478 lines
36 KiB
JSON
478 lines
36 KiB
JSON
[
|
|
{
|
|
"type": "HEADER",
|
|
"value": "Канѡ́нъ ст҃ы̑мъ сла̑внымъ и҆ всехва̑льнымъ а҆пⷭ҇лѡмъ. Творе́нїе кѵ́ръ ѳеофа́на. Гла́съ д҃."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Мо́рѧ чермнꙋ́ю пꙋчи́нꙋ невла́жными стопа́ми дре́внїй пѣшеше́ствовавъ і҆и҃ль, крⷭ҇тоѡбра́зныма мѡѷсе́овыма рꙋка́ма, а҆мали́ковꙋ си́лꙋ въ пꙋсты́ни побѣди́лъ є҆́сть."
|
|
},
|
|
{
|
|
"type": "TEXT",
|
|
"value": "Бж҃е́ственнїи ᲂу҆тѣ́шителѧ ѻ҆рга́ни, возглаша́ющїи сегѡ̀ бж҃е́ственными всегда̀ дохнове́ньми, воспѣ́ша пѣ́снь на́мъ, ꙗ҆́кѡ вои́стиннꙋ сп҃си́тельнꙋю, бл҃госла́внїи хрⷭ҇тѡ́вы а҆пⷭ҇ли. Два́жды."
|
|
},
|
|
{
|
|
"type": "TEXT",
|
|
"value": "На ѻ҆дрѣ̀ лѣ́ности слежѧ̀, и҆ въ сме́рти грѣхо́внѣй недꙋ́гомъ дꙋше́внымъ лю́тѣ и҆ста́емь, посѣще́нїѧ мѧ̀ сла́внїи хрⷭ҇тѡ́вы самови́дцы сподо́бите."
|
|
},
|
|
{
|
|
"type": "TEXT",
|
|
"value": "И҆̀же сло́вомъ безслове́сїе разрѣши́вше ꙗ҆зы́кѡвъ а҆пⷭ҇ли, ѿ безслове́сныхъ дѣѧ́нїй лю́тѣ ѡ҆мраче́ное се́рдце моѐ, ᲂу҆тѣ́шителѧ бл҃года́тїю, просвѣти́те а҆пⷭ҇ли."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Дв҃а по ржⷭ҇твѣ̀ нетлѣ́нна пребыла̀ є҆сѝ, на́съ ра́ди ꙗ҆́вльшагѡсѧ на землѝ, па́че сло́ва ро́ждшаѧ: є҆гѡ́же прилѣ́жнѡ молѝ просвѣти́ти дꙋ́шы на́шѧ."
|
|
},
|
|
{
|
|
"type": "HEADER",
|
|
"value": "Дрꙋгі́й канѡ́нъ ст҃о́мꙋ нїкола́ю, гла́съ д҃, творе́нїе і҆ѡ́сифово, є҆гѡ́же краестро́чїе:"
|
|
},
|
|
{
|
|
"type": "TEXT",
|
|
"value": "Четве́ртое сїѐ на нїкола́а плеска́нїе."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Трїста́ты крѣ̑пкїѧ, рожде́йсѧ ѿ дв҃ы, безстра́стїѧ во глꙋбинѣ̀, дꙋшѝ трича́стное потопѝ, молю́сѧ: да тебѣ̀ ꙗ҆́кѡ въ тѷмпа́нѣ, во ᲂу҆мерщвле́нїи тѣлесѐ, побѣ́дное воспою̀ пѣ́нїе."
|
|
},
|
|
{
|
|
"type": "TEXT",
|
|
"value": "Безпеча́льнꙋю жи́знь наслѣ́довавъ бл҃же́нне, и҆ ра́дости дх҃о́вныѧ и҆сполнѧ́емь при́снѡ, всѧ́кꙋ печа́ль ѿженѝ, молю́сѧ, ѿ дꙋшѝ моеѧ̀: ꙗ҆́кѡ да ра́дꙋѧсѧ сла́влю тѧ̀, сщ҃е́ннѣйшїй ѻ҆́тче нїко́лае."
|
|
},
|
|
{
|
|
"type": "TEXT",
|
|
"value": "Поста́вленъ бы́лъ є҆сѝ добродѣ́телей высо́кихъ на свѣ́щницѣ, ꙗ҆́коже свѣти́льникъ просвѣща́еши сердца̀ вѣ́рныхъ, ст҃и́телю нїко́лае. Тѣ́мже вѣ́рою молю̀ тѧ̀: свѣтоно́сными мл҃твами твои́ми, дꙋшѝ моеѧ̀ тьмꙋ̀ ѿженѝ."
|
|
},
|
|
{
|
|
"type": "TEXT",
|
|
"value": "Житїѧ̀ тлѣ́ннагѡ ны́нѣ пꙋчи́ною ѻ҆́тче, и҆скꙋше́нїй разли́чныхъ наполнѧ́емь премꙋ́дре, къ тебѣ̀ прибѣга́ѧ вопїю̀: да ѡ҆брѧ́щꙋ тѧ̀ ко́рмчїѧ, въ тишинꙋ̀ прелага́юща бꙋ́рю, бж҃е́ственными мл҃твами твои́ми."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Неꙋсыпа́ющꙋю чⷭ҇таѧ, и҆мꙋ́щи мл҃твꙋ, ᲂу҆спѝ на́шѧ стра̑сти дꙋшє́вныѧ, сщ҃е́нными хода́тайствы твои́ми, бж҃е́ственнꙋю и҆ сп҃си́тельнꙋю даю́щи бо́дрость, къ бж҃їихъ хотѣ́нїй и҆сполне́нїю."
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "TEXT",
|
|
"value": "І҆рмо́съ: Весели́тсѧ ѡ҆ тебѣ̀ цр҃ковь твоѧ̀ хрⷭ҇тѐ, зовꙋ́щи: ты̀ моѧ̀ крѣ́пость гдⷭ҇и, и҆ прибѣ́жище и҆ ᲂу҆твержде́нїе."
|
|
},
|
|
{
|
|
"type": "TEXT",
|
|
"value": "Гра́дъ тво́й бж҃е, слове́сныхъ рѣ́къ твои́хъ течє́нїѧ ᲂу҆ч҃нкъ влⷣко, сщ҃е́ннѡ возвеселѧ́ютъ. Два́жды."
|
|
},
|
|
{
|
|
"type": "TEXT",
|
|
"value": "Гра́ждане нбⷭ҇нїи, сослꙋжє́бницы мы́слєннымъ чинѡ́мъ, всесла́внїи а҆пⷭ҇ли, всѧ́кїѧ на́съ ско́рби и҆зба́вите."
|
|
},
|
|
{
|
|
"type": "TEXT",
|
|
"value": "Оу҆тверди́вый хрⷭ҇тѐ словє́снаѧ твоѧ̑ нб҃са̀: ᲂу҆тверди́ мѧ тѣ́хъ мл҃твами, на ка́мени твои́хъ хотѣ́нїй, ꙗ҆́кѡ бл҃гоꙋтро́бенъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ꙗ҆́кѡ мт҃и тѧ̀ мо́литъ съ ли́комъ ᲂу҆ч҃нкъ гдⷭ҇и, ꙗ҆́же тебѐ чи́стѡ роди́вшаѧ: да́рꙋй на́мъ млⷭ҇ти твоѧ̑."
|
|
},
|
|
{
|
|
"type": "HEADER",
|
|
"value": "И҆́нъ"
|
|
},
|
|
{
|
|
"type": "TEXT",
|
|
"value": "І҆рмо́съ: Не мꙋ́дростїю, и҆ си́лою, и҆ бога́тствомъ хва́лимсѧ, но тобо́ю ѻ҆́ч҃ею ѵ҆поста́сною мꙋ́дростїю хрⷭ҇тѐ: нѣ́сть бо ст҃ъ, па́че тебѐ чл҃вѣколю́бче."
|
|
},
|
|
{
|
|
"type": "TEXT",
|
|
"value": "Ѻ҆рꙋ́жїе ꙗ҆ви́лсѧ є҆сѝ, бори́тєльныѧ врагѝ закала́ѧ, и҆́хже и҆скꙋше́нїѧ соблюдѝ на́съ невре́дныхъ нїко́лае, содѣва́ющихъ бж҃е́ственное хотѣ́нїе."
|
|
},
|
|
{
|
|
"type": "TEXT",
|
|
"value": "Сокрꙋше́нїе моеѧ̀ дꙋшѝ, ст҃и́телю, ᲂу҆врачꙋ́й, сокрꙋши́вый вра̑жїѧ кѡ́зни и҆ ловлє́нїѧ: да ꙗ҆́кѡ предста́телѧ моего̀ вѣ́рою почита́ю тѧ̀."
|
|
},
|
|
{
|
|
"type": "TEXT",
|
|
"value": "Разори́вый а҆ртемі́ды бездꙋ̑шнаѧ ка̑пища, ᲂу҆ма̀ моегѡ̀ страстна̑ѧ мечта̑нїѧ потребѝ бж҃е́ственными хода́тайствы твои́ми ѻ҆́тче нїко́лае."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Тѧ̀ предста́тельницꙋ пречⷭ҇таѧ дв҃о, стѧжа́хомъ, претворѝ на́шꙋ печа́ль на ра́дость, и҆ ско́рби и҆зба́ви ражда́ющїѧ сме́рть."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "TEXT",
|
|
"value": "І҆рмо́съ: Вознесе́на тѧ̀ ви́дѣвши цр҃ковь на крⷭ҇тѣ̀, сл҃нце пра́ведное, ста̀ въ чи́нѣ свое́мъ, досто́йнѡ взыва́ющи: сла́ва си́лѣ твое́й гдⷭ҇и."
|
|
},
|
|
{
|
|
"type": "TEXT",
|
|
"value": "Наве́лъ є҆сѝ на мо́ре ко́ни твоѧ̑ и҆збра̑нныѧ, чл҃вѣколю́бче, ѕловѣ́рїѧ во́ды возмꙋща́ющыѧ, и҆ всѣ̑мъ ра́зꙋмъ тво́й и҆́стинный возвѣща́ющыѧ. Два́жды."
|
|
},
|
|
{
|
|
"type": "TEXT",
|
|
"value": "Ѕвѣ́зды просвѣти́вше бл҃гоче́стїемъ мы́сленнꙋю тве́рдь цр҃ко́внꙋю, сла́внїи а҆пⷭ҇ли, ѿ но́щи невѣ́дѣнїѧ, и҆ прегрѣше́нїй и҆зба́вите мѧ̀."
|
|
},
|
|
{
|
|
"type": "TEXT",
|
|
"value": "Ꙗ҆́вльшесѧ ꙗ҆́коже стрѣ́лы и҆з̾ѡщре́ни а҆пⷭ҇ли, вра̑жїѧ разжжє́ныѧ стрѣ́лы ѕло́бы моеѧ̀ ны́нѣ ᲂу҆гаси́те, и҆ помышле́нїе моѐ ᲂу҆тверди́те."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Дꙋ́шꙋ мою̀ ѡ҆горче́нꙋю ꙗ҆́домъ, сопроти́внагѡ ᲂу҆грызе́нїемъ, дѣ́йственнымъ врачева́нїемъ и҆сцѣлѝ, мл҃твами хрⷭ҇тѐ, ро́ждшїѧ тѧ̀ и҆ сщ҃е́нныхъ а҆пⷭ҇лъ твои́хъ."
|
|
},
|
|
{
|
|
"type": "HEADER",
|
|
"value": "И҆́нъ"
|
|
},
|
|
{
|
|
"type": "TEXT",
|
|
"value": "І҆рмо́съ: Сѣдѧ́й въ сла́вѣ на прⷭ҇то́лѣ бж҃ества̀, во ѻ҆́блацѣ ле́гцѣ прїи́де і҆и҃съ пребж҃е́ственный, нетлѣ́нною дла́нїю, и҆ сп҃се зовꙋ́щыѧ: сла́ва хрⷭ҇тѐ, си́лѣ твое́й."
|
|
},
|
|
{
|
|
"type": "TEXT",
|
|
"value": "Пресла́вное житїѐ твоѐ вездѣ̀ тѧ̀ пресла́вна показа̀, чꙋдесы̀ бж҃е́ственными, и҆ просвѣща́емаго, ст҃и́телємъ ᲂу҆краше́нїе, всѣ̑мъ похвалꙋ̀, чтꙋ́щымъ тѧ̀ нїко́лае, ра́достными пѣ́сньми."
|
|
},
|
|
{
|
|
"type": "TEXT",
|
|
"value": "На высо́цѣ прⷭ҇то́лѣ бл҃же́нне, бг҃а похвали́лъ є҆сѝ, смиреномꙋ́дрїѧ бж҃е́ственными ѡ҆блиста́ѧ свѣтлостьмѝ, и҆́хже бо прича́стїи бы́ти на́съ сотворѝ, бл҃гопрїѧ́тными твои́ми мольба́ми, ѻ҆́тче мꙋ́дре."
|
|
},
|
|
{
|
|
"type": "TEXT",
|
|
"value": "Непра́веднѡ ведѡ́мыѧ на сме́рть и҆зба́вилъ є҆сѝ, ре́вностїю бж҃е́ственною ѻ҆́тче, сщ҃еннолѣ́пнѣ распала́емь. Тѣ́мже вопїе́мъ тѝ: та́кожде и҆змѝ на́съ ѿ напа́стей, ᲂу҆мерщвлѧ́ющихъ лю́тѣ се́рдце моѐ."
|
|
},
|
|
{
|
|
"type": "TEXT",
|
|
"value": "Нб҃са̀ ѡ҆бходѧ̀ нїко́лае ра́достнѡ, неви́димѡ ѻ҆́тче, всѣ̑мъ призыва́ющымъ тѧ̀ предста́ни, ѡ҆блегчава́ѧй недꙋ́ги дꙋ́шъ на́шихъ, и҆ ᲂу҆тѣше́нїе бг҃олѣ́пнѡ подаѧ̀."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Вѡ́инства а҆́гг҃льскаѧ ᲂу҆жаса́ютсѧ, пречⷭ҇таѧ, воспѣва́юще вели́чество бж҃е́ственнагѡ ржⷭ҇тва̀ твоегѡ̀: съ ни́миже молѝ дв҃о, всѣ̑мъ сп҃сти́сѧ, вѣ́рою чи́стою тебѐ бл҃жа́щымъ."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ты̀ гдⷭ҇и мо́й, свѣ́тъ въ мі́ръ прише́лъ є҆сѝ, свѣ́тъ ст҃ы́й, ѡ҆браща́ѧй и҆з̾ мра́чна невѣ́дѣнїѧ, вѣ́рою воспѣва́ющыѧ тѧ̀."
|
|
},
|
|
{
|
|
"type": "TEXT",
|
|
"value": "Лѡ́зы живѡ́тныѧ процвѣта́юще гро́здїе, напои́ша всѣ́хъ вїна̀ мы́сленнагѡ весе́лїѧ, сла́внїи а҆пⷭ҇ли. Два́жды."
|
|
},
|
|
{
|
|
"type": "TEXT",
|
|
"value": "Къ свѣ́тꙋ за́повѣдей бж҃їихъ наста́вите а҆пⷭ҇ли, и҆̀же во тьмѣ̀ дꙋше́внагѡ ᲂу҆ны́нїѧ безꙋ́мнѡ пребыва́ющыѧ."
|
|
},
|
|
{
|
|
"type": "TEXT",
|
|
"value": "И҆зба́вите на́съ дꙋше́вныхъ прегрѣше́нїй, и҆ сꙋда̀ бꙋ́дꙋщагѡ, и҆ тлѝ и҆ бѣ́дъ, а҆пⷭ҇ли бл҃же́ннїи."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Сп҃си́ мѧ бж҃е, ꙗ҆́кѡ чл҃вѣколю́бецъ, сп҃си́ мѧ мольба́ми неизрече́ннѡ тебѐ роди́вшїѧ, и҆ всѣ́хъ бж҃е́ственныхъ а҆пⷭ҇лъ твои́хъ."
|
|
},
|
|
{
|
|
"type": "HEADER",
|
|
"value": "И҆́нъ"
|
|
},
|
|
{
|
|
"type": "TEXT",
|
|
"value": "І҆рмо́съ: Нечести́вїи не ᲂу҆́зрѧтъ сла́вы твоеѧ̀ хрⷭ҇тѐ, но мы̀ тѧ̀ є҆диноро́дне, ѻ҆ч҃ескїѧ сла́вы сїѧ́нїе бж҃ества̀, ѿ но́щи ᲂу҆́тренююще, воспѣва́емъ тѧ̀ чл҃вѣколю́бче."
|
|
},
|
|
{
|
|
"type": "TEXT",
|
|
"value": "Заше́лъ є҆сѝ ꙗ҆́коже со́лнце, ᲂу҆ме́рый ѻ҆́тче мꙋ́дре, и҆ возсїѧ́лъ є҆сѝ ᲂу҆ хрⷭ҇та̀, свѣтоно́сными сїѧ́ньми чꙋде́съ твои́хъ, ѡ҆зарѧ́ѧ всю̀ подсо́лнечнꙋю, нїко́лае."
|
|
},
|
|
{
|
|
"type": "TEXT",
|
|
"value": "Сщ҃е́нне нїко́лае, ᲂу҆слы́ши на́съ во днѝ наведе́нїѧ и҆скꙋше́нїй и҆ скорбе́й, всѧ́кꙋю тѣснотꙋ̀ ѿгонѧ́ѧ бл҃года́тїю въ тебѣ̀ живꙋ́щагѡ дх҃а."
|
|
},
|
|
{
|
|
"type": "TEXT",
|
|
"value": "Сокрꙋше́ннꙋю страстьмѝ жите́йскими дꙋ́шꙋ мою̀ и҆мы́й, на по́мощь тѧ̀ призыва́ю сщ҃е́нне нїко́лае, потщи́сѧ, и҆ да́ждь мѝ соверше́нное и҆сцѣле́нїе, ᲂу҆молѧ́ѧ пребл҃га́го."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Оу҆́мныма ѻ҆чи́ма, дв҃о, зрѧ́ тѧ и҆са́їа, вопїе́тъ: сѐ хо́щетъ роди́тисѧ ѿ дв҃ы бг҃оѻтрокови́цы і҆и҃съ гдⷭ҇ь, въ человѣ́кѡвъ па́ки возрожде́нїе."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Пожрꙋ́ ти со гла́сомъ хвале́нїѧ гдⷭ҇и, цр҃ковь вопїе́тъ тѝ, ѿ бѣсо́вскїѧ кро́ве ѡ҆чи́щшисѧ, ра́ди млⷭ҇ти ѿ ре́бръ твои́хъ и҆сте́кшею кро́вїю."
|
|
},
|
|
{
|
|
"type": "TEXT",
|
|
"value": "Па́стырѧ до́брагѡ бг҃оизбра̑ннаѧ ѻ҆вча́та, разсѣ̑ѧннаѧ по мі́рꙋ, волкѡ́въ всѧ́ко ѕвѣ́рство во ѻ҆́вчꙋю кро́тость, вѣ́рою преложи́ша. Два́жды."
|
|
},
|
|
{
|
|
"type": "TEXT",
|
|
"value": "Бж҃е́ственнагѡ раѧ̀ древеса̀ доброплѡ́днаѧ, преѻкаѧ́нныѧ дꙋшѝ моеѧ̀ всѐ непло́дство во бл҃гопло́дїе добродѣ́тельнагѡ нра́ва преведи́те а҆пⷭ҇ли."
|
|
},
|
|
{
|
|
"type": "TEXT",
|
|
"value": "Оу҆ѧ́звенъ бы́хъ сласте́й ѻ҆рꙋ́жїемъ и҆ ᲂу҆мро́хъ: и҆̀же ѿ хрⷭ҇та̀ прїе́мше сла́внїи бл҃года́ть воскреша́ти мє́ртвыѧ, ᲂу҆мерщвле́ннꙋю ѻ҆каѧ́ннꙋю мою̀ дꙋ́шꙋ ѡ҆живи́те."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Оу҆ста́ви дꙋшѝ моеѧ̀ свирѣ́пꙋю бꙋ́рю, бж҃е всѣ́хъ ще́дрый, мольба́ми ро́ждшїѧ тѧ̀ бцⷣы, а҆пⷭ҇лъ же и҆ мч҃нкъ твои́хъ."
|
|
},
|
|
{
|
|
"type": "HEADER",
|
|
"value": "И҆́нъ"
|
|
},
|
|
{
|
|
"type": "TEXT",
|
|
"value": "І҆рмо́съ: Прїидо́хъ во глꙋбины̑ мѡрскі́ѧ, и҆ потопи́ла мѧ̀ є҆́сть бꙋ́рѧ мно́гихъ грѣхѡ́въ: но ꙗ҆́кѡ бг҃ъ и҆з̾ глꙋбины̀ возведѝ живо́тъ мо́й, многомлⷭ҇тиве."
|
|
},
|
|
{
|
|
"type": "TEXT",
|
|
"value": "Оу҆крѣпи́лсѧ є҆сѝ крѣ́постїю сп҃совою, возмогі́й бг҃омꙋ́дре, неви́димаго врага̀ погꙋби́ти: є҆гѡ́же лю́тагѡ вре́да на́съ и҆зба́ви мольба́ми твои́ми, ѻ҆́тче нїко́лае."
|
|
},
|
|
{
|
|
"type": "TEXT",
|
|
"value": "Мꙋче́нїѧ же въ гее́ннѣ, ѿ лꙋка́выхъ человѣ̑къ стꙋже́нїѧ вре́днѣйшагѡ, и҆зба́ви на́съ сщ҃е́нными мл҃твами твои́ми, пресла́вне нїко́лае."
|
|
},
|
|
{
|
|
"type": "TEXT",
|
|
"value": "И҆̀же дре́вле ᲂу҆мре́ти непра́веднѡ и҆мꙋ́щїи воевѡ́ды, и҆зба́вишасѧ твои́ми предста́тельствы: ꙗ҆́коже тѣ́хъ, и҆ на́съ и҆схитѝ всѧ́кагѡ вре́да, досточꙋ́дне."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Лю́дїе твоѝ и҆ гра́дъ мо́литъ тѧ̀, мт҃и бж҃їѧ: и҆змѝ на́съ всѧ́кїѧ нꙋ́жды, и҆ та́мошнагѡ, всест҃а́ѧ влⷣчце, вѣ́чнагѡ ѡ҆сꙋжде́нїѧ."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "TEXT",
|
|
"value": "І҆рмо́съ: Въ пещѝ а҆враа́мстїи ѻ҆́троцы персі́дстѣй, любо́вїю бл҃гоче́стїѧ па́че, не́жели пла́менемъ ѡ҆палѧ́еми, взыва́хꙋ: бл҃гослове́нъ є҆сѝ въ хра́мѣ сла́вы твоеѧ̀ гдⷭ҇и."
|
|
},
|
|
{
|
|
"type": "TEXT",
|
|
"value": "Крѣ́постїю всест҃ы́ѧ про́повѣди, неле́стнїи а҆пⷭ҇ли хрⷭ҇тѡ́вы, пре́лести зи́мꙋ разрꙋши́сте, и҆ просвѣти́сте бг҃оразꙋ́мїемъ вѣ́рныхъ мꙋдрова́нїе. Два́жды."
|
|
},
|
|
{
|
|
"type": "TEXT",
|
|
"value": "Мѵ́ро бл҃гоꙋха́нное и҆сточа́юще всегда̀ бж҃е́ственнїи ᲂу҆ч҃нцы̀, мѵ́ра ᲂу҆́мнагѡ бл҃гово́нїѧ притека́ющихъ къ ва́мъ и҆спо́лните, и҆ ѕлосмра̑дныѧ стра̑сти ѿжени́те."
|
|
},
|
|
{
|
|
"type": "TEXT",
|
|
"value": "Растлѣ́вшаго мѧ̀ плотски́ми безмѣ́стїи, сло́ва нетлѣ́ннагѡ сла́внїи ᲂу҆ч҃нцы̀, сп҃си́те мѧ̀ пою́ща: бл҃гослове́нъ є҆сѝ въ хра́мѣ сла́вы твоеѧ̀ гдⷭ҇и."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ли́къ а҆́гг҃льскїй, ли́къ мч҃нкъ и҆ а҆пⷭ҇лъ твои́хъ сло́ве, мо́лѧтъ всегда̀, мно́гое бл҃гоꙋтро́бїѧ твоегѡ̀ чл҃вѣколю́бче: всѣ́хъ ᲂу҆ще́дри бцⷣею, ꙗ҆́кѡ бл҃гоꙋтро́бенъ."
|
|
},
|
|
{
|
|
"type": "HEADER",
|
|
"value": "И҆́нъ"
|
|
},
|
|
{
|
|
"type": "TEXT",
|
|
"value": "І҆рмо́съ: Ю҆́нѡши трѝ въ вавѷлѡ́нѣ велѣ́нїе мꙋчи́телево на бꙋ́йство прело́жше, посредѣ̀ пла́мене вопїѧ́хꙋ: бл҃гослове́нъ є҆сѝ гдⷭ҇и бж҃е ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Свѧ́те нїко́лае, во ст҃ы́хъ є҆ди́наго всѣ́хъ творца̀ почива́ющаго, молѝ ѡ҆ст҃и́ти на́съ, и҆ низпосла́ти бога̑тыѧ на ны̀ млⷭ҇ти своѧ̑."
|
|
},
|
|
{
|
|
"type": "TEXT",
|
|
"value": "Преподо́бенъ, пра́въ и҆ кро́токъ, ти́хъ и҆ смире́нъ бы́въ сла́вне, къ высотѣ̀ пресла́внѣй сщ҃е́нства взѧ́лсѧ є҆сѝ, чꙋдеса̀ соверша́ѧ и҆ зна́мєнїѧ."
|
|
},
|
|
{
|
|
"type": "TEXT",
|
|
"value": "Зако́ны бж҃е́ствєнныѧ соблю́дъ прпⷣбне, ꙗ҆ви́лсѧ є҆сѝ бж҃їй хра́мъ чⷭ҇тѣ́йшїй. Тѣ́мже тѝ вопїе́мъ, всебл҃же́нне: ѿ всѧ́кагѡ пребеззако́нїѧ и҆зба́ви рабы̑ твоѧ̑."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Оу҆спѝ воста̑нїѧ страсте́й моеѧ̀ дꙋшѝ, бо́дренною мл҃твою твое́ю да́ждь мѝ бо́дрость, ѻ҆трокови́це, ᲂу҆ны́нїѧ дрема́нїе дале́че ѿгонѧ́ющи."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "TEXT",
|
|
"value": "І҆рмо́съ: Рꙋ́цѣ распросте́ръ данїи́лъ, львѡ́въ зїѧ̑нїѧ въ ро́вѣ затчѐ: ѻ҆́гненнꙋю же си́лꙋ ᲂу҆гаси́ша, добродѣ́телїю препоѧ́савшесѧ, бл҃гоче́стїѧ рачи́тели ѻ҆́троцы, взыва́юще: бл҃гослови́те всѧ̑ дѣла̀ гдⷭ҇нѧ гдⷭ҇а."
|
|
},
|
|
{
|
|
"type": "TEXT",
|
|
"value": "Оу҆ста̀ ѻ҆гнедохновє́ннаѧ хрⷭ҇тѡ́ва, и҆̀же бездвє́рнаѧ ᲂу҆ста̀ загради́вше, и҆ сп҃си́тельное проповѣ́данїе повсю́дꙋ разсѣ́ѧвше, ѿ ᲂу҆́стъ во́лка мы́сленнагѡ и҆зба́висте вопїю́щыѧ: всѧ̑ дѣла̀ гдⷭ҇а по́йте, и҆ превозноси́те є҆го̀ во всѧ̑ вѣ́ки. Два́жды."
|
|
},
|
|
{
|
|
"type": "TEXT",
|
|
"value": "Вострꙋби́те ѻ҆́крестъ моеѧ̀ ᲂу҆мерщвле́нныѧ дꙋшѝ бл҃гогла́снїи трꙋбы̑ хрⷭ҇тѡ́вы, а҆пⷭ҇ли сла́внїи, и҆ ѿ гро́ба ѿча́ѧнїѧ и҆ ᲂу҆ны́нїѧ лю́тагѡ сїю̀ воздви́гните, во є҆́же пѣ́ти: всѧ̑ дѣла̀ гдⷭ҇а по́йте, и҆ превозноси́те є҆го̀ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Менѐ зако́ны твоѧ̑ хрⷭ҇тѐ, попра́вшагѡ ᲂу҆ма̀ развраще́нїемъ, менѐ влⷣко, блꙋ́днагѡ, во глꙋбины̑ попо́лзшасѧ, и҆ ѻ҆бы́чаю лꙋка́вомꙋ при́снѡ рабо́тающа не пре́зри, ᲂу҆ч҃нкѡ́въ твои́хъ мольба́ми."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Мр҃і́е гпⷭ҇жѐ всѧ́ческихъ, ѡ҆блада́ема мѧ̀ ѿ ѕмі́ѧ, и҆ согрѣша́юща всегда̀ свободѝ мл҃твами твои́ми, и҆ порабо́ти хрⷭ҇тꙋ̀ въ житїѝ чи́стѣ воспѣва́ти: всѧ̑ дѣла̀ гдⷭ҇а по́йте, и҆ превозноси́те во всѧ̑ вѣ́ки."
|
|
},
|
|
{
|
|
"type": "HEADER",
|
|
"value": "И҆́нъ"
|
|
},
|
|
{
|
|
"type": "TEXT",
|
|
"value": "І҆рмо́съ: И҆зба́вителю всѣ́хъ всеси́льне, посредѣ̀ пла́мене бл҃гоче́ствовавшыѧ, снизше́дъ ѡ҆роси́лъ є҆сѝ, и҆ наꙋчи́лъ є҆сѝ пѣ́ти: всѧ̑ дѣла̀ бл҃гослови́те, по́йте гдⷭ҇а."
|
|
},
|
|
{
|
|
"type": "TEXT",
|
|
"value": "Вѣті́йствꙋѧ бж҃е́ствєннаѧ нїко́лае, беззако́ннꙋющихъ незатворє́наѧ ᲂу҆ста̀ ꙗ҆́вственнѡ загради́лъ є҆сѝ, и҆ ѿ а҆́рїева гꙋби́тельства мнѡ́гїѧ и҆зба́вилъ є҆сѝ, правосла́внѡ пою́щыѧ: гдⷭ҇а по́йте, и҆ превозноси́те є҆го̀ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "И҆́же побѣ́ды тезоимени́тъ свѧ́те, побѣди́телей на́съ покажѝ, мл҃твами твои́ми, страсте́мъ ражда́ющымъ сме́рть, и҆ пребеззако́нныхъ человѣ̑къ ѧ҆зы́ка льсти́ва, вѣ́рнѡ при́снѡ молѧ́щихсѧ тѝ."
|
|
},
|
|
{
|
|
"type": "TEXT",
|
|
"value": "По́мощь твою̀ сп҃си́тельнꙋю низпосла́ти на́мъ, ᲂу҆моле́нъ бꙋ́ди чꙋдотво́рче нїко́лае, въ де́нь нꙋ́жды, внегда̀ тѧ̀ вѣ́рою просѧ́ще мо́лимъ."
|
|
},
|
|
{
|
|
"type": "TEXT",
|
|
"value": "Трⷪ҇ченъ: Правосла́внѡ вѣ́рнїи поклони́мсѧ ст҃ѣ́й трⷪ҇цѣ, сла́вѧще ѻ҆ц҃а̀, и҆ сн҃а, и҆ всест҃а́го дх҃а, вопїю́ще: бл҃гослови́те, по́йте гдⷭ҇а, и҆ превозноси́те є҆го̀ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ми́лости твоеѧ́ мѧ сподо́би, млⷭ҇тивѣйшаго сло́ва ро́ждши, бл҃гослове́ннаѧ всечⷭ҇таѧ: въ ча́съ сꙋ́дный предста́ни, и҆ и҆зба́ви та́мошнѧгѡ мѧ̀ чⷭ҇таѧ ѡ҆сꙋжде́нїѧ."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ка́мень нерꙋкосѣ́чный ѿ несѣко́мыѧ горы̀ тебѐ дв҃о, краеꙋго́льный ѿсѣче́сѧ, хрⷭ҇то́съ, совокꙋпи́вый разстоѧ̑щаѧсѧ є҆стєства̀. Тѣ́мъ веселѧ́щесѧ, тѧ̀ бцⷣе велича́емъ."
|
|
},
|
|
{
|
|
"type": "TEXT",
|
|
"value": "Ка́менїе и҆збра́нное, положе́ннагѡ во главꙋ̀ ᲂу҆́гла ка́мене, созда́сте всѣ́хъ вѣ́рныхъ сердца̀, ка́менемъ вѣ́ры вра̑жїѧ созда̑нїѧ, а҆пⷭ҇ли, разве́ргше. Два́жды."
|
|
},
|
|
{
|
|
"type": "TEXT",
|
|
"value": "Рѣши́ти и҆ вѧза́ти ѿ хрⷭ҇та̀ прїе́мше вла́сть, разрѣши́те ѕѡ́лъ мои́хъ соꙋ́зъ, и҆ къ любвѝ бж҃їей привѧжи́те, и҆ црⷭ҇твїѧ прича́стника бж҃е́ственнагѡ содѣ́лайте а҆пⷭ҇ли."
|
|
},
|
|
{
|
|
"type": "TEXT",
|
|
"value": "Бж҃е́ственнїи влⷣки ѻ҆́блацы, и҆зсо́хшее моѐ се́рдце всѧ́кимъ лꙋка́вымъ дѣѧ́нїемъ бж҃е́ственными тꙋ́чами ны́нѣ напо́йте, и҆ плодоно́сно покажи́те, а҆пⷭ҇ли бг҃обл҃же́ннїи."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Со ст҃ы́ми а҆́гг҃лы, съ бж҃е́ственными а҆пⷭ҇лы, со сла́вными мч҃нки, твоего̀ молѝ сн҃а и҆ бг҃а, бг҃ороди́тельнице пречⷭ҇таѧ, ѿ бѣ́дъ и҆зба́вити дꙋ́шы на́шѧ."
|
|
},
|
|
{
|
|
"type": "HEADER",
|
|
"value": "И҆́нъ"
|
|
},
|
|
{
|
|
"type": "TEXT",
|
|
"value": "І҆рмо́съ: Є҆́ѵа ᲂу҆́бѡ недꙋ́гомъ преслꙋша́нїѧ клѧ́твꙋ всели́ла є҆́сть: ты́ же дв҃о бцⷣе прозѧбе́нїемъ чревоноше́нїѧ, мі́рови бл҃гослове́нїе процвѣла̀ є҆сѝ. Тѣ́мъ тѧ̀ всѝ велича́емъ."
|
|
},
|
|
{
|
|
"type": "TEXT",
|
|
"value": "И҆сцѣлє́нїѧ при́снѡ соверша́ѧ гро́бъ тво́й, бл҃гоꙋха̑нїѧ мѵ́ра прпⷣбне, и҆сточа́етъ вѣ́рою и҆ любо́вїю пристꙋпа́ющымъ нїко́лае, погреба́ѧй недꙋ́гѡвъ нахо́ды. Тѣ́мже тѧ̀ всѝ ᲂу҆бл҃жа́емъ."
|
|
},
|
|
{
|
|
"type": "TEXT",
|
|
"value": "Ꙗ҆́кѡ со́лнце всю̀ ѡ҆зарѧ́еши нїко́лае бг҃обл҃же́нне, подсо́лнечнꙋю, бж҃е́ственныхъ чꙋде́съ сїѧ́ньми тьмꙋ̀ лю́тыхъ ѡ҆бстоѧ́нїй ѿгонѧ́ѧ, сщ҃е́нными хода́тайствы твои́ми, а҆рхїере́євъ ᲂу҆добре́нїе."
|
|
},
|
|
{
|
|
"type": "TEXT",
|
|
"value": "Ѻ҆бы́чнѡ ᲂу҆ще́дри ны̀ нїко́лае, жите́йскими ѡ҆бстоѧ́ньми, и҆ бѣсо́вскими пре́лестьми, лꙋка́выхъ же человѣ̑къ и҆скꙋше́ньми, лю́тѣ ѡ҆бꙋрева́ємыѧ всегда̀: ꙗ҆́кѡ да тѧ̀ всѝ ᲂу҆бл҃жа́емъ."
|
|
},
|
|
{
|
|
"type": "TEXT",
|
|
"value": "Де́нь и҆ ча́съ стра́шный помина́й ѽ дꙋшѐ моѧ̀! Є҆гда́ тѧ хо́щетъ привестѝ на сꙋ́дъ влⷣка, и҆ сꙋди́ти твоѧ̑ дѣла̀ та̑йнаѧ, и҆ возопі́й є҆мꙋ̀: сп҃се сп҃си́ мѧ нїкола́а мольба́ми."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Гла́съ тебѐ бж҃е́ственнагѡ гаврїи́ла прино́симъ ра́достнѡ, и҆ взыва́емъ: ра́дꙋйсѧ раю̀, ꙗ҆́же дре́во живо́тное посредѣ̀ и҆мꙋ́щаѧ всегда̀, пресла́внаѧ сло́ва пала́то, ра́дꙋйсѧ дв҃о всенепоро́чнаѧ."
|
|
},
|
|
{
|
|
"type": "HEADER",
|
|
"value": "На стїхо́внѣ стїхи̑ры а҆пⷭ҇лѡмъ, гла́съ д҃:"
|
|
},
|
|
{
|
|
"type": "TEXT",
|
|
"value": "А҆пⷭ҇льскїй ли́къ дх҃омъ ст҃ы́мъ просвѣти́лъ є҆сѝ хрⷭ҇тѐ: и҆ на́шꙋ скве́рнꙋ грѣхо́внꙋю, тѣ́хъ ра́ди ѡ҆мы́й бж҃е, и҆ поми́лꙋй на́съ."
|
|
},
|
|
{
|
|
"type": "TEXT",
|
|
"value": "Сті́хъ: И҆спо́лнихомсѧ заꙋ́тра млⷭ҇ти твоеѧ̀ гдⷭ҇и, и҆ возра́довахомсѧ, и҆ возвесели́хомсѧ: во всѧ̑ дни̑ на́шѧ возвесели́хомсѧ, за дни̑, въ нѧ́же смири́лъ ны̀ є҆сѝ, лѣ̑та, въ нѧ́же ви́дѣхомъ ѕла̑ѧ. И҆ при́зри на рабы̑ твоѧ̑ и҆ на дѣла̀ твоѧ̑, и҆ наста́ви сы́ны и҆́хъ."
|
|
},
|
|
{
|
|
"type": "TEXT",
|
|
"value": "Некни̑жныѧ ᲂу҆ч҃нкѝ, дх҃ъ тво́й ст҃ы́й каза́тели ꙗ҆вѝ хрⷭ҇тѐ бж҃е: и҆ многовѣща́ннымъ сли́чїемъ ꙗ҆зы́кѡвъ пре́лесть ᲂу҆празднѝ, ꙗ҆́кѡ всеси́ленъ."
|
|
},
|
|
{
|
|
"type": "TEXT",
|
|
"value": "Сті́хъ: И҆ бꙋ́ди свѣ́тлость гдⷭ҇а бг҃а на́шегѡ на на́съ, и҆ дѣла̀ рꙋ́къ на́шихъ и҆спра́ви на на́съ, и҆ дѣ́ло рꙋ́къ на́шихъ и҆спра́ви."
|
|
},
|
|
{
|
|
"type": "TEXT",
|
|
"value": "Мч҃нченъ: Честна̀ сме́рть ст҃ы́хъ твои́хъ гдⷭ҇и: меча́ми бо и҆ ѻ҆гне́мъ, и҆ стꙋ́денїю сокрꙋша́еми, и҆злїѧ́ша кро́вь свою̀, наде́ждꙋ и҆мꙋ́ще на тѧ̀, воспрїѧ́ти трꙋдѡ́въ мздꙋ̀: претерпѣ́ша, и҆ прїѧ́ша ѿ тебѐ сп҃се ве́лїю млⷭ҇ть."
|
|
},
|
|
{
|
|
"type": "TEXT",
|
|
"value": "Сла́ва, и҆ ны́нѣ, бг҃оро́диченъ: Тѧ̀ стѣ́нꙋ стѧжа́хомъ бцⷣе пречⷭ҇таѧ, и҆ бл҃гоꙋти́шное приста́нище, и҆ ᲂу҆твержде́нїе. Тѣ́мже молю́сѧ, и҆́же въ житїѝ ѡ҆бꙋрева́емь, ѡ҆кормѝ, и҆ сп҃си́ мѧ."
|
|
},
|
|
{
|
|
"type": "HEADER",
|
|
"value": "Въ четверто́къ бл҃жє́нны, гла́съ д҃:"
|
|
},
|
|
{
|
|
"type": "TEXT",
|
|
"value": "Дре́вомъ а҆да́мъ раѧ̀ бы́сть и҆зселе́нъ, дре́вомъ же крⷭ҇тнымъ разбо́йникъ въ ра́й всели́сѧ: ѻ҆́въ ᲂу҆́бѡ вкꙋ́шъ, за́повѣдь ѿве́рже сотво́ршагѡ: ѻ҆́въ же сраспина́емь, бг҃а и҆сповѣ́да таѧ́щагосѧ, помѧни́ мѧ, вопїѧ̀, во црⷭ҇твїи твое́мъ."
|
|
},
|
|
{
|
|
"type": "TEXT",
|
|
"value": "Сті́хъ: Бл҃же́ни и҆́згнани пра́вды ра́ди, ꙗ҆́кѡ тѣ́хъ є҆́сть црⷭ҇тво нбⷭ҇ное."
|
|
},
|
|
{
|
|
"type": "TEXT",
|
|
"value": "Па́стырѧ и҆ а҆́гнца словє́снаѧ сꙋ́ще воспита̑нїѧ, посредѣ̀ волкѡ́въ ѿ негѡ̀ ꙗ҆́кѡ а҆́гнцы мꙋ́дрїи по́слани бы́сте, бж҃е́ственнымъ проповѣ́данїемъ. Тѣ́хъ претворѧ́юще свирѣ́пство на кро́тость, вѣ́рою зовꙋ́ще неꙋкло́ннымъ по́мысломъ: помѧнѝ на́съ сп҃се, во црⷭ҇твїи твое́мъ."
|
|
},
|
|
{
|
|
"type": "TEXT",
|
|
"value": "Сті́хъ: Бл҃же́ни є҆стѐ, є҆гда̀ поно́сѧтъ ва́мъ, и҆ и҆зженꙋ́тъ, и҆ рекꙋ́тъ всѧ́къ ѕо́лъ глаго́лъ, на вы̀ лжꙋ́ще менѐ ра́ди."
|
|
},
|
|
{
|
|
"type": "TEXT",
|
|
"value": "Проше́дше земна̑ѧ и҆сполнє́нїѧ а҆пⷭ҇ли гдⷭ҇ни, ꙗ҆́кѡ ѕвѣ́зды свѣ̑тлыѧ, помрачє́нныѧ пре́лєсти разори́сте, и҆ свѣ́тъ сп҃си́тельный прельщє́нымъ ѡ҆блиста́сте. Тѣ́мже бл҃жи́мъ ва́съ хрⷭ҇тѡ́вы проповѣ̑дницы, просѧ́ще: моли́тесѧ ѡ҆ на́съ всегда̀ ко гдⷭ҇ꙋ."
|
|
},
|
|
{
|
|
"type": "TEXT",
|
|
"value": "Сті́хъ: Ра́дꙋйтесѧ и҆ весели́тесѧ, ꙗ҆́кѡ мзда̀ ва́ша мно́га на нб҃сѣ́хъ."
|
|
},
|
|
{
|
|
"type": "TEXT",
|
|
"value": "Мч҃нченъ: Оу҆мерщвлѧ́еми мꙋ́дрїи, и҆ ѻ҆гне́мъ веще́ственнымъ ѡ҆палѧ́еми, попали́сте го́рькагѡ многобо́жїѧ вещество̀ бл҃же́ннїи, и҆ ны́нѣ и҆сточа́ете и҆сцѣле́нїй стрꙋи̑ приходѧ́щымъ къ ва́мъ съ вѣ́рою, те́плѣ взыва́ющымъ, и҆ вопїю́щымъ хрⷭ҇тꙋ̀: помѧнѝ на́съ во црⷭ҇твїи твое́мъ."
|
|
},
|
|
{
|
|
"type": "TEXT",
|
|
"value": "Сла́ва: Трⷪ҇ченъ: Непреткнове́ннымъ по́мысломъ, мы́слїю трезвѧ́щесѧ рце́мъ, въ вы́шнихъ со ѻ҆ц҃е́мъ сѣдѧ́щемꙋ вкꙋ́пѣ и҆ дх҃омъ: трⷪ҇це нераздѣ́льнаѧ, ꙗ҆́же всѧ̑ сло́вомъ пре́жде соста́вльшаѧ, и҆ всѣ́хъ просвѣща́ющаѧ, вѣ́рою тебѣ̀ зовꙋ́щихъ, помѧнѝ на́съ во црⷭ҇твїи твое́мъ."
|
|
},
|
|
{
|
|
"type": "TEXT",
|
|
"value": "И҆ ны́нѣ: Бг҃оро́диченъ: А҆пⷭ҇лѡвъ ра́досте, и҆ стрⷭ҇тоте́рпєцъ вѣне́цъ неꙋвѧда́емый вои́стиннꙋ є҆сѝ бг҃ороди́тельнице, всенепоро́чнаѧ ѻ҆трокови́це, съ ни́миже и҆спросѝ на́мъ влⷣчце, прегрѣше́нїй и҆збавле́нїе, и҆ житїѧ̀ и҆справле́нїе, вѣ́рою просѧ́щымъ тѧ̀, и҆ вопїю́щымъ тѝ: ра́дꙋйсѧ, всеи́стиннѣ бл҃ги́хъ сокро́вище."
|
|
}
|
|
] |