434 lines
33 KiB
JSON
434 lines
33 KiB
JSON
[
|
|
{
|
|
"type": "HEADER",
|
|
"value": "Канѡ́нъ чⷭ҇тно́мꙋ и҆ животворѧ́щемꙋ крⷭ҇тꙋ̀ гдⷭ҇ню, гла́съ з҃, творе́нїе кѵ́ръ і҆ѡ́сифово, є҆гѡ́же краегране́сїе:"
|
|
},
|
|
{
|
|
"type": "TEXT",
|
|
"value": "Крⷭ҇тъ насажде́ный пре́лесть и҆сто́ргїй."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ма́нїемъ твои́мъ на земны́й ѡ҆́бразъ преложи́сѧ, пре́жде ᲂу҆доборазлива́емое водно́е є҆стество̀ гдⷭ҇и: тѣ́мже немо́креннѡ пѣшеше́ствовавъ і҆и҃ль, пое́тъ тебѣ̀ пѣ́снь побѣ́днꙋю."
|
|
},
|
|
{
|
|
"type": "TEXT",
|
|
"value": "Распѧ́тїе влⷣка поноша́емь терпи́тъ, человѣ́кѡвъ ѿе́млѧ поношє́нїѧ, ꙗ҆́кѡ чл҃вѣколю́бецъ: копїе́мъ въ ре́бра пробода́етсѧ, си́мъ закала́ѧ врага̀ бори́телѧ."
|
|
},
|
|
{
|
|
"type": "TEXT",
|
|
"value": "Ꙗ҆́коже лꙋ́къ напрѧ́гъ крⷭ҇тъ тво́й млⷭ҇тиве, стрѣла́ми ᲂу҆ѧзви́лъ є҆сѝ гвозде́й сопротивобо́рца, сп҃се, и҆ ѿ негѡ̀ дре́вле ᲂу҆ѧзвлє́ныѧ человѣ́ки и҆сцѣли́лъ є҆сѝ."
|
|
},
|
|
{
|
|
"type": "TEXT",
|
|
"value": "Мч҃нченъ: Кровьмѝ ст҃ы́хъ, ме́рзкаѧ крове́й преста́ша сквернє́нїѧ, і҆́дѡлѡмъ приноси̑маѧ: всѧ́ же землѧ̀ ѡ҆свѧти́сѧ, тѣ́хъ хвала́ми при́снѡ ᲂу҆бл҃жа́ющи."
|
|
},
|
|
{
|
|
"type": "TEXT",
|
|
"value": "Мч҃нченъ: Воспѣ́ша си̑лы нбⷭ҇ныѧ, земны́хъ зрѧ́ще въ тѣлесѝ со безпло́тными борю́щихсѧ: ѿню́дꙋже подвигополо́жникъ си́хъ вѣнцы̀ побѣ́ждшихъ вѣнча̀."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Раздра́сѧ рꙋкописа́нїе а҆да́мово, вопїѧ́ше пречⷭ҇таѧ влⷣчца, копїе́мъ сн҃е прободе́нꙋ тѝ бы́вшꙋ: тѣ́мже воспѣва́ю твоѐ страда́нїе, всѣ̑мъ и҆сточи́вшее безстра́стїе, влⷣко."
|
|
},
|
|
{
|
|
"type": "HEADER",
|
|
"value": "Дрꙋгі́й канѡ́нъ прест҃ѣ́й бцⷣѣ: творе́нїе і҆ѡ́сифово. Гла́съ з҃:"
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ то́йже."
|
|
},
|
|
{
|
|
"type": "TEXT",
|
|
"value": "Пою́щыѧ бцⷣе, вели̑чїѧ твоѧ̑ любо́вїю, твоѧ̑ снабдѝ лю́ди, и҆ ѿ вре́да и҆зба́ви: ты́ бо всѣ́хъ є҆сѝ предста́тельница и҆ наста́вница, чⷭ҇таѧ, и҆ ᲂу҆твержде́нїе."
|
|
},
|
|
{
|
|
"type": "TEXT",
|
|
"value": "Во́дꙋ безсме́ртїѧ ро́ждши дв҃о, и҆сцѣле́нїѧ во́ды на́мъ пода́ждь, всѧ̑ смертонѡ́сныѧ стра̑сти дꙋ́шъ на́шихъ и҆ тѣле́съ ѡ҆мыва́ющи."
|
|
},
|
|
{
|
|
"type": "TEXT",
|
|
"value": "Честно́е влⷣчце бг҃ора́дованнаѧ, селе́нїе ꙗ҆ви́ласѧ є҆сѝ поче́тшагѡ є҆стество̀ пра́ѻтца: тѣ́мже тѧ̀ чⷭ҇таѧ, мо́лимъ, всѧ́кагѡ безче́стїѧ страсте́й и҆зба́ви на́съ."
|
|
},
|
|
{
|
|
"type": "TEXT",
|
|
"value": "Сл҃нце пра́вды ро́ждши мі́рови, тьмꙋ̀ ѿженѝ ѿ воспѣва́ющихъ тѧ̀ вѣ́рою, ѻ҆трокови́це, во свѣтоза́рнѣмъ твое́мъ се́мъ и҆ ст҃ѣ́мъ хра́мѣ, всенепоро́чнаѧ."
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "TEXT",
|
|
"value": "І҆рмо́съ: Въ нача́лѣ нб҃са̀, всеси́льнымъ сло́вомъ твои́мъ ᲂу҆твержде́й гдⷭ҇и сп҃се, и҆ вседѣ́тельнымъ и҆ бж҃їимъ дх҃омъ, всю̀ си́лꙋ и҆́хъ: на недви́жимѣмъ мѧ̀ ка́мени и҆сповѣ́данїѧ твоегѡ̀ ᲂу҆твердѝ."
|
|
},
|
|
{
|
|
"type": "TEXT",
|
|
"value": "Пропны́й нб҃о ꙗ҆́кѡ ко́жꙋ, на дре́вѣ распросте́рлъ є҆сѝ рꙋ́цѣ і҆и҃се, рꙋкѝ неꙋдержа́нїе а҆да́мова грѣха̀ и҆сцѣлѧ́ѧ, ꙗ҆́кѡ млⷭ҇тивъ, и҆ и҆схища́ѧ всѣ́хъ ѿ рꙋкѝ льсти́вагѡ борца̀."
|
|
},
|
|
{
|
|
"type": "TEXT",
|
|
"value": "Тебѐ те́рнїемъ цр҃ю̀, лю́дїе законопрестꙋ́пнїи вѣнчава́ютъ, сла́вою вѣнча́вшаго человѣ́ки, и҆ преслꙋша́нїѧ а҆да́мова те́рнїе и҆скорени́вшаго, хрⷭ҇тѐ, и҆ насади́вшаго всѣ̑мъ бг҃оразꙋ́мїѧ прозѧбе́нїе."
|
|
},
|
|
{
|
|
"type": "TEXT",
|
|
"value": "Мч҃нченъ: Є҆стество́мъ сꙋ́ще сме́ртни, безсме́ртїю въ то́мъ поꙋчи́тисѧ и҆зво́листе премꙋ́дрїи: тѣ́мже ра̑ны и҆ скѡ́рби, мч҃нцы, гонє́нїѧ же, бїє́нїѧ, и҆ ᲂу҆дѡ́въ ѿсѣчє́нїѧ, всѧ̑ ра́дꙋющесѧ, претерпѣ́сте."
|
|
},
|
|
{
|
|
"type": "TEXT",
|
|
"value": "Мч҃нченъ: Тве́рдымъ по́мысломъ, потреби́ти всѧ̑ претѧ́щаго льсти́ваго врага̀ вы̀ страда́льцы смири́сте, смири́вшесѧ ѡ҆ хрⷭ҇тѣ̀, и҆ вознесо́стесѧ держа́вою бж҃е́ственною, на того̀ воѡрꙋжи́вшесѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Во́лею закла́наго а҆́гнца на стрⷭ҇ть прише́дша, зрѧ́щи мт҃и и҆ а҆́гница, сле́зъ и҆сто́чники пролива́еши, глаго́лющи: что̀ сїѐ ча́до свѧще́нное, ка́кѡ ᲂу҆мерщвлѧ́ешисѧ, ѡ҆живи́ти всѧ̑ ᲂу҆ме́ршыѧ промышлѧ́ѧ;"
|
|
},
|
|
{
|
|
"type": "HEADER",
|
|
"value": "И҆́нъ"
|
|
},
|
|
{
|
|
"type": "TEXT",
|
|
"value": "І҆рмо́съ то́йже."
|
|
},
|
|
{
|
|
"type": "TEXT",
|
|
"value": "Да́ждь рабѡ́мъ твои̑мъ, чⷭ҇таѧ, сп҃си́тєльнаѧ прошє́нїѧ, въ бж҃е́ственнѣмъ твое́мъ се́мъ хра́мѣ, въ не́мже и҆сто́чникъ чꙋде́съ показа́ла є҆сѝ: и҆сточа́ѧ при́снѡ наи́тїемъ бж҃е́ственнымъ, и҆ вѣ́чнагѡ и҆зба́ви мꙋче́нїѧ."
|
|
},
|
|
{
|
|
"type": "TEXT",
|
|
"value": "Млⷭ҇тей бе́зднꙋ хрⷭ҇та̀ па́че вины̀ и҆ сло́ва, да́телѧ всѣ́хъ бл҃ги́хъ ро́ждши, чⷭ҇таѧ, бж҃е́ственный хра́мъ тво́й се́й показꙋ́еши вои́стиннꙋ, ѡ҆сѣне́нїемъ твои́мъ бж҃е́ственнымъ, всѧ́ческихъ страсте́й ѡ҆чище́нїе."
|
|
},
|
|
{
|
|
"type": "TEXT",
|
|
"value": "Бл҃гослове́нъ пло́дъ твоегѡ̀ чре́ва, дв҃о бцⷣе всѣ́хъ ра́досте: ра́дость бо всемꙋ̀ мі́рꙋ родила̀ є҆сѝ, и҆ весе́лїе вои́стиннꙋ, чл҃вѣколю́бца, разгна́вши печа́ль грѣхо́внꙋю, бг҃оневѣ́сто."
|
|
},
|
|
{
|
|
"type": "TEXT",
|
|
"value": "Ковче́же мы́сленный, ꙗ҆́же нетлѣ́ннꙋю ма́ннꙋ ро́ждшаѧ мі́рꙋ вои́стиннꙋ, посредѣ̀ на́съ дв҃о прїидѝ въ ча́съ се́й, и҆ всѧ́кїѧ на́съ и҆змѣнѝ скве́рны, чи́стѣ тебѐ ᲂу҆бл҃жа́ющихъ."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ѻ҆́ч҃а нѣ́дра не ѡ҆ста́вль, и҆ соше́дъ на зе́млю хрⷭ҇тѐ бж҃е, та́йнꙋ ᲂу҆слы́шахъ смотре́нїѧ твоегѡ̀, и҆ просла́вихъ тѧ̀ є҆ди́не чл҃вѣколю́бче."
|
|
},
|
|
{
|
|
"type": "TEXT",
|
|
"value": "На землѝ чл҃вѣ́къ ꙗ҆́вльсѧ, нбⷭ҇ныѧ человѣ́ки соверши́лъ є҆сѝ, вознесе́нъ бы́въ на дре́во влⷣко, всѧ̑ совозне́слъ є҆сѝ воспѣва́ющыѧ твоѧ̑ страда̑нїѧ."
|
|
},
|
|
{
|
|
"type": "TEXT",
|
|
"value": "За сме́ртныхъ ᲂу҆мира́еши животѐ, за непра́вєдныѧ і҆и҃се мо́й пра́ведный, стрⷭ҇ть терпи́ши поно́снꙋю: пое́мъ долготерпѣли́ве, безмѣ́рное бл҃гоꙋтро́бїе твоѐ."
|
|
},
|
|
{
|
|
"type": "TEXT",
|
|
"value": "Мч҃нченъ: Ѕвѣре́й ᲂу҆стремлє́нїѧ, врѣ̑нїѧ ѻ҆́гнєннаѧ, рꙋ́къ же и҆ но́гъ ѿсѣчє́нїѧ, и҆сторга̑нїѧ ᲂу҆дѡ́въ, и҆ всѧ́ческꙋю и҆нꙋ́ю мꙋ́кꙋ претерпѣ́сте мч҃нцы, хода́тайствꙋющꙋю бж҃е́ственное наслажде́нїе."
|
|
},
|
|
{
|
|
"type": "TEXT",
|
|
"value": "Мч҃нченъ: Ѿ тѣле́сныхъ конє́цъ страда́льцы, ко хрⷭ҇тꙋ̀ всѣ́хъ бг҃ꙋ зовꙋ́ще, ᲂу҆слы́шани бы́сте, и҆ на ка́мень вознесо́стесѧ бж҃е́ственнагѡ ны́нѣ соверше́нїѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Мольбꙋ̀ ѡ҆ на́съ къ воплоще́нномꙋ и҆з̾ тебѐ бцⷣе, сотворѝ, ꙗ҆́кѡ да ѡ҆брѧ́щемъ по́мощь во вре́мѧ напа́сти, и҆̀же тогѡ̀ стра̑сти сла́вѧщїи."
|
|
},
|
|
{
|
|
"type": "HEADER",
|
|
"value": "И҆́нъ"
|
|
},
|
|
{
|
|
"type": "TEXT",
|
|
"value": "І҆рмо́съ то́йже."
|
|
},
|
|
{
|
|
"type": "TEXT",
|
|
"value": "Тѧ̀ а҆ввакꙋ́мъ го́рꙋ дре́вле возгласи́въ, пречⷭ҇таѧ бцⷣе, добродѣ́тельми прїѡсѣне́ннꙋю, всѣ́хъ влⷣчце ѡ҆сѣнѧ́ющꙋю, ѿ ѡ҆пале́нїѧ ѕло́бы нача́льнагѡ борца̀."
|
|
},
|
|
{
|
|
"type": "TEXT",
|
|
"value": "Моле́нїе гдⷭ҇ꙋ принесѝ, воплоще́нномꙋ и҆з̾ твои́хъ влⷣчце, пречⷭ҇тыхъ крове́й, сп҃стѝ лю́ди твоѧ̑ всѧ́кагѡ вре́да, тебѐ по до́лгꙋ бл҃жа́щыѧ."
|
|
},
|
|
{
|
|
"type": "TEXT",
|
|
"value": "Твоѧ̀ пресла́внаѧ сїѧ̀ бг҃обл҃года́тнаѧ цр҃ковь бы́сть во и҆сцѣле́нїе дꙋ́шъ же и҆ тѣле́съ: ᲂу҆ставлѧ́етъ бо всѧ́кꙋ болѣ́знь, и҆ ѡ҆чища́етъ ѿ страсте́й вѣ́рнѡ тебѐ бл҃жа́щыѧ."
|
|
},
|
|
{
|
|
"type": "TEXT",
|
|
"value": "Посѣще́нїемъ твои́мъ дв҃о, сп҃сѝ те́плымъ и҆ чⷭ҇тны́мъ, всѣ́хъ съ любо́вїю прибѣга́ющихъ влⷣчце, къ твоемꙋ̀ застꙋпле́нїю, посѣща́й и҆ дава́й ꙗ҆́же къ жи́зни прошє́нїѧ."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "TEXT",
|
|
"value": "І҆рмо́съ: Гдⷭ҇и бж҃е мо́й, ѿ но́щи ᲂу҆́треневавъ, тебѣ̀ молю́сѧ: пода́ждь мѝ ѡ҆ставле́нїе прегрѣше́нїй мои́хъ: и҆ къ свѣ́тꙋ твои́хъ повелѣ́нїй пꙋти̑ моѧ̑ напра́ви, молю́сѧ."
|
|
},
|
|
{
|
|
"type": "TEXT",
|
|
"value": "Распѧ́тїе прїѧ́тъ во ѕлы́хъ ѿѧ́тїе, бж҃їй сло́ве, же́лчи же вкꙋси́лъ є҆сѝ, сла́достнагѡ бра́шна го́рькїй вре́дъ потреблѧ́ѧ. Сла́ва мно́гомꙋ бл҃гоꙋтро́бїю твоемꙋ̀."
|
|
},
|
|
{
|
|
"type": "TEXT",
|
|
"value": "И҆́же на крⷭ҇тѣ̀ воздви́женїемъ твои́мъ, всю̀ зе́млю поколеба́лъ є҆сѝ бж҃е́ственною твое́ю держа́вою, и҆ и҆сцѣлѧ́еши є҆ѧ̀ влⷣко, сокрꙋшє́нїѧ, и҆ коле́блємаѧ сердца̀ къ твоемꙋ̀ ᲂу҆твержда́еши позна́нїю."
|
|
},
|
|
{
|
|
"type": "TEXT",
|
|
"value": "Мч҃нченъ: Распросте́ръ велїа́ръ всю́дꙋ сѣ̑ти ѕлѡ́бныѧ, но не ѡ҆б̾ѧ́лъ є҆́сть хрⷭ҇тѡ́вы мч҃нки: крилѣ́ бо прїе́мше ѻ҆́гнєнныѧ, ко ѻ҆би́телємъ бж҃е́ствєннымъ достиго́ша."
|
|
},
|
|
{
|
|
"type": "TEXT",
|
|
"value": "Мч҃нченъ: Ма́нїемъ неѡскꙋ́днымъ ѿ бг҃а ѡ҆божа́еми страстоте́рпцы, болѣ́зненныхъ мꙋче́нїй ѿню́дъ не ᲂу҆страши́стесѧ, ꙗ҆́коже и҆но́мꙋ стра́ждꙋщꙋ, си́це премꙋ́дрїи са́ми пребы́сте."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Кі́има ѻ҆чи́ма воззрю̀, ѻ҆́ко и҆зсꙋша́ющее всѧ̑ бє́здны, сн҃е мо́й, ᲂу҆гаша́емое, на крⷭ҇тѣ̀ ви́сѧщꙋ тѝ; чⷭ҇таѧ дв҃а вопїѧ́ше, рыда́ньми себѐ смꙋща́ющи."
|
|
},
|
|
{
|
|
"type": "HEADER",
|
|
"value": "И҆́нъ"
|
|
},
|
|
{
|
|
"type": "TEXT",
|
|
"value": "І҆рмо́съ: Но́щь несвѣтла̀ невѣ̑рнымъ хрⷭ҇тѐ, вѣ̑рнымъ же просвѣще́нїе въ сла́дости слове́съ твои́хъ: сегѡ̀ ра́ди къ тебѣ̀ ᲂу҆́тренюю, и҆ воспѣва́ю твоѐ бж҃ество̀."
|
|
},
|
|
{
|
|
"type": "TEXT",
|
|
"value": "Ѡ҆тѧгче́нныхъ сно́мъ грѣхо́внымъ, чⷭ҇таѧ, бо́дры творѧ́щи, ѻ҆ба́че же въ пречⷭ҇тнѣ́мъ хра́мѣ твое́мъ, твое́ю бо́дренною бж҃е́ственною мл҃твою на́съ ᲂу҆ще́дри, бг҃оневѣ́сто."
|
|
},
|
|
{
|
|
"type": "TEXT",
|
|
"value": "Да́ждь чⷭ҇таѧ, всѣ̑мъ на́мъ рꙋ́кꙋ по́мощи къ тебѣ̀ прибѣга́ющымъ, и҆ ѿмы́й всѧ́кїѧ ѕло́бы скве́рнꙋ, и҆ болѣ̑зни ѡ҆чи́сти мл҃твами твои́ми."
|
|
},
|
|
{
|
|
"type": "TEXT",
|
|
"value": "Ꙗ҆́же бг҃а заче́нши во ᲂу҆тро́бѣ дв҃и́честѣй, и҆ ро́ждши бцⷣе пречⷭ҇таѧ, тѧ̀ пою́щихъ и҆зба́ви всѧ́кагѡ вѣ́чнагѡ ѡ҆сꙋжде́нїѧ."
|
|
},
|
|
{
|
|
"type": "TEXT",
|
|
"value": "Въ хра́мъ тво́й вѣ́рою приходѧ́щихъ дꙋ́шы ѡ҆бновлѧ́ютсѧ ѡ҆бетша́вшыѧ грѣхмѝ, и҆ по до́лгꙋ тѧ̀ всѝ пренепоро́чнаѧ, сла́вѧтъ."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Пла́вающаго въ молвѣ̀ жите́йскихъ попече́нїй, съ корабле́мъ потоплѧ́ема грѣхѝ, и҆ дꙋшетлѣ́нномꙋ ѕвѣ́рю примета́ема, ꙗ҆́кѡ і҆ѡ́на хрⷭ҇тѐ вопїю́ ти: и҆з̾ смертоно́сныѧ глꙋбины̀ возведи́ мѧ."
|
|
},
|
|
{
|
|
"type": "TEXT",
|
|
"value": "И҆зба́вителю сы́й є҆ди́не, цѣ́нꙋ твою̀ вда́лъ є҆сѝ сп҃си́тельнꙋю кро́вь, и҆ и҆скꙋпи́лъ є҆сѝ плѣнє́ныѧ ны̀ пребл҃гі́й, и҆ твоемꙋ̀ роди́телю приве́лъ є҆сѝ, ᲂу҆би́въ крⷭ҇то́мъ хрⷭ҇тѐ, мꙋчи́телѧ."
|
|
},
|
|
{
|
|
"type": "TEXT",
|
|
"value": "Невоздержа́нїемъ дре́вле паде́нїе лю́тое под̾ѧ́хъ, хрⷭ҇то́съ же воздвиза́емь на дре́во, рꙋ́цѣ просте́ръ, па́дшаго мѧ̀ воздви́же, и҆ ᲂу҆ѧзви́всѧ во́лею, всѧ̑ моѧ̑ ꙗ҆́звы ꙗ҆́вѣ и҆сцѣлѝ."
|
|
},
|
|
{
|
|
"type": "TEXT",
|
|
"value": "Мч҃нченъ: Дрема́нїемъ пре́лести ѿню́дъ не воздрема́вшесѧ, всѧ́ко ᲂу҆стремле́нїе ᲂу҆спи́сте мꙋчи́телей, мч҃нцы: и҆ и҆̀же пра́веднымъ прили́чнымъ сно́мъ ᲂу҆́спше бл҃же́ннїи, бо́дреннїи ѡ҆ всѣ́хъ мл҃твєнницы бы́сте."
|
|
},
|
|
{
|
|
"type": "TEXT",
|
|
"value": "Мч҃нченъ: Оу҆твержде́ни на ка́мени бж҃е́ственныхъ хрⷭ҇то́выхъ повелѣ́нїй, вра́жїими ко́зньми непревра́тни пребы́сте всесла́внїи мч҃нцы: и҆ того̀ нога́ми попра́сте бг҃омꙋ́дреннѡ, къ бг҃ꙋ бг҃олѣ́пнѣ ше́ствꙋюще."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ю҆́но ѻ҆троча̀ ражда́еши бцⷣе, пре́жде вѣ̑къ безлѣ́тнѡ ѻ҆ц҃ꙋ̀ сразꙋмѣва́емаго, ѡ҆бновлѧ́ющаго крⷭ҇то́мъ человѣ́чество, ѡ҆бетша́вшее грѣхмѝ ѕлонача́льнагѡ совѣ́томъ, пренепоро́чнаѧ."
|
|
},
|
|
{
|
|
"type": "HEADER",
|
|
"value": "И҆́нъ"
|
|
},
|
|
{
|
|
"type": "TEXT",
|
|
"value": "І҆рмо́съ: І҆ѡ́на и҆з̾ чре́ва а҆́дова вопїѧ́ше: возведѝ ѿ тлѝ живо́тъ мо́й. Мы́ же тебѣ̀ вопїе́мъ: всеси́льне сп҃се, поми́лꙋй на́съ."
|
|
},
|
|
{
|
|
"type": "TEXT",
|
|
"value": "Є҆ди́на на́мъ сп҃се́нїѧ и҆сточи́ла є҆сѝ во́дꙋ, є҆ди́на чⷭ҇таѧ, распале́нїе пре́лести и҆зсꙋши́вши, ѡ҆роша́еши ра́зꙋмъ и҆́стинный рабѡ́мъ твои̑мъ."
|
|
},
|
|
{
|
|
"type": "TEXT",
|
|
"value": "Ѡ҆дꙋшевле́нный бг҃а на́шегѡ гра́де, ста́до твоѐ ѿ безбо́жныхъ ва̑рваръ, трꙋ́са же и҆ нꙋ́жди, и҆ всѧ́ческагѡ и҆скꙋше́нїѧ свободѝ."
|
|
},
|
|
{
|
|
"type": "TEXT",
|
|
"value": "Ꙗ҆́звы дꙋ́шъ на́шихъ, бцⷣе ѿженѝ, мл҃твъ твои́хъ ѡ҆кропле́нїемъ, и҆ тѣлє́сныѧ недꙋ́ги: да бж҃е́ственными гла́сы воспѣва́емъ тѧ̀."
|
|
},
|
|
{
|
|
"type": "TEXT",
|
|
"value": "Ꙗ҆́же разрѣши́вшаѧ ѿ болѣ́зней дв҃о є҆́ѵꙋ, ржⷭ҇тво́мъ твои́мъ пречⷭ҇тымъ ѻ҆трокови́це, разрѣши́ ми болѣ̑зни стра̑стныѧ дꙋши́ же и҆ тѣлесѐ."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "TEXT",
|
|
"value": "І҆рмо́съ: Пе́щь ѻ҆́троцы ѻ҆гнепа́льнꙋ дре́вле росоточа́щꙋ показа́ша, є҆ди́наго бг҃а воспѣва́юще, и҆ глаго́люще: превозноси́мый ѻ҆тцє́въ бг҃ъ и҆ препросла́вленъ."
|
|
},
|
|
{
|
|
"type": "TEXT",
|
|
"value": "Неболѣ́зненнꙋю ѡ҆брѣ́те жи́знь пра́ѻтецъ, тебѣ̀ во́лею поболѣ́вшꙋ на крестѣ̀ и҆ ме́ртвꙋ бы́вшꙋ, и҆ ѕмі́ѧ ᲂу҆мертви́вшꙋ, і҆и҃се хрⷭ҇тѐ многомлⷭ҇тиве."
|
|
},
|
|
{
|
|
"type": "TEXT",
|
|
"value": "Зако́нныѧ клѧ́твы и҆зба́вихомсѧ всѝ: законода́вецъ бо воздви́жесѧ на крⷭ҇тъ, бл҃гослове́нїе приснотекꙋ́щее и҆ бл҃года́ть, и҆ млⷭ҇ть, и҆ тлѣ́нїю и҆сточи́въ потребле́нїе."
|
|
},
|
|
{
|
|
"type": "TEXT",
|
|
"value": "Мч҃нченъ: Во́льными ᲂу҆стремле́ньми пристꙋпа́юще къ мꙋче́нїємъ мч҃нцы, во́лею пострада́вшаго воѡбража́хꙋ: ѿ негѡ́же вѣнча́вшесѧ, со а҆́гг҃лы ны́нѣ ликовствꙋ́ютъ."
|
|
},
|
|
{
|
|
"type": "TEXT",
|
|
"value": "Мч҃нченъ: Тѣ́ло преда́вше разли̑чнымъ мꙋ́камъ прехва́льнїи мч҃нцы, кро́вными пролїѧ́нїи безплѡ́тныѧ врагѝ ᲂу҆дави́сте, и҆ и҆сто́чники и҆сцѣле́нїй и҆сточа́ете."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ка́кѡ не воспла́чꙋсѧ сладча́йшее ча́до, на крⷭ҇тѣ̀ зрѧ́щи тѧ̀; ка́кѡ не возрыда́ю непра́веднѡ тебѐ стра́ждꙋща, сꙋдїѐ пра́веднѣйшїй; дв҃а мт҃и вѣща́ше."
|
|
},
|
|
{
|
|
"type": "HEADER",
|
|
"value": "И҆́нъ"
|
|
},
|
|
{
|
|
"type": "TEXT",
|
|
"value": "І҆рмо́съ то́йже."
|
|
},
|
|
{
|
|
"type": "TEXT",
|
|
"value": "Ѻ҆́гнь ро́ждшаѧ бж҃е́ственный дв҃о, хвра̑стныѧ попалѝ стра̑сти воспѣва́ющихъ тѧ̀ всепѣ́таѧ, и҆ свѣ́томъ ѡ҆зарѝ покаѧ́нїѧ всѣ́хъ, мо́лимсѧ."
|
|
},
|
|
{
|
|
"type": "TEXT",
|
|
"value": "Нетлѣ́ннаѧ ѻ҆трокови́це, ѿ тлѝ на́съ и҆зба́ви: бж҃їѧ пала́то ѡ҆дꙋшевле́ннаѧ, хра́мы на́съ покажѝ бж҃е́ственнагѡ дх҃а, въ цр҃кви твое́й непреста́ннѡ вѣ́рою пою́щихъ тѧ̀."
|
|
},
|
|
{
|
|
"type": "TEXT",
|
|
"value": "Стрꙋи̑ и҆злива́еши и҆сцѣле́нїй всѣ̑мъ, и҆сто́чникъ бо жи́зни родила̀ є҆сѝ: и҆ те́плою бцⷣе, мл҃твою твое́ю, сїѐ твоѐ ста́до ѡ҆чи́сти ѿ скве́рны, бг҃оневѣ́сто."
|
|
},
|
|
{
|
|
"type": "TEXT",
|
|
"value": "Ѡ҆́бразы всѝ бж҃е́ственнагѡ твоегѡ̀ ржⷭ҇тва̀, бж҃е́ственнїи прⷪ҇ро́цы ви́дѣвше, ра́достнѡ воспѣва́хꙋ, вопїю́ще: препѣ́тый ѻ҆тцє́въ бж҃е бл҃гослове́нъ є҆сѝ."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "TEXT",
|
|
"value": "І҆рмо́съ: Неѡпа́льнаѧ ѻ҆гню̀ въ сїна́и прича́щшаѧсѧ кꙋпина̀ бг҃а ꙗ҆вѝ медленоѧзы́чномꙋ и҆ гꙋгни́вомꙋ мѡѷсе́ови, и҆ ѻ҆́троки ре́вность бж҃їѧ трѝ непребори̑мыѧ во ѻ҆гнѝ пѣвцы̀ показа̀: всѧ̑ дѣла̀ гдⷭ҇нѧ гдⷭ҇а по́йте, и҆ превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Кро́вь и҆ вода̀ и҆сте́кшаѧ и҆з̾ ре́бръ твои́хъ сп҃се, мі́ръ ве́сь ѡ҆бнови́ша, и҆ нетлѣ́нїе и҆сточи́ша: жє́ртвы же мє́рзкїѧ и҆ проли́тїе скве́рныхъ крове́й преста́ша. Тѣ́мже тѧ̀ всѧ̑ дѣла̀ ꙗ҆́кѡ гдⷭ҇а пое́мъ, и҆ превозно́симъ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Вѣнце́мъ терно́вымъ ᲂу҆вѧ́злсѧ є҆сѝ сп҃се, ѻ҆́цта и҆ же́лчи вкꙋси́лъ є҆сѝ, и҆ ѡ҆плева́нъ бы́лъ є҆сѝ, и҆ бїе́нъ, воздви́глсѧ є҆сѝ на крⷭ҇тѣ̀, гво́здїе прїе́мъ, и҆́миже сп҃се́нъ бы́въ а҆́зъ взыва́ю тѝ: всѧ̑ дѣла̀ гдⷭ҇нѧ гдⷭ҇а по́йте, и҆ превозноси́те є҆го̀ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Мч҃нченъ: Ѿ неистощи́мыхъ сокро́вищъ и҆́стины, пресвѣ́тлѡ ѡ҆богати́вшесѧ страда́льцы, всѧ́кꙋ нищетꙋ̀ ѡ҆плева́сте і҆́дѡльскꙋю, и҆ ѡ҆богати́телїе ни́щихъ ꙗ҆ви́стесѧ, вопїю́ще: всѧ̑ дѣла̀ гдⷭ҇нѧ гдⷭ҇а по́йте, и҆ превозноси́те є҆гѡ̀ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Мч҃нченъ: Законоположє́нїѧ ѕлочести́выхъ небрегꙋ́ще, ꙗ҆́коже ѻ҆́троцы, мч҃нцы, во ѻ҆́гнь горѧ́щъ вве́ржени бы́сте, въ не́мже ро́сꙋ бж҃їю прохла́ждшꙋю ва́съ ѡ҆брѣто́сте, вопїю́ще: всѧ̑ дѣла̀ гдⷭ҇нѧ гдⷭ҇а по́йте, и҆ превозноси́те є҆го̀ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Зако́нный дре́вле тѧ̀ ковче́гъ проѡбража́ше чⷭ҇таѧ, не скрижа̑ли внꙋ́трь носѧ́щъ, но хрⷭ҇та̀ законода́вца, є҆го́же беззако́ннїи лю́дїе на крⷭ҇тѣ̀ пригвозди́ша, на́съ вопїю́щихъ сп҃са́юща: всѧ̑ дѣла̀ гдⷭ҇нѧ гдⷭ҇а по́йте, и҆ превозноси́те є҆го̀ во всѧ̑ вѣ́ки."
|
|
},
|
|
{
|
|
"type": "HEADER",
|
|
"value": "И҆́нъ"
|
|
},
|
|
{
|
|
"type": "TEXT",
|
|
"value": "І҆рмо́съ: Є҆ди́наго безнача́льнаго цр҃ѧ̀ сла́вы, є҆го́же бл҃гословѧ́тъ нбⷭ҇ныѧ си̑лы, и҆ трепе́щꙋтъ чи́ни а҆́гг҃льстїи, по́йте сщ҃е́нницы, лю́дїе превозноси́те є҆го̀ во вѣ́ки."
|
|
},
|
|
{
|
|
"type": "TEXT",
|
|
"value": "Чꙋде́съ бе́зднꙋ и҆сточа́ющи мі́рꙋ всепѣ́таѧ, страсте́й на́шихъ стрꙋю̀ и҆зсꙋшѝ, и҆ ѡ҆ставле́нїѧ ро́сꙋ и҆сточѝ на́мъ, вѣ́рою несꙋмнѣ́нною почита́ющымъ тѧ̀ дв҃о."
|
|
},
|
|
{
|
|
"type": "TEXT",
|
|
"value": "И҆з̾ тебѐ сл҃нце пра́ведное возсїѧ̀, во тьмѣ̀ страсте́й сѣдѧ́щымъ, тебѐ свѣ́тъ содѣ́ла всепѣ́таѧ чⷭ҇таѧ: тѣ́мже тѧ̀ по до́лгꙋ пои́мъ бцⷣе."
|
|
},
|
|
{
|
|
"type": "TEXT",
|
|
"value": "Цр҃ковь всесвѣ́тлаѧ бж҃їѧ бы́вши, собира́ющыѧсѧ во ст҃ѣ́мъ хра́мѣ твое́мъ рабы̑ твоѧ̑, дх҃а жили̑ща покажѝ чⷭ҇таѧ, тебѐ славосло́вѧщыѧ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Свѣ́томъ твоегѡ̀ ржⷭ҇тва̀ вселе́ннꙋю чꙋдолѣ́пнѡ просвѣти́ла є҆сѝ бцⷣе, и҆́стиннаго бг҃а на рꙋкꙋ̀ твоє́ю носи́вши, просвѣща́ющаго при́снѡ вѣ́рою зовꙋ́щыѧ: всѧ̑ дѣла̀ гдⷭ҇нѧ гдⷭ҇а по́йте, и҆ превозноси́те є҆го̀ во вѣ́ки."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Мт҃и бж҃їѧ и҆ дв҃а, ро́ждшаѧ и҆ дв҃ствꙋющаѧ па́ки, не є҆стества̀ дѣ́ло, но бж҃їѧ снизхожде́нїѧ: тѣ́мъ ꙗ҆́кѡ є҆ди́нꙋ бж҃їихъ чꙋде́съ сподо́бльшꙋюсѧ, тѧ̀ при́снѡ велича́емъ."
|
|
},
|
|
{
|
|
"type": "TEXT",
|
|
"value": "Крѣ́пость вра́жїѧ ѿню́дъ ѡ҆скꙋдѣ̀, тебѣ̀ крѣ́пкѡ на дре́вѣ си́льне возопи́вшꙋ къ пребезнача́льномꙋ ѻ҆ц҃ꙋ̀ твоемꙋ̀, и҆ созва́вшꙋ расточє́нныѧ ѻ҆́вцы твоѧ̑ влⷣко хрⷭ҇тѐ, къ твоемꙋ̀ позна́нїю."
|
|
},
|
|
{
|
|
"type": "TEXT",
|
|
"value": "Ꙗ҆́коже а҆́гнецъ воздви́глсѧ є҆сѝ влⷣко, на крⷭ҇тъ во́лею, и҆схища́ѧ ѿ во́лка словє́сныѧ сп҃се, ѻ҆́вцы твоѧ̑, и҆ во ѡ҆гра́дѣ твои́хъ повелѣ́нїй затворѧ́ѧ сїѧ̑ воспѣва́ющыѧ тѧ̀."
|
|
},
|
|
{
|
|
"type": "TEXT",
|
|
"value": "Мч҃нченъ: Твои́хъ страсте́й подража́телїе ꙗ҆влѧ́еми бл҃госла́внїи стрⷭ҇тоте́рпцы, многоѡбра̑зныѧ ви́ды мꙋ́къ претерпѣ́ша чл҃вѣколю́бче: ѿню́дꙋже вѣнцы̀ ᲂу҆лꙋчи́ша сла́вы, и҆ црⷭ҇твїѧ твоегѡ̀ хрⷭ҇тѐ сподо́бишасѧ."
|
|
},
|
|
{
|
|
"type": "TEXT",
|
|
"value": "Мч҃нченъ: Со́лнєчныѧ ѡ҆блистава́ютъ бл҃года̑ти, просвѣща́юще вѣ̑рныѧ, чⷭ҇тны́хъ стрⷭ҇тоте́рпєцъ достохва́льное торжество̀: ѿню́дꙋже и҆ и҆̀же сїѐ при́снѡ соверша́ющїи, тьмы̀ прегрѣше́нїи лю́тыхъ и҆збавлѧ́емсѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Свѣ́тъ мы́сленный на крⷭ҇тѣ̀ ѡ҆блиста̀, тво́й пречⷭ҇таѧ сн҃ъ, и҆ нача́льники тьмы̀ ѡ҆бличѝ пренепоро́чнаѧ: со́лнечный помрачѝ свѣ́тъ, и҆ вѣ́рныхъ и҆сполнє́нїѧ чⷭ҇таѧ, просвѣти́лъ є҆́сть."
|
|
},
|
|
{
|
|
"type": "HEADER",
|
|
"value": "И҆́нъ"
|
|
},
|
|
{
|
|
"type": "TEXT",
|
|
"value": "І҆рмо́съ: Нетлѣ́нїѧ и҆скꙋше́нїемъ ро́ждшаѧ, и҆ всехитрецꙋ̀ сло́вꙋ пло́ть взаимода́вшаѧ, мт҃и неискꙋсомꙋ́жнаѧ дв҃о бцⷣе, прїѧ́телище нестерпи́магѡ. Село̀ невмѣсти́магѡ зижди́телѧ твоегѡ̀, тѧ̀ велича́емъ."
|
|
},
|
|
{
|
|
"type": "TEXT",
|
|
"value": "Сщ҃е́ннѣйши вы́шнихъ си́лъ ꙗ҆ви́ласѧ є҆сѝ, творца́ бо всѣ́хъ поро́ждши, мт҃и неискꙋсомꙋ́жнаѧ ст҃а́ѧ бцⷣе: тѣ́мже тѧ̀ со а҆́гг҃лы сла́вимъ, непреста́ннѡ воспѣва́юще вели̑чїѧ твоѧ̑."
|
|
},
|
|
{
|
|
"type": "TEXT",
|
|
"value": "Ꙗ҆́кѡ просвѣща́емь зарѧ́ми бж҃е́ственнагѡ дх҃а, го́рꙋ дв҃о зри́тъ тѧ̀ дре́вле присѣ́ннꙋю сщ҃е́ннѣйшїй прⷪ҇ро́къ бцⷣе. Тѣ́мже тѧ̀ со а҆́гг҃лы земні́и ᲂу҆бл҃жа́емъ, ꙗ҆́коже прорекла̀ є҆сѝ бг҃обл҃же́ннаѧ."
|
|
},
|
|
{
|
|
"type": "TEXT",
|
|
"value": "Рꙋ́чка ꙗ҆ви́ласѧ є҆сѝ ма́ннꙋ бж҃е́ственнꙋю носѧ́щи, лѣ́ствица ви́дѣна была̀ є҆сѝ человѣ́ки ѿ землѝ возводѧ́щи, є҆ди́на неискꙋсомꙋ́жнаѧ дв҃о бцⷣе. Тѣ́мже тѧ̀ соше́дшесѧ вѣ́рнїи славосло́вимъ по до́лгꙋ бг҃ора́дованнаѧ."
|
|
},
|
|
{
|
|
"type": "TEXT",
|
|
"value": "Бы́вшаѧ бж҃ества̀ ѻ҆трокови́це селе́нїе, бы́вша мѧ̀ разбо́йникѡвъ дꙋшетлѣ́нныхъ верте́пъ, и҆ дѣ́лателище всѧ́кагѡ беззако́нїѧ, ба́нею мѧ̀ сле́зъ ѡ҆мы́вши, бж҃е́ственнагѡ дх҃а жили́ще ꙗ҆вѝ."
|
|
},
|
|
{
|
|
"type": "TEXT",
|
|
"value": "Свѣ́тъ ро́ждшаѧ є҆ди́на предвѣ́чный, вѣ́чныѧ мѧ̀ тьмы̀ и҆зба́ви влⷣчце, и҆ просвѣтѝ дв҃о дꙋ́шꙋ мою̀, страстьмѝ житїѧ̀ всю̀ ѡ҆мраче́ннꙋю, да любо́вїю при́снѡ сла́влю тѧ̀."
|
|
}
|
|
] |