310 lines
26 KiB
JSON
310 lines
26 KiB
JSON
[
|
|
{
|
|
"type": "HEADER",
|
|
"value": "Деке́мврїа и҃і"
|
|
},
|
|
{
|
|
"type": "HEADER",
|
|
"value": "Ст҃а́гѡ мꙋ́ченика севастїа́на, и҆ дрꙋжи́ны є҆гѡ̀."
|
|
},
|
|
{
|
|
"type": "HEADER",
|
|
"value": "Подоба́етъ вѣ́дати: ꙗ҆́кѡ недѣ́лѧ предъ ржⷭ҇тво́мъ хрⷭ҇то́вымъ ст҃ы́хъ ѻ҆тє́цъ пѣ́ти начина́етсѧ ѿ и҃і-гѡ мѣ́сѧца сегѡ̀, и҆ восхо́дитъ до к҃д-гѡ днѐ."
|
|
},
|
|
{
|
|
"type": "HEADER",
|
|
"value": "На Гдⷭ҇и, воззва́хъ, стїхи̑ры, гла́съ а҃."
|
|
},
|
|
{
|
|
"type": "TEXT",
|
|
"value": "Подо́бенъ: Всехва́льнїи мч҃ницы:"
|
|
},
|
|
{
|
|
"type": "TEXT",
|
|
"value": "Крове́й твои́хъ честны́хъ ѻ҆багре́ньми, мꙋ́чениче, ᲂу҆стро́илъ є҆сѝ тебѣ̀ самомꙋ̀ порфѵ́рꙋ многоцѣ́ннꙋ, въ ню́же ѡ҆дѣ́ѧвсѧ, живе́ши вои́стиннꙋ въ вы́шнѣмъ црⷭ҇твїи, бг҃ꙋ всецр҃ю̀ предстоѧ̀. Того̀ молѝ, дарова́ти дꙋша́мъ на́шымъ ми́ръ и҆ ве́лїю ми́лость."
|
|
},
|
|
{
|
|
"type": "TEXT",
|
|
"value": "Съ севастїа́номъ стра́ждетъ зѡѝ, ма́ркъ и҆ маркеллі́нъ, и҆ бг҃омꙋ́дрый тївꙋ́ртїй, претерпѣ́вше треволнє́нїѧ болѣ́зней: и҆ ны́нѣ всели́шасѧ къ неболѣ́зненномꙋ и҆ бжⷭ҇твенномꙋ ᲂу҆покое́нїю, въ не́мже мо́лѧтсѧ, дарова́ти дꙋша́мъ на́шымъ ми́ръ и҆ ве́лїю ми́лость."
|
|
},
|
|
{
|
|
"type": "TEXT",
|
|
"value": "Непобѣди́мїи мꙋ́чєницы, землѝ земна̑ѧ ѡ҆ста́вльше, къ нб҃сє́мъ востеко́сте, ва́шими ра́нами ᲂу҆кра́шени, и҆ честны́ми страда̑нїи свѣ́тлѡ ᲂу҆пещре́ни, блаже́ннїи. Тѣ́мже моли́тесѧ, дарова́ти дꙋша́мъ на́шымъ ми́ръ и҆ ве́лїю ми́лость."
|
|
},
|
|
{
|
|
"type": "HEADER",
|
|
"value": "Стїхи̑ры бцⷣы, гла́съ и҆ подо́бенъ то́йже:"
|
|
},
|
|
{
|
|
"type": "TEXT",
|
|
"value": "Нетлѣ́ннѡ родила̀ є҆сѝ бг҃а, тлю̀ потреби́вшаго, и҆ нетлѣ́нїе и҆сточи́вшаго, нетлѣ́ннаѧ непоро́чнаѧ. Тѣ́мже молю̀ тѧ̀: лю́тыми и҆стлѣ́вшаго мѧ̀, моли́твами твои́ми, чⷭ҇таѧ, ѡ҆бновѝ: да сла́влю тѧ̀, да любо́вїю велича́ю тѧ̀, ро́дъ на́шъ возвели́чившꙋю."
|
|
},
|
|
{
|
|
"type": "TEXT",
|
|
"value": "Всепѣ́таѧ влⷣчце, наде́жде вѣ́рныхъ и҆ ᲂу҆твержде́нїе, прибѣ́жище и҆ по́мощь, тѧ̀ мо́лимъ: ѿ всѧ́кихъ бѣ́дъ рабы̑ твоѧ̑ сохранѝ, вѣ́рою покланѧ́ющыѧсѧ ржⷭ҇твꙋ̀ твоемꙋ̀. Хрⷭ҇тꙋ̀ моли́сѧ, дарова́ти, дꙋша́мъ на́шымъ ми́ръ и҆ ве́лїю ми́лость."
|
|
},
|
|
{
|
|
"type": "TEXT",
|
|
"value": "Оу҆вы̀ мнѣ̀, что̀ бꙋ́дꙋ, ᲂу҆́мъ и҆ дꙋ́шꙋ и҆ тѣ́ло ѡ҆скверни́въ прегрѣше́ньми; что̀ сотворю̀; ка́кѡ же и҆збѣ́гнꙋ пла́мене негаси́магѡ, нерѣши́мыхъ ᲂу҆́зъ и҆ вѣ́чныхъ; но, ѽ всенепоро́чнаѧ! Пре́жде конца̀ ᲂу҆молѝ сн҃а твоего̀, пода́ти мѝ ѡ҆ставле́нїе."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Ѻ҆́гнь бжⷭ҇тва̀, хрⷭ҇та̀ во ᲂу҆тро́бѣ носи́ла є҆сѝ, є҆го́же ны́нѣ молѝ, всечⷭ҇таѧ, ᲂу҆добозапали́мꙋю ве́щь страсте́й мои́хъ ᲂу҆гаси́ти всю̀, и҆ и҆зба́вити мѧ̀ ѻ҆гнѧ̀ вѣ́чнꙋющагѡ, и҆ свѣ́тлости пра́ведныхъ сподо́бити мѧ̀, є҆гда̀ прїи́детъ сꙋди́ти всѧ́чєскаѧ."
|
|
},
|
|
{
|
|
"type": "TEXT",
|
|
"value": "Крⷭ҇тобг҃оро́диченъ: Дв҃а нескве́рнаѧ и҆ногда̀ на дре́вѣ ви́дѣвши, є҆го́же родѝ и҆зъ безсѣ́менныѧ ᲂу҆тро́бы, не терпѧ́щи ᲂу҆тро́бнагѡ ᲂу҆ѧзвле́нїѧ, власы̀ терза́ющи глаго́лаше: ма́нїемъ содержа́й тва́рь всю̀, ка́кѡ ꙗ҆́кѡ ѡ҆сꙋжде́нный на крⷭ҇тъ вознесе́нъ є҆сѝ, всѧ́кѡ хотѧ́й спастѝ человѣ́чество;"
|
|
},
|
|
{
|
|
"type": "HEADER",
|
|
"value": "Тропа́рь, гла́съ д҃:"
|
|
},
|
|
{
|
|
"type": "TEXT",
|
|
"value": "Мꙋ́чєницы твоѝ, гдⷭ҇и, во страда́нїихъ свои́хъ вѣнцы̀ прїѧ́ша нетлѣ̑нныѧ ѿ тебє̀ бг҃а на́шегѡ: и҆мꙋ́ще бо крѣ́пость твою̀, мꙋчи́телей низложи́ша, сокрꙋши́ша и҆ де́мѡнѡвъ немѡщны́ѧ де́рзѡсти: тѣ́хъ моли́твами спасѝ дꙋ́шы на́шѧ."
|
|
},
|
|
{
|
|
"type": "HEADER",
|
|
"value": "На ᲂу҆́трени ѻ҆́ба канѡ́на ѻ҆ктѡ́иха: И҆ ст҃ы́хъ канѡ́нъ, на д҃. Творе́нїе і҆ѡ́сифово. Гла́съ а҃. Є҆гѡ́же краегране́сїе:"
|
|
},
|
|
{
|
|
"type": "TEXT",
|
|
"value": "Бжⷭ҇твеннꙋю че́сть тебѣ̀, мч҃ниче, мꙋ́дреннѡ даю̀."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Твоѧ̀ побѣди́тельнаѧ десни́ца бг҃олѣ́пнѡ въ крѣ́пости просла́висѧ: та́ бо, безсме́ртне, ꙗ҆́кѡ всемогꙋ́щаѧ, проти̑вныѧ сотрѐ, і҆и҃льтѧнѡмъ пꙋ́ть глꙋбины̀ новосодѣ́лавшаѧ."
|
|
},
|
|
{
|
|
"type": "TEXT",
|
|
"value": "Бжⷭ҇твенными ᲂу҆ѧснѧ́емь зарѧ́ми честны́ѧ трⷪ҇цы, приснопа́мѧтне, вѣ́рою чтꙋ́щыѧ твоѐ свѣтоза́рное и҆ свѧще́нное торжество̀, твои́ми моли́твами свѣ́та прича́стники покажѝ."
|
|
},
|
|
{
|
|
"type": "TEXT",
|
|
"value": "И҆мѣ́ѧ по́мыслъ свѣтови́денъ, и҆ прїѧ́тенъ честны́хъ ѡ҆сїѧ́нїй, є҆ди́наго возжелѣ́лъ є҆сѝ вои́стиннꙋ сꙋ́щаго, ꙗ҆́кѡ смы́сленъ и҆ мꙋ́дръ, мꙋ́чениче страстоте́рпче, и҆ сего̀ вѣ́рою полꙋчи́лъ є҆сѝ."
|
|
},
|
|
{
|
|
"type": "TEXT",
|
|
"value": "Пѡ́ты бжⷭ҇твенными и҆́стиннѡ плотска̑ѧ мꙋдрова̑нїѧ ѡ҆черни́лъ є҆сѝ, кровьмѝ страда́нїѧ мꙋ̑тныѧ пото́ки и҆зсꙋши́лъ є҆сѝ многобо́жїѧ, бг҃омꙋ́дре мꙋ́чениче пребога́те."
|
|
},
|
|
{
|
|
"type": "TEXT",
|
|
"value": "По́лкъ приве́лъ є҆сѝ страда́льцєвъ ᲂу҆чє́нїи твои́ми бжⷭ҇твенными зижди́телю, всѧ́кое ѕлоче́стїе гони́телей низложи́въ бл҃года́тїю ст҃а́гѡ дх҃а, съ ни́миже мо́лишисѧ спасти́сѧ на́мъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Мла́да породила̀ є҆сѝ сн҃а, пре́жде вѣ̑къ со ѻ҆ц҃е́мъ сꙋ́щаго, є҆стества̀ ѡ҆бно́вльшаѧ зако́ны, чⷭ҇таѧ дв҃о мт҃и пречⷭ҇таѧ, преесте́ственнымъ честны́мъ и҆ бжⷭ҇твеннымъ ржⷭ҇тво́мъ твои́мъ."
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "TEXT",
|
|
"value": "І҆рмо́съ: Є҆ди́не вѣ́дый человѣ́ческагѡ сꙋщества̀ не́мощь, и҆ ми́лостивнѡ въ нѐ воѡбра́жсѧ, препоѧ́ши мѧ̀ съ высоты̀ си́лою, є҆́же вопи́ти тебѣ̀, ст҃ы́й, ѡ҆дꙋшевле́нный хра́ме, неизрече́нныѧ сла́вы твоеѧ̀, чл҃вѣколю́бче."
|
|
},
|
|
{
|
|
"type": "TEXT",
|
|
"value": "Во́инство веды́й честно́е, бжⷭ҇твенными ѻ҆рꙋ̑жїи вѣ́ры ᲂу҆твержде́нно, мꙋ́чениче непобѣди́ме, ѡ҆полчє́нїѧ борца̀ и҆ кова̑рствїѧ мꙋчи́телей всѧ̑ низложи́сте си́лою дх҃а."
|
|
},
|
|
{
|
|
"type": "TEXT",
|
|
"value": "Оу҆тверди́въ на ка́мени ᲂу҆́мнѣмъ восхождє́нїѧ се́рдца твоегѡ̀ благочестномꙋ́дреннѡ, мꙋ́чениче многострада́льне, не преврати́лсѧ є҆сѝ кова̑рствы льсти́вагѡ ѕмі́ѧ: но всѣ̑мъ ᲂу҆твержде́нїе благоче́стїѧ въ дꙋ́сѣ бы́лъ є҆сѝ."
|
|
},
|
|
{
|
|
"type": "TEXT",
|
|
"value": "Членѡ́въ бодє́нїѧ лю̑таѧ претерпѣ́лъ є҆сѝ свѧ́занъ, и҆ на дре́вѣ, мꙋ́чениче, протѧза́емь: бг҃а же бжⷭ҇твенною си́лою, сла́вне, неврежде́нъ, всецѣ́лъ а҆́бїе показа́лсѧ є҆сѝ, посрамлѧ́ѧ вра̑жїѧ кова̑рствїѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Свѧще́нїе ꙗ҆ви́ласѧ є҆сѝ мы́сленное, всѧ̑ ѡ҆свѧща́ющагѡ и҆ чи́сто, всенепоро́чнаѧ, селе́нїе: и҆зъ тебє́ бо ꙗ҆ви́сѧ бг҃ъ воплоща́емь, и҆ сꙋгꙋ́бъ є҆стество́мъ мі́рꙋ познава́емь, во є҆ди́ной ѵ҆поста́си, бг҃оневѣ́сто."
|
|
},
|
|
{
|
|
"type": "HEADER",
|
|
"value": "Сѣда́ленъ, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Вознесы́йсѧ на крⷭ҇тъ:"
|
|
},
|
|
{
|
|
"type": "TEXT",
|
|
"value": "Крове́й твои́хъ ѡ҆багрє́нїи ѡ҆мочи́лъ є҆сѝ страда́нїѧ ѻ҆де́ждꙋ, ѡ҆дѣ́ѧлсѧ є҆сѝ, ꙗ҆́коже багрѧни́цею честно́ю, севастїа́не. Тѣ́мже и҆ всели́лсѧ є҆сѝ со хрⷭ҇то́мъ въ вы́шнее безконе́чное црⷭ҇тво, съ страда́вшими съ тобо́ю, и҆ вѣнцы̀ прїѧ́лъ є҆сѝ, мꙋ́дре, съ ни́миже ликꙋ́ѧ, на́съ при́снѡ помина́й."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "И҆́же на прⷭ҇то́лѣ херꙋві́мстѣмъ сѣдѧ́й, и҆ въ нѣ́дрѣхъ ѻ҆́ч҃ихъ водворѧ́ѧсѧ, ꙗ҆́кѡ на прⷭ҇то́лѣ ст҃ѣ́мъ сѣди́тъ свое́мъ, влⷣчце, въ нѣ́дрѣхъ твои́хъ: вопло́щсѧ бо бг҃ъ вои́стиннꙋ, воцр҃и́сѧ надъ всѣ́ми ꙗ҆зы̑ки, и҆ разꙋ́мнѡ ны́нѣ пои́мъ є҆мꙋ̀: є҆го́же ᲂу҆молѝ спасти́сѧ рабѡ́мъ твои̑мъ."
|
|
},
|
|
{
|
|
"type": "TEXT",
|
|
"value": "Крⷭ҇тобг҃оро́диченъ: И҆зъ безнача́льнагѡ ѻ҆ц҃а̀ рожде́ннаго, напослѣ́докъ тѧ̀ пло́тїю ро́ждшаѧ, на крⷭ҇тѣ̀ ви́сѧща зрѧ́щи, хрⷭ҇тѐ, ᲂу҆вы̀ мнѣ̀, любе́знѣйшїй і҆и҃се, вопїѧ́ше: ка́кѡ сла́вимый ꙗ҆́кѡ бг҃ъ ѿ а҆́гг҃лъ, ѿ беззако́нныхъ ны́нѣ человѣ̑къ, сн҃е, хотѧ̀ распина́ешисѧ; пою́ тѧ, долготерпѣли́ве."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "TEXT",
|
|
"value": "І҆рмо́съ: Го́рꙋ тѧ̀, бл҃года́тїю бж҃їею приѡсѣне́ннꙋю, прозорли́выма а҆ввакꙋ́мъ ᲂу҆смотри́въ ѻ҆чи́ма, и҆зъ тебє̀ и҆зы́ти і҆и҃левꙋ провозглаша́ше ст҃о́мꙋ, во спасе́нїе на́ше и҆ ѡ҆бновле́нїе."
|
|
},
|
|
{
|
|
"type": "TEXT",
|
|
"value": "Мо́щь тебѣ̀, тївꙋ́ртїе, да́рꙋетъ гдⷭ҇ь не́мощїю плотско́ю побори́ти врага̀: ѻ҆гню́ бо распалѧ́емꙋ, ю҆́ношески вше́лъ є҆сѝ, мꙋ́чениче крѣпча́йше, и҆ нбⷭ҇нꙋю ро́сꙋ воспрїѧ́лъ є҆сѝ."
|
|
},
|
|
{
|
|
"type": "TEXT",
|
|
"value": "Совокꙋпи́лсѧ є҆сѝ съ го́рними слꙋжи́тєли, ѽ тївꙋ́ртїе! Ꙗ҆́кѡ послꙋжи́въ хрⷭ҇тꙋ̀, и҆ возне́слъ є҆сѝ чи̑сты жє́ртвы въ дꙋ́сѣ, свѧщеннодѣ́телю, мꙋ́ченикѡвъ сла́ва и҆ хвала̀: сегѡ̀ ра́ди ра́достнѡ тѧ̀ почита́емъ."
|
|
},
|
|
{
|
|
"type": "TEXT",
|
|
"value": "Пра́вѣ повѣ́шенъ, и҆ ѻ҆стны̀ стрꙋ́жемь, и҆ ѕѣ́льными ра̑нъ ѡ҆крꙋжа́емь стремле́ньми, и҆ въ ро́вѣ засыпа́емь, и҆ въ не́мъ бжⷭ҇твеннꙋю кончи́нꙋ прїе́мъ, доблемꙋ́дренный ра́довашесѧ кастꙋ́лъ."
|
|
},
|
|
{
|
|
"type": "TEXT",
|
|
"value": "Врачєва́нїѧ въ дс҃ѣ ст҃ѣ́мъ, бл҃же́нне, соверша́ѧ, ко просвѣще́нїю зрѧ́щымъ благоче́стнѡ лю́демъ, спасе́нїе благолѣ́пнѡ, севастїа́не, возвѣсти́лъ є҆сѝ, мꙋ́ченически же тече́нїе соверши́лъ є҆сѝ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Є҆ди́нꙋ тѧ̀ ѿ всѣ́хъ родѡ́въ и҆збра̀ пресꙋ́щественный бг҃ъ и҆ ѡ҆сꙋществова́сѧ ра́ди на́съ бы́въ чл҃вѣ́къ, зижди́тель человѣ́ческагѡ сꙋщества̀, бг҃ороди́тельнице пренепоро́чнаѧ влⷣчце."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "TEXT",
|
|
"value": "І҆рмо́съ: Просвѣти́вый сїѧ́нїемъ прише́ствїѧ твоегѡ̀, хрⷭ҇тѐ, и҆ ѡ҆свѣти́вый крⷭ҇то́мъ твои́мъ мі́ра концы̀, сердца̀ просвѣтѝ, свѣ́томъ твоегѡ̀ бг҃оразꙋ́мїѧ, правосла́внѡ пою́щихъ тѧ̀."
|
|
},
|
|
{
|
|
"type": "TEXT",
|
|
"value": "Стези̑ твоѧ̑ и҆ шє́ствїѧ, къ є҆ди́номꙋ ведꙋ́щыѧ гдⷭ҇ꙋ безпꙋ̑тїѧ врагѡ́въ ᲂу҆клони́ша, и҆ мнѡ́гимъ бы́ша пꙋ́ть пра́въ и҆ тве́рдъ, мꙋ́чениче хрⷭ҇то́въ всече́стне."
|
|
},
|
|
{
|
|
"type": "TEXT",
|
|
"value": "Виті́йствꙋетъ маркеллі́нъ и҆ ма́рко мꙋдрѣ̑йшаѧ предъ сꙋди́щемъ, хрⷭ҇то́во спаси́тельное прише́ствїе: привѧ̑зана же бы́ша вкꙋ́пѣ, ѻ҆стна́ми въ но́зѣ пригвожда́ютсѧ, мꙋ́ченически ᲂу҆краша́єма."
|
|
},
|
|
{
|
|
"type": "TEXT",
|
|
"value": "Страда́нїе, стра̑сти на́шѧ ᲂу҆мертви́вшагѡ, маркеллі́нъ и҆ ма́рко крѣ́пкѡ ѡ҆бразꙋ́юще, копїе́мъ пробода́ютсѧ, и҆ вѣнцено́сцы съ ли̑ки страда́лєцъ совокꙋплѧ́ютсѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Пресвѣ́тлый со́лнца ѻ҆́блаче, всенепоро́чнаѧ, ѿженѝ дꙋшѝ моеѧ̀ ѻ҆́блаки моли́твами твои́ми, и҆ ᲂу҆́мъ мо́й просвѣтѝ, нерадѣ́нїемъ ѡ҆мрачи́вшїйсѧ, ꙗ҆́кѡ да пою́ тѧ, всепѣ́таѧ."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ѡ҆бы́де на́съ послѣ́днѧѧ бе́здна, нѣ́сть и҆збавлѧ́ѧй, вмѣни́хомсѧ ꙗ҆́кѡ ѻ҆́вцы заколе́нїѧ, спасѝ лю́ди твоѧ̑, бж҃е на́шъ: ты́ бо крѣ́пость немощствꙋ́ющихъ и҆ и҆справле́нїе."
|
|
},
|
|
{
|
|
"type": "TEXT",
|
|
"value": "Тве́рдостїю ᲂу҆ма̀ честнѣ́йше показа́лсѧ є҆сѝ неꙋтомле́нъ, є҆гда̀ бїѧ́хꙋ тѧ̀ па́лицами неща́днѡ, и҆ стреца́хꙋ мно́гими стрѣла́ми. Тѣ́мже къ свѣ́тꙋ преше́лъ є҆сѝ ра́дꙋѧсѧ, мꙋ́чениче, невече́рнемꙋ."
|
|
},
|
|
{
|
|
"type": "TEXT",
|
|
"value": "Вжилѧ́ше тѧ̀ хрⷭ҇то́съ подвиза́ющасѧ, и҆ де́мѡны ра́тꙋюща, и҆ ра́намъ приѡбща́ющасѧ лю̑тымъ, севастїа́не мꙋ́чениче непобѣди́ме, и҆ къ немꙋ̀ смотрѧ́юща серде́чными ѻ҆чесы̀."
|
|
},
|
|
{
|
|
"type": "TEXT",
|
|
"value": "Заво́рами тве́рдыми премꙋ́дрыхъ слове́съ твои́хъ пре́лесть сокрꙋши́лъ є҆сѝ, и҆ чти̑лища разори́лъ є҆сѝ врагѡ́въ, и҆ і҆́дѡльскїѧ хра́мы потреби́лъ є҆сѝ, и҆ тебѐ сама́го хра́мъ бжⷭ҇твеннагѡ дх҃а воздви́глъ є҆сѝ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: И҆стлѣ́вшее на́ше ѿ престꙋпле́нїѧ сꙋщество̀ ѡ҆бнови́ла є҆сѝ, ѡ҆бновлѧ́ющаго всѧ̀ бжⷭ҇твенною во́лею ро́ждши, є҆ди́на въ жена́хъ бл҃гослове́ннаѧ бг҃ора́дованнаѧ."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "TEXT",
|
|
"value": "І҆рмо́съ: Тебѐ ᲂу҆́мнꙋю, бцⷣе, пе́щь, разсмотрѧ́емъ, вѣ́рнїи, ꙗ҆́коже бо ѻ҆́троки спасѐ трѝ превозноси́мый, мі́ръ ѡ҆бновѝ, во чре́вѣ твое́мъ всецѣ́лъ, хва́льный ѻ҆тцє́въ бг҃ъ и҆ препросла́вленъ."
|
|
},
|
|
{
|
|
"type": "TEXT",
|
|
"value": "Си́лою твое́ю держа́вною ᲂу҆крѣплѧ́еми страстоте́рпцы твоѝ, хрⷭ҇тѐ, побѣди́ша врага̀, ле́сть попра́ша, тѣлеса̀ преда́ша ра́намъ, воспѣва́юще: хва́льный ѻ҆тцє́въ бг҃ъ и҆ препросла́вленъ."
|
|
},
|
|
{
|
|
"type": "TEXT",
|
|
"value": "Бг҃оза́рнїи страстонѡ́сцы мꙋ́чєницы, подви́гшесѧ до́брѣ, маркеллі́нъ, и҆ сла́вный ма́ркъ, и҆ тївꙋ́ртїй и҆ кастꙋ́лъ всемꙋ́дрый, къ нб҃сѝ преста́вишасѧ, хва́льнаго воспѣва́юще бг҃а и҆ препросла́вленнаго."
|
|
},
|
|
{
|
|
"type": "TEXT",
|
|
"value": "Ю҆́ношески, страда́льче тївꙋ́ртїе, ꙗ҆́коже ѻ҆́троцы на пла́мень настꙋпи́лъ є҆сѝ мы́сленнѡ, ро́сꙋ дх҃а свы́ше прїе́мъ, и҆ пѣснопоѧ̀ ᲂу҆се́рднѡ: хва́льный ѻ҆тцє́въ бг҃ъ и҆ препросла́вленъ."
|
|
},
|
|
{
|
|
"type": "TEXT",
|
|
"value": "Ꙗ҆́коже а҆́гница повѣ́шена, сла́внаѧ, ᲂу҆дави́ла є҆сѝ врага̀ жи́лами терпѣли́вныхъ болѣ́зней твои́хъ, всехва́льнаѧ, живе́ши же по сме́рти, мꙋ́ченице зѡѝ, воспѣва́ющи: хва́льный ѻ҆тцє́въ бг҃ъ и҆ препросла́вленъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ста́мнꙋ златꙋ́ю всест҃ꙋ́ю трапе́зꙋ бжⷭ҇твеннагѡ хлѣ́ба жи́зни, и҆менꙋ́емъ тѧ̀, чⷭ҇таѧ, мѣ́сто свѧще́нїѧ, престо́лъ высоча́йшїй, на не́мже бг҃ъ почѝ, хва́льный ѻ҆тцє́въ бг҃ъ и҆ препросла́вленъ."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "TEXT",
|
|
"value": "І҆рмо́съ: Въ пещѝ ѻ҆́троцы і҆и҃левы, ꙗ҆́коже въ горни́лѣ, добро́тою бл҃гоче́стїѧ чистѣ́е зла́та блеща́хꙋсѧ, гл҃го́люще: бл҃гослови́те, всѧ̑ дѣла̀ гдⷭ҇нѧ, гдⷭ҇а, по́йте и҆ превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Оу҆мертви́тисѧ мі́рꙋ восхотѣ́въ, и҆ сꙋ́щымъ въ мі́рѣ всѣ̑мъ, сꙋ́щїѧ сподо́билсѧ є҆сѝ, всече́стне, жи́зни, вопїѧ̀ ᲂу҆се́рднѣйше: благослови́те, всѧ̑ дѣла̀ гдⷭ҇нѧ, гдⷭ҇а, по́йте и҆ превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Положи́ша тѧ̀ беззако́ннїи лю́тѣ, въ ро́вѣ преиспо́днѣйшемъ, посыпа́юще и҆ ᲂу҆мерщвлѧ́юще, воспѣва́юща те́плѣ, приснопа́мѧтне кастꙋ́ле: благослови́те, всѧ̑ дѣла̀ гдⷭ҇нѧ, гдⷭ҇а, по́йте и҆ превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Бл҃же́нныѧ ᲂу҆лꙋчи́ла є҆сѝ жи́зни, ꙗ҆́кѡ тезоимени́та сеѧ̀: ᲂу҆давле́нїемъ бо нꙋ́жднѣйшимъ тлѣ́ннꙋю жи́знь ѡ҆ста́вила є҆сѝ, пою́щи: благослови́те, всѧ̑ дѣла̀ гдⷭ҇нѧ, гдⷭ҇а, по́йте и҆ превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Оу҆краси́ласѧ є҆сѝ, ро́ждши бг҃а кра́снаго и҆ влⷣкꙋ, бжⷭ҇твенными ᲂу҆ѧснѧ́ющаго ро́дъ человѣ́ческїй, чⷭ҇таѧ, красота́ми, є҆мꙋ́же вопїе́мъ: благослови́те всѧ̑ дѣла̀ гдⷭ҇нѧ, гдⷭ҇а, по́йте и҆ превозноси́те во всѧ̑ вѣ́ки."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ѻ҆́бразъ чи́стагѡ рождества̀ твоегѡ̀ ѻ҆гнепали́маѧ кꙋпина̀ показа̀ неѡпа́льнаѧ: и҆ ны́нѣ на на́съ напа́стей свирѣ́пѣющꙋю ᲂу҆гаси́ти, мо́лимсѧ, пе́щь, да тѧ̀, бцⷣе, непреста́ннѡ велича́емъ."
|
|
},
|
|
{
|
|
"type": "TEXT",
|
|
"value": "Да бжⷭ҇твенныѧ свѣ́тлости, и҆ вѣ́чныѧ сла́вы и҆ красоты̀, севастїа́не, сподо́бишисѧ, всеблаже́нне, мꙋчє́нїѧ, болѣ̑зни, и҆ сме́рть претерпѣ́лъ є҆сѝ мꙋ́жественнѣ: тѣ́мже тѧ̀ всѝ велича́емъ."
|
|
},
|
|
{
|
|
"type": "TEXT",
|
|
"value": "Ꙗ҆ви́лсѧ є҆сѝ средѝ ѕвѣ́здъ со́лнце, стра́ждꙋщихъ съ тобо́ю, мч҃ниче: и҆ ны́нѣ просвѣща́ете страда̑нїи сщ҃е́нными, чи́стыми свѣтлостьмѝ, цр҃кве бжⷭ҇твенное ᲂу҆твержде́нїе, и҆ всѐ дїа́воле разорѧ́ете киче́нїе."
|
|
},
|
|
{
|
|
"type": "TEXT",
|
|
"value": "Лю́бѧще хрⷭ҇та̀ тївꙋ́ртїй, и҆ маркеллі́нъ и҆ ма́ркъ, зѡѝ и҆ кастꙋ́лъ, съ севастїа́номъ наста́вникомъ и҆ бг҃омꙋ́дрымъ стра́ждꙋтъ, и҆ ра̑вныѧ прїе́млютъ побѣ́ды вѣнцы̀, ѡ҆ на́съ при́снѡ молѧ́щесѧ."
|
|
},
|
|
{
|
|
"type": "TEXT",
|
|
"value": "Взѧ́тсѧ ко ѻ҆би́телємъ вселѧ́емь свѣтови̑днымъ, мч҃никѡвъ ли́къ бжⷭ҇твенный, и҆ нб҃са̀ ѡ҆бхо́дитъ ра́дꙋѧсѧ, ѡ҆ всѣ́хъ на́съ чл҃вѣколю́бца при́снѡ ᲂу҆молѧ́юще блажа́щихъ и҆̀хъ всегда̀."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Оу҆жаса́ютсѧ мы́слєннаѧ вѡ́инства, ѻ҆́ч҃ее зрѧ́щѧ бжⷭ҇твенное ѡ҆заре́нїе, на твои́хъ рꙋка́хъ несказа́ннѡ держи́мо, и҆ твоѐ и҆мꙋ́щее подо́бїе, да земны̑ѧ ѡ҆божи́тъ, дв҃о мт҃и всенепоро́чнаѧ."
|
|
}
|
|
] |