682 lines
56 KiB
JSON
682 lines
56 KiB
JSON
[
|
|
{
|
|
"type": "HEADER",
|
|
"value": "Деке́мврїа з҃"
|
|
},
|
|
{
|
|
"type": "HEADER",
|
|
"value": "Прпⷣбнагѡ ѻ҆ц҃а̀ на́шегѡ ні́ла, и҆́же на є҆́зерѣ селиге́рѣ, на ѻ҆́стровѣ зово́момъ столобно́е, но́вагѡ чꙋдотво́рца."
|
|
},
|
|
{
|
|
"type": "HEADER",
|
|
"value": "На ма́лѣй вече́рни стїхи̑ры, гла́съ а҃."
|
|
},
|
|
{
|
|
"type": "TEXT",
|
|
"value": "Подо́бенъ: Нбⷭ҇ныхъ чинѡ́въ:"
|
|
},
|
|
{
|
|
"type": "TEXT",
|
|
"value": "Наста̀, бг҃оно́се, сл҃нца свѣтлѣ́йшїй тво́й пра́здникъ, ѡ҆зарѧ́етъ приходѧ́щыѧ къ тебѣ̀ вѣ́рою, и҆ безсме́ртїемъ ѡ҆бл҃гоꙋха́етъ, и҆ дꙋша́мъ и҆сточа́етъ и҆сцѣле́нїе, ні́ле прпⷣбне, мл҃твенниче ѡ҆ дꙋша́хъ на́шихъ. Два́жды."
|
|
},
|
|
{
|
|
"type": "TEXT",
|
|
"value": "Чꙋ́вствєнныѧ стра̑сти тѣлє́сныѧ ᲂу҆кроти́въ воздержа́нїѧ брозда́ми, чꙋдодѣ́йственниче ні́ле, и҆ ре́вность безпло́тныхъ во пло́ти показа́въ, всѧ̑ плѡтска́ѧ жела̑нїѧ дх҃ови повинꙋ́лъ є҆сѝ. Тѣ́мъ ны́нѣ въ нбⷭ҇ныхъ селе́нїихъ водворѧ́ѧсѧ, молѝ ѡ҆ дꙋша́хъ на́шихъ."
|
|
},
|
|
{
|
|
"type": "TEXT",
|
|
"value": "Бл҃же́нне ні́ле, ѡ҆снова́нїе положи́въ добродѣ́телей, и҆ ве́тхагѡ человѣ́ка совле́ксѧ съ похотьмѝ, во хрⷭ҇та̀ ѡ҆бле́клсѧ є҆сѝ вои́стиннꙋ. Тѣ́мъ и҆ побѣди́лъ є҆сѝ, прпⷣбне, мнѡ́гаѧ врагѡ́въ ѡ҆полчє́нїѧ, наста́вникъ мона́хѡмъ бы́въ, молѝ спасти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "Сла́ва, гла́съ и҃:"
|
|
},
|
|
{
|
|
"type": "TEXT",
|
|
"value": "Прпⷣбне и҆ бг҃оно́се ѻ҆́ч҃е на́шъ ні́ле, ты̀ ᲂу҆се́рднѡ въ пꙋсты́ни подвиза́лсѧ є҆сѝ, любвѐ ра́ди гдⷭ҇а своегѡ̀, и҆ воздаѧ́нїѧ ра́ди, є҆́же со всѣ́ми ст҃ы́ми бꙋ́дꙋщихъ є҆гѡ̀ бла̑гъ, и҆ житїе́мъ свои́мъ по́стническимъ, ꙗ҆́кѡ а҆́гг҃лъ на землѝ, человѣ́ки ᲂу҆диви́лъ є҆сѝ: бѣ́сы же и҆ всю̀ си́лꙋ и҆́хъ ᲂу҆страши́лъ є҆сѝ, и҆ востаю́щыѧ на тѧ̀ ѕлотво́рцы, неми́лѡстивыѧ разбо́йники по́мощїю бж҃їею посрами́лъ є҆сѝ. И҆ ны́нѣ, прпⷣбне ᲂу҆го́дниче хрⷭ҇то́въ, ѻ҆́ч҃е на́шъ ні́ле, молѝ ѡ҆ на́съ всеми́лостиваго бг҃а, пода́ти ми́ръ мі́рови, и҆ дꙋша́мъ на́шымъ ве́лїю ми́лость."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "HEADER",
|
|
"value": "На стїхо́внѣ стїхи̑ры, гла́съ в҃."
|
|
},
|
|
{
|
|
"type": "TEXT",
|
|
"value": "Подо́бенъ: До́ме є҆ѵфра́ѳовъ:"
|
|
},
|
|
{
|
|
"type": "TEXT",
|
|
"value": "До́мъ и҆ селе́нїе ѻ҆ц҃ꙋ̀ безнача́льномꙋ бы́лъ є҆сѝ, прпⷣбне ні́ле, ѻ҆́ч҃е на́шъ, того̀ молѝ пода́ти ми́ръ цр҃кви є҆гѡ̀, и҆ дꙋша́мъ на́шымъ ве́лїю ми́лость."
|
|
},
|
|
{
|
|
"type": "TEXT",
|
|
"value": "Сті́хъ: Честна̀ предъ гдⷭ҇емъ сме́рть прпⷣбныхъ є҆гѡ̀."
|
|
},
|
|
{
|
|
"type": "TEXT",
|
|
"value": "До́мъ и҆ ѻ҆би́тель безнача́льнагѡ ѻ҆ц҃а̀ є҆диноро́дномꙋ сн҃ꙋ бы́лъ є҆сѝ, прпⷣбне ні́ле, ѻ҆́ч҃е на́шъ. Того̀ молѝ дꙋша́мъ на́шымъ пода́ти ве́лїю ми́лость."
|
|
},
|
|
{
|
|
"type": "TEXT",
|
|
"value": "Сті́хъ: Блаже́нъ мꙋ́жъ, боѧ́йсѧ гдⷭ҇а, въ за́повѣдехъ є҆гѡ̀ восхо́щетъ ѕѣлѡ̀."
|
|
},
|
|
{
|
|
"type": "TEXT",
|
|
"value": "До́мъ и҆ жили́ще дх҃ꙋ прест҃о́мꙋ бы́лъ є҆сѝ, прпⷣбне ні́ле, ѻ҆́ч҃е на́шъ. Того̀ молѝ, пода́ти ми́ръ всемꙋ̀ правосла́вїю и҆ дꙋша́мъ на́шымъ ве́лїю ми́лость."
|
|
},
|
|
{
|
|
"type": "HEADER",
|
|
"value": "Сла́ва, подо́бенъ то́йже:"
|
|
},
|
|
{
|
|
"type": "TEXT",
|
|
"value": "До́мъ и҆ пребыва́нїе прест҃ѣ́й и҆ безнача́льнѣй трⷪ҇цѣ бы́лъ є҆сѝ, прпⷣбне ні́ле, ѻ҆́ч҃е на́шъ. ю҆́же молѝ, ми́ръ ѻ҆би́тели твое́й пода́ти, и҆ дꙋша́мъ на́шымъ ве́лїю ми́лость."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ. Подо́бенъ то́йже."
|
|
},
|
|
{
|
|
"type": "TEXT",
|
|
"value": "До́мъ и҆ хра́мъ прекра́сенъ воздви́женъ во ѻ҆би́тели твое́й, прпⷣбне, въ похвалꙋ̀ и҆ сла́вꙋ прест҃ѣ́й бцⷣѣ мр҃і́и. ю҆́же молѝ, прпⷣбне ѻ҆́ч҃е на́шъ ні́ле, пода́ти дꙋша́мъ на́шымъ ве́лїю ми́лость."
|
|
},
|
|
{
|
|
"type": "HEADER",
|
|
"value": "Тропа́рь, гла́съ д҃:"
|
|
},
|
|
{
|
|
"type": "TEXT",
|
|
"value": "Ꙗ҆́кѡ свѣти́льникъ всесвѣ́телъ, ꙗ҆ви́лсѧ є҆сѝ во ѻ҆́стровѣ селиге́ра є҆́зера, прпⷣбне ѻ҆́ч҃е ні́ле: ты́ бо крⷭ҇тъ хрⷭ҇то́въ ѿ ю҆́ности своеѧ̀ на ра́мо взе́мъ, ᲂу҆се́рднѡ томꙋ̀ послѣ́довалъ є҆сѝ, чистото́ю бг҃ови прибли́живсѧ, ѿѻнꙋ́дꙋже и҆ чꙋде́съ дарова́нїемъ ѡ҆богати́лсѧ є҆сѝ. Тѣ́мъ и҆ мы̀, притека́юще къ ра́цѣ моще́й твои́хъ, ᲂу҆ми́льнѡ глаго́лемъ: ѻ҆́ч҃е прпⷣбне, молѝ хрⷭ҇та̀ бг҃а, спасти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Є҆́же ѿ вѣ́ка ᲂу҆тае́нное:"
|
|
},
|
|
{
|
|
"type": "HEADER",
|
|
"value": "На вели́цѣй вече́рни пое́мъ, Блаже́нъ мꙋ́жъ: а҃-й а҆нтїфѡ́нъ."
|
|
},
|
|
{
|
|
"type": "HEADER",
|
|
"value": "На Гдⷭ҇и, воззва́хъ, стїхи̑ры, на и҃, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Ꙗ҆́кѡ до́блѧ:"
|
|
},
|
|
{
|
|
"type": "TEXT",
|
|
"value": "Въ пꙋсты́ню дости́глъ є҆сѝ, пребл҃ги́мъ бг҃омъ наставлѧ́емь, прпⷣбне ѻ҆́ч҃е ні́ле, ꙗ҆́кѡ дре́во при вода́хъ насажде́нъ, де́нь и҆ но́щь поꙋча́ѧсѧ въ зако́нѣ гдⷭ҇ни, плоды̀ воздержа́нїѧ прине́слъ є҆сѝ всест҃ѣ́й трⷪ҇цѣ: ю҆́же, прпⷣбне, молѝ вѣ́рою притека́ющымъ къ ра́цѣ моще́й твои́хъ бл҃года́ть и҆сцѣле́нїѧ дарова́ти, и҆ спастѝ и҆ просвѣти́ти дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "Въ пꙋсты́ню всели́всѧ, пребл҃ги́мъ хрⷭ҇то́мъ бг҃омъ наста́влѧемь, прпⷣбне ѻ҆́ч҃е ні́ле, въ не́йже ꙗ҆́кѡ дре́во при вода́хъ насади́всѧ, и҆ въ зако́нѣ гдⷭ҇ни поꙋчи́всѧ де́нь и҆ но́щь, плоды̀ дх҃ѡ́вныѧ прине́слъ є҆сѝ хрⷭ҇тꙋ̀ бг҃ꙋ. Є҆го́же молѝ ѡ҆ притека́ющихъ съ вѣ́рою къ ра́цѣ моще́й твои́хъ, бл҃года́ть и҆сцѣле́нїй дарова́ти, и҆ спастѝ и҆ просвѣти́ти дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "Въ пꙋсты́ню водвори́лсѧ є҆сѝ бл҃года́тїю хрⷭ҇та̀ бг҃а, преблаже́нне ѻ҆́ч҃е ні́ле, въ не́йже ꙗ҆́кѡ лоза̀ благопло́днаѧ при вода́хъ насажде́нъ є҆сѝ, плоды̀ хрⷭ҇тꙋ̀ бг҃ꙋ приносѧ̀, и҆ къ жи́зни вѣ́чнѣй наставлѧ́ѧ вѣ́рою пра́зднꙋющихъ честнꙋ́ю па́мѧть твою̀: молѝ хрⷭ҇та̀ бг҃а ѿ тлѝ и҆ бѣ́дъ и҆зба́витисѧ на́мъ, и҆ спастѝ и҆ просвѣти́ти дꙋ́шы на́шѧ."
|
|
},
|
|
{
|
|
"type": "HEADER",
|
|
"value": "Сла́ва, гла́съ и҃:"
|
|
},
|
|
{
|
|
"type": "TEXT",
|
|
"value": "Прпⷣбне ѻ҆́ч҃е ні́ле, ты̀ въ зако́нѣ гдⷭ҇ни де́нь и҆ но́щь поꙋчи́всѧ, досто́инъ бы́въ дре́ва живо́тнагѡ вѣ́твь бы́ти, и҆ пло́дъ тво́й страда́ньми и҆ вѣнцы̑ процвѣтѐ, дерзнове́нїе и҆мѣ́ѧ къ подвигополо́жникꙋ хрⷭ҇тꙋ̀ бг҃ꙋ, просѝ и҆ на́мъ ѡ҆чище́нїѧ грѣхѡ́въ и҆ ве́лїѧ ми́лости."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Цр҃ь нбⷭ҇ный:"
|
|
},
|
|
{
|
|
"type": "HEADER",
|
|
"value": "Вхо́дъ, прокі́менъ днѐ, и҆ чтє́нїѧ г҃ прпⷣбничєскаѧ."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́ни чте́нїе. (Глава̀ г҃.)"
|
|
},
|
|
{
|
|
"type": "TEXT",
|
|
"value": "Пра́ведныхъ дꙋ́шы въ рꙋцѣ̀ бж҃їей, и҆ не прико́снетсѧ и҆́хъ мꙋ́ка. Непщева́ни бы́ша во ѻ҆чесѣ́хъ безꙋ́мныхъ ᲂу҆мре́ти, и҆ вмѣни́сѧ ѡ҆ѕлобле́нїе и҆схо́дъ и҆́хъ: и҆ є҆́же ѡ҆ на́съ ше́ствїе, сокрꙋше́нїе, ѻ҆ни́ же сꙋ́ть въ ми́рѣ. И҆́бо предъ лице́мъ человѣ́ческимъ а҆́ще и҆ мꙋ́кꙋ прїи́мꙋтъ, ᲂу҆пова́нїе и҆́хъ безсме́ртїѧ и҆спо́лнено. И҆ вма́лѣ нака́зани бы́вше, вели́кими благодѣ́тельствовани бꙋ́дꙋтъ, ꙗ҆́кѡ бг҃ъ и҆скꙋсѝ ѧ҆̀, и҆ ѡ҆брѣ́те и҆̀хъ достѡ́йны себѣ̀. Ꙗ҆́кѡ зла́то въ горни́лѣ и҆скꙋсѝ и҆̀хъ, и҆ ꙗ҆́кѡ всепло́дїе же́ртвенное прїѧ́тъ ѧ҆̀. И҆ во вре́мѧ посѣще́нїѧ и҆́хъ возсїѧ́ютъ, и҆ ꙗ҆́кѡ и҆́скры по сте́блїю потекꙋ́тъ. Сꙋ́дѧтъ ꙗ҆зы́кѡмъ, и҆ ѡ҆блада́ютъ людьмѝ, и҆ воцр҃и́тсѧ гдⷭ҇ь въ ни́хъ во вѣ́ки. Надѣ́ющїисѧ на́нь разꙋмѣ́ютъ и҆́стинꙋ, и҆ вѣ́рнїи въ любвѝ пребꙋ́дꙋтъ є҆мꙋ̀: ꙗ҆́кѡ бл҃года́ть и҆ ми́лость въ преподо́бныхъ є҆гѡ̀, и҆ посѣще́нїе во и҆збра́нныхъ є҆гѡ̀."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́ни чте́нїе. (Глава̀ є҃.)"
|
|
},
|
|
{
|
|
"type": "TEXT",
|
|
"value": "Пра́вєдницы во вѣ́ки живꙋ́тъ, и҆ въ гдⷭ҇ѣ мзда̀ и҆́хъ, и҆ попече́нїе и҆́хъ ᲂу҆ вы́шнѧгѡ. Сегѡ̀ ра́ди прїи́мꙋтъ црⷭ҇твїе благолѣ́пїѧ, и҆ вѣне́цъ добро́ты ѿ рꙋкѝ гдⷭ҇ни: занѐ десни́цею покры́етъ ѧ҆̀, и҆ мы́шцею защити́тъ и҆̀хъ. Прїи́метъ всеѻрꙋ́жїе рве́нїе своѐ, и҆ воѡрꙋжи́тъ тва́рь въ ме́сть врагѡ́мъ. Ѡ҆блече́тсѧ въ бронѧ̀ пра́вды, и҆ возложи́тъ шле́мъ, сꙋ́дъ нелицемѣ́ренъ: прїи́метъ щи́тъ непобѣди́мый преподо́бїе: поѡстри́тъ же напра́сный гнѣ́въ во ѻ҆рꙋ́жїе: спобо́ретъ же съ ни́мъ мі́ръ на безꙋ̑мныѧ: по́йдꙋтъ праволꙋ̑чныѧ стрѣ́лы мѡ́лнїины, и҆ ꙗ҆́кѡ ѿ благокрꙋ́гла лꙋ́ка ѻ҆блакѡ́въ на намѣ́ренїе полетѧ́тъ: и҆ ѿ каменоме́тныѧ ꙗ҆́рости, и҆спо́лнь падꙋ́тъ гра́ды: вознегодꙋ́етъ на ни́хъ вода̀ морска́ѧ, рѣ́ки же потопѧ́тъ ѧ҆̀ на́глѡ. Сопроти́въ ста́нетъ и҆̀мъ дꙋ́хъ си́лы, и҆ ꙗ҆́кѡ ви́хоръ развѣ́етъ и҆̀хъ: и҆ ѡ҆пꙋстоши́тъ всю̀ зе́млю беззако́нїе, и҆ ѕлодѣ́йство преврати́тъ престо́лы си́льныхъ. Слы́шите ᲂу҆̀бо, ца́рїе, и҆ разꙋмѣ́йте: навы́кните, сꙋдїи̑ концє́въ землѝ. Внꙋши́те держа́щїи мно́жєства и҆ гордѧ́щїисѧ ѡ҆ наро́дѣхъ ꙗ҆зы̑къ: ꙗ҆́кѡ дана̀ є҆́сть ѿ гдⷭ҇а держа́ва ва́мъ, и҆ си́ла ѿ вы́шнѧгѡ."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́ни чте́нїе. (Глава̀ д҃.)"
|
|
},
|
|
{
|
|
"type": "TEXT",
|
|
"value": "Пра́ведникъ, а҆́ще пости́гнетъ сконча́тисѧ, въ поко́и бꙋ́детъ. Ста́рость бо честна̀ не многолѣ́тна, нижѐ въ числѣ̀ лѣ́тъ и҆счита́етсѧ: сѣди́на же є҆́сть мꙋ́дрость человѣ́кѡмъ, и҆ во́зрастъ ста́рости, житїѐ нескве́рное. Благоꙋго́денъ бг҃ови бы́въ, возлю́бленъ бы́сть, и҆ живы́й посредѣ̀ грѣ̑шникъ преста́вленъ бы́сть. Восхище́нъ бы́сть, да не ѕло́ба и҆змѣни́тъ ра́зꙋма є҆гѡ̀, и҆лѝ ле́сть прельсти́тъ дꙋ́шꙋ є҆гѡ̀. Раче́нїе бо ѕло́бы помрача́етъ дѡ́браѧ, и҆ паре́нїе по́хоти премѣнѧ́етъ ᲂу҆́мъ неѕло́бивъ. Сконча́всѧ вма́лѣ, и҆спо́лни лѣ̑та дѡ́лга: ᲂу҆го́дна бо бѣ̀ гдⷭ҇еви дꙋша̀ є҆гѡ̀: сегѡ̀ ра́ди потща́сѧ ѿ среды̀ лꙋка́вствїѧ: лю́дїе же ви́дѣвше, и҆ не разꙋмѣ́вше, нижѐ поло́жше въ помышле́нїи таково́е: ꙗ҆́кѡ благода́ть и҆ ми́лость въ преподо́бныхъ є҆гѡ̀, и҆ посѣще́нїе во и҆збра́нныхъ є҆гѡ̀."
|
|
},
|
|
{
|
|
"type": "HEADER",
|
|
"value": "На лїті́и стїхи̑ры, гла́съ и҃:"
|
|
},
|
|
{
|
|
"type": "TEXT",
|
|
"value": "Ра́дꙋйсѧ, свѣти́льниче пресвѣ́тлый, прпⷣбне и҆ бг҃оно́се ѻ҆́ч҃е на́шъ ні́ле: ты̀ на землѝ, ꙗ҆́кѡ безпло́тенъ, пожи́лъ є҆сѝ, посто́мъ и҆ моли́твою бг҃а себѣ̀ ми́лостива сотвори́лъ є҆сѝ, и҆ да́ръ ѿ негѡ̀ прозрѣ́нїѧ и҆ прⷪ҇ро́чества прїѧ́лъ є҆сѝ, и҆ по преставле́нїи чꙋдеса̀ ѿ ст҃ы́хъ моще́й твои́хъ, ꙗ҆́кѡ ѿ и҆сто́чника, преиз̾ѻби́льнѡ и҆сточа́ютсѧ, и҆ съ вѣ́рою приходѧ́щїи, разли́чными недꙋ́ги ѡ҆держи́мїи, и҆сцѣлева́ютсѧ. И҆ ны́нѣ, прпⷣбне ѻ҆́ч҃е на́шъ ні́ле, молѝ ѡ҆ на́съ хрⷭ҇та̀ бг҃а, пода́ти ми́ръ мі́рови и҆ дꙋша́мъ на́шымъ ве́лїю ми́лость."
|
|
},
|
|
{
|
|
"type": "TEXT",
|
|
"value": "Ра́дꙋйсѧ, рѡссі́йскїѧ землѝ свѣти́ло незаходи́мое, прпⷣбне ѻ҆́ч҃е на́шъ ні́ле: ты̀ въ пꙋсты́ни трина́десѧть лѣ́тъ, гдⷭ҇а ра́ди своегѡ̀, терпѣли́вѡ подвиза́лсѧ є҆сѝ, и҆ плотскі̑ѧ стра̑сти воздержа́нїемъ свои́мъ ᲂу҆мертви́лъ є҆сѝ, и҆ въ не́й, мно́гѡ пострада́въ ѿ нача́льника ѕло́бы, гꙋби́телѧ врага̀, съ ни́мъ мꙋ́жественнѡ бра́лсѧ є҆сѝ, и҆ по́мощїю бж҃їею, и҆ свое́ю къ бг҃ꙋ те́плою вѣ́рою, всѐ є҆гѡ̀ ѕлоко́знство, ꙗ҆́кѡ паꙋчи́нꙋ, до конца̀ расто́ргнꙋлъ є҆сѝ, и҆ посрами́лъ є҆сѝ всеси́льною по́мощїю пречⷭ҇тыѧ бцⷣы прише́дшыѧ на тѧ̀ ѕлы̑ѧ разбо́йники: и҆ ны́нѣ, прпⷣбне ѻ҆́ч҃е на́шъ ні́ле, не преста́й ѡ҆ на́съ молѧ̀ хрⷭ҇та̀ бг҃а, дарова́ти ми́ръ мі́рꙋ, и҆ дꙋша́мъ на́шымъ ве́лїю ми́лость."
|
|
},
|
|
{
|
|
"type": "TEXT",
|
|
"value": "Ра́дꙋйсѧ, прпⷣбне ѻ҆́ч҃е на́шъ ні́ле, ты̀ на ѻ҆́стровъ столобно́е, ꙗ҆́кѡ на ѻ҆́блакъ, ра́дꙋѧсѧ возше́лъ є҆сѝ, и҆ на не́мъ моли́твою и҆ посто́мъ, чистото́ю и҆ бл҃гоговѣ́нїемъ, смире́нїемъ и҆ безѕло́бїемъ, и҆ всѣ́ми добродѣ́тельми, ꙗ҆́кѡ а҆́гг҃лъ, подвиза́лсѧ є҆сѝ во вре́меннѣй се́й жи́зни: два́десѧть бо и҆ се́дмь лѣ́тъ препроводи́лъ є҆сѝ, соверша́ѧ за́пѡвѣди гдⷭ҇ни, и҆ ᲂу҆строѧ́ѧ себѣ̀ на нб҃сѣ́хъ пала̑ты нерꙋкотворє́ны и҆ вѣ̑чны, ѡ҆ ни́хже рече́но бы́сть: и҆́хже ѻ҆́ко не ви́дѣ, и҆ ᲂу҆́хо не слы́ша, и҆ на се́рдце человѣ́кꙋ не взыдо́ша, ꙗ҆̀же ᲂу҆гото́ва бг҃ъ лю́бѧщымъ є҆го̀: а҆́може и҆ пресели́лсѧ є҆сѝ къ вѣ̑чнымъ ѻ҆би́телємъ ѻ҆́нѣмъ, и҆ прїѧ́тъ тѧ̀ гдⷭ҇ь съ првⷣными, и҆́хже житїю̀ послѣ́довалъ є҆сѝ. Ра́ка же и҆ ст҃ы̑ѧ мо́щи твоѧ̑, ꙗ҆́кѡ мо́ре, съ вѣ́рою приходѧ́щымъ неѡскꙋ́днѡ и҆сцѣлє́нїѧ и҆злива́ютъ, и҆ мно́зи мнѡ́гїѧ и҆ разли̑чныѧ цѣльбы̑ прїе́млютъ: слѣпі́и прозира́ютъ, глꙋсі́и слы́шатъ, слꙋкі̑ѧ и҆справлѧ́ютсѧ, прокаже́ннїи ѡ҆чища́ютсѧ, нѣмі́и бл҃гоглаго́ливи быва́ютъ, бѣ́си же ѿ человѣ̑къ моли́твами твои́ми ѿбѣга́ютъ. И҆ ны́нѣ, прпⷣбне ѻ҆́ч҃е на́шъ ні́ле, не преста́й молѧ́сѧ хрⷭ҇тꙋ̀ бг҃ꙋ ѡ҆ ста́дѣ и҆ ѡ҆ ѻ҆би́тели свое́й, и҆ дꙋша́мъ на́шымъ пода́ти ми́ръ и҆ ве́лїю ми́лость."
|
|
},
|
|
{
|
|
"type": "HEADER",
|
|
"value": "Сла́ва, гла́съ и҃:"
|
|
},
|
|
{
|
|
"type": "TEXT",
|
|
"value": "Что́ ти принесе́мъ, прпⷣбне, ꙗ҆́кѡ неѡскꙋ́днѡ и҆злива́еши тре́бꙋющымъ благода́ть; и҆́бо тѣ́ло твоѐ, ѻ҆́ч҃е, чистоты̀ жили́ще показа́сѧ. Тѣ́мъ и҆, посѣще́нїемъ ст҃а́гѡ дх҃а ѡ҆зари́вшесѧ, нетлѣ́нно въ на́ше благослове́нїе соблюда́етсѧ, бл҃года́тныхъ лꙋ̑чь сїѧ́нїй и҆спо́лнено, и҆́хже бѣ́сове не терпѧ́тъ зрѣ́ти, дале́че ѿбѣга́ютъ, да́нныѧ тѝ бл҃года́ти трепе́щꙋтъ: и҆̀хже ѿ дꙋ́шъ на́шихъ и҆ тѣле́съ ѿженѝ, мо́лимсѧ, и҆ ненавѣ́тны на́съ при́снѡ соблюдѝ ѿ тѣ́хъ ла́ѧнїѧ твои́ми моли́твами."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Ра́дꙋйсѧ, вселе́нныѧ похвало̀:"
|
|
},
|
|
{
|
|
"type": "HEADER",
|
|
"value": "На стїхо́внѣ стїхи̑ры, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Ѽ пресла́внагѡ чꙋдесѐ!"
|
|
},
|
|
{
|
|
"type": "TEXT",
|
|
"value": "Прпⷣбне и҆ бг҃оно́се, ѻ҆́ч҃е на́шъ ні́ле, ты̀ ѿ ю҆́ности ѿве́рглсѧ є҆сѝ мі́ра и҆ срѡ́дникъ свои́хъ, и҆ прїѧ́лъ є҆сѝ ѻ҆́бразъ а҆́гг҃льскїй и҆́ноческагѡ житїѧ̀ во ѻ҆би́тели ст҃а́гѡ а҆пⷭ҇ла и҆ є҆ѵⷢ҇лі́ста і҆ѡа́нна бг҃осло́ва, и҆ прпⷣбнагѡ ѻ҆ц҃а̀ на́шегѡ са́ввы, и҆́же въ кри́пцахъ, и҆ въ не́й подвиза́всѧ смире́нїемъ и҆ послꙋша́нїемъ, ꙗ҆́кѡ до́брый во́инъ хрⷭ҇то́въ: того̀ ѡ҆ на́съ молѝ, прпⷣбне, со ст҃ы́ми си́ми, пода́ти грѣхѡ́въ ѡ҆ставле́нїе и҆ дꙋша́мъ на́шымъ ве́лїю ми́лость."
|
|
},
|
|
{
|
|
"type": "TEXT",
|
|
"value": "Сті́хъ: Честна̀ предъ гдⷭ҇емъ сме́рть прпⷣбныхъ є҆гѡ̀."
|
|
},
|
|
{
|
|
"type": "TEXT",
|
|
"value": "Прпⷣбне и҆ равноа́гг҃льне ѻ҆́ч҃е на́шъ ні́ле, ты̀ ѿ ю҆́ности хрⷭ҇та̀ возлюби́въ, и҆ ле́гкое и҆́го є҆гѡ̀ на сѧ̀ воспрїѧ́лъ є҆сѝ, и҆ невозвра́тнымъ по́мысломъ послѣ́довалъ є҆сѝ стопа́мъ влⷣки своегѡ̀, и҆ прїѧ́лъ є҆сѝ ѿ негѡ̀ трꙋдѡ́мъ свои̑мъ воздаѧ̑нїѧ, є҆́же съ ни́мъ пребыва́нїе, и҆ со а҆́гг҃лы ликова́нїе, и҆ со всѣ́ми ст҃ы́ми ра́дованїе: того̀ молѝ ѡ҆ на́съ, прпⷣбне, пода́ти грѣхѡ́въ проще́нїе, и҆ дꙋша́мъ на́шымъ ве́лїю ми́лость."
|
|
},
|
|
{
|
|
"type": "TEXT",
|
|
"value": "Сті́хъ: Блаже́нъ мꙋ́жъ, боѧ́йсѧ гдⷭ҇а, въ за́повѣдехъ є҆гѡ̀ восхо́щетъ ѕѣлѡ̀."
|
|
},
|
|
{
|
|
"type": "TEXT",
|
|
"value": "Прпⷣбне и҆ бг҃омꙋ́дре ѻ҆́ч҃е на́шъ ні́ле, ты̀ хрⷭ҇та̀ ра́ди ѿ ю҆́ности въ пꙋсты́ню всели́лсѧ є҆сѝ, и҆ въ не́й, ꙗ҆́кѡ безпло́тенъ, на стра̑сти плотскі̑ѧ подвиза́лсѧ є҆сѝ посто́мъ и҆ моли́твою, и҆ ст҃ы́мъ смире́нїемъ, и҆ нача́льника ѕло́бы врага̀ съ кова̑рствы є҆гѡ̀ до конца̀ низложи́лъ є҆сѝ, и҆ ны́нѣ, прпⷣбне, предстоѧ̀ ᲂу҆ прⷭ҇то́ла всѣ́хъ цр҃ѧ̀, моли́сѧ ѡ҆ почита́ющихъ свѧще́ннꙋю и҆ многора́достнꙋю па́мѧть твою̀, пода́ти грѣхѡ́въ ѡ҆ставле́нїе и҆ дꙋша́мъ на́шымъ ве́лїю ми́лость."
|
|
},
|
|
{
|
|
"type": "HEADER",
|
|
"value": "Сла́ва, гла́съ то́йже:"
|
|
},
|
|
{
|
|
"type": "TEXT",
|
|
"value": "Мона́хѡвъ мно́жества наста́вника тѧ̀ почита́емъ, ѻ҆́ч҃е на́шъ ні́ле: твое́ю бо стезе́ю вои́стиннꙋ пра́вѡ ходи́ти позна́хомъ. Блаже́нъ є҆сѝ, хрⷭ҇тꙋ̀ рабо́тавъ, и҆ вра́жїю ѡ҆бличи́лъ є҆сѝ си́лꙋ, а҆́гг҃лѡвъ собесѣ́дниче, прпⷣбныхъ соприча́стниче и҆ пра́ведныхъ: съ ни́миже моли́сѧ гдⷭ҇ꙋ, поми́ловатисѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Безневѣ́стнаѧ дв҃о:"
|
|
},
|
|
{
|
|
"type": "HEADER",
|
|
"value": "На благослове́нїи хлѣ́бѡвъ, тропа́рь ст҃а́гѡ:"
|
|
},
|
|
{
|
|
"type": "TEXT",
|
|
"value": "Ꙗ҆́кѡ свѣти́льникъ всесвѣ́телъ, ꙗ҆ви́лсѧ є҆сѝ во ѻ҆́стровѣ селиге́ра є҆́зера, прпⷣбне ѻ҆́ч҃е ні́ле: ты́ бо крⷭ҇тъ хрⷭ҇то́въ ѿ ю҆́ности своеѧ̀ на ра́мо взе́мъ, ᲂу҆се́рднѡ томꙋ̀ послѣ́довалъ є҆сѝ, чистото́ю бг҃ови прибли́живсѧ, ѿѻнꙋ́дꙋже и҆ чꙋде́съ дарова́нїемъ ѡ҆богати́лсѧ є҆сѝ. Тѣ́мъ и҆ мы̀, притека́юще къ ра́цѣ моще́й твои́хъ, ᲂу҆ми́льнѡ глаго́лемъ: ѻ҆́ч҃е прпⷣбне, молѝ хрⷭ҇та̀ бг҃а, спасти́сѧ дꙋша́мъ на́шымъ. Два́жды."
|
|
},
|
|
{
|
|
"type": "TEXT",
|
|
"value": "Бцⷣе дв҃о: Є҆ди́ножды."
|
|
},
|
|
{
|
|
"type": "HEADER",
|
|
"value": "На ᲂу҆́трени, на Бг҃ъ гдⷭ҇ь, тропа́рь прпⷣбномꙋ, два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "HEADER",
|
|
"value": "По а҃-мъ стїхосло́вїи, сѣда́ленъ, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Ско́рѡ предварѝ:"
|
|
},
|
|
{
|
|
"type": "TEXT",
|
|
"value": "Зва́нїю гдⷭ҇а своегѡ̀ послѣ́довалъ є҆сѝ, мі́ръ ѡ҆ста́вивъ, и҆ всѧ̑, ꙗ҆̀же въ мі́рѣ, красова̑нїѧ, преблаже́нне ні́ле, претерпѣ́лъ є҆сѝ ᲂу҆се́рднѡ пꙋсты́нное ѡ҆ѕлобле́нїе, полки́ же бѣсѡ́вскїѧ побѣди́лъ є҆сѝ мꙋ́жески: тѣ́мже па́мѧть твою̀ при́снѡ восхвалѧ́емъ пѣ́сньми вѣ́рнѡ. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Ѡ҆бнови́ла є҆сѝ, чⷭ҇таѧ, бжⷭ҇твеннымъ ржⷭ҇тво́мъ твои́мъ и҆стлѣ́вшее страстьмѝ земноро́дныхъ сꙋщество̀, и҆ возста́вила є҆сѝ ѿ сме́рти къ жи́зни нетлѣ́нїѧ. Тѣ́мже тѧ̀ по до́лгꙋ блажи́мъ всѝ, дв҃о препросла́вленнаѧ, ꙗ҆́коже прорекла̀ є҆сѝ."
|
|
},
|
|
{
|
|
"type": "HEADER",
|
|
"value": "По в҃-мъ стїхосло́вїи, сѣда́ленъ, гла́съ є҃."
|
|
},
|
|
{
|
|
"type": "TEXT",
|
|
"value": "Подо́бенъ: Собезнача́льное сло́во:"
|
|
},
|
|
{
|
|
"type": "TEXT",
|
|
"value": "По́стника гдⷭ҇нѧ пѣ́сньми почти́мъ, ꙗ҆́кѡ ᲂу҆мертви́вша всѧ̑ прило́ги страсте́й воздержа́нїемъ тве́рдымъ и҆ крѣ́пкимъ терпѣ́нїемъ вои́стиннꙋ, и҆ посрами́вша ѕѣлѡ̀ сопроти́внагѡ всю̀ горды́ню, и҆ ны́нѣ молѧ́щасѧ гдⷭ҇еви поми́ловатисѧ дꙋша́мъ на́шымъ. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Стра́шно чꙋ́до зача́тїѧ, и҆ несказа́ненъ ѻ҆́бразъ ржⷭ҇тва̀ въ тебѣ̀ позна́сѧ, чⷭ҇таѧ приснодв҃о, ᲂу҆жаса́етъ мѝ ᲂу҆́мъ, и҆ ᲂу҆дивлѧ́етъ помышлє́нїѧ: сла́ва твоѧ̀, бцⷣе, всѣ̑мъ простре́сѧ на спасе́нїе дꙋ́шъ на́шихъ."
|
|
},
|
|
{
|
|
"type": "HEADER",
|
|
"value": "По полѷеле́и сѣда́ленъ, гла́съ а҃."
|
|
},
|
|
{
|
|
"type": "TEXT",
|
|
"value": "Подо́бенъ: Гро́бъ тво́й, сп҃се:"
|
|
},
|
|
{
|
|
"type": "TEXT",
|
|
"value": "Погре́блъ є҆сѝ страсте́й всѐ воста́нїе ᲂу҆мерщвле́нїемъ пло́ти, свѧще́нный ѻ҆́ч҃е, жи́знь безконе́чнꙋю по сме́рти прїѧ́лъ є҆сѝ: тѣ́мже дне́сь хрⷭ҇то́ва цр҃ковь пра́зднꙋетъ твою̀ досточꙋ́днꙋю па́мѧть, прпⷣбнымъ ᲂу҆краше́нїе. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Наста́ви на́съ на пꙋ́ть покаѧ́нїѧ, ᲂу҆клонѧ́ющихсѧ при́снѡ къ безпꙋ́тїѧмъ ѕѡ́лъ, и҆ преблага́го бг҃а прогнѣ́вающихъ, неискꙋсобра́чнаѧ бл҃гослове́ннаѧ мр҃і́е, прибѣ́жище ѿча́ѧнныхъ человѣ́кѡвъ, бж҃їе селе́нїе."
|
|
},
|
|
{
|
|
"type": "HEADER",
|
|
"value": "Степє́нна, а҃-й а҆нтїфѡ́нъ д҃-гѡ гла́са."
|
|
},
|
|
{
|
|
"type": "HEADER",
|
|
"value": "Прокі́менъ, гла́съ д҃:"
|
|
},
|
|
{
|
|
"type": "TEXT",
|
|
"value": "Честна̀ предъ гдⷭ҇емъ:"
|
|
},
|
|
{
|
|
"type": "TEXT",
|
|
"value": "Сті́хъ: Что̀ возда́мъ гдⷭ҇еви ѡ҆ всѣ́хъ:"
|
|
},
|
|
{
|
|
"type": "TEXT",
|
|
"value": "Всѧ́кое дыха́нїе."
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе ѿ матѳе́а, зача́ло м҃г."
|
|
},
|
|
{
|
|
"type": "HEADER",
|
|
"value": "По н҃-мъ ѱалмѣ̀, стїхи́ра, гла́съ и҃:"
|
|
},
|
|
{
|
|
"type": "TEXT",
|
|
"value": "Прпⷣбне ѻ҆́ч҃е ні́ле, мі́ра красоты̑ и҆ пи̑щи сла́дѡстныѧ возненави́дѣвъ, и҆́ноческое житїѐ па́че возлюби́лъ є҆сѝ, и҆ а҆́гг҃лѡмъ собесѣ́дникъ бы́въ, свѣти́льникъ многосвѣ́тлый ꙗ҆ви́лсѧ є҆сѝ чꙋдесмѝ, ꙗ҆́кѡ со́лнце сїѧ́ѧ. Тѣ́мъ всѣ́хъ на́съ помина́й, соверша́ющихъ свѧще́ннꙋю па́мѧть твою̀: мы́ бо ча̑да твоѧ̑ и҆ ѻ҆́вцы слове́сныхъ тѝ ᲂу҆че́нїй, и҆ тѧ̀ на по́мощь призыва́емъ, просѧ́ще тобо́ю прїѧ́ти ми́ръ и҆ ве́лїю ми́лость."
|
|
},
|
|
{
|
|
"type": "HEADER",
|
|
"value": "Канѡ́нъ бцⷣы, со і҆рмосо́мъ, на ѕ҃, и҆ ст҃о́мꙋ є҆ди́нъ канѡ́нъ, на и҃. Гла́съ д҃."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ѿве́рзꙋ ᲂу҆ста̀ моѧ̑, и҆ напо́лнѧтсѧ дх҃а, и҆ сло́во ѿры́гнꙋ цр҃и́цѣ мт҃ри, и҆ ꙗ҆влю́сѧ свѣ́тлѡ торжествꙋ́ѧⷱ҇ и҆ воспою̀ ра́дꙋѧсѧ тоѧ̀ чꙋдеса̀."
|
|
},
|
|
{
|
|
"type": "TEXT",
|
|
"value": "Смири́лсѧ є҆сѝ хрⷭ҇та̀ ра́ди, ѻ҆́ч҃е ні́ле, и҆ крⷭ҇тъ взе́мъ, ѻ҆те́чества и҆ срѡ́дникъ бѣ́глъ є҆сѝ: ѿню́дꙋже въ пꙋсты́ню вше́дъ, и҆ въ не́й трꙋдолю́бнѡ подвиза́лсѧ є҆сѝ, прпⷣбне."
|
|
},
|
|
{
|
|
"type": "TEXT",
|
|
"value": "Ѿ ю҆́ности своеѧ̀, ѻ҆́ч҃е ні́ле, ᲂу҆́мъ къ бг҃ꙋ впери́въ, и҆ тлѣ́нными нетлѣ̑ннаѧ, ꙗ҆́кѡ до́брый кꙋпе́цъ, и҆скꙋпи́лъ є҆сѝ: тѣ́мже, ны́нѣ соше́дшесѧ, па́мѧть твою̀ почита́емъ."
|
|
},
|
|
{
|
|
"type": "TEXT",
|
|
"value": "Хрⷭ҇то́вымъ раче́нїемъ, ѻ҆́ч҃е ні́ле, па́че ѻ҆гнѧ̀ распала́емь, настоѧ̑щаѧ, ꙗ҆́кѡ ничто́же сꙋ́щи, презрѣ́лъ є҆сѝ: и҆ тогѡ̀ ра́ди въ поко́ище всели́сѧ, и҆дѣ́же пра́ведныхъ дꙋ́шы веселѧ́тсѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Болѧ́ща и҆сцѣлѝ дꙋше́ю же и҆ тѣ́ломъ, влⷣчце, раба̀ твоего̀, бл҃же́ннагѡ ні́ла моле́нїемъ: тебе́ бо предста́тельницꙋ всѝ сꙋ́щїи въ печа́лѣхъ стѧжа́хомъ, ꙗ҆́кѡ ро́ждшꙋю спасе́нїе на́ше."
|
|
},
|
|
{
|
|
"type": "TEXT",
|
|
"value": "Катава́сїа: Хрⷭ҇то́съ ражда́етсѧ:"
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "TEXT",
|
|
"value": "І҆рмо́съ: Твоѧ̑ пѣсносло́вцы, бцⷣе, живы́й и҆ незави́стный и҆сто́чниче, ли́къ себѣ̀ совокꙋ́пльшыѧ, дꙋхо́внѡ ᲂу҆твердѝ, въ бжⷭ҇твеннѣй твое́й сла́вѣ, вѣнцє́въ сла́вы сподо́би."
|
|
},
|
|
{
|
|
"type": "TEXT",
|
|
"value": "Сна̀ твои̑мъ ѻ҆чесє́мъ не да́лъ є҆сѝ, бл҃же́нне ні́ле, ни вѣ́ждѡмъ дрема́нїѧ, до́ндеже сподо́билсѧ є҆сѝ пра́ведныхъ селе́нїѧ, ꙗ҆̀же ᲂу҆гото́ва бг҃ъ лю́бѧщымъ є҆го̀."
|
|
},
|
|
{
|
|
"type": "TEXT",
|
|
"value": "Бо́дренными твои́ми моли́твами, ѻ҆́ч҃е ні́ле, и҆ жесто́кимъ воздержа́нїемъ бг҃ꙋ на землѝ до́брѣ ᲂу҆годи́лъ є҆сѝ: и҆ сегѡ̀ ра́ди бы́въ стра́шенъ врагѡ́мъ и҆ сла́венъ человѣ́кѡмъ."
|
|
},
|
|
{
|
|
"type": "TEXT",
|
|
"value": "Ра́йскꙋю жи́знь, и҆ та́мѡ ст҃ы̑мъ весе́лїе, всегда̀ во ᲂу҆мѣ̀ свое́мъ помышлѧ́ѧ, прпⷣбне, тѣ́мже во слеза́хъ и҆ въ воздыха́нїи всю̀ жи́знь свою̀, ѻ҆́ч҃е ні́ле, проше́лъ є҆сѝ: и҆ сегѡ̀ ра́ди по сме́рти ѿ хрⷭ҇та̀ чꙋдесы̀ просла́висѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: И҆сточа́еши и҆сцѣле́нїемъ стрꙋи̑ болѧ́щымъ, дв҃о, всю́дꙋ: тѧ́ бо и҆сто́чникъ показа̀ и҆сцѣле́нїй, влⷣчце, и҆́же ми́лости гдⷭ҇ь, и҆зъ тебє̀ рожде́йсѧ па́че ᲂу҆ма̀."
|
|
},
|
|
{
|
|
"type": "HEADER",
|
|
"value": "Сѣда́ленъ, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Ско́рѡ предварѝ:"
|
|
},
|
|
{
|
|
"type": "TEXT",
|
|
"value": "Стра́стное покори́лъ є҆сѝ плотско́е мꙋдрова́нїе, и҆ хꙋ́ждшее порабо́тилъ є҆сѝ лꙋ́чшемꙋ, ѻ҆́ч҃е ні́ле пресла́вне, сокрꙋши́лъ є҆сѝ бѣсѡ́вскїѧ кѡ́зни посто́мъ, и҆ возсїѧ́лъ є҆сѝ въ мі́рѣ, ꙗ҆́кѡ лꙋча̀ со́лнечнаѧ, сїѧ̑нїи твои́хъ добродѣ́телей: сегѡ̀ ра́ди тѧ̀ воспѣва́емъ. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Стѣна̀ непобѣди́маѧ на́мъ хрⷭ҇тїа́нѡмъ є҆сѝ, бцⷣе дв҃о, къ тебѣ̀ прибѣга́юще невреди́ми пребыва́емъ, и҆ па́ки согрѣша́юще, и҆́мамы тѧ̀ моли́твенницꙋ. Тѣ́мъ благодарѧ́ще вопїе́мъ тѝ: ра́дꙋйсѧ, бл҃года́тнаѧ, гдⷭ҇ь съ тобо́ю."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "TEXT",
|
|
"value": "І҆рмо́съ: Сѣдѧ́й въ сла́вѣ на прⷭ҇то́лѣ бжⷭ҇тва̀, во ѻ҆́блацѣ ле́гцѣ прїи́де і҆и҃съ пребжⷭ҇твенный, нетлѣ́нною дла́нїю, и҆ спасѐ зовꙋ́щыѧ: сла́ва, хрⷭ҇тѐ, си́лѣ твое́й."
|
|
},
|
|
{
|
|
"type": "TEXT",
|
|
"value": "Житїѐ своѐ, ѻ҆́ч҃е ні́ле, чꙋ́дно на землѝ показа́лъ є҆сѝ, вели́ко поще́нїе и҆ смире́нїе: и҆ сегѡ̀ ра́ди на нб҃сѣ́хъ жи́знь вѣ́чнꙋю наслѣ́довалъ є҆сѝ, молѝ спасти́сѧ ѿ бѣ́дъ пою́щымъ тѧ̀."
|
|
},
|
|
{
|
|
"type": "TEXT",
|
|
"value": "Сѷмеѡ́на вели́кагѡ, на столпѣ̀ жи́вшагѡ, житїю̀ послѣ́дꙋѧ, прпⷣбне: тѣ́мже тогѡ̀, є҆ли́кѡ мо́щно, и҆менова́нїе ѿ житїѧ̀ стѧжа́лъ є҆сѝ, ні́ле пребога́те."
|
|
},
|
|
{
|
|
"type": "TEXT",
|
|
"value": "Посто́мъ и҆ моли́твами тѣ́ло твоѐ, ѻ҆́ч҃е ні́ле, и҆знꙋри́лъ є҆сѝ, и҆ сегѡ̀ ра́ди сподо́билсѧ є҆сѝ ви́дѣти неизречє́ннаѧ блага̑ѧ, ꙗ҆̀же ст҃ы̑мъ ᲂу҆готѡ́вана: съ ни́миже, ѻ҆́ч҃е ні́ле, ѡ҆ на́съ моли́сѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Покро́въ и҆ застꙋпле́нїе и҆ прибѣ́жище бꙋ́ди мѝ, дв҃о, рабꙋ̀ твоемꙋ̀, и҆сцѣли́ мѧ ѿ безмѣ́рныхъ ѕѡ́лъ, воспѣва́ти, пречⷭ҇таѧ: сла́ва ржⷭ҇твꙋ̀ твоемꙋ̀."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆жасо́шасѧ всѧ́чєскаѧ ѡ҆ бжⷭ҇твеннѣй сла́вѣ твое́й: ты́ бо, неискꙋсобра́чнаѧ дв҃о, и҆мѣ́ла є҆сѝ во ᲂу҆тро́бѣ надъ всѣ́ми бг҃а, и҆ родила̀ є҆сѝ безлѣ́тнаго сн҃а, всѣ̑мъ воспѣва́ющымъ тѧ̀, ми́ръ подава́ющаѧ."
|
|
},
|
|
{
|
|
"type": "TEXT",
|
|
"value": "Чи́сто житїѐ твоѐ ѿ ю҆́ности потща́лсѧ є҆сѝ, прпⷣбне, сохрани́ти: тѣ́мже, чистотꙋ̀ твою̀ ви́дѣвъ, прест҃ы́й дх҃ъ въ тѧ̀ всели́сѧ."
|
|
},
|
|
{
|
|
"type": "TEXT",
|
|
"value": "Ꙗ҆́кѡ преѡби́дѣвъ тлѣ̑ннаѧ, вѣ̑чныѧ, ѻ҆́ч҃е, сподо́билсѧ є҆сѝ прїѧ́ти, по нело́жномꙋ словесѝ: проси́те, и҆ прїи́мете. Тѣ́мже ꙗ҆́кѡ проси́лъ, сїѧ̑ по досто́инствꙋ прїѧ́лъ є҆сѝ."
|
|
},
|
|
{
|
|
"type": "TEXT",
|
|
"value": "Мѣ́сто ѡ҆свѧти́сѧ, на не́мже честны̑ѧ мо́щи твоѧ̑ положи́шасѧ, прпⷣбне, и҆ по мнѡ́гимъ страна́мъ прославлѧ́емо є҆́сть, ꙗ҆́кѡ въ себѣ̀ мо́щи твоѧ̑ и҆мꙋ́щее."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Не преста́й молѧ́щи, є҆го́же родила̀ є҆сѝ, бг҃оневѣ́сто, ꙗ҆́кѡ сп҃са и҆ влⷣкꙋ, разрѣше́нїе мѝ пода́ти скорбе́й, и҆ болѣ́зней ѡ҆блегче́нїе: ꙗ҆́кѡ да прїимꙋ̀ проще́нїе, пѣсносло́вѧ тѧ̀ во вѣ́ки."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Бжⷭ҇твенное сїѐ и҆ всечестно́е соверша́юще пра́зднество, бг҃омꙋ́дрїи, бг҃ома́тере, прїиди́те, рꙋка́ми воспле́щимъ, ѿ неѧ̀ ро́ждшагосѧ бг҃а сла́вимъ."
|
|
},
|
|
{
|
|
"type": "TEXT",
|
|
"value": "Твоѐ вели́кое житїѐ и҆ чистотꙋ̀, къ си̑мъ же безмѣ́рное смире́нїе прови́дѣвъ прест҃ы́й дх҃ъ, сла́вна тѧ̀, ѻ҆́ч҃е, показа̀: тѣ́мже, ѿ сегѡ̀ житїѧ̀ ко ѻ҆́номꙋ преше́дъ, полꙋчи́лъ є҆сѝ съ пра́ведными та́мѡ весе́лїе."
|
|
},
|
|
{
|
|
"type": "TEXT",
|
|
"value": "Дне́сь наста́вши свѧще́ннаѧ па́мѧть твоѧ̀, прпⷣбне ні́ле, весели́тъ ᲂу҆ченикѝ твоѧ̑, воспѣва́ющыѧ любо́вїю по́двиги твоѧ̑, и҆̀же, честно́е твоѐ ᲂу҆спе́нїе сла́вѧще, торжествꙋ́ютъ, и҆̀хже моли́твами твои́ми, ѻ҆́ч҃е, соблюдѝ."
|
|
},
|
|
{
|
|
"type": "TEXT",
|
|
"value": "Разбо́йницы и҆ногда̀ прїидо́ша тебѐ ѡ҆скорби́ти, прпⷣбне, но ты̀, тѣ́хъ лꙋка́вство разꙋмѣ́въ, превѣ́чнагѡ хрⷭ҇та̀ бг҃а си́лою, и҆ пречⷭ҇тыѧ є҆гѡ̀ мт҃ре по́мощїю, си́хъ не́мѡщны сотвори́лъ є҆сѝ, и҆̀же, не могꙋ́ще тебѣ̀ проти́витисѧ, стра́хомъ ѿбѣго́ша, побѣжде́ни па́че бы́вше, не́жели побѣди́ша."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Твою̀ по́мощь да́ждь мѝ, и҆ и҆зба́ви мѧ̀ ѿ бѣ́дъ, и҆ скорбе́й, и҆ прегрѣше́нїй мои́хъ, ꙗ҆́же всѣ́хъ ро́ждши и҆збавле́нїе."
|
|
},
|
|
{
|
|
"type": "HEADER",
|
|
"value": "Конда́къ, гла́съ и҃:"
|
|
},
|
|
{
|
|
"type": "TEXT",
|
|
"value": "Ѻ҆те́чества, прпⷣбне, ᲂу҆дали́всѧ, въ пꙋсты́ню всели́лсѧ є҆сѝ, и҆ на ѻ҆́стровъ селиге́ра є҆́зера возше́дъ, жесто́ко житїѐ показа́лъ є҆сѝ, и҆ мно́гихъ добродѣ́тельми ᲂу҆диви́въ, дарова̑нїѧ чꙋде́съ ѿ хрⷭ҇та̀ прїѧ́лъ є҆сѝ. Помина́й на́съ, чтꙋ́щихъ па́мѧть твою̀, да зове́мъ тѝ: ра́дꙋйсѧ, ні́ле, ѻ҆́ч҃е на́шъ."
|
|
},
|
|
{
|
|
"type": "TEXT",
|
|
"value": "І҆́косъ: Возлюби́въ, прпⷣбне, хрⷭ҇тѡ́вы бжⷭ҇твєнныѧ за́пѡвѣди, и҆ возненави́дѣвъ мі́ра сегѡ̀ наслажде́нїе, прите́клъ є҆сѝ ᲂу҆се́рднѡ къ томꙋ̀, и҆ бы́лъ є҆сѝ свѣти́льникъ, просвѣща́ѧй концы̀ блиста́нїемъ дꙋхо́внымъ. Тѣ́мъ, припа́даѧ, молю̀ тѧ̀: просвѣти́ ми ѻ҆́чи сердє́чныѧ, воспѣ́ти твоѧ̑ по́двиги, поще́нїе, бдѣ́нїе, сле́зы, болѣ̑зни, и҆знꙋре́нїе тѣ́ла, блаже́нныѧ ра́ди бꙋ́дꙋщїѧ жи́зни, є҆ѧ́же ны́нѣ наслажда́ѧсѧ, молѝ непреста́ннѡ ѡ҆ всѣ́хъ на́съ."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "TEXT",
|
|
"value": "І҆рмо́съ: Не послꙋжи́ша тва́ри бг҃омꙋ́дрїи па́че созда́вшагѡ, но ѻ҆́гненное преще́нїе мꙋ́жески попра́вше, ра́довахꙋсѧ пою́ще: препѣ́тый ѻ҆ц҃є́въ гдⷭ҇ь и҆ бг҃ъ, благослове́нъ є҆сѝ."
|
|
},
|
|
{
|
|
"type": "TEXT",
|
|
"value": "И҆сточа́етъ чꙋдеса̀ честна́ѧ ра́ка твоѧ̀, прпⷣбне, преиз̾ѡби́лꙋющи благода́тїю, вѣ́рою приходѧ́щымъ здра́вїе да́рꙋетъ, хрⷭ҇тꙋ̀ ѿ дꙋшѝ вопїю́щымъ: бл҃гослове́нъ бг҃ъ ѻ҆тцє́въ на́шихъ."
|
|
},
|
|
{
|
|
"type": "TEXT",
|
|
"value": "Дре́внихъ ѻ҆́нѣхъ и҆ вели́кихъ ѻ҆тцє́въ, въ постѣ̀ просїѧ́вшихъ, житїю̀ подо́бѧсѧ, прпⷣбне, въ пꙋсты́ню всели́лсѧ є҆сѝ, и҆ та́мѡ въ поще́нїихъ мнѡ́га лѣ̑та пребы́лъ є҆сѝ, ні́ле, ѻ҆́ч҃е на́шъ."
|
|
},
|
|
{
|
|
"type": "TEXT",
|
|
"value": "Ꙗ҆́кѡ и҆́стиннагѡ и҆ кро́ткагѡ пастыренача́льника хрⷭ҇та̀ неѕло́бивое ѻ҆вча̀, ѻ҆́ч҃е ні́ле, бы́лъ є҆сѝ. Тѣ́мже неѕло́бивъ хотѧ́щымъ тебѐ ѡ҆ѕло́бити ꙗ҆ви́лсѧ є҆сѝ, хрⷭ҇тꙋ̀ вопїѧ̀: бл҃гослове́нъ бг҃ъ ѻ҆тцє́въ на́шихъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ѡ҆бощрє́ны болѣ̑зни ра́намъ мои̑мъ ѿ безмѣ́рныхъ мои́хъ прегрѣше́нїй, влⷣчце, ведꙋ́тъ въ сме́рть дꙋше́внꙋю и҆ тѣле́снꙋю: но и҆схи́ти, ꙗ҆́кѡ си́льна, всѧ́кихъ скорбе́й и҆ недꙋ̑гъ."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ѻ҆́троки благочести̑выѧ въ пещѝ ржⷭ҇тво̀ бг҃оро́дичо спасло̀ є҆́сть: тогда̀ ᲂу҆́бѡ ѡ҆бразꙋ́емое, ны́нѣ же дѣ́йствꙋемое, вселе́ннꙋю всю̀ воздвиза́етъ пѣ́ти тебѣ̀: гдⷭ҇а по́йте дѣла̀, и҆ превозноси́те є҆го̀ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "И҆здѣ́тска, прпⷣбне ѻ҆́ч҃е, потща́лсѧ є҆сѝ свою̀ со́вѣсть и҆ се́рдце съ дꙋше́ю чи́сто гдⷭ҇ꙋ предста́вити. Тѣ́мъ и҆ хрⷭ҇то́съ чꙋдесы̀ тебѐ прославлѧ́етъ, томꙋ̀ вопїю́ща: гдⷭ҇а воспѣва́йте дѣла̀, и҆ превозноси́те є҆го̀ во вѣ́ки."
|
|
},
|
|
{
|
|
"type": "TEXT",
|
|
"value": "Ны́нѣ пꙋсты́нѧ весе́лїемъ красꙋ́етсѧ, ѻ҆́ч҃е, и҆мꙋ́щи мо́щи твоѧ̑ въ себѣ̀, ні́ле прпⷣбне: ᲂу҆ченицы́ же твоѝ, твоемꙋ̀ житїю̀ ревнꙋ́юще, ѡ҆ твое́й па́мѧти ра́дꙋющесѧ, творцꙋ̀ вопїю́тъ: гдⷭ҇а воспѣва́йте дѣла̀, и҆ превозноси́те є҆го̀ во вѣ́ки."
|
|
},
|
|
{
|
|
"type": "TEXT",
|
|
"value": "Въ пꙋсты́ню, прпⷣбне, и҆дѣ́же селе́нїе и҆мѣ́лъ є҆сѝ, прече́стенъ хра́мъ во сла́вꙋ бг҃оѧвле́нїѧ гдⷭ҇нѧ воздви́глъ є҆сѝ, въ не́мже прославлѧ́етсѧ пречⷭ҇тое тогѡ̀ и҆́мѧ, и҆ всѝ вопїю́тъ: гдⷭ҇а воспѣва́йте дѣла̀, и҆ превозноси́сте є҆го̀ во вѣ́ки."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Свѣти́льникъ свѣ́та трисо́лнечнагѡ сꙋ́щи, заре́ю бл҃гоꙋтро́бїѧ твоегѡ̀, тмꙋ̀ ѿимѝ прегрѣше́нїй мои́хъ, бг҃ороди́тельнице, и҆збавле́нїе нꙋ́ждныхъ болѣ́зней подаю́щи, вѣ́рою превозносѧ́щемꙋ пречⷭ҇тое твоѐ ржⷭ҇тво̀."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Всѧ́къ земноро́дный да взыгра́етсѧ, дх҃омъ просвѣща́емь, да торжествꙋ́етъ же безпло́тныхъ ᲂу҆мѡ́въ є҆стество̀, почита́ющее свѧще́нное торжество̀ бг҃ома́тере, и҆ да вопїе́тъ: ра́дꙋйсѧ, всеблаже́ннаѧ бцⷣе, чⷭ҇таѧ приснодв҃о."
|
|
},
|
|
{
|
|
"type": "TEXT",
|
|
"value": "Бога́тство и҆ пи́ща, похвала̀ и҆ ра́дость прпⷣбнымъ є҆сѝ, хрⷭ҇тѐ бж҃е, є҆го́же возлюби́въ прпⷣбный ні́лъ, всѧ̑, ꙗ҆̀же въ мі́рѣ кра̑снаѧ, нивочто́же вмѣнѝ: тѣ́мже наслажда́етсѧ твоеѧ̀ красоты̀ во бл҃же́нномъ свѣ́тѣ."
|
|
},
|
|
{
|
|
"type": "TEXT",
|
|
"value": "Страстьмѝ коле́блющихсѧ, и҆ бꙋ́рею грѣхо́вною погрꙋжа́емыхъ, ꙗ҆́кѡ дерзнове́нїе и҆мѣ́ѧй ко гдⷭ҇ꙋ, всегда̀ сохранѧ́й благоче́стнѡ тѧ̀ воспѣва́ющихъ и҆ прославлѧ́ющихъ."
|
|
},
|
|
{
|
|
"type": "TEXT",
|
|
"value": "Ѡ҆блиста́въ заре́ю, просїѧ́лъ є҆сѝ дꙋхо́внѡ, и҆ ꙗ҆ви́лсѧ є҆сѝ вы́шнемꙋ ликостоѧ́нїю свѣ́телъ: ѡ҆зари́ ми ᲂу҆́мъ, бл҃же́нне, трисїѧ́ннымъ свѣ́томъ бж҃ества̀, и҆ ѿ страсте́й мѧ̀ и҆зба́ви моли́твами твои́ми."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ты̀ є҆сѝ вѣ̑рнымъ похвала̀, безневѣ́стнаѧ, ты̀ застꙋпле́нїе и҆ свѧще́нное прибѣ́жище хрⷭ҇тїа́нѡмъ: къ сн҃ꙋ бо своемꙋ̀ и҆ бг҃ꙋ мольбы̑ но́сиши, всенепоро́чнаѧ, и҆ ѿ бѣ́дъ спаса́еши, вѣ́рою и҆ любо́вїю бцⷣꙋ чⷭ҇тꙋю тѧ̀ воспѣва́ющихъ и҆ велича́ющихъ."
|
|
},
|
|
{
|
|
"type": "HEADER",
|
|
"value": "Свѣти́ленъ."
|
|
},
|
|
{
|
|
"type": "TEXT",
|
|
"value": "Подо́бенъ: Не́бо ѕвѣзда́ми:"
|
|
},
|
|
{
|
|
"type": "TEXT",
|
|
"value": "Посто́мъ тече́нїе твоѐ соверши́въ, на нб҃са̀ возше́лъ є҆сѝ, и҆ хрⷭ҇тꙋ̀ бг҃ꙋ предстои́ши: ні́ле ѻ҆́ч҃е прпⷣбне, за ны̀ моли́сѧ, те́плѣ пою́щихъ тѧ̀. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Ра́дость неизрече́ннꙋю ро́ждши гдⷭ҇а, ра́дости нбⷭ҇ныѧ прича́стникѡвъ всѣ́хъ на́съ сотворѝ, тебѐ почита́ющихъ, пречⷭ҇таѧ, и҆ ѿ дꙋшѝ вопїю́щихъ тѝ: не забꙋ́ди твоѧ̑ рабы̑, бл҃гослове́ннаѧ мр҃і́е."
|
|
},
|
|
{
|
|
"type": "HEADER",
|
|
"value": "На хвали́техъ стїхи̑ры, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Да́лъ є҆сѝ зна́менїе:"
|
|
},
|
|
{
|
|
"type": "TEXT",
|
|
"value": "Свѣтлѣ́йшїй со́лнца просїѧ̀ всепра́зднственнаѧ па́мѧть твоѧ̀, преподо́бне, лꙋча́ми блиста́ющи твои́хъ добродѣ́тельныхъ дѣѧ́нїй, и҆ ѡ҆зарѧ́ющи вѣ́рныхъ чꙋ̑вства свѣ́томъ чꙋде́съ твои́хъ: сїю̀ ᲂу҆́бѡ пра́зднꙋюще, ра́достнѡ тѧ̀ восхвалѧ́емъ и҆ вѣ́рнѡ ᲂу҆блажа́емъ. Два́жды."
|
|
},
|
|
{
|
|
"type": "TEXT",
|
|
"value": "Ꙗ҆́коже а҆́гг҃лъ на землѝ пожи́лъ є҆сѝ, воздержа́нїемъ тѣ́ло твоѐ ᲂу҆вѧди́въ, сла́вне, бдѣ́нїемъ же и҆ па́мѧтїю сме́ртною къ верхо́вномꙋ бг҃омы́слїю возше́лъ є҆сѝ: тѣ́мъ и҆ прибли́жилсѧ є҆сѝ къ самомꙋ̀ краеꙋго́льномꙋ ка́меню хрⷭ҇тꙋ̀, бг҃ꙋ на́шемꙋ."
|
|
},
|
|
{
|
|
"type": "TEXT",
|
|
"value": "Стра̑сти тѣлє́сныѧ прилѣ́жнымъ моле́нїемъ къ бг҃ꙋ и҆ воздержа́нїемъ ᲂу҆кроти́лъ є҆сѝ, ѕмі́ѧ льсти́ваго сле́зными потѡ́ки ᲂу҆мертви́лъ є҆сѝ, ѻ҆́ч҃е прпⷣбне, и҆ ᲂу҆годи́лъ є҆сѝ бг҃ꙋ па́че и҆нѣ́хъ, досточꙋ́дне: тѣ́мъ тѧ̀ ᲂу҆красѝ нбⷭ҇ными дарова́ньми і҆и҃съ чл҃вѣколю́бецъ и҆ сп҃съ дꙋ́шъ на́шихъ."
|
|
},
|
|
{
|
|
"type": "HEADER",
|
|
"value": "Сла́ва, гла́съ є҃:"
|
|
},
|
|
{
|
|
"type": "TEXT",
|
|
"value": "Прпⷣбне ѻ҆́ч҃е ні́ле, гла́съ є҆ѵⷢ҇льскїй гдⷭ҇ень ᲂу҆слы́шавъ, мі́ра ѡ҆ста́вилъ є҆сѝ красотꙋ̀, бога́тство и҆ сла́вꙋ нивочто́же вмѣни́лъ є҆сѝ, всѣ̑мъ вопїѧ̀, глаго́лѧ: возлюби́те бг҃а, и҆ ѡ҆брѧ́щете благода́ть вѣ́чнꙋю, и҆ ничто́же предпочти́те па́че любвѐ є҆гѡ̀: да є҆гда̀ прїи́детъ во сла́вѣ свое́й, ѡ҆брѧ́щете поко́й со всѣ́ми ст҃ы́ми, и҆́хже моли́твами, хрⷭ҇тѐ, сохранѝ и҆ спасѝ дꙋ́шы на́шѧ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Блажи́мъ тѧ̀, бцⷣе дв҃о, и҆ сла́вимъ тѧ̀ вѣ́рнїи по до́лгꙋ, гра́дъ непоколеби́мый, стѣ́нꙋ неѡбори́мꙋ, тве́рдꙋ предста́тельницꙋ и҆ прибѣ́жище дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "Славосло́вїе вели́кое. И҆ ѿпꙋ́стъ."
|
|
},
|
|
{
|
|
"type": "HEADER",
|
|
"value": "На лїтꙋргі́и Бл҃жє́нна, ѿ канѡ́на ст҃а́гѡ, пѣ́снь г҃ и҆ ѕ҃."
|
|
},
|
|
{
|
|
"type": "HEADER",
|
|
"value": "Прокі́менъ гла́съ з҃:"
|
|
},
|
|
{
|
|
"type": "TEXT",
|
|
"value": "Честна̀ предъ гдⷭ҇емъ сме́рть прпⷣбныхъ є҆гѡ̀."
|
|
},
|
|
{
|
|
"type": "TEXT",
|
|
"value": "Сті́хъ: Что̀ возда́мъ гдⷭ҇еви ѡ҆ всѣ́хъ:"
|
|
},
|
|
{
|
|
"type": "HEADER",
|
|
"value": "А҆пⷭ҇лъ къ корі́нѳѧнѡмъ, зача́ло рѻ҃ѕ."
|
|
},
|
|
{
|
|
"type": "TEXT",
|
|
"value": "А҆ллилꙋ́їа, гла́съ ѕ҃: Блаже́нъ мꙋ́жъ, боѧ́йсѧ гдⷭ҇а:"
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе лꙋкѝ, зача́ло к҃д."
|
|
},
|
|
{
|
|
"type": "TEXT",
|
|
"value": "Прича́стный: Въ па́мѧть вѣ́чнꙋю:"
|
|
}
|
|
] |