1022 lines
97 KiB
JSON
1022 lines
97 KiB
JSON
[
|
|
{
|
|
"type": "HEADER",
|
|
"value": "Недѣ́лѧ предъ ржⷭ҇тво́мъ хрⷭ҇то́вымъ ст҃ы́хъ ѻ҆ц҃ъ."
|
|
},
|
|
{
|
|
"type": "TEXT",
|
|
"value": "ⷤ На вели́цѣй вече́рни ⷤ На ᲂу҆́трени ⷤ На лїтꙋргі́и"
|
|
},
|
|
{
|
|
"type": "TEXT",
|
|
"value": "На ма́лѣй вече́рни стїхи̑ры воскрⷭ҇ны, и҆ бцⷣы по ѻ҆бы́чаю."
|
|
},
|
|
{
|
|
"type": "HEADER",
|
|
"value": "На вели́цѣй вече́рни."
|
|
},
|
|
{
|
|
"type": "TEXT",
|
|
"value": "По предначина́тельномъ ѱалмѣ̀ пое́мъ, Блаже́нъ мꙋ́жъ: каѳі́смꙋ всю̀."
|
|
},
|
|
{
|
|
"type": "TEXT",
|
|
"value": "На Гдⷭ҇и, воззва́хъ, стїхи̑ры воскрⷭ҇ны г҃: и҆ ꙾восто́чны꙾ г҃: и҆ ѻ҆ц҃є́въ д҃. А҆́ще же внꙋ́трь к҃-гѡ числа̀, пое́мъ стїхи̑ры воскрⷭ҇ны г҃ и҆ ꙾восто́ченъ꙾ а҃: и҆ предпра́зднства трѝ. и҆ ст҃ы́хъ ѻ҆ц҃є́въ трѝ."
|
|
},
|
|
{
|
|
"type": "HEADER",
|
|
"value": "Стїхи̑ры предпра́зднства, гла́съ ѕ҃. Подо́бенъ: Всѐ ѿло́жше:"
|
|
},
|
|
{
|
|
"type": "TEXT",
|
|
"value": "Н езаходи́мое сл҃нце, / и҆зъ дѣ́вственныхъ ложе́снъ возсїѧ́ти и҆́детъ, / просвѣти́ти всю̀ подсо́лнечнꙋю, / чи́стыми ѻ҆чесы̀, и҆ чи́стыми дѣѧ́ньми / срѣ́сти сего̀ потщи́мсѧ, / и҆ под̾ѧ́ти ны́нѣ ᲂу҆гото́вимсѧ дх҃омъ, / грѧдꙋ́щаго во своѧ̑ стра́ннымъ ржⷭ҇тво́мъ, ꙗ҆́коже благоволѝ: / ꙗ҆́кѡ да ᲂу҆стра́ншыѧсѧ ны̀ є҆де́мскагѡ житїѧ̀, / возведе́тъ ꙗ҆́кѡ бл҃гоꙋтро́бенъ, / въ виѳлее́мѣ ражда́етсѧ."
|
|
},
|
|
{
|
|
"type": "TEXT",
|
|
"value": "Н а плеща́хъ носи́мый херꙋві́мскихъ / бг҃ъ сло́во, пло́ти по ѵ҆поста́си соедини́всѧ, / во всенепоро́чное чре́во всели́сѧ, и҆ бы́сть чл҃вѣ́къ, / и҆ на зе́млю грѧде́тъ ѿ і҆ꙋ́дова пле́мене роди́тисѧ: / верте́пъ свѧ́тъ всецр҃ю̀ благоꙋкраси́сѧ, / ꙗ҆́кѡ велича́йшаѧ пала́та: / ꙗ҆́сли же, ꙗ҆́кѡ престо́лъ ѻ҆гнезра́ченъ, / въ ни́хже ꙗ҆́кѡ млⷣнца, дв҃а марі́а полага́етъ, / во ѡ҆бновле́нїе созда́нїѧ неѡпредѣле́ннаго."
|
|
},
|
|
{
|
|
"type": "TEXT",
|
|
"value": "В ъ безслове́сныхъ ꙗ҆́слехъ тѧ̀ полага́етъ дв҃а, / бж҃їе сло́во безнача́льное, / нача́ло прїе́мшее па́че ᲂу҆ма̀: / мое́ бо разрѣши́ти безслове́сїе грѧде́ши, / є҆́же под̾ѧ́хъ за́вистїю ѕмїи́ною, / пелена́ми же пови́тисѧ, / ꙗ҆́кѡ да расто́ргнеши рꙋ́бы, и҆ плени̑цы прегрѣше́нїй мои́хъ, / є҆ди́не бл҃же и҆ чл҃вѣколю́бче. / тѣ́мже тѧ̀ сла́влю, / пою̀ и҆ покланѧ́юсѧ прера́достнѡ, во пло́ти прише́ствїю твоемꙋ̀, / и҆́мже свободи́хсѧ."
|
|
},
|
|
{
|
|
"type": "HEADER",
|
|
"value": "Стїхи̑ры ст҃ы́хъ ѻ҆ц҃є́въ, подо́бенъ то́йже:"
|
|
},
|
|
{
|
|
"type": "TEXT",
|
|
"value": "Ꙗ҆ ви́сѧ мі́ра концє́мъ пра́ѻц҃євъ па́мѧть, / свѣ́та и҆́стиннѡ и҆спо́лнена, и҆ зарѧ́ми бл҃года́ти сїѧ́ющи: / хрⷭ҇то́съ бо сл҃нце свѣ́тлое / свы́ше просїѧ́въ и҆здале́ча, / ѕвѣ́здъ собо́ръ веде́тъ, съ ни́мъ возсїѧ́вшїй, / и҆ ржⷭ҇тво̀ бг҃очеловѣ́чное / ꙗ҆влѧ́етсѧ внꙋ́трь виѳлее́ма бы́ти. / всѝ ᲂу҆̀бо вѣ́рою сегѡ̀ ржⷭ҇тво̀ / бл҃гоче́стнѡ пле́щꙋще, ликꙋ́имъ / хвалꙋ̀ предпра́зднственнꙋю. [Два́жды.]"
|
|
},
|
|
{
|
|
"type": "TEXT",
|
|
"value": "С ла́вою ᲂу҆краша́ютсѧ / бж҃е́ственнагѡ прича́стїѧ / а҆да́мъ ра́дꙋѧсѧ дне́сь, / ꙗ҆́кѡ ѡ҆снова́нїе и҆ ᲂу҆твержде́нїе пра́ѻц҃євъ мꙋ́дрыхъ: / совзыгра́етъ же а҆́вель, и҆ є҆нѡ́хъ весели́тсѧ, / и҆ ликꙋ́етъ си́ѳъ, и҆ нѡ́е кꙋ́пнѡ: / съ патрїа̑рхи же пое́тъ а҆враа́мъ всехва́льный, / и҆ рожде́нїе безъ ѻ҆тца̀ ны́нѣ мелхїседе́къ ви́дитъ свы́ше. / тѣ́мже бжⷭ҇твеннꙋю па́мѧть хрⷭ҇то́выхъ пра́ѻц҃євъ / и҆ мы̀ соверша́юще мо́лимъ, / спасти́сѧ дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "Ѡ҆ блиста̀ ве́село / и҆́же въ пещѝ дѣте́й бг҃омꙋ́дрыхъ собо́ръ, / и҆ хрⷭ҇то́во ржⷭ҇тво̀ проповѣ́дꙋетъ на землѝ: / ꙗ҆́кѡ бо честна́ѧ роса̀ низше́дъ гдⷭ҇ь, / ро́ждшꙋю спаса́етъ неѡпа́льнꙋ, / соблюда́етъ непоро́чнꙋ, / и҆ ѡ҆богаща́етъ бжⷭ҇твенными дарова̑нїи. / тѣ́мже и҆ бг҃опрїѧ́тный / ра́дꙋетсѧ данїи́лъ веселѧ́сѧ, / ка́мень бо и҆зъ горы̀ несѣ́ченъ прови́дѧ ꙗ҆́вѣ, / со дерзнове́нїемъ мо́литсѧ / ны́нѣ ѡ҆ дꙋша́хъ на́шихъ."
|
|
},
|
|
{
|
|
"type": "HEADER",
|
|
"value": "Сла́ва, ѻ҆ц҃є́въ, гла́съ ѕ҃."
|
|
},
|
|
{
|
|
"type": "TEXT",
|
|
"value": "Д анїи́лъ, мꙋ́жъ жела́нїй, / ка́мень без̾ рꙋкѝ ѿсѣ́ченъ ви́дѣвъ тѧ̀, гдⷭ҇и, / млⷣнца безъ сѣ́мене рожде́на пронаречѐ тѧ̀, / и҆зъ дв҃ы воплоще́нна сло́ва, / непремѣ́ннагѡ бг҃а, / и҆ сп҃са дꙋ́шъ на́шихъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, предпра́зднства, гла́съ то́йже."
|
|
},
|
|
{
|
|
"type": "TEXT",
|
|
"value": "Вѷзанті́ево: Верте́пе, благоꙋкраси́сѧ, / а҆́гница бо грѧде́тъ, чревоносѧ́щи хрⷭ҇та̀: / ꙗ҆́сли же под̾ими́те / сло́вомъ разрѣши́вшаго ѿ безслове́снагѡ дѣѧ́нїѧ на́съ земноро́дныхъ. / па́стырїе свирѧ́юще, свидѣ́тельствꙋйте чꙋдесѝ стра́шномꙋ: / и҆ волсвѝ ѿ персі́ды, зла́то и҆ лїва́нъ и҆ смѵ́рнꙋ цр҃ю̀ принеси́те: / ꙗ҆́кѡ ꙗ҆ви́сѧ гдⷭ҇ь и҆зъ дв҃ы мт҃ре. / є҆мꙋ́же и҆ прини́кше ра́бски мт҃и поклони́сѧ, / и҆ привѣща́ше къ держи́момꙋ на ѡ҆б̾ѧ́тїихъ є҆ѧ̀. / ка́кѡ всѣ́ѧлсѧ є҆сѝ мнѣ̀; / и҆лѝ ка́кѡ прозѧ́блъ є҆сѝ во мнѣ̀, / и҆зба́вителю мо́й и҆ бж҃е;"
|
|
},
|
|
{
|
|
"type": "TEXT",
|
|
"value": "А҆́ще внѣ̀ к҃-гѡ числа̀: И҆ ны́нѣ, бг҃оро́диченъ настоѧ́щагѡ гла́са."
|
|
},
|
|
{
|
|
"type": "TEXT",
|
|
"value": "Вхо́дъ. Прокі́менъ днѐ. Чтє́нїѧ трѝ."
|
|
},
|
|
{
|
|
"type": "HEADER",
|
|
"value": "Бытїѧ̀ чте́нїе."
|
|
},
|
|
{
|
|
"type": "TEXT",
|
|
"value": "[Глава̀ д҃і] Слы́шавъ а҆вра́мъ, ꙗ҆́кѡ плѣне́нъ бы́сть лѡ́тъ, брата́ничь є҆гѡ̀, сочтѐ свои́хъ сѝ домоча́дєцъ три́ста и҆ ѻ҆смна́десѧть, и҆ погна̀ во слѣ́дъ и҆́хъ да́же до да́на. и҆ нападѐ на нѧ̀ но́щїю са́мъ, и҆ ѻ҆́троцы є҆гѡ̀ съ ни́мъ: и҆ поразѝ и҆̀хъ, и҆ гонѝ и҆̀хъ до хова́ла, є҆́же є҆́сть ѡ҆шꙋ́юю дама́ска. и҆ возвратѝ всѧ́каго конѧ̀ содо́мскаго, и҆ лѡ́та брата́нича своего̀ возвратѝ, и҆ всѧ̑ и҆мѣ̑нїѧ є҆гѡ̀, и҆ жєны̀, и҆ лю́ди. и҆зы́де же ца́рь содо́мскїй въ срѣ́тенїе є҆мꙋ̀, повнегда̀ возврати́тисѧ є҆мꙋ̀ ѿ сѣ́ча ходоллогомо́рскагѡ, и҆ съ царьмѝ, и҆̀же съ ни́мъ, во ᲂу҆до́ль сави́нꙋ: сїе́ же бѧ́ше по́ле царе́во. и҆ мелхїседе́къ, ца́рь сали́мскїй и҆знесѐ хлѣ́бы и҆ вїно̀, бѧ́ше же свѧще́нникъ бг҃а вы́шнѧгѡ. и҆ благословѝ а҆вра́ма, и҆ речѐ: благослове́нъ а҆вра́мъ бг҃ꙋ вы́шнемꙋ, и҆́же созда̀ нб҃о и҆ зе́млю, бл҃гослове́нъ бг҃ъ вы́шнїй, и҆́же предадѐ врагѝ твоѧ̑ подъ рꙋ́ки тебѣ̀."
|
|
},
|
|
{
|
|
"type": "HEADER",
|
|
"value": "Втора́гѡ зако́на чте́нїе."
|
|
},
|
|
{
|
|
"type": "TEXT",
|
|
"value": "[Глава̀ а҃] Во дне́хъ ѻ҆́нѣхъ, речѐ мѡѷсе́й къ сынѡ́мъ і҆и҃лєвымъ: ви́дите, преда́хъ предъ лице́мъ ва́шимъ зе́млю, вше́дше наслѣ́дꙋйте ю҆̀, ю҆́же клѧ́тсѧ гдⷭ҇ь ѻ҆тцє́мъ ва́шымъ, а҆враа́мꙋ и҆ і҆саа́кꙋ и҆ і҆а́кѡвꙋ да́ти и҆̀мъ, и҆ сѣ́мени и҆́хъ по ни́хъ. и҆ реко́хъ къ ва́мъ во вре́мѧ ѻ҆́но, глаго́лѧ: не возмогꙋ̀ є҆ди́нъ води́ти ва́съ. гдⷭ҇ь бг҃ъ ва́шъ ᲂу҆мно́жилъ вы̀ є҆́сть, и҆ сѐ є҆стѐ дне́сь, ꙗ҆́кѡ ѕвѣ́зды нбⷭ҇ныѧ, мно́жествомъ. гдⷭ҇ь бг҃ъ ѻ҆тє́цъ на́шихъ да приложи́тъ ва́мъ, ꙗ҆́кѡ да бꙋ́дете ты́сѧщами сꙋгꙋ́бѡ, и҆ да благослови́тъ ва́съ, ꙗ҆́коже глаго́ла ва́мъ. и҆ взѧ́хъ ѿ ва́съ мꙋ́жи мꙋ́дры, и҆ свѣ́домы, и҆ смы́сленны, и҆ поста́вихъ и҆̀хъ владѣ́ти на́дъ ва́ми, тысѧщенача́льники, и҆ стонача́льники, и҆ пѧтьдесѧтонача́льники, и҆ десѧтонача́льники, и҆ письмоводи́тели сꙋдїѧ́мъ ва́шымъ. и҆ заповѣ́дахъ сꙋдїѧ́мъ ва́шымъ, во вре́мѧ ѻ҆́но, глаго́лѧ: разслꙋ́шайте посредѣ̀ бра́тїй ва́шихъ, и҆ сꙋди́те пра́веднѡ, посредѣ̀ мꙋ́жа, и҆ посредѣ̀ бра́та є҆гѡ̀, и҆ посредѣ̀ прише́льца є҆гѡ̀. да не позна́ете лица̀ въ сꙋдѣ̀, ма́ломꙋ и҆ вели́комꙋ сꙋ́диши, и҆ не ᲂу҆стыди́шисѧ лица̀ человѣ́ческа, ꙗ҆́кѡ сꙋ́дъ бж҃їй є҆́сть."
|
|
},
|
|
{
|
|
"type": "HEADER",
|
|
"value": "Втора́гѡ зако́на чте́нїе."
|
|
},
|
|
{
|
|
"type": "TEXT",
|
|
"value": "[Глава̀ і҃] Во дне́хъ ѻ҆́нѣхъ, речѐ мѡѷсе́й къ сынѡ́мъ і҆и҃лєвымъ: сѐ гдⷭ҇а бг҃а твоегѡ̀ не́бо, и҆ не́бо нб҃сѐ, землѧ̀ и҆ всѧ̑, є҆ли̑ка сꙋ́ть на не́й. ѻ҆ба́че ѻ҆тцы̀ ва́шѧ произво́ли гдⷭ҇ь люби́ти и҆̀хъ: и҆ и҆збра̀ сѣ́мѧ и҆́хъ по ни́хъ, ва́съ, па́че всѣ́хъ ꙗ҆зы̑къ, въ де́нь се́й. и҆ ѡ҆брѣ́жите жестокосе́рдїе ва́ше, и҆ вы̑ѧ ва́шѧ не ѡ҆жесточи́те ктомꙋ̀. и҆́бо гдⷭ҇ь бг҃ъ ва́шъ, се́й бг҃ъ богѡ́въ, и҆ гдⷭ҇ь господе́й: бг҃ъ вели́кїй, и҆ крѣ́пкїй, и҆ стра́шный, и҆́же не диви́тсѧ лицꙋ̀, нижѐ взе́млетъ да́ръ. творѧ́й сꙋ́дъ прише́льцꙋ, и҆ си́рꙋ, и҆ вдови́цѣ, и҆ лю́битъ прише́льца, да́ти є҆мꙋ̀ хлѣ́бъ и҆ ри́зꙋ. и҆ возлюби́те прише́льца, прише́льцы бо бѣ́сте въ землѝ є҆гѵ́петстѣй. гдⷭ҇а бг҃а твоегѡ̀ да ᲂу҆бои́шисѧ, и҆ томꙋ̀ є҆ди́номꙋ послꙋ́жиши, и҆ къ немꙋ̀ прилѣпи́шисѧ, и҆ и҆́менемъ є҆гѡ̀ клене́шисѧ. то́й хвала̀ твоѧ̀, и҆ то́й бг҃ъ тво́й, и҆́же сотвори́лъ тѝ є҆́сть вели̑каѧ и҆ сла̑внаѧ сїѧ̑, ꙗ҆̀же ви́дѣстѣ ѻ҆́чи твоѝ."
|
|
},
|
|
{
|
|
"type": "HEADER",
|
|
"value": "На лїті́и стїхи́ра хра́ма. И҆ ѻ҆ц҃є́въ, гла́съ а҃:"
|
|
},
|
|
{
|
|
"type": "TEXT",
|
|
"value": "Л ꙋча́ми ѡ҆блиста́вшесѧ бг҃оглаго́ланїѧ, / великоимени́тїи прⷪ҇ро́цы, при́снѡ ᲂу҆блажа́ютсѧ, / и҆ рачє́нїѧ дх҃а плодоносѧ́ще, / неизрече́нное ржⷭ҇тво̀ хрⷭ҇та̀ бг҃а всѣ̑мъ проповѣ́даша, / зако́ннѡ же кончи́нꙋ прїѧ́ша, / пожи́вше жи́знь пречꙋ́днꙋю."
|
|
},
|
|
{
|
|
"type": "HEADER",
|
|
"value": "Сла́ва, гла́съ г҃. Ге́рманово:"
|
|
},
|
|
{
|
|
"type": "TEXT",
|
|
"value": "П ра́ѻц҃євъ собо́ръ, празднолю́бцы, / прїиди́те ѱало́мски да восхва́лимъ: / а҆да́ма пра́ѻц҃а, є҆нѡ́ха, нѡ́а, / мелхїседе́ка, а҆враа́ма, і҆саа́ка и҆ і҆а́кѡва: / по зако́нѣ мѡѷсе́а, и҆ а҆арѡ́на, / и҆ і҆исꙋ́са, самꙋи́ла и҆ дв҃да: / съ ни́миже и҆са́їю, і҆еремі́ю, і҆езекі́илѧ, и҆ данїи́ла, и҆ двана́десѧть вкꙋ́пѣ, / и҆лїю̀, є҆лїссе́а, и҆ всѣ́хъ: / заха́рїю, и҆ крⷭ҇ти́телѧ, и҆ проповѣ́давшыѧ хрⷭ҇та̀ / жи́знь и҆ воскресе́нїе ро́да на́шегѡ."
|
|
},
|
|
{
|
|
"type": "HEADER",
|
|
"value": "И҆ ны́нѣ, предпра́зднства, гла́съ то́йже:"
|
|
},
|
|
{
|
|
"type": "TEXT",
|
|
"value": "Б лагоꙋкраси́сѧ, виѳлее́ме, / ѿве́рзесѧ бо є҆де́мъ: / гото́висѧ, є҆ѵфра́ѳо, / ѡ҆бновлѧ́етсѧ бо а҆да́мъ, и҆ є҆́ѵа съ ни́мъ: / клѧ́тва бо разори́сѧ, / спасе́нїе мі́рꙋ процвѣтѐ, / и҆ дꙋ́шы пра́ведныхъ ᲂу҆краша́ютсѧ: / ꙗ҆́кѡ да́ръ дароно́сїѧ, вмѣ́стѡ мѵ́ра пѣ́нїе приносѧ́ще, / спасе́нїе дꙋше́вное, и҆ нетлѣ́нїе прїе́млюще. / се́ бо въ ꙗ҆́слехъ возлежа́й, / предповелѣва́етъ пѣ́нїе дꙋхо́вное соверша́ти вопїю́щымъ непреста́ннѡ: / гдⷭ҇и, сла́ва тебѣ̀."
|
|
},
|
|
{
|
|
"type": "TEXT",
|
|
"value": "А҆́ще внѣ̀ к҃-гѡ деке́мврїа: И҆ ны́нѣ, бг҃оро́диченъ: Безъ сѣ́мене ѿ бжⷭ҇твеннагѡ дх҃а, / во́лею же ѻ҆́ч҃ею зачала̀ є҆сѝ сн҃а бж҃їѧ, / ѿ ѻ҆ц҃а̀ безъ ма́тере пре́жде вѣ̑къ сꙋ́ща, / на́съ же ра́ди, и҆зъ тебє̀ безъ ѻ҆тца̀ бы́вша, пло́тїю родила̀ є҆сѝ, / и҆ млⷣнца млеко́мъ пита́ла є҆сѝ. / тѣ́мже не преста́й моли́ти, / и҆зба́витисѧ ѿ бѣ́дъ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "На стїхо́внѣ стїхи́ра воскрⷭ҇на, и҆ по а҆лфави́тꙋ. А҆́ще же въ к҃д-й де́нь, предпра́зднства, самоподо́бенъ гла́съ в҃:"
|
|
},
|
|
{
|
|
"type": "TEXT",
|
|
"value": "Д о́ме є҆ѵфра́ѳовъ, / гра́де ст҃ы́й, / прⷪ҇ро́кѡвъ сла́во, / ᲂу҆красѝ до́мъ, / въ не́мже бжⷭ҇твенный ражда́етсѧ."
|
|
},
|
|
{
|
|
"type": "TEXT",
|
|
"value": "Сті́хъ: Бг҃ъ ѿ ю҆́га прїи́детъ, / и҆ ст҃ы́й и҆зъ горы̀ приѡсѣне́нныѧ ча́щи."
|
|
},
|
|
{
|
|
"type": "TEXT",
|
|
"value": "Самогла́сны: Виѳлее́ме, землѐ і҆ꙋ́дова, / сꙋ́щемꙋ по пло́ти жи́тельство свѣ́тло, / ᲂу҆гото́ви бжⷭ҇твенный верте́пъ, / въ не́мже бг҃ъ пло́тїю ражда́етсѧ, и҆зъ неискꙋсомꙋ́жныѧ ст҃ы́ѧ дв҃ы, / во є҆́же спастѝ ро́дъ на́шъ."
|
|
},
|
|
{
|
|
"type": "TEXT",
|
|
"value": "Сті́хъ: Гдⷭ҇и, ᲂу҆слы́шахъ слꙋ́хъ тво́й, и҆ ᲂу҆боѧ́хсѧ: / гдⷭ҇и, разꙋмѣ́хъ дѣла̀ твоѧ̑, и҆ ᲂу҆жасо́хсѧ."
|
|
},
|
|
{
|
|
"type": "TEXT",
|
|
"value": "П рїиди́те, всѝ хрⷭ҇то́во ржⷭ҇тво̀ вѣ́рнѡ предпра́зднꙋимъ, / и҆ мы́сленнѣ пѣ́нїе, ꙗ҆́кѡ ѕвѣздꙋ̀ предлага́емъ, / волхвѡ́въ славослѡ́вїѧ съ па́стырьми возопїе́мъ: / прїи́де спасе́нїе человѣ́кѡмъ, и҆зъ дѣ́вственныхъ ложе́снъ, / вѣ̑рныѧ призыва́ѧ."
|
|
},
|
|
{
|
|
"type": "HEADER",
|
|
"value": "Сла́ва, гла́съ то́йже: самогла́сенъ."
|
|
},
|
|
{
|
|
"type": "TEXT",
|
|
"value": "Кѷпрїа́ново: Ра́дꙋйтесѧ, прⷪ҇ро́цы честні́и, и҆̀же зако́нъ гдⷭ҇ень до́брѣ ᲂу҆чини́вше, / и҆ вѣ́рою ꙗ҆́вльшесѧ непобѣди́мїи столпѝ, и҆ непрекло́ннїи: / вы́ бо и҆ хода́таи ꙗ҆ви́стесѧ но́вагѡ завѣ́та хрⷭ҇то́ва, / и҆ преста́вльшесѧ къ нб҃сѝ, / того̀ моли́те ᲂу҆мири́ти мі́ръ, и҆ спастѝ дꙋ́шы на́шѧ."
|
|
},
|
|
{
|
|
"type": "HEADER",
|
|
"value": "И҆ ны́нѣ, предпра́зднства, гла́съ то́йже."
|
|
},
|
|
{
|
|
"type": "TEXT",
|
|
"value": "Кѷпрїа́ново: Сѐ вре́мѧ прибли́жисѧ спасе́нїѧ на́шегѡ, / гото́висѧ верте́пе, дв҃а приближа́етсѧ роди́ти: / виѳлее́ме, землѐ і҆ꙋ́дова, красꙋ́йсѧ и҆ весели́сѧ, / ꙗ҆́кѡ и҆зъ тебє̀ возсїѧ̀ гдⷭ҇ь на́шъ. / ᲂу҆слы́шите го́ры и҆ хо́лми, / и҆ ѻ҆крє́стныѧ страны̑ і҆ꙋдє́йскїѧ, / ꙗ҆́кѡ грѧде́тъ хрⷭ҇то́съ, / да спасе́тъ, є҆го́же созда̀, человѣ́ка, / ꙗ҆́кѡ человѣколю́бецъ."
|
|
},
|
|
{
|
|
"type": "TEXT",
|
|
"value": "А҆́ще внѣ̀ к҃-гѡ: И҆ ны́нѣ, бг҃оро́диченъ: Ѽ чꙋдесѐ но́вагѡ, всѣ́хъ дре́внихъ чꙋде́съ! / кто́ бо позна̀ мт҃рь без̾ мꙋ́жа ро́ждшꙋю, / и҆ на рꙋкꙋ̑ носѧ́щꙋю, / всю̀ тва́рь содержа́щаго; / бж҃їе є҆́сть и҆зволе́нїе ро́ждшеесѧ: / є҆го́же ꙗ҆́кѡ млⷣнца пречⷭ҇таѧ, / твои́ма рꙋка́ма носи́вшаѧ, / и҆ мт҃рне дерзнове́нїе къ немꙋ̀ и҆мꙋ́щаѧ, / не преста́й молѧ́щи ѡ҆ чтꙋ́щихъ тѧ̀, / ᲂу҆ще́дрити и҆ сп҃стѝ дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "На благослове́нїи хлѣ́бѡвъ тропа́рь: Бцⷣе дв҃о, ра́дꙋйсѧ: [Два́жды.]"
|
|
},
|
|
{
|
|
"type": "HEADER",
|
|
"value": "И҆ ѻ҆ц҃є́въ тропа́рь, гла́съ в҃:"
|
|
},
|
|
{
|
|
"type": "TEXT",
|
|
"value": "В є́лїѧ вѣ́ры и҆справлє́нїѧ, / во и҆сто́чницѣ пла́мене ꙗ҆́кѡ на водѣ̀ ᲂу҆покое́нїѧ, / ст҃і́и трїѐ ѻ҆́троцы ра́довахꙋсѧ: / и҆ прⷪ҇ро́къ данїи́лъ львѡ́мъ па́стырь ꙗ҆́кѡ ѻ҆вца́мъ ꙗ҆влѧ́шесѧ. / тѣ́хъ моли́твами, хрⷭ҇тѐ бж҃е, спасѝ дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "А҆́ще же слꙋчи́тсѧ въ к҃д-й де́нь. На благослове́нїи хлѣ́бѡвъ тропарѝ: ѻ҆ц҃є́въ, Вє́лїѧ вѣ́ры, два́жды:"
|
|
},
|
|
{
|
|
"type": "HEADER",
|
|
"value": "И҆ предпра́зднства, тропа́рь, гла́съ д҃:"
|
|
},
|
|
{
|
|
"type": "TEXT",
|
|
"value": "Н аписова́шесѧ и҆ногда̀ со ста́рцемъ і҆ѡ́сифомъ, / ꙗ҆́кѡ ѿ сѣ́мене дв҃дова, / въ виѳлее́мѣ марїа́мъ: / чревоносѧ́щи безсѣ́менное рожде́нїе: / наста́ же вре́мѧ ржⷭ҇тва̀, / и҆ мѣ́сто ни є҆ди́ноже бѣ̀ ѻ҆бита́лищꙋ: / но ꙗ҆́коже кра́снаѧ пала́та, / верте́пъ цр҃и́цѣ показа́шесѧ. / хрⷭ҇то́съ ражда́етсѧ, пре́жде па́дшїй воскреси́ти ѻ҆́бразъ."
|
|
},
|
|
{
|
|
"type": "TEXT",
|
|
"value": "И҆ чте́нїе."
|
|
},
|
|
{
|
|
"type": "HEADER",
|
|
"value": "На ᲂу҆́трени."
|
|
},
|
|
{
|
|
"type": "HEADER",
|
|
"value": "На Бг҃ъ гдⷭ҇ь, тропа́рь воскрⷭ҇нъ два́жды. Сла́ва, ѻ҆ц҃є́въ, гла́съ в҃:"
|
|
},
|
|
{
|
|
"type": "TEXT",
|
|
"value": "В є́лїѧ вѣ́ры и҆справлє́нїѧ, / во и҆сто́чницѣ пла́мене ꙗ҆́кѡ на водѣ̀ ᲂу҆покое́нїѧ, / ст҃і́и трїѐ ѻ҆́троцы ра́довахꙋсѧ: / и҆ прⷪ҇ро́къ данїи́лъ львѡ́мъ па́стырь ꙗ҆́кѡ ѻ҆вца́мъ ꙗ҆влѧ́шесѧ. / тѣ́хъ моли́твами, хрⷭ҇тѐ бж҃е, спасѝ дꙋ́шы на́шѧ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ: Всѧ̑ па́че смы́сла, / всѧ̑ пресла̑внаѧ твоѧ̑ бцⷣе, та̑инства, / чистотѣ̀ запеча́танной, и҆ дѣ́вствꙋ храни́мꙋ, / мт҃и позна́ласѧ є҆сѝ нело́жна, / бг҃а ро́ждши и҆́стиннаго: / того̀ молѝ сп҃сти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "И҆лѝ тропа́рь предпра́зднства, гла́съ д҃:"
|
|
},
|
|
{
|
|
"type": "TEXT",
|
|
"value": "Г ото́висѧ, виѳлее́ме, / ѿве́рзисѧ всѣ̑мъ, є҆де́ме, / красꙋ́йсѧ, є҆ѵфра́ѳо, / ꙗ҆́кѡ дре́во живота̀ въ верте́пѣ процвѣтѐ ѿ дв҃ы: / ра́й бо ѻ҆́ноѧ чре́во ꙗ҆ви́сѧ мы́сленный, / въ не́мже бжⷭ҇твенный са́дъ: / ѿ негѡ́же ꙗ҆́дше жи́ви бꙋ́демъ, / не ꙗ҆́коже а҆да́мъ ᲂу҆́мремъ. / хрⷭ҇то́съ ражда́етсѧ, пре́жде па́дшїй возста́вити ѻ҆́бразъ."
|
|
},
|
|
{
|
|
"type": "TEXT",
|
|
"value": "И҆ ѻ҆бы̑чныѧ каѳі̑смы, и҆ сѣда́льны воскре́сны, и҆ бг҃оро́дичны и҆́хъ, и҆ чте́нїе во є҆ѵⷢ҇лїи толково́мъ."
|
|
},
|
|
{
|
|
"type": "TEXT",
|
|
"value": "А҆́ще же въ к҃д-й де́нь, пое́мъ настоѧ́щыѧ сѣда́льны."
|
|
},
|
|
{
|
|
"type": "HEADER",
|
|
"value": "По а҃-мъ стїхосло́вїи сѣда́ленъ, гла́съ д҃. Подо́бенъ: Оу҆диви́сѧ і҆ѡ́сифъ:"
|
|
},
|
|
{
|
|
"type": "TEXT",
|
|
"value": "В о ѻ҆тцѣ́хъ, бж҃е, предвозгласи́лъ є҆сѝ та́инственнѡ, / хотѧ́щее бы́ти на землѝ бг҃оѧвле́нїе та́инственнѣ, / превѣ́чнагѡ сн҃а твоегѡ̀ ѿ дв҃ы, / во а҆враа́мѣ, і҆саа́кѣ, и҆ і҆а́кѡвѣ, і҆ꙋ́дѣ и҆ про́чихъ, / і҆ессе́и, и҆ дв҃дѣ, и҆ прⷪ҇ро́цѣхъ всѣ́хъ, / дх҃омъ предвозвѣща́ѧ въ виѳлее́мѣ хрⷭ҇та̀ ꙗ҆́вльшасѧ, / сꙋ́щыѧ въ мі́рѣ всѧ̑ взыва́юща."
|
|
},
|
|
{
|
|
"type": "TEXT",
|
|
"value": "Сла́ва, и҆ ны́нѣ, то́йже."
|
|
},
|
|
{
|
|
"type": "HEADER",
|
|
"value": "По в҃-й стїхоло́гїи сѣда́ленъ, гла́съ и҃. Поⷣ: Премꙋ́дрости:"
|
|
},
|
|
{
|
|
"type": "TEXT",
|
|
"value": "П ра́здникъ пра́зднꙋимъ, вѣ́рнїи, ѻ҆тцє́въ бжⷭ҇твенныхъ ра́достнѡ, / а҆да́ма, а҆́велѧ чтꙋ́ще, си́ѳа, є҆нѡ́са блажа́ще, / є҆нѡ́ха, нѡ́а, си́ма же і҆а́фета воспои́мъ. / а҆враа́ма пре́жде зако́на, вѣ́рою просїѧ́вша, / и҆ бжⷭ҇твеннаго і҆саа́ка, і҆а́кѡва, и҆ і҆ꙋ́дꙋ, / леѵі́ю, и҆ цѣломꙋ́дреннаго і҆ѡ́сифа восхва́лимъ, и҆ вѣ́рнѡ возопїи́мъ: / бг҃оно́снїи пра́ѻц҃ы, моли́те хрⷭ҇та̀ бг҃а грѣхѡ́въ ѡ҆ставле́нїе дарова́ти / пра́зднꙋющымъ любо́вїю свѧтꙋ́ю па́мѧть ва́шꙋ."
|
|
},
|
|
{
|
|
"type": "TEXT",
|
|
"value": "Сла́ва, и҆ ны́нѣ, то́йже."
|
|
},
|
|
{
|
|
"type": "HEADER",
|
|
"value": "По непоро́чныхъ тропарѝ и҆́хъ: И҆ сѣда́льны ѻ҆ц҃є́въ, гла́съ и҃. Подо́бенъ: Премꙋ́дрости:"
|
|
},
|
|
{
|
|
"type": "TEXT",
|
|
"value": "А҆ враа́ма, і҆саа́ка же и҆ і҆а́кѡва восхва́лимъ всѝ пѣ́сненнѡ, / дв҃да кро́ткаго, і҆исꙋ́са, и҆ двана́десѧть патрїа́рхи, / вкꙋ́пѣ съ тремѝ ю҆́ношами, ᲂу҆гаси́вшими ѻ҆́гненный пла́мень си́лою дꙋхо́вною: / ра́дꙋйтесѧ, вопїю́ще къ ни̑мъ, / пре́лесть до́блественнѣ ѡ҆бличи́вше царѧ̀ безꙋ́мнагѡ: / и҆ хрⷭ҇тꙋ̀ моли́тесѧ, согрѣше́нїй ѡ҆ставле́нїе дарова́ти / пра́зднꙋющымъ любо́вїю свѧтꙋ́ю па́мѧть ва́шꙋ."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, дрꙋгі́й, подо́бенъ то́йже:"
|
|
},
|
|
{
|
|
"type": "TEXT",
|
|
"value": "И҆ зъ нѣ́дръ ѻ҆ч҃ескихъ низше́лъ є҆сѝ, / и҆ несказа́ннымъ и҆стоща́нїемъ ю҆́же по на́мъ нищетꙋ̀ воспрїѧ́лъ є҆сѝ, / па́че є҆стества̀, чл҃вѣколю́бче, / въ верте́пъ всели́тисѧ благоволи́лъ є҆сѝ, гдⷭ҇и, / и҆ ꙗ҆́кѡ млⷣнцъ сѡсцы̀ пита́ешисѧ, зижди́тель и҆ гдⷭ҇ь. / тѣ́мже ѕвѣздо́ю наставлѧ́еми волсвѝ, да́ры тебѣ̀ прино́сѧтъ, ꙗ҆́кѡ влⷣцѣ тва́ри: / па́стырїе и҆ а҆́гг҃ли дивлѧ́хꙋсѧ, зовꙋ́ще: / сла́ва въ вы́шнихъ бг҃ꙋ, на зе́млю грѧдꙋ́щемꙋ роди́тисѧ, ꙗ҆́кѡ чл҃вѣ́кꙋ."
|
|
},
|
|
{
|
|
"type": "HEADER",
|
|
"value": "А҆́ще же внѣ̀ предпра́зднства, бг҃оро́диченъ глаго́ли се́й:"
|
|
},
|
|
{
|
|
"type": "TEXT",
|
|
"value": "Б лагода́рственное похвале́нїе до́лжнѣ, / ꙗ҆́коже вдови́ца ѻ҆́наѧ два̀ ле́пта, приношꙋ̀ тебѣ̀, влⷣчце, ѡ҆ всѣ́хъ дарова́нїихъ твои́хъ: / ты́ бо ꙗ҆ви́ласѧ є҆сѝ покро́въ кꙋ́пнѡ и҆ по́мощь, / напа́стей и҆ скорбе́й при́снѡ мѧ̀ и҆з̾има́ющи. / тѣ́мже ꙗ҆́кѡ ѿ среды̀ горѧ́щїѧ пе́щи и҆зба́вльсѧ ѡ҆скорблѧ́ющихъ мѧ̀, / ѿ се́рдца взыва́ю тебѣ̀: / бцⷣе, помози́ ми, молѧ́щи хрⷭ҇та̀ бг҃а, прегрѣше́нїй ѡ҆ставле́нїе да́ти мнѣ̀: / тѧ́ бо и҆мѣ́ю наде́ждꙋ ра́бъ тво́й."
|
|
},
|
|
{
|
|
"type": "TEXT",
|
|
"value": "Степє́нна, и҆ прокі́менъ гла́са."
|
|
},
|
|
{
|
|
"type": "TEXT",
|
|
"value": "Канѡ́на два̀, ѻ҆ц҃є́въ на и҃. І҆рмосы̀ по два́жды. Тропарѝ на ѕ҃. Въ ни́хже предварѧ́ютъ воскрⷭ҇ны тропарѧ̀ два̀, сегѡ̀ ра́ди, а҆́ще въ к҃д де́нь, во ѻ҆ктѡ́ихѣ не пое́тсѧ: и҆ предпра́зднства на ѕ҃."
|
|
},
|
|
{
|
|
"type": "HEADER",
|
|
"value": "Канѡ́нъ воскре́сенъ. Гла́съ ѕ҃. Пѣ́снь а҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Волно́ю морско́ю / скры́вшаго дре́вле, / гони́телѧ, мꙋчи́телѧ, / подъ земле́ю скры́ша спасе́нныхъ ѻ҆́троцы: / но мы̀, ꙗ҆́кѡ ѻ҆трокови̑цы, / гдⷭ҇еви пои́мъ: / сла́внѡ бо просла́висѧ."
|
|
},
|
|
{
|
|
"type": "TEXT",
|
|
"value": "С тра́хомъ тебѣ̀ смє́ртнаѧ ѿверза́ютсѧ врата̀, / и҆ сокрꙋша́ютсѧ верєѝ вѣ̑чныѧ: / честны́мъ бо твои́мъ схожде́нїемъ воста́ша дре́внїи мертвецы̀, / весе́лїемъ пою́ще, хрⷭ҇тѐ, воскрⷭ҇нїе твоѐ."
|
|
},
|
|
{
|
|
"type": "TEXT",
|
|
"value": "С ꙋди́щꙋ пїла́товꙋ предстои́тъ хотѧ́й, беззако́нномꙋ сꙋдꙋ̀ / ꙗ҆́кѡ ѡ҆сꙋ́жденникъ сꙋдїѧ̀, и҆ ѿ рꙋкѝ непра́ведныѧ въ лицѐ ᲂу҆дарѧ́етсѧ бг҃ъ, / є҆гѡ́же трепе́щꙋтъ земна̑ѧ и҆ нбⷭ҇наѧ."
|
|
},
|
|
{
|
|
"type": "HEADER",
|
|
"value": "Канѡ́нъ ѻ҆ц҃є́въ."
|
|
},
|
|
{
|
|
"type": "TEXT",
|
|
"value": "А҆́ще внѣ̀ к҃-гѡ слꙋчи́тсѧ недѣ́лѧ ст҃ы́хъ ѻ҆ц҃ъ, канѡ́нъ ѻ҆ктѡ́иха воскрⷭ҇нъ со і҆рмосо́мъ на д҃: и҆ крⷭ҇товоскрⷭ҇нъ на в҃: и҆ бцⷣы в҃: и҆ ѻ҆ц҃є́мъ ѿ здѣ̀ чте́тсѧ на ѕ҃. Та́кожде и҆ во про́чихъ пѣ́снехъ ѻ҆ц҃є́мъ."
|
|
},
|
|
{
|
|
"type": "TEXT",
|
|
"value": "Д не́сь собо́ръ бжⷭ҇твенныхъ ѻ҆ц҃ъ хрⷭ҇то́во ржⷭ҇тво̀ предпра́зднꙋетъ свѣ́тлѡ, / и҆ прописꙋ́етъ сїѐ пресла́внаѧ бл҃года́ть: / а҆враа́мъ бо ѻ҆́бразъ зако́на, и҆ ѻ҆́троцы сꙋ́ть."
|
|
},
|
|
{
|
|
"type": "TEXT",
|
|
"value": "Д ре́вле прїе́млетъ бжⷭ҇тво̀ є҆ди́но трїѷпоста́сное свѧще́нный а҆враа́мъ, / ны́нѣ же сопресто́льное сло́во ѻ҆́ч҃ее, бжⷭ҇твеннымъ дх҃омъ къ дѣ́темъ прихо́дитъ, / сла́внѡ восхвалѧ́емое."
|
|
},
|
|
{
|
|
"type": "TEXT",
|
|
"value": "Ч исло́мъ и҆ вѣ́рою бжⷭ҇твенныѧ трⷪ҇цы безбо́жїе низве́ргше, / въ пещѝ дѣ́ти ѻ҆́бразы чꙋ́вственными, сокровє́нныѧ бж҃їѧ та̑йны мі́рꙋ проѧви́ша."
|
|
},
|
|
{
|
|
"type": "TEXT",
|
|
"value": "А҆ враа́мъ и҆зба́висѧ ѿ рꙋкѝ непра́ведныѧ, / пла́мене же пе́щнагѡ бжⷭ҇твеннїи ѻ҆́троцы и҆ногда̀, / и҆ данїи́лъ прⷪ҇ро́къ ѿ ѕвѣре́й и҆ ро́ва спасе́сѧ. / тѣ́мже ны́нѣ ржⷭ҇тво̀ хрⷭ҇то́во предпра́зднꙋемъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ѡ҆бра́дованнаѧ безневѣ́стнаѧ мт҃и, дв҃о нетлѣ́ннаѧ, блажи́мъ тѧ̀: / и҆́бо ѿ ро́да а҆враа́млѧ, и҆ пле́мене дв҃дова процвѣла̀ є҆сѝ: / хрⷭ҇та́ же родила̀ є҆сѝ, прⷪ҇рѡ́ки проповѣ́даннаго пре́жде."
|
|
},
|
|
{
|
|
"type": "HEADER",
|
|
"value": "Канѡ́нъ предпра́зднства. [А҆́ще внѣ̀ к҃-гѡ числа̀ ѡ҆ставлѧ́етсѧ.] Гла́съ а҃. Пѣ́снь а҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Хрⷭ҇то́съ ражда́етсѧ:"
|
|
},
|
|
{
|
|
"type": "TEXT",
|
|
"value": "Х рⷭ҇та̀ пло́тїю младе́нствовавшаго, / хрⷭ҇та̀ во́лею ѡ҆бнища́вшаго, / хрⷭ҇та̀ ви́дима бы́вша грѧде́тъ дв҃а въ виѳлее́мѣ ны́нѣ роди́ти: / нб҃о же и҆ землѧ̀ да ра́дꙋютсѧ."
|
|
},
|
|
{
|
|
"type": "TEXT",
|
|
"value": "Г о́ры и҆ хо́лми взыгра́йте, / прⷪ҇ро́цы бг҃огла́снїи ликꙋ́йте, / лю́дїе и҆ ꙗ҆зы́цы восплещи́те: / всѣ́хъ спасе́нїе и҆ просвѣще́нїе бли́зъ наста̀, / во гра́дѣ виѳлее́мстѣ ражда́емое."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ни́щъ бога́тый быва́етъ, / ѡ҆богаща́ѧ и҆̀же ѕло́бою ѡ҆бнища́вшыѧ, / чл҃вѣ́къ бг҃ъ познава́етсѧ ѿ дв҃ы неискꙋсобра́чныѧ, кромѣ̀ преложе́нїѧ: / всѝ хвала́ми воспое́мъ є҆го̀, ꙗ҆́кѡ просла́висѧ."
|
|
},
|
|
{
|
|
"type": "TEXT",
|
|
"value": "Катава́сїа: Хрⷭ҇то́съ ражда́етсѧ, сла́вите: / хрⷭ҇то́съ съ нб҃съ, срѧ́щите: / хрⷭ҇то́съ на землѝ, возноси́тесѧ. / по́йте гдⷭ҇еви всѧ̀ землѧ̀, / и҆ весе́лїемъ воспо́йте, лю́дїе, / ꙗ҆́кѡ просла́висѧ."
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Тебѐ на вода́хъ / повѣ́сившаго всю̀ зе́млю неѡдержи́мѡ, / тва́рь ви́дѣвши на ло́бнѣмъ ви́сима, / ᲂу҆́жасомъ мно́гимъ содрога́шесѧ, / нѣ́сть свѧ́тъ, / ра́звѣ тебє̀, гдⷭ҇и, взыва́ющи."
|
|
},
|
|
{
|
|
"type": "TEXT",
|
|
"value": "В о гро́бѣ тридне́вствовавый, / воскреси́лъ є҆сѝ животво́рнымъ воста́нїемъ ᲂу҆ме́ршыѧ ѿ вѣ́ка, / и҆ ѡ҆сꙋжде́нїѧ разрѣ́шшесѧ, ве́селѡ ра́довахꙋсѧ: / сѐ и҆збавле́нїе прише́лъ є҆сѝ, гдⷭ҇и, взыва́юще."
|
|
},
|
|
{
|
|
"type": "TEXT",
|
|
"value": "С ла́ва твоемꙋ̀ воста́нїю, сп҃се, на́шъ, / ꙗ҆́кѡ на́съ ѿ а҆́да, тлѝ и҆ сме́рти и҆зба́вилъ є҆сѝ, ꙗ҆́кѡ всеси́ленъ, / и҆ воспѣва́юще, глаго́лемъ: / нѣ́сть свѧ́тъ ра́звѣ тебє̀, гдⷭ҇и чл҃вѣколю́бче."
|
|
},
|
|
{
|
|
"type": "TEXT",
|
|
"value": "И҆́нъ. Ѻ҆ц҃є́мъ:"
|
|
},
|
|
{
|
|
"type": "TEXT",
|
|
"value": "Ю҆́ же по ѻ҆́бразꙋ сла́вꙋ, и҆ по подо́бїю бж҃їю вѣ́рнѡ соблюда́юще, / злата́гѡ ѻ҆́браза пла́мень ѻ҆гне́мъ дх҃о́внымъ страда́льчески ᲂу҆гаси́ша ѻ҆́троцы, пою́ще: / є҆ди́наго гдⷭ҇а зна́емъ."
|
|
},
|
|
{
|
|
"type": "TEXT",
|
|
"value": "М ꙋ́дростїю ѡ҆бложе́ни и҆ дх҃а си́лою ѻ҆́троцы, / мꙋдрецы̀ вавѷлѡ́нскїѧ плѣне́ннїи посрами́ша, и҆ де́рзостнѣ взыва́хꙋ: / нѣ́сть свѧ́тъ, ра́звѣ тебє̀, гдⷭ҇и чл҃вѣколю́бче."
|
|
},
|
|
{
|
|
"type": "TEXT",
|
|
"value": "Р а́дꙋетсѧ и҆ сликовствꙋ́етъ съ дѣтьмѝ и҆ прⷪ҇рѡ́ки зако́нъ / и҆ пред̾игра́етъ гдⷭ҇ню бжⷭ҇твенномꙋ прише́ствїю дне́сь: / и҆ а҆враа́мъ ра́дꙋетсѧ, ꙗ҆́кѡ ѿ сѣ́мене є҆гѡ̀ ви́дѣ гдⷭ҇а воплоща́ема."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Зача́тїе безъ стра́сти, / прїѧ́тїе па́че сло́ва про́йде, ржⷭ҇тва̀ твоегѡ̀, бцⷣе: / прⷪ҇рѡ́ки бо проповѣ́данное, па́че є҆стества̀ та́инство, на́мъ ꙗ҆ви́сѧ, / сло́во бж҃їе, сы́й бг҃ъ."
|
|
},
|
|
{
|
|
"type": "HEADER",
|
|
"value": "И҆́нъ. І҆рмо́съ:"
|
|
},
|
|
{
|
|
"type": "TEXT",
|
|
"value": "Пре́жде вѣ̑къ:"
|
|
},
|
|
{
|
|
"type": "TEXT",
|
|
"value": "И҆́ же пре́жде вѣ̑къ и҆зъ ѻ҆ц҃а̀ ро́ждсѧ па́че мы́сли, / и҆зъ дв҃ы напослѣ́докъ воплоти́сѧ, ꙗ҆́коже вѣ́сть са́мъ, / хотѧ̀ человѣ́чество ѡ҆бнови́ти и҆стлѣ́вшее лꙋка́вагѡ ѕмі́ѧ совѣ́томъ."
|
|
},
|
|
{
|
|
"type": "TEXT",
|
|
"value": "И҆́ же въ вы́шнихъ сосѣдѧ́й ѻ҆ц҃ꙋ̀ и҆ дх҃ꙋ, / смири́вшеесѧ є҆стество̀ человѣ́ческое ви́дѣвъ, / сн҃ъ бж҃їй безнача́льный нача́ло прїе́млетъ, / и҆ хо́щетъ пло́тїю роди́тисѧ, ꙗ҆́кѡ чл҃вѣ́къ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ст҃ѣ́йши а҆́гг҃лъ и҆ всеѧ̀ тва́ри, / совѣ́та вели́кагѡ ны́нѣ а҆́гг҃ла безъ сѣ́мене ражда́етъ пло́тїю, / на воззва́нїе всѣ̑мъ пою́щымъ непреста́ннѡ є҆мꙋ̀: / ст҃ъ є҆сѝ, гдⷭ҇и."
|
|
},
|
|
{
|
|
"type": "TEXT",
|
|
"value": "Катава́сїа: Пре́жде вѣ̑къ ѿ ѻ҆ц҃а̀ рожде́нномꙋ нетлѣ́ннѡ сн҃ꙋ, / и҆ въ послѣ̑днѧѧ ѿ дв҃ы / воплоще́нномꙋ безсѣ́меннѡ / хрⷭ҇тꙋ̀ бг҃ꙋ возопїи́мъ: / вознесы́й ро́гъ на́шъ, / ст҃ъ є҆сѝ, гдⷭ҇и."
|
|
},
|
|
{
|
|
"type": "HEADER",
|
|
"value": "Ѵ҆пакоѝ, гла́съ и҃:"
|
|
},
|
|
{
|
|
"type": "TEXT",
|
|
"value": "А҆́ гг҃лъ ѻ҆трокѡ́въ ѡ҆росѝ пе́щь, / ны́нѣ же же́нъ пла́чь разрѣшѝ, глаго́лѧ: / что̀ прино́сите мѵ̑ра; / когѡ̀ и҆́щете во гро́бѣ; / воста̀ хрⷭ҇то́съ и҆ бг҃ъ: / є҆́сть бо жи́знь и҆ спасе́нїе ро́да человѣ́ческагѡ."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "На крⷭ҇тѣ̀ твоѐ бжⷭ҇твенное и҆стоща́нїе прови́дѧ / а҆ввакꙋ́мъ, ᲂу҆жа́ссѧ вопїѧ́ше: / ты̀ си́льныхъ пресѣ́клъ є҆сѝ держа́вꙋ, бл҃же, / приѡбща́ѧсѧ сꙋ́щымъ во а҆́дѣ, / ꙗ҆́кѡ всеси́ленъ."
|
|
},
|
|
{
|
|
"type": "TEXT",
|
|
"value": "В о а҆́дъ бжⷭ҇твенное низше́ствїе твоѐ, хрⷭ҇тѐ бж҃е, мє́ртвымъ жи́знь ꙗ҆ви́сѧ: / ты́ бо врага̀ свѧза́лъ є҆сѝ держа́вꙋ до́лѣ, бл҃гі́й, / и҆ нбⷭ҇нꙋю стезю̀ человѣ́кѡмъ ѿве́рзлъ є҆сѝ."
|
|
},
|
|
{
|
|
"type": "TEXT",
|
|
"value": "Н е и҆стлѣ̀ во гро́бѣ пречи́стое тѣ́ло и҆зба́вителѧ лежа́що, / но ꙗ҆́кѡ си́ленъ сокрꙋшѝ а҆́дѡвы верєѝ, / и҆ воскре́се во сла́вѣ, хрⷭ҇тѐ, тридне́внѡ."
|
|
},
|
|
{
|
|
"type": "TEXT",
|
|
"value": "И҆́нъ. Ѻ҆ц҃є́мъ:"
|
|
},
|
|
{
|
|
"type": "TEXT",
|
|
"value": "Ѻ҆ ц҃є́въ нача́токъ а҆враа́ма, і҆саа́ка и҆ і҆а́кѡва почти́мъ, / ꙗ҆́кѡ и҆зъ тѣ́хъ сѣ́мене возсїѧ̀ хрⷭ҇то́съ, / вопло́щсѧ и҆зъ дв҃ы, ꙗ҆́кѡ всеси́ленъ."
|
|
},
|
|
{
|
|
"type": "TEXT",
|
|
"value": "П рописꙋ́ѧй бꙋ̑дꙋщаѧ соше́ствїю хрⷭ҇то́вꙋ данїи́лъ, / ѕвѣ́ри ꙗ҆́кѡ ѻ҆́вцы показа̀ всѣ̑мъ ꙗ҆́вѣ: / прови́дѣ бо бꙋ́дꙋщее, ꙗ҆́кѡ прⷪ҇ро́къ бж҃їй."
|
|
},
|
|
{
|
|
"type": "TEXT",
|
|
"value": "Г рѣхо́внымъ не привлече́ни ꙗ҆́домъ, / ѿ пла́мене и҆зба́вистесѧ, дѣ́ти: / зла́та бо чистѣ́йше сꙋ́ще мꙋ́дрїи, въ пещѝ пре́лести не слїѧ́шасѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Велегла́снѡ проповѣ́дꙋетсѧ ѡ҆жида́нїе ꙗ҆зы́кѡвъ, / и҆ спасе́нїе мі́ра, па́че є҆стества̀ ржⷭ҇тво̀ твоѐ, пречⷭ҇таѧ, честна́ѧ: / є҆го́же пое́тъ ѻ҆те́ческаѧ па́мѧть дне́сь."
|
|
},
|
|
{
|
|
"type": "HEADER",
|
|
"value": "И҆́нъ. І҆рмо́съ:"
|
|
},
|
|
{
|
|
"type": "TEXT",
|
|
"value": "Же́злъ и҆зъ ко́рене і҆ессе́ева:"
|
|
},
|
|
{
|
|
"type": "TEXT",
|
|
"value": "Ж е́злъ и҆зъ ко́рене і҆ессе́ева, дв҃о, прозѧбла̀ є҆сѝ, / цвѣ́тъ процвѣ́тшаѧ неꙋвѧда́емый всѣ́хъ содѣ́телѧ, / зе́млю цвѣта́ми всю̀ ꙗ҆́кѡ бг҃а ᲂу҆краша́ющаго, вопїю́щꙋю є҆мꙋ̀: / сла́ва си́лѣ твое́й, гдⷭ҇и."
|
|
},
|
|
{
|
|
"type": "TEXT",
|
|
"value": "С нѣ́дїю мѧ̀ ѡ҆кра́дена лꙋка́вою, / и҆ ра́зꙋмомъ попо́лзшасѧ и҆ ᲂу҆подо́бльшасѧ безсловє́снымъ, сло́ве бж҃їй, прише́лъ є҆сѝ назида́ѧ, / млⷣнцъ бы́въ, и҆ во ꙗ҆́слехъ безслове́сныхъ возле́гъ: / сла́ва си́лѣ твое́й, гдⷭ҇и."
|
|
},
|
|
{
|
|
"type": "TEXT",
|
|
"value": "Бг҃оро́диченъ: И҆зъ горы̀ приѡсѣне́нныѧ, і҆и҃се, дв҃ы, тѧ̀ воплоще́ннаго а҆ввакꙋ́мъ прови́дѣ, / го́ры ѕлы̑ѧ и҆ хо́лмы сокрꙋша́ющаго, / и҆ и҆счезнове́нїю предаю́ща возношє́нїѧ лꙋка́вагѡ и҆ де́мѡнскаѧ возвышє́нїѧ."
|
|
},
|
|
{
|
|
"type": "TEXT",
|
|
"value": "Катава́сїа: Же́злъ и҆зъ ко́рене і҆ессе́ова, / и҆ цвѣ́тъ ѿ негѡ̀, хрⷭ҇тѐ, / ѿ дв҃ы прозѧ́блъ є҆сѝ, / и҆зъ горы̀ хва́льный приѡсѣне́нныѧ ча́щи, / прише́лъ є҆сѝ вопло́щсѧ, ѿ неискꙋсомꙋ́жныѧ, / невеще́ственный бж҃е: / сла́ва си́лѣ твое́й, гдⷭ҇и."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Бг҃оѧвле́нїѧ твоегѡ̀, хрⷭ҇тѐ, / къ на́мъ ми́лостивнѡ бы́вшагѡ, / и҆са́їа свѣ́тъ ви́дѣвъ невече́рнїй, / и҆зъ но́щи ᲂу҆́треневавъ взыва́ше: / воскре́снꙋтъ ме́ртвїи, / и҆ воста́нꙋтъ сꙋ́щїи во гробѣ́хъ, / и҆ всѝ земноро́днїи возра́дꙋютсѧ."
|
|
},
|
|
{
|
|
"type": "TEXT",
|
|
"value": "Б листа́ѧйсѧ ра́дость воѡбража́ѧ ꙗ҆́вственнѣ а҆́гг҃лъ, / во гро́бѣ свѣтлоно́сецъ показꙋ́етсѧ, / жена́мъ проповѣ́даѧ воста́нїе: / и҆ ѡ҆ста́вльше пла́чь ра́довахꙋсѧ, хрⷭ҇тꙋ̀ воскре́сшꙋ, / ѿ негѡ́же и҆ непреста́ннꙋ ра́дость прїѧ́ша."
|
|
},
|
|
{
|
|
"type": "TEXT",
|
|
"value": "З а милосе́рдїе благі́й, и҆́же по на́мъ прїе́мъ зра́къ, / во́лею на крⷭ҇тѣ̀ пригвозди́лсѧ є҆сѝ менє̀ ра́ди, / пе́рвѣе ѿве́ргша ст҃ꙋ́ю твою̀ за́повѣдь снѣ́ди ра́ди въ раѝ, / и҆ ᲂу҆мира́еши человѣколѣ́пнѡ, живо́тъ подаѧ̀ мнѣ̀."
|
|
},
|
|
{
|
|
"type": "TEXT",
|
|
"value": "И҆́нъ. Ѻ҆ц҃є́мъ:"
|
|
},
|
|
{
|
|
"type": "TEXT",
|
|
"value": "Ѻ҆ ц҃є́въ нача́токъ, ꙗ҆́кѡ началовожда̀ зако́на и҆ благода́ти, / ѿ ро́да а҆враа́млѧ дне́сь данїи́ла бжⷭ҇твеннаго почти́мъ: / ꙗ҆́кѡ прⷪ҇ро́къ бо бж҃їй предвозвѣстѝ хрⷭ҇та̀ ѿ дв҃ы, / и҆ сегѡ̀ пред̾ꙋсрѣта́етъ бжⷭ҇твенное рожде́нїе."
|
|
},
|
|
{
|
|
"type": "TEXT",
|
|
"value": "П рописа́вше ꙗ҆́снѡ къ на́мъ гдⷭ҇не прише́ствїе а҆́гг҃ловымъ соше́ствїемъ, / ᲂу҆гаси́ша а҆враа́мстїи ѻ҆́троцы пе́щь: / и҆ тꙋчеро́сенъ ѻ҆́гнь содѣ́лавше, / въ се́мъ вѣ́рою ѻ҆́браза злата́гѡ сла́вꙋ и҆знꙋри́ша."
|
|
},
|
|
{
|
|
"type": "TEXT",
|
|
"value": "З аградѝ ᲂу҆ста̀ ѕвѣре́й данїи́лъ въ ро́вѣ дх҃омъ: / ѻ҆́гненнꙋю же крѣ́пость ᲂу҆гаси́ша а҆враа́мстїи ѻ҆́троцы бл҃года́тїю, / и҆ спа́сшесѧ сі́и ѿ тлѝ, предвозвѣща́ютъ хрⷭ҇та̀ и҆зъ дв҃ы, / молѧ́ще ꙗ҆́кѡ и҆зба́вителѧ спасе́нїѧ на́шегѡ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Бжⷭ҇твеннымъ дх҃омъ ꙗ҆влѧ́ѧ, ѡ҆ на́съ безстра́стнѡ твоѐ прїѧ́тїе, и҆са́їа вопїѧ́ше, гдⷭ҇и, / бо́дрствꙋѧ зако́номъ благода́ти: / ѿ ро́да ᲂу҆́бѡ а҆враа́млѧ, ѿ пле́мене же і҆ꙋ́дова по пло́ти дв҃а / безъ сѣ́мене грѧде́тъ ражда́ющи."
|
|
},
|
|
{
|
|
"type": "HEADER",
|
|
"value": "И҆́нъ. І҆рмо́съ:"
|
|
},
|
|
{
|
|
"type": "TEXT",
|
|
"value": "Бг҃ъ сы́й ми́ра:"
|
|
},
|
|
{
|
|
"type": "TEXT",
|
|
"value": "Є҆ стество́мъ влⷣка, въ рабѣ́хъ соверше́ннѣ, / сн҃ъ бж҃їй всесоверше́нный, / благоволи́лъ за милосе́рдїе зва́тисѧ и҆ сн҃ъ человѣ́ческїй всеще́дрый. / тѣ́мже въ верте́пѣ во́лею ѡ҆бнища́въ, грѧде́ши роди́тисѧ, пребл҃же."
|
|
},
|
|
{
|
|
"type": "TEXT",
|
|
"value": "Н евмѣсти́мый є҆стество́мъ, хрⷭ҇тѐ цр҃ю̀, / ка́кѡ ма́лый тѧ̀ прїи́метъ верте́пъ; / ка́кѡ ꙗ҆́сли возмо́гꙋтъ тѧ̀ вмѣсти́ти, / на́съ ра́ди ѿ мт҃ре неискꙋсомꙋ́жныѧ пло́тїю приходѧ́ща во своѧ̑; / ꙗ҆́кѡ да ᲂу҆стра́ншыѧсѧ спасе́ши, гдⷭ҇и."
|
|
},
|
|
{
|
|
"type": "TEXT",
|
|
"value": "Бг҃оро́диченъ: А҆́гница па́стырѧ прїи́де роди́ти, / гото́висѧ, ст҃ы́й верте́пе, / па́стырїе, спѣши́те, па́стырѧ и҆ а҆́гнца ро́ждшагосѧ ви́дѣти: / волсвѝ, съ да̑ры ᲂу҆гото́витесѧ: / семꙋ̀ ꙗ҆́кѡ цр҃ю̀ поклони́тисѧ пло́тїю."
|
|
},
|
|
{
|
|
"type": "TEXT",
|
|
"value": "Катава́сїа: Бг҃ъ сы́й ми́ра, ѻ҆ц҃ъ щедро́тъ, / вели́кагѡ совѣ́та твоегѡ̀ а҆́гг҃ла, / ми́ръ подава́юща посла́лъ є҆сѝ на́мъ. / тѣ́мъ бг҃оразꙋ́мїѧ къ свѣ́тꙋ наста́вльшесѧ, / ѿ но́щи ᲂу҆́тренююще, / славосло́вимъ тѧ̀ человѣколю́бче."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Жите́йское мо́ре / воздвиза́емое зрѧ̀ напа́стей бꙋ́рею, / къ ти́хомꙋ приста́нищꙋ твоемꙋ̀ прите́къ вопїю́ ти: / возведѝ ѿ тлѝ живо́тъ мо́й, / многомлⷭ҇тиве."
|
|
},
|
|
{
|
|
"type": "TEXT",
|
|
"value": "С ме́рти ᲂу҆мерщвле́нїе, и҆ а҆́да, бл҃же, содѣ́лалъ є҆сѝ разрꙋше́нїе / тридне́внымъ погребе́нїемъ твои́мъ: / жи́знь же и҆сточи́лъ є҆сѝ бг҃олѣ́пнѡ воскре́съ, сꙋ́щымъ въ мі́рѣ, / і҆и҃се благі́й. [Два́жды.]"
|
|
},
|
|
{
|
|
"type": "TEXT",
|
|
"value": "И҆́нъ. Ѻ҆ц҃є́мъ:"
|
|
},
|
|
{
|
|
"type": "TEXT",
|
|
"value": "Н ра́въ страннолюби́въ, вѣ́ра же высока̀ а҆враа́ма сꙋ́ща пра́ѻц҃а: / тѣ́мже бжⷭ҇твенное та́инство ѻ҆бра́знѣ прїе́мъ ра́довашесѧ, / предъ хрⷭ҇то́мъ же текі́й ны́нѣ весели́тсѧ."
|
|
},
|
|
{
|
|
"type": "TEXT",
|
|
"value": "Т ва́рь повинꙋ̀ ны́нѣ вѣ́ра ѻ҆трокѡ́мъ, да́ромъ зижди́телѧ: / ѻ҆́гнь бо всеѧ́децъ и҆ безстꙋ́дный ᲂу҆стыдѣ́сѧ / чтꙋ́щихъ ѻ҆гнѧ̀ дѣ́лателѧ і҆и҃са хрⷭ҇та̀."
|
|
},
|
|
{
|
|
"type": "TEXT",
|
|
"value": "М і́ра свирѣ́пство прише́ствїемъ хрⷭ҇то́вымъ сочислѧ́тисѧ и҆з̾ѧвѝ, / къ ми́рꙋ глꙋбо́комꙋ бг҃олѣ́пнѡ, загради́въ ᲂу҆ста̀ львѡ́въ / данїи́лъ прⷪ҇ро́къ въ ро́вѣ и҆ногда̀."
|
|
},
|
|
{
|
|
"type": "TEXT",
|
|
"value": "Бг҃оро́диченъ: И҆зъ ложе́снъ родила̀ є҆сѝ дѣ́вственныхъ хрⷭ҇та̀, марі́е мт҃и безмꙋ́жнаѧ, / є҆го́же прⷪ҇ро́цы ви́дѣвше дꙋхо́внѣ, / тогѡ̀ предликовствꙋ́ютъ ны́нѣ ѻ҆ц҃ы̀ рожде́ствєннаѧ."
|
|
},
|
|
{
|
|
"type": "HEADER",
|
|
"value": "И҆́нъ. І҆рмо́съ:"
|
|
},
|
|
{
|
|
"type": "TEXT",
|
|
"value": "И҆зъ ᲂу҆тро́бы і҆ѡ́нꙋ:"
|
|
},
|
|
{
|
|
"type": "TEXT",
|
|
"value": "Н о́вое нб҃о сꙋ́щи, влⷣчце, и҆зъ ᲂу҆тро́бы твоеѧ̀, ꙗ҆́кѡ и҆зъ ѻ҆́блака, / хрⷭ҇та̀ сла́вы сл҃нца, возсїѧ́ти грѧде́ши въ верте́пѣ пло́тїю, / ꙗ҆́кѡ хотѧ́ща сїѧ́ньми свои́ми свѣ́тлѡ всѧ̑ земна̑ѧ и҆сполнє́нїѧ ѡ҆зари́ти за милосе́рдїе безмѣ́рное."
|
|
},
|
|
{
|
|
"type": "TEXT",
|
|
"value": "В и́дѣлъ є҆сѝ на́шꙋ болѣ́знь и҆ ѡ҆ѕлобле́нїе, ще́дрый хрⷭ҇тѐ, / и҆ не пре́зрилъ є҆сѝ на́съ, но и҆стощи́лъ є҆сѝ тебѐ сама́го, не ѿстꙋпи́въ роди́телѧ, / и҆ всели́лсѧ є҆сѝ во ᲂу҆тро́бꙋ неискꙋсобра́чнꙋю, / ꙗ҆́же неболѣ́зненнѡ роди́ти тѧ̀ пло́тїю въ верте́пѣ предгрѧде́тъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Го́ры и҆ хо́лми, полѧ̀ и҆ де́бри, / лю́дїе и҆ колѣ̑на, ꙗ҆зы́цы и҆ всѧ́кое дыха́нїе воскли́кните, / весе́лїѧ бжⷭ҇твеннагѡ и҆сполнѧ́еми: / прїи́де и҆ приспѣ̀ всѣ́хъ и҆збавле́нїе сло́во бж҃їе безлѣ́тное / подъ лѣ́томъ за милосе́рдїе бы́вшее."
|
|
},
|
|
{
|
|
"type": "TEXT",
|
|
"value": "Катава́сїа: И҆зъ ᲂу҆тро́бы і҆ѡ́нꙋ младе́нца и҆зблева̀ морскі́й ѕвѣ́рь, / ꙗ҆кова̀ прїѧ́тъ: / въ дв҃ꙋ же все́льшеесѧ сло́во, / и҆ пло́ть прїе́мше про́йде сохра́ншее нетлѣ́ннꙋ. / є҆гѡ́же бо не пострада̀ и҆стлѣ́нїѧ, / ро́ждшꙋю сохранѝ неврежде́ннꙋ."
|
|
},
|
|
{
|
|
"type": "HEADER",
|
|
"value": "А҆́ще внѣ̀ к҃-гѡ числа̀, конда́къ ѻ҆ц҃є́въ, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Р ꙋкопи́саннагѡ ѻ҆́браза не поче́тше, / но неѡпи́саннымъ сꙋщество́мъ защити́вшесѧ, требл҃же́ннїи, / въ по́двизѣ ѻ҆гнѧ̀ просла́вистесѧ: / средѣ́ же пла́мене нестерпи́магѡ стоѧ́ще, бг҃а призва́сте: / ᲂу҆скорѝ, ѽ ще́дрый! / и҆ потщи́сѧ, ꙗ҆́кѡ ми́лостивъ, въ по́мощь на́шꙋ, / ꙗ҆́кѡ мо́жеши хотѧ́й."
|
|
},
|
|
{
|
|
"type": "TEXT",
|
|
"value": "І҆́косъ: Прострѝ твою̀ рꙋ́кꙋ, / є҆́юже дре́вле прїѧ́ша и҆скꙋше́нїе є҆гѵ́птѧне борю́щїи и҆ є҆вре́и бори́мїи, / не ѡ҆ста́ви на́съ, да не пожре́тъ на́съ сме́рть жа́ждꙋщаѧ на́съ, / и҆ сатана̀ ненави́дѧй на́съ: / но прибли́жисѧ на́мъ, и҆ пощадѝ дꙋ́шы на́шѧ, / ꙗ҆́коже пощади́лъ є҆сѝ и҆ногда̀ ѻ҆́троки твоѧ̑, сꙋ́щыѧ въ вавѷлѡ́нѣ, / непреста́ннѡ сла́вѧщыѧ тѧ̀, / и҆ вве́ржєнныѧ тебє̀ ра́ди въ пе́щь, и҆ ѿ сеѧ̀ вопїю́щыѧ тѝ: / ᲂу҆скорѝ, ще́дрый, и҆ потщи́сѧ, ꙗ҆́кѡ ми́лостивъ, на по́мощь на́шꙋ, / ꙗ҆́кѡ мо́жеши хотѧ́й."
|
|
},
|
|
{
|
|
"type": "HEADER",
|
|
"value": "А҆́ще же внꙋ́трь предпра́зднства, конда́къ, гла́съ а҃. Подо́бенъ: Ли́къ а҆́гг҃льскїй:"
|
|
},
|
|
{
|
|
"type": "TEXT",
|
|
"value": "В есели́сѧ, виѳлее́ме, є҆ѵфра́ѳо, гото́висѧ: / се́ бо а҆́гница па́стырѧ вели́каго во ᲂу҆тро́бѣ носѧ́щи, є҆́же роди́ти тщи́тсѧ, / є҆го́же зрѧ́ще бг҃оно́снїи ѻ҆ц҃ы̀ веселѧ́тсѧ, / съ па́стырьми пою́ще дв҃ꙋ доѧ́щꙋю."
|
|
},
|
|
{
|
|
"type": "TEXT",
|
|
"value": "І҆́косъ: Твоегѡ̀ ржⷭ҇тва̀, дв҃о, свѣ́тлость зрѧ́ще сїѧ́ющꙋю, / а҆враа́мъ бг҃олюби́вый, і҆саа́къ приснопа́мѧтный, / і҆а́кѡвъ, и҆ ве́сь бг҃осо́бранный ли́къ свѧты́хъ ра́дꙋетсѧ, / и҆ тва́рь приведо́ша къ твоемꙋ̀ срѣ́тенїю ра́достными речє́нїи: / ра́дости бо хода́таица всѣ̑мъ ꙗ҆ви́ласѧ є҆сѝ, / во ᲂу҆тро́бѣ заче́ншаѧ и҆ногда̀ въ вавѷлѡ́нѣ ви́дѣннаго, / и҆ ѻ҆́троки, въ пе́щь непра́веднѣ вве́ржєнныѧ, неѡпа́льны соблю́дшаго, / и҆ тѧ̀ показа́вшаго па́че всѧ́кагѡ ра́зꙋма. / тѣ́мъ и҆ воспѣва́ютъ зри́маго въ рꙋка́хъ ю҆́ницы, / пою́ще дв҃ꙋ доѧ́щꙋю."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Неизрече́нное чꙋ́до, / въ пещѝ и҆зба́вивый прпⷣбныѧ ѻ҆́троки и҆зъ пла́мене, / во гро́бѣ ме́ртвъ бездыха́ненъ полага́етсѧ, / во спасе́нїе на́съ пою́щихъ: / и҆зба́вителю бж҃е, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Ѽ стра́ннагѡ чꙋдесѐ! / въ вы́шнихъ сѣдѧ́й на прⷭ҇то́лѣ гдⷭ҇ь, / то́йже прїѧ́тїемъ пло́ти сме́рть претерпѣ̀: / но воскр҃се бжⷭ҇тва̀ крѣ́постїю, / совоскреси́въ мє́ртвыѧ сꙋ́щыѧ ѿ вѣ́ка."
|
|
},
|
|
{
|
|
"type": "TEXT",
|
|
"value": "Т ы̀ сме́ртнꙋю крѣ́пость сотрѧсѐ, и҆ воскре́се, / воста́нїе даѧ̀ тебѐ вои́стиннꙋ гдⷭ҇а сла́вѧщымъ, / и҆ правосла́вною вѣ́рою тебѣ̀ вопїю́щымъ: / и҆зба́вителю бж҃е, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "И҆́нъ. Ѻ҆ц҃є́мъ:"
|
|
},
|
|
{
|
|
"type": "TEXT",
|
|
"value": "Х рⷭ҇та̀ роди́въ по пло́ти, вѣ́рою, / родонача́льниче ѻ҆́ч҃е а҆враа́ме, ꙗ҆ви́лсѧ є҆сѝ ꙗ҆зы́кѡвъ дꙋ́хомъ ѻ҆ц҃ъ ꙗ҆́вѣ, / во спасе́нїе на́съ пою́щихъ: / и҆зба́вителю бж҃е, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Б ездꙋ́шнаго шꙋ́ма вотщѐ восклица́ющаго, / ѡ҆дꙋшевле́нныхъ посрамѝ пѣ́снь: / пе́щь бо ѻ҆гне́мъ горѧ́щꙋю тѣлесы̀ попира́юще / ѻ҆́троцы невре́днѡ, и҆зба́вителю пою́тъ: / бж҃е, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "В идѣ́нїемъ воззрѣ́въ дꙋхо́внымъ прⷪ҇ро́къ дре́вле данїи́лъ, / хрⷭ҇то́во ꙗ҆вѝ второ́е прише́ствїе, / и҆ ꙗ҆̀же въ не́мъ стра̑шнаѧ предвозвѣща́етъ, вопїѧ̀: / и҆зба́вителю бж҃е, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Стра́нное чꙋ́до во прⷪ҇ро́цѣхъ повѣствꙋ́емое, и҆ ѻ҆ц҃є́мъ дре́вле ꙗ҆вле́нно, / дв҃а чⷭ҇таѧ роди́ти хотѧ́щи прїи́де, на спасе́нїе на́съ пѣснопою́щихъ: / и҆зба́вителю бж҃е, бл҃гослове́нъ є҆сѝ."
|
|
},
|
|
{
|
|
"type": "HEADER",
|
|
"value": "И҆́нъ. І҆рмо́съ:"
|
|
},
|
|
{
|
|
"type": "TEXT",
|
|
"value": "Ѻ҆́троцы благоче́стїю совоспита́ни:"
|
|
},
|
|
{
|
|
"type": "TEXT",
|
|
"value": "Л оза̀ бжⷭ҇твеннаѧ, нетлѣ́нный гро́здъ ᲂу҆зрѣ́ливши, / ближа́щисѧ и҆́детъ роди́ти, весе́лїѧ вїно̀ точа́щаго, / и҆ напоѧ́ющаго на́съ, є҆мꙋ̀ вопїю́щихъ. / ѻ҆тцє́въ на́шихъ бж҃е, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Б жⷭ҇твеннаѧ мѷрополо́жница благово́нное мѵ́ро внꙋ́трь носѧ́щи, / въ верте́пѣ виѳлее́мли и҆стощи́ти сїѐ грѧде́тъ, / благово́нїѧ та́инственнагѡ и҆сполнѧ́ющее пою́щыѧ: / ѻ҆тцє́въ бж҃е, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Клеща̀, ю҆́же и҆са́їа прⷪ҇ро́къ дре́вле ви́дѣ, / бжⷭ҇твенный ᲂу҆́гль, хрⷭ҇та̀ во чре́вѣ прихо́дитъ и҆мꙋ́щи, / всѧ́кꙋ ве́щь грѣхо́внꙋю попалѧ́ющїй, / вѣ́рныхъ же дꙋ́шы просвѣща́ющїи."
|
|
},
|
|
{
|
|
"type": "TEXT",
|
|
"value": "Катава́сїа: Ѻ҆́троцы бл҃гоче́стїю совоспита́ни, / ѕлочести́вагѡ велѣ́нїѧ небре́гше, / ѻ҆́гненнагѡ преще́нїѧ не ᲂу҆боѧ́шасѧ, / но посредѣ̀ пла́мене стоѧ́ще поѧ́хꙋ: / ѻ҆ц҃є́въ бж҃е, бл҃гослове́нъ є҆сѝ."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Оу҆жасни́сѧ боѧ́йсѧ нб҃о, / и҆ да подви́жатсѧ ѡ҆снова̑нїѧ землѝ: / се́ бо въ мертвецѣ́хъ вмѣнѧ́етсѧ въ вы́шнихъ живы́й, / и҆ во гро́бъ ма́лъ страннопрїе́млетсѧ. / є҆го́же ѻ҆́троцы благослови́те, / свѧще́нницы, воспо́йте, / лю́дїе, превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Ѽ неизрече́ннагѡ твоегѡ̀, хрⷭ҇тѐ, снизхожде́нїѧ на́съ ра́ди смире́нныхъ! / се́ бо сме́рти вкꙋси́въ, бг҃ъ безсме́ртенъ сы́й, / во гро́бѣ ꙗ҆́кѡ чл҃вѣ́къ положи́лсѧ є҆сѝ: / но воскре́слъ є҆сѝ, сло́ве, совоскреси́въ дѡ́льнѧѧ, / тебѐ превозносѧ́щыѧ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Оу҆ жасе́сѧ всѧ́къ слꙋ́хъ, / ка́кѡ вы́шнїй во́лею прїи́де на зе́млю, / а҆́довꙋ крѣ́пость разори́ти крⷭ҇то́мъ и҆ погребе́нїемъ, / и҆ всѧ̑ совозста́ви взыва́ти: / ѻ҆́троцы, благослови́те, свѧще́нницы, воспо́йте, / лю́дїе превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "И҆́нъ. Ѻ҆ц҃є́мъ:"
|
|
},
|
|
{
|
|
"type": "TEXT",
|
|
"value": "Т воѐ заколе́нїе пред̾из̾ѡбразꙋ́ѧ а҆враа́мъ, хрⷭ҇тѐ, / є҆го́же родѝ сы́на, на горѣ̀ повинꙋ́ѧсѧ тебѣ̀, влⷣко, / ꙗ҆́коже ѻ҆вча̀, взы́де пожре́ти хотѧ́й вѣ́рою: / но возврати́сѧ ра́дꙋѧсѧ съ ни́мъ, / и҆ сла́вѧ и҆ превозносѧ́ тѧ и҆зба́вителѧ мі́ра."
|
|
},
|
|
{
|
|
"type": "TEXT",
|
|
"value": "П ла́менемъ неꙋтрꙋжде́ннымъ, хрⷭ҇тѐ, ѡ҆блече́нꙋ тѝ ꙗ҆́кѡ ри́зою бжⷭ҇твенною, / ѻ҆́гнь ст҃ы́хъ ѻ҆́трѡкъ твои́хъ ᲂу҆гасѝ ѕѣлѡ̀, / и҆ роса̀ твои́мъ низхожде́нїемъ пою́щымъ шꙋмѧ́ше. / свѧще́нницы по́йте, и҆ превозноси́те є҆го̀ во вѣ́ки."
|
|
},
|
|
{
|
|
"type": "TEXT",
|
|
"value": "Д ае́тсѧ львѡ́мъ въ снѣ́дь сꙋдо́мъ непра́веднымъ прⷪ҇ро́къ данїи́лъ, / но и҆мѧ́ше, повелѣ́нїемъ воздержа́нїѧ, спо́стники благоче́стнѡ ѕвѣ́ри бо глꙋбинѣ̀ ро́вища: / тогѡ̀ моли́твами, а҆враа́ма же и҆ ѻ҆трокѡ́въ, / спасѝ въ ми́рѣ, хрⷭ҇тѐ, пою́щыѧ тѧ̀."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Є҆го́же провозвѣсти́ша вѣ́рнѡ прⷪ҇ро́честїи гла́си, / і҆и҃са є҆мманꙋ́ила, въ человѣ́честѣ ѻ҆́бразѣ грѧдꙋ́ща, / бж҃їѧ и҆ ѻ҆́ч҃а, сн҃а же и҆ собезнача́льное сло́во, / ѿ дх҃а ст҃а́гѡ дв҃а марі́а ражда́етъ неискꙋсомꙋ́жнѡ въ виѳлее́мѣ гра́дѣ."
|
|
},
|
|
{
|
|
"type": "HEADER",
|
|
"value": "И҆́нъ. І҆рмо́съ:"
|
|
},
|
|
{
|
|
"type": "TEXT",
|
|
"value": "Чꙋ́да преесте́ственнагѡ:"
|
|
},
|
|
{
|
|
"type": "TEXT",
|
|
"value": "С ла́ва въ вы́шнихъ бг҃ꙋ, со а҆́гг҃лы возопїи́мъ въ весе́лїи: / сп҃съ ражда́етсѧ, влⷣка прихо́дитъ, є҆го́же ѕвѣзда̀ показꙋ́етъ, / волсвѝ тща́тсѧ є҆го̀ въ ꙗ҆́слехъ ви́дѣти: / да благослови́тъ тва́рь всѧ̀ гдⷭ҇а, / и҆ превозно́ситъ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "С ъ рабы̑ написа́лсѧ є҆сѝ во́льнѡ, влⷣко, ке́саревꙋ повинꙋ́ѧсѧ зако́нꙋ: / ꙗ҆́кѡ да человѣ́чество ѿ рабо́ты лꙋка́вагѡ, бж҃е, свободи́ши, многоми́лостиве. / тѣ́мже ра́дꙋющесѧ воспѣва́емъ: / да бл҃гослови́тъ тва́рь всѧ̑ гдⷭ҇а / и҆ превозно́ситъ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Млⷣнца но́ва ношꙋ́ тѧ, безнача́льне сло́ве, / и҆скꙋ́са же мꙋ́жеска ѿню́дъ не позна́хъ, / дв҃а глаго́лаше недоꙋмѣва́ющисѧ. / кого̀ на землѝ воз̾именꙋ́ю твоего̀ ѻ҆ц҃а̀; не вѣ́мъ. / тѣ́мже со всѣ́ми воспѣва́ю тѝ: / да благослови́тъ тва́рь всѧ̀ гдⷭ҇а / и҆ превозно́ситъ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Катава́сїа: Чꙋ́да преесте́ственнагѡ / росода́тельнаѧ и҆з̾ѡбразѝ пе́щь ѻ҆́бразъ: / не бо̀ ꙗ҆̀же прїѧ́тъ пали́тъ ю҆́ныѧ, / ꙗ҆́кѡ нижѐ ѻ҆́гнь бж҃ества̀ дв҃ы, / въ ню́же вни́де ᲂу҆тро́бꙋ. / тѣ́мъ воспѣва́юще воспое́мъ: / да бл҃гослови́тъ тва́рь всѧ̀ гдⷭ҇а, / и҆ превозно́ситъ во всѧ̀ вѣ́ки."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Не рыда́й менє̀, мт҃и, / зрѧ́щи во гро́бѣ, / є҆го́же во чре́вѣ безъ сѣ́мене зачала̀ є҆сѝ сн҃а: / воста́нꙋ бо и҆ просла́влюсѧ, / и҆ вознесꙋ̀ со сла́вою непреста́ннѡ, ꙗ҆́кѡ бг҃ъ, / вѣ́рою и҆ любо́вїю тѧ̀ велича́ющыѧ."
|
|
},
|
|
{
|
|
"type": "TEXT",
|
|
"value": "Ч то̀ рыда́еши, тва́ре, на крⷭ҇тѣ̀ ви́дѧщи и҆ во гро́бѣ, жи́зни да́телѧ ꙗ҆́кѡ зе́млена; / воста́нетъ бо ѡ҆бновлѧ́ѧй тѧ̀ свѣ́тлѡ, / тридне́внымъ воскресе́нїемъ а҆́дъ низложѝ, / и҆ мє́ртвыѧ совоздви́гъ восхвалѧ́ющыѧ є҆го̀."
|
|
},
|
|
{
|
|
"type": "TEXT",
|
|
"value": "А҆́ ще и҆ во гро́бъ низше́лъ є҆сѝ ꙗ҆́кѡ ме́ртвъ, жизнода́вче, / но а҆́довꙋ крѣ́пость разори́лъ є҆сѝ, хрⷭ҇тѐ. / совоздви́гнꙋвъ мє́ртвыѧ, ꙗ҆̀же пре́жде пожрѐ, / и҆ воскресе́нїе по́далъ є҆сѝ, ꙗ҆́кѡ бг҃ъ, / вѣ́рою и҆ любо́вїю тѧ̀ велича́ющымъ."
|
|
},
|
|
{
|
|
"type": "TEXT",
|
|
"value": "И҆́нъ. Ѻ҆ц҃є́мъ:"
|
|
},
|
|
{
|
|
"type": "TEXT",
|
|
"value": "С ꙋ́щихъ пре́жде зако́на ѻ҆ц҃є́въ пра́здникъ соверша́юще, / ѿ ни́хъ бг҃олѣ́пнѡ почти́мъ хрⷭ҇та̀: / а҆враа́мъ бо, кꙋ́пнѡ и҆ і҆саа́къ и҆ і҆а́кѡвъ, прⷪ҇ро́кѡвъ и҆ зако́на ꙗ҆ви́шасѧ ѡ҆снова́нїе, / и҆ благода́ти вѣ́рою дх҃а проповѣ́дницы."
|
|
},
|
|
{
|
|
"type": "TEXT",
|
|
"value": "Ѻ҆ гне́мъ показа́вый мѡѷсе́ю въ кꙋпинѣ̀, па́че ᲂу҆ма̀ бг҃ови́днѣ та́инство бг҃ъ: / во ѻ҆́гнь къ дѣ́тємъ низше́дъ то́йже, / ѻ҆гне́мъ є҆сте́ственнымъ бжⷭ҇тва̀ є҆гѡ̀, пе́щный пла́мень ро́сꙋ показа̀."
|
|
},
|
|
{
|
|
"type": "TEXT",
|
|
"value": "С о а҆враа́момъ соше́дшесѧ прест҃і́и дѣ́ти, / и҆ данїи́лъ ди́вный прⷪ҇ро́къ бж҃їй, / і҆саа́къ и҆ і҆а́кѡвъ, съ мѡѷсе́емъ и҆ а҆арѡ́нъ, / хрⷭ҇то́ва пре́жде ржⷭ҇тва̀ ликовствꙋ́ютъ вѣ́рнѡ, / молѧ́щесѧ непреста́ннѡ во є҆́же спасти́сѧ на́мъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Сра́дꙋетсѧ всѧ̀ тва́рь твоемꙋ̀ ржⷭ҇твꙋ̀, дв҃о: / є҆де́ма бо виѳлее́мъ ѿве́рзе на́мъ. / и҆ сѐ дре́ва жи́зни всѝ наслажда́ющесѧ вѣ́рнѡ, вопїе́мъ прилѣ́жнѡ, / моли̑твы на́шѧ, влⷣчце, и҆спо́лни."
|
|
},
|
|
{
|
|
"type": "HEADER",
|
|
"value": "И҆́нъ. І҆рмо́съ:"
|
|
},
|
|
{
|
|
"type": "TEXT",
|
|
"value": "Та́инство стра́нное ви́жꙋ:"
|
|
},
|
|
{
|
|
"type": "TEXT",
|
|
"value": "Т а̑инства стра̑ннаѧ, стра̑шнаѧ и҆ пресла̑внаѧ: / сла́вы гдⷭ҇ь прїи́де на зе́млю, / и҆ въ верте́пъ ѡ҆бнища́въ вни́де пло́тїю, / а҆да́ма воззва́ти и҆щѧ̀, и҆ є҆́ѵꙋ болѣ́зней и҆зба́вити."
|
|
},
|
|
{
|
|
"type": "TEXT",
|
|
"value": "П елена́ми твои́ми рѣши́ши плєни́цы грѣхопаде́нїй: / мно́гою же нището́ю всѧ̑ ѡ҆богаща́еши, ще́дре, / безслове́сныѧ ѕло́бы, поло́жсѧ въ ꙗ҆́сли безслове́сныхъ, человѣ́ки и҆змѣнѧ́еши, / бж҃їй сло́ве пребезнача́льне."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Про́пѡвѣди прⷪ҇ро́чєскїѧ коне́цъ прїѧ́ша: / є҆го́же бо прореко́ша преитѝ въ сконча́нїе лѣ́тъ, / прїи́де и҆ ꙗ҆ви́сѧ и҆зъ чи́стыѧ дв҃ы воплоща́емь, / того̀ мы́слїю чи́стою прїи́мемъ."
|
|
},
|
|
{
|
|
"type": "TEXT",
|
|
"value": "Катава́сїа: Та́инство стра́нное ви́жꙋ и҆ пресла́вное: / нб҃о, верте́пъ: престо́лъ херꙋві́мскїй, дв҃ꙋ: / ꙗ҆́сли, вмѣсти́лище, / въ ни́хже возлежѐ невмѣсти́мый хрⷭ҇то́съ бг҃ъ, / є҆го́же воспѣва́юще велича́емъ."
|
|
},
|
|
{
|
|
"type": "HEADER",
|
|
"value": "Свѣти́ленъ воскрⷭ҇нъ, Сла́ва, ѻ҆ц҃є́въ. Подо́бенъ: Оу҆ченикѡ́мъ:"
|
|
},
|
|
{
|
|
"type": "TEXT",
|
|
"value": "П атрїа́рхѡвъ и҆збра́ннїи, и҆ пре́жде зако́на ѻ҆ц҃ы̀ вѣ́рою предвозсїѧ́ша, / а҆враа́мъ, і҆саа́къ же и҆ і҆а́кѡвъ, ꙗ҆́кѡ свѣти́льницы: / вси́ бо прⷪ҇ро́цы и҆ пра́вєдницы возсїѧ́вша ѿ ни́хъ, ꙗ҆́кѡ свѣщы̀ свѣтови̑дныѧ, / и҆ тва́рь всю̀ лꙋча́ми просвѣти́ша честна́гѡ проро́чества, / и҆ прилѣ́жнѡ мо́лѧтсѧ къ бг҃ꙋ ѡ҆ ми́рѣ."
|
|
},
|
|
{
|
|
"type": "TEXT",
|
|
"value": "И҆ ны́нѣ: А҆́гница нескве́рнаѧ, а҆́гнца ро́ждшаѧ сло́ва пребезнача́льнаго въ послѣ̑днѧѧ времена̀, / бѧ́ше сїѐ чꙋ́дно, а҆да́мова внꙋ́ка и҆ дв҃дова по достоѧ́нїю: / є҆ѧ́же несказа́нное рождество̀ ѻ҆ц҃є́въ мно́жество предпра́зднствꙋетъ досто́йнѡ."
|
|
},
|
|
{
|
|
"type": "HEADER",
|
|
"value": "А҆́ще же въ к҃д-й де́нь: воскрⷭ҇нъ свѣти́ленъ не глаго́летсѧ, но ѻ҆ц҃є́въ:"
|
|
},
|
|
{
|
|
"type": "TEXT",
|
|
"value": "Ѿ сѣ́мене вво́дитсѧ а҆враа́млѧ, / и҆ бжⷭ҇твеннагѡ дв҃да бг҃оѻтца̀, пребезнача́льное сло́во, / и҆́же ѻ҆́троки равночи́слєнныѧ пе́рвѣе трⷪ҇цѣ, / чꙋ́днѡ а҆́гг҃ла сше́ствїемъ и҆зъ пла́мене спасы́й, / и҆ рыда́нїе въ ра́дость преложи́вый же́нъ."
|
|
},
|
|
{
|
|
"type": "TEXT",
|
|
"value": "Сла́ва: Патрїа́рхѡвъ и҆збра́ннїи, и҆ пре́жде зако́на ѻ҆ц҃ы̀ вѣ́рою предвозсїѧ́ша, / а҆враа́мъ, і҆саа́къ же и҆ і҆а́кѡвъ, ꙗ҆́кѡ свѣти́льницы: / вси́ бо прⷪ҇ро́цы и҆ пра́вєдницы возсїѧ́вша ѿ ни́хъ, ꙗ҆́кѡ свѣщы̀ свѣтови̑дныѧ, / и҆ тва́рь всю̀ лꙋча́ми просвѣти́ша честна́гѡ проро́чества, / и҆ прилѣ́жнѡ мо́лѧтсѧ къ бг҃ꙋ ѡ҆ ми́рѣ."
|
|
},
|
|
{
|
|
"type": "TEXT",
|
|
"value": "И҆ ны́нѣ: Весели́сѧ, виѳлее́ме, и҆ ты̀, є҆ѵфра́ѳо, гото́висѧ: / бцⷣа бо прихо́дитъ въ верте́пѣ и҆ ꙗ҆́слехъ роди́ти бг҃а неизрече́ннѡ: / ѽ стра́шнагѡ та́инства! / є҆гѡ́же ны́нѣ бжⷭ҇твенное ржⷭ҇тво̀ а҆враа́мъ, і҆саа́къ же и҆ і҆а́кѡвъ, / патрїа́рси всѝ и҆ прⷪ҇ро́цы свѣ́тлѡ предпра́зднꙋютъ, / и҆ человѣ́цы со а҆́гг҃лы."
|
|
},
|
|
{
|
|
"type": "HEADER",
|
|
"value": "На хвали́техъ стїхи̑ры воскрⷭ҇ны, д҃: и҆ ѻ҆ц҃є́въ, д҃: Стїхи̑ры ѻ҆ц҃є́въ, гла́съ є҃. Подо́бенъ: Ра́дꙋйсѧ, по́стникѡвъ:"
|
|
},
|
|
{
|
|
"type": "TEXT",
|
|
"value": "В озвы́си тво́й гла́съ и҆́стиннѡ, / сїѡ́не, бжⷭ҇твенный гра́де, / и҆ проповѣ́ждь ѻ҆ц҃є́въ бжⷭ҇твеннꙋю па́мѧть, / со а҆враа́момъ і҆саа́ка и҆ і҆а́кѡва почита́юще присносла́внаго, / сѐ со і҆ꙋ́дою и҆ леѵі́емъ велича́емъ мѡѷсе́а вели́каго, и҆ а҆арѡ́на чꙋ́днаго, / и҆ почита́емъ съ дв҃домъ і҆исꙋ́са, и҆ самꙋи́ла всѝ. / предпра́зднествꙋ хрⷭ҇то́вꙋ бжⷭ҇твеннꙋю похвалꙋ̀ / пѣ́сньми бжⷭ҇твенными пле́щꙋще, / ꙗ҆́же ѿ негѡ̀ благода́ть ᲂу҆лꙋчи́ти про́симъ, / и҆ мі́рꙋ дарова́ти ве́лїю ми́лость. [Два́жды.]"
|
|
},
|
|
{
|
|
"type": "TEXT",
|
|
"value": "Сті́хъ: Бл҃гослове́нъ є҆сѝ, гдⷭ҇и бж҃е ѻ҆ц҃ъ на́шихъ, / и҆ хва́льно и҆ просла́влено и҆́мѧ твоѐ во вѣ́ки."
|
|
},
|
|
{
|
|
"type": "TEXT",
|
|
"value": "Г рѧдѝ, на ѻ҆́гненнꙋю и҆ногда̀ возсѣ́дый, и҆лїѐ, бжⷭ҇твеннꙋю колесни́цꙋ, / и҆ бг҃омꙋ́дре є҆лїссе́е, со є҆зекі́ею во є҆ди́но, / ѡ҆сі́е, кꙋ́пнѡ сра́дꙋйтесѧ: / честна́ѧ же двоенадесѧ́тице прⷪ҇ро́кѡвъ бг҃одохнове́ннаѧ, / рождествꙋ̀ хрⷭ҇то́вꙋ сликовствꙋ́йте, / и҆ въ пѣ́снехъ всѝ пра́веднїи воспо́йте, / ѻ҆́троцы всеблаже́ннїи, / росо́ю дх҃а ᲂу҆гаси́вшїи пла́мень пе́щный, / ѡ҆ на́съ моли́те хрⷭ҇та̀, / низпосла́ти дꙋша́мъ на́шымъ ве́лїю ми́лость."
|
|
},
|
|
{
|
|
"type": "TEXT",
|
|
"value": "Сті́хъ: Ꙗ҆́кѡ првⷣнъ є҆сѝ ѡ҆ всѣ́хъ, / ꙗ҆̀же сотвори́лъ є҆сѝ на́мъ."
|
|
},
|
|
{
|
|
"type": "TEXT",
|
|
"value": "Ꙗ҆ ви́сѧ, ꙗ҆́же ѿ вѣ́ка на землѝ / проповѣ́даемаѧ прⷪ҇рѡ́ки въ вѣща́нїихъ, дв҃а бцⷣа: / ю҆́же патрїа́рси мꙋ́дрїи, и҆ пра́ведныхъ собо́ри возвѣща́ютъ, / съ ни́ми же сликовствꙋ́етъ и҆ же́нъ благолѣ́пїе: / са́рра, реве́кка, рахи́ль, и҆ а҆́нна же, / и҆ сла́внаѧ марїа́мъ мѡѷсе́ева кꙋ́пнѡ. / съ си́ми сра́дꙋютсѧ и҆ мі́ра концы̀, / всѧ̀ тва́рь почита́етъ, / ꙗ҆́кѡ зижди́тель всѣ́хъ и҆ бг҃ъ прихо́дитъ пло́тїю роди́тисѧ, / и҆ дарова́ти на́мъ ве́лїю ми́лость."
|
|
},
|
|
{
|
|
"type": "TEXT",
|
|
"value": "Сла́ва, гла́съ и҃: Зако́нныхъ ᲂу҆че́нїй сосло́вїе / во пло́ти ꙗ҆влѧ́етъ хрⷭ҇то́во бжⷭ҇твенное ржⷭ҇тво̀, / пре́жде зако́на бл҃года́ть благовѣствꙋ́ющыѧ, / ꙗ҆́кѡ па́че зако́на въ вѣ́рѣ сꙋ́щыѧ: / тѣ́мже тлѣ́нїѧ и҆змѣне́нїю сꙋ́щꙋ хода́тайственно, / во а҆́дѣ держи̑мымъ дꙋша́мъ предпроповѣ́дахꙋ воскресе́нїѧ ра́ди: / гдⷭ҇и, сла́ва тебѣ̀."
|
|
},
|
|
{
|
|
"type": "HEADER",
|
|
"value": "И҆́ны стїхи̑ры, є҆гда̀ не пое́тсѧ воскрⷭ҇но. Гла́съ д҃: Подо́бенъ: Зва́нный свы́ше:"
|
|
},
|
|
{
|
|
"type": "TEXT",
|
|
"value": "И҆ са́їи гла́съ и҆сполнѧ́етсѧ: / се́ бо дв҃а неѡб̾ѧ́тнаго, / ѡ҆писꙋ́емаго пло́тїю / во ᲂу҆тро́бѣ но́ситъ, / и҆ пресла́внѡ роди́ти прихо́дитъ. / бг҃опрїѧ́тный верте́пе, ᲂу҆краси́сѧ, / виѳлее́ме, ᲂу҆гото́висѧ: / цр҃ь бо тѧ̀ и҆зво́ли во ѻ҆би́телище. / прїими́те ꙗ҆́сли / повива́ема млⷣнца хрⷭ҇та̀, / хотѧ́ща рѣши́ти плени̑цы согрѣше́нїй человѣ́кѡвъ бла́гостїю."
|
|
},
|
|
{
|
|
"type": "TEXT",
|
|
"value": "Н аписа́всѧ съ рабы̑ влⷣка, / прегрѣше́нїй рꙋкописа́нїе раздра́ти хотѧ̀, / и҆ написа́ти всѧ̑ въ кни́зѣ живꙋ́щихъ, / ᲂу҆мерщвлє́нныѧ ᲂу҆краде́нїемъ ѕмі́ѧ. / дв҃а же но́ситъ тѧ̀ всѧ̑ носѧ́щаго, / пло́тїю ме́ртвенною ѡ҆бложе́на, / и҆ всели́тисѧ въ ма́лый верте́пъ благоволи́вшаго. / є҆го́же ро́ждшасѧ / чи́ни го́рнїи а҆́гг҃льстїи восхвали́ша, съ бжⷭ҇твенными па̑стыри, / дивѧ́щесѧ держа́вѣ твое́й."
|
|
},
|
|
{
|
|
"type": "TEXT",
|
|
"value": "С вѣ́тлый же и҆ ѡ҆дꙋшевле́нный ѻ҆́блакъ, / до́ждь носѧ́щи нбⷭ҇ный, / се́й на зе́млю ны́нѣ предгрѧде́тъ пролїѧ́ти, / ꙗ҆́кѡ да напои́тъ землѝ лицѐ. / весна̀ бл҃года́ти, / мы́сленнаѧ ла́стовица, / внꙋ́трь во ᲂу҆тро́бѣ держа́щи, / неизглаго́ланнымъ сло́вомъ ражда́етъ, / зи́мꙋ безбо́жнꙋю разорѧ́ющи: / пала́та чи́стаѧ и҆ нескве́рнаѧ, / цр҃ѧ̀ въ верте́пъ / привноша́етъ воплоща́емаго."
|
|
},
|
|
{
|
|
"type": "TEXT",
|
|
"value": "Сла́ва, гла́съ и҃: Зако́нныхъ ᲂу҆че́нїй сосло́вїе / во пло́ти ꙗ҆влѧ́етъ хрⷭ҇то́во бжⷭ҇твенное ржⷭ҇тво̀, / пре́жде зако́на бл҃года́ть благовѣствꙋ́ющыѧ, / ꙗ҆́кѡ па́че зако́на въ вѣ́рѣ сꙋ́щыѧ: / тѣ́мже тлѣ́нїѧ и҆змѣне́нїю сꙋ́щꙋ хода́тайственно, / во а҆́дѣ держи̑мымъ дꙋша́мъ предпроповѣ́дахꙋ воскресе́нїѧ ра́ди: / гдⷭ҇и, сла́ва тебѣ̀."
|
|
},
|
|
{
|
|
"type": "TEXT",
|
|
"value": "И҆ ны́нѣ: Пребл҃гослове́нна є҆сѝ:"
|
|
},
|
|
{
|
|
"type": "TEXT",
|
|
"value": "Славосло́вїе вели́кое. По трист҃о́мъ: тропа́рь воскрⷭ҇нъ:"
|
|
},
|
|
{
|
|
"type": "TEXT",
|
|
"value": "Є҆ктєнїѝ: и҆ ѿпꙋ́стъ. Стїхи́рꙋ же є҆ѵⷢ҇льскꙋю пое́мъ въ притво́рѣ, и҆ ча́съ а҃, и҆ соверше́нный ѿпꙋ́стъ."
|
|
},
|
|
{
|
|
"type": "HEADER",
|
|
"value": "На лїтꙋргі́и."
|
|
},
|
|
{
|
|
"type": "TEXT",
|
|
"value": "Блажє́нна гла́са на ѕ҃: и҆ ѻ҆ц҃є́въ пѣ́снь г҃-ѧ на д҃."
|
|
},
|
|
{
|
|
"type": "HEADER",
|
|
"value": "По вхо́дѣ тропа́рь воскрⷭ҇нъ, И҆ ѻ҆ц҃є́въ, гла́съ в҃:"
|
|
},
|
|
{
|
|
"type": "TEXT",
|
|
"value": "В є́лїѧ вѣ́ры и҆справлє́нїѧ, / во и҆сто́чницѣ пла́мене ꙗ҆́кѡ на водѣ̀ ᲂу҆покое́нїѧ, / ст҃і́и трїѐ ѻ҆́троцы ра́довахꙋсѧ: / и҆ прⷪ҇ро́къ данїи́лъ львѡ́мъ па́стырь ꙗ҆́кѡ ѻ҆вца́мъ ꙗ҆влѧ́шесѧ. / тѣ́хъ моли́твами, хрⷭ҇тѐ бж҃е, спасѝ дꙋ́шы на́шѧ."
|
|
},
|
|
{
|
|
"type": "HEADER",
|
|
"value": "И҆ тропа́рь предпра́зднства, гла́съ д҃:"
|
|
},
|
|
{
|
|
"type": "TEXT",
|
|
"value": "Г ото́висѧ, виѳлее́ме, / ѿве́рзисѧ всѣ̑мъ, є҆де́ме, / красꙋ́йсѧ, є҆ѵфра́ѳо, / ꙗ҆́кѡ дре́во живота̀ въ верте́пѣ процвѣтѐ ѿ дв҃ы: / ра́й бо ѻ҆́ноѧ чре́во ꙗ҆ви́сѧ мы́сленный, / въ не́мже бжⷭ҇твенный са́дъ: / ѿ негѡ́же ꙗ҆́дше жи́ви бꙋ́демъ, / не ꙗ҆́коже а҆да́мъ ᲂу҆́мремъ. / хрⷭ҇то́съ ражда́етсѧ, пре́жде па́дшїй возста́вити ѻ҆́бразъ."
|
|
},
|
|
{
|
|
"type": "HEADER",
|
|
"value": "И҆лѝ тропа́рь предпра́зднства, гла́съ д҃:"
|
|
},
|
|
{
|
|
"type": "TEXT",
|
|
"value": "Н аписова́шесѧ и҆ногда̀ со ста́рцемъ і҆ѡ́сифомъ, / ꙗ҆́кѡ ѿ сѣ́мене дв҃дова, / въ виѳлее́мѣ марїа́мъ: / чревоносѧ́щи безсѣ́менное рожде́нїе: / наста́ же вре́мѧ ржⷭ҇тва̀, / и҆ мѣ́сто ни є҆ди́ноже бѣ̀ ѻ҆бита́лищꙋ: / но ꙗ҆́коже кра́снаѧ пала́та, / верте́пъ цр҃и́цѣ показа́шесѧ. / хрⷭ҇то́съ ражда́етсѧ, пре́жде па́дшїй воскреси́ти ѻ҆́бразъ."
|
|
},
|
|
{
|
|
"type": "HEADER",
|
|
"value": "А҆́ще внѣ̀ к҃-гѡ числа̀, Сла́ва, и҆ ны́нѣ, конда́къ ѻ҆ц҃є́въ, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Р ꙋкопи́саннагѡ ѻ҆́браза не поче́тше, / но неѡпи́саннымъ сꙋщество́мъ защити́вшесѧ, требл҃же́ннїи, / въ по́двизѣ ѻ҆гнѧ̀ просла́вистесѧ: / средѣ́ же пла́мене нестерпи́магѡ стоѧ́ще, бг҃а призва́сте: / ᲂу҆скорѝ, ѽ ще́дрый! / и҆ потщи́сѧ, ꙗ҆́кѡ ми́лостивъ, въ по́мощь на́шꙋ, / ꙗ҆́кѡ мо́жеши хотѧ́й."
|
|
},
|
|
{
|
|
"type": "HEADER",
|
|
"value": "А҆́ще же внꙋ́трь предпра́зднства, Сла́ва, и҆ ны́нѣ, конда́къ, гла́съ а҃. Подо́бенъ: Ли́къ а҆́гг҃льскїй:"
|
|
},
|
|
{
|
|
"type": "TEXT",
|
|
"value": "В есели́сѧ, виѳлее́ме, є҆ѵфра́ѳо, гото́висѧ: / се́ бо а҆́гница па́стырѧ вели́каго во ᲂу҆тро́бѣ носѧ́щи, є҆́же роди́ти тщи́тсѧ, / є҆го́же зрѧ́ще бг҃оно́снїи ѻ҆ц҃ы̀ веселѧ́тсѧ, / съ па́стырьми пою́ще дв҃ꙋ доѧ́щꙋю."
|
|
},
|
|
{
|
|
"type": "HEADER",
|
|
"value": "Прокі́менъ, гла́съ д҃, пѣ́снь ѻ҆ц҃є́въ:"
|
|
},
|
|
{
|
|
"type": "TEXT",
|
|
"value": "Б л҃гослове́нъ є҆сѝ, гдⷭ҇и бж҃е ѻ҆ц҃ъ на́шихъ, / и҆ хва́льно и҆ просла́влено и҆́мѧ твоѐ во вѣ́ки. Сті́хъ: Ꙗ҆́кѡ првⷣнъ є҆сѝ ѡ҆ всѣ́хъ, ꙗ҆̀же сотвори́лъ є҆сѝ на́мъ."
|
|
},
|
|
{
|
|
"type": "HEADER",
|
|
"value": "А҆пⷭ҇лъ къ є҆вре́ємъ, зача́ло тк҃и."
|
|
},
|
|
{
|
|
"type": "TEXT",
|
|
"value": "Б ра́тїе, вѣ́рою прїи́де а҆враа́мъ на зе́млю ѡ҆бѣтова́нїѧ, ꙗ҆́коже на чꙋ́ждꙋ, въ кро́вы всели́сѧ, со і҆саа́комъ и҆ і҆а́кѡвомъ, снаслѣ́дникома ѡ҆бѣтова́нїѧ тогѡ́жде. жда́ше бо ѡ҆снова́нїѧ и҆мꙋ́щагѡ гра́да, є҆мꙋ́же хꙋдо́жникъ и҆ содѣ́тель бг҃ъ. вѣ́рою приведѐ а҆враа́мъ і҆саа́ка, и҆скꙋша́емь: и҆ є҆диноро́днаго приноша́ше, ѻ҆бѣтова̑нїѧ прїе́мый. къ немꙋ́же глаго́лано бы́сть: ꙗ҆́кѡ ѡ҆ і҆саа́цѣ нарече́тъ ти сѧ сѣ́мѧ. помы́сливъ, ꙗ҆́кѡ и҆ и҆з̾ ме́ртвыхъ воскреси́ти си́ленъ є҆́сть бг҃ъ: тѣ́мже того̀ и҆ въ при́тчи прїѧ́тъ. вѣ́рою ѡ҆ грѧдꙋ́щихъ бл҃гословѝ і҆саа́къ і҆а́кѡва, и҆ и҆са́ѵа. вѣ́рою, і҆а́кѡвъ ᲂу҆мира́ѧ, коего́ждо сы́на і҆ѡ́сифова бл҃гословѝ, и҆ поклони́сѧ на ве́рхъ жезла̀ є҆гѡ̀. вѣ́рою, і҆ѡ́сифъ ᲂу҆мира́ѧ, ѡ҆ и҆схожде́нїи сынѡ́въ і҆и҃левыхъ па́мѧтствова, и҆ ѡ҆ косте́хъ свои́хъ заповѣ́да. вѣ́рою мѡѷсе́й роди́всѧ, сокрове́нъ бы́сть трѝ мцⷭ҇ы ѿ ѻ҆тє́цъ свои́хъ: занѐ ви́дѣша красно̀ ѻ҆троча̀, и҆ не ᲂу҆боѧ́шасѧ повелѣ́нїѧ царе́ва. и҆ что̀ є҆щѐ глаго́лю; не доста́нетъ бо мѝ повѣствꙋ́ющꙋ лѣ́та, ѡ҆ гедеѡ́нѣ, вара́цѣ же и҆ самѱѡ́нѣ, и҆ і҆ефѳа́и: ѡ҆ дв҃дѣ же, и҆ самꙋи́лѣ, и҆ ѡ҆ дрꙋги́хъ проро́цѣхъ: и҆́же вѣ́рою побѣди́ша ца́рствїѧ, содѣ́ѧша пра́вдꙋ, полꙋчи́ша ѡ҆бѣтова̑нїѧ, загради́ша ᲂу҆ста̀ львѡ́въ: ᲂу҆гаси́ша си́лꙋ ѻ҆́гненнꙋю, и҆збѣго́ша ѻ҆́стреѧ меча̀, возмого́ша ѿ не́мощи, бы́ша крѣ́пцы во бране́хъ, ѡ҆брати́ша въ бѣ́гство полкѝ чꙋжи́хъ. прїѧ́ша жєны̀ ѿ воскресе́нїѧ мє́ртвыѧ своѧ̀: и҆ні́и же и҆збїе́ни бы́ша, не прїе́мше и҆збавле́нїѧ, да лꙋ́чшее воскрⷭ҇нїе ᲂу҆лꙋча́тъ: дрꙋзі́и же рꙋга́нїемъ и҆ ра́нами и҆скꙋше́нїе прїѧ́ша, є҆ще́ же и҆ ᲂу҆́зъ и҆ темни́цъ. ка́менїемъ побїе́ни бы́ша, претре́ни бы́ша, и҆скꙋше́ни бы́ша, ᲂу҆бі́йствомъ меча̀ ᲂу҆мро́ша: проидо́ша въ ми́лѡтехъ, и҆ въ ко́зїѧхъ ко́жахъ, лише́ни, скорбѧ́ще, ѡ҆ѕло́блени: и҆́хже не бѣ̀ досто́инъ ве́сь мі́ръ, въ пꙋсты́нѧхъ скита́ющесѧ, и҆ въ гора́хъ, и҆ въ верте́пахъ, и҆ въ про́пастехъ земны́хъ. и҆ сі́и всѝ послꙋ́шествовани бы́вше вѣ́рою, не прїѧ́ша ѡ҆бѣтова́нїѧ: бг҃ꙋ лꙋ́чшее что̀ ѡ҆ на́съ предзрѣ́вшꙋ, да не без̾ на́съ соверше́нство прїи́мꙋтъ."
|
|
},
|
|
{
|
|
"type": "HEADER",
|
|
"value": "А҆ллилꙋ́їа, гла́съ д҃."
|
|
},
|
|
{
|
|
"type": "TEXT",
|
|
"value": "Сті́хъ: Бж҃е, ᲂу҆ши́ма на́шима ᲂу҆слы́шахомъ, и҆ ѻ҆ц҃ы̀ на́ши возвѣсти́ша на́мъ. Сті́хъ: Спа́слъ є҆сѝ на́съ ѿ стꙋжа́ющихъ на́мъ, и҆ ненави́дѧщыѧ на́съ посрами́лъ є҆сѝ."
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе ѿ матѳе́а, зача́ло а҃."
|
|
},
|
|
{
|
|
"type": "TEXT",
|
|
"value": "К ни́га родства̀ і҆и҃са хрⷭ҇та̀, сн҃а дв҃дова, сн҃а а҆враа́млѧ. а҆враа́мъ родѝ і҆саа́ка. і҆саа́къ же родѝ і҆а́кѡва. і҆а́кѡвъ же родѝ і҆ꙋ́дꙋ, и҆ бра́тїю є҆гѡ̀. і҆ꙋ́да же родѝ фаре́са и҆ за́ра ѿ ѳама́ры. фаре́съ же родѝ є҆срѡ́ма. є҆срѡ́мъ же родѝ а҆ра́ма. а҆ра́мъ же родѝ а҆мїнада́ва. а҆мїнада́въ же родѝ наассѡ́на. наассѡ́нъ же родѝ салмѡ́на. салмѡ́нъ же родѝ воо́за ѿ раха́вы. воо́зъ же родѝ ѡ҆ви́да ѿ рꙋ́ѳы. ѡ҆ви́дъ же родѝ і҆ессе́а. і҆ессе́й же родѝ дв҃да цр҃ѧ̀. дв҃дъ же цр҃ь родѝ соломѡ́на ѿ ᲂу҆рі́ины. соломѡ́нъ же родѝ ровоа́ма. ровоа́мъ же родѝ а҆ві́а. а҆ві́а же родѝ а҆́са. а҆́са же родѝ і҆ѡсафа́та. і҆ѡсафа́тъ же родѝ і҆ѡра́ма. і҆ѡра́мъ же родѝ ѻ҆зі́ю. ѻ҆зі́а же родѝ і҆ѡаѳа́ма. і҆ѡаѳа́мъ же родѝ а҆ха́за. а҆ха́зъ же родѝ є҆зекі́ю. є҆зекі́а же родѝ манассі́ю. манассі́а же родѝ а҆мѡ́на. а҆мѡ́нъ же родѝ і҆ѡсі́ю. і҆ѡсі́а же родѝ і҆ехо́нїю, и҆ бра́тїю є҆гѡ̀, въ преселе́нїе вавѷлѡ́нское. по преселе́нїи же вавѷлѡ́нстѣмъ, і҆ехо́нїа родѝ салаѳі́илѧ. салаѳі́иль же родѝ зорова́велѧ. зорова́вель же родѝ а҆вїꙋ́да. а҆вїꙋ́дъ же родѝ є҆лїакі́ма. є҆лїакі́мъ же родѝ а҆зѡ́ра. а҆зѡ́ръ же родѝ садѡ́ка. садѡ́къ же родѝ а҆хі́ма. а҆хі́мъ же родѝ є҆лїꙋ́да. є҆лїꙋ́дъ же родѝ є҆леаза́ра. є҆леаза́ръ же родѝ матѳа́на. матѳа́нъ же родѝ і҆а́кѡва. і҆а́кѡвъ же родѝ і҆ѡ́сифа, мꙋ́жа мр҃і́ина, и҆з̾ неѧ́же роди́сѧ і҆и҃съ, глаго́лемый хрⷭ҇то́съ. всѣ́хъ же родѡ́въ ѿ а҆враа́ма до дв҃да, ро́дове четырена́десѧте, и҆ ѿ дв҃да до преселе́нїѧ вавѷлѡ́нскагѡ, ро́дове четырена́десѧте, и҆ ѿ преселе́нїѧ вавѷлѡ́нскагѡ до хрⷭ҇та̀, ро́дове четырена́десѧте. і҆и҃съ хрⷭ҇то́во ржⷭ҇тво̀ си́це бѣ̀: ѡ҆брꙋче́ннѣй ᲂу҆́бѡ бы́вши мт҃ри є҆гѡ̀ мр҃і́и і҆ѡ́сифови, пре́жде да́же не сни́тисѧ и҆́ма, ѡ҆брѣ́тесѧ и҆мꙋ́щи во чре́вѣ ѿ дх҃а ст҃а. і҆ѡ́сифъ же мꙋ́жъ є҆ѧ̀ пра́веденъ сы́й и҆ не хотѧ̀ є҆ѧ̀ ѡ҆бличи́ти, восхотѣ̀ та́й пꙋсти́ти ю҆̀. сїѧ̑ же є҆мꙋ̀ помы́слившꙋ, сѐ а҆́гг҃лъ гдⷭ҇нь во снѣ̀ ꙗ҆ви́сѧ є҆мꙋ̀, глаго́лѧ: і҆ѡ́сифе сы́не дв҃довъ, не ᲂу҆бо́йсѧ прїѧ́ти марїа́мъ жены̀ твоеѧ̀: ро́ждшее бо сѧ въ не́й ѿ дх҃а є҆́сть ст҃а. роди́тъ же сн҃а, и҆ нарече́ши и҆́мѧ є҆мꙋ̀ і҆и҃съ, то́й бо спасе́тъ лю́ди своѧ̀ ѿ грѣ̑хъ и҆́хъ. сїе́ же всѐ бы́сть, да сбꙋ́детсѧ рече́нное ѿ гдⷭ҇а проро́комъ, глаго́лющимъ: сѐ дв҃а во чре́вѣ прїи́метъ, и҆ роди́тъ сн҃а, и҆ нарекꙋ́тъ и҆́мѧ є҆мꙋ̀ є҆мманꙋ́илъ, є҆́же є҆́сть сказа́емо, съ на́ми бг҃ъ. воста́въ же і҆ѡ́сифъ ѿ сна̀, сотворѝ ꙗ҆́коже повелѣ̀ є҆мꙋ̀ а҆́гг҃лъ гдⷭ҇нь: и҆ прїѧ́тъ женꙋ̀ свою̀, и҆ не зна́ѧше є҆ѧ̀, до́ндеже родѝ сн҃а своего̀ пе́рвенца, и҆ наречѐ и҆́мѧ є҆мꙋ̀ і҆и҃съ."
|
|
},
|
|
{
|
|
"type": "HEADER",
|
|
"value": "Прича́стенъ:"
|
|
},
|
|
{
|
|
"type": "TEXT",
|
|
"value": "Х вали́те гдⷭ҇а съ нб҃съ, / хвали́те є҆го̀ въ вы́шнихъ. И҆ дрꙋгі́й: Ра́дꙋйтесѧ, првⷣнїи, ѡ҆ гдⷭ҇ѣ: / пра̑вымъ подоба́етъ похвала̀. / А҆ ллилꙋ́їа, три́жды."
|
|
}
|
|
] |