598 lines
53 KiB
JSON
598 lines
53 KiB
JSON
[
|
|
{
|
|
"type": "HEADER",
|
|
"value": "Ное́мврїа к҃з"
|
|
},
|
|
{
|
|
"type": "HEADER",
|
|
"value": "И҆́же во ст҃ы́хъ ѻ҆ц҃а̀ на́шегѡ і҆а́кѡва є҆пі́скопа, росто́вскагѡ чꙋдотво́рца."
|
|
},
|
|
{
|
|
"type": "HEADER",
|
|
"value": "Ве́черъ, Блаже́нъ мꙋ́жъ: На Гдⷭ҇и, воззва́хъ, стїхи̑ры, гла́съ ѕ҃."
|
|
},
|
|
{
|
|
"type": "TEXT",
|
|
"value": "Подо́бенъ: Всѐ ѿло́жше:"
|
|
},
|
|
{
|
|
"type": "TEXT",
|
|
"value": "Ве́сь ѡ҆свѧще́нъ, и҆ бг҃оно́сецъ показа́лсѧ є҆сѝ, пома́занїе бж҃їе ст҃о́е, ст҃ы́мъ дх҃омъ ѡ҆бложе́нъ, и҆ свѣ́тлѡ входѧ̀ вы́нꙋ во ст҃а̑ѧ ст҃ы́хъ, бг҃онача́льными свѣтлостьмѝ ѡ҆зарѧ́емь, и҆ бл҃года́ти причаща́ѧсѧ спаси́тєльнымъ та́йнамъ, ꙗ҆́кѡ и҆́стинный і҆ера́рхъ пресла́венъ, со дерзнове́нїемъ моли́сѧ ѡ҆ дꙋша́хъ на́шихъ."
|
|
},
|
|
{
|
|
"type": "TEXT",
|
|
"value": "Просвѣти́сѧ житїѐ твоѐ добродѣ́тельными свѣтлостьмѝ, и҆ вѣ̑рныѧ просвѣти́лъ є҆сѝ, и҆ льстѝ тмꙋ̀ разгна́лъ є҆сѝ: и҆́стинное бо ꙗ҆ви́лсѧ є҆сѝ и҆ свѣтоза́рное сл҃нце, і҆ера́рше пребл҃же́нне і҆а́кѡве: и҆ ны́нѣ всели́лсѧ є҆сѝ, и҆дѣ́же сїѧ́етъ свѣ́тъ невече́рнїй, сы́нъ днѐ благода́тїю дх҃а ст҃а́гѡ бы́въ. Тѣ́мже твою̀ бжⷭ҇твеннꙋю па́мѧть и҆ свѣтоно́снꙋю, че́стнѡ соверша́юще, приснопа́мѧтне, любо́вїю почита́емъ."
|
|
},
|
|
{
|
|
"type": "TEXT",
|
|
"value": "Оу҆́мъ тво́й манове́нїемъ, є҆́же къ бг҃ꙋ, мꙋ́дре, вѣ́рою ᲂу҆добрѧ́емь, свѣ́телъ ꙗ҆ви́лсѧ є҆сѝ, всесла́вне, въ ме́ртвеннѣмъ тѣ́лѣ и҆ тлѣ́ннѣмъ, премꙋ́дре, нетлѣ́нїю поꙋчи́всѧ, притѧжа́лъ є҆сѝ безпло́тныхъ свѣ́тлѡсти, и҆ страсте́й внѣ̀ бы́въ, безстра́стїемъ ᲂу҆краша́ѧсѧ, і҆а́кѡве ѻ҆́ч҃е, і҆ера́рше премꙋ́дре, свѣтлѣ́йшее свѣти́ло и҆ моли́твенниче ѡ҆ чтꙋ́щихъ вѣ́рою па́мѧть твою̀."
|
|
},
|
|
{
|
|
"type": "HEADER",
|
|
"value": "И҆́ны стїхи̑ры, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Ѽ пресла́внагѡ чꙋдесѐ!"
|
|
},
|
|
{
|
|
"type": "TEXT",
|
|
"value": "Прпⷣбне ѻ҆́ч҃е і҆а́кѡве, ты̀ є҆щѐ во ᲂу҆тро́бѣ сы́й ма́терни, а҆рхїере́йства прозва́нїе и҆́мѧ прїи́мъ нарече́нное, и҆змла́да хрⷭ҇та̀ возлюби́лъ є҆сѝ: врꙋчи́всѧ же па́ствѣ слове́сныхъ ѻ҆ве́цъ, до́брѣ па́слъ є҆сѝ цр҃ковь хрⷭ҇то́вꙋ. Тѣ́мъ пра́зднꙋемъ твоѐ ᲂу҆спе́нїе, ра́достїю се́рдца хрⷭ҇та̀ велича́емъ, прославлѧ́ющаго своего̀ ᲂу҆го́дника."
|
|
},
|
|
{
|
|
"type": "TEXT",
|
|
"value": "Прпⷣбне ѻ҆́ч҃е і҆а́кѡве, и҆спросѝ ꙗ҆̀же къ бг҃ꙋ моли́твами твои́ми цр҃кви ᲂу҆твержде́нїе, і҆ера́рха покры́й моли́твою твое́ю: благочєсти́вымъ же и҆ хрⷭ҇тѡлюби́вымъ побѣ̑ды да́рꙋй на врагѝ и҆ ѡ҆долѣ́нїе: гра́дꙋ же твоемꙋ̀ крѣ́пкое и҆ недви́жимое ᲂу҆твержде́нїе, и҆ вѣ̑рнымъ лю́демъ грѣхѡ́въ ѡ҆ставле́нїе и҆спросѝ, и҆ ѡ҆ всѣ́хъ на́съ, притека́ющихъ къ ра́цѣ моще́й твои́хъ, и҆ свѣ́тлѡ творѧ́щихъ пра́зднество ᲂу҆спе́нїѧ твоегѡ̀, свѧ́те, помоли́сѧ."
|
|
},
|
|
{
|
|
"type": "TEXT",
|
|
"value": "Прпⷣбне ѻ҆́ч҃е и҆ бг҃оно́се ст҃и́телю і҆а́кѡве, ты̀ вои́стиннꙋ ꙗ҆ви́лсѧ є҆сѝ просвѣща́ѧ всѣ́хъ ѡ҆мрачє́ннаѧ сердца̀, наставлѧ́ѧ на пꙋ́ть и҆́стинный. Ты̀ бы́лъ є҆сѝ ᲂу҆бѡ́гимъ и҆ сирота́мъ и҆ вдова́мъ застꙋ́пникъ, вельмо́жамъ тве́рдое наказа́нїе, и҆ ᲂу҆твержде́нїе всѣ̑мъ вѣ́рою притека́ющымъ подъ кро́въ пречⷭ҇тыѧ бж҃їѧ мт҃ре. И҆спросѝ, свѧ́те, грѣхѡ́въ ѡ҆ставле́нїе, молѧ́сѧ за ны̀ ко влⷣцѣ."
|
|
},
|
|
{
|
|
"type": "HEADER",
|
|
"value": "Сла́ва, гла́съ ѕ҃:"
|
|
},
|
|
{
|
|
"type": "TEXT",
|
|
"value": "А҆пⷭ҇лѡвъ ревни́телѧ і҆а́кѡва, преблаже́ннаго ѻ҆тца̀ и҆ ᲂу҆чи́телѧ, соше́дшесѧ дне́сь восхва́лимъ, и҆́мже хрⷭ҇та̀ бг҃а позна́хомъ. И҆ ѿ тмы̀ къ свѣ́тꙋ прибли́жившесѧ, ѻ҆́чи и҆ сердца̀ да просвѣти́мъ, и҆ въ па́мѧть є҆гѡ̀ ликовствꙋ́юще, кꙋ́пнѡ возвесели́мсѧ, ѡ҆брѣ́тше вожда̀, пра́вѡ ведꙋ́ща въ црⷭ҇твїе бж҃їе."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Кто̀ тебѐ не ᲂу҆блажи́тъ:"
|
|
},
|
|
{
|
|
"type": "HEADER",
|
|
"value": "Вхо́дъ, прокі́менъ днѐ, и҆ чтє́нїѧ г҃."
|
|
},
|
|
{
|
|
"type": "HEADER",
|
|
"value": "При́тчей чте́нїе. (Глава̀ і҃.)"
|
|
},
|
|
{
|
|
"type": "TEXT",
|
|
"value": "Па́мѧть пра́веднагѡ съ похвала́ми, и҆ благослове́нїе гдⷭ҇не на главѣ̀ є҆гѡ̀. Блаже́нъ человѣ́къ, и҆́же ѡ҆брѣ́те премꙋ́дрость: и҆ сме́ртенъ, и҆́же ᲂу҆вѣ́дѣ ра́зꙋмъ. Лꙋ́чше бо сїю̀ кꙋпова́ти, не́жели зла́та и҆ сребра̀ сокрѡ́вища. Честнѣ́йшаѧ же є҆́сть ка́менїй многоцѣ́нныхъ: все́ же честно́е недосто́йно є҆ѧ̀ є҆́сть. Долгота́ бо дне́й, и҆ лѣ̑та живота̀ въ десни́цѣ є҆ѧ̀: въ шꙋ́ицѣ же є҆ѧ̀ бога́тство и҆ сла́ва: ѿ ᲂу҆́стъ є҆ѧ̀ и҆схо́дитъ пра́вда, зако́нъ же и҆ ми́лость на ѧ҆зы́цѣ но́ситъ. Послꙋ́шайте ᲂу҆̀бо менє̀, ѽ ча̑да! Честна̑ѧ бо рекꙋ̀: и҆ бл҃же́нъ человѣ́къ, и҆́же пꙋти̑ моѧ̑ сохрани́тъ: и҆схо́ди бо моѝ, и҆схо́ди живота̀, и҆ ᲂу҆готовлѧ́етсѧ хотѣ́нїе ѿ гдⷭ҇а. Сегѡ̀ ра́ди молю̀ ва́съ, и҆ предлага́ю мо́й гла́съ сыновѡ́мъ человѣ́чєскимъ: ꙗ҆́кѡ а҆́зъ премꙋ́дрость ᲂу҆стро́ихъ, совѣ́тъ и҆ ра́зꙋмъ и҆ смы́слъ а҆́зъ призва́хъ. Мо́й совѣ́тъ и҆ ᲂу҆твержде́нїе, мо́й ра́зꙋмъ, моѧ́ же крѣ́пость. А҆́зъ менѐ лю́бѧщыѧ люблю̀, и҆́щꙋщїи же менѐ ѡ҆брѧ́щꙋтъ бл҃года́ть. Разꙋмѣ́йте ᲂу҆́бѡ, неѕло́бивїи, кова́рство, ненака́заннїи же, прилага́йте сердца̀. Послꙋ́шайте менє̀ и҆ па́ки, честна̑ѧ бо рекꙋ̀: и҆ ѿве́рзꙋ ѿ ᲂу҆сте́нъ пра̑ваѧ, ꙗ҆́кѡ и҆́стинѣ поꙋчи́тсѧ горта́нь мо́й, мє́рзски же предо мно́ю ᲂу҆стны̀ лжи̑выѧ. Съ пра́вдою всѝ глаго́лы ᲂу҆́стъ мои́хъ: ничто́же въ ни́хъ стро́потно, нижѐ развраще́нно. Всѧ̑ пра̑ва сꙋ́ть разꙋмѣва́ющымъ, и҆ прѡ́ста ѡ҆брѣта́ющымъ ра́зꙋмъ. Наꙋча́ю бо ва́съ и҆́стинѣ, да бꙋ́детъ ѡ҆ гдⷭ҇ѣ наде́жда ва́ша, и҆ и҆спо́лнитесѧ дх҃а."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́ни чте́нїе. (Главы̑ ѕ҃, з҃, и҃, ѳ҃ и҆ і҃.)"
|
|
},
|
|
{
|
|
"type": "TEXT",
|
|
"value": "Оу҆ста̀ првⷣнагѡ ка́плютъ премꙋ́дрость: ᲂу҆стнѣ́ же мꙋже́й. Мꙋ́дрыхъ вѣ́дѧтъ бл҃года́ть. Оу҆ста̀ мꙋ́дрыхъ поꙋча́тсѧ премꙋ́дрости, пра́вда же и҆збавлѧ́етъ и҆́хъ ѿ сме́рти. Сконча́вшꙋсѧ мꙋ́жꙋ пра́веднꙋ, не поги́бнетъ наде́жда. Сы́нъ бо пра́веденъ ражда́етсѧ въ живо́тъ, и҆ во бл҃ги́хъ свои́хъ пло́дъ пра́вды ѡ҆б̾и́метъ. Свѣ́тъ пра́вєднымъ всегда̀, и҆ ѿ гдⷭ҇а ѡ҆брѧ́щꙋтъ бл҃года́ть и҆ сла́вꙋ. Ѧ҆зы́къ мꙋ́дрыхъ дѡ́браѧ свѣ́сть, и҆ въ се́рдцѣ и҆́хъ почі́етъ мꙋ́дрость. Лю́битъ гдⷭ҇ь прпⷣбныѧ сердца̀, прїѧ́тни же є҆мꙋ̀ всѝ непоро́чнїи въ пꙋтѝ. Мꙋ́дрость гдⷭ҇нѧ просвѣща́етъ лицѐ разꙋ́мнагѡ. Постига́етъ бо жела́ющыѧ ю҆̀, пре́жде да́же разꙋмѣ́ти ю҆̀: и҆ ᲂу҆до́бь ᲂу҆́зритсѧ ѿ лю́бѧщихъ ю҆̀. Оу҆́треневавый къ не́й не ᲂу҆трꙋди́тсѧ: и҆ бдѧ́й є҆ѧ̀ ра́ди вско́рѣ безъ печа́ли бꙋ́детъ. Ꙗ҆́кѡ досто́йныхъ є҆ѧ̀ сама̀ ѡ҆бхо́дитъ и҆́щꙋщи, и҆ во стезѧ́хъ є҆ѧ̀ ꙗ҆влѧ́етсѧ и҆̀мъ благопрїе́мнѣ. Мꙋ́дрости никогда́же ѡ҆долѣ́етъ ѕло́ба. Си́хъ ра́ди и҆ рачи́тель бы́хъ добро́ты є҆ѧ̀: и҆ возлюби́хъ ю҆̀, и҆ поиска́хъ ѿ ю҆́ности моеѧ̀: и҆ взыска́хъ невѣ́стꙋ привестѝ себѣ̀, ꙗ҆́кѡ всѣ́хъ влⷣка возлюбѝ ю҆̀: Таи́нница бо є҆́сть бж҃їѧ хи́трости, и҆ ѡ҆брѣта́тельница дѣ́лъ є҆гѡ̀. Трꙋды̀ є҆ѧ̀ сꙋ́ть добродѣ́тєли: цѣломꙋ́дрїю же и҆ ра́зꙋмꙋ та̀ ᲂу҆чи́тъ, пра́вдѣ и҆ мꙋ́жествꙋ, и҆́хже потре́бнѣе ничто́же є҆́сть въ житїѝ человѣ́кѡмъ. А҆́ще же и҆ мно́гагѡ и҆скꙋ́сства жела́етъ кто̀, вѣ́сть дрє́внѧѧ, и҆ бы́ти хотѧ̑щаѧ разсмо́тритъ: свѣ́сть и҆зви̑тїѧ слове́съ, и҆ разрѣшє́нїѧ гада́нїй: зна́мєнїѧ и҆ чꙋдеса̀ проразꙋмѣ́етъ, и҆ сбытїѧ̑ време́нъ и҆ лѣ́тъ: и҆ всѣ̑мъ совѣ́тникъ є҆́сть бла́гъ, ꙗ҆́кѡ безсме́ртїе є҆́сть въ не́й, и҆ бл҃госла́вїе во ѻ҆бще́нїи слове́съ є҆ѧ̀. Сегѡ̀ ра́ди бесѣ́довахъ ко гдⷭ҇ꙋ, и҆ помоли́хсѧ є҆мꙋ̀, и҆ рѣ́хъ ѿ всегѡ̀ се́рдца моегѡ̀: бж҃е ѻ҆тцє́въ и҆ гдⷭ҇и ми́лости, сотвори́вый всѧ̑ сло́вомъ твои́мъ, и҆ мꙋ́дростїю твое́ю ᲂу҆стро́ивый человѣ́ка, да владѣ́етъ бы́вшими ѿ тебє̀ тварьмѝ, и҆ да ᲂу҆правлѧ́етъ мі́ръ въ прпⷣбїи и҆ пра́вдѣ, да́ждь мѝ твои́хъ престо́лѡвъ присѣдѧ́щꙋю премꙋ́дрость, и҆ не ѿлꙋчѝ менє̀ ѿ ѻ҆́трѡкъ твои́хъ, ꙗ҆́кѡ а҆́зъ ра́бъ тво́й, и҆ сы́нъ рабы́ни твоеѧ̀. Послѝ ю҆̀ съ нб҃съ ѿ ст҃а́гѡ жили́ща твоегѡ̀, и҆ ѿ престо́ла сла́вы твоеѧ̀, да сꙋ́щи со мно́ю наꙋчи́тъ мѧ̀, что̀ бл҃гоꙋго́дно є҆́сть предъ тобо́ю: и҆ наста́витъ мѧ̀ въ ра́зꙋмъ, и҆ сохрани́тъ мѧ̀ въ сла́вѣ свое́й. Помышлє́нїѧ бо сме́ртныхъ всѧ̑ боѧзли̑ва, и҆ погрѣши́тєльна ᲂу҆мышлє́нїѧ и҆́хъ."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́ни чте́нїе. (Главы̑ д҃, ѕ҃ и҆ з҃.)"
|
|
},
|
|
{
|
|
"type": "TEXT",
|
|
"value": "Похвалѧ́емꙋ пра́ведникꙋ, возвеселѧ́тсѧ лю́дїе: безсме́ртїе бо є҆́сть па́мѧть є҆гѡ̀, ꙗ҆́кѡ ѿ гдⷭ҇и познава́етсѧ, и҆ ѿ человѣ́кѡвъ: и҆ ᲂу҆го́да гдⷭ҇ꙋ дꙋша̀ є҆гѡ̀. Возлюби́те ᲂу҆́бѡ, ѽ мꙋ́жїе, мꙋ́дрость, и҆ поживетѐ: восхощи́те є҆ѧ̀, и҆ нака́зани бꙋ́дете: нача́ло бо є҆ѧ̀ любы̀ и҆ соблюде́нїе зако́на. Почти́те премꙋ́дрость, да во вѣ́ки ца́рствꙋете. Возвѣщꙋ̀ ва́мъ, и҆ не скры́ю ѿ ва́съ та̑инъ бж҃їихъ: ꙗ҆́кѡ то́й мꙋ́дрости наста́вникъ є҆́сть, и҆ мꙋ́дрыхъ и҆спра́витель и҆ всѧ́комꙋ смы́слꙋ и҆ дѣ́лꙋ хитре́цъ. И҆ всѣ̑мъ смы́слѡмъ наꙋчи́тъ мꙋ́дрость: є҆́сть бо въ не́й дꙋ́хъ разꙋ́менъ и҆ ст҃ъ, и҆ сїѧ́нїе свѣ́та присносꙋ́щнагѡ, и҆ ѻ҆́бразъ бл҃гости бж҃їѧ: та́ѧ дрꙋ́ги бж҃їѧ и҆ прⷪ҇ро́ки ᲂу҆строѧ́етъ. Бл҃голѣ́пнѣйши же є҆́сть со́лнца, и҆ па́че всѧ́кагѡ сотворе́нїѧ ѕвѣ́здъ, свѣ́тꙋ сосꙋжда́ема, ѡ҆брѣта́етсѧ пе́рвѣйши. Та́ѧ ᲂу҆гожда́ющыѧ є҆́й ѿ болѣ́зни и҆зба́ви, и҆ наста́ви на стези̑ пра̑выѧ. Дадѐ и҆̀мъ ра́зꙋмъ и҆мѣ́ти ст҃ъ, и҆ сохранѝ ѿ ловѧ́щихъ, и҆ по́двигъ крѣ́покъ подадѐ и҆̀мъ. Да разꙋмѣ́ютъ всѝ, ꙗ҆́кѡ си́льнѣйши всегѡ̀ є҆́сть благоче́стїе: и҆ никогда́же премо́жетъ ѕло́ба мꙋ́дрости, нижѐ пре́йдетъ ѕлы̑ѧ, ѡ҆блича́ющи сꙋ́дъ. Реко́ша же въ себѣ̀, помы́сливши непра́веднѡ: наси́льствꙋемъ пра́веднаго, и҆ не пощади́мъ преподо́бства є҆гѡ̀, ни ᲂу҆срами́мсѧ сѣди́нъ ста́рости многолѣ́тны. Бꙋ́детъ бо на́мъ крѣ́пость зако́нъ: и҆ ᲂу҆лови́мъ пра́веднаго, ꙗ҆́кѡ неꙋго́денъ на́мъ є҆́сть: и҆ проти́витсѧ дѣлѡ́мъ на́шымъ, и҆ поно́ситъ на́мъ ѿпаде́нїе зако́на, и҆ ѡ҆блича́етъ на́мъ согрѣшє́нїѧ наказа́нїѧ на́шегѡ. Возвѣща́етъ на́мъ ра́зꙋмъ и҆мѣ́ти бж҃їй, и҆ ѻ҆́трока гдⷭ҇нѧ себѐ и҆менꙋ́етъ. Бы́сть на́мъ на ѡ҆бличе́нїе помышле́нїй на́шихъ, и҆ тѧ́жекъ на́мъ є҆́сть, и҆ ви́димь: ꙗ҆́кѡ неподо́бно и҆ны̑мъ житїѐ є҆гѡ̀, и҆ и҆змѣнє́ны стєзѝ є҆гѡ̀. Въ порꙋга́нїе вмѣни́хомсѧ є҆мꙋ̀: и҆ ᲂу҆далѧ́етсѧ ѿ пꙋте́й на́шихъ, ꙗ҆́кѡ ѿ нечисто́тъ, и҆ блажи́тъ послѣ̑днѧѧ пра́ведныхъ. Оу҆ви́димъ ᲂу҆́бѡ, а҆́ще словеса̀ є҆гѡ̀ и҆́стинна сꙋ́ть, и҆скꙋ́симъ, ꙗ҆̀же сбыва́ютсѧ є҆мꙋ̀. Рꙋга́нїемъ и҆ мꙋ́кою и҆стѧ́жемъ є҆го̀, да разꙋмѣ́емъ кро́тость є҆гѡ̀, и҆ и҆скꙋ́симъ безѕло́бство є҆гѡ̀. Сме́ртїю без̾ѡбра́зною ѡ҆сꙋ́димъ є҆го̀, бꙋ́детъ бо посѣще́нїе ѿ слове́съ є҆гѡ̀. Сїѧ̑ помы́слиша, и҆ прельсти́шасѧ: ѡ҆слѣпи́ бо ѧ҆̀ ѕло́ба и҆́хъ. И҆ не разꙋмѣ́ша та̑инъ бж҃їихъ, и҆ не разсꙋди́ша, ꙗ҆́кѡ ты̀ є҆сѝ бг҃ъ є҆ди́нъ, живота̀ и҆мѣ́ѧй и҆ сме́рти вла́сть, и҆ спаса́ѧй во вре́мѧ ско́рби, и҆ и҆збавлѧ́ѧй ѿ всѧ́кагѡ ѕла̀. Ще́дръ и҆ ми́лостивъ, и҆ даѧ́й преподѡ́бнымъ свои̑мъ благода́ть, и҆ свое́ю мы́шцею гѡ́рдымъ противлѧ́ѧйсѧ."
|
|
},
|
|
{
|
|
"type": "HEADER",
|
|
"value": "На лїті́и стїхи̑ры, гла́съ и҃:"
|
|
},
|
|
{
|
|
"type": "TEXT",
|
|
"value": "Прпⷣбне ѻ҆́ч҃е і҆а́кѡве, ты̀ возше́дъ на лѣ́ствицꙋ бж҃е́ственнагѡ ра́зꙋма, и҆ къ бг҃ꙋ приближа́ѧсѧ, ᲂу҆сыне́нїѧ да́ръ ѿ негѡ̀ прїи́мъ, и҆сцѣлѧ́ѧ недꙋ́ги неисцѣ̑льныѧ, и҆ ѿгонѧ́ѧ дꙋ́хи нечи̑стыѧ. Тѣ́мъ твоѐ ᲂу҆спе́нїе пра́зднꙋемъ ра́достїю се́рдца, хрⷭ҇та̀ прославлѧ́юще, велича́юща своего̀ ᲂу҆го́дника."
|
|
},
|
|
{
|
|
"type": "HEADER",
|
|
"value": "Гла́съ д҃:"
|
|
},
|
|
{
|
|
"type": "TEXT",
|
|
"value": "Воззрѣ́въ неꙋкло́ннѡ на высотꙋ̀ ра́зꙋма, и҆ ᲂу҆смотри́лъ є҆сѝ безвѣ́стнѡ премꙋ́дрости глꙋбинꙋ̀, ᲂу҆чє́нїи мі́ръ ѡ҆богати́лъ є҆сѝ, ѻ҆́ч҃е, ѡ҆ на́съ при́снѡ молѝ хрⷭ҇та̀, ст҃и́телю і҆а́кѡве."
|
|
},
|
|
{
|
|
"type": "TEXT",
|
|
"value": "Человѣ́че бж҃їй, вѣ́рный ᲂу҆го́дниче, строи́телю тогѡ̀ та̑инъ, и҆ мꙋ́жъ жела́нїй дꙋхо́вныхъ, сто́лпе ѡ҆дꙋшевле́нный, дꙋхо́вный ѻ҆́бразъ, ꙗ҆́кѡ бжⷭ҇твенное сокро́вище, мїрскі̑ѧ цр҃кви ѡ҆брѣ́тше тѧ̀ моли́твенника ѡ҆ дꙋша́хъ на́шихъ."
|
|
},
|
|
{
|
|
"type": "HEADER",
|
|
"value": "Гла́съ и҃:"
|
|
},
|
|
{
|
|
"type": "TEXT",
|
|
"value": "Ст҃и́телю і҆а́кѡве, высото́ю добродѣ́телей бж҃їе просвѣще́нїе, дх҃о́вный ѻ҆рга́не, правосла́вныхъ сла́во, ѕловѣ́рїѧ ѻ҆бличи́телю, дѣ́вственномꙋ ли́кꙋ вели́кое и҆ спасе́нное и҆ ди́вное мꙋдрова́нїе показа́лсѧ є҆сѝ."
|
|
},
|
|
{
|
|
"type": "HEADER",
|
|
"value": "Сла́ва, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Правосла́вныѧ вѣ́ры дꙋше́вныѧ ра́ди мꙋ́дрости ᲂу҆чи́тель ꙗ҆ви́лсѧ є҆сѝ, і҆а́кѡве бл҃же́нне, хрⷭ҇та̀ ѡ҆брѣ́тъ наста́вника, совѣ́ты ѕлосла̑вныѧ є҆реті́чєскїѧ разгна́лъ є҆сѝ. Тѣ́мъ мо́лимъ тѧ̀, свѧ́те: моли́сѧ хрⷭ҇тꙋ̀ бг҃ꙋ ѡ҆ на́съ всегда̀, є҆́же ѡ҆ тебѣ̀ и҆звѣ́ствованнꙋю правосла́внꙋю вѣ́рꙋ неподви́жнꙋ сохрани́ти на́мъ, и҆ ве́лїю ми́лость и҆спросѝ, ѻ҆́ч҃е і҆а́кѡве."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "HEADER",
|
|
"value": "На стїхо́внѣ стїхи̑ры, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Ꙗ҆́кѡ до́блѧ:"
|
|
},
|
|
{
|
|
"type": "TEXT",
|
|
"value": "Зарѧ́ми дꙋхо́вными просвѣще́нное свѣтоза́рное со́лнце бы́лъ є҆сѝ, ꙗ҆́коже лꙋчы̀ ᲂу҆чє́нїѧ во всѧ̑ концы̀ простира́ѧ, и҆ вѣ́рныхъ ѡ҆зарѧ́ѧ и҆сполне́нїе, блаже́нне, и҆ ѿгонѧ́ѧ тмꙋ̀, бг҃оно́се, є҆ресе́й, си́лою ѿ дв҃ы возсїѧ́вшагѡ."
|
|
},
|
|
{
|
|
"type": "TEXT",
|
|
"value": "Сті́хъ: Честна̀ предъ гдⷭ҇емъ сме́рть прпⷣбныхъ є҆гѡ̀."
|
|
},
|
|
{
|
|
"type": "TEXT",
|
|
"value": "Благосказа́нїемъ слове́съ твои́хъ, свѧще́нный і҆а́кѡве, цр҃ковь всѧ̀ ᲂу҆краша́етсѧ, ра́дꙋющисѧ ᲂу҆че́ньми кра́сными въ добродѣ́телехъ, и҆ почита́етъ свѧще́нное твоѐ преставле́нїе, пресла́вне, свѧще́нныхъ похвало̀, ѻ҆тцє́въ верхо́вниче, и҆ прест҃ы́ѧ трⷪ҇цы побо́рниче."
|
|
},
|
|
{
|
|
"type": "TEXT",
|
|
"value": "Сті́хъ: Свѧще́нницы твоѝ ѡ҆блекꙋ́тсѧ въ пра́вдꙋ:"
|
|
},
|
|
{
|
|
"type": "TEXT",
|
|
"value": "Ѻ҆́гненными твои́ми ᲂу҆чє́нїи є҆ресе́й всѧ́каѧ хвра́стнаѧ попалѧ́етсѧ ле́сть, премꙋ́дре, разꙋ́мными глꙋбина́ми погрꙋжа́етсѧ во́инство неповинꙋ́ющихсѧ ѕлочести́выхъ, свѧще́нне ѻ҆́ч҃е і҆а́кѡве, ᲂу҆чє́нїи твои́ми, и҆ ᲂу҆краша́етсѧ вѣ́рныхъ всегда̀ цр҃ковь, велегла́снѡ чтꙋ́щихъ тѧ̀."
|
|
},
|
|
{
|
|
"type": "HEADER",
|
|
"value": "Сла́ва, гла́съ и҃."
|
|
},
|
|
{
|
|
"type": "TEXT",
|
|
"value": "И҆́же по ѻ҆́бразꙋ соблю́дъ невреди́мѡ, прпⷣбне ѻ҆́ч҃е, ѡ҆ хрⷭ҇то́вѣ ѻ҆́бразѣ проти́вꙋ ста́лъ є҆сѝ мꙋ́жески, не ᲂу҆боѧ́всѧ гноеимени́тагѡ преще́нїѧ, но дꙋхо́внымъ мече́мъ того̀ ᲂу҆би́лъ є҆сѝ. Тѣ́мже дерзнове́нїе стѧжа́въ къ бг҃ꙋ, спасѝ ста́до твоѐ ѿ є҆ресе́й всѣ́хъ, і҆а́кѡве многострада́льне."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ. Тропа́рь, гла́съ д҃:"
|
|
},
|
|
{
|
|
"type": "TEXT",
|
|
"value": "И҆збра́нъ ѿ ю҆́ности бг҃ови бы́въ, ст҃и́телю і҆а́кѡве, сегѡ̀ ра́ди а҆рхїере́йства са́номъ почте́нъ, ᲂу҆па́слъ є҆сѝ лю́ди, ꙗ҆̀же тебѣ̀ бг҃омъ врꙋчє́нныѧ: тѣ́мже и҆ по преставле́нїи чꙋде́съ дарова̑нїѧ ѿ бг҃а прїѧ́лъ є҆сѝ и҆сцѣлѧ́ти разли̑чныѧ недꙋ́ги: молѝ ѡ҆ на́съ, соверша́ющихъ честнꙋ́ю па́мѧть твою̀, да тебѐ непреста́ннѡ велича́емъ."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "HEADER",
|
|
"value": "На ᲂу҆́трени, на Бг҃ъ гдⷭ҇ь, тропа́рь то́йже."
|
|
},
|
|
{
|
|
"type": "HEADER",
|
|
"value": "По а҃-мъ стїхосло́вїи сѣда́ленъ, гла́съ а҃."
|
|
},
|
|
{
|
|
"type": "TEXT",
|
|
"value": "Подо́бенъ: Гро́бъ тво́й:"
|
|
},
|
|
{
|
|
"type": "TEXT",
|
|
"value": "Слꙋжи́тель бы́въ хрⷭ҇та̀, всѧ́ческихъ влⷣки, наꙋчи́лъ є҆сѝ лю́ди, и҆ просвѣти́лъ є҆сѝ бжⷭ҇твеннымъ креще́нїемъ, къ разꙋмѣ́нїю си́хъ наставлѧ́ѧ, ст҃и́телю. Тѣ́мже тѧ̀ проповѣ́дника и҆́стинна всѝ и҆менꙋ́емъ, всечестна́го ст҃и́телѧ и҆ ᲂу҆го́дника хрⷭ҇то́ва. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Безневѣ́стнаѧ чⷭ҇таѧ бцⷣе дв҃о, є҆ди́на предста́тельница вѣ́рныхъ и҆ покро́въ, бѣ́дъ и҆ скорбе́й и҆ лю́тыхъ ѡ҆бстоѧ́нїй всѧ̑ и҆зба́ви, и҆̀же на тѧ̀ ᲂу҆пова́нїе и҆мꙋ́щыѧ, ѻ҆трокови́це, и҆ дꙋ́шы на́шѧ спасѝ бжⷭ҇твенными мольба́ми твои́ми."
|
|
},
|
|
{
|
|
"type": "HEADER",
|
|
"value": "По в҃-мъ стїхосло́вїи сѣда́ленъ, гла́съ д҃:"
|
|
},
|
|
{
|
|
"type": "TEXT",
|
|
"value": "Ѿ ю҆́ности взе́мъ крⷭ҇тъ тво́й, благоче́стнѡ послѣ́довалъ є҆сѝ, и҆ ᲂу҆вѧди́въ плотско́е мꙋдрова́нїе воздержа́нїемъ. Тѣ́мъ на а҆рхїере́йстѣмъ сѣда́лищи сѣ́дъ, возвели́чилъ є҆сѝ влⷣкꙋ, и҆ того̀ пречⷭ҇тꙋю мт҃рь, зна́меньми разли́чными твою̀ ᲂу҆краси́вшыѧ ра́кꙋ, і҆а́кѡве бг҃облаже́нне. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Дв҃о всенепоро́чнаѧ, пресꙋ́щнаго бг҃а ро́ждшаѧ, со і҆ера́рхомъ і҆а́кѡвомъ того̀ непреста́ннѡ молѝ, ѡ҆ставле́нїе согрѣше́нїй, и҆ и҆справле́нїе житїѧ̀ да́ти на́мъ пре́жде конца̀, вѣ́рою и҆ любо́вїю чтꙋ́щымъ тѧ̀ по до́лгꙋ: є҆ди́на всепѣ́таѧ."
|
|
},
|
|
{
|
|
"type": "HEADER",
|
|
"value": "По полѷеле́и сѣда́ленъ, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Премꙋ́дрости:"
|
|
},
|
|
{
|
|
"type": "TEXT",
|
|
"value": "Надъ страстьмѝ ца́рствовалъ є҆сѝ плотски́ми, і҆ера́рхъ ꙗ҆ви́всѧ бг҃оподо́бенъ: гра́дъ тво́й росто́въ ᲂу҆па́слъ є҆сѝ: креще́нїемъ же просвѣти́лъ є҆сѝ, и҆ наказа́лъ є҆сѝ сла́вити є҆ди́наго бг҃а въ тре́хъ ѵ҆поста́сехъ. Тѣ́мже и҆сточа́еши и҆сцѣлє́нїѧ и҆ по кончи́нѣ вѣ́рою притека́ющымъ ко пречⷭ҇тѣй бж҃їи мт҃ри, и҆ къ ра́цѣ моще́й твои́хъ, і҆а́кѡве: молѝ хрⷭ҇та̀ бг҃а, грѣхѡ́въ ѡ҆ставле́нїе пода́ти чтꙋ́щымъ любо́вїю свѧтꙋ́ю па́мѧть твою̀. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Нбⷭ҇нꙋю две́рь и҆ кївѡ́тъ, прест҃ꙋ́ю го́рꙋ, свѣ́тлый ѻ҆́блакъ воспои́мъ, неѡпали́мꙋю кꙋпинꙋ̀, слове́сный ра́й, є҆́ѵы воззва́нїе, вселе́нныѧ всеѧ̀ вели́кое сокро́вище, ꙗ҆́кѡ спасе́нїе въ не́й содѣ́ласѧ мі́рꙋ, и҆ ѡ҆ставле́нїе дре́внихъ согрѣше́нїй. Сегѡ̀ ра́ди вопїе́мъ є҆́й: моли́сѧ сн҃ꙋ твоемꙋ̀, прегрѣше́нїй ѡ҆ставле́нїе дарова́ти, благоче́стнѡ покланѧ́ющымсѧ всест҃о́мꙋ ржⷭ҇твꙋ̀ твоемꙋ̀."
|
|
},
|
|
{
|
|
"type": "HEADER",
|
|
"value": "Степє́нна, а҃-й а҆нтїфѡ́нъ д҃-гѡ гла́са."
|
|
},
|
|
{
|
|
"type": "TEXT",
|
|
"value": "Прокі́менъ: Оу҆ста̀ моѧ̑ возглаго́лютъ премꙋ́дрость, и҆ поꙋче́нїе се́рдца моегѡ̀ ра́зꙋмъ."
|
|
},
|
|
{
|
|
"type": "TEXT",
|
|
"value": "Сті́хъ: Оу҆ста̀ пра́веднагѡ поꙋча́тсѧ премꙋ́дрости, и҆ ѧ҆зы́къ є҆гѡ̀ возглаго́летъ сꙋ́дъ."
|
|
},
|
|
{
|
|
"type": "TEXT",
|
|
"value": "Всѧ́кое дыха́нїе:"
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе ѿ і҆ѡа́нна, зача́ло л҃є."
|
|
},
|
|
{
|
|
"type": "HEADER",
|
|
"value": "По н҃-мъ ѱалмѣ̀ стїхи́ра, гла́съ ѕ҃. Самогла́сна:"
|
|
},
|
|
{
|
|
"type": "TEXT",
|
|
"value": "Наслѣ́дниче хрⷭ҇то́въ, слꙋго̀ гдⷭ҇ень і҆а́кѡве, по и҆́мени твоемꙋ̀ та́кѡ и҆ житїѐ твоѐ: просїѧ́въ бо сѣди́нами ра́зꙋмъ, свидѣ́тельствоваше свѣ́тлость лица̀ твоегѡ̀, дꙋше́вное неѕло́бїе и҆звѣ́ствоваше кро́тость, сло́во молчали́вое, жи́знь твоѧ̀ сла́внаѧ, и҆ ᲂу҆спе́нїе со ст҃ы́ми, молѝ ѡ҆ дꙋша́хъ на́шихъ."
|
|
},
|
|
{
|
|
"type": "HEADER",
|
|
"value": "Канѡ́нъ бцⷣы, на ѕ҃: И҆ ст҃а́гѡ на и҃. Гла́съ ѕ҃."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ꙗ҆́кѡ по сꙋ́хꙋ пѣшеше́ствовавъ і҆и҃ль, по бе́зднѣ стопа́ми, гони́телѧ фараѡ́на ви́дѧ потоплѧ́ема, бг҃ꙋ побѣ́днꙋю пѣ́снь, пои́мъ, вопїѧ́ше."
|
|
},
|
|
{
|
|
"type": "TEXT",
|
|
"value": "Бжⷭ҇твенными зарѧ́ми и҆ свѧще́нными свѣтосїѧ̑нїи при́снѡ мою̀ дꙋ́шꙋ ѡ҆зарѝ, тво́й, і҆ера́рше, пра́здникъ, ѻ҆́ч҃е, сла́вѧща."
|
|
},
|
|
{
|
|
"type": "TEXT",
|
|
"value": "Всесвѣ́тлꙋю тѧ̀ ѕвѣздꙋ̀, мы́сленное показа̀ сл҃нце свѣ́тлость твои́хъ добродѣ́телей, просвѣтѝ зе́млю, ст҃и́телю хрⷭ҇то́въ мꙋ́дре і҆а́кѡве."
|
|
},
|
|
{
|
|
"type": "TEXT",
|
|
"value": "Житїѐ при́снѡ ѡ҆чище́но и҆ чи́сто, и҆ скве́рнѣ несмѣ́шено ꙗ҆ви́въ, хрⷭ҇то́въ свѧще́нъ сосꙋ́дъ, премꙋ́дре, показа́лсѧ є҆сѝ на землѝ, і҆а́кѡве бл҃же́нне."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Со ѻ҆ц҃е́мъ сы́й є҆диноро́дный, зємны́ѧ ѡ҆божи́въ, чⷭ҇таѧ, за мнѡ́гїѧ щедрѡ́ты, ꙗ҆́кѡ бг҃ъ пребл҃гі́й."
|
|
},
|
|
{
|
|
"type": "TEXT",
|
|
"value": "Катава́сїа: Хрⷭ҇то́съ ражда́етсѧ:"
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "TEXT",
|
|
"value": "І҆рмо́съ: Нѣ́сть свѧ́тъ, ꙗ҆́коже ты̀, гдⷭ҇и бж҃е мо́й, вознесы́й ро́гъ вѣ́рныхъ твои́хъ, бл҃же, и҆ ᲂу҆тверди́вый на́съ на ка́мени и҆сповѣ́данїѧ твоегѡ̀."
|
|
},
|
|
{
|
|
"type": "TEXT",
|
|
"value": "Сн҃ъ днѐ свѣ́та ты̀, ст҃и́телю, трꙋды̑ твои́ми ꙗ҆ви́лсѧ є҆сѝ, и҆ ꙗ҆́снѡ во свѣ́тлостехъ ны́нѣ ст҃ы́хъ сїѧ́еши бл҃года́тїю."
|
|
},
|
|
{
|
|
"type": "TEXT",
|
|
"value": "Проповѣ́даѧ ны́нѣ благочести́внѡ трⷪ҇цы є҆ди́но бжⷭ҇тво̀, многобо́жнꙋю ле́сть и҆скорени́лъ є҆сѝ ѿ землѝ, ꙗ҆́кѡ чⷭ҇тны́й ст҃и́тель, и҆ ꙗ҆́кѡ сло́ва и҆́стинный слꙋжи́тель."
|
|
},
|
|
{
|
|
"type": "TEXT",
|
|
"value": "Пꙋ́ть ѡ҆бличи́лъ є҆сѝ, мꙋ́дре, всѣ̑мъ прельщє́ннымъ нечести́вагѡ и҆скꙋше́нїѧ, и҆ приве́лъ є҆сѝ къ сло́вꙋ пастыренача́льникꙋ, ꙗ҆́кѡ па́стырь слове́сный и҆ спаси́тельный."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Приста́нище бꙋ́ди мѝ и҆ ѡ҆кормле́нїе, бѣ́дствꙋющꙋ страстьмѝ неѡсла́бнѡ и҆ погиба́ющꙋ, приста́нище сꙋ́щи въ мо́ри жите́йстѣмъ, є҆ди́на чⷭ҇таѧ приснодв҃о."
|
|
},
|
|
{
|
|
"type": "HEADER",
|
|
"value": "Сѣда́ленъ, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Премꙋ́дрости:"
|
|
},
|
|
{
|
|
"type": "TEXT",
|
|
"value": "Оу҆краша́ѧсѧ премꙋ́дростїю ра́зꙋма, горды́ню низложи́лъ є҆сѝ плотскі́ѧ тѧ́гости, и҆ бы́лъ є҆сѝ ѻ҆би́тель дх҃а прест҃а́гѡ, непремѣ́ннѡ простира́ѧсѧ ра́зꙋмомъ къ лю́бѧщемꙋ тѧ̀. Тѣ́мъ ре́вностїю бжⷭ҇твенною разгара́ѧсѧ, сла́вне, сирота́мъ и҆ ᲂу҆бѡ́гимъ ᲂу҆твержде́нїе ꙗ҆ви́лсѧ є҆сѝ: а҆́гг҃лѡвъ собесѣ́дникъ, і҆а́кѡве, молѝ хрⷭ҇та̀ т҃а, грѣхѡ́въ ѡ҆ставле́нїе пода́ти чтꙋ́щымъ любо́вїю свѧтꙋ́ю па́мѧть твою̀."
|
|
},
|
|
{
|
|
"type": "HEADER",
|
|
"value": "Сла́ва, и҆́нъ сѣда́ленъ, гла́съ д҃"
|
|
},
|
|
{
|
|
"type": "TEXT",
|
|
"value": "Подо́бенъ: Ꙗ҆ви́лсѧ є҆сѝ дне́сь:"
|
|
},
|
|
{
|
|
"type": "TEXT",
|
|
"value": "Правовѣ́рнѡ, прпⷣбне, цр҃ковь хрⷭ҇то́вꙋ ᲂу҆па́слъ є҆сѝ, и҆ є҆реті́чєскїѧ ѿгна́лъ є҆сѝ пле́велы, и҆ въ вы́шнихъ се́лѣхъ водворѧ́ешисѧ, пребл҃же́нне."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Ꙗ҆́кѡ всенепоро́чнаѧ невѣ́сто творца̀, ꙗ҆́кѡ неискꙋсомꙋ́жнаѧ мт҃и и҆зба́вителѧ, прїѧ́телище ꙗ҆́кѡ сꙋ́щи ᲂу҆тѣ́шителѧ, препѣ́таѧ, беззако́нїю мѧ̀ сꙋ́ща скве́рное ѻ҆би́телище, и҆ де́мѡнѡмъ и҆гра́лище въ ра́зꙋмѣ бы́вша, потщи́сѧ ѿ тѣ́хъ ѕлодѣ́йства мѧ̀ и҆зба́вити: и҆ свѣ́тлое жили́ще добродѣ́телей совершѝ, свѣтоно́снаѧ, нетлѣ́ннаѧ: ѿженѝ ѻ҆́блакъ страсте́й, и҆ вы́шнѧгѡ прича́стїѧ сподо́би, и҆ свѣ́та невече́рнѧгѡ, моли́твами твои́ми."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "TEXT",
|
|
"value": "І҆рмо́съ: Хрⷭ҇то́съ, моѧ̀ си́ла, бг҃ъ и҆ гдⷭ҇ь, честна́ѧ цр҃ковь бг҃олѣ́пнѡ пое́тъ, взыва́ющи ѿ смы́сла чи́ста, ѡ҆ гдⷭ҇ѣ пра́зднꙋющи."
|
|
},
|
|
{
|
|
"type": "TEXT",
|
|
"value": "Предвѣ́дый бг҃ъ, бл҃же́нне, твоеѧ̀ дꙋшѝ красотꙋ̀ и҆ ра́зꙋма чистотꙋ̀, свѧщеннопроповѣ́дника мꙋ́дра и҆ ᲂу҆чи́телѧ показа́ тѧ."
|
|
},
|
|
{
|
|
"type": "TEXT",
|
|
"value": "Дх҃омъ просвѣще́нъ сы́й, сꙋ́щыѧ во тмѣ̀ пре́лести просвѣща́еши, и҆ креще́нїемъ сы́ны днѐ соверша́еши, ст҃и́телю пресловꙋ́щїй."
|
|
},
|
|
{
|
|
"type": "TEXT",
|
|
"value": "Ѿ тмы̀ ѕвѣре́й и҆зба́вилъ є҆сѝ, ста́до твоѐ растерза́ти и҆́щꙋщихъ, и҆ ѿстꙋпи́те вѣ́ры непоро́чныѧ, ст҃и́телємъ добро́то, и҆ па́стырємъ старѣ́йшинство."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Разꙋ́мнѡ въ кꙋпинѣ́ тѧ ѻ҆гнепа́льнѣй мѡѷсе́й ви́дѣвъ, ꙗ҆́вственнѡ ѡ҆бразꙋ́ющей бг҃а, хотѧ́ща и҆зъ тебє̀ роди́тисѧ неизрече́ннѡ, бцⷣе приснодв҃о."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "TEXT",
|
|
"value": "І҆рмо́съ: Бж҃їимъ свѣ́томъ твои́мъ, бл҃же, ᲂу҆́тренюющихъ тѝ дꙋ́шы любо́вїю ѡ҆зарѝ, молю́сѧ, тѧ̀ вѣ́дѣти, сло́ве бж҃їй, и҆́стиннаго бг҃а, ѿ мра́ка грѣхо́внагѡ взыва́юща."
|
|
},
|
|
{
|
|
"type": "TEXT",
|
|
"value": "Ст҃и́тельскꙋю твою̀ ѻ҆де́ждꙋ свѧще́ннꙋю носи́въ свѧще́ннѡ, нечести̑выѧ просвѣти́лъ є҆сѝ, честны́й ст҃и́телю: є҆ди́нство несозда́нно въ тре́хъ ли́цѣхъ, і҆а́кѡве премꙋ́дре проповѣ́далъ є҆сѝ."
|
|
},
|
|
{
|
|
"type": "TEXT",
|
|
"value": "Ѿ ᲂу҆́стъ во́лка мы́сленнагѡ восхи́тилъ є҆сѝ лю́ди ᲂу҆че́нїемъ, бг҃огла́се, ᲂу҆ста̀ є҆реті́чєскаѧ велерѣ̑чиваѧ, твои́ми бг҃ослѡ́вїи загради́лъ є҆сѝ, ѻ҆́ч҃е."
|
|
},
|
|
{
|
|
"type": "TEXT",
|
|
"value": "Ме́рзскїй низложе́нъ бы́сть твои́ми свѧще́нными словесы̀ маркїа́нъ, и҆ и҆згна́нъ бы́сть ра́ди всѧ́кагѡ безмѣ́стїѧ, ѿрыга́ѧй сквє́рны смра̑дныѧ, і҆а́кѡве пресла́вный."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Зако́ны є҆стества̀ пресꙋ́щный бг҃ъ ѡ҆бновлѧ́етъ, непоро́чнаѧ, и҆зъ твоеѧ̀ ᲂу҆тро́бы ражда́етсѧ, є҆ди́нъ ᲂу҆сво́ивъ всѧ́чєскаѧ во́лею."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Жите́йское мо́ре воздвиза́емое зрѧ̀ напа́стей бꙋ́рею, къ ти́хомꙋ приста́нищꙋ твоемꙋ̀ прите́къ, вопїю́ ти: возведѝ ѿ тлѝ живо́тъ мо́й, многоми́лостиве."
|
|
},
|
|
{
|
|
"type": "TEXT",
|
|
"value": "Возвы́шено смире́нїе чистото́ю ᲂу҆ма̀, и҆ любо́вь нелицемѣ́рнꙋ, вѣ́рꙋ и҆ наде́ждꙋ и҆мѣ́ѧ и҆́стиннꙋ, і҆а́кѡве всесла́вный, трⷪ҇цы ꙗ҆ви́лсѧ є҆сѝ жили́ще."
|
|
},
|
|
{
|
|
"type": "TEXT",
|
|
"value": "Ны́нѣ ѿ созва́нїѧ твоегѡ̀ дх҃омъ, премꙋ́дре, и҆́же по тебѣ̀ благода́тїю слове́сныхъ ѻ҆ве́цъ, наста́вника приво́диши къ же́ртвенникꙋ, добродѣ́тели писа́нїемъ ѡ҆блиста́ема."
|
|
},
|
|
{
|
|
"type": "TEXT",
|
|
"value": "Вельмѝ ᲂу҆краси́вшасѧ росто́вскагѡ свѧще́нїѧ, сѣда́лищꙋ тѧ̀ ᲂу҆́читъ, прехва́льне, дх҃ъ ст҃ы́й, и҆ тебѐ па́стырѧ рꙋко́ю ст҃и́тельскою, і҆а́кѡве, соверша́етъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Две́рь бг҃облагода́тнаѧ, ѿве́рзши двє́ри нбⷭ҇ныѧ, двє́ри свѣ́та ѿве́рзи мѝ, влⷣчце, и҆ ѿ вра́тъ сме́ртныхъ свободи́ мѧ, чⷭ҇таѧ."
|
|
},
|
|
{
|
|
"type": "HEADER",
|
|
"value": "Конда́къ, гла́съ и҃:"
|
|
},
|
|
{
|
|
"type": "TEXT",
|
|
"value": "Ꙗ҆́кѡ а҆рхїере́євъ сопресто́льникъ и҆ ст҃и́телємъ и҆зрѧ́дный побо́рникъ бы́лъ є҆сѝ, ст҃и́телю і҆а́кѡве: непреста́ннѡ сохранѧ́й ѻ҆те́чество твоѐ, гра́дъ же и҆ лю́ди, тебѐ вѣ́рою почита́ющыѧ, и҆ честны̑мъ моще́мъ твои̑мъ покланѧ́ющыѧсѧ, да велегла́снѡ тебѣ̀ вопїе́мъ: ра́дꙋйсѧ, і҆а́кѡве бг҃омꙋ́дре."
|
|
},
|
|
{
|
|
"type": "TEXT",
|
|
"value": "І҆́косъ: И҆зъ чре́ва ма́тернѧ ѡ҆свѧще́ннаго ст҃и́телѧ гдⷭ҇нѧ хва́литъ ны́нѣ всѧ̀ страна̀ рѡссі́йскаѧ, прпⷣбнаго і҆а́кѡва, росто́вꙋ гра́дꙋ ᲂу҆твержде́нїе, бл҃года̑тныѧ да́ры прїе́мшаго бжⷭ҇твенныѧ сла́вы: къ немꙋ́же притека́юще всѝ вѣ́рою те́плою, ра́кꙋ моще́й є҆гѡ̀ любе́знѡ цѣлꙋ́емъ. Тѣ́мъ и҆ а҆́зъ недосто́йный и҆ грѣ́шный надѣ́ѧсѧ на моли̑твы твоѧ̑, ст҃и́телю, ꙗ҆̀же ко влⷣцѣ и҆ пречⷭ҇тѣй є҆гѡ̀ мт҃ри, жела́ю, а҆́ки псѝ ѿ крꙋпи́цъ па́дающихъ ѿ трапе́зы госпо́дїй свои́хъ, насыще́нїе прїѧ́ти, є҆́же въ де́нь сꙋ́дный содѣ́ѧнныхъ мно́ю ѕѡ́лъ, моли́твами твои́ми, свѧ́те, проще́нїе ᲂу҆лꙋчи́ти, да велегла́снѡ тебѣ̀ вопїю̀: ра́дꙋйсѧ, і҆а́кѡве бг҃омꙋ́дре."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "TEXT",
|
|
"value": "І҆рмо́съ: Росода́тельнꙋ ᲂу҆́бѡ пе́щь содѣ́ла а҆́гг҃лъ преподѡ́бнымъ ѻ҆трокѡ́мъ, халдє́и же ѡ҆палѧ́ющее велѣ́нїе бж҃їе, мꙋчи́телѧ ᲂу҆вѣща̀ вопи́ти: бл҃гослове́нъ є҆сѝ, бж҃е ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Вразꙋмлѧ́лъ є҆сѝ неразꙋ̑мныѧ, ѡ҆браща́лъ є҆сѝ прельщє́нныѧ, совраща́ющыѧсѧ же, ѻ҆́ч҃е, спа́слъ є҆сѝ, и҆ бг҃ꙋ приве́лъ є҆сѝ чи́сты, томꙋ̀ пою́щыѧ благоче́стнѡ: бл҃гослове́нъ є҆сѝ, гдⷭ҇и, бж҃е ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Оу҆краси́шасѧ бжⷭ҇твеннїи твоѝ по́двиги, воплоще́нїе проповѣ́дающе неизрече́ннымъ милосе́рдїемъ возсїѧ́вшагѡ на́мъ. Є҆мꙋ́же вопїе́мъ прилѣ́жнѡ: бл҃гослове́нъ бг҃ъ ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Ѡ҆блада́въ страстьмѝ тѣле́сными, поще́нїемъ, сла́вне, неѡблада́емь жите́йскими напа́стьми ꙗ҆ви́лсѧ є҆сѝ. Ны́нѣ пое́ши при́снѡ: бл҃гослове́нъ бг҃ъ ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: И҆збавлѧ́еши дре́внѧгѡ престꙋпле́нїѧ ржⷭ҇тво́мъ твои́мъ, пречⷭ҇таѧ, хва́лимъ тѧ̀ спасе́ннїи тобо́ю, дв҃о, и҆ пою́ще вопїе́мъ тѝ: бл҃гослове́нъ бг҃ъ ѻ҆тє́цъ на́шихъ."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "TEXT",
|
|
"value": "І҆рмо́съ: И҆зъ пла́мене прпⷣбнымъ ро́сꙋ и҆сточи́лъ є҆сѝ, и҆ пра́веднагѡ же́ртвꙋ водо́ю попали́лъ є҆сѝ: всѧ̑ бо твори́ши, хрⷭ҇тѐ, то́кмѡ є҆́же хотѣ́ти. Тѧ̀ превозно́симъ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Процвѣ́лъ є҆сѝ ꙗ҆́кѡ фі́нїѯъ во дворѣ́хъ бж҃їихъ, и҆ до́лжнымъ сно́мъ преподѡ́бнымъ ᲂу҆снꙋ́лъ є҆сѝ: при́снѡ же наслажде́нїе пребжⷭ҇твенный гро́бъ тво́й, и҆ чꙋ́до ви́дѧщымъ, і҆а́кѡве проповѣ́дниче, показꙋ́еши."
|
|
},
|
|
{
|
|
"type": "TEXT",
|
|
"value": "Бж҃їе бо сло́во сꙋще́ственное, свѧще́ннѡ тѧ̀ и҆ ст҃и́телѧ возставлѧ́етъ, пома́зающа лю́ди, свѧщенност҃и́телю и҆ престо́льниче росто́вскїй и҆ свѣти́льниче вселе́нныѧ."
|
|
},
|
|
{
|
|
"type": "TEXT",
|
|
"value": "Вопло́щшагосѧ сло́ва бг҃осло́вилъ є҆сѝ: многобезслове́сїѧ бо лю́ди и҆зба́вивъ, бжⷭ҇твенъ бы́лъ є҆сѝ ᲂу҆чени́къ возсїѧ́вшагѡ, і҆а́кѡве бг҃огла́се."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Свѧщеннонаꙋчи́всѧ твои̑мъ та́йнамъ, прⷪ҇ро́чески бжⷭ҇твенный ли́къ, бцⷣе, и҆здале́ча ᲂу҆ви́дѣвъ, и҆ ꙗ҆́кѡ положи́въ бг҃опроповѣ́днѡ, бжⷭ҇твеннагѡ проповѣ́данїѧ ржⷭ҇тва̀ твоегѡ̀."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Бг҃а человѣ́кѡмъ невозмо́жно ви́дѣти, на него́же не смѣ́ютъ чи́ни а҆́гг҃льстїи взира́ти: тобо́ю бо, всечⷭ҇таѧ, ꙗ҆ви́сѧ человѣ́кѡмъ сло́во воплоще́нно, є҆го́же велича́юще, съ нбⷭ҇ными вѡ́и тѧ̀ ᲂу҆блажа́емъ."
|
|
},
|
|
{
|
|
"type": "TEXT",
|
|
"value": "Ꙗ҆́кѡ свѣ́тъ, ꙗ҆́кѡ свѣ́щникъ, ꙗ҆́кѡ вели́кое со́лнце, ꙗ҆́кѡ мо́лнїѧ хрⷭ҇то́вѣ цр҃кви возсїѧ́лъ є҆сѝ, и҆ вѣ́рныхъ ра́зꙋмы просвѣти́лъ є҆сѝ, и҆ въ невечє́рнѧѧ мѣста̀ всели́лсѧ є҆сѝ, поѧ̀ трист҃ы́ми гла́сы трⷪ҇цꙋ несозда́ннꙋю."
|
|
},
|
|
{
|
|
"type": "TEXT",
|
|
"value": "Пло́тїю мі́ра кромѣ̀ бы́въ, ст҃и́телю, въ прекра́сныхъ чи́нѣ ѻ҆бита́ѧ, ро́да на́шегѡ ѡ҆богаща́еши творе́нїемъ свѣ́тлымъ. Тѣ́мже па́мѧть твою̀ вѣ́рою соверша́емъ на землѝ, і҆а́кѡве премꙋ́дре."
|
|
},
|
|
{
|
|
"type": "TEXT",
|
|
"value": "Землѧ̀ тѣ́ло твоѐ блаже́нное скрыва́етъ, ꙗ҆́кѡ и҆сцѣлє́нїѧ точа́щи вѣ̑рнымъ, нб҃о же дꙋ́хъ со и҆збра́нными ѿ вѣ́ка но́ситъ, бжⷭ҇твенными сїѧ̑нїи ѡ҆заре́нъ є҆сѝ вои́стиннꙋ, ꙗ҆́кѡ всесла́вный."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Гла́съ а҆рха́гг҃ла гаврїи́ла прїе́мши, вели́кагѡ совѣ́та, чⷭ҇таѧ, хрⷭ҇та̀ є҆мманꙋ́ила родила̀ є҆сѝ, со а҆́гг҃лы земны̑ѧ всѧ̑ сочета́вшаго, є҆ди́на вино́вна на́шегѡ, дв҃о, бл҃же́нства."
|
|
},
|
|
{
|
|
"type": "HEADER",
|
|
"value": "Свѣти́ленъ."
|
|
},
|
|
{
|
|
"type": "TEXT",
|
|
"value": "Подо́бенъ: Оу҆ченикѡ́мъ:"
|
|
},
|
|
{
|
|
"type": "TEXT",
|
|
"value": "Чꙋ́днаго и҆ сла́внаго ст҃и́телѧ і҆а́кѡва вели́каго, прїиди́те пѣ́сньми бжⷭ҇твенными и҆ свѧще́нными похва́лимъ, ꙗ҆́кѡ росто́вꙋ предсѣда́льника и҆ а҆́гг҃льскимъ чинѡ́мъ сослꙋже́бника бы́вша."
|
|
},
|
|
{
|
|
"type": "HEADER",
|
|
"value": "Сла́ва, дрꙋгі́й свѣти́ленъ."
|
|
},
|
|
{
|
|
"type": "TEXT",
|
|
"value": "Подо́бенъ: Посѣти́лъ ны̀ є҆́сть:"
|
|
},
|
|
{
|
|
"type": "TEXT",
|
|
"value": "Сла́внѡ кра́ситсѧ дне́сь свѣтоза́рное торжество̀, и҆́же во свѣ́тѣ сла́вы бж҃їѧ предстоѧ̀, ст҃и́телю, помѧнѝ на́съ, хва́лѧщихъ твою̀ па́мѧть."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Съ бг҃омъ ᲂу҆пова́нїе на тѧ̀ возложи́хомъ, пречⷭ҇таѧ, и҆́же и҆зъ тебє̀ проше́дшемꙋ сраспина́емсѧ хрⷭ҇тꙋ̀: твои́ми же къ немꙋ̀ моли́твами, невреди́мы да́же до конца̀ сохранѝ."
|
|
},
|
|
{
|
|
"type": "HEADER",
|
|
"value": "На хвали́техъ стїхи̑ры, гла́съ а҃."
|
|
},
|
|
{
|
|
"type": "TEXT",
|
|
"value": "Подо́бенъ: Нбⷭ҇ныхъ чинѡ́въ:"
|
|
},
|
|
{
|
|
"type": "TEXT",
|
|
"value": "На нб҃сѝ сы́й почива́ѧй веселѧ́сѧ, молѝ за ны̀ прест҃ꙋ́ю трⷪ҇цꙋ, ми́лость пода́ти на́мъ, ст҃и́телю, и҆ житїѐ безгрѣ́шно: ꙗ҆́кѡ въ тꙋ́ю вѣ́рꙋющихъ при́снѡ скѡ́рби ѿгонѧ́етъ, и҆ недꙋ́ги и҆сцѣлѧ́етъ."
|
|
},
|
|
{
|
|
"type": "TEXT",
|
|
"value": "Милосе́рдїѧ твоегѡ̀ и҆сто́чникъ на́мъ да́рꙋй и҆ бл҃года́ть, вско́рѣ ра́дости и҆спо́лни: пода́й же цѣльбы̑ въ ско́рбехъ и҆ печа́лехъ, молѧ̀ хрⷭ҇та̀, всесла́вне, спастѝ всѧ̑ пою́щыѧ тѧ̀."
|
|
},
|
|
{
|
|
"type": "TEXT",
|
|
"value": "На весе́лїе вше́дъ нетлѣ́емое, весе́лїе да́ти молѝ, є҆́же спастѝ рабы̑ твоѧ̑: мо́жеши бо, і҆а́кѡве, въ моли́твахъ бѣды̑ всѧ̑ разгони́ти, молѧ̀ хрⷭ҇та̀ и҆сцѣли́ти болѧ́щыѧ, и҆ спастѝ дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "Ѿ зако́ннагѡ ко́рене и҆зрастѐ вѣ́твь всыне́нїѧ, вода́ми напое́нъ ꙗ҆́снѡ, і҆а́кѡве: и҆́бо цр҃кви хрⷭ҇то́вѣ, ꙗ҆́кѡ фі́нїѯъ высокове́рхїй, процвѣ́лъ є҆сѝ на́мъ, просвѣща́ѧ вѣ̑рныѧ. Тѣ́мъ ны́нѣ со ст҃и́тєли предстоѧ̀ прⷭ҇то́лꙋ хрⷭ҇то́вꙋ, моли́сѧ ѡ҆ дꙋша́хъ на́шихъ."
|
|
},
|
|
{
|
|
"type": "HEADER",
|
|
"value": "Сла́ва, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Добродѣ́телей твои́хъ, ѻ҆́ч҃е прпⷣбне, пло́дъ просвѣти́лъ є҆́сть вѣ́рныхъ сердца̀: кто́ бо слы́шѧ безчи́сленное твоѐ смире́нїе, и҆ терпѣ́нїю не ᲂу҆диви́тсѧ, є҆́же къ ни́щымъ ти́хость, скорбѧ́щымъ ᲂу҆тѣше́нїе; всѧ̑ бг҃олѣ́пнѡ наꙋчи́лъ є҆сѝ, прпⷣбне ст҃и́телю і҆а́кѡве. И҆ ны́нѣ неꙋвѧда́емымъ вѣнце́мъ ᲂу҆вѧ́злсѧ є҆сѝ, молѝ ѡ҆ дꙋша́хъ на́шихъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Влⷣчце, прїимѝ:"
|
|
},
|
|
{
|
|
"type": "HEADER",
|
|
"value": "Славосло́вїе вели́кое, и҆ ѿпꙋ́стъ. И҆ ча́съ пе́рвый."
|
|
},
|
|
{
|
|
"type": "HEADER",
|
|
"value": "На лїтꙋргі́и: Бл҃жє́нна, ѿ канѡ́на, пѣ́снь г҃-ѧ и҆ ѕ҃-ѧ."
|
|
},
|
|
{
|
|
"type": "HEADER",
|
|
"value": "Слꙋ́жба всѧ̀ ст҃и́тельскаѧ."
|
|
}
|
|
] |