѣ́та и҆ наслѣ́дники показа́лъ є҆сѝ, бж҃їѧ бо мꙋ́дрости, бл҃года́ти и҆злїѧ́вшейсѧ во ᲂу҆стна́хъ твои́хъ пресла́вныхъ веще́й самодѣ́лателю гдⷭ҇ень, григо́рїе. Тѣ́мъ и҆ ны́нѣ въ па́мѧти твое́й моли́сѧ хрⷭ҇тꙋ̀ бг҃ꙋ ѡ҆ дꙋша́хъ на́шихъ."
|
|
},
|
|
{
|
|
"type": "HEADER",
|
|
"value": "Сла́ва, гла́съ и҃."
|
|
},
|
|
{
|
|
"type": "TEXT",
|
|
"value": "Пресловꙋ́щагѡ въ чꙋдесѣ́хъ і҆ера́рха, и҆ бездꙋ̑шнаѧ стыдѧ́щесѧ, пресла́внѡ прелага́хꙋсѧ: є҆́зеро бо и҆́зсше бра́тїю воꙋмлѧ́ющее, же́злъ же возраста́ше, рѣкꙋ̀ ѡ҆бꙋзда́ющи, ка́мень сло́вомъ преложи́сѧ, приводѧ̀ невѣ̑рныѧ къ бж҃їю позна́нїю, є҆гѡ́же ра́ди пода́ждь, бж҃е, дꙋша́мъ на́шымъ ве́лїю ми́лость."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ, и҆лѝ крⷭ҇тобг҃оро́диченъ."
|
|
},
|
|
{
|
|
"type": "TEXT",
|
|
"value": "Подо́бенъ: Ѽ пресла́внагѡ чꙋдесѐ!"
|
|
},
|
|
{
|
|
"type": "TEXT",
|
|
"value": "Что̀ зри́мое видѣ́нїе, є҆́же мои́ми ѻ҆чесы̀ ви́дитсѧ, ѽ влⷣко! Содержа́й всю̀ тва́рь, на дре́во воздви́женъ бы́въ, и҆ ᲂу҆мира́еши, всѣ̑мъ даѧ́й жи́знь, бцⷣа пла́чꙋщи глаго́лаше, є҆гда̀ ᲂу҆зрѣ̀ на крⷭ҇тѣ̀ возноси́ма, и҆зъ неѧ̀ неизрече́ннѡ возсїѧ́вшаго бг҃а и҆ чл҃вѣ́ка."
|
|
},
|
|
{
|
|
"type": "HEADER",
|
|
"value": "На лїтꙋргі́и, Бл҃жє́нна ѻ҆ктѡ́иха, и҆ ст҃а́гѡ, пѣ́снь г҃-ѧ."
|
|
},
|
|
{
|
|
"type": "HEADER",
|
|
"value": "Прокі́менъ, гла́съ з҃:"
|
|
},
|
|
{
|
|
"type": "TEXT",
|
|
"value": "Честна̀ предъ гдⷭ҇емъ сме́рть прпⷣбныхъ є҆гѡ̀."
|
|
},
|
|
{
|
|
"type": "TEXT",
|
|
"value": "Сті́хъ: Что̀ возда́мъ гдⷭ҇еви ѡ҆ всѣ́хъ, ꙗ҆̀же воздаде́ ми;"
|
|
},
|
|
{
|
|
"type": "HEADER",
|
|
"value": "А҆пⷭ҇лъ къ корі́нѳѧнѡмъ, зача́ло рн҃а."
|
|
},
|
|
{
|
|
"type": "TEXT",
|
|
"value": "А҆ллилꙋ́їа, гла́съ в҃: Свѧще́нницы твоѝ ѡ҆блекꙋ́тсѧ пра́вдою, и҆ прпⷣбнїи твоѝ возра́дꙋютсѧ."
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе матѳе́а, зача́ло л҃д, ѿ полꙋ̀."
|
|
},
|
|
{
|
|
"type": "TEXT",
|
|
"value": "Прича́стенъ: Въ па́мѧть вѣ́чнꙋю:"
|
|
}
|
|
] |