554 lines
55 KiB
JSON
554 lines
55 KiB
JSON
[
|
|
{
|
|
"type": "HEADER",
|
|
"value": "Мѣ́сѧца ѻ҆ктѡ́врїа по а҃і-мъ днѝ. Ст҃ы́хъ ѻ҆тє́цъ тѯ҃є, и҆̀же на седмо́мъ вселе́нскомъ собо́рѣ, въ нїке́и собра́вшихсѧ."
|
|
},
|
|
{
|
|
"type": "TEXT",
|
|
"value": "ⷤ На вели́цѣй вече́рни ⷤ На ᲂу҆́трени ⷤ На лїтꙋргі́и"
|
|
},
|
|
{
|
|
"type": "TEXT",
|
|
"value": "Подоба́етъ вѣ́дати, ꙗ҆́кѡ по а҃і-мъ днѝ мѣ́сѧца ѻ҆ктѡ́врїа, въ прїидꙋ́щꙋю недѣ́лю па́мѧть соверша́емъ ст҃ы́хъ ѻ҆тє́цъ, и҆̀же на седмо́мъ вселе́нскомъ собо́рѣ, въ нїке́и собра́вшихсѧ второ́е, свѧты́хъ ѻ҆тє́цъ тѯ҃є, на и҆зверже́нїе и҆ потребле́нїе безбо́жныхъ ᲂу҆че́нїй хрⷭ҇тоненави́стныхъ, и҆ хрⷭ҇тїаноѡглаго́льникѡвъ, і҆кѡнобо́рцєвъ, копрѡнѵ́ма, и҆ є҆мꙋ̀ смꙋ́дрствꙋющихъ, ѻ҆каѧ́нныхъ є҆пі́скопѡвъ, и҆ несвѧще́нныхъ а҆рхїере́євъ, и҆ тѣ́хъ безбо́жнагѡ и҆ скве́рнагѡ собо́рища."
|
|
},
|
|
{
|
|
"type": "TEXT",
|
|
"value": "И҆ а҆́ще слꙋчи́тсѧ а҃і де́нь настоѧ́щїй въ недѣ́лю, пое́тсѧ въ то́йже де́нь слꙋ́жба ст҃ы́хъ ѻ҆тє́цъ седма́гѡ собо́ра. А҆́ще же въ сре́дꙋ, пое́тсѧ слꙋ́жба и҆́хъ въ мимоше́дшꙋю недѣ́лю: а҆́ще же въ четверто́къ, пое́тсѧ слꙋ́жба и҆́хъ въ прїидꙋ́щꙋю недѣ́лю."
|
|
},
|
|
{
|
|
"type": "TEXT",
|
|
"value": "Рѧдова́гѡ же ст҃а́гѡ слꙋ́жба ѡ҆ставлѧ́етсѧ, и҆ пое́тсѧ, є҆гда̀ разсꙋ́дитъ є҆кклисїа́рхъ."
|
|
},
|
|
{
|
|
"type": "TEXT",
|
|
"value": "Въ сꙋббѡ́тꙋ на ма́лѣй вече́рни, стїхи̑ры воскрⷭ҇ны, и҆ бцⷣы, по ѻ҆бы́чаю."
|
|
},
|
|
{
|
|
"type": "HEADER",
|
|
"value": "На вели́цѣй вече́рни."
|
|
},
|
|
{
|
|
"type": "HEADER",
|
|
"value": "На Гдⷭ҇и, воззва́хъ, стїхи̑ры ѻ҆ктѡ́иха, воскрⷭ҇ны г҃, и҆ ꙾восто́ченъ꙾ є҆ди́нъ: И҆ ст҃ы́хъ ѻ҆тцє́въ на ѕ҃, гла́съ ѕ҃. Подо́бенъ: Ѿча́ѧннаѧ:"
|
|
},
|
|
{
|
|
"type": "TEXT",
|
|
"value": "Ч естны̑ѧ собо́ры ѻ҆тцє́въ, / въ ра̑знаѧ времена̀ соста́вивъ, / во є҆ди́но собра̀ є҆ди́нѣмъ и҆ тѣ́мже пра́виломъ, / ѕѣлѡ̀ до́брѣ патрїа́рхъ ге́рманъ но́вый, / пиша̀ кꙋ́пнѡ же и҆ держа̀ догма́ты си́хъ, / и҆́же и҆ моли́твенники бо́дрствєнныѧ сїѧ̑ спасе́нїѧ, / гдⷭ҇ꙋ предлага́етъ, и҆ па́ствѣ съ па̑стыри."
|
|
},
|
|
{
|
|
"type": "TEXT",
|
|
"value": "З ако́на писа́нїе дѣ́тємъ є҆врє́йскимъ положѝ честнꙋ́ю седми́цꙋ, / сѣ́ни придержа́щымсѧ, и҆ слꙋжа́щымъ се́й, / ю҆́же ѻ҆тцы̀ сте́кшесѧ на седмо́мъ собо́рѣ ма́нїемъ бж҃їимъ, / въ шестѝ дне́хъ всѐ сїѐ соверши́вшагѡ, / и҆ седмы́й благослови́вшагѡ, / честнѣ́йшꙋю содѣ́лаша, предѣ́лъ вѣ́ры и҆зложи́вше."
|
|
},
|
|
{
|
|
"type": "TEXT",
|
|
"value": "Т рⷪ҇цꙋ всѣ̑мъ ѿ веще́й, / мїробы́тїѧ сꙋ́щꙋю винꙋ̀, / ꙗ҆́снѡ преда́сте треблаже́ннїи ѻ҆тцы̀: / три́ бо и҆ четы́ре собо́ры, та́инственнѣйшимъ сло́вомъ положи́вше, / и҆ ѿмсти́телїе ꙗ҆́вльшесѧ правосла́внагѡ сло́ва, / стїхі́а четы́ре сꙋ́щѧ, / и҆ трⷪ҇цꙋ и҆з̾ѧсни́сте, / созда́вшꙋю сїѧ̑, и҆ мі́ръ сотво́ршꙋю."
|
|
},
|
|
{
|
|
"type": "TEXT",
|
|
"value": "Д овлѧ́ше и҆ є҆ди́ною жи́знь вдохнꙋ́ти, / лежа́щемꙋ сы́нꙋ слꙋжа́щїѧ, / прⷪ҇ро́ка є҆лїссе́а слѧче́нїе ѕѣ́льно: / ѻ҆ба́че ѡ҆брати́сѧ седми́жды, и҆ прикланѧ́шесѧ семꙋ̀, / провозвѣща́ѧ ꙗ҆́кѡ прови́децъ ва́шѧ собо́ры, / и҆́миже ᲂу҆мерщвле́нїе бжⷭ҇твеннагѡ сло́ва водꙋши́сте, / а҆́рїа ᲂу҆мертви́вше, и҆ є҆гѡ̀ све́рстники."
|
|
},
|
|
{
|
|
"type": "TEXT",
|
|
"value": "К то̀ твою̀, сп҃се, ри́зꙋ раздра̀; / а҆́рїй, ты̀ ре́клъ є҆сѝ: / и҆́же трⷪ҇цы пресѣчѐ є҆диноче́стное нача́ло въ раздѣлє́нїѧ: / се́й ѿве́рже тѧ̀ бы́ти є҆ди́наго ѿ трⷪ҇цы: / се́й и҆ несто́рїа ᲂу҆чи́тъ бцⷣꙋ не глаго́лати. / но собо́ръ и҆́же въ нїке́и, / сн҃а бж҃їѧ тѧ̀ проповѣ́да, гдⷭ҇и, / ѻ҆ц҃ꙋ̀ и҆ дх҃ꙋ сопресто́льна."
|
|
},
|
|
{
|
|
"type": "TEXT",
|
|
"value": "А҆́ рїй безꙋ́мный / прест҃е́й раздѣлѝ трⷪ҇цы є҆диновла́стїе / въ три́ неподо́бнаѧ же и҆ чꙋ́ждаѧ сꙋщества̀. / тѣ́мже ѻ҆тцы̀ бг҃оно́снїи соше́дшесѧ, / ᲂу҆се́рднѡ ре́вностїю распалѧ́еми, ꙗ҆́коже ѳесві́тѧнинъ и҆лїа̀, / дꙋхо́внымъ ѿсека́ютъ мече́мъ, и҆́же стꙋдꙋ́ наꙋчи́вшаго хꙋ́льномꙋ, / ꙗ҆́коже дх҃ъ и҆зре́клъ є҆сѝ."
|
|
},
|
|
{
|
|
"type": "TEXT",
|
|
"value": "Сла́ва, гла́съ ѕ҃. Самогла́сенъ: Та́инствєннаѧ дне́сь дх҃а трꙋбы̑ / бг҃онѡ́сныѧ ѻ҆тцы̀ восхва́лимъ, / пѣснопѣ́вшыѧ посредѣ̀ цр҃кве, пѣ́снь сли́чнꙋю бг҃осло́вїѧ: / трⷪ҇цꙋ є҆ди́нꙋ непремѣ́ннꙋю, / сꙋщество́ же и҆ бж҃ество̀: / низложи́тели а҆́рїевы, и҆ правосла́вныхъ побо́рники, / молѧ́щыѧсѧ всегда̀ гдⷭ҇ꙋ, / поми́ловатисѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ пе́рвый гла́са."
|
|
},
|
|
{
|
|
"type": "TEXT",
|
|
"value": "По вхо́дѣ прокі́менъ днѐ, и҆ чтє́нїѧ г҃."
|
|
},
|
|
{
|
|
"type": "HEADER",
|
|
"value": "Бытїѧ̀ чте́нїе."
|
|
},
|
|
{
|
|
"type": "TEXT",
|
|
"value": "[Глава̀ д҃і] Слы́шавъ а҆вра́мъ, ꙗ҆́кѡ плѣне́нъ бы́сть лѡ́тъ брата́ничь є҆гѡ̀, сочтѐ своѧ̑ домоча́дцы, три́ста и҆ ѻ҆смьна́десѧть, и҆ погна̀ во слѣ́дъ и҆́хъ да́же до да́на. и҆ нападѐ на нѧ̀ но́щїю са́мъ, и҆ ѻ҆́троцы є҆гѡ̀ съ ни́мъ: и҆ поразѝ и҆̀хъ, и҆ гонѝ и҆̀хъ до хѡва́ла, є҆́же є҆́сть ѡ҆шꙋ́юю дама́ска. и҆ возвратѝ всѧ́каго конѧ̀ содо́мскаго, и҆ лѡ́та брата́нича своего̀ возвратѝ, и҆ всѧ̑ и҆мѣ̑нїѧ є҆гѡ̀, и҆ жєны̀, и҆ лю́ди. и҆зы́де же ца́рь содо́мскїй въ срѣ́тенїе є҆мꙋ̀, повнегда̀ возврати́тисѧ є҆мꙋ̀ ѿ сѣ́ча ходоллогомо́рскагѡ, и҆ съ царьмѝ и҆̀же съ ни́мъ, во ᲂу҆до́ль сави́нꙋ: сїе́ же бѧ́ше по́ле царе́во. и҆ мелхїседе́къ ца́рь сали́мскїй и҆знесѐ хлѣ́бы и҆ вїно̀: бѧ́ше же свѧще́нникъ бг҃а вы́шнѧгѡ. и҆ благословѝ а҆вра́ма, и҆ речѐ: бл҃гослове́нъ а҆вра́мъ бг҃омъ вы́шнимъ, и҆́же созда̀ нб҃о и҆ зе́млю: и҆ бл҃гослове́нъ бг҃ъ вы́шнїй, и҆́же предадѐ врагѝ твоѧ̑ подъ рꙋ́ки тебѣ̀."
|
|
},
|
|
{
|
|
"type": "HEADER",
|
|
"value": "Втора́гѡ зако́на чте́нїе."
|
|
},
|
|
{
|
|
"type": "TEXT",
|
|
"value": "[Глава̀ а҃] Во дне́хъ ѻ҆́нѣхъ, речѐ мѡѷсе́й къ сынѡ́мъ і҆и҃лєвымъ: ви́дите, преда́хъ предъ лице́мъ ва́шимъ зе́млю, вше́дше наслѣ́дꙋйте зе́млю, ю҆́же клѧ́тсѧ гдⷭ҇ь ѻ҆тцє́мъ ва́шымъ: а҆враа́мꙋ и҆ і҆саа́кꙋ и҆ і҆а́кѡвꙋ, да́ти и҆̀мъ и҆ сѣ́мени и҆́хъ по ни́хъ. и҆ реко́хъ къ ва́мъ во вре́мѧ ѻ҆́но, глаго́лѧ: не возмогꙋ̀ є҆ди́нъ води́ти ва́съ. гдⷭ҇ь бг҃ъ на́шъ ᲂу҆мно́жилъ вы̀ є҆́сть, и҆ сѐ є҆стѐ дне́сь ꙗ҆́кѡ ѕвѣ́зды нбⷭ҇ныѧ мно́жествомъ. гдⷭ҇ь бг҃ъ ѻ҆тє́цъ на́шихъ да приложи́тъ ва́мъ, ꙗ҆́кѡ да бꙋ́дете ты́сѧщами сꙋгꙋ́бѡ, и҆ да благослови́тъ ва́съ, ꙗ҆́коже гл҃го́ла ва́мъ. и҆ взѧ́хъ ѿ ва́съ мꙋ́жы мꙋ́дры, и҆ свѣ́домы, и҆ смы́сленны, и҆ поста́вихъ и҆̀хъ владѣ́ти надъ ва́ми, тысѧщенача́льники, и҆ стонача́льники, и҆ пѧтдесѧтонача́льники, и҆ десѧтонача́льники, и҆ писмовводи́тели сꙋдїѧ́мъ ва́шымъ. и҆ заповѣ́дахъ сꙋдїѧ́мъ ва́шымъ во вре́мѧ ѻ҆́но, глаго́лѧ: разслꙋ́шайте посредѣ̀ бра́тїй ва́шихъ, и҆ сꙋди́те пра́веднѡ, посредѣ̀ мꙋ́жа, и҆ посредѣ̀ бра́та є҆гѡ̀, и҆ посредѣ̀ прише́льца є҆гѡ̀. да не позна́ете лица̀ въ сꙋдѣ̀, ма́ломꙋ и҆ вели́комꙋ сꙋ́диши, и҆ не ᲂу҆стыди́шисѧ лица̀ человѣ́ческа, ꙗ҆́кѡ сꙋ́дъ бж҃їй є҆́сть."
|
|
},
|
|
{
|
|
"type": "HEADER",
|
|
"value": "Втора́гѡ зако́на чте́нїе."
|
|
},
|
|
{
|
|
"type": "TEXT",
|
|
"value": "[Глава̀ і҃] Во дне́хъ ѻ҆́нѣхъ, речѐ мѡѷсе́й къ сынѡ́мъ і҆и҃лєвымъ: сѐ гдⷭ҇а бг҃а твоегѡ̀ нб҃о, и҆ нб҃о нб҃сѐ, землѧ̀ и҆ всѧ̑ є҆ли̑ка сꙋ́ть на не́й. ѻ҆ба́че ѻ҆тцы̀ ва́шѧ произво́ли гдⷭ҇ь, люби́ти ѧ҆̀: и҆ и҆збра̀ сѣ́мѧ и҆́хъ по ни́хъ, ва́съ, па́че всѣ́хъ ꙗ҆зы̑къ, въ де́нь се́й. и҆ ѡ҆брѣ́жите жестосе́рдїе ва́ше, и҆ вы́и ва́шеѧ не ѡ҆жесточи́те ктомꙋ̀. и҆́бо гдⷭ҇ь бг҃ъ на́шъ, се́й бг҃ъ богѡ́въ, и҆ гдⷭ҇ь господе́й: бг҃ъ вели́кїй, и҆ крѣ́пкїй, и҆ стра́шный, и҆́же не диви́тсѧ лицꙋ̀, нижѐ взе́млетъ да́ръ. творѧ́й сꙋ́дъ прише́льцꙋ, и҆ сиротѣ̀, и҆ вдовѣ̀, и҆ лю́битъ прише́льца, да́ти є҆мꙋ̀ хлѣ́бъ и҆ ри́зꙋ. и҆ возлюби́те прише́льца, прише́льцы бо бѣ́сте въ землѝ є҆гѵ́петстѣй. гдⷭ҇а бг҃а твоегѡ̀ да ᲂу҆бои́шисѧ, и҆ томꙋ̀ є҆ди́номꙋ послꙋ́жиши, и҆ къ немꙋ̀ прилѣпи́шисѧ, и҆ и҆́менемъ є҆гѡ̀ клене́шисѧ. то́й хвала̀ твоѧ̀, и҆ то́й бг҃ъ тво́й, и҆́же сотворѝ тебѣ̀ вели̑каѧ и҆ сла̑внаѧ сїѧ̑, ꙗ҆̀же ви́дѣста ѻ҆́чи твоѝ."
|
|
},
|
|
{
|
|
"type": "HEADER",
|
|
"value": "На лїті́и стїхи̑ры хра́ма."
|
|
},
|
|
{
|
|
"type": "TEXT",
|
|
"value": "Сла́ва, гла́съ г҃: А҆пⷭ҇льскихъ преда́нїй и҆звѣ́стнїи храни́телїе бы́сте, ст҃і́и ѻ҆тцы̀: / ст҃ы́ѧ бо трⷪ҇цы є҆диносꙋ́щное, правосла́внѡ наꙋчи́вше, / а҆́рїево хꙋле́нїе собо́рнѣ низложи́сте: / съ ни́мже и҆ македо́нїа дꙋхобо́рца ѡ҆бличи́вше, / ѡ҆сꙋди́сте несто́рїа, є҆ѵтѵ́хїа и҆ дїоско́ра, / саве́ллїа же и҆ севи́ра безгла́внаго. / и҆́хже пре́лести и҆спроси́те и҆зба́витисѧ на́мъ, / нескве́рнꙋ на́шемꙋ житїю̀ въ вѣ́рѣ сохрани́тисѧ, мо́лимсѧ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ: Без̾ сѣ́мене ѿ бж҃е́ственнагѡ дх҃а, / во́лею же ѻ҆́ч҃ею зачала̀ є҆сѝ сн҃а бж҃їѧ, / ѿ ѻ҆ц҃а̀ без̾ мт҃ре пре́жде вѣ̑къ сꙋ́ща: / на́съ же ра́ди, и҆зъ тебѐ без̾ ѻ҆ц҃а̀ бы́вша, пло́тїю родила̀ є҆сѝ, / и҆ млⷣнца млеко́мъ пита́ла є҆сѝ. / тѣ́мже не преста́й моли́ти, / и҆зба́витисѧ ѿ бѣ́дъ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "На стїхо́внѣ ѻ҆ктѡ́иха."
|
|
},
|
|
{
|
|
"type": "TEXT",
|
|
"value": "Сла́ва, ѻ҆ц҃є́въ, гла́съ д҃: Моле́бнꙋю па́мѧть дне́сь бг҃оно́сныхъ ѻ҆тцє́въ, / ѿ всеѧ̀ вселе́нныѧ собра́вшихсѧ / во свѣ́тлѣмъ гра́дѣ нїке́йстѣмъ, / правосла́вныхъ собра̑нїѧ, / благоче́ствꙋюще вѣ́рнѡ пра́зднꙋемъ. / сі́и бо лю́тагѡ а҆́рїа безбо́жное велѣ́нїе благочестномꙋ́дреннѣ низложи́ша, / и҆ ѿ каѳолі́ческїѧ цр҃кве собо́рнѣ того̀ и҆згна́ша: / и҆ ꙗ҆́снѡ сн҃а бж҃їѧ є҆диносꙋ́щна и҆ соприсносꙋ́щна, пре́жде вѣ̑къ сꙋ́ща, / всѣ́хъ наꙋчи́ша и҆сповѣ́дати во и҆з̾ѡбраже́нїи вѣ́ры, / и҆звѣ́стнѡ и҆ благоче́стнѡ сїѐ и҆зложи́вше. / тѣ́мже и҆ мы̀, бжⷭ҇твєннымъ и҆́хъ повелѣ́нїємъ послѣ́дствꙋюще, / и҆звѣ́стнѡ вѣ́рꙋюще, слꙋ́жимъ со ѻ҆ц҃е́мъ сн҃ꙋ и҆ дх҃ꙋ всест҃о́мꙋ, / во є҆ди́номъ бж҃ествѣ̀, трⷪ҇цѣ є҆диносꙋ́щнѣй."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ: При́зри на молє́нїѧ твои́хъ ра̑бъ, всенепоро́чнаѧ, / ᲂу҆толѧ́ющи лю̑таѧ на ны̀ воста̑нїѧ, / всѧ́кїѧ ско́рби на́съ и҆змѣнѧ́ющи: / тѧ́ бо є҆ди́нꙋ, тве́рдое и҆ и҆звѣ́стное ᲂу҆твержде́нїе и҆́мамы: / и҆ твоѐ предста́тельство стѧжа́хомъ, / да не постыди́мсѧ, влⷣчце, тѧ̀ призыва́ющїи, / потщи́сѧ на ᲂу҆моле́нїе, тебѣ̀ вѣ́рнѡ вопїю́щихъ: / ра́дꙋйсѧ, влⷣчце, / всѣ́хъ по́моще, ра́досте и҆ покро́ве, / и҆ спасе́нїе дꙋ́шъ на́шихъ."
|
|
},
|
|
{
|
|
"type": "TEXT",
|
|
"value": "На благослове́нїи хлѣ́бѡвъ, тропа́рь, Бцⷣе дв҃о: два́жды."
|
|
},
|
|
{
|
|
"type": "HEADER",
|
|
"value": "И҆ ѻ҆ц҃є́въ, гла́съ и҃:"
|
|
},
|
|
{
|
|
"type": "TEXT",
|
|
"value": "П репросла́вленъ є҆сѝ, хрⷭ҇тѐ бж҃е на́шъ, / свѣти̑ла на землѝ ѻ҆тцы̀ на́ши ѡ҆снова́вый / и҆ тѣ́ми ко и҆́стиннѣй вѣ́рѣ всѧ̑ ны̀ наста́вивый, / многобл҃гоꙋтро́бне, сла́ва тебѣ̀."
|
|
},
|
|
{
|
|
"type": "HEADER",
|
|
"value": "На ᲂу҆́трени."
|
|
},
|
|
{
|
|
"type": "HEADER",
|
|
"value": "На Бг҃ъ гдⷭ҇ь, тропа́рь воскрⷭ҇нъ, два́жды. Сла́ва, ѻ҆ц҃є́въ, гла́съ и҃:"
|
|
},
|
|
{
|
|
"type": "TEXT",
|
|
"value": "П репросла́вленъ є҆сѝ, хрⷭ҇тѐ бж҃е на́шъ, / свѣти̑ла на землѝ ѻ҆тцы̀ на́ши ѡ҆снова́вый / и҆ тѣ́ми ко и҆́стиннѣй вѣ́рѣ всѧ̑ ны̀ наста́вивый, / многобл҃гоꙋтро́бне, сла́ва тебѣ̀."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ: И҆́же на́съ ра́ди рожде́йсѧ ѿ дв҃ы, / и҆ распѧ́тїе претерпѣ́въ, бл҃гі́й, / и҆спрове́ргїй сме́ртїю сме́рть, / и҆ воскресе́нїе ꙗ҆вле́й ꙗ҆́кѡ бг҃ъ, / не пре́зри, ꙗ҆̀же созда́лъ є҆сѝ рꙋко́ю твое́ю: / ꙗ҆вѝ человѣколю́бїе твоѐ, ми́лостиве, / прїимѝ ро́ждшꙋю тѧ̀ бцⷣꙋ молѧ́щꙋюсѧ за ны̀, / и҆ спасѝ, сп҃се на́шъ, лю́ди ѿча̑ѧнныѧ."
|
|
},
|
|
{
|
|
"type": "TEXT",
|
|
"value": "Канѡ́нъ воскрⷭ҇нъ со і҆рмосо́мъ на д҃: крⷭ҇товоскрⷭ҇нъ на два̀: и҆ бцⷣы на два̀:"
|
|
},
|
|
{
|
|
"type": "HEADER",
|
|
"value": "И҆ ст҃ы́хъ на ѕ҃, є҆гѡ́же краегране́сїе: Пою̀ бл҃же́нныхъ собра́нїе седмо́е. Ге́рманово: Гла́съ и҃. Пѣ́снь а҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Колесницегони́телѧ фараѡ́нѧ погрꙋзѝ, / чꙋдотворѧ́й и҆ногда̀ / мѡѷсе́йскїй же́злъ, крⷭ҇тоѡбра́знѡ порази́въ, / и҆ раздѣли́въ мо́ре, / і҆и҃лѧ же бѣглеца̀, пѣшехо́дца сп҃сѐ, / пѣ́снь бг҃ови воспѣва́юща."
|
|
},
|
|
{
|
|
"type": "TEXT",
|
|
"value": "П ѣсносло́вити седмо́е собра́нїе жела́ющемꙋ мѝ ны́нѣ, / седми́хъ дарова́нїй собо́ръ, / да́ждь мѝ паракли́та, гдⷭ҇и, / ᲂу҆мꙋдри́вшаго се́й ѻ҆гненноѧзы́чнѣ, / и҆ хꙋ́льное всѐ ѧ҆зыковре́дїе ᲂу҆молча́ти сотво́ршаго."
|
|
},
|
|
{
|
|
"type": "TEXT",
|
|
"value": "Б о́льшее и҆зъ нача́ла чи́слъ седмо́е: / и҆́бо созда́нїѧ бж҃е́ственнагѡ / всегѡ̀ первоѻбра́знѡ бы́сть, / всесоверше́нное преста́нїе въ седмы́й де́нь: / и҆ ны́нѣ всѣ́хъ є҆ресе́й коне́цъ, / въ собо́рѣ равночи́сленномъ."
|
|
},
|
|
{
|
|
"type": "TEXT",
|
|
"value": "П обѣди́въ бг҃обо́рнаго а҆́рїа въ нїке́и, / дре́вле па́стырскимъ жезло́мъ, / правосла́вными ше́ствовати цр҃ковь ᲂу҆че́нїи ли́къ ѻ҆тцє́въ: / и҆ ны́нѣ ѡ҆ се́мъ посрами́лъ є҆́сть ѻ҆бразобо́рцы, / ꙗ҆́кѡ побо́рникъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ꙗ҆́коже ѻ҆тцы̀ благоче́стнѡ наꙋчи́ша, / и҆сповѣ́дꙋюще вѣ́рнѡ, дв҃и́ческꙋю ᲂу҆тро́бꙋ / безболѣ́зненнѡ ро́ждшꙋю пло́тїю безпло́тнаго: / покланѧ́емсѧ же семꙋ̀, столпопи́шꙋще и҆з̾ѡбраже́нїе, и҆ че́стнѣ ѡ҆блобыза́емъ."
|
|
},
|
|
{
|
|
"type": "TEXT",
|
|
"value": "Катава́сїа: Ѿве́рзꙋ ᲂу҆ста̀ моѧ̑, / и҆ напо́лнѧтсѧ дх҃а, / и҆ сло́во ѿры́гнꙋ цр҃и́цѣ мт҃ри, / и҆ ꙗ҆влю́сѧ свѣ́тлѡ торжествꙋ́ѧ, / и҆ воспою̀ ра́дꙋѧсѧ тоѧ̀ чꙋдеса̀."
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Оу҆твержде́й въ нача́лѣ нб҃са̀ ра́зꙋмомъ, / и҆ зе́млю на вода́хъ ѡ҆снова́вый, / на ка́мени мѧ̀, хрⷭ҇тѐ, за́повѣдей твои́хъ ᲂу҆твердѝ, / ꙗ҆́кѡ нѣ́сть ст҃ъ, па́че тебѐ / є҆ди́не чл҃вѣколю́бче."
|
|
},
|
|
{
|
|
"type": "TEXT",
|
|
"value": "Н е поколеба́тисѧ хрⷭ҇то́вѣ нерꙋши́мѣй цр҃кви, / ѿ негѡ̀ тайнонаꙋча́еми бжⷭ҇твеннїи пастыренача́льницы, / и҆̀же сїю̀ поколеба́ти хотѧ́щыѧ, / ꙗ҆́коже а҆нті́хрїстовы ча́сти, / ѿ благочести́выхъ ѿри́нꙋша."
|
|
},
|
|
{
|
|
"type": "TEXT",
|
|
"value": "Ѡ҆ чища́етъ мꙋ̑тныѧ и҆ ти̑нныѧ пото́ки, / ѿ и҆стѡ́чникъ спасе́нїѧ поче́рпъ, / и҆ жа́ждꙋщыѧ лю́ди хрⷭ҇то́вы / насыща́етъ ᲂу҆че́нїй стрꙋѧ́ми, ѻ҆тцє́въ сосло́вїе."
|
|
},
|
|
{
|
|
"type": "TEXT",
|
|
"value": "Н а ненави́дѧщихъ и҆́стиннѡ, / и҆ хрⷭ҇тїаноѡглаго́льникѡвъ, собра́нїе хрⷭ҇толю́бныхъ седмо́е, въ свѣ́тлѣмъ гра́дѣ нїке́йстѣмъ бы́сть, / є҆гѡ́же ца́рїе і҆ри́на и҆ кѡнстанті́нъ защи́тницы."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Всѧ́къ да ѿстꙋ́питъ нечести́вый, / не почита́ѧй і҆кѡ́нꙋ честнꙋ́ю бцⷣы, / и҆ сїю̀ не проповѣ́дꙋѧй хрⷭ҇та̀ бг҃омꙋ́жнѡ ро́ждшꙋю, / и҆ во ѻ҆́гнь да ѿшле́тсѧ, / сгара́ти несожже́ннѡ."
|
|
},
|
|
{
|
|
"type": "TEXT",
|
|
"value": "Катава́сїа: Твоѧ̑ пѣсносло́вцы бцⷣе, / живы́й и҆ незави́стный и҆сто́чниче, / ли́къ себѣ̀ совокꙋ́пльшыѧ дх҃о́внѡ ᲂу҆твердѝ, / въ бж҃е́ственнѣй твое́й сла́вѣ, / вѣнцє́въ сла́вы сподо́би."
|
|
},
|
|
{
|
|
"type": "HEADER",
|
|
"value": "Конда́къ и҆ і҆́косъ воскрⷭ҇нъ. Та́же сѣда́ленъ ѻ҆ц҃є́въ, гла́съ д҃. Подо́бенъ: Ско́рѡ предварѝ:"
|
|
},
|
|
{
|
|
"type": "TEXT",
|
|
"value": "С вѣти́льницы пресвѣ́тлїи и҆́стины хрⷭ҇то́вы мі́рꙋ ꙗ҆ви́стесѧ на землѝ, / вои́стиннꙋ бл҃же́ннѣйшїи ѻ҆тцы̀ бг҃овѣща́ннїи, / и҆зсꙋши́вше є҆́рєси хꙋ́льныхъ ꙗ҆зыковре́дїй, / и҆ ᲂу҆гаси́вше пламенови̑днаѧ ѕлосла́вныхъ смꙋщє́нїѧ: / тѣ́мже ꙗ҆́кѡ ст҃и́телїе хрⷭ҇то́вы, / моли́тесѧ спасти́сѧ на́мъ."
|
|
},
|
|
{
|
|
"type": "HEADER",
|
|
"value": "И҆́нъ сѣда́ленъ ѻ҆ц҃є́въ, гла́съ в҃."
|
|
},
|
|
{
|
|
"type": "TEXT",
|
|
"value": "Ѿ нача́ла бори́тельный а҆́рїй / свирѣ́по наси́лїе наве́дъ, сп҃се, на це́рковь твою̀, / но сїѐ подви́гше ѻ҆те́ческаѧ во́инства тогѡ̀ побѣдѝ, / и҆ є҆диносꙋ́щное сло́во ѻ҆ц҃ꙋ̀ вѣ́рнѡ тѧ̀ сла́вѧтъ."
|
|
},
|
|
{
|
|
"type": "TEXT",
|
|
"value": "Сла́ва, и҆ ны́нѣ, бг҃оро́диченъ: Ско́рѡ на́съ предварѝ, дв҃о мт҃и чⷭ҇таѧ: / ѿ вра̑гъ на́съ и҆схитѝ хꙋ́лѧщихъ на тѧ̀: / сокрꙋшѝ ѧ҆зыкобѡ́лїѧ є҆ресе́й всѧ̑ / разрѣшѝ крѣ́постїю твое́ю стремлє́нїѧ тѣ́хъ, / да разꙋмѣ́ютъ ꙗ҆́кѡ є҆ди́на бг҃ома́ти є҆сѝ, / моли́твами твои́ми правосла́вныхъ совокꙋпле́нїе спаса́ющаѧ."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Ты̀ моѧ̀ крѣ́пость гдⷭ҇и, / ты̀ моѧ̀ и҆ си́ла, / ты̀ мо́й бг҃ъ, ты̀ моѐ ра́дованїе, / не ѡ҆ста́вль нѣ́дра ѻ҆́ч҃а, / и҆ на́шꙋ нищетꙋ̀ посѣти́въ. / тѣ́мъ съ прⷪ҇ро́комъ а҆ввакꙋ́момъ зовꙋ́ ти: / си́лѣ твое́й сла́ва чл҃вѣколю́бче."
|
|
},
|
|
{
|
|
"type": "TEXT",
|
|
"value": "Г лаго́лъ бж҃їй и҆мꙋ́ще, стрѣлꙋ̀ и҆ ме́чь, / всѧ̑ кꙋ́пнѡ ты̑ѧ закала́ютъ ѕлоꙋ̑мныѧ, / ѻ҆́бразомъ крⷭ҇тнымъ, / не чтꙋ́щыѧ ра́внѡ и҆з̾ѡбраже́нїѧ хрⷭ҇то́ва, бцⷣы, и҆ всѣ́хъ ст҃ы́хъ, / ѻ҆тцы̀ бг҃ови́днѣйшїи."
|
|
},
|
|
{
|
|
"type": "TEXT",
|
|
"value": "Ꙗ҆́ коже седмїю̀ трꙋба́ми, / і҆ерїхѡ́нскїѧ стѣ́ны въ седмо́мъ ѡ҆бхожде́нїи падо́ша: / та́кѡ си́ми седмїю̀ собѡ́ры, / ве́сь со́нмъ на бг҃а возносѧ́щїйсѧ, низведе́нъ въ бе́зднꙋ, / въ собра́нїи седмо́мъ благогла́сныхъ трꙋ́бъ дх҃а."
|
|
},
|
|
{
|
|
"type": "TEXT",
|
|
"value": "Ю҆́ ношеское настоѧ́нїе показꙋ́ѧ, / и҆ бжⷭ҇твенною ре́вностїю распалѧ́емо, / ѻ҆те́ческое мно́жество, / ꙗ҆́коже и҆лїа̀, стꙋ́дныѧ свѧще́нники ᲂу҆мертви́ло є҆́сть. / тѣ́мъ со дерзнове́нїемъ хрⷭ҇то́вѣ і҆кѡ́нѣ / любе́знѡ покланѧ́тисѧ наꙋчи́ло є҆́сть."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ты̀ моѧ̀ наде́жда всечⷭ҇таѧ, ты̀ моѐ и҆ пѣ́нїе: / ты̀ моѐ приста́нище, ты̀ моѐ и҆справле́нїе: ꙗ҆́же бг҃а сло́ва ѻ҆́ч҃а вопло́щшагосѧ, несочта́ннѡ родила̀ є҆сѝ. / тѣ́мже твое́й несомнѣ́ннѡ покланѧ́юсѧ і҆кѡ́нѣ, / крѣ́постїю твое́ю ᲂу҆крѣплѧ́емь."
|
|
},
|
|
{
|
|
"type": "TEXT",
|
|
"value": "Катава́сїа: Сѣдѧ́й въ сла́вѣ, / на прⷭ҇то́лѣ бж҃ества̀, / во ѻ҆́блацѣ ле́гцѣ / прїи́де і҆и҃съ пребж҃е́ственный, / нетлѣ́нною дла́нїю, / и҆ сп҃се зовꙋ́щыѧ: / сла́ва хрⷭ҇тѐ си́лѣ твое́й."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Вскꙋ́ю мѧ̀ ѿри́нꙋлъ є҆сѝ / ѿ лица̀ твоегѡ̀ свѣ́те незаходи́мый, / и҆ покры́ла мѧ̀ є҆́сть чꙋжда́ѧ тьма̀ ѻ҆каѧ́ннаго; / но ѡ҆брати́ мѧ, / и҆ къ свѣ́тꙋ за́повѣдей твои́хъ / пꙋти̑ моѧ̑ напра́ви, молю́сѧ."
|
|
},
|
|
{
|
|
"type": "TEXT",
|
|
"value": "В ысо́кою мы́слїю сразсмотри́вше, / а҆на́ѳемѣ ѻ҆бразобо́рцєвъ преда́ша, / ꙗ҆́кѡ чꙋжда̑ѧ си́хъ мꙋ́дрствовавшихъ, честні́и ѻ҆тцы̀: / и҆ че́сть хрⷭ҇то́вѣ і҆кѡ́нѣ, ꙗ҆́коже лѣ́по, / воздаѧ́ти повелѣ́ша."
|
|
},
|
|
{
|
|
"type": "TEXT",
|
|
"value": "Н ы́нѣ вре́мѧ весе́лїѧ, / ны́нѣ де́нь спасе́нїѧ ꙗ҆ви́сѧ, / возвесели́мсѧ ᲂу҆̀бо, и҆ хрⷭ҇тꙋ̀ ра́достнѡ возопїи́мъ: / ми́ръ да́ждь на́мъ тво́й, / моли́твами ѻ҆тцє́въ седма́гѡ собо́ра, чл҃вѣколю́бче."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Бл҃гоꙋтро́бїѧ ра́ди ми́лости, / ѿ дв҃ы роди́сѧ сн҃ъ бж҃їй невра́щнѡ, / чꙋ́ждее носѧ̀ ꙗ҆́кѡ своѐ, / и҆ зра́комъ си́мъ ѡ҆пи́санный зри́тсѧ во́лею, / по сꙋществꙋ̀ сы́й неѡпи́санъ."
|
|
},
|
|
{
|
|
"type": "TEXT",
|
|
"value": "Катава́сїа: Оу҆жасо́шасѧ всѧ́чєскаѧ / ѡ҆ бж҃е́ственнѣй сла́вѣ твое́й: / ты́ бо неискꙋсобра́чнаѧ дв҃о, / и҆мѣ́ла є҆сѝ во ᲂу҆тро́бѣ над̾ всѣ́ми бг҃а, / и҆ родила̀ є҆сѝ безлѣ́тнаго сн҃а, / всѣ̑мъ воспѣва́ющымъ тѧ̀, / ми́ръ подава́ющаѧ."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Ѡ҆чи́сти мѧ̀ сп҃се, / мнѡ́га бо беззакѡ́нїѧ моѧ̑, / и҆ и҆з̾ глꙋбины̀ ѕѡ́лъ возведѝ, молю́сѧ: / къ тебѣ́ бо возопи́хъ, / и҆ ᲂу҆слы́ши мѧ̀, / бж҃е сп҃се́нїѧ моегѡ̀."
|
|
},
|
|
{
|
|
"type": "TEXT",
|
|
"value": "Д а ка́плютъ сла́дость го́ры, и҆ ра́дость: / є҆реті́ческое бо мно́жество и҆згна́сѧ, / го́рькїй и҆злива́ющее ꙗ҆́дъ, / ст҃ы́хъ і҆кѡ́нъ ѿверже́нїе."
|
|
},
|
|
{
|
|
"type": "TEXT",
|
|
"value": "Н е́бо и҆ землѧ̀ согла́снѡ да пра́зднꙋютъ, / дще́ре бж҃їѧ вели́чїе: / и҆́бо велича́етсѧ, ѿмета́ющи сїю̀ ᲂу҆малѧ́ющыѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Мт҃рнїй сн҃ъ, и҆́же ѻ҆́ч҃їй пе́рвѣе безма́теренъ, / без̾ѻ́тчїй же бг҃олѣ́пнѡ роди́всѧ, / и҆ возроди́въ мѧ̀: / тѣ́мже ро́ждшꙋю съ рожде́ннымъ ѡ҆бразꙋ́ѧ, ѡ҆блобыза́ю."
|
|
},
|
|
{
|
|
"type": "TEXT",
|
|
"value": "Катава́сїа: Бж҃е́ственное сїѐ и҆ всечестно́е, / соверша́юще пра́зднество, / бг҃омꙋ́дрїи бг҃омт҃ре, / прїиди́те рꙋка́ми воспле́щимъ, / ѿ неѧ̀ ро́ждшагосѧ бг҃а сла́вимъ."
|
|
},
|
|
{
|
|
"type": "HEADER",
|
|
"value": "Конда́къ, гла́съ ѕ҃. Подо́бенъ: Рꙋкопи́саннагѡ:"
|
|
},
|
|
{
|
|
"type": "TEXT",
|
|
"value": "И҆́ же и҆зъ ѻ҆ц҃а̀ возсїѧ́въ, сн҃ъ неизрече́ннѡ / и҆зъ жены̀ роди́сѧ, сꙋгꙋ́бъ є҆стество́мъ, / є҆го́же ви́дѧще, не ѿмета́емсѧ зра́ка и҆з̾ѡбраже́нїѧ, / но сїѐ благоче́стнѡ начерта́юще, / почита́емъ вѣ́рнѡ. / и҆ сегѡ̀ ра́ди и҆́стиннꙋю вѣ́рꙋ цр҃ковь держа́щи, / лобыза́етъ і҆кѡ́нꙋ вочл҃вѣ́ченїѧ хрⷭ҇то́ва."
|
|
},
|
|
{
|
|
"type": "TEXT",
|
|
"value": "І҆́косъ: Хотѧ́й всеще́дрый бг҃ъ на́съ воздвиза́ти при́снѡ, / къ па́мѧти соверше́ннѣй своегѡ̀ вочл҃вѣ́ченїѧ, / подло́гъ се́й предадѐ человѣ́кѡмъ, / шародѣ́ланьми і҆кѡ́нъ честны́й воз̾ѡбража́ти зра́къ: / ꙗ҆́кѡ да сїѧ̑ во зрѣ́нїихъ ви́дѧще, / вѣ́рꙋемъ, ꙗ҆̀же сло́вомъ слы́шахомъ, / разꙋмѣ́юще ꙗ҆́вѣ дѣѧ́нїе и҆ и҆́мѧ, / начерта́нїе, и҆ страда̑нїѧ ст҃ы́хъ мꙋже́й: / и҆ хрⷭ҇та̀ вѣнцода́вца / вѣнцы̀ подаю́ща ст҃ы̑мъ, страда́льцємъ же и҆ мч҃никѡмъ. / и҆́хже ра́ди ꙗ҆снѣ́йше и҆́стиннꙋю вѣ́рꙋ держа́щи, / цр҃ковь лобыза́етъ і҆кѡ́нꙋ вочл҃вѣ́ченїѧ хрⷭ҇то́ва."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Бж҃їѧ снизхожде́нїѧ / ѻ҆́гнь ᲂу҆стыдѣ́сѧ въ вавѷлѡ́нѣ и҆ногда̀: / сегѡ̀ ра́ди ѻ҆́троцы въ пещѝ ра́дованною ного́ю, / ꙗ҆́кѡ во цвѣ́тницѣ ликꙋ́юще поѧ́хꙋ: / бл҃гослове́нъ є҆сѝ бж҃е ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "П обѣжда́ютсѧ догма́тами / бг҃оглаго́ливыхъ мꙋже́й є҆ресенача́льницы, / ѻ҆бразѡ́въ че́сть первоѻбра́знымъ и҆з̾ѡбразꙋ́ющихъ пра́вѡ, / ꙗ҆́коже речѐ вели́кїй васі́лїй. / бл҃гослове́нъ бг҃ъ ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Х ра́ми ᲂу҆добрѧ́ютсѧ свѣ́тлыми і҆кѡ́нами ᲂу҆краша́емїи дне́сь: / сегѡ̀ ра́ди мі́ръ въ цр҃квахъ, па́че всѣ́хъ человѣ̑къ краснѣ́йшемꙋ добро́тою, / совоспѣва́етъ пою́щемꙋ: / бл҃гослове́нъ бг҃ъ ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "С вѣ́тъ ѡ҆блиста̀, дале́че тма̀, нечести́вїи ѿгна́ны. / сегѡ̀ ра́ди всѧ́чєскаѧ свѣ́та и҆спо́лнишасѧ, / свѣтода́телѧ хрⷭ҇та̀, съ весе́лїемъ пою́тъ, и҆ глаго́лютъ: / бл҃гослове́нъ бг҃ъ ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Пречⷭ҇таѧ влⷣчца, є҆ди́на всѣ́хъ спасе́нїѧ наде́жда, / ꙗ҆́же стра́шнѡ ро́ждшаѧ цр҃ѧ̀ царе́й хрⷭ҇та̀, / на рꙋка́хъ свои́хъ сего̀ млⷣнца носѧ́щи, / спокланѧ́ема є҆́сть ѡ҆пи́саннѣ, ꙗ҆́коже ѻ҆тцы̀ глаго́лютъ."
|
|
},
|
|
{
|
|
"type": "TEXT",
|
|
"value": "Катава́сїа: Не послꙋжи́ша тва́ри бг҃омꙋ́дрїи / па́че созда́вшагѡ, / но ѻ҆́гненное преще́нїе мꙋ́жески попра́вше, / ра́довахꙋсѧ пою́ще: / препѣ́тый ѻ҆тцє́въ гдⷭ҇ь и҆ бг҃ъ бл҃гослове́нъ є҆сѝ."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Седмери́цею пе́щь халде́йскїй мꙋчи́тель / бг҃очести̑вымъ неи́стовнѡ разжжѐ, / си́лою же лꙋ́чшею сп҃се́ны сїѧ̑ ви́дѣвъ, / творцꙋ̀ и҆ и҆зба́вителю вопїѧ́ше: / ѻ҆́троцы бл҃гослови́те, / сщ҃е́нницы воспо́йте, / лю́дїе превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "З аконополага́етъ ᲂу҆́бѡ и҆зѧ́щнѣйше ѻ҆тцє́въ сосло́вїе, / бг҃очести̑вымъ и҆мстви́тельное поклоне́нїе, / и҆ возставле́нїе свѧще́нныѧ і҆кѡ́ны хрⷭ҇то́вы: / любоблагочести́вїи же лѣ́тнюю па́мѧть, ꙗ҆́кѡ ча̑да соверша́емъ благопослꙋшли̑ваѧ ѻ҆́ныхъ, / и҆ любо́вїю ѻ҆́бразъ хрⷭ҇то́въ любыза́емъ."
|
|
},
|
|
{
|
|
"type": "TEXT",
|
|
"value": "С едмокра́тнѡ преклонѧ́хꙋ смире́нныхъ высокомꙋ́дреннїи, / и҆ любодобродѣ́тельныхъ стремлє́нїѧ пресѣца́хꙋ, / и҆́миже ѡ҆глаго́ловахꙋ бжⷭ҇твєннаѧ дѣѧ̑нїѧ и҆́хъ: / но и҆̀же седма́гѡ собо́ра соше́дшїисѧ ѻ҆тцы̀ въ нїке́и, / горды́ню ѻ҆́ныхъ а҆́бїе и҆стерза́ша седмокра́тнѣйше."
|
|
},
|
|
{
|
|
"type": "TEXT",
|
|
"value": "С трѣ́лы младе́нєцъ быва́ютъ ѱало́мски старомꙋ́дрствꙋющымъ, младомꙋ́дренныхъ ꙗ҆́звы и҆ ра̑ны: / бжⷭ҇твенною же си́лою и҆знемога́ютъ ꙗ҆зы́цы мно́зи, / хꙋлы̑ на высотꙋ̀ глаго́лющихъ: / и҆ всѧ́къ кто̀ ѻ҆ц҃а̀, сн҃а, и҆ дх҃а, бг҃а є҆ди́наго не вѣ́сть / всевино́внаго и҆ є҆ди́наго."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Зи́ждетсѧ младе́нецъ самово́льнѣ ми́лости ра́ди, зижди́тель ѿ чⷭ҇тыхъ крове́й твои́хъ, / соблюда́ѧй тѧ̀ по ржⷭ҇твѣ̀ преѡчище́ннꙋ всю̀ чⷭ҇тꙋю, / и҆ ѡ҆чища́ѧй ѡ҆скверне́нный ѻ҆́бразъ. / тѣ́мже на і҆кѡ́нахъ соиз̾ѡбража́етсѧ тебѣ̀, / є҆стество́мъ бы́въ чл҃вѣ́къ, бг҃ъ сы́й є҆стество́мъ."
|
|
},
|
|
{
|
|
"type": "TEXT",
|
|
"value": "Катава́сїа: Ѻ҆́троки бл҃гочєсти́выѧ въ пещѝ / ржⷭ҇тво̀ бг҃оро́дичо сп҃сло̀ є҆́сть, / тогда̀ ᲂу҆́бѡ ѡ҆бразꙋ́емое: / ны́нѣ же дѣ́йствꙋемое, / вселе́ннꙋю всю̀ воздвиза́етъ пѣ́ти тебѣ̀: / гдⷭ҇а по́йте дѣла̀, / и҆ превозноси́те є҆го̀ во всѧ̑ вѣ́ки."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Оу҆жасе́сѧ ѡ҆ се́мъ нб҃о, / и҆ землѝ ᲂу҆диви́шасѧ концы̀, / ꙗ҆́кѡ бг҃ъ ꙗ҆ви́сѧ человѣ́кѡмъ пло́тски, / и҆ чре́во твоѐ бы́сть простра́ннѣйшее нб҃съ. / тѣ́мъ тѧ̀ бцⷣꙋ, / а҆́гг҃лѡвъ и҆ человѣ̑къ чинонача̑лїѧ велича́ютъ."
|
|
},
|
|
{
|
|
"type": "TEXT",
|
|
"value": "В е́лїй крѣ́постїю и҆ совѣ́томъ всѧ̑ содержа́й, / непостижи́ме є҆ди́не бж҃е, / держа́внѣйше всенача́льниче, всецр҃ю̀, / цр҃ковь ᲂу҆твердѝ, въ правосла́вїи твое́мъ соблюда́ѧ, / ѻ҆тцє́въ всесла́вныхъ, и҆з̾ѡблича́ющихъ ѕлосла́вїе, мольба́ми."
|
|
},
|
|
{
|
|
"type": "TEXT",
|
|
"value": "В ели́кихъ че́стей сподо́бистесѧ на землѝ, / нб҃омꙋ́дреннїи ст҃і́и, / ꙗ҆́кѡ хрⷭ҇то́во и҆з̾ѡбраже́нїе любе́знѡ почто́сте. / и҆ ны́нѣ сѣ́нь ѿложи́вше, и҆ покрыва́ло пло́ти, / самоли́чнѡ сего̀ въ лицѐ зритѐ, / и҆ бо́льшихъ сподоблѧ́еми."
|
|
},
|
|
{
|
|
"type": "TEXT",
|
|
"value": "Д а нака́жемсѧ всево́инствомъ ва́рварскагѡ безслове́сїѧ, / є҆́же попꙋсти́лъ є҆сѝ на ны̀: / тѣ́хъ стремле́нїе и҆ де́рзость са́мъ сокрꙋшѝ, / и҆ вѣ̑рнымъ спобо́рствꙋй, надѣ́ющымсѧ на тѧ̀, вседѣ́телю, / бл҃годерзнове́нными моли́твами ст҃ы́хъ ѻ҆ц҃ъ, / и҆́хже соверша́емъ па́мѧть."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Разꙋмѣ́ти та́йнꙋ стра́шнагѡ твоегѡ̀ ржⷭ҇тва̀ / ника́коже мо́жетъ ᲂу҆́мъ человѣ́ческїй, но нижѐ а҆́гг҃льскїй высокоꙋ́мный: / ꙗ҆́кѡ бг҃а ты̀ родила̀ є҆сѝ воплоще́ннаго па́че є҆стества̀. / тѣ́мъ тѧ̀ бцⷣꙋ вѣ́дꙋще, и҆ со ѻ҆́нѣмъ написꙋ́юще, велича́емъ."
|
|
},
|
|
{
|
|
"type": "TEXT",
|
|
"value": "Катава́сїа: Всѧ́къ земноро́дный / да взыгра́етсѧ дх҃омъ просвѣща́емь, / да торжествꙋ́етъ же безпло́тныхъ ᲂу҆мѡ́въ є҆стество̀, / почита́ющее сщ҃е́нное торжество̀ бг҃омт҃ре, / и҆ да вопїе́тъ: / ра́дꙋйсѧ всебл҃же́ннаѧ / бцⷣе, чⷭ҇таѧ приснодв҃о."
|
|
},
|
|
{
|
|
"type": "HEADER",
|
|
"value": "Свѣти́ленъ воскрⷭ҇нъ. Сла́ва, ѻ҆ц҃є́въ. Поⷣ: Дх҃омъ во ст҃и́лищи:"
|
|
},
|
|
{
|
|
"type": "TEXT",
|
|
"value": "Ѻ҆ ц҃ы̀ нб҃омꙋ́дреннїи, на седмо́мъ собо́рѣ собра́вшїисѧ, / моли́твꙋ прилѣ́жнꙋ трⷪ҇цѣ принеси́те, / є҆́же и҆зба́витисѧ ѿ всѧ́кїѧ є҆́реси и҆ сꙋда̀ вѣ́чнагѡ, / црⷭ҇твїе же полꙋчи́ти на́мъ нбⷭ҇ное, / ва́шъ собо́ръ бжⷭ҇твенный воспѣва́ющымъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ: Мольба́ми, преблагі́й гдⷭ҇и, мт҃ре твоеѧ̀, / и҆ и҆̀же на седмѝ собо́рѣхъ собра́вшихсѧ ѻ҆ц҃є́въ, / цр҃ковь ᲂу҆твердѝ и҆ вѣ́рꙋ ᲂу҆крѣпѝ: / и҆ црⷭ҇твїѧ нбⷭ҇нагѡ всѧ̑ покажѝ прича́стники, / є҆гда̀ прїи́деши на зе́млю сꙋди́ти всю̀ тва́рь."
|
|
},
|
|
{
|
|
"type": "TEXT",
|
|
"value": "[Зрѝ] Воскре́снагѡ же свѣти́льна бг҃оро́диченъ не глаго́летсѧ, но ѻ҆ц҃є́въ."
|
|
},
|
|
{
|
|
"type": "HEADER",
|
|
"value": "На хвали́техъ стїхи̑ры воскрⷭ҇ны д҃, и҆ ѻ҆ц҃є́въ д҃. Гла́съ ѕ҃. Подо́бенъ: Всѐ ѿло́жше:"
|
|
},
|
|
{
|
|
"type": "TEXT",
|
|
"value": "В сѐ собра́вше дꙋше́вное хꙋдо́жество, / и҆ бжⷭ҇твеннымъ дх҃омъ разсмотри́вше, / нбⷭ҇ный и҆ честны́й сѷмво́лъ вѣ́ры / честні́и ѻ҆тцы̀ бг҃опи́санїѣ начерта́ша: / въ не́мже ꙗ҆́вственнѣйше, / ро́ждшемꙋ собезнача́льнаго сло́ва наꙋча́ютъ / и҆ всеи́стиннѡ є҆диносꙋ́щнаго, / а҆пⷭ҇льскимъ послѣ́дꙋюще проѧвле́ннѡ ᲂу҆че́нїємъ, / благосла́внїи и҆ пребога́тїи и҆́стиннѡ и҆ / бг҃омꙋ́дрїи. [Два́жды.]"
|
|
},
|
|
{
|
|
"type": "TEXT",
|
|
"value": "Сті́хъ: Бл҃гослове́нъ є҆сѝ, гдⷭ҇и бж҃е ѻ҆тє́цъ на́шихъ, / и҆ хва́льно и҆ просла́влено и҆́мѧ твоѐ во вѣ́ки."
|
|
},
|
|
{
|
|
"type": "TEXT",
|
|
"value": "В сѐ прїе́мше ᲂу҆́мное сїѧ́нїе ст҃а́гѡ дх҃а, / преесте́ственнѣйшее благосло́вїе / кра́ткими глагѡ́лы и҆ мно́гимъ ра́зꙋмомъ, / бг҃одꙋхнове́ннѡ провѣща́ша. / ꙗ҆́кѡ хрⷭ҇то́вы проповѣ̑дницы, / є҆ѵⷢ҇льскихъ предста́телїе ᲂу҆че́нїй, блаже́ннїи, / и҆ благочести́выхъ преда́нїй, / свы́ше прїе́мше си́хъ ѿкрове́нїе ꙗ҆́вѣ / и҆, просвѣ́щшесѧ, и҆зложи́ша вѣ́рꙋ бг҃онаꙋче́ннꙋю."
|
|
},
|
|
{
|
|
"type": "TEXT",
|
|
"value": "Сті́хъ: Собери́те є҆мꙋ̀ / прпⷣбныѧ є҆гѡ̀."
|
|
},
|
|
{
|
|
"type": "TEXT",
|
|
"value": "В сѐ собра́вше па́стырское и҆скꙋ́сство, / и҆ ꙗ҆́рость подви́гше ны́нѣ пра́веднѣйшꙋю, / ѿмсти́тельнѣ тѧ̑жкїѧ ѿгла́ша и҆ па́гꙋбныѧ во́лки, / пра́щею дх҃а и҆зве́ргше ѿ церко́внагѡ и҆сполне́нїѧ, / па́дшыѧ ꙗ҆́кѡ къ сме́рти, / и҆ ꙗ҆́кѡ неисцѣ́льнѡ недꙋ́говавшыѧ, / бжⷭ҇твеннїи па́стырїе, / ꙗ҆́кѡ рабѝ и҆́стиннѣйшїи хрⷭ҇то́вы, / и҆ бжⷭ҇твеннагѡ проповѣ́данїѧ таи́нницы свѧще́ннѣйшїи."
|
|
},
|
|
{
|
|
"type": "HEADER",
|
|
"value": "Сла́ва, гла́съ и҃. Геѡ́ргїа нїкомиді́йскагѡ:"
|
|
},
|
|
{
|
|
"type": "TEXT",
|
|
"value": "С т҃ы́хъ ѻ҆тцє́въ ли́къ / ѿ конє́цъ вселе́нныѧ сте́кшїйсѧ, / ѻ҆ц҃а̀, и҆ сн҃а, и҆ дх҃а ст҃а́гѡ, / є҆ди́но сꙋщество̀ наꙋчи́ша, и҆ є҆стество̀: / и҆ та́йнꙋ бг҃осло́вїѧ ꙗ҆́снѡ преда́ша цр҃кви, / и҆̀хже, похвалѧ́юще вѣ́рою, ᲂу҆блажи́мъ, глаго́люще: / ѽ бжⷭ҇твенный по́лче, / бг҃оглаго́ливїи ѻ҆рꙋ̑жницы ѡ҆полче́нїѧ гдⷭ҇нѧ: / ѕвѣ́зды многосвѣ́тлыѧ мы́сленныѧ тве́рди: / та́инственнагѡ сїѡ́на неѡбори́мїи столпѝ: / мѷродохнове́ннїи цвѣ́ти ра́йстїи: / всезлата́ѧ ᲂу҆ста̀ сло́ва: / нїке́йскаѧ похвало̀: вселе́нныѧ ᲂу҆краше́нїе. / прилѣ́жнѡ мо́литсѧ ѡ҆ дꙋша́хъ на́шихъ."
|
|
},
|
|
{
|
|
"type": "TEXT",
|
|
"value": "И҆ ны́нѣ, Преблгⷭ҇ве́нна є҆сѝ бцⷣе дв҃о: Славосло́вїе вели́кое. И҆ ѿпꙋ́стъ."
|
|
},
|
|
{
|
|
"type": "TEXT",
|
|
"value": "И҆ ѻ҆бы́чное и҆схожде́нїе въ притво́ръ. Сла́ва, и҆ ны́нѣ, стїхи́ра є҆ѵⷢ҇льскаѧ."
|
|
},
|
|
{
|
|
"type": "HEADER",
|
|
"value": "На лїтꙋргі́и."
|
|
},
|
|
{
|
|
"type": "TEXT",
|
|
"value": "Блажє́нна воскрє́сна, на ѕ҃. И҆ ѻ҆ц҃є́въ, пѣ́снь г҃-ѧ на д҃."
|
|
},
|
|
{
|
|
"type": "HEADER",
|
|
"value": "По вхо́дѣ тропа́рь воскрⷭ҇нъ, и҆ ѻ҆ц҃є́въ, гла́съ и҃:"
|
|
},
|
|
{
|
|
"type": "TEXT",
|
|
"value": "П репросла́вленъ є҆сѝ, хрⷭ҇тѐ бж҃е на́шъ, / свѣти̑ла на землѝ ѻ҆тцы̀ на́ши ѡ҆снова́вый / и҆ тѣ́ми ко и҆́стиннѣй вѣ́рѣ всѧ̑ ны̀ наста́вивый, / многобл҃гоꙋтро́бне, сла́ва тебѣ̀."
|
|
},
|
|
{
|
|
"type": "HEADER",
|
|
"value": "Та́же конда́къ воскрⷭ҇нъ: Сла́ва, ѻ҆ц҃є́въ, гла́съ ѕ҃. Подо́бенъ: Рꙋкопи́саннагѡ:"
|
|
},
|
|
{
|
|
"type": "TEXT",
|
|
"value": "И҆́ же и҆зъ ѻ҆ц҃а̀ возсїѧ́въ, сн҃ъ неизрече́ннѡ / и҆зъ жены̀ роди́сѧ, сꙋгꙋ́бъ є҆стество́мъ, / є҆го́же ви́дѧще, не ѿмета́емсѧ зра́ка и҆з̾ѡбраже́нїѧ, / но сїѐ благоче́стнѡ начерта́юще, / почита́емъ вѣ́рнѡ. / и҆ сегѡ̀ ра́ди и҆́стиннꙋю вѣ́рꙋ цр҃ковь держа́щи, / лобыза́етъ і҆кѡ́нꙋ вочл҃вѣ́ченїѧ хрⷭ҇то́ва."
|
|
},
|
|
{
|
|
"type": "TEXT",
|
|
"value": "И҆ ны́нѣ, бцⷣы."
|
|
},
|
|
{
|
|
"type": "HEADER",
|
|
"value": "Прокі́менъ пре́жде воскрⷭ҇нъ: та́же, пѣ́снь ѻ҆ц҃є́въ, гла́съ д҃:"
|
|
},
|
|
{
|
|
"type": "TEXT",
|
|
"value": "Б л҃гослове́нъ є҆сѝ, гдⷭ҇и бж҃е ѻ҆тє́цъ на́шихъ, / и҆ хва́льно и҆ просла́влено и҆́мѧ твоѐ во вѣ́ки. Сті́хъ: Ꙗ҆́кѡ пра́веденъ є҆сѝ ѡ҆ всѣ́хъ, ꙗ҆̀же сотвори́лъ є҆сѝ на́мъ."
|
|
},
|
|
{
|
|
"type": "HEADER",
|
|
"value": "А҆пⷭ҇лъ днѐ, и҆ ѻ҆ц҃є́въ, къ є҆вре́ѡмъ зача́ло тл҃д."
|
|
},
|
|
{
|
|
"type": "TEXT",
|
|
"value": "Б ра́тїе, помина́йте наста́вники ва́шѧ, и҆̀же глаго́лаша ва́мъ сло́во бж҃їе: и҆́хже взира́юще на сконча́нїе жи́тельства, подража́йте вѣ́рѣ и҆́хъ. і҆и҃съ хрⷭ҇то́съ, вчера̀ и҆ дне́сь, то́йже и҆ во вѣ́ки. въ наꙋчє́нїѧ стра́нна и҆ разли́чна не прилага́йтесѧ: добро́ бо бл҃года́тїю ᲂу҆твержа́ти сердца̀, а҆ не бра́шны, ѿ ни́хже не прїѧ́ша по́льзы ходи́вшїи въ ни́хъ. и҆́мамы же ѻ҆лта́рь, ѿ негѡ́же не и҆́мꙋтъ вла́сти ꙗ҆́сти слꙋжа́щїи сѣ́ни. и҆́хже бо кро́вь живо́тныхъ вно́ситсѧ во ст҃а̑ѧ за грѣхѝ первосщ҃е́нникомъ, си́хъ тѣлеса̀ сжига́ютсѧ внѣ̀ ста́на. тѣ́мже і҆и҃съ, да ѡ҆свѧти́тъ лю́ди свое́ю кро́вїю, внѣ̀ вра́тъ пострада́ти и҆зво́лилъ. тѣ́мже ᲂу҆́бѡ да и҆схо́димъ къ немꙋ̀ внѣ̀ ста́на, поноше́нїе є҆гѡ̀ носѧ́ще. не и҆́мамы бо здѣ̀ пребыва́ющагѡ гра́да, но грѧдꙋ́щагѡ взыскꙋ́емъ. тѣ́мъ ᲂу҆̀бо прино́симъ же́ртвꙋ хвале́нїѧ вы́нꙋ бг҃ꙋ, си́рѣчь пло́дъ ᲂу҆сте́нъ и҆сповѣ́дающихсѧ и҆́мени є҆гѡ̀. бл҃готворе́нїѧ же и҆ ѻ҆бще́нїѧ не забыва́йте: таковы́ми бо же́ртвами благоꙋгожда́етсѧ бг҃ъ."
|
|
},
|
|
{
|
|
"type": "HEADER",
|
|
"value": "А҆ллилꙋ́їа гла́са, и҆ ѻ҆ц҃є́въ, гла́съ а҃."
|
|
},
|
|
{
|
|
"type": "TEXT",
|
|
"value": "Сті́хъ: Бг҃ъ богѡ́въ гдⷭ҇ь гл҃го́ла, и҆ призва̀ зе́млю ѿ востѡ́къ со́лнца до за̑падъ. Сті́хъ: Собери́те є҆мꙋ̀ прпⷣбныѧ є҆гѡ̀, завѣща́ющыѧ завѣ́тъ є҆гѡ̀ ѡ҆ же́ртвахъ."
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе днѐ, и҆ ѻ҆ц҃є́въ, і҆ѡа́нна зача́ло н҃ѕ."
|
|
},
|
|
{
|
|
"type": "TEXT",
|
|
"value": "В о вре́мѧ ѻ҆́но, возведѐ і҆и҃съ ѻ҆́чи своѝ на нб҃о, и҆ речѐ: ѻ҆́ч҃е, прїи́де ча́съ: просла́ви сн҃а твоего̀, да и҆ сн҃ъ тво́й просла́витъ тѧ̀: ꙗ҆́коже да́лъ є҆сѝ є҆мꙋ̀ вла́сть всѧ́кїѧ пло́ти, да всѧ́ко є҆́же да́лъ є҆сѝ є҆мꙋ̀, да́стъ и҆̀мъ живо́тъ вѣ́чный. се́ же є҆́сть живо́тъ вѣ́чный, да зна́ютъ тебѐ є҆ди́наго и҆́стиннаго бг҃а, и҆ є҆го́же посла́лъ є҆сѝ і҆и҃съ хрⷭ҇та̀. а҆́зъ просла́вихъ тѧ̀ на землѝ: дѣ́ло соверши́хъ, є҆́же да́лъ є҆сѝ мнѣ̀ да сотворю̀. и҆ ны́нѣ просла́ви мѧ̀ ты̀ ѻ҆́ч҃е ᲂу҆ тебѐ самагѡ̀ сла́вою, ю҆́же и҆мѣ́хъ ᲂу҆ тебѐ пре́жде мі́ръ не бы́сть. ꙗ҆ви́хъ и҆́мѧ твоѐ человѣ́кѡмъ, и҆̀хже да́лъ є҆сѝ мнѣ̀ ѿ мі́ра: твоѝ бѣ́ша, и҆ мнѣ̀ и҆̀хъ да́лъ є҆сѝ, и҆ сло́во твоѐ сохрани́ша. ны́нѣ разꙋмѣ́ша, ꙗ҆́кѡ всѧ̑, є҆ли̑ка да́лъ є҆сѝ мнѣ̀, ѿ тебѐ сꙋ́ть: ꙗ҆́кѡ глаго́лы, и҆̀хже да́лъ є҆сѝ мнѣ̀, да́хъ и҆̀мъ: и҆ ті́и прїѧ́ша, и҆ разꙋмѣ́ша вои́стиннꙋ, ꙗ҆́кѡ ѿ тебѐ и҆зыдо́хъ, и҆ вѣ́роваша, ꙗ҆́кѡ ты́ мѧ посла̀. а҆́зъ ѡ҆ си́хъ молю̀: не ѡ҆ все́мъ мі́рѣ молю̀, но ѡ҆ тѣ́хъ, и҆̀хже да́лъ є҆сѝ мнѣ̀, ꙗ҆́кѡ твоѝ сꙋ́ть. и҆ моѧ̑ всѧ̑, твоѧ̑ сꙋ́ть: и҆ твоѧ̑, моѧ̑: и҆ просла́вихсѧ въ ни́хъ. и҆ ктомꙋ̀ нѣ́смь въ мі́рѣ, и҆ сі́и въ мі́рѣ сꙋ́ть, и҆ а҆́зъ къ тебѣ̀ грѧдꙋ̀. ѻ҆́ч҃е ст҃ы́й, соблюдѝ и҆̀хъ во и҆́мѧ твоѐ, и҆̀хже да́лъ є҆сѝ мнѣ̀, да бꙋ́дꙋтъ є҆ди́но, ꙗ҆́коже и҆ мы̀. є҆гда̀ бѣ́хъ съ ни́ми въ мі́рѣ, а҆́зъ соблюда́хъ и҆̀хъ во и҆́мѧ твоѐ: и҆̀хже да́лъ є҆сѝ мнѣ̀, сохрани́хъ, и҆ никто́же ѿ ни́хъ поги́бе, то́кмѡ сы́нъ поги́бельный, да сбꙋ́детсѧ писа́нїе. ны́нѣ же къ тебѣ̀ грѧдꙋ̀, и҆ сїѧ̑ глаго́лю въ мі́рѣ да и҆́мꙋтъ ра́дость мою̀ и҆спо́лненꙋ въ себѣ̀."
|
|
},
|
|
{
|
|
"type": "HEADER",
|
|
"value": "Прича́стенъ:"
|
|
},
|
|
{
|
|
"type": "TEXT",
|
|
"value": "Х вали́те гдⷭ҇а съ нб҃съ, / хвали́те є҆го̀ въ вы́шнихъ. И҆ ѻ҆тцє́въ: Ра́дꙋйтесѧ, првⷣнїи, ѡ҆ гдⷭ҇ѣ: / пра̑вымъ подоба́етъ похвала̀. / А҆ ллилꙋ́їа, три́жды."
|
|
}
|
|
] |