686 lines
52 KiB
JSON
686 lines
52 KiB
JSON
[
|
|
{
|
|
"type": "HEADER",
|
|
"value": "Ное́мврїа к҃з"
|
|
},
|
|
{
|
|
"type": "HEADER",
|
|
"value": "Ст҃а́гѡ великомч҃ника і҆а́кѡва пе́рсѧнина."
|
|
},
|
|
{
|
|
"type": "HEADER",
|
|
"value": "И҆ прпⷣбнагѡ ѻ҆тца̀ на́шегѡ палла́дїа."
|
|
},
|
|
{
|
|
"type": "HEADER",
|
|
"value": "На Гдⷭ҇и, воззва́хъ, стїхи̑ры мч҃ника і҆а́кѡва, на ѕ҃, гла́съ в҃."
|
|
},
|
|
{
|
|
"type": "TEXT",
|
|
"value": "Подо́бенъ: Є҆гда̀ ѿ дре́ва:"
|
|
},
|
|
{
|
|
"type": "TEXT",
|
|
"value": "Мі́ра кра̑снаѧ ѡ҆ста́вивъ, ро́да свѣ́тлость, бога́тство и҆ красотꙋ̀: все́ же чꙋ́вство ѿве́ргъ, и҆ тѣ́ломъ раздроблѧ́емь, страсте́й подража́нїемъ, ра́дꙋѧсѧ послѣ́довалъ є҆сѝ хрⷭ҇тꙋ̀, і҆а́кѡве: ꙗ҆́кѡ ᲂу҆́бѡ ѻ҆́бщникъ страда́ньми сла́вы бы́лъ є҆сѝ вои́стиннꙋ и҆ црⷭ҇твїѧ ны́нѣ соприча́стникъ."
|
|
},
|
|
{
|
|
"type": "TEXT",
|
|
"value": "Оу҆́ды пожина́емь пло́ти, и҆ нестерпи̑мыѧ болѣ̑зни и҆ ра̑ны терпѧ̀, мч҃ниче хрⷭ҇то́въ достосла́вне і҆а́кѡве, и҆ мꙋчи́телей сꙋровство̀ попра́въ мꙋ́жественнѡ, побѣ́ды многоцѣ́нный вѣне́цъ прїѧ́лъ є҆сѝ: и҆́мже ны́нѣ ᲂу҆краша́емь, блаже́нне, бжⷭ҇твенномꙋ влⷣки твоегѡ̀ прⷭ҇то́лꙋ съ пострада́вшими съ тобо́ю предстои́ши."
|
|
},
|
|
{
|
|
"type": "TEXT",
|
|
"value": "И҆мѣ́ѧ дерзнове́нїе ко хрⷭ҇тꙋ̀, ѡ҆ всѣ́хъ вѣ́рою соверша́ющихъ честны́й тво́й пра́здникъ, мꙋ́чениче приснопа́мѧтне, те́плѣ предстои́ши, ѿ бѣ́дъ и҆збавлѧ́ѧ, и҆ страсте́й свобожда́ѧ, всѧ́кагѡ ѡ҆бстоѧ́нїѧ лю́тыхъ и҆з̾има́ѧ, подава́ѧ дꙋша́мъ спасе́нїе бжⷭ҇твенными твои́ми моли́твами, ꙗ҆́кѡ да свѣ̑тлыѧ твоѧ̑ по́двиги просла́вимъ."
|
|
},
|
|
{
|
|
"type": "HEADER",
|
|
"value": "Сла́ва, гла́съ є҃:"
|
|
},
|
|
{
|
|
"type": "TEXT",
|
|
"value": "Оу҆диви́лъ є҆сѝ, ѽ і҆а́кѡве, въ мꙋ́кахъ всѣ́хъ долготерпѣ́въ: пе́рстѡмъ бо и҆ рꙋка́мъ, и҆ мы́шцамъ ѿсѣ́чєннымъ твои̑мъ бы́вшымъ, подо́бнѣ и҆ нога́мъ и҆ лы́стѡмъ твои̑мъ, да́же до бедрꙋ̀ претерпѣ́лъ є҆сѝ: про́чее молѧ́щꙋсѧ тебѣ̀, и҆ честнꙋ́ю главꙋ̀ твою̀ ѿсѣко́ша. Мꙋ́чениче многострада́льне, ѡ҆ на́съ не преста́й хрⷭ҇тꙋ̀ молѧ́сѧ, поми́ловатисѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ, и҆лѝ крⷭ҇тобг҃оро́диченъ."
|
|
},
|
|
{
|
|
"type": "TEXT",
|
|
"value": "Подо́бенъ: Ра́дꙋйсѧ:"
|
|
},
|
|
{
|
|
"type": "TEXT",
|
|
"value": "А҆́гнца своего̀ а҆́гница и҆ногда̀ зрѧ́щи, къ заколе́нїю тща́щасѧ, ᲂу҆се́рднѡ послѣ́доваше, сїѧ̑ вопїю́щи є҆мꙋ̀: ка́мѡ и҆́деши, ча́до моѐ сладча́йшее, хрⷭ҇тѐ; чесѡ̀ ра́ди ско́рое тече́нїе сїѐ, долготерпѣли́ве, тече́ши нелѣ́ностнѡ; і҆и҃се возжелѣ́ннѣйшїй безгрѣ́шне, многоми́лостиве гдⷭ҇и, да́ждь мѝ сло́во рабѣ̀ твое́й: сн҃е мо́й вселюбе́знѣйшїй, не пре́зри, ще́дре, молчѧ̀, тѧ̀ стра́ннѡ ро́ждшꙋю, бж҃е всеще́дре, да́рꙋѧй мі́рꙋ ве́лїю ми́лость."
|
|
},
|
|
{
|
|
"type": "HEADER",
|
|
"value": "На стїхо́внѣ ѻ҆ктѡ́иха. Сла́ва, мꙋ́ченика, гла́съ и҃."
|
|
},
|
|
{
|
|
"type": "TEXT",
|
|
"value": "Геѡ́ргїа сѷке́лла: Вѣ́рнѡ соше́дшесѧ дне́сь любозри́телє, ви́дите борьбꙋ̀ стра́ннꙋю и҆ размѣне́ннꙋю і҆а́кѡва, сꙋ́щагѡ ѿ персі́ды, на́мъ ѡ҆блиста́вшагѡ ꙗ҆́кѡ ѕвѣздꙋ̀, волхвѡ́мъ ꙗ҆́вльшꙋюсѧ, и҆ ко и҆́стинномꙋ позна́нїю наста́вльшꙋю: то́й бо до́блественный, внегда̀ па́дати, ра́тователи ѿража́ше, и҆ внегда̀ соста́вѡмъ ᲂу҆дѡ́въ рѣ̑занымъ бы́ти, мꙋ́чащыѧ не́мощны творѧ́ше, вы́шнимъ про́мысломъ ᲂу҆крѣплѧ́емь вопїѧ̀: а҆́ще и҆ ᲂу҆́ды моѧ̑ чꙋ́вствєнныѧ сꙋ́щыѧ сѣче́те, но и҆́мамъ хрⷭ҇та̀ разꙋ́мнѡ мѝ всѧ̑ быва́юща. Тѣ́мже прови́дѧ бꙋ́дꙋщꙋю жи́знь, предлежа́щїѧ ра́ди всѣ́хъ сме́рти, ко ѻ҆́ной тща́шесѧ прейтѝ: въ не́йже и҆ водворѧ́ѧсѧ, про́ситъ на́мъ ѿ вѣнцеда́телѧ бг҃а, ѡ҆чище́нїе, просвѣще́нїе и҆ ве́лїю ми́лость, соверша́ющымъ па́мѧть є҆гѡ̀."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ, и҆лѝ крⷭ҇тобг҃оро́диченъ."
|
|
},
|
|
{
|
|
"type": "TEXT",
|
|
"value": "Подо́бенъ: Ѽ пресла́внагѡ чꙋдесѐ!"
|
|
},
|
|
{
|
|
"type": "TEXT",
|
|
"value": "Что̀ зри́мое видѣ́нїе, є҆́же мои́ма ѻ҆чи́ма ви́дитсѧ, ѽ влⷣко; содержа́й всю̀ тва́рь, на дре́во воздви́женъ бы́въ, и҆ ᲂу҆мира́еши всѣ́мъ даѧ́й жи́знь, бцⷣа пла́чꙋщисѧ глаго́лаше, є҆гда̀ ᲂу҆зрѣ̀ на крⷭ҇тѣ̀ возноси́ма и҆зъ неѧ̀ неизрече́ннѡ возсїѧ́вшаго, бг҃а и҆ чл҃вѣ́ка."
|
|
},
|
|
{
|
|
"type": "HEADER",
|
|
"value": "Тропа́рь мꙋ́ченика і҆а́кѡва, гла́съ д҃:"
|
|
},
|
|
{
|
|
"type": "TEXT",
|
|
"value": "Мч҃никъ тво́й, гдⷭ҇и, і҆а́кѡвъ, во страда́нїи свое́мъ вѣне́цъ прїѧ́тъ нетлѣ́нный ѿ тебє̀ бг҃а на́шегѡ: и҆мѣ́ѧй бо крѣ́пость твою̀, мꙋчи́телей низложѝ, сокрꙋшѝ и҆ де́мѡнѡвъ немощны̑ѧ де́рзѡсти. Тогѡ̀ моли́твами спасѝ дꙋ́шы на́шѧ."
|
|
},
|
|
{
|
|
"type": "HEADER",
|
|
"value": "И҆лѝ се́й, гла́съ то́йже:"
|
|
},
|
|
{
|
|
"type": "TEXT",
|
|
"value": "Мꙋчє́нїи странноꙋжа́сными, и҆ до́блестїю терпѣ́нїѧ всѣ́хъ преꙋдиви́лъ є҆сѝ, многострада́льне: надъ ко́имждо соста́вомъ ᲂу҆десѝ рѣ́занїѧ, благода́рны мольбы̑ преди́внѣ и҆зре́клъ є҆сѝ гдⷭ҇ꙋ. Тѣ́мъ во страда́нїи твое́мъ вѣне́цъ прїе́мъ, къ прⷭ҇то́лꙋ возше́лъ є҆сѝ нбⷭ҇нагѡ цр҃ѧ̀ хрⷭ҇та̀ бг҃а, і҆а́кѡве: того̀ молѝ спастѝ дꙋ́шы на́шѧ."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ, и҆лѝ крⷭ҇тобг҃оро́диченъ:"
|
|
},
|
|
{
|
|
"type": "HEADER",
|
|
"value": "Слꙋ́жба ст҃а́гѡ палла́дїа пое́тсѧ на повече́рїи."
|
|
},
|
|
{
|
|
"type": "HEADER",
|
|
"value": "Канѡ́нъ, і҆ѡ́сифъ, гла́съ д҃, є҆гѡ́же краегране́сїе:"
|
|
},
|
|
{
|
|
"type": "TEXT",
|
|
"value": "Твоѐ почита́ю, всебл҃же́нне ѻ҆́ч҃е, житїѐ."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ѿве́рзꙋ ᲂу҆ста̀ моѧ̑, и҆ напо́лнѧтсѧ дх҃а, и҆ сло́во ѿры́гнꙋ цр҃и́цѣ мт҃ри, и҆ ꙗ҆влю́сѧ свѣ́тлѡ торжествꙋ́ѧ, и҆ воспою̀ ра́дꙋѧсѧ тоѧ̀ чꙋдеса̀."
|
|
},
|
|
{
|
|
"type": "TEXT",
|
|
"value": "Бжⷭ҇твенными свѣтлостьмѝ ѡ҆зарѧ́емь, прпⷣбне, ѻ҆́блакъ разженѝ помышле́нїѧ моегѡ̀, ꙗ҆́кѡ да ᲂу҆зрю̀ твоѐ житїѐ свѣтоно́сное, и҆ и҆справле́нїе жи́тельства твоегѡ̀."
|
|
},
|
|
{
|
|
"type": "TEXT",
|
|
"value": "Оу҆́треневавъ къ бг҃ꙋ, пра́вды сл҃нцꙋ, ѿ младе́нства, всебога́те, тмы̀ и҆збѣ́глъ є҆сѝ тѣле́сныхъ страсте́й воздержа́нїемъ, и҆ да́ромъ чꙋде́съ ѡ҆богати́лсѧ є҆сѝ, прпⷣбне."
|
|
},
|
|
{
|
|
"type": "TEXT",
|
|
"value": "Оу҆́мнꙋю чистотꙋ̀ безстра́стїемъ стѧжа́въ, дх҃а бы́лъ є҆сѝ вмѣсти́лище, досточꙋ́дне палла́дїе всебл҃же́нне, ѻ҆тцє́въ ᲂу҆краше́нїе, свѣти́льниче всемі́рный."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ты̀, є҆ди́на бг҃оневѣ́сто, въ вы́шнихъ сѣдѧ́щаго рꙋка́ми носи́ла є҆сѝ, пло́ть бы́вшаго: ты́ бо є҆сѝ прїѧ́телище досто́йно всѣ́хъ вѣкѡ́въ вседержи́телѧ."
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "TEXT",
|
|
"value": "І҆рмо́съ: Твоѧ̑ пѣсносло́вцы, бцⷣе, живы́й и҆ незави́стный и҆сто́чниче, ли́къ себѣ̀ совокꙋ́пльшыѧ, дꙋхо́внѡ ᲂу҆твердѝ, въ бжⷭ҇твеннѣй твое́й сла́вѣ вѣнцє́въ, сла́вы сподо́би."
|
|
},
|
|
{
|
|
"type": "TEXT",
|
|
"value": "Всено́щное, ѻ҆́ч҃е, моле́нїе, бо́дреннымъ приносѧ̀ по́мысломъ бг҃ꙋ вседержи́телю, стра̑сти плотскі̑ѧ ᲂу҆спи́лъ є҆сѝ: тѣ́мже предста́тель неꙋсы́пный всѣ́хъ на́съ бы́лъ є҆сѝ."
|
|
},
|
|
{
|
|
"type": "TEXT",
|
|
"value": "Оу҆мертви́въ ᲂу҆́ды воздержа́нїемъ, ѡ҆живи́лъ є҆сѝ, ѻ҆́ч҃е, дꙋ́шꙋ бжⷭ҇твенными возвращє́нїи, добродѣ́тельми вжилѧ́емь, вседѣ́тельными си́лами, ѻ҆тцє́въ ѻ҆́ч҃е палла́дїе."
|
|
},
|
|
{
|
|
"type": "TEXT",
|
|
"value": "Вкꙋси́въ до́брагѡ бж҃їѧ глаго́ла, и҆ ра́зꙋма бжⷭ҇твеннагѡ прича́щсѧ, молчали́во соверши́въ твоѐ житїѐ, прилѣплѧ́ѧсѧ невозвра́тнѡ, преподо́бне, свѣтода́телю бг҃ꙋ на́шемꙋ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ми́лостивыми твои́ми, ѻ҆трокови́це, ка́плѧми, ᲂу҆́глїе ᲂу҆гасѝ страсте́й, марі́е неискꙋсобра́чнаѧ, и҆ ᲂу҆гаше́нный возжзѝ свѣти́льникъ се́рдца моегѡ̀, златы́й свѣти́льниче, всенепоро́чнаѧ."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "TEXT",
|
|
"value": "І҆рмо́съ: Неизслѣ́дный бж҃їй совѣ́тъ, є҆́же ѿ дв҃ы воплоще́нїѧ тебє̀ вы́шнѧгѡ, прⷪ҇ро́къ а҆ввакꙋ́мъ ᲂу҆смотрѧ́ѧ, зовѧ́ше: сла́ва си́лѣ твое́й, гдⷭ҇и."
|
|
},
|
|
{
|
|
"type": "TEXT",
|
|
"value": "Си́лою же и҆ бл҃года́тїю вседѣ́тельною всѣ́хъ цр҃ѧ̀ бг҃а на́шегѡ, лꙋка́вствїѧ безпло́тныхъ вра̑гъ ѿню́дъ и҆збѣ́глъ є҆сѝ, ѻ҆́ч҃е палла́дїе бг҃одохнове́нне."
|
|
},
|
|
{
|
|
"type": "TEXT",
|
|
"value": "Да возра́дꙋемсѧ дꙋхо́внѣ, па́мѧть соверша́юще пра́зднственнꙋю, знаменоно́сца и҆ честна́гѡ ѻ҆тца̀ на́шегѡ, свѧще́нными тогѡ̀ мольба́ми неꙋдо́бныхъ и҆збавлѧ́еми."
|
|
},
|
|
{
|
|
"type": "TEXT",
|
|
"value": "Цѣле́нїе приснотекꙋ́щее твоѧ̀ ра́ка то́читъ, ѽ палла́дїе сла́вне! Приходѧ́щихъ ѡ҆чища́етъ сквє́рны плотскі̑ѧ вкꙋ́пѣ и҆ дꙋшє́вныѧ, ѻ҆́ч҃е ѻ҆тцє́въ бг҃опрїѧ́тне."
|
|
},
|
|
{
|
|
"type": "TEXT",
|
|
"value": "И҆зба́ви ны̀, прпⷣбне, твои́ми моли́твами, всѣ́хъ собла̑знъ ѕмїи́ныхъ сѣте́й, и҆ и҆сцѣлѝ на́шѧ лю̑тыѧ недꙋ́ги, ко влⷣцѣ мольба́ми твои́ми."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ꙗ҆ви́сѧ бг҃овмѣсти́маѧ вои́стиннꙋ цр҃ковь всѣ́хъ цр҃ѧ̀, пренепоро́чнаѧ бг҃ороди́тельнице. Тѣ́мже благоче́стнѡ гаврїи́лово, є҆́же ра́дꙋйсѧ, вѣ́рнїи несꙋмнѣ́ннѡ прино́симъ."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆жасо́шасѧ всѧ́чєскаѧ ѡ҆ бжⷭ҇твеннѣй сла́вѣ твое́й: ты́ бо, неискꙋсобра́чнаѧ дв҃о, и҆мѣ́ла є҆сѝ во ᲂу҆тро́бѣ надъ всѣ́ми бг҃а, и҆ родила̀ є҆сѝ безлѣ́тнаго сн҃а, всѣ̑мъ воспѣва́ющымъ тѧ̀ ми́ръ подава́ющаѧ."
|
|
},
|
|
{
|
|
"type": "TEXT",
|
|
"value": "Стра̑сти пренебре́глъ є҆сѝ плотскі̑ѧ, бг҃обл҃же́нне, премно́гимъ воздержа́нїемъ. Тѣ́мъ тебѣ̀ бл҃года́ть бжⷭ҇твеннаѧ дарова́сѧ, стра̑сти и҆сцѣлѧ́ти вѣ́рныхъ, ѻ҆́ч҃е, приходѧ́щихъ тѝ, ѽ палла́дїе пресла́вне!"
|
|
},
|
|
{
|
|
"type": "TEXT",
|
|
"value": "Свѧ́то твоѐ житїѐ, всебл҃же́нне, соверши́въ, тѣ́мже и҆ ко ст҃ы̑мъ причта́лсѧ є҆сѝ, ѿ вѣ́ка бг҃ꙋ рабо́тавшымъ, всѣ́хъ ѡ҆свѧща́еши дꙋ́шы, хва́лѧщихъ твоѧ̑ честна̑ѧ чꙋдодѣѧ̑нїѧ."
|
|
},
|
|
{
|
|
"type": "TEXT",
|
|
"value": "Бл҃же́нъ бы́лъ є҆сѝ и҆́стиннѡ, достосла́вне: ты́ бо въ пꙋ́ть ѡ҆правда́нїй всеви́дца бг҃а ходи́лъ є҆сѝ, неѕло́бивъ и҆ кро́токъ бы́въ, и҆ восхождє́нїи до́брыми ᲂу҆краша́емь."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Дале́че человѣ́чество бг҃а, дв҃о, бы́сть, тебѣ́ же заче́ншей сп҃са несказа́ннѡ, бг҃ора́дованнаѧ, па́ки въ ра́й вхо́дитъ, вѣ́рою ᲂу҆блажа́ѧ тѧ̀, всепѣ́таѧ."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Бж҃е́ственное сїѐ и҆ всечестно́е соверша́юще пра́зднество, бг҃омꙋ́дрїи, бг҃ома́тере, прїиди́те, рꙋка́ми воспле́щимъ, ѿ неѧ̀ ро́ждшагосѧ бг҃а сла́вимъ."
|
|
},
|
|
{
|
|
"type": "TEXT",
|
|
"value": "Чи́сто житїѐ воспрїе́мъ воздержа́нїѧ, ꙗ҆́кѡ безпло́тенъ, и҆спра́вилъ є҆сѝ стоѧ́нїе всено́щное, моли́твꙋ, мꙋ́дре, неѡскꙋ́днꙋ, вѣ́рꙋ и҆́стиннꙋю, бжⷭ҇твенное смире́нїе."
|
|
},
|
|
{
|
|
"type": "TEXT",
|
|
"value": "До́брыхъ видѣ̑нїи ᲂу҆краша́емь, ꙗ҆́кѡ а҆́гг҃лъ ви́дѣнъ бы́лъ є҆сѝ, въ пло́ти жи́тельствꙋѧ, и҆ преше́дъ всели́лсѧ є҆сѝ со а҆́гг҃лы, ѻ҆́ч҃е бг҃облаже́нне палла́дїе."
|
|
},
|
|
{
|
|
"type": "TEXT",
|
|
"value": "А҆́гг҃лы и҆мѣ́ѧ спомо́щники, де́мѡнскаѧ ѿрази́лъ є҆сѝ мечта̑нїѧ, и҆ всѧ̑ лꙋка̑вствїѧ, и҆ безъ преткнове́нїѧ проше́лъ є҆сѝ, ѽ бг҃облаже́нне! Стезю̀ къ жи́зни вводѧ́щꙋю."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Глаго́лы, ѻ҆трокови́це всенепоро́чнаѧ, бжⷭ҇твеннагѡ гаврїи́ла ꙗ҆́кѡ ᲂу҆слы́шала є҆сѝ, сло́во зачала̀ є҆сѝ въ безсѣ́меннѣмъ чре́вѣ твое́мъ, и҆ па́че сло́ва сего̀ родила̀ є҆сѝ."
|
|
},
|
|
{
|
|
"type": "TEXT",
|
|
"value": "Гдⷭ҇и, поми́лꙋй, три́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, сѣда́ленъ, гла́съ а҃."
|
|
},
|
|
{
|
|
"type": "TEXT",
|
|
"value": "Подо́бенъ: Ка́мени запеча́танꙋ:"
|
|
},
|
|
{
|
|
"type": "TEXT",
|
|
"value": "Мона́шествовавъ бг҃оꙋго́днѡ, бг҃оно́сне ѻ҆́ч҃е на́шъ, моли́твою и҆ посто́мъ бг҃а взыска́лъ є҆сѝ, и҆ бы́лъ є҆сѝ прїѧ́телище чи́сто дх҃а, блиста́ѧ вѣ̑рнымъ добродѣ́тєльныѧ зари̑, и҆́миже просвѣща́еши всѧ̑ чтꙋ́щыѧ тѧ̀. Сла́ва просла́вльшемꙋ тѧ̀ хрⷭ҇тꙋ̀, сла́ва ᲂу҆крѣ́пльшемꙋ тѧ̀, сла́ва дѣ́йствꙋющемꙋ тобо́ю всѣ̑мъ и҆сцѣле́нїе."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "TEXT",
|
|
"value": "І҆рмо́съ: Не послꙋжи́ша тва́ри бг҃омꙋ́дрїи па́че созда́вшагѡ, но ѻ҆́гненное преще́нїе мꙋ́жески попра́вше, ра́довахꙋсѧ пою́ще: препѣ́тый ѻ҆ц҃є́въ гдⷭ҇ь и҆ бг҃ъ, благослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Пресла́вными ᲂу҆каза̑нїи, всебога́те, чꙋде́съ, всѣ́хъ дꙋ́шы притека́ющихъ къ тебѣ̀ просвѣща́еши бл҃года́тїю вседержи́телевою, просвѣти́вшагѡ твою̀ дꙋ́шꙋ, и҆ показа́вшагѡ ю҆̀ со́лнца свѣтлѣ́йшꙋю."
|
|
},
|
|
{
|
|
"type": "TEXT",
|
|
"value": "Возлюби́въ соверше́ннѣйше гдⷭ҇а ᲂу҆ма̀ пра́востїю, и҆ ѿ негѡ̀, всемꙋ́дре, соверше́ннѣ возлюби́сѧ: бл҃года́ть прїѧ́лъ є҆сѝ лꙋка̑выѧ ѿгонѧ́ти дꙋ́хи, и҆ и҆сцѣлѧ́ти всѧ̑ недꙋ́ги."
|
|
},
|
|
{
|
|
"type": "TEXT",
|
|
"value": "Сле́зъ твои́хъ течє́нїѧ прїи́мъ всеви́децъ бг҃ъ, ᲂу҆тѣше́нїѧ а҆́гг҃льскагѡ прича́стна тѧ̀ содѣ́ла, є҆́же полꙋчи́ша бг҃ꙋ слꙋжи́вшїи пра́востїю се́рдца."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ми́лостиваго ро́ждши гдⷭ҇а, є҆ди́на бг҃облагода́тнаѧ, десни́цею є҆гѡ̀, чⷭ҇таѧ, поми́ловати мо́й ᲂу҆́мъ моли́сѧ, всегда̀ лю́тѣ совраша́емый жите́йскими печа́льми."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ѻ҆́троки благочести̑выѧ въ пещѝ ржⷭ҇тво̀ бг҃оро́дичо спасло̀ є҆́сть: тогда̀ ᲂу҆́бѡ ѡ҆бразꙋ́емое, ны́нѣ же дѣ́йствꙋемое, вселе́ннꙋю всю̀ воздвиза́етъ пѣ́ти тебѣ̀: гдⷭ҇а по́йте дѣла̀, и҆ превозноси́те є҆го̀ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Си́лою бжⷭ҇твенною ѡ҆полчє́нїѧ де́мѡнскаѧ па̑гꙋбнаѧ потреби́лъ є҆сѝ: бл҃года́ть же прїѧ́лъ є҆сѝ ᲂу҆ста́вити не́мѡщи, и҆ ѿгони́ти дꙋ́хи нечи̑стыѧ, вопїѧ̀: гдⷭ҇а по́йте дѣла̀, и҆ превозноси́те є҆го̀ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Пожи́въ, всеблаже́нне, бг҃оꙋго́днѡ, пра́вєднымъ ꙗ҆́вѣ до́лжнымъ сно́мъ ны́нѣ ᲂу҆снꙋ́лъ є҆сѝ, и҆ къ неконча́емомꙋ приве́лсѧ є҆сѝ наслажде́нїю, прпⷣбне, вопїѧ̀: гдⷭ҇а по́йте дѣла̀, и҆ превозноси́те є҆го̀ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Цѣльбы̑ и҆сточа́етъ пресла́внѡ ра́ка твоѧ̀, ѻ҆́ч҃е, прири́щꙋщымъ, ᲂу҆ставлѧ́ющи недꙋ́ги, стра̑сти же и҆зсꙋша́ющи: є҆́йже покланѧ́ющесѧ, пое́мъ житїѐ твоѐ, болѣ̑зни и҆ бж҃е́ствєнныѧ по́двиги, палла́дїе бл҃же́нне, свѣти́льниче мона́шествꙋющихъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Во́дъ мѧ̀ и҆спо́лни, дв҃о, бжⷭ҇твенныхъ, ꙗ҆́же и҆сто́чникъ ро́ждшаѧ, и҆зба́ви мѧ̀ зно́ѧ грѣхо́внагѡ, и҆ къ жи́зни пꙋтево́дстви, две́ре бжⷭ҇твенныѧ жи́зни, вопїю́ща: гдⷭ҇а по́йте дѣла̀, и҆ превозноси́те є҆го̀ во вѣ́ки."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Всѧ́къ земноро́дный да взыгра́етсѧ, дх҃омъ просвѣща́емь, да торжествꙋ́етъ же безпло́тныхъ ᲂу҆мѡ́въ є҆стество̀, почита́ющее свѧще́нное торжество̀ бг҃ома́тере, и҆ да вопїе́тъ: ра́дꙋйсѧ, всеблаже́ннаѧ бцⷣе, чⷭ҇таѧ приснодв҃о."
|
|
},
|
|
{
|
|
"type": "TEXT",
|
|
"value": "Возмо́гъ бж҃їею си́лою и҆ бл҃года́тїю, ѻ҆́ч҃е, побѣди́ти ѕмі́ѧ хва́лѧщасѧ безꙋ́мїемъ, и҆ па́гꙋбнꙋю главꙋ̀ є҆гѡ̀ сокрꙋши́ти, и҆ попра́въ нога́ми твои́ми. Тѣ́мже соше́дшесѧ, ᲂу҆ми́льною дꙋше́ю тебѐ ᲂу҆блажа́емъ."
|
|
},
|
|
{
|
|
"type": "TEXT",
|
|
"value": "Ꙗ҆ви́лсѧ є҆сѝ нб҃о высото́ю жи́тельства твоегѡ̀, чꙋдесы̀. Оу҆добрѧ́емь, всебога́те, ꙗ҆́кѡ бжⷭ҇твенными ѕвѣзда́ми, и҆ просвѣща́еши дꙋ́шы благоче́стнѡ всегда̀ приходѧ́щихъ тебѣ̀, и҆ чтꙋ́щихъ вѣ́рою по́двиги твоѧ̑, бг҃оно́сне, свѣти́ло свѣтлѣ́йшее."
|
|
},
|
|
{
|
|
"type": "TEXT",
|
|
"value": "Оу҆ста́вилъ є҆сѝ страсте́й течє́нїѧ, прпⷣбне, тꙋ́чами сле́зъ твои́хъ, стрꙋи̑ притека́ющымъ чꙋде́съ то́чиши, бг҃облаже́нне: ѿрѣва́еши зно́й страсте́й всегда̀, палла́дїе сла́вне, цр҃кве честно́е ᲂу҆добре́нїе."
|
|
},
|
|
{
|
|
"type": "TEXT",
|
|
"value": "Процвѣ́лъ є҆сѝ ꙗ҆́вѣ ꙗ҆́кѡ ши́покъ благово́нный въ цр҃кви хрⷭ҇то́вѣ, и҆ ѡ҆благоꙋха́лъ є҆сѝ чꙋде́сными вонѧ́ми мі́ра концы̀. Тѣ́мже бжⷭ҇твеннꙋю твою̀ па́мѧть торжествꙋ́емъ, въ не́йже всѣ̑мъ и҆спросѝ ѡ҆ставле́нїе, бг҃оно́сне, мно́гихъ согрѣше́нїй."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Свѣ́тъ и҆́же и҆зъ свѣ́та, возсїѧ̀ и҆зъ чре́ва твоегѡ̀, мт҃и приснодв҃о, и҆ пре́лести тмꙋ̀ ѿгна̀, и҆ земны̑ѧ концы̀ всѧ̑ просвѣтѝ. Тѣ́мже вѣ́рою, ра́дꙋйсѧ, зове́мъ тебѣ̀, бцⷣе, прпⷣбныхъ похвало̀."
|
|
},
|
|
{
|
|
"type": "HEADER",
|
|
"value": "Стїхи̑ры, гла́съ а҃."
|
|
},
|
|
{
|
|
"type": "TEXT",
|
|
"value": "Подо́бенъ: Всехва́льнїи мꙋ́чєницы:"
|
|
},
|
|
{
|
|
"type": "TEXT",
|
|
"value": "Припѣ́въ: Прпⷣбне ѻ҆́ч҃е палла́дїе, молѝ бг҃а ѡ҆ на́съ."
|
|
},
|
|
{
|
|
"type": "TEXT",
|
|
"value": "Оу҆́мъ тво́й просвѣща́емь свѣ́томъ, всебл҃же́нне палла́дїе, трисо́лнечнагѡ бжⷭ҇тва̀ хра́мъ бы́лъ є҆сѝ чи́стый, бжⷭ҇твєнныѧ ст҃а́гѡ дх҃а зари̑ разꙋ́мнѡ прїе́млѧ. Тѣ́мже моли́сѧ, дарова́ти дꙋша́мъ на́шымъ ми́ръ и҆ ве́лїю ми́лость."
|
|
},
|
|
{
|
|
"type": "TEXT",
|
|
"value": "А҆́гг҃лы споспѣ́шники и҆мѣ́ѧ, мꙋ́дре, ᲂу҆крѣплѧ́ющыѧ тѧ̀, де́мѡнскаѧ мечта̑нїѧ, и҆ лꙋка̑ваѧ дѣѧ̑нїѧ ѿрази́лъ є҆сѝ, ѻ҆́ч҃е, и҆ пꙋ́ть проше́лъ є҆сѝ, вводѧ́щїй къ бжⷭ҇твенномꙋ поко́ю. Тѣ́мже моли́сѧ, дарова́ти дꙋша́мъ на́шымъ ми́ръ и҆ ве́лїю ми́лость."
|
|
},
|
|
{
|
|
"type": "HEADER",
|
|
"value": "Сла́ва:"
|
|
},
|
|
{
|
|
"type": "TEXT",
|
|
"value": "Дꙋше́вною чистото́ю, мꙋ́дре, бг҃оно́сне сла́вне, чи́стомꙋ ᲂу҆подо́бивсѧ бг҃ꙋ зижди́телю твоемꙋ̀, же́ртва жива̀ томꙋ̀ прине́слсѧ є҆сѝ, ꙗ҆́кѡ храни́тель тогѡ̀ повелѣ́нїй. Тѣ́мже моли́сѧ, дарова́ти дꙋша́мъ на́шымъ ми́ръ и҆ ве́лїю ми́лость."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Пречⷭ҇тый хра́мъ бж҃їй, нб҃съ ши́ршїй и҆ херꙋві̑мъ ст҃ѣ́йшїй, бг҃облагода́тнаѧ всест҃а́ѧ ѻ҆трокови́це, ᲂу҆́мъ мо́й ѡ҆благодатѝ, и҆ просвѣтѝ сердє́чныѧ ѻ҆́ч҃и, подаю́щи мѝ благопрїѧ́тнымъ твои́мъ хода́тайствомъ прегрѣше́нїй всѣ́хъ ѿпꙋще́нїе."
|
|
},
|
|
{
|
|
"type": "HEADER",
|
|
"value": "Крⷭ҇тобг҃оро́диченъ. Подо́бенъ то́йже:"
|
|
},
|
|
{
|
|
"type": "TEXT",
|
|
"value": "Дв҃а нескве́рнаѧ дре́вле, на дре́вѣ зрѧ́щи бг҃а, є҆го́же и҆зъ безсѣ́менна чре́ва родѝ, не терпѧ́щи ᲂу҆тро́бнагѡ ᲂу҆ѧзвле́нїѧ, терза́ющисѧ глаго́лаше: ма́нїемъ содержа́й всю̀ тва́рь, ка́кѡ, ꙗ҆́кѡ ѡ҆сꙋ́жденникъ, на крⷭ҇тѣ̀ распѧ́лсѧ є҆сѝ, хотѧ́й спастѝ всѐ человѣ́чество;"
|
|
},
|
|
{
|
|
"type": "HEADER",
|
|
"value": "На ᲂу҆́трени ѻ҆́ба канѡ́на ѻ҆ктѡ́иха, безъ мꙋ́ченичнѡвъ:"
|
|
},
|
|
{
|
|
"type": "HEADER",
|
|
"value": "И҆ ст҃а́гѡ на ѕ҃, творе́нїе і҆ѡ́сифово. гла́съ в҃, є҆гѡ́же краегране́сїе:"
|
|
},
|
|
{
|
|
"type": "TEXT",
|
|
"value": "Пе́рсїна і҆а́кѡва пѣ́сньми мꙋ́ченика пою̀."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Грѧди́те, лю́дїе, пои́мъ пѣ́снь хрⷭ҇тꙋ̀ бг҃ꙋ, раздѣ́льшемꙋ мо́ре, и҆ наста́вльшемꙋ лю́ди, ꙗ҆̀же и҆зведѐ и҆зъ рабо́ты є҆гѵ́петскїѧ, ꙗ҆́кѡ просла́висѧ."
|
|
},
|
|
{
|
|
"type": "TEXT",
|
|
"value": "Хрⷭ҇то́вꙋ престо́лꙋ ны́нѣ предстоѧ̀ вѣнцено́сецъ, сла́вне мꙋ́чениче і҆а́кѡве, свѣтоно́снꙋю мнѣ̀ зарю̀ и҆ благода́ть съ нб҃сѐ да́ждь моли́твами твои́ми."
|
|
},
|
|
{
|
|
"type": "TEXT",
|
|
"value": "Ꙗ҆́коже ᲂу҆́тро на́мъ возсїѧ́лъ є҆сѝ многосвѣ́тлое, ѿ восто́ка и҆сходѧ̀, и҆ просвѣти́лъ є҆сѝ хрⷭ҇то́вꙋ цр҃ковь свѣ́тлостїю страда́нїй, мч҃ниче і҆а́кѡве."
|
|
},
|
|
{
|
|
"type": "TEXT",
|
|
"value": "Ю҆́ношеское сопротивле́нїе показа́въ, ꙗ҆́кѡ побѣди́тель, сподо́билсѧ є҆сѝ по́чести, и҆ соверше́ннагѡ натрижне́нїѧ, и҆ сла́вы вѣ́чныѧ, мꙋ́чениче і҆а́кѡве."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Прⷪ҇ро́чєскїѧ тѧ̀ трꙋбы̑ провозвѣсти́ша, є҆́же ѡ҆ тебѣ̀ та́инство проповѣ́дающе, бцⷣе дв҃о, и҆здале́ча зрѧ́ще твоѧ̑ чꙋдеса̀."
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆твердѝ на́съ въ тебѣ̀, гдⷭ҇и, дре́вомъ ᲂу҆мерщве́й грѣ́хъ, и҆ стра́хъ тво́й всадѝ въ сердца̀ на́съ пою́щихъ тѧ̀."
|
|
},
|
|
{
|
|
"type": "TEXT",
|
|
"value": "Бы́лъ є҆сѝ ꙗ҆́кѡ и҆збра́нна хрⷭ҇то́ва лоза̀, серпо́мъ мꙋче́нїй ѡ҆чища́ема, и҆ мно́гъ пло́дъ носѧ́щаѧ, въ точи́лѣхъ сп҃совыхъ приноси́мый."
|
|
},
|
|
{
|
|
"type": "TEXT",
|
|
"value": "Текꙋ́щихъ тлѣ́нное и҆ ᲂу҆доборазрѣ́шное презрѣ́лъ є҆сѝ смы́сленнѡ, вѣнцено́сче: ꙗ҆́кѡ ѻ҆строꙋ́мный же пред̾избра́лъ є҆сѝ приснопребыва́ющихъ незы́бленное."
|
|
},
|
|
{
|
|
"type": "TEXT",
|
|
"value": "Вѣнцы̀ тебѣ̀ свѣ́тлы, раздроблѧ́емое тѣ́ло сꙋровство́мъ мꙋчи́телей и҆схода́тайствова, і҆а́кѡве, и҆ пи́щи ра́йскїѧ наслажде́нїе."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Поми́ловано бы́сть ꙗ҆́вѣ ржⷭ҇тво́мъ твои́мъ бжⷭ҇твеннымъ, дв҃о, человѣ́чество, соедини́вшеесѧ по ѵ҆поста́си влⷣцѣ всѣ́хъ, бг҃оневѣ́сто."
|
|
},
|
|
{
|
|
"type": "HEADER",
|
|
"value": "Сѣда́ленъ, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Премꙋ́дрости:"
|
|
},
|
|
{
|
|
"type": "TEXT",
|
|
"value": "И҆зъ персі́ды ѕвѣздꙋ̀ новоѧвле́ннꙋю, хрⷭ҇то́съ возсїѧ̀ земны̑мъ бжⷭ҇твеннаго і҆а́кѡва, и҆ приснопа́мѧтнаго мꙋ́ченика: тогѡ̀ ра́ди пре́лести мра́къ ѿгна̀, и҆ вѣ̑рнымъ бл҃года́ть дх҃а возсїѧ̀. Тѣ́мже па́мѧть є҆гѡ̀ соверша́юще вѣ́рнѡ пра́зднꙋимъ, и҆ возопїи́мъ глаго́люще: страстоте́рпче многострада́льне, молѝ хрⷭ҇та̀ бг҃а, грѣхѡ́въ ѡ҆ставле́нїе дарова́ти пра́зднꙋющымъ любо́вїю свѧтꙋ́ю па́мѧть твою̀. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Въ ти́нꙋ впа́дъ грѣхѡ́въ, и҆ нѣ́сть мнѣ̀ постоѧ́нїѧ, лю́тѣ потопи́ мѧ бꙋ́рѧ прегрѣше́нїй: но ꙗ҆́кѡ ро́ждши сло́во, є҆ди́наго человѣколю́бца, на мѧ̀ раба̀ твоего̀ при́зри, и҆ и҆зба́ви мѧ̀ всѧ́кагѡ грѣха̀, и҆ страсте́й дꙋшетлѣ́нныхъ, и҆ всѧ́кагѡ ѡ҆ѕлобле́нїѧ лꙋка́вагѡ ᲂу҆бі́йцы, бцⷣе неискꙋсомꙋ́жнаѧ: молѝ хрⷭ҇та̀ бг҃а грѣхѡ́въ ѡ҆ставле́нїе да́ти мѝ, тебе́ бо наде́ждꙋ и҆́мамъ ра́бъ тво́й."
|
|
},
|
|
{
|
|
"type": "TEXT",
|
|
"value": "Крⷭ҇тобг҃оро́диченъ: Дв҃а и҆ мт҃и и҆зба́вителѧ, крⷭ҇тꙋ̀ предстоѧ́щи, болѣ́зненнѡ со слеза́ми рыда́ющи, мт҃рски вопїѧ́ше: что̀ стра́нное сїѐ, и҆ пресла́вное, сн҃е; и҆сточа́ѧй всѣ̑мъ человѣ́кѡмъ безстра́стїе, посредѣ̀ ѡ҆сꙋждє́ною на крⷭ҇тѣ̀ распѧ́лсѧ є҆сѝ, въ рє́бра пробода́емь, и҆ же́лчїю напаѧ́емь, ѿ рꙋ́къ, ꙗ҆̀же созда́лъ є҆сѝ; но воста́ни, и҆ да́рꙋй прегрѣше́нїй ѡ҆ставле́нїе вѣ́рою пою́щымъ бжⷭ҇твєннаѧ твоѧ̑ страда̑нїѧ."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆слы́шахъ, гдⷭ҇и, слꙋ́хъ твоегѡ̀ смотре́нїѧ, и҆ просла́вихъ тѧ̀, є҆ди́не чл҃вѣколю́бче."
|
|
},
|
|
{
|
|
"type": "TEXT",
|
|
"value": "Вжилѧ́емь, сла́вне, ѿ бг҃а да́ннымъ тебѣ̀ всеѻрꙋ́жїемъ, ѻ҆гнеслꙋжи́телей ле́сть всю̀ попали́лъ є҆сѝ."
|
|
},
|
|
{
|
|
"type": "TEXT",
|
|
"value": "Ѡ҆чище́нїе на́мъ и҆спросѝ, честнꙋ́ю твою̀ па́мѧть соверша́ющымъ, дерзнове́нїе и҆мѣ́ѧ, мꙋ́чениче і҆а́кѡве."
|
|
},
|
|
{
|
|
"type": "TEXT",
|
|
"value": "Текꙋ́щыѧ кро́ве то́ки ѿ твои́хъ ᲂу҆де́съ, треблаже́нне, пре́лести пла́мень ве́сь погаси́ша."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Оу҆пра́ви моѧ̑ помышлє́нїѧ, пречⷭ҇таѧ, къ благоти́хомꙋ приста́нищꙋ твоегѡ̀ безстра́стїѧ и҆ чистоты̀."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "TEXT",
|
|
"value": "І҆рмо́съ: Свѣ́та пода́телю, и҆ вѣкѡ́въ тво́рче, гдⷭ҇и, во свѣ́тѣ твои́хъ повелѣ́нїй наста́ви на́съ: ра́звѣ бо тебє̀, и҆но́гѡ бо́га не зна́емъ."
|
|
},
|
|
{
|
|
"type": "TEXT",
|
|
"value": "Ꙗ҆́коже нѣ́каѧ землѧ̀ блага́ѧ, и҆ добропло́днаѧ и҆́стиннѡ бы́лъ є҆сѝ, ра́ломъ го́рькихъ мꙋ́къ раздроблѧ́емь, мꙋ́дре, многокла́сное зижди́телю приносѧ̀ земледѣ́ланїе."
|
|
},
|
|
{
|
|
"type": "TEXT",
|
|
"value": "Стрѣ́лы, всеизѧ́щне, разжжє́ныѧ вра̑жїѧ ᲂу҆гаси́лъ є҆сѝ кро́вїю ѿсѣ́ченыхъ твои́хъ ᲂу҆де́съ тѣле́сныхъ, треблаже́нне: наде́ждею бо ꙗ҆ви́лсѧ є҆сѝ и҆ вѣ́рою ѡ҆гражда́емь."
|
|
},
|
|
{
|
|
"type": "TEXT",
|
|
"value": "Всепло́дно ꙗ҆́кѡ ѻ҆вча̀ хрⷭ҇тꙋ̀, премꙋ́дре, твои̑мъ ᲂу҆десє́мъ рѣ́жємымъ лю́тѣ, побѣ́днꙋю пѣ́снь и҆ досто́йнꙋю хвалꙋ̀ на кі́йждо приноси́лъ є҆сѝ."
|
|
},
|
|
{
|
|
"type": "TEXT",
|
|
"value": "Дае́ши ѡ҆чище́нїе дꙋше́вныхъ мои́хъ скве́рнъ, сла́вне мꙋ́чениче хрⷭ҇то́въ, твоѧ̑ болѣ̑зни, и҆збавле́нїе подава́ѧ крове́й твоѧ̑ то́ки, всехва́льне."
|
|
},
|
|
{
|
|
"type": "TEXT",
|
|
"value": "Бг҃оро́диченъ: И҆́стинствꙋющїй честно́мꙋ и҆ стра́шномꙋ ржⷭ҇твꙋ̀ твоемꙋ̀ гла́съ се́рдцемъ и҆ ѧ҆зы́комъ приносѧ́ще ꙗ҆́снѡ, тѧ̀ ны́нѣ бцⷣꙋ чⷭ҇тꙋю и҆менꙋ́емъ."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Въ бе́зднѣ грѣхо́внѣй валѧ́ѧсѧ, неизслѣ́днꙋю милосе́рдїѧ твоегѡ̀ призыва́ю бе́зднꙋ: ѿ тлѝ, бж҃е, мѧ̀ возведѝ."
|
|
},
|
|
{
|
|
"type": "TEXT",
|
|
"value": "Поꙋче́нїе смы́сленнѡ прїе́мъ бли́жнихъ твои́хъ, ра́дꙋѧсѧ ᲂу҆стреми́лсѧ є҆сѝ къ подвигѡ́мъ, сла́вне, и҆ вѣнцы̀ побѣ́ды прїѧ́лъ є҆сѝ."
|
|
},
|
|
{
|
|
"type": "TEXT",
|
|
"value": "Ꙗ҆́коже въ чꙋжде́мъ тѣлесѝ стражда̀, терпѣ́лъ є҆сѝ, мꙋ́чениче і҆а́кѡве, и҆ на ᲂу҆́ды раздроблѧ́емь, влⷣцѣ пѣ́снь возсыла́лъ є҆сѝ."
|
|
},
|
|
{
|
|
"type": "TEXT",
|
|
"value": "Спасе́нїѧ въ ри́зꙋ ꙗ҆́вственнѡ, и҆ весе́лїѧ ѻ҆де́ждꙋ, кро́вїю твое́ю ѡ҆багри́вшꙋюсѧ, премꙋ́дре, побѣдоно́сецъ ꙗ҆́кѡ мꙋ́ченикъ ѡ҆бле́клсѧ є҆сѝ."
|
|
},
|
|
{
|
|
"type": "TEXT",
|
|
"value": "Мꙋче́нїѧ преплы́тїе соверши́въ, тѣ́мже свѧщеннопобѣ́дный вѣне́цъ прїѧ́лъ є҆сѝ: и҆ ны́нѣ съ мч҃ническими чи́нми сликовствꙋ́еши досто́йнѡ, і҆а́кѡве сла́вне."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Неискꙋсомꙋ́жнѡ, дв҃о, родила̀ є҆сѝ, и҆ вѣ́чнꙋеши дв҃а, ꙗ҆влѧ́ющи и҆́стиннагѡ бжⷭ҇тва̀, сн҃а и҆ бг҃а твоегѡ̀ зна́мєнїѧ."
|
|
},
|
|
{
|
|
"type": "HEADER",
|
|
"value": "Конда́къ, гла́съ в҃."
|
|
},
|
|
{
|
|
"type": "TEXT",
|
|
"value": "Подо́бенъ: Вы́шнихъ и҆щѧ̀:"
|
|
},
|
|
{
|
|
"type": "TEXT",
|
|
"value": "Оу҆вѣ́ривсѧ до́брою сопрꙋ́жницею, терпѣливодꙋ́шне, и҆ стра́шнагѡ сꙋди́ща ᲂу҆боѧ́всѧ, пе́рсское повелѣ́нїе и҆ стра́хъ, і҆а́кѡве, поплева́лъ є҆сѝ, и҆ ꙗ҆ви́лсѧ є҆сѝ мꙋ́ченикъ честны́й, тѣ́ломъ ꙗ҆́кѡ розга̀ рѣ́жемь."
|
|
},
|
|
{
|
|
"type": "TEXT",
|
|
"value": "І҆́косъ: Ѿ дꙋшѝ возстене́мъ всѝ, сле́зы пролива́юще, зрѧ́ще мꙋ́ченика го́рькѡ раздроблѧ́ема, подо́бнѡ псѡ́мъ рыка́ющымъ, соше́дшесѧ ᲂу҆́ды растерза́ютъ чꙋ́днагѡ и҆ до́блѧгѡ въ свидѣ́телехъ мꙋ́ченика, что̀ ᲂу҆́бѡ є҆́сть, да прирекꙋ̀; а҆́ще хо́щете, ма́лѡ пожди́те, и҆ рекꙋ̀ всѧ̑ со тща́нїемъ: ка́кѡ во є҆ди́нъ де́нь бы́сть сме́рть, тѣ́ломъ і҆а́кѡвъ ꙗ҆́кѡ розга̀ рѣ́жемь."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ѻ҆́бразꙋ злато́мꙋ, на по́лѣ деи́рѣ слꙋжи́мꙋ, трїѐ твоѝ ѻ҆́троцы небрего́ша безбо́жнагѡ велѣ́нїѧ, посредѣ́ же ѻ҆гнѧ̀ вве́ржени, ѡ҆роша́еми поѧ́хꙋ: бл҃гослове́нъ є҆сѝ, бж҃е ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Крѣ́постїю ᲂу҆́мною, терпѣ́нїемъ же дꙋше́внымъ, раздроблѧ́емꙋ, мꙋ́чениче, твоемꙋ̀ тѣ́лꙋ, непрело́женъ и҆ непрекло́ненъ бы́лъ є҆сѝ вѣ́рою ᲂу҆крѣплѧ́емь бжⷭ҇твенною, и҆ зовы́й, і҆а́кѡве: бл҃гослове́нъ є҆сѝ, гдⷭ҇и бж҃е ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "И҆спра́вивъ твоѧ̑ помышлє́нїѧ къ смотре́нїю вы́шнѧгѡ зва́нїѧ, и҆ мꙋ́ками ѡ҆блива́емь не потопи́лсѧ є҆сѝ: но терпѧ̀ ᲂу҆до́бнѡ ꙗ҆́звы беззако́нныхъ, и҆ разсѣка́емь, пѣ́лъ є҆сѝ: бл҃гослове́нъ є҆сѝ, гдⷭ҇и бж҃е ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Бл҃же́нъ є҆сѝ, и҆ добро̀ тебѣ̀ є҆́сть ны́нѣ, блаже́ннѣйше, побѣди́вшꙋ тѝ неꙋкроти́мое лꙋка́вагѡ свирѣ́пство и҆ мꙋчи́телевꙋ ꙗ҆́рость, ᲂу҆се́рднѡ зовꙋ́щꙋ тѝ: бл҃гослове́нъ є҆сѝ, гдⷭ҇и бж҃е ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Незаходи́магѡ свѣ́та, и҆ свѣщѝ бжⷭ҇твеннагѡ сїѧ́нїѧ, ꙗ҆ви́ласѧ є҆сѝ свѣ́щникъ златосїѧ́ющь, и҆ мі́ръ ве́сь ѡ҆зарѧ́ющь заре́ю честна́гѡ дѣ́вства, и҆ пою́щыѧ спаса́еши: бл҃гослове́ннаѧ, ꙗ҆́же бг҃а пло́тїю ро́ждшаѧ."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "TEXT",
|
|
"value": "І҆рмо́съ: Въ пе́щь ѻ҆́гненнꙋю ко ѻ҆трокѡ́мъ є҆врє́йскимъ снизше́дшаго и҆ пла́мень въ ро́сꙋ прело́жшаго бг҃а, по́йте дѣла̀, ꙗ҆́кѡ гдⷭ҇а, и҆ превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Си́лою бж҃їею ᲂу҆крѣпи́всѧ, лꙋка́выхъ собѡ́рища и҆ ѡ҆полчє́нїѧ разогна́лъ є҆сѝ, блаже́нне, и҆ держа́внѡ ѿгна́въ, побѣ́ды вѣне́цъ прїѧ́лъ є҆сѝ, зовы́й: благослови́те всѧ̑ дѣла̀ гдⷭ҇нѧ, гдⷭ҇а, по́йте и҆ превозноси́те є҆го̀ во вѣ́ки."
|
|
},
|
|
{
|
|
"type": "TEXT",
|
|
"value": "Ѿѧ̑тїѧ ᲂу҆де́съ, ꙗ҆́кѡ приложє́нїѧ благи́хъ, мꙋ́чениче, зрѣ́лъ є҆сѝ, не ны̑нѣшнїѧ ви́дѧ бѡлѣ́зни, но бꙋ́дꙋщее смотрѧ́ѧ мꙋ́ченикѡвъ кра́сное вѣнча́нїе, ѿ пра́веднагѡ сꙋдїѝ ᲂу҆гото́ванное."
|
|
},
|
|
{
|
|
"type": "TEXT",
|
|
"value": "Терпѣ́нїе преесте́ственное стѧжа́въ тве́рдѡ, ꙗ҆́коже сто́лпъ пре́былъ є҆сѝ, блаже́нне, вра̑жїѧ стремлє́нїѧ безстра́шнѡ и҆ стрѣ́лы прїе́млѧ, зовы́й: благослови́те хрⷭ҇та̀ во вѣ́ки."
|
|
},
|
|
{
|
|
"type": "TEXT",
|
|
"value": "Оу҆стремле́нїемъ мно́гимъ тебѣ̀ приложи́всѧ началоѕло́бный вра́гъ и҆ дꙋшетлѣ́нный, и҆ мꙋчи́тели подви́гнꙋвъ низложи́ти дꙋшѝ твоеѧ̀ крѣ́пость, и҆ не возмо́же, сла́вне: во всеѻрꙋ́жїе бо хрⷭ҇то́во ѡ҆дѣ́ѧлъ є҆сѝ себѐ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Безсме́ртїѧ проза́рный вѣ́мы тѧ̀ и҆сто́чникъ, бцⷣе, ꙗ҆́кѡ ро́ждшꙋю сло́во безсме́ртнаго ѻ҆ц҃а̀, всѧ̑ сме́рти и҆зба́вльшаго, превозносѧ́щыѧ є҆го̀ во вѣ́ки."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ѿ бг҃а бг҃а сло́ва, неизрече́нною мꙋ́дростїю прише́дшаго ѡ҆бнови́ти а҆да́ма, ꙗ҆́дїю въ тлѣ́нїе па́дшаго лю́тѣ, ѿ ст҃ы́ѧ дв҃ы неизрече́ннѡ воплоти́вшагосѧ на́съ ра́ди, вѣ́рнїи, є҆диномꙋ́дреннѡ пѣ́сньми велича́емъ."
|
|
},
|
|
{
|
|
"type": "TEXT",
|
|
"value": "Съ мꙋ́чєники ꙗ҆́кѡ мч҃никъ сликовствꙋ́ѧ, треблаже́нне, и҆ прⷭ҇то́лꙋ предстоѧ̀ хрⷭ҇то́вꙋ, соверша́ющыѧ па́мѧть твою̀, и҆ тво́й свѣтоно́сный съ весе́лїемъ дне́сь чтꙋ́щыѧ пра́здникъ лю́тыхъ бѣ́дъ твои́ми моли́твами и҆зба́ви."
|
|
},
|
|
{
|
|
"type": "TEXT",
|
|
"value": "И҆дѣ́же мꙋ́ченикѡвъ собо́ри, и҆дѣ́же всѣ́хъ ст҃ы́хъ ст҃о́е ᲂу҆поко́исѧ мно́жество, и҆дѣ́же пра́ведныхъ дꙋ́си, и҆дѣ́же цр҃ковь перворожде́нныхъ, ны́нѣ на нб҃сѣ́хъ всели́лсѧ є҆сѝ вои́стиннꙋ ꙗ҆́кѡ мч҃никъ, ѽ і҆а́кѡве!"
|
|
},
|
|
{
|
|
"type": "TEXT",
|
|
"value": "Свѣщено́сецъ предста́лъ є҆сѝ сп҃сꙋ всѣ́хъ, за него́же тѣ́ла твоегѡ̀ ᲂу҆де́съ ѿсѣче́нїе претерпѣ́лъ є҆сѝ, и҆ ѻ҆гнѧ̀ и҆ ра̑нъ и҆скꙋше́нїѧ неради́лъ є҆сѝ крѣ́пкѡ: тѣ́мже тѧ̀ всѝ вѣ́рою и҆ любо́вїю ᲂу҆блажа́емъ, і҆а́кѡве."
|
|
},
|
|
{
|
|
"type": "TEXT",
|
|
"value": "И҆спещре́нною баграни́цею, кровьмѝ твои́ми ѡ҆червленѣ́вшеюсѧ ны́нѣ ѡ҆дѣ́ѧнъ, со хрⷭ҇то́мъ ца́рствꙋеши, і҆а́кѡве: страстьми́ бо безстра́стїѧ ѡ҆брѣ́лъ є҆сѝ и҆сто́чникъ, є҆гѡ́же наслажда́тисѧ вѣ́чнѡ, всебл҃же́нне, сподо́билсѧ є҆сѝ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ꙗ҆́кѡ бг҃а заче́ншꙋю, и҆ бж҃їю мт҃рь бы́вшꙋю и҆́стиннѡ чⷭ҇тꙋю, тѧ̀ бцⷣꙋ сла́вимъ, веще́й є҆стествꙋ̀, зва́нїе прили́чествꙋюще ꙗ҆́снѡ, и҆ подо́бнѡ бжⷭ҇твенный тебѣ̀ гла́съ приносѧ́ще."
|
|
},
|
|
{
|
|
"type": "HEADER",
|
|
"value": "Свѣти́ленъ."
|
|
},
|
|
{
|
|
"type": "TEXT",
|
|
"value": "Подо́бенъ: Дх҃омъ во ст҃и́лищи:"
|
|
},
|
|
{
|
|
"type": "TEXT",
|
|
"value": "Ꙗ҆́кѡ ло́зꙋ ѡ҆брѣ́заемꙋ мно́гими мꙋ́ками, просла́ви гдⷭ҇и, ꙗ҆́кѡ вїногра́дъ честны́й, вїно̀ и҆сточа́ющь, ѿ и҆стѡ́чникъ крове́й твои́хъ, і҆а́кѡве страстоте́рпче, и҆ покрови́телю любо́вїю всесвѧще́ннꙋю твою̀ па́мѧть досто́йнѡ творѧ́щихъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Нѣ́сть ѿню́дъ во мнѣ̀ спасе́нїѧ, дв҃о, ꙗ҆́кѡ ѕлѣ̀ впадо́хъ во глꙋбинꙋ̀ грѣхо́внꙋю, и҆ ѡ҆жида́ю преще́нїѧ, и҆ стра́шнагѡ мꙋче́нїѧ, и҆ кѡ́злищь ча́сти, ᲂу҆ще́дри мѧ̀ пре́жде сꙋда̀, ꙗ҆́кѡ сꙋ́щи те́плое застꙋпле́нїе, бцⷣе."
|
|
},
|
|
{
|
|
"type": "HEADER",
|
|
"value": "На стїхо́внѣ ѻ҆ктѡ́иха. Сла́ва, ст҃а́гѡ, гла́съ в҃."
|
|
},
|
|
{
|
|
"type": "TEXT",
|
|
"value": "Стꙋді́тово: Терпѧ̀ въ страда́нїихъ, мꙋ́чениче і҆а́кѡве, тѣ́ло твоѐ преда́лъ є҆сѝ за хрⷭ҇та̀ бг҃а, и҆ раздроблѧ́емь рꙋ́цѣ и҆ стє́гна, и҆ мы̑шцы и҆ лы̑ста и҆ пе́рсты, и҆ коне́чное главꙋ̀ твою̀, возлетѣ́лъ є҆сѝ на нб҃са̀, сца́рствꙋѧ цр҃ю̀ всѣ́хъ. Тѣ́мже, страда́льцємъ держа́внѣйше, не ѡ҆скꙋдѣва́й молѧ́сѧ спасти́сѧ дꙋша́мъ на́шымъ ѿ всѧ́кагѡ вре́да чꙋжда́гѡ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ и҆лѝ крⷭ҇тобг҃оро́диченъ."
|
|
},
|
|
{
|
|
"type": "TEXT",
|
|
"value": "Подо́бенъ: Є҆гда̀ ѿ дре́ва:"
|
|
},
|
|
{
|
|
"type": "TEXT",
|
|
"value": "Є҆гда̀ нескве́рнаѧ а҆́гница ви́дѣ своего̀ а҆́гнца, на заколе́нїе ꙗ҆́кѡ чл҃вѣ́ка во́лею влеко́ма, пла́чꙋщи гл҃го́лаше: безча́дствовати мѧ̀ ны́нѣ тщи́шисѧ, хрⷭ҇тѐ, ро́ждшꙋю тѧ̀. Что̀ сїѐ сотвори́лъ є҆сѝ, и҆зба́вителю всѧ́ческихъ; ѻ҆ба́че воспѣва́ю и҆ сла́влю твою̀, ю҆́же па́че ᲂу҆ма̀ и҆ сло́ва, кра́йнюю бл҃гость, чл҃вѣколю́бче."
|
|
},
|
|
{
|
|
"type": "HEADER",
|
|
"value": "На лїтꙋргі́и прокі́менъ, гла́съ д҃:"
|
|
},
|
|
{
|
|
"type": "TEXT",
|
|
"value": "Ст҃ы̑мъ, и҆̀же сꙋ́ть на землѝ є҆гѡ̀, ᲂу҆дивѝ гдⷭ҇ь всѧ̑ хотѣ̑нїѧ своѧ̑ въ ни́хъ."
|
|
},
|
|
{
|
|
"type": "HEADER",
|
|
"value": "А҆пⷭ҇лъ ко є҆фесе́ємъ, зача́ло сл҃г."
|
|
},
|
|
{
|
|
"type": "TEXT",
|
|
"value": "А҆ллилꙋ́їа: Мнѡ́ги скѡ́рби пра́вєднымъ:"
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе і҆ѡа́нна зача́ло н҃."
|
|
},
|
|
{
|
|
"type": "TEXT",
|
|
"value": "Прича́стенъ: Въ па́мѧть вѣ́чнꙋю:"
|
|
}
|
|
] |